هل جارك من حظك نصيب؟؟؟؟؟

[Mمرمورة]

الشيء الذي يُلفتُ النّظر في الأحاديث النبوية الشريفة أنّ النبي عليه الصلاة والسلام ربَط الإيمان كلّهُ بإكرام الجار، بل نفى عن الذي لا يأمنُ جارهُ أذاه نفى عنه الإيمان! إذًا كم هي علاقة هذا الخلق بالإيمان؟ علاقةٌ وشيجة، بل هي علاقة ترابطيّة فلو أُلغِيَت هذه الفضيلة لأُلغيَ الإيمان .
(( مَا زَالَ يُوصِينِي جِبْرِيلُ بِالْجَارِ حَتَّى ظَنَنْتُ أَنَّهُ سَيُوَرِّثُهُ))
أين نحن من هذا؟؟؟؟؟؟؟؟؟؟
إن الإسلام أخلاق، الإسلام قِيَم، الإسلام الْتِزام
كَمْ مِن رجلٍ هَجَرَ بيتهُ ضجرًا من جارهِ ؟ وكم من بيْتٍ بيعَ بنِصْف ثمنهِ ؟ فِرارًا من الجار ذي الأخلاق السيّئة
فكثيرا ما يقال خير الجار قبل الدار
كان لنا جار ماشاء الله
وتشاء الاقدار ان يرحل الجار الطيب ليسكن جار لا ادري كيف اصفه
ينظف امام بيته ويرمي البقايا امام منزل الجيران
ابناؤه كل مرة لديهم هواية
تربية الحمام على سطح المزل وانت جالس في فناء منزلك
لتستريح فتهب نسمة هواء خفيفة
بدل من شمها تجد بقايا ريش الحمام واشياء اخؤى
تنزل عليك
صراحة جار لا يحتمل
فهل فعلا جارك من حظك نصيب
سلام

[مريم الصابرة]

السلام عليكم اختي مرمورة
موضوع جميل جدا ورائع خليني نبرد قلبي
الحمد لله جيرانا الله يبارك هوما هوما من سنوات لا جيران جدد إلى جار سكن حديثا جا يرجب حظو واش نقولك إزعاج من النوع الرفيع يعنيز وجتو دير الغناء فالدار تقولي عرس كل الجيران يسمعو معاها وولادها وركزي هلى ولادها لانهم مش اولادو فالقيلولة واش نقولك الهنود الحمر ما نرقدو ما نعرفو رقاد ايا ختك مريم قالت لالا مريم رجعي مشاغبات نتاع بكري لازم نديرلهم هدة إما يرحلو إما يعقالو الاطفال هذوك واش نقولك رجعت القيلولة هايلة ماكان حتى حس عذاب الآخرة عذبتهم من نافدة دارنا نخوفهم واش نقولك يموتو بالخوف لو نسمعهم برك تحركو رجعتلهم كوشمار
اما الغناء فهنا حكيت معاها وخوفتها قتلها لما ديري الغنا هاكا معناها يقولو مراكيش محترمة ويشكو حتى فيه إنو مش زوجك وقادرين فالليل يدخلو عليكم السراقين والمنحرفين لانكم ما مديتوش الإحترام للجيران وخوفتها حتى هي وقتلها راجلك يخرج برا راهم ولاد الحومة ياكلوه إما تعدلو وتولو عاقلين كيما حنا إما تحملو النتائج أما منين جيتو رجعو والحمدلله راهم تسقمو الباقي والله روعة جيراني من سنوات
شكرا لك

[زهرة لرضوان]

شكرا على الموضوع القيم

[BAROUD]

هههههههه
جيران اخر زمن ..

يضحكوا

[نارينا]

الجيران منذ وفاة امي لم اعد احتك بهم الا نادرا عزائي في صديقات العمل وفي ربي اولا اما اين اسكن فالحي رغم كثرة ساكنيه الا انه منظم وهاديء

[hajer.joujou]

السلام عليكم .......................شكرا على موضوعك
والله يا اختي فالثمانينات (انا مازلت ما ازددتش) عاش اهلي مع جيران ماشااااااااااااااء الله الى الان ما زالوا جيران رغم ابتعادنا ..........ثم في 1992(عام ميلادي) انتقلنا الى مكان اخر و حقا وجدنا جيراننا اخيرين و نعم الجيران و عشنا مع بعض 20 سنة و شاءت الاقدار ان فارقناهم فاصابنا و اصابهم حزن عمييييييييييييييق و الى اليوم لم نتقبل اننا انتقلنا من ذاك المكان و لكننا مازلنا في اتصال دائم ........اما جيراننا الجدد واش نقولك..........كلام جارح و قلة ادب و بدون وعي منهم ........جيران يديرولك باراج فالطريق ذهابا و ايابا مع تحقيق طويل جدا ............واحسرتاه على جيران بكري.............و المفاجئة ان احدى جارات الثمانينات لم تلتقي بنا مدة 25 سنة و لم تعلم بانتقالنا و بوفاة والدي* رحمه الله* بالامس دقت باب بيتنا و يالها من فرحة الوالدة كانت فرحة لا توصف ................................هاذو هوما الجيران تاع الصح
في الاخير من اسباب العيش الهنيء الجار الصالح اللي تلقاه في السراء و الضراء

[*ثزيري*]

اما نحن لدينا جار زعما عقلية روامة لا يتكلم مع اي واحد
واذا توقفت سيارة ولو بالخطأ امام منزله يقيم الدنيا
ولا يقعدها كانه يبحبث عن المشاكل
اما البقية كل واحد حاكم دارو
بارك الله فيك على الموضوع القيم

[اقمار]

الله يعزكم جاوبوني
واش رايكم في جار مين تولي 11تاع الليل يبدا يجر في واش والله ما على بالي
في النهار ينشر الفراش و التابيات على الجار اللي تحته و مننين هدر الجار التحتاني و قالو عيب عليك يا جاري تنشر التابي علي هي حوشي .رد عليه :حسبي الله و نعم الوكيل ,و قالو تاني هاك الجار اللي وصى عليه ربي و النبي حتى ضنينا الجار التحتاني ظالم,
واش رايكم انتم شكون الظالم؟؟؟؟؟؟؟؟؟

[كلنا راحلون]

السلام عليكم اختي مرمورة واقع مر ومعاش اصبحنا نغلق الباب ولا مرحبا للجار وبلاها تكسار راس ووجع الخلايا .
سلام

[اقمار]

الله يعزكم جاوبوني
واش رايكم في جار مين تولي 11تاع الليل يبدا يجر في واش والله ما على بالي
في النهار ينشر الفراش و التابيات على الجار اللي تحته و مننين هدر الجار التحتاني و قالو عيب عليك يا جاري تنشر التابي علي هي حوشي .رد عليه :حسبي الله و نعم الوكيل ,و قالو تاني هاك الجار اللي وصى عليه ربي و النبي حتى ضنينا الجار التحتاني ظالم,
واش رايكم انتم شكون الظالم؟؟؟؟؟؟؟؟؟

[*ثزيري*]

المشاركة الأصلية كتبت بواسطة اقمار

الله يعزكم جاوبوني
واش رايكم في جار مين تولي 11تاع الليل يبدا يجر في واش والله ما على بالي
في النهار ينشر الفراش و التابيات على الجار اللي تحته و مننين هدر الجار التحتاني و قالو عيب عليك يا جاري تنشر التابي علي هي حوشي .رد عليه :حسبي الله و نعم الوكيل ,و قالو تاني هاك الجار اللي وصى عليه ربي و النبي حتى ضنينا الجار التحتاني ظالم,
واش رايكم انتم شكون الظالم؟؟؟؟؟؟؟؟؟

اختي اقمارباين بانه الظالم
ومادام اصبح مصدر ازعاج ليتفق سكان العمارة ويقدموا به شكوى
مادام اصبح يتمتع بازعاجكم

[ام ملاك.]

رانا في وقت صعيب اللي خاف سلم كيما يقولو
زمان الجار معروف منين اصلو ودرك كل يوم تلقاي قدامك جار جديد ماتعرفي واش يكون ولا منين جا
كي كنت في دارنا وبالذات كي كنا ساكنين عند جدي عندنا جيران قدم نتراوحو بيناتنا وواحد يلقى لاخر في اي وقت
وكي تزوجت ماخالطت حتى واحد ومانعرف شكون ساكن قدامي ولا شكون الفوق ولا التحت
كل واحد منين
وراجلي منبه علي مانخالطش وانا ثاني مانحبش نخاف المشاكل ونخاف اسرار بيتي تخرج وتشيع بين الجيران
وهذا كلو مانيش مخالطة وفي يوم واحدة من الجارات حبت تديرلي زكارة والمشاكل بسيف
عندهم هنا كل اسبوع او اسبوعين يسيقو الباطيمة حاجة مليحة يديروها
بصح انا عندي طفلة صغيرة انا في داري باش نسيق حتان ترقد باش نخدم الاز خاطرش تجريلي مور الما وتشمخ روحها وووو اللي عندو صغير في الدار راه فاهم قصدي
مرة طبطبولي بعثولي طفل صغير قلتلو مانقدرش راه عندي طفلة صغيرةنسيق ولا نعسها
راح قاللهم
زاد مرة اخرى جاتني عجوزة وقاتلي اخرجي تسيقي معانا قلتلها مانقدرش عني طفلة قاتلي مديها لباباها ضحكتني كي شغل راجلي قاعد هنا في الدار قلتلها راني وحدي بدات تاكل في روحها وتهدر غلقت بابي
ومرة اخرى ولاو يديرولي زكارة يدخلولي الما لداري ويلحق حتى لنص الدار يسيقو بالتويو والخبيط يخبطولي في بابي تقول عسكر بالفروطوار ومايروحوش من قدام داري حتى يديرو حالة بالهدرة
خرجتلهم قلتلهم علاش هاذ المنكر قاتلي واحدة اوبليجي نغسلو الحيوط؟؟؟؟؟
تخيلي الحيوط نتاع التحت في الباطيمة موسخين وجاية تغسل في الحيط قدام داري وزيد بالتويو ؟؟؟
ماشي هذا اذى اللي نهى عليه نبي الله؟
وولاو كل مايسيقو يدخلولي الما لداري وانا رفعت ايدي للسما وقلت حسبي الله ونعم الوكيل فيهم
ومرة خرجتلها نفس المراة قلتلها واش معناها قاتلي اخرجي تسيقي معانا قلتلها مانخرجش وخرجتلهم الما
ولات تهدر علي في الدروج للنسا كنت نسمع فيها بصح ماحبيتش نهدر معاها ولا حتى نعبرها
عيطت لراجلي قلتلو يهدر مع رجالتهم واش هاذ تمسخير لوكان كاين شي خيط نتاع التريسيتي في الارض لوكان كانت بنتي تلعب وطاحت تكسرت وانا مانتبهتش للما؟؟؟
بعدها بيوم راجل من الباطيمة بالاك راجلها حكم راجلي زعما يشتكيلو قالو راجلي راه عندي طفلة صغيرة اذا حبيتو مرتي تسيق نعطيلكم بنتي تشدوها بصح اذا كاش ماصرالها لبنتي راني مانتفاهمش معاكم قالو لالا اللي يربي مانهدروش عليها
وبعد ايام بعد التسياق والله وانا هابطة نشري نلقى نفس المراة التحت وهي وراجلها وولادها واقفين مافهمتش علاش كي جيت مولية نشوفهم يهدرو على طونوبيل نتاعهم مانعرف شكون كسرلهم الباربريز
من يومها عرفت بللي عدالة ربي الله يمهل ولا يهمل الى يومنا هذا ولات كي تسيق والله مانسمعش صوتهم حتان نلقى الدنيا مسيقة
كيفاش جيران كيما هذو الواحد يخالطهم اذا هوما مايحسنوش عون الواحد ؟؟
هذي عينة من جيران اليوم اذا شافو الواحدة ماتخالطش هذا واش يديرو
على كل مانجملش يعني مش الكل لكن وقتنا هذا الواحد قد مايبعد احسن ويشد دارو خير
شكرا لصاحب الموضوع راني حكيتلك قصة حياتي هههه

[نورسين.داية]

صدقيني يوجد البعض إذا فتحتي له الباب غير شوي ...........ظن أنكي فتحته على مصرعيه ......و تتحول منزلك مرة الى حضانة و مرة طاكسفون و مرة لأن السوق قريب ليك لازم تقيس اللبسة لي شراتها عندك .رغم ان منزلها قريب منكي ...ليس لديها ثقة في صاحب المحل ...و مرة .Porte-bagage. و مرة و هاذي الأحدث وحدة خوها شافها في السوق دخلت لعندنا حتى يعتقد أن التي شببها هي من منزل آخر .................و يعني في آخر المطاف منزلك سوف يتحول على مكتب متعدد الخدمات

أنا شخصيا لا جار ولا و لود عمو ...................الله إسهل

[pro24]

ويبقى المثل الرائع فالجار قبل الدار
ربي يحفظنا

[Mمرمورة]

شكرا لكم جميعا على ردودكم القيمة
شكرا جزيلا