معجون التباسا

نور اليقين 80 · 2011-10-04, 10:05

السلام عليكم هذه أول مشاركة لي أعجبت كثيرا بهذا المنتدى .
عندي مدة و أنا أبحث عن وصفة معجون التباسا . الي عندها الوصفة تفيدني بها . و شكرا مسبقا .

sofiane2075 · 2011-10-04, 11:18

معجون السفرجل
نظفي السفرجل مليح تحبي تقشريه او تخليه بقشورو فوريه
ل2كيلو و نصف سفرجل حطي 2 كيلو سكر و فاني
فوريه حتى يطيب مليح ارحيه و ضيفيلو السكر و ضعيه في طنجرة الاحسن تكون تقيلة حركي باستمرار باش ما يتحرقش و على نار قليلة حتى يبدا و يبدا يتشكل متل كرة

مدة الطهي من 10 الى 15 د فرغي السفرجل في ورق سيلفيريزي
قطعي معينات و رمديهم في السكر و هادا اختياري

تقدري تعمليه بالتفاح او الاجاص او الاتنين معا

bassamat · 2011-10-04, 11:34

اختى نقى السفرجل و قطعيه و فوريه ومن يعد ارحيه و كيلى كل كيلة تع سفرجل بكيلتين تع سكر وزيدى عصير قارصة ومن بعد حطيها فوق النار و حركى مليح بمغرف لوح كى يبدا الخليط يتنح من الكسرونة نحيه من النار و من يعد صبيه فى سينية اوصحن كبير يكون مغلف بورق الزبدة باش يسهل عليك التقلاب
بعد اربعة ايام قصيه مربعات ماتنسايش خلطى السكر مع سكر فانى و ذرذريه من تحتو اقلبى ومن فوق قبل القصان

*أم كوثر* · 2011-10-04, 13:24

الف شكر لكن

نور اليقين 80 · 2011-10-04, 14:29

شكرا لكي يا أختي بسمات إن شاء الله نجربها هذا الأسبوع . لكن لدي إستفسار التفاح و الإجاص ما يجمدش . و هل ممكن نقطعو في نفس اليوم .

نور اليقين 80 · 2011-10-04, 14:34

شكرا لكي أخت sofiane 2075

ام إثري · 2011-10-04, 14:40

يعطيكم الصحة على الطريقة لعام اللي فات تمدلي السفرجل ماعرفتش واش ندير بيه
ان شاء الله نجرب الوصفة تاعكم راها تبان بنينة

bassamat · 2011-10-04, 14:54

اقتباس:

المشاركة الأصلية كتبت بواسطة نور اليقين 80

شكرا لكي يا أختي بسمات إن شاء الله نجربها هذا الأسبوع . لكن لدي إستفسار التفاح و الإجاص ما يجمدش . و هل ممكن نقطعو في نفس اليوم .

اختى شكرا بارك الله فيك
السفرجل ايبس منهم بعنى يتحمل
ما طيشيش النوى حطيهم معاهم ومن يعد نحيهم
من الاحسن على الاقل48 راه فى التقطاع يجيك مريقل واذا طيبتى بفاكهة اخرى نسموها
pÂte de fruit ا

sofiane2075 · 2011-10-04, 16:04

اقتباس:

المشاركة الأصلية كتبت بواسطة *أم كوثر*

الف شكر لكن

لعفو اختي ام كوتر

sofiane2075 · 2011-10-04, 16:10

اقتباس:

المشاركة الأصلية كتبت بواسطة نور اليقين 80

شكرا لكي أخت sofiane 2075

العفو اختي انا جربتو من قبل و الوصفة كانت للسيدة رزقي و تقدري تعملي الجولي بالماء لي تصفيه و تكيلي كيلة ماء و كيلة سكر و الالنواة لي داخل اي فاكهة ماترميهمش ديريهم في قطعة قماش ابيض و اربطيها و حطيها في الما لي تطيبي فيه الفاكهة

ادا حبيتي تعرفي اكتر لان الروابط ممنوعة ادخلي لقوقل و اكتبي recette pate de coing ن شاء الله تلقاي وصفات اكتر و بالتوفيق

sofiane2075 · 2011-10-04, 16:15

اقتباس:

المشاركة الأصلية كتبت بواسطة ام إثري

يعطيكم الصحة على الطريقة لعام اللي فات تمدلي السفرجل ماعرفتش واش ندير بيه
ان شاء الله نجرب الوصفة تاعكم راها تبان بنينة

اختي ديري بيه مربى رائع بجي قطع او مرحي و هو صحي و لمعلوماتك ينفع المراة الحامل و و سمعت بلي المراة الحامل ادا اكلت من السفرجل بعد ما تضرب حبة في الحائط تتقسم و تاكل منها يخرجو اولادها شابين متل ابنك ربي يحفظه لك

ما تستعملش الموس و ينفع للغتيان ايضا

نور اليقين 80 · 2011-10-05, 10:59

عند خلط السكر و السفرجل هل نضيف الماء ديالو. أريد أن أعرف أيضا هل نضيف له الملون للحصول على اللون البرتقالي .

sofiane2075 · 2011-10-05, 11:20

اقتباس:

المشاركة الأصلية كتبت بواسطة نور اليقين 80

عند خلط السكر و السفرجل هل نضيف الماء ديالو. أريد أن أعرف أيضا هل نضيف له الملون للحصول على اللون البرتقالي .

ادا كنت رايحة تديريه معجون التباسا حطي السفرجل مرحي مع السكر فقط لا تضيفي الماء و تحركي حتى ينشف خلاص اما ادا طيبتي مربى صفي الماء تم كيلي و طيبي فيه و لا تضعي ملون هو يصير لونه هكد بعد الطياب

Ingrédients:
• 1 kg de coings bien mûrs
• 400 g de sucre blanc
• 400 g de sucre roux
• un peu de sucre cristal (à confiture)
• 1 kg de pommes
• 1 citron
• 3 verres d'eau (60 cl)
Préparation:
Couper les coings, les pommes en petits quartiers.

Mettre les fruits dans une casserole avec le jus du citron, 3 verres d'eau (60 cl) + les sucres.
Laisser cuire 1 h à 1 h30 (il ne doit plus rester beaucoup de liquide).
Ajouter un parfum : fleur d'oranger, vanille, caramel...
remuer et passer le tout au moulin à légumes.
On obtient une pâte, la laisser égoutter 1 nuit dans un égouttoir, qu'elle soit sèche! (on peut garder le jus et y ajouter de la gélatine, cela fait une délicieuse gelée!).
Etendre la pâte sur une plaque préalablement recouverte de sucre cristal.
Découper à sa guise et saupoudrer de sucre cristal, laisser sécher 1 mois.
Se conserve dans une boîte en métal.

/زهرة عصفور الجنة/ · 2011-10-05, 11:48

معجون الاجاص.1كلغ اجاص مقشر منزوع النواة مقطع الى 4انصافمنقوع في ماء مع عصير ليمونة.1كلغ سكر .نصف لتر ماء.نضع الماء يغلي نضيف له السكر بمجرد الغليان ننقص مندرجة النار نحسب 15 د نضيف الاجاص نتركه يغلي بعدها ننقص من النار نتركه يطهى حوالي 25 د حتى يتماسك قوامه

دكتورة بإذن الله · 2012-07-05, 10:02

اقتباس:

المشاركة الأصلية كتبت بواسطة sofiane2075

معجون السفرجل
نظفي السفرجل مليح تحبي تقشريه او تخليه بقشورو فوريه
ل2كيلو و نصف سفرجل حطي 2 كيلو سكر و فاني
فوريه حتى يطيب مليح ارحيه و ضيفيلو السكر و ضعيه في طنجرة الاحسن تكون تقيلة حركي باستمرار باش ما يتحرقش و على نار قليلة حتى يبدا و يبدا يتشكل متل كرة

مدة الطهي من 10 الى 15 د فرغي السفرجل في ورق سيلفيريزي
قطعي معينات و رمديهم في السكر و هادا اختياري

تقدري تعمليه بالتفاح او الاجاص او الاتنين معا

بارك الله فيك