راح نموت من القهر 2

مشكلتي · 2013-08-12, 16:41

https://www.djelfa.info/vb/showthread.php?t=1386905

السلام علييكم
حسبي الله و نعم الوكيل في الي ضحك و اتهمني بالطمع ................................
شكون الي قال بلي رانا مزعين من راجل الخت
راجل الخت راه يتمتع و ماناش مدخلين روحنا مع العلم انو ختي باش قرات حنا كنا نتعشاو بالحمص المطبوخ باش هي تقدر تقرى في بلاد الغربة الشيباني ماكاش عندو . و لكن قلنا معليهش
بصح الي غايضتني افهموني الي غايضتني هادو الشباب الي ماشي فايتين العشرين كانو في دار ختي و الدار فارغة
واش كانو يديرو ؟
راجل ختي عطى لمفاتح لبن خالي عندو 32 عام و قالو الدار امانة عندك
هاذي هي الامانة ؟
الشيبانية قاتلي ماتقولوش لختك بلي كانو في الدار وحدهم حتى بن خالي ماكاش معاهم
عطالهم المفتاح باش يروحو يقعدو وحدهم
يا ناس راها دار ختي و دار راجلها و فيها حرمتهم هادي ماهيش امانة ?
و زيد نعاود و نقول راهم شباب طايش
و ثبتت عليهم السرقة في اماكن اخرى و مانيش حابة نقول راجل ختي بلي راهم شباب خاطي

بن خالي هدا الي عندو 32 عام هدر على الشيباني و هو ميت بالسوء باش يكره راجل ختي فينا و فعلا نجح
حرم دارنا و حرم ختي من دار باباها و اعتبر مرة خالي هي نسيبتو و يروح يقبل عليها الاعياد و المناسبات و الشيبانية لالا
و ظروك خطيب اختي دارو بيه و لا يعرضو فيه و يحكيلو علينا بالسوء
حطو رواحكم في محلي قولولي تقبلوها ?

و نزيدكم انا فتاة ماشي فتى منقدرش نلعب لعبهم
و حنا الشيباني ميت و ماكاش الخو حنا بات برك

العهد الرائع · 2013-08-12, 18:03

يا اختي راكي غضتيني لانك ماعندكش راجل في الدار و انا نقولك ما عندك ما ديري و هاذي حقرة
راهم يحقرو فيكم لانو ماكاش راجل يرد عليهم
و لكن تذكري حاجة
باب ربي ما عليه بواب و ظل ربي واسع لكل المومنين
ادعي ربي يبعد عليكم هاو الناس
و شوفي ختك باينة بلي بايعتكم يمالا بيعيها انت تاني
في الاتحاد قوة و في التفرق الضعف و بما انها اختارات انها توقف معاهم و تزيد تحقركم و هذا باين من حكاية الزربية
يعني راكي تقولي بنات برك اكيد نا تقدريش ترفدي زربية و حدك و زوج اختك خلاك تعومي بحرك
انا كون جيت منكم توقفي انتي و امكم و خوتاتك وقفة واحدة و تولو ايد واحدة و تدو موقف من كامل هادو الناس من الي هدر عيليكم و على الوالد من اولاد خالك لحتى رااجل ختك لختك في حد ذاتها
لانو مع كل احتراماتي ختك ماعدهاش النيف لانو كون جا عدها النيف متسمح ختى واحد يهدر على ابوها بالسوء و هو ميت و خصوصا انو باين انكم عائلة فقيرة و دار المستحيل باش قراها معناتها ختك ماشي ثامر فيها الخير
تقبلي مروري و خليكم ايد واحدة و ربي المستعان

بلسم غرام2018 · 2013-08-12, 18:10

اقتباس:

المشاركة الأصلية كتبت بواسطة العهد الرائع

يا اختي راكي غضتيني لانك ماعندكش راجل في الدار و انا نقولك ما عندك ما ديري و هاذي حقرة
راهم يحقرو فيكم لانو ماكاش راجل يرد عليهم
و لكن تذكري حاجة
باب ربي ما عليه بواب و ظل ربي واسع لكل المومنين
ادعي ربي يبعد عليكم هاو الناس
و شوفي ختك باينة بلي بايعتكم يمالا بيعيها انت تاني
في الاتحاد قوة و في التفرق الضعف و بما انها اختارات انها توقف معاهم و تزيد تحقركم و هذا باين من حكاية الزربية
يعني راكي تقولي بنات برك اكيد نا تقدريش ترفدي زربية و حدك و زوج اختك خلاك تعومي بحرك
انا كون جيت منكم توقفي انتي و امكم و خوتاتك وقفة واحدة و تولو ايد واحدة و تدو موقف من كامل هادو الناس من الي هدر عيليكم و على الوالد من اولاد خالك لحتى رااجل ختك لختك في حد ذاتها
لانو مع كل احتراماتي ختك ماعدهاش النيف لانو كون جا عدها النيف متسمح ختى واحد يهدر على ابوها بالسوء و هو ميت و خصوصا انو باين انكم عائلة فقيرة و دار المستحيل باش قراها معناتها ختك ماشي ثامر فيها الخير
تقبلي مروري و خليكم ايد واحدة و ربي المستعان

نعم معاك
لكن متتخلوش على اختكم بل حاولوا معاها بالدعاء
وواكيد ربي راح يبينلها الحق
وانتي عليك بوالدتك تهلاي فيها

rafik__87 · 2013-08-12, 20:33

واش نقول ختي ربي يهديهم
بالنسبة لختك هي دراهمها هي وراجلها ومتعمريش راسك بيهم لانوا هكاك تتعبي بزاف دراهمها ودارها تتسرق تتخرب تتنهب ياك مش دارك خليهم ربي يسهل عليهم وزيد ختك دات موقف

اقتباس:

بن خالي و لا يحكي على الشيباني بهدرة قاسية بزاف
راه كان داير راه كاين عمال و الشيباني متوفي حتان راجل ختي و لا ما يجيناش و كي يشوفنا يبدل الطريق و يقول لختي راهم قالولي و قالولي ولاد خالك
حنا دابزنا معاهم و ماما قالت لختي يا انا يا هما
قاتلهها مانبيعش راجلي و هادو شادين راجلي من ايد الي توجعوا الي هي الخدمة

يعني وش تعملي ولو بصدق نية تباني راكي تشعلي في النار وتكوني في نظر الجميع نتي مش مليحة
وانا من راي امك كي تشوفيهم متعيطي لختك متقوليلها صرا متقوليلها دخلوا متقولي خرجوا
راجل ختك وختك مداروش حرمة لباباك وهو ميت وخلاو بن خالك يهدر عليه وعلاش نتي تحوسوا على حرمة بيتهم والا امانتهم .
نصيحة ختي نتي ويماك متقصدوش ختكم والا راجلها في حتى خدمة مهما كانت صغيرة والا كبيرة وخلي عندك عزة نفس وتتمرمدي والا مزية الهم ولو كان من الاخت وقضية يجي يقبل في العيد والا في المناسبة ربي يسهل عليه الي جا الدار مفتوحة والي مجاش مش تجيبوه بالدراع

العهد الرائع · 2013-08-13, 08:43

فعلا كيما قال لاخ وليد
اختك ماشافتش حرمة ابوها , يمالا خلاص شوفي حياتك

*أمة الله* · 2013-08-13, 13:53

و الله لتأسفت لحالتك لكن أريد أن أعرف هل انت بنت ام ولد ؟؟؟

راية الاسلام1 · 2013-08-13, 15:02

السلاااااام عليكم

أنا لم أفهم قصتك جيدا ....

لكن أختي ثقي بأن هناك ربا يسمع ويرى

حسبهم الله .... توكلي على الله وثقي به وادعيه بأن تحل مشاكلكم وتحري أوقات الاجابة

فدعوة المظلوم ليس بينها وبين الله حجااااب

الدعاء الدعاااء ..... لا حل لك غير هداااا

عائشة07 · 2013-08-14, 18:23

انصحي اختك وصلي رحمك ما تقطعيش علاقتك بيها وتهلاي في امك وماتزيديهاش يمكن يكون قلبها معمر اكثر منكم يعني بنتها واختها
تفكري ختك مرة مرة فتيليفون وخلاص راهي كبيرة وتعرف صلاحها
وهذا وليد خالتك اذا كان هو سبب القطيعة بيناتكم قولي حسبنا الله ونعم الوكيل ونزيد ننصحك ماتكثروش على امكم وتمرضوها انسوها هادي المشكلة
وربي يحفظها لكم ويجمع الشمل

صالح القسنطيني · 2013-08-14, 22:26

السلام عليكم

انت انثى
لماذا تتكلمين بنبرة الرجال و كلمات الرجال فأسلوبك أسلوب في الحديث أسلوب رجل

و جوابك كلمي أختك بما رأيته و علمته و الأمر يرجع إليها و انظري ما هي فاعلة فإذا راعت نصيحتك فقدمي لها غيرها و إذا لم ترفع رأسا لنصيحتك فليس إلا الدعاء

جمعي البشاري · 2013-08-15, 08:29

ربي يستر ويجيب الخير
عسى ان تكرهوا شيء وهو خير لكم
والله المستعان

العهد الرائع · 2013-08-15, 08:56

اقتباس:

المشاركة الأصلية كتبت بواسطة صالح القسنطيني

السلام عليكم

انت انثى
لماذا تتكلمين بنبرة الرجال و كلمات الرجال فأسلوبك أسلوب في الحديث أسلوب رجل

و جوابك كلمي أختك بما رأيته و علمته و الأمر يرجع إليها و انظري ما هي فاعلة فإذا راعت نصيحتك فقدمي لها غيرها و إذا لم ترفع رأسا لنصيحتك فليس إلا الدعاء

لو اختها كانت تحبهم ما كانت خلات الامر يستفحل
انا راي انو تخليها هاك حتان هي تقتنع و تندم لانو مهما دير و تقول راح تتفهم بلي غايرة و لا ماتحبش الخير لختها
مع انو العكس