تطبيقي لطاجين البسباس المحشي

إلهام07 · 2013-02-11, 10:12

السلام عليكم

بعد التطبيقات الفاشلة السابقة ، درت الكوراج و قلت نزيد نجرب حاجات أخرى بالاك المورال يطلع هههههه.
البارح شفت وصفة طاجين البسباس المحشي للأخت dadou mascarienne ، دارتلي النفحة قلت نجربها ، شريت العشية شوية لحم مفروم و شوية بسباس وإلى المطبخ ، غيرت في الوصفة ( كي العادة ههههه ) لأن كل واحدة عندها أسلوبها الخاص ، درت المرق أحمر وأضفت البهارات اللي جي في المرق الأحمر ( كسبر و فلفل أحمر و هريسة ورند وطماطم مصبرة ) و حمرت بطاطا ( حوالي 1 كغ ) مقطعة إلى أرباع وشوية جزر مقطع مايل وأضفتها للمرق 5 دقائق قبل ما نطفي و زينت بالمعدنوس.
بقى عندي قلوب البسباس و شوية أرز مغلي فاضلين من الطبخة قلت ندير بيهم سلطة أحسن ما نرميهم ، ما لقيت عندي لا زيتون أخضر و لا أسود ولا ذرة ولا جلبانة و لا تونة ، كامل خلاصو

، درتها سلطة نتاع فقراء هههه وزينتها بالريش نتاع البسباس و السيقان نتاع البسباس احتفظت بيهم في كيس في الثلاجة من بعد نستعملهم في مرق خضار ، حاجة ما طيشتها هههه و صورتها قبل ما نحطلها لاصوص والمايونيز .
أترككم مع الصور

:

هذا رابط الوصفة للي تحب جربها : https://www.djelfa.info/vb/showthread.php?t=1212319

*رفيقة الدرب* · 2013-02-11, 10:17

اااااااااامممممممممممممم اااااااااامممممممممممممم اااااااااااااااااامممممممممممممم جوعتيني يا حبيبتي الله الله على السفرة اممممممممممممممممم و ديك السلاطة راهي تتكلم نستعرف بيك يا الفحلة درتي قاع دي السلطة و ما كان عندك لا زيتون لا والو اااااااااااااااممممممممممممممم راكي مبدعة من لا شيئ زينتي المايدة هاكة بنات المنتدى

أم ماجد · 2013-02-11, 10:17

هكذا نحبك يا الهام هل طاجين البسباس اعجبك ؟

*رفيقة الدرب* · 2013-02-11, 10:27

انا يعجبني بزاااااااااااااااااااااااااااااااااااااااففففففففف ففف

linat · 2013-02-11, 10:41

رووووووووووووووووووعة يعطيك الصحة اختي

إلهام07 · 2013-02-11, 10:49

اقتباس:

المشاركة الأصلية كتبت بواسطة dadou mascarienne

اااااااااامممممممممممممم اااااااااامممممممممممممم اااااااااااااااااامممممممممممممم جوعتيني يا حبيبتي الله الله على السفرة اممممممممممممممممم و ديك السلاطة راهي تتكلم نستعرف بيك يا الفحلة درتي قاع دي السلطة و ما كان عندك لا زيتون لا والو اااااااااااااااممممممممممممممم راكي مبدعة من لا شيئ زينتي المايدة هاكة بنات المنتدى

شكرا جزيلا أختي على التشجيع ، مالقيت والو وليت نخترع ههههه يقولو الحاجة أم الاخترع .

اقتباس:

المشاركة الأصلية كتبت بواسطة أم ماجد

هكذا نحبك يا الهام هل طاجين البسباس اعجبك ؟

شكرا أم ماجد على المرور، والله راكي دخلتي قلبي بزاف وليت نهار اللي ما نحكيش فيه معاك يجيني المنتدى صامط مع احترامي للباقيين طبعا .
هيه هذا الطبق بنين ، البسباس يبنن المرقة ، علاه ماشي مالفة ديريه؟ أنا نديرو بطريقة واحدة أخرى وهذي المرة كي شفت الطريقة نتاع الاخت قلت نغير شوية . إذا كنت مادرتيهش من قبل وحابة جربيه نصيحتي :
1- البسباس يجي مليح في كل الحالات ، لكن من الأحسن المرق يكون أبيض ماشي أحمر ، المرق الأبيض يخرج معاه فوور.
2- البسباس يجي عليه أي نوع لحم ، لكن هو يتفاهم أكثر مع الدجاج أو الديك الرومي . البسباس بنين ما لازموش بزاف دجاج شوية برك تبنان المرقة نتاعو.
في الأيام المقبلة إن شاء الله نعمل طاجين البسباس نتاعي ونصورو ونحطو راهو يجي عسل .
إذا تحتاجي ممكن نعطيك الوصفة ضرك راهي ساهلة ما تدي لاوقت لا مجهود وزيد اقتصادية وبنينة

.

اقتباس:

المشاركة الأصلية كتبت بواسطة dadou mascarienne

انا يعجبني بزاااااااااااااااااااااااااااااااااااااااففففففففف ففف

صح ، بنين ، طعم البسباس كي يطيب خاصة مع الجلبانة يشبه للقرنون

meriama13 · 2013-02-11, 11:33

تطبيق في القمة
يعطيك الصحة راني حابة نجربه مع صدر دجاج مرحي

إلهام07 · 2013-02-11, 12:24

اقتباس:

المشاركة الأصلية كتبت بواسطة meriama13

تطبيق في القمة
يعطيك الصحة راني حابة نجربه مع صدر دجاج مرحي

الله يسلمك ، أحسن لوكان جيريه مع الدجاج ، انا غلطت كي درتو مع اللحم المفروم و لكن ثاني جا بنين

.
كي ديريه حطيلنا الطبق نتاعك نذوقوه هههه

ام ساجد · 2013-02-11, 13:29

بصحتك الهام ان شاء الله دايما 444444444444444444444

ام ولي · 2013-02-11, 13:39

اممممم والله يشهي درتيلي النفحة باش نجربو

zhor1970 · 2013-02-11, 14:10

بصحتكممممممممممممممممممم الهام راكي4444444444444444444444444444444

إلهام07 · 2013-02-11, 14:13

اقتباس:

المشاركة الأصلية كتبت بواسطة ام ساجد

بصحتك الهام ان شاء الله دايما 444444444444444444444

الله يسلمك ام ساجد ، شكرا على المرور

اقتباس:

المشاركة الأصلية كتبت بواسطة ام ولي

اممممم والله يشهي درتيلي النفحة باش نجربو

هههه ، راهو بنين ما تخافيش

اقتباس:

المشاركة الأصلية كتبت بواسطة zhor1970

بصحتكممممممممممممممممممم الهام راكي4444444444444444444444444444444

الله يسلمك حنونة ، راكي ديما معايا تشجعيني و الله ردودك ومتابعتك راهي ترفع من معنوياتي ، شكرا

amina nourhanne · 2013-02-11, 14:30

miam bsahtkom khti

إلهام07 · 2013-02-11, 14:32

اقتباس:

المشاركة الأصلية كتبت بواسطة amina nourhanne

miam bsahtkom khti

الله يسلمك أمينة، شكرا

أم ماجد · 2013-02-11, 14:47

اقتباس:

المشاركة الأصلية كتبت بواسطة إلهام07

شكرا جزيلا أختي على التشجيع ، مالقيت والو وليت نخترع ههههه يقولو الحاجة أم الاخترع .

شكرا أم ماجد على المرور، والله راكي دخلتي قلبي بزاف وليت نهار اللي ما نحكيش فيه معاك يجيني المنتدى صامط مع احترامي للباقيين طبعا .
هيه هذا الطبق بنين ، البسباس يبنن المرقة ، علاه ماشي مالفة ديريه؟ أنا نديرو بطريقة واحدة أخرى وهذي المرة كي شفت الطريقة نتاع الاخت قلت نغير شوية . إذا كنت مادرتيهش من قبل وحابة جربيه نصيحتي :
1- البسباس يجي مليح في كل الحالات ، لكن من الأحسن المرق يكون أبيض ماشي أحمر ، المرق الأبيض يخرج معاه فوور.
2- البسباس يجي عليه أي نوع لحم ، لكن هو يتفاهم أكثر مع الدجاج أو الديك الرومي . البسباس بنين ما لازموش بزاف دجاج شوية برك تبنان المرقة نتاعو.
في الأيام المقبلة إن شاء الله نعمل طاجين البسباس نتاعي ونصورو ونحطو راهو يجي عسل .
إذا تحتاجي ممكن نعطيك الوصفة ضرك راهي ساهلة ما تدي لاوقت لا مجهود وزيد اقتصادية وبنينة

.

صح ، بنين ، طعم البسباس كي يطيب خاصة مع الجلبانة يشبه للقرنون

بارك الله فيك الهام متعودة نديرو لكن اولادي ما يحبوهش لكن نديرو مرق ابيض ونلوح فيه البسباس عادي مرة فقط درت ضولمة بجميع الخضر ودرت فيه حبة بسباس واكلتها انا اعطني طريقتك لعل وعسى ياكلوها اولادي

الهام شوفي موضوعي في واش طيبت اليوم ورديلي الخبر وشاركينا فهو ممتع