Gratain بطاطا و فرماج هايل و بنين روعة

yara djoumana · 2013-06-16, 14:44

[url=https://www.gulfup.com/?6Vwm9N][/url

اليوم جبتلكم ماكلة بنينة و خفيفة و في نفس الوقت طبق مغذي كاين الي يعرفوها و ماهيش جديدة
غير حبيت نقدم طريقتي GRATAIN صدقوني جربوه و ماتندموش اممممممممممممم
نبداو على بركة الله
المقادير
بطاطا مقلية و مقطعة مربعات -دجاج طايب في صوص بيضة و مفتت -فرماج قد ماتكون
الكمية كبيرة يكون الطبق بنين -معدنوس -بيض حسب الحاجة و الكمية -صوص بيضاء الي طاب فيها
الدجاج تكون لاصوص مصفية -زتون خضر تكوني نحيتيلو الملح انا طريقتي نغلي الزيتون في الماء
مع مغرف سكر و من اول مرة يعني غلية تلقايه روعة بدون ملح جربو طريقتي

ناخذ مول تاع الكوشة نحط فيه البطاطا نقطعها قطع +البيض +الدبشة +شوية برك فلفل اسود و نخلطهم مع بعض
على هذا الشكل نزيد نحط عليها الزيتون

ثم الفرماج

نزيدو نحطو الدجاج مفتت و معاه البيض نحطوه فوق طبقة الفرماج

وندخلوها الفرن حتى يطيب البيض و امبعد نسقوه بشوية صوص بيضاء و نعاودو ندخلوه للفرن
حتى يكون الطبق طري ماهوش يابس

ثم نوجد باشاميل كل وحدة وطريقتها و نحطها على القراتان بعد ما يكون تشرب لاصوص

هنا طاب القراتان نتاعي و باقي غير الهم هم ههههههه

هذي للي ترد الاولى نتمنى يعجبكم الطبق و تجربوه لانه فعلا يستاهل ويصلح في رمضان الكريم

-

oum anas 69 · 2013-06-16, 14:56

ممممممم طبق هايل ملائم جدا لرمضان يعطيك الصحة و نعم الصحن من نصيبي ههههه

yara djoumana · 2013-06-16, 15:11

[QUOTE=oum anas 69;1053104657]ممممممم طبق هايل ملائم جدا لرمضان يعطيك الصحة و نعم الصحن من نصيبي ههههه[/هQUOTE]

هههههه بالصحة و الهناء حبيبتي تستاهليه