شارلوت بالشكولاطة و الاجاص ممم تفضلو كولوا معايا

[oum ayyoub]

اول مرة درت الشارلوت و جاتني بنينة تقدرو تجربوها راهي ساهلة

بالنسبة للاجيواز
3 بيض
80 غ سكر
80 غ فرينة
بالنسبة للاموس
180 غ شكولاطة انا درت نصف شكولاطة سوداء و النصف الاخر شكولاطة الحليب
40 سلل كريمة سائلة 35 بالمئة مادة دسمة او نفس المقدار تخلطو الحليب مع بودرة الشانتيي
بالنسبة للسيرو
100غ سكر
60 سلل ماء
الكل في كاسرونة خليهم يطبخو ثم اضيفي 2 ملاعق كبار عصير فاكهة او عصير الليمون السيرو غادي يبقالكم تقدرو ديروه في الثلاجة لاستعمال اخر
بالنسبة للنوقاتين اختياري تقدرو ما ديروهش في الحشو و لكن يجي بنين من الفوق
160 غ سكر
60 غ لوز ايفيلي
بالنسبة للحشو
4 اجاص
10 غ زبدة

اول حاجة سخني االفرن لدرجة الحرارة 220
ضعي بياض البيض في اناء و اخلطي حتى يصبح كالثلج اضيفي السكر و اخلطي الكل جيدا اضيفي صفار البيض

ثم الفرينة على مرات و اخلطي غير بشوية بالسباتول


ثم افرغي الخليط في صينية عليها ورق الزبدة ادخليها في الفرن مدة 6 دقائق

بالنسبة للنوقة
ضعي السكر في مقلاة بدون ماء و مين يصبح كراميل


اضيفي له اللوز المنسل و اخلطي الكل لازم اللوز كامل يتغلف بالكراميل و انزعيه مباشرة من فوق النار


و افرغيه على ورق الزبدة و فوق ايضا ضعي ورق الزبدة و حليه بالحلال ما تلمسوش الكاراميل تكون سخونة


و في نفس المقلاة ضعي 10 غ زبدة ثم اضيفي الاجاص بعدما قشرتيه و قطعتيها قطع صغار 1 سم
و اتركيهم من 6 الى 8 دقائق فوق النار ثم اتركيهم يبردو
بالنسبة للاموس
طلعي الكريمة السائلة شانتيي او كيما قلت تقدري تخدمي بالغبرة و الحليب ثم اضيفي الشكولاطة الذايبة بعدما ذوبتيها بالميكرواوند او بالحمام المائي اخلطي الكل غير بشوية و هذا بوضع الشانتيي على الشكولاطة و اخلطي ذلك على عدة مرات


بواسطة المول حاولي تقطيع لاجينواز لكي ياخذ شكله يمكنك الاستعانة بالسكين


ادا تحبو ديرو في الحواف قاطو لسان القط او ببقايا الاجينواز

ثم بللي لاجينواز بالسيرو ثم اضيفي لاموس الشكولاطة ثم الاجاص ثم لاموس ثم نوقاتين تكوني مكسرتها و تقدري تخلي شوية منها للتزيين


ثم اضيفي لاموس و سطحيها مليح

ادخليها الثلاجة نصف او ساعة لتبرد و مين تبرد حاولي نزع المول الاستعانة بشاليمو و بالسيشوار و ديريه في اتجاه المول دروي على كامل المول باش مين تنزعي الشارلوت يجي ساهل
ثم قومي بتزيين الشارلوت تقدري تخليها كيما هاكدا انا حبيتها بالشكولاطة من الفوق



و شهية طيبة