دويدة مفورة من مطبخي بالصور

ام راضية · 2013-02-19, 21:18

تحياتي وان شاء الله تكونو بخير حبيباتي

اليوم عملت دويدة مفورة وحبيت نعرف الاخوات علي طريقتي في طبخها
عملتها بصدر دجاج وبعد ابداع اختي ام رامي واختي مقدسية لم يبق كلام لدا حكمت صدر الدجاجة ورميته كامل جامل في القدرة لان مخي حبس وقلت ستكون مجازفة غير محسوبة العواقب لو تصرفت اي تصرف مع هدا الصدراو فكرت حتي في مجرد تقطيعه لان بعد ما فعلته ام رامي ما شاء الله عليها لم يبقي كلام ولا طبخ
المهم شوفو الدويدة فقط وطريقة تفويرها
الصوص .نقلي الصدرفي الزيت مع البصل والثوم والتوابل
وهي كروية وتابل وكركم وفلفل ابيض وملح وحمص مشمخ ونمرق بماء غزير
في هده الاثناء نحط الدويدة وهي الفرمسال لمن لا يعرفها لرطل دويدة 2 ملاعق اكل زيت زيت وملح ونخلط مليح ونحطها تفور
كي تتفور نرشها بمقدار كاس من المرق ثم نتركها تتشرب
نكرر للمرة الثانية نفس الطريقة والثالثة بعد ما تتفور نصبها في المرق المتبقي ونجمرها فيه بعد ان ننزع الصدر المغبون طبعا بالنسبة لما فعلته ام رامي بصدر دجاجتها صدر دجاجتي مغبون هههه
ندهن الصدر بشوية زبدة ونحمره واليكم الطبق وان شاء الله كي تجربوه را ح يعجبكم ياسر وفيه بنه غير طبيعية

أم ياسين الزهراء · 2013-02-19, 21:32

الريحة وصلتني والبنة اممممممممممممممم ماخلاتش امممممممممممممممممممم

بوعنينبة · 2013-02-19, 22:15

يبان بنين بصحتك

حياة نور الدين · 2013-02-19, 23:35

بارك الله فيك

ام راضية · 2013-02-20, 06:36

موضوع مككر اتمن حدفه لان الاخت دهبية 2009وضعت موضوع قبلي لم اره تقريبا نفس الطريقة ومفصل بالصور

ام إثري · 2013-02-20, 06:45

يعطيك الصحة
ممكن يكون الطبق مكرر بصح طريقة التقديم والتعليق مستحيل
راكي قتلتيني بالضحك
تاكلوه بالصحة والهنا

انا ثاني كي شفت ام رامي واش عملت في صدر الدجاج حسيت روحي انا لي مغبونة مش صدر الدجاج ههههههههههههههههههههههههههههههه
لمزية ماقبلونيش في المسابقة

ام راضية · 2013-02-20, 06:49

اقتباس:

المشاركة الأصلية كتبت بواسطة ام إثري

يعطيك الصحة
ممكن يكون الطبق مكرر بصح طريقة التقديم والتعليق مستحيل
راكي قتلتيني بالضحك
تاكلوه بالصحة والهنا

انا ثاني كي شفت ام رامي واش عملت في صدر الدجاج حسيت روحي انا لي مغبونة مش صدر الدجاج ههههههههههههههههههههههههههههههه
لمزية ماقبلونيش في المسابقة

وانا اصر علي نسفه وليس حدفه بعد ما حطت ام كوثر ابداعها
يا بنتي ونحطو في مواضيع ونحسبو في رواحنا نعرفو نطيبوا لازم نحشمو ونقعدو ساكتين ونتفرجو

افريقيا · 2013-02-20, 06:52

تسلم الأيادي

ام إثري · 2013-02-20, 06:53

لالا خلي ام راضية
ناس المبتدئة ديماري من مواضيعنا ( حنا القاعدة ) هههههههههههههههههههههههههههههههه وتطلع لمواضيع ام كوثر وام رامي

*أم كوثر* · 2013-02-20, 07:09

السلام عليكم

اقتباس:

المشاركة الأصلية كتبت بواسطة ام راضية

وانا اصر علي نسفه وليس حدفه بعد ما حطت ام كوثر ابداعها
يا بنتي ونحطو في مواضيع ونحسبو في رواحنا نعرفو نطيبوا لازم نحشمو ونقعدو ساكتين ونتفرجو

العفو ام راضية ماهدا التواضع؟؟؟
والله بدون مجاملةاطباقك قمة في الروعة وشخصيا تعلمت منك بزاف حوايج
ومازالت انتظر جديدك

اقتباس:

المشاركة الأصلية كتبت بواسطة ام إثري

لالا خلي ام راضية
ناس المبتدئة ديماري من مواضيعنا ( حنا القاعدة ) هههههههههههههههههههههههههههههههه وتطلع لمواضيع ام كوثر وام رامي

وانت يا ام اثري تان اطباقك لا يعلى عليها
خاصة بيض الكسكاس اللي جامي سمعت بيه الا من عندك
ربي يخليكم وتنفعونا اكتر
وابداعنا وتألقنا ماهو الا بيكم وبردودكم المشجعة
ربي يحفظكم

*أم كوثر* · 2013-02-20, 07:10

ام راضية نسيت نقلك بلي الدويدة المفورة من اشهى الاطباق عندي
وتاعك رح تنطق من الصحن مممممممممممممممم بصحتكم

ام راضية · 2013-02-20, 07:12

اقتباس:

المشاركة الأصلية كتبت بواسطة ام إثري

لالا خلي ام راضية
ناس المبتدئة ديماري من مواضيعنا ( حنا القاعدة ) هههههههههههههههههههههههههههههههه وتطلع لمواضيع ام كوثر وام رامي

طلعتيلي المورال شويه
فالقمة لن تكون صحيحة الا ادا كانت القاعدة صلبة
ام كوثر وام رامي راحهم يقرو وساكتين حتي هوما وما حبوش يقولو حتي كليمة صغيرة وما حبوش يحدفو هدا الموضوع اللي جاء في وقت بالنسبة لي انتحار مطبخي

zhor1970 · 2013-02-20, 07:13

ممممممممممممممممممممممممممممممم ام راضية راني قريب ندخل ونجبدهاااااااااااا هايلة

soriaalg · 2013-02-20, 07:37

هههههههههه وحدك اختي ام راضية والله قمة التواضع خلاص انا بطلت نروح نحوس على دار نسكن فيها ما تكونش فيها الكوزينة اصلا بطلت ياو هبلوتنا بأطباقكم وابداعاتكم لازم يكرموكم والله غير نفحتوني في الطبخ وانا لي كنت ما نعرفش نطيب بيضة راني نتعلم منكم ومثل ما قالت اختي كاين المبتدئات هههههههههههه يعني بشوية علينا هههههههههه
ربي يجازيكم الجنة يااااااااااااااااارب والله بدونكم جميعا المنتدى لا يساوي شيء
هذا راي وتقبلي مروري سلام

Oum Aness Bba · 2013-02-20, 07:54

يعطيك الصحة أم راضية طبق يشهي