مشكل بين الخبرة و الشهادة

soso sirin · 2012-10-01, 19:36

عالم الشغل بين الجيل القديم و الجيل الجديد او بين خريجي الجامعات و بين خريجي الحياة العملية .اريد منكم ان اردتم ذلك ان نتناقش في موضوع قد لاحظته انا و لا اعلم ان قد صادفتموه ام لا.الموضوع و باختصار لماذا حينما يستلم موظف جديد عمله و هو بدون خبرة و لكن لديه شهادة جامعية استعلاءا كبيرا من العاملين معه خاصة من يعمل معه في نفس العمل كما انه احيانا يسمع باذنيه كلمة متخرجين من الجامعة مي مايفهمو والو و لماذا يحس نفسه انه دخيل او انه قد دخل حربا و عليه ان لا يخسر ابدا و لا يجب عليه ان لا يخطئ ابدا لانه و باختصار يحمل شهادة.بالمقابل اسمع كثيرا من افواه اصحاب الشهادات انهم يستهينون كثيرا بمن لا يحمل شهادة حتى و لو كانت لديه خبرة في مجال عمله تفوق 10 او 15 سنة و يرددون عندو الخبرة مي ماشي متخرج من الجامعة معنتها انا سهرت و قريت و تعبت مدة 4 سنين و منبعد انا و هو كيفكيف حتا و كون عندو 50 سنة خدمة مي انا خيرمنو و الي يسمعو يحسب كان يقرى في السوربون.الموضوع كتبتو بلا مانخمم فيه الاسلوب شوية ركيك مي ان شاء الله تكون الفكرة وصلت

شيء من رجاء ! · 2012-10-01, 19:48

يقول المثل " من فاتك بليلة فاتك بحيلة "
عمليا الأقدم في العمل يكون أكثر خبرة حتى لو مستواه أقل ، فالشهادة تنظير ، والعمل تطبيق ( خبرة ) ، أما لهجة احتقار للآخر سواء كانت من القديم في عمله ، أو من المزهو بشهادته ، تكون غالبا سببها نفسي ، شعور بالنقص ، أو خوف من اضطهاد ، فيجد خير وسيلة للدفاع الهجوم .
بوركت أختي العزيزة

soso sirin · 2012-10-01, 22:09

اقتباس:

المشاركة الأصلية كتبت بواسطة رجاء الخير

يقول المثل " من فاتك بليلة فاتك بحيلة "
عمليا الأقدم في العمل يكون أكثر خبرة حتى لو مستواه أقل ، فالشهادة تنظير ، والعمل تطبيق ( خبرة ) ، أما لهجة احتقار للآخر سواء كانت من القديم في عمله ، أو من المزهو بشهادته ، تكون غالبا سببها نفسي ، شعور بالنقص ، أو خوف من اضطهاد ، فيجد خير وسيلة للدفاع الهجوم .
بوركت أختي العزيزة

الشي الي قلتيه صح يا رجاء و القديم يخاف الجديد يديلو بلاصتو حتا توصل بيه كي يسقسيه مايبغيش يجاوبو مي كاين تاني الي متخرجين من الجامعة ماتهدريش معاه كامل بعديلو كامل من الطريق تقول هذا فاهم كلشي و يعرف كلشي .مي كيما قلتي انتي عندهم خلل في نفسياتهم و شخصياتهم.انا تعلمت حاجة الي عندو خبرة حتا و يكون ماعندو حتا نيفو نسمعلو لانو خدمة نهار خيرمن قراية عام كامل و مانكذبوش رانا كامل قرينا في الجامعة منها ماتديش الحاجة الكبيرة و كاين فرق بين حاجة نقراوها و بين حاجة نخدموها

اسلام انس · 2012-10-01, 19:51

سلام اختي الكـــــــــــريمة...والله تقول دخلتي في عقلي.....والله تشوفي وحد المفتشين والاساتذة القدم يشفوا فيك

غي بنص العين وكي تغلط يقولوا شوفوا شهادة ليسانس نتاع ضروك المستوى هبط.........والله لايفيروا منا بلبزاف

كسامين ماشافوا لا جامعة ما جلسوا في مدرج ولا مكتبة غي من الثالثة الثانوي جابوه في وقت الغفلة ......سمحيلي

بصح راني معمرة من هذا الجانب.................راني مزروب ظروك ..لي عودة انشاء الله وغادي نهدر بزاف....شكرا للمــــــوضوع

soso sirin · 2012-10-01, 22:21

اقتباس:

المشاركة الأصلية كتبت بواسطة بن عمير 22

سلام اختي الكـــــــــــريمة...والله تقول دخلتي في عقلي.....والله تشوفي وحد المفتشين والاساتذة القدم يشفوا فيك

غي بنص العين وكي تغلط يقولوا شوفوا شهادة ليسانس نتاع ضروك المستوى هبط.........والله لايفيروا منا بلبزاف

كسامين ماشافوا لا جامعة ما جلسوا في مدرج ولا مكتبة غي من الثالثة الثانوي جابوه في وقت الغفلة ......سمحيلي

بصح راني معمرة من هذا الجانب.................راني مزروب ظروك ..لي عودة انشاء الله وغادي نهدر بزاف....شكرا للمــــــوضوع

الموضوع موضوعك خويا اهدر واش بغيت.مي نقلك حاجة والله هذا المشكل راجع للتربية انا الي يجيني قاري صح عمرو و لا يحسس الناس بالنقص و الي عارف خدمتو صح تاني كيفكيف.والله شيوخة قراوني الا كي يروحو ليهم المتخرجين الجدد الا تلقاهم يعاونو فيهم بلي يقدرو عليها و حتا نهدر على الاداريين عكس الناس المفرينيين الي فارغين تصيبهم مغشاشين و ستاتيت تحسب كي يفهمك كاش حاجة الفهامة تروحلو و لا يخاف تدي بلاصتو و لا تفوتو

شيء من رجاء ! · 2012-10-01, 19:59

اقتباس:

كسامين ماشافوا لا جامعة ما جلسوا في مدرج ولا مكتبة غي من الثالثة الثانوي جابوه في وقت الغفلة

هذه عينة واقعية ، واسمح لي أخي الكريم أن أتخذ كلامك نموذجا ، لا يصح هذا الكلام من شخص مثقف .
ومستواهم الثانوي في الماضي يعادل مستوانا الجامعي في الحاضر ، إلا من اجهد وطور نفسه بنفسه ،وإلا خريجي الجامعات مستواهم الثقافي وتحصيلهم العلمي متدني مقارنة بجامعات في دول أخرى

اسلام انس · 2012-10-01, 20:14

اقتباس:

المشاركة الأصلية كتبت بواسطة رجاء الخير

هذه عينة واقعية ، واسمح لي أخي الكريم أن أتخذ كلامك نموذجا ، لا يصح هذا الكلام من شخص مثقف .
ومستواهم الثانوي في الماضي يعادل مستوانا الجامعي في الحاضر ، إلا من اجهد وطور نفسه بنفسه ،وإلا خريجي الجامعات مستواهم الثقافي وتحصيلهم العلمي متدني مقارنة بجامعات في دول أخرى

سمحيلي اختي انت راكي متعرفيش عينات راني ندرس معا هذا الكلام وقليل عليهم حاشا كاين ناس تستاهل بصح رانا

نهدروا بالا غلبية.........والتحصيل العلمي ليس متدني غي لي بغي يدنيه وزيد الدولة راهي موفرة كل الوسائل غي لي ما بغاش يقرا..............شا راكم باغييين...........بصح باه يجي واحد يقولي ليسانس نتاع ضروك قاع مشي مستوى

غادي نقوله علاه.............لانو راني عارف كي يديرو يفكروا هاذوك الناس..............لي عودة انشاء الله

شيء من رجاء ! · 2012-10-01, 20:33

اقتباس:

المشاركة الأصلية كتبت بواسطة بن عمير 22

سمحيلي اختي انت راكي متعرفيش عينات راني ندرس معا هذا الكلام وقليل عليهم حاشا كاين ناس تستاهل بصح رانا

نهدروا بالا غلبية.........والتحصيل العلمي ليس متدني غي لي بغي يدنيه وزيد الدولة راهي موفرة كل الوسائل غي لي ما بغاش يقرا..............شا راكم باغييين...........بصح باه يجي واحد يقولي ليسانس نتاع ضروك قاع مشي مستوى

غادي نقوله علاه.............لانو راني عارف كي يديرو يفكروا هاذوك الناس..............لي عودة انشاء الله

بل أعرف العينات التي ترى أن بأقدميتها أفضل من الجدد ، وأعرف في المقابل خريجين جدد يظنون أنهم بشهادتهم أفضل من القدامى من هم دونهم مستوى .
والتحصيل العلمي بفضل السياسة المتبعة من الابتدائي لجامعة هو في تدني مستمر ، و بالعادة لا أحب إطلاق الأحكام اعتباطا ، بل هو نتيجة مقارنة بين مناهج ومستوى دول أخرى ، ومدى قبول شهاداتنا في باقي الدول .
الطالب في الجامعة هو المسؤول عن نفسه ، من أراد التخرج بقطعة كرتون سيتخرج ، ومن أراد أن يتخرج بزاد معرفي وتحصيل علمي له ذلك ، وكل من درس في الجامعة رأى بعينه ، وطبعا كلامي ليس حكما عاما

morad81 · 2012-10-01, 22:14

أقول أن الأقدمية لا تعني الخبرة .دائما..هذا من جهة .....وأقول الشهادة لا تعني الكفاءة دائما .

لأن شعار الجامعة: الشهادة للجميع و الكفاءة لمن أراد.

أما المستوى و الله هي حرب نفسية بين الجامعيين و غيرهم ......وكلمة (شيعتو جامعي و تلقاه ........) اصبحت تطبق في كل المجالات .

لكن يا اخوتي جميع الوظائف الآدارية لاتحتاج مستوى أكثر من التاسعة اساسى .......تجد أن العامل فيها لمدة عشر أو عشرون سنة كيف لا يكون له خبرة...لكن آلية.

تخيل متصرف اداري يقوم فقط باستخراج رخص السياقة ....وغيرها من الأعمال الروتينية..

أستاذ لعشرين سنة نفس المادة و نفس المستوى كيف له أن لا يستعمل ورقة للتدريس.

أقول أنني لما درست أربع سنوات برنامج الجديد الكثير من القدامى من وجدوا أنفسهم رهن مستواهم ............شكرا

soso sirin · 2012-10-01, 22:40

اقتباس:

المشاركة الأصلية كتبت بواسطة morad81

أقول أن الأقدمية لا تعني الخبرة .دائما..هذا من جهة .....وأقول الشهادة لا تعني الكفاءة دائما .

هاذي الهدرة والله غير نيشان

لأن شعار الجامعة: الشهادة للجميع و الكفاءة لمن أراد.

أما المستوى و الله هي حرب نفسية بين الجامعيين و غيرهم ......وكلمة (شيعتو جامعي و تلقاه ........) اصبحت تطبق في كل المجالات .
ولينا الي ينسى يقول صباح الخير و يكون عقلو مودر يقلك شوف شوف هذا الا جامعي

لكن يا اخوتي جميع الوظائف الآدارية لاتحتاج مستوى أكثر من التاسعة اساسى .......تجد أن العامل فيها لمدة عشر أو عشرون سنة كيف لا يكون له خبرة...لكن آلية.

تخيل متصرف اداري يقوم فقط باستخراج رخص السياقة ....وغيرها من الأعمال الروتينية..

أستاذ لعشرين سنة نفس المادة و نفس المستوى كيف له أن لا يستعمل ورقة للتدريس.

أقول أنني لما درست أربع سنوات برنامج الجديد الكثير من القدامى من وجدوا أنفسهم رهن مستواهم ............شكرا

تعرف وقتاش الخبرة يكون فيها فايدة سوغتو في شي خدمات كي يصرا مشكل تلقى الانسان الي عندو الخبرة يعرف كامل الدخلات و الخرجات و يقدر يسلك راسو عكس الي عندو الديبلوم برك بلا خبرة بلخف يغرق مسكين
علا هكا لازم الواحد ماشي كي عندو شهادة يقلك انا راني فاهم كلشي الصح انا في حياتي ماقلتش لواحد انا نعرف شي حاجة سوغتو كي نعرفو خدام من بكري و خدام نيشان نبغيه هو يفهمني حتا و نكون فاهمة .و مانبغي حتى واحد يطيح بيا و انا مانطيح حتا بواحد .مرات والله تلقى الجامعيين فيما بيناتهم متقاتلين سبحان الله

الواثق · 2012-10-01, 20:02

لم تعرض لهذا فعليه ان يبن كفاءته حينها سيرحب به وان كره الكارهون ...........والله المستعان

soso sirin · 2012-10-01, 22:29

اقتباس:

المشاركة الأصلية كتبت بواسطة الواثق

لم تعرض لهذا فعليه ان يبن كفاءته حينها سيرحب به وان كره الكارهون ...........والله المستعان

شوف يا خويا الواثق انت دخلت تخدم داير في بالك بلي خدمة ماشي حرب شكون الي يفهم و شكون الي مايفهمش شكون الي يغلط و شكون الي دايمن صح مرات تلقى شي ناس حابسينلك على الوحدا لازم ماتغلطتش و هاذي مكانش منها كيما قادر الي ديبلوميي يغلط تلقى الي عندو الخبرة يغلط و هي رايحة .معنتها كون جينا نفهمو الصح لازم الخدمة تتمشى و كل واحد فيهم يعاون لاخر مي حنا الله غالب اشرار

دادا22 · 2012-10-02, 10:41

اقتباس:

المشاركة الأصلية كتبت بواسطة soso sirin

عالم الشغل بين الجيل القديم و الجيل الجديد او بين خريجي الجامعات و بين خريجي الحياة العملية .اريد منكم ان اردتم ذلك ان نتناقش في موضوع قد لاحظته انا و لا اعلم ان قد صادفتموه ام لا.الموضوع و باختصار لماذا حينما يستلم موظف جديد عمله و هو بدون خبرة و لكن لديه شهادة جامعية استعلاءا كبيرا من العاملين معه خاصة من يعمل معه في نفس العمل كما انه احيانا يسمع باذنيه كلمة متخرجين من الجامعة مي مايفهمو والو و لماذا يحس نفسه انه دخيل او انه قد دخل حربا و عليه ان لا يخسر ابدا و لا يجب عليه ان لا يخطئ ابدا لانه و باختصار يحمل شهادة.بالمقابل اسمع كثيرا من افواه اصحاب الشهادات انهم يستهينون كثيرا بمن لا يحمل شهادة حتى و لو كانت لديه خبرة في مجال عمله تفوق 10 او 15 سنة و يرددون عندو الخبرة مي ماشي متخرج من الجامعة معنتها انا سهرت و قريت و تعبت مدة 4 سنين و منبعد انا و هو كيفكيف حتا و كون عندو 50 سنة خدمة مي انا خيرمنو و الي يسمعو يحسب كان يقرى في السوربون.الموضوع كتبتو بلا مانخمم فيه الاسلوب شوية ركيك مي ان شاء الله تكون الفكرة وصلت

السلام عليكم
لا اطيل عليكم ولكن ساذكر الاسباب مباشرة

1 الخوف و التوجس من الجديد
2غيرة الذي لا يحمل شهادة ان يتفوق عليه من لديه شهادة اذا اكتسب التجربة
3 معظم الخريجين لم يُكوًنوا انفسهم ولكن اعتمدوا على المحاضر فقط
4 منح مناصب عمل على اساس محاباة وقراية وليس على اساس كفاءة
5 طريقة نفسية من طرف القديم الذي لا يحمل شهادة للدفاع عن مركزه
6 العلاقات الجهوبة و العرقية الموجودة في الشركات فهم يرفضون كل غريب عن العشيرة او العرق
7 عقدة النقص امام المتعلم او حامل الشهادة
8 شخصنة مراكز العمل فاذا ذكرت عمل اقترن اسم شخص به مباشرة وكأن المركز او العمل هو فلان
وذلك لنقص او عدم تقبل ثقافة التداول

هناك اسباب انسانية وأخرى مهنية واخرى موضوعية
اما الاسباب العاطفية لا تجدها الا في المجتمعات المتخلفة
دمتم بخير

soso sirin · 2012-10-02, 19:11

اقتباس:

المشاركة الأصلية كتبت بواسطة دادا22

السلام عليكم
لا اطيل عليكم ولكن ساذكر الاسباب مباشرة

1 الخوف و التوجس من الجديد
2غيرة الذي لا يحمل شهادة ان يتفوق عليه من لديه شهادة اذا اكتسب التجربة
3 معظم الخريجين لم يُكوًنوا انفسهم ولكن اعتمدوا على المحاضر فقط
4 منح مناصب عمل على اساس محاباة وقراية وليس على اساس كفاءة
5 طريقة نفسية من طرف القديم الذي لا يحمل شهادة للدفاع عن مركزه
6 العلاقات الجهوبة و العرقية الموجودة في الشركات فهم يرفضون كل غريب عن العشيرة او العرق
7 عقدة النقص امام المتعلم او حامل الشهادة
8 شخصنة مراكز العمل فاذا ذكرت عمل اقترن اسم شخص به مباشرة وكأن المركز او العمل هو فلان
وذلك لنقص او عدم تقبل ثقافة التداول

هناك اسباب انسانية وأخرى مهنية واخرى موضوعية
اما الاسباب العاطفية لا تجدها الا في المجتمعات المتخلفة
دمتم بخير

الله يبارك عليك خويا راك كفيت و وفيت ماشاء الله عليك. مي حتا الاسباب العاطفية عندنا راهي تخدم مع انو حنا ماشي مجتمع متخلف مية بالمية

محمد...عبد النور · 2012-10-02, 11:35

السلام عليكم أختي سوسو سيرين
هذا الكلام ليا ما سمعتيهش اليوم ، تسمعيه غدوة مين تكوني جديدة ...........حتما مقضيا.....على خاطر تبانيلهم في البداية انك بلوووووووووووو و ما تعرفي والو و صح يغريهم الكلام فيك لانهم لاحظوا كما لاحظنا جميعا ان بعض المتخرجين عديمي المستوى على الرغم من حملهم لشهادات جامعية
و ايضا هناك صراع ازلي بين كل جيل و جيل ....دائما نجدهم يفتخرون حنا و حنا و حنا ...تقولي راهم رافدين السماء فوق ريسانهم هههههههههههه
و البلاد راهي مطورة مين هوما سبقونا بل تدهورت جدا لاننا خلف جاءوا بعدهم و كما وجدنا الامور رانا نمشوا عليها و لو وجدناهم واعيين لزاد وعينا لكن ساجيين في الهدرة و فقط ههههههههههههههههههههه
لا علينا من كل هذا الشخص لا بد ليه من اثبات نفسه و مستواه من كل الجوانب
يفرض احترامه اولا و بعد ذلك يوري قرايته و انه صح ذا مستوى و قادر على شقاه و في الايام الاولى لابد ان يتعب لكي يتحصل على المستوى العادي في وظيفته الجديدة لكن بعدها يصبر فالصبر يلقننا امو كثيرة خاصة معاملة الناس و الصبر على اذاهم و كيفية الرد الحسن عليهم
المهم اثبات الذات امر مهم و لكن اتركي الايام تصقل مهاراتك و اثبتي كفاءتك اكادميا و اخلاقيا ...ذاك الوقت يعرفوا المعدن نتاعك و شكون نتي
المهم آسف على الاطالة و جزاك الله كل خير
ســـــــــــــــــــــــــــــــــــــــلام