سؤال خاص للبنات ...

[staifia]

السلام عليكم جماعة ,,,

طرحت هذا الموضوع بعد تساؤلات كثيرة تبادرت الى ذهني وفي الحقيقة تعجبت منها , بسبب ردود البنات التي قرأتها في عدة مواضيع مختلفة في هذا المنتدى ,,,

مثلا كاش طفـلة تطرح موضوع ومشكلة انها حبت واحد او خدعها واحد .... ولا تقول واحد حاب يخطبني واهلي رفضوا ..
وكاين اللي تقول حبيتو ومقدرتش ننساه وقلبي ضرني ... الخ
تبدا الردود وحدة تقلها اتقي الله .,, حرام عليك ,, والاخرى ,,,اقطع علاقته بيه وكيفاش تقدري ديري هذا الشي وتخوني والديك وانا لوكان في بلاصتك منقدرش ندير هكدا ... ونخدع والديا ....

- خليكم صريحات وعلاش هدا التصنع لي راكم فيه ... ؟
- كيفاش هادي اقوالكم في منتهى الصواب وافعالكم خلاف ,,, ؟ ( انا مرانيش نتهم فيكم ومتفهمونيش غالط لأنو راني نتكلم بصفة عامة )
- بصراحة بنات مراكمش مدايرين علاقات ... ؟

حبيت نقلكم ردودكم لازم تكون معقولة حتى يتقبلها العقل ... وتتماشى مع أرض الواقع .....

مع احترامي للجميع وشكرا

[مريم الصابرة]

السلام عليكم اختي السطايفية انا لما قريت عنوان موضوعك دخلت شوفي اختي نجاوبك على نفسي أقراي مشاركاتي في كل المواضيع الخاصة بالحب والعلاقات كيما راكي تقولي ما نقدرش ترد ونقول لوحدة الردود اللي راكي تقولي عليها علاش لانو بكل صراحة مريت بتجربة الحب وكنت على علاقة بشاب ما نخبيش حاجة ربي عارفها ونخاف من الناس ونقول أنا خاطيني اما النصيحة نقدمها نقدمها من باب إنو انا جربت وندمت وعلى هذا ما نحبش وحدة تمر بتجربتي وخاصة المراهقات لانو لما كنت مراهقة ممكن ما كنتش نسمع النصيحة لكن الىن نقدر ننصح وحدة لكن الللوم لالا ما نلومش الطفلة لانو ماكانش شجرة ما هزهاش الريح وتلقاي الردود نتاع الشباب ينعلو يطلبو منها تستغفر كإنها دارت كارثة اللي هوما السبب فيها بكل صراحة ربي يهديهم هذا هو لازم نكونو صراحاء لانو كاين رب راه يشوف فينا ماكان علاه نكذبو بارك الله فيك

[جسر الأمل]

صححححححححح نيشان كاينة منها
هافوتيهم في البلاص وصايي
اودي العجب راه صااااااااااااااااااااري

[جسور المحبة]

فعلا لا يجب ان نضع انفسنا اربابا ومنزهين عن الخطأ فكل بني ادم خطاء وخير الخطائين التوابون
ولهذا يجب ان ننصح برفق وبشفقة
اما عن نفسي فيه مرة انني نصحت واحدة وكان اسلوبي معها حاد نوعا ما وهدا لانني مررت بتلك الحال وعموما اقول لنفسي وللجميع ما كان الرفق في شيء الا زانه وما نزع من شيء الا شانه
اما اسلوب لماذا وكيف وقد خنت ووووووووووووو يكفي لان الكاتب ما وضع مشكلته الا وقد ضاق ذرعا ويحتاج لمن يأخد بيده

الله يهدينا وينور طريقنا

[staifia]

المشاركة الأصلية كتبت بواسطة مريم الصابرة

السلام عليكم اختي السطايفية انا لما قريت عنوان موضوعك دخلت شوفي اختي نجاوبك على نفسي أقراي مشاركاتي في كل المواضيع الخاصة بالحب والعلاقات كيما راكي تقولي ما نقدرش ترد ونقول لوحدة الردود اللي راكي تقولي عليها علاش لانو بكل صراحة مريت بتجربة الحب وكنت على علاقة بشاب ما نخبيش حاجة ربي عارفها ونخاف من الناس ونقول أنا خاطيني اما النصيحة نقدمها نقدمها من باب إنو انا جربت وندمت وعلى هذا ما نحبش وحدة تمر بتجربتي وخاصة المراهقات لانو لما كنت مراهقة ممكن ما كنتش نسمع النصيحة لكن الىن نقدر ننصح وحدة لكن الللوم لالا ما نلومش الطفلة لانو ماكانش شجرة ما هزهاش الريح وتلقاي الردود نتاع الشباب ينعلو يطلبو منها تستغفر كإنها دارت كارثة اللي هوما السبب فيها بكل صراحة ربي يهديهم هذا هو لازم نكونو صراحاء لانو كاين رب راه يشوف فينا ماكان علاه نكذبو بارك الله فيك

وعليكم السلام أختي مريم ,,,,
اكيد كل واحد منا مر على تجربة وكل تجربة تعطيلنا درس في الحياة .....
اما النصيحة والكلمة الصادقة الطيبة تبقى دائما ارقى معاني الدعوة ,,, فالدين نصيحة ,, وباعتبار الردود نصائح فلازم اللي ينصح يكون هو في نفسه يطبق الكلام الذي يقوله قبل ان ينصح به غيره ....
كاين بنات والله استغربت من كلامهم ....
والشباب وش خدمتهم غير مهاجمة البنات ......
وشـكرا لكـٍ يا نقية

[فتـ حييةـاة]

لازم نفرقو بين قول الحقيقة والجهر بالسوء

[staifia]

المشاركة الأصلية كتبت بواسطة جسر الأمل

صححححححححح نيشان كاينة منها
هافوتيهم في البلاص وصايي
اودي العجب راه صااااااااااااااااااااري

نقولو ربي يسترنا هدا مكان ,,,
تحياتي لكـ

[staifia]

المشاركة الأصلية كتبت بواسطة جسور المحبة

فعلا لا يجب ان نضع انفسنا اربابا ومنزهين عن الخطأ فكل بني ادم خطاء وخير الخطائين التوابون
ولهذا يجب ان ننصح برفق وبشفقة
اما عن نفسي فيه مرة انني نصحت واحدة وكان اسلوبي معها حاد نوعا ما وهدا لانني مررت بتلك الحال وعموما اقول لنفسي وللجميع ما كان الرفق في شيء الا زانه وما نزع من شيء الا شانه
اما اسلوب لماذا وكيف وقد خنت ووووووووووووو يكفي لان الكاتب ما وضع مشكلته الا وقد ضاق ذرعا ويحتاج لمن يأخد بيده

الله يهدينا وينور طريقنا

كلام في محله .... اسعدني مروركـ العطر

[مريم الصابرة]

المشاركة الأصلية كتبت بواسطة staifia

وعليكم السلام أختي مريم ,,,,
اكيد كل واحد منا مر على تجربة وكل تجربة تعطيلنا درس في الحياة .....
اما النصيحة والكلمة الصادقة الطيبة تبقى دائما ارقى معاني الدعوة ,,, فالدين نصيحة ,, وباعتبار الردود نصائح فلازم اللي ينصح يكون هو في نفسه يطبق الكلام الذي يقوله قبل ان ينصح به غيره ....
كاين بنات والله استغربت من كلامهم ....
والشباب وش خدمتهم غير مهاجمة البنات ......
وشـكرا لكـٍ يا نقية

السلام عليكم اختي اكيد قبل ما ننصح بيها لازم نبدا بنفسي راني قتلك اللي فاتت عليا ما تفوتش على وحدة اخرى انا ننصحها وهي حرة فالاخير كل واحد مسؤول على افعاله وشكرا لك يا نقية او تقية ما فهمتهاش اختي الشرح من فضلك شكرا

[staifia]

المشاركة الأصلية كتبت بواسطة فتـ حييةـاة

لازم نفرقو بين قول الحقيقة والجهر بالسوء

طبعا اخيتي الحقيقة تقال ,,, لكن تكون معقولة ,,, اما الجهر بالسوء فالله لا يحب ان يجهر بالقبيح من القول ...
يقولون ما لا يفعلون ....
ودي لكـٍ

[staifia]

المشاركة الأصلية كتبت بواسطة مريم الصابرة

السلام عليكم اختي اكيد قبل ما ننصح بيها لازم نبدا بنفسي راني قتلك اللي فاتت عليا ما تفوتش على وحدة اخرى انا ننصحها وهي حرة فالاخير كل واحد مسؤول على افعاله وشكرا لك يا نقية او تقية ما فهمتهاش اختي الشرح من فضلك شكرا

قلت لكـٍ نـَـقِيـة ,,,, دمتي بخير عزيزتي

[مريم الصابرة]

المشاركة الأصلية كتبت بواسطة staifia

قلت لكـٍ نـَـقِيـة ,,,, دمتي بخير عزيزتي

السلام عليكم شكرا في كل ألاحوال بارك الله فيك

[Mireya]

صح أختي حتى أنا متعجبنيش هذه الردود و أنا الحمد لله لم أقم بمثل هذا الشيء لأننا كلنا نعيش على حساب الوقت و نتأثر بالعلم الخارجي لو لم تجد البنت المشكلة لما طرحتها يعني هي طرحت المشكلة لايجاد حل و ليس للوم عليها و على أساس هما من الدار و الصلاة و المسجد ميخرجوش .. لا طبعا لازم نكونو واقعيين ,, صح عارفين انو هذاك الشيء لا يرضي ربنا و الخ و لكن علينا ان ننصح بناتنا بالطريقة الحسنة و ليس اللوم و الصراخ .. لان كل شيء و عندو سبب وقوعه يعني مثلا : البنات اللي يديرو علاقات مع الذكورة في حدود يعني فقط مجرد حديث و نقاشات ,, سببها الاختلاط الجنسي و الاصحاب و اهم شيء الظروف المعيشية و ايضا المراهقة ,,, التاثر بالاعمال الخارجية للناس و ايضا الانترنت و التلفاز لان الاطفال بسبب هذه التكنولجيا ولاو ميقعدوش بزاف مع عائلتهم ,,, يعني مع الاسف عندنا ضعف في التربية و ليس عدم التربية و ضعف في معرفة ديننا ,,, يعني اسباب كثيرة و علينا محاربتها بما هو احسن و ليس بمثل تلك الطرق ,,
و شكرا

[تصفية وتربية]

المشاركة الأصلية كتبت بواسطة مريم الصابرة

السلام عليكم اختي السطايفية انا لما قريت عنوان موضوعك دخلت شوفي اختي نجاوبك على نفسي أقراي مشاركاتي في كل المواضيع الخاصة بالحب والعلاقات كيما راكي تقولي ما نقدرش ترد ونقول لوحدة الردود اللي راكي تقولي عليها علاش لانو بكل صراحة مريت بتجربة الحب وكنت على علاقة بشاب ما نخبيش حاجة ربي عارفها ونخاف من الناس ونقول أنا خاطيني اما النصيحة نقدمها نقدمها من باب إنو انا جربت وندمت وعلى هذا ما نحبش وحدة تمر بتجربتي وخاصة المراهقات لانو لما كنت مراهقة ممكن ما كنتش نسمع النصيحة لكن الىن نقدر ننصح وحدة لكن الللوم لالا ما نلومش الطفلة لانو ماكانش شجرة ما هزهاش الريح وتلقاي الردود نتاع الشباب ينعلو يطلبو منها تستغفر كإنها دارت كارثة اللي هوما السبب فيها بكل صراحة ربي يهديهم هذا هو لازم نكونو صراحاء لانو كاين رب راه يشوف فينا ماكان علاه نكذبو بارك الله فيك

وعليكم السلام ورحمة الله وبركاته
أعتذر من الأخت صاحبة الموضوع، أردتُ التعليق خصوصًا على ما تفضلت به الأخت مريم -سدّدها الله-.
أخواتي كل بن آدم خطاء، وجلّ ما لا يُخطئ، لكن في نفس الوقت الله سبحانه وتعالى أمرنا أن نستر أنفسنا وأن لا نُجاهر بالمعاصي، كما ورد عن النبِّي -صلى الله عليه وسلم- أنه قال: (كُلُّ أُمَّتِي مُعَافًى إِلَّا الْمُجَاهِرِينَ وَإِنَّ مِنْ الْمُجَاهَرَةِ أَنْ يَعْمَلَ الرَّجُلُ بِاللَّيْلِ عَمَلاً ثُمَّ يُصْبِحَ وَقَدْ سَتَرَهُ اللَّهُ عَلَيْهِ فَيَقُولَ يَا فُلَانُ عَمِلْتُ الْبَارِحَةَ كَذَا وَكَذَا وَقَدْ بَاتَ يَسْتُرُهُ رَبُّه) فالواجب على العبد أن يستتر بستر الله مادام رب العالمين ستر عليه، والواجب أن لا يُخبر بما عمِل، كما أن واجبه نُصح غيره حتى وإن كان مُقصّر، صحيح ديننا ينبذ الذين يقولون ما لا يفعلون لكن في نفس الوقت لا يحب الجهر بالسوء والمعاصي.
وللفائدة هذا موضوع قد يُفيد:
فائد لابن حزم: المسلم المقصر هل له أن يأمر بالمعروف وينهى عن المنكر؟
والله أعلم والله الموفق

[بلسم الجراح]

يا اختي الفاضلة اغلبية الردود تكون قاسية لكنها تكون من ناس جربوا وحسوا بالضعف والاهانة وماشي حابين الناس لخرين يمروا بهذي التجربة على هذاك يكون رد فعلهم مبالغ شوية