العــصـبـانـــة بـالــجــلـبـانــة

[أمنية غفران]

السلام عليكم و رحمة الله تعالى و بركاته
.................................................. ..............

نقدم ليكم العصبانة نحبها بالجلبانة و للأمانة هاد العصبانة جابتهالي أمي ربي يحفظها انا برك طيبتها

........................................

بصح نعطيكم طريقتها في تحضير العصبانة

هي تحضر حميع احشاء الخروف و تقطعهم من مصارن و الرئة و طحال و القلب و تنحي قاع الشحم الي فيهم و تغليهم شوية في الماء باش تروح ليهم هاديك ريحة الزفورية و من بعد تقطرهم في كسكاس و تضيف ليهم حبة بصل كبيرة مقطعة و راس ثوم و راس فلفل اخضر حار الي يحب و قصبر حشيش و شوية راس الحانوت و الملح و كمون وديرهم كامل هاد المكونات في رحاية اللحم اليدوية و ترحيهم كامل مليح و من بعد تكون موجدة الكرشة الي تعمر بيها الحشو و هي دائما ديرهم صغار باش كل واحد طيح من نصيبه على الاقل حبة و تخيطهم

من جهة في طنيجرة تحضري بصلة صغيرة مبروشة مع مغيرفة زيت و مغرف طماطم مصبرة و الجلبانة و نضيف العصبانة تتقلى شوية معاهم و نمرق و نخلي طيب و ادا كنتي مزروبة عليكي بالكوكوت مينيت

ملاحظة ما تزيديش الملح في المرقة حتى تدوقي المرقة ياك علابالك العصبانة فيها الملح و العصبانة قبل ما ترميها ثقبيها بالابرة و ما ديريش التوابل في المرقة علاخاطرش العصبانة تطلق في المرقة امممممممممممم و ادا حبيتي زيدي شوي بطاطا باش تزكي الطبق و تجي بنينة بيها العصبانة تانيك

و بالصحة و الراحة










في أمان الله