بسم الله الرحمان الرحيم السلام عليكم ورحمة الله تعالى وبركاته كيف حالكم اخواتي ان شاء الله راكم كاااامل بخير وصفة اليوم اقتصادية وساهلة عبارة عن بيسكوي بالمعجون يشبه الى حد كبير في الكروكي لكن هذا يجي بالمعجون https:// المقادير: 2بيضات نصف كاس سكر احرش نصف كاس زيت فاني زاست حبة ليمون ملعقة صغيرة خميرة الحلوى مانكثروش حتى يحافظ على شكله بعد ما يطيب فرينة للتزيين: رقائق اللوز او كاوكاو مدشش معجون كمية من لاجولي تعمل على تماسك المعجون حتى كي نقطع الحلوى يجي شكلها شباب ملون احمر سكر رطب الطريقة: بواسطة الخلاط الكهربائي نخلط البيض مع السكر ثم نضيف الزيت ونحرك ثم الفاني والزاست ثم الخميرة ونضيف الفرينة حتى نتحصل على عجينة متماسكة ماتكونش طرية بزاف وماتكونش يابسة. ناخذ صينية الفرن نحط عليها ورق الزبدة ونشكل حرابش ونعدلهم كيما نعملو في الكروكي هذا الكمية عملتلي زوج حرابش هكذا https:// بواسطة الاصبع نضغط عليها في المنتصف https:// ندهن الجوانب ببياض البيض ونذرذر عليهم رقائق اللوز او الكاوكاو لي ما عندهاش ممكن تستغني على هذا الخطوة https:// ندخله للفرن يكون مسخن مسبقا على 180درجة بعد ما يطيب نرش على الاطراف سكر رطب وفي الوسط نحط كمية من المعجون +لاجولي +ملون احمر https:// نخليه الحلوى تبرد جيدا حتى يتماسك المعجون مع لاجولي ونقطعها بسكين او قطاعة ونقدمها https:// عن قرب https:// ان شاء الله تعجبكم الحلوى وتجربوها في امان الله</B></I>