اقتباس:
المشاركة الأصلية كتبت بواسطة allamallamallam
اختى انا جاى من والايه اخرى وادرس فى العاصمه عمرى ما اهدرت فرونسى ولا حتى اللهجه العاصميه اختى انا اعتز بلهجة منطقتى و احترم لهجة اخوتى العاصميين الاصيلة ليست المخلطه بالفرونسى............................
اختى الطالب الذى يغير لهجته و يهدر غير بفرونسى هذا طالب ضعيف الشخصيه و معندوش هويه .....رغم انا هذه الحاله قليله وتنتشر اكثر عند الطالبات
|
يعطيك الصحة نفس الشي بالنسبة للعاصميين كاين أقلية يهدروا بالفرنسية زوخ و الكترة لبنات وهاديك تدخل فالشخصية تاع الانسان ...
بيناتنا في داركم ماتقولوش فرشيطة (فرونسي معوجة) ، وفالجامعة ماتقولش لونفي وماتقولش فوايي ......
حنا فالعاصمة كلمات جراو على لسانا بلا مانفيقو نقولوهم هدا ماكان
كاين كلمات يستعملوها الشباب صح هديك كلمات دخيلة ولي ماشي عاصمي موحال يفهمهم وماشي بالفرنسية ....
نزيدلك حاجة لاحظ حنا الاعضاء لي من العاصمة اسماء عضويتنا بالعربية عندك(صفوة نفس،محمد العاصمي،نبيل الموحد،شراع الامل ...)
يا أخي خلينا من العقد تاع اللهجات والعاصمة اسمها العاصمة يجوها الناس من كل الولايات بلاك هداك لي راك تشوفو يهدر غير بالفرنسية تلقاه جا البارح برك للعاصمة اهدر بلهجتك وربي يوفقك في قرايتك .. في أمان الله