[سعاذ]

المشاركة الأصلية كتبت بواسطة baroud

يا ستي سعاد اصبت من حيث اني عنيد جدا جدا دك نفهمك بالعقل
هذيك تاع اصحابي و الله للغدوة و انا مامن بها لا صداقة و لا اصدقاء و بما اني كنت من قبل صارم و كما يقولوا مزير و سيريوا علئ هذا تعمدوا صحابي يفقدوني لاني العقليات ماش نفس الشيء و ف مجتمعنا يميلوا للاشخاص اللي يمشوا علئ هواهم و نفحتهم و انا منحبش علئ نمشي علئ عقلية غيري عندي شخصيتي و عندي مبادئ و قيم و انا عارف وش نقول بالمختصر ما قنعوني ف طريقة فهمهم للحياة يعني عايشين من اجل العيش و بس
اعز الاصدقاء و اللي درسوا معي حتئ ف الجامعة لا املك لهم ارقام و لا معلومات في مكان العمل كما يقولوا ما مداصر حتئ واحد
نزيدك شيء اخر بارود لا يؤمن بالصداقة الدائمة و لا العداوة الدائمة بل بالمصالح المتجددة او بعبارة اخرئ صديق عن صديق يفرق و المصالح ادرئ هذه لازم تعرفيها و تلقاي لها مكان في مجتمعنا الحنون
اما باش نفرض عليهم يديروا فيا مزية لالا لانو مش من حقنا نتكلف باش نكونوا ملاح احنا بعفويتنا رائعون
و اظن اني و قلتها من قبل الرجوع سيد المواقف
لاني تحملت جزء من عقليات و افكار خلاتني نتراجع عن بعض مكتسباتي الفطرية و الان حان وقت جذبها
و نرجع للاصل و نمسح غبار الطريق ليظهر لمعاني مجددا و من شاء ان يدخل لفضائي و من لم يشاء فهو حر

سلامتك يا سعاذ


اه نست اذا ممكن تفكريني بالسؤال نروح نصلي و نولي

السلام عليكم
ربي يقبل صلاتك و دعواتك ان شاء الله و ساعة على ساعة تفكرنا بدعوة
ماتحطش في بالك على السؤال خاطر حتى لاقلتولك ماريحش تتفكرو خاطر كان في سياق واحد الموضوع قديم
شوف يا خويا يا بارود انا متفقا معاك في كلش غير في الصداقة انت فكرتك نحترمها خاطر كانت نتيجة على تجربتك و انا فكرتي مقتنعة بها خاطر ناتجة عن تجربتي حتى يثبت العكس صراحة صحاباتي عندهم اكثر من 10 سنتين و حنيا مع بعض رغم ان اماكن بعدتنا بصح مزلنا كي زمان صح حنيا منشبهوش لبعضنا في كلش بصح حنيا نكملو بعضنا
ونشفا خطرى قلت انت بلي باش تستمر علاقة لازم يكون احد اطراف ديما يتنازل هنيا نقولك عندك الحق خطرى انا لي نتنازل خطرى هيا كيما مع خواتاتي و خوتي ساعة عليهم ساعا عليا بشرط هذا التنازل ميمسش مبادئ

بارود يا خويا ابقى كيما انت في صرامتك و انضباطك و صراحتك و بقى على مبادئك والله نفرح كي نشوف ناس هكذا
دمتم في رعاية الله و حفظه