اقتباس:
المشاركة الأصلية كتبت بواسطة srour
هذا الخبز محشي سميتو أم علي خاطر هي من حطت الوصفة في إحدى المنتديات عندي عامين وأنا نعمل فيه خاصة في رمضان وفصل الصيف نخليكم مع الصور لعملتها البارح ولعجبكم نحطلكم الوصفة
|
المقادير وباقي الصور مقدرتش نرفعها من بعد نحطها في موضوع جديد تابع
أولا العجينة
500 غ فرينة
150 غ مرغرين
ملعقة أكل خميرة خبز
كأس حليب دافى ممعمرش
بيضة
ملعقة صغيرة ملح
قشور الليمون أنا نفسي زدتو
نخلط الفرينة مع الزبدة نبل الخميرة بالماء الدافئ نضيف الحليب والبيضة ولكان جات ناشفة نكملوا بالماء الدافئ
نخايوها ترتاح في الثلاجة ربع ساعة ونحضر الحشو
2 حباة بصل لحم مفروم نحطهم يتقلاو مع المعدنوس والثوم وملح وفلفل أسود في الأخير بعد ما تطيب نضيف 2 حباة بيض مسلوقين ومفرومين على الخليط تم نضيف الجبن قريي أنا مكانش عندي هذ المرة حطيت الجبن الطري مكعبات صغار جدا
نرجع للعجينة نشكل كريات صغار ونحطها في بلاطو مرشوش في الفرينة ترتاح 10 دقائق من بعد نعاود نطرح كل كرة كيما في الصورة تكون طبقة رقيقة ونحط الحشو في الوسط ونغلق عليه وننزع باقي الجينة للتشكل عند غلق الكرة
نحطها في البلاطو وندهنها بصفار البيض والحليب وتزين بالجلجانية وصح فطوركم فعلا هي مغدية وما فيهاش دهون لتأثر على المعدة خاطر تطيب في الفرن
شكرا اختي وشهية طيبة