[ryhem 16]

المشاركة الأصلية كتبت بواسطة دائمة الحمد

ام اناس وام انوس الف مبروك عزيزاتي وربي يكمل ليكم على خير
ريهام اهلا بيك وبابداعاتك الرائعة وضحي وصفة السكندرانيات حنونة
افروديت راهي النت تجنن وين نكتب رد يتمحى
انا الوصفة هذيك تاع الكسرة ما عملتهاش بحذافيرها عملتها اليوم مع تحريفات اذاتحبي نحطهالك

أرحب بيك الخير يا وجه الخير و ربي يخليك يا مولاة أحن و أكبر قالب في الكون مواااااااح
حبيبتي هذا المودال جابو بابا من عرس و حبيت نسيه بالصراحة هبليييييي في التشكيل لكن البنة عجبتي مليححححححح
بسم الله
العجينة

• عملت عجينة السكندرانيات لكن كمية قليلة للتجربة فقط

• 500 غ فرينة ( نعطيك حاجة حنا في دارنا نستعملو فرينة لابال للحلاويات الجافة أما التقليدية نستعملو سيم)

• قرصة ملح
• 200 غ زبدة ذايبة(اذا كانت دافية استعملي الماء و الماء الزهر دافين و العكس صحيح) هذا سر عطاتهولي ماني ربي يرحمها
• 1 حبة بيض
• لافاني
• ملون أخضر مذوب في شوية ماء الزهر
  
• ماء + ماء زهر
• التحضير
• نخلط في وعاء الفرينة+لافاني+قرصة ملح
• نبسس بالزبدة
• نضيف البيضة+ الملون+ماء+ماء الزهر و نخليو العجينة ترتاح

الحشوة

• 500 غ لوز مرحي
• 250 غ سكر عادي
• لافاني
• بياض البيض حسب الحاجة(ما تستعمليش الصفار راه انفخ الحلوة و ترتقلك السكندرانية)
• التحضير خلطي مقادير الحشوة متكونش جارية بل حاكمة روحها و خليها ترتاح

في هذا الأثناء حضري الورود و الأوراق

• التزيين
• عجينة اللوز
  
• البيضاء و الصفراء ديريها للوردات
• الخضراء للأوراق
• شوية بستاش مرحي (ستعملت لوز رحيتو ثم لونتو بشوية ملون أخضر مذوب في قليل من ماء الزهر)
  
• في الأخير نستحقو لعسيلة معطرة بشوية ماء الزهر

خطوات التشكيل
نحلو العجينة كما راكو تشوفو مراهيش مخلطة جيدا نستعمل ألة البقلاوة و نمررها عدة مرات في رقم 2




نمررها في رقم 5 و من بعد من جهة الرشتة الرقيقة و نعملها حربوش تاع الحشوة

نلف بمساعدة كيس بلاستيكي




نقطع أصابع و نستف في صحن الفرن

• كي طيب نعسلها ونرمد الأطراف في اللوز المرحي و في الأخير نحطلها الوردات