ما تخيبونيش و وريولي

[tidy]

السلام عليكم
أخواتــــــــي بداية,اريد شكركن لم تبذلنه من جهد لتعليـــــــــم بعضكن(جزاكم الله خيرا)
عندي طلب خفيف.راني حابة نعرف طرق تحضير خبز فطير=الرخسيس خاصة تع الشرق

[omo mazen]

المهم تحضيرها يكون بوضع السميد في الوعاء المخصص للعجن او الجفنة ونضع ملعقة ملح وملعقة خميرة الخبز وملعقة سانوج الحبة السوداء ليعطي طعم لخبزنا مش ضروري او السمسم انت وذوقك ومقدار نصف كاس زيت زيتون او الزيت اللي تفضليه ويعجن الكل بماء دافي وتقرص الى خبزات صغيرة ونطيبوها في طاجينا والف صحة وهنا عليكم
http://www.rjeem.com/up/images/8bfqatvl7e14nvtp2ml.jpg (http://www.rjeem.com/forum)

[fatima zohraa]

السلام عليكم حنا في الشرق نسميوه الرخسيس.تحضري السميد و تبسسيه بالزيت مليح تضيفيلو الملح و بيضة وشوية خميرة تعجنيه شوي بالزبدة ومبعد الطريقة رهي باينة .ارجو اني افدتك

[tidy]

baraka allaho fikoma
:19::19::19:

[ام سامي15]

يا اختي الرخساس


نعطيك مقادير رخساسة صغيرة

شوفي ديري غرفية نتاع الحريرة عمريها بالسميد

حطيها القصعة لي تعجني فيها

زيديلها 6ملاعق كبيرؤة زيت

ملعقة قهوة ملح

قرصة خميرة الخبز

و اعجني بالماء بحيث لا تكون طرية و لا يابسة

خليها تستريح 15 دقيقة

سخني الطاجين من الاحسن نتاع الطين

و اذا ما عندكش ديري في المقلة الكبيرة نتاع التيفال


و عندما تسخن


قرصي الكسرة بحيث تكون 1 سم او اقل

و اثقبيها بالفرشاة من الجهتين و حطيها في الطاجين

مين تقرب تحمار قلبيها

من الاحسن حركيها شوية مين تكوني طيبي فيها

نتمنى نكون شرحتلك بالتفصيل

[*ام رامي*]

كيما قالولك الاخوات
انا بدل خميرة الخبز ندير خميرة القاطو وتجي هشوشة رووعة

[ام سامي15]

كيما قالولك الاخوات
انا بدل خميرة الخبز ندير خميرة القاطو وتجي هشوشة رووعة

بارك الله فيك ام رامي على المعلومة

و لكن شحال ديري خميرة القاطو مثلا في قرصتين من الرخساس
؟؟؟؟؟

[سمراء الدنيا]

بارك الله فيكم انا تاني ما نعرفوش
لكن شهيتوني فيه و مع الشرح نتاعكم رايحة نديرو

[أم ياسين الزهراء]

اختي الرخساس الاصلية مانديروش فيها الخميرة تجي مبسسة ونديرو الجلجلان ونعجنوها عادي ونقرصوها ونطيبوها ثم ثم بصح دوق اللي يحب يدير الخميرة عادي شوي برك وديري شوي الزيت ماتكثريش وتبليها وتعجنيها وتحطيها في الساشي مدة ومنبعد طيبيها

شوفي هذا

http://forum.hawahome.com/t366632.html

[soumay12]

ساهلة اختي نقولولها الرخسيس عينك ميزانك

بسي السميد بالزيت وضيفيلو الملح والخميرة تاع الكسرة مش برشة

وشوية خميرة حلواني وايضا السينوج وبعد بليها بماء دافيء ما لزمش تكزن طرية

خليها ترتاح واعجنيها مليح وبعد في اخر عجنة ضيفلها ملعقة زبدة واعجنيها بيها

راح يكون مطعمها لذيذ وبصحتكم

[tidy]

مـــــــا شاء الله على هذه الهمم العالية:19::19::19:
يــــــاطيكم الصحة على الشرح وعلى الصور راه يبان يشهي راني نساييه ونردلكم الخبر
*
*
*
*
آللهم أودع فى قلوبنَا مَا يشغَلنَا بكَ ،

وأودع فى أسمَاعنَا ما يـطـمـئـنـُـنــا بكَ ،

وأودع فى جَوارحنَا مَا يقربنَا منكَ ،

وأودع فى ألـسـنـتِـنـَـا مَا يهدينَا إليكَ ،

وأنزع الغِل والشقاقَ والنفَاقَ والريَـاءَ من أنفسنَا ومن بيننَا !

http://a7.sphotos.ak.fbcdn.net/hphotos-ak-ash4/p480x480/417646_397242063624411_283578831657402_1855480_130 3099415_n.jpg

[ام سامي15]

http://www.djelfa.info/vb/showthread.php?t=592465

[*ام رامي*]

بارك الله فيك ام رامي على المعلومة

و لكن شحال ديري خميرة القاطو مثلا في قرصتين من الرخساس
؟؟؟؟؟

اهلا عزيزتي ام سامي
شوفي في كل قرصة نتاع كسرة ديري ملعقة كبيرة فرينة وملعقة قهوة خميرة قاطو واعجنيها عادي رطبيها مليح وطيبيها
راني نستنى فيك ديريها ورديلي لخبر
والله غير جي هشوشة روووعة
بصح رققيها شوية عن المعتاد راهي في الطاجين تطلع شويييييية

[my lamis]

حنا هذي منديروهاش بصح علمتهانا وحدة برايجية
و نديرو غير السميد و الملح و الزيت و العبر تاع السميد نتي تتحكمي فيه و الزيت منكثروش
و نلموها بالماء مدريها لا يابسة لا طرية و تخبزيها و تثقبيها بالفرشيطة و طيبيها
إذا حبيتي تخليها خبزة و طيبيها ولا تقطعيها على أربعة

[ام سامي15]

اهلا عزيزتي ام سامي
شوفي في كل قرصة نتاع كسرة ديري ملعقة كبيرة فرينة وملعقة قهوة خميرة قاطو واعجنيها عادي رطبيها مليح وطيبيها
راني نستنى فيك ديريها ورديلي لخبر
والله غير جي هشوشة روووعة
بصح رققيها شوية عن المعتاد راهي في الطاجين تطلع شويييييية



ربي يعطيك ما تتمناي

على الاهتمام


جزاك الله خيرا

ان شاء الله نجربها و نرجعلك لخبر يا غالية