كسرتي المطلوعة الإسفنجية والرخسيس اللذيذة يم يم يم يمي

[oum rahma]

السلام عليكم



بالنسبة للمطلوعة

خبزة هي حفنة مليحة تاع اليدين سميد و الخميرة استعملت لي تجي حباتها صغيييرة جدا مقدار ملعقة صغيرة معمرة لكل خبزة والملح حسب الذوق

الطريقة : نحط الدقيق في القصعة ومن جهة أخرى نحط الخميرة ندفي الماء ونحط شوية فوق الخميرة باش تذوب

ثم نبلها بالماء عادي ماهي يابسة ماهي طرية ونغطيها بقماش ونخليها ترقد، الوقت اللازم هو حتى تطلع ونشوفها انتفخت ولازم في جو دافي يعني موش في كوزينة النافذة فيها مفتوحة مثلا٠

ملاحظة مهمة في الخطوة السابقة لا أضع الملح لأنو يقتل الخميرة نخليه كي نبدا نعجن

المرحلة الثانية هي العجن : نجيب الماء الدافي و نذوب فيه الملح

ثم نبدى نعجن بإضافة الماء المملّح تدريجيا نزيد بشوية ونعجن

حتي تطرى مليح ونحسها بدات تعمل فقاعات تحت يدي في النهاية

نلمها بشوي زيت باش ما تلصقش و يزيدها بنّة و ندخلو فيها مليح

ثم نقسمها إلى كويرات من الأحسن تكون صغيرة باش تجي الخبزة صغيرة و نهزها بسهولة أثناء الطياب لأنو كي تعود كبيرة راح تتحل بين اليدين كي تتهز لطراوتها وتهبط في الطاجين٠

نفرش فوق الطاولة ونحط الكويرات ونخبزها موش رقيقة ولا خشينة ياسر باش تجيك عملية الخَبْز سهلة لأنها طرية غبريهم بشوي فرينة و اخبزي وهكذا ما تلصقلكش في القماش نغطيها و نخليها تطلع في الدفء ثم نطيبها

الأشياء المهمة

- ما تحطيش الملح مع الخميرة

- اعجنيها وطريها بإضافة الماء المملح بشوية بشوية

- لميها بالزيت في الأخير اخبزيها بحجم صغير باش ما يفسدش شكلها أثناء الطياب

- ومن الأحسن تخبزوها قريبة من الطابونة باش كي تهزوها مباشرة الى الطاجين ما تعذبكمش لأنها طرية

وضرك تفضلوا معاي باش تذوقو كسرتي الإسفنجية هشة
ومعمرة ثقوب



http://im50.gulfup.com/PKGq8.jpg



http://im50.gulfup.com/WhOwH.jpg



http://im50.gulfup.com/XMHG0.jpg



http://im50.gulfup.com/cnClY.jpg






وهاذي كسرة رخسيس لذيذة

أما الرخسيس نحط سميد على جنب وشوية زيت على جهة نحط في الزيت شوية خميرة قليلا فقط وطبعا الملح منبعد

نحط شوي ماء فوق الخميرة والزيت باش تذوب ثم نخلط ونزيدليها الماء الدافيء كي نلمها في الأخير نذوب الملح في شوي ماء و ندخلو طبعا موش طرية ياسر نغطيها ونخليها ترقد ومنبعد نعجنها مليح بإضافة مكعبات صغيرة من الزبدة تخليها لذيذة جدا ندخلهم مليح بالعجن نقسمها كويرات و نزيد نخليها ترقد شوي (شبعت نوم :1: :1: ) ومنبعد نخبز بالوحدة و نطيب و هكذا





http://im50.gulfup.com/cu192.jpg

http://im50.gulfup.com/LTJ0u.jpg



http://im77.gulfup.com/TSEVL.jpg


طبعا مع اللبن ولا ألذ ٠٠٠٠نشرب اللبن حتى في الشتاء :1: :1: :1:

http://im77.gulfup.com/GSpT3.jpg









تقييمكم يهمني

يا لبنات اعذروني كتبت يااااااااسر :D :D :D

نتمنى نكون افدتكم .............وأي سؤال آني هنا


http://www.alhsa.com/forum/imgcache/826.imgcachehttp://www.alhsa.com/forum/imgcache/826.imgcachehttp://www.alhsa.com/forum/imgcache/826.imgcachehttp://www.alhsa.com/forum/imgcache/826.imgcache

[mina3]

يعطيك الصحة انا المطلوع هبلني لبارح زدت جربتوا و منجحتش فيه حتى كرهتوا

[ام لطفي]

ما هي مقادير و طريقوة الرخسيس

[nada nina]

يعطيك الصحة انا تاني نحب اللبن في الشتاء

[bassamat]

روعة روعة بارك الله فيك هاذو اول حاجة تتعلمهم الطفلة عندنا

[عبير خانو]

هههههههههه

فول بلا زريعة

مادامك حطيتي الصور

زيدي تكرمي علينا وعطينا المفادير وطريقة التحضير

[الباديسي]

يا سعد افراد اسرتك بك
ويا فرحة ضيوفكم بك كرمكم وطعامكم
كثر الله من امثالك
شكرا

[odyssée]

بارك الله فيك باينين يشهو بصح اعطينا طريقة المطلوع

[nawelsouad]

مشاء الله اعطينا المقادير من فضلك بالتفصيل المم ل و كذلك مقادير الماء و الخميرة و كل شئ و كم تتركيه يرتاح بالضبط جزاكى الله كل خير و لو تكرمتى اعطينا السر اللى يخلى مطلوعك ناجح و ربي يديرهالك في ميزان حسناتك و يعطيك و يرزقك

[sbila]

ما شاء الله حرة وبنت حرة كسسسرة ولا أوع سلمت اناملك وحفظك الله ورعاكـــــ،،،

والله شهيتينا بالصور اللذيذة نتمى لو نقدر نذوقها خاصة مغ هاذاكا البن.........ههههههههه

موضوع رائع يستحق الثبيت أختي الغالية ام رحمة....بانتظار اطباقك ووصفاتك القادمة ونظن رراح تكون كاااامل من قلب التراث الجزائري

نحن بالإنتــــــــظار~ْ

[ام ظافر]

فعلا تبان روعة تاكلوها بالصحة والعافية
لكن الطريقة ما تنسايناش بيها

[حلم جميل]

الله يباارك ماشاء الله
رووووعة خصوصا مع اللبن

[ام احمد الغالي]

ماشاء الله تبارك الرحمن عندي مدة طويلة ماكلتهاش بالصح قوليلي انت كاتبة انك في فرنسا كيفاه تطيبيها من غير طاجين خاصة الرخسيس واذا طريقة اخرى قوليلي عليها لاني حابة نعملها بالصح الطاجين الله غالب مكانش قوليلي الطريقة تعيشي وبالصحة والهناء ليكم خاصة الكسرى مع اللبن تشهييييييييييييييييييييييييييييييييييييييييي

[ويبقى الأمل]

الله يبارك كسرة تاع لحراير أختي 10/10
الله يعطيك الصحة وتسلم الأيادي
على فكرة كسرة الرخسيس فوطو كوبي على كسرتنا سواء في اللون ولا في السمك
كن تاع الخميرة ولا المطلوع كيما سميتيها تاعك غلييييييييييييظة بزاف صح اسفنجية
ربي يحفظك أختي.

[/زهرة عصفور الجنة/]

بارك الله فيك

[omo mazen]

واو روعة الله اخليلك هدوك اليدين و الله راهي الدمعة هبطت فكرتيني بالبلاد و الام الحنونة و صنع ايديها انا هنا في نيويورك مشكلتي الطجين الي الطيبي فيه معنديش و زيد كوزينيار انطيب غير في الفور و شنقولك احسن صور شفت يريت تبعثيلي خبزة راح اكون احسن هدية تكلوه بالصحة و الهناء

[mimicha1977]

الله يعطيك الصحة وتسلم الأيادي

[my lamis]

بارك الله فيك فحلة حتى و في فرنسا و منسيتيش عاداتك أنا المطلوع تاعي ميش كيما تاعك كينديرو نوريهلك و اللي قلتي عليه الرخسيس حبيبتنا من البرج وراتونا بصح إسموه القليط و هوما ياكلوه باللبن و حنا كينديروه نشربوه بالقهوة

[*أم كوثر*]

امممممممممممممممم يشهو حرة بنت حرة و الساكنات في فرنسا مش مشكل الطاجين
عندي اقارب في فرنسا كي يهبطو للبلاد يدو معاهم الطواجن اشكال و انواع
بالصح ملاحظة ياااااااريت اللي تحط وصفة ترفقها بالمقادير و الطرقة
تعبنا من تكرار الملاحظة اخواتي
الف شكر

[السيدة كرمين]

http://www2.0zz0.com/2011/11/24/09/734982629.gif (http://www.0zz0.com)



فعلا قمت الفن و الابداع الله يخزينك من العين

[سَلْسَبِيّلْ]

المقادير هيا راهو روعة يعطيك الصحة اختي

[oum rahma]

http://www.hayah.cc/forum/imgcache/61929.png



أعتذر على تأخري في الرد عليكن حبيباتي بسبب انشغالي ٠٠٠سوف أجيب على كل واحدة الآن
بإذن الله سأعدّل الموضوع وأضع الطريقة نزولا عند رغبتكن

[oum rahma]

يعطيك الصحة انا المطلوع هبلني لبارح زدت جربتوا و منجحتش فيه حتى كرهتوا


ربي يبارك في صحتك

ان شاء الله يصلحلك جربي دايما حتى يجيك مليح

:):):)

[oum rahma]

ما هي مقادير و طريقوة الرخسيس


شكرا على المرور سأعدل الموضوع و أضع الطريقة بإذن الله

:):):)

[ام خديجة1]

ما شاء الله عليك اختي ام رحمة والله يسلم هاذوك اليدين ابعتيلي شوية برك معاك راني نموت عليهم الزوج المطلوع والرخسيس

[oum rahma]

يعطيك الصحة انا تاني نحب اللبن في الشتاء


بارك الله فيك على المرور ٠٠٠٠لقيت وحدة كيما انا تشرب اللبن في البرد :d:d:d

روعة روعة بارك الله فيك هاذو اول حاجة تتعلمهم الطفلة عندنا


شكرا بسمات ما قلته صحيح هذوما الأساسيات اللي لازم تتعلمهم الطُفلة قبل ما تتزوج

ربي يحفظلي امي الغالية اللي علمتني٠

على فكرة انا متتبعة لمواضيعك وفي مسابقة قسم الخياطة صوّت عليك :d:d

[oum rahma]

هههههههههه

فول بلا زريعة

مادامك حطيتي الصور

زيدي تكرمي علينا وعطينا المفادير وطريقة التحضير


والله ضحكتيني أضحك الله سنّك

ما دام عجبك الفول ضرك نحط الزريعة ..... شكرا على مرورك

:):):):)

[oum rahma]

يا سعد افراد اسرتك بك
ويا فرحة ضيوفكم بك كرمكم وطعامكم
كثر الله من امثالك
شكرا

بارك الله فيك

بارك الله فيك باينين يشهو بصح اعطينا طريقة المطلوع

ربي يبارك فيك فعلا يشهوووووو يم يم يم يم ٠ضرك نحط الطريقة في الموضوع

:):):)

مشاء اللع اعطينا المقادير من فضلك بلتفصيل اممل الممل و كذلك مقادير الماء و الخميرة و كل شئ و كم تتركيه يرتاح بالضبط جزاكى الله كل خير و لو تكرمتى اعطينا السر اللى يخلى مطلوعك ناجح و ربي يديرهالك في ميزان حسناتك و يعطيك و يرزقك

بارك الله فيك عزيزتي ما يكون غير خاطرك ضرك نكتب بالتفصيل الممل

:):):)

ما شاء الله حرة وبنت حرة كسسسرة ولا أوع سلمت اناملك وحفظك الله ورعاكـــــ،،،

والله شهيتينا بالصور اللذيذة نتمى لو نقدر نذوقها خاصة مغ هاذاكا البن.........ههههههههه

موضوع رائع يستحق الثبيت أختي الغالية ام رحمة....بانتظار اطباقك ووصفاتك القادمة ونظن رراح تكون كاااامل من قلب التراث الجزائري

نحن بالإنتــــــــظار~ْ

مشكورة يا سبيلة فعلا الرخسيس و اللبن ثنائي لا يقاوم يم يم يم

حاضر من التراث هههههههههههه

:):):)

[oum rahma]

فعلا تبان روعة تاكلوها بالصحة والعافية
لكن الطريقة ما تنسايناش بيها

بارك الله فيك عزيزتي أم ظافر أكيد راح نحط الطريقة بإذن الله
:):):)

الله يباارك ماشاء الله
رووووعة خصوصا مع اللبن

يبارك في صحتك عزيزتي مشكورة

:):):)

[oum rahma]

ماشاء الله تبارك الرحمن عندي مدة طويلة ماكلتهاش بالصح قوليلي انت كاتبة انك في فرنسا كيفاه تطيبيها من غير طاجين خاصة الرخسيس واذا طريقة اخرى قوليلي عليها لاني حابة نعملها بالصح الطاجين الله غالب مكانش قوليلي الطريقة تعيشي وبالصحة والهناء ليكم خاصة الكسرى مع اللبن تشهييييييييييييييييييييييييييييييييييييييييي

عزيزتي أم أحمد كون جيتي قريبة والله نبعثلك (على ما يبدو أنك في الخارج )

صحيح أنا في فرنسا في الأول كنت نعمل الكسرة في طاجين تريسيتي تاع البيتزا (ما تعجبنيش ياسر... خير من ماكانش )

ومنبعد شريت طابونة من هنا يتباعو غير هوما وطاجين الطين جبتو معاي من لبلاد شريتو من بجاية هايل

وضرك راهو كلش يتباع هنا (الحمد لله ) طواجن الطين والحديد بنوعيه ( المْسَرَّحْ أي المستوي أو المْجَامَر أي المنقط)

بصح أنا نفضل تاع الطين كسرتو تطيب روعة

شكرا على مرورك الطيب

:):):)

[oum rahma]

الله يبارك كسرة تاع لحراير أختي 10/10
الله يعطيك الصحة وتسلم الأيادي
على فكرة كسرة الرخسيس فوطو كوبي على كسرتنا سواء في اللون ولا في السمك
كن تاع الخميرة ولا المطلوع كيما سميتيها تاعك غلييييييييييييظة بزاف صح اسفنجية
ربي يحفظك أختي.

ربما كي درت الزووم أثناء التصوير بانتلك غليظة ياسر لكنها متوسطة

شكرا على مرورك الطيب

:):):)


بارك الله فيك

بوركت أختي منى أسعدني مرورك

:):):)

[oum rahma]

واو روعة الله اخليلك هدوك اليدين و الله راهي الدمعة هبطت فكرتيني بالبلاد و الام الحنونة و صنع ايديها انا هنا في نيويورك مشكلتي الطجين الي الطيبي فيه معنديش و زيد كوزينيار انطيب غير في الفور و شنقولك احسن صور شفت يريت تبعثيلي خبزة راح اكون احسن هدية تكلوه بالصحة و الهناء

يسلمك عزيزتي و الله آني حاسة بيك الغربة موش ساهلة واش راح نديرو.... الصبر وفرات

بالنسبة للطاجين تقدري تعمليها في طاجين تريسيتي تاع البيتزا لي يجي بغطاه انا قبل كنت نعمل هكا (الحاجة أم الإختراع)

صح ما تجيش كيما تاع الطاجين والطابونة لكن خير من ماكانش على الأقل تنحي السخفة حتى شخشوخة الظفر ولاّ الأخرى تصلح فيه

ضرك نبعثلك خبزة عبر ال*****

شكرا على مرورك و ربي يحفظلك الوالدة

:):):)

[oum rahma]

الله يعطيك الصحة وتسلم الأيادي

ربي يبارك في صحتك عزيزتي

على فكرة جرّبت الكروكي تاعك جاني هايل يعطيك الصحة

:):):)

بارك الله فيك فحلة حتى و في فرنسا و منسيتيش عاداتك أنا المطلوع تاعي ميش كيما تاعك كينديرو نوريهلك و اللي قلتي عليه الرخسيس حبيبتنا من البرج وراتونا بصح إسموه القليط و هوما ياكلوه باللبن و حنا كينديروه نشربوه بالقهوة

شكرا عزيزتي أنا نحب الكسرة لذلك نعملها (من ريحة لبلاد)

نتمنى نشوف المطلوع تاعكم كيفاه باش ندو فكرة على حوايج بلادنا...الرخسيس أنا ثاني نموت عليها مع الحليب القهوة

:):):)

امممممممممممممممم يشهو حرة بنت حرة و الساكنات في فرنسا مش مشكل الطاجين
عندي اقارب في فرنسا كي يهبطو للبلاد يدو معاهم الطواجن اشكال و انواع
بالصح ملاحظة ياااااااريت اللي تحط وصفة ترفقها بالمقادير و الطرقة
تعبنا من تكرار الملاحظة اخواتي
الف شكر


بارك الله فيك يا مبدعة المنتدى انا متتبعة لدورسك تاع الحلويات لكن للأسف ماجربتش :d :d

عندك حق انا شريت الطابونة من هنا والطاجين من لبلاد وضرك حتى الطواجن ولّو يتباعو( كلش كاين الحمد لله )

معك حق من الأحسن وضع الكيفية.... سأعدل الموضوع بإذن الله

:):):)

[oum rahma]

http://www2.0zz0.com/2011/11/24/09/734982629.gif (http://www.0zz0.com)





فعلا قمت الفن و الابداع الله يخزينك من العين



بارك الله فيك عزيزتي

:):):)


المقادير هيا راهو روعة يعطيك الصحة اختي

ربي يبارك في صحتك بالنسبة للمقادير حااااااااااضر

:):):)

[omo mazen]

امممممممممممممممم يشهو حرة بنت حرة و الساكنات في فرنسا مش مشكل الطاجين
عندي اقارب في فرنسا كي يهبطو للبلاد يدو معاهم الطواجن اشكال و انواع
بالصح ملاحظة ياااااااريت اللي تحط وصفة ترفقها بالمقادير و الطرقة
تعبنا من تكرار الملاحظة اخواتي
الف شكر
المشكلة يا اختي ام كوثر انا في امريكا بالضبط نيويورك و من الصعب اخد الطاجين معي و خاصة لاني اركب اربع طائرات لاصل الي باتنة

[oum rahma]

المشكلة يا اختي ام كوثر انا في امريكا بالضبط نيويورك و من الصعب اخد الطاجين معي و خاصة لاني اركب اربع طائرات لاصل الي باتنة

بالنسبة للطاجين تقدري تعمليها في طاجين تريسيتي تاع البيتزا لي يجي بغطاه انا قبل كنت نعمل هكا (الحاجة أم الإختراع)

صح ما تجيش كيما تاع الطاجين والطابونة لكن خير من ماكانش على الأقل تنحي السخفة حتى شخشوخة الظفر ولاّ الأخرى تصلح فيه

:):):)

[مقدسية]

اللحظة اطلعت على الموضوع والا لكنت اول من ترد حبيبتي الغالية،الله الله الله روعة روعة روعة واخراجك للموضوع اكثر روعة، بوركت اختي الحبيبة وسلمت يداك ربي يحفظك ويعطيك ما تتمناي،وبمناسبة اول محرم نزفلك احر التهاني واصدق الامنيات اعاده الله علينا وعلى الامة الاسلامية قاطبة باليمن والخير والبركات.

[بسسمة امل]

شكررررررررررررررررررررررررررررررا

[loubna2]

الله يبارك هايلللللللللللة تاع الصح ربي يجلزيكي خير على النصائح والمجهود ربي انشاء الله يكتبلك بكل حرف الف حسنة هكا كي نجربها وتصلح لي نقعد دائما نتفكرك بدعاوي الخير
خاطر عندي مدة عادت ما تصلحليش الكسرة مطلوع ملي تزوجت وبدلت الدار منعرف علاش ؟؟؟ بصح العفسة تاع الخميرة متتحطش مع الملح أول مرة نسمعها
يعطيك الضحة الله يباركلك في كل شيء آميييييييين

[ميمنة الجزائر]

تسلمي يا ام رحمة جاك روووعة تسلم ايديكي

نفس طريقتنا في المطلوع والكسرة رانا نستعملو خميرة القاطو ونبلها بالحليب تجي كيما درتيها راهي تجي كثير مبسة حتى ولو تعملي كثير الزيت والله جاوك رووووووووووووووووووعة

[lynsouha]

بارك الله فيك

[oum rahma]

ما شاء الله عليك اختي ام رحمة والله يسلم هاذوك اليدين ابعتيلي شوية برك معاك راني نموت عليهم الزوج المطلوع والرخسيس


بارك الله فيك اعذريني هاذا وان قريت ردك تسلمي حبيبتي اكيد نبعثلك بصح ياااااااسر موش شوية

:):):)

[oum rahma]

اللحظة اطلعت على الموضوع والا لكنت اول من ترد حبيبتي الغالية،الله الله الله روعة روعة روعة واخراجك للموضوع اكثر روعة، بوركت اختي الحبيبة وسلمت يداك ربي يحفظك ويعطيك ما تتمناي،وبمناسبة اول محرم نزفلك احر التهاني واصدق الامنيات اعاده الله علينا وعلى الامة الاسلامية قاطبة باليمن والخير والبركات.




بارك الله فيك حبيبتي مقدسية ربي يجازيك على كلامك الجميل

أعاد الله عز وجل هذه السنة بالخير والبركات ان شاء الله

:):):):):)

[oum rahma]

شكررررررررررررررررررررررررررررررا

العفو عزيزتي لا شكرعلى واجب


:):):):)

[oum rahma]

الله يبارك هايلللللللللللة تاع الصح ربي يجلزيكي خير على النصائح والمجهود ربي انشاء الله يكتبلك بكل حرف الف حسنة هكا كي نجربها وتصلح لي نقعد دائما نتفكرك بدعاوي الخير


خاطر عندي مدة عادت ما تصلحليش الكسرة مطلوع ملي تزوجت وبدلت الدار منعرف علاش ؟؟؟ بصح العفسة تاع الخميرة متتحطش مع الملح أول مرة نسمعها

يعطيك الضحة الله يباركلك في كل شيء آميييييييين






بارك الله فيك ربي جازيك على كلامك الطيب و ربي يحفظك


فيما يخص العفسة ديريها قاعدة واخدمي بيها وان شاء الله النتائج تكون مفرحة




:):):):):)

[oum rahma]

تسلمي يا ام رحمة جاك روووعة تسلم ايديكي

نفس طريقتنا في المطلوع والكسرة رانا نستعملو خميرة القاطو ونبلها بالحليب تجي كيما درتيها راهي تجي كثير مبسة حتى ولو تعملي كثير الزيت والله جاوك رووووووووووووووووووعة


بارك الله فيك عزيزتي ميمنة و مشكورة على مرورك الطيب


:):):):):)

[أم رقية نسرين]

ما شاء الله المطلوع يسخف يعطيك الصحة :19:

[zitoukar]

بارك الله فيك

[oum rahma]

ما شاء الله المطلوع يسخف يعطيك الصحة :19:




ربي يبارك في صحتك وبارك الله فيك

[أماني قادة]

تسلم الأيادي بارك الله فيك

[HADIL146]

http://www.ro-7.org/uploads/images/ro-7-8ec61fe461.gif

[oum rahma]

تسلم الأيادي بارك الله فيك



ربي يبارك فيك

مشكوووووووورة


:):):)

[فتـ حييةـاة]

http://i830.photobucket.com/albums/zz225/EmanIslamic/Islamic%20signatures/ward2u-GlitterArabicText93.gif
الرخسيس احنا نسموه الفطير

[oum rahma]

تسلم الأيادي بارك الله فيك


وفيك البركة عزيزتي


:):):)

[هاجر09]

بارك الله فيك

[oum rahma]

بارك الله فيك



وفيك البركة اختي..... مشكورة


:):):)

[oum rahma]

http://www.ro-7.org/uploads/images/ro-7-8ec61fe461.gif



بارك الله فيك***** مشكروة


:):):)

[oum rahma]

http://i830.photobucket.com/albums/zz225/emanislamic/islamic%20signatures/ward2u-glitterarabictext93.gif
الرخسيس احنا نسموه الفطير



بارك الله فيك******* مشكروة

ممممم معلومة جديدة ( الفطير )

[samia_87]

شكرا الله يخليك
:mh31:

[oum rahma]

بارك الله فيك



وفيك البركة عزيزتي

نورتي صفحتي


:):):)

[oum rahma]

شكرا الله يخليك


:mh31:




بارك الله فيك نورتي صفحتي



:):):)

[oum rahma]

http://smiles.a7bk-a.com/smile_albums/welcoms/11881738174827.gif

[ام احمد الغالي]

امممممممممممممممم يشهو حرة بنت حرة و الساكنات في فرنسا مش مشكل الطاجين
عندي اقارب في فرنسا كي يهبطو للبلاد يدو معاهم الطواجن اشكال و انواع
بالصح ملاحظة ياااااااريت اللي تحط وصفة ترفقها بالمقادير و الطرقة
تعبنا من تكرار الملاحظة اخواتي
الف شكر
للاسف ام كوثر انا من الناس اللي ما يهبطوش للبلاد بالسنين ومش في فرنسا لكن في الامارات بلاك فرنسا تلاقي الطواجين في مارسيليا بالصح هنا مكانش الحوايج تاعنا

[ام احمد الغالي]

عزيزتي أم أحمد كون جيتي قريبة والله نبعثلك (على ما يبدو أنك في الخارج )

صحيح أنا في فرنسا في الأول كنت نعمل الكسرة في طاجين تريسيتي تاع البيتزا (ما تعجبنيش ياسر... خير من ماكانش )

ومنبعد شريت طابونة من هنا يتباعو غير هوما وطاجين الطين جبتو معاي من لبلاد شريتو من بجاية هايل

وضرك راهو كلش يتباع هنا (الحمد لله ) طواجن الطين والحديد بنوعيه ( المْسَرَّحْ أي المستوي أو المْجَامَر أي المنقط)

بصح أنا نفضل تاع الطين كسرتو تطيب روعة

شكرا على مرورك الطيب

:):):)


الله يسعدك يا رب انا راني مش في فرنسا في الامارات وما نهبطش للبلاد يعني سنيييييييييييين هوما اهلي اللي يجيوني لاني مع ولادي التذاكر كثير
غالية وهنا مكانش اي شي ليه علاقة بالجزائر هههههه لكن مرات يعملوا معارض تاع تونس نشري منها الكسكسي والتمر واهلي يجيبولي
اما الطاجين والريشو مكانش شكرا على ردك

[hamida2012]

الله يبارك مطلوع وعليه الكلام انا كون ما تحضرش المطلوع و تكون طالعة كيما نتاعك كلي ما كليناش و الرخسيس تاني ما عندي ما نقول
يعطيك الصحة يا لفحلة

[لمستغانمية]

يعطيك الصحة الله يبارك شكرا اختي على الوصفة

[oum rahma]

الله يسعدك يا رب انا راني مش في فرنسا في الامارات وما نهبطش للبلاد يعني سنيييييييييييين هوما اهلي اللي يجيوني لاني مع ولادي التذاكر كثير


غالية وهنا مكانش اي شي ليه علاقة بالجزائر هههههه لكن مرات يعملوا معارض تاع تونس نشري منها الكسكسي والتمر واهلي يجيبولي

اما الطاجين والريشو مكانش شكرا على ردك







عزيزتي أم أحمد ربي يعاونك على غربتك ، والله تفاجأت أنو غير متوفرة بعض الأشياء اللي تقدري تخدمي بيها حوايج تاعنا


هنا في فرنسا كاين كلشي رغم اني بعييييييدة جدا عن مرسيليا الا انو ماعاتش نجيبو والو من لبلاد



لكسكسي بكل احجامه تاع دزاير والمغرب , العجائن تاع دزاير ( تاع قالمة ), لفريك ، طواجن ، قنادر دار ٠٠٠٠٠٠٠



موفقة عزيزتي

[oum rahma]

الله يبارك مطلوع وعليه الكلام انا كون ما تحضرش المطلوع و تكون طالعة كيما نتاعك كلي ما كليناش و الرخسيس تاني ما عندي ما نقول


يعطيك الصحة يا لفحلة





شكرا على مرورك الطيب انا ثاني نموت على المطلوعة

نورتي صفحتي عزيزتي

[oum rahma]

يعطيك الصحة الله يبارك شكرا اختي على الوصفة


يبارك في عمرك عزيزتي


مشكورة على مروروك العطر

[oum rahma]

http://smiles.a7bk-a.com/smile_albums/welcoms/11921944675189.gif

[اميره 2008]

يعطيك الصحة انا المطلوع هبلني

[حياة نور الدين]

بارك الله فيك وشكرا على المعلومات القيمة

[om moha mahdi]

يعطيك الصحة اختي بصح حبيت نعرف الرخسيس تاع الشرق برك والالا من المطلوع تاعك باينة من الشرق وانا من الشرق وهل بسكرة والواد عندهم الرخسيس كيما تاعنا ةالالا

[مامارجاء]

يا حنونةةةةةةةةةةةةةةةةةةةةةةةةةةةةةةةةةةةةةةةةة
نعم لا قالات لا بان شوكو
ni galette ni pain choko
تحيا المطلوع
صحيتي يالفحلة بارك الله فيك

[oum rahma]

يعطيك الصحة انا المطلوع هبلني



ربي يبارك في صحتك ، اعمليها باستمرار حتى تنجحلك ،موفقة ومشكوووووووورة

[oum rahma]

بارك الله فيك وشكرا على المعلومات القيمة


وفيك البركة أختي ،نورت الصفحة بمرورك

[oum rahma]

يعطيك الصحة اختي بصح حبيت نعرف الرخسيس تاع الشرق برك والالا من المطلوع تاعك باينة من الشرق وانا من الشرق وهل بسكرة والواد عندهم الرخسيس كيما تاعنا ةالالا



ربي يبارك في صحيحتك اختي

نعم أختي أنا من الشرق وهذه كسرتنا في جهتنا

بالنسبة لبسكرة لا أعلم أما الواد أعتقد لا ،موش كيما تاععنا والله أعلم.

مشكورة على مرورك الطيب

[nouna-12]

بارك الله فيكي
ان شاء الله نجرب المطلوعة راهي عجبتني

[fafou12]

انا حبيت نشششششكرك كثير انا كنت ديما كسرة المطلوع تجيني عادية مهيش اسفنجية ومن النهار اللي قريت طريقتك وانا قريتها من قبل ومن ذلك الوقت وهي ناجحة وراجلي ياكل فيها ويزيد يتفرج معها وانا ولله ولله كنت ندعيلك بالخير عن ظهر غيب واليوم كشفتها في المنتدى حبيت نخبرك بهذا الشئ وانصح كل وحدة تجربها بطريقتك راهي ناجحة عن تجربة

[nouna-12]

مساء الخير اختي
اليوم جربت المطلوعة
و فعلا كيما قلتي خفيفة و كي الريش واو ماشاء الله
انا اليوم درتها و جات تهبل لكن وقعتلي مشكلة و تداركتها ههههههههه
2 درتهم صغار جاوني نورمال مي واحدة كبرتها واش نقولك كي جيت نرفدها غرقت
ههههههه ولات تتكسل يميين و شمال مي المرة الاخري نديرهم الكل صغار باه كي نجي
نرفدها و تتكسل شوية تجي هاديك هي
بارك الله فيكي

[ام انس5]

اختي ما شاءالله خرجلك المطلوع والرخسيس روووووووووعة بارك الله فيك .غدوة ان شاءالله نجربو .ومشكوووووووووورة اختي على الشرح الوافي.:19::19::19::19:

[ايناس10]

يعطييييييييييك الصحة اختي راهي صح ناجحتلك ربي يبارك ويبارك في صحتك توكلي بالصحة ولهنا

[oum rahma]

بارك الله فيكي
ان شاء الله نجرب المطلوعة راهي عجبتني


وفيك البركة عزيزتي نونة جربيها وماتندميش

بصح طبقي النصائح الموجودة وباذن الله تجيك مليحة

[oum rahma]

انا حبيت نشششششكرك كثير انا كنت ديما كسرة المطلوع تجيني عادية مهيش اسفنجية ومن النهار اللي قريت طريقتك وانا قريتها من قبل ومن ذلك الوقت وهي ناجحة وراجلي ياكل فيها ويزيد يتفرج معها وانا ولله ولله كنت ندعيلك بالخير عن ظهر غيب واليوم كشفتها في المنتدى حبيت نخبرك بهذا الشئ وانصح كل وحدة تجربها بطريقتك راهي ناجحة عن تجربة


شكرا لك حبيبتي فافو تاكلوها بالصحة وربي يحفظك لزوجك باش يبقى ديما يتمتع بالمطلوع تاعك
:19:
وبارك الله فيك على الدعاء لي

[oum rahma]

مساء الخير اختي
اليوم جربت المطلوعة
و فعلا كيما قلتي خفيفة و كي الريش واو ماشاء الله
انا اليوم درتها و جات تهبل لكن وقعتلي مشكلة و تداركتها ههههههههه
2 درتهم صغار جاوني نورمال مي واحدة كبرتها واش نقولك كي جيت نرفدها غرقت
ههههههه ولات تتكسل يميين و شمال مي المرة الاخري نديرهم الكل صغار باه كي نجي
نرفدها و تتكسل شوية تجي هاديك هي
بارك الله فيكي


يعطيك الصحة ياالشاطرة و بصحتكم حنونة

ولات تتكسل ههههههههه راهي تدلل عليك برك المهم انك تداركت الموقف

مشكوووووووورة

[geroise]

يعطيك الصحة

[rimanou]

يعطيك الصحة يشهيو surtt الكسرة المطلوعة

[ام جيهان حورية]

و]لله يا اختي دخلت للموضوعك صدفة وقلت واش بيها هدي تنعت ف الكسرة كيفاش تندار شكون اللي مييعرفش يخبز[ورجعت وقلت لروحي والله كاين اللي ميعرفوش يخبزو بصح المفاجاة لقيت روحي منهم هههههههههههههههههههههههههههههههه
اليوم درت الكسرة المطلوعة حنا نقولولها الكسرة تاع الخميرة واله اول مرة تجيني هكا تهبل وخفيفة اسفنجية صح كيما قلتي المشكل درتها جارية بزاف ملا مجاش شكلها مليح كي تاعك
ونسيت وين قريت الموضوع واخيرا لقيتو حبيت نشكرك اسمحلي علي الاطالة
شكرا وجعلها الله في ميزان حسناتك[/color]

[yousra26]

merciiiiiiiiiiiiii

[بنت روسيكادا]

شكرا لكي كثيراااااا

[ماما ليث]

يعطيك الصحة

[yara racha]

بارك الله فيك

[نجمة ساطعة]

خبزك مفشفش كيما نقولوا حنا يسلم اليديين

[aicha3357]

ayna alwasfa

[remadna]

الله يبارك
يعطيك الصحة

[مخلوفي مريم]

بارك الله فيك مطلوعك كيما نتاعي بصح مشكلتي مع الرخسيس لازم نتعلمو اعطيني وصفته بالتفصيل ومشكورة مرة ثانية

[أماني قادة]

بارك الله فيك

[linat]

بارك الله فيك

[om ayoub]

شكرا لكن اختي المطلوع تخليه يخمر قبل ما تعجنيه ؟

[oum rahma]

يعطيك الصحة


http://www.karom.net/up/uploads/13253390346.gif

[oum rahma]

يعطيك الصحة يشهيو surtt الكسرة المطلوعة



http://www.karom.net/up/uploads/13253390348.gif

[oum rahma]

و]لله يا اختي دخلت للموضوعك صدفة وقلت واش بيها هدي تنعت ف الكسرة كيفاش تندار شكون اللي مييعرفش يخبز[ورجعت وقلت لروحي والله كاين اللي ميعرفوش يخبزو بصح المفاجاة لقيت روحي منهم هههههههههههههههههههههههههههههههه
اليوم درت الكسرة المطلوعة حنا نقولولها الكسرة تاع الخميرة واله اول مرة تجيني هكا تهبل وخفيفة اسفنجية صح كيما قلتي المشكل درتها جارية بزاف ملا مجاش شكلها مليح كي تاعك
ونسيت وين قريت الموضوع واخيرا لقيتو حبيت نشكرك اسمحلي علي الاطالة
شكرا وجعلها الله في ميزان حسناتك[/color]


http://www.karom.net/up/uploads/13253390345.gif

[oum rahma]

شكرا لكي كثيراااااا


http://www.karom.net/up/uploads/132533903412.gif

[oum rahma]

بارك الله فيك




http://www.karom.net/up/uploads/13253392797.gif

[oum rahma]

خبزك مفشفش كيما نقولوا حنا يسلم اليديين



http://www.karom.net/up/uploads/132533851111.gif

[oum rahma]

ayna alwasfa


الوصفة او طريقتي موجودة في الصفحة الاولى مع الصور




http://www.karom.net/up/uploads/133580066511.png

[rinat]

سخفتيني يعطيك الصحة انا ديما الخميرة تاعي تجيني معجنة

[amel_star]

يعطيك الصحة
بارك الله فيك

[oum rahma]

الله يبارك
يعطيك الصحة



http://www.karom.net/up/uploads/13361535342.jpg

[oum rahma]

بارك الله فيك مطلوعك كيما نتاعي بصح مشكلتي مع الرخسيس لازم نتعلمو اعطيني وصفته بالتفصيل ومشكورة مرة ثانية


الوصفة بالتفصيل موجودة في الصفحة الاولى اقريها كامل ستفيدك باذن الله


http://www.karom.net/up/uploads/13358009353.gif

[oum rahma]

بارك الله فيك


http://www.karom.net/up/uploads/13253404074.gif

[oum rahma]

بارك الله فيك


http://www.karom.net/up/uploads/13253385118.gif

[ام نظال]

روعة ربي ايبارك فيك واعطيلك صصصحتك تقدميلنا المزيد راح ندير طريقتك حنا نستعملو دقيق القمح شكرا

[oum rahma]

شكرا لكن اختي المطلوع تخليه يخمر قبل ما تعجنيه ؟


نعم يا أختي نخليه يطلع شوية ( يخمر) ومنبعد نعجنها وبعد ما نخبزها دوائر نزيد نخليها تخمر هكا باش تجي خفيفة كالريييييشة


http://www.karom.net/up/uploads/13253392791.gif

[oum rahma]

سخفتيني يعطيك الصحة انا ديما الخميرة تاعي تجيني معجنة


ربي يبارك فيك نتمنى تجربيها كيما حطيتها وباذن الله تجيك هايلة



http://www.karom.net/up/uploads/13253390344.gif

[oum rahma]

يعطيك الصحة
بارك الله فيك



http://www.karom.net/up/uploads/13253385116.gif

[oum rahma]

روعة ربي ايبارك فيك واعطيلك صصصحتك تقدميلنا المزيد راح ندير طريقتك حنا نستعملو دقيق القمح شكرا


ربي يبارك فيك ٠ جربيها وباذن الله ماتندميش



http://www.karom.net/up/uploads/13253387571.gif

[أم ياسمينdz]

يعطيك الصحة

[hanane09]

روعة روعة بارك الله فيك

[serine alger]

من فضلك أختي حابة نجرب المطلوع بطريقتك بصاح مافهمتش مليح .نستعمل الدقيق أو الفرينة وياريت المقادير بالضبط.

[R I A D]

شكرا حنونة يعطيك الصحة

http://im36.gulfup.com/lYezw.gif

[.1....2....1.]

رووووووووووووووووووووعة هاااااااااااااااااااااااايل

[oum rahma]

http://www.karom.net/up/uploads/13255034175.gif (http://www.karom.net/vb/showthread.php?t=76)

[ام ايمان16]

تبارك الله عليك

[mama amira]

هايلــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــة

[heaven's road]

44444444444444

[madie]

http://www.karom.net/up/uploads/13253390348.gif

[عيدة نور الهداية]

بكل صراحة انا لم يسبق لي ان جربت كسرة الرخسيس وحابا نجربها .............ان شاء الله نجربها ونقوللكم النتيجة تبان تشهي ...........وسؤالي يتكل هذا الرخسيس غير مع اللبن او عادي يأكل مع اي اكل اخر ؟؟؟؟؟؟؟؟؟؟؟؟؟؟
ويعطيك الصحة سيدتي راني استفدت من عندك

[اسيرة المطبخ]

شكرا على الموضوع الرائع

[HAFSA IBNAT ELFAROUK]

يعطيك الصحة

[*سيرين نور عيني *]

http://bullies.b.u.pic.centerblog.net/652d8610.gif

[hayettedjamell]

يعطيك الف عافية المطلوع كيما تيعنا اما الرخسيس احنا نزيدو عليها شوية بيكربونات تجي روعة وطعم مختلف عن المطلوع
والاثنين روعة مع اللبن وفي اي وقت خاصة كي نكون نتوحم