((( غرفة لدردشة البنات ))) ممنوع دخول الشباب !!!!

[دموع الحيــاة]

دنيا راني مليحة و راني مع المراجعة عندي امتحانات فب 23 ماي

ربــّي يوفــّقك يا ميراندا
النت راهو ناضل الهبال

[دموع الحيــاة]

السلام عليكم

وعليكم الســّلام والرّحمة والبركة
كيف الأحوال يا لبنى ؟

[فيفان]

السلام عليكم كامل الموجودات
بوقوسة يعطيك الصحة نردهملك في الافراح تعيش اختي

[دموع الحيــاة]

السلام عليكم كامل الموجودات
بوقوسة يعطيك الصحة نردهملك في الافراح تعيش اختي
وعليكي الســّلام والرحمة والبركة أختي
إن شاء الله راكي بخير

[فيفان]

ابابا يا دنيا نتي ضربة نتاعك صحيحة شكرا اختي

[ل..ب..ن..ى]

السلام عليكم كامل الموجودات
بوقوسة يعطيك الصحة نردهملك في الافراح تعيش اختي
هههههههه
رديهملي مع ليزامبو خخخخخخ

[دموع الحيــاة]

ابابا يا دنيا نتي ضربة نتاعك صحيحة شكرا اختي
شفتي كيفاه تعودي ديما تشوفي ضرباتي نتي برك أبقاي في المنتدى:)

[ل..ب..ن..ى]

وعليكم الســّلام والرّحمة والبركة

كيف الأحوال يا لبنى ؟

الحمد لله لحد الساعة
اليوم زرطيت مارحتش نقرا

والله غير كرهت كل يوم القراية

سماطة ...!

[حلاوة_87]

سلام للموجودات
النت هبلت و رح تهبلنا معاها تجي دقيقة و تروح ساعة

[فيفان]

ايا هنا يموت قاسي
وين راهم البنات

[دموع الحيــاة]

الحمد لله لحد الساعة
اليوم زرطيت مارحتش نقرا

والله غير كرهت كل يوم القراية

سماطة ...!
ما بقاش يا لبنى قريب العطلة وتكرهي من عدم القراية :)

[فيفان]

دنيا واش كاين راهم دايريت عليك الحصار في الجلفة للنقاش

[دموع الحيــاة]

ايا هنا يموت قاسي
وين راهم البنات
سلاف اليوم ما دخلتش خلاص
وأمينة كانت هنا
ولمياء وشيراز
وحتى رتيبة
وميراندا راهي هنا ضرك
وأنا راني مسمار جحا :)

[دموع الحيــاة]

دنيا واش كاين راهم دايريت عليك الحصار في الجلفة للنقاش
راهو موضوع لقاء الأحبة وكل مرة تجي دالت عضو والخطرة هاذي راني في الموضوع :)

[دموع الحيــاة]

شكرا ليكي يا فيفان على التـّقييم يعطيك الصحة

[ratibal]

اسمحولي لبنات النت راهي000000000000000000000000000000

[ل..ب..ن..ى]

ما بقاش يا لبنى قريب العطلة وتكرهي من عدم القراية :)

والله يا اختي هاديك اللي راهي مقلقتني
الاساتدة دايرين اضراب باش يزيدولهم في الخلصة
وحنا نخلصوها

قالك الامتحانات راهم غادي يكونوا في سبتمبر
ولا السيمانة ال2 تاع اووت

ربي يستر

على زوج دورو حابين يفوتونا الصيف كحل

[حلاوة_87]

سلام فيفان كيف الاحوال ان شاء الله بخير
لبنى على العام تشتكي درك يعطوك شهادة و يخرجوباه يريحو.ههههههههههههههه

[فيفان]

سلام ميراندا وشبيه النت عيان عندك
وقيلة ماخاصتوش هههههههههه

[دموع الحيــاة]

والله يا اختي هاديك اللي راهي مقلقتني
الاساتدة دايرين اضراب باش يزيدولهم في الخلصة
وحنا نخلصوها

قالك الامتحانات راهم غادي يكونوا في سبتمبر
ولا السيمانة ال2 تاع اووت

ربي يستر

على زوج دورو حابين يفوتونا الصيف كحل
إيـــــــــه
أوت ولاّ سبتمبر ؟
حنا في 28 ماي وقلقنا
ربــّي يكون في عونك يا لبنى
شكرا ليكي على التــّقييم ، يعطيك الصــّحة
أنا لازمني نقيم خرين باه نقدر نقيــّمك :)

[ل..ب..ن..ى]

سلام فيفان كيف الاحوال ان شاء الله بخير
لبنى على العام تشتكي درك يعطوك شهادة و يخرجوباه يريحو.ههههههههههههههه
يا اختي لوكان يديروها راني نولي اسعد انسان على وجه الارض هههه
والله نققرا غير بسيف

ماما تقولي نهار تولي طبيبة
راكي تولي مسؤولة
وواش من مسؤولية يا اختي

لوكان نصيب نقعد قدام البيسي
وحتى واحد مايديرونجيني

راني اضفتك حنونة

[فيفان]

بوقوسة واش تقراي والله نسيت

[ل..ب..ن..ى]

نقرا طب تاع الهم هههههههههه

[فيفان]

والله مليح واش راكي حابة دير تخصص

[حلاوة_87]

و اخيرا عادت النت ايه فيفان لالا راني مخلصة 2500 دج عندي نت تاع نجمة

[فيفان]

و اخيرا عادت النت ايه فيفان لالا راني مخلصة 2500 دج عندي نت تاع نجمة

ههههههههههههه نشاله ماترحش
احكيلنا شوية علر روحك اسمك واش ديري

[حلاوة_87]

كيما تحبي اسمي امينة و ف عمري 21 سنة تخرجت2008 ادب عربي و هذ السنة راني ايضا سنة ثالثة انجلزية يعني باك زاوج و انت يا اختي

[فيفان]

انا تاني عمري 21سنة سنة ثالثة تخصص المالية و النقود مازال العام الجاي ونكمل نشالله

[فيفان]

راني من بعد نولي رايحة نتعشى
السلام عليكم
امينة نتلاقاو ايا سلام

[حلاوة_87]

ان شاء الله بالتوفيق ......شكرا كثيرا على التقييم ربي يعيشك

[فيفان]

بلا مزية كامل تستاهلو

[دموع الحيــاة]

راني من بعد نولي رايحة نتعشى
السلام عليكم
امينة نتلاقاو ايا سلام
صحــّا عشاكي يا فيفان

[يارا نور]

ما شاء الله راكم كامل كبار الله ايبارك غير انا لي مازالني في الليسي هههههههههههههههههههههه
انا اسمي زهيرة و هادا العام نعقب الباك و في عمري 18سنة

[دموع الحيــاة]

ما شاء الله راكم كامل كبار الله ايبارك غير انا لي مازالني في الليسي هههههههههههههههههههههه
انا اسمي زهيرة و هادا العام نعقب الباك و في عمري 18سنة

ربــّي يكبــّرنا في طاعتو يا يارا
متشرّفين زهيرة
إن شاء الله تدّي الباك وتجيبيلنا الطــّمينة للمنتدى

[حلاوة_87]

ما شاء الله راكم كامل كبار الله ايبارك غير انا لي مازالني في الليسي هههههههههههههههههههههه
انا اسمي زهيرة و هادا العام نعقب الباك و في عمري 18سنة
يا اختي الانسان مش بعمرو بل بعقلو و اعماله.
متشرفة بيك وان شاء الله تجيبي الباك

[حلاوة_87]

يا بنات نروح نصلي المغرب و من بعد ممكن نتواصل ممكن لا سلام
دنيا ما تلهايش امتحاات على الابواب و بالتوفيق
لبنى شكرا على الاضافة

[دموع الحيــاة]

يا بنات نروح نصلي المغرب و من بعد ممكن نتواصل ممكن لا سلام
دنيا ما تلهايش امتحاات على الابواب و بالتوفيق
لبنى شكرا على الاضافة
ربــّي يقبل يا ميراندا
أنا صلــّيت قبيل خلاص
إذا رجعتي مبعد مرحبا بيك
وشكرا ليكي على التــّخمام عليــّا
أنا راني نسيت روحي :)

[الحمامة البيضاء]

سلام يا بنات راني جيت

[الحمامة البيضاء]

مادام حتى وحدا ماراهي هنا ، أنا راني رايحة نرقد
تبحو على خير يا بنات، أحلام سعيدة

[ل..ب..ن..ى]

لالا افعدي يا حمامة

انا راني برك نرقد في اصحاب الدار
ونتانسطالا

[ميرثا]

السلآم عليكم ورحمة الله وبركاته:)
كيفكم بنآآتـ،::1:

[*جوداء*]

سلام بوقوسة راكي هنا
تباتي سهرانا يا الغولة

[يارا نور]

مرحبا لبنات راكم لاباس مع السهرة

[يارا نور]

مرحبا اختي شيراز راكي لاباس مع السهرة

[يارا نور]

تصبحوا على خير يا لبنات غدوة ان شاء الله

[MOULOUDIA30]

الله يبارك فيك ربي يحفضك

من عند عبد الباقي الورقلي

[MOULOUDIA30]

الله يبارك

[دموع الحيــاة]

الله يبارك فيك ربي يحفضك

من عند عبد الباقي الورقلي
يبدو أنــّك لم ترى غرفة لدردشة الذكور
إذهب إلى قسم النقاش وستجدها
هناك

[دموع الحيــاة]

تصبحوا على خير يا لبنات غدوة ان شاء الله
إذا رايحة
تصبحي على ألف خير

[دموع الحيــاة]

سلام بوقوسة راكي هنا
تباتي سهرانا يا الغولة

لبنى خرّجنا فيها العين عادت ترقد بكري:)

[*جوداء*]

واش دنيا راكي عساسة اليوم ههههههههه
عندك بزاف ماسهرتيش

[دموع الحيــاة]

واش دنيا راكي عساسة اليوم ههههههههه
عندك بزاف ماسهرتيش

كنت راح نرقد ولــّيت بطــّلت :)
كشما لقيتي سلاف اليوم ولاّ لالا ؟ يا شيراز

[*جوداء*]

بيباتلي فلبورتابل
بصح انا مانفهمش لغة البيباش يعني مافهمتش واش قالت
وانا ماعنديش كريدي هدرتش معاها....

[*جوداء*]

واش دنيا لاباس مع الميموار؟؟ راهي ماشية؟؟

[دموع الحيــاة]

بيباتلي فلبورتابل
بصح انا مانفهمش لغة البيباش يعني مافهمتش واش قالت
وانا ماعنديش كريدي هدرتش معاها....

يعني نتي تفهمي برك لغة الكلام ؟:)
أنا ثاني نبيبي برك ما نهدرش غير كي تخلا :)

[دموع الحيــاة]

واش دنيا لاباس مع الميموار؟؟ راهي ماشية؟؟
ماكان لا ميموار لا هم يحزنون

[*جوداء*]

يعني نتي تفهمي برك لغة الكلام ؟:)
أنا ثاني نبيبي برك ما نهدرش غير كي تخلا :)

ههههههههه
قالي خويا نفليكسيلك قتلو لالا اللي يبغيني يسقسي عليا هكذا باه نعرف اللي يبغوني واللي يكرهوني

[*جوداء*]

ماكان لا ميموار لا هم يحزنون

بصح هذا العام تكملي لالا؟؟

[دموع الحيــاة]

ههههههههه
قالي خويا نفليكسيلك قتلو لالا اللي يبغيني يسقسي عليا هكذا باه نعرف اللي يبغوني واللي يكرهوني

نتي مهبولة ترفضي الفليكسي :)
أنا البارح قريب نهز الصحن ونطلب
بالسيف خويا لا فليكسالي

[دموع الحيــاة]

بصح هذا العام تكملي لالا؟؟
هيه الســّنة إن شاء الله نكمــّل واشي هو حنا ما عندناش الميموار
ياخي علابالك فوّتنا السـّتاج هاذوك ليــّام والصــّلاة على النــّبي

[*جوداء*]

دايرنكم مليح
ونولو ماكثات بالبيت ههههههههههههههه

[دموع الحيــاة]

دايرنكم مليح
ونولو ماكثات بالبيت ههههههههههههههه

ياخي ماكثات بالبيت ياخي
أنا ما نقعدش في الدار لوكان واش يصرا
وحتى إذا الخدمة ماكانش نحل كور ونقرّي بلاش :)

[دموع الحيــاة]

شيراز راني حاســّاتك نعسانة
وإذا زدنا شوي راح تدخل لبنى وتطلــّع النــّهار
أنا نروح نرقد ونتي ثاني روحي
تصبحي على ألف خير وأحلام سعيدة

[الحمامة البيضاء]

صباح الخير يا فنيانات مازالتو مانتوش أي 10 تع الصباح نوضو طيبو لغدا

[يارا نور]

صباح الخير حمامة راك لاباس

[الحمامة البيضاء]

صباح النور يارا الحمد لله و أنت ؟؟؟

[يارا نور]

انا لابس الحمد الله

[يارا نور]

تقراي الاخت حمامة

[الحمامة البيضاء]

نعم أدرس و سأنتقل للسنة الثانية ثانوي

[الحمامة البيضاء]

و أنت ؟؟؟؟؟؟؟؟؟؟؟

[حلاوة_87]

صباح الخير يا بنات كيف احوالكم
حمامة راكي مليحة و انت يا يارا ان شاء الله لاباس

[الحمامة البيضاء]

صباح الخير يا بنات كيف احوالكم
حمامة راكي مليحة و انت يا يارا ان شاء الله لاباس

صباح الخير ميرندا كيف حالك أنت ، أنا الحمد لله

[حلاوة_87]

الحمد الله حمامة ممكن اتعرف عليك اكثر

[الحمامة البيضاء]

طبعا يمكن أن نتعارف و لماذا إذن نحن متواجدات هنا ؟؟؟؟

[حلاوة_87]

اذن ابدا بنفسي امينة من مستغانم 21 سنة سنة ثالثة جامعي لغة انجلزية

[الحمامة البيضاء]

الله يبارك
أنا الحمامة من قسنطينة أبلغ من العمر 17سنة أولى ثانوية و سأنتقل للسنة الثانية شعبة أداب و لغات

[حلاوة_87]

ربي يوفقك ان شاء الله
يارا وين راكي غارقة

[الحمامة البيضاء]

ربي يوفقك ان شاء الله
إن شاء الله

[حلاوة_87]

حمامة نخليك العشية ان شاء الله نتواصلو
تهلاي ف روحك و قراي سورة الكهف فيها فضل

[الحمامة البيضاء]

في المساء إن شاء الله
شكرا لك و جزاك الله خير

[إبتسامة أبي]

السلام عليكم
أحلى صباح لأحلى
بنات كيف الحال ؟؟
الظاهر راكم مازلتو راقدات نوضو يا لكسولات

[دموع الحيــاة]

السلام عليكم

أحلى صباح لأحلى
بنات كيف الحال ؟؟

الظاهر راكم مازلتو راقدات نوضو يا لكسولات

وعليكم الســّلام والرّحمة والبركة أمينة
يهوا راني نضت قبيلا خلاص مبصح ما دخلتش برك للمنتدى بكري
إن شاء الله راكي بخير يا أمينة
شوفي راني نوض نصلــّي ونكوّن جملة بالشاوية باه نرد عليك ونعاود ندخل:)
تقبــّل الله صلاتك وصحــّا غداك

[إبتسامة أبي]

وعليكم الســّلام والرّحمة والبركة أمينة

يهوا راني نضت قبيلا خلاص مبصح ما دخلتش برك للمنتدى بكري
إن شاء الله راكي بخير يا أمينة
شوفي راني نوض نصلــّي ونكوّن جملة بالشاوية باه نرد عليك ونعاود ندخل:)

تقبــّل الله صلاتك وصحــّا غداك

راني بخير والحمد لله
قريتي سؤالي لي بشاوية متضحكيش عله راني كي نهدر بالشاوية تموتي بالضحك نكسرها تكسار هه
أنا صليت وتغديت باش جيت
صح غداك أنت وتقبل الله صلاتك
جمعة مباركة

[rima.38]

السلام عليكم

بقاش رقاد دروك.. ديجا صليتو الظهر؟؟؟؟؟؟؟؟؟

حنا مازال كامل ما أذن
:mh31::mh31::mh31:
المهم تقبل الله صلاة الجميع و الله يحفظكم

[إبتسامة أبي]

السلام عليكم

بقاش رقاد دروك.. ديجا صليتو الظهر؟؟؟؟؟؟؟؟؟

حنا مازال كامل ما أذن
:mh31::mh31::mh31:
المهم تقبل الله صلاة الجميع و الله يحفظكم

وعليكم السلام
حنا أذن وصلين وكملنا
آمين وصلاتك
ومرحبا لابد بأنك جديدة هنا

[الحمامة البيضاء]

أهلين يا صبايا ، هدا وين تدخلو ؟؟؟؟
مي راكوم كامل فنيانات

[إبتسامة أبي]

أهلين يا صبايا ، هدا وين تدخلو ؟؟؟؟
مي راكوم كامل فنيانات
أنا عندي ساعة ملي دخلت
أنتم لي هذاوين راح تدخلو
وشراكي

[دموع الحيــاة]

الســّلام على كلّ الموجودات وغير الموجودات
أمينة لالا راكي تعرفي تهدري الشاوية لاباس

[إبتسامة أبي]

الســّلام على كلّ الموجودات وغير الموجودات

أمينة لالا راكي تعرفي تهدري الشاوية لاباس

وعليكم السلام
على بالك كتبت كلمة بالغالط قراتها ماما قاتلي منين جبتها هاذي الكلمة من مريخ دك نروح نصلحها

[دموع الحيــاة]

وعليكم السلام


على بالك كتبت كلمة بالغالط قراتها ماما قاتلي منين جبتها هاذي الكلمة من مريخ دك نروح نصلحها

أيــّا خلاص صلــّحيها وضرك نجاوبك بالشاوية وعندك ماماك لا تنتحر من هدرتي برك :)

[إبتسامة أبي]

أيــّا خلاص صلــّحيها وضرك نجاوبك بالشاوية وعندك ماماك لا تنتحر من هدرتي برك :)

راني عدلتها
ودرك نشوف هدرتك طراه

[دموع الحيــاة]

[quote=أمينة34;1071776]راني عدلتها


ودرك نشوف هدرتك طراه
شفتي سي خونا لي شكا بيــّا راهو دخل وسألني:)

[إبتسامة أبي]

[quote=أمينة34;1071776]راني عدلتها



ودرك نشوف هدرتك طراه
شفتي سي خونا لي شكا بيــّا راهو دخل وسألني:)

شكون هذا مشفتش درك نروح نشوف

[دموع الحيــاة]

أمينة نتي أوراغ ياخي الأخضر ؟

[اكليل الورد]

.................................................. ...........................

[إبتسامة أبي]

أمينة نتي أوراغ ياخي الأخضر ؟


واش بيك دنيا أوراغ يعني صفر
وخضر هو أقسيلي
واش صرالك

[إبتسامة أبي]

.................................................. ...........................
وعليكم السلام والرحمة والإكرام
وشراكي لمياء

[اكليل الورد]

واش بيك دنيا أوراغ يعني صفر
وخضر هو أقسيلي
واش صرالك

هههههههههههههههههههههه انا فهمتها

[اكليل الورد]

وعليكم السلام والرحمة والإكرام
وشراكي لمياء

والله لاباس بصح مقلقة شويا على الامتحانات انت خلصتي تهنينتي

[إبتسامة أبي]

والله لاباس بصح مقلقة شويا على الامتحانات انت خلصتي تهنينتي
وين خلصت يالكبيدة أنا غدوة باش نبدا
ربي يوفقنا أجمعين

[إبتسامة أبي]

هههههههههههههههههههههه انا فهمتها
وين فهمتيها لكان هي شاوية وخلطت مابي لخضر ولصفر
واش فهمتي أنت

[اكليل الورد]

وين خلصت يالكبيدة أنا غدوة باش نبدا
ربي يوفقنا أجمعين


امين يا رب العالمين
ههههههه غلطت راكي مراجعة ولا والو

[اكليل الورد]

وين فهمتيها لكان هي شاوية وخلطت مابي لخضر ولصفر
واش فهمتي أنت

ايه واش نقولك
واش قولتيلها واش قاتلك

[إبتسامة أبي]

امين يا رب العالمين
ههههههه غلطت راكي مراجعة ولا والو
لالا الحمد لله مراجعة لخاطر الفروض معندناش بزاف ملي درناهم
وأنت

[اكليل الورد]

لالا الحمد لله مراجعة لخاطر الفروض معندناش بزاف ملي درناهم
وأنت

انا ثاني
وتاني منديروش حتان لربعا يعني منقراش 4ايام

[إبتسامة أبي]

ايه واش نقولك
واش قولتيلها واش قاتلك
شوفي سألتها سؤال
علاش تحبي تكتبي بالأحمر والأزرق
ردت عليا وقاتلي
قاتلي نحب نكتب بهاذو اللونين حتى بالأقلام في كرارسي واللون الأصفر ذاني
ومن بعد قلتلها
أنا نحب نكتب في كراريسي بالأسود والأحمر
وقلتلها لوكان تقرا شاوية تاع صح واش رانا نكتبو تنتاحر
فهمتي

[إبتسامة أبي]

انا ثاني
وتاني منديروش حتان لربعا يعني منقراش 4ايام
حنايا نديرو هنا وتاع الأولى سبنت والأحد والإثنين
يعني تاع 2 و4 ميقراوش
ومن بعد هما يبداو نهار الثلاثاء ويخلصو الأربعاء لخاطر حنا مقريناش البارح هم دارو الإختبار على جال الماتش

[دموع الحيــاة]

أهلين لمياءأمينة راني ما نميــّزش بين الألوان

[إبتسامة أبي]

أهلين لمياءأمينة راني ما نميــّزش بين الألوان

حتى أنا في الألوان تلقايني نخلط برك وأنا أصلا شاوية نكسرها ماما تقولي إذا عندك كلمة مسقمة أنطقيها إذا راح تخلطي ؟أهذري بالعربية ولا أسكتي

[prophetlover]

شكرا على الموضوع

هلموا لنتعرف على بعضنا اكثر

انا سطايفية.........
نكرى السنة 2 ثانوي علوم

[دموع الحيــاة]

شكرا على الموضوع

هلموا لنتعرف على بعضنا اكثر

انا سطايفية.........
نكرى السنة 2 ثانوي علوم
أهلين بيك أختي
متشرّفين
كي ترجع النت عندك حنا نحكيو

[إبتسامة أبي]

شكرا على الموضوع

هلموا لنتعرف على بعضنا اكثر

انا سطايفية.........
نكرى السنة 2 ثانوي علوم
مرحبا بك أختي معنا
يبدو بأنكي قد ذهبتي عندما تعودين سوف نتعرف

[الحمامة البيضاء]

أني جيت
علاواه راكم تحكيو؟؟؟؟؟؟؟؟

[إبتسامة أبي]

أني جيت
علاواه راكم تحكيو؟؟؟؟؟؟؟؟
أهلا بيك
مراناش نحكيو خلاص
أنا ليوم زعما لعبتها فحلة كتبت لدنيا ردود بالشاوية الظاهر واحد مفهمهم

[دموع الحيــاة]

أهلا بيك

مراناش نحكيو خلاص

أنا ليوم زعما لعبتها فحلة كتبت لدنيا ردود بالشاوية الظاهر واحد مفهمهم

لالا راكي فهــّمتي يا أمينة :)

[دموع الحيــاة]

أني جيت
علاواه راكم تحكيو؟؟؟؟؟؟؟؟
أهلين بيك
إن شاء الله راكي بخير يا حمامة

[*جوداء*]

امينة عاودي هدري بشاوية ؟؟
سلام عليكم لبنات غاية؟؟

[الحمامة البيضاء]

الحمد لله يا بنتا وانتوما واش راكم ؟؟؟؟

[الحمامة البيضاء]

ماكانش منكم لي تعرف تهدر القبائلية

[دموع الحيــاة]

امينة عاودي هدري بشاوية ؟؟
سلام عليكم لبنات غاية؟؟

أهلين شيراز
راهي تهدرها عل الكيف:)
نخلــّيكم ونروح نصلــّي ونعاود ندخل

[إبتسامة أبي]

امينة عاودي هدري بشاوية ؟؟
سلام عليكم لبنات غاية؟؟

متهليذ شيراز
درك راني رايحة المرة جاية ونهدر بالشاوية
قولي لدنيا تطرجملك الكلمة لي كتبتهالك إذا فهمتها

[إبتسامة أبي]

ماكانش منكم لي تعرف تهدر القبائلية
أنا جدة راهي تحلف فيا قاتلي نعلمك لقبايلية ولا نقتلك كي نتعلمها نجي نهدرها معاكم

[*جوداء*]

علميلي شوية كلمات امينة باه نفريمي بيهم على الغاشي ههههههههههههه

[الحمامة البيضاء]

لي تحب تتعلم تقولي نعلمها

[دموع الحيــاة]

متهليذ شيراز

درك راني رايحة المرة جاية ونهدر بالشاوية

قولي لدنيا تطرجملك الكلمة لي كتبتهالك إذا فهمتها

راني فهمتها يا أمينة
شوفي يا شيراز راهي تقولك
واش راكي ؟

[حلاوة_87]

سلام يا فتيات كيف الاحوال ان شاء الله لباس
دنيا رجعوك تحكي شاوية
"سلام فلام متى لحوال"ان شاء الله ما غلطش برك

[دموع الحيــاة]

سلام يا فتيات كيف الاحوال ان شاء الله لباس
دنيا رجعوك تحكي شاوية
"سلام فلام متى لحوال"ان شاء الله ما غلطش برك
وعليكم الســّلام والرّحمة والبركة ميراندا
لالا ماغلطـّيش
نتش لاباس والحمد لله
وشم ماتــّا هلــّيذ ؟ :)

[حلاوة_87]

وعليكم الســّلام والرّحمة والبركة ميراندا

لالا ماغلطـّيش
نتش لاباس والحمد لله

وشم ماتــّا هلــّيذ ؟ :)

hhhhhنك نتش لاباس

[ل..ب..ن..ى]

السلام عليكم

ميريندا والله يبانلي راني عينت روحي

جيت نفتح الميسنجر ماحبش ينفتحلي

هههههه

[شمس مشرقة]

السلام عليكم

كيف حالكن

[دموع الحيــاة]

السلام عليكم

كيف حالكن
وعليكم السـّـلام والرّحمة والبركة
أهلين بيكي يا شمس
إن شاء الله راكي بخير

[ذات النورين]

اهلا حبيباتي كيف حالكن
اشتقت اليكن والى حديثكم الشيق والمثلج للقلوب ذاك

[شمس مشرقة]

وعليكم السـّـلام والرّحمة والبركة
أهلين بيكي يا شمس
إن شاء الله راكي بخير



بيك أهلا و سهلا غاليتي دنيا

الحمد لله أنا و صغيرتي نور في أحسن حال

و انت واش اخبارك دنيا

[شمس مشرقة]

اهلا حبيباتي كيف حالكن
اشتقت اليكن والى حديثكم الشيق والمثلج للقلوب ذاك


أهلا بك ذات النورين

شكرا لكلامك الطيب

[اكليل الورد]

.................................................. .....................

[دموع الحيــاة]

اهلا حبيباتي كيف حالكن
اشتقت اليكن والى حديثكم الشيق والمثلج للقلوب ذاك
أهلين بسعيدة
هاذي غيبة كبيرة
وين كنتي وواش تديري ؟
إن شاء الله راكي بخير

[دموع الحيــاة]

بيك أهلا و سهلا غاليتي دنيا



الحمد لله أنا و صغيرتي نور في أحسن حال


و انت واش اخبارك دنيا

تحيــّاتي لنور
أنا بخير والحمد لله

[دموع الحيــاة]

.................................................. .....................
مساء الأنوار لمياء
إن شاء الله راكي بخير

[اكليل الورد]

مساء الأنوار لمياء
إن شاء الله راكي بخير

والله لاباس الحمد الله وانت ياخي ماكيش تتحلفي فيا واش صرا في لقاءالاحبة

[دموع الحيــاة]

والله لاباس الحمد الله وانت ياخي ماكيش تتحلفي فيا واش صرا في لقاءالاحبة
لالا ما نتحلــّف فيك ما والو وموضوع لقاء الأحبة راو عندو جنحين كل مرّة يجيبها في قسم:) ضرك راو في قسم النقاش العام
ياخي جاوبتك يا لمياء

[شمس مشرقة]

تحيــّاتي لنور


أنا بخير والحمد لله


الحمد لله أنك بخير

دنيا أنت تقراي و لا خدامه و لا في الدار

[اكليل الورد]

لالا ما نتحلــّف فيك ما والو وموضوع لقاء الأحبة راو عندو جنحين كل مرّة يجيبها في قسم:) ضرك راو في قسم النقاش العام
ياخي جاوبتك يا لمياء

راهو في قسم النكت ولا بدلوه
هههه ايه جاوبتيني ضرك كامل ليقاوه ما فهو والو مساكن

[اكليل الورد]

لبنات شوفو الفرق

http://www.uaeec.com/vb/imgcache/121453.imgcache

[شمس مشرقة]

لله في خلقه شؤون

[اكليل الورد]

http://www.uaeec.com/vb/imgcache/121455.imgcache

[شمس مشرقة]

تصبحوا على خير يا لبنات

غدا إن شاء الله، إذا كان في العمر بقية

[دموع الحيــاة]

راهو في قسم النكت ولا بدلوه
هههه ايه جاوبتيني ضرك كامل ليقاوه ما فهو والو مساكن
كي ما يفهموش خير
راهو ضرك في قسم النقاش ياخي قتلك عندو جنحين :)

[دموع الحيــاة]

تصبحوا على خير يا لبنات

غدا إن شاء الله، إذا كان في العمر بقية
تصبحين على ألف خير أختي
أحلام سعيدة

[اكليل الورد]

تصبحوا على خير يا لبنات

غدا إن شاء الله، إذا كان في العمر بقية

وانت من اهلو شمس وغدا ان شاءالله

[دموع الحيــاة]

لبنات شوفو الفرق

http://www.uaeec.com/vb/imgcache/121453.imgcache
ربــّي يصون يا لمياء

[دموع الحيــاة]

http://www.uaeec.com/vb/imgcache/121455.imgcache
أنا دهشت غير في costume كيفاه وصلــّو

[اكليل الورد]

دنيا حارتلك غير في الكوستيم شوفي هادي
http://www.uaeec.com/vb/imgcache/121450.imgcache

[دموع الحيــاة]

دنيا حارتلك غير في الكوستيم شوفي هادي
http://www.uaeec.com/vb/imgcache/121450.imgcache
إييييييييييييييييه
واش هاذ الصــّباط
نتي منين جبتيهم ؟
هذا يلبسوه 10 عباد وتبقى البلاصة

[اكليل الورد]

دنيا تصبحي على خير

[دموع الحيــاة]

دنيا تصبحي على خير
تصبحي على ألف خير لمياء
أحلام سعيدة

[*جوداء*]

سلام دنيا
واش مازلتي سهرانة؟؟

[دموع الحيــاة]

سلام دنيا
واش مازلتي سهرانة؟؟

وعليكم الســّلام والرّحمة والبركة شيراز
راني سهرانة
كنت نجاوب في لقاء الأحبة
واش أحوالك ؟

[*جوداء*]

الحمد لله
انا راني رايحة نرقد
غدوة نشالله يبداو الاختبارات
تصبحي بخير

[دموع الحيــاة]

الحمد لله
انا راني رايحة نرقد
غدوة نشالله يبداو الاختبارات
تصبحي بخير

ربــّي يكون في عونك يا شيراز
أنا حتى ل 28 في الشهر ونبدأ
أيـّا تصبحي على ألف خير
وأحلام سعيدة
وبالتــّوفيق ليكي

[حلاوة_87]

صباح الخير يا بنات ان شاء الله لباس عليكم
بالتوفيق لجميع الممتحنات اليوم

[دموع الحيــاة]

صباح الأنوار على كلّ الغائبات
بالتــّوفيق ليكم كامل

http://img87.imageshack.us/img87/821/courage4hy3.gif (http://img87.imageshack.us/img87/821/courage4hy3.gif)

[ratibal]

صباح الأنوار على كلّ الغائبات
بالتــّوفيق ليكم كامل

http://img87.imageshack.us/img87/821/courage4hy3.gif (http://img87.imageshack.us/img87/821/courage4hy3.gif)

[صباح الخير يا وحد الشاوية
راكي لاباس ولا؟[/color]

[دموع الحيــاة]

[صباح الخير يا وحد الشاوية
راكي لاباس ولا؟[/color]
صباح النـّور يا واحد الرّتيبة :)
واش أحوالك ؟
راكي من قيبلا تدوري ودرت روحي ما شفتكش

[*ام* عبد الرحمن]

صباح الانوالر خياتي .....................راكم لاباس .....

اهلا باختي رتيبة لك وحشة وين راكي

[Isra Allah]

السلام عليكم
كيف احوالكم ان شاء الله بخير

[دموع الحيــاة]

صباح الانوالر خياتي .....................راكم لاباس .....

اهلا باختي رتيبة لك وحشة وين راكي
صباح الفل على حقوقيــّة
أنا راني لاباس

[دموع الحيــاة]

السلام عليكم
كيف احوالكم ان شاء الله بخير
وعليكم الســّلام والرّحمة والبركة
حنا رانا بخير وإن شاء الله نتي ثاني
أوّ مرّة تدخلي : مرحبا بيك

[Isra Allah]

وعليكم الســّلام والرّحمة والبركة

حنا رانا بخير وإن شاء الله نتي ثاني

أوّ مرّة تدخلي : مرحبا بيك



انا ثاني بخير والحمد لله
ايه هاذي اول مرة ندخل ممكن نتعرف بيكم

[دموع الحيــاة]

انا ثاني بخير والحمد لله
ايه هاذي اول مرة ندخل ممكن نتعرف بيكم
شوفي آسيدي
أنا راني دموع الحياة واسمي دنيا ومن ولاية خنشلة
في عمري 52 ونقرا سنة أخيرة لغة فرنسية

[Isra Allah]

شوفي آسيدي

أنا راني دموع الحياة واسمي دنيا ومن ولاية خنشلة

في عمري 52 ونقرا سنة أخيرة لغة فرنسية




الله يبارك بصح عمرك 52 ولا تقصري

انا اسراء الله من ولاية باتنة انا شاوية وعمري 14 سنة

[دموع الحيــاة]

الله يبارك بصح عمرك 52 ولا تقصري

انا اسراء الله من ولاية باتنة انا شاوية وعمري 14 سنة
متشرّفين يا إسراء
وزدتي باتنيــّة وشاوية خلاص
أيــّا مليح رانا ضرك نقدرو نغلوا رتيبة :)
وعمري راهو 52 والعام الجاي إن شاء الله نقفل 62

[ratibal]

والله عندي مشكل في الميكرو
دخلت قبيلا للغرفة ملقيت حتى وحدة خرجت
مرحباااااااااااااا بالجميع

[*ام* عبد الرحمن]

قصدي لم التقيك منذ مدة من خلال ردودك عزيزتي ..........
و انا حقوقية و اسمي سعيدة ..........و كنت ندرس cappa شهادة الكفاءة المهنية في كلية الحقوق و حبست ..................وة عمري 62 عام ههههههههههههههههه

[Isra Allah]

متشرّفين يا إسراء

وزدتي باتنيــّة وشاوية خلاص
أيــّا مليح رانا ضرك نقدرو نغلوا رتيبة :)

وعمري راهو 52 والعام الجاي إن شاء الله نقفل 62



متشرفـــــــــة بيك دنيـا والعمر كله يارب

[دموع الحيــاة]

والله عندي مشكل في الميكرو
دخلت قبيلا للغرفة ملقيت حتى وحدة خرجت
مرحباااااااااااااا بالجميع
رتيبة نسيت ما قتلكش ياخي سي خونا هذاك دخل لموضوع لقاء الأحبة وسألني وفاق بلــّي هدرت فيه :)

[دموع الحيــاة]

قصدي لم التقيك منذ مدة من خلال ردودك عزيزتي ..........
و انا حقوقية و اسمي سعيدة ..........و كنت ندرس cappa شهادة الكفاءة المهنية في كلية الحقوق و حبست ..................وة عمري 62 عام ههههههههههههههههه
متشرّفين بيكي
يعني أنا قل منـّك بعام
أنا 52 وأنت 62 :)

[Isra Allah]

متشرّفين بيكي

يعني أنا قل منـّك بعام

أنا 52 وأنت 62 :)


ماشي عام 10

[ratibal]

رتيبة نسيت ما قتلكش ياخي سي خونا هذاك دخل لموضوع لقاء الأحبة وسألني وفاق بلــّي هدرت فيه :)

والله من البارح وانا نحوس على لقاء الاحبة ملقتهاش
وااااااااااااااااااااااااااااااااااينهيا
هههههههههههههههههههه مسكين اوعاد ميدخلش بزاف

[ratibal]

صباح الانوالر خياتي .....................راكم لاباس .....

اهلا باختي رتيبة لك وحشة وين راكي

مرحبا بيك والله كنت مع لعراس والامتحانات
واخي راو لهنى تسمى الميكرو دايمن حاكمو

[دموع الحيــاة]

والله من البارح وانا نحوس على لقاء الاحبة ملقتهاش
وااااااااااااااااااااااااااااااااااينهيا
هههههههههههههههههههه مسكين اوعاد ميدخلش بزاف
هيه مسكين :)
هاو ليك الرّابط
http://www.djelfa.info/vb/showthread.php?t=133417

[ratibal]

اسنوني اني نقرى فيهم

[دموع الحيــاة]

ماشي عام 10
ياخي عشر سنين تفوت وكأنــّها عام ؟؟؟
إذن راهو عام واحد برك:)

[دموع الحيــاة]

اسنوني اني نقرى فيهم
روحي أقراي رانا هنا

[*ام* عبد الرحمن]

ماشي عام 10
اي نعم ............بيناتنا عام .........
رانا نستناو اختي رتيبة

[Isra Allah]

اخت دنيا وحقوقية تعرفو الشاوية ولا لا

[دموع الحيــاة]

اخت دنيا وحقوقية تعرفو الشاوية ولا لا
نتش سنغ فهمغ شاويث مبصح نهدرها
ربــّي يجيب

[Isra Allah]

مايلا ثخسد اشم اسعيلمغ نتش تشاويث تاحروريث

[إبتسامة أبي]

صباح الخير على أحلى بنات
متا هليذ يحما حال غرون نيغ يبرذ
راني نشم في ريحت تليتلي المحروق والله توحشت ياسر نشم ريحتو وشراه

[Isra Allah]

صباح الخير على أحلى بنات

متا هليذ يحما حال غرون نيغ يبرذ

راني نشم في ريحت تليتلي المحروق والله توحشت ياسر نشم ريحتو وشراه



اهلاا بيك امينة نشنين غرنغ يبرذ الحال نوث ثشاث لاباس
وكنون يحما نيغ يبرذ

[دموع الحيــاة]

مايلا ثخسد اشم اسعيلمغ نتش تشاويث تاحروريث

إيييييييييييييييييييييييه
واش تعرفي تهدريها يعطيك الصــّحة

[ratibal]

صباح الخير على أحلى بنات
متا هليذ يحما حال غرون نيغ يبرذ
راني نشم في ريحت تليتلي المحروق والله توحشت ياسر نشم ريحتو وشراه

واش راكي يا شارفة راكي لباس والله توحشتك ياسر

[دموع الحيــاة]

صباح الخير على أحلى بنات

متا هليذ يحما حال غرون نيغ يبرذ

راني نشم في ريحت تليتلي المحروق والله توحشت ياسر نشم ريحتو وشراه

صباح الفل على أمينة
إن شاء الله راكي بخير
التــّليتلي المحروق راهي تقرا في الموضوع وتدخل:)
شفتي يا أمينة عدنا في بزّاف شاويات :)

[*ام* عبد الرحمن]

اه وَثْما أسْ إمِيرَا سنغ اقلي .......انيغذ أذَتْشَ الله اعلم
علاجال يما ماهيش شاوية ......بابا برك شاوي و راكي علابالك كي مايكونش الوالدين في زوج شاوية يصعب الحال
و انا تان علميني اختي Isra Allah

[طموحة1991]

شكرا جزيلا على هذه المساحة لنتبادل الاراء والافكار يا اختي في الله اسيا الله يحفظك رب يخليك .

[دموع الحيــاة]

اه وَثْما أسْ إمِيرَا سنغ اقلي .......انيغذ أذَتْشَ الله اعلم
علاجال يما ماهيش شاوية ......بابا برك شاوي و راكي علابالك كي مايكونش الوالدين في زوج شاوية يصعب الحال
و انا تان علميني اختي isra allah
لالا راكي تعرفي لاباس :)

[إبتسامة أبي]

اهلاا بيك امينة نشنين غرنغ يبرذ الحال نوث ثشاث لاباس
وكنون يحما نيغ يبرذ
نتشني يبرذ الحال
الظاهر بلي أنت شاوية تاع الصح من أي منطقة

[دموع الحيــاة]

شكرا جزيلا على هذه المساحة لنتبادل الاراء والافكار يا اختي في الله اسيا الله يحفظك رب يخليك .

أهلين بيك يا طموحة
أختك آسيا راهي هزّت على راسها
يا درا واش بيها ولاّ ممكن النت لي راحت من عندهم

[إبتسامة أبي]

واش راكي يا شارفة راكي لباس والله توحشتك ياسر
أنا شارف يعطيك الصحة
والله راني بخير
توحشيك ياااااااااااااااااااااااااااااااسر وشراكي واش تحكي

[دموع الحيــاة]

اهلاا بيك امينة نشنين غرنغ يبرذ الحال نوث ثشاث لاباس
وكنون يحما نيغ يبرذ
غرنغ أحنا الجو راهو يبرذ يتهبــّال

[ratibal]

واش راهي لمياء و جيجي و البقيلة راهم ملاح؟

[إبتسامة أبي]

صباح الفل على أمينة

إن شاء الله راكي بخير
التــّليتلي المحروق راهي تقرا في الموضوع وتدخل:)

شفتي يا أمينة عدنا في بزّاف شاويات :)

راني بخير والحمد لله
راني شفت تليتلي محروق
ربي يكثر شاويات بصح ظاهر هما يعرفو يهدروها خرمنا حنا متدربات

[*ام* عبد الرحمن]

لالا راكي تعرفي لاباس :)

علاه علاه اختي دنيا خلينا نبروفيتيو نستغل الفرصة ...........شوية ..........حقارة ...............راني اممممممممممممممممممم اعطيوني شوية تليتلي ......... بصح ماشي من اللي تحرقت

[ratibal]

أنا شارف يعطيك الصحة
والله راني بخير
توحشيك ياااااااااااااااااااااااااااااااسر وشراكي واش تحكي

والله هذا وين ريحت تهنيت من لقريا
وراه هذاك التعب الصامط
وانت كشما عندك جديد

[دموع الحيــاة]

واش راهي لمياء و جيجي و البقيلة راهم ملاح؟
لمياء راهي تدخل وشيراز ثاني راهي تدخل وزادت دخلت حمامة " قديمة " وفيفان "" ثاني قديمة " وسلاف راهي تدخل للمنتدى وساعات برك وين تدخل هنا
وجيجي ماعادتش تدخل بزّاف وإكرام راهي غابت حتى هي خلاص

[ratibal]

علاه علاه اختي دنيا خلينا نبروفيتيو نستغل الفرصة ...........شوية ..........حقارة ...............راني اممممممممممممممممممم اعطيوني شوية تليتلي ......... بصح ماشي من اللي تحرقت

ههههههههههه متزيدوش تذكرولي اسم تليتلي
المحروووووووووق

[دموع الحيــاة]

علاه علاه اختي دنيا خلينا نبروفيتيو نستغل الفرصة ...........شوية ..........حقارة ...............راني اممممممممممممممممممم اعطيوني شوية تليتلي ......... بصح ماشي من اللي تحرقت
أيــّا سيدي استغلــّي الفرصة :)
التــّليتلي غير ما تاكليهش راهي حرقاتو رتيبة :)
أرواحي عندنا درنا العيش اليوم إذا تشتيه

[ratibal]

منين ندخل تفكلبروني فيه
تقلي درت جريمة
ههههههههههههههههه

[isma27]

السلام عليكن كيف احوالكن راني نشوف غير الشاويات على كل انا مانفهمهاش بصح والدتي من الشرق وحنا تاني نديرو تليتلي وشخشوخة حارة

[*ام* عبد الرحمن]

أيــّا سيدي استغلــّي الفرصة :)

التــّليتلي غير ما تاكليهش راهي حرقاتو رتيبة :)

أرواحي عندنا درنا العيش اليوم إذا تشتيه

نجي وعلاش ما نجيش بصح نعرف بلي الشاوية يتهلاو .....malgré درتو بركوكس .....طيبيلي التليتلي ......
واش رتيبة ......ماعليش كي عدت انت طيبتيه ناكلو يا لوكان مشوط التليتلي المشوط من عند العزيز زبيب .ههههههه

[دموع الحيــاة]

السلام عليكن كيف احوالكن راني نشوف غير الشاويات على كل انا مانفهمهاش بصح والدتي من الشرق وحنا تاني نديرو تليتلي وشخشوخة حارة
وعليك الســّلام والرّحمة والبركة أسماء
راني نشوفك غير في ملفــّي الشخصي
مرحبا بيك
وخاطيك نهدرو معاك كيما بغيتي نتي

[*ام* عبد الرحمن]

السلام عليكن كيف احوالكن راني نشوف غير الشاويات على كل انا مانفهمهاش بصح والدتي من الشرق وحنا تاني نديرو تليتلي وشخشوخة حارة
لا ماكاين والو حنا كامل عربيات مع ان الشاويين بربر امازيغ اقصد مسلمات و الصح رانا جزايريات اهلا بك اختي في الله اسماء

[إبتسامة أبي]

والله هذا وين ريحت تهنيت من لقريا
وراه هذاك التعب الصامط
وانت كشما عندك جديد
أنا اليوم درت إختبار ولعشيا ثاني يعني بديت اليوم ونخلص نهار الأربعاء ونقفض
تهنيتي أنت

[دموع الحيــاة]

نجي وعلاش ما نجيش بصح نعرف بلي الشاوية يتهلاو .....malgré درتو بركوكس .....طيبيلي التليتلي ......
واش رتيبة ......ماعليش كي عدت انت طيبتيه ناكلو يا لوكان مشوط التليتلي المشوط من عند العزيز زبيب .ههههههه
ما عليش آسيدي نزيد نديرلك التليتلي
ونديرلك الكفتة وواش تحبــّي نديرلك
مبصــّح راني غير نتمسخر لا تجي صح :)

[ratibal]

نجي وعلاش ما نجيش بصح نعرف بلي الشاوية يتهلاو .....malgré درتو بركوكس .....طيبيلي التليتلي ......
واش رتيبة ......ماعليش كي عدت انت طيبتيه ناكلو يا لوكان مشوط التليتلي المشوط من عند العزيز زبيب .ههههههه

هههههههههههه اول مرة تشكرني وحدة
مرسي حشمتيني
اروحي عندي مكرة فيهم ندلك تليتلي يهبل وشخشوخة ورفيس

[إبتسامة أبي]

منين ندخل تفكلبروني فيه
تقلي درت جريمة
ههههههههههههههههه
درتي جرينة برك
راكي حرقتي وقتلتلي وطيشتي أكثر من 10000000000000000000 حبت تليتلي وتزيدي تهدري
ذاك العيب

[ratibal]

أنا اليوم درت إختبار ولعشيا ثاني يعني بديت اليوم ونخلص نهار الأربعاء ونقفض
تهنيتي أنت

اياااااااااااااااااااااا ربي يوفقك ختي
اي تكملي انتي تاني وتتهناي
اخدمي برك مليح
رانااااا نعولو عليك

[ratibal]

درتي جرينة برك
راكي حرقتي وقتلتلي وطيشتي أكثر من 10000000000000000000 حبت تليتلي وتزيدي تهدري
ذاك العيب

ههههههههههههههههههههههههههه صار قتلت اكثر من 1000000000000 نحبة
ربي يسامحك
انا نروح نتغدى ونرجع
سلام

[دموع الحيــاة]

أيــّا لي رايحة تتغدّا بصحــّتها ولي باقية بصحــّتها ثاني وبصحــّتي حتــّى أنا
نروح شوي ونرجع والضوء راني نخلـّيه شاعل نخســّرو شوي أمير المنتدى


http://nine297.unblog.fr/files/2006/12/1yt2ft8y.gif

[إبتسامة أبي]

هاكي يا حقوقية ذوقي ماكلت شاوية
http://08.img.v4.skyrock.net/081/saveurdalgerie/pics/157453638.jpg
http://i.pbase.com/g4/00/599200/2/52150039.IMG_2181.jpg
http://www.mwadah.com/imgcache/63834.imgcache.jpg

[*ام* عبد الرحمن]

هههههههههههه اول مرة تشكرني وحدة
مرسي حشمتيني
اروحي عندي مكرة فيهم ندلك تليتلي يهبل وشخشوخة ورفيس
اي اي اي اي ياي ياي ياي ياي راني فرحانة ........راني معروضة ..........احم احم ياك الضيف ما يتشرطش بصح انا نتشرط في الماكلة برك كي عدت انت رتيبة برك ناكل اللي جات ...اي انا تغديت ..................خفو شوية على اللي مازال ما تغداتش .
اه يا اختي دنيا ...اعرضيني نجي انا اصلا راني عنكم في خنشلة actuellement و الا لا لا

[*ام* عبد الرحمن]

هاكي يا حقوقية ذوقي ماكلت شاوية

http://08.img.v4.skyrock.net/081/saveurdalgerie/pics/157453638.jpg
http://i.pbase.com/g4/00/599200/2/52150039.img_2181.jpg
http://www.mwadah.com/imgcache/63834.imgcache.jpg

اياو البنات باسم الله معايا ..................................العرضة تربح
اختي امينة ...اسمي سعيدة .....العاقبة لطعام عرسك ........قولي امين

[إبتسامة أبي]

نقولكم تبقاو على خير يا لبنات أنا نروح
تقبل الله صلاتكم وصحا غداكم
في مساء إن شاء الله
رباغنبي هنا

[إبتسامة أبي]

اياو البنات باسم الله معايا ..................................العرضة تربح
اختي امينة ...اسمي سعيدة .....العاقبة لطعام عرسك ........قولي امين
آمييييييييييييييين
أسبقو أنتم ومن بعد أنا مزالني في بداية المشوار

[*ام* عبد الرحمن]

ههههههههههههههههههه ادعيلي ههههههههههههههههههههههشحال في عمرك
و مع ذلك ايه قولي امين

[دموع الحيــاة]

اي اي اي اي ياي ياي ياي ياي راني فرحانة ........راني معروضة ..........احم احم ياك الضيف ما يتشرطش بصح انا نتشرط في الماكلة برك كي عدت انت رتيبة برك ناكل اللي جات ...اي انا تغديت ..................خفو شوية على اللي مازال ما تغداتش .
اه يا اختي دنيا ...اعرضيني نجي انا اصلا راني عنكم في خنشلة actuellement و الا لا لا
بعني راكي في خنشلة ؟؟
أيــّا مليح إقامة طيــّبة ليكي
مبصــّح أنساي واش قتلك:)
أنا قلت راكي بعيدة نعرض زعما زعما ولكن مادامك هنا واحد لا قال لواحد :)

[دموع الحيــاة]

هاكي يا حقوقية ذوقي ماكلت شاوية

http://08.img.v4.skyrock.net/081/saveurdalgerie/pics/157453638.jpg
http://i.pbase.com/g4/00/599200/2/52150039.img_2181.jpg
http://www.mwadah.com/imgcache/63834.imgcache.jpg

هكذا يا أمينة أنا رحت ونتي "" هاكي يا حقوقية "" ؟:)
مــّالا راني حتى أنا كليت فوق الشــّبعة
**
بالســّلامة وربــّي يوفــّقك وإن شاء الله لعشية تدخلي

[سلاف26]

السلام عليكم ورحمة الله و بركاته
واش راكم يا لبنات توحشتكمممممممممممم

[Isra Allah]

اهلااااااااا دنيا انتش وليغ ماتا ثليد لاباس

[Isra Allah]

السلام عليكم ورحمة الله و بركاته



واش راكم يا لبنات توحشتكمممممممممممم




وعليكم السلام والرحمة والاكرام كيف احوالك اختاه

[*ام* عبد الرحمن]

بعني راكي في خنشلة ؟؟

أيــّا مليح إقامة طيــّبة ليكي
مبصــّح أنساي واش قتلك:)

أنا قلت راكي بعيدة نعرض زعما زعما ولكن مادامك هنا واحد لا قال لواحد :)

صحة يا المشحاحة ..................زعمة انا نوجد في الهدية و معولة نشريلك قندورة باتنية اخر موديل ...................معليش

[دموع الحيــاة]

السلام عليكم ورحمة الله و بركاته


واش راكم يا لبنات توحشتكمممممممممممم

وعليكم الســّلام والرّحمة والبركة
سلاف
وين كنتي يا مخلوقة
راني بعثتلك الرقم نتاعي في التقييم

[*ام* عبد الرحمن]

هكذا يا أمينة أنا رحت ونتي "" هاكي يا حقوقية "" ؟:)

مــّالا راني حتى أنا كليت فوق الشــّبعة
**

بالســّلامة وربــّي يوفــّقك وإن شاء الله لعشية تدخلي

ايا عليك هاكي ...قووليلي واش كليتي و اش حابة ندير لاختي انا شاطرة في الطياب ...........و بالزيادة راني عرضتكم .........

[دموع الحيــاة]

صحة يا المشحاحة ..................زعمة انا نوجد في الهدية و معولة نشريلك قندورة باتنية اخر موديل ...................معليش
لالا آسيدي ما نخســّر ختي ما والو :)
وا تجي على دقيقة تخسري صواردك
مــّالا ديري الماكلة في داركم وخلاص :)

[ratibal]

السلام عليكم

[دموع الحيــاة]

ايا عليك هاكي ...قووليلي واش كليتي و اش حابة ندير لاختي انا شاطرة في الطياب ...........و بالزيادة راني عرضتكم .........
أستنــّاي نخم ::
أممم
شوفي راني خايفة نجيكم وتحبــّي حتــّى نتي تجي
أيــّا ما نحب والو :)

[دموع الحيــاة]

السلام عليكم
وعليكم الســّلام والرّحمة والبركة رتيبة
بالصــّحة عليك أنا ضربت 3 plats
عيش وشخشوخة وتليتلي

[*ام* عبد الرحمن]

أستنــّاي نخم ::

أممم
شوفي راني خايفة نجيكم وتحبــّي حتــّى نتي تجي

أيــّا ما نحب والو :)

يا ربي شحال عاقلة ما شاء الله ....................
اهلا برتيبة .واش كليتي التليتلي وحدك ................................

[دموع الحيــاة]

اهلااااااااا دنيا انتش وليغ ماتا ثليد لاباس
مرحبا س ولتما
نتش بخير ومرحبا ســّيك ديما

[سلاف26]

وعليكم الســّلام والرّحمة والبركة

سلاف
وين كنتي يا مخلوقة

راني بعثتلك الرقم نتاعي في التقييم


النت عندنا عندها من الخميس مقطوعة و البارح جات العشية دخلت دقائق و خرجت راني دين الرقم نتاعك و ضرك نبيبيلك باه تدي رقمي

[دموع الحيــاة]

أيــّا جماعة أنا نروح نصلــّي ونغسل لمـّاعن ونعاود ندخل
لي لقيتها هاهو ولي ما لقيتهاش تحيــّاتي ليها
تقبــّل الله صلاتكنّ

[سلاف26]

السلام عليكم
و عليكم السلام و رحمة الله و بركاته
بصحتك يا رتيبة

[ratibal]

يسلمكم كامل
والله كليت بطاطا مقلية
وتليتي مزدناش درناه كرهتوني فيه

[دموع الحيــاة]

النت عندنا عندها من الخميس مقطوعة و البارح جات العشية دخلت دقائق و خرجت راني دين الرقم نتاعك و ضرك نبيبيلك باه تدي رقمي[/center]
أيــّا خلاص بيبي

[سلاف26]

أيــّا جماعة أنا نروح نصلــّي ونغسل لمـّاعن ونعاود ندخل

لي لقيتها هاهو ولي ما لقيتهاش تحيــّاتي ليها
تقبــّل الله صلاتكنّ

الله يقبل و يعطيك الصحة دنيا

[Isra Allah]

مرحبا س ولتما


نتش بخير ومرحبا ســّيك ديما





مارسي ربي اشم يحفظ واشم يج ليمام ذ ببام

[دموع الحيــاة]

الله يقبل و يعطيك الصحة دنيا [/center]
أسمعي يا خي بيبيتي 2 خطرات ؟؟
راني حفظتو

[ratibal]

و عليكم السلام و رحمة الله و بركاته
بصحتك يا رتيبة

واش راكي سولاف اك لباس ؟
يسلمك ختي والله توحشتك ياسر
نهار بلا بيكم صامط يقتل

[ratibal]

لقلقة تقتل كشما كاينة حاجة نتسلاااااااااااااااااااااااااا بيهاااااااااااا

[*ام* عبد الرحمن]

واش اختي رتيبة
...ما تخدميش ........رتيبة ...........ماتقرايش ......واش ديري في حياتك

[سلاف26]

واش راكي سولاف اك لباس ؟
يسلمك ختي والله توحشتك ياسر
نهار بلا بيكم صامط يقتل
ربي يخليك رتيبة و يحفظك أنا راني بخير