((( غرفة لدردشة البنات ))) ممنوع دخول الشباب !!!!

[*المشتاقة للرحمن*]

http://www.djelfa.info/vb/attachment.php?attachmentid=6673&d=1247750977ما بان لا حذاء و لا وردة

[التواقة للجنة]

يا ختي انا بروحي طويلة منلبسش طالون و لا راكي حبتني نمس السقف هههههههه طالون منعه عليا الطبيب ههههههههههه
ياك انا تاني طويلة.....ونخدع روحي منين نلبس الطالون

[*أنسام*الجنة*]

و هذا لك انت عديلة.........



والله هايل ربي يخليك

بصح نخاف نمشي به في الصيف يزبل من السخانه :1:

[التواقة للجنة]

و هذا الحذاء الرائع لنعمة

[*أنسام*الجنة*]

http://www.djelfa.info/vb/attachment.php?attachmentid=6673&d=1247750977ما بان لا حذاء و لا وردة



ههههههه هذا الحذاء أنتاعي


عندك لاتسرقيه عفاف

[*المشتاقة للرحمن*]

و انا نسيتيني http://www.djelfa.info/vb/attachment.php?attachmentid=6674&d=1247751169http://www.djelfa.info/vb/attachment.php?attachmentid=6674&d=1247751169http://www.djelfa.info/vb/attachment.php?attachmentid=6674&d=1247751169

[اليتيمة العصماء]

املا حنا بنات الغرب كامل طولات ولا غير فاطمات هههههههه انتي شعال فاطمة طولك

[التواقة للجنة]

هههههههههههههههههههههههههههههههههههههههههههه
وهذا لك انت يا الجميلة

[*المشتاقة للرحمن*]

انا *******يا ختي نجيبلك واحد ثاني

[*المشتاقة للرحمن*]

روعة شكرا بصح يولي طولي 2.50http://www.djelfa.info/vb/attachment.php?attachmentid=6675&d=1247751292

[دموع الحيــاة]

وهذا الحذاء لدنيا....
شكرا شكرا على الحذاء
نلبس بالصحة
http://www.djelfa.info/vb/attachment.php?attachmentid=6673&d=1247750977ما بان لا حذاء و لا وردة
نتي لقيتي حذاء بالمجان وزدتي تتشرطي
أحمدي ربــّي يا عفاف :)

[التواقة للجنة]

املا حنا بنات الغرب كامل طولات ولا غير فاطمات هههههههه انتي شعال فاطمة طولك
هي 1.70..............بصح هذا شحال ما شفت طولي ...لان السروال لبارح منين لبسته قريب يولي بونتاكورت

[اليتيمة العصماء]

عفاف املا انتي ثان طويلة هههههههه

[اليتيمة العصماء]

مديريش فاصلة هههههه تولي سنتيمتر انا 174 ههههههههه

[دموع الحيــاة]

نتوما كامل طويلات مـّالا أنا ننسحب خيرلي

[*المشتاقة للرحمن*]

file:///E:/cm1/image%201/%D8%A7%D9%84%D8%A7%D8%B3%D9%84%D8%A7%D9%85%D9%8A%D 8%A7%D8%AA/1462_p38898.jpg

[*المشتاقة للرحمن*]

انا 1.62 اقصركن

[الامنية]

سلام يااحلى بنات
اليوم رايح يهبلني التريسيتي غير راهو يروح
او راكم تهدرو على الطول
فكرتوني

[التواقة للجنة]

ايا شكون تدي هاذو بالتقسيط هههه

[*أنسام*الجنة*]

نتوما كامل طويلات مـّالا أنا ننسحب خيرلي


ماتخافيش دنيا أنا تاني مش طويله


ماعليش نوانسوا بعضانا :)

[دموع الحيــاة]

انا 1.62 اقصركن
لالا مليح يا عفاف أنا كثر منــّك ب 3:)

[*أنسام*الجنة*]

سلام يااحلى بنات
اليوم رايح يهبلني التريسيتي غير راهو يروح
او راكم تهدرو على الطول
فكرتوني



وعليكم السلام ورحمة الله كيف الحال؟

ما يغيضك حالك حنى تاني كل صيف نفس المشكلة :) الصبر وخلاص

[اليتيمة العصماء]

ههههههههههههه راح نحس روحي بوتو ههههههههه

[دموع الحيــاة]

سلام يااحلى بنات
اليوم رايح يهبلني التريسيتي غير راهو يروح
او راكم تهدرو على الطول
فكرتوني
وعليم السلام والرحمة والبركة نهلة
ماعليش ثقل النت وزيدي الضوء يروح
أسمعي إذا طولك فات 1.65 ما نزيدش نهدر معاك :)

ماتخافيش دنيا أنا تاني مش طويله


ماعليش نوانسوا بعضانا :)
أيــّا هذا خبر مليح

[نعمة القدوس]

ماتخافوش أنا القصيرة فيكم
154

[اليتيمة العصماء]

ارواحو عندي نكسلكم هههههههههه

انا طويلة لاني كنت ندير كرة السلة

[*أنسام*الجنة*]

لالا مليح يا عفاف أنا كثر منــّك ب 3:)


وأنا اقل منك يا عفاف ب 3 سنتمترات :)


يعني انا اقصركن

[دموع الحيــاة]

أيــّا مليح مادام كاين لي قلّ منـّي في الطول أنا نروح نقعد مع الضياف
في لمان يا جماعة الخير

[التواقة للجنة]

نتوما كامل طويلات مـّالا أنا ننسحب خيرلي
قيسي هاذو هكذا تولي اطول وحدة

[*أنسام*الجنة*]

ارواحو عندي نكسلكم هههههههههه

انا طويلة لاني كنت ندير كرة السلة


أنا خلاص باتت فيا كنت نلعب كرة اليد


وزيد دوركا عاد عندي 52 سنة ماعدت نزيد :)

[*المشتاقة للرحمن*]

انا 1.64 في تزايد

[الامنية]

وعليم السلام والرحمة والبركة نهلة

ماعليش ثقل النت وزيدي الضوء يروح
أسمعي إذا طولك فات 1.65 ما نزيدش نهدر معاك :)





منقدرش على زعافك دنيا لكن الله غالب انا راني وليت كي الرجال
مكانش الحوايج الي قدي في الطول :mad:1.79

[اليتيمة العصماء]

و انا باش نقصار واش ندير ههههههههههه انا عندي طالون ناتيرال

[*أنسام*الجنة*]

[quote=دموع الحيــاة;1311593]أيــّا مليح مادام كاين لي قلّ منـّي في الطول أنا نروح نقعد مع الضياف


في لمان يا جماعة الخير


في لمان دنيا والقاطو ما تنسيني :)
]

[دموع الحيــاة]

منقدرش على زعافك دنيا لكن الله غالب انا راني وليت كي الرجال
مكانش الحوايج الي قدي في الطول :mad:1.79
أوّاه أنا نروح مــّالا لا ندوخ :)
الله يبارك نهلة

[*المشتاقة للرحمن*]

وين كانو هذوhttp://www.djelfa.info/vb/attachment.php?attachmentid=6678&d=1247751716

[الامنية]

فاتي انت تلعبي الباسكات ولا حبستي
انا تاني بصح راني مزلت نلعب
وين وصلتي فيها

[دموع الحيــاة]

[qu


في لمان دنيا والقاطو ما تنسيني :)
]
خلاص متــّفقين كي يذوب الجليد ونعرضك نحطـّلك القاطو آسيدي :)

[التواقة للجنة]

و انا باش نقصار واش ندير ههههههههههه انا عندي طالون ناتيرال
احنا نتاع الغرب معروفين بالطولية....مانستعملوش قاع السلوم ههههههه
ما تقصاري والوا راكي مليحة.....بصح غير شوفيلك راجل فيه 190

[اليتيمة العصماء]

شكرا دنيا على التقيم

نهلة نورمال متزعفي ماوالو ستني نرجع خايطة و نولي نخيطلك انا هههههههه

[*المشتاقة للرحمن*]

هذا ليك يا دنياhttp://www.djelfa.info/vb/attachment.php?attachmentid=6680&d=1247751976

[الامنية]

أوّاه أنا نروح مــّالا لا ندوخ :)


الله يبارك نهلة

يبارك فيك
والله ساعات نحب نكون قصيرة باه نلبس تالو
او راهم رجليا ولارض من كنت صغيرة انا اطول وحدة مع الي يقراو معايا

[*أنسام*الجنة*]

خلاص متــّفقين كي يذوب الجليد ونعرضك نحطـّلك القاطو آسيدي :)




خلاص متفقين منا لهاداك النهار ربي يسهل :)

[اليتيمة العصماء]

انا حبست خفت الا نرجع زرافة هههههههههههههه

فاطمة وين راح نلقى واحد تع 190 راني حاسة بلي زهري مع واحد تع 172 ههههههههههههههه

[التواقة للجنة]

فاتي انت تلعبي الباسكات ولا حبستي
انا تاني بصح راني مزلت نلعب
وين وصلتي فيها
ما نسيتكش....هذا هو حذائك

[دموع الحيــاة]

هذا ليك يا دنياhttp://www.djelfa.info/vb/attachment.php?attachmentid=6680&d=1247751976
واش ناطحة الســّحاب هاذي
تحبــّي تقتليني يا عفاف :)
أنا والكعب ما نتلاقاوش
جامي نلبس العالي

[*المشتاقة للرحمن*]

ماعلاباليش واش صرا للميكرو راح كلش هههههههههههههههههههههه

[الامنية]

شكراا لك بصح هذا نهار عرسي ومنقدرش نلبسو ياو يخطبوني غير القصار منعرف وعلاه
وانتوما يافطمتين شحال طولكم

[التواقة للجنة]

انا حبست خفت الا نرجع زرافة هههههههههههههه

فاطمة وين راح نلقى واحد تع 190 راني حاسة بلي زهري مع واحد تع 172 ههههههههههههههه

هههههههه نقولك الصح انا ما نحبش راجل قصير عليا....و الخطيب الي راه يستنى الله اعلم يلا قصير و لا طويل....شوفي لازملك واحد طويل كيما مصطفى ههههه

[*المشتاقة للرحمن*]

باي باي باي باي

[اليتيمة العصماء]

نعرف وحدة تسكن حدنا قصيرة على رجالها ب 7 ولا 8 سنتيمتر . ياربي نلقى واحد طويل هههههههههه شرطي الوحيد يكون طويل عليا

[التواقة للجنة]

باي باي باي باي
باينة ما عجبكش الحذاء....راكي خارجة

[اليتيمة العصماء]

مصطفي بلا حدود ههههههههههه

[التواقة للجنة]

نعرف وحدة تسكن حدنا قصيرة على رجالها ب 7 ولا 8 سنتيمتر . ياربي نلقى واحد طويل هههههههههه شرطي الوحيد يكون طويل عليا
تخافي يلا تلقايه طويل و مخه قصير ههه

[التواقة للجنة]

مصطفي بلا حدود ههههههههههه
هي بالذات...ياك طويل

[اليتيمة العصماء]

يا ما ههههههههههه

[اليتيمة العصماء]

مصطفى ماشي طويل بزاف تحيا عنتر يحي هههههههههههه

[نعمة القدوس]

بنات راني زدت رجعت هههه
رايحة جاية ههه

[التواقة للجنة]

مصطفى ماشي طويل بزاف تحيا عنتر يحي هههههههههههه
صح اسيدي كيما باراكودا هههههه

[اليتيمة العصماء]

http://www.kozama.com/vb/uploaded/3252_11218559052.jpg




يليقلك واحد كيما هدا فاطمة هههههههههههههههههه

[الامنية]

او وشكون هدا مصطفى
ماتشمتوش بزاف على الطول لخاطر قاتلي ماما الي يتحير من حاجة تجيه تجيه ههههههههههههههههههه

[التواقة للجنة]

http://www.kozama.com/vb/uploaded/3252_11218559052.jpg




يليقلك واحد كيما هدا فاطمة هههههههههههههههههه
ههههههههههه يا الظالمة شاراني نسالك.....بصح القصير الرحمة شوية

[الامنية]

على سلامتك نعمة
معليش راحة جاية
المهم كي جيتي هههههههههههههههههههههه

[اليتيمة العصماء]

الا نتزوج مع قصير منخرجش كامل ولا ندير نقاب هههههههههههههه

[نعمة القدوس]

http://img200.imageshack.us/img200/4326/ne3mah.png

بنات واش رايكم في هاذي ؟؟؟؟
اني درتها وحدي

[الامنية]

هايلة نعمة القدوس يعطيك الصحة
راكي فنانة عجبوني بزاف حتى الصور الي رسمتيهم كامل يعطيك الصحة
لكن عندي تعقيب
مدامك راكي تهدري على الحجاب والاسلام لازم الشعر مايبانش
باه توصل فكرتك مليح
ربي يو فقك

[نعمة القدوس]

هايلة نعمة القدوس يعطيك الصحة
راكي فنانة عجبوني بزاف حتى الصور الي رسمتيهم كامل يعطيك الصحة
لكن عندي تعقيب
مدامك راكي تهدري على الحجاب والاسلام لازم الشعر مايبانش
باه توصل فكرتك مليح
ربي يو فقك


شكرا .. بالصح الصورة عجبتني برك هههههه
لازم الشعر مايبانش هههه:1:

[*أنسام*الجنة*]

http://img200.imageshack.us/img200/4326/ne3mah.png

بنات واش رايكم في هاذي ؟؟؟؟
اني درتها وحدي



يعطيك الصحة نعمة والله هايلة

وتقدري أديريها بالألوان والالا ؟

[نعمة القدوس]

يعطيك الصحة نعمة والله هايلة

وتقدري أديريها بالألوان والالا ؟


الكتابة هيه ... بالصح الصورة مانعرفش مناه ماشي بالفوتوشوب
راني بالباور بوينت تاع ميكروسوفت أوفيس

[الامنية]

لالا نعمة القدوس راني نقصد الصور الي راكي رسمتيهم انتي
الي في الالبوم نتاعك فهمتيني
وسامحيني انا مديت رايي فقط

[اليتيمة العصماء]

شابة نعمة الصورة هههههه

[نعمة القدوس]

لالا نعمة القدوس راني نقصد الصور الي راكي رسمتيهم انتي
الي في الالبوم نتاعك فهمتيني
وسامحيني انا مديت رايي فقط


آآآآآآآ ... صح عندك الحق بالصح أنا برك نحب نرسمهم هكاك
لكن شكرا على رأيك ..

[نعمة القدوس]

شابة نعمة الصورة هههههه


شكرا فاطمة

[*أنسام*الجنة*]

الكتابة هيه ... بالصح الصورة مانعرفش مناه ماشي بالفوتوشوب


راني بالباور بوينت تاع ميكروسوفت أوفيس




مليح يعطيك الصحة وزيدي تعلمي كيفاه يديرو الالوان في الصور


باه تولي كاملة ومكملة ههه

[الامنية]

مدام اخت نعمة عندك هد الهواية وتقدري ترسمي
وتوصلي فكرتك يعطيك الصحة وان شاء الله بالتوفيق
وقادرة تنشري الصور نتاعك وتولي مشهورة
بالتوفيق ........

[نعمة القدوس]

مليح يعطيك الصحة وزيدي تعلمي كيفاه يديرو الالوان في الصور


باه تولي كاملة ومكملة ههه


هههههههههههههه عندك الحق ان شاء الله
والله مرة جيت نتعلم على الفوتو شوب قعدت بلا راس

[التواقة للجنة]

الصورة هايلة نعمة.......................بارك الله فيك
راكي جايبتها

[نعمة القدوس]

مدام اخت نعمة عندك هد الهواية وتقدري ترسمي
وتوصلي فكرتك يعطيك الصحة وان شاء الله بالتوفيق
وقادرة تنشري الصور نتاعك وتولي مشهورة
بالتوفيق ........


هههههههههههههههه شكرا ونولي نجدة الرسامة خخخخخ
ندير كوميك عليكم ههههه

[*أنسام*الجنة*]

هههههههههههههه عندك الحق ان شاء الله


والله مرة جيت نتعلم على الفوتو شوب قعدت بلا راس



هههههههه ماعليش مرة على مرة راح تتعلمي وتولي بزوج ريسان :1:

[التواقة للجنة]

البنات انا نخرج..........الكونكسيون بدات تتمهبل عليا

[التواقة للجنة]

المرة الجاية ان شاء الله اذا كان للعمر بقية
السلام عليكم

[اليتيمة العصماء]

انا هبلني المنتدى راه يتمهبل ههههههههههههه

[*أنسام*الجنة*]

المرة الجاية ان شاء الله اذا كان للعمر بقية
السلام عليكم


وعليك السلام ورحمة الله فاطمة


إن شاء الله دومتي بصحة وعافية

[*أنسام*الجنة*]

انا هبلني المنتدى راه يتمهبل ههههههههههههه



هههههههه راهي السخانه عليه مسكين احسني عونوا

[التواقة للجنة]

فاطمة هاكي باش تشربي القهوة انت و البنات...و طلعي السكر الي طيحتهولك الكونكسيون ههههههههه
السلام عليكم

[اليتيمة العصماء]

ههههههههههههههههههههه حنا لا لا الجو معتدل

[اليتيمة العصماء]

شكراااااااااااااااااااااااااا طمطومتي

[نعمة القدوس]

هههههههه ماعليش مرة على مرة راح تتعلمي وتولي بزوج ريسان :1:


ههههههههههههههههههههههههههههههههههههههههه:1:

[نعمة القدوس]

الصورة هايلة نعمة.......................بارك الله فيك
راكي جايبتها


هههههههههههههه شكرا

[اليتيمة العصماء]

نكتب موضوع في منتدى الفرنسية و نرجع

[*أنسام*الجنة*]

نكتب موضوع في منتدى الفرنسية و نرجع


اوكي ربي يعاونك

[نعمة القدوس]

رانا نستناو فيك يافاطمة ..

[اليتيمة العصماء]

كتبت poéme

[نعمة القدوس]

مالا وليتي شاعرة ؟؟

[*أنسام*الجنة*]

يعطيك الصحة فاطمه على الشعر

انتي الي كتبتبها؟

[اليتيمة العصماء]

لا لا ماشي انا هدا كتبته وحدة و رسلتهلي انا نكتب بصح منحبش ننشرهم . لانهم يعبروني عني قبل ما نرقد نكتب في مدكرتي كي نكون حزينة .................

[نعمة القدوس]

أنا مالفة نكتب نصوص برك
بالانجليزية كي نكون حزينة

[اليتيمة العصماء]

انا بما انني في قسم لغات تعرفي كل اسبوع لازم نالفو قصص و نصوص بالاسبانية و انجليزية و فرنسية . نكره حياااااااااااااااتي مين تقولنا استادة الفو قصصة خصوصا بالاسبانية تعرفي خدمة افواج كامل ما شي حالة و نستعمل قواميس و منسلكش بصح المهم في اخير ندير حاجة نكون راضية عليها

[*أنسام*الجنة*]

يعطيكم الصحة غير أنا حتى بالعربية ومانعرفش


المهم انا نروح نصلي العصر ومن بعد إن شاء الله


تبقوا على خير

[نعمة القدوس]

راني رجعت بنات ..

[/زهرة عصفور الجنة/]

السلام عليكن..............

[دموع الحيــاة]

السلام عليكن..............

وعليكم السلام والرحمة والبركة نوال
الظاهر راكي في عقابها تهيّي واش تلبسي غدوا نتي والكتاكيت

[*ام* عبد الرحمن]

السلام عليكم يا الشابات واش راكم

[''أسيل'']

هل من احد هنا ؟ام الغرفة فارغة؟

[''أسيل'']

باينة فارغة الغرفة
مالا هادي فرصتي باه نسيقها
قدام لايجو يعفسولي

[''أسيل'']

http://www.aawsat.com/2005/05/25/images/ksa-local.301271.jpg

[''أسيل'']

http://m002.maktoob.com/alfrasha/up/7420788351603010772.gifواحدة ماجات عاونتني
ايا راني قريب نكمل ونروح

[''أسيل'']

ايه نسيت الغبرة ضرك نمسحها ونقولكم تصبحوا على خير

http://www.turnmore.com/images/su_duster-feather.jpg

[/زهرة عصفور الجنة/]

الغرفة راهي تشعل سعاد يعطيك الصحة

[/زهرة عصفور الجنة/]

الظاهر سعاد عيات مسكينة انا راني عيانة نروح ندوش ونصلي ونرقد غدا ان شاء الله .غدا نحكيلك دنيا سلام

[/زهرة عصفور الجنة/]

تصبحن على خير عزيزاتي .سعيدة الضو تاعك راه شاعل النهم تهلاي في روحك

[*ام* عبد الرحمن]

الله الله على النظافة ريحة النقا راهي تفحفح اهلا بالعزيزة نوال واش راكي و الدراري واش راهم

[''أسيل'']

خرجتي نوال ؟؟؟؟؟

[''أسيل'']

من هنا؟؟؟؟؟؟؟؟؟؟؟؟؟؟؟؟؟؟

[سرور.]

السلام عليكن..............


و عليكم السلام...

[''أسيل'']

وعليكم السلام ورحمة الله تعالى وبركاته

[*ام* عبد الرحمن]

انا انا انا انا طق طق ندخل نشفت الدتيا و الا مازال

[سرور.]

الله الله على النظافة ريحة النقا راهي تفحفح اهلا بالعزيزة نوال واش راكي و الدراري واش راهم


عسلامتك السياسية انتاعنا واش راكي؟؟ عاش من شافك

[''أسيل'']

انا انا انا انا طق طق ندخل نشفت الدتيا و الا مازال
ههههههههه
غير ادخلي راهي نشفت بصح نحي صباطك

[*ام* عبد الرحمن]

و عليكم السلام...
واش راكي سرور

[*ام* عبد الرحمن]

ههههههههه
غير ادخلي راهي نشفت بصح نحي صباطك
هههههههههههه انا اصلا نمشي بالحفا............

[''أسيل'']

هههههههههههه انا اصلا نمشي بالحفا............
مليـــــــــــــــــــــــــــح
وش راكي سعيدة؟ان شاءالله احوالك بخير

[سرور.]

ادخلي برك انا راني دخلت..........الدنيا راهي تبرق

[''أسيل'']

ادخلي برك انا راني دخلت..........الدنيا راهي تبرق
ياك نحيتي صباطك ؟

[سرور.]

الحمد لله ......

[''أسيل'']

كيف حالك اختي سرور؟

[سرور.]

ياك نحيتي صباطك ؟


ايه نحيتو خفت لتقوليلي عاودي مسحي منين مشيتي.............

[''أسيل'']

ايه نحيتو خفت لتقوليلي عاودي مسحي منين مشيتي.............
هههههههههههههههههههههههههههههههه
خايفة على روحك ماكيش خايفة على الارض هههه

[سرور.]

اني قاعدة هنا و لمواعن تاع العشا راهم يسناو فيا........

[سرور.]

بالاك تكملي على خيرك و تجي عاونيني فيهم؟؟؟؟؟؟ظ

[''أسيل'']

اني قاعدة هنا و لمواعن تاع العشا راهم يسناو فيا........
مالا روحي اغسليهم احسن
الظاهر البنات راحو

[''أسيل'']

بالاك تكملي على خيرك و تجي عاونيني فيهم؟؟؟؟؟؟ظ
وين تسكني ؟؟؟

[سرور.]

واش سعيدو وين رحتي؟؟؟؟

[سرور.]

مانيش بعيدة ما تخمميش نسناك..........

[سرور.]

ايا اختي نخليك على خير

[''أسيل'']

ان شاءالله

[''أسيل'']

تصبحين على خير اختي

[سرور.]

غدوة ان شاء الله

[سرور.]

قولي لسعيدة نحكمك و نفهمك طلت علينا و راحت وقيلا ما عجبناهاش؟

[سرور.]

وحد الشريرة...........

[/زهرة عصفور الجنة/]

سعاد راني دخلت دقيقة برك

[سرور.]

في امان الله

[''أسيل'']

اهلا نوال وش راكي ؟
غير روحي اقضي صوالحك وتهناي منهم مانعطلكش
غدوة نتلاقاو ان شاءالله

[/زهرة عصفور الجنة/]

سعاد واش ماراكيش نعسانة

[''أسيل'']

في امان الله سرور

[/زهرة عصفور الجنة/]

شوفي صوالحي قضيتهم طيبت الحلوة وسيقت وغسلت الماعن والحوايج ودوشت مازال غير الرقاداهلا نوال وش راكي ؟
غير روحي اقضي صوالحك وتهناي منهم مانعطلكش
غدوة نتلاقاو ان شاءالله

[''أسيل'']

سعاد واش ماراكيش نعسانة
والو هابطلي المورال برك

[''أسيل'']

شوفي صوالحي قضيتهم طيبت الحلوة وسيقت وغسلت الماعن والحوايج ودوشت مازال غير الرقاد
على حساب ماراني فهمت عندكم مناسبة غدوة

[/زهرة عصفور الجنة/]

اييه راني معروضة عند لوستي ختنت وليدها.علاش هبطلك المورال

[''أسيل'']

*********************************

[*أنسام*الجنة*]

السلام عليكن يا بنات


واش الاحوال؟

[''أسيل'']

اييه راني معروضة عند لوستي ختنت وليدها.علاش هبطلك المورال
مبرووووك عليه
ماديريش عليا نوال

[/زهرة عصفور الجنة/]

اهليين عديلة الحمد لله تنحاتلك الخلعة

[''أسيل'']

السلام عليكن يا بنات


واش الاحوال؟
وعليكم السلام ورحمة الله تعالى وبركاته
وش راكي عديلة ؟

[/زهرة عصفور الجنة/]

احكيلي سعاد راني كي ختك

[''أسيل'']

عديلة الخلعة منين؟

[/زهرة عصفور الجنة/]

دنيا الضو تهاعها راه شاعل يادرى ويين راهي

[/زهرة عصفور الجنة/]

................................

[''أسيل'']

احكيلي سعاد راني كي ختك
تفكرت اليوم بزاف حوايج
غاضوني وخلاص

[''أسيل'']

دنيا
دنيا
دنيا
دنيا
دنيا
دنيا
دنيا
دنيا
دنيا
دنيا
دنيا
دنيا
دنيا
دنيا

دنيا
دنيا
دنيا

[*أنسام*الجنة*]

*راحت شوية الحمد لله نوال يسقسي عليك الخير

*سعاد واش راكي؟ الخلعة جاتني البارح قالولي وحد الطفله نعرفها لقوها مقتولة

تشوكيت انتاع الصح وخفت

بصح دورك الحمد لله

الي كاتبتلوا حاجه راح يشوفها وهي ربي يرحمها وخلاص

[/زهرة عصفور الجنة/]

بصح كاش عصابة قتلتها اكييد

[''أسيل'']

*راحت شوية الحمد لله نوال يسقسي عليك الخير

*سعاد واش راكي؟ الخلعة جاتني البارح قالولي وحد الطفله نعرفها لقوها مقتولة

تشوكيت انتاع الصح وخفت

بصح دورك الحمد لله

الي كاتبتلوا حاجه راح يشوفها وهي ربي يرحمها وخلاص
لا حول ولا قوة الا بالله العلي العظيم
الله يرحمها
قل لن يصيبنا الا ما كتب الله لنا

[/زهرة عصفور الجنة/]

نرووح نرقد سلام يابنات تصبحن على خير سلمولي على دنيا اذا دخلت

[''أسيل'']

تهلاي في روحك نوال
بصح لوكان صبرتي شوي
بلاك تدخل دنيا ضرك

[*أنسام*الجنة*]

بصح كاش عصابة قتلتها اكييد



والله يانوال كل واحد واش يقول والصح وينوا مانعرف

[دموع الحيــاة]

عفوا يا جماعة الخير
مساء الأنوار على كل من دخلت اليوم
اليوم كامل والضياف عندنا
ندخل دقيقة ونروح
وما عندهمش بزاف كي خرجو
ما عليش نعوّضوعا إن شاء الله
المهم كي تكونوا بخير

[*أنسام*الجنة*]

لا حول ولا قوة الا بالله العلي العظيم
الله يرحمها
قل لن يصيبنا الا ما كتب الله لنا


ان لله وان اليه راجعون


ربي يصبر خواتاتها وخلاص

[*أنسام*الجنة*]

عفوا يا جماعة الخير

مساء الأنوار على كل من دخلت اليوم
اليوم كامل والضياف عندنا
ندخل دقيقة ونروح
وما عندهمش بزاف كي خرجو
ما عليش نعوّضوعا إن شاء الله
المهم كي تكونوا بخير











رانا لباس والحمد لله دنيا وأنتي كيف الاحوال؟


المهم تهليتي فيهم :)

[*ام* عبد الرحمن]

واش سعيدو وين رحتي؟؟؟؟
جعت رحت كليت ......و من بعد قريت شوية قران باش ما ننساش واش حفظت و ما نكونش مقصرة

[*أنسام*الجنة*]

نرووح نرقد سلام يابنات تصبحن على خير سلمولي على دنيا اذا دخلت



تصبحي على خير نوال

وعليك السلام ورحمة الله

[*ام* عبد الرحمن]

نرووح نرقد سلام يابنات تصبحن على خير سلمولي على دنيا اذا دخلت
ايييييه ماعليش .يسال عليك الخير

[دموع الحيــاة]

رانا لباس والحمد لله دنيا وأنتي كيف الاحوال؟


المهم تهليتي فيهم :)
راني شوي قلقانة وشوي عيانة وزيدي الثلج يصب وما حبــّش يحبس
أسكتي برك يا عديلة
لالا الضياف قمنا بيهم :)

[*ام* عبد الرحمن]

*راحت شوية الحمد لله نوال يسقسي عليك الخير

*سعاد واش راكي؟ الخلعة جاتني البارح قالولي وحد الطفله نعرفها لقوها مقتولة

تشوكيت انتاع الصح وخفت

بصح دورك الحمد لله

الي كاتبتلوا حاجه راح يشوفها وهي ربي يرحمها وخلاص
انا لله و انا اليه راجعون
بصح علاش قتلوها ...ووين صرات ...و شحال في عمرها
.......و على قداش

[*أنسام*الجنة*]

راني شوي قلقانة وشوي عيانة وزيدي الثلج يصب وما حبــّش يحبس

أسكتي برك يا عديلة

لالا الضياف قمنا بيهم :)





ماعليش كون عيطتيلي راني جيت عاونتك في ضيافكم

وانتي رحتي ريحتي

والثلج زعما كي عرفني جاية ماحبش يحبس والاكيفاش :)

[*ام* عبد الرحمن]

راني شوي قلقانة وشوي عيانة وزيدي الثلج يصب وما حبــّش يحبس

أسكتي برك يا عديلة

لالا الضياف قمنا بيهم :)

سلام دنيا واش راكي...لاباس عليك .صح صح الثلج يصب

[دموع الحيــاة]

ماعليش كون عيطتيلي راني جيت عاونتك في ضيافكم

وانتي رحتي ريحتي

والثلج زعما كي عرفني جاية ماحبش يحبس والاكيفاش :)
يعطيك الصــّحة عديلة لوكان جيتي راني تهليت فيك
مبصح الله غالب
والثلج راهو في الليل يصب وفي النهار يرجع جليد
أصبري تراه حتى يجي الربيع:)

[*أنسام*الجنة*]

انا لله و انا اليه راجعون
بصح علاش قتلوها ...ووين صرات ...و شحال في عمرها
.......و على قداش



والله يا سعيدة كل واحد واش يقول على سبت موتها


عمرها 27 سنة ولقاوها وراء البارح مع الزوج انتاع لعشية

[دموع الحيــاة]

سلام دنيا واش راكي...لاباس عليك .صح صح الثلج يصب
وعليكم السلام والرحمة والبركة سعيدة
إن شاء الله الأحوال بخير
وا نتمسخر
الظاهر ما قريتيش الجردة اليوم
العالم كامل راح يجي لحنشلة يصوّر الثلج

[*أنسام*الجنة*]

يعطيك الصــّحة عديلة لوكان جيتي راني تهليت فيك

مبصح الله غالب
والثلج راهو في الليل يصب وفي النهار يرجع جليد

أصبري تراه حتى يجي الربيع:)





ماعليش راني صابرة على الاقل في الربيع يكون الجو مليح

[اكليل الورد]

تصبحو على خيييييييييييييييييييييييييييييير

http://i126.photobucket.com/albums/p103/gaysasuke/sleep.jpg

[''أسيل'']

اهلا دنيا وش راكي؟
صح عندكم الثلج ولا تتمصخري ؟

[*أنسام*الجنة*]

تصبحو على خيييييييييييييييييييييييييييييير

http://i126.photobucket.com/albums/p103/gaysasuke/sleep.jpg



تصبحي على ألف خير واحلام سعيدة

ومشكورة إكليل على التقييم ربي يخليك اختي

[''أسيل'']

ماعليش راني صابرة على الاقل في الربيع يكون الجو مليح
علاه ماتحبيش الشتا و الخريف
انا نموت على البرد

[''أسيل'']

تصبحين على خير ورد
ليلة سعيدة

[*أنسام*الجنة*]

لبنات سيكون اليوم او غدا أخر يوم معاكم


لاخاطر رايحين نحبسوا النات ونرجعوها حتان رمضان

[دموع الحيــاة]

quote=اكليل الورد;1313373]تصبحو على خيييييييييييييييييييييييييييييير

http://i126.photobucket.com/albums/p103/gaysasuke/sleep.jpg[/quote]
قولي ســّاعا السلام عليكم
من وكتاه ترقدي بكري يا لمياء
الظاهر حتى نتي تعبانة كي ختك:)

اهلا دنيا وش راكي؟
صح عندكم الثلج ولا تتمصخري ؟
أهلين سعاد
تعرفيني نتمسخر
رانا حنا بعد دهشنا فيه

[دموع الحيــاة]

quote=اكليل الورد;1313373]تصبحو على خيييييييييييييييييييييييييييييير

http://i126.photobucket.com/albums/p103/gaysasuke/sleep.jpg[/quote]
قولي ســّاعا السلام عليكم
من وكتاه ترقدي بكري يا لمياء
الظاهر حتى نتي تعبانة كي ختك:)

اهلا دنيا وش راكي؟
صح عندكم الثلج ولا تتمصخري ؟
أهلين سعاد
تعرفيني نتمسخر
رانا حنا بعد دهشنا فيه

[دموع الحيــاة]

quote=اكليل الورد;1313373]تصبحو على خيييييييييييييييييييييييييييييير

http://i126.photobucket.com/albums/p103/gaysasuke/sleep.jpg[/quote]
قولي ســّاعا السلام عليكم
من وكتاه ترقدي بكري يا لمياء
الظاهر حتى نتي تعبانة كي ختك:)

اهلا دنيا وش راكي؟
صح عندكم الثلج ولا تتمصخري ؟
أهلين سعاد
تعرفيني نتمسخر
رانا حنا بعد دهشنا فيه

[*أنسام*الجنة*]

علاه ماتحبيش الشتا و الخريف
انا نموت على البرد



علاه بالعكس نحب الشتاء والبرد


بصح قالتلي دنيا في الربيع يذوب شوي ثلج هكدا باه نقرد نروحلها :)


بصح انا جامي شفت الثلج وأمنيتي نشوفوا

[*ام* عبد الرحمن]

والله يا سعيدة كل واحد واش يقول على سبت موتها


عمرها 27 سنة ولقاوها وراء البارح مع الزوج انتاع لعشية

الله المستعان .ربي يرحمها و يقلب سيئلتها حسنات ..و يتجاوز عن سيئلتها
اللهم استرنا فوق الارض و تحت الارض و يوم العرض ..............وانت لاباس شوية ..........

[*أنسام*الجنة*]

الله المستعان .ربي يرحمها و يقلب سيئلتها حسنات ..و يتجاوز عن سيئلتها
اللهم استرنا فوق الارض و تحت الارض و يوم العرض ..............وانت لاباس شوية ..........

أمين

أنا لباس والحمد لله صح تشوكيت


لاخاطر حنى مايصروا عندنا ياسر حوايج كيما هادوا


هادي المرة الثانية العام الي فات مرأ تاني قتلوها في دارها

وهاد العام طفله



اللهم أحسن خاتمتنا

[*أنسام*الجنة*]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[*ام* عبد الرحمن]

.واش الظاهر رانا وحدنا و ين رلهي الجماعة ................
قوليلي دليلة ياك واش ديري و شحال في عمرك ما تقوليليش راني عايشة كيما سرور و ما تقوليليش عمرك قل من 20 سنة

[mecrosys]

مساء الخير لبنات
واشراكم ؟؟؟؟؟

[mecrosys]

حتى وحدة ماهي هنا؟؟؟؟؟؟؟؟؟؟

[*أنسام*الجنة*]

http://www.up1up2.com/upfiles1/sPD66997.gif http://www.up1up2.com/upfiles1/sPD66997.gif


تصبحوا على خير يا لبنات

وممكن را ح يكون اخر نهار ندخل فيه

لاخاطر رايحين نحبسوها حتان لرمضان

المهم تهلوا في أرواحكم

وربي يصبرني منا لرمضان


ان شاء الله انوض غدوة الصباح ونلقاها

والله مانقدر نقعد بلا هاد اللمة

http://www.up1up2.com/upfiles1/IuF26796.gif

[*أنسام*الجنة*]

.واش الظاهر رانا وحدنا و ين رلهي الجماعة ................
قوليلي دليلة ياك واش ديري و شحال في عمرك ما تقوليليش راني عايشة كيما سرور و ما تقوليليش عمرك قل من 20 سنة




انا عديله يا سعيدة


وعمري صح كيما سرور وتاني نقرا كيفها

غير أنا دايرة إختصاص أخر

الاسم:عديلة

طالبه سنة 5 إن شاء الله ecologie

وراني عايشه ومطايشه مع السخانة :)

[*أنسام*الجنة*]

مساء الخير لبنات
واشراكم ؟؟؟؟؟



مساء النور أمينة

رانا لباس والحمد لله وانتي؟

[mecrosys]

شوي شوي
مانيش مليحة بزاف

[mecrosys]

قعدي معاي شوي
ومن بعد روحي رقدي
ماعليش؟؟؟؟

[*أنسام*الجنة*]

قعدي معاي شوي
ومن بعد روحي رقدي
ماعليش؟؟؟؟



لو عليا أنا ماعليش


وعلاه مراكيش مليحه كاش من قلقك

[mecrosys]

لو عليا أنا ماعليش


وعلاه مراكيش مليحه كاش من قلقك

سمحيلي عديلة بصح مانقدر نحكي لحتى واحد

نفرحك ليوم

ليوم رحت لخالتي
جاو دارة لبنتها الخاتم

[mecrosys]

عرفيني بروحك كثر عدولة؟؟؟؟
مازالني مانعرفكش
لخاطر ماحكطيتش معاك بزاف

[mecrosys]

عديلة وين راكي؟؟؟؟؟؟؟؟؟؟؟؟؟؟؟؟

[*ام* عبد الرحمن]

انا راني هنا و راني قريب نروح نرقد تعرفي اختي ما تتقلقيش بزاف ادا حاجة ماى تقدريش توصليلها و تتحصلي عليها خليها على القادر عليها و اتكلي عليه عزوجل ..........ادا حبيتي تحكي نحن هنا ..............و الا ما تقلقيش روحك بزاف

[*أنسام*الجنة*]

عرفيني بروحك كثر عدولة؟؟؟؟
مازالني مانعرفكش
لخاطر ماحكطيتش معاك بزاف



كلشي مبروك ولعقوبة ليك إن شاء الله

ماعليش ماتحكيش كاين حوايج مايتحك لحتى واحد

راح نعرفك عليا


أنا عديلة من تقرت العمر 25سنة

العام الجاي ان شاء الله نتخرج

قالوا زعما مهندسة في البيئة والمحيط

وانتي عرفيني عليك شوية

نعرف غير اسمك برك :)

[*أنسام*الجنة*]

عديلة وين راكي؟؟؟؟؟؟؟؟؟؟؟؟؟؟؟؟


راني هنا امينة

[*أنسام*الجنة*]

انا راني هنا و راني قريب نروح نرقد تعرفي اختي ما تتقلقيش بزاف ادا حاجة ماى تقدريش توصليلها و تتحصلي عليها خليها على القادر عليها و اتكلي عليه عزوجل ..........ادا حبيتي تحكي نحن هنا ..............و الا ما تقلقيش روحك بزاف



يعطيك الصحة سعيدة هاد واش كنت راح نقوللها

[mecrosys]

انا راني هنا و راني قريب نروح نرقد تعرفي اختي ما تتقلقيش بزاف ادا حاجة ماى تقدريش توصليلها و تتحصلي عليها خليها على القادر عليها و اتكلي عليه عزوجل ..........ادا حبيتي تحكي نحن هنا ..............و الا ما تقلقيش روحك بزاف

شكرا لك حقوقية
وصح عندك الحق
نخليها على ربي وخلاص

المهم
خليكم مني
عرفيني على روحك حقوقية

[mecrosys]

كلشي مبروك ولعقوبة ليك إن شاء الله

ماعليش ماتحكيش كاين حوايج مايتحك لحتى واحد

راح نعرفك عليا


أنا عديلة من تقرت العمر 25سنة

العام الجاي ان شاء الله نتخرج

قالوا زعما مهندسة في البيئة والمحيط

وانتي عرفيني عليك شوية

نعرف غير اسمك برك :)

متشرفين عديلة
انا امينة عمري قريب 16
في 24 اوت نغلقها
جبت البيام
العام الجاي سنة اولى ثانوي
من ولاية المدية

[mecrosys]

واش تحكيو؟؟؟؟؟؟؟
حكيولي حاجة تفرح

[*أنسام*الجنة*]

متشرفين عديلة
انا امينة عمري قريب 16
في 24 اوت نغلقها
جبت البيام
العام الجاي سنة اولى ثانوي
من ولاية المدية



الله يبارك مازالك صغيرة علاه تقلقي روحك

وزيد رايحه لليسي لازمك تكوني فرحانه

ودوركا وينو القاطو :1:

[*ام* عبد الرحمن]

شكرا لك حقوقية
وصح عندك الحق
نخليها على ربي وخلاص

المهم
خليكم مني
عرفيني على روحك حقوقية
...........وانت
عديلة عرفت بلي انت كبيرة في العمر على حساب ردردك .لالا ما شاء الله مهندسة بادن الله

[*أنسام*الجنة*]

واش تحكيو؟؟؟؟؟؟؟
حكيولي حاجة تفرح


حاجه تفرح

جيرانا راهم دايرين سهرة لاخاطر بنتهم

جبت ال6éme وزيد ختانت ولدها

والغناء داير حاله حابه انوض نرقص :1:

[mecrosys]

الله يبارك مازالك صغيرة علاه تقلقي روحك

وزيد رايحه لليسي لازمك تكوني فرحانه

ودوركا وينو القاطو :1:

القلق دايما تابعني هو والخوف
تأمني بلي لحد الان مازلت مادرتش القاطو
ماعليهش سمحولي
بصح راني خايفة شوية من الجو فليسي

الله يبارك عليك
حاجة مليحة مهندسة بيئة

[*أنسام*الجنة*]

عديلة عرفت بلي انت كبيرة في العمر على حساب ردردك .لالا ما شاء الله مهندسة بادن الله


يبارك فيك بصح كلامي قدام كلامكم عيب قارن :)

[mecrosys]

نكتبلك خفيف خفيف و نمحي ياك
انا سعيدة 26 سنة ..............ليسانس حقوق .عندي كابا ان شاء الله ........كنت نخدم و حبست .مانيش متزوجةههههههههههههه ...........وانت
عديلة عرفت بلي انت كبيرة في العمر على حساب ردردك .لالا ما شاء الله مهندسة بادن الله

متشرفين سعيدة
سميتي روحك حقوقية علي قارية حقوق
الله يبارك

[*ام* عبد الرحمن]

حاجه تفرح

جيرانا راهم دايرين سهرة لاخاطر بنتهم

جبت ال6éme وزيد ختانت ولدها

والغناء داير حاله حابه انوض نرقص :1:
ربي يفرحك دنيا و اخرة و ربي يسعد ايامك و اخرتك و يهني جيرانك تشطحي اه ..............يا ويلي من الشطيح تاع يوم القيامة ..................دوللي اسمك عجبني بزاف دليلة
قريتي الموضوع تاع جهنم و العياد بالله ........لوكان تقرايه تحسي بوحد الراحة
ما تستغربيش ايه تحسي بلي تعرفيها مليح و من بعد تحاولي تبعدي عليها بلي تقدري عليه

[mecrosys]

حاجه تفرح

جيرانا راهم دايرين سهرة لاخاطر بنتهم

جبت ال6éme وزيد ختانت ولدها

والغناء داير حاله حابه انوض نرقص :1:

مالا الحالة راهي فور قدامكم
مبروك عليهم
عندها ثلاثة ايام دارو الحنة نتع بنت جيرانا
داروها كيما نتع بكري سواسوا
جازت هايلة خرجت لبرى لوسط الدار وقاعدة نسمع

انا اليوم كنت عند خالتي
خطبو بنتها وجاء خطيبها ودارلها الخاتم
كنت فرحانة
ومن بعد عاود هبطلي لمورال

[*أنسام*الجنة*]

القلق دايما تابعني هو والخوف
تأمني بلي لحد الان مازلت مادرتش القاطو
ماعليهش سمحولي
بصح راني خايفة شوية من الجو فليسي

الله يبارك عليك
حاجة مليحة مهندسة بيئة



ماعليش آسيدى القاطو عليا نطيبهولك

وعلاه تخافي من الليسي والله عادي كيما الإبتدائية والمتوسطة

قرايا هي قرايا وأساتذة هما أساتذة

يعني بالعكس راكي زدتي في المستوى وراح تحسي روحك كبرتي

وزيد تولي تشوفي في الباك والجامعه قدامك

[*ام* عبد الرحمن]

يبارك فيك بصح كلامي قدام كلامكم عيب قارن :)
ايا باركاي راني نقولك حسيت بلي كبيرة و مثقفة تقوليلي هاكا مانيش نجامل فيك .....حنونة ...عندك ردود ما شاء الله

[*أنسام*الجنة*]

مالا الحالة راهي فور قدامكم
مبروك عليهم
عندها ثلاثة ايام دارو الحنة نتع بنت جيرانا
داروها كيما نتع بكري سواسوا
جازت هايلة خرجت لبرى لوسط الدار وقاعدة نسمع

انا اليوم كنت عند خالتي
خطبو بنتها وجاء خطيبها ودارلها الخاتم
كنت فرحانة
ومن بعد عاود هبطلي لمورال


صح هو ساعات المورال يهبط من الروتين والملل

وساعات وحدك وحدك تحكمك القلقة

لكن هذا أكل من الشيطان أقري شويه قرأن

والا صلي ركعتين وراح ترتاحي

والله انا نهار الي نولي كيما هاك نهرب مباشرة للصلاة

[*أنسام*الجنة*]

ايا باركاي راني نقولك حسيت بلي كبيرة و مثقفة تقوليلي هاكا مانيش نجامل فيك .....حنونة ...عندك ردود ما شاء الله


حشمتيني سعيدة زعما قلت أنا الصغيرة هنا

رجعتيني مثقفة :rolleyes:

ربي يخليك عزيزتي ويحفظك

[mecrosys]

ماعليش آسيدى القاطو عليا نطيبهولك

وعلاه تخافي من الليسي والله عادي كيما الإبتدائية والمتوسطة

قرايا هي قرايا وأساتذة هما أساتذة

يعني بالعكس راكي زدتي في المستوى وراح تحسي روحك كبرتي

وزيد تولي تشوفي في الباك والجامعه قدامك

ربي يخليك حبيبتي
وهي مشكلتي اني نخاف من الاساتذة لايكونو ماهمش ملاح ولا

انصحيني دايما عديلة هذا طلب وارجوا ان تلبيه لي

[*ام* عبد الرحمن]

امينة مازالك صغيرة بزاف على القلقة بزاف حنونة .............واش بيه اليسي شوفي الانسان اللي داير قيمة لعمرو وين يروح يفرض احترامو و ما يتاثر بالاخرين .....اعرفي قدرك تفرضيه على غيرك .حتى ولو كنت بين بني صهيون الفجار .......انا نقولهالك من خلال تجربتي
و الا لالا لا دليلة ......

[mecrosys]

صح هو ساعات المورال يهبط من الروتين والملل

وساعات وحدك وحدك تحكمك القلقة

لكن هذا أكل من الشيطان أقري شويه قرأن

والا صلي ركعتين وراح ترتاحي

والله انا نهار الي نولي كيما هاك نهرب مباشرة للصلاة


شوفي نكون فرحانة وكلش
غير نتفكر حاجة ماهيش مليحة نتقلق
الله يلعنو ويخزيه
اسم على مسمى

ونا نرتاح كثر في السجود كي نبدا ندعي في ربي
والله غير عندك الحق

[mecrosys]

حشمتيني سعيدة زعما قلت أنا الصغيرة هنا

رجعتيني مثقفة :rolleyes:

ربي يخليك عزيزتي ويحفظك

عندك زوج اسماوات
عديلة ودليلة

بصح الله يبارك عليك
متواضعة

[*ام* عبد الرحمن]

ربي يخليك حبيبتي
وهي مشكلتي اني نخاف من الاساتذة لايكونو ماهمش ملاح ولا

انصحيني دايما عديلة هذا طلب وارجوا ان تلبيه لي
يا امينة اتكلي على ربي و ديري مجهودك و ما تخالطيش البنات المعوجات و احترمي الاساتدة تشوفي كيفاش يقادروك

[mecrosys]

امينة مازالك صغيرة بزاف على القلقة بزاف حنونة .............واش بيه اليسي شوفي الانسان اللي داير قيمة لعمرو وين يروح يفرض احترامو و ما يتاثر بالاخرين .....اعرفي قدرك تفرضيه على غيرك .حتى ولو كنت بين بني صهيون الفجار .......انا نقولهالك من خلال تجربتي
و الا لالا لا دليلة ......

ربي يخليك سعيدة
راح نحط هذي النصيحة في راسي

شوفي حنا عنا جيفو فالاساتذة

مثلا كي يشوفو تلميذ قراي بزاف
يبقاو لاتيين غير بيه
ونتي كي تظلي تجبدي وتجتهدي
مايسمعش بيك
وحتى لي عندهم المعارف

انا ثان ماما تقولي هكذا وتقولي حنا المعرفة نتاعنا هي ربي سبحانو

[*أنسام*الجنة*]

ربي يفرحك دنيا و اخرة و ربي يسعد ايامك و اخرتك و يهني جيرانك تشطحي اه ..............يا ويلي من الشطيح تاع يوم القيامة ..................دوللي اسمك عجبني بزاف دليلة
قريتي الموضوع تاع جهنم و العياد بالله ........لوكان تقرايه تحسي بوحد الراحة
ما تستغربيش ايه تحسي بلي تعرفيها مليح و من بعد تحاولي تبعدي عليها بلي تقدري عليه



لالا ماقريتوش وين هاد الاعندك الرابط مديهولي


سعيدة أنتي تاني اسمك هايل وربي يجعلك إسم على مسمى في الدنيا والاخرة

ماعليش أسمي عديلة وإدا حبيتي تعيطيلي دليلة مش مشكلة على راحتك :19:

[*ام* عبد الرحمن]

ايواه سواسوا احسن معرفة و اغلاها و اجبرها معرفة الله
امالا الباقي عليك و على خدمتك ..........

[mecrosys]

نعيطلك باسمك خير

واشي هو الموضوع لي راكي تهدري عليه سعيدة
وريهونا

[mecrosys]

كيما ريحتوني ربي يريحكم
ويستركم ويعطيلكم كل خير

ربي يخليكم
بصح دايما انصحوني او وريولي

مازلت مانعرفش بزاف على الدنيا

[mecrosys]

واش خرجتو؟؟؟؟؟؟؟؟

[*ام* عبد الرحمن]

نحن هنا اختي .اللي تستحقيها و نقدرو عليها و ربي يسرلنا فيهتنا ما نبخلوكش
الموضوع تاع جهنم و العياد بالله .كي كنت نجيب في المعلومات شحال كنت خايفة ومن بعد امور بزاف ما كنتش نعرفهم .وليت نعرفهم و خفت بزاف من بد ريحت واحد الراحة ما شاء الله .اسمو خلق من خلقه عزوجل فاحدروه

[*ام* عبد الرحمن]

انا نروح نرقد بزاف عليا ..................اليوم ...غدوة ان شاء الله و كان في العمر بقية في امان الله

[mecrosys]

انا نروح نرقد بزاف عليا ..................اليوم ...غدوة ان شاء الله و كان في العمر بقية
تصبحي بخير سعيدة
وسمحيلي
غدوة ان شاء الله

[mecrosys]

عديلة خرجتي؟؟؟؟؟؟

[mecrosys]

تصبحي بخير عديلة
غدوة ان شاء الله

[*أنسام*الجنة*]

صباح الخير واش راكم؟

[*أنسام*الجنة*]

راني غير وحدي الي نضت بكري :1:

[*ام* عبد الرحمن]

صباح الخير اختي العزيزة ......هاداوين كملت الشغل .................

[*أنسام*الجنة*]

صباح النور سعيدة واش راكي


والله أسمحيلي أختي البارح راح التريسيتي وماكملت معاكم

[lina1997]

أنا أريد أحدية صيفية
مشكورة

[نعمة القدوس]

صباح الخير يا البنات .

[*أنسام*الجنة*]

صباح النور نعمة واش الاحوال ؟

[mecrosys]

صباح الخير لبنات
واشراكم؟؟

[*أنسام*الجنة*]

أنا أريد أحدية صيفية
مشكورة


مرحبا بك


ان شاء الله تدخل كاش وحدى عندها أحذية صيفية وأختاري

[mecrosys]

عندي احدية رياضية فقط
ضرك نحوسلك لمياء على احذية صيفية