وضعية متعاقد مزرية في مؤسسة تربوية [الأرشيف] - منتديات الجلفة لكل الجزائريين و العرب

مشاهدة النسخة كاملة : وضعية متعاقد مزرية في مؤسسة تربوية

sihem22

2011-05-14, 17:27

السلام عليكم اخواني واخواتي

حابة اليوم ناخذ رايكم في هذا الموضوع مع العلم انو اول موضوع لي ولكونو مضايقني جدا حابة تساعدوني بارائكم انا من الشباب اللي -زعما- استفادوا في الشهر الفارط من عقود ما قبل التشغيل cip ( لاني متحصلة على شهادة duea في التجارة العالمية) في اطار المديرية الوطنية للتربية والتعليم كعون اداري وكون اني معنديش المعريفة كمعظم المستفيدين وزعونا عاى المدارس و خلاو معارفهم للمديرية المهم رغم انزعاجي من هذا الوضع قلت معليش فيها خير واي خير كي تدخل اول يوم تلقى المديرة تقابلك وهي تصرخ على الكاتبة و المراقبة العامة و...وكي تقدملها هذاك المقرر تبدا تعطيك في قائمة بالممنوعات ممنوع الهاتف ممنوع الكلام مع الاساتذة ممنوع... الوصول للعمل يكون على الساعة 7:45 وفترة راحة من12:00-13:15 و الخروج على الساعة 17:30 وكي نحبوا نخرجوا على 16:00 لازم نستغناو على فترة الغداء .وهذا كله وما كانش منصب محدد لينا انا وزميلاتي المتعاقدات .في الاول قالت بانو مكاننا مع المقتصد و كون المقتصد اللي عندها مكلف ما تقدرش تحطنا في المكتبتاعوا فكلفتنا باعمال كانوا هاملينها منذ بداية السنة كل العاملين بالادارة وكي بقاو اللمسات الاخيرة قالتلنا خلاص خلوهم يكملوا انتم عندكم مهمة اخرى الان وجدولي كل ما يخص الامتحانات لكل السنوات في المدرسة هذيك وللي يمتحنوا بالمراسلة وبعد ذلك كي كملت لحريث نتاعها قالتلنا الان مكانكم مع المساعدات التربويات( مع احترامي لهذا المنصب )الاعوان الاداريين عندها يعسو التلاميذ و يجوزوا ورقة الغيابات على الاقسام حتى هؤولاء المساعدات عندهم في كل يوم تدي وحدة فيهم نصف يوم راحة اما نحن فلا و كي محبيناش هذه الوضعية و تكلمنا معاها بطريقة حضرية عساها تحس بمعاناتنا وش تقولنا متوريوليش واش ندير عندها الحق كيفاش نوريو لوحدة لم تدرس حتى في جامعة ولم تتحصل حتى على ليسانس وولات مديرة.هذه هي اذا منحت السلطة ففعل ما شئت ففي نهاية اليوم وجدنا انفسنا نحن المتعاقدات موقوفات عن العمل
طولت عليكم سمحولي سمحولي سمحولي و اعتذر عن طريقة كلامي اذا لم تكن لبقة .

ارجو منكم المشاركة بارائكم في موضوعي لاستفيد من نصائحكم

نورسين.داية

2011-05-14, 17:50

و الله صح وضع مزري و حقرة نتاع الصح .
أنا يا عزيزتي كانت أول تجربة لي مع العقود بنفس الطريقة لكن كان خلافي مع سكرتيرة المدير لأنه نصبها نائبة عنه في تسيير الأمور لكن كوني لست من الناس الذين يسكتون على مثل ما قلتي الحريث تحول الأمر مع المدير مباشرة
أنا أحسست أن الوضع سوف يتحول الى فسخ و الفسخ سوف يحرمني من العقد مرة ثانية ماكان علي إلا تغيير المؤسسة لكن صدمت بعدم موافقة المدير ذلك البائس الذي لن أنساه وصلت معه في نقاش حاد حتى طردني من المكتب لكن لم أسكت عن لموضوع و توجهت الى مديرية التربية و كتبت طلب خطي و شرحت ظروفي على أساس أن الثانوية التي كنت منصبة بها بعيدة عن مسكني (هي كانت فعلا بعيدة) لكن ليس مشكل و شرحت بإنعدام النقل و سبقت للمسؤول وضحت السبب لمديري و لم يقبل لست أذري لما (بالمقابل أنا على علم تام بالسبب حقرة وحريث ) المهم قال لي عودي الى مؤسستك و لما عدت إتصل بي المدير و وقع لي طلب التحويل بعذها الحمد لله إجتزت مسابقة توظيف و توظفت الحمد لله
إذن أنا عرضت عليكي تجربتي و أنتي قرري إما أن تحولي المؤسسة أو القطاع أصلا في مجال تخصصك على الأقل و الصبر عزيزتي كلنا مرينا بهذه المراحل الإنسان لا يتسرع فقط و يحسب خطواته بطريقة قانونية أكيد لن يخسر وفقكي الله عزيزتي

star_123

2011-05-14, 17:57

أختي سهام ماتقلقيش روحك

هدوا جماعة السنة السادسة معقدين من واحد عنده شهادة جامعية

أنصحك بتغيير المؤسسة

ان شاء الله تستفادي من هذه التجربة

لازم تزيري روحك معاهم يبغوا يكرهوا الواحد حياته

تيتيلار قاعد مريح وجماعة عقود ما قبل التشغيل يحرثوا عليهم

الله يفتح على الجميع بوظيفة دايمة

intell22

2011-05-14, 17:57

je pance cque le problem ne se pose pas au directrise mais le problem dans ce qui est entrin de géré l"algerie

امال البرج

2011-05-14, 18:16

أختي سهام انا احس بمعاناتك جيدا فقد حصل لي نفس الشئ مع مدير الابتدائية التي اعمل بها
معندوش حتى الاهلية
ف الاول كنت جديدة وحشمانة ونقول بيني بين روحي انو انسان كبير علي ولازم نحتارمو
بصح مع مرور الوقت وليت منقدرش نصبر وصل بيه الحد حتى قالي اذا ما عجبكش الحال روحي لداركم
وما نحتاجوكش هنا..............زعما ورثها من عند جدو.............

مرة رفع صوتو علي ......هزيت صاكي وخرجت
لغدوة وليت ليه الصباح قتلو ذرك نفهمك يا عمي كيفاش لازم تتعامل معايا
قتلو منحبش لي عيط علي وكي تكون مكانش خدمة نروح نروح واش نقعد ندير هنا
وكي كون عندي شغل منجيش نخدم
ومتقوليش اخدمي حاجة انا منيش حابة نخدمها
واذا زدت تعديت حدودك نبدل
المهم حطيت حدود وقتلو ملازمش تتعداهم
درك ختي راني الحمد لله ندخل على 8 نخرج على 11

اما انت اختي راكي عند مديرة وتعرفي النسا يحبو يتحكمو
تقدري تبدلي لاي اكمالية ولا ابتدائية روحي لمديرية التربية قولهم راني حابة نبدل
يعطوك ورقة تمضيالك المديرة وتبدلي لاي مكان واحد اخر
وبالتوفيق حبيبتي

hamzadaksi

2011-05-14, 18:34

geld

2011-05-14, 18:50

شكرااااااااااااااااااااااااااااااااااااااااااااااا اااااااااااااا

sihem22

2011-05-14, 19:00

السلام عليكم

نشكركم واحد واحد على ارائكم و على نصائحكم وجزاكم الله الف خير .ومع احترامي للاخ hamzadaksi لكن لماذا نراجع شخصيتي اولا على حساب راي كي مايلائمكش عمل معين اول شيء تتناقش مع المسؤول لتفهم الوضع ومن بعد تقرر وش لازم تدير وهذا اللي صار لكن في نظرها انو الموظف لا يتكلم يسمع ويطبق الاوامر فقط وهذا ما ساعدنيش لذا قررت نروح للمديرية نشوف معاهم اما على ساعات العمل كي تروح تسال في وكالة التشغيل يقولولك بلي ساعات عمل المتعاقد بعقد ما قبل التشغيل 8 ساعات كموظف عادي لاننا بحسبهم عقدنا ليس كعقد تشغيل الشباب اما على المؤسسة من الظاهر صح هي للدولة لكن الحقيقة هذه المديرة دارت مشاكل حتى للاساتذة ومعرفوش يحلوهم حتى كي لجؤوا للمديرية فقولي انت هل هذه المؤسسة ليها ولا للدولة

hosbkaz

2011-05-14, 19:33

يا أختي مع إحترامي لك أظن أنوا يجب عليك مراجعة شخصيتك
لا تتركي هؤلاء الحمقى يفعلوا بكم هكذا والوقت الرسمي لكم هو
5 ساعات يوميا وتذكري أن هاته المؤسسة ملك الجمهورية وليست
ملك المديرة المذكورة
السلام عليكم اخوتي في الله
انا اعمل يوما في الاسبوع هل هذا جائز, ام هل هناك مرسوم ينص على عدد ساعات العمل في عقود الادماج ؟
بارك الله فيكم

mirel

2011-05-14, 19:36

رانا عندنا نفس المشكل.أنا تاني نخدم في مؤسسة تربوية فيها مدير أول مرة يحكم مسكين مازالو مخلوع من كلمة مدير. متسلط ويحب يأمر .فالبداية هدرت ودافعت على حقي ولكن لاحياة لمن تنادي.عدت ما نشاورش ندير رايي نغيب وما نخدمش بزاف . نخدم حق المنحة لي ندي فيها. هكدا لقيت راحتي.

hosbkaz

2011-05-14, 20:13

comp29

2011-05-15, 21:24

السلام عليكم يا اخوتي انا تاني كنت كيفكم اعمل في مؤسسة تربوية يديرها مدير حابس مشتاق للمسؤولية وكان يعاملني وكاني عمري ولا قريت لانو وبكل بساطة ما عندوش مستوى دراسي (الرجل غير المناسب في المكان المناسب) .........المهم الواحد يصبر حتى يفرج عليه ربي بمنصب عمل. والله هو الرزاق

sarl02

2011-05-16, 00:10

والله حكايات يندى لها الجميع اي واحد عندو ذرة كرامة ما يحملش هذه الوضعية وعلاش تقبلو على رواحكم الذل ....و حتى الرجال و الله غير عيب روح اخدم منافري ولا الذل ..على جال زوج دورو تعيش مذلول ...هذه عقود الادماج منحة من عند الدولة ما هيش خدمة ....قسما بالله تستاهلو الي يجرالكم لانو لستم رجال و لستم نساء ..مدير ابتدائية داير فيكم حالة ههههههههههههه والله عيب انتم جامعيون انتم....والله انا شخصيا مستفيد من عقدين عمل في نفس الوقت واحد مع لانام و الاخر مع لاداس قسما بالله حالف ما اجي في يدي الخدمة نمضي البوانتاج فقط ومبعد ما ازيدوش اشوفوني نهائيا بصح لازم تكون راجل و كل واحد توقفو عند حدو لكن كاين معاي متعاقدين كيف حالتكم يخدمو من 8 الي 4 ....واذا اتحمت نرميلو العقد في وجهو..الزمان و لا الذل .....لكن كل واحد اسلط عليه ربي ناس على حساب شخصيته والحمد لله.

mirel

2011-05-16, 15:10

كم عدد الساعات القانوني في عقود الادماج ؟
الساعات القانونية كلما نسقسي عليها يقولولي نصف يوم يعني 4 أو 5 ساعات من 8 الى 12 أو 11 لكن ماكاش منشور يدل على هدا القانون.فالكونترا يقولك تخدم على حسب احتياجات المؤسسة.في هاد النقطة لقيت مشكل مع المدير قالي جيبي دليل نخليك تخدمي نص نهار.....................وأنا مالقيتش.(ملاحظة العقد تاعي من لاداس)
ادا كان عندك معلومة أو منشور يساعدنت قولي وين نلقاه وشكرا أخي الفاضل