الجزء 180 من الكوزينة (رمضانكم كريم ) [الأرشيف] - الصفحة 4 - منتديات الجلفة لكل الجزائريين و العرب

chez biba

2017-06-28, 13:51

السلام عليكن غالياتي
عيدكم مبارك وإن شاء الله ينعاد علينا بالصحة ولهنا كل عام ونتوما بخير
حبيت نطل عليكم بحاجة حلوة وهي قاطو جديد سميتو âœ¨قطايف لعروسةâœ¨

https://i11.servimg.com/u/f11/18/55/24/91/19149210.jpg (https://servimg.com/view/18552491/1395)

رابط الوصفة بالتفصييييييل هنا

http://www.djelfa.info/vb/showthread.php?t=2077245
وان شاء الله راح نحط لكم قاطواتي تاع العيد

fleur de lili

2017-06-28, 17:39

صح عيدك أختى بيبا....ليك وحشة .هذى مدة خليتى مكانك فا رغ في المنتدى
انتى والاخوات بزاف.نتمنا يكونو لباس
أما قطواتك في القمة.دائما نجربهم ويخرج تحفة...شكرااااا
متزديش تغيبى علينا..ok

kouka a

2017-06-29, 04:05

السلام عليكم ورحمة الله وبركاته
صباح الخير يا وجوه الخير وينكم ï»»بنات هربتو كامل وقيل راكم عطلة

ام صفصف

2017-06-29, 13:59

صح عيدكم اخواتي، وكل عام وانتم بالف خير
رغم انو الكوزينة تبان مهجورة، رايحة نعرضكم على سينية حلوياتي تاع العيد
تفضلوا باسم الله

https://e.top4top.net/p_545574s21.jpg

https://f.top4top.net/p_545thxiv2.jpg

ام شمسو محمد

2017-06-29, 16:53

....صح عيدكم اخواتي، وكل عام وانتم بالف خير
رغم انو الكوزينة تبان مهجورة، رايحة نعرضكم على سينية حلوياتي تاع العيد
تفضلوا باسم الله

https://e.top4top.net/p_545574s21.jpg

https://f.top4top.net/p_545thxiv2.jpg

ام صفصف ...مايدة عيد بالشان و الطبع تاع جزايرية حرة ...تمنيت نكون ضيفتك ...بصحتهم ضيافك ...و يادرا وش كان رايهم في فحولة بنات الدزاير و فلكور و طقوس العيد عندنا...نهنيك على التفاصيل تاع السنية و الابريق و طي المناديل و حاملة الصحون و حاملة المناديل ...ما نسيتي والو راكي هنا

ام صفصف

2017-06-30, 15:18

....

ام صفصف ...مايدة عيد بالشان و الطبع تاع جزايرية حرة ...تمنيت نكون ضيفتك ...بصحتهم ضيافك ...و يادرا وش كان رايهم في فحولة بنات الدزاير و فلكور و طقوس العيد عندنا...نهنيك على التفاصيل تاع السنية و الابريق و طي المناديل و حاملة الصحون و حاملة المناديل ...ما نسيتي والو راكي هنا

بارك الله فيك حبيبتي ام شمسو، وربي يحفضك على كلامك الطيب يا ملات اللسان الحلو، وعلى حلوياتنا ،الي يذوقهم يهبل عليهم، يعتبروهم فن، رغم انو اخواتنا المغربيات وصلو حلوياتهم وطبخهم ولباسهم للعالمية، وحنا رغم غنانا بالاطباق والحلويات واللباس، مازال منش معروفين .
حتى الكسكس، يسموه الكسكس المغربي.

أمنية غفران

2017-06-30, 16:03

السلام عليكم و رحمة الله تعالى و بركاته

نهاركم معطر بالورد و الياسمين أخواتي الكريمات عضوات و زائرات

اممممممم حبيت نشاركم فرحتي بعد حصولى على المركز الأول في مسابقة طي المناديل تفضلو بستان كامل من الزهور

http://www.up.bagdady.com/uploads/bagdady1498835277471.jpg

ادخلو و شوفو مشاركتي رقم 9 راني حطيت ليكم هدية ان شاء الله تعجبكم

http://www.djelfa.info/vb/showthread.php?t=2077463

شوفو كيفاه راني في هاد اللحظات

http://www.up.bagdady.com/uploads/bagdady1498834902031.jpg

تحياتي

fleur de lili

2017-06-30, 20:03

الف مبروك أختي أمنية مزيد من التألق
تستاهلي ماخير لانك حقيقة انسانة معطأة
أأأاألف مبروك

أمنية غفران

2017-06-30, 22:04

السلام عليكم و رحمة الله تعالى و بركاته

أختي فلور عيدك مبروك تعيدي و تعاودي ان شاء الله و مشكورة حبيبتي على الاطراء ربي يحفظك

بالمناسبة هيا البنات واش بيكم خليتو الكوزينة مهجورة وقيلة رحتو كامل لماليكم و أهلكم بصحتكم انا الله غالب راني مربوطة بالعمل و كي راكم مع صيام الصابرين ربي يتقبل منا و منكم

نهار العيد درت تريدة في الفطور و في العشاء درت لابيري مع المرقاز faux مشوي ههههههههه من بعد نقول ليكم كيفاه

http://www.up.bagdady.com/uploads/bagdady149885571341.jpg

http://www.up.bagdady.com/uploads/bagdady1498855714272.jpg

مرGاز faux مشوي

هنايا المرقاز درته في اسلاك الشواء و كنت حضرت طاجين الكبير هاداك الي نطيبو فيه المسمن او رقائق الشخشوخة حطيته فوق الفرن عادي ماشي فوق طابونة و دهنته بشوي زيت بعد ما سخن و حطيت اسلاك الشواء و بديت نقلب فيه وعلابالكم المرقاز ما يطولش في الطياب خرج هايل و ذوق بنين اممممممممممم

جربوه و ردو لي الخبر

وصوص رابيت بصلة صغيرة و درت ليها حبة مرقاز مقطعة طريفات صغار و مغيرفة زيت و قليت مليح و من بعد ضفت ثوم مبشور و مرقت بكاس ماء و ضفت وريقة رند و شوي فلفل اسود و شوي زنجبيل و شوي فلفل احمر حار و خليته يطيب في غرضه حتى الحصول على صوص ما خفيفة ما ثقليلة

http://www.up.bagdady.com/uploads/bagdady1498855714733.jpg

تحلية الفراز

http://www.up.bagdady.com/uploads/bagdady1498855870673.jpg

وهنايا طاجين لوبيا ماشطو بلحم البقر

http://www.up.bagdady.com/uploads/bagdady1498855869771.jpg

وهادي بريك عنابي راكم علابالكم بحال الصائم

http://www.up.bagdady.com/uploads/bagdady1498857632381.jpg

تحياتي

روعة الصحراء

2017-06-30, 22:21

سلام حراير منتدى الجلفة ان شاء الله تكون بخير وصح عيدكم وينعاد عليكم بالخير والبركات علبالي روطار لاني من رمضان مادخلتش
المهم ربي يتقبل منا صالح الاعمال ويفرج على امةمحمد ويرزق كل محروم ويفرح كل مومن
راني في المراجعة ربي يسعدكم

أمنية غفران

2017-07-01, 10:14

fleur de lili

2017-07-01, 10:40

صباح الخير أخت أمنية شكرااااا علي القاطو راني رفدت وستقهويت
نداء عاجل الي بنتي حيوة راهي مضهرتش من مدة نتمني تكون لباس هي ووليداتها
كذالك لاخت رزيقة نتمني يكون مانع خير.أمين
هيا لبنات طل طال غيابكم كل وحدة بسمها

حياة نور الدين

2017-07-01, 11:59

السلام عليكن البنات
توحشتكم موووووت واش راكم واش راه اهاليكم واولادكم وازواجكم

دخلت على نداء امي فلوغ اسمحيلي قلقتك عليا راني في دارنا وراكي تعرفي الخرجات والضيباف لي يجوا هنولي على مهدي وووو بصح منسيتكمش راكم في القلب واللي زاد الريزو تقريبا منعدم لازم نمشي كامل الدار بالتابلات باش نلقى شوية ريزو خخخ
المهم ان شاء الله كي نرجع لداري نرجع نشاركم خياتي
واسمحولي معلقتش على واش حطيتوا لانه الصور مستحيل يظهروا قلتلكم الريزو مكانش بصح وعد كي نرجع بادن الله نراجع ونعلق على كل واحدة
امنية منورة الكوزينة حنونة انت ووصفاتك والف الف مبروك المرتبة الاولى تستاهلي

ام شمسو وام صفصف منورين خياتي

روعة الصحراء

2017-07-01, 13:15

أختي روعة مرحبا بيك و عودة ميمونة و عيدك مبروك

اواه يا البنات طولتو الغيبة بزاف

هادا الحلوى للجماعة باش يستقهو الصباح ديركت من بوات مونجي ههههههههه

http://www.up.bagdady.com/uploads/bagdady1498900212121.jpg

تحياتي

شكرا ليك حبيبتي ترحب بيك الجنة حلوياتك وطيابك لايعلى عليه ربي يعطيك ماتتمني
الاخت حياة الحمد لله على سلامتك وتحية لكل الاخوات

fleur de lili

2017-07-02, 01:36

الحمد لله علي طلكتك بنتي حيوة وبصحتك انتي والاولاد القعدة عند لميمة
أمانة سلميلي عليها بزاف.وعودة ميمونة انشاءالله
تصبحي علي خير

ام هدول

2017-07-03, 10:29

بيان 5

2017-07-03, 11:12

على سلامتك اختي ام هدول
ربي يشفيك ويعوضك يارب

بيان 5

2017-07-03, 11:43

نداء لكل الأخوات واش بيكم هجرتوا الكوزينة
ارجعوا ورجعوا اللمة الزينة

هذا غدايا وماتنساوش تدخلوا وتشاركونا طياباتكم يالفحلات

=https://up.top4top.net/]https://d.top4top.net/p_549dkj3r0.jpg[/url]

mordia

2017-07-03, 12:02

عيدكم مبارك يا بنات بلادي...
عندي طلب منكم....اللي تعرف دوا او اعشاب لمرض بوصفير او بوسفير....الله يرحم والديكم.....

بيان 5

2017-07-03, 12:05

اختي والله مانعرف ان شاء الله يدخلوا لبنات يفيدوك

بيلسان91

2017-07-03, 12:30

https://e.top4top.net/p_549ta5z60.jpg (https://up.top4top.net/)
صباح الخير �� يا وجوه الخير رغم غيابي الا انكن في البال ادعولي بالشفاء لاني في الفراش �� منذ أربعة أيام بسبب ضياع. جنيني (شهرين) ��

يو شكون دخل
مرحبا بك من جديد والله افتقدناك
وش راكي رتحتي شوية
ربي يشفيك نشالله فاقرب وقت

حياة نور الدين

2017-07-03, 14:42

السيلام عليكن

واش راكم البنات توحشتكم

بيان منورة حبيبتي وللصورة مظهرتليش معنديش الريزو بزاف يا دوب نقرا بصح على بالي فووور
والكوزينة دائما هده الشهور تع العطلة تكون الكوزينة مهجورة

بيلسان اهلااا حنونتي واش راكي

ام هدول طل القمر حبيبتي ربي يشفيك ويعافيك ويعوض عليك ولك وحشششششة حبيبتي

بيان 5

2017-07-03, 14:45

صح اختي هاذا وقت العطلة
المهم اللي خرجت تحوس بصحتها انا نستنى عرس اختي يفوت ونروح ان شاء الله يا لقالة يا سكيكدة

أمنية غفران

2017-07-03, 15:24

السلام عليكم و رحمة الله تعالى وبركاته

كيف أحوالكم أخواتي الكريمات نهاركم مبروك

بيان و حيوتة و بيسو راكم منوريين الكوزينة

حيبيتي ام هدول ربي يشافيك و يعافيك و يعوض عليك يا رب روحي غي بالعقل تهلاي في روحك

.................................................. ..............

جبت ليكم طاجين الكفتة مع خبز الرخساس و معاه تحلية الكريمة المحروقة و بالمناسبة راني تعلمت ندير الطريقة مع الصورة للاحتفاظ بيها قولو لي واش رايكم

http://www.up.bagdady.com/uploads/bagdady1499091409132.jpg

http://www.up.bagdady.com/uploads/bagdady1499091408191.jpg

تحياتي

أمنية غفران

2017-07-03, 15:38

أختي مرضية ربي يجيب الشفاء ما تقلقوش لاباس ان شاء الله
راني بعثت لك رسالة

ام هدول

2017-07-03, 17:34

صح قوهتكم دخلت على غداء أمينة يميم سخفتيي ندي طبسي نتعشا بيه معاك ذيك الكسرة الزينة تسلم الايادي بالمناسبة مبروك عليك المركز الأول في طي المناديل الورقية المزيد من التألق والتميز حيوتة بيلسان بيان نشكركم بزاااف على الترحيب و الدعاء لي صدقوني ليكم مكانه خاصه في قلبي

fleur de lili

2017-07-03, 20:04

مساء الخير أم هدول حقيقة خليتي مكانك فارغ عودة ميمونة
طهور انشاء الله ربي يخلف عليك ....أمين

ام هدول

2017-07-03, 20:26

https://f.top4top.net/p_5497ojc10.jpeg (https://up.top4top.net/)
هدا عشائي وجدتهولي ختي "جوري 95" نشكرها بزاااف راهي قايمة بيا �� رحبوو بيها راهي عضوة جديدة في المنتدى ��

أمنية غفران

2017-07-03, 20:44

السلام عليكم و رحمة الله تعالى و بركاته

صحا عشاكم شيرات

أختي ام هدول بصحتك هادوك الحويتات امممممممممم و ألف مراحيب بيك حبيبتي جوري طيابك يبان هايل و عندك لمسة خاصة ما تحرميناش من أطايبك اللذيذة و تهلاي لنا في حبيبنتا ام هدول ربي يشافيها و يعافيها

أختي فلور واش درتي عشاك اللذيذ امممممممممم

عشانا كان مقرون ببيض مغلي خفيف ظريف حالة الي تجي تعبانة من العمل ههههههههههه

http://www.up.bagdady.com/uploads/bagdady1499110573831.jpg

تحياتي

بيان 5

2017-07-03, 20:51

اختي ام هدول بصحتك الحوت شهيتيني
مرحبا بجوري معانا تعرفي يعجبني هاذ الاسم
امنية بصحتكم المقرون مع التعب هاذا واش يسلكها

بيان 5

2017-07-03, 20:52

عشايا جاري بعثتهولي ماما مع كسرة وبورا وفلون وسلطة

fleur de lili

2017-07-03, 22:02

أهلا بأمنية وأكلها ليشهي
أنا عشائ درت كسكسي وسلاطة وديسير دلاع بارد
أرواحي أخت أمنية راكى معروضة عندى مرحبا

fleur de lili

2017-07-03, 22:04

لبنات أخت زخرفة راهي غايبة
ول هي تانى لحقت لبنات لبنات نتاع فايس ويوتيب

ام هدول

2017-07-04, 15:26

سلام نساوين كيفكم راني نشوف لا غدة لا والو وعععععع شكرا أمينة وبيان بصحتطم لعشة وبصحتك فلوغ الكسكس والدلاع ياعيني مطرح ما يسري بكري حقة أمينة بناتي عندهم طلب عندك قالولك طاطاكيفاش عملتي مقارون بالبيض شهاتهم انت وريلهم الطريقة وهوما يطبقوويرجعولك بالخبر زقزوقة وينك وينو الخفوفييوالانتعاش ديالك توحشتو خاصة في هاد الايام

بيان 5

2017-07-04, 15:47

اختي ام هدول واش صحتك ان شاء الله ريحتي شوية

بيلسان91

2017-07-04, 15:50

ام هدول راني كنت ناوية نحط غدانا وعشانا تع لبارح فليل خاطر درك راني نتفرج فليوتيب مي رح نحطهم درك فخاطرك

بيان 5

2017-07-04, 15:57

https://f.top4top.net/p_5500kxlm0.jpg (https://up.top4top.net/)

بيلسان91

2017-07-04, 16:06

http://www.m5zn.com/newuploads/2017/07/04/jpg//m5zn_02d463e7afa0c5b.jpg (http://www.m5zn.com/out.php?code=16679822)
http://www.m5zn.com/newuploads/2017/07/04/jpg//m5zn_723d93ba3298726.jpg (http://www.m5zn.com/out.php?code=16679821)
http://www.m5zn.com/newuploads/2017/07/04/jpg//m5zn_d18fb6b4ad74b65.jpg (http://www.m5zn.com/out.php?code=16679820)

بيان 5

2017-07-04, 16:08

بيلسان يعطيك الصحة يالفحلة

بيلسان91

2017-07-04, 16:12

بيلسان يعطيك الصحة يالفحلة

يسلمك
قوليلي هاديك لي حطيتي بطاطا برانية :rolleyes:

بيلسان91

2017-07-04, 16:16

http://www.m5zn.com/newuploads/2017/07/04/jpg//a43b5f6a61e92df.jpg (http://www.m5zn.com/out.php?code=16679829)
هدا عشانا

بيان 5

2017-07-04, 16:17

لا هذا دجاج محمر نتاع الهام اللهلوبة رووووعة

بيلسان91

2017-07-04, 16:22

لا هذا دجاج محمر نتاع الهام اللهلوبة رووووعة

اه اوكي
قوليلي تشتي لقناوية ولالا

بيان 5

2017-07-04, 16:24

بصراحة جامي كليتها ماتضحكيش عليا ههههه

حياة نور الدين

2017-07-04, 16:26

السلام عليكن
راني عند اختي وبما انه كاين ريزو اغتنمت الفرصة نحطلكم شوية اطباق

هده قهوة ي الهواء الطلق في دار عمي

https://c.top4top.net/p_550ds11a0.jpg (https://up.top4top.net/)

وهدا عشا تعشيناه برا في الحمدانية بلاصة هااايلة فيها القردة والطبيعة والماء منابع طبيعية

https://d.top4top.net/p_550z713x1.jpg (https://up.top4top.net/)

https://e.top4top.net/p_550ofv7w2.jpg (https://up.top4top.net/)

https://a.top4top.net/p_550j3kmf3.jpg (https://up.top4top.net/)

https://b.top4top.net/p_550k70jm0.jpg (https://up.top4top.net/)

وهدا فطورنا نهار الجمعة في البحر

https://b.top4top.net/p_550pikwa4.jpg (https://up.top4top.net/)

https://c.top4top.net/p_550zqhdn5.jpg (https://up.top4top.net/)

وهده بعض الاطباق من يدين امي العزيزة

https://d.top4top.net/p_550doaxp6.jpg (https://up.top4top.net/)

https://e.top4top.net/p_550b14be7.jpg (https://up.top4top.net/)

https://c.top4top.net/p_550obl2a1.jpg (https://up.top4top.net/)

https://e.top4top.net/p_5507x8632.jpg (https://up.top4top.net/)

https://f.top4top.net/p_550azmls3.jpg (https://up.top4top.net/)

بيان 5

2017-07-04, 16:29

ام حياة كلشي يشهي
بصحتكم لخرجة والتحواس

أمنية غفران

2017-07-04, 16:32

السلام عليكم و رحمة الله تعالى و بركاته

حبيباتي العضوات و الزائرات نهاركم كل فل و ياسمين

بيان و بيسو راكم منوريين بصحتكم الاطايب

وهاديك القناوية تشهي تأمنيني بيسو ذقتها مرة وحدة في حياتي ذقتها كي كنت في ورقلة و الله ماراني ناسية بنتها نتمنى نلقاها هنايا و نطيبها و نتمتع ببنتها ياي فكرتيني فيها و علاش يا بيسو امممممممم

حبيتي فلور نجي ناكل ماكلتك اكيد بنينة و تشهي تأمني توحشت ناكل ماكلة مانيش مطيبتها انا هههههههههههه ايه هادي نلقاها غي كي نروح عند أهلي يا حسراه

البنات الغائبات ان شاء الله تكونو بصحة و عافية

حيوتة على سلامتك و بصحتك التحويسة و الخرجات ابروفيتي و اقعدي مع أهلك ربي يحفظهم لك و يهنيهم

أختي ام هدول ان شاء الله تكوني ارتحتي شوية

ولعيون بناتك ربي يحفظهم راني كتبت ليهم الطريقة بالتفصيل و ان شاء الله يجربو المقرونة و تعجبهم تفضلي

http://www.up.bagdady.com/uploads/bagdady1499181585861.jpg

تحياتي

حياة نور الدين

2017-07-04, 16:50

امنية، ببسو، ام هدول، بيان ، امي فلوغ منورين الكوزينة باطباقكم وردودكم ربي يخليكم زاهيين كما زهيتوا الكوزينة

بيلسان91

2017-07-04, 16:58

بصراحة جامي كليتها ماتضحكيش عليا ههههه

هههههههههههههههه انا نموت عليها ونطيبها كما نشتيها انا نموت على هداك لي يتلاصق لي فيها معلاباليش وش هو
نورمالمو نقليها فلمقلة ندبلها حتى يرقد الشعر لي فيها وينقص خلاااص هداك تلاصيق لي فيها مي انا نحطها طول فلبرمة طيب بلاما نقليها فزيت فمقلة حفاظا على تلاصيق لي فيها :19::19:
ماما لبارح برك وتوصي فيا عندك لا نطيبها للناس كما هكا راهي مطيبش هكا لازم تتقلا فزيت فلمقلة بش نرميها فلاصوص
نعرف بزاف ناس ميحبوهاش على اللصقة :rolleyes::rolleyes:

بيلسان91

2017-07-04, 17:02

حياة وامنية ويانكم طلو علينا
حياة راكي فبليدة عند ماليك فاكونص حسب مفهمت بصحتك
حياة سرقتي لبلاطو وسارفيس تعنا وحطيتو فيهم ههههه
نشفا عليه نهار ديت لباك شراتو ماما وتعنا ابيض تعكم بانلي قري ولالا

حياة نور الدين

2017-07-04, 17:09

بيسو ايه حنونة راني في البليدة
والسارفيس تع عمي وايه رمادي لونه

أمنية غفران

2017-07-04, 17:52

بيسو رانا هنايا اطلعي شوية الفوقة تلقايني كومنتيت على القناوية اممممممممممممم

أمنية غفران

2017-07-04, 18:13

الحمد لله مابقاش استعمار في بلادنا و الحمد لله على نعمه التي لا تحصى و لا تعد

اللهم احفظ بلادنا و احفظ شبابنا

http://www.up.bagdady.com/uploads/bagdady1499188145681.jpg

http://www.up.bagdady.com/uploads/bagdady149918834721.jpg

عيد الاستقلال مناسبة عظيمة لنا احنا الجزائريين اللهم احفظ بلادنا يارب من كل شر

http://www.up.bagdady.com/uploads/bagdady1499188146392.jpg

http://www.up.bagdady.com/uploads/bagdady149918814673.jpg

اللهم امين

بيان 5

2017-07-04, 18:49

بصحتك لقناوية بالاك نشريها ونجربها

fleur de lili

2017-07-04, 21:39

مساء الخير

fleur de lili

2017-07-04, 21:47

أهلي بيكم كامل منورين هذا الصرح بأطبقكم الشهية
خاصة نتاع أم حيوة ربى يحفضها.
أمنية أنتي كذالك أطباقك لا يعلي عليها تمنيت نذوقها .ارواحي عندي مرحبة بيك
نطيب لحبيبتي كل مالذا وطاب .ارواحى باتنة نستقبلك في دا ري علي العين ورأس

أمنية غفران

2017-07-04, 22:18

صحا عشاويكم البنات

حبيبتي فلور ليلي الله يسترك على الترحيب و العرضة كلي راني جيت عندك في باتنة الزينة ربي يحفظك تعيشي و مرحبا بيك عندي نطيب لك واش حبيتي من كل أطباق بلادنا ارواحي برك

اليوم كان عشانا فريت معاها ستيكات و شوية طماطم مشوحة في الزبدة

http://www.up.bagdady.com/uploads/bagdady1499202719521.jpg

و درت ايسكريم جد لذيذ جربته اليوم و راني حطيته في قسم التطبيقات باش نشكرو الأخ الحر 2012 على تقديمه لنا هاد الايسكريم

http://www.up.bagdady.com/uploads/bagdady1499203067671.jpg

الرابط
http://www.djelfa.info/vb/showthread.php?p=3996952739#post3996952739

في أمان الله

بيلسان91

2017-07-04, 22:52

امنية بصحتكم وش كليتو
الله اعلم الوصفة تع لاكريم راهي كيف تع حياة راني نستها خاطر عندي عام من حيز كنت نديرها الا دخلت تاكدلنا
تاني حبيت نقول لحياة بلي الوصفة عجبتنا مي لازم طول فلكونجيلاتار بش تولي بنينة حتى يومين متلا اما فنهارها راهي صامطة

fleur de lili

2017-07-04, 23:00

شكر وحب.وترحيب متبادل ...يابنت الاصول
والله راكي في القمة

ام هدول

2017-07-05, 10:52

صباح الخير
https://e.top4top.net/p_551ap06m0.jpeg (https://up.top4top.net/)

بيان 5

2017-07-05, 11:44

صباحك سعيد اختي ام هدول

ام هدول

2017-07-05, 11:53

اهلين بيان واش راكي واش رآه وليدك الله يبارك عليه البارح دخلت في الليل ماقدرتش نعلق كتبت رد طويل عريض وماراحش بصح استمتعت بالصور غداء بيلسان الحلقة خاصة عين بقرة ولقناوية وتقلاش وتخواس حيوتة بصحتك حنونة وعشاء امينة يم يم لحستوالكريم ورقدت هههه نشكرها على الوصفة بارك الله فيك. فلوغ دو ليلي واش حوالكم كلامك زين يهبل متأكدة ماكلتك زينة حقة لعشية نروح الدارين في قسنطينة ولأن مكانش النت لا كاين ماكانش الريزو اتهلافي رواحكم من بعد نحطلكم وحد التلباز رآه في الكوزينة يوجد و فيه ربي يستر خخخخخخ

ام هدول

2017-07-05, 11:55

حقة تحيا الجزائر حرة مستقلة ربي يدوم علينا نعمة الأمن والأمان.

بيان 5

2017-07-05, 12:52

امين يارب العالمين

ام هدول

2017-07-05, 13:35

https://a.top4top.net/p_551723b70.jpeg (https://up.top4top.net/)

كواليس غدانا
https://b.top4top.net/p_551g901c1.jpeg (https://up.top4top.net/)

https://d.top4top.net/p_551y8vhq0.jpeg (https://up.top4top.net/)

fleur de lili

2017-07-05, 13:43

صباح الخير ام هدول وأخت بيان واش راكم
أختي أم هدول رجوعك دا ر نفس جديد جديد للكوزينة ربي يفرحك
شكرا علي كلامك الطيب .أما أكل أخت جوري أشهي يعطيها الصحة
أأأاااااااامم علي هذاك لغدي سخفتوني

بيان 5

2017-07-05, 14:38

اختي ام هدول بصحتكم الشاورما خلاص ضرك نعندك ونديرها غدوة ان شاء الله

بيان 5

2017-07-05, 14:39

اختي فلور مرحبا بيك ياجارتي
انت من باتنة اللي قريت فيها الجامعة وانا من خنشلة

أمنية غفران

2017-07-05, 15:34

السلام عليكم و رحمة الله تعالى وبركاته

أخواتي الكريمات عضوات و زائرات نهاركم فل و ياسمين في هاد اليوم العظيم الحمد و الشكر لله على نعمة الاستقلال

فلور بيان ام هدول راكم منوريين الكوزينة بطلتكم

جيت نجري نحط ليكم الفطور كان شخشوخة الظفر البنينة لعلمكم هادي المرة الثانية الي راني نديرها درتها نهار العيد وزدت درت ها اليوم العائلة عجبتهم وقالو عاوديها لينا ما استغليناهاش مليح في العيد هههههههههه هادي صورة نتاع العيد معاودتش صورت

قولي لي ادا درتها على أصولها و لا راني غالطة يعني يعملوها غي بالحميصة و اللحم ياك ما فيهاش خضر نوروني تعيشو يا الفحلات باش كل حاجة نطيبوها على أصولها نيشان

http://www.up.bagdady.com/uploads/bagdady1499264426581.jpg

واع ما قلتليكمش راني نغسل في الكوزينة يا يمى صغيرونة و محاينها كبار ربي يعيني

و العشاء ان شاء الله مبرمجة ندير محاجب راني وجدت العجينة والحشو مازال حتى نكمل مع الكوزينة

تحياتي

بيان 5

2017-07-05, 17:24

اختي امنية الله يبارك على هذيك الشخشوخة
يعطيك الصحة وربي يعينك على الكوزينة

بيان 5

2017-07-05, 18:31

السلام عليكم هذا عشايا

https://b.top4top.net/p_551nrvvl0.jpg (https://up.top4top.net/)

https://c.top4top.net/p_551n0mt31.jpg (https://up.top4top.net/)

بيلسان91

2017-07-05, 21:11

السلام عليكم هذا عشايا

https://b.top4top.net/p_551nrvvl0.jpg (https://up.top4top.net/)

https://c.top4top.net/p_551n0mt31.jpg (https://up.top4top.net/)

اممم سخفت بصحتكم
حتى انا ناوية نديرو ليامات لجاية نشالله
مالفة ناكلو برا برك مشري جامي الا وجدتو وحدي فدار هو وشوارما تاني
اداك نهار شريت سندويتش شاورما معجبنيييش خسارة لعشرين الف فيه
نسنا ماما تكمل لمكالمة وندي بورتابلها لاني صورت به ونحطلكم غدانا
ليوم طيبت لوبيا فصاص

بيلسان91

2017-07-05, 21:22

http://www.m5zn.com/newuploads/2017/07/05/jpg//aa1a7b962fd217b.jpg (http://www.m5zn.com/out.php?code=16680748)

fleur de lili

2017-07-05, 21:35

أختي بيان مرحبة يجارتي خنشلة مهيش بعيدة .خيار الناس
ياعيني علي هذاك امبورقر اشهي.غدوة نعاندعليك ونديرو
اما اطباق بيليسان رايحين انطق .هذو هما ناس الغرب فحلات نتاع الصح

fleur de lili

2017-07-05, 21:41

ياعيني يأمنية علي هذيك الشخشوخة راهي بالذات نتاع ناس الشرق
تقدري دريها غير بالدجاج ولحمص.أو تخلطي لحم ودجاج أما الخضراء ديري جريوات فقط
أو ديري لفت وحدو وتزيدي بيض مغليمعاها
بصحة كيما تقول أم هدول مطرح مايسري يمر ى

بيان 5

2017-07-05, 21:48

ربي يحفظك اختي فلور

أمنية غفران

2017-07-05, 22:08

السلام عليكم و رحمة الله تعالى و بركاته

أخواتي الكريمات صحا عشاكم

أختي فلور ربي يحفظك و يهنيك مشكورة على الاطراء الحق عجبتني بزاف هاد الشخشوخة هايلة و ان شاء الله كي نعاودها ندير جريوات ديجا نحبهم امممممممممم

أختي بيسو بصحتكم اللوبيا الحق راهي في بالي نديرها هاد الايامات ان شاء الله

بيان بصحتكم همبرقر راهو يشهي يسلم هادوك الديات عجبتني العفسة نتاع البيض يعطيك الصحة

و الغائبات ربي يعينكم و ان شاء الله تكونو بخير

عشانا اليوم كان نورمالمو محاجب للاسف جانا ضيف بدلنا الموني درت طاجين الملسوقة و حساء خضر خفيف و زدت عاودت الايسكريم بصح خليتو فرطاس ههههههه

http://www.up.bagdady.com/uploads/bagdady1499288374521.jpg

http://www.up.bagdady.com/uploads/bagdady1499288375232.jpg

http://www.up.bagdady.com/uploads/bagdady1499288375623.jpg

و العجينة الي وجدتها للمحاجب درتها في ساشي و خبيتها في الثلاجة باش نستعملها يوم غد باذن الله

هاوليكم رابط طاجين الملسوقة

http://www.djelfa.info/vb/showthread.php?t=2060975

تحياتي

أمنية غفران

2017-07-05, 22:14

البنات حاولو تجربو هاد الطية نتاع المنديل و تحطو لنا النتيجة نشوفوها راني نتسنى راهي ساهلة ماهلة

http://www.up.bagdady.com/uploads/bagdady1499289134391.jpg

http://www.up.bagdady.com/uploads/bagdady1499289251861.jpg

بيان 5

2017-07-05, 22:32

اختي بيلسان بصحتكم اللوبيا
امنية يعطيك الصحة يا لفحلة

بيان 5

2017-07-06, 09:01

السلام عليكم
صباحكن سعيد

بيان 5

2017-07-06, 21:56

تصبحن على خير

أمنية غفران

2017-07-06, 22:55

السلام عليكم و رحمة الله تعالى وبركاته

بيان حنونة اليوم راكي وحدك اواه البنات وينكم اضرببو طلة الكوزينة راهي مهجورة

ما قلتيش شا درتي عشاء

عشانا كان دلمة بطاطا مع جريوات

http://www.up.bagdady.com/uploads/bagdady1499377535331.jpg

http://www.up.bagdady.com/uploads/bagdady1499377535662.jpg

تحياتي

سحابة باردة

2017-07-06, 23:17

مساء النور على فحلات الكوزينة كيراكم ان شالله في أحسن حال
امنية راكي دايرة ضجة كبيرة باأطياقك هنا قوليلي كيفاش راكي تنسقي بين العمل و الطبخ يالساجية انا الحق تعبت بزاف ملي كنت نخدم من الخدمة للكوزينة ومع الميناج جهدي كامل راح ريحت غير هذا العام والحمد لله
معدرة على الخروج من الموضوع هههههههه
بيان وبيسو والبقيا بصحتكم الشهيوات انا جايا عيانا من دارنا اصبرو عليا نرتاح وبعد نشارك معاكم
حيوتة وام هدول ان شالله تكونو في أحسن حال

أمنية غفران

2017-07-06, 23:24

على السلامة سحوبة عيدك مبروك تعيدي و تعاودي ان شاء الله

كي خليتي أهلك لاباس عليهم

معليش حنونة روبوزي و من بعد نورينا بطلتك البهية

والله يا أختي روتين والفتو من العمل نجي نريح شوية و من بعد مباشرة للمطبخ نتعب بصح الله غالب نحب الطبخ و نحب نجرب أكلات و كي تعجبني نجي نجري و نحطها لأخواتي نحبهم يستفادو كيما انا استفدت

ليلة سعيدة

سحابة باردة

2017-07-06, 23:45

كل عام ونتي بخير حبيبتي أمنية يسقسي عليك الخير راهم كل غاية والحمد لله مع الحياة وماشاغلها
صح اللي يحب حاجة يبدع فيها الله لا يحرمنا من أطباقك الجميلة
وليلتكي أسعد

أم يوسف2

2017-07-07, 09:08

جمعة مباركة وصباح الورد للوردات خواتاتي ان شاء الله كلكم تكونوا بخير نتوما وعايلاتكم
توحشتكم انشغلت شوية مع لي جوزت مسابقة التوظيف ادعولي ومع ختانة وليدي. والضياف هدا هو ببصح قلبي كان دايمن عندكم

مسلمة بالفطرة

2017-07-07, 09:31

اختي ام هدول شوارما تاعي تشهي من فضلك اعطيني اسم الفرماج اللي استعملتيه راهو يبان فالصورة الغلاف تاع الباطة تاعو زرقاء ربي يعيشك

om obaida

2017-07-07, 10:03

صباح الفل وجمعة مباركة للجميع ام وسيم الف مبروك الكوزينة حنونة والف الف مبروك الدار ان شاء الله تكون عامرة بوجودكم وطاعة الله والايمان توحشتكم بزاااااااف بصح الله غالب مرت عليا ضروف منتمناهاش حتئ لمؤمن والحمد لله على كل حال توحشتكم كل وحدة باسمها والقائمة طويلة ام يوسف الف مبروك حنونة لعقوبة لزواجو نقلكم انتلاو في رواحكم وكي نقدر نولي ليكم ونسيت شكرا لكل من راسلني ربي يحفضكم

بيان 5

2017-07-07, 12:41

جمعة مباركة للجميع
اختي ام يوسف الف مبروك ختانة ولدك
بالتوفيق في المسابقة

أمنية غفران

2017-07-07, 18:01

السلام عليكم و رحمة الله تعالى و بركاته

أخواتي الكريمات نهاركم مبروك عضوات و زائرات

مرحبا باخواتي الغائبات

ام يوسف مبروك ختانة وليدك ربي يكبره في طاعته و تفرحي بيه بصح وينه الباروك بالتوفيق حبيبتي في المسابقة

ام عبيدة حنونة هادي غيبة الحمد لله كي راكي بخير و ربي يفرج عليك و على كل مومن ننتظر عودتك و انتي باحسن الظروف يا رب و نتمنى الاخت ابني نور عيني طل علينا غابت بزاف

بيان حنونة واش احوالك و ينهم اطباقك

فلور خيتي راكي غبتي ان شاء الله المانع خير

حيوتة ان شاء الله راكي بخير و العائلة الكريمة ..... ها ما تنسايناش يا محاينك

ام هدول ان شاء الله تكوني ارتحت باينة راهي معندكش النت باينة

.................................................. .................................................. ...........

اليوم فطورنا درت كسكس نتاع الجدود ايه نتاع بكري و هي كسكس بتشيشة الزرع معروف في منطقة البيض و ما جاورها كي نقول معروف للكبار بصح راهو مندثر الان للأسف و ادا معروف في منطقة اخرى في الجزائر ماعلاباليش ان شاء الله الاخوات ينورونا

هاد الكسكس كان يبغيها أبي ربي يرحمه برحمته الواسعة

ان شاء الله رايحة نحطها موضوع مستقل و صدقوني كسكس خفيف و مليح للمعدة

http://www.up.bagdady.com/uploads/bagdady1499446014491.jpg

http://www.up.bagdady.com/uploads/bagdady1499446014822.jpg

تحياتي

سحابة باردة

2017-07-07, 19:19

يعطيك الصحة امنية الطعام يشهي بصحتكم

أمنية غفران

2017-07-07, 19:29

يعطيك الصحة امنية الطعام يشهي بصحتكم

أهلا اختي سحابة نهارك مبروك

قولي لي حبيبتي تعرفيه هاد الطعام يعني يديروه في منطقتكم سقسي الكبار بالاك يكونو يعرفوه :mh31:

بيلسان91

2017-07-07, 19:30

امنية تعيشي قوليلي كفاش ننتقل للخطوة التالتة كي نطبق السرفيتة يامات كاملة حابة نطبق طريقتك وحارتلي كفاش نصوطي للخطوة التالتة
كي تنعتهالي نحطلك تطبيقي

بيلسان91

2017-07-07, 19:31

نسيت نقلك التطبيقة تع السرفيتة لي على شكل قلب

بيلسان91

2017-07-07, 19:31

السرفيتة اي فحجري نسنا فيك تنعتيلي

سحابة باردة

2017-07-07, 19:34

جبتلكم حبيبات قاطو للقهوة معدرة مصبتش نحطهم في العيد كل عام ونتم بخير
https://f.top4top.net/p_55373e6v1.jpg
https://c.top4top.net/p_553k2nuy1.jpg
https://b.top4top.net/p_5537apon1.jpg

سحابة باردة

2017-07-07, 19:57

مساء النور أمنية الحق طعام الدشيشة ماطيبتوش أقبل بصح أكيد ماما تعرفوا هو صحي خير من الطعام انتاع ذرك
انا نعرف المفور انتاع الدشيشة بدون خضر فقط الحمص ولاصوص بالبصل والطماطم والحار كاش نهار انوريهولكم

أمنية غفران

2017-07-07, 20:21

حبيبتي بيلسان اصبري درك نحط لك الصور

سحابة يعطيك الصحة حلوى هايلة بصحتكم

بيلسان91

2017-07-07, 20:31

نونو راكي حاطة الصور مي طريقة الوصول للخطوة التالتة معرفتهاااش

أمنية غفران

2017-07-07, 20:50

ايه فهمتك بيسو حبيت نحط لك الصور كل خطوة وحدها في صورة

تفضلي تبعي الصور تفهمي غاية

طية منديل شكل قلب

اولا هادي السربيتة مفتوحة كامل

http://www.up.bagdady.com/uploads/bagdady1499456518691.jpg

هنايا قومي بثنيها على اثنين

http://www.up.bagdady.com/uploads/bagdady1499456519282.jpg

و هنايا زيدي اثنيها على اثنين تانيك

http://www.up.bagdady.com/uploads/bagdady149945651943.jpg

و هنايا النقطة الي راكي تحوسي عليها ساهلة

برك جيبي الجهة هادي و سويها هاكة باش تحصلي على نصف مثلث

http://www.up.bagdady.com/uploads/bagdady1499456633351.jpg

و زيدي جيبي الجهة الاخرى و سويها كيما الاولى يعني شكل نصف مثلث حتى يتلاقاو و تحصلي على هاد الشكل

http://www.up.bagdady.com/uploads/bagdady1499456633632.jpg

و من بعد حكمي طرف صغير من كل جهة و اثنيه كيما في الصورة

http://www.up.bagdady.com/uploads/bagdady1499456633773.jpg

و زيدي مع الجهة الاخرى

و هاكا رايحة تحصلي على هاد الشكل

http://www.up.bagdady.com/uploads/bagdady1499456867091.jpg

و هنايا قلبي السربيتة

و بصحتك احلى قلب

http://www.up.bagdady.com/uploads/bagdady1499456867272.jpg

http://www.up.bagdady.com/uploads/bagdady1499466409761.jpg

راني نتسنى في تطبيقك حبيبتي

بيلسان91

2017-07-07, 21:14

راني رح نجبها السرفيتة درك ونشوف ادا عرفت ولالا
وش نقلك درت حكاية درك مع القرلو جيت نروح للدوش لقيتو تخلعت صطيت فلبلاصة قعدت نشوف معاه كشما يخرج ونقتلو والله مابان حتى درت لفليت وبعد ساعة بش خرج وتشششششششششجعت وقتلتو ياااااي وش نعاف
ماما تكره الصيف غير من كترة الحشرات ليامات لفاتو تاني دخل بوكشاش لدارنا تاني اففف

بيلسان91

2017-07-07, 21:32

امنية راني عرفت نطبقها شكرا على الطريقة الباهية بصح كي حطيتي الخطوات بالتفصيل بش عرفت نعملها منحطهاش درك خلي حتى نسقمها مليييح ونحطهالك تشوفيها

سحابة باردة

2017-07-07, 22:58

يسلمك أمنية كلك ذوق حبيبتي
حق ألف مبروك الوسام لاعقوبة لنجاحات أخرى

أمنية غفران

2017-07-07, 23:01

السلام عليكم و رحمة الله تعالى و بركاته

بيسو حبيبتي مزية الي فهمتي الطريقة و في غرضك حطيلنا تطبيقك ماناش مقلقين

عشانا كان بواقي ولله الحمد

.................................................. .................................................. ..

اليوم جبت ليك ايسكريم هايل و بنين مع هاد السخانة

هاد الايسكريم ديريه في حالة عندك بطيخ خرج ليكم صامط ماشي حلو و العائلة ماحبوش ياكلوه تفضلي ديري معايا اسهل و ابن

ايسكريم البطيخ

في خلاط كهربائي حطي بطيخ مقطع قطع صغيرة ضيفي له اربع مغارف كرام شونتييه و زوج مغارف فلون اي نكهة و ثلاث مغارف حليب لحظة و مغرف سكر ممكن تزيدي و علبة ياوورت اي نكهة حبيتي و زيدي كاس حليب بارد و ميكسي الكل مليح و رايحة تتحصلي على خليط سائل ثقيل

ديريه في قالب بلاستيك او في مول السيليكون كيما درت انا هاكة باش يسهال عليك تقسميه على العائلة بدون معاناة ههههههههههههه .و الى المجمد

ملاحظة مول السليكون حطيه فوق بلا او فوق الي نقطعو فوقها الخضر و من بعد عمري مول السيليكون نتاعك علاخاطرش يصعب عليك تحملي المول اكيد رايح يسيح لك الخليط بهاد الطريقة تسهال عليك المهمة احم احم

تفضلن الصور

http://www.up.bagdady.com/uploads/bagdady1499463978121.jpg

http://www.up.bagdady.com/uploads/bagdady1499463978332.jpg

و هنايا كي دخلتها للمجمد بيها بالقطاعة هههههههههههه

http://www.up.bagdady.com/uploads/bagdady1499463978453.jpg

و تفضلن احلى ايسكريم شوفو كيفاه خرج شكله من المول اممممممممممممممممممم انتعاش كبير

http://www.up.bagdady.com/uploads/bagdady1499464758951.jpg

في أمان الله

fleur de lili

2017-07-07, 23:22

مساء الخير سحابة باردة بيلسان وعزيزة الغالية أمنية
سحابة قطواتك في القمة شكراااااااعلي العطاء
أمنية يأمنية شكرااااا علي سوءال راني غير هنا مع مشاغل الدنيا
أما بربوشة نتاعك تشهى معروفة في جهتنانتاع الاوراس ندىروها بجميع الخضروات
خاصة بكبوية الحمراء.
شكراااااا علي العطاء ربي يعطيك من نعيم أمين

أمنية غفران

2017-07-07, 23:39

مرحبتين بالحنونة و وردتنا فلور ليلي

الحمد لله كي راكي بخير و ربي يعينك على الاشغال واش تحبي هادا حال الدنيا ربي يكون في عون عباده

ايا مزية كي راهي عندكم هاد الكسكس صح حتى في منطقتنا نديروه بكابويا اسمها كالاباز هايلة مانيش عارفة ادا تعرفيها ماشي هاديك الكابويا الحمرا الي تجي طويلة

http://www.up.bagdady.com/uploads/bagdady1499467069421.jpg

هنا في العاصمة ماشي متوفرة اطلاقا

سحابة ربي يبارك فيك حبيبتي تعيشي

fleur de lili

2017-07-07, 23:46

اهلا امنية راكي سهرانة مع المنتدي راكي منورة
الكبوية عندنا بأنواعها كاينة لتدخل من تونس مختلف احجام
نستعملوها بزاف .

أمنية غفران

2017-07-07, 23:55

واه راني سهرانة خاطرش رقدت بزاف لعشية بعد الجمعة كي فقت لقيتها الخمسة و نص هههههههههههه

شفتي الكابوية شحال مليحة في مرق الكسكسي و المردود تثقلها هايلة اممممممممم

اختي فلور هاكي الحلوى راهي بدلت اسمها ولات ماركانية هههههههههههه

http://www.up.bagdady.com/uploads/bagdady1499467906371.jpg

تصبحي بألف خير و عافية حبيبتي

fleur de lili

2017-07-07, 23:58

شكرا أمنية علي الحلوى
تصبحي بألف خير

سحابة باردة

2017-07-08, 00:01

شكرا اختي فلور كلك ذوق
راني سهرت معاكم بصح ماشي رقدت في النهار مازال حاكمني السهر انتاع رمضان
أحلام لذيذة

بيلسان91

2017-07-08, 10:44

صباح الخير عليكم كل
امنية هاهي الطية تع السرفيتة اعطيني رايك
http://www.m5zn.com/newuploads/2017/07/08/jpg//269f8b4c8b093fe.jpg (http://www.m5zn.com/out.php?code=16682088)

بيان 5

2017-07-08, 11:45

السلام عليكم فلور بيلسان امنية راكم منوريين ما شاء الله
ليوم غدايا بواقي و
للعشاء ان شاء الله تبلت صدر الدجاج باش ندير شاورما ام وليد بحول الله

om wassim

2017-07-08, 15:41

مساء الخير لبنات سمحووولي خليتلكم الكوزينة و غبت الله غالب فالدار الجديدة مزال ماكاش الريزو اليوم راني في دارناقلت نضرب طلة عليكم

بيان 5

2017-07-08, 16:13

على سلامتك ام وسيم

سحابة باردة

2017-07-08, 18:24

مرحبا بمولات الخيمة معليهش الشيرات راهم قايمين بالواجب

أمنية غفران

2017-07-08, 19:57

السلام عليكم و رحمة الله تعالى و بركاته

مرحبا بمولات الدار أم وسيم ربي يعينك و ان شاء الله عتبة مربوحة حنونة

بيسان خرجت لك الطية هايلة يعطيك الصحة شطورة الله يبارك

سحابة و بيان راكم منورات تبارك الله

فلور نهارك مبروك

فطورنا كان لوبيا امممممممم مع شوية زيت الزيتون اممم وينك يا رزوق توحشناك

http://www.3rbz.com/uploads/dbdbc5dd26e11.jpg

تحياتي

بيان 5

2017-07-08, 20:20

امنية يعطيك الصحة على هاذ اللوبيا
اممممممممممممممممم

بيلسان91

2017-07-08, 20:31

أمنية غفران

2017-07-08, 20:38

ههههههههههههههه ضحكتيني بيلسان حبيبتي ربي يحفظك صدقيني كان عندي شغل من غسيل القش و الكي و زيد العشية كان لازم ندير الميناج و الدوش و هي رايحة

حبيبتي ان شاء الله نزيد نحط ليكم طيات سهلة ماهلة

و الله غي نحبك يا بيلسان عندك و حد العفوية تبارك الله عليك

بصح ما قلتيناش واش درتو فطور و العشاء اليوم

بالمناسبة هادا عشانا و كانت باقية شوية لوبيا حطيتها تاني

https://d.top4top.net/p_554qnnff1.jpg

تحياتي

بيان 5

2017-07-08, 20:52

امنية بصحتكم

fleur de lili

2017-07-08, 21:09

مساء الخير أم وسيم طلت الانوار.كيف راكم لبنات
سحابة.بيان .بيلسان والعزيزة أمنية
أمنية كلش من يديك أشهى وأكيد بنين
أبعثيلي شوية راني في الانتضار

fleur de lili

2017-07-08, 21:12

عشايا درت فريت ومعهم اسكلوب ودسير عنب ودلاع بارد
راهي واحد سخانة مليح ايس كريم نتاع أمنية ربي يحفضها

بيلسان91

2017-07-08, 21:16

انا هي رزيقة

2017-07-08, 21:50

السلام عليكم فحلاتي الجميلات كيفكم حبيباتي توحشتكم موووت ...انا الحمد لله راني في عطلة اليوم زاني في الدار قلت نطل عليكم شوية ولقيت خيرات حبيبتي امنية الله الله عليك امون و الله كلشي امممم تع الصح ربي يبركلك في صحتك و في دوك اليدين تع الفحلات امتعتينا فعلا عزيزتي و الله دون مجاملة سورتو دك الكسكسي الزين و الصحي شهيتبني موووت حنونة

انا هي رزيقة

2017-07-08, 21:58

يا لهوي راني بالبورتابل صعيبة الكتيبة بزاف....خخخخخخخخ
اختي فلور بصحتكم لخفوفي مطرح ميسري يمري يعطيك الصحة راكي قايمة بالكوزينة كيما يحب الخاطر انتي و الاخوات بيسو و بيان و سحابة ...يا لهوي راني بالبورتابل مشي موالفة به...خخخخخخخخ عل حساب المراجعة لي راجعتها حيوتة بنت خلتي راهي عند ماماها .....يا عمري و الله فرحتلك بروفيتي قد متقدري منها حنونتي و شفت تاني رجعت حبيبة قلبي ام هدول يانامي شحال فرحت و الله من قلبي حنونتي الف حمدا لله عل سلامتك و شفت طيابات اختك الفحلة جوري و الله جميلة يا جوري و متشرفين اكيد بمعرفة الفحلات امثالك

انا هي رزيقة

2017-07-08, 22:04

الاسف منعرفش نحط صور بالهاتف وعععععع موالفة نخدم بالميكرو بلاك غدوة نجرب نتعلم....خخخخخخخ المهم راكم دايما في البال فحلاتي الطيبات انا راني رايحة سفرية كي نولي ان شاء الله نقولكم وين رحت ...خخخخخخخ و اكيد نجيبلكم صور معايا ما ننساكمش ..تصبحون عل الف خير فحلاتي الجميلات و تهلاو في رواحتيكم ..حقا اختي بيان ربي يحفظلك داك البوقوص لي راه في توقيعك يا عمري مشاء الله عليه

fleur de lili

2017-07-08, 22:11

انا هي رزيقة

2017-07-08, 22:17

أختي رزيقة مرحبة بيك ليك وحشة..صح عيدك ولو متاخر
رنا توحشناك وتوحشنا الخفوفى والانتعاش نتاعك خاصة فى هذا السخانة
بصحتك العطلة انشاء الله تستمعي وترجعيلنا .
أنا ثاني ندخل غير بورتابل 4g.والله اتعب مى معليش في خاطركم.يا عمري اختي فلور و الله فرحت بردك ترحب بك الجنة ان شاء الله و يتوحشك الف خير يا رب راني عطلة و منيش في الدار علا بيها منذخلش

بيان 5

2017-07-08, 22:17

يا عمري شكون جا رزيقة الزينة ليك وحشة كبيييييييرة ياملكة الإنتعاش
بصحتك العطلة وماتزيديش تغيبي علينا

انا هي رزيقة

2017-07-08, 22:20

يا لهوي نسيت مقلتلكش صح عيذك و صح عيدكم كامل حبيباتي غدوة نجرب تحميل الصور بالهاتف ان شاء الله ليلة سعيدة و غدا افضل ان شاء الله عل قول اختي ام هدول

سحابة باردة

2017-07-09, 11:14

صباح النور عليكم
أهلا رزيقة كل عام ونتي بخير عطلة سعيدة

wala

2017-07-09, 11:56

عطلة سعيدة ليكم كامل ولك غاليتنا رزيقة

fleur de lili

2017-07-09, 22:24

مساء الخير لبنات ....وين تخبيتو
أمنية لعزيزة مبنتيش اليوم انشاءالله لباس
أختي رزيقة يوم كامل وانا نستني فيك وفي صور لقلتي نحطهم ولا سافرتى
طريق العافية...

fleur de lili

2017-07-09, 22:27

يوم عشائ روز أخت الهام ربي يحفضها ....رانا توحشناك طلي علينا
أخت بيان اليوم انتي ثاني مابنتيش مانع خير...
بيلسن ونهو عشاك........طلي

أمنية غفران

2017-07-09, 23:19

السلام عليكم و رحمة الله تعالى و بركاته

أخواتي الكريمات عضوات و زائرات ان شاء الله راكم لاباس

حبيبتي فلور يسقسي عليك الخير ما دخلتش اليوم كنت في العمل و العشية جيت شوية عيانة راني نشرب واحد دواء اثاره الجانبية تحكم منه شوية دوخة

المهم ربي يرزقنا و يرحمنا برحمته و الي تجي من عنده مرحبا بيها احنا برك نتحرى الاسباب فقط

رزوق الحمد لله كي راكي بخير و بصحتك العطلة بروفيتي حبيبتي انا ما عنديش عطلة حتى جانفي ان شاء الله

البنات كامل ربي معاكم وينكم وين طياباتكم راكم راقديين و قيلة السخانة دوختكم هههههههههههه

اليوم درت العشاء شطيطحة أجنحة دجاج حارة يعني شغل طاجين بالحميصة و جات هايلة اممممممممممم درت ليها الحرور الاحمر الحار نتاع بسكرة تبارك الله

http://www4.0zz0.com/2017/07/10/01/108143133.jpg

http://www12.0zz0.com/2017/07/10/01/263559704.jpg

http://www12.0zz0.com/2017/07/10/01/910735364.jpg

في امان الله

fleur de lili

2017-07-10, 09:58

صباح الخير علي جميع العضوات..
طهور عزيزتي أمنية ربي جيب شفاء.روحي خير بلاعقل..صحة متتعوضش
أما الغداء نتاعي اليوم شورمة.وشربة عدس.
شهية طيبة للجميع

سحابة باردة

2017-07-10, 20:54

مساء النور على الحراير وين غبتو
أمنية الأجنحة تهوس
جبتلكم الديسار مع عشانا اليوم
https://f.top4top.net/p_5567qfm91.jpg
https://e.top4top.net/p_5568u8yg1.jpg

سحابة باردة

2017-07-11, 19:05

مساء النور وينكم علاه هجرتو الكوزينة

انا هي رزيقة

2017-07-11, 21:35

http://www7.0zz0.com/2017/07/11/23/624603747.jpg

انا هي رزيقة

2017-07-11, 21:39

السلام عليكم مساءكن سعيد فحلاتي الجميلات اخواتي سحابة امنية فلور بيان كيف حوالكم ان شاء الله بخير انا مزال مسافرتش ...اختي فلور سمحيلي حنونة و الله عندي يومين وانا نحاول تحميل الصور معزفتش بالهاتف الله غالب راني زدت حاولت اليوم معرفتش كيفاه خرجت دوك نشوف

انا هي رزيقة

2017-07-11, 21:42

خلاص شفتها راهي خرجت عل شكل رابط سمحولي حبيباتي هذا لي قدرت عليه ...استناو نشوف كاش متزيد نحط..حقا حبيبتي امنية يعطيك الصحة عل شطيطحة الاجتحة و الله تشهي ... اختي سحابة بصحتكم الارز و الانتعاش الطبيعي ...

انا هي رزيقة

2017-07-11, 21:58

http://www14.0zz0.com/2017/07/11/23/945457760.jpg

انا هي رزيقة

2017-07-11, 22:02

يا،لهوي،شحال صعيبة الحالة بالهاتف يا بنات ..درت محاجب و مقدرتش تحط الصور تقول امية في التكنولوجيا ....خخخخخخ بصح معايا لا ياس مع الاصرار وراهم و الزمن طويل حت نحطهم ...انتظروني حبيباتي بلاكو تغيرو القناة......خخخخخخخخ

انا هي رزيقة

2017-07-11, 22:11

https://b.top4top.net/p_557j41zh0.jpg

fleur de lili

2017-07-11, 22:18

أمنية غفران

2017-07-11, 22:22

السلام عليكم و رحمة الله تعالى و بركاته

أخواتي الكريمات العضوات و الزائرات ان شاء الله تكونو بصحة و عافية

اختي فلور ربي يحفظك ربي بديت نتحسن الحمد لله

بيان وينك غبتي

سحابة عشاك يشهي حتى انا البارح درت روز

رزوق محاجب يشهو بصحتكم

عشانا كان رولي الدجاج محشي بالجبن مرافق بصوص بيضاء

http://www.up.bagdady.com/uploads/bagdady1499807563661.jpg

تحياتي

fleur de lili

2017-07-11, 22:24

عشائ اليوم كان سندويتش ..خفوفى مع مشروبات..راهي سخانة 46درجة
هذا ماهو مليح غير مشروبات ومثلجات.

انا هي رزيقة

2017-07-11, 22:26

و هنا زدت مسمن بنفس العجينة شوفو الجمال يا حلوات و قولو مشاء الله....خخخخخخhttps://d.top4top.net/p_5570is6u0.jpg

بيان 5

2017-07-11, 22:26

السلام عليكم
واش راكم سحابة يعطيك الصحة امنية الرولي يشهي ما شاء الله
فلور الله لايغيبك حبيبتي
رزوقة محاجبك يشهيو الله الله عليك
انا راني كل مرة نروح لدارنا نوجدوا لعرس اختي يوم الإثنين إن شاء الله

أمنية غفران

2017-07-11, 22:27

عشائ اليوم كان سندويتش ..خفوفى مع مشروبات..راهي سخانة 46درجة
هذا ماهو مليح غير مشروبات ومثلجات.

أهلين حبيبتنا فلور بصحتكم الخفوفي بصح لازم المشروبات ما تكونش الغازية بعدو عليهم قدر الامكان عوضيهم بعصائر طبيعية افضل :1:

أمنية غفران

2017-07-11, 22:30

انا هي رزيقة

2017-07-11, 22:31

مساء الخير علي الحبيبات سحابة ورزيقة والغائبة أمنية طلي طمنينا اذا بريتي
أختي رزيقة مأحلي هذوك لمحاجب نتاع الحرة...راهم خرج رابط لكن ضهرو مليح
راكى شاطرة في التكنولوجية...ربي بعد عليك العين

مساء النور يا احلي،فلور و الله كلامك جميل اختي حشمتيني حتي معرفت وين نحط راسي...خخخخخ الف شكر هذا من حسن ذوقك حبيبتي و الله فرحتيني بكلامك الزين

انا هي رزيقة

2017-07-11, 22:34

بيان أختي بزيان السعد لأختك و مبروك زواجها عاقبة للذرية الصالحة ان شاء الله

حبيبتي رزوق تبارك الله على هاداك المسمن الله الله انا نبغيه مع كويس أتاي بعد العصر شا نقول لك امممممممممممممممم ثم امممممممممممممميا عمري عل امنية حبيبتي ربي يبارك فيك حنونة هذا بعض مما عندكم فقط ......خخخخخخ و يا مامي عل هذاك الرولي عيني عليك باردة هذ ليامات راكي مقلشة العاءلة الكريمة بصحتهم و الف سلامات عليك حبيبتي ربي يشافيك يا رب

انا هي رزيقة

2017-07-11, 22:36

بيان 5

2017-07-11, 22:38

ربي يبارك فيكم خواتاتي وراكم معروضين كامل لخنشلة تحظرو العرس الشاوي

fleur de lili

2017-07-11, 22:39

حمد لله علي السلامة هلت الانوار أختي أمنية و الله عندك مكانة خاصةفي هذا اللمة.
اشكركا علي نصيحة أختى أمنية. ..
مشاءالله يارزيقة علي هذوك. لمسمنات مع لحليب. أعرضني دبري راسك.
مرحبا بيان وكلشى مبروك علي أختك.

انا هي رزيقة

2017-07-11, 22:42

يا،عمري،عل،اختي فلور،و،الله يوم المني لوكان صح تقدري تجي عندي تدوقي،مسيمناتي علا بالك نموووت عل الشاويات الفحلات امثالك ....هذي عرضة خفوفي كيفي درتها هذ ليامات راهي في خاطركم يا بنات https://a.top4top.net/p_5579dktb0.jpghttps://e.top4top.net/p_557yyxkp0.jpg

بيان 5

2017-07-11, 22:46

أختي رزيقة يعطيك الصحة يا ملكة الخفوفي

بيان 5

2017-07-11, 22:47

يبارك فيك اختي فلور

أمنية غفران

2017-07-11, 22:56

ربي يحفظك حبيبتي رزوق تعيشي على كلامك الزين
ماشاء الله على العرضة خفوفي نتاع صيوفي بصحتكم
حبيبتني فلور ربي يهنيك على المجاملة نحبكم كامل كامل
بيان عمري يا ريت لوكان نقدرو نحضرو عرس الشاوية يا دلالي باينة بالبارود و الخيالة حطة تبارك الله

تفضلو البغرير من ارشيفي باش تستقهواو بيه غدوة ان شاء الله

http://www.up.bagdady.com/uploads/bagdady1499809786371.jpg

تحياتي

انا هي رزيقة

2017-07-11, 22:57

نزيدلكم هذ الكسرة و نروح نرقد يا بنات هذا هو وقتي... علابالكم فرحت بزاف كي تلاقيتكم هذ لعشية دوماج مقدرتش نحط الصور مباشرة.....http://www7.0zz0.com/2017/07/12/00/628336882.jpg.....http://www13.0zz0.com/2017/07/12/00/826800497.jpg.

انا هي رزيقة

2017-07-11, 23:05

اختي امنية تامني بربي و الله تقولي طليتي عل قلبي متتصوريش شحال راني متوحشة البغرير عندو مدة راه يدور بين عينيا و عجزت نطيب لروحي برك زيكو للاسف ميحبوش....ربي يباركلك في دوك ليدين تع الفحلات...دوك نخليكم يا بنات ليلة سعيدة و غدا افضل ان شاء الله عل قول حبيبتي ام هدول

fleur de lili

2017-07-11, 23:08

فرحتينا بطلتك رزيقة ومنستيناش وقسمتى معانا أشهي المأكو لات .والعرضة
ياعيني علي هذيك الكسرة. تأكلوها بالصحة
تصبح علي خير .بيان .أمنية .زيكا

بيان 5

2017-07-11, 23:08

تصبحن على خير

بيان 5

2017-07-11, 23:10

أمنية يعطيك الصحة على لبغرير

انا هي رزيقة

2017-07-12, 09:12

السلام عليكم صباحكم سعيد و مبارك فحلاتي الجميلات اليوم قررت نصبح عليكم و نجيبلكم تسقهواو بلاك يكون فال خير عل هذ اللمة الزينة...حقا قبل مننس نسلم عل الاخت ولا wala البارح نسيت مذكرتهاش اسمحيلي حنونتي و الف اهلا بك في هذ اللمة الجميلة

انا هي رزيقة

2017-07-12, 09:14

ظ‡ط°ظˆ طھط§ط±طھظˆظ„ط§طھ ظ„ظٹظ…ظˆظ† ظ…ظ† ط¹ظ†ط¯ ط§ط®طھظٹ ط§ظ… ط*ط³ط§ظ… ط±ط§ظ‡ظٹ طھط³ظ„ظ… ط¹ظ„ظٹظƒظ… ظƒط§ظ…ظ„http://www7.0zz0.com/2017/07/12/11/841448138.jpghttp://www7.0zz0.com/2017/07/12/11/841448138.jpg....http://www8.0zz0.com/2017/07/12/11/978071734.jpg

انا هي رزيقة

2017-07-12, 09:17

ياي و اخيرا قدرت ادراج الصورة مباشرة يا لهوي عل شطارتي يا بنات قولو لي مشاء الله و الله فرحت بزاف فعلا لا ياس مع الحياة.... الارادة تصنع المعجزات

انا هي رزيقة

2017-07-12, 09:28

و هذو المسمنات الزينين تاوعيhttp://www14.0zz0.com/2017/07/12/11/450862525.jpg

om obaida

2017-07-12, 09:29

صباحكم فل وياسمين كيفاه راكم حبوبات ان شاء الله كامل بخير بيان وامنية الله يبارك راكم قايمين باللمة زيكا حبيبة قلبي وشراكي ليك وحشة خاصة حنونة وماشاء الله على المحاجب يشهو امنية الرولي يسخف والله شهيتيني بصحتكم بيان بصحتكم الخفوفي هدا وش يليق

om obaida

2017-07-12, 09:30

زيكا قريت بلي راكي ساخفة على البغرير والله كون جيت نوصل ليك احلى بغرير لاحلى زقزوقة

انا هي رزيقة

2017-07-12, 09:30

الفين هلا بيك اختي ام عبيدة حمدا لله عل سلامتك و الله فرحت بلقاءك حنونتي

سحابة باردة

2017-07-12, 09:31

صباح الخير من الصباح نقارع كاش ماتدخل وحدة كيشفتوني طفيت الميكو لحقتو العقوبة صحن البغرير كامل نديه للأولاد

رزيقة اطولي بصح كي تدخلي تجيبي معاك الخفيف اللي لا يقاوم المحاجب تهوس والمسمن راني شفقت على الشيرات ندي غير وحدة لقهوة العشية

أمنية الرولي فكرتيني فيه كل يوم نقول نخدمو بصح عجزت درتيلي الكوراج ياطفلة

اختي فلور منورة وبصحتكم الأطايب مع الجي البارد الضروري في هذا الجحيم

بيان بالبراكة عليكم ربي يهني عروستكم

om obaida

2017-07-12, 09:33

قولولي لبنات وين راهم اللمة الزينة الباقية ملقيتش بزاف منهم حيوته ام هدول ام يوسف ام محمد ام ابراهيم وووووو وين راحو غبت شوية ملقيتهمش ياك غير الخير

انا هي رزيقة

2017-07-12, 09:34

و هذ عشانا البارح عل طريقة اللهلوبة بصح بتحريفاتي يعني من غير فراميج....خخخخخ زيكو مبحبش الله غالب....خخخخخخخhttp://www10.0zz0.com/2017/07/12/11/748676644.jpg

om obaida

2017-07-12, 09:36

زيكا فرحتي اكبر بوجودي معاكم حنونة سحابة حنونة العقاب وااااااعر متديش الطبسي كامل خليلي طرف راهم العينين كامل على داك الطبسي

om obaida

2017-07-12, 09:37

زيكا مراهمش يخرجو الفوطوات

انا هي رزيقة

2017-07-12, 09:41

اختي ام عبيدة اسكتي برك راني نحمل بالهاتف تقول وليت سنة اولي تكنولوجيا...خخخخخ بستين كشفة باه نخرجهم تفكرت العسل ليزا

انا هي رزيقة

2017-07-12, 09:42

https://c.top4top.net/p_5587gap80.jpg

انا هي رزيقة

2017-07-12, 09:50

و هذو في خاطر كم اخواتي ام عبيدة و سحابة ربي يخليكم عل كلامكم الطيب يا طيبات و يبركلكم في كل عزيز عليكنhttps://e.top4top.net/p_558pfwej0.jpg

انا هي رزيقة

2017-07-12, 09:54

لبنات اسمحولي اذا كانو الصور كبار تكنولوجية الهاتف جديدة عليا موالفة نخدم بالميكرو....خخخخ ايه حقة شفت المشاركة الاولي خرجت بالشنوية ...خخخخ الترجمة تاعها معناها صباحكم سعيد و مبارك...دوك نخليكم حبيباتي عندي تخضيرات للسفرية تاعي ان شاء الله تهلاو في ارواحتيكم و الي الملتقي اذا حيانا ربي

سحابة باردة

2017-07-12, 10:04

أوكي حبيبتي أم عبيدة بمناسبة عودتك للكوزينة راني رجعت نص البغرير المهم أبقاي معانا برك
يعمري على الغالية رزيقة الله يخليك على المحاجب السبيسيال والله مكانش اخف من دمك ياملح الكوزينة
تروحي وترجعي بسلامة أهم حاجة تستمتعي بسفرية انتاعك مع العيلة amuze bien

بيان 5

2017-07-12, 10:25

رزوقة اطباقك تححححححححفففففففة ما شاء الله
سفرية ممتعة ان شاء الله

أمنية غفران

2017-07-12, 20:54

السلام عليكم و رحمة الله تعاللى و بركاته

أخواتي الكريمات كيراكم مع السخانة

رزوق تروحي و تجي بخير ان شاء الله عطلة سعيدة حبيبتي كي تجي قولي لي عجينة المسمن الي درتيها هي بالدقيق وحده و لا خلطتي معاها الفرينة

اختي فلور سحابة و بيان و ام عبيدة كيف احوالكم

زخرفة و حيوتة طال غيابكم ان شاء الله راكم بخير

اليوم عشانا كباب

http://www.up.bagdady.com/uploads/bagdady1499887095321.jpg

http://www.up.bagdady.com/uploads/bagdady1499887095622.jpg

تحياتي

بيان 5

2017-07-12, 21:28

أمنية بصحتكم الكباب اختي

بيان 5

2017-07-12, 21:33

ليوم درت خبز الفيسال نتمنى يعجبكم

https://c.top4top.net/p_558d909g0.jpg (https://up.top4top.net/)

https://c.top4top.net/p_558d909g0.jpg (https://up.top4top.net/)

سحابة باردة

2017-07-12, 21:43

أيما على الكباب ياميمي عاينطق غير أكتبيلي طريقتك بأسرارها
بيان الخبز تقولي خارج من كوشة فرنسية وين كنتي مخبية هذا الخير كل غير طيحي بالوصفة وبأسرار نجاحها

بيان 5

2017-07-12, 21:56

ربي يحفظك سحوبة

الطريقة
كأس حليب دافئ مغرف كبيرة سكر مغرف كبيرة خميرة الخبز ملح
تلمي بالفرينة
تزيدي ملعقة كبيرة ماغارين وتعجني
تخليه يخمر
تقسميه كويرات ووتشكلية
ادهنيه بصفار البيض ورشي فوقوا سينوج
بالصحة حبيبتي

سحابة باردة

2017-07-12, 22:42

شكرا بيان على الوصفة أسكونعجنوه بيا كيما خبز الدار وشحال يخمر من مرة
ونار درتيها قوية كيما أي خبز اسفة على كثرة الأسئلة نحب التفاصيل

fleur de lili

2017-07-12, 22:58

مساء الخير عليكم كامل ...راكم منورين الطلة الزينة.
زقزوقتنا الحلوة تروحي وتيجي علي خير.رانا رايحين نت حشوك
سحابة مرحبة طلتك تسعدني ونحس بالمة فيها دفئ عاىلي
بيان سخفتيني بهذاك الخبز ر اه حقيقة اشهي
أمنية لعزيزة ريحتى شوية. راكي فحلة ونص أكلك تمنيت نذوقو حلوة في فمي
يعطيك ألف صحة

fleur de lili

2017-07-12, 23:06

يوم عشائ درت فريت املات مع دوائر اللحم لمكفت
أما العصير طبيعي نتاع العنب .
اللهم أدمها نعمة وحفضها من الزوال.
بنتى حياة طلي علينا توحشتاك.ان شاءالله اكي لباس انتي والعائلة
وينك أم هدول والأخت جوري .من نهار لطلبتي المقرونة نتاع أمنية رحتي غبتي
طلي علينا توحشناك.

سحابة باردة

2017-07-12, 23:21

مساء النور أختي فلور فرحتيني بكلامك ونا سعيدة أكثر معاكم
وهذي الكيكة الداكنة الفاخرة انتاعي في خاطرك راهي جديدة خدمتها غير اليوم غدا انديرها موضوع
https://d.top4top.net/p_558lhvwr1.jpg

fleur de lili

2017-07-12, 23:33

ياعيني ياسحابة علي هذيك الكيكة .انا من محبي الشكولاطة درجة اولي
نجي عندك مديلي طرف نستقهوة بيه.ههههههه
يسلم هذوك اليدين ليتلفو في حرير

بيان 5

2017-07-12, 23:40

سحوبة اختي اعجنيه غير شوية وخليه يخمر مرة وحدة
النار ديريها كيما الخبز عادي

بيان 5

2017-07-12, 23:42

سحابة يعطيك الصحة على الكيكة
رانا نستناو في الوصفة

سحابة باردة

2017-07-13, 00:06

فلور أختي ياريت كنتي قريبة ليا اكيد كنت نضيفك أحلى كيكة ومعاها القهوة لازم هذاك مانبغي حتى أنا ونديرو فيها أحلى قعدة
بيان عيونك الحلوة غدو أن شالله نحط الوصفة في قسم الحلويات
وشكرا على التوضيح كي نسييه نصورو تشوفيه حبيبتي

fleur de lili

2017-07-13, 19:59

مساء الخير علي الجميع .
عشائ شربة عدس مع كسرة رخسيس .
وين راكي أمنية.بيان.سحوبة.بيليسان.........بزاف غاىبات

بيلسان91

2017-07-13, 21:48

هاو ليكم عشانا بطاطا مقلية وفلفل مقلي وديسار خوخ
يسقسي عليك الخير اختي فلور دو ليلي كون تحطينا نتيا تاني طيابك نشوفوه
بيان وش راكي وامنية وين راكي غايبة طلي علينا
رزيقة بصحتك تحويسة كون ديتيني معاك نحي على بالي
حياة باينة رح تغيب صيف كاملة عند مالها تنحي لوحش
http://www.m5zn.com/newuploads/2017/07/13/jpg//m5zn_6c6606b8b40c367.jpg (http://www.m5zn.com/out.php?code=16685836)

أمنية غفران

2017-07-13, 22:25

السلام عليكم و رحمة الله تعالى و بركاته

واش راكم خياتي مع هاد السخانة ربي يلطف بينا

يسقسي عليكم الخير حبيباتي فلور و بيلسان النت راهي شوية ثقيلة

سحابة يعطيك الصحة على الكيكة و الكباب نديره عادي من بعد نحط لك الطريقة حبيبتي

بيان اكيد راكي عند اهلك ربي يعينكم و يدوم الافراح يا رب

اليوم عشانا كان طاجين الجلبانة المخثر نتاع الاخت ام فاطمة ربي يهنيها ويفرحها بفطوم

http://www.up.bagdady.com/uploads/bagdady1499980330131.jpg

http://www.up.bagdady.com/uploads/bagdady1499980330962.jpg

أمنية غفران

2017-07-13, 22:52

أختي سحابة تفضلي

الكباب

أولا نأخد الدجاج ونضيف البصل المسكرفج و الملح و نضيف القليل من الفلفل الأسود و شوي كركم و الزيت نتركها تتقلي و لازم تتقلي مليح.
عندما نجد أن البصل والدجاج تغير لونه يعني أنها تحمرت وبعدها نضيف الحمص الحق انا عندي الحمص طايب علابيها نضيفه كي يطيب الدجاج
نضيف الماء حتي يتغطي الدجاج ونتركها تطيب
.
من جهة ثانية نقشر البطاطا و نقطعها خشين ماشي كيما نتاع الفريت ونقوم بقليها .

كي الدجاج نلقاه طاب نحيه و نحمره في شوي زيت من بعد ما نكون مرمدته في الشابلير مخلط مع شوي فلفل احمر حار

من جهة اخرى نضيف البطاطا المقلية الى الصوص من بعد مانكون ضفت ليها هاد الصوص الدرسة الي متكونة من حشيش القصبر مع سنينات ثوم مدقوقين في المهراس

و نزيد نحط الدجاج الي حمرته فوق البطاطا و نهز الطاجين يمين و شمال باش الصوص تدخل كامل في البطاطا و الدجاج و من الاحسن ما نستعملش ملعقة و نحرك بيها

قدمي الكباب مع رشة معدنوس و بصحتكم حبيبتي

ملاحظة ممكن تقطعي المعدنوس و تخلطيه مع حبة البيض و تضيفيه للطاجين نتركه مدة وجيزة ونطفئ النار .

http://www.up.bagdady.com/uploads/bagdady1499982564931.jpg

تحياتي

fleur de lili

2017-07-13, 23:25

أهلي أمنية كي راكي لباس.عشاك اشهي
نهاية أسبوع موفقة.تصبحنا علي خير.

ام رويدة

2017-07-14, 10:54

السلام عليكم حبيااااااتي
وش راكم توحشتكم بزاااااف
اسمحووووولي طولت الغيية الله غالب مشغووولة
ران نخدم حلويات الافراح والمناسبات حسب الطلب
صافي الوقت مكاش كامل
بصح راكم في بالي دايما نتمنة تكونو كااامل بخير
دعواتكم لي بالتوفييييق

سحابة باردة

2017-07-14, 11:00

صباح الخير عليكم جمعة مباركة
بصحتكم العشاء اختي فلور فكرتيني في الرخساس عندي مدة مدرتش الكسرة الحمان سمطهالي
درت غير فطاير بسيف ابعد نحط الصور
بيسو بصحتكم المقلي
أمنية كيراكي حبيبتي عشاك يشهي بصحتكم تطبيق ناجح كيعوايدك دايما رابحة ومربوحة هههههه شفتي وليت نقول في الشعر
شكرا على وصفة الكباب أكيد نجربها قريبا
اليوم الفطور لدرك معرفتش واش اندير نضت دايخة مازالو مودر

سحابة باردة

2017-07-14, 11:02

أم رويدة مرحبا بيك وعودة موفقة
الله يعينك على حلويات الأفراح ماشي ساهلة

ام رويدة

2017-07-14, 11:34

الله يسلمك حبيبتي سحابة
امين حنونة تعيشي وصح خدمتها مشي ساهلة ربي يقدرنا

fleur de lili

2017-07-14, 14:04

مساء النور وجمعة مباركة.
سحوبة كيفاش راكي لباس مع سخانة.أنا نطيب رخساس
في طجين تريسيتى.
أختي رويدة كيف راكي معليكش.توحشناك هذى غيبة
غدائنتاع اليوم كل يوم جمعة ندير بربوشة مع دلاع بارد وسلطة.

أمنية غفران

2017-07-14, 15:41

السلام عليكم و رحمة الله تعالى و بركاته

أخواتي الكريمات نهاركم مبروك و صحا فطوركم

سحابة ربي يحفظك على كلامك الحلو يا حلو تعيشي و بين قوسين راني اليوم نجرب في عفسة ان شاء الله تنجح معايا ههههههههه

فلور حبيبتي بصحتك البربوشة علاحساب علمي هي الكسكس ياك

ااختي ام رويدة علا سلامتك و ربي يعينك و يبارك في رزقك حبيبتي

اليوم فطورنا كان طبق عاصمي بدرجة اولى كسكسي بمرقة بيضاء

http://www.up.bagdady.com/uploads/bagdady1500042812111.jpg

و الايسكريم نتاع البطيخ راني ندير فيه و نعاود نظرا لطلب العائلة و هنايا راني في مكان السكر درت الرب و خرج هبال اممممممممم

http://www.up.bagdady.com/uploads/bagdady1500042812722.jpg

تحياتي

fleur de lili

2017-07-14, 15:56

سلام ورحمة الله وبركاة.مرحبة عزيزتي أمنية
ايه البربوشة هي الكسكسي.بصحتك الغداء والانتعاش.
نتتمني تنجحي في العفسة المخبرية.ونستمتع بيهاههههههههه

سحابة باردة

2017-07-14, 19:31

مساء النور عليكم ب
فلور بصحتكم الطعام أكيد من يديك علامة وطاجين التريسيتي مليح في الصيف حتى أنا لازمني واحد
أمنية صور الطعام عاتنطق وشباب بالمرقة البيضة في الصيف
مطرح مايسري يمري
هذو الفطاير صورت غير وحدة كيطاباو الحبات الشابين هجمو عليهم الأوباش

https://e.top4top.net/p_560wgpph1.jpg
https://b.top4top.net/p_560lvipx1.jpg

fleur de lili

2017-07-14, 21:32

مساء النور سحابة باردة ومنعشة هك نحس بيك كي دخلي للكوزينة
هذاك سوفلي يهوس .كل شابين واش خصهم .أعطيني وحدة نتعشاء بيها
قوليلي سحوبة واش من عجينة معتمدتيها.
أما عشائ بواقي نتاع البربوشة وسلاطة.

أمنية غفران

2017-07-14, 21:46

السلام عليكم و رحمة الله تعالى و بركاته

اختاي فلور و سحابة صحا عشاكم

عشايا كيفك فلور كان بواقي و لله الحمد

سحابة سوفلي يهبل بصحتكم فكرتيني فيه عندي شحال ما درتوش من رمضان

حبيبتي فلور العفسة الي جربتها اليوم خرحت لي مليحة و كانها نتاع برا احم احم

كانت ايسكريم انا نسميه ملك الانتعاش الي هو الكريبوني امممممممممممم

نخليكم مع الصورة الأخيرة و تفصيل الوصفة كي نلقى الردود من الغد ان شاء الله اكثر من عشرة اخوات رايحة نحطها هههههههههههههه

اختاي فلور و سحابة ماراكمش داخليين في الحساب ههههههه ما تقلقوش رواحتيكم

امالا أخواتي المشاهدات دبرو ريسانكم دخلو الكوزينة راهي مهجورة يا حوجي

http://www.up.bagdady.com/uploads/bagdady1500064678851.jpg

ليلتكم سعيدة

fleur de lili

2017-07-14, 23:12

أختي امنية بصحة عليك البواقي.
من صباح وانا نقارع فيك باش تحطي الاختراع كي نجحلك نحتيني من لحساب هههههههههه
بصحتك بردي قلبك فيه وحدك وأنا و سحابة نروحو نشريو ونبرد قلوبنا

سحابة باردة

2017-07-14, 23:30

ميمي عيونك الحلوين يابواللسان ينقط عسل ونا دايما نخدم بعجينة العشر دقايق ساهلة ياريت كنت نقدر نعرضك على العشا عندي بصح دوماج المسافات دارتها بينا
فلور اطفرت فينا نبقاو بلا أيسكريم أمنية إختراع وإكتشاف الموسم إلي خرجلها علامة ومع هذا الحمان أيما منيش قادرة نتحمل

حياة نور الدين

2017-07-14, 23:58

السلام عليكن يا اللمة الزينة ويا حبيباتي الغاليات توحشئتكم بزااااف واش راكم واش راهم وليداتكم واهلكم وناسكم
انا خلاص العطلة تاعي ورجعت لداري اليوم دخلت نطمنكم عليا
اصبروني نخمل بيتي وكوزنتي ونرتب اموري ونرجع ان شاء الله مع كم يا الصحبة الطيبة

امنية ، ميمتي فلوغ وسحابة وكل الخيات راني مراجعتش شفت غير الصفحة الاخيرة منورات بوجودكن
امنية احسبي انا 1 ههننن

تصبحن على خير

fleur de lili

2017-07-15, 00:08

هلات الانوار بنتى حياة .وعودة ميمونة.
روحى غير بشوية.انتي ام وليدات باش متعبيش.
والله فرحت كي شفتك طليتي الله لا يحرمنا من هذا اللمة الزينة
تصبحنا علي خير

أمنية غفران

2017-07-15, 09:17

صباح الخيرات و المسرات أخواتي الكريمات

ياخا حبيبتي فلور ما فهمتينيش كي قلت انتي وسحابة ماركامش محسوبين مع جماعة العشرة لأني رايحة اكيد انتوما نمدهالكم خاطرش راكم وفيات للكوزينة

نونو ما تروحي تشري ما والو من بعد نحط ليك الوصفة ديريها في دارك ساهلة ماهلة و تستغناي على نتاع البرا

حبيبتي حياة الكوزينة منورة بطلتك في غرضك وادا احتجتي مساعدة رانا جاييني نعاونوك كل وحدة واش تخدم لك ياك يقولو المعونة تغلب السبع ربي يعينك

خلاص حبيبتي راكي رقم واحد مرحبا

ايا اخواتي راني نتسنى تدخلو

تحياتي

أمنية غفران

2017-07-15, 10:36

وقيلة ما رايحيش يدخلو الاخوات ايا معليش

حيوتة فلور سحابة و للجميع

راني وجدت ليكم اسهل وصفة للكريبوني على الاطلاق كاينين الي يضيفو كرام شونتييه المهم هادي راهي لاباز باش نسهل عليكم حفظ الوصفة درتها ليكم في صورة وحدة ان شاء الله تجربوها و تقولو لي رايكم و نتمنى تستغناو على نتاع البرا

حقا اختي فلور شفتك تحبي العصائر الباردة امالا ديري باناشي منعش بهاد الكريبوني مع اضافة شاربات جد باردة اممممممممممم بصحتك

تفضلن الوصفة و الطريقة

http://www.up.bagdady.com/uploads/bagdady1500110493721.jpg

تحياتي

سحابة باردة

2017-07-15, 11:37

نهاركم مبروك أحبباتي
حيوتة الزيونة نورتي الكوزينة والحمدلله على سلامتك أن شالله تكوني فوتي عطلة شابة مع العايلة الحباب
وكملي شغالتك أكيد الداركي تولي مولاتها غايبة تسحق بزاف خدمة المهم رانا نقارعولك حبيبتي
ميمي مزية كتبتي الوصفة ولا ماتسلكيش منا أنا وفلور ههههههه
ميرسي الله يحفضك
غدانا طعام بالبن والعنب والحمد لله
البارح درت دنجال في الفور مع الفيونداشي ابعد نحط الصور

أمنية غفران

2017-07-15, 17:00

السلام عليكم و رحمة الله تعالى وبركاته

بنوتات وينكم غياب جماعي

اليوم فطورنا كان روز و لله الحمد

http://www.up.bagdady.com/uploads/bagdady1500134292111.jpg

http://www.up.bagdady.com/uploads/bagdady1500135412291.jpg

تحياتي

fleur de lili

2017-07-15, 19:55

مساء الانوار حبيباتي سحابة منعشة وأمنية.
أمنية بغيت ندلل عليك برك باش تمديلي الانتعاش ونبرد قلبي.
نشكزك بزاف علي العطاء والمجهودات لتبذلي فيهم.
انا عشائ بيري وستاك داند.

fleur de lili

2017-07-15, 20:01

ليوم مكانش كونكسيون بسبة الباك.
لذالك مقدرتش ندخل خاصة عندي غير 4g.
ولفت لمتنا الحلوة منقدرش نستغني عليكم.

سحابة باردة

2017-07-15, 21:26

مساء النور بصحتكم العشاء وسهرات
جبتلكم طاجين الدنجال بالبيض وطبعا منسيتش الإنتعاش عصير الكرموس باللبن والعسل بردو قلوبكم
https://b.top4top.net/p_561q2f8b1.jpg
https://b.top4top.net/p_561vohh01.jpg

مسلمة بالفطرة

2017-07-16, 03:59

امممممم احت سحابة حطيلنا طريقة عصير الكرموس باللبن و العسل

نور الصباح

2017-07-16, 08:49

صباح الخير لبنات ..شكون جربت صابلي الزيت في مول السيليكون نجح ولا لا

أمنية غفران

2017-07-16, 10:36

السلام عليكم و رحمة الله تعالى و بركاته

أخواتي الكريمات نهاركم معطر بالورد و الياسمين

اممممممممممممممممم سحوبة كتبيلنا وصفة عصير الكرموس وقبل جاوبينا هل الكرموس الاخضر و لا اليابس و اللبن تقصدي اللبن ماشي حليب ياك

مشكورة مسبقا و بارك الله فيك

سحابة باردة

2017-07-16, 12:55

صباح النور حبباتي
مسلمة بالفطرة ذرك نكتب الوصفة
أمنية لاشكر على واجب حبيبتي
الكرموس الأخضر نقطعوه نزيد نصف كوب أو أكثر اللبن او الرايب على حسب كمية الكرموس زايد كاس صغير عسل إذا مكانش ديري سكر زايد مكعبات الثلج أو ماء بارد أنميكسي بيا بالميكسور
ثم نضع العصير في إناء أخر والى الثلاجة يقدم بارد جيدا
في حالة ما ستعملنا السكر وهو يبرد كل مرة نخلطو باش يذوب
ملاحضة العصير اللي تحصلي عليه يكون ثقيل شوي بصح رائع كيما اللي نشربوه في المطاعم الكبرى
بصحة والهناء لكل اللي تجربو

حياة نور الدين

2017-07-16, 22:45

السلام عليكن واش راكم
منورين اللمة بطلتكم بلا دكر الاسماء ههههه
جبتلكم صور بعض طيابات العطلة

هدا عند اختي
https://e.top4top.net/p_5629wfc40.jpg (https://up.top4top.net/)

https://a.top4top.net/p_56203dg82.jpg (https://up.top4top.net/)

https://f.top4top.net/p_562sgypu1.jpg (https://up.top4top.net/)

https://b.top4top.net/p_562eeewn3.jpg (https://up.top4top.net/)

https://c.top4top.net/p_562ol0e04.jpg (https://up.top4top.net/)

https://d.top4top.net/p_562a3o515.jpg (https://up.top4top.net/)

https://e.top4top.net/p_562vwfzt6.jpg (https://up.top4top.net/)

وهدوا بعض اطباق السردين

https://c.top4top.net/p_5621tndy0.jpg (https://up.top4top.net/)

https://d.top4top.net/p_562f2ci11.jpg (https://up.top4top.net/)

https://e.top4top.net/p_5623bjog2.jpg (https://up.top4top.net/)

https://f.top4top.net/p_5621v1u73.jpg (https://up.top4top.net/)

وهدا عشا مع خياتي في دارنا جاو يباتوا معيا يومين قبل ما نرجع

https://a.top4top.net/p_5624vh844.jpg (https://up.top4top.net/)

https://b.top4top.net/p_562v49t75.jpg (https://up.top4top.net/)

https://c.top4top.net/p_562x4u3l6.jpg (https://up.top4top.net/)

هدا طعام الحموم معلاباليش واسمو في منطقتكم

https://b.top4top.net/p_562vru0t0.jpg (https://up.top4top.net/)

تبيخة بدنجان

https://c.top4top.net/p_562gh31b1.jpg (https://up.top4top.net/)

خوخ طاااازة من جنان عمي

https://d.top4top.net/p_562cqteo2.jpg (https://up.top4top.net/)

واخيرا عيد ميلاد بنت خويا ربي يطول عمرها

https://e.top4top.net/p_562eaqd83.jpg (https://up.top4top.net/)

ام عبيدة

2017-07-16, 23:35

السلام عليكم
احي جميع الاخوات هادي اول مشاركة ليا معاكم ولكن كنت نتابعكم عن بعد نشوف جميع اطباقكو و حلوياتكم و كلامكم و مزحكم مع بعض نتمنى نكون وحدا منكم فهل تقبلوني بينكم

حياة نور الدين

2017-07-17, 00:19

اهلااا اختي ام عبيدة ومرحبااااا معناااا نورتي

رززيقة عرفت رايحة عطلة تروحي وترجعي بالف خير

سحابة اطباقك هايلة ببساطتها حبيببتي وشكرا على وصفة العصير

امنية يا متالقة الكوزينة راه واقفة بك حبيببتي وشكراا على وصفة كريبوني قوليلي البيض نديروه والشاربات سخونة ولا دافئة وهل يطيب قصدي يتعقم
وراني نسنى في وصفة marguez faux a

فلوغ حبيبتي اليوم مطليتيش

بيان الف مبرووووك العرس حبيبتي وربي يحفظ الببون اللي في الصورة

cilia

2017-07-17, 09:53

صباح الخير عليكم واش راكم حبيباتي اسمحولي على الغيبة كانت عندنا وفاة بنت خالي مسكينة في عمرها 24 سنة توفات خلعتنا و الله مقدرت نخدم مقدرت ندير والو كرهت كلشي كانت كيما اختي الصغيرة ، و اليوم باش دخلت نخدم كنت عطلة مرضية ، حبيباتي ادعولها بالرحمة ، خالي مسكين راه مكوي عليها ماماها شوية راهي صابرة بصح خالي لا

cilia

2017-07-17, 09:55

حياة بصحتك العطلة خاصة مين يتلايمو الاخوات في دار باباهم ربي يهنيكم و ألف مبروك على الببونة ما شاء الله ربي يحفظها

سحابة باردة

2017-07-17, 10:23

صباح النور
أختي حياة شكراالله يحفضك هذا من ذوقك
نورتي الكوزينة عجبوني صور العطلة باين استمتعتي مع الأهل والحباب وعشاء الخوتات مع بعض روعة الله يدوم لمتكم ومحبتكم
سيليا عظم الله أجرك وربي يصبر خالك ومرتو إن لله وإن إليه راجعون
حبيبتي فلور مابنتش هذا النهارين إن شالله المانع خير
أمنية أكيد في العمل ربي يعينها
أم عبيدة مرحبا بيك معانا

لينة71

2017-07-17, 12:07

عظم الله اجرك اختي وربي يعطيكم الصبر على فراقها ويصبر خالك يارب
انا لله وانا اليه راجعون

حياة نور الدين

2017-07-17, 12:22

السلام عليكن

سيليا ان لله وان اليه راجعون ربي يصبركم وخاصة خالك ويبدل محبتها بالصبر ويجعل مثواها الجنة يا رب

سحابة اهلااا حنونة عويناتك الحلوين اختي واللهم امين ربي يجمع شمل كل وبعيد ووحيد وووو

اهلااا اختي لينا

&ام ايوب&

2017-07-17, 14:43

ختي سيليا ربي يرحم بنت خالك ويصبر اهلها

cilia

2017-07-17, 14:54

شكرا اخواتاتي ربي يحفظكم

حياة نور الدين

2017-07-17, 19:49

السلام عليكن

اليوم صائمة وفطوري حريرة وفريت واسكالوب الدجاج وسلطة والحمد الله

نتمنى تزوروني في موضوع التطبيقات حبيباتي بلاك جربوا كاش وصفة

http://www.djelfa.info/vb/showthread.php?p=3996985138#post3996985138

fleur de lili

2017-07-17, 20:59

مساء الخير علي أحلي لمة.
شكراااااسحوبة المنعشة.كى تفكرتيني انت وحيوة .
رانى غيرهنا معنديش أنترنت .
اليوم عشائ شكشوكة.وسلاطة متنوعة .وبطيخ

fleur de lili

2017-07-17, 21:03

Cilia عضم الله أجركم.هذا حال دنيا كل من عليها فاني
ربي صبركم.أمين
مرحبة لينا.وأم عبيدة.معانا في هذا لما.
أينا أنتي يا أمنية

سحابة باردة

2017-07-17, 23:08

مساء النور
مرحبا بختي فلور معليهش الانترنات تروح وتجي المهم ليراكي بخير وبصحتكم العشا الخفيف
حتى أنا درت غير بطاط في الفور وقليت شوي فلفل وطماطم مع الديسارأن شالله نقدر نحط الصور
صيام مقبول أختي حياة ذرك نروح أنشوف التطبيقات

fleur de lili

2017-07-18, 00:13

ايسقسي عليك الخير يالعزيزة سحوبة.
بصحة عليك الخفيف ضريف.
تصبحي علي خير غدا ان شاءالله أفضل

ام عبيدة

2017-07-18, 00:26

شكرا جزيلا للاخوات على الترحيب ربي يفرحكم ويبهي لمتكم
عظم الله اجركم اختي وربي يصبركم وتصبحن على خير خياتي

حياة نور الدين

2017-07-18, 09:09

صباح الانواااار خياتي
هيااااا نشاط ولا راكم مصروعين من السخانة انا شربت قهوة صباح بكري في برد الحال تفضلوا معيااا

https://a.top4top.net/p_564abxvv0.jpg (https://up.top4top.net/)

حياة نور الدين

2017-07-18, 09:13

اليوم فطوري ان شاء الله مقرون

وهدا فطوري تع البارح

https://b.top4top.net/p_5641292y1.jpg (https://up.top4top.net/)

https://c.top4top.net/p_564dv43x2.jpg (https://up.top4top.net/)

سحابة ربي يخليك حنونة وبصحتك واش تعشيتي

ميمتي فلوغ الحمد الله اللي راكي بخير ومزية جات في النت راه مهبلتنا هدي اليامات وبصحتك الشكشوكة ولي معها هههه

ام عبيدة مقلتلناش واش طيبتي

امنية وين راكي يا سيدي جيت انا رحتي انت