الجزء 180 من الكوزينة (رمضانكم كريم ) [الأرشيف] - الصفحة 2 - منتديات الجلفة لكل الجزائريين و العرب

أمنية غفران

2017-06-08, 13:21

السلام عليكم و رحمة الله تعالى و بركاته

أخواتي الكريمات كل وحدة باسمها نهاركم معطر بالورد و الياسمين في هاد الشهر الفضيل

تبارك الله عليكم أخواتي أطبافكم تحفة ربي يحفظكم و في ميزان حسناتكم

.................................................. .....

أختي ام سدرة تبارك الله شفتك ديري خبز الفطير او المعروف بالرخسيس او الرخساس و كاين الي يسموه خبز نص خميرة
ادا راكي ديريه كل يوم في رمضان و باش تتحكمي في عدد الخبيزات ادا حبيتي نعطيك طريقتي انا نديره كل يوم بمقادير مضبوطة و نتحكم في عدد الخبيزات باش ما يضيعيش لينا الخبز

.................................................. .....

أختي ام رحاب ادا حابة تدي فكرة البارح كان عشانا دجاج روتي مع لوبيا ماشطو صوطي و بطاطا أكيد تكوني تعرفيها بصح معليش نحطها ممكن يكونو كاين مبتدئات كيما تقول أختي الوهرانية ربي يحفظها

دجاج روتي مرفوق بلوبيا ماشطو و بطاطا

حكمت الدجاج درته في ساشيات الفور و ضفت ليه الملح فلفل اكحل و كمون و زنجبيل و شوية حرور مطحون و وو ريقات رند و ضفت ملعقة كبيرة زيت و ضفت فنجان قهوة ماء و زدت سنينات ثوم كل سنينة مقسومة على زوج

غلقت الساشية و حركت مليح باش تندمج المكونات و دخلته الفرن و كي شفته طاب نحيتو من الساشي و فرغته في قالب الفرن مع هاديك لاصوص امممم باش يتحمر من فوق

و لوبيا ماشطو فورتها و من بعد في مقلة حطيت شوي زيدة غي ذابت ارميت ليها اللوبيا و رابيت زوج سنينات ثوم و شوي ملح و خليتها تتشمس في نار قليلة مع كل مرة نهز المقلة و من بعد نقلبها اللوبيا غي بالعقل كي نشوفو لونها تبدل شوي نطفي النار

و البطاطا نحكم حبيبات و نطيبهم في الماء المملح و كي يطيبو نحي القشرة نخليهم يبردو مليح و من بعد نقطعم دوائر و نشمسهم في هاديك المقلة الي شمست فيها اللوبيا غي يحمارو نحيهم

و قدمي الدجاج مع اللوبيا و البطاطا مرفوقيين بهاديك الصوص امممممممممممم

ملاحظة باش تجيك الصوص ماشي مالحة ما تكثريش الملح مع الدجاج في البداية

و بصحتكم

https://c.top4top.net/p_5246ezfh2.jpg

https://b.top4top.net/p_52471tai1.jpg

صحا فطوركم كامل العضوات و الزائرات

merry_mora

2017-06-08, 14:01

سلام على الاحباب واش راكم ان شاء االله بخير اليوووووم السخااااانة فووور وزيد الفطور مبحر تبا تبا

ام رحاب سكرا على الادعية وربي يجازيك عليهم

اختي حياة مرسي حبيبتي وطيابي لايعلى على طيابي راكي توووووب والله نتشهى فيه وبصحتك لاكرام فشي روحك وزيدي ههههه

سحابة باردة شكرا بزاااف طلعتيلي المورال ههههه هدا من ذوقك وبصحتكم الاطايب

merry_mora

2017-06-08, 14:11

اوووو كتبت رد قد حملاوي وطفالي تليفوووؤن تبا

merry_mora

2017-06-08, 14:14

بيلبسان الصور خرجو بيهم بالمحتوى الجميل بصحتكم وشهيتيني االكبدة

عودة ام سدرة بقوووة ماشاء الله راكي توب حتى لتمة

مرحبا بيك اختي برنسيسة

سيليا ربي يشفيك اختي ونوحشنا طيابك

نحطلكم واش درت قبل مايزيد يطفى

merry_mora

2017-06-08, 14:17

https://d.top4top.net/p_524dcegk0.jpg (https://up.top4top.net/)

zokhrofa

2017-06-08, 14:27

حسنا سيليا نحن في الانتظار

اختي سحابة نعم فهمت علابيها انا تخسرتلي ما طويتهاش مليح كيما قلتي انتي

امينة اهلا بيك اختي و بطيابك الزين عجبني بزاف المحم جا شباب بزاف

اختي ميري ما تزعفيش ههههههههه دايما تصرالنا تاع رد طويل من بعد يروح لكن صحيتي على الاطايب يشهو خاااااااااصة شلاظة تاع الفلفل نحبها بزاف

قولولي الله يستركم عندي اللفت و ما لقيت ما ندير بيه

واش ديرو بيه نتوما كاش افكار ؟

حياة نور الدين

2017-06-08, 15:52

السلام عليكن

اهلااا حبيباتي اللي مزهيين الكوزينة صح فطوركم تع البارح هههه الله غالب ملقيتش الوقت ندخل

سحابة اهلااا بك وبلا كدب والله ما شفتهم بصح زيدي حطي وصغري الصورة باش نقدر نشوفهم

زخرفة شكرااا لك على التوضيحات والمعلومات في ميزان حخسناتك والبريك لازم تطويها مليح وديري البيض على الاطراف

ميري الله يبارك اختي راكي توووب بصحتكم

امنية شكرااا على اللوبيءا والوصفة بصحتكم حنون.

ام رحاب بارك الله فيك على الادعية

بيلسان واخيرا شفت طيابك بعد ماكانوا الصور بسيف يتحملولي بصحتكم

ام سدرة هل القمر حبيبتي اطايبك كالعادة توووب ويشهوا بصحتكم

سيليا الف لاباسس عليك حنونة وربي يقدرك ويعاونك

شفت حبيبتي ام ساجد وسيم واش راكي والتربية متهدريش عليها رانا في الهوا سوا خخخ ربي يقدرنا ولك وحشة حنونة

ام العبد، نهال، ايمان ، ام يوسف وام عبيدة وام احمدي وين راكم

حياة نور الدين

2017-06-08, 16:05

هدا فطوري البارح والحمد الله حريرة وروتي الهام وبوراك وسلطة
http://www.3rbz.com/uploads/87b79b98a5d91.jpg (http://www.3rbz.com/)

http://www.3rbz.com/uploads/0348641bbb0f2.jpg (http://www.3rbz.com/)

http://www.3rbz.com/uploads/5ade826157663.jpg (http://www.3rbz.com/)

http://www.3rbz.com/uploads/63b4cd5ef2244.jpg (http://www.3rbz.com/)

http://www.3rbz.com/uploads/e5bb49fe43651.jpg (http://www.3rbz.com/)

حياة نور الدين

2017-06-08, 16:09

اليوم فطوري شرية لسان الطير وبقالي روتي من البارح ونزيد ميني بيتزا او شوصون وسلطة
والتحلية عندي الفاكهة نديرها سلاد دوفروي ولاكريم والحمظ الله يا رب على النعمة

fleur de lili

2017-06-08, 16:21

صح رمضانكم ويعطيكم الصحة كامل يافحلات المنتدي
أختي أمنية لو تكرمتى أعطينى مقادير كسرة رخساس نتاعك تشهى
شكرررررررررررا

بيلسان91

2017-06-08, 16:23

كحياة وش راكي صافا
سيليا انا نسناو فيك تحطينا وش طيبتي
انا اليوم شريت مقادير التيراميسو والله غاليين سقامولي ميات الف مي يستاهل بنين بزاااف رح ندير تع ام اماني لصق فراسي صح

zokhrofa

2017-06-08, 16:33

بلا مزية اختي حياة آمين يا رب

أمنية غفران

2017-06-08, 17:41

حياة نور الدين

2017-06-08, 18:29

اختي زخرفة رجعت على جالك راني مع الفطور وتفكرت مجاوبتكش على اللفت طبعا انا نستعملوا في الحريرة وكاين ثان هده الوصفة من نطبخهي تفضلي

http://www.djelfa.info/vb/showthread.php?t=1906613

merry_mora

2017-06-08, 18:35

مرحبا أخواتي الكريمات

اختي زخرفة حاليا اللفت نستعمله مع خضار الحريرة تعرفي الحريرة تبغي الخضر كي نتفكر كاش عفسة باللفت نقول لك

أحتي fleur من عيوني تفضلي موضوع كسرة الرخسيس و راني نتسنى منك و من اخواتي دعاوي الخير ان شاء الله

هاوليك تفضلي الرابط

http://www.djelfa.info/vb/showthread.php?p=3996898419#post3996898419

https://a.top4top.net/p_52469req3.jpg

اختي حيوتة فطورك يشهي بصحتكم تعرفي واش ولاو يديرو لي كي ندير روطي الهام يفرزو الجزر ما ياكلوهش رغم انه بنين حيروني

بالمناسبة اختي ميري عجبتني صورة بروفايلك هاد البيبي الي يلعب مسكين ما عياش ههههههههههههه

تحياتي للجميع و صحا فطوركم

علاباك والله رجعت علاجالك المنتدى ههههههه كي كتبت رد وراحلي قلت سور نسيتك وزعمة درتلك رد سبيسيال وليت لقيت بلي ماعاودتش كتبتك
قتلك والله يعجبوني ردودك والوصفات كي تمديهم من القلب ربي يكثر من امثالك وصح فطورك وعلى البيبي راه يدير لايروبيك باش مايكبرش ههههههه

صح فطوووركم

zokhrofa

2017-06-08, 19:59

اختي امينة نعم اعرف لكن غير تفكريلي طبق اخر ههههههههههه يعني على الاقل يكون اللفت فيه مكون رئيسي

حياة ارجوك يا ريت تعدلي الصور تاع الموضوع لي عطيتيني ما خرجوليش

أمنية غفران

2017-06-09, 00:48

صحا فطوركم أخواتي الكريمات عضوات و زائرات

أختي ميري مشكورة على الاطراء حشمتيني احم احم ربي يحفظك و يهنيك

.................................................. ..........................................

زخرفة جبت لك طريقة لطبق مكونه الرئيسي اللفت ان شاء الله تجربيها و تعجبك

سلطة لفت سخونة

قطعي اللفت الى قطع صغيرة و اسلقيه في ماء مملح

و قومي بشواء سنينات ثوم كيما نشوو الفلفل

كي يطيب اللفت صفيه و خليه يقطر

في كسرونة فوق النار ضعي من اثنين الى ثلاث ملاعق زيت الزيتون و ادا ما حبيتيهش ديري زيت عادي و ضيفي ملعقة كبيرة عصير ليمون و زيدي شوي ملح ما تنسايش

بلي راكي طيبتي اللفت في الملح و زيدي شوية كمون و شوي فلفل اسود و زيدي ضيفي ليهم معدنوس و قصبر حشيش مقطعين رقيق و ضيفي الثوم المشوي و من بعد نضيف

اللفت و نخلط مليح حتى تندمج المكونات مع اللفت اتركيه مدة من سبعة حتى عشرة دقائق و نحيه من فوق النار

حقا ادا حبيتي تجيك شوية حارة ضيفي ليها فلفل احمر حار

و بصحتك احلى سلطة لفت ممكن تذوقيها

صحا سحوركم

zokhrofa

2017-06-09, 01:13

يااااااااااااااا صحيتي بربي ان شاء الله غدا نجربها و نوريلك تطبيقي انتظريني

أمنية غفران

2017-06-09, 01:26

يااااااااااااااا صحيتي بربي ان شاء الله غدا نجربها و نوريلك تطبيقي انتظريني

جربيه اختي ان شاء الله يعجبك اختي المهم قطري مليح اللفت كي تسلقيه :mh31:

و المرة الجاية ما تشريش بزاف من اللفت و اخوانه لانه غير مرغوب فيه في رمضان هههه :1:

صحا سحورك

حياة نور الدين

2017-06-09, 04:30

السلام عليكن وصباحكم مبرووووووك وربي يتقبل منا ان شاء الله الصيام والقيام

اختي الحمد الله سلكت وجابت احلى توام والحمد الله وعقبال لكل محرووووم يا رب

وهداااا باروك تفضلوا

https://b.top4top.net/p_5251w18e1.jpg (https://up.top4top.net/)

https://c.top4top.net/p_525vbp7y2.jpg (https://up.top4top.net/)

زخرفة غالي والطلب رخيس حوستتتتتتتتت ولقيت الصورة الحمد الله جرببه رووووعة خاصة حااار

https://a.top4top.net/p_525jm2rq1.jpg (https://up.top4top.net/)

امنية شكرااا على الوصفة ومقلتلناش واش طيبتي اليوم الله غالب والفت نشوف اطباقك خخخ ومعها الوصفة ربي يفرحك بدرية تقر بها عينك يا رب

تفضلوا هدا فطوري وربي يدوم النعم

https://f.top4top.net/p_525yj5rq0.jpg (https://up.top4top.net/)

https://b.top4top.net/p_525js0ve2.jpg (https://up.top4top.net/)

https://a.top4top.net/p_525ngbgy0.jpg (https://up.top4top.net/)

https://c.top4top.net/p_525dlz5j3.jpg (https://up.top4top.net/)

https://d.top4top.net/p_525y4nqa4.jpg (https://up.top4top.net/)

https://e.top4top.net/p_5253jj9j5.jpg (https://up.top4top.net/)

https://f.top4top.net/p_525nlga16.jpg (https://up.top4top.net/)

https://a.top4top.net/p_525tk7of7.jpg (https://up.top4top.net/)

x ام رحاب x

2017-06-09, 08:42

السلام عليكم ورحمة الله وبركاته
دعاء اليوم الرابع عشر:

اَللّهُمَّ لاتُؤاخِذْني فيهِ بالْعَثَراتِ ، وَ اَقِلْني فيهِ مِنَ الْخَطايا وَ الْهَفَواتِ ، وَ لا تَجْعَلْني فيهِ غَرَضاً لِلْبَلايا وَ الأفاتِ بِعزَّتِكَ ياعِزَّ المُسْلمينَ .

x ام رحاب x

2017-06-09, 08:44

حيوتي الف مبروك على اختك يترباو في عزهم ان شاء اللع وباروكك ايشهي تسلم ايدك وكل اكلاتك اتشهي
لبنات الله ايبارك عليكم انتم نساء واقفات ماحبيتوش الركن يسماط راكم جددتوه ورجعتو فيه الحيوية والنشاط ربي يخليكم كل وحدة باسمها راكم فووووووووووووووووووووووووووووووور

x ام رحاب x

2017-06-09, 08:48

زخرزفة البارح ماشفتش سؤالك سامحيني عزيزتي
امينة غفران ربي يجازيك على الوصفات والشرح تسلمي
ميري الف صحة على الاكل ايشهي تسلم ايدك
ام سدرة الله ايبارك عليك اختي
بيلسان وسحابة باردة وفلور ليلي بصحتكم واش راكم اطيبو تسلم ايديكم

zokhrofa

2017-06-09, 11:56

صباح الخيرات و الطيابات المتنوعة

امينة المشكلة انو نلقاوه ربطة تديها بسيف عليك هههه

حياة مباااااااااارك مازاد عند اختك قوليلها زخرفة تحييك و حاسة بيك ربي يعطيها القوة ياااارب

ام رحاب اختي يعطيك الصحة معليش

fleur de lili

2017-06-09, 14:09

جمعة مباركة علي هذا اللمة العزيزة
مبروك على أخت بنتي العزيزة حياة ربي يترب فى عزكم
وشفاء العاجل للام أمين

merry_mora

2017-06-09, 16:17

الف مبروك لاختك حياة يترباو في عزها ان شاء الله
اختي زخرفة انا لفت من غير طعام بيض مانستعملووش مي كاين جواز لفت باللحم دوزني اللحم بالبصل عادي وتوابل وديري اللفت يطيب هدا واش نعرف هههههههه

والله ياحياة غير نستعرف بيك ماتعجزيش قاع على التحليات انا كي نجي ندير نفشل هههه بصحتكم
ام رحاب ان شاء الله رانا هنا كيما انا نبان من رمضان لرمضان بصك حبيت نفهم اابنات وين راحو كنت مانلحقش للصفحات والعام هدا راهي ميتة الحالة
المهم نحط طيابي راني فالكوزينة
البارح دخلتهالهم شناوة قتلتهم بالروز هههههههه

https://c.top4top.net/p_525fgq030.jpg (https://up.top4top.net/)

https://d.top4top.net/p_525xsylc1.jpg (https://up.top4top.net/)

https://c.top4top.net/p_525i8fc90.jpg (https://up.top4top.net/)

zokhrofa

2017-06-09, 17:51

mery ههههههههههههههه يعطيك الربح ضحكتيني كان تشوفي كيفاش فتحت عينيا باش نقرا الوصفة من بعد لقيت دوزني و ديري لفت هههههه مت بالصحك

قوليلي يجي مع الداند ؟ و هل بيض ولا حمر ؟ و هل في الاخير ديري معدنوس ؟

حياة نور الدين

2017-06-09, 18:20

اهلااا البنات واش راكم

ام رحاب ربي يحفظك على الادعية وشكرااا على كلامك حبيبتي

زخرفة ههههه مازلتي تحوسي على اللفت شوفي ادي من عند كل واحدة فكرة منبعد ديري طبق واكيد راح يجي بنين قوليلي تعرفي بطاطا ترفاس البنة يجي كما هي

ميري منصابني فطرت عندك نمووت على الارز بصحتكم وعلى التحلية شوفي زوجي ربي يخليه يجيب الفاكهة كل يوم حاجة ولا زوج ومنقدروش ناكلوها كامل مالا خير من تفسد نقي منها كمية مليحة ونحطها بورت مونجي ونبدل برك التقديم بصح منكثرش على تع يومين ونعاود
والفلان نحبوووه كامل خاصة بناتي ومع السخانة راكي تعرفي خخخ

ميمتي فلوغ نورتي وربي يخليك على المباركة
ونشكر كل الي هناوني على اختي وعقبال اللي متمني يا رب

حقا ميري البنات هجرونا وراحوا لبلاصة اخرى ههههه ربي يهنيبهم على خاطر المنتدى مرات ثقيبل وبسيف يتفتحوا الصفحات والصور متظهرش وووو بصح ثم كلش توماتيكي ههههههه

حياة نور الدين

2017-06-09, 18:22

اليوم فطوري لوبيا خضراء مقلية وفريت وشربة وبيتزا والسلطة والحمد الله
للسهرة درت سيقار وصامصة
صح فطوركم

بيان 5

2017-06-09, 18:47

اختي حياة دخلت نقلك الف الف مبروك مازاد عند اختك
صح فطوركم سلام

بيلسان91

2017-06-09, 19:20

حياة مبروك على مازاد عند اختك
وراكي ناشطة الله يبارك

سحابة باردة

2017-06-09, 21:19

صح فطوركم كامل حبباتي

أم رحاب يسلمك وربي يحفضك

ميري مطرح مايسري يمري سفرة دايمة تقرعيجة برك علاش واحد شربة وواحد حريرة كل يوم ههههه

حيوتة بالبراكة مازاد عندكم يتربى في عز والديه أن شالله وشفاء العاجل للأم الحنون

والمائدة راهي عامرة بما لذ وطاب تفتح النفس ربي يبارك ويدوم لمتكم

امينة وينهم اطباقك وافكار لبيبة لي موالفة تجبيهم معاك

حق واش قصة لي غوسات انتاع اللفت اللي طلع جديد في رمضان ونا لخبر

انا راني تفنيت على التصوير بصح اكيد

صورت غير صحن البوراك ودلاع ابعد نحطهم

راني عيانا دايخة بزاف ادعولي في هذا الأيام المباركة

رزيقة مهيش تبان مع لي كوكتاال اللي كانت مزهية بيهم الكوزينة

نقولها أدخلي توحشناك

بيلسان91

2017-06-09, 21:55

صحا فطوركم لبنات
حبيت نسقسيكم هل نقدر نحط فلكونجيلاتار كريمة الجبن درت بها اليوم مونشو بالعجينة المورقة وبقاتلي بزاف قلت مرة اخرى نستعملها

حياة نور الدين

2017-06-09, 23:23

السلام عليكن
صح فطوركم تفضلوا فطوري بسم الله
https://b.top4top.net/p_52593hyz0.jpg (https://up.top4top.net/)

https://d.top4top.net/p_5255yzdi2.jpg (https://up.top4top.net/)

https://e.top4top.net/p_525c2vfo3.jpg (https://up.top4top.net/)

https://f.top4top.net/p_525hhuua4.jpg (https://up.top4top.net/)

https://a.top4top.net/p_525mxl595.jpg (https://up.top4top.net/)

https://c.top4top.net/p_525e5mgi1.jpg (https://up.top4top.net/)

zokhrofa

2017-06-09, 23:23

صح فطوركم زينونات

حياة طبعااااااا نعرف الترفاس و نحبو بزااااف حسنا فهمت

سحابة هههه ايه راهي لامود ردي بالك تراطي

zokhrofa

2017-06-09, 23:24

حياة فكرة شابة البيتزا في رمضان عمري ما خممت فيها

حياة نور الدين

2017-06-10, 00:02

بيان وسحابة وبيلسان صح فطوركم وشكراا لكن على التهنئة خياتي
بيسو لوكان تشوفي الكوزينة تع رمضانات فاتوا متامنيش النشاط والبنات كل يشاركوا روح المنافسة والمعاندة والتطبيقات
كانت اللي تفتح الكوزينة تقترح تطبيقات وجربوها الاخةات ويقولوا رايهم فيها ووووو

سحابة بصحتكم الدلاع انا مازال ما جابهولي في الحق من العام اللي فات مجاش مليح خوفنا

حياة نور الدين

2017-06-10, 00:06

اهلاا زخرفة صح فطورك اختي ومزية لحقتلك الفكرة

والبيتزا بقاتلي العجينة من البارح كي درت ميني بتزا مالا درتها خبزة كمقبلة في بلاصة البوراك وكتغيير
مقلتلناش واش راكي طيبي ادا حبيتي طبعااا

mosta*limoges

2017-06-10, 00:18

حياة نحييك تحية إحترام و تقدير لأنك ديما واقفة على لكوزينا و منشطتها بأطباقك الرائعة وألف مبروك لأختك يترباو في عزها و عز باباهم و ربي يشفيها و لعقوبة لكل وحدة متمنية الأمومة
أم رحاب راني كل صباح ندخل للكوزينة غير باه نقرا الأدعية نتاوعك شكرا لك و جزاك الله عنا كل خير
زخرفة بيلسان و سحابة بيان أمينة وmerry_mora ماشاء الله مطرح مايسري يمري ربي يدومها نعمة وfleur de lili يعطيكم الصحة لكل الأخوات و صحا رمضانكم
توحشنا أم هدول و أطباقها إن شاءالله تكون بخير هي وعائلتها

oumelabedmh

2017-06-10, 01:53

السلام عليكم. اختي حياة شفت النداء جيت والله ظروف صحية هي. الي خلاتني مانعلقكش في هاد الركن المحبب الى قلبي راني غير نسقد فيهم وقتلتهم بالمسوس مانعرف علاه.اليوم درت شربة فارميسال بيضاء وقناوية اي بامية للي ماتعرفهاش والحمد لله. بارك الله فيكن وانا نشهد على الفترة الذهبية حتى انا كنت وراء الكواليس مانخسش. كيفاه ننوض ونطبق حتى لوكان عيانة ربي يدوم المحبة الصادقة في الله ويرجع الركن انشط واحلى بكن

oumelabedmh

2017-06-10, 03:13

نسيت نبارك لاختك.ربي يجعلهما من الصالحين يارب ويعينها وبعطيها الصحةروالقوة

x ام رحاب x

2017-06-10, 04:18

لبنات الله ايخليكم حبيباتي ويجعلها الكوزينة عامرة بخيراتكم وربي يكثر رزقكم يارب
تسلم ايديكم يالفحلات
ماشي خسارة فيكم الادعية تسلمو حبيباتي

انا هي رزيقة

2017-06-10, 12:48

السلام عليكم نهاركن سعيد مبارك فحلاتي الجميلات كيف حوالكم توحشتكم مووووووت ...... ان شاء الله راكم ملاح مع هذ الشهر المبارك .... حبيباتي حياة ميري مورا بليسان ام سدرة سحابة باردة سيليا امنية غفران شكرا شكرا شكرا على الطاولات الجملية لي راكم تزهيو بها هذ اللمة الجميلة و الله تستحقن وسام تقدير على ذلك انا نقولكم الصح هذ رمضان مقدرتش نصمد امام شقا الخدمة و الدار .... الله غالب وقيلا هذي هي ليسموها ضريبة السنين ...... خخخخخخخ المهم ربي يدومهاعليكم نعمة يا رب و يباركلكم في صحتكم امين يا رب العالمي
غاليتي ام رحاب شكرا على الادعية الجميلة لي عطرتي بها الصفحات جعلها الله في ميزان حسناتك
اختي زخرفة مشاء الله على الmenu تاعك تع رمضان خفوفي ريشة
اخواتي ام العبد فلور موستا ليموج وردة الرمال بيان صح فطوركم حبيباتي و ربي يبارلكلكم في الرزق و النعم يا رب

بنت خالتي حياة الف الف مبارك على اختك التوام ... يترباو في عز والديهم يا رب .... تسما رانا كيف كيف انا ثاني اختي ام حسام عندها توام ....... خخخخخخ

انا هي رزيقة

2017-06-10, 12:54

بنت خالتي حياة و الله اختك وجه خير و خمير .... بالصدفة البارح درت صامصة و سيغار بالديول جاوني اممم يستاهلو فمكم يا حلوات... املا نحطهم باروك ليها ومتنسايش وصليلها سلامي الحار و ربي يقومها بالف سلامة يا رب http://www11.0zz0.com/2017/06/10/14/346583610.jpghttp://www11.0zz0.com/2017/06/10/14/788885915.jpg

انا هي رزيقة

2017-06-10, 13:07

انا البارح درت شربة فريك و كباب و حميس و بوراك بالدجاج و الجبن و زدت كسرة بالقمح الكامل صحية 100 بالمائة بصح للاسف مصورتش ... و الله عيييت طول النهار واقفة .....خخخخخخ و في السهرة رحت عند ماماتي ديتلهم شوية من هذيك الصامصة و السيغار لي درتهم و شربنا بهم اتاي ... و اليوم ان شاء الله بقالي كلشي من البارح و الحمد لله ... بلاك لعشية ان شاء الله نصور في خاطركم حبيباتي ... صح فطوركم يا احلى لمة و تهلاو في رواحتيكم

حياة نور الدين

2017-06-10, 15:33

انا هي رزيقة

2017-06-10, 16:31

السلام عليكن

جابتني زقزوقة نجرييييييي توحشتك حبيبتي واش راكي والبارح تفاهمنا على الصامصة والسيقار جاوك روووووعة وربي يخليك على باروكك حبيبتي وعقبالك
وربي يحفظ حسام واخوه او اخته خخخخ
حقا امانة نوصلهالك توبة مقدرتش ترجعلك على رسالتك

زخرفة بصحتكم حبيبتي menu هايل خفيف ظريف وصحي

ام رحاب بارك الله فيك على كلامك وعلى الادعية في ميزام حسناتك

اختي موستا كلامك وكلام الاخوات اللي كما انت هو اللي خليني نتشجع ونبقى ونرجع لهدا الصرح الجميل ونتمنى كامل خياتي الي وراء الكواليس وقادرين يشاركوا تفضلوا معنا
يتوحشك الف خير يا احلى ام مهدي في الدنيا و ربي يباركلك في الصحة و النعم على صمودك في هذ الصرح الجميل و الله غير نشوف تعليقاتك و اطباقك نقول لروحي ادخلي يا مصيبة راهي حياة تبعث الحياة في الحجر ...... خخخخخخخ رجعتيني نقول شعر .......خخخخخخ وشكرا على الدعوة لام حسام لك بالمثل يا طيبة ... ايه حقا شفتي محاسن الصدف تسما البارح قاع la famille كلات صامصة و سيغار.... خخخخخخ بصحتنا ... تفكرت ام هدول الحلوة سلامي الحار لك يا ام هدولة

أمنية غفران

2017-06-10, 17:49

السلام عليكم و رحمة الله تعالى و بركاته أخواتي الكريمة

البنات بين قوسين راحتلي النت هادو يومين بقيت حايرة من هادي 4 G عندي عشر ايام برك من لي شارجيتها زعم نتاع شهر شكون صرالها كيفي و قطعوها لها النت يتسمى سريقة و لا كيفاه

.................................................. ........

مرحبا بيكم جميعا و تبارك الله على الاطايب

ام سدرة راني هنايا حبيبتي ربي يحفظك و اكيد ادا في افكار نحطهم ليكم حباباتي

رزوق مرحبا هادي غيبة

حيوتة الف مبروك لأختك ربي يكبرهم في طاعته و ربي يشافي يماهم يا رب

زخرفة ما قلتليش جربتي سلطة اللفت

...............................................

البنات العضوات و الزائرات اليوم راني نطيب في واحد الوصفة كي توجد نحطهالكم اممممممممم راهي تبان لذيذة ههههههههههه ما نقولكمش عليها لازم تصبرو حتى للسهرة ان شاء الله

..............................

بالمناسبة غدا ان شاء الله رايحة نرجع للعمل معناها رايحة تنقص مشاركاتي شوية البركة فيكم حبيباتي

.........................................

حقا قولو لي بديتو توجدو في حلوة العيد و لا مازال

........................................

هادا فطورنا البارح كان اجنحة الدجاج المقرمشة

نعطيكم الطريقتة على السريع

أجنحة الدجاج في اكياس الشواء

وضعت اجنحة الدجاج في اكياس الشواء تبلتهم ملح ما كثرتش على جال الصلصة ما تجيش مالحة فلفل اسود كمون كركم مغيرفة طماطم مصبرة مغيرفة صغيرة موطارد فصوص ثوم مقطعة شرائح و حبة بصل صغيرة مسكرفجة و ملعقتين كبار زيت وو ريقات رند و زدت قيس فنجان قهوة ماء غلقت الكيس و الى الفرن

و من بعد كي طابو حطيتهم في مول الفرن و شعلت من فوق باش يتحمرو مليح و الصلصة خليتها بجيه باش نقدمهم مع الاجنحة ما نحكيلكمش على البنة اممممممم

https://e.top4top.net/p_526pwx8k2.jpg

https://d.top4top.net/p_526ogw4s1.jpg

صحا فطوركم خياتي

أمنية غفران

2017-06-10, 18:03

ههههههههههه راني رجعت

شوفو الصدفة كي دخلت موضوع حبيبتنا الهامو القيتها حاطة الوصفة الي راني نطيبها فيها دركة هههههههههه

الي هي كريات البطاطا بصلصة السلق

معليش من بعد ان شاء الله نحطها ليكم و هاوليكم رابط الهام شوفو اطباقها ماشاء الله تحفة تبارك الله عليها ربي يحفظك الهام و يرزقك من نعيمه

http://www.djelfa.info/vb/showthread.php?t=2073835

صحا فطوركم

merry_mora

2017-06-10, 18:26

سلام لبنات واش راكم ان شاء الله لاباس والله دخلت برك نسلم عليكم اليوم راهي قاتلتني الفشلة غ،وة ادت حب ربي نرجع ونرد وااااي بدا يدوخني رمضان

اهلا بيك روزيقة توحسناك طل القمر ياختي

برك نجاوبك امينة راكي حالتي درت تاع 100 الف كي العادة في 5 ايام راحتلي ودوكا راني نخلص 350 الف قالولي نحاوها تاع ميات الف والله حرام عليهم في هاد رمضان

صح فطوركم

حياتي كلها امل

2017-06-10, 19:44

السلام عليكم وصح رمضانك كامل مولات الكوزينة مبروك عليك العتبة الجديدة يارب تكون فال خير عليك راني من ذاك انطل بصح كي مانصورش مانيش ندخل ضرك خطفت صورت فطوري اليوم
شربة فريك ماصورتهاش غراتات كرات البطاطا وفطير وسلطة طرشي مشوي http://www.up.djelfa.info/uploads/14971199944591.jpghttp://www.up.djelfa.info/uploads/149712006581361.jpghttp://www.up.djelfa.info/uploads/149712014479511.jpgوصح.فطوركم

أمنية غفران

2017-06-10, 21:39

صحا فطوركم أخواتي الكريمات

أختي ميري امالا صار هاكة نحاو نتاع مائة الف عيب عليهم بصح علاش ما يقولوش و هادي 350 شحال تشد شهر و لا شحال يا لطيف سريقة عيناني

حبيباتي هاوليكم هاد الوصفة هايلة جربوها أخواتي

كريات البطاطا بصلصة او كريمة السلق

سلقي حبيبات البطاطا المقطعة في ماء مملح و ضيفي وريقة رند و طحنيهم و تبلي البطاطا و عمليها كويرات و في كل كويرة ديري شوية جبن طري و ستفيهم في مول الفرن

الكريمة

في مقلى حطي شوي زيت و ضيفي حبة بصل صغيرة مسكرفجة وقليها مليح و ضيفي السلق الي فورتيه من قبل و ضيفي ثوم و شوي ملح وقلي مليح و ضيفي البهارات من كركم و فلفل اسود و شوي كمون و ضيفي زوج مغارف فرينة و خلطي مليح و ابداي تضيفي في الحليب حتى تثقال الصوص طفي النار و ضيفي جبن طري و خلطي مليح حتى يذوب و من بعد ضيفي هاد الصلصة الى حبيبات البطاطا و دخليها للفرن دقائق و شعلي من فوق تاخد تحميرة خفيفة و هنايا ادا حبيتي ضيفي جبن شيدار مبشورة

و بصحتكم أخواتي

https://d.top4top.net/p_526s1awz1.jpg

https://e.top4top.net/p_526rvpdo2.jpg

حياة نور الدين

2017-06-10, 22:54

السلام عليكن وصح فطووووركم

زقزوقتي ربي يخليك على الشعر وانت ونيستي على بالك بقينا غير حنا من الجيل الذهبي هههههههه

يا عمري شكوووم زارتنا ام هاجر واش راكي لك وحشة واطباقك تشهي وامانة سلميلي على ام البنين

امنية يعطيك للصحة حنونة على الاطباق والوصفات وربي يرزقك الدرية الصالحة وعودة موفقة للعمل
وعلى 4g البارح شفتهم في الفايس حطوها وطلبوا المقاطعة لانها رجعت ب 350 الف للشهر 2 جيغا ومنبعد ترجع 512 مدة شهر

ميري اهلااا اختي وسلامتك من الفشلة والسراقين تع النت هههههه

حياة نور الدين

2017-06-10, 23:13

هدا فطوري سلطة وحريرة وغراتان جلبانة لام وليد رافقتها باللحم وفاكهة وللسهرة عندي فلان كرامال والحمد لله
http://www.3rbz.com/uploads/766f9bc6dade1.jpg (http://www.3rbz.com/)

http://www.3rbz.com/uploads/d4233dfb98182.jpg (http://www.3rbz.com/)

http://www.3rbz.com/uploads/39280ae452303.jpg (http://www.3rbz.com/)

http://www.3rbz.com/uploads/a454a767e1bc4.jpg (http://www.3rbz.com/)

http://www.3rbz.com/uploads/0ab1752cd0415.jpg (http://www.3rbz.com/)

وهده الوصفة اللي تحب جربها

http://www.3rbz.com/uploads/5c6c36e6a6796.jpg (http://www.3rbz.com/)

zokhrofa

2017-06-10, 23:16

صح فطوركم

اختي أمينة لا ما درتش كامل اللفت اليوم زوجي على غفلة جابلي السردين درتو شطيطحة

سحابة باردة

2017-06-10, 23:17

صح فطوركم البارح كنت معولة نرجع مع الصور بصح خرجلي مشكل في الميكرو هبطلي المورال بويسك تعرفوني نبغي نشارك معاكم
الحمد لله خدمتو بصح معنديش تصاور بزاف ذرك نسيي نحط الصور
سلامي لحيوتة ورزيقة ولبقية البابيشات الفحلات

x ام رحاب x

2017-06-11, 04:10

السلام عليكم ورحمة الله وبركاته
دعاء اليوم السادس عشر من رمضان

اللهم وفقني فيه لموافقة الأبرار وجنبني فيه مرافقة الأشرار وآوني فيه برحمتك إلى دار القرار بإلهيتك يا إله العالمين

x ام رحاب x

2017-06-11, 04:15

لبنات سامحوني ماقدرتش انعلق عليكم راهم عينيا مراض مرانيش انشوف مليح كي انريح انعلق عليكم جميعا
وانقلكم ربي يبارك في رزقكم يارب
والي راهم ايفوتو امتحانات الباكالوريا ربي معاكم يارب بالتوفيق ان شاء الله
انا هي رزيقة منورة حنونة وشكرا على كلامك الطيب

merry_mora

2017-06-11, 10:43

بونجور عليكم
كيفاش صبحتو من الدوخة راني حاسة روحي فالزوال مليحة ووال هادي هههههههه ماديروش عليا

ام رحاب بشف اعليك حنونة وربي يخفف اعليك ان شاء الله

رزيقة والله نورتي التجمع وعلى العيا ياحليلك حاسة بيك المهم الصحة برك وكلش يجوز وبصحتكم لي سيقار جاوك الله ابارك

اختي حياة بصحتك راكي منورة كي النوارة وطتجين الحلبانة راه يشهي وعلى الفاكية والله عندك الحل انا مرات راتي نرميها تالمو تفسدلي

استناو نبعت هدا تان تروح الكتيبة هههههه

merry_mora

2017-06-11, 10:46

merry_mora

2017-06-11, 10:50

سحابة قرعجي وزيدي وحنا ورانا ايه خخخ.. شوفي انا ندير فريك ليا وراجلي وشيخي متيحبهاش نهار نديرلو فرميسال ونهار لاسوب ..

امينة بصحكتم ومرسي ع الوصفات كي العادة

merry_mora

2017-06-11, 10:53

على الانترنيت انا درتها من قوة هبطلي المورال خلصتها بايك نكره حياتي بلا بيها سورتو في رمضان كي يخلاص مانزيدش نخلصها ياختي بزاف نشوف حاجة اخرى ربي وكيلهم في هاج رمضان خدااعين واااي حابة نبكي ضيعونا هههههه

merry_mora

2017-06-11, 10:56

جابلي ربي هدرت بزاف ههههه
المهم نحطلكم تاع لول بارح
بارح درت غير لحشيش قتلتهم بشلايض ونسيت نصور درت لوبيا تفصاص ادا تعرفوها

https://f.top4top.net/p_527esfpg0.jpg (https://up.top4top.net/)

https://e.top4top.net/p_527hyswl0.jpg (https://up.top4top.net/)

merry_mora

2017-06-11, 14:27

هايليك زخرفة
https://b.top4top.net/p_527gtfcv0.jpg (https://up.top4top.net/)

sabinaz

2017-06-11, 14:38

zokhrofa

2017-06-11, 15:24

زخرفة هههههههه والله انا اجنهدت باش لقيتلك وصفة وتتشرطي ههههههه راه صاريلك كي حالتي كي تزوجت جديدة شيخي طايح اعليا غير بالبسباس وماكنش عندي نت قريب ناضت شجرة فالفريجار منو مانعرفش قاع واش ندير بيه وكي رجعت عندي نت ولا مايجيبوش

اسمعي من بعد نصورلك وحج الوصفة واقيل كيما لي كتبتهالك في وحد الكتاب تاع عام جدي قديم هههه ماما مدتهولي بالاك نلقالك

سلامي الحار لكل الحراير

ههههههههههههه ضحكتيني ربي يعطيك الربح

عجبتني تاع البسباس

احنا نديروه محشي كيما الدولمة

و نديروه مفور فالشلاظة

او خضر مقطع هلال رقاق فالشلاظة

او جواز بطاطا بالبسباس و المعدنوس و اللحم غنمي مممممممممممم يهبّل

نديرو فالعدس مقطع مربعات

كاش ما نزيد نتفكر نقولك

بالاك كاش وصفة بوراك بالبسباس ههههههههههههههههه تخيلي ؟

zokhrofa

2017-06-11, 15:28

[QUOTE=merry_mora;3996904624]جابلي ربي هدرت بزاف ههههه
المهم نحطلكم تاع لول بارح
بارح درت غير لحشيش قتلتهم بشلايض ونسيت نصور درت لوبيا تفصاص ادا تعرفوها

اهدري هههههههههههه كملي كامل 350 لي خلصتيها خيرلك هههه

ربي يسترك اعطيني وصفة هذاك الخبز عجبني بزاف

و راني شفت الوصفة عجبتني ساهلة و تبان بنينة احتفظت بيها ضرك نشوف اذا ندير اليوم ولا مفاجئة اخرى تستنى فيا ههههههه

zokhrofa

2017-06-11, 15:29

سلام عليكم انا متتبعة وفية ليكم ونشكركم على المجهودات المبذولة
شفت اختي زخرفة تحوس على وصفات باللفت
انا جربت خبزة الللفت عجبتني وحبيت نشارك معاك الرابط ان شاء الله تعجبك
https://www.dztu.be/watch?v=nm6zjsdgd1s

اه بااااااااااااارك الله فيك اختي والله فرحتيني بزاف كي شاركتيني بهاذ الوصفة راح نضمها للأرشيف و نحاول نجربها

zokhrofa

2017-06-11, 15:31

راي جاتني فكرة ضرك نجمع وصفاتكم في موضوع باش ما يروحوش مع الارشيف باطل

kouka a

2017-06-11, 18:29

مساء الخير يا بطات وش احولكم ﻻباس توحشتكم مدخلتش كان ولدي مريض ودك راه بخير وش احولكم مع رمضان الله يبارك على خير لي راكم تحطو فيه
جربت نحط صور ﻻكن محب حتى مركز يحمل تقول جاهم لهبال

kouka a

2017-06-11, 18:46

http://www.m5zn.com/newuploads/2017/06/11/jpg//m5zn_d6bdbe2b58807ba.jpghttp://www.m5zn.com/newuploads/2017/06/11/jpg//m5zn_f10380b0d239d39.jpg

kouka a

2017-06-11, 18:47

http://www.m5zn.com/d/?16667247

kouka a

2017-06-11, 18:48

http://www.m5zn.com/newuploads/2017/06/11/jpg//m5zn_e6336001f6a81b1.jpg (http://www.m5zn.com/out.php?code=16667247)

kouka a

2017-06-11, 18:50

http://www.m5zn.com/newuploads/2017/06/11/jpg//m5zn_d6bdbe2b58807ba.jpg (http://www.m5zn.com/out.php?code=16667243)[URL=http://www.m5zn.com/out.php?code=16667244][IMG]http://www.m5zn.com/newuploads/2017[URL=http://www.m5zn.com/out.php?code=16667245][IMG]http://www.m5zn.com/newuploads/201[URL=http://www.m5zn.com/out.php?code=16667246][IMG]http://www.m5zn.com/newuploads/201

kouka a

2017-06-11, 18:52

لبنات راني نجرب ومن بعد نحاول دوك راني مع لفطور سï»»م

حياة نور الدين

2017-06-11, 19:49

السلام عليكن ونهاركم مبروك
واللي وليداتها يجوزوا الباك بالربح ان شاء الله

ام رحاب عزيزتي بارك الله فيك

زخرفة بصحتكم السردين والموضوع اللي رايحة ديريه راه دايراتوا ادرونو تلم فيه الوصفات اللي ينحطوا هنا بارك الله فيك

اختي صابيناز مرحبااااا معنا وشكراا لك

ميري دمك عسل حبيبتي وربي يفرحك واطبااااقك رووووعة الله يبارك وناس قلال الي كما انت يعملوا باصلهم مع والدين زوجهم ربي يبرك بوليداتك

كوكا اهلاااا بك راني حاولت نحطلك الصور تاعك ومعلاباليش ادا يطلعوا

http://www.m5zn.com/image.php?img=16667247.jpg (http://www.m5zn.com/out.php?code=16667247)

صح فطوركم حقا فطوري حريرة وسوفلي البيض ومقلوبة البدنجان ودرت تارت بالفواكه والفلان

سحابة باردة

2017-06-11, 20:00

https://b.top4top.net/p_5275trls1.jpg (https://up.top4top.net/)
https://d.top4top.net/p_527quvdt1.jpg

سحابة باردة

2017-06-11, 21:48

مساء النور صح فطوركم معدرة انشغلت شوي

أم رحاب على سلامتك أرتاحي ووقت ماتصيبي مرحبا بيك انتي بركة الكوزينة ياست الكل

حيوتة النشيطة ان شالله يبانولك الصور هذا المرة وبصحتكم الفطور المتنوع سلميلي على مهدي والباييشات االصغار

ميرا مور ربي يخليك على كلامك المميز كيما أطباقك وبصحتو شيخك لاسوب ربي يدوم لمتكم وشكرا على تقبل التقرعيج بصدر رحب ههههه

وطبعا كي العادة فنانة وكلشي يشهي وبخصوص الكونيكسيون ديري الفيكس وتهني ونورينا في رمضان والعيد وفي كل وقت

زخرفة راهي وصفات اللفت نازلة عليك كي المطر ههههههه هيا طبقي وزهينا الكوزينة

كوكا اختي مراكز التحميل هبلتنا كل وقيل تقهمت من أطباق رمضان ههههههه تحوس على قاطو العيد

اللي نسيتهم يسمحولي

ارزاق

2017-06-11, 21:50

السلام عليكم وصح فطوركم كاااامل والله ليكم وحشة كل يوم نقول نقول ندخل لكن الله غالب مع التربية .وزيد يخرجولي اعلانات مشي مليحا معرفتش وين المشكل

المهم حبيت نبارك لام وسيم بالسكنة نقلها الللللف مبروك والله فرحتلك من قلبي صبرتي ونلتي.

ارزاق

2017-06-11, 21:52

http://www.m5zn.com/newuploads/2017/06/11/jpg//m5zn_d6bdbe2b58807ba.jpg (http://www.m5zn.com/out.php?code=16667243)[url=http://www.m5zn.com/out.php?code=16667244][img]http://www.m5zn.com/newuploads/2017[url=http://www.m5zn.com/out.php?code=16667245][img]http://www.m5zn.com/newuploads/201[url=http://www.m5zn.com/out.php?code=16667246][img]http://www.m5zn.com/newuploads/201

صح فطورك كاوكا وشراكي راكي هنا ولا لهيه ههه شهيتيني الوصفة تعيشي

ارزاق

2017-06-11, 21:53

https://b.top4top.net/p_5275trls1.jpg (https://up.top4top.net/)
https://d.top4top.net/p_527quvdt1.jpg

صح فطورك اختي بصح وين راهي الشربة

ارزاق

2017-06-11, 21:59

تحية خاصة للاخت حياة راكي دائما واقفة علي الكوزيتة ربي يفرحك بلي في بالك .وتحية لام رحاب وشكرا علي الادعية في ميزان حسناتك .
وصاحبة الخفيف الظريف محبوبة الجماهير رزيقة ربي يكون في عونك . وصاحبة الاكل الصحي الاخت زخرفة . وامنية غفران .لدايما تشاركنا وصفاتها ونصئحها

ارزاق

2017-06-11, 22:02

ارزاق

2017-06-11, 22:04

نخليكم نروح نصلي وا>ا لقيت وقت ندخل من بعد

zokhrofa

2017-06-11, 22:19

مساء النور صح فطوركم معدرة انشغلت شوي

زخرفة راهي وصفات اللفت نازلة عليك كي المطر ههههههه هيا طبقي وزهينا الكوزينة

صح فطورك اختي العزيزة سحابة ههههههههه اسكتي راكي تشوفي و انا زوجي جاه هاذ اليومين تقولشي حس اليوم قالي راني حاب بطاطا مقلية هههههههه مسكين كره الاكل الصحي واقيل

zokhrofa

2017-06-11, 22:20

تحية
وصاحبة الاكل الصحي الاخت زخرفة

صح فطورك

اهليييييييين ارزاق اختي ربي يسترك على سلامتك و ربي يعطيك كل خير في هذا رمضان قولي امين

zokhrofa

2017-06-11, 22:22

صح فطوركم خواتاتي لعزاز كوكة و ارزاق واقيل ما لحقتوش بدروس الصور لي تحطوها

رانا تفاهمنا على حاجات في خاطر البنات لي يدخلو بالهاتف و ما عندهمش بزاف الكريدي

اولا : ما تقتابسوش الصور تاع البنات باش ما تكونش اعادة الا للضرورة القصوى

ثانيا : صغرو الصور قبل ما تحملوهم في موقع التحميل اذا ما تعرفوش انا في الخدمة نعاونكم

أمنية غفران

2017-06-11, 23:09

السلام عليكم و رحمة الله تعالى و بركاته

صحا فطوركم اخواتي الكريمة و مرحبا بالوافدات

اليوم درت روطي مامات الهام ربي يحفظهم و كي العادة انا الي ناكل الزرودية بيناتنا بنينا و الله راهم مراطيين هههههههه

https://a.top4top.net/p_527gmdnz1.jpg

البنات قولو لي راكم بديتو في حلوى العيد و لا مازال و و اش راكم ناويين ديرو حلوى

هيا شوية نشاط و اش بيكم خاوتي

هاكم باش تتصحرو

https://f.top4top.net/p_527dkl691.jpg

zokhrofa

2017-06-11, 23:22

صح فطورك اختي امينة

علاش نقدرو نديرو 15 يوم قبل العيد القاطو ؟

شوفي حابة ندير مقروط ولكن ولا عمري ما درتو كاش ما تعطيني نصائح ؟

و حابة ندير حاجات خفاف ما يشدوش اليد خاصة و الجيب عامة ههههههههههههه شفت ام وليد في قناة دايرا وحد القاطو بالطابع تاع المعمول بالجلجلان عجبني ساهل ماهل ربما نديرو ان شاء الله

نزيد حاجة ما نعرف واش اعطونا اقتراحات

أم يوسف2

2017-06-11, 23:53

زخرفة وامنية نتوما الاخيرات لي دخلتو ونشطتو الحالة انا ربما مانديرش القاطو مانعرف مع وليدي اذا قدرت ان شاء الله
زحرفة حلوى ام وليد تعجبني مافيهاش اللوازم بزاف وتخرج مليحة .وعجبتني هاديك اصتبع لي خدمتهم بحلوة الترك
شهيتيني امنية فروطي الجاج امممم بصحتكم قوليلي بريتي شوية
صح سحوزكم وراكم توجوغ في بالي
قولولي ام عبيدة وابني نور عيني انقطعت اخبارهم شكون لي عندها خبر عليهم

أمنية غفران

2017-06-11, 23:54

صحا فطورك اختي زخرفة

تقدري ديري مقروظ ام اماني راهو روعة دركة نحوس لك على الرابط

و تاني كاين تاع الاخت فايزة شوفي الرابط

http://www.djelfa.info/vb/showthread.php?t=982529

ومنين راكي تحوسي على الحلوى الساهلة غير مكلفة ننصحك ب صابلي التاج تاني نتاع ام اماني ساهل ماهل هاوليك الرابط

http://www.djelfa.info/vb/showthread.php?t=1484407

أمنية غفران

2017-06-11, 23:59

أختي ام يوسف صحا فطورك

يسقسي عليك الخير حبيبتي مازالني ما ارتحتش و العطلة المرضية خلاصت لي دخلت نخدم اليوم راني غي كوراج واش نقول لأختي خليها على ربي سبحانه هو الي قادر يبدل حال بحال و يرزقنا الصحة

ما نخبيش عليكم عندي ثقة كبيرة في حلويات ام اماني و الاخوات الاخريات صراحة ما يحطوش وصفة حتى يكونو مجربينها و يمدوهالنا من قلوبهن ربي يحفظهن و يرزقهن الصحة و العافية

ان شاء الله اخواتنا ام عبيدة و ابني نور يكونو بخير هيا حباباتنا طلو علينا

صحا سحوركم

kouka a

2017-06-12, 00:24

صح فطوركم وï»» صحوركم ههههههههخخخخخخخخخخخ
حيوتا ربي يخليك على المحولة راح نحمل لي يصغر الصور
المهم تحل المسكل تاع الصور
ارزاق وشراكي حنونة ان شاء الله تكوني بخير ربي يعينك على تربية وï»»و وعرين لوï»»د
ام يوسف كيفك حنونة حتى نتي تاني ربي يعينك والقاطو ï»»زم ديري وï»»و حبات تزيني بيها طولة العيد
زخرفة وش احوالك حنونة ديري مقروط ام اماني يخرج روعة متخفيش منو راه ساهل
امينة غفران بصحتك الروطي راحت عليهم ميكلوش زرودية

kouka a

2017-06-12, 00:28

ارزاق اذا على لكيش عملت 250غ فرينة ومعها 100غ زبدة وثï»»ث مغارف كبار زيت وصفار بيضة وملح وتلمي بلماء بارد تجيك ï»»بات تهبل ولحشوة كيما تحبي انا حشيتم لحم وفرماج جاو يشهو ممممممممممم
واذ ا قصدك حجة اخر قوليلي
صح صحوركم حبوباتي

zokhrofa

2017-06-12, 00:32

اهلين ام يوسف ممممم ما نحبش حلوة الترك البنة ديالها تصرعني زيدي اعطيني فكرة اخرى ندير انا في بلاصتك الحلوى مكاش مشكل ههههه

امينة عجبتني هاذيك الصابلي قوليلي تخرجلي شابة بطوابع ؟ خاطش ما عنديش هذاش المول واش رايك ؟

و اما المقروط اعطيني تاع ام اماني لي مديتيلي ما بانليش مليح

ارجوووووووووووووك

zokhrofa

2017-06-12, 00:33

صح فطورك كوكة العزيزة واش راكي اختي

حسنا نستنى في الرابط اذا راه على يدك اعطيهولي ارجوك

x ام رحاب x

2017-06-12, 03:53

السلام عليكم ورحمة الله وبركاته
دعاء اليوم السابع عشر:
اَللّهُمَّ اهدِني فيهِ لِصالِحِ الأعْمالِ ، وَ اقضِ لي فيهِ الحوائِجَ وَالآمالِ يا مَنْ لا يَحتاجُ إلى التَّفسيرِ وَ السُّؤالِ ، يا عالِماً بِما في صُدُورِ العالمينَ صَلِّ عَلى مُحَمَّدٍ وَ آله الطّاهرينَ .

x ام رحاب x

2017-06-12, 04:00

سحابة باردة ربي يخليك حنونتي البركة فيكم انتوما الي مزهيين الكوزينة بخيراتكم ربي يحفضكم
حيوتي ربي يخليك حنونة
زخروفة شكرا على نصايحك تسلمي
امينة تسلمي على الوصفات في ميزان حسناتك
حبيبتي ارزاق هادي غيبة يالعزيزة توحشناك ربي يعينك التربية ماشي ساهلة وماتقطعيناش شوفي المشكل وخدميه واقعدي معانا
كوكا الحمد الله شفنا صورك مزالكي فحلة حبيبتي تسلم ايدك ليكيش ايشهو

أمنية غفران

2017-06-12, 11:52

السلام عليكم أخواتي الكريمة

زخرفة راني في العمل ادخلت باش نعطيك رابط المقروظ اسمحيلي نسيت ما حطيتوش لك في السحور اتفضلي الرابط

http://www.djelfa.info/vb/showthread.php?t=1368559

هاكي قبل ما ننسى شوفي حلويات اسمهان روعة ننصحك بحلوى الفلسطينية راهو هنايا

http://www.djelfa.info/vb/showthread.php?t=1901417

و حلوى قاطو النمرة شوفي الرابط

http://www.djelfa.info/vb/showthread.php?t=1746955

العشية نتلاقاو ان شاء الله

صحا فطوركم

mordia

2017-06-12, 11:59

السلام علييكم يا حباباتي ...
حبيت نشتكي لكم والشكوى لا تكون غير لله
راني اكتشفت بللي راني مريضة بالسكري مؤخرا...عافاكم الله منه..
الى تعرفوا كاش دوا او حاجة يديروها فانصحوني ....راني عاد مدير في التحاليل...
انا deja عندي الضغط....عافاكم الله..سامحوني مسبقا..

merry_mora

2017-06-12, 13:00

واخيرا رجعو النت تبا لهم

ان شاء الله لااكم ملاح نحط هادو بعد نرجع ونعلق ...زخرفة هداك الخبز تاع ام وليد طولتو برك ههه رجعت كي تتلفلي نشوف ونطبق

اسمو فاليوتوب خبز الباغيت
https://dztu.be/HB7lpzBg4vg

اني حطصت رابط مانعرف ليتقرا

merry_mora

2017-06-12, 13:04

هادو تاع البارح يايما اليوم سخانة خفت ندخل للكوزينة نبرونزي هههههه

https://c.top4top.net/p_528pmmim0.jpg (https://up.top4top.net/)

https://d.top4top.net/p_52861x361.jpg (https://up.top4top.net/)

https://e.top4top.net/p_5286ynn22.jpg (https://up.top4top.net/)

أم يوسف2

2017-06-12, 13:23

سلام كوكا وشراكي اختي والله ماعلابالي حابة نذير القاطو وقادرة ندير مي وخفت ينوض يبكيلي بصح كي نصحتيني نحاول
زخرفة مليح تديري الحلوى في بلاصتي وتبعتيلي خخخخ شوفي شدي عجينة الصابلي وديري منها اشكال عديدة خخخخ
والجماعة ان شاء الله تكونوا كامل بخير
الاخت لي قالت بلي راهي مزيضة السكري الحمدلله على كل حال هكدا ولا اكثر حاولي تتأقلمي معاه برك ولازم تشزبي الدوا. ماتخليش روحك انا عجوزتي وشيخي في زوج مراض بالسكري والضغط بصح يشربوا دواهم فالوقت ووالفوه ودايمن يقولوا هادي حلجة تاع ربي بالشفا عليك اختي

cilia

2017-06-12, 13:26

صباح الخير عليكم يا وجوه الخير
نهاركم مبروك ، اسمحمولي مرانيش ندخل بزاف الانترنت راهي مقطوعة في الدار و في الخدمة معنديش كامل الوقت و تانيك الكونكسيون عيانة هبلتني المنتدى ميحبش ينحل مرانيش عارفة الا كامل عندكم هذا المشكل او غي أنا
المهم شفت كامل طيابكم ما شاء الله يهبل بصحتكم و ربي يزيدكم الموائد تحفة
حيوتة مبروك على اختك التوأم يترباو في عزها ان شاء الله و تشوفهم من الصالحين

cilia

2017-06-12, 13:33

ام يوسف واش ؤاكي حبيبة و واش راه البيبي يادرا كاش قباحة و لا عاقل

رزيقة16

2017-06-12, 21:45

صحة رمضانكم يا الغاليات ا صحة فطوركم نشالله متكونوش نسيتوني رني دخلت باش نقولكم راني زيدت و الحمد لله عندي بنوتة سميتها سيليا
عندي 20 يوم حتي لليوم باش قدرت تدخل عيت شوية غلي خاطر زيدت با العملية

zokhrofa

2017-06-12, 22:46

صح فطوركم كاااامل

و صحيتو بزاف على المساعدة نرجعهالكم ان شاء الله

هاوليك تطبيقي لخبز ماري

http://www.up.djelfa.info/uploads/14973036484322.png

و درت الجواز تاع اللفت اخيرا هههه تاع ماري برك زدت فيه راس الحانوت و الباطاطا و درتو بالداند ماشي باللحم ماصورتش هههه كنت مزروبة لكن ذوق شبااااااب

RIMA.87

2017-06-12, 23:18

السلام عليكم ،
أختي ام وسيم مبارك عليك السكن و ان شاء الله يكون عتبة خير و العاقبة للخت حياة و كل محتاج للسكن و مبارك التوأم عند اختك حيوتة ربي يحفظهم و يجعلهم من الصالحين ،
و الاخت رزيقة16 الحمد لله على سلامتك،بارك الله لك في الموهوب لك و شكرت الواهب و بلغت اشدها و رزقت برها ان شاء الله و ربي يحفظلك الحلوة سيليا ،
اخواتي في الله رمضان مبارك و ان شاء الله تكونوا بخير و عافية ،
ما شاء الله على الاطايب لي حطيتوها كل اخت باسمها ،
اسال الله ان يبارك لكم و لنا في الرزق ،اللهم ارزقنا شكر نعمك،
اللهم تقبل منا الصيام و القيام و صالح الاعمال ،و اشف مرضى المسلمين و ارحم موتى المسلمين و ارزق الأحياء منهم يا ذا الجلال و الاكرام .
راني مرة على مرة نصور يعني بالنفحات هههه و احيانا خياتي يبعتولي كي يصورو.
أولا و آخرا نحمد الله و نشكره على نعمه .
تفضلوا بسم الله ،الحلو تاع اختي لي اصغر مني و هي آخر العنقود ربي يحفظها و يسترها و يوفقها في حياتها الخاصة و المهنية و جميع بنات المسلمين .
https://a.top4top.net/p_528xf9md0.jpg (https://up.top4top.net/)

و هذا طبق دجاج في الفرن مع صلصة حمرا و بطاطا مقلية من عند اختي ام مريم.
https://a.top4top.net/p_528mzn450.jpg (https://up.top4top.net/)

و البارح جربت مطلوع الكوشة للاخت فريال جزاها الله خيرا جا ما شاء الله لكن للامانة اضفت كمية تاع سميد و جا ما شاء الله .
https://f.top4top.net/p_528bks4y0.jpg (https://up.top4top.net/)

و هذي كوكا درتها بالشكشوكة طرشي و بصل و طماطم وطبقت العجينة البرونزية للاخت امنية غفران نقولك اختي امنية جزاك الله خيرا و ربي يرزقك من فضله ،جات احسن من العجينة المورقة و عجبت العايلة و مع زدت حمرتها زيادة جات تقرمش ما شاء الله و بعثت منها ذواقة و طلبو وصفة العجينة:19::19:
https://a.top4top.net/p_528kmx6e0.jpg (https://up.top4top.net/)

و هذا بوراك بالسلق و الجبن و البيض بالديول صنع منزلي بوصفة ام وليد ناجحين ما شاء الله ،و جربت وصفة الاخت الصوامعية من المنتدى كذلك نجحتلي جزاهن الله خيرا .
https://b.top4top.net/p_529m82bc0.jpg (https://up.top4top.net/)

و اخيرا تورت من اروع ما يكون بالسلق و الجبن و الزيتون ،ما شاء الله عجبتهم ،درتها اكثر من مرة .
https://c.top4top.net/p_5287rdbh0.jpg (https://up.top4top.net/)

نقوللكم في امان الله

سبحانك اللهم و بحمدك اشهد ان لا اله الا انت استغفرك و اتوب اليك

اريج 07

2017-06-13, 00:36

هااااااي انا جيييييت
ثحى فطوركم حبايبي وحشتكم مووووت
واش هذا الكوزينة راقدة ااااو افطنو لا نجيكم بالبشماق تاع ام ياسو شوية همة اوكي صابروني نجمل لبنات و ندخل غدوى اوكى ههههه حبكم و صحى صحوركم موااااااحاتي بالجغابل على قول طاطاتي سور راها تقرعج ههههه 😉😉😉😉😄😄😄😄

x ام رحاب x

2017-06-13, 04:44

السلام عليكم ورحمة الله وبركاته
دعاء اليوم الثامن عشر من شهر رمضان
" اَللّهُمَّ نَبِّهني فيهِ لِبَرَكاتِ أسحارِهِ ، وَ نوِّرْ قَلْبي بِضِياءِ أنوارِهِ ، وَ خُذْ بِكُلِّ أعْضائِي إلى اتِّباعِ آثارِهِ ، بِنُورِكَ يا مُنَوِّرَ قُلُوبِ العارفينَ

x ام رحاب x

2017-06-13, 04:46

اريج نورتي حبيبت قلبي اهلا وسهلا بيك كوزينة نورت

أمنية غفران

2017-06-13, 12:07

السلام عليكم و رحمة الله تعالى و بركاته

أخواتي الكريمات نهاركم مبروك

أختي مرضية ان شاء الله ما يكون غي الخير قاتي راكي مازال مع التحاليل ما تقلقيش روحك بلاك راهو طلعلك شوية برك سكر و ان شاء الله ما يكون غي الخير و ارمي حمولك على ربي سبحانه

اختي ريمة اطايبك تبارك الله يعطيك الصحة انتي وخياتك ربي يحفظهم و فرحت بزاف كي جربتي كوكة بالعجينة البرونزية و عجبتكم ربي يحفظك

زخرفة عجبوني خبيزاتك و اخيرا طيبتي اللفت ههههههههه شفتي الروابط الي حطيتهم لك على مقروظ ام اماني و حلويات اسمهان

أختي رزيقة مبروك ما زاد عندك ربي يكبره في طاعته ما جبتيلناش الطمينة اممممممممممممم

ام يوسف سيليا اريج و حبيبتنا ام رحاب نورتو الكوزينة

حيوتة راهي غايبة عسى المانع خير

أخواتي راني شاركت في مسابقة طي المناديل هيا اضربو طلة باش تتستفادو ان شاء الله

http://www.djelfa.info/vb/forumdisplay.php?f=518

و ان شاء الله رايحة نحط ليكم طيات بسيطة و جميلة انتظروني

zokhrofa

2017-06-13, 12:08

أمنية غفران

2017-06-13, 12:12

هههههههههههههههه امينة اخيرا ايه الحمد لله لي جا بنين

امينة صحيتي بزاف على الروابط تاع ام اماني المقروط يبان بالطبع و الشان راح نديرو هو ان شاء الله

قوليلي واش رايك كان نديرو هاذ الاسبوع يبقالي شباب حتى للعيد ؟

مرحبا زوزو نهارك مبروك

مقروظ ديريه عادي هايل و ليلة او ليلتين قبل العيد عاوديله التعسيل فقط

راني ناوية ان شاء الله نديره هاد الويكاند

و البارح راني بديت في الحلوى درت المعمول درك نجيب لك تشوفي الصورة من البلا :mh31:

https://e.top4top.net/p_529ynja01.jpg

حقا مازال ما حطيتيش مشاركتك في المسابقة خلينا نشوفو ابداعك

تحياتي

zokhrofa

2017-06-13, 12:15

هاتي هاتي نشوف

بصح قوليلي طريقة كيفاش تخبي القاطو باش يبقى يبان جديد

خاطش تعرفي كاين لي دور ريحتو

وردة الرمال43

2017-06-13, 12:21

سلام حبيباتي ان شاء الله راكم بخيرالمهم نطمنكم راني زيدت والحمد لله سلكت على خير كانت صعيبة شوية مع شوية خلعه لانو الطفل شربلي الما ولكن درك الحمد لله
سميتو وسيم عبد الرحمان ربي يسترو ويحفظو وعقبال للي مزالو ان شاء الله

أمنية غفران

2017-06-13, 12:27

هاتي هاتي نشوف

بصح قوليلي طريقة كيفاش تخبي القاطو باش يبقى يبان جديد

خاطش تعرفي كاين لي دور ريحتو

الحلوى الي نديرهم نحطهم في باطة و نخبيهم في الثلاجة فقط ماشي المجمد و يومين قبل العيد نجبدهم و ما يصرالهم والو أختي ما نخبيش عليك هادي طريقتي لأني عاملة و ما عنديش الوقت علابيها لازم نلقاو حلول كيما البارح راني خطفت و درت المعمول و درك اللليلة ان شاء الله ندير نوع اخر و راني نفكر في حلوى النمرة و حلوى اخرى لحبيبتنا ام اماني راهو عاجبني هادا بالاك نديره

http://www.djelfa.info/vb/showthread.php?t=1214786

حبيت ندير حلويات بسيطة فقط للفال

و انتي حبيبتي ادا عندك الوقت ديري الحلوى في غرضك

zokhrofa

2017-06-13, 12:28

مبارك اختي وردة الرمال الحمد لله على السلامة و ربي يكبرهولك على الشفاعة و الطاعة

أمنية غفران

2017-06-13, 12:28

أهلا اهلا اختنا وردة مبروك مازاد عندك و الحمد لله على سلامتك و ربي يكبره في طاعته و تشوفيه في اعلى المراتب ان شاء الله

zokhrofa

2017-06-13, 12:40

واش من وقت يا امينة انا تان خدامة و البنات و الدار و الفطور وااااااااااااااااع ههههههه

خلاص نعتمد الفكرة ديالك ان شاء الله راه عندي كامل المكونات تاع المقروط ما عدى الغرس نقول لزوجي يجيبو اليوم نخلطو و نخليه يبات و غدا ان شاء الله نديرو

طبعا هذه احلامي ههههههه مرات نبني برنامج من بعد كلش يخسرلي بسبب طوارئ

اه شباب الرابط لي حطيتي

مازالني نستنى فالمعمول ههههههههه

أمنية غفران

2017-06-13, 12:42

أمنية غفران

2017-06-13, 12:44

ربي يعينك زخرفة العمل و التربية و الدار معادلة صعيبة صح

راني حطيته المعمول الفوقة ما بانش ليك وراني سقسيتك وينها مشاركتك في مسابقة طي المناديل

هاكي شوفي

https://e.top4top.net/p_529ynja01.jpg

zokhrofa

2017-06-13, 12:47

اه هذا وين شفتو جا شباب بزاف فكرتيني فيه بلاك نديرو و باش ما نديروش بالغرس كيما المقروط راح ربما نديرو بحلوة الحلقومة

واش من مسابقة ؟

أمنية غفران

2017-06-13, 12:54

اه هذا وين شفتو جا شباب بزاف فكرتيني فيه بلاك نديرو و باش ما نديروش بالغرس كيما المقروط راح ربما نديرو بحلوة الحلقومة

واش من مسابقة ؟

هههههههههههههههه زخرفة مسابقة طي المناديل لازم اليوم تحطي مشاركتك حبيبتي

zokhrofa

2017-06-13, 12:57

و ياااااااااااااااا البارح بعثتلي تنبيه و قلت ايه ضرك نوض و نسيت كامل حسنا ان شاء الله كي نكمل خدمتي نحاول خاطش عندي منديل تاع قماش راح نشوف واش نقدر ندير بيه

miss w19

2017-06-13, 13:02

مبروك اختي ةلعقوبة لكل وحدة ان شاء الله

انا هي رزيقة

2017-06-13, 13:21

السلام عليكم نهاركن زين و سعيد فحلاتي الجميلات كيف حوالكم ان شاء الله بخير... اختي امنية غفران جزاك الله خيرا على هذيك الطيابات المشهية لي راكي تحطي فيهم و معاهم الوصفات الزينة ...انت فعلا معطائة الى ابعد الحدود اختي ربي يرزقك واش متمنية حنونة امين يا رب .. و يا ختي خلعتيني كي بديتي تطيبي القاطو يا لهوي كيفاش ندير و لعيا راه داير حالة فيا .....خخخخخخ ربي يباركلك في صحتك حبيبة
اختي زخرفة راكي كلك نشاط و حيوية ربي يحفظك من العين ....باينة ميغلبكش رمضان ...... خخخخخخ
اختي لعزيزة رزيفة 16 و وردة الرمال الف الف مبارك مزاد عندكم يترباو في عزكم يا رب
اختي ريما سلام خاص ليك حببية و يا مامي على اطايبك انتي و اختك و الله دون مجاملة مميزة فعلا.... ربي يدومها عليكم و علينا نعمة يا رب
نداء عاجل الى بنت خالتي حياة مشفتش طاولتك تع البارح عسى المانع خير ان شاء الله
اخواتي ام يوسف ام رحاب سحابة باردة سيليا نهاركن سعيد حبيباتي
اختي ميري مورا يا مامي على طاولاتك الزاهية و الباهية لي تسر الخاطر ... نمووووت و تعرضيني كاش نهار عندك.....خخخخخ ربي يباركلك في صحتك حنونة
مريومة البسكرية و اخيرا ظهرتي حبيبة قلبي الف حمدا لله ان شاء الله تولي تنوري هذ الركن الجميل بطلاتك المميزة
حقا اختي زخرفة قريب نسيتك الخبز خرجلك هايل و الله دون مجاملة حنونة يبان فعلا جميل
الاخت المريضة بالسكري تسمحلي نسيت اسمها ... متحزنيش حنونة مهوش مرض خطير نعرف بزاف ناس عايشين نورمال بيه ... هو فقط يستلزم حمية غذائية معينة هذا مكان و ربي يشافيك يا رب انه على كل شيئ قدير
اختي ميس 19 نهارك سعيد و صح رمضانك

zokhrofa

2017-06-13, 13:23

ههههههههههه اهلا اختي رزيقة جابلك ربي ما يغلبنيش راني مزروطة كامل

احكيلنا على قاطوك لو سمحتي

أمنية غفران

2017-06-13, 13:25

حنونة رزوق و الله رجعت علاجالك نهارك مبروك و معطر بالورد و الياسمين

حبيبتي شوفي ابداعات طي المناديل و ان شاء الله يعجبوك الافكار بنات الكورزينة هيا روحو لهاد الركن و شجعو البنات ربي يحفظكم

http://www.djelfa.info/vb/forumdisplay.php?f=518

تحياتي

انا هي رزيقة

2017-06-13, 13:35

اختي زخرفة اسكتي برك و الله مزال كامل مخممتش واش ندير قاطو يا لهوي قريب العيد و معلاباليش ......خخخخخخ بصح اكيد راح ندير شوية فال راني نخمم في الغريبية بالكاوكاو يموووت عليها راجلي و نزيد شوية قاطو الطابع هذا منحبو في الدار غير لخفوفي و الساهل ...... خخخخخ
حبيبتي امنية شكرا على الترحيب حنونة ترحب بيك الجنة حبيبتي و دوك نضرب طلة على الموضوع اكيد

انا هي رزيقة

2017-06-13, 13:42

لبنات هذي عرضة خفيفة كيما انا ......خخخخخ درتها لاخي و زوجتو يحبو لخفوفي كيما انا مفيهاش لا تكليف و لايحزنون ... بما انو مفيش غريب غير حنا في حنا ...... خخخخخ درت سلطة و ارز و معقودة و اعواد كفتة و شربة فريك و الحمد لله حمدا كثيرا مباركا فيه ... هذو الكواليس http://www7.0zz0.com/2017/06/13/15/389541367.jpghttp://www7.0zz0.com/2017/06/13/15/673253509.jpghttp://www7.0zz0.com/2017/06/13/15/450231168.jpg
و هذي النتيجة مصورتش كلشي التعب الله غالب http://www7.0zz0.com/2017/06/13/15/636852074.jpghttp://www7.0zz0.com/2017/06/13/15/144198624.jpghttp://www7.0zz0.com/2017/06/13/15/673623562.jpghttp://www7.0zz0.com/2017/06/13/15/213836013.jpg

انا هي رزيقة

2017-06-13, 13:46

و درت ثاني كسرتي الجميلة و البنينة.... درتلها من الفوق دقيق النخالة ........ متنساوش تقولو مشاء الله يا حلوات .....خخخخخخخ هنا قبل http://www7.0zz0.com/2017/06/13/15/221637708.jpgو هنا بعد http://www7.0zz0.com/2017/06/13/15/424202028.jpg

انا هي رزيقة

2017-06-13, 13:48

دوك نروح نخدم شوية يا حلوات.... امبعد نولي اذا عندي الوقت ...... اللهما لك الحمد حتى ترضى و لك الحمد ان رضيت و لك الحمد بعد الرضا

RIMA.87

2017-06-13, 15:00

السلام عليكم اخواتي في الله ،
مبارك ما زاد عندك اختي وردة الرمال بارك الله لك في الموهوب لك و شكرت الواهب و بلغ اشده و رزقت بره ،و اسال الله ان يجعله من الصالحين الحافظين لكتاب الله ،

ما شاء الله على الخبز ديالك اختي زخرفة ،
اختي رزيقة بسم الله ما شاء الله على الخبز الجميل و ما شاء الله على الخفوفي،بصحتكم العرضة و القعدة و ربي يديم اللمة العائلية،و مشكوووورة على الترحيب الخاص ،ربي يحفظك و يرزقك من فضله و جميع المسلمين،

اختي امنية غفران مشكورة على تعليقك المشجع و كلامك الطيب و على اطايبك و اذا ممكن تحطيلي وصفة بطاطا سوفلي لاني و لا مرة جربتها و راهي تشهي ما شاء الله،بصحتكم و جزاك الله خيرا مسبقا،و المعمول خرج تحفة ما شاء الله .

أم يوسف2

2017-06-13, 15:28

سلام لاباس شكون بدات تدير الحلوى نستعرف بيها تكملها وتتهنى ههه
اليوم درت شريبة وجلبانة سلطة ومع الفلو تاع فراز والخوخ والمشمش هاد العام ماجات فيهم حتى بنة لكن الحمدلله

بيلسان91

2017-06-13, 17:15

حبيباتي قبل ما نروح نحط ليكم شا طيبت البارح

بطاطا سوفلييه هايلة اممممممممم

https://a.top4top.net/p_529qu9tn1.jpg

https://b.top4top.net/p_5298ukx22.jpg

https://c.top4top.net/p_529o4cah3.jpg

وادا حبيتو الطريقة مافي مشكل

تحياتي

امنية تعيشي حطيلي الطريقة راني عندي بطاطا مشرشمة فلفريجيدار خلي نستعملها ونجرب حاجة تاني :rolleyes:

بيلسان91

2017-06-13, 17:21

بيان 5

2017-06-13, 17:53

اختي وردة الرمال الف الف الف مبرووووووك

أمنية غفران

2017-06-13, 22:52

السلام عليكم و رحمة الله تعالى و بركاته

صحا فطوركم أخواتي الكريمات

اختاي ريمة و بيلسان من عيوني رايحة نحط ليكم طريقة بطاطا سوفلييه بالتفصيل الممل هههههههههههههه

;;;;;;;;;;;;;;;;;;;;;;;;;;;;;;;;;;

بالمناسبة تحية شكر و تقدير لأختنا idron ربي يحفظك أختي و يهنيك

;;;;;;;;;;;;;;;;;;;;;;;;;;;;;;;;;;;;;;;;;;;;;;;;;; ;;;;;;;;;;;;;;;;;

بطاطا سوفلييه

شوفو نعطيكم مقادير نتاع 3 غامكا و هنايا من الاحسن قديمها فردية و انتوما ضاعفو المقادير على حساب افراد عائلتكم الكريمة

المقادير

زوج حبات بيض
زوج حبات بطاطا متوسطة
زوج ملاعق كبار زبدة
جبن ابيض المتوفرعندك سواء مثلثات ولا شاف ولا باربار
6 ملاعق كبار حليب سائل
شوية ثوم مرابيي
شوية فلفل اسود و شوية عكري (فلفل احمر ماشي حار)
شوية شابليير
جبن شيدار مبشور ممكن تستغناي عنه

معدنوس مقطع رقيق

الطريقة

اول حاجة نوصيك كي تسخني الفرن زيدي سخني صينية الفرن هاديك الي نطيبو فيها الحلوى خليها تسخن حتى وقت الي نحضرو الوصفة

سلقي البطاطا في ماء مملح فيه وريقة رند و من بعد قومي بهرسها مليح و من بعد قومي بفصل صفار البيض عن البياض و ضيفي هاداك الصفار الى البطاطا و ضيفي الجبن و الثوم و فلفل اسود و شوية ملح و و المعدنوس و خلطي الكل
و من جهة سخني ستة ملاعق حليب مع اضافة هادوك زوج مغيرفات زبدة كي تشوفيها ذابت خليها تبرد شوية و ضيفي هاد الحليب الى البطاطا و خلطي مليح

و من جهة اخرى اخفقي بياض البيض حتى يولي شغل ميرانغ و هنايا ضيفي الميرانغ غي بالعقل لخليط البطاطا حتى تندمج كل المكونات مع بعض

و تكوني ادهنتي لي غامكا بالزبدة و رشيتي شابليير في الاسفل و في الجولنب

ضيفي الخليط مالازمش تعمريهم كامل خاطرش رايحة تنتفخ مثل الكيكة و ضيفي جبن شيدار ادا موجود و ضيفي رشات خفيفة من العكري فوق الخليط

و ضعي لي غامكا فوق هاديك الصينية الي كتني مخليتها تسخن كيما قلت لك و دخليهم للفرن من ربع ساعة حتى العشرين دقيقة كي تشوفيها تنفخت شعلي الفرن من فوق و خليها تدي تحميرة شابة

و بصحتكم احلى بطاطا سوفلييه خفيفة و بنينة

https://e.top4top.net/p_5296q4x41.jpg

https://f.top4top.net/p_529lo0gv2.jpg

https://a.top4top.net/p_5298t50d3.jpg

https://b.top4top.net/p_5296wzjz4.jpg

https://c.top4top.net/p_529s32p85.jpg

https://d.top4top.net/p_529p0r8z6.jpg

https://e.top4top.net/p_529e533r7.jpg

صحا سحوركم

حياة نور الدين

2017-06-13, 23:09

السلام عليكن
واش راكم البنات كل واحدة باسمها

وردة ورزيقة الف الف مبروووووك يتربى في عزكم ان شاء الله

رزيقة حنونة يسقسي عليك الخير الله فغالب التربية والوقت والصوالح والطاعلت هداك هويا ربي يكفيني الوقت قريبب نولي زومبي سمين ههههه
العرضة هايلة ماشاء الله عليك حنونة ربي يتقبل ويدوم الشمل ملموم والخبز اروووع ماشاء الله

مريومة واش راك هيا تاكلين عليك خخخ

ام رحاب نوارتنا بارك الله فيك على الادعية

امنية اهلاا بك كلشي روووعة حنونة بصحتكم ويعطيك الصحة على النشاط يا متالقة

زخرفة الخبز خرجلك يشهي بصحتكم

ريمة اهلااااااا اختي لك وحشة والله يبارك على الاطايب تاعك وتع اختك راكم شافات في بيوتكم الله يبارك

الاخت المريضة طهورا ان شاء الله ولسكر راه مرض العصر وان عمت خفت ربي يشفيك وتبعي دواك وريجيم وربي يشفيك

حياة نور الدين

2017-06-13, 23:52

تفضلوا فطوراتي للايام اللي فاتت واليوم

هدا تع لول بارح سوفلي البيض ومقلوبة البدنجان

http://www.3rbz.com/uploads/3141d941217f1.jpg (http://www.3rbz.com/)

http://www.3rbz.com/uploads/fb91ba4ef9222.jpg (http://www.3rbz.com/)

http://www.3rbz.com/uploads/9de84377ed2b3.jpg (http://www.3rbz.com/)

هدا تع البارح شربة فارميسال وشكشوكة الفلفل وبريك وسلطة والحمد الله

http://www.3rbz.com/uploads/61eef2067daf7.jpg (http://www.3rbz.com/)

http://www.3rbz.com/uploads/253a053cd4a94.jpg (http://www.3rbz.com/)

http://www.3rbz.com/uploads/438f3133b57d5.jpg (http://www.3rbz.com/)

http://www.3rbz.com/uploads/02d30674dde86.jpg (http://www.3rbz.com/)

هدا فطوري تع اليوم كورني بكريمة الجبن وماسيدوان ولوبيا خضرا جواز وتحلية تارت الفلان امممممم لام اماني

http://www.3rbz.com/uploads/637671c40ddc1.jpg (http://www.3rbz.com/)

http://www.3rbz.com/uploads/7e39976a26162.jpg (http://www.3rbz.com/)

http://www.3rbz.com/uploads/49de5a7320ea3.jpg (http://www.3rbz.com/)

http://www.3rbz.com/uploads/de21fd68adb94.jpg (http://www.3rbz.com/)

http://www.3rbz.com/uploads/8f89fd384e8b5.jpg (http://www.3rbz.com/)

http://www.3rbz.com/uploads/868d6bee67736.jpg (http://www.3rbz.com/)

http://www.3rbz.com/uploads/44164b8ba2c67.jpg (http://www.3rbz.com/)

http://www.3rbz.com/uploads/d5065f4f5aad8.jpg (http://www.3rbz.com/)

RIMA.87

2017-06-13, 23:59

السلام عليكم ،
صح فطوركم اخواتي في الله ،
جزاك الله خيرا اختي امنية غفران على الشرح الكافي و الوافي ،جعل الله مجهوداتك في ميزان حسناتك ،
اختي حياة بسم الله ما شاء الله على أطايبك ،ربي يعينك و يعينا و يتقبل منا و منكم صالح الاعمال .

سبحانك اللهم و بحمدك اشهد ان لا اله الا انت استغفرك و اتوب اليك

zokhrofa

2017-06-14, 00:47

صح فطوركم و سحوركم

هههههههه رزيقة مزال الحال مادام ما لحقوش ال10 الاواخر معناها مزال الحال

اختي ريما صحيتي اختي

اختي حياة ما خصكش طفلة تتبنايها زيديني في دفتر العائلة ههههههه راني راح نضيع مع الطياب و الكوزينة

بيلسان91

2017-06-14, 00:53

شكرا امنية على الوصفة
انا نحطلكم هادم الصورتين للبيتزا درتها ليوم ومونشو بكريمة الجبن درتو سمانة لي فاتت منعرف وانا نهار
http://www.m5zn.com/newuploads/2017/06/13/jpg//m5zn_d06e4bfcdb1771c.jpg (http://www.m5zn.com/out.php?code=16668845)
http://www.m5zn.com/newuploads/2017/06/13/jpg//m5zn_3c82ae5849b3b2c.jpg (http://www.m5zn.com/out.php?code=16668844)

x ام رحاب x

2017-06-14, 09:40

السلام عليكم ورحمة الله وبركاته
دعاء اليوم التاسع عشر

أللّهُمَّ وَفِّر فيهِ حَظّي مِن بَرَكاتِهِ ، وَ سَهِّلْ سَبيلي إلى خيْراتِهِ ، وَ لا تَحْرِمْني قَبُولَ حَسَناتِهِ يا هادِياً إلى الحَقِّ المُبينِ

x ام رحاب x

2017-06-14, 09:49

انا هي رزيقة بصحتك العرضة الخفيفة الضريفة تسلم ايدك
امينة جزاك الله كل خير حنونة على الوصفات تسلم ايدك يالفحلة
حيوتي خسارة مابانوليش الصور ديالك بصح انقلك بصحتك عزيزتي
رزيقة 16 ووردة الرمال مبروك مازاد عندكم يترباو في عزكم يترب
زخروفة يافراشة المنتدى ربي يخليك ويحفضك من كل سوء
بيلسان تسلم ايدك ايشهي ليمونشو هايلين مع البيتزا

x ام رحاب x

2017-06-14, 09:55

امينة بصحتك حلويات العيد مسبقا
زخروفة الخبز خرجلك روعة طيحي بالوصفة حبيبتي

zokhrofa

2017-06-14, 10:33

صباح الخيييييييير

ام رحاب هههههههههه من عيوني

الوصفة :

كاس حليب + ملح + حبة بيض + 1 ملعقة كبيرة سكر + نصف كيس خميرة الحلويات + ملعقة كبيرة خميرة الخبز زيد ربع كاس زيت خلطيهم حتى يتجانسو مليح

من بعد زيدي الفرينة حتى تولي عجينة تاع الخبز

احكمي ادلكيها رجعيها متجانسة

خليها ترتاح 15 دقيقة

ولي ليها و عاودي اعركيها شوية 2 دقائق بيرك شكلي مستطيل كبير و قطعيه على 2 من بعد هاذوك قطعيهم على 2 و هكذا حتى تتحصلي اضن تجيك 8 كرات انا درت اكثر صغرت الكرات باش تجيني الخبزة صغيرة

من بعد حلي الكرة بالحلال ساعدي روحك بالفرينة من التحت لكن من الفوق ما ديريش الفرينة فالعجينة ديري برك فالحلال اذا يلصق

من بعد هاذيك الخبزة المحلولة احكمي روليها و من بعد اغلقيها بصباعتيك ملييييييييح باش ما تتفتحش الرولو و في سنيوة الفرن لي راكي مغطياتو بورق الطهي او بالفرينة حطي الرولو على الجهة لي قرصتيها باش اكيد ما ينفتحش

و هكذا كملي الكرات كامل

من بعد احكمي ديري البيض فوقهم

انا رشيتهم بزريعة البسباس ولات ريحتو شااااااااااابة ما نعرف الذوق ديالكم تحبي جلجلان تحبي سانوج او زريعة الكتان او حبة الحلاوة هاذو كامل يجي الخبز بنين بيهم

و من بعد خليهم يخمرو حتى يتضاعف الحجم

في هذاك الوقت لي راهم يخمرو سخني الكوشة

و من بعد حطيه يطيب لكن تكوني نقستي كامل للفرن

كي تتحصلي على اللون لي في الصورة ديالي خرجيه

و خليه يبرد

و البصحة

zokhrofa

2017-06-14, 10:40

لبنات ما تنساوش تطلو شوية على مشاركة ديالي في هذي المسابقة و تعطوني رايكم

http://www.djelfa.info/vb/showthread.php?t=2074537

أمنية غفران

2017-06-14, 12:38

السلام عليكم و رحمة الله تعالى و بركاته

نهاركم معطر بالورد و الياسمين

زخرفة يعطيك الصحة على الخبز

أختي ام رحاب ربي يحفظك على الادعية و يهنيك

حيوتة يعطيك الصحة على الاطايب بصحتكم و ربي يعينك قولي لنا بديتي ديري الحلوى و لا مازال

أختي بيلسان راني طبقت طريقة طي المنديل ديالك شوفي

http://www.up.bagdady.com/uploads/bagdady149743980531.jpg

تحياتي

zokhrofa

2017-06-14, 13:01

اهلين اختي امينة بلا مزية انا مدتهولي ماري و شفتو من ام وليد ما انا الا مطبقة لطريقة ههههه

أمنية غفران

2017-06-14, 13:10

اهلين اختي امينة بلا مزية انا مدتهولي ماري و شفتو من ام وليد ما انا الا مطبقة لطريقة ههههه

لالا من يديك خرج روعة هادا واش يهمنا :d

بيلسان91

2017-06-14, 15:16

zokhrofa

2017-06-14, 15:33

الله يسلمك اختي امينة عينيك الحلوين

بليسان هيا خرجتي معلمة بارعة زيدي واصلي

انا هي رزيقة

2017-06-14, 16:07

السلام عليكم نهاركم سعيد يا الحلوات كيف حوالكم ...... بنت خالتي حياة حمدا لله على سلامتك و الله قلبي معاك حنونة كان الله في عونك مع التربية و رمضان و الاشغال المنزلية التي لا تنتهي ... راني وحدي و حاصلة فمابالك انتي .... بصح قتلتيني بالضحك يا مصيبة على هذيك الزامبي السميييين ....... خخخخ يا لهوي هذي قالتلهم قاع ارقدو لاني صح عمري مسمعت على زامبي سمين قاع سكولات squeletteمساكين ...... خخخخخخ و ربي يباركلك في دوك اليدين على الطاولات المشهية سورتو هدوك لي كورني شهيتيني فيهم عمري مدرتهم نيماجيني فيهم التعب بزاف و انا معنديش الوقت .....
اخواتي زخرفة و امنية عيني عليكم باردة راكم كلكم نشاط و حيوية في هذ رمضان .... ربي يبعد عليكم العين و شكرا على الوصفات جعلها الله في ميزان حسناتكن
ام رحاب غاليتي ان شاء االله ريحتي من عينيك حبيبتي و الف الف شكر على الادعية الجميلة يا طيبة
اختي بيليسان مشاء الله على اكلك و الله مميز حبيبتي دون مجاملة عندك لمسة في الطياب تعجبني بزاف و نموووت على عفويتك اختي ....ابقي دائما هكذا حبيبتي فانت رائعة و راني نشوف بلي طية المنديل تاعك دات سوكسي ... فعلا جميلة و الشكر موصول للاخت امنية على تطبيقها الموفق

انا هي رزيقة

2017-06-14, 16:12

فراشتنا زخرفة وين راكي ارواحي تشوفي تطبيقي لبوضة المانغا تاعك.... جاتني تحفة و كيما يحب خاطري انتعاش ما بعده انتعاشششششش شوفي حنونة http://www2.0zz0.com/2017/06/14/18/315053584.jpghttp://www2.0zz0.com/2017/06/14/18/494520818.jpghttp://www2.0zz0.com/2017/06/14/18/755840206.jpg

انا هي رزيقة

2017-06-14, 16:18

و هذا فطورنا اابارح خفوفي ريشة قتلتنا السخانة .....خخخخخ شربة فريك و سلاطة ودرت فطيرة على شكل بيتزا بدون صوص طوماط و لا فرماج دهنتها بزيت الزيتون و رصيت فيها قليل فقط من الطماطم و الفلفل و الزيتون و زريعة البسباس و السانوج و كي طابت زدت دهنتها بزيت الزيتون و الله جاتني امممممم تع الصح لمرافقة الشربة و الحمد لله حمدا كثيرا مباركا فيه http://www7.0zz0.com/2017/06/14/18/669094246.jpghttp://www7.0zz0.com/2017/06/14/18/631199101.jpghttp://www7.0zz0.com/2017/06/14/18/898409653.jpg

بيلسان91

2017-06-14, 19:06

zokhrofa

2017-06-14, 19:13

اه يا رزيقة شهيتيني واااااااع خرجلك هاااايل

احكيلي على البنة كيفاش جاتك ؟

cilia

2017-06-14, 19:33

هاذو شوية تصاور نتاع تحليات و اسمحولي و الله مراني نقعد و الكونكسيون في الدار كانت مقطوعة
http://www2.0zz0.com/2017/06/14/21/590188300.jpg (https://www.0zz0.com)
http://www2.0zz0.com/2017/06/14/21/891681854.jpg (https://www.0zz0.com)
http://www2.0zz0.com/2017/06/14/21/268359112.jpg (https://www.0zz0.com)
http://www6.0zz0.com/2017/06/14/21/737412104.jpg (https://www.0zz0.com)
http://www6.0zz0.com/2017/06/14/21/387209513.jpg (https://www.0zz0.com)
http://www6.0zz0.com/2017/06/14/21/286038416.jpg (https://www.0zz0.com)

cilia

2017-06-14, 19:40

http://www12.0zz0.com/2017/06/14/21/389537744.jpg (https://www.0zz0.com)
http://www12.0zz0.com/2017/06/14/21/471795164.jpg (https://www.0zz0.com)
http://www12.0zz0.com/2017/06/14/21/602210100.jpg (https://www.0zz0.com)
http://http://www4.0zz0.com/2017/06/14/21/786242901.jpg (https://www.0zz0.com)
http://http://www12.0zz0.com/2017/06/14/21/782315031.jpg (https://www.0zz0.com)
http://www12.0zz0.com/2017/06/14/21/618910321.jpg (https://www.0zz0.com)
http://www12.0zz0.com/2017/06/14/21/845250250.jpg (https://www.0zz0.com)
http://www4.0zz0.com/2017/06/14/21/269703748.jpg (https://www.0zz0.com)
http://http://www4.0zz0.com/2017/06/14/21/765342759.jpg (https://www.0zz0.com)
http://www4.0zz0.com/2017/06/14/21/786242901.jpg (https://www.0zz0.com)

حياة نور الدين

2017-06-14, 19:44

السلام عليكن راني عيااااانة وااااااع ههههههه

زخرفة اهلااا اختي وارواحي الف مرحبا بك عندي وشكراا على الوصفة

امنية اهلاا حنونة وربي يخليك على كلامك والقاطو والو لوكان صبت منديىش من غير حلوى الطابع خخخ بصح لازم ندير عندي تقىريبا عام مرحتش لدارنا مالا قلت ندير عجينة صابلي ونزوق بها زوج موديلات مقروط ام اماني انا معتمدة الوصفة وبلاك تشاراك والحمد الله وربي يعينا حنونة

زقزوقتي ههههههه شرحتلك الوضع باش منكدبش عليك نتقول زومبي تحسبوني رقيقة الصراحة راحة هههههه
وايس كريم روووعة وزيد بالمانغ ومن تحت يديك امممم تسلم الايادي
حقا الكورني اسهل منه مافيش وجدي العجينة المورقة تاعك قطعي شرائح ولفي وطيبي والحشو درت شوةية حليب مع فرماج وحركي حتى ترجع كريمة وعمري وقدمني المهم ساااااهل مااااهل خخخ ومياخدش وقت

بيلسان عجبتني طريقتك والله يبارك راكي نشيطة في الطبخ والاعمال الفنية ماشاء الله عبيك

اختي ريمة عينيك الشابين وربي يحفظك

ام رحاب خسارة مظهرولكمش الصور وربي يحفظك

zokhrofa

2017-06-14, 20:16

سلام لبنات نسيت نقوللكم البارح درت بغرير محشي في بلاصت البوراك

مممممممم مانحكيلكمش على البنة من بعد نعطيكم الوصفة

http://www.up.djelfa.info/uploads/149746765239331.jpg

http://www.up.djelfa.info/uploads/149746765242432.jpg

بيلسان91

2017-06-14, 21:09

zokhrofa

2017-06-14, 22:28

صح فطوركم

لبنات هايليك طريقة البغرير المحشي لي حابة تشوف كيفاش درتو

http://www.djelfa.info/vb/showthread.php?t=2074729

سيليا نسيت كامل نقولك اهليييييييييين و سهلين و مرحبا بيك من جديد غبتي بزاااااااااااف و مزية جبتي معاك غير لحلو ههههه هكذا راح لينا الزعاف

أمنية غفران

2017-06-14, 23:39

السلام عليكم و رحمة الله تعالى وبركاته

صحا فطوركم اخواتي

اليوم حكمني راسي بالوجع و مازالو

شكرا على الاطايب كل وحدة باسمها

البنات زورو موضوعي لطية المنديل الي رايحة نشارك بيها في المسابقة

http://www.djelfa.info/vb/showthread.php?t=2074436

اليوم درت كوكة من بعد نحط الصور ان شاء الله

و دركة درت حلوى الجلجلانية الي حابة تدي فكرة بالاك اختي زخرفة تفضلي راهي ساهلة ماهلة انا راني معتمدة نتاع السيدة صليحة بسكري الي حابة الطريقة راني حاطتها هنايا

http://www.djelfa.info/vb/showthread.php?t=1939752

صحا سحوركم

حياة نور الدين

2017-06-14, 23:53

صح فطوووركم

سيليا رووووعة ماشاء الله خاصة الخبزة المحشية ولا هداك الارز امممم مطرح ما بسري يمري

زخرفة صح فطورك تامني البارح جاتني الفكرة في راسي قلت علاش منديروش بغرير مالح سبحان الله خممتي كما انا يعطيك الصحة

هدا فطوري حريرة ودولمة وماسيدوان وفريت اوملات

https://d.top4top.net/p_530u5fyx0.jpg (https://up.top4top.net/)

https://e.top4top.net/p_530t635i1.jpg (https://up.top4top.net/)

https://f.top4top.net/p_5307ggjz2.jpg (https://up.top4top.net/)

zokhrofa

2017-06-14, 23:55

هههههههههههههههه قولي والله حياة فرحتيني كي عدنا نخمو كيف كيف هيا مالا ديريه بطريقتك و قوليلي واش درتي حشو بلاك تبدعي احسن مني

x ام رحاب x

2017-06-15, 10:22

السلام عليكم ورحمة الله وبركاته
دعاء اليوم العشرين

أللّهُمَّ افْتَحْ لي فيهِ أبوابَ الجِنان ، وَ أغلِقْ عَنَّي فيهِ أبوابَ النِّيرانِ ، وَ وَفِّقْني فيهِ لِتِلاوَةِ القُرانِ يامُنْزِلَ السَّكينَةِ في قُلُوبِ المؤمنين

x ام رحاب x

2017-06-15, 10:29

زحروفة يعطيك الصحة على الوصفة ربي يفرحك حنونة والبغرير المحشي راه مغري امممممممممممممممممممممممم
انا هي رزيقة تسلم ايدك يالشاطرة كلش ايشهي من تحت ايدك
سيليا الله ايبارك على الاطايب تحفة تسلم ايديكم انت وميمتك
حيوتي طاولتك كي العادة تحفة تسلم ايديكم

x ام رحاب x

2017-06-15, 10:40

حبيت انحطلكم الصور ماحبوش يتحمملولي مانعرف علاه

cilia

2017-06-15, 10:49

صباح الخير عليكم
بديتوا القاطو و لا مزال و واش راكم ناوين ديروا باش ندي افكار منكم ، أنا قلت منكثرش اخواتاتي قالولي احنا طيبنا في رمضان و انتي عليك القاطو و مع راني نخدم صافي معنديش كامل الوقت

merry_mora

2017-06-15, 10:51

سلام عليكم واش راكم بخير وخير كملو اباك هد مرضونا بلكونيكسيون بفففف
ان شاء الله راكم ملاح كامل

بصحتكم الاطايب فحلات ماشاء الله
زخرفة واخيرا درتي اللفت ههههه بصحتكم والخبز جاك هايل

رزيقة الله ابارك حنا ماناش خدامات ومانعرضوش ههههههه والاه نستعرف بيك ومرحبا بيك عندي نحطك في عينيا ونزهيك بالالوان هههههه شهيتيني في لامانغ صباح واييي

حياة بصحتك اختي كي العادة قمممة

سيليا جيتينا غير بالتحليات اووووو فووور بزاف حتى الاطباق ماعندي مانقول
بيليسان بصحتكم كلش هايل

مينة جاك هايل السوفلي لوكان عندي هادوك لي غامكان صغار لوكان جربتو مرسيي

وعلى القاطو انا من بكري خاطيني القاطو كنت ندير فال برك وهاد العام مانديرش بابا عندو 5 شهر من لي توفى ربي يرحمو ويوسع عليه ويلاحم كل الموتى يااارب

هدا واش شفيت اسمحولي والله بديت نعيا خخخخ نحط تاع الايام لي فاتو نسيت قاع واش حطيت..

merry_mora

2017-06-15, 10:59

https://c.top4top.net/p_531megx40.jpg (https://up.top4top.net/)

https://d.top4top.net/p_531lasbc1.jpg (https://up.top4top.net/)

https://e.top4top.net/p_531z6o7p2.jpg (https://up.top4top.net/)

merry_mora

2017-06-15, 11:10

https://e.top4top.net/p_531iokyk0.jpg (https://up.top4top.net/)

https://f.top4top.net/p_531vs4m01.jpg (https://up.top4top.net/)

أم يوسف2

2017-06-15, 14:58

سلام وشراكم لاباس
درت البارح شربة وروطي الدجاج بالبطاطا لاالهام جات حلوة يعطيعا الصحة اللهلوبة

أمنية غفران

2017-06-15, 16:01

السلام عليكم و رحمة الله تعالى و بركاته

اخواتي يعطيكم الصحة على الاطايب ربي يحفظكم كل وحدة باسمها

.................................................. ...........................

أختي ميري ربي يرحم والدك و يرزقه الجنة و يرحم جميع امواتنا برحمته الواسعة

و بالنسبة لبطاطا سوفلي ماشي شرط ديريها في ليغامكا تقدري ديريها في مول الفرن عادي

و معليش ديري حبيبات حلوى يا أختي للفال و ننصحك بالجلجلانية ساهلة ماهلة و زيدي معاها المشوك تاني ساهل و ما يديش الوقت

.................................................. .................................

نحط ليكم فطور البارح كان كوكة و الحميص و سلطة و لله الحمد

و زدت من بعد الفطور درت الجلجلانية و كنصيحة مني اخواتي ادا درتو الجلجلانية الي حطيتها ليكم نتاع السيدة صليحة بسكري ننصحكم ما كان لاه تعسلوها هي اصلا تجي خفيفة و هايلة و هشيشة

http://www.up.bagdady.com/uploads/bagdady1497538214881.jpg

http://www.up.bagdady.com/uploads/bagdady1497538215542.jpg

تحياتي

cilia

2017-06-15, 21:02

صح فطوركم حبيباتي
امينة الله يبارك بديتي القاطو مم جاك هايل
ميري مورا يعطيك الصحة على الطاولة تشهي ما شاء الله
حياة كل شيئ روعة يعطيك الصحة
زخرفة كاش قاطو و لا والو

بيلسان91

2017-06-15, 21:15

http://www.m5zn.com/newuploads/2017/06/15/jpg//db928fe47fe5201.jpg (http://www.m5zn.com/out.php?code=16670022)

http://www.m5zn.com/newuploads/2017/06/15/jpg//e403ce614f7dd8d.jpg (http://www.m5zn.com/out.php?code=16670024)
كيش تريسي درتها لبارح بنيييينة تهبل الله غالب فضتلي لابات فايتي كون اني زدت عاودتها اليوم
فصورة لولى صورتها فلبلاطو كما خرجت ملفور بعد

بيلسان91

2017-06-15, 21:19

سليا وش راكي صافا هادي غيبة وين راكي كاش كسوة للعيد كاش قاطو
انا مزلت مدرت حتشي خلاااص

بيلسان91

2017-06-15, 21:19

http://www.m5zn.com/newuploads/2017/06/15/jpg//8c3f5b5ee7f6892.jpg (http://www.m5zn.com/out.php?code=16670028)
هدا سوفلي درتو ليوم خفيف مليح

أم يوسف2

2017-06-15, 21:36

صحا فطوركم
علابالي مارهش موضوع فالطبخ بصح حبيت لي عندهم تجربة يقولولي كيفاه ندير لانو ادا كتب ربي رايحة نختن البيبي تاعي قلت الي عندها نصيحة ولا تجربة تقولهالي

أمنية غفران

2017-06-15, 22:37

السلام عليكم اخواتي الكريمات

صحا فطوركم

يعطيكم الصحة اخواتي على الاطايب

اختي سيليا راني بديت نطيب الحلوى قلت نحيها من الطريق حاجة خفيفة للفال برك بديت بالمعمول و البارح درت الجلجلانية و ان شاء الله الليلة ندير المشوك

أخواتي اليوم دربت طبق شهاني لحبيبنتا اسمهان ربي يحفظها و يرزقها من نعيمه

تفضلو شوفو تطبيقي المتواضع جربوها أخواتي راهي هايلة و للأمانة ماكانتش متوفرة عندي طماطم سوغيز درت طماطم عادي شويتها و استعملتها

أولا هاوليكم رابط الوصفة

http://www.djelfa.info/vb/showthread.php?t=2073464

.................................................. .................................................. ...

http://www.up.bagdady.com/uploads/bagdady1497561973981.jpg

http://www.up.bagdady.com/uploads/bagdady1497561974922.jpg

http://www.up.bagdady.com/uploads/bagdady1497561975443.jpg

صحا سحوركم

أمنية غفران

2017-06-15, 22:40

أختي ام يوسف مافهمتش سؤالك يعني تحوسي على التحضيرات نتاع الختانة فهمينا وان شاء الله تلقاي الافادة

حياة نور الدين

2017-06-15, 23:58

السلام عليكن
صح فطوركم البنات اليوم نهار شااااااااااق ربي يقدرنا ويقدركم اليوم درت صدقة لاصحاب راجلي ادهالهم للخدمة والحمد الله ربي يتقبل بصح مصورتش

صورت فطوري برك درت الحريرة وفريت وصبيعات السردين بلاصوص وكان باقيلي دولمة من البارح زدت دجاج محمر والحمد الله
https://e.top4top.net/p_531yb9i30.jpg (https://up.top4top.net/)

https://f.top4top.net/p_531pijvh1.jpg (https://up.top4top.net/)

https://a.top4top.net/p_531rbf092.jpg (https://up.top4top.net/)

حياة نور الدين

2017-06-16, 00:05

امنية الله يبارك راكي نشييييطة ربي يعطيك على حساب نيتك والتطبيق فووووور بصحتكم

زخرفة هههههه نهار نخمم نجربهم نخترعلهم حشوة زونقولك

ام رحاب بارك الله فيك على الدعاء والصور حملي من top4

بيلسان امممم بصحتكم كلشي يشهي ونموت على السوفلي ولي كيش بالعجينة المورقة

ميري الله يبارك عليك اطايب روووعة وربي يرحم الوالد حنونة والعرضات اسكتي برك انا غدوة عارضة عائلة زوجي 2 اخواته متزوجين وشيخي وعجوزتي و2 سلافي ماشي متزوجين وربي يقدرنا بركك

ام يوسف فهمينا في سؤالك قصدك التحضيرات عادي ختنيه وادا حابة ديري عليه اعرضي الاقربين للفطور وللسئهرة الجيران والاحباب وعادي طيبي فطور انت ومقدورك والسهرة الزلابية وقلب اللوز وزيدي كاش قاطو من تع العيد خخخخ وكاش تحلية ولا لاكريم

حياة نور الدين

2017-06-16, 00:07

سيليا اهلاا حنونة واش راكي
شوفي القاطو انا معولة على صابلي بشكلين ومقروط ونزيد تشاراك والحمد الله

أم يوسف2

2017-06-16, 00:35

أختي ام يوسف مافهمتش سؤالك يعني تحوسي على التحضيرات نتاع الختانة فهمينا وان شاء الله تلقاي الافادة

لالا حبيبتي راني على وليدي كيفاه نتعامل معاه وواش نديرلو فالجرح فهمتوني

سحابة باردة

2017-06-16, 00:38

مساء النور عليكم
حيوتة الصدقة في ميزان حسناتك ان شالله وبصحتكم الفطور يشهي
انا راني مقصرة في الكوزينة لاهتنا شوي مسابقة طي المناديل هههههه والشغل اللي مايخلاصش
أمنية الطبق خرجلك روعة بصحتكم ووصفات إسمهان مضمونة
سيليا هذي غيبوة كيراكي
أم يوسف بالبراكة على وليدك الختانة والجرح دريلو الزيت زيتون كل ما تبدليلو لي كوش ومتخليش الكليما تقربلو وثاني كبريلو لي كوش باش متوشيش الجرح وثاني الدواء الحمر مليح

حياة نور الدين

2017-06-16, 00:46

بعض الوصفات
https://e.top4top.net/p_531sjp5p0.jpg (https://up.top4top.net/)

https://f.top4top.net/p_5316fmha1.jpg (https://up.top4top.net/)

https://a.top4top.net/p_531g84b02.jpg (https://up.top4top.net/)

https://c.top4top.net/p_531n8m4w0.jpg (https://up.top4top.net/)

https://d.top4top.net/p_5311qc7q1.jpg (https://up.top4top.net/)

https://e.top4top.net/p_53137fa12.jpg (https://up.top4top.net/)

https://f.top4top.net/p_531excdt3.jpg (https://up.top4top.net/)

حياة نور الدين

2017-06-16, 00:56

ام يوسف راه فادتك سحابة انا ثان حبيت نطهر وليدي وانا معنديش الكوراج وراجلي كثر مني خخخخ

سحابة اهلااا اختي والله يسلمك وربي يخليك ماعليش المهم نعرفوا راكي بخير

سحابة باردة

2017-06-16, 02:49

حيوتة شكرا غلى الوصفات ذرك نخبيهم عندي كاش منخير منهم للعيد أن شالله
بخصوص الطهارة ماشي مليحة في الصيف افضل وقت الربيع او الشتاء مكانش العرق مع والدفئ وزيت زيتون يرتاح بالخف

بيان 5

2017-06-16, 03:40

السلام عليكم اختي ام يوسف انا طهرت ولدي الصيف الماضي واختي ايضا طهرت ولدها في الصيف بصراحة مادتلوا والوا التزمت بتعليمات الطبيب وفعلا بسرعة ارتاح الجرح درتلوا ليبوماد برك المهم الف الف مبروك مسبقا

أم عبد الله ياسين2

2017-06-16, 04:01

السلام عليكم ، انا متابعة في الخفاء كل يوم نجي نضرب طلة قبل ما نرقد حبيت اليوم نكتبلكم على جال اختي ام يوسف اختي عن تجربة ديري السمن ثوبيه وخليه يبرد و ديريه راح تتنحى البونسما وحدها و كي تتنحى ولي ديري اسمن ذايب و بارد يولي كي لابوماد ديريه في لاكوش باش متلسقش ، انا باصيت مع وليدي كي ختنتو قالولي ديريلي الزيت الزيتون مفادتش فيه ، قاتلي طبيبة قدييييمة هي الي نصحتني بالسمن و الحمد لله النتيجة هايلة ،
صحاب الكوزينة ماشاء الله عليكم

x ام رحاب x

2017-06-16, 04:11

السلام عليكم ورحمة الله وبركاته
دعاء اليوم الحادي والعشرين

أللّهُمَّ اجْعَلْ لي فيهِ إلى مَرضاتكَ دَليلاً ، و لا تَجعَلْ لِلشَّيْطانِ فيهِ عَلَيَّ سَبيلاً ، وَ اجْعَلِ الجَنَّةَ لي مَنْزِلاً وَ مَقيلاً ، يا قاضِيَ حَوائج الطالبينَ

بيلسان91

2017-06-16, 08:04

حياة شكرا على الوصفات نشالله تكوني جربتيهم وناجحين
ربي يقدرك ليوم على الطياب والعرضة
امنية الله يبارك راكي ناشطة
احنا اليوم نشالله ورا لفطور معروضين عند بنت خال ماما رح طهر ولادها ودارتنا سهرة كي نروح نحكيلكم وش دارت

x ام رحاب x

2017-06-16, 12:01

https://d.top4top.net/p_532302xs3.jpghttps://b.top4top.net/p_532entpe1.jpg

https://e.top4top.net/p_532ulol64.jpg

https://f.top4top.net/p_532jt3ic5.jpg https://a.top4top.net/p_532rtsbn6.jpg G]
[SIZE="6"][FONT="Arial"]هادو بعض اطباقي لشهر رمضان المبارك حيوتي راني وفيت بوعدي وحطيتلك الصور
الدولمة تاع الفلفل راهي وصفتك تسلم ايدك خرجتلي هايلة عجبتهم كامل ربي يخليك

دولمة تاع السلق والطبق التاني صفيحة اللبنانية وجلبانة بالبيض
وبوراك والديول نت تحت ايديا وحياة عينيا هههه راني انزوخ

x ام رحاب x

2017-06-16, 12:09

https://b.top4top.net/p_532zur1i7.jpg

https://d.top4top.net/p_532hfs4o1.jpg

https://e.top4top.net/p_532ea1e42.jpg
https://f.top4top.net/p_5329gwmt3.jpg عجيجات اللحم محشيين بالصدر تاع الجاج والفورماج وصفة ام وليد
https://a.top4top.net/p_532mdb684.jpg
https://b.top4top.net/p_532ub5d25.jpg قراتان تاع البادنجال
https://c.top4top.net/p_5321vvml6.jpg https://d.top4top.net/p_532cqzda7.jpg قراتان تاع البادنجال

x ام رحاب x

2017-06-16, 12:23

ودرت اللوبيا ماشطو قراتان
ودرت ليبولات تام ام وليد هي دارتهم بالحميصة انا بدلت الوصفة درتاها بالشيمبينو والزيتون واللحم جات روعة
وطبعا السوفلي درتو 2 انواع والسلايط تاع الخص والتونة وشبحتها بالبيطراف والزيتون والخبيزات الصغار محشيين بالفورماج
ان شاء الله يعجبوكم وصحة فطوركم

بيلسان91

2017-06-16, 12:51

لبنات ربي يعطيكم ما تتمنوا جاااوبوني
علاش كي نطيب مقرود فالفور تع الدار يجي يابس خاصة الغرس وكي يطيب فالكوشة عند البولونجي يطيب مليييح
معندكمش حل تنصحوني به كي نطيب فدار وش لازم ندير بش يطيب كيف تع لبولونجي
راني كبرت الخط ودرتو بالاحمر بش تشوفو سؤالي

سحابة باردة

2017-06-16, 15:23

مساء النور عليكم
دخلت لقيت حبيبتي أم رحاب حطت مالذ وطاب الله يبارك يشاف كلشي روعة ويشهي والصفيحة اشرحيهنا باينة حاجة شابة
وليسوفلي هايلين وثاني قراتان البادنجان المفضل عندي نموة عليه وطاجين الحلو والكفتة من يديك كأنهم خارج من لاتيلي يبرق
الله يبارك في هذوك اليدين ويفرحك باحبابك ياشاف
تمتعت ونا نتفرج في هذا الجمال

سحابة باردة

2017-06-16, 15:27

بيسو لازم السميد يكون احرش وتبسسيه مليح بسمن نوعية تبيته غير مع السمن والصباح الماءمخلط مع ماء الزهر انا اندير في الكمية اللي عانطيبها حق متنسيش الملح
والتمر دريلو شوية سمن وعجنيه بايدك وماء الزهر غير قطرات ومتنسيش القرفة والقرنفل
وإذا حبيتي قولي طريقتك باش نقوللك وين الخطأ

oumelabedmh

2017-06-16, 16:39

السلام عليكم. تقبل الله طاعاتكم.ربي يبارك فيكن اطايب روعة.حيوتة ربي يعينك عالعرضة مع ولدك صغير انا رمضان هدا طنشت العرضات. بيلسان بالاك كي راكي تطيبيه في فرن كهربائي ييبس هك كانت تصرالنا عند اهلي ودركةفي تاع الغاز عادي يجي طري.

أم يوسف2

2017-06-16, 18:32

شكرا لكل من افادتني ولو بكلمة راني استفدت من عندكم
ولازم اد كتب ربي نختنو ضوكا لانو خوه اربع سنوات ومازال ماختناهش وضوك ولا خفيف بزاف ماقدرناش نختنوه يعني نخلوه حتى يكبر شوية

أم يوسف2

2017-06-16, 18:35

اليوم درت فطور خفوفي خخخخ كيما تقول زقزوقة شربة وفريت اوملات بالجبن وسلطة

حياة نور الدين

2017-06-17, 00:25

السلام عليكن وصح فطوركم
اليوم جاز النهار والعرضة وكلشي جاز كانه منام خخخ رغم التعب والجري وووو لكن ما احلى اللمة بناتي يروحوا يطلوا على اعمامهم وباباهم وجدهم ملمين في طابلة ويجوا يضحكوا فرحانين جاتهم حاجة بيزاغ هههه المهم ربي يدوم اللمة في كل عائلة يا رب
درت حريرة وميني بيتوا وكورني معمر بشامال معمرة فرماج وطون وطاجين الزيتون بليبولات وفريت ودجاج محمر في اكياس الشواء والحلو وماسبدوان وللسهرة درت زلابية البنان وخبزة تونس صورت واش نقدر وكاين صور صورتهم قبل ما نمسح الطبسي ونزين بالحشيش والمعدنوس المهم حبيت ننقلكم شوية من عرضتي تفضلوا

https://f.top4top.net/p_532czgyi0.jpg (https://up.top4top.net/)

https://a.top4top.net/p_532tb3lg1.jpg (https://up.top4top.net/)

https://b.top4top.net/p_532yd2c32.jpg (https://up.top4top.net/)

https://c.top4top.net/p_532cqk4q3.jpg (https://up.top4top.net/)

https://d.top4top.net/p_532ypepx4.jpg (https://up.top4top.net/)

https://e.top4top.net/p_532t7w3u5.jpg (https://up.top4top.net/)

https://f.top4top.net/p_532c6uyr6.jpg (https://up.top4top.net/)

الزيتون مصورتوش بصح عندي صورة كما هو بلا ارز تع اليوم

https://b.top4top.net/p_532i5d3o8.jpg (https://up.top4top.net/)

https://c.top4top.net/p_532dsacq9.jpg (https://up.top4top.net/)

وهده للسهرة مقدرتش نصور ثان الصينية راكم عارفين الرجال غيؤ يفطروا يحبوا القهوة امنا درت قهوة ولاتاي وقدرت نصور هدي

https://a.top4top.net/p_532chhm67.jpg (https://up.top4top.net/)

ربي يتقبلل ان شاء الله

بيان 5

2017-06-17, 00:34

اختي حياة ما شاء الله وربي يعطيك القوة ان شاء الله والله راكي فحلة الفحلات

حياة نور الدين

2017-06-17, 00:36

الله يبارك عليك يا ام رحاب كلشي روووعة تفكرت زمان ربي يخليك ويعلي مقامك كما جبرتي بخاطري حبيبتي وكلشي يشهي بصحتك ويعطيك الصحة
وشكرا للدعاء

سحابة اهلااا بك اختي واش راكي

ام عبد الله ياسبن مرحبااا بك معنا وربي يخليك على المعلومة حنونة

بيان اهلااا اختي وشكرااا لك وهدي غيبة

بيلسان القطوات مجربتش منهم بصح عندي ثقة في اللي حطينهم
وعلى سؤالك شوفي شعلي الفور بسخن على 200 درجة كي بسخن طفي الفوق وحطي الصينية في الرف الوسط وخليه يطيب كي تشوفيه طاب من تحت اشعلي من فوق وهبطي صينية والحبات لصقيهم مع بعضهم من جهت التمر باش منيحرقش
ولازم متتقلقبش عليه يشد شوية طياب في فور تع تريسيتي انا يجيني يدوب في الفم ومعتمدة وصفة ام اماني ربي يدكرها على خير

امنية وزخرفة وين راكم؟؟؟؟؟؟

ام يوسف ربي يسهل ان شاء الله وبصحتكم الخفيف الظريف
نتمنى ما نسيت حتى واحدة

حياة نور الدين

2017-06-17, 00:40

بيان كلامك نعتز به حبيبتي وشكرااا على الاطراء ربي يحفظك ونقولك حنونة كل واحدة راه تضحي وتتعب على اولادها راه فحلة حنونة وانت متتخيريش عليا حنونة

fleur de lili

2017-06-17, 00:42

صح فطورك بنتي حياة يعطيك الصحة كلش بطبع.....ربي دوم عليك نعمة الصحة
ويجعل دارك دائما عامرة بلخيرات.....ويرزقك ربي دار واسعة كيما قلبك الواسع لفيه غير الخير
وشدلك في ولداتك .
صح صحورك

حياة نور الدين

2017-06-17, 01:04

والله كي نشوف مشاركتك يا ميمتي العزيزة ووردتنا قلبي ينشرح ونفرح بزااااف بكلامك ربي يفرحك ويحفظلك كل غالي وهدا من لطفك حنونتي وربي يخليك على الدعاء
وصح سحورك

بيان 5

2017-06-17, 01:11

بارك الله فيك على الكلام الطيب والله دخل قلبي طووول شكرا شكرا شكرا

مالفة لوقت هذا راني راقدة لكن الناموس دار فيا حالة رغم اني درت لاباراي

zokhrofa

2017-06-17, 01:30

سلام صح فطوركم و قريب سحوركم

حيوتة هاني جيت ماقريتش الصفحات قريت غير هاذي

واش راكم ؟

انا اليوم درت هذا الطبق بالجلبانة

http://www.up.djelfa.info/uploads/149765932546631.jpg

للطريقة

هذا الرابط http://www.djelfa.info/vb/showthread.php?t=2075189

zokhrofa

2017-06-17, 01:31

بيان اختي الناموس ادهني جسمك بالخل ما يدورش كامل بيك

zokhrofa

2017-06-17, 01:33

حياة ما شاء الله قل هو الله احد اختي على طاولة اليوم عجبتني يسلم هاذوك الديدات

بيان 5

2017-06-17, 01:34

شكرا اختي زخرفة ضرك نروح ندي جسمي نار عييت نرقد اصلا ماكملنا حراسة الباك حتى فشلت خلاص

zokhrofa

2017-06-17, 01:35

اختي ام يوسف واش راكي ؟

شوفي بما انو وليدك بيبي و يرضع فقط حليب طبيعي ما عندك ما ديريلو في الجرح يبرى وحدو و ما ينضر ما والو فقط اذا حابة تتفاداي مشاكل مع السخانة ديري دوا لحمر

من غير هذا ما عندك ما ديري راه بيبي و البول حاشاك ديالو ما يحرقوش و الجلد تم تم يبرى تاع البيبيات

طهريهم و دخليهم دين سيدنا محمد بالصحة و الهناء و يزيدو للاسلام قوة و شرف

zokhrofa

2017-06-17, 01:36

ديري على ضمانتي ترقدي حتى للصباح ان شاء الله

تصبحي بخير و ربي يكون معاك و تريحي حتني جاتك مع حلوة العيد هههههههه

بيان 5

2017-06-17, 01:38

هههه يعطيك الصحة فكرتك ماكنتش نعرفها

بيان 5

2017-06-17, 01:38

على حلوة العيد ليوم شريت واش نحتاج باش ندير ان شاء الله

zokhrofa

2017-06-17, 01:40

اه قولولي التمر كرهلي حياتي كيفاش ديرو باش تنقوه تم تم

شدلي بزاف الوقت هههههههه ولات ما عنديش القانة ندير عفايس هكذا

واش رايحة ديري بيان

حياة نور الدين

2017-06-17, 01:40

زخرفة اهلااا وصح فطورك وراني ضربت طلة على الموضوع

بيان كما قاتلك زخرفة ديري الخل

البنات تفضلوا هدا الموضوع بلاك يفيدكم

http://www.djelfa.info/vb/showthread.php?p=3996917705#post3996917705

تصبحن على خير

ام محمدْ ومريمْ

2017-06-17, 01:51

سلام
واش احوالكم ياحراير انا راني مع التربية وااااع تعبت
حياة واش راه الامير نتاعك واش راه مداير منعرف راكي متفكرتني ولا نسيتيني
راني غير نسقد فيهم رمضان هذا مابدعتش خلاص

بيان 5

2017-06-17, 01:56

ان شاء الله ندير قاطوا الجلجلانية وصابلي وغريبية الكاوكاو

zokhrofa

2017-06-17, 02:01

ان شاء الله
و صابلي تاعمن الوصفة ؟

بيان 5

2017-06-17, 02:05

نتاع اختي ههههه والله ديروا خفيف روووووعة

zokhrofa

2017-06-17, 02:09

و وقتاش تحطيلنا الوصفة ههههههههههه حتى نطلبوها ؟

بيان 5

2017-06-17, 02:19

ان شاء الله في اقرب وقت غدوة ان شاء الله راح ندير فطور لدارنا وبعد غد لاهل زوجي كل واحد نديلوا في داروا بعدها نحطها ان شاء الله

بيلسان91

2017-06-17, 02:32

هاهو وش دارونا قاطو فالسهرية]
http://www.m5zn.com/newuploads/2017/06/17/jpg//m5zn_768077e37a58030.jpg (http://www.m5zn.com/out.php?code=16671002)

http://www.m5zn.com/newuploads/2017/06/17/jpg//045d5b26da6ed95.jpg (http://www.m5zn.com/out.php?code=16670870)

http://www.m5zn.com/newuploads/2017/06/17/jpg//ddf6a6a0d852d67.jpg (http://www.m5zn.com/out.php?code=16670871)

وطربوش فيه كعبة شكولة وزوز كعبات دراجي
فالبداية دارو تاي وحليب مع هادوك القاطوات اني كليت منهم مقرود المقلة
ومباعد دارونا رفيس مع لبن ومباعد محلبي ومباعد تحلية بالفراز ولبنان

x ام رحاب x

2017-06-17, 03:51

السلام عليكم ورحمة الله وبركاته
دعاء اليوم الثاني و العشرين

أللّهُمَّ افْتَحْ لي فيهِ أبوابَ فَضْلِكَ ، وَ أنزِل عَلَيَّ فيهِ بَرَكاتِكَ ، وَ وَفِّقْني فيهِ لِمُوجِباتِ مَرضاتِكَ ، وَ أسْكِنِّي فيهِ بُحْبُوحاتِ جَنّاتَكَ ، يا مَجيبَ دَعوَةِ المُضْطَرِّينَ

x ام رحاب x

2017-06-17, 03:53

سحابة باردة وحيوتي شكرا حبيباتي على كلامكم الطيب غير انتوما الي قفتو الاطباقي الاخرين مرو عليهم كلي ماحطيت والوووووووووووووووووووووووووووووووووووو

x ام رحاب x

2017-06-17, 03:54

حيوتي بصحتهم ضيافك كلش جاك تحفة في ميزان حسناتك عزيزتي تسلم ايدك يالفحلة

بيان 5

2017-06-17, 08:13

اختي ام رحاب بارك الله فيك على الادعية والاطباق الاكثر من رائعة صدقيني حاطة باللي هدرت عليهم ماشاء الله عليك

merry_mora

2017-06-17, 10:52

سلام ان شاء الله راكم بخير

واخيرا شفت طبخ ام رحاب قبل مايخلاص رمضان هههه والله عجبني كلش رامي ماشاء الله وطيابك باين بنين شهيتيني فيه ممممم بصحتكم

merry_mora

2017-06-17, 10:56

حياة الله ابارك اختي الحمد لله لي جازت العرضة وماعييتيش بزاف انا نكره نغسل المواعن بعد الحرب هههههههه

ماشاء الله راكي درتي الخير والخمير ماعندهم مايقولوو هههه بصحتهم وربي يخيليكم دايما كيف كيف

بيليسان بصحتكم اختي رغم خرجتلي صورة وحجة برك من بعد نرجع نشوف
زخرفة بصحتك الطاجين جاك هايل

هدا واش اشفيت

المهم نحطلكم تاع لول بارح باسك بارح ماصورتش ودوك هاد السمانة نقعد غير نعاود فالاطباق نبدا نلاشي ههههه

merry_mora

2017-06-17, 11:02

https://c.top4top.net/p_533azjhg0.jpg (https://up.top4top.net/)

https://d.top4top.net/p_533yjdux1.jpg (https://up.top4top.net/)

https://e.top4top.net/p_53336d710.jpg (https://up.top4top.net/)

zokhrofa

2017-06-17, 12:07

السلام خواتاتي ان شاء الله صبحتو بخير

ام رحاب اختي والله كنت شفت الاطباق ديالك و نسيت نحط رأيي فيهم كي دخلت فالسهرة اسفة حقا ما تزعفوش والله نشوفو كامل ماكلتكم و كامل تعجبنا بزااااااااااف الله يبارك على يديكم

فقط التمسو العذر مرات الوحدة تنسى مع كل مشاغل و مرات تحسب جاوبت و هي ما حطتش اصلا رد و مرات تكون مزروبة حابة تقول حاجة و تخرج و مرات تجي تكتب يعيطلها كاش واحد في الهاتف تنسى دير رد

يعني الرسول عليه الصلاة و السلام يقوللنا التمسو 70 عذر للمسلم

راني ذكرت غير شوية برك ههههههه

والله كامل رانا هنا خواتات عند ربي و نحبو بعضانا كامل و ما عندنا حتى هدف وراء انو ما نحطوش تعقيبات على الاكلات ديالكم

zokhrofa

2017-06-17, 12:09

شكرا ماري اختي ربي يسترك و اكلك تان شباب

راني عاودت البارح الخبز لي وريتيلي و نسيت نشلطو بالموس هههههههه لكن خرج لاباس بيه

شوفي حابة نعرف اذا كاين كاش طريقة باش ما يجيش فيه بزاف اللبابة الداخل

راح المرة الجية نجرب طريقة ههههه و نشوف اذا تصدق معايا ام لا

zokhrofa

2017-06-17, 12:10

لبنات ما جاوبتونيش على سؤالي

واش هي اسرع طريقة في التخلص من علف التمر المرحي ؟

zokhrofa

2017-06-17, 12:13

عندي سؤال اخر

انا قلتلكم حابة ندير المقروط

لكن البارح انصدمت بعائق طاحلي المورال

الوصفة مكتوب فيها سميد متوسط من النوع الممتاز

و انا عندي سميد متوسط من النوع الرفيع و سميد خشن من النوع الرفيع

واش ندير بيهم ضرك هاذوك ما كنتش نعرف هذا التفصيل

نقدر نستعملهم ولا لالا ؟

بيان 5

2017-06-17, 12:15

اختي ام رحاب نتمنى ماتزعفيش

أمنية غفران

2017-06-17, 12:18

السلام عليكم و رحمة الله تغالى و بركاته

أخواتي الكريمات نهاركم مبروك

أختي ام رحاب تبارك الله عليك طيابك تحفة لوكان غي تتكرمي و تحطيلنا طريقتك في صفيحة لبنانية ديما نقول نجربها بصح ما دخلتش راسي نحط اللحم نيء فوق العجينة زعم يطيب مليح امالا كي تقولي لنا كيفاه عملتيها هاكة ندير الكوراج و نجربها ههههههههههههه
ا
أختي حياة ماشاء الله عزومة و عليها الكلام و عندك الحق ماكانش احلى من لمة العائلة

بيلسان بصحتكم السهرية و الي عجبتني طية المنديل شابة

حقا شفتو التصويت في المسابقة فيه المشاهدة كبيرة بزاف و التصويت يكاد يكون منعدم ههههههههههههه

http://www.djelfa.info/vb/showthread.php?t=2074989

اختي ميري طيابك يشهي بصحتكم

اختي ام يوسف راهم خياتنا جاوبوك يعطهم الصحة ربي يفرحك بوليداتك يارب كي اليوم تشوفيهم في اعلى المراتب

أختي بيان ربي يعينك على الحلويات

رزوق ربي يحفظك حبيت نسقسيك على كسرة او بالحرى اغروم ذا لحوال الي يديروها بهاداك البصل الاخضر عندي في العائلة امراة كبيرة راهي حكاتلي عليه بصح حبيت الطريقة الصحيحة منك باش نديرها لها

زخرفة ضحكتيني على التمر شوفي وقيلة ما شريتيش الغرس الواجد ههههههههههه

شوفي حكمي التمر نتاعك غسليه و كيما راهو ديريه يفور و هو سخون رايح يجيك ساهل تنقيه تنحيله العلف وشابو نتاعه و زيدي امرسيه بيديك و ادا عندك رحاية نتاع اللحم ارحيه فيها و هنايا قسميه و نكهيه كيما حبيتي علاحساب الوصفة مقروظ او معمول او كعك نقاش

اختي ام محمد و مريم مرحبا بيك

سحابة و اخواتها نهاركم زين الي نسيتها تسمحلي