الجزء 1 : كُوزِينَةْ الأَكْلْ الصِحِّيْ ........... مع زُخْرٌفَةٌ

[zokhrofa]

مرحبا خواتاتي

http://www.up.djelfa.info/uploads/1493109451341.png

مرحباً بالصّحابات و المعارف لحباب

كوزينة صحية فيها صحب كرام

فيها جمع الامهات و العازبات العدرات

من زيارات حسان ودروس طياب بالتفنين و التدبير

واحة الخير أختي تبتغي لقيا النساء

فيها وصفات و صور فيها ما لذّ وطاب يا سلام

والتآخي المستطب


ان شاء الله تكون عجبتكم المقدّمة خواتاتي

هذي الكوزينة حليتها باقتراح من اختي العزيزة faci samia حيث اعطاتني الفكرة انو تكون هذي الكوزينة خاصة بالاكل الصحي

بقولي أكل صحي هذا لا يعني انني اتكلّم عن الريجيم

الأكل الصحي هو الأكل لي ابتعد عليه الانسان بعدما ظهر ما يسمى بالأكل السريع بمكونات جد مضرة للانسان

اكل صحي يعني كل الأطباق البنينة تاع جدودنا لي الله يبارك عليهم رانا لحقنا بيهم وشفناهم كيفاش الصحة و العافية ماليتهم

و كيفاش احنا صغار و كل مرض حكمنا بعيد الشر عليكم

الأكل الصحي يتميّز باستعمال مواد طبيعية بنسبة 99% الى 100%

يعني راح نتشاركو أطباق يا اما فيها غير المواد الطبيعية يا اما مسموح واحد مكوّن يكون غير طبيعي مثلا لي ما عندهاش زيت الزيتون تاع الطياب معليش تستعمل الزيت النباتي من صنع الانسان هذا مثال بسيط

حسنا هذا هو تقديمي للموضوع نتمنى الفكرة تنال اعجابكم و ترحبو بيها في انتضار تفاعلكم مع الفكرة تقبلو مني فائق الاحترام و التقدير

ملاحظة : ارجوكن خواتاتي كاين بنات راهم يدخلو ب 100دج انترنت لذلك لا تقتابسو الردود باش ما تخلاصلهمش الأنترنت تم تم



ورد في هذا الموضوع :

انقري هنا : طريقة حفظ الزيوت و العسل (http://www.djelfa.info/vb/showpost.php?p=3996798607&postcount=122)

انقري هنا : وليدك علاش ما يقراش مليح (http://www.djelfa.info/vb/showpost.php?p=3996798851&postcount=124)

انقري هنا : كسكس صحي ما يضرش في معدة
(http://www.djelfa.info/vb/showpost.php?p=3996794251&postcount=19)
انقري هان : طنجرة الضغط (الكوكوطة) (http://www.djelfa.info/vb/showpost.php?p=3996801113&postcount=154)

انقري هنا : الاكل الصحي في القرآن (http://www.djelfa.info/vb/showpost.php?p=3996794269&postcount=23)

انقري هنا : البطاطا المقلية الصحية les frites (http://www.djelfa.info/vb/showpost.php?p=3996794280&postcount=26)

انقري هنا : طريقة الصحيحة لتحضير السلق (http://www.djelfa.info/vb/showpost.php?p=3996794302&postcount=29)

انقري هنا : متى يشرب الماء قبل، اثناء، او بعد أكل الطعام (http://www.djelfa.info/vb/showpost.php?p=3996794302&postcount=29)

انقري هنا : كيف تتخلصين من القهوة (http://www.djelfa.info/vb/showpost.php?p=3996801828&postcount=161)

انقري هنا : فوائد و مضار الفلفل الحار (http://www.djelfa.info/vb/showpost.php?p=3996802195&postcount=166)

انقري هنا : متى نأكل اللحوم و الكمية (http://www.djelfa.info/vb/showpost.php?p=3996811171&postcount=198)

انقري هنا : لماذا زٌخْرُفَةٌ لا تأكل اللحم (http://www.djelfa.info/vb/showpost.php?p=3996817282&postcount=241)

انقري هنا : 1-نصائح في هامة من طرف اختنا انا هي رزيقة (http://www.djelfa.info/vb/showpost.php?p=3996817380&postcount=242)

انقري هنا : 2-نصائح في هامة من طرف اختنا انا هي رزيقة
(http://www.djelfa.info/vb/showpost.php?p=3996816639&postcount=240)

انقري هنا : الفلفل الحار لن يضرك اذا .... (http://www.djelfa.info/vb/showpost.php?p=3996817503&postcount=244)

انقري هنا : نصائح الى من تريد التخلص من الكوكوطة (http://www.djelfa.info/vb/showpost.php?p=3996843264&postcount=272)

انقري هنا : الفرق بين زيت الزيتون لي نشروها من المعصرة و زيت الزيتون لي نشروها في قارورات زجاجية من الحانوت تبيعها شركة ما (http://www.djelfa.info/vb/showpost.php?p=3996849098&postcount=280)

انقري هنا : طريقة تجميد اللحم الصحيحة (http://www.djelfa.info/vb/showpost.php?p=3996855978&postcount=317)

انقري هنا : بديل ورق الالمنيوم (http://www.djelfa.info/vb/showpost.php?p=3996856360&postcount=320)

انقري هنا : طريقة تحضير السلق بطريقة سهلة و صحية (http://www.djelfa.info/vb/showpost.php?p=3996862285&postcount=334)

انقري هنا : سلطة الفلفل الحلو (http://www.djelfa.info/vb/showpost.php?p=3996862373&postcount=335)

[ام هدول]

صباح الخير زخرفة ...الفكرة هايلة لانو الاكل الصحي مانستغناوش عليه ..لازم نخلوه في اكلنا اليوم ....خاصة اكل اجدادنا لي هو من تراثنا العريق ....كان اكلهم صحي ...مئة بالمئة وكلش طبيعي دون اضافات كيميائية ...كانو يتمتعو بالصحة الجيدة ...مايعرفوش هاد الامراض ...لي كثرت في عصرنا .....
ان شاالله نشارك معاك باكل صحي لي نعرف وتعلمتو .....
https://e.top4top.net/p_480fnvo81.jpg (https://up.top4top.net/)
هديتي ليك قبل الاكل ...لانو النفسية تاني تلعب دور ...

[zokhrofa]

هااااااااااااا اوّل زائرة فعّالة ما شاء الله عليك اختي ام هدول هذاك الورد فتحلي خاطري يعطيك الصّحة

و صح كلامك و يسلمك فمك ان شاء الله تنتشر هذه الثقافة تاع الاكل الصحي في بيوتنا

و أما الأكل بمواد اخرى ليس ممنوع لو نديروه مرة في الاسبوع او في المناسبات المهم مايكونش هو المعتمد الوحيد في أكلنا

خاصة انو في وقتنا هذا رانا نعرفو ناس ياكلو كل يوم بطاطا مقلية مثلا او بيتزا او او .... القائمة طويلة

[ام جبير]

صباح الانوار و الازهار واش راهي اختي زخرفة موظوع يستاهل المتابعة ماشاء الله عليك

[ام هدول]

صح زخرفة ...لازم نحاولو نعلمو اولادنا الاكل في البيت ...اححسن ...نعرفو الايدي لي خدمتو والمواد المعملول بيها ...هدا مايمنعش ...انو ساعات نسخفو على الاكل برة خخخخخخخخخ....مرة في الغرة ماعليش ...ياخي ...ههه

[ام هدول]

زخرفة من بين الاطباق لي جربتها ...واصبحت محببة عند عائلتي ..هو الكسكس الصحي اللدييد .....

http://www.djelfa.info/vb/showthread.php?t=1914435


https://c.top4top.net/p_480hgzvt1.jpg (https://up.top4top.net/)...

[وردة الرمال43]

زخرفة يعطيك الصحة فكرة ما شاء الله ان شاء الله نفعو وننتفعو منها

[اميريم19]

يعطيك الصحة أختي زخرفة فكرة هايلة فعلا محتاجين نصححوا عاداتنا الغذائية وان شاء الله كل الاخوات يشاركوا في هاذ الركن من الكوزينة

[أم رقية نسرين]

فكرة هايلة
في قاموسنا حنا الأكل الصحي يساوي ريجيم عليها يبعدو عليه الناس بصح كون نعرفو المعنى الحقيقي تاعو بكل نتبعوه و إن شاء الله نتعودو عليه و انا شخصيا منحبش الأكل السريع مام كي نعود مسافرة ندي معايا ماكلتي من الدار

[faci samia]

السلام عليكن جميعا.
شكررررررررا زخروفة على الموضوع الرائع نتمنى يلقى ااموضوع تفاعل من العضوات الكريمات لنتشارك جميعا اطباق لذيذة وصحية لنا ولأولادنا خاصة.

[فردوس الرحمان]

موضوع في القمة زخرفة ،. بصح والله منقدر نشارك ،. انا مانكلش برا ، بصح في داري نطبخ كلش بطاطا مقلية ، بيتزا ، الحاجة لي سخفت عليها ، في النهاية الانسان يموت بصحة جيدة وخلاص ،. دك ديرو علي هجووووووم، مي الله غالب ،.

[أم سلوى]

نعم ام هدول.المرق الذي يحتوى خضر وفيتامينات...مع اكسكس

["سمية"]

السلام عليكم يا الزييين
ماخليتي والو الله يبارك ربي يحفظك
إن شاء الله راح نشاركو بواش نقدرو إن شاء الله

وصفة أمي و جدتي للسلق وصفة صحية و سريعة

تحظرين السلق تنقيه و تغسليه و ديريه على نار قليلة بلا ماء لأنو وحدو يطلق الماء تخليه 5 إلى 10 دقائق و طفي عليه

ديري في كصرونة 4 سنات ثوم مكرفجين تاع البلاد ماشي هاذيك تاع لاشين اللي. يديرولها مادة تسبب العقم عند النساء و الرجال و شوية زيت زيتون و فلفل أسود و شوية كمون و قرصة ملح و حبة بطاطا مقطعة صغيرة و حمسيهم بلاكي يتحرقو بعدها زيدي السلق اللي ذبلتيه و خليهم يطيبو شوية مع بعضاهم و طفي
سلق صحي و بنين
نتمنى يعجبكم في أمان الله

[انا هي رزيقة]

السلام عليكم مشاء الله عليك اختي زخرفة فكرة في منتهى الروعة في الحقيقة كنت دايما نخمم نفتح موضع من هذ القبيل بصح للاسف وقتي الضيق مسمحليش ...مزية قمتي بالواجب في بلاستي .....خخخخخ لاني من المدافعين الشرسين عن الاكل الصحي عموما و عن الاكلات البسيطة و الصحية تع اجدادنا الطيبين .... ان شاء الله موضوعك يلقى تفاعل عند فحلات الجلفة
و ياختي عندك وحد الزهر يكسر لحجر ....لبارح بعثتلي اختي ام حسام كسرة بالحشاوش و زيت الزيتون من اروع ميكون و اكيد اكيد داخلة في صلب موضوعك لانها صحية مليون بالمائة مشي 100 بالمائة فقط .....خخخخخخ شوفو الجمال اخواتي http://www8.0zz0.com/2017/04/25/14/357314837.jpghttp://www8.0zz0.com/2017/04/25/14/860353954.jpgو تاكل هكذاك سخونة مع زيت الزيتون ....و الله متعة مبعدها متعة ....
هذي صورة من ارشيفي تطبيق لكسرة مشابهة كانت حطتها الاخت ام كاميليا ربي يحفظها موضوع .... http://www8.0zz0.com/2017/04/25/14/828947848.jpg

[رحمة2016]

ممممم يا زخرفة راحتلي مصورتلكش طبق الامس روووعة وصحي

غراتان خضر متنوعة وصحي ولذيذ
تحكمي اي نوع من الخضر عندك
مثلا انا حكمت الجزر والكورجات والجلبانة وحبيبات فول و حبتين بطاطا كبار وقطعتهم مربعات شوي كبيرة و فورتهم .
من جهة اخرى حكمت قطعة سكالوب صغيرة درتها تغلي مع شوي رند وشوي فلفل كحل وحبة جامبو وكي تقلات درتلها قيس زوج كيسان ماء وخليتها تطيب
كي طيب الخضار شوي مهيش حتى تتفتت قيس ماتطيب غير شوي نحكمها نسوتيها في زيت الزيتون وتوم مرابي و شويبشة او معدنوس على افواج
نحطها في بلا تاع فور ونفتت فوقها الدجاج و نديرلها قيس كاس ونص مرق دجاج ونرابي فوقها اي نوع فرماج ونغطيها بالالمنيوم والى الفرن

صحية والبنة روووعة على ضمانتي
راح نعاودو بطلب العائلة ونصورهولكم

[رحمة2016]

اختي رزيقة كان غير تحطيلنا الطريقة او الرابط باين فيها تهبل

[امّ اياد]

مس الخير
زخرفة يعطيك الصحة على هدي فكرة ان شاء الله راح نشاركم وندي افكار من عندكم ونحاول نطبق على خاطر زوجي اغلب الخضار صحية ميحبهاش https://f.top4top.net/p_48090ypa8.jpg
https://e.top4top.net/p_480d1svq7.jpg
https://c.top4top.net/p_480oyc1q5.jpeg

[zokhrofa]

صح زخرفة ...لازم نحاولو نعلمو اولادنا الاكل في البيت ...اححسن ...نعرفو الايدي لي خدمتو والمواد المعملول بيها ...هدا مايمنعش ...انو ساعات نسخفو على الاكل برة خخخخخخخخخ....مرة في الغرة ماعليش ...ياخي ...ههه

طبعا اختي ام هدول أصلا قانون الحياة هو : كل ما زاد على حدّه انقلب الى ضدّه

يعني نقدرو ناكلو مرة على مرة حلويات لكن ماشي كل يوم

العائلات الجزائرية للأسف بدل ما يديرو مرة سفنج مرة مسمن مرة مثقبة مرة فطير مرة طمينة مرة خبز مطلوع

ولاو صباح كرواسون و عشية باتيسري ووووو

[zokhrofa]

زخرفة من بين الاطباق لي جربتها ...واصبحت محببة عند عائلتي ..هو الكسكس الصحي اللدييد .....

http://www.djelfa.info/vb/showthread.php?t=1914435


https://c.top4top.net/p_480hgzvt1.jpg (https://up.top4top.net/)...

مممممممممممم راني شفتو فووووووووور هايل

لكن اذا حبينا نقولو صحي 100% في مكان ما تديري زبدة + زيت الزيتون جربيه بزيت الزيتون فقط راح تشوفي كيفاش يولي خفيف على المعدة

لماذا ؟

لأنو الدهون لي في الزبدة صعيبة على المعدة بحيث طوّل في هضمها و اذا تلاقات مع اللبن او الحليب لي راح يتخمّر في المعدة يدير كارثة

طبعا كاين لي ما يضرهمش هذا الأمر لكن مع تقدّم السن راح تولي تضرهم

لذلك وعلاش ما ناكلوش صحي و احنا صغار باش كي نكبرو نعيشو سن الشيخوخة بدون امراض و بدون التزام قوانين تصبح ربما صارمة في ذلك الوقت


بعيييييييييد الشر طبعا

[zokhrofa]

مشكورة على كل ما تقدميه

فعلا الأكل الصحي..ضروري للحفاظ على الصحة
سباقة للمواضيع المفيدة مشكورة

مدونتي ..مطبخي الخاص المتواضع
http://fonouneatabkhe.blogspot.com/?m=1

اهلا اهلا اختي ام سلوى مرحبا بيك معانا في كوزينة الأكل الصحي

[zokhrofa]

زخرفة يعطيك الصحة فكرة ما شاء الله ان شاء الله نفعو وننتفعو منها

اهلا وردة أختي مرحبا بيك والله يسلمك في انتضار اطباقك الصحية ان شاء الله

[zokhrofa]

يعطيك الصحة أختي زخرفة فكرة هايلة فعلا محتاجين نصححوا عاداتنا الغذائية وان شاء الله كل الاخوات يشاركوا في هاذ الركن من الكوزينة

شكرا مريم للدعم ربي يسترك اختي و انتي تان شاركينا اطباقك الصحية

[zokhrofa]

فكرة هايلة
في قاموسنا حنا الأكل الصحي يساوي ريجيم عليها يبعدو عليه الناس بصح كون نعرفو المعنى الحقيقي تاعو بكل نتبعوه و إن شاء الله نتعودو عليه و انا شخصيا منحبش الأكل السريع مام كي نعود مسافرة ندي معايا ماكلتي من الدار

اهلا مرحبا بيك طالبة اختي

شوفي الأكل الصحي منصوص عليه في قرآن الكريم و الناس مع انو ربما كل يوم يقراو القرآن و كل يوم يحفظوه

لكن عمرهم ولا تمعنو في الآيات التي تحث على الأكل الصحي

عن الحبوب و بقول و البصل و الثوم و النبات لكن الانسان ترك كل هذا و راح لحاجات صنعها بيده و طبعا لن يصنع الانسان شيئ كامل الا ما صنع الله سبحانه و تعالى

الله خلق الداء و الدواء و حقيقة انو هناك امراض ما عندهاش دواء هي حقيقة خاطئة بل الانسان هو الذي لم يصل بعد لدواء تلك الامراض لأنّ الله خلقها

[zokhrofa]

السلام عليكن جميعا.
شكررررررررا زخروفة على الموضوع الرائع نتمنى يلقى ااموضوع تفاعل من العضوات الكريمات لنتشارك جميعا اطباق لذيذة وصحية لنا ولأولادنا خاصة.

اهلا اختي سامية ان شاء الله و انتي تان شاركينا وصفاتك الزينة الصحية

[حياتي كلها امل]

السلام عليكم شكرا زخرفة على الموضوع المتميز والرائع وانا شخصيا من محبات الاكل الصحي ومثل ما قلت مش رجيم هو نمط حياة انعيشوه فشكرا لك مرة اخرى

[zokhrofa]

موضوع في القمة زخرفة ،. بصح والله منقدر نشارك ،. انا مانكلش برا ، بصح في داري نطبخ كلش بطاطا مقلية ، بيتزا ، الحاجة لي سخفت عليها ، في النهاية الانسان يموت بصحة جيدة وخلاص ،. دك ديرو علي هجووووووم، مي الله غالب ،.

اختي فردوس مرحبا بيك

لكن من قال انو البطاطا المقلية ممنوعة ؟ او بيتزا ؟

البطاطا المقلية عندها شروط

عندما تطهى يجب ان تكون درجة حرارة الزيت لا تزيد عن 180° اذا زادت معناها راكي تطيبي بزيت محروقة سامة

عندما تقليها لا تحمّريها يعني اللون يبقى اصفر و ليس بني اذا اصبح بني معناها الزيت وصلت الى اكثر من 180 درجة معناها الزيت اصبح سام

كوليها مرة في الاسبوع او 2 لا أكثر و في الغذاء ليس في العشاء لانها تحتوي على نشويات التي تصبح سكريات و تتخمر في البطن اذاما نمتي في الليل و لم تقومي بحركة

لذلك تأكل في النهار لتهضم بشكل مناسب

اذا كليتيها احرصي على ان لا تأكلي مصدر اخر للنشويات يعني ارز او خبز الفرينة من الاحسن استعمال خبز القمح الكامل كي تاكلي بطاطا مقلية

البيتزا اذا استعملتي مواد بسيطة يعني ما ديريش 3 انواع جبن ووووووو تخلطيها كامل بامعلبات و المصبرات ماشي ممنوع تخدميها بيدك و انتي تعرفي كيفاش خدمتيها

نفس الشيء تأكل في الغذاء و ليس في الليل خاطش مخدومة بالفرينة و فيها سكر في العجين لا تهضم بسرعة

الخلاصة : كل حاجة عندها قانونها يعني حتى الشكلاطة نقدرو ناكلوها لكن ماشي كي تشري علبة ما ترقديش حتى تكمليها هههههه

[zokhrofa]

نعم ام هدول.المرق الذي يحتوى خضر وفيتامينات...مع اكسكس

صحيح انا من رأيك

[انا هي رزيقة]

اختي زخرفة نزيدلك هذو و نروح ... مقفول الخضارالقبايلي يشبه مقفول ام هدول فقط حنا ندير كل الخضار تفور طبقة على طبقة نبدا بالخضار لي تدي الوقت و ننتهي بالخضار لي متديش الوقت مثلا نحط طبقة جزر ثم لوبيا خضراء ثم لفت ثم كورجيت و جلبانة و بطاط ثم بصل و نملحو شوةي فقط كل طبقة و نغطيو و نخليهم يفورو ... و حنا طبعا ندهنو بزيت الزيتون حصريا حتى تشوفي الطعام تاعك راه يلمع هذي ضرورية جدا ...... خخخخخخ http://www12.0zz0.com/2017/04/25/15/835027393.jpghttp://www12.0zz0.com/2017/04/25/15/641327340.jpgو هذا مقفول او مسفوف كيما تقولو تع الفول و الجلبانة حنا نديرو الفول بقشورو منرموهمش ... ربي مخلقهومش باطل يا بنات ....http://www12.0zz0.com/2017/04/25/15/510049120.jpg

[zokhrofa]

اهلا بالصديقة سمية شرفتيني

نفس طريقتي لتحضير السلق

و سبحان الله كل مرة نقول من بعد نقوللهم ما تفوروش السلق و ما تغلوهش راهي هاذيك الفكرة خاطئة

السلق يطيب كيما قالت اختي سمية في ماه باش لا يفقد الحديد لي فيه

نسيتي عصرة الليمون مممممممممممممممممم

تقوللكم هذه المعلومة ربما تفيدكم

اذا لاحظتو جدودنا كل حاجة فيها سلق او قرنون او باذنجال او عدس يعصرولها الليمون صح؟

لماذا ؟

لأنّ كل هذه المواد فيها حديد و الحديد في الجسم يحتاج الى فيتامين س c لكي يثبّت في الجسم عكس هذا راح يخرج بدون ما يحتفض بيه الجسم

اذا لازم دايما كي تاكلو حاجة فيها حديد اعصرولها الليمون

اذا ما تحبوش الماكلة حامضة معليش ديرو عصير ليمون و طبعا بدون سكر يعني

احكمي كاس ماء اعصري فيه شوية ليمون و اشربيه قبل الوجبة او في الوسط و ليس بعد الوجبة

لماذا ؟
[color="navy"]
قال الشيخ ابن عثيمين رحمه الله :

" يكره الشرب في أثناء الطعام بلا عادة ، فإن كان الإنسان اعتاد هذا فلا بأس ، قال بعضهم : ويكره أيضاً بعد الطعام مباشرة بلا عادة ، وقوله : ( بلا عادة ) يفهم منه أن المسألة ترجع إلى ناحية طبية ، قالوا : لأن الشرب أثناء الطعام يفسده ، وتزول به منفعته ، وكذلك إذا شرب مباشرة ، فإذا كان قد اعتاد هذا فإنه لا يضره . وقال بعضهم أيضاً : إنه إذا شرب أثناء الطعام فإنه يشعر أن معدته كالسقاء ترجرج ، أما إذا كان هناك عادة ، فالعادات لها طبائع ثابتة ، فكثير من الناس لا يهمه أن يشرب أثناء الطعام أو بعده مباشرة فلا يضره ؛ لأنه معتاد .

ثم إن الطعام إذا كان حاراً والماء بارداً صار هناك مضرة من جهة أخرى ، وهي ورود البارد على الحار ، ومعلوم أن الحار يوجب تمدد العروق والجلد ، فإذا جاء البارد تقلص بسرعة ، فيكون في ذلك خطر " انتهى .

" الشرح الممتع " (12/366-367)

[zokhrofa]

السلام عليكم مشاء الله عليك اختي زخرفة فكرة في منتهى الروعة في الحقيقة كنت دايما نخمم نفتح موضع من هذ القبيل بصح للاسف وقتي الضيق مسمحليش ...مزية قمتي بالواجب في بلاستي .....خخخخخ لاني من المدافعين الشرسين عن الاكل الصحي عموما و عن الاكلات البسيطة و الصحية تع اجدادنا الطيبين .... ان شاء الله موضوعك يلقى تفاعل عند فحلات الجلفة
و ياختي عندك وحد الزهر يكسر لحجر ....لبارح بعثتلي اختي ام حسام كسرة بالحشاوش و زيت الزيتون من اروع ميكون و اكيد اكيد داخلة في صلب موضوعك لانها صحية مليون بالمائة مشي 100 بالمائة فقط .....خخخخخخ شوفو الجمال اخواتي http://www8.0zz0.com/2017/04/25/14/828947848.jpg

اهلالالالالالالالالالالا رزيقة اختي لي الشرف اني حققتلك امنيتك ان شاء الله معا لبناء مستقبل جديد فيه غير افكار صحية و صحيحة في كل مجالات حياتنا يا رب

طبعا عندي الزهر كان ما جاش عندي الزهر ما يكونوش عندي احباب كيما نتوما يا زينات والله غير معرفتكم توزن ذهب و الالماس

اعطيني الوصفة يا رزيقة

[zokhrofa]

ممممم يا زخرفة راحتلي مصورتلكش طبق الامس روووعة وصحي

غراتان خضر متنوعة وصحي ولذيذ
تحكمي اي نوع من الخضر عندك
مثلا انا حكمت الجزر والكورجات والجلبانة وحبيبات فول و حبتين بطاطا كبار وقطعتهم مربعات شوي كبيرة و فورتهم .
من جهة اخرى حكمت قطعة سكالوب صغيرة درتها تغلي مع شوي رند وشوي فلفل كحل وحبة جامبو وكي تقلات درتلها قيس زوج كيسان ماء وخليتها تطيب
كي طيب الخضار شوي مهيش حتى تتفتت قيس ماتطيب غير شوي نحكمها نسوتيها في زيت الزيتون وتوم مرابي و شويبشة او معدنوس على افواج
نحطها في بلا تاع فور ونفتت فوقها الدجاج و نديرلها قيس كاس ونص مرق دجاج ونرابي فوقها اي نوع فرماج ونغطيها بالالمنيوم والى الفرن

صحية والبنة روووعة على ضمانتي
راح نعاودو بطلب العائلة ونصورهولكم

مممممممممممممم ريحت الغراتان جاتني في دماغي ههههه رحمة يعطيك الصحة معليش المرة الجاية زيدي ديريه و هاتي الصورة

وصفة رائمة

[zokhrofa]

اختي رزيقة كان غير تحطيلنا الطريقة او الرابط باين فيها تهبل

انا تان طلبت منها نفس الشيء ان شاء الله تجاوبنا

[zokhrofa]

مس الخير
زخرفة يعطيك الصحة على هدي فكرة ان شاء الله راح نشاركم وندي افكار من عندكم ونحاول نطبق على خاطر زوجي اغلب الخضار صحية ميحبهاش

اهلا بالغالية ام اياد منوّرة و يعطيك الصحة على الاكلات دياولك الله يبارك

شوفي اختي في هذا الموضوع راح نتعلمو كيف كيف كيفاش نخدعو افراد العايلة بوصفات مايعرفوش واش رانا مستعملين فيها و تجيهم بنينة

ابقاي في المتابعة

و نعطيك افضل مثال الطبق لي راهي حطاتو رحمة فيه خضر لكن بنيييييييييييين جربيه و قوليلي انا تان موالفة نديرو لكن بطريقة اخرى هي فورتهم انا نسكرفج كلش و نقليه في زيت الزيتون حتى يذبالو ملييييييح و الباقي كيما هي

[zokhrofa]

السلام عليكم شكرا زخرفة على الموضوع المتميز والرائع وانا شخصيا من محبات الاكل الصحي ومثل ما قلت مش رجيم هو نمط حياة انعيشوه فشكرا لك مرة اخرى

اهلا اهلا اختي امل مرحبا بيك معانا و الله فرحتيني بزيارتك و بدعمك للفكرة

ان شاء الله نشوفو طيابك الصحي عن قريب

[zokhrofa]

اختي زخرفة نزيدلك هذو و نروح ... مقفول الخضارالقبايلي يشبه مقفول ام هدول فقط حنا ندير كل الخضار تفور طبقة على طبقة نبدا بالخضار لي تدي الوقت و ننتهي بالخضار لي متديش الوقت مثلا نحط طبقة جزر ثم لوبيا خضراء ثم لفت ثم كورجيت و جلبانة و بطاط ثم بصل و نملحو شوةي فقط كل طبقة و نغطيو و نخليهم يفورو ... و حنا طبعا ندهنو بزيت الزيتون حصريا حتى تشوفي الطعام تاعك راه يلمع هذي ضرورية جدا ...... خخخخخخ و هذا مقفول او مسفوف كيما تقولو تع الفول و الجلبانة حنا نديرو الفول بقشورو منرموهمش ... ربي مخلقهومش باطل يا بنات ....

هااااااا بارك الله فيك اختي رزيقة على الوصفات

صح انا تان ندير الفول بقشورو

لكن الأخوات لازم ينتبهو لازم يكونو القشور طريين خاطش راه كاين نوع يجي القشور عاصيين و ما ينتكلوش

[انا هي رزيقة]

http://www.djelfa.info/vb/showthread.php?t=1752708اخواتي رحمة و زخرفة هوليك رابط كسرة لحشاوش تحت الاخت الكريمة ام كاميليا ... امبعد نحطلكم طريقة اختي ام حسام دوك للاسف راني مع الخدمة ......

[انا هي رزيقة]

هااااااا بارك الله فيك اختي رزيقة على الوصفات

صح انا تان ندير الفول بقشورو

لكن الأخوات لازم ينتبهو لازم يكونو القشور طريين خاطش راه كاين نوع يجي القشور عاصيين و ما ينتكلوش
اكيد العاصيين ميتكلوش اختي زخرفة بصح انا راني نهدر على الفول كي يكون جديد و طري في اوج موسمه يعني ...مكان لاه نرمي قشورو

[zokhrofa]

http://www.djelfa.info/vb/showthread.php?t=1752708اخواتي رحمة و زخرفة هوليك رابط كسرة لحشاوش تحت الاخت الكريمة ام كاميليا ... امبعد نحطلكم طريقة اختي ام حسام دوك للاسف راني مع الخدمة ......

معليش خذي راحتك اختي رزيقة

[zokhrofa]

اكيد العاصيين ميتكلوش اختي زخرفة بصح انا راني نهدر على الفول كي يكون جديد و طري في اوج موسمه يعني ...مكان لاه نرمي قشورو

ههههه انا علابالي بالمعلومة نديرو بزاف

خفت وحدة جديدة معانا ما تعرفش هذا التفصيل

[انا هي رزيقة]

لبات وليت خص نص نحطلكم رابط كسرة اختي ام حسام خفت نلهى مع الخدمة اوننسى ..... خخخخخ http://www.djelfa.info/vb/showthread.php?t=1712996&page=110

[انا هي رزيقة]

وهذا رابط اخر لنفس الكسرة من عند الاخت ام كاميليا فقط تع الاخت ام كاميليا تجي كيما المبسس و تع اختي تجي طرية و هذا راجع لكمية الزيت لي تحبي تحطيها في الكسرة http://www.djelfa.info/vb/showthread.php?t=1712996&page=109

[رحمة2016]

ان شاء الله زخرفة المرة الجاية نديرو موضوع بالصور
رزيقة يعطيك الصحة على الروابط

[حياة نور الدين]

السلام عليك
اختي زخرفة موضوع روووعة والاكل الصحي اكيظ منسيتغناوش عليه في مائدتنا بصح اللهةغالب والوقت فرض علينا اكلات جدد غير صحية نشكرك على موضوعك ولي عودة ان شاء الله

[zokhrofa]

صحيتي رزيقة ربي يفرّج عليك كل غم يااااااا رب

[zokhrofa]

رحمة اختي ان شاء الله في اقرب وقت انا في الانتضار

[zokhrofa]

اهلا حياة اختي زارتنا النجوم صحيتي اختي على الزيارة الخفيفة و ظريفة معليش انا في انتضار وصفاتك الصحية

و حبيت نقولك انو الوقت من المفروض احنا نتحكمو فيه ماشي هو لي يتحكم فينا صح ام لا ؟

بما انو ربي عطانا صحة 100 على 100 و احنا نبداو نخربو فيها بلعقل حتى نرجعوها 0 ب 100 راح نتحاسبو عليها عند ربي صح ام لا ؟

اذا انا فتحت هذا الموضوع باش نولو لعقلنا و نخلو عقلنا يغلب كرشنا

و شكوووووووووووووون قال الاكل الصحي ماشي بنين ؟

قوليلي انتي تبيخة يماك صحية ولا لالا ؟ واش هي البنة ديالها ؟ ماشي تدي العقل ؟

[ام هدول]

سلالالام لبنات ...يعيطكم الصحة على التفاعل ..لانو مهما ناكلو لازم لازم تولهو من صحتنا لي مايعوضها حتى شي....
زخرفة الكسكس الصحي لي درتو موضوع عاودي شوفي الوصفة مليح كنت دكرت انو في الاصل بزيت الزيتون انا زت اضافة الزبدة لي مايحبوش زيت الزيتون الصحي لانو شفت بعيني كي ياكلو حاجة تع زيت الزيتون يجيهم لقيا ..حشاكم ...فقترحت فكرا الزبدة ...فقط باش مايضيعوش بقية المكونات والفايدة تاعهم

[انا هي رزيقة]

وهذي سلطة خضار مفورة و فلفل مشوي و ارز ايضا صحية مائة بالمائة .... فورت الخضار لي هما زروديا و بطاطا و بسباس و فوتها في فينغرات فيها زيت زيتون و معدنوس و شوةي فقط عصير ليمون و الفلفل المشوي درتلو دوش صغيرة في زيت الزيتون و ملح .....خخخخخ و الارز خلطت فيه شوةي طوماطيش و زيت زيتون و عصرة ليمون ايضا http://www10.0zz0.com/2017/04/25/17/625915032.jpghttp://www10.0zz0.com/2017/04/25/17/460337213.jpg

[انا هي رزيقة]

سلالالام لبنات ...يعيطكم الصحة على التفاعل ..لانو مهما ناكلو لازم لازم تولهو من صحتنا لي مايعوضها حتى شي....
زخرفة الكسكس الصحي لي درتو موضوع عاودي شوفي الوصفة مليح كنت دكرت انو في الاصل بزيت الزيتون انا زت اضافة الزبدة لي مايحبوش زيت الزيتون الصحي لانو شفت بعيني كي ياكلو حاجة تع زيت الزيتون يجيهم لقيا ..حشاكم ...فقترحت فكرا الزبدة ...فقط باش مايضيعوش بقية المكونات والفايدة تاعهم
عندك الحق اختي ام هدول كاين بزاف ناس ل لي مشي متعودين على دوق زيت الزيتون من الصغر تجيهوم الحالة لي وصفتيها... بصح المهم في الموضوع انو المقفول فيه خضار مطبوخة بطريقة صحية بزاف و المرغارين او الزبدة ميضيعوش القيمة الغذائية تاعو طبعا

[أم رقية نسرين]

يعطيكم الصحة
انا عندي مشكلة في زيت الزيتون منحملوش في كلشي انا السلطات لي نديرهم كامل بزيت الزيتون بصح الأكل منحبش الذوق تاعو فيه

[ام هدول]

زقزوقة هاتي ..دك لكسرة مع طبسي زيت الزتون ولااروع ...
سلطة الخضار مفورة ..اممم الصوص يكون بعصير الليمون وزيت الزيتون ...وجبة غنية ...وصحية مئة بالمئة
حقيقة لي ماترباوش على زيت الزيتون ..مايقدروش ياكلوه في الاكل ..مايحملوش حتى ريحتو ....الله غالب ....

[انا هي رزيقة]

يعطيكم الصحة
انا عندي مشكلة في زيت الزيتون منحملوش في كلشي انا السلطات لي نديرهم كامل بزيت الزيتون بصح الأكل منحبش الذوق تاعو فيه
اختي طالبة راهي جاوباتك ام هدول صح لي مترباوش على زيت الزيتون يصعب شوةي عليهم التاقلم مع ذوقو مع انو يهبل .......خخخخخخخ بصح كاين ثاني لي ماتوصلهمش زيت زيتون ذات جودة عالية يكون ذوقها قاسح سي نورمال ميكلوهاش ..... لازم كي تشريو زيت الزيتون تشروها من عند ناس ثقة باه تدوقوها على اصولها .... راجلي مثلا متربي في بيئة ميعرفوش زيت الزيتون بصح معايا ولا يحبها ... صح في الاول كان عندو صعوبات باه يتقبلها بصح مع الوقت ولى ميستغناش عنها سورتو كي بحث و عرف فوائدها العظيمة ... لذا نوصي الامهات يعودو ابنائهم من الصغر على دوق زيت الزيتون

[حياة نور الدين]

زخرفة تفضلي اول وصفة حتى نلقى لخرين كسكس الحلحال بزيت الزيتون اليكم الرابط

http://www.djelfa.info/vb/showthread.php?t=1999645


http://a.top4top.net/p_2808gtq0.jpg

[امّ اياد]

غدايا ايوم درت حوت قلت لراجلي نديرو فالفور مبغاش قالي قليه
ودولمة ميكلوش الا صوص حمراء https://c.top4top.net/p_480pdcdw1.jpg
https://b.top4top.net/p_480ving30.jpg

[امّ اياد]

ياعمري على كسكس الحلحال حياة شوقتني نذوقو الله غالب ميتباعش عدنا الحلحال
ام هدول حتى كسكس تاك صحي وباينة بنين وزبدة تعطيه ذوق بنين
رزيقة سلطة تشهي ايام فاتو كنت نديرها يوميا فاليل

[امّ اياد]

زخرفة ورحمة يعطيكم الصحة على قراتان الخضار
زخرفة ندير طريقتك فالكيش ونظيفلو تون تاع طماطم وفرماج والبيض والخضر نرابي زرودية والكورجات والفلفة والبطاطة بص تاعكم صحي اكثر

[حياتي كلها امل]

السلام عليكم راني جيت زخرفة جبت معايا عدس مع الفريك شربة مرحبا سمعتها في المذياع واحد المرة درتها في الدار عجبتهم واليوم درتها
فيها كمية من العدس مع فنجان فريك وخضر الي عندك انا عملت جزر بطاطا كوسة وطبعا حبة بصل وسنينات ثوم حبة طماطم وكرافس وشوية حشيش توابل ملح وفلفل كمون والخضر انقطعهم بطريقة عشوائية ونمرق حتى يطيب كل شيء نرحيهم كلهم ونقدمها مع زيت زيتون
على فكرة أنا وزوجي واولادي من عشاق الزيت زيتونhttp://www.up.djelfa.info/uploads/149314214893371.jpg

[أم البراء 2017]

طب طب هاني جيت
موضوع هايل زخرفة ربي يحفظك ويهنيك
كنت نخطط لموضوع اطباق صحية مئة بالمئة
عندي شوي اطباق بصح نخدم بالبورطابل
نحاول نحط الصور
لي عودة

[امّ اياد]

السلام عليكم راني جيت زخرفة جبت معايا عدس مع الفريك شربة مرحبا سمعتها في المذياع واحد المرة درتها في الدار عجبتهم واليوم درتها
فيها كمية من العدس مع فنجان فريك وخضر الي عندك انا عملت جزر بطاطا كوسة وطبعا حبة بصل وسنينات ثوم حبة طماطم وكرافس وشوية حشيش توابل ملح وفلفل كمون والخضر انقطعهم بطريقة عشوائية ونمرق حتى يطيب كل شيء نرحيهم كلهم ونقدمها مع زيت زيتون
على فكرة أنا وزوجي واولادي من عشاق الزيت زيتونhttp://www.up.djelfa.info/uploads/149314214893371.jpg
يعطيك الصحة العدس كي يترحى يجي المذاق تاعو يهبل

[أم سلوى]

أول وصفة نشارك بها في الصفحة..

جلبانة بكوريات اللحم
المقادير
بصل
جزر مكعبات صغار
كوسة مكعبات صغار
جلبانة
لحم
.حشيش مقطع
الصوص..نضع الحلبانة مع كاسين او 3-حسب افراد .. ماء لتغلى.. نرمي البصل الجزر لتطهو معها...وبما انها مربعات صغار لن تاخذ وقت..نضيف
بعدها..فلفل اكحل ..بعد النضج او حينما تنشف قليلا نضيف كريات اللحم..مع الجبن وملعقة صغيرة فرينة..وتوضع في الفرن...

عشائي اليوم....ههههههههههه

[أم سلوى]

http://www.3rbz.com/uploads/31adad3848831.jpg

[أم سلوى]

للمزيد من للمتابعة مطبخي الخاص هنا بحيث ادرجت موضوعنا هناك..
http://fonouneatabkhe.blogspot.com/?m=1

["سمية"]

اهلا بالصديقة سمية شرفتيني

نفس طريقتي لتحضير السلق

و سبحان الله كل مرة نقول من بعد نقوللهم ما تفوروش السلق و ما تغلوهش راهي هاذيك الفكرة خاطئة

السلق يطيب كيما قالت اختي سمية في ماه باش لا يفقد الحديد لي فيه

نسيتي عصرة الليمون مممممممممممممممممم

تقوللكم هذه المعلومة ربما تفيدكم

اذا لاحظتو جدودنا كل حاجة فيها سلق او قرنون او باذنجال او عدس يعصرولها الليمون صح؟

لماذا ؟

لأنّ كل هذه المواد فيها حديد و الحديد في الجسم يحتاج الى فيتامين س c لكي يثبّت في الجسم عكس هذا راح يخرج بدون ما يحتفض بيه الجسم

اذا لازم دايما كي تاكلو حاجة فيها حديد اعصرولها الليمون

اذا ما تحبوش الماكلة حامضة معليش ديرو عصير ليمون و طبعا بدون سكر يعني

احكمي كاس ماء اعصري فيه شوية ليمون و اشربيه قبل الوجبة او في الوسط و ليس بعد الوجبة

لماذا ؟
[color="navy"]
قال الشيخ ابن عثيمين رحمه الله :

" يكره الشرب في أثناء الطعام بلا عادة ، فإن كان الإنسان اعتاد هذا فلا بأس ، قال بعضهم : ويكره أيضاً بعد الطعام مباشرة بلا عادة ، وقوله : ( بلا عادة ) يفهم منه أن المسألة ترجع إلى ناحية طبية ، قالوا : لأن الشرب أثناء الطعام يفسده ، وتزول به منفعته ، وكذلك إذا شرب مباشرة ، فإذا كان قد اعتاد هذا فإنه لا يضره . وقال بعضهم أيضاً : إنه إذا شرب أثناء الطعام فإنه يشعر أن معدته كالسقاء ترجرج ، أما إذا كان هناك عادة ، فالعادات لها طبائع ثابتة ، فكثير من الناس لا يهمه أن يشرب أثناء الطعام أو بعده مباشرة فلا يضره ؛ لأنه معتاد .

ثم إن الطعام إذا كان حاراً والماء بارداً صار هناك مضرة من جهة أخرى ، وهي ورود البارد على الحار ، ومعلوم أن الحار يوجب تمدد العروق والجلد ، فإذا جاء البارد تقلص بسرعة ، فيكون في ذلك خطر " انتهى .

" الشرح الممتع " (12/366-367)
السلام عليكم حنونة
ربي يحفظك على مجهوداتك و يجازيك إن شاء الله
بالنسبة للسلق عند الحق مئة بالمئة أنا أصلا علاجال هاكذاك اللي نطيبو بهاذ الطريقة و هاذي الطريقة نفسها مع الكابوية أو الكاباوة و الفرق أنو الكابوية نديرها مباشرة مانذبلهاش
بالنسبة للقارص كاين اللي يحبو كاين اللي مايحبوش أنا نديرو في الشربة فريك
أنا نموت عليه تقريبا في كل شي بصح كيما قلتلك كاين اللي مايحبوش
في أمان الله

[أم البراء 2017]

اول وصفة عبارة عن خضار في الفرن بزيت الزيتون والخل
وصفة هايلة وبنينة وريحتها مانقولكمش تعبق كامل الدار
خضار مشكلة اللي تحبي
انا ستعملت جزر.بطاطا.قرعة.بسباس وكرم وخرشف مغليين
الكل مقطع مكعبات او اصابع
ونزيدوا حبة طماطم مكعبات ودبشة.ح بة بصل مقطعة وراس ثوم لازم تكون كمية مليحة
وقطع دجاج.توابل مانكثروش باش يبقى طعم ااخضر
ونخلطوا كل المكونات ونحطهم في مول
ونرش عليهم شوية زيت زيتون ورشة خل او عصرة ليمون
والى الفرن

[zokhrofa]

سلالالام لبنات ...يعيطكم الصحة على التفاعل ..لانو مهما ناكلو لازم لازم تولهو من صحتنا لي مايعوضها حتى شي....
زخرفة الكسكس الصحي لي درتو موضوع عاودي شوفي الوصفة مليح كنت دكرت انو في الاصل بزيت الزيتون انا زت اضافة الزبدة لي مايحبوش زيت الزيتون الصحي لانو شفت بعيني كي ياكلو حاجة تع زيت الزيتون يجيهم لقيا ..حشاكم ...فقترحت فكرا الزبدة ...فقط باش مايضيعوش بقية المكونات والفايدة تاعهم

اه انا نقرا مفرفشة هههه يعطيك الصحة كي صححتيلي عزيزتي ام هدول

[zokhrofa]

عندك الحق اختي ام هدول كاين بزاف ناس ل لي مشي متعودين على دوق زيت الزيتون من الصغر تجيهوم الحالة لي وصفتيها... بصح المهم في الموضوع انو المقفول فيه خضار مطبوخة بطريقة صحية بزاف و المرغارين او الزبدة ميضيعوش القيمة الغذائية تاعو طبعا

طبعا طبعا رزيقة عندك الحق الزبدة ماشي معناها تضيع القيمة فقط تبطىء الهضم يعني لي ياكلها من المستحسن في النهار ماشي في الليل

ممممممهاذيك الشلاظة تاع الخضرة اعطيهالي غير هي فالصيف و بعدي نحب ناكل هذا النوع خير من الجواز سخون ههه

[zokhrofa]

اختي طالبة راهي جاوباتك ام هدول صح لي مترباوش على زيت الزيتون يصعب شوةي عليهم التاقلم مع ذوقو مع انو يهبل .......خخخخخخخ بصح كاين ثاني لي ماتوصلهمش زيت زيتون ذات جودة عالية يكون ذوقها قاسح سي نورمال ميكلوهاش ..... لازم كي تشريو زيت الزيتون تشروها من عند ناس ثقة باه تدوقوها على اصولها .... راجلي مثلا متربي في بيئة ميعرفوش زيت الزيتون بصح معايا ولا يحبها ... صح في الاول كان عندو صعوبات باه يتقبلها بصح مع الوقت ولى ميستغناش عنها سورتو كي بحث و عرف فوائدها العظيمة ... لذا نوصي الامهات يعودو ابنائهم من الصغر على دوق زيت الزيتون

كلامك صحيح واش قلتي لطالبة

وزيدي في وقتنا ضرك مساكن الناس ماعادتش تقدر تشري لتر وواحد ب 800دج او اكثر مرات والله غالي بزااااف


انا شخصيا راني بلابيه الان خاطش مالقيتش نوعية صافية

[zokhrofa]

حياة يعطيك الصحة على الكسكس بالحلحال ياك تاع شعير هذاك ياك ؟

حياتي كلها امل ربي يزيدك تالق في مطبخك هذا تدبار زين ان شاء الله نجربو خاطش عندي كامل المكونات

ام البراء اهلا اهلا زارتنا القمرة الضاوية ربي يعطيك الصحة على الوصفة باذن الله نجربها

ام اياد معليش انتي فقط كي تقلي نقسي كمية الزيت يعني ما تخليهش يعوم و تاني نقسي للنار يعني سخني الزيت كي تديري يدك من البعيد فوك المقلة و تحسي السخانة طالعة حطي الحوت فالمقلة

صحيتو على الوصفات

[رحمة2016]

بارك الله فيكم يا البنات وصفات ولا اروووع

[zokhrofa]

انا فطوري كان كارانتيكا

هذي هي طريقتي

http://www.djelfa.info/vb/showthread.php?t=1996770

كانو بزاف لي قالولي خرجتلنا و وحدوخرين لالا

لي ما خرجتلهمش نقوللهم راكم ديرو الغلطة لي درتها انا مرة

و هي انو تديرو الخليط في قالب الكوشة صغير

الكارانتيكا تحب قالب طويل و عميق باش ما تتركزش الحمص في الاسفل و تجي طبقة كبيرة

["سمية"]

اختي زخرفة نزيدلك هذو و نروح ... مقفول الخضارالقبايلي يشبه مقفول ام هدول فقط حنا ندير كل الخضار تفور طبقة على طبقة نبدا بالخضار لي تدي الوقت و ننتهي بالخضار لي متديش الوقت مثلا نحط طبقة جزر ثم لوبيا خضراء ثم لفت ثم كورجيت و جلبانة و بطاط ثم بصل و نملحو شوةي فقط كل طبقة و نغطيو و نخليهم يفورو ... و حنا طبعا ندهنو بزيت الزيتون حصريا حتى تشوفي الطعام تاعك راه يلمع هذي ضرورية جدا ...... خخخخخخ http://www12.0zz0.com/2017/04/25/15/835027393.jpghttp://www12.0zz0.com/2017/04/25/15/641327340.jpgو هذا مقفول او مسفوف كيما تقولو تع الفول و الجلبانة حنا نديرو الفول بقشورو منرموهمش ... ربي مخلقهومش باطل يا بنات ....http://www12.0zz0.com/2017/04/25/15/510049120.jpg
السلام عليكم أختي رزيقة

سبحان الله نفس الوصفتين اللي نديروهم و كيما قلتي الفول بقشورو أكيد أنا من قبائل الوسط الجزائري و أنت ؟

[جهينة اليقين]

السلام عليكم اولا دخلت هنا باش نستجيب لدعوتك كما اوصانا صلى الله عليه وسلم
ثانيا كانت واحد الاخت دارت موضوع الاكل الصحي في هذا القسم وانا كنت مؤيدتها لكن كاين الي عارضوها بزاف وراح موضوعها
ثالثا كاين اخت حطت قراتان ودارت جومبو فهو غير صحي ياريت تنحوه تنقص البنة خير ما تنقص الصحة وواحدة دارت الاالمنيوم فهو غير صحي كذلك
يا ريت كل واحدة تحط طبق صحي تحاول باه يكون بمواد طبيعية والا فقد الموضوع معناه وما درنا والو تحياتي

[zokhrofa]

صحيتي صحيتي اختي جهينة على تلبية الدعوة و على الملاحظات

والله ما نتبهت لهذه التفاصيل خاطش كنت مقبيل نخدم بالهاتف يهبلني شوية ما نقراش بالتفصيل

و صح عندك الحق الألمنيوم يا خواتاتي اثبتت الدراسات انو اذا ارتفع نسبته في الدم يسبب الزهايمر

لذلك ارجوكم لا تستعملوه للطهي سواء ورق الالمينيوم او اواني الامنيوم

من الاحسن الاينوكس او النحاس او الطين و الخشب في العجن و الكسكس

كيما قالت اختي تان على الجمبو راه مضر بالطحة لأنهم يستعملو عظام الدجاج فيه و البقر و يستعملو بزاف مواد ما نعرفوهاش اصلا

علاش ديرو جومبو بما انو كاين بهارات ترجع البنة هاااااااااايلة

نقترح عليكم تضيفو الكركم في بلاصت الجومبو و راح تشوفو الفرق بزااااااف بنين

جهينة ياريت تبعثي رسائل خاصة لصاحبات المواضيع كي تنتبهي لحاجات كيما هذه باش كامل نشاركو في انجاح الموضوع ان شاء الله

[أم رقية نسرين]

صح عندكم الحق على زيت الزيتون لانو دقت النوعية المليحة و النوعية لي ماشي مليحة فرق كبييييييييير
كنت رايحة نسقسي على ورق الألمنيوم لقيت الأخت هدرت عليه انا سمعت بلي مهوش صحي و حابة نتأكد من اامعلومة علميا هل هذا صحيح
ثاني حاجة السلق قالولي كي يطيب و تعاودي تسخنيه ماشي مليح

[أم رقية نسرين]

اه زخرفة ورق الألمنيوم سمعت بلي مهوش صحي من عند واحد والله نسيت اسمو بصح راهو عضو في منظمة الإعجاز العلمي في القرآن الكريم من تم مزدتش استعملتو

[zokhrofa]

هاني جبتلك المعلومة و المصدر الدكتور محمد الفايد

[أم رقية نسرين]

تعيشي زخرفة و الجومبو انا ضدو طوول منحبوش و جامي طيبت بيه

[zokhrofa]

انا صراحة كنت ضدو من بعد ضقتو عند وحدة عجبني شريتو من بعد ندمت كي زدت قريت مليح عليه حلفت عليه ما يزيدش يدخل داري

[أم البراء 2017]

شكرا زخرفة عالمعلومة سمعت بيها لكن ماطلعتش عليها
بخصوص جومبو عمري ماستعملتو ديما نقول منعرف باش خدموه
مادابيك اخت جهينة تقوللنا كيفاش نطيبو لي بلا فالفور بلا المنيوم
انا جربت نغطي لمول ومول اخر لكن الاكل يطول بزاف باش يطيب
كاش طريق اخرى قولولنا
وماتقولوش نديروا ورق الزبدة قبل خاطر حت هو مضر

[zokhrofa]

صباح الخير عليكم خواتاتي

اختي ام البراء انا كي نكون نسخّن في الفرن نخلي سنيوة الفوق كامل تسخن معاها كي تدخلي الطبق ديالك تولي هاذيك السخانة تاع السنيوة تحمر فيه من الفوق و يطيب من الفوق و التحت في نفس الوقت فقط قربيها مليح للطبق هاذيك السنيوة لي سخنت

[ام هدول]

https://a.top4top.net/p_481sj7ca1.jpg (https://up.top4top.net/)صباح الخير

https://b.top4top.net/p_481exhhs2.jpg (https://up.top4top.net/)

[zokhrofa]

نعم نعم أم هدول انا احب الحليب بالتمر مممممممم

علابالك أنا كنت نتسحر بيه وحد الوقت و نهاااااار كامل ما نجوع ما نعطش

و انتوما باش تتسحرو يا بنات ؟ حاجات صحية .؟

[ام منيب]

موضوع رااائع زوزو
عن نفسي درت انتفاضة مع الاكل و مع واش راهم اوزلادي يستهلكو
صح صعيييييييييب باش نبدلو العادة بصح بالشوية بالشوية يمشي الحال
كنت نطيب بالجمبو سيغتو في البقوليات كما العدس و اللوبيا و حتى نزيدو في الشرباةو الحريرة و ضرك استغنيت عليه تماما
و بالنسبة للبطاطا المقلية محبوبة الجماهير مالرانيش نكتر منها و عوضتها بتاع الكوشة نضن بزاف لبنات يعرفوها ....انك تقطعي ليفريت عادي و تحطيهم لدقائق يغلو فوق النار مع الملح و مغرف خل و بعدها نقطرها و نفرشها في بلا و نحط عليها قيس زوج مغارف زيت و شوية كركم و زنجبيل و قرصة فلفل و نحمرها في الكوشة و الله صدقوني رووووعة
و علمت لولاد ياكلو و يحبو السلايط
المهم موضووعك عميق و انا يستناني تنضيف عميق يا زوزو
ليا عووووووووووووودة

[ام هدول]

هههههههههههههه زخرفة ..حتى انا من عشاقو ....طبعا ..الرسول صلى االله عليه وسلم ..كان في الصباح على الريق ..ياكل سبع تمرات ..فيها حكمة عضيمة صحيا ...ودنيا ....الحمد لله على نعمة الاسلام .....وكدللك بالنسبة للصحة ..كايت حديث .....على مااضن ..ارجو االتصحيح ادا كنت غلطانة ...قريناه مند الابتدائي

(نحن قوم ..لاناكل حتى نجوع وادا اكلنا لانشبع ...).....

يعني ...ماش ديما المعدة مممتلءة عن اخرها ....

السحور طبعا ..لبن ومسفوف بالزبيب....او تمر ولين فقط ..ولا احلى حاجة خفيفة ومغدية ...

نروح للاشغالي سلالا لالام .

[ام هدول]

ااايه حقة على دكر جمبو ...عمري لا طيبت بيه ..اصلا ماعلاباليش واش مدايررن فيه صح ...حاجة جاية من الغرب ...الدي لايهتم بصحتك طبعا ....والمواد المسرطنة كثرت ربي يعافينا ...واش خصو الملح وفلفل لكحل والكركم والزنجبيل ....وووووووووو..الخ ..كلش طبيعي ويمد البنة ..ومماننساش بن ة اليييدن يعني النفس في الاكل ...المحضر ...عن طيبب خاطر ..وعن حب ..وددد ..طبعا .اكلة بسسيطة ..ولددديدة ...مافيهاش جامبو ...احسسن بكثير ...

[zokhrofa]

اهلا اهلا ام منيب يعطيك الصحة على الطلّة الزينة و الوصفة البنينة انا تان نحبها بزاف

اختي ام هدول حديث ( نحن قوم لا نأكل حتى نجوع وإذا أكلنا لا نشبع ) لا أصل له

قال الشيخ الألباني رحمه الله :
" هذا القول الذي نسبه إلى النبي صلى الله عليه وسلم لا أصل له " انتهى.
"السلسلة الصحيحة" (رقم/3942)

على أن الأدب الذي تضمنه هذا الكلام ، مازال أهل العلم ، وأهل العقل والحكمة يقولون به : أنه لا ينبغي للإنسان أن يُدخل طعاما على طعام آخر في بطنه ، بل ينتظر حتى تطلب نفسه الطعام وتشتهيه ، فإذا اشتهته وأعطاها حاجتها منه ، فليقتصد في تناوله ، ولا يملأ بطنه منه ، بحيث يتجاوز حد الاعتدال والتوسط في ذلك .
عَنْ مِقْدَامِ بْنِ مَعْدِي كَرِبَ رضي الله عنه قَالَ : سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ : ( مَا مَلَأَ آدَمِيٌّ وِعَاءً شَرًّا مِنْ بَطْنٍ ؛ بِحَسْبِ ابْنِ آدَمَ أُكُلَاتٌ يُقِمْنَ صُلْبَهُ ؛ فَإِنْ كَانَ لَا مَحَالَةَ فَثُلُثٌ لِطَعَامِهِ وَثُلُثٌ لِشَرَابِهِ وَثُلُثٌ لِنَفَسِهِ ) رواه أحمد (16735) والترمذي (2380) ، وقال الترمذي : هَذَا حَدِيثٌ حَسَنٌ صَحِيحٌ ، وصححه الألباني .

[zokhrofa]

ااايه حقة على دكر جمبو ...عمري لا طيبت بيه ..اصلا ماعلاباليش واش مدايررن فيه صح ...حاجة جاية من الغرب ...الدي لايهتم بصحتك طبعا ....والمواد المسرطنة كثرت ربي يعافينا ...واش خصو الملح وفلفل لكحل والكركم والزنجبيل ....وووووووووو..الخ ..كلش طبيعي ويمد البنة ..ومماننساش بن ة اليييدن يعني النفس في الاكل ...المحضر ...عن طيبب خاطر ..وعن حب ..وددد ..طبعا .اكلة بسسيطة ..ولددديدة ...مافيهاش جامبو ...احسسن بكثير ...

اكديلي على النفس الطيّب

و الله انا هاذي متأكدة منها كاين وصفات ديتهم من عند نساء يعجبني طيابهم كي نطيبها مع انها تجي بنينة لكن نحس حاجة ناقسة

علابيها النية ربي دارهالنا باش نحضرو النفس و لواش راهي حادير

تقدري تديري تجربة احكمي انسان يحب طياب امه مثلا حطيلو طبق انتي طيبتيه و قوليلو هاذا امك بعثتهولك

راح تشوفي كيفاش ياكل بشراهة ههههههههههه كي يكمل قوليلو هذا طيابي راح يفيق مع روحو انو الاكل ديالك تان طيب لكن هو لي ماكانش يدير فيك النيّة ههههه

[امّ اياد]

صباح الخير
تهدرو على ورق الالمنيوم
هو مش مليح على خاطر كي يتوشا مع الملح تصرى بيناتهم اكسدة لي مضطرة عليه دير قبلو بلاستك غذائي وكي ميساعدكش بلاستيك غطي بورق طهي ومبعد غلفي بلا كامل بورق الالمنيوم
وثاني لي دير قراتان ولا تحمر لحم في فرن كي طفي نار متخرجيش بلا طفي وخليه داخل باش تجي فيهم وحد طرواة وميجوش ناشفين
جومبو كنت نطيب بيه وخاصة التشيشة يعطيها مذاق بنين بصح راني في عامين بطلتو
انا ماكلة ناس نموت عليها كي نخرج حتى الحاجة لي منحبهاش ناكلها والله حتى البصل كي يولو يقطعو فيه نشم رحتو ونتشهاه

[شمس بريكة]

موضوع هايل و طليتو على قلبي شحال وانا نحوس على موضوع هكذا
انا راني في الشهر الثامن من الحمل وما وليتش نتقبل اي ماكلة معدتي توجعني و الحريق
حشاكم ليي ناكلها نرجعها وليتنقصت الماكلة خلاص و وليت مانشبعش ونحس جسمي فاشل ماذا بيا تعطوني كاش اكلات يكونو صحيين يفيدوني ويفيدو البيبي بالفيتامينات و بالطاقة و يشبع و ما يخلوش معدتي تتقلب
بارك الله فيكم

[zokhrofa]

صباح الخير
تهدرو على ورق الالمنيوم
هو مش مليح على خاطر كي يتوشا مع الملح تصرى بيناتهم اكسدة لي مضطرة عليه دير قبلو بلاستك غذائي وكي ميساعدكش بلاستيك غطي بورق طهي ومبعد غلفي بلا كامل بورق الالمنيوم
وثاني لي دير قراتان ولا تحمر لحم في فرن كي طفي نار متخرجيش بلا طفي وخليه داخل باش تجي فيهم وحد طرواة وميجوش ناشفين
جومبو كنت نطيب بيه وخاصة التشيشة يعطيها مذاق بنين بصح راني في عامين بطلتو
انا ماكلة ناس نموت عليها كي نخرج حتى الحاجة لي منحبهاش ناكلها والله حتى البصل كي يولو يقطعو فيه نشم رحتو ونتشهاه

هاااا يعطيك الصحة على المعلومة ما كنتش نعرف التفاعل لي يصرا مع الملح و الالمنيوم

نعرف تان الملح انو يتفاعل مع البصل اذا لاحظتو كي تقطعي حبة بصل و تضيفيلها ملح يولي كاين لون اخضر بصح والله غير نسيت واش يخرج منو النحاس او الكبريت شكون تقوللنا ؟

اما التيشة اختي ام اياد جربي الكركم بكمية شوية زيادة على لي موالفة راح تشوفي البنة

[zokhrofa]

موضوع هايل و طليتو على قلبي شحال وانا نحوس على موضوع هكذا
انا راني في الشهر الثامن من الحمل وما وليتش نتقبل اي ماكلة معدتي توجعني و الحريق
حشاكم ليي ناكلها نرجعها وليتنقصت الماكلة خلاص و وليت مانشبعش ونحس جسمي فاشل ماذا بيا تعطوني كاش اكلات يكونو صحيين يفيدوني ويفيدو البيبي بالفيتامينات و بالطاقة و يشبع و ما يخلوش معدتي تتقلب
بارك الله فيكم

اهلا اهلا أختي شمس ربي يحفظك و تسلكي على خير

اختي هذاك الحريق المشكل تاعو ما عندو حتى علاقة بالأكل صحي ام لا

المشكل هو انو عضلات المرأة يترخاو اثناء الحمل لكي توساع البطن و بما أنو المعدة عضلة هي أيضا تترخى و تولي ما تتغلقش بعد ما تسرطي الاكل كي يوصل ليها و هي تكون تهضم تطلع الانزيمات الى الانبوب البلعوم و تحرقو خاطش ربي سبحانو دايرلنا هذاك البلعوم لا يحتمل تلك الانزيمات

لذلك النصيحة الوحيدة لي تفيدك هي انك تأكلي الكمية متقسمة على عدة لقمات يعني كل 2 سا تاكلي ربع الطبسي لي موالفة تاكليهي في غضون 20د فقط

اذا على 8 كولي 10 كولي ربع و على 12 و على 2 تاع العشية ثم على 4 ثم على 6 ثم على 8 و خلاص حبسي الاكل و ارقدي بعد 2 ساعة من الوجبة الاخيرة

بكمية جد صغيرة بحيث ما تفوتش 10 لقمات المهم تكون اكل مفيد مثلا 8 صباح تمر

10 حبة برتقال صغيرة او نصف وحدة كبيرة

12 خضر و سمك من الاحسن ما تاكليش اللحوم الحمراء لأنها تحتاج هضم كبير و اذا تشهيتيه من الاحسن يكون هو فقط يعني على 12 تاكلي قطعة لحم صغيييييرة

على 2 مساء تاكلي خضر الطبق

على 4 فاكهة بكمية صغيرة

على 6 عصير منعش او تمر

على 8 مساء حاجة خفيفة مثلا خضر مفورة على شكل سلطة لكن بدون بطاطا و بدون ارز

و اذا حبيتي حاجات ملاح من الاحسن الاكل تاعك يكون عبارة عن سوائل في هذه الحالة مراحش كامل تنضري يعني راح تعاوني معدة ديالك على الهضم السريع و بالتالي ما تنضريش

نتمنى نكون عاونتك

[جهينة اليقين]

السلام عليكم الي سالت على القراتان انا عندي بلا تاع زجاج بالغطاء نتاعو يعني يطيب لي مليح وعلى ذكر الطياب يوصي الدكتور محمد الفايد بالطبخ البطيء والابتعاد عن الكوكوط ما امكن والطياب يكون في الطين او الاينوكس او الستالس ونقصي للناروخليه يطيب في غرضو
وكذلك الابتعاد عن المشروبات الغازية تماما وتعويضها بصنعها في البيت احسن
ويوصي النساء بعدم الاكثار من اللحوم والدواجن خاصة لانها تحدث لخبطة في الهرمونات وتكون عرضة لعدة امراض كالغدة الدرقية والعقم والسرطان عافانا الله واياكم

[zokhrofa]

هااااااااااا جهينة أوّل مرة نشوف وحدة كيما انا تبع محمد الفايد ههههه

ربي يسترك على المعلومات انا هبلت عائلتي بيه

و تعرفي بدات العدوى تنتقل الى اهل زوجي الحمد لله راهم بطلو المشروبات الغازية

في البداية انا بطلتها عندي 2 عام و من بعد زوجي عندي اقل من شهر و الان اهل زوجي

[zokhrofa]

جواز القرنون بالباطاطا

http://www.up.djelfa.info/uploads/149322536020791.jpg

الطريقة :

تقلي البصل في الزيت

تضيفي القرنون

تضيفي الباطاطا

تضفي ملح + كركم + راس حانوت + قرفة عود + فلفل اسود

تخلي الكل يتقلى مليح

من بعد تمرقي بالماء و تخلي الطاجين يطيب في عقلو حتى تنقص المرقة و تولي خاثرة ماشي حتى تنشف هههه

و من بعد افرمي المعدنوس و ارميه من الفوق و اغلقي الطنجرة و طفي عليها

يعني ما تخليش النار بعد ما تضيفي المعدنوس

بعد 15د سقي الطاجين في طبسي و شبحيه بالليمون

بالصحة و العافية

[zokhrofa]

و هذا عصير صحي 100ب 100


راح نعطيكم السر ديالو ان شاء الله تجربوه في أقرب فرصة

http://www.up.djelfa.info/uploads/149322593070531.jpg

http://www.djelfa.info/vb/showthread.php?p=3996797391#post3996797391

[ام احمدي]

بارك الله فيك حنونة زخرفة وكامل العضوات على الموضوع الراءع وما يحمله من نصاءح وبداءل ووصفات صحية
حنونة من نهار حطت الاخت نظن اريام موضوعها يشبه لهدا حاولت نغير نظام غذاءنا والحمد لله لكن الموضوع ملقاش تفاعل وراح وان شاء الله هنا يبقى ويكون تفاعل اكثر وتاني موضوعك تاع الديتوكس شجعني باش نواصل بلا ما ننسى نصاءحك الراااءعة

[ام احمدي]

حنونة انا كل صباح منين نوض نشرب كاس ماء دافء على الريق سمعت بلي يخلص الجسم من السموم ومن الاحسن يكون فيه شوي ليمون معصور
القليان تقريبا مرتين او3 في الشهر وندير تاع الفور االا اذا كنت مزروبة نقلي
لي سالي مرة في الشهر يعني بيتزا ولا برغر ولا فطيرو ولا ......
الخيز نقصنا من المشري بزاف والا كليناه ناكلوه في النهار
حنا من عشاق زيت الزيتون الحمد لله هههه
نحاول ساعات نطيب بيه لكن للاسف غالي لهدا ندير الزيت النباتي لكن بكمية قليلة
الحلويات مرة في الاسبوع
وربي يهدينا ان شاء الله ويرزقنا الصحة والعافية

[امّ اياد]

مس الخير كتبت رد ولقيتو مفاتش
زخرفة يعطيك الصحة والله يبارك زواج يشهي نموت عليه هو والبطاطا فالكوشا بصح زوجي كن متوليش بطاطا مقلية ميدورش بيها
وبصحتك العصير درك نضرب عليه طلة
هداك نهار قريت على فوائد عصير الجزر خدملي فالراس قلت بلاك نولي نديرو نفطر بيه اذا عجبني
اليوم درت غداء عدس الاحمر بصح معجبنيش اول مرة نديرو والفت بالعدس الاخضر

[امّ اياد]

ام حمدي حتى زيت نباتي ومعندو مخاصو هي المهم نبعدو على دهون المهدرجة كيما زبدة ودهان

[امّ اياد]

زخرفة هدبك تاع بصل يخضار مصراتليش صراتلي مع ثوم مرة خضارلي يصرالو كمهاك كي تولي فيه وحد المادة بكثرة نسيت سماها

[البحر الصافي]

السلام عليكم ورحمة الله وبركاته
زخرفة الف الف مبروك افتتاح هذا الموضوع فكرة هااايلة
ونقلك اكلك رائع يعطيك الصحة يبان بنيييين
سلامي للاخوات الفضيلات ماراجعت والو شفت الموضوع دخلت

[zokhrofa]

بارك الله فيك حنونة زخرفة وكامل العضوات على الموضوع الراءع وما يحمله من نصاءح وبداءل ووصفات صحية
حنونة من نهار حطت الاخت نظن اريام موضوعها يشبه لهدا حاولت نغير نظام غذاءنا والحمد لله لكن الموضوع ملقاش تفاعل وراح وان شاء الله هنا يبقى ويكون تفاعل اكثر وتاني موضوعك تاع الديتوكس شجعني باش نواصل بلا ما ننسى نصاءحك الراااءعة

هاااا هاذي شهادة نعتّز بيها

مليح بديتيه الديتوكس و لا مزال ؟

ان شاء الله يكون التفاعل برك ما نعرف اذا مليح كي راه في هذا القسم او نغيرولو المكان واش رايكم ؟

[zokhrofa]

حنونة انا كل صباح منين نوض نشرب كاس ماء دافء على الريق سمعت بلي يخلص الجسم من السموم ومن الاحسن يكون فيه شوي ليمون معصور
القليان تقريبا مرتين او3 في الشهر وندير تاع الفور االا اذا كنت مزروبة نقلي
لي سالي مرة في الشهر يعني بيتزا ولا برغر ولا فطيرو ولا ......
الخيز نقصنا من المشري بزاف والا كليناه ناكلوه في النهار
حنا من عشاق زيت الزيتون الحمد لله هههه
نحاول ساعات نطيب بيه لكن للاسف غالي لهدا ندير الزيت النباتي لكن بكمية قليلة
الحلويات مرة في الاسبوع
وربي يهدينا ان شاء الله ويرزقنا الصحة والعافية

الله يبارك ما تخافيش مع الوقت راح تشوفي انو حتى العائلة تاعك تتأثر بيك

انا هكذا درت عندي عامين ملي حبست المشروبات الغازية هاذا وين زوجي عاندني

يعني الخلاصة لازم مثابرة هههه و جهد كبير

راكي تعرفي طريق الحق معمر شوك و طريق الضلال معمر ورد ولا لالا ؟

[zokhrofa]

مس الخير كتبت رد ولقيتو مفاتش
زخرفة يعطيك الصحة والله يبارك زواج يشهي نموت عليه هو والبطاطا فالكوشا بصح زوجي كن متوليش بطاطا مقلية ميدورش بيها
وبصحتك العصير درك نضرب عليه طلة
هداك نهار قريت على فوائد عصير الجزر خدملي فالراس قلت بلاك نولي نديرو نفطر بيه اذا عجبني
اليوم درت غداء عدس الاحمر بصح معجبنيش اول مرة نديرو والفت بالعدس الاخضر

اهلا معليش راني كتبت موضوع على لي يروحلهم الردود هههه ما نعرف اذا شفتيه

المهم نصيحة سريعة كي تعرفو رواحكم حا تكتبو حاجة كبيرة من الاحسن قبل اعتماد الرد ديرو كوبيي في سبيل الاحتياط

نولو لموضوعنا معليش طيبيه كيما ديالي و دخليه يتحمر من الفوق برك فالكوشة راح تشوفي يعجبو

انا ولا مرة جاني في بالي ندير تاع الجزر جربيه ههههه وقوليلي نعاندك

العدس الاحمر من بعد نعطيك طريقة يجيك بنين لازم نشريه

[zokhrofa]

ام حمدي حتى زيت نباتي ومعندو مخاصو هي المهم نبعدو على دهون المهدرجة كيما زبدة ودهان

صح كيما راكي تقولي

زيت نباتي اضراره كي يفوت 180 درجة يعني في القلي

لكن كي يتخلط مع الماء ماراحش يفوت 100 درجة يعني ما يتحرقش و ما يوليش سام

اذا ما تخافوش كي تطيبو بيه فقط زيدو الكمية من الماء

[zokhrofa]

زخرفة هدبك تاع بصل يخضار مصراتليش صراتلي مع ثوم مرة خضارلي يصرالو كمهاك كي تولي فيه وحد المادة بكثرة نسيت سماها

ههههههههه ايه هاتي اسمها

نعم مع الثوم ايضا

لكن ما تخافوش راهي مادة مليحة ماشي مضرّة

[zokhrofa]

السلام عليكم ورحمة الله وبركاته
زخرفة الف الف مبروك افتتاح هذا الموضوع فكرة هااايلة
ونقلك اكلك رائع يعطيك الصحة يبان بنيييين
سلامي للاخوات الفضيلات ماراجعت والو شفت الموضوع دخلت

اهلا اختي بحورة ان شاء الله تشاركينا

ننصحك تزربي تقراي قبل ما يزيدو الصفحات و تعجزي اكثر

ربي يسترك اختي على الاطراء هاتي نشوف طيابك هاتي

[البحر الصافي]

زخرفة جبتلك طبق دوبارة فول من عند عمي قوقل اظنها صحية وطبيعية مع زيت الزيتون
من بعد نشوف في ارشيف الصور كاش مانلقى اكلة صحية نحطها

https://b.top4top.net/p_481yz6y70.jpg

[دكتورة حبيبة]

شهيتيني يا زخروفة فيدينا بدروس على أكل الأطفال وليدي هبلني كل يوم لازملو ماكل جديدة

[zokhrofa]

اول وصفة عبارة عن خضار في الفرن بزيت الزيتون والخل
وصفة هايلة وبنينة وريحتها مانقولكمش تعبق كامل الدار
خضار مشكلة اللي تحبي
انا ستعملت جزر.بطاطا.قرعة.بسباس وكرم وخرشف مغليين
الكل مقطع مكعبات او اصابع
ونزيدوا حبة طماطم مكعبات ودبشة.ح بة بصل مقطعة وراس ثوم لازم تكون كمية مليحة
وقطع دجاج.توابل مانكثروش باش يبقى طعم ااخضر
ونخلطوا كل المكونات ونحطهم في مول
ونرش عليهم شوية زيت زيتون ورشة خل او عصرة ليمون
والى الفرن

جاري التطبيق هههه راه فالكوشة

لكن درتو بالبطاطا فقط

غليت البطاطا بقشورها من بعد قشرتها و قطعتها مربعات كبار شوية باش ما تتفتتليش

قطعت فوقها البصل الثوم المعدنوس

زدتلعا فلفل اسود
كركم
شوييية كمون
شويييية زعيترة
ورقة صغييييييييرة رند
ملح

خلطت زيت نباتي خاطش ما عنديش تاع زيتون خلطتها مع الخل الابيض بذوق الليمون بدون كحول
رميتهم فوق الباقي و خلطت الكل بيدي

حكمت البلاطو تاع زجاج رميت فيه ثلاث ملاعق كبار ماء باش كيما قلتلكم ما تتحرقش اازيت راح يتبخر مع الطبق
و حطيت المكونات لي خلطتهم في الفرن لي كنت سخنتو من قبل بربع ساعة

الان راه يطيب هههه من بعد نقوللكم التفصيل تاع البنة و الصورة ان شاء الله

http://www.up.djelfa.info/uploads/149331096973171.png

[zokhrofa]

زخرفة جبتلك طبق دوبارة فول من عند عمي قوقل اظنها صحية وطبيعية مع زيت الزيتون
من بعد نشوف في ارشيف الصور كاش مانلقى اكلة صحية نحطه0.jpg[/img]


انا جامي كليتها قوليلي تندار بالفول لخضر ولا لازم يابس

هاتي الوصفة هههه

[zokhrofa]

شهيتيني يا زخروفة فيدينا بدروس على أكل الأطفال وليدي هبلني كل يوم لازملو ماكل جديدة

اهلا اهلا اختي حبيبة معانا قوليلي شحال في عمرة البوقوس ديالنا؟

[أم سلوى]

السلام عليكن ورحمة الله..

نسيت نقولكم ان الاكل الصحي الموجود دائما في البيت والسهل ويحبه الاولاد..هو

بطاطا طابية ة في الماء.
2بيض مسلوق
زيت زيتون
كسرة
تقطع في صحن وشهية طيبة

اولادي يموتوا عليها في وقت الغداء..
وانا اضيف لها فلفل مشوي مغ طماطم و نقطعهم مليح ونخلطهم ..طبق تقليدي ميروحش...كامل.

مدونتي

http://fonouneatabkhe.blogspot.com/?m=1

[أمنية غفران]

بارك الله فيك أختي زخرفة موضوع هايل بوركتي

نعصر مخي و نشوف ههههههههههه ادا عندي وصفات صحية امممممممممممممممممممم شوفي هادو وقولي لي رايك

بادنجان مشرمل

http://www.djelfa.info/vb/showthread.php?t=1801064

تحلية بالتين المجفف

http://www.djelfa.info/vb/showthread.php?t=2019144

و هادي شربة نموت عليها دبري راسك لازم تقولي لي بلي صحية ههههههه

http://www.djelfa.info/vb/showthread.php?t=2021429

شطيطحة سردين بعيدا عن القلي

http://www.djelfa.info/vb/showthread.php?t=2010893

و هادي دوبارة بسكرية اممممممممممممم و مع زيت الزيتون فوق الروعة و الروعة

http://www.djelfa.info/vb/showthread.php?t=2019048

زخرفة جوعتيني كيفاه ندير دركة

تحياتي

[zokhrofa]

السلام عليكن ورحمة الله..

نسيت نقولكم ان الاكل الصحي الموجود دائما في البيت والسهل ويحبه الاولاد..هو

بطاطا طابية ة في الماء.
2بيض مسلوق
زيت زيتون
كسرة
تقطع في صحن وشهية طيبة

اولادي يموتوا عليها في وقت الغداء..
وانا اضيف لها فلفل مشوي مغ طماطم و نقطعهم مليح ونخلطهم ..طبق تقليدي ميروحش...كامل.

مدونتي

http://fonouneatabkhe.blogspot.com/?m=1

زيديلهم عليها عصرة قارص ممممممم

[zokhrofa]

بارك الله فيك أختي زخرفة موضوع هايل بوركتي

نعصر مخي و نشوف ههههههههههه ادا عندي وصفات صحية امممممممممممممممممممم شوفي هادو وقولي لي رايك

بادنجان مشرمل

http://www.djelfa.info/vb/showthread.php?t=1801064

تحلية بالتين المجفف

http://www.djelfa.info/vb/showthread.php?t=2019144

و هادي شربة نموت عليها دبري راسك لازم تقولي لي بلي صحية ههههههه

http://www.djelfa.info/vb/showthread.php?t=2021429

شطيطحة سردين بعيدا عن القلي

http://www.djelfa.info/vb/showthread.php?t=2010893

و هادي دوبارة بسكرية اممممممممممممم و مع زيت الزيتون فوق الروعة و الروعة

http://www.djelfa.info/vb/showthread.php?t=2019048

زخرفة جوعتيني كيفاه ندير دركة

تحياتي

ههههه انا هذا وين كملت عشايا و جيت نتعشى روطار بزاااااااف


ربي يعطيك الصحة على الوصفات نعم ملاح هايلين

راح نجرب في اقرب فرصة الدوبارة حابة نشوف بنتها لكن في الصيف كي يدخل فلفل حلو

انا عندي الاكل الصحي معناه نشري الخضر في موسمها و ما نشريهاش خارج الموسم

خاطش تاع البيوت البلاستيكية يديرولها بزااااااااف الدواء تدير الغازات

[أم البراء 2017]

سلام لبنات زخرفة هديك وصفة جديدة ماشي تاعي ههههههه

[zokhrofa]

هههه لكن الخل بالزيت تاعك ام البراء

[أم البراء 2017]

قريت لبارح بزاف مواضيع عالالمنيوم ولقيت باللي الدراسات مش اكيدة مية بالمئة
وخاصة تاع الاواني
وقالو باللي بزاف حوايج يزيدوا من كمية الالمنيوم فالمخ ومن بينها مزيل العرق
اسما الالمنيوم يدخل للخسم عن طريق الشم كذالك
والله اعلم
ربي يعافينا

[zokhrofa]

طبعا طبعا ام البراء الاواني ليست الوحيدة المسؤولة عن ذلك راكي ذكرتي مزيل العرق و هناك الكثير منها

غدا ان شاء الله نقولكم عليه بالتفصيل

على فكرة انا مصدري هو الدكتور محمد الفايد و هو خبير تغذية و كل حاحة يقولها يكون هو لي دار عليها دراسة علمية ماشي قراها في كتاب

[zokhrofa]

صباح الخير عليكم صحّيات

معلومة التصبيحة تاع اليوم

على طريقة حفظ الزيوت و العسل

لازم تكون في قارورة او علبة زجاجية داكنة اللون او طين اذا ما لقيتيش لون داكن لا يدخله الضوء احرصي على ان تكون الزجاجة مخبأّة في مكان مظلم

لماذا ؟

خاطش كان تديري في البلاستيك راح يتفاعل مع المواد اي الزيوت او العسل و يولو معمرين بسموم البلاستيك لي راكم تعرفوها

اما الظلام فهو باش المايكونش ضوء لي هو مساهم كبير في حياة الكثير من البكتيريا

اذا كل وحدة المرة الجاية كي تشري زيت الزيتون مثلا او اي زيت و عسل في قارورة بلاستيكية

تبدللها الوعاء الى وعاء زجاجي و تخبيها في مكان مظلم

اذا راكم حابين تتأكدو من المعلومة

جربي ديري زيت الزيتون في قارورة بلاستيكية و اخرى في قارورة زجاجية في الظلام و بعد شهر شوفي الفرق في البنّة و الرائحة

[شمس بريكة]

اهلا اهلا أختي شمس ربي يحفظك و تسلكي على خير

اختي هذاك الحريق المشكل تاعو ما عندو حتى علاقة بالأكل صحي ام لا

المشكل هو انو عضلات المرأة يترخاو اثناء الحمل لكي توساع البطن و بما أنو المعدة عضلة هي أيضا تترخى و تولي ما تتغلقش بعد ما تسرطي الاكل كي يوصل ليها و هي تكون تهضم تطلع الانزيمات الى الانبوب البلعوم و تحرقو خاطش ربي سبحانو دايرلنا هذاك البلعوم لا يحتمل تلك الانزيمات

لذلك النصيحة الوحيدة لي تفيدك هي انك تأكلي الكمية متقسمة على عدة لقمات يعني كل 2 سا تاكلي ربع الطبسي لي موالفة تاكليهي في غضون 20د فقط

اذا على 8 كولي 10 كولي ربع و على 12 و على 2 تاع العشية ثم على 4 ثم على 6 ثم على 8 و خلاص حبسي الاكل و ارقدي بعد 2 ساعة من الوجبة الاخيرة

بكمية جد صغيرة بحيث ما تفوتش 10 لقمات المهم تكون اكل مفيد مثلا 8 صباح تمر

10 حبة برتقال صغيرة او نصف وحدة كبيرة

12 خضر و سمك من الاحسن ما تاكليش اللحوم الحمراء لأنها تحتاج هضم كبير و اذا تشهيتيه من الاحسن يكون هو فقط يعني على 12 تاكلي قطعة لحم صغيييييرة

على 2 مساء تاكلي خضر الطبق

على 4 فاكهة بكمية صغيرة

على 6 عصير منعش او تمر

على 8 مساء حاجة خفيفة مثلا خضر مفورة على شكل سلطة لكن بدون بطاطا و بدون ارز

و اذا حبيتي حاجات ملاح من الاحسن الاكل تاعك يكون عبارة عن سوائل في هذه الحالة مراحش كامل تنضري يعني راح تعاوني معدة ديالك على الهضم السريع و بالتالي ما تنضريش

نتمنى نكون عاونتك





تعيشي بارك الله فيك اختي زخروفة راني وليت نقص الماكلة على قد ما نقدر و في ليل صح ما نتعشاش بكري لخاطر راجلي ما يتعاشاش بكري وانا ما نحبش ناكل وحدي مالا نستناه من نتعشاو نرقدو عليها يطلعلي الحريق
اما الغدا والفطور عادي بصح نفس المشكل الماكلة ما تبقاش ساعة في معدتي وليت خايفة على صحة البيبي
بصح الله غالب واش ندير ما بقاش بزاف مزالي يومين وندخل الشهر التاسع ادعيلي نسلك على خير لخاطر اول بيبي
وماني عارفة والو وراني شوية خايفة
ثاني حاجة حتا حليب الصباح وليت نتقياه حشاك راني متحملة وخلاص حتى يفرج ربي الانسان يدير اللي قدر عليه حتا يفرج ربي راح نطبق نصائحك بإذن الله :19::19::19: راني متبعتكم كملو النصائح راهم اكل ماشاء الله

[zokhrofa]

اختي شمس ربي يوقفك على خير

لكن ارجوووووووووووووووووووووكم نحو من طبايعكم انو الحليب في الصباح ضروري

الضروري هو أكلة متوازنة في الصباح باش تشدي بيها حتى 12 و تفطرو

راهم مصانع الحليب دارو حملة اعلامية و حتى الوزارة الصحة تصدر هذه الاعلانات انه الحليب ضروري للانسان

الانسان كي يفوت 2 عام من عمرو يصبح الحليب مادة غذائية كيفها كيف اي مادة في الكرة الارضية

يعني ما تولفوش ولادكم بعد 2 عام انو لازم يشرب حليب صباح ولا يدي طريحة

اشربو شاي اخضر او تيزانة او نعناع او عصير طبيعي

خبز مطلوع او قمح او شعير

تمر

جبنة طبيعية

فاكهة

كسكس شعير بالحليب

حريرة او شربة خضر

المهم اكلة تشد بيها الجوع ماشي على العشرة تولي بالدوخة

الأكل في الصباح هو اهم وجبة في اليوم

و خاااااااااااااصة الأطفال لي يقراو في المدارس من بعد أمهاتهم يقولك وليدي ماراهش يقرا مليح

طبعا ما يقراش انتي تبعثيه معمر سكريات يتحرقو تم تم على 10 يجوع و من بعد ما يولي عندو طاقة يسمع الشيخ ما يجاوب ما يحفظ

ردو بالكم من هذه النقطة ارجوكم

[ام شمسو محمد]

يعطيك الصحة زخرفة موضوع رائع و مادة هادفة و اسلوب مميز و منطقي راني في المتابعة و التطبيق ....شكرا و جزاك الله خيرا

[zokhrofa]

اهلا اهلا أختي ام شمسو سعيدة بالتحاقك معانا

ان شاء الله نشوفو تطبيقاتك عن قريب

في الانتضار ياريت تعطينا وصفة خفيفة ضريفة صحية من عندك ؟

[أم رقية نسرين]

زخرفة يعطيك الصحة على المعلومات و على زيت الزيتون اول مرة نسمع هاد المعلومة ملي كنت صغيرة ماما تحطو في قارورات بلاستيكية

[zokhrofa]

واحنا تان كانو هكذا لكن انا في داري عدت ندير كيما لازم الحال هههه ولي مزال ما اقتنعش خليه يجي نهار لي يعرف

المشكل في عائلاتنا كي تقوليلهم حاجة علمية ما تلقايش الصدر الرحب

لكن كي يشوفو نفس المعلومة في التلفاز يقولو شفناها في التلفاز لكن ما يقولوش طالبة هي لي قالتنا الاولى هههه

[muhibbat rrasoul sws]

السلام عليكم و رحمة الله و بركاته

موضوعك مهم جدا جزاكي الله خيرا

كنت لاحظت أن أطباقك صحية، و يعجبني كثيرا كون كثير منها لا يعتمد على اللحوم، و حقيقة تشهي، بلا مجاملات، لم أطبقها بعد بسبب المكونات، لكن إن شاء الله مع أول فرصة، يعطيك الصحة!
تبانلي مليحة لرمضان إذا حياتنا ربي، مليحة للصحة و للعبادة ( ساهلة) و للجيب المنكوب :/

[muhibbat rrasoul sws]

طبق نباتي في الفرن
حبات بطاطا، قرنبيط، بطل مقطع شرائح ممكن شي حبتين/ كيلو بطاطا، حبات ثوم كاملة، شوي ملح
نضع زيت زيتون جيدا و نقلب
نغطي و نضع في الفرن مدة ساعة ( حسب الفرن)

طبق يقدم وحده مع سلطة خضار غير مطبوخة أو فقط وحده و ممكن الإستغناء عن الخبز بسبب البطاطا.

[zokhrofa]

السلام عليكم و رحمة الله و بركاته

موضوعك مهم جدا جزاكي الله خيرا

كنت لاحظت أن أطباقك صحية، و يعجبني كثيرا كون كثير منها لا يعتمد على اللحوم، و حقيقة تشهي، بلا مجاملات، لم أطبقها بعد بسبب المكونات، لكن إن شاء الله مع أول فرصة، يعطيك الصحة!
تبانلي مليحة لرمضان إذا حياتنا ربي، مليحة للصحة و للعبادة ( ساهلة) و للجيب المنكوب :/

اهلالالالالالالالالالالالا شكون زارتني صديقتي محبة الرسول من قسم الأعشاب يا مرحبا و الله فرحت كي شفتك عندي

شكرا على الاطراء نعرفك صريحة و ما تديريش المجاملات و لهذا راح نكون جد سعيدة بهذه الشهادة

و شكرا على الوصفة انا ننصحك فقط باش يكون اكثر صحي ضيفي ملعقتين او 3 ماء في الطبق لتفادي احتراق الزيت

صح اختي في عالم الطبخ مكاش غير اللحوم و دهون و وووو باش ناكلو حجات بنان و صحيين و يشبعونا و نقدرو نهار كامل ما ناكلوش موراها

المشكلة راهي في تربية الجيل على حاجات و أذواق صعب التخلص منها في وقت وجيز

انا شخصيا مريت بمرحلة عمرية كرهت أكل المنزل و وليت ناكل غير أكل المطاعم و يجيني هو البنين

لكن الحمد لله على نعمة العقل الواحد يخمم مع روحو و زيد في ديننا ربي سبحانو راح يحاسبنا على صحتنا

هذا مع هذا تتركب عندك نتيجة انو لازم تعيدي النظر في نمط غذاءك اذا صحي او لا

و ان شاء الله هذا الموضوع راح يأكّد للنساء الجزائريات انو كاين بزااااااااااف أطباق بنان حتى وفيها اللحم راح تكون صحي

الفرق بين الصحي و الغير صحي هو طريقة طهي المكونات فقط

[muhibbat rrasoul sws]

اختي شمس ربي يوقفك على خير

لكن ارجوووووووووووووووووووووكم نحو من طبايعكم انو الحليب في الصباح ضروري

الضروري هو أكلة متوازنة في الصباح باش تشدي بيها حتى 12 و تفطرو

راهم مصانع الحليب دارو حملة اعلامية و حتى الوزارة الصحة تصدر هذه الاعلانات انه الحليب ضروري للانسان

الانسان كي يفوت 2 عام من عمرو يصبح الحليب مادة غذائية كيفها كيف اي مادة في الكرة الارضية

يعني ما تولفوش ولادكم بعد 2 عام انو لازم يشرب حليب صباح ولا يدي طريحة

اشربو شاي اخضر او تيزانة او نعناع او عصير طبيعي

خبز مطلوع او قمح او شعير

تمر

جبنة طبيعية

فاكهة

كسكس شعير بالحليب

حريرة او شربة خضر

المهم اكلة تشد بيها الجوع ماشي على العشرة تولي بالدوخة

الأكل في الصباح هو اهم وجبة في اليوم

و خاااااااااااااصة الأطفال لي يقراو في المدارس من بعد أمهاتهم يقولك وليدي ماراهش يقرا مليح

طبعا ما يقراش انتي تبعثيه معمر سكريات يتحرقو تم تم على 10 يجوع و من بعد ما يولي عندو طاقة يسمع الشيخ ما يجاوب ما يحفظ

ردو بالكم من هذه النقطة ارجوكم

ما شاء الله تبارك الرحمن، أسأل الله أن يزيدك من علمه و ينفع بك و يحفظك من الرياء
أوافقك في ما تقولين
جزاكي الله خيرا

انا ممن يظن ( رأي و فقط) أن وجبة الصباح ممكن تكون خفيفة لأن الوقت لا يسمح و ليس الكل نفسه مفتوحة للأكل لكن اللمجة يجب أن تكون لا بأس بها من فواكه و خضروات مما هو متوفر و جبن طبيعي بلا إضافات.
جدودنا الله يرحمهم كانوا يذهبون للعمل و لا أدري ما كانوا يتناولون قبل الذهاب إلا أنهم كانوا برجعون وقت الضحى لتناول ما كتب الله لهم من خبز و جبن أو زيت أو حليب ( غير مبستر)...

[zokhrofa]

ما شاء الله تبارك الرحمن، أسأل الله أن يزيدك من علمه و ينفع بك و يحفظك من الرياء
جزاكي الله خيرا

انا ممن يظن أن وجبة الصباح ممكن تكون خفيفة لأن الوقت لا يسمح و ليس الكل نفسه مفتوحة للأكل لكن اللمجة يجب أن تكون لا بأس بها من فواكه و خضروات مما هو متوفر و جبن طبيعي بلا إضافات.
جدودنا الله يرحمهم كانوا يذهبون للعمل و لا أدري ما كانوا يتناولون قبل الذهاب إلا أنهم كانوا برجعون وقت الضحى لتناول ما كتب الله لهم من خبز و جبن أو زيت أو حليب ( غير مبستر)...

آمين يارب العالمين

اختي الروتين هو السر في هذا الأمر

لو تعودي معدتك على روتين ما راح تتعوّد جربي و تشوفي

نفس الشيء في رمضان ماشفتيش انو كان اول العيد تاكلي الصباح تحكمك التخمة ؟ خاطش راهي متبعة نظام و راكي خلطتيهولها

لذلك لو كل يوم تدريجيا تدخلي حاجات جدد في فطور الصباح و تدريجيا تبرمجي عقلك انك راكي تديري في حاجة صح و لي كنتي تديريه خطأ راح تشوفي كيفاش تتعودي عليه

و نزيدك حاجة اخرى المعدة مدام لم تستقبل أي شيء تبقى راقدة يعني لا ماء لا تمر واااااااااااااالو تقدري تشدي بيها حتى 12 عادي و هذا أمر مليح للجسم كل ما جاع الجسم استفاد من واش راكي رايحة تعطيه أكل

نتمنى ترجعي بعد مدة و تقوليلي راني نفطر بحبتين بيض مقليين في شوية زيت الزيتون مع خبز مطلوع ههه لما لا ؟

[zokhrofa]

طبق الفول المنكوب


http://www.up.djelfa.info/uploads/149095482521551.jpg

اسمه المنكوب لاخاطرش يجي بدون لحم

الطريقة هنا

http://www.djelfa.info/vb/showthread.php?t=2054063

[faci samia]

السلام عليكم شكرا جزيلا زخروفة وبارك الله فيكي موضوع في القمة ومعلومات جد ممتازة راني نتابع فيك عن كثب . انتظري تطبيقاتي باذن الله.

["سمية"]

السلام عليكم البنات

راني متابعة أسئلتكم و أفكاركم الله يبارك

واااااش ختي زخروفة راكي الله يبارك ربي يقدرك على الإفادة إن شاء الله و راني دايمن نضرب طلة على نصائحك القيمة
بزاف كنت مانعرفهمش و كاين اللي نسيتهم
انا الوقت ماعنديش خلاص اسمحولي وليت نادرا وين ندخل
ربي يوفقكم إن شاء الله

[محتاجة لعفو الله]

السلام عليكم و رحمة الله و بركاته

فعلا موضوعك غاية في الأهمية خاصة في وقتنا ولينا بحاجة للاكل الصحي ربي يعافينا ربي يجازيك خير نشفى كي كنت صغيرة على ماني الله يرحمها و طياباتها الصحية غير بالزيت الزيتون و الله تاع بكري كانو صحاح الله يبارك ماني عاشت أكثر من 80 سنة و غير هي اللي اطيب ما طاحتش كامل حتان ماتت توجد من كلش الله يبارك من الماكلة من الحلويات حتى القديان هي اللي تخرج تقدي الله يبارك على 7 تاع الصباح ما كاش قد ماكلة زمان و خضرة زمان تاع هاد الوقت اطيب غير بالدوا بنتها و راحت
انا مع فكرة تعليم الأطفال زيت زيتون لأنو اللي يتربى عليه يكبر يحبو و ما يدورش قلبو كي يدوقو حنا ماني الله يرحمها و يجعلها من أهل جنته كانت كي نجو خارجين نلعبو في الجنينة تعطينا خبز تسخنو و تمسح فيه زيت زيتون ندوه معانا منين نجوعو ناكلو منو ماشي كيما دراري تاع هاد الوقت يعرفو غير الحلوى و القاطو و الله المستعان
واقيلا طولت عليك المهم لي عودة في وصفة صحية ان شاء الله

[أم سلوى]

عندي كميات من الزيت زيتون وا ضعه في البلاستيك لانها تحوى 50لتر او أكثر ولا توجد من الزجاج او معدن آخر...
وخاصة انني اضعه في الديبارة....وحرارة الصيف تصل اليها حتما

إذا هي بكتيريا.....؟؟؟؟؟؟

مدونتي
http://fonouneatabkhe.blogspot.com/?m=1

[zokhrofa]

السلام عليكم شكرا جزيلا زخروفة وبارك الله فيكي موضوع في القمة ومعلومات جد ممتازة راني نتابع فيك عن كثب . انتظري تطبيقاتي باذن الله.

الله يسلمك أختي سامية

ان شاء الله تبداي تحطي هههه راني ستنيت بزاف

[zokhrofa]

السلام عليكم البنات

راني متابعة أسئلتكم و أفكاركم الله يبارك

واااااش ختي زخروفة راكي الله يبارك ربي يقدرك على الإفادة إن شاء الله و راني دايمن نضرب طلة على نصائحك القيمة
بزاف كنت مانعرفهمش و كاين اللي نسيتهم
انا الوقت ماعنديش خلاص اسمحولي وليت نادرا وين ندخل
ربي يوفقكم إن شاء الله

اه يا سمية رحتي وخليتيني هههه معليش اختي المهم نسمعو على بعضانا اخبار الخير

عودي بسرعة

[محتاجة لعفو الله]

حبيت نشاركم بطبق صحي و تقليدي و في نفس الوقت بنين اللي هو مسفوف بالفول و الجلبانة

نحضر طعام عادي كيما موالفين نحضروه و بجيه نقي الفول و نحطو في كسكاس و نغطيه بكيس بلاستيكي و نغطي الكسكاس بغطيوة و نحطو يفور مدة ثم نزيدلو الجلبانة ونملحو و نكمل نخليه يفور حتان يطيب
بعد ما يطيب نخلطوه مع الطعام و ندهنوه بكمية مليحة من الزيت الزيتون امممممم و نقدموه مع الرايب ولا اللبن صدقوووووني غير رووووووعة طعم الزيت الزيتون يمدلو بنة 4444444 حتى اللي مايحبش الزيت الزيتون أكيد رايح يعجبو
جربوه و رايحين تشوفو البنة اممممممممممم

https://i.ytimg.com/vi/2iIm9rm_H2U/hqdefault.jpg

[zokhrofa]

السلام عليكم و رحمة الله و بركاته


واقيلا طولت عليك المهم لي عودة في وصفة صحية ان شاء الله

واش طولتي راكي ما قلتي والو اختي محتاجة لعفو الله

و الله كي كنت نقرا واش كتبتي قريب طاحتلي الدمعة من عيني تفكرت يامات زمان الحلوين و النية الخالصة

ربي يرحم جداك ان شاء الله نتلاقاوها فالجنة شويقتيني نعرفها

الحمد لله تربيت بطياب كيما لي راكي تحكي عليه و راني نوكل في ولادي منو و ان شاء الله هوما تان يورثوه

انا وحد الوقت كنت نزعف نقول علاش فلان و فلانة ورثو الذهب و الفيلات و القصور

لكن الان وليت نقول الحمد لله ورثت عاداتنا و تقاليدنا ان شاء الله نساهمو في انتقالها لأجيال بعاااااااااد

اما على الأطفال لي ياكلو غير الحلويات و الله نحب نحكم كرافاش و نطيح على النساء لي راهم يوكلو ولادهم هذا الفساد

طبعا راني نهدر على لي نشروه ما نعرف كامل واش فيه

لكن قليل لي راهي تشمّر على يديها و دير لولادها الحلويات صحية

شكون لي راهي تربي في ولادها على الفطير و السفنج و وووو والله غير ينحسبو على الصباعتين

ندااااااااااااء لكل وحدة راهي توكل ولادها الحلويات تاع الزنقة افطني راه ربي عطاهملك امانة في يدك و راح تتحاسبي عليهم يوم القيامة

وَتَحْسَبُونَهُ هَيِّنًا وَهُوَ عِندَ اللَّهِ عَظِيمٌ

[zokhrofa]

عندي كميات من الزيت زيتون وا ضعه في البلاستيك لانها تحوى 50لتر او أكثر ولا توجد من الزجاج او معدن آخر...
وخاصة انني اضعه في الديبارة....وحرارة الصيف تصل اليها حتما

إذا هي بكتيريا.....؟؟؟؟؟؟

مدونتي
http://fonouneatabkhe.blogspot.com/?m=1

اختي نسيت نقول الطين أيضا

لوكان غير تطلبي من بائع أواني الطين يديرلك الجرّة تاع 50لتر خير ليك

[zokhrofa]

حبيت نشاركم بطبق صحي و تقليدي و في نفس الوقت بنين اللي هو مسفوف بالفول و الجلبانة

نحضر طعام عادي كيما موالفين نحضروه و بجيه نقي الفول و نحطو في كسكاس و نغطيه بكيس بلاستيكي و نغطي الكسكاس بغطيوة و نحطو يفور مدة ثم


شكراااااا ممممم يشهي نزيدلو زيت الزيتون برك و ناكلو بلا لبن ههه


اختي حبيت برك نبهك الخطأ هو انك تغطي بكيس بلاستيكي

غطي غير بالغطيوة و راح يفور بدون حتى مشكل و اذا الغطيوة فيها ثقب اغلقيهم باللباب تاع الخبز

ارجو انك تفرحيني المرة الجاية و تقوليلي راني درتو و خرج يهبل بدون كيس بلاستيكي

[zokhrofa]

سلام

هذا هو تطبيقي لوصفة ام البراء البارح لكن غير بالباطاطا عجبني خليط الخل مع الزيت عطا نكهة هااااااااايلة

و زدت حبات بيض مقليين

و بيطراف مسكرفج خضر ماشي مغلي

ممممممممممم صحي ولا ماشي صحي ؟

http://www.up.djelfa.info/uploads/149331096973171.png

[كلنا راحلون]

http://www.up.djelfa.info/uploads/149095482521551.jpg



كنت فايت صدفة شفت هاد موضوع4444444444444من اروع مواضيع على مر العصور +تقييم
فول بلا طوماطيس بلا اضافات444444+وصفة تاع كرانتيكا 000000

[غزالة الصّحراء]

صباح الخير عليكم صحّيات

معلومة التصبيحة تاع اليوم

على طريقة حفظ الزيوت و العسل

لازم تكون في قارورة او علبة زجاجية داكنة اللون او طين اذا ما لقيتيش لون داكن لا يدخله الضوء احرصي على ان تكون الزجاجة مخبأّة في مكان مظلم

لماذا ؟

خاطش كان تديري في البلاستيك راح يتفاعل مع المواد اي الزيوت او العسل و يولو معمرين بسموم البلاستيك لي راكم تعرفوها

اما الظلام فهو باش المايكونش ضوء لي هو مساهم كبير في حياة الكثير من البكتيريا

اذا كل وحدة المرة الجاية كي تشري زيت الزيتون مثلا او اي زيت و عسل في قارورة بلاستيكية

تبدللها الوعاء الى وعاء زجاجي و تخبيها في مكان مظلم

اذا راكم حابين تتأكدو من المعلومة

جربي ديري زيت الزيتون في قارورة بلاستيكية و اخرى في قارورة زجاجية في الظلام و بعد شهر شوفي الفرق في البنّة و الرائحة

لك جزيل الشّكر على موضوعك الجدّ هام.
شوفي أختي لا أحد لايرغب في ان يكون طعامه صحيّا. لكن هناك الكثير من الظّروف التّي تمنعه من تحقيق ذلك. واولّ ظرف هي ضروريات الحياة الكثيرة التّي تنسيه التفكير فيها مليّا. وهناك أيضا انعدام الوسائل خاصّة. نتمنّى جميعا أن نستفيد من موضوعك المميّز هذا.

[غزالة الصّحراء]

عندي كميات من الزيت زيتون وا ضعه في البلاستيك لانها تحوى 50لتر او أكثر ولا توجد من الزجاج او معدن آخر...
وخاصة انني اضعه في الديبارة....وحرارة الصيف تصل اليها حتما

إذا هي بكتيريا.....؟؟؟؟؟؟

مدونتي
http://fonouneatabkhe.blogspot.com/?m=1

أختي أم سلوى أتقولي أنا الي راني كتبت هذا الرّد. عندي نفس المشكل.تماما. وين رايح نلقى في رأي الأخوات قارورة زجاجيّة تحفظ لي 40 أو 50 لتر. . أنا كذلك راني دايرتها في الديبارة. المكان مظلم. . وفي المطبخ نستعمل قارورة 1 ونصف لتر. ولما تتخلالص أنعمرها من جديد. أتمنّى أن نجد من الأخوات الحلّ المناسب لمثل هذه الحالة.

[zokhrofa]

اهلا اهلا اختي غزالة لم افهم ماهو معنى صحي ؟ خاطش حرت كي قلتيلي ظروف

اكل صحي انا نشوف تحضيرو اسهل بكثييير من الغير صحي ولا لالا ؟

[zokhrofa]

بالنسبة لحفظ زيت الزيتون بكمية كبيرة راني اقترحت عليكم تطلبو من باءع الطين يخدملكم جرة تاع خمسة و عشرين لتر او تاع خمسيت لتر
ان شاء الله تلقاو برك

[أم البراء 2017]

السلام عليكم ورحمة الله وبركاته
وصفة بنينة لفطور الصباح
شوية زيت زيتون نسخنو شوية ونزيد معاه مغرف عسل حر ونخلط طفي النار ونزيد الروينة بالشوي لازم تكون جارية شوي ونزيد نكسر عليها حبة بيض ونخلط
بنيييييينة

روينة تاع القمح اللي يديرو بيها الزرير

[أم البراء 2017]

وصفة للخضار فالكوكوط
ههههه زخرفة ذرك تقوليلي خطيك من الكوكوط انا تساعدني عالكيف
حبة بصل شرائح
ثلاث حبات بطاطا مقطعة اصابع رقاااق
فلفل حار وحلو حلقات
قرعة حلقات
بذنجان اختياري
حبة طماطم حمرا مرحية
شوية زيت اربع ملاعق
وقليهم فوق النار وغلقي الطنجرة ربع ساعة
افتحي عليها وعملي بالملعقة مكان كسري فوقو بيض
تقريبا ثلاث بيضات وغلقي الطنجرة مدة خمس دقائق حتى يطيب البيض
والبصحة ولهنا
نسيت الملح هههه وهذ الطبق من غير توابل ملح وبرك

[zokhrofa]

السلام عليكم ورحمة الله وبركاته
وصفة بنينة لفطور الصباح
شوية زيت زيتون نسخنو شوية ونزيد معاه مغرف عسل حر ونخلط طفي النار ونزيد الروينة بالشوي لازم تكون جارية شوي ونزيد نكسر عليها حبة بيض ونخلط
بنيييييينة

روينة تاع القمح اللي يديرو بيها الزرير

اهلا اهلا ممممممم باينة بنينة

قوليلي تجي كيما les pancake !!!

[zokhrofa]

وصفة للخضار فالكوكوط
ههههه زخرفة ذرك تقوليلي خطيك من الكوكوط انا تساعدني عالكيف


هااااااااااا ها اها ها

لالا ما نقولكش اخطيك من الكوكوط هههههههههه

فقط لازم تكون كوكوط تاع الاينوكس ماشي تاع الالمنيوم

و الطياب يكون على نار قلييييييييييييييلة فقط

هههه يعني ماشي الحاجة لي ممنوعة و انما المادة المصنوعة بيها و طريقة الاستعمال فقط

[أم البراء 2017]

واش راكي زخرفة
فكرتيني النار تكون ذليييييلة

[zokhrofa]

انا الحمد لله يا ربي و انتي ؟

مليح كي تكون قليلة يعطيك الصحة

[أم البراء 2017]

لازم تكون النار ذليلة خاطر مامرقتش تطيب الخضر فالماء تاعها
كي نديرها نحط الصور
الله يبارك عالتطبيق تاع الخل والزيت هههههه
ولوكان درتي زيت الزيتون تجي خير

[zokhrofa]

حبيتي تبكيني ؟ هههههههههه ياك قتلك ما لقيتش وحدة بنينة وين نسكن

قولولي لبنات شكون جربت تشري زيت الزيتون لي تتباع في قارورة زجاجية عند حانوت مواد غذائية عامة و لقاتها بنينة ؟

[أمنية غفران]

اختي شمس ربي يوقفك على خير

لكن ارجوووووووووووووووووووووكم نحو من طبايعكم انو الحليب في الصباح ضروري

الضروري هو أكلة متوازنة في الصباح باش تشدي بيها حتى 12 و تفطرو

راهم مصانع الحليب دارو حملة اعلامية و حتى الوزارة الصحة تصدر هذه الاعلانات انه الحليب ضروري للانسان

الانسان كي يفوت 2 عام من عمرو يصبح الحليب مادة غذائية كيفها كيف اي مادة في الكرة الارضية

يعني ما تولفوش ولادكم بعد 2 عام انو لازم يشرب حليب صباح ولا يدي طريحة

اشربو شاي اخضر او تيزانة او نعناع او عصير طبيعي

خبز مطلوع او قمح او شعير

تمر

جبنة طبيعية

فاكهة

كسكس شعير بالحليب

حريرة او شربة خضر

المهم اكلة تشد بيها الجوع ماشي على العشرة تولي بالدوخة

الأكل في الصباح هو اهم وجبة في اليوم

و خاااااااااااااصة الأطفال لي يقراو في المدارس من بعد أمهاتهم يقولك وليدي ماراهش يقرا مليح

طبعا ما يقراش انتي تبعثيه معمر سكريات يتحرقو تم تم على 10 يجوع و من بعد ما يولي عندو طاقة يسمع الشيخ ما يجاوب ما يحفظ

ردو بالكم من هذه النقطة ارجوكم


يعطيك الصحة أختي في الصباح نتمنى هاكة ناكل حاجة كيما اومليتت زيتون كي نشوف اخواننا المشارقة كيفاه يصبحو ياكلو الشهية مفتوحة عن اخر الله يبارك انا يصبح قلبي وجعني واععععععععع ادا شربت قهوة حليب و حبيبة حلوى راني مليحة و هادا غي علاجال القهوة الكحلة علاخاطرش راهو شعاري انا و قهوة الصباح عشق لا ينتهي

حاولي تعطيني حل دبري راسك

[أمنية غفران]

أم براء عجبني طريقتك طيابك امممممممممممممممم مشكورة

[zokhrofa]

يعطيك الصحة أختي في الصباح نتمنى هاكة ناكل حاجة كيما اومليتت زيتون كي نشوف اخواننا المشارقة كيفاه يصبحو ياكلو الشهية مفتوحة عن اخر الله يبارك انا يصبح قلبي وجعني واععععععععع ادا شربت قهوة حليب و حبيبة حلوى راني مليحة و هادا غي علاجال القهوة الكحلة علاخاطرش راهو شعاري انا و قهوة الصباح عشق لا ينتهي

حاولي تعطيني حل دبري راسك

هههههه اهلا اختي امينة

في الحقيقة هذا كووووووووووووووول راجع لتربيتنا في صغرنا احنا رباونا بعد 2 سنة انو نبقاو نشربو كيما البيبي حليب مع الصباح ههههه

لذلك كل وحدة راهي تربي نوصيها من الآن وليدك غير يفوت 2 سنة حبسيلو القرعة تاع صباح سواء يبكي او ما يبكيش ما تمديهالوش مع الوقت راح ينساها خاطش هو والف فقط حاجة ساهلة و تشبع خير من المضيغ و تكسار الراس

اما حنا لي كبرنا و طفرت فيها نقولك حاجة اختي امينة ؟

جاوبيني على هذا السؤال ارجوك : انتي تحكمي في معدتك ولا هي لي تحكم فيك ؟

اذا كنتي انتي لي تحكمي فيها صدقيني الصراع راح ينتهي في 3 ايام فقط لكن اذا كانت هي لي تحكم فيك الصراع يدوم 30 يوم و ينتهي بربحها المعركة

لماذا ؟

لأنو الانسان ربي عطاه رمضان باش يقدر يغيّر من عاداته لكن غير يخلاص رمضان نعااااااااااودو نولو لطبايعنا الفاسدين

كيفاش ؟

فترة الصيام لي دوم 30 يوم هي عبارة عن اعادة برمجة للجسم اذا انتهزتي الفرصة و ربيتي جسمك مدة 30 يوم على شيء راح تجيك ساهلة الامور

و نعطيك خطأ يقع فيه الكثير :

هو انو يحبو يحبسو ضربة وحدة الحاجة

مثلا القهوة : اذا حبيتي تقطعيها لازم تنقسي من فنجالك كل يوم مغرف حتى تتخلصي منها تماما

خاطش جسمك تعوّد على كمية معيّنة و تجيه صعيييييييبة بزاف تحبسيهالو ضربة وحدة

لذلك ننصحك بطريقة جد سهلة : غدا ان شاء الله كي تفرغي فنجالك نقسي منو ملعقة من هذيك الكمية

بعد 5 ايام نقسي 2 ملاعق

لي بعدو 3 ملاعق

حتى تنقسيها كامل

هذه الطريقة هي نفسها في كا ما هو معتاد عليه الجسم

يعني كاين لي يقولك انا معتاد على 2 حبات قاطو لازم كل يوم

كاين التدخين

كاين الشاي

كل واحد واش متعود

[أم البراء 2017]

شكرا ختي امينة
زخرفة واللي مدمن عالفلفل الحار .... ههههه
تعرفي كاين اطباق لو مايكونش عندى الفلفل الحار مانطيبش.وماهوش من مكونات الطبق .بصح لازم يكون

[صفاء رحاب]

الاخت زخرفة يعطيك الصحة على مجهوداتك

[أمنية غفران]

هههههه اهلا اختي امينة

في الحقيقة هذا كووووووووووووووول راجع لتربيتنا في صغرنا احنا رباونا بعد 2 سنة انو نبقاو نشربو كيما البيبي حليب مع الصباح ههههه

لذلك كل وحدة راهي تربي نوصيها من الآن وليدك غير يفوت 2 سنة حبسيلو القرعة تاع صباح سواء يبكي او ما يبكيش ما تمديهالوش مع الوقت راح ينساها خاطش هو والف فقط حاجة ساهلة و تشبع خير من المضيغ و تكسار الراس

اما حنا لي كبرنا و طفرت فيها نقولك حاجة اختي امينة ؟

جاوبيني على هذا السؤال ارجوك : انتي تحكمي في معدتك ولا هي لي تحكم فيك ؟

اذا كنتي انتي لي تحكمي فيها صدقيني الصراع راح ينتهي في 3 ايام فقط لكن اذا كانت هي لي تحكم فيك الصراع يدوم 30 يوم و ينتهي بربحها المعركة

لماذا ؟

لأنو الانسان ربي عطاه رمضان باش يقدر يغيّر من عاداته لكن غير يخلاص رمضان نعااااااااااودو نولو لطبايعنا الفاسدين

كيفاش ؟

فترة الصيام لي دوم 30 يوم هي عبارة عن اعادة برمجة للجسم اذا انتهزتي الفرصة و ربيتي جسمك مدة 30 يوم على شيء راح تجيك ساهلة الامور

و نعطيك خطأ يقع فيه الكثير :

هو انو يحبو يحبسو ضربة وحدة الحاجة

مثلا القهوة : اذا حبيتي تقطعيها لازم تنقسي من فنجالك كل يوم مغرف حتى تتخلصي منها تماما

خاطش جسمك تعوّد على كمية معيّنة و تجيه صعيييييييبة بزاف تحبسيهالو ضربة وحدة

لذلك ننصحك بطريقة جد سهلة : غدا ان شاء الله كي تفرغي فنجالك نقسي منو ملعقة من هذيك الكمية

بعد 5 ايام نقسي 2 ملاعق

لي بعدو 3 ملاعق

حتى تنقسيها كامل

هذه الطريقة هي نفسها في كا ما هو معتاد عليه الجسم

يعني كاين لي يقولك انا معتاد على 2 حبات قاطو لازم كل يوم

كاين التدخين

كاين الشاي

كل واحد واش متعود


يعطيك الصحة زخرفة في كل كلمة قلتيها صح في رمضان بدايته يجيني صعيب بزاف و هاداك بسبب فنجان القهوة نتاع الصبيحة و من بعد خلاص نولي عادي مع الصيام و حتى القهوة ما نشربهاش بعد الافطار شفتي

بصح غي نعيدو و ترجع ريمة لعادتها القديمة

ان شاء الله نحاول هاد الايام نجرب طريقة الملعقة

مشكورة أختي و في ميزان حسناتك

[mosta*limoges]

سلام عليكم و رحمة الله وبركاته زخرفة مواضيك دائما في القمة و مفيدة و الأكل الصحي ضروري لجسم الإنسان و خاصة الأطفال باه يكملوا نهارهم بكل طاقة و نحافظوا عليهم من الأمراض و نشكرك جزيل الشكر .أنت و الأخوات على الوصفات

[zokhrofa]

شكرا ختي امينة
زخرفة واللي مدمن عالفلفل الحار .... ههههه
تعرفي كاين اطباق لو مايكونش عندى الفلفل الحار مانطيبش.وماهوش من مكونات الطبق .بصح لازم يكون

ههههه هذه مسألة ذوق ماشي

لكن الحار يضر الكبد عكس الأشياء المُرّة

الزيتون المر او الخرشف لا يضر الكبد

الذي يضر الكبد هو البهارات خاصة الحارة منها مثل الفلفل الاسود و الفلفل الاحمر الحار

ما عدى الزنجبيل مع انه حار لكن لا يضّر الكبد

القرفة تضر من لديه مرض سابق في الكبد

لكن اذا كنتي تقصدي الفلف الحار الأخضر النبات فهذا امر آخر

خاطش فوائده أكبر بكثير من مخاطره

هو عبارة عن مضاد للبكتيريا لي تسبب قرحة المعدة

لذلك أطباء التغذية يقولو للناس لي عندهم مشكل القرحة المعدية ياكلو الحار

راح تستغربي الأمر لكن هذه هي الحقيقة

ربما يكون عند الانسان مشكل كي ياكلو لكن انو هو لي يسبب خلل في الجهاز الهضمي فهذا غير صحيح

بل هو مطهّر للجهاز الهضمي

من فوائده تاني مخفّض للضغط و ينقي الشرايين و يمنع التجلّطات، مضاد للأكسدة و مقوّي للشرايين، مضاد للالتهاب

طبعا كاين الفلفل الحار الاحمر و كاين الأخضر و الفائدة هي نفسها

بالنسبة للمضار نهدرو على الفلفل المخلل كمية الأملاح لي تكون فيه هي لي تسبب مشكل للانسان

خاصة لي عندهم مرض الضغط خاطش راح تكون كمية كبيرة من الصوديوم فيه

و في الأخير انا ننصحك أختي أم البراء تنقسي منو لأنه كل حاجة في هذه الدنيا اذا زادت عن حدها انقلبت الى ضدها

تعرفي حتى الماء لو شربي منو اكثر من اللازم راح يدور عليك

فمابالك المواد الأخرى

[zokhrofa]

الاخت زخرفة يعطيك الصحة على مجهوداتك

اهلا أختي صفاء رحاب

هذا أقل شيء

لو نقدر ندير أكثر لن أقصّر

[zokhrofa]

يعطيك الصحة زخرفة في كل كلمة قلتيها صح في رمضان بدايته يجيني صعيب بزاف و هاداك بسبب فنجان القهوة نتاع الصبيحة و من بعد خلاص نولي عادي مع الصيام و حتى القهوة ما نشربهاش بعد الافطار شفتي

بصح غي نعيدو و ترجع ريمة لعادتها القديمة

ان شاء الله نحاول هاد الايام نجرب طريقة الملعقة

مشكورة أختي و في ميزان حسناتك

ممممم برافو واش رايك تفتحي موضوع تحدي للتخلّص من القهوة

علابالك كي تكونو جماعة راح يكون عندك الكوراج

ربي سبحانه و تعالى خلق فينا عنصر الجماعة كي نديرو حاجة في جماعة نحسوها ساهلة

شوفي رمضان كي نعرفو بلي كااااااااامل المسلمين صايمين يجينا ساهل ما

لكن غير يخلاص و نحبو نصومو الصابرين و نعرفو انو ماشي كامل الناس صايمينهم نعجزو عليهم او اذا صمناهم يجونا واعرين على 30 يوم ههههه

علابيها فيهم فضل كبير

[zokhrofa]

سلام عليكم و رحمة الله وبركاته زخرفة مواضيك دائما في القمة و مفيدة و الأكل الصحي ضروري لجسم الإنسان و خاصة الأطفال باه يكملوا نهارهم بكل طاقة و نحافظوا عليهم من الأمراض و نشكرك جزيل الشكر .أنت و الأخوات على الوصفات

و السلام و الرحمة و الاكرام

اهلا اهلا يا زينة زارتني النجمة الضواية

شكرا اختي على الاطراء

ان شاء الله تلقاي الوقت و تشاركينا انتي تان بوصفاتك الصحية لي راكي تديريها لولادك

معليش دون صور اعطينا الطريقة و احنا ان شاء الله نطبقو

[zokhrofa]

صباااااح الخير عليكم خواتاتي

غراتان الشوفلور بالحليب


http://www.up.djelfa.info/uploads/149345859345061.jpg

اليوم حبيت نشارك معاكم الغراتان تاع الشوفلور لي قلتلكم عليه

الطريقة :

تحكمي الشوفلور باش تغليه في قدر فيه : شوية زيت + ملح + رند صغييييييرة + زعيترة شوييييييية + كروية لطرد الرائحة + فلفل أسود + خل ابيض لطرد الجراثيم

+ ليمون للتحصّل على لون ابيض ناصح + قطعة خبز او لبابة الخبز لامتصاص الروائح

تخليه يغلي الى ان يطيب مليح و ما تزربيش عليه

بعد ما يغلي صفيه من كامل الاشياء لي ضفتيها و خليه وحدو في اناء لاضافة المواد تاع الغراتان

احكمي كمية معتبرة من البصل و قطعيها صغيرة و ديريها تتقلى حتى تذبال مع ملعقة خل ابيض لاستخراج المذاق الحلو لي في البصل فقط لا ملح لا بهارات

بعدها اضيفيه الى الشوفلور لي تكوني فرقتيه مليح يعني ماشي تعجنيه لكن ما تخليش الحبات كبار

+فلفل اسود + معدنوس مقطع رقيق

في طاسة شربة ديري حليب + 2 الى 3 حبات بيض + ملح و ضربيهم مليح

و اضيفيهم الى الشفلور و المواد الاخرى من الاحسن تذوقي الملح اذا راه مليح او لا زيديه خاطش ربما يجيك مسوس و مايجيكش بنين اذا فات طاب ما تقدريش تزيدي الملح

ثم ضعي الكل في طبق الفرن

احكمي خبز يابس دقيه بالمهراس حتى يولي رقيق و ذرذريه فوق الشوفلور هذا راح يعوّض الجبن فوق الغراتان باش يدي لون ذهبي

من بعد حطي الطبق في الفرن بعد ماكان سخن 30د كي تشوفي الطبق نشف من الحليب اشعلي من الفوق حتى يحمار الخبز

هذا مكان ان شاء الله تفيدكم الوصفة

خاصة و أنو الكثير لي قالولي وقتاش نشربو الحليب هههههه

[غزالة الصّحراء]

اهلا اهلا اختي غزالة لم افهم ماهو معنى صحي ؟ خاطش حرت كي قلتيلي ظروف

اكل صحي انا نشوف تحضيرو اسهل بكثييير من الغير صحي ولا لالا ؟

وبك ألف أهلا أختي زخرفة. ومرّة أخرى ألف شكر على موضوعك القّيم .
الأكل الصحّي في نظري هو كلّ أكل بعيد عن القليّ والكثير من البهارات. ولهذا لما قلت لك قضيّة الوقت فهناك الكثير لما يضيق عليهم الوقت تقومون بقلي البطاطا. مرة على مرّة لابأس لكن بالكثرة لا. ثم لاحظت في الآونة الأخيرة في المطاعم وهذه الظّاهرة انتشرت بسرعة. لمّا يرغبون في تحمير الدّجاج يضعون في الأسفل البطاطا التّي تكون قد قليت. ودهون الدّجاج تتصبّب عليها. بطبيعة الحال الزبون يعجبه المذاق . لكن هل فعلا كما تذوق سيجد جسمه ماينفعه. ؟؟ لا طبعا.
بعض النّاس استفاقت مؤخرا وأصبحت تهتم بصحتها وهذا من خلال اقتنائها للخضر والفواكه من أصحاب الأراضي الخاصّة. الذّين لايكثرون الأسمدة الكماويّة.
ثمّ الكثير من لديهم قطعة أرض صغيرة ورغم ذلك يزرعون فيها على الأقل مايكفيهم ذاتيّا تفاديا للخضر الضّارة.
نقول أكل صحّي . صحيح حين نحضّره في البيت ليس كالّذي نأكله في المطاعم. لكن هذه الخضر والفواكه كلّها معبئة بالمواد الكيماويّة.
أختي زخرفة للحديث بقيّة. فالموضوع يحتاج إلى اشهار من أجل توعيّة الجميع بدون استثاء.

[غزالة الصّحراء]

بالنسبة لحفظ زيت الزيتون بكمية كبيرة راني اقترحت عليكم تطلبو من باءع الطين يخدملكم جرة تاع خمسة و عشرين لتر او تاع خمسيت لتر
ان شاء الله تلقاو برك

شكرا على هذا التّوضيح . ولو انّني صراحة أعرف ذلك. لكن الأمر صعب قليلا. هي متواجدة للبيع في مناطق القبائل ، لابد من وقت لأجد الجرّة المناسبة للزيت.

[zokhrofa]

وبك ألف أهلا أختي زخرفة. ومرّة أخرى ألف شكر على موضوعك القّيم .

نقول أكل صحّي . صحيح حين نحضّره في البيت ليس كالّذي نأكله في المطاعم. لكن هذه الخضر والفواكه كلّها معبئة بالمواد الكيماويّة.
أختي زخرفة للحديث بقيّة. فالموضوع يحتاج إلى اشهار من أجل توعيّة الجميع بدون استثاء.


يعطييييييييييييييك الصحة يا اختي غزالة شكرا على الشرح الوافي و الكافي

خاصة على النقطة تاع المواد الكيمياوية

في الحقيقة اصبح الفلاّح كرشو ما تشبعش على هذا اصبح يضيف المواد الكيماوية حتى على خضار الموسم

انا شخصيا اصبحت اقوم بتوعية زوجي في هذا المجال و نقول ليه واش هوما الخضار تاع الموسم و واش لا مثلا البصل الطويل الان راه يخرج اذا لاحظتو راه يجي معسلج

مثلا الفلفل الحلو ماشي وقتو و الناس راهي تشري فيه هو و الباذنجال كل هذا من البيوت البلاستيكية المعمرة مواد كيماوية

لكن المصيبة الكبرى هي كي تشري خضرة الموسم و تلقايها معمرة مواد كيماوية يرحم باباك واش ناكلو ضرك ؟

لذلك الانسان من الاحسن يكثر من التنويع في الاكل مثلا 3 مرات بقوليات في الاسبوع و الباقي خضر و يوم واحد مقلي في الشهر او 2 لا يضر

لكن كيما قلتي كاين ناس تاكل كل يوم مقليات

حسنا اختي اسعدني جدا كلامك و نسبة الوعي لي راكي فيه في مجال الأكل الصحي ياريت تزيدي تفيدينا مرة على مرة كي يكون عندك الوقت

اما على الاشهار انا طلبت من المشرفات ينقلو الموضوع الى قسم الاطباق الرئيسية لأنّه القسم اكثر مشاهدة ان شاء الله يستجيبو لطلبي

[zokhrofa]

شكرا على هذا التّوضيح . ولو انّني صراحة أعرف ذلك. لكن الأمر صعب قليلا. هي متواجدة للبيع في مناطق القبائل ، لابد من وقت لأجد الجرّة المناسبة للزيت.

عفوا اختي هذا اقل شيء ان شاء الله تلقايها في الحقيقة معليش اذا ماشي لهذه المرة المرة الجاية

المهم الان اصبحنا نعرف انه من الاحسن الاحتفاظ بها في الزجاج او الطين او حتى الخشب

[oumelabedmh]

السلام عليكم بارك الله فيك اختي زخرفة على الموضوع الرائع. كنت حابة نشارك من قبل لكن قدر الله وماشاء فعل اسباب صحية منعتني.اول دخلة راح تكون بالحلو والي هو كعك بزيت الزيتون ممكن الفكرة غريبة لكنةهايل خاصة للاطفال هي في الاصل وصفة فلسطينية لقبتها في النت وطبقتها وعجبت عائلتي

[oumelabedmh]

اولا تجيبي 2كيسان فرينة مع 2 كيسان دقيق رطب كيما تاع الشخشوخة مغرف زريعة البسباس ومغرف ص هيل ومغرف ك حبة حلاوة تخبي مطحونين ولا مكسرين برك انا طحنتهم خفت اولادي وتبسسيهم بكاس زيت زيتون تحبي تبيتيه وغدوة تخدميه ولا كيفي غير ريح شوي شمختو بكاس حليب مذوب في مغرف سكر بلا ما ننسى رشة الملح ونص ملعقة صغيرة خميرة خبز. تكون العجينة طرية كي تاع الصابلي.تخليها تريح شوي وتوجدي الغرس تاعك كالعادة بالقرفة والقرنفل وشوي هيل وتعجني بشوي ماء زهر وزيت عادي ولا زيت زيتون ثم تشكليه كي كعك النقاش اي اساور محشية تدهنيه بشوي حليب ثقيل انا ندير حليب بودرة مع شوي فاني مع القليل من الماء وندهن وممكن تخليه دون دهن. يظيب ربع ساعة تقريبا انا فرني كهربائي حطيتو على170درجة وتمتعي بكعك صحي ومقرمش.

[oumelabedmh]

ان شاء الله نكون وفقت في الشرح وباذن الله لي عودة في وصفات اخرى طبعا بزيت الزيتون الي وليت نموت عليها وحتى معجناتي نديرهم بيها المهم تكون اصلية ومافيهاش الريحة

[غزالة الصّحراء]

ان شاء الله نكون وفقت في الشرح وباذن الله لي عودة في وصفات اخرى طبعا بزيت الزيتون الي وليت نموت عليها وحتى معجناتي نديرهم بيها المهم تكون اصلية ومافيهاش الريحة

شكرا لك على هذا الشّرح الوافي. فقط عندي الملاحظة التّاليّة فيما يخصّ زيت الزّيتون.
وباذن الله لي عودة في وصفات اخرى طبعا بزيت الزيتون الي وليت نموت عليها وحتى معجناتي نديرهم بيها المهم تكون اصلية ومافيهاش الريحة[/QUOTE]بالعكس حبيبتي زيت الزّيتون الأصليّة فيها ريحة الزّيتون. . واحسن منطقة فيها نوع جيّد لزيت الزّيتون هي: البويرة. ورغم ذلك لازم تشريها على شخص ذو ثقة. على خاطر كاين ألي يخلطولها زيت المائدة. أو يبيعون الزيت القديمة المتبقيّة ويحتفظون بالجديدة. وزيت الزّيتون ليست فقط جيّدة للأطباق بل أيضا لدهن الجسم. أطلعت على موضوع في النت : الذين يعانون من آلام الظهر عليهم أن يقوموا بدهنه 5 مرات في اليوم بزيت الزّيتون . وفعلا الطّريقة جدّ فعّالة. أتمنّى أن أكون أفدتكنّ . :mh92:

[oumelabedmh]

بارك الله فيك اختي. انا قصدي على كاين الي تكون ريحتها قاوية بزاف تغلب على الاكل وهدا السبب يخلي كثير من الناس مايحبوهاش وانا كنت منهم لكن الحمد لله في زوجي عودني عليها ويجيب من المعصرة في موسم عصر الزيتون كمية تكفينا عام ومرات تخلص قبل ماشاء الله.

[oumelabedmh]

وصدقا انا ماتعرفلهاش حماتي شاطرة تذوقها تعرف نوعيتها مليحة ولالا انا كي ناكل ويكون طعمها لذيذ خلاص هاديك هي ههههه

[zokhrofa]

اهلا اهلا أختي ام عبد الرحمن نورتي الموضوع و بوصفتك الخفيفة

كيما قاتلك غزالة راهي زيت الزيتون تتخلط بزيت المائدة يعني كي تجي تشري لازم يكون على الاقل شريتو من عندو مرة و عجبتكم

و في الحقيقة في وقتنا هذا ما عدنا نديرو ثقة في حتى انسان من الاحسن نتبعو واحد يعرفلها و انتي عندك مزية وحدة تعرفلها اعطيها ليها تشريلك هههه

انا شخصيا كنت نشري لكامل العائلة كي نذوقها نعرف اذا مليحة او لا

قوليلها تعلمك خيرلك

[البحر الصافي]

زخرفة موضوع قمة ماشاء الله حمستونا للاكل الصحي
بارك الله فيكم جميعا

[zokhrofa]

اهلا اهلا أختي عسلامة شوقناك ؟ معناها انتي كيفاش طيبي ؟ هاتي شوية تفاصيل هههه

[om rita31]

أحسن شيء الاكل الصحي كرهنا من الزيوتي
المهم بغيت نشارك بوصفة المحشي اللايت أو الدولمة الصحية بالخضار
نحتاج لخضار متنوعة فلفلة كورجات طماطم بدنجان جزر بصل مكور نقيهم ونفرغهم من الوسط باش نحشيهم
الحشو: لحم مفروم 4 ملاعق كبيرة ارز كاسين قصبر ومعدنوس ملح فلفل أسود راس الحانوت شوي قرفة توم مفروم بصل مفروم نخلطهم ونبدا نحشي كل الخضار ثم نستفهم في طنجرة ونديرلهم مرقة دجاج تكونى مطيبتها وحدك فيه عظام دجاج جزر كرافس بورو ملح وفلفل اسود أحسن من جومبو و حبة طماطم مسكرفجة ونغطيها ونخليها على النار نص ساعة طيب وشهية طيبة...جربوها بنينة ومليحة للرجيم

[ام هدول]

صباح الخير عليكم ...جبتلكم السفنج بالسميد مانعرف لا صحي ..مع الصباح وقهوة حلييب وامممم ولا احلى ....

https://a.top4top.net/p_485k2sj12.jpg (https://up.top4top.net/)

https://f.top4top.net/p_485m3eo81.jpg (https://up.top4top.net/)

[zokhrofa]

أحسن شيء الاكل الصحي كرهنا من الزيوتي
المهم بغيت نشارك بوصفة المحشي اللايت أو الدولمة الصحية بالخضار
نحتاج لخضار متنوعة فلفلة كورجات طماطم بدنجان جزر بصل مكور نقيهم ونفرغهم من الوسط باش نحشيهم
الحشو: لحم مفروم 4 ملاعق كبيرة ارز كاسين قصبر ومعدنوس ملح فلفل أسود راس الحانوت شوي قرفة توم مفروم بصل مفروم نخلطهم ونبدا نحشي كل الخضار ثم نستفهم في طنجرة ونديرلهم مرقة دجاج تكونى مطيبتها وحدك فيه عظام دجاج جزر كرافس بورو ملح وفلفل اسود أحسن من جومبو و حبة طماطم مسكرفجة ونغطيها ونخليها على النار نص ساعة طيب وشهية طيبة...جربوها بنينة ومليحة للرجيم

اهلا اهلا اختي ام ريتا وصفة رائعة

علابالك أنا وراتهالي مصرية و ديري فيها المرة الجاية شويييية نعناع يابس و نحي اللحم يعني تجي محشية غير بالروز

طبعا انتي وصفة ديالك باللحم و طايب في الماء صحي و زوج

فقط حبيت نشاركك بالوصفة اذا كان ما عندكش اللحم ما تقوليش ما نقدرش ندير محشي

ان شاء الله نهار يدخل الفلفل الحلو نديرهالك

[zokhrofa]

صباح الخير عليكم ...جبتلكم السفنج بالسميد مانعرف لا صحي ..مع الصباح وقهوة حلييب وامممم ولا احلى ....

[url [/url]

[ ]

طبعا صحي مادام انتي درتيه بيديك خير من تشري الحلويات المعلّبة

ربي يعطيك صحيحتك

[zokhrofa]

هذا طبق حضرتو على طريقتي باش نتأكد انو السمك و البطاطا يطيبو في كيس الفرن

هذا هو الرابط

http://www.djelfa.info/vb/showthread.php?p=3996806345#post3996806345

و هذه هي صورة الطبق جد صحية

http://www.up.djelfa.info/uploads/149356337550332.jpg

[oumelabedmh]

السلام ايه اختي زخرفة المشارقة يديرو المحاشي بكمية لخم مفروم قليلة والباقي ارز وانا اعتمدها في حشو الكوسا نكثر معدنوس ونعناع وزيت زيتون باه مايكونش الحشو ناشف مع مرق دجاج مع سلطة او ياؤورت ناتور الي حصريا اولادي ياكلوه ما نحيبش الحلو

[oumelabedmh]

حبيت نحكي تاني اولادنا لازم تكون عندهم حصة يومية من المكسرات او الفواكه الجافة مثلا شوي زبيب حبة جوز 3حبات لوز حلو طبعا مش محمص وياريت يوميا تمر كوجبة مسائية مسلية وقت العصر

[oumelabedmh]

كما انبه لحاجة بالاك كاين الي ماتعرفهاش الملاحظ عندنا في الجزائر الفواكه بعد الاكل مباشرة وهدا خطأ لاننا مش راح نستفادو منها خاصة اذا كانت الوجبة فيها لحم الي هو طويل الهضم عكس الفواكه سريعة الهضم فتبقى مسكينة في ابمعدة مع ابوجبة لفترة طويلة وتروح كثير من فوائدها فياريت تكون بين الوجبات كي يجوع الواحد بدل الحلويات ياكل فواكه

[zokhrofa]

صحيتي صحيتي اختي ام عبد الرحمن كلامك درر

كل حاجة قلتيها صح

انا تان كنت نوكلهم الياغورت الطبيعي و الان حبستلهم كامل المنتجات الحليبية بما انو مزال يشربو حليب عندهم 18 شهر ان شاء الله نهار يديرو 24 شهر نحيلهم الحليب و نعوضهولهم بكاش منتجات كيما الطبيعية

اما على المكسرات مهمة جدا خاصة للاطفال لي يقراو في عوض امه ما ديرلو غوفريطة في جيبو ديرلو شوية تمر و مكسرات و زبيب مع الاول مراحش ياكلهولها

لكن مع الوقت راح يوالف و يولي هو يطلبهم

و الامهات لازم يعرفو اننا نحتاج الى 3 وجبات ملاح فقط وليس لمجة و قهوة تاع عشية ووووو

فطور الصباح و الغذاء و العشاء كااااااااافي مع الفواكه في الوسط وماشي ساندويشات

[امّ اياد]

يعطيكم الصحة راكم مزهين الكوزينة وبصحتكم الاكل الصحي
زخرفة علاه تحبسيلهم الحليب كي يقفلو عامين ولا قصدك تنقصيلهم

[zokhrofa]

اهلا ام اياد

قصدي ما يوليش هو الوجبة الرئيسية كيما راهم ضرك

يعني انا كي ينوضوع على 7 حليب 250ملل

على 9سا فاكهة

بعدها على 11 سا حليب 250ملل

على 13سا فطور مالح ساخن

و بعدها على 15سا حليب 250ملل

على 17سا فاكهة

و بعدها 19سا او 20سا حليب 250ملل

[ام هدول]

http://www6.0zz0.com/2017/05/01/19/843227298.jpg (https://www.0zz0.com)

بطاطا مشرملة بطريقة ام اسيل ..من اليوتوب ..صحيةمافهاش الزيت بززاف وبنينة

[zokhrofa]

اهلا ممممممممممم دخلت على بطاطا مشرملة

قوليلنا كيفاش الطريقة ام هدول على الاقل تبقى هنا ذكرى هههه

[zokhrofa]

صباح الخير عليكم

هاذي وصفة اللوبيا ديالي بالبصل ان شاء الله تعجبكم

http://www.up.djelfa.info/uploads/149371100935591.jpg

السلام عليكم

لوبيا بالبصل



طريقة سهلة جدا و بنيييييينة ان شاء الله تجربوها و تعطوني رايكم في اقرب فرصة

الطريقة :

تشمخي الفاصوليا لمدة 24 سا في الماء

و تشمخي الحميصة لمدة 24 سا في الماء

بعدها تصفيهم و تشليهم مليح

ديري الحميصة تغلي لمدة 45دقيقة في ماء وحدو بدون اي اضافات

و ديري الفاصوليا تغلي لمدة 45 دقيقة في ماء وحدو دون اضافات

بعدها صفيهم من هذاك الماء

خوذي كمية كاس كبير حمص

و خوذي كمية 4 كاس كبير فاصوليا

في طنجرة ديري 5 حبات كبار بصل يتقلاو في الزيت حتى يذبالو مع ملعقة كبيرة خل باش يخرج الحلاوة لي فيه

كي يتقلى مليح ضيفي عليه الحمص و الفاصوليا

بعدها اضيفي كمون + فلفل احمر + فلفل اسود + كركم + رند ورقة صغيييرة + قصبر ربطة صغيييييرة + 2 سنات ثوم ماشي مدروسين

طبعا اذا لاحظتي ماضفناش الملح

بعد ما يتقلاو 5 دقيقة اضيفي الماء حتى يتغطى الكل بحوالي 3 سم

خليهم على نار عالية حتى يغلي الكل

بعدها نقصي على النار كامل لمدة 1سا و 30د

بعدها اضيفي الملح و زيدي للنار حتى تشوفي المرقة نقست و ولات خاثرة و ثقيلة

لأنو هذا طبق ليش شربة

بعدها سقيها و هي سخونة و اضيفي شوية خل للنكهة و زينيها بشوية معدنوس

[أم البراء 2017]

السلام عليكم
وين وصلتو مع الاكل الصحي
زخرفة نسقسيك ماتحبيش اللحوم ولا فاشيتيهم ههههه
واش هي كمية اللحم اللي يحتاجها الجسم فاليوم

[zokhrofa]

هههههههههههههه ام البراء راني مفاشيتهم خاطش مالقيتش لحوم تاع حيوانات ياكلو طبيعي يعني الدجاج معمرينو هرمونات هو البقر

لوكان نلقى منين نشري من عند واحد ثقة نشري

بالنسبة للرجال عندهم كمية 150غ او 180غ في صباح و في المساء

اما النساء فعندهم 180غ او 150غ في الغذاء فقط مرتين او 3 في الاسبوع

كي نقولو لحوم نهدرو على اللحوم الصحية بدون شحوم

اما اللحوم بالدهون مرة في الاسبوع للمراة و مرتين للرجل

بالنسبة للاسماك تقدري تاكليها غذاء و عشاء و كل يوم مافيهاش مشكل

[ام جهاد2008]

السلام عليكم ورحمة الله وبركاته مميزة كالعادة اختي زخرفة ربي يثقل ميزان حسناتك ياطيبة حنا فالشرق عندنا الروينة صحية نخدموها بالقمح نحمصوه ونضيفولو كمية من التمر اليابس مدشش ندوه لي يرحي البهرات والقهوة يطحنو نصيروه مع لعشية نضيفولو ما بارد ولا لبن بارد والقوام كيما تحبيه ثقيل ولا خفيف يامامي بنين او صحي

[zokhrofa]

وعلاش وعلاش ام جهاد جيتي ضرك ههههههه راني صايمة و جيعانة و كي قريت الوصفة راسي تزيّر ههههه

علابالك انو الروينة تعادل الشوفان ؟

يعني النساء او رجال لي حابين يتخلصو من الوزن او يزيدو العضلات ياكلوها و كيما قلتي في وصفة ديالك راهي بزاف صحية و معتدلة يعطيك الصحة

و بلا مزية اختي ان شاء الله ربي يقدّرني على فعل الخير ادعولي ربي يهديني فقط

[لجين2017]

السلام عليكم زخرفة
حبيبتي انا رحمة 2016 البارح كي سجلت الخروج مقدرتش ندخل و ضاعتلي كلمة المرور المشكل اني الايميل جد قديم من 2009 نسيتو ونسيت المودباس تاعو
واااع كيفاش ندير باش نسترجع عضويتي تهيشي عاونيني

[zokhrofa]

شوفي تكلمي مع مشرفة مياسم الصمت اختي رحمة

[رحمة2016]

السلام عليكم زخرفة
حبيبتي انا رحمة 2016 البارح كي سجلت الخروج مقدرتش ندخل و ضاعتلي كلمة المرور المشكل اني الايميل جد قديم من 2009 نسيتو ونسيت المودباس تاعو
واااع كيفاش ندير باش نسترجع عضويتي تهيشي عاونيني

ههههه زخرفة حبيبتي اسمحيلي انا كتبت الرد قدقد والمشرفة بعثتلي كلمة المرور

ااااه البارح بايتة برا هههههههه الحمد لله على سلامتي
اللوبيا تاعك تسخف حبيبتي راح نجرب الوصفة في اقرب وقت

[zokhrofa]

هههههههههههه والله تامني بربي اليوم جيتي في بالي قلت بلي ماراهيش تبان

ان شاء الله اختي رحمة جربيها وقوليلي

[أم البراء 2017]

راني جيييييت
لبنات من مدة جربت شربة الشوفان مع الاول كنت مترددة خاطر الشوفان جديد عليا بصح كي جربتها كليت زوج طباسة
ذوق هايل ماقدرتش نحبس حت لقيت الطنجرة فارغة
كاين اللي يديرها بالخضر بصح انا نحب الاطباق اللي بمكون رئيسي واحد
درت مرقة عادي دجاج بصل ثوم ملح وتوابل وطماطم درت المعلبة وقلت المرة الجاية نديرها حبة طماطم برك وقليت كلش ومرقت بعد نصف ساعة زدت عليها خمس ملاعق شوفان نزيد بالشوي ونحرك باش مايتكتلش نخليها على نار قليلة تغلي مدة عشر دقائق ونطفي
اسهل والذ منها ماشفتش
كي نعاودها نحط الصور

[zokhrofa]

ها مليح ام البراء قوليلي و الشوفان شحال يدير و وين تلقاوه انا لقيتي عند الصيدلية 280دج ل 100غ قريب هبلت هههه

[oumelabedmh]

السلام عليكم.اختي نشارك الاعجاب بالشوفان انا تاني نموت عليه وندير شربة بيضاء بكفتة الدجاج وكي يطيب نلوح 2او3ملاعق شوفان ونخرك مليح ونخليه شوي ونطفي يطيب بالخف.

[oumelabedmh]

وندير لاولادي حلوى بيه وهي انك تحمصي كمية شوفان ثم كمية جوز هند ثم كمية حليب بودرة وتخلطيهم وتلمي بالنيستلي او العسل انا نخددمهم في البيت بعد ماتعلمت من هدا المنتدى الغالي باه نتجنب المواد ابحافظة وتحبي تزيري زبيب مقطع اومكسرات لك الاختيار ونكورهم في العيد نقلشهم ونغلفهم بالشيكولا بصح الايام العادية ياكلوه هكاك كويرات.ومن حديد جاتني فكرة انو نولي نلمهم بالغرس تولي صحية اكثر بصح مازالت ماطبقتهاش. آسفة عالاطالة

[oumelabedmh]

اختي زخرفة هو صح غالي بصح يحكم مدة مليحة كيما الشربة ظ¢ ملاعق ممكن يكفوك. او ملعقة يومية مع علبة ياؤورت طبيعي وشوي عسل حر.

[zokhrofa]

يعني في رايك نشريه هاذاك هو الثمن اختي ام عبد الرحمن ؟

يعطيك الصحة على الوصفات واش هو لي تعلمتي ديريه النيستلي ؟

وريلي

[oumelabedmh]

من عيوني اختي زخرفة هدا تاع ان انس ربي يحفظها وهو انك تذوبي نص كاس سكر في ثلاثة ارباع الكاس ماء ساخن يغلي ومن بعد تزيدي كاس حليب بودرة وكي يمتزج الخليط تحطيه في الثلاجة حتى يتكاثف تاني يوم يكون جاهز وهدا هو الرابط اول مرة نحط رابط مانعرف اذا يصلح ولالاhttp://www.djelfa.info/vb/showthread.php?t=1221090

[oumelabedmh]

وكاين وصفة ام وليد في اليوتيوب مدايرة نيستلي عادي والكراميليزي

[امّ اياد]

مس الخيرات
راكم تحكو على شوفان غالي شريتو مرة وحده برك من عند عشاب بصح نوعية لي شريتها مش مليح درت بيه مسكوتشو
زخرفة يعطيك الصحة على لوبيا بصح فيها البصل ياسر

[أم البراء 2017]

ها مليح ام البراء قوليلي و الشوفان شحال يدير و وين تلقاوه انا لقيتي عند الصيدلية 280دج ل 100غ قريب هبلت هههه

يدير 30 35الف باطة تاعو فيها 500 غرام
نورمالمو كاين فل سوبيرات

[oumelabedmh]

انا نستعمل هدا النوع الي حطاتو الاخت قبلي

[zokhrofa]

اه صحيتو بزاف شفتو هذا بصح ما رفدتوش باش نقرا بلي شوفان هههههه

ام اياد ما فهمتش قصدك فيها بزاف البصل ؟

[ام هدول]

مسالخير ...لبنات ..ربي يدوم الصحة والعافية عليكم
زخرفة طلبتي مني وصفة البطاطا مشرملة اول مرة ندرها ...اتفضلي الطريقة

تقطعي البطاطا مربعات ومن بعد اضيفيلها ..سنينات ثوم مرحي ناعم وشوية ملح وفلفل اسود وكركم وزنجبيل وراس الحانوت ..ونص قرن فلفل حار مقطع رقيق ..وفنجان خل ابيض ...وفنجان ماء وزوج مغارف كبار ..زيت المائدة ...وتحطيها في الكوكوت وتغلقي عليها لمدة عشرة الى 15 دقيقة على نار قللللللللييلة جدا ...

[zokhrofa]

او يعطيك الصحة اختي ام هدول ساهلة ماهلة قوليلي انا ماعنديش الكوكوت تخرجلي ياك ؟

[zokhrofa]

اليوم درت شربة فريك للي حابة تعرف طريقتي :

تعمري قدرة بالماء

تحطيها فوق نار قاوية

ترمي فيها على حسب كمية الماء المكونات الاخرى :

اتنان حبة بصل طويل منقية و مقسومة على اتنان
اربع حبات جزر منقيين و مقطعين اذا كانو خشان

اتنان كوسة قرعة خضرة

اتنان لفت

كاس حميصة تكون شمختيها 24 سا و غليتيها 45دقيقة و خبيتيها في الفريغو او في نفس اليوم استعمليها

ربطة صغيرة قصبر

ملح

زيت

كروية

راس الحانوت

كركم

قرفة عود صغيييرة

حبة الحلاوة

زريعة البسباس

فلفل اسود

فلفل احمر

طماطم مصبرة لي حابة لون احمر او طماطم حب

كي يغلي الكل نقسي كامل للقدر و خليها 2 سا طيب في غرضها

بعدها نحي كلش ما عدى الحمص

شلي الفريك مليح و ضيفيه ليها يغلي 5 دقائق و طفي عليها ترتاح نصف ساعة

بالهناء و الصحة

[امّ اياد]

ايه انا مشريت هدا تاع كويكر لي شريتو جاي في كرطونة
زخرفة ايه قصدي كمية البصل كبيرة ميغلبش طعم البصل على الوصفة
فالرد الاخير قريت معندكش كوكوت قولي كفاش طابتلك لوبية الله يبارك راهي طايبة مليح حتى انا نقعها ليلة من قبل بصح لازم نغلق عليها فالكوكوت والا مطبليش

[محتاجة لعفو الله]

شكراااااا ممممم يشهي نزيدلو زيت الزيتون برك و ناكلو بلا لبن ههه


اختي حبيت برك نبهك الخطأ هو انك تغطي بكيس بلاستيكي

غطي غير بالغطيوة و راح يفور بدون حتى مشكل و اذا الغطيوة فيها ثقب اغلقيهم باللباب تاع الخبز

ارجو انك تفرحيني المرة الجاية و تقوليلي راني درتو و خرج يهبل بدون كيس بلاستيكي

أختي زخرفة انا قصدت البلاستيك الغذائي film alimentaire انظن انو متواجد في كل بيت تقريبا غير لاكان هو تاني مضر والله ما علابالي

[zokhrofa]

اهلا ام اياد لا ما يغلب والو خاطش تقليه ملييييح مع الخل حتى يولي ذهبي من بعد ترمي الباقي

ايه انا طيابي كامل فالطنجرة ما عنديش كوكوت

السر الوحيد هو انو طيابي يضرب مرات قريب ثلاث سوايع فوق النار خفييييفة

لوكان تزيدي للنار راح الماء يتبخر و اللوبيا ملطيبش خاطش هي تحب بزاااف الماء يعني طاسة لوبيا طيب في ثلاثة طاسات ماء

لذلك مرقي مليييييح و خليها على نار هادية كي طيب زيدي للنار باش يتبخر المرق الزايد و تجي خاثرة

[zokhrofa]

أختي زخرفة انا قصدت البلاستيك الغذائي film alimentaire انظن انو متواجد في كل بيت تقريبا غير لاكان هو تاني مضر والله ما علابالي

اه صحيتي اذا قصدك الفيلم الغذائي خاطش انا فهمت بلاستيكي معناها هاذوك ساشيات اصفر و ازرق و اسود ههههه

سامحيلي اختي و صحيتي على التوضيح و عطيتيني فكرة شابة

[امّ اياد]

صباح الخير
زخرفة راني عارفة بلي نار لقوية تنشف الماء بالخف والحاجة لي راهي طيب متديش وقتها بلاك ماء تاعكم ثاني مليح حنا الماء عدنا شوي مالح نهار لي نحوس ندير حبوب لازملي نطيب بالماء المعدني
علبالك كلما طابت الحاجة في اقل وقت ممكن كلما احتفضت بعناصرها الغذائية وهادي الحاجة المليحة فالكوكوت

[zokhrofa]

صباح الخير اختي ام اياد العكس اختي كلما طابت في اقل وقت كلما لم تخرج كل المواد لي فيها و تصبح صعبة الهضم في المعدة ردي بالك من هذه المعلومة عاودي تأكدي منها

انا مصدر ديالي محمد الفايد و هو قال الاكل في الكوكوت راه مافيه حتى فايدة طبعا راني نهدر على الوقت تقدري طيبي في الكوكوت و تنقسي بزاف للنار

اما على الماء ما عندو حتى دخل شوفي كيفاش ديري المرة الجاية

شمخيها 24سا من بعد غليها 45 دقيقة و ارمي الماء اذا تحتاجيها في هذاك النهار استعمليها اذا ما تحتاجيهاش خبيها فالمجمد انا هكذا ندير تخرجلي زبدة

[امّ اياد]

زخرفه ايه فايده كي متفقدش خضروات قيمتها الغذائه حنى واش من فايدة نخلو الخضروات طيب حتان تخرج قاع واش فيها ويتبخر ولي نعرفها تعرض الغذاء لفترة طويله يفقد قاع الفوائد تاعو وميخدعكش المرق تقولي راه فيه واش نحتاج والله اعلم ذرك نبحث مليح مدابينا نتعرفو على احسن حاجه لينا وادا لقيت كوكوت مش مليحه نوعدك نزيدش نستعملها نهائي تاعي بروحها راه خسرلها لاكس راني غير نديباني بيها

[zokhrofa]

ههههه انا تان بحثت بزاف ولقيت انها ماشي مليحة و كي خسرتلي رميتها و تهنيت منها

[اولادي حياتي]

بارك الله فيك اختي رانا محتاجين لمثل هاذ المواضيع اللي تساعدنا على تحضير اطباق صحية لاطفالنا

[zokhrofa]

الله يبارك في ياماتك أختي حياتي اولادي نتمنى انتي تان تساعدينا بلي تقدري عليه

[zokhrofa]

لبنات الي حابة حاجة حلوة و صحية اليكن رابط كيفية تحضير الرب تاع التمر سهل جدا

http://www.djelfa.info/vb/showthread.php?t=2064281

[البحر الصافي]

السلام عليكم
زخرفة الغالية راكي في بالي وكل يوم نخمم واش نحطلك اكل صحي وننسى ولا يفوت النهار ومانلحقش والصراحة نعجز حتى نحمل الصور
مالا اليوم قررت نحطلك ملوخية اظنها صحية خاصة لي عندو امساك وفوائدها كثيرة تبرد المعدة وتريحها
https://c.top4top.net/p_4883mhts0.jpg

[البحر الصافي]

وهذا باتيسري خدمتو عندو يامات الجينواز للمبدعة ام كوثر
علابالي تحبي الباتيسري وخاصة خدمة الدار
https://c.top4top.net/p_488epf970.jpg

[امّ اياد]

زخرفه لوحتها تهنيتي منها انا والو يليق نخدمها تنفعني فضياف الغصبة ذرك ندسها وننساها
بحوره يعطيك صحه على الملوخيه عمري ولاضقتها

[zokhrofa]

السلام عليكم
زخرفة الغالية راكي في بالي وكل يوم نخمم واش نحطلك اكل صحي وننسى ولا يفوت النهار ومانلحقش والصراحة نعجز حتى نحمل الصور
مالا اليوم قررت نحطلك ملوخية اظنها صحية خاصة لي عندو امساك وفوائدها كثيرة تبرد المعدة وتريحها
https://c.top4top.net/p_4883mhts0.jpg

هههه معليش علابالي كل وحدة و شغالاتها في هذي الدنيا المهم نسمع عليكم الاخبار الطيبة

اوووو المنوخية ولا مرة كليتها و لا جاتني الشجاعة نديرها هههه قوليلي طعمها كيفاش داير لواش يتشبه ؟

اما الباتيسري هههه ايه طليتي على قلبي والله راني متشهيتها و راني ماشي حابة نقول لزوجي يشريلي حابة انا نديرها

طبعا كل حاجة مخدومة في الدار هي اقل ضرر من لي تتشرا خاطش هوما يديرو الجيلاتين ووووو

[zokhrofa]

زخرفه لوحتها تهنيتي منها انا والو يليق نخدمها تنفعني فضياف الغصبة ذرك ندسها وننساها
بحوره يعطيك صحه على الملوخيه عمري ولاضقتها

هههه نعم تهنيت منها صح عندك الحق لي يجوها الضياف خاصة على غفلة لازم تكون عندها الكوكوت

خاطش الضياف ضروري نطيبولهم لحم هكذا وصانا الرسول عليه الصلاة و السلام طبعا كي يكون عندنا دراهم

[أمنية غفران]

مرحبا حبوبات هاني جيت و جبت ليكم حساء السنافر اممممممممممممممم

https://e.top4top.net/p_488yea911.jpg

هو معروف اكيد لديكن أخواتي متكون من جلبانة يابسة و بصل و بسباس نضيف ليهم شوية زيت و ملح و نخلي يطيبو مع التحريك دائما باش ما تلصقليش الجلبانة في قاع القدر و لربح الوقت استعملي الكوكوت

غي طيب نميكسي كل شي مع بعض و نضيف شوية فلفل اكحل و كاس حليب دافيء و نخلط و نخلي فوق النار تغلي غلية و هنايا كان عندي شوية دجاج طايب فتته و ضفته نطفي النار و يقدم مع رشة من اوراق البسباس امممممممممم و بالصحة و الراحة و اكيد عند الأكل نضيفو ملعقة زيت زيتون اممممممم حساء جد لذيذ

تانيك لأطفالكن الأعزاء ادا حبيتي حطي جنب الحساء جبن مثلثات لأولادك باش يزيدوه في الحساء و خليهم يتلذذو بأحلى حساء اممممممم

https://c.top4top.net/p_488x89w41.jpg

https://d.top4top.net/p_488tbxmd2.jpg

https://e.top4top.net/p_488yu8133.jpg

https://f.top4top.net/p_488bf44u2.jpg

.......................

استيس ادا بقالك شوية من الحساء و رايحة تتناوليه في الغد رايحة تلقايه اصبح كتلة ماشي حساء ما تقلقيش أختي ضيفي شوية حليب و خلطي حتى يرجع حساء كيما كان و بصحتكم امممممممممممممم حساء السنافر هههههههه
شوفي الصور كي يتكتل و من بعد يرجع عادي

https://f.top4top.net/p_488x9dyv4.jpg

https://a.top4top.net/p_48843y9o5.jpg

تحياتي

[zokhrofa]

صحييييييييتي امينة أختي بارك الله فيك شقيتك معايا

انا برك حبيت يكون مرجع شباب للأكل الصحي

و خااااااااااصة للبنات لي قالو وقتاش نشربو الحليب اذا ماشي الصباح هههه و نورولهم انو كاين بزاف اكلات فيهم الحليب

[أمنية غفران]

صحييييييييتي امينة أختي بارك الله فيك شقيتك معايا

انا برك حبيت يكون مرجع شباب للأكل الصحي

و خااااااااااصة للبنات لي قالو وقتاش نشربو الحليب اذا ماشي الصباح هههه و نورولهم انو كاين بزاف اكلات فيهم الحليب

يا خا حنونة بلا مزية هادا لازم علينا نلتفت للأكل الصحي راهي مسؤولية علينا و ربي يقدرنا :mh31:
ربي يبارك فيك

[zokhrofa]

امين و يبارك في يديداتك و ياماتك و ولادك

[انا هي رزيقة]

السلام عليكم... مشاء الله عليكم يا بنات كل وحدة باسمها راني متابعتكم بصمت و وفق مايسمحه وقتي ... اختي زخرفة علا حساب مافهمت راكي مفاشيا اللحوم .....خخخخ حبيت ننبهك حنونة انو البروتينات الحيوانية مفيدة ايضا للجسم خصوصا خصوصا بالنسبة للرجل فهي ضرورية جدا جدا لخصوبة الحيونات المنوية و اذا عندك اولاد ذكور من الضوروري جدا انك توكليهم اكلات غنية بالبروتينات من النوعين حيوانية و نباتية و ليس نباتية فقط او حيوانية فقط ...و هذا ضروري جدا لخصوبتهم المستقبلية ... لانه الدراسات المنجزة على الاناس النباتيين اثبتت احتياجهما الكبير الى البروتينات الحيوانية الموجودة في البيض و الحليب و الفراميج الى اخره ...... فهم مضطرين لها اضطرار كبير بالرغم من كونهم ضد كل ماهو حيواني
و عندي ليك ملاحظة اخرى اختي زخرفة طياب الخضار لمدة ساعتين او اكثر و حتى و ان كانت النار قليلة يفقدها الكثير من عناصرها الغذائية المفيدة للجسم .... لان الخضار مواد حساسة جدا حبيبتي لا تحتمل كل هذه المدة من الطياب فوق النار .... لازم نكونو منطقيين لانو المعروف انه ان زاد الشيء عن حده يتحول الى الضد ..... و المعروف عن النار انها "تقتل" بمعنى الكلمة بمعنى انو الخضار تاعك راهي تموت من طول تعرضها للنار .... مدة ساعتين طياب تصلح لللحوم اكيد و للبقول الجافة لكن ليس لمواد حساسة مثل الخضار التي من المستحسن احيانا اننا ناكلها نيئة... رايحة تقوليلي خضار بيوت بلاستكية فيها مواد كيميائية ربما عزيزتي لكننا مجبرين ان نتعامل مع الموجود ... نغسل خضارنا مليح و نستهلكها نيئة او طايبة juste comme il faut و سنستفيد من عناصرها الغذائية و لو كانت قليلة لانها من البيوت اابلاستكية احسن بكثير من طهيها اكثر من الازم و لا نستفيد تماما من عناصرها . و لازم الانسان يكون منطقي يا بنات الانسان العصري مضطر انو ياكل خضار البيوت البلاستكية لانو الانسانية تضاعف حجمها الى حد لا يمكنها ابدا ان تتغذى مما تجيده الارض طبيعيا ..... تقبلو مروري يا بنات لي عودة ان شاء الله

[zokhrofa]

اهلا رزوقة الحلوة

لا طبعا ما نيش مفاشيا اللحوم لكن مازال ما لحقتكمش الفكرة ديالي

انا زوجي يأكل في العمل اللحوم و انا و بناتي نظام نباتي + سمك و مرات لحم كي نكون متأكدة انو تاع عرب كيما نقولو يعني تاع فلاح ذابح و ليس منتج

يعني الفكرة اذا راكم حابين تعرفو انا واش قصدي هو اني ناكل السمك اكثر من اللحوم و بما انو المراة نظامها الغذائي يتطلب ان يكون اكثريته نباتي من الحيواني لذلك انا راني على هذا النظام

و اذا راكي حابة تتأكدي من اني فاهمة واش راكي تقولي اقراي هذا الموضوع راني حطيتو على فرق الغذاء الذكوري و الغذاء الاناثي

http://www.djelfa.info/vb/showthread.php?t=2030706

و هذا

http://www.djelfa.info/vb/showthread.php?t=2032750

اعلم جيدا انو الرجل يجب ان يأكل كل يوم بروتين و ما تخافيش زوجي يأكل كل يوم بروتين

اما على البيض نعم نأكله لكن يجب ان يكون بيض العرب و ليس تاع الكهرباء كيما يقولو غير جاج التريسيتي لي ما عندوش يماه و باباه ههههه

[انا هي رزيقة]

مساء النور اختي زخرفة راني اطلعت على الموضوعين قمة في الفائدة شكرا عزيزتي ...و فعلا راكي طليتي على قلبي كنت خايفة البنات يعاندوك و يديرو ريجيم نباتي لرجالاتهم و اولادهم الذكور .....خخخخخخخخ اما فيما يخص اللحوم عموما نحن في الجزائر مزال موصلناش درجة العصرنة والتكنولوجيا لي وصلها الغرب باه ننتجو لحوم فيها هرمونات يعني بلاك الدجاج صح فيه هرمونات ...بصح اللحم البقري لي راه يتباع عند الجزارين الصغار اظنه لحم طبيعي و ملازمش نخافو منو.... لان هؤلاء معندهمش امكانيات باه يوضعو هرمونات في اكل البقر تاعهم.... نحن في القبائل مثلا معروفون بجودة لحوم البقر عندنا و منخافوش من الجزارين تع الاحياء تاعنا لاننا نعرفوهم و يعرفونا و الحمد لله لهذا انا شخصيا منخافش ناكل اللحم ... كما اني نموت على كل ما يجيد به البحر من خيرات ..... و كيما قلتي المهم التوازن في الاكل و التنويع ... يعني الانسان ياكل كل واش خلق ربي دون اي استثناء و ميقولش هذا مليح و هذا لالا لانو ربي حط فايدة في كل واش خلق ... فقط الانسان يمشي على قاعدة لا افراط و لا تفريط

[zokhrofa]

صحيتي صحيتي

لا ما تخافيش هههه راهم الله يبارك بنات المنتدى عنهم ثقافة و عقل يوزن بلد و ما نضنش يكونو من الناس يتبعو دون ان يتبينو هاذي كونك هانية يا رزوقة

راح نضيف كلامك للنقاط المهمة راه كلامك هاااااايل

[انا هي رزيقة]

يا عمري على زخرفة راني اطلعت على بعض النقاط المدونة في الصفحة الاولى من الموضوع و الله كلامك درر حبيبتي .... ربي يجازيك خير على مجهودك هذا... فقط عندي نصيحة من عند امي الحبيبة بالنسبة للي يحبو ياكلو الفلفل الحار ... ميشربوش اي مواد سائلة بعد اكله... يعني لا ماء و لا عصير و لا اي مادة من هذا القبيل و لن يضرهم اكل الحار باذن الله ..... اقصد الفلفل الاخضر الحار طبعا

[zokhrofa]

صحيتي اختي رزوقة يعطيها الصحة سأضيفها

[ام هدول]

مسالخير عليكم ...ياعني عليكم رزيقة وزخرفة ..رائعات ماشاء الله نقاش في القمة ...يهمنا جميعا للحفاض على اكلنا والنضام فيه ..حقيقة لاافراط ولاتفريط ....
صح رزيقة من بكري ..امهاتانا ما يحبوناش نشربو الما بعد الحار طبعا ...لانو اضراراو كبيرة ...خاصة المشروبات الغازية
ربي يحفضكم ويمتعكم بالصحة ..

[zokhrofa]

اهلا اختي العزيزة ام هدول

شفتي كيفاش كانو جدودنا

شوفو في الحقيقة الفرق بين جدودنا و احنا هو فرق بسيط جدااااااااااااااا

علابالكم واش هو ؟

هو الوعي و العزيمة و الجديّة

كيفاش ؟

بكري كانو يعطو لكل حاجة قيمتها يعني كي يعرفو انو حاجة مضرة يبعدو عليها

قولولي يرحم والديكم شكون فينا في عصرنا هذا ما علابالوش انو المشروبات الغازية و المواد المضافة و الملونات مضرة بالصحة ؟

لكن مع ذلك يستعملوها تحت شعار مالقيتش واش ناكل ... ولادي ما يحبوش كذا .... زوجي ما يحبش كذا .... انا تجيني صامطة كان ما ناكلش هكا وووو

العديد من المبررات التي لا اساس لها من الصحة

كاين اكل بزاااااااااف صحي و بنين

و كي نقولو صحي معناها اي حاجة مصنوعة في المنزل هذا هو الاكل الصحي بكل اختصار

يعني ماشي ممنوع تاكلي نوتيلا اذا خدمتيها وحدك في المنزل

المضر هو انك تشريها مع انو اثبتت الدراسات انها تدير سرطان بسبب زيت النخيل المحروق لي فيها

[oumelabedmh]

السلام عليكم كيف حالكن اخواتي في الله. نوافقك اختي رزيقة على واش ذكرتي واحنا تربينا الماء ممنوع بعد الحار والدسم كيما البغرير بالزبدة والعسل تحبسنا في الغرفة حتى يفوت وقت باه تخلينا الوالدة نشربوا الماء باه ماتتعبش المعدة. وبالنسبة لزييت ابنخيل الي هي مكون اساسي للمرغرين الي في بلادنا شبه يومي موجودة في غذائنا حلويات واكل ووو هي مش زبدة اساسا زيوت مهدرجة ضارة تزيد الكوليسترول الضار والسرطانات ربي يعافينا. في بيتي عندي عامين الحمد لله ممنوعة وبالتالي نقصت الحلويات و كي نحب نخدم حلوى نجيب زبدة حيوانية.

[oumelabedmh]

نتمنى فعلا نتخلصوا منها وكاين وصفات بالزيت مليحة وكيما قالت اختي رزيقة.لا افراط ولاتفريط في كل شئ. الما المشروبات الغازية فعندي تقريبا 10 سنوات ممتنعة عنها وكي نروح ضيفة يعرفوني يجيبولي عصير هههه.واولادي نقوللهم راهي حارة باه حتى في المناسبات ما يشربوهاش

[oumelabedmh]

الوحدة وقت الجامعة كانت تاكل برك.واكل برا ومشروبات غازية وكي تتزوج تحب توري شطارتها هادي حلوى هادا طياب تقيل لكن مع الاولاد تحسي بالمسؤولية وصح ماكانش المثالية والواحد يسخف عالمقلي والمعسل وورر لكن بقانون. تقبلن مروري واسفة عالاطالة