التعسف في استعمال السلطة 2

[مشكلتي]

السلام عليكم مجددا
شكرا لكم جميعا على نصائحكم اخوتي
واش راح نقولكم انا زوجي عندو حب التملك بمعنى انتي زوجتي نحي قاع الناس من بالك حتى لوكان والديك لازم تفكري غير فيا انا وهاذ الشي راح يأثر عليا بزاااف كي عاودت قتلو وقتاش تديني قالي كي تبطلي تخمي في داركم انا نديك يعني وقت تنفحلو هو راكم فاهمين وقعدت معاه في قعدة حوار الي دايما ما طولش لانو ما يحبش الهدرة بزاف والثرثرة على اتفه الاشياء على حسابو هو وخرجنا بولا شيء هو متمسك برايو وانا غايضتني عمري واليوم بكيت حتى نشفو دموعي سيرتو مين عيطت يما وانا ما سمعتش التلفون ايا عيطتلو ليه وقاتلو واش بيها بنتي قاتلي هاذ اليومين نجي وما جاتش هو قالها راني خدام وكي نفرغ نجيبها وكي جا قالي يماك عيطت هدرت معاها وهي تعاتب فيا كيفاه الناس قاع جاو واليوم العايلة قاع راهي هنا وبنتي هي التالية بقيت نبكي ولقيتلها سبة كي العادة. بصح هي ما امنتش وقاتلي خلاص والله ما نزيد نقولك ارواحي غاضتني عمري وما عرفتش واش نرضي اذا يما ولا راجلي وليت كل واحد نلقالو عذر وانا مكاش الي يعذرني بلاك راه يبانلكم مشكل تافه بصح والله غير مشكل عويييص بالنسبة ليا
انا على بالي غدوة ولا غير غدوة يديني بصح الحل ما راهش هنا اذا كان هاذ السيناريو يتكرر كل ما نحب نروح لدارنا لازم نلقى حل ابدي انا نشوف سلافاتي ولا نسا خاوتي ماشي هكا المرا غير تحب تروح لدارهم يديها راجلها واش فيها ياك دارهم ماشي برانيين وكي قتلو حرت واش نرضي قالي ما يدوملك غير راجلك!!! ووالديا كيفاه ننساهم ولا ......راني نكتب ونبكي وحايرة كيفاه نبدل هاذي العقلية
المهم يعطيكم الصحة نتوما وربي يعيشكم ادعولي فدعوة الغائب مستجابة

بالنسبة للاخت امل
ايه ختي والله غير صح مازال فيه عقلية بكري وورثها على باباه خاطر كي نجي نشوف هو انسان واعي وصغير وخدم حتى خارج الوطن والفكر تاعو مازال هو هو
وكي قلتيلي ما تهدريش معاه بالخشونة نقولك حاجة هاذي وقيلا الي راح نديرها وبقاتلي الورقة الاخيرة كيما يقولو الي نلعب عليها خاطر انا من طبعي هااادية بزاااف ونهدر غير بلعقل ونفهم فيه وما نجبدلوش الهدرة حتى كي يكون هو هادي ونجيبهالو غير بالسياسة وفي الاخير ما نجني وااالو بلاك نسيي نولي نعيط كيما يدير هو نتفاهمو!!!

بالنسبةللاخ محمد التبسي لا والله يا اخي لا تقول لو كان كل الرجال مثل زوجي لكان المجتمع بخير فالمجتمع هو مجموع الاسر فما بالك بان تكون كل الاسر تعاني مشكلة صلة الرحم مثلي؟؟؟
فقاطع الرحم سيقطعه الله يوم القيامة
بالنسبة للصبر في هاذا الموضوع فقد مل الصبر من صبري ولولا صبري لما وجدتني هنا اطلب النصائح لحل مشكلتي وبارك الله فيك وفي نصائحك

الاخت intel
الحزم في القرارات هو الشي الذي ينقصني ولا استطيع فعله مع رجل جد عصبي
وفيما يخص نروح لدارنا كل جمعة هههه هاذي في المنام وما لازمش نومها نخاف راجلي يشوفني ههه يعطيك الصحة حنونة
الاخت زبدة ذائبة يعطيك الصحةانت تاني برك لفت انتباهي انو كاين الف طريقة نقدر نديرها ونبدل الوضع همال نقولك كل الطرق الي في راسك واكثر درتهم ولا شي مستحيل تغيير المبادئ بسهولة وفيما يخص الرضى الي تكلمتي عليه عندك الحق لو ما فتحتش كل المجال من الاول لما وصلت لهاذ الشي وبارك الله فيك

الاخت نور يعطيك الصحة وامين يارب

الاخت ميسو قاع الكلام الي قلتيه طبقتو من قبل يعطيك الصحة

شكرا كذلك للاخت فاتحة ،واصبحت اقلب كفيا على ما انفقت فيها.....

[خالد عنابي2]

انا اعرف جيدا هذه النوعية الحقيرة من البشر
يبدو ان زوجك هذا متستر بستار الدين لكي يخفي به تسلطه
والحل مع هذه النوعية من البشر لا يوجد يحب غير لي يكسرلو فمو ويعفسلو على راسو
وطالما ماعندكش القوة لفعل ذلك يسما ماعندك ما تديري معاه
اما الصبر واما الطلاق لاحل اخر

[سوسو الطموحة]

انا اعرف جيدا هذه النوعية الحقيرة من البشر
يبدو ان زوجك هذا متستر بستار الدين لكي يخفي به تسلطه
والحل مع هذه النوعية من البشر لا يوجد يحب غير لي يكسرلو فمو ويعفسلو على راسو
وطالما ماعندكش القوة لفعل ذلك يسما ماعندك ما تديري معاه
اما الصبر واما الطلاق لاحل اخر

الله يهديك ...علاه هكذا ..مالقيت غير هذا الحل.....كاين بزاف من هم هذه النوعية وانا راجلي واحد من هم ......السامط يهز لقبيح....والثقيل يهز لخفيف ....واللي عقب على كلمة عقب على روح ....مع الوقت يمكن كي يكبرو اولادها تتغير شوي العقلية .......:mh31:

[خالد عنابي2]

يعني زوجك من هذه النوعية وراكي تدافعي عليه ؟
كي يكبر تتغير شوي العقلية لكن بعد ماذا ؟ بعد ان تمضي شبابها في التعاسة
هذا ليس حلا
كون لقى عندها الواقف لما تجرء على ذلك
هذه النوعية من الناس لا تحترم سوى القوة

[إسلام الفاروق]

و اي مسترجلات الوقت لي تنفحلو هو راكم فاهمين !
فهمنا الوقت لي تنفحلك انتي

[زبدة ذايبة]

من الخطأ أنك تفكري تغيري زوجك

هذا مستحيل

زوجك يحبك ويغير عليك ماشاء الله

عرفت نساء تتمنى من زوجها يقوللها ماتروحيش لهذاك المكان

وتتمنى يرفع صوتو عليها

( تتمنى تسمع زئير الأسد في البيت)

ماكاش حتى حس لزوجها في داخل البيت

الحمد لله زوجك ماراه يضربك، ماركي تسمعي الشتائم راكي في نعمة

احمدي ربي عليها

وإذا يزعجك قبضة الرجل فهذا زوجك ماتقدريش تبدليه

عيشي معاه كيما راه


يا سيدتي ماعندك حتى مشكل والحمد لله

[ساجده 82]

سلام... صراحه اختي تؤسفني بعض التعليقات ؟؟؟
انا ماقريتش موضوعك الاول. ولكن ياختي . ولكن قلتي يديك يعني مش مانعك
واش رايك كاين نساء يسكنو قدام اهلهم ومايروحوش وكاين يسكنو في نفس الشارع ويدوهم ازواجهم .يعني بلا ماتكبريها ختي .والديك على العين والراس .ولكن الان انت مرت راجلك وكلمتو هي اللي تمشي .بلا ملتحوسي على الاحاديث .راهي ايه نزلت من فوق سبع سماوات في الطاعه. مانقولش رانا مثاليين في الطاعه ولكن .تعلمي واحد الحاجه الراجل اذا عاندتيه يزيد واذا رخيتي .يحبس اذا اصريتي .ماتربحي والو غي يزيد هو اكثر اصرار ونهار تبيني باللي راكي غير مباليه .وحجو يتفش .ايه زيد كاين رجال يغيرو على نساهم حتى من والديهم وماكانش اللي ماسمعتش هده تاع حاطه راسك مع داركم .بينيلو ختي باللي الاولويه ليه وشوفي كيفاش راح يتبدل ... كان كي قالك عيطت ماماك .قلتيلو لالا مانروحش .عندي اشغال تابعتني بزاف .ماعليش توحشتها بالصح لازم نكمل اووو بمعنى درتي الاولويه لبيتك .راح وحدو يقولك نديك راه الراجل والمراه مش كيف كيف .لازم تفهمي هده النقطه .المهم نتمنى .من المولى يصلح الامور بينكما.

[abdelka22]

راجلك راه يوكلك و يشربك و متهلي في ولادك ماخاصك والو في دارو ..أمالي أحمدي ربي على هذه الأنعام ..نعرف شي بنات راهم يعانو و دارها ماتشوفهاش إلا في حالت تكون غضبانة ..أنتي عندك مشكلة تاع الخرجة من البيت فقط و هذا ليس بالمشكل لي يخليك تفكري أفكار جنونية و دموعك ينشفو ..صحيح والديك لازم تزوريهم و لكن الصبري على هذا البلاء عسى مع الوقت راجلك يحس بيك ..و ربي يسهلك

[ميس نهى]

لا أعرف لماذا لكل يقول لها ان تصبر على هذه الحياة التعيسة و أنه لا توجد أي مشكلة !!!
كيف لا توجد مشكلة وهي مسجونة في البيت لا زيارات ضرورية ولا ترويح عن النفس .

الأخ : abdelka22 (http://www.djelfa.info/vb/member.php?u=488402) .. يوكلها وبشربها بلا مزيت ... هذا واجب عليه!
والديها عندها الحق تزورهم على الأقل مرة في الأسبوع .. وليس من الدين أن يمنعها عن ذلك.

تخليت عن العمل و عن كل شيء من أجله .. هذا يستمر ويتمادى في التعسف والظلم.
الأفضل ان تخبري والدتكِ بالمشكلة ، فمن جهة تعرف لماذا لا تقومين بزيارتها ومن جهة أخرى ربما تساعدكِ في إيجاد حل لكِ.

[خالد عنابي2]

يبدو ان القائلين بعدم وجود مشكلة لا يفهمون الطرح من اساسه
الشاكية لا تتذمر من قوامة الرجل ووجوب طاعتها له
بل هي تتذمر في تماديه في استعمال هذه السلطة بغير وجه حق
ووصف السلطة هو وصف تقني صحيح فالرجل له سلطة على زوجته
وهي سلطة ممنوحة له بحكم العرف الاجتماعي والطبيعة الانسانية

لكنه هنا يستمتع بفرض سلطته لا لشيئ سوى من اجل ذلك

[محمد جديدي التبسي]

صلة الرحم في حالتك متوفرة مادام هناك زيارة مرة في الشهر وهناك الهاتف
احمدي الله على هذا الزوج الصالح هو لا يضربك ولا يعنفك ولا يقول كلاما بذيئا كباقي الازواج
لو تسمعي حكايات نساء آخريات تحمدي ربي على النعمة
تقربي من زوجك وتحنني له وحسسيه انه الكل في الكل وسيكون لك مثل الولد الصغير ويسعى لاسعادك اكثر بالمقابل ..ربي يصلح حالكم.

[خالد عنابي2]

ايه يسما دار مزية كبيرة كي ما يعنفهاش وما يضربهاش !

[النجمة القطبية]

المفروض الرجل الحقيقي هو اللي يخليك تحبي دارك حقا اكثر من داركم بالعاطفة الصادقة واللين ماشي بالدبزة
لان المراة لما تكون متهنية في دارها يولي هو يحلل فيها تزور والديها ماشي العكس لكن بالدكاء والحيلة
اما اللي يستخدم القوة ماراح يجيب حتى نتيجة سوى انو يجي النهار وينقلب عليه الوضع
وبصراحة ما شفنا هدا الامر لا في سيرة الصالحين ولا في سيرة النبي صلوات الله وسلامه عليه
ننصحك فقط تروحي معاه بالعقل ومتكرريش الطلب بزاف واياك والبكاء لانو شخصية سادية مريضة البكاء يخليه يتفرعن ويزيد
قالك متروحيش خلاص منروحش بلا متمرضي وتحرقي اعصابك وبلا ما نبكي ونندب
وكلي امرك لله كاين اللي اقوى منو
ويماك اشرحيلها الوضع مكالاه تغطي عليه احسن ما تزعف منك وتدعي عليك فهميها بالعقل
اما انك ترفعي صوتك عليه وان كان بين قوسين يستاهل فهو يطلع الضغط لكن رغم دلك مننصحكش بيه ننصحك بالصبر لانو يا عزيزتي نحن بنات اصل وطاعتنا لازواجنا ليس لارضاء الشخص نفسه ولكن لارضاء الله عز وجل ولما تفكري بهده الطريقة صدقيني ترتاحي بزاف لان واحد ما يملكك غير مولاك
حاولي تتصرفي على النحو اللي اقترحتو عليك متكرريش الطلب بزاف و متبكيش ومتضغطيش على اعصابك وقوليلو خلاص راني قررت منزيدش نزور اهلي ومنزورش امي المريضة ومنوصلش الرحم خلاص منزيدش نروح
وريحي هكا مدة وشوفي ردة فعلو
ادا متبدلش بدلي الطريقة
كاين الف حل وحل وادا قررتي حقا تروحي لداركم مرة اسبوعيا نقدر نحلفلك انك راح تروحي وبرضايتو الاهم انك تقتنعي انتي اولا ماشي هو
موفقة

[النجمة القطبية]

صلة الرحم في حالتك متوفرة مادام هناك زيارة مرة في الشهر وهناك الهاتف
احمدي الله على هذا الزوج الصالح هو لا يضربك ولا يعنفك ولا يقول كلاما بذيئا كباقي الازواج
لو تسمعي حكايات نساء آخريات تحمدي ربي على النعمة
تقربي من زوجك وتحنني له وحسسيه انه الكل في الكل وسيكون لك مثل الولد الصغير ويسعى لاسعادك اكثر بالمقابل ..ربي يصلح حالكم.

يا اخ محمد كاين نساء بزاااااف راهم في نعمة حقيقية لمادا دايما نحاولوا اثبات العكس وتغطية الشمس بالغربال لمجرد انو نصبرو شخص ما
ما هي فيه الاخت من التعسف والظلم واللامسؤولية لا لشئ الا من اجل النفحة مراهوش نعمة
زيارة واحدة في الشهر داخل فيها ان الام تكون مريضة و متلقاش بنتها قدامها عند الحاجة تقوم بيها وتقوم بضيافها !!!!!!!!!
الام اللي رباتها ورفدتها في بطنها تسع شهور لا تستحق منو وقفة وانو يخليها حالة خاصة مثلا لمجرد مادا نفحتلو !!!!!
في حين ان المراة تلقايها طايعاتو وطايعة يماه وقايمة بيها ومعندهاش حتى اجر تزور يماها مثلا
حرام عليها اجر زيارة المريض وصلة الرحم ومرة في الشهر تكفي
يعني بعيد الشر لو كان يصرى حادث في احد ايام هداك الشهر تستنى هداك اليوم وتروح بحجة المراة تخرج مرة شهريا
صراحة لا تعليق

[*أم سجى*]

شوفي حنونة خلاصة القول أنه تحاولي مع زوجك بالحنانة واللطف اذا استجاب لك وتغير معاك اللهم بارك واذا متغير فيه حتا شيئ اصبري لربي وفوضي امرك لله متعرفي الخير وين كاتبولك ربي ويلا مربحتي دنيتك تربحي آخرتك ومتخبريش الناس بهذ القضية لو يسمعها منهم راح يزيد يقسى عليك اكثر وتخسريه واحذري اختي النصائح الهدامة لي قادر تخربلك حياتك الزوجية لأن مشكلتك مهيش كبيرة لتلك الدرجة يعني تقدري تعايشيها بصبر واسمحي شوي من حقوقك طولي بالك من اجل باش تربحي حياتك وتلمي اسرتك وماتنسايش بلي راكي مزالك شوي متعلقة بحياة الحرية لي كنتي عليها قبل الزواج راهي تأثر عليك شويا وتعب الحمل راه يديرلك هاك يعني شدة وتزول ان شاءالله معليش ياختي يلا ربي عطاك زوج فيه خصلة لازم عليك تساعفيه وترضاي بيه خير من تخسري حياتك وتخربيها احذري كشما تهدري ولا تقوليلو ولا تستعملي قوتك لالا حنونة تطفر فيك راح يديك لوالديك وتكبر الحالة لكان بعيد الشر تطلقي مايرحمك حتا واحد تولي تتشهاي فلي راها متزوجة وتعاني مشكلتك تولي تبانلك مشكلة تافهة تندمي عالنهار لي مصبرتيش فيه ولميتي اسرتك .....امالا خيتي اصبري في وجه وليداتك كبريهم وربي يفتح انشاله برحمتو ......بالنسبة للاخت لي قالتلك اخرجي مالدار وروحي لداركم وخليه يخبط راسو عالحيط !يابنتي هذي فالافلام ومصراتش كفاش تنصحي بيها امراة مولات دار وزوج واولاد عيب والله عيب لكان تسمعلك المخلوقة تعشي في دار باباها والناس تهدر عليها والله ملقيت منقولك....نرجعو للاخت صاحبة الموضوع عندك تان حل آخر هو أنك لما تشتاقي لأهلك اطلبي منهم زيارتك في بيتك الزوجي هكذا ترضي نفسك وترضي زوجك وهو اذا تضايق منهم في بيتو راح يولي يديك انتي ليهم المهم اختي ان شاءالله رب يفتح عليك متكبريش الامور وتضخميها راه الحمل يأثر عليك فقط افرحي بيه وانتظريه متلهايش غير بالمشاكل وحنا ندعولك رب يفرج عليك ويفرحك

[nihal159]

الأعضاء كفّوا و وفّوا من النصائح بارك الله فيهم؛ربي يكون معاك و يفرج عليك؛ لازم عليك تزيري روحك معاه وماتبقايش مرخوفة؛ أضربي على حقك أو خوفيه بكبار العائلة لأنو زوجك مع كل إحتراماتي....حقّار نساء.

[Amouna.DZ]

... سلمي أمرك ل الله....

[طاعة زوجي ..]

ربّي يفرّج عليك حنّونة

راني حاسّة بيك مرّيت بنفس وضعك ولازلت ، لكن الحقّ يقال تحسّن الوضع بزّاف على من قبل

الدّعاء حبيبتي وكثرة الإستغفار يفعلون الكثير ، ماتتوقعيش أنّو الأمر ينحلّ بكبسة زرّ وأيضا تأكّدي أنّو الأمور تُحلُّ باللّين ، كوني رزينة وهادئة في تصرّفاتك

المشكل أنّهم مهما دارو مايحسوش بالمرأة ، الوالدين عزاز بزاف خصوصا الأمّ وقد مانديرو مانوفّوهمش حقهم ، لكن هاذي هي الدّنيا وسنّة الحياة ، وحدة وحدة حنّونة تفرج

لكن إيّاك تخرجي بدون إذنو وأيضاً ماتخلّيش هذا الموضوع ياثّر على علاقتك مع زوجك وعلى حياتك ، بالسّياسة وبالهدوء والدّعاء تنحلّ المور

ربي يهنيك ويبعد عليك المشاكل

[زهرة الاوراس]

باختصار هو يتعامل معكي هكذا ويتمادى وسيتمادى اكثر ، وكل هذا لانك كما يقال ساكتة وراضية، لديك فقط الكلام معه ثم لما يرفض تتقبلين الامر وترضخين، هذا ما جعله يتعنت ويواصل ويزيد اكثر..
صحيح ان الله امر المراة ان تطيع الرجل ولكن ليس ان تعبده، ليس ان يذلها وتسكت، ليس ان يامرها فتسكت، الزواج عبارة عن رحمة ومودة، ان لم يكن فيه التوافق باتت التعاسة تسكن البيت،
يوم تتوفى الام ستندمين لانك رضيتي بقراراته الظالمة، يوم يتوفى والدك ستعلمين ان الدنيا ماهي الا تراب، وان لم تسعي الى ابسط حقوقك ستاكلك الندامة،، عاقبيه، اغضبي في بيتك، ارجعي بشروط، يجب ان يكلمه احد من اهلك، يجب ان لا تسايريه، لو قلتي لا ياخذك لاحد اقاربك لعذرته، اما امك، وتبكين ثم تسكتين؟؟ فهنا انتي المخظئة، سيتمادى اكثر صدقيني، يجب ان تتمردي ولو قليلا ليصحى، ليعلم انه على خطأ، فقط لاجل والداك انا اؤيد هذا التصرف، فالوالدان شمعة قد تنطفئ في اي لحظة، فاحذري.. وربي يهديه.

[مواطنة]

هي لا تنفي دور القوامة لكنها تريد زوجا يتفهمها قليلا و يلبي قليلا من رغباتها المحللة
اين المودة و الرحمة هل هي في التسلط وحب الذات و قول لا لضغط و نفي شخصية الزوجة
ديننا بعيد جدا عن هذه العقليات
التقاليد السيئة التي ورتها بعض الرجال عن ابائهم لابراز رجولتهم و جعل المرأة في اذل صورة مسؤول عن هذه الظواهر المتخلفة
اختي ادعي الله ان يعطيك الصبر اكثر مع هدي النوعية ولا تنحني ولا تركعي الا للمولى عز و جل
خلي راسك و راس مواليك مرفوع و بدون ان تخلقي حجج للكل كوني صادقة فقط فانت لا تعلمين بعد من يستحق التضحيات و الحجج
تبعي الدين و المنطق وعمرو واحد يقدر ينفي وجود عايلتك واحبابك
زوجك تاج راسك و مواليك عمرك لا تسمحي فيهم و ربي سبحانو ليه نخلصو العبادة
سبحان الله لي خلقنا سمحنا نتعاملو مع الناس و نعاشروهم والعبد يحط قوانين مخالفة ههههههههه مزالو على ما اظن فراعة
يقدر يحكم فيك لكن عمرو لا يحكم في قلبك لانو في جوفك
خسارة بعض الرجال )اشباه) ميستهلوش يتزوجو