حجابي

[مشكلتي]

السلام عليكم جميعا
والله راني محتارة كيفاه نبدا واذا هادي صح مشكلة ولا انا راني نوهم في روحي
المهم انا امراة متزوجة وام لطفل وحامل والحمد لله
انا كيما معظم نسا تاع هاذ الوقت كنت دايرة حجاب عادي يعني في الصيف عباية اوملاية و في الشتا حجاب مونتو وزوجي يلبس عادي كيما الشباب تاع ضرك
انا عندي 2خاوتي اخينا
الكبير متزوج والي بعدو خاطب هاذ الاخير كل ما نروح لدارنا يقولي علاه يا ختي حجابك هكا. مزير عليك ويبقى ينصح فيا باش ندير جلباب بالادلة من القرآن والسنة وكل شي بقينا على هاذ الحال في كل مرة يعاود نفس الهدرة حتى اقنعني وقلتلو خلاص مادامك حابني ندير جلباب اشريلي انت من عندك باش نقول خويا دارلي الجلباب وكنت في منتهى السعادة والاقتناع
كي رحت في العيد الصغير. لدارنا لقيتو شرالي الجلباب فرحت بزاف ولبستو من هاذيك الدقيقة كي شافو راجلي عجبو الحال وقالي هكذا راكي مستورة احسن
في اليامات الاولين كنت بزاف فرحانة بصح كل ما تشوفني كاش وحدة تعرفني ولا من عايلتنا ولا من عايلة راجلي تبقى تقولي ايه جاك شباب بصح مازلتي صغيرة وغميتي روحك واخرى تقولي لازم ضرك ديري حساب لكلش واخرى تقولي راجلك يبان قدامك صغير عليك وانتي ما تبانيش قاع مرتو برا بلبستك مقارنة مع لبستو ووووو وبزاف هدرة فما نجاوبهم وبالدليل وقاع وكي نولي وحدي نبقى غير نخمم ونقول انا ورطت روحي واتخذت قرار سريع وضرك ما نقدرش نتراجع فيه والله غير عييت بزاف من هدرة النسا وسيرتو كي نخرج مع راجلي مع العلم هو انيق جدا وليت صح نحس بالفارق حتى راني كل يوم وراه علاش ما ديرش لحية وقميص مش تدين اكثر من انو راني حابة يكون في نفس مستوايا على بالي راكم رايحين تقولو هاذ من صفات المنافقين وانو جلبابي مظهري اكثر منو تدينا بصح هادا واش راني نحس الله غالب وليت نكره كي نكون خارجة ونحس اني مش انيقة قدام راجلي. سيرتو كي نكونو نمشو ويبقاو لبنات يشوفو فيه وكاني انا اختو ولا ماعلاباليش الغيرة تقتلتي بلا ما نهدر
نتمنى منكم تفهموني وتنصحوني باش نولي نحب جلبابي. انا على بالي راني على حق وهما على باطل بصح كيفاه نقدر نتغلب على الافكار السلبية الي عندي وعلى نفسي وجزاكم الله خير

[فاطمة شلف]

السلام عليكم ورحمة الله وبركاته
والله اختي الكريمة بارك الله فيك وجزاك كل الخير
واشكرك على الموضوع الرائع
مادم سترتي روحك يسترك ربي ان شاء الله
اختي الكريمة على بالك بلي ديري الحجاب الشرعي مطبق على السنة
تشرب من حوض الرسول صلى الله عليه وسلم يشربها بكف يده والله اعلم
اما بالنسبة للحجاب لا تتراجعي عنه فاتمسكي به ولاتابهي لي كلام الناس
اخيتي انا عكسك تماما انا احب اللباس الشرعي لكن هو لا كي نلبس انيقة
يفرح بي وهذا مخالف لي الشريعة لان الله لا يحب كشف العورة
وكي نستر روحي امامي يبدا ينظر في بنات الخارج السروال السليم
وكل شئ مكشوف
وكي نلبس مثلا بري زونطابل نجلب نظرة الرجال ونحسب روحي ارتكبت
جريمة في حق نفسي وغضبت ربي
المثال يقول لاطاعة لمخلوق في معصية الخالق
ان شاء الله ربي يوفقنا الى مافيه الخير والصلاح
بتوفيق اختي

[elhosseyn3483]

المهم اختي تقتانعي انتي
وبنصيحة مجرب
متحاوليش تقنعيهم بالجلباب
ومتهدريش عليه قاع بدلي الموضوع

انا ربيت اللحية من بعد الكل يحلل ويناقش
بعد مدة نساوني وانا نسيتهم
حتى واحد معاد يجبدلي

الجلباب فرض على كل مسلمة
هدا لي لازم تعرفيه

[ساجده 82]

عسلام اختي واش نقدر نقلك ختي انت راكي على حق ولاتابهي .ماداك زوجك فرح بيك صايي خليك من التوهمات كان غير جيت كوراح كيفك ودرتو انا ثاني كل مانهودللبلاخويا يهديلي جلباب زوجته بالستار وزوجه اخي لكبير هداها جلباب كانت ترتدي حجاب شرعي عادي دارتو واختي راهي في الطريق بقيت انا .نتمنى الهدايه .انا مغتربه .ونضل نجري اتخدت هذا الشئ سببا لعدم لبسي له ولكن البس المحتشم يعني .مانغترش باللي في سني انا كذلك زوجي جد انيق .يعشق اللبس .كي يشوفوه صحاباتي يقولولي علاش ماتهتميش بروحك كيما زوجك ولكني لا اابه .لاالبس السليم ولا الجينز ولا الضيق .يعني لازم شخصيتك اكون قويه باش تواجهيهم واعلمي انهم في داخلهم يحسدونك انا كي نشوف واحده متجلببه قدامي نغير ونتمنى نكون هذاك.ولكن اختي انت سترتب روحك وهداك التفكير غي الشيطان حب يظلك
نقطه اخرى علاش الناس تربط الجلباب بالصلاه وبافعال اخرى بالغيبه وووو لا مفهوم تظليلي
علاش اللي مش متحجبه مرفوع عليها القلم او مجاز لها لاتصلي تهدر في الناس لا .
الانسان مهما التزم .يذنب ونزلت في هذا الشئ. آيه ويتوب نعرف بزاف متجلببات في ديارهم يلبسو كيما لي ستار وفي المناسبات يعني عادي ولكن خارج البيت مستورين .اين المانع .المهم موفقه اختي

[حاملة المصحف]

السلام اعليكم
اختي ربي يهديم انت و الي يقلك الجلباب يكبر و..و.و.و و مش انيق
لالن الجلباب او الحجاب الشرعي لا عمر له و هو قمة الاناقة
بحث بسيط في قووقل عن الجلباب و حكم المستهزئين به رح تفهمي كل شيئ

[إسلام الفاروق]

حبي ربي تحبي جلبابك

[ROMMEL]

خليك من هدرة النساء الجاهلات و زيدي حاجة اخرى انت كي تخرجي مع راجلك ماكيش رايحة ديري عرض ازياء السترة افضل بكثير

[nanoua7]

خليك منهم دائما الحاجة لي فيها الخير يوسوس فيها الشيطان و راني حاسة بيك واش راكي تعني و على هاذا نقولك روحي شوفي هاذ الاخت اسمها سهام راها تبيع في الجلباب و فاتحة متجر في طيبة بباش جراح و عندها فايسبوك و اسمها okhetina dz تشوفي ذوك أنواع حلبلب لي خادمتهم ترحمي عليا راهم بنات ياسر رجعوا يلبسوهم خاطر يهبلو وa la mode تهالاي شوفيهم و خبريني ادا عجبوك راني نستنى مالقغي راني متأكدة يعجبوك و بالبراكة عليك العقوبة لينا

[----------]

اختي المهم انت راكي عارفة بلي هادا هو اللباس اللي يرضي ربي سبحانه
رضا ربي هو الأهم
و الناس الله يسهل عليهم
أنت أطعتي ربي و هذا هو الصح
لعلمك : كثير من الفتيات المتجلببات _ و ليس فقط المتزوجات _ يعانين من كلام الناس و الأقارب عند لبس الجلباب فلا تربطي الأمر بأناقة زوجك
االمهم ... لا تعطي حساب للناس ماداام هدفك طاعة الله في ارتداء الحجاب الذي أمر به سبحانه و تعالى
و هادي الأية اتفكريها دوما : ''و الذين جاهدوا فينا لنهدينّهم سبلنا ''

[زبدة ذايبة]

سبحان الله كي ماقدرش عليك الشيطان بعتلك الأتباع تاعو

وهاذ النساء هوما من الوسوسة تاع الإنس

الشيطان كي يتعوذ منه المؤمن يروح

لكن الإنسان كيما ديري معاه مايروحش وانت وشطارتك

ماتخليش حتى وحدة دورلك راسك على قرار اتخذتيه نهائيا

لوكان تفتحي وذنيك ليهم يخلاص عليك مطلقة ماشي بلا حجاب

الدنيا يعطيها ربي حتى للشخص اللي مايحبوش والدين يعطيه ربي للإنسان اللي يحبو

ياريت يكثروا الرجال اللي يغيرو على خواتاتهم كيما خوك

لوكان قلت الفاحشة في الجزائر وغلقنا دار الطفولة المسعفة أبناء من غير آباء

نبارلكلك على دينك وعلى حشمتك وجلبابك

لأنه في الوقت الحالي قليل اللي راهي تقدر تستر روحها

وهذا ماديروش غير المرأة الصالحة

بالاكي ترجعي للوراء

هذا حيائك وحشمتك

ولوكان في لحظة تضعفي راح تتبدل حياتك

الإنسان يحاول يطمح للأحسن دائما

نعاودو نرجعوا للجاهلية الأولى

الحمد لله راكي متزوجة وعندك أولاد

ماتسحقيش تخرجي زينتك لرجال آخرين

خلي زينتك لزوجك

خلي الرجال الآخرين يشوفوك عجوزة بشعة

المهم زوجك يشوفك الحسناء اللي اختارها من بين كل النساء اللي راهم بلا حجاب

هنيئا لكي بنيتي على الستر والعفاف

ولا تتركي مطلقا المجال لأي ذبابة أن تزعج قناعتك

فأنت أخت رجل وزوجة رجل

[~أمة الله~]

عليكم السلام ورحمة الله وبركاته أختي الكريمة
أولا مُبارك عليكِ لُبس الجلباب ، ألبسك الله لباس التقوى...
ثانيا: أولا مالازمش تشعري أنّك في مستوى أعلى أو أي شيء من هذا كي لبستي الجلباب، ولا تظنّي أنّك تمثلي فئة المُلتزمين ولا شيء من هذا، ديري في بالك أنّك مُسلمة، أطعتِ ربّك بالتزامك بالحجاب الشرعي، وتسعين لتكميل دينكِ وما بقي ممّا عليكِ وعلينا كمسلممن في أمر ديننا، وزوجك نفس الشيء، لا تضغطي عليه الآن وتقوليلو لازم تطلع لمستواي وتولي مُلتحي وما نعرف، ففرحه بجلبابك دليل على الخير الذي فيه، ركّزي على صلاته وأخلاقه في هذه المرحلة، لذلك افرحي بزوجك الذي أعانك على الطاعة، وحاولي تتزيّنيلوا كثر في البيت وتفعلي ما يحبّ، أمّا في الخارج فالجلابيب على رأسهم، اختاري نوعية قماش جيّدة وتفصيل مليح، واعتني بنظافته ونظافة حذائك وحقيبتك وخلاص، كوني واثقة من نفسك، وأنّه زوجك ماراحش ينظر لأخرى ما دُمتِ تُرضين الله في الخارج، وفي الداخل تكونين عروسة لزوجك. المُهم انساي شوية أمر الجلباب، هو طاعة وأنجزتها، خلاص قولي suivant، وما تقعديش تعاودي لزوجك، راني مليحة بالجلباب، راك تشوفني شابة، وعلاش ما تديرش اللحية، توسوسيه باطل وراح ترتكبي حماقة في حقّ نفسك...
ثالثا: رضا الناس غاية يعني في الحقّ لا تُبغى كامل، ربّك راضٍ عنكِ، زوجك راضٍ عنك، عائلتك تشجّعك وإخوتك، واش تحوّسي كثر، سوق النسا نقصي منه خلاص، التاي ببيتك وزوجك، وأمر آخر احتسبي الأجر عند الله، الصّحابة أوذوا في سبيل الله أكثر من هذا وصبروا، ربّي يثبّتك ويعينك ياربّ
وفي الأخير: لا تنسي كثرة الدعاء بالثّبات، وأن تجعلي همّك رضا الله، ورضا زوجك عنك...

والله أعلى وأعلم...

[محمد جديدي التبسي]

ينبغي أن لا تلتفتي لكلام الناس وان تكون ثقتك في نفسك كبيرة
اذا كانت نيتك في لبس الجلباب ليست خالصة لوجه الله فعليك بمراجعة نفسك وتصحيح نيتك والتمسك أكثر بالجلباب وما يتعلق به من واجبات لا تختلف عن واجبات كل مسلمة لكنها عليك أشد لأنك اخترت طريق الاستقامة فلابد ان تتعلقي بالآخرة وتتعلمي أمور دينك أكثر وتفكري في ارضاء خالقك دون ان تنسي نصيبك من الاستمتاع بالحلال في الدنيا...ربي يثبتك ويرزقك الاخلاص في القول والعمل.

[intel-i7]

السلام عليكم جميعا
والله راني محتارة كيفاه نبدا واذا هادي صح مشكلة ولا انا راني نوهم في روحي
المهم انا امراة متزوجة وام لطفل وحامل والحمد لله
انا كيما معظم نسا تاع هاذ الوقت كنت دايرة حجاب عادي يعني في الصيف عباية اوملاية و في الشتا حجاب مونتو وزوجي يلبس عادي كيما الشباب تاع ضرك
انا عندي 2خاوتي اخينا
الكبير متزوج والي بعدو خاطب هاذ الاخير كل ما نروح لدارنا يقولي علاه يا ختي حجابك هكا. مزير عليك ويبقى ينصح فيا باش ندير جلباب بالادلة من القرآن والسنة وكل شي بقينا على هاذ الحال في كل مرة يعاود نفس الهدرة حتى اقنعني وقلتلو خلاص مادامك حابني ندير جلباب اشريلي انت من عندك باش نقول خويا دارلي الجلباب وكنت في منتهى السعادة والاقتناع
كي رحت في العيد الصغير. لدارنا لقيتو شرالي الجلباب فرحت بزاف ولبستو من هاذيك الدقيقة كي شافو راجلي عجبو الحال وقالي هكذا راكي مستورة احسن
في اليامات الاولين كنت بزاف فرحانة بصح كل ما تشوفني كاش وحدة تعرفني ولا من عايلتنا ولا من عايلة راجلي تبقى تقولي ايه جاك شباب بصح مازلتي صغيرة وغميتي روحك واخرى تقولي لازم ضرك ديري حساب لكلش واخرى تقولي راجلك يبان قدامك صغير عليك وانتي ما تبانيش قاع مرتو برا بلبستك مقارنة مع لبستو ووووو وبزاف هدرة فما نجاوبهم وبالدليل وقاع وكي نولي وحدي نبقى غير نخمم ونقول انا ورطت روحي واتخذت قرار سريع وضرك ما نقدرش نتراجع فيه والله غير عييت بزاف من هدرة النسا وسيرتو كي نخرج مع راجلي مع العلم هو انيق جدا وليت صح نحس بالفارق حتى راني كل يوم وراه علاش ما ديرش لحية وقميص مش تدين اكثر من انو راني حابة يكون في نفس مستوايا على بالي راكم رايحين تقولو هاذ من صفات المنافقين وانو جلبابي مظهري اكثر منو تدينا بصح هادا واش راني نحس الله غالب وليت نكره كي نكون خارجة ونحس اني مش انيقة قدام راجلي. سيرتو كي نكونو نمشو ويبقاو لبنات يشوفو فيه وكاني انا اختو ولا ماعلاباليش الغيرة تقتلتي بلا ما نهدر
نتمنى منكم تفهموني وتنصحوني باش نولي نحب جلبابي. انا على بالي راني على حق وهما على باطل بصح كيفاه نقدر نتغلب على الافكار السلبية الي عندي وعلى نفسي وجزاكم الله خير

تستطيعين ان تلبسي حجاب ويكون مستور ويكون واسع بما فيه الكفاية وليس مزير ويكون ساتر وبحكم اختلاف التسميات لا اعرف ماهو الجلباب بالظبط هل هو الخاص بمن يسمون الاخوات الذي يكون معه النقاب ام هو الجلباب كما نسميه نحن

ان كان الجلباب الذي يكون معه النقاب فأقولك لك مهلا وممكن تعطينا الادلة من الكتاب والسنة حتى نستفيد
لان مايسمى الجلباب مع النقاب فتم استراده من افغانستان الى السعودية وتم تصديره مع الفتاوى الينا
فهو لايرقى الا ان يكون لباس تقليدي لمنطقة معينة وكفى

وفي الاخير "بل الانسان على نفسه بصيرة" اي ان العبد يعرف مايصلح ومالايصلح بينه وبين ضميره
وفيمايخص الناس قالو كل واحد سيحاسب وحده يوم القيامة مايجب فعله يجب فعله ومالايجب فعله لايجب
والسلام مسك الختام

[جنى الجنتين]

سلام اختي مبارك عليك الجلباب ان شاء الله دايما يا رب و الله يثبثك و نصيحة مني لا تسمعي الى كلام النساء ولا تجعلي كلامهم ياثر فيك اما انك تريد من زوجك ارتداء القميص

فما عليك الا ان تشتريه له كهدية و سترين كيف يفرح ولكن بشرط لازم تعرفي الذوق و شري كتب تتحدث عن لباس الرسول صلى الله عليه و سلم فلربما يثاثر عند قراءة اكتاب

و عادي دللي نفسك امام زوجك ولبسي واش تحبي في بيتك اما الشارع فالجلباب هو الافضل و توكلي على الله انت الصح

[خالد عنابي2]

هذا قسم مشكلتي وليس قسم الحكايات الفارغة

قولولي كيفاه نحب جلبابي هل هذه مشكلة ؟

عجبك ديريه معجبكش نحيه وخلاص وبركاونا من الكلام الفارغ

[oumnaser]

:19::19::19:سلام الله عليك يا أخت الحور؛ لدي سؤال لك:هل ستشعرين بالسعادة إذا نزعت الحجاب وأرضيت "النساء؟؟"
أختاه لقد قلت بنفسك أن زوجك أعجبه ارتداؤك للجلباب؟ فلا تسمحي للشيطان أن يجد إليك مدخلا وهو حب الأناقة ؛أنا واثقة أنك تعلمين علم اليقين أن المظاهر مهما جملت فهي إلى فناء؛والأدوم هو الجوهر وتذكري دائما أن القلوب بيد الله تعالى فهو من حببك إلى زوجك وهو القادر على عكس ذلك؛ أنا أنصحك أن تعيدي النظر إلى دافعك لارتداء الحجاب ؛فمما أعرفه أن الإنسان عندما يقتنع بفكرة ما فلا أحد في العالم يمكنه أن يغير رأيه؛لا تستمعي إليهن فمثلما يعتقدن أنك على خطإ؛ينبغي أن يكون اعتقادك أقوى بأنك على صواب كي تتمكني من إقناعهن وإلا فلاداعي فليست بأيديهن مفاتيح الجنان ؛ صلي لله ركعتين في جوف الليل واسأليه أن يمنحك الثبات وإني أدعوه أن يسهل لك أسبابه والسلام عليكم.

[fatima zohraa]

اختي هذا اسمو تلبيس ابليس.اختي المهم نظرة الله عز وجل ليك هذو شياطين الانس.وش قلقهم هوما سبحان الله لكان جيتي متبرجة برا راهم فرحو.غربة اهل السنة

[Davidcena]

ربي يوفقك ويثبتك على الجلباب

[نواعم]

بسم الله ماشاء الله عليك اختي ربي يحفظك ويثبتك ربي حبك كي سخرلك خوك ينصحك اما النساء ديري كلمهم ورا ظهرك فارضاء الناس غاية لا تدرك والجلباب الان راهو متنوع وشباب والمهم كي فرح بيك زوجك هوالصح

[أبو معاذ محمد رضا]

من راقب الناس مات هما.

[خـــ القرآن ـــادمة]

السلام عليكم ورحمة الله وبركاته ،،
اولا هنيئا لك ثم هنيئا لك لباس العفاف والالتحاق بركب من نحسبهن عند الله صالحات ،،
يسرني ان اهمس لاختي ان افرحي فقد اختــــآرك الله لهذه الطاعه وحرم الكثيرات ،،
استشعري ذلك وستغمرك فرحة عميقة ،،
مــــــــــن قال ان التدين ابتعاد عن الحياة والجمال والاناقة والرقي ،،؟؟
ومن اخطأ الوصف فجعل الحجاب مجرد قطع قماش غير مرتبة لا متزنة ولا متناسقة الالوان وعشوائية الارتداء لتكون مطابقة للشرع ،،
بل العكس والعكس تماما ،،
كما قد يغريك تنوع الملابس الاخرى يجب ان تغريك اناقة الحجاب الشرعي ،،
ولا اظن انه في زماننا اصبح يقل عن غيره من الجمال مكلللا بالانضباط ،،
اتمنى ان تراسليني عبر الخاص لاريك نماذج ترضي ذوقك وتحترم ضوابط الشرع التي ينص عليها الجلباب،،
فتح الله عليكـ وجعل جلبابك قرة عينيك ،، ولا حرمت المودة والرحمة في بيتكـ