بداية يوم جديد

[ام متين]

G]http://uploads.sedty.com/imagehosting/474325_1442385389.jpg]

[غزالة1]

السلام عليكم
اصبحنا واصبح الملك لله
اللهم صل وسلم وبارك على سيدنا وحبيبنا محمد وعلى آله وصحبه أجمعين

[غزالة1]

حبيباتي اعتذر من البارحة و اموري ملخبطة ابنتي مريضة و في الليل بت سهرانة و زاد ايقظتني على 2صباحا حتى 4 احس راسي سينفجر حتى الصلاة لم اصلها في الوقت استغفرك ربي واتوب اليك
سلام

[صابرة محتسبة]

اللهم ما أصبح بي من نعمة أو بأحد من خلقك فمنك وحدك لا شريك لك فلك الحمد ولك الشكر

[صابرة محتسبة]

السلام عليكم ورحمة الله وبركاته
صباح الخير صباح زاخر بالعطاء متوج بالتفاؤل ..
صباح مشرق بالأمنيات ..
أن يكون هذا اليوم موفقة ساعاته ودقائقه وثوانيه حافلة بما يسر ويسعد ..
صباحكم صحة وعافية ورزق وفير وأمان في الدروب ..

http://www7.0zz0.com/2016/04/07/10/232888214.gif

[arwa alaa]

صباح الخير عليكم واش راكم
تحشتكم بزاف راني كسرت الاضراب وراح نكمل شخالي لاني وصلتلهم الرسالة الي حابة وفهموني
اليوم ان شاء الله نكمل المطبخ

[صابرة محتسبة]

مقولة أعجبتني حبيت تقرؤونها
قالوا: الصفح من القلب والمصافحة من اليد ...
لا تتردد أن تصافح الناس وأن تبدي حميمية عواطفك الصادقة نحوهم ..
والقلوب تدرك ذلك ولا تخفيها صدق المشاعر والردود والعيون رسائل القلوب ..
وقالوا إن لم تكن الطيبة فيك فطرة فلتكن اكتسابا ..
طبعا كل إنسان يستطيع أن يكون زهرة جميلة يسعد الآخرين بطلاقة وجهه ..
كما يسعدهم بأرج كلماته الطيبة الجميلة الناطقة بالجمال ..
تحياتي لمن امتلأ قلبه بحب الله وحب الخيرين..
ولمن أضمر في نفسه فعل الخير وقول الخير..
وإعانة خلق الله على كل خير .. http://www14.0zz0.com/2016/04/07/10/956876826.gif

[ام آدم]

صباح الخير خياتي
انا اليوم مانيش حابة نوض من لبلاصة عندي اكتئاب
بعد ما فرحت بالمسابقة وقلت كي عاد على اساس الاختبار نقرا ونجيبها بقدراتي وذراعي
قالك نحسبو حتى الخبرة منين راح نجيبلهم الخبرة الكونترا غير بالمعريفة والرشوة
قريت في اطار الادماج قالك ما نحسبوهاش
تسمى نتعب روحي ويجي واحد تحصل على كونترا بمعريفتو يدي نقاط زايدين
علاه بلادنا هك
الناس لي عايشة معاهم يشوفو فيا بعين النقص كي عاد عندي 10 سنين متخرجة وما ترسمتش
حتى لي عندو نيفو تارمينال لقا بوسط
استغفر الله يا ربي علابالي الرزق مكتوب استغفر الله يا ربي

[oum sabrin]

السلام عليكم
أم متين على سلامتك حبيبتي شكرا على الدعاء ربي يحفظك و يخليك دائما منورة منورة صفحات الدورة بردودك و ادعيتك و قهيوتك البنينة :19:
أم هزار يا طيبة كلامك بلسم و صدقيني لما نقرا تقاريرك اعجب بها و اسأل نفسي لو كنت عاملة مثلك كيف سيكون برنامجي ؟ ربي يخليلك صحيحتك و عائلتك و يشفيلك والدتك امين يا رب
أم ادم الحمد لله لي استقرت حاتك و تقدمت في المراجعىة موفقة باذن الله
اروى الاء واش حوالك مع التوام بما انهم يحبو يخربشو حاولي تجيبيلهم سبورة صغيرة مع القلم الخاص بها ربما تجلبهم الكتابة عليها و ينساو الجدران هذا مجرد اقتراح حبيبتي ما تتقلقيش روحك هادو هوما الدراري كل واحد اين يجد متعة اللعب
تقرير اليوم
المراجعة الصباحية تمت
6 الى 7 تحضير فطور الصباح و طبق اليوم و هو طاجين الشوفلوغ
الروتينات اليومية تمت
التنظيف العميق تم مع ارضيات المنزل سيقت عميقا كل المنزل خذالي وقت قيس ما رجعت الدوزان لحق وقت احضار ابنتي ثم الغذاء و غسل الاواني
بعدالظهر رحت لطبيب الاسنان و المراجعة تاجلت للمساء عندي تكنلوجيا الاعلام و التصال جاتني طويلة ثقيلة و ما قدرتش نراجعها الله المستعان
الى الغد باذنالله
ان شاء الله يمر ردي هذا لانني من قبيل و انا احاول بدووووووووون جدوى

[oum sabrin]

صباح الخير عليكم حبيباتي
عذرا هذا ردي من البارح و انا نحاول نبعتو كان عندي مشكل في الانترنيت و حسابي بقى مفتوح هذا وين جاتني الانترنيت
المهم اليوم كالعادة درت المراجعة الصباحية
اما تحضير الغذاء فقلت اليوم ندير سردين جابهولي زوجي على 830 فاغتنمت الوقت بعدما حضرت بنتي جبدت الكويزينيار و غسلت موراه رجعتو لمكانو غسلت مواعن القهوة و كملت سيقت المطبخ نظفت الحمام و المرحاض اكرمكم الله و رتبت الغرف الا غرفة الاطفال ابني كان مازال نائم جوزت نشاف خفيف لاني البارح سيقت الدنيا عميقا مازال برك نقي السرديين و ندوزنو لانو ناضلي ابني و هادا وين كملت معاه و قلت نطل عليكم كي رجعت الانترنيت
في المطبخ مازالي لي زيليمون بلاك نديرهم في المساء اذا ما كفانيش الوقت الصباح
نروح للسردين ديالي :1:
الله يعاونكم على اشغالكم

[ام متين]

اسعد كثيرا لما نشوفكم متواجدات
ان شاء الله ربي يوفق الجميع
ام ادم لما هذا التشاؤم انت تعرفي وكلنا نعرفوا ان الحاجة المكتوبة لينا نديوها اجلا ام عاجلا والشيئ غير المكتوب ما نديوهش توكلي على ربي وخلاص
انا لما كنت نخدم في البداية كنت متعاقدة ولما كتب ربي ونولي دائمة وليت وسهل ربي والاستدعاء باه نجوز المسابقة جاني لعنوان البيت عوض عنوان العمل ورحت سافرت للعاصمة فوت ونجحت دون علم الجميع لانهم لو سمعوا كانويمدو المنصب لمهندس اخر الحمد لله على كل الاحوال والان راني قاعدة وتخليت عن المنصب والعمل
لذا لا تقنطي من رحمة الله وزيد الناس واش دخلهم فيك كل واحد يهتم بمشاكلو ودارو احسن له.ان شاء الله يكتبلك ربي النجاح وكل الفراشات المشاركات

[ام آدم]

ام متين شكرا لاهتمامك اختي صح رزق حد ما يديه حد ولكن بلادنا وقوانينها الجائرة والمحسوبية والمعريفة خلاتني وخلات شباب بزاف متشائم وفاقد الامل انا على الاقل نحمد ربي اني متزوجة وزوجي خدام كاين متخرجين ذكور مساكن لحقو ل35 من غير عمل ولا سكن ولا زواج بسبب الحقرة والمعريفة
ربي يفرج عليهم وعلى كل المومنين
وربي يحفظ بلادنا من الفتنة و السراقة

[ام براهيم الخليل]

مساء الانوار اشتقت اليكم كيف هى الاحوال مع انه ليس هناك مرتاح فى هده الدنيا المهم ام متين ام صابرين ارو الاء غزالة كيف احوالكم ام هزار كيف حال امك راني ديما ندعئلها ربى يشفيها و يشفي امى فراشات العمر قلبي معك والله مشاكل الجيران كثير ربى يهديهم جهينة اليقين انتي خياطة ارجو تشرحي لي البترون ا

[ام هزار]

مساؤكن سعيييييييييييد و موفق
اختي ام متين . ما شاء الله على الادعية و القهوة اللي تتحفينا بها . ربي يجعلها في ميزان اعمالك . امين
جهينة رايحة نجرب باذن الله طبق السلطة تاعك .... راهو يشهي لكن دون حار .:19:
ام ادم . حبيبتي لم القلق و التشاؤم . راهو كلشي بيد ربي ...وفي البلاد هذي ما كانش قانون ثابت . راهم كل يوم يحطو قانون . و نحيو لاخر ... توكلي على الدايم . و ما كان ليخطئك ان يصيبك و ما كان ليصيبك ان يخطئك . و قوي ايمانك و ما تخافيش ..ولو اجتمع الجن و الانس ان يؤذوك بشئ لم يكتبه الله لك لما استطاعوا و العكس صحييييح
فرغي راسك من الغاشي و الرسائل السلبية . و يا الله قدما للامام . و ربي معاك و مع كل المتسابقات
فراشات ربي يعينك و يحفظلك اولادك . واش ديري بعدي ابنك عليهم قدر المستطاع . و ربي يجيب الخير . حتى انت بعدي على الجيران لفترة . بلاك رايحين يحسو بخطئهم و يعتذرو . او على الاقل . تحبس مناوشاتهم
الحقيقة هموما معذورين . يعني تخيلي بنتك لا قدر الله يصرالها الشئ نفسو . بلا ما تحسي رايحة تثوري و تغضبي لانك ما شفتيش الحادثة بنفسك . و زيد مع ما هو صاري في وقتنا هذا . الشيء يخوف و الشيطان لعنة الله عليه يزيد يكبر الحالة . ربي يهدي النفوس . يا رب
ام ابراهيم الخليل مرحبا بيك اختي . حتى انا ثاني ندعي لوالدتك و كل المؤمنين يا رب . بالشفاء العاجل مع امي . ربي يجيب الخييييييير
غزالة ربي يشفي اولادك . و يعطيك الصحة يا رب
ام صبرين حبيبتي . شكرا على الدعاء و لك بالمثل . واكيد بعدما تنجحي ان شاء الله . رايحة تنظمي وقتك جيدا . ان متاكدة من شطارتك . ما شاء الله
امل .اروى . موفقات حبيباتي

[oum sabrin]

مساء الانوار على الجميع
مساؤك أسعد حبيبتي ام هزار سعيدة دائما بقراءة ردودك
هلت الانوار حبيبتي ام ابراهيم الخليل على سلامتك حنا رانا بخير السوال عليك و على والدتك اتمنى تكون حالتها مستقرة و تتماثل للشفاء عاجلا غير اجل
واش راكي دايرة فيها كاش خياطة كاش تنظيفات كاش جديد من عندك ؟
ام ادم انا ايضا حسيت بنفس الشيء لما عرفت بانهم سيحتسبون الخبرة و قلت علاش راني نتعب في روحي ثم زوجي قالي: (وكلي امرك لله عزوجل و لي فيها خير يجيبها ربي انتي راجعي و ادخلي جوزي و ان شاء الله تنجحي و قالي ياك راكي في دارك معززة مكرمة و ما خصك والو و لي كتبهالك ربي حتى واحد ما ينحيهالك ) مالا نتوكل على الله و نعمل و ان شاء الله يكون النجاح حليفنا امين يا رب
غزالة ان شاء الله تكون تحسنت حالة بنتك لا بأس عليها
فراشات العمر رايي من راي ام هزار بعدي ابنك على الجيران و ابقاي متحفظة في علاقاتك مع الجيران باش ما يكثرش القيل و القال و ربي يجيب الخير
اروى الء يادرا واش درتي فيها بعد ايقاف الاضراب :1:
ام متين صابرة محتسبة كلامكن درر شكرا على ما تقدمنه
لي عودة بالتقرير

[ام هزار]

ام صبرين . هلت الانوار حبيبتي . و ربي يكتبلك الخير في كل شيء . امين
كنت كتبتلك سؤال حول لحم البقري . هل تطول مدة نضجه في اكياس الشواء في الفرن . اعلم انو قاسي شوية
بالنسبة لتقريري اليوم لا جدييد يذكر ما عدا اني عملت طول النهار من 8 صباحا الى الرابعة مساء . ونهاية الاسبوع تكون متعبة جدا في العمل الخارجي و مع الام ظهري اللي تزيد مع الدورة . نعود ما نقدرش نوقف بزاف و نصبح عصبية مع الارهاق . امالا قلت نرتح هذي العشية و زيد عندي العشا الحمدوووووووووالله . راني شربت حبة براسيتامول . ومن بعد شوية ان شاء الله نقي شوية جلبانة للغداء ان شاء الله . و نتكسل على ظهري شوية . ونخطط اذا قدرت للاسبوع القادم باذن الله و الا لغدوة ان شاء الله
ام ادم حبيبتي شكرا على النصيحة فيما يخص ظهري . انا سالت و قالولي ان الام ظهري تنزيد مع اقتراب و اثناء الدورة . و هذا من اثر ابرة المخدر النصفي . اثناء ولادتي لابنتي بالعملية القيصرية ......... و الحقيقة هذا ما اشعر به . و الحمد لله على كل حال
البقية ساعة على ساعة راني نطل عليكم . ما ننقطعش .خاصة و نحن في نهاية الاسبوع .. والفتكم .... ما عندي ما نديييييير :mh31::mh31::mh31:

[جهينة اليقين]

السلام عليكم حبيباتي اليوم كنت مشغولة شوي الزوج كان مريض المهم راه احسن الحمد لله ام ابراهيم الخليل انا ما نعرفش نقرا البترون لاني ما قريتش الخياطة فقط تعلمت عند مرا انا نخيط جبات صيف اوكيم يسموهم في بعض المناطق بدعيات للعرايس او للدار حطي في موضوع طلبات الخياطة ممكن يساعدوك

[جهينة اليقين]

عشاي رشتة بالجاج وغدوة ان شاء الله راني رايحة عند بنتي ختنت لوليدها نفطرو وتعاونها راهي عارضة ناس للعشاء

[amel...]

مساء الخير عليكم يا الشاطرات ....

شكرا لكل وحدة سقسات علي ربي يبقي عليكم الستر ان شاء الله

انا هاد الايام كان عندي طوارئ بززززززاااف الضياف من جهة و السفر من جهة اخرى و الخدمة

و رايحة نزيد نغيب بسسب سقر اخر

المهم اتهلاو في رواحتيكم و الى الملتقى باذن الله

[oum sabrin]

السلام عليكم
ام هزار لا باس عليك على ظهرك انا تان كي نكون بالعادة ظهري يقتلني بالرغم انو ما درتش هذا النوع من الحقن ارتاحي اليوم و غدا اذا كنت مليحة ديري اشغالك بلا ما تفورصي صحتك اولى حبيبتي اسمحيلي ما انتبهتش لسؤالك ببالنسبة لسرعة طهي لحم البقر في اكياس الشواء هو طبعا على حسب النوعية و لكنو ما يطولش بزاف و يطيب افضل في الاكياس . شكرا لك على الدعاء امين اجمعين.
اهلا امالتوحشناك و توحشنا تقاريرك الرائعة الحمد لله كي راكي بخير طريق السلامة عليك في انتظار عودتك يا شطورة
جهينة اليقين لا باس على زوجك و مبارك طهارة ابن بنتك العاقبة لزواجو

[oum sabrin]

تقرير اليوم
المراجعةالصباحية تمت
التنظيف العميق تنظيف الحائط وراء الفرن
مسح خفيف لكل المنزل + تسياق الدروج
طبق اليوم سردين مقلي + بطاطا فريت + سلاطة و الحمددلله
خذيت قيلولة خفيفة لمدة نصف ساعة تقريبا
الجانب التجميلي جلسة ازالة شعر بالشمع + حمام و سشوار
المراجعة المسائية لم تتم ماع الاسف عييت لم استطع التركيز فتوقفت عن المراجعة
قولولي يا متسابقات تكنلوجيا الاعلام و الاتصال فهم و لا حفظ كاين بزاف دروس ما لقيتش منين نبداها:sdf:
التخطيط لم يتم اليوم غدا باذن الله

[oum sabrin]

ليلة سعيدة للجميييييييييييييييييع

[ام هزار]

مساؤكن هادئ حبيباتي
جهينة . ربي يشفي زوجك يا رب . و مبارك عليكم ختان حفيدك . و العاقبة لعرسو ان شاء الله في حياتك و حياة امليه . امين يا رب
ام صبرين . ربي يجازيك خير على سوالك علي . و على اجابتك عن سؤالي
بالنسبة للمراجعة . كلما حسيت بضغط توقفي قليلا و رفهي عن نفسك بالشيء اللي تحبيه ...... دون اللجوء الى العمل المنزلي . هذا باذن الله يخفف عنك التوتر و يشحنك بالطاقة باذن الله و يجدد نشاطك و تركيزك . موفقة حبيبتي
امال الحمد لله كي راكي بخير . طريق السلامة و عودة موفقة بحول الله
ام ادم ..... توامي . تنحات عليك القلقة شوية ؟. واش راكي ديري .. طلي شوية . ما عليهش الوقت متاخر . هذا استثناء في نهاية الاسبوووووع :19::19::19:
نسسسسسسوووووووووووووووووووووووووووومة . وين راكييييييييييييييييييي ؟

[غزالة1]

السلام عليكم
اصبحنا واصبح الملك لله
اللهم صل وسلم وبارك على سيدنا وحبيبنا محمد وعلى آله وصحبه أجمعين

[غزالة1]

اليوم الصلاة في وقتها و سورة الكهف
شكرا حبيباتي بنتي في تحسن
الهم ارزقنا الصحة والعافية لنا و لامة محمد صلى الله عليه وسلم

[غزالة1]

ما شاء الله تواجدكم شحال نفرح بالردود و بالوقفة مع بعض رغم انو لا نعرف بعضنا الحمد لله حمداً كثيراً طيباً مباركاً على هذه النعمة

[غزالة1]

ام ادم يا الغالية ضعي يقين في قلبك و عقلك انو المنصب واحد ما ياخذو بالقفازة و الشاطرة(كيما راهم حاسبينها) و نزيدك و لا حتى بعلمك نعم و لا حتى بعلمك انما هي اسباب ناخذ بها و نتوكل و اذا كان كان هاذا مقدر لكي فستاخذينه غصبا عن كل انف فلا تجزعي و تتركي الاخذ بالاسباب التي هي عنصر من عناصر التوكل الصحيح على الله
اقول لك قصة حدثت لصديقة لي كانت تريد العمل و كانت تعمل بالكونترا لما اتئ كانت متحمسة هاتفتني و طلبت ان ادعو لها قلت لها ربي يوفقك المهم حضري مليح اجتازت المسابقة بعد مدة هاتفتني تبكي و تقول انو حقروها و اخذو منها le poste و كانت تبكي بحرقة لانها تاكدت انو حقروها قلتلها بالحرف الواحد انتي حضرتي مليح و توكلتي على ربي اذا راحت الوظيفة فانها مفيهاش الخير ممكن لو نجحتي كانت تسببلك مشاكل في دارك او تهملي ولادك و كوني على يقين اذا المنصب ليك راح يدور و يجيك او يجيك احسن منو
المهم خلصنا كلامنا و هي مقهورة
بعد شهر تهاتفني و هي طايرة فرحة و تقولي المنصب خذيتو لانو لي خذاه ماعجبتوش الخدمة و لخلاص و قاتلي انت اول واحد نخبرو لانك قولتي انو اذا المنصب من نصيبك راح يدور و يرجع ليك
هذه قصة من الاف القصص تحدث لنا يوميا تذكرنا بان الله ليس بغافل عن عباده
ام ادم حبيبتي انت و كل وحدة حابة تتوظف اقول لها توكلي على الله حق التوكل و اذا لم تنجحي فلا تجزعي بل احمدي ربك ففيه كل الخير

[غزالة1]

كنت حابة نرد على كل وحدة لكن للاسف الوقت لا يسمح
المهم اسلم عليكن واحدة واحدة كل باسمها و اقول لكن احبكن في الله و جمعني بكن في الجنة برحمته

[hanamohamed]

اللهم لك الحمد حتى ترضى ولك الحمد بعد الرضى
اللهم انك اعطيتني خير احباب في الدنيا
فلا تحرمني من صحبتهم في الجنه وانا اسألك..
اللهم اسعدهم وفرج همهم ..

[hanamohamed]

كيفكم جميعاً حبيباتي يعلم الله اني مشتاااااقه لكم جداً وافتقدكن جداً جداً اتمنى تكونو جميعاً بخيييير واطفالكم في احسن حال شكراً كثيراً لكل اللي سأل عني
اختي غزالة كل كلامك رائع وبنستفيد منه فعلا جزاك الله خيرا جميل أن نرى من يحفزنا ويرفع من معنوياتنا حتى يكون هذا دافعا ً لنا كلنا نتعلم من بضعنا البعض
أسعدكِ الله عكلامك الراائع
فأسأل الله أن يوفقكن وأن يبارك فيكن
ما أجمل أن تصبح دواء كل موجوع
ما أجمل أن تجعلهم سعداء بعد الدموع
ام ادم وفقكالله وسدد خطاك وانار دربك دعي القلق عنكِ جانبا .........وان شاء الله تنالين ما تحلمين بتحقيقه ...
كرر حسبنا الله ونعم الوكيل، ولا حول ولا قوى إلا بالله العلي العظيم

أي الله حسبنا وهو نعم من نتوكل عليه ، ونحن نعلم ومؤمن أنه لا حول ولا قوة إلا بالله العلي العظيم ..
وصل الله على سيدنا محمد وعلى اله وصحبه وسلم

[ام هزار]

السلام عليكم و رحمة الله تعالى و بركاته . صباحكم سعادة و هناء و دعوات مقيولة . امييييين يا رب
غزالة و هناء كلامكما درر . لا فض فوكما . ربي ي=جازيكم خير
غدايا تقريبا طاب . جلبانة بالقرنون و الدجاج ............:19::19::19:
من العادات الجديدة اني ادخلت السلطة الخضراء في نظام غذائي . كنت ما نحبهاش لا انا و لا زوجي . رغم علمي بفوائدها الكثييييييرة . و العاقبة للمزيد من العادات الصحية
الصباح . ما نضتش بكري . ريحت ظهري شوية . المهم فرزت الحالة على الخفيف . مع اذكار الصباح . و الصلاة على سيدنا محمد عليه افضل و ازكى التسليم . الصلاة عندي عذر
ومن بعد الغداء ان شاء الله نطيب تيزانة ونريح شوية مع التخطيط و نمسح الغبرة لجميع المنزل .و نشوف واش ندير مع تحضير عملي الخارجي
حسبي الله لا الاه الا هو عليه توكلت و هو رب العرش العظيم

[ام آدم]

السلام عليكم خواتاتي في الله
ان شاء الله تكونو بخير
ام هزار,غزالة, ام صابرين, ام متين, هنا محمد شكرا لكن على كلامكن الرائع صراحة كان كالبلسم للجريح كل واحد قسمو مكتوب لكني ضعفت لاني درت امل كبير لكن مهما درنا راح ندو غير لي كتبلنا ربي وكيما قالت ام صابرين حتى اذا ما نجحتش راني في داري معززة مكرمة والحمد لله
سامحوني خياتي لي حيرتكم معايا راح نرجع للمراجعة بجد ان شاء الله ولي جابو ربي مرحبا بيه
ام هزار يا غاليتي ربي يحفظك ويعطيك على قد قلبك لحنين يا اختي

[ام آدم]

حسبي الله الذي لا اله الا هو الحي القيوم
عليه توكلت وهو رب العرش العظيم

[ام متين]

السلام عليكم جمعة مباركة لكن حبيباتي في الله نفرح كثير لما نساندو بعضنا البعض ما شاء الله كل وحدة كلامها زين ويرد الروح وينحي على القلب ربي يبارك فيكم جميعا وينولكم كل الخير والهنا ويرزقكم السكينة والطمانينة اميييين يارب العالمين

[ام هزار]

مساااء الغيث النااافع .. اللهم صيبا نافعا يارب . مساء الامطار و الركات .
اللهم انزل سكينتك على قلوبنا .و ارحمنا برحمتك يا ارحم الراحميييييييييييين . اللهم امييييين
ام ادم . حبيبتي .ربي يسدد خطاك و يبعد عليك و علينا وسوسة الشيطان . اللهم امين
ام متين . وجودك معنا يفرحني كثيرا . بارك الله فيك حبيبتي

[ام متين]

تقرير اليوم البداية كانت عيانة لان تاخرت في بلاستي حتى 7 راحت علي الصلاة المهم صليت ومن بعد شربت قهوتي في هذا الوقت ناض الزوج وبعدما شرب قهوة كان عند وليدي موعد مع طبيب الاشعة خرجوعلى 7.45 من بعد انا رفدت التابي نتاع الصالون خرجتوللشمس شوية مسحت الغبرة ورتبت الصالون من بعد رجعت للكوزينة غسلت ماعن القهوة وحطيت الغدا يطيب درت ثريدة وغسلت السلاطة ورتبت المطبخ شوية رجعت رتبت غرفتي نتاع النوم وكملت الغدا في هذا الوقت رجعوا من برا وجابومعاهم السردين وعاودو خرجوا
نظفت السردين وتبلت شيئ حار وشيئ بلا حرور حطيتو في الصحون وغطيتو بالفلم البلاسيكي والى الثلاجة للعشاء ونحيت كمية نظفتها مليح وحطيتها في المجمد نعمل منها سوب
من بعدغسلت كل الماعن ورجعت كنست البيوت ثم سيقت الحمام والتواليت اكرمكم الله والكلوار والكوزينة اما البيوت جوزت نشاف خفيف لانهم نظاف بعدها رجعوا للبيت حطيت الغدا من بعد غسلت الماعن وصليت والاولاد الكبار بعد الصلاة راحو عندهم تور نوا في التايكواندو بقيت انا وصغار حبيت نرقد شوية لكن كل مرة يخلعوني وليت نظت طيبت قهوة ورجيت نطل عليكم الجو تبدل في الصباح طلت شميسة لكن بعد الظهرالريح والمطر خفيف المهم جو نتاع رقاد والاقعدة مع الاحباب كيما نتوما

[ام متين]

الاعتناء بالنفس راهو0/10 من بعد العطلة نسيت الفازلين وما تبعها راني نحاول نرجع للتطبيقات السابقة نقولكم بصراحة ان الدورة نتاع ام تغاريد رغم قصرها الا انو التطبيقات كنت نقوم بيها كلها ولاول مرة نهتم بنفسي ربي يجازيها كل خير ويرزقها ايام زينة
اذان صلاة العصر الان لي عودة لكن ان شاء الله يعد الصلاة

[ام هزار]

ما شاء الله ام متييييييين . فحلة ونص الله يبارك . ربي يحفظك من العين و يسترك يا رب
حتى انا ثاني جيت نرقد شوية . راسي وجعني . لكن هيهات بنتي ما خلاتنيش ربي يحفظها . المهم بالشفاء لوليدك ام متين و ربي يحفظلك اولادك و اولادنا جمييعا . اللهم امين

[نسمة صبح]

السلام عليكم و رحمة الله

اهلا حبيباتي توحشتكم ..واش اخباركم ..راكم مزهيين الحالة ماشاء الله

اسفة على الغياب معنديش انترنيت..ودرك راني في دار عجوزتي و راني مخلطة..هنا بالتقريب انا اللي نطيب و نقعد حايرة واش ندير مش كيما في داري مبرمجة روحي و حرة في تصرفاتي..هيا اقترحوا علي اطباق يحمرو الوجه و حاجات للقهوة يكونو سهلين ..راني كي كنت في دارنا لاتية مع لميناج و لكوزينة متكلفة بيها ماما..و نطيب مين ذاك ..هنا راجلي راه ضيف ..

قولولي وين واصلين ف المراجعة ..واش راح تعقبو؟؟ انا متوسط اعلام الي و حطونا كامل les modules لي قريناهم ف ليسانس و حنا قرينا بالفرنسية ..مفهمتش كيفاش رايحين يجيو الاسئلة ..

شكرا لكل وحدة سقسات علي ..ربي يبارك فيكم ..و ياا رب كامل تكونوا ملاح

نحبكم..جاوبوني متخلونيش هكاك

راح ندير برنامج لليامات هادو وين راني قاعدة هنا ..و نكتبلكم تقاريري ..

[فراشات العمر]

السلام علكن صبايا كيفكن اشتقت اليكن جميعا موااااااااااااااااااح لكل وحدة
حبيت نقلكم بلي كملت المطبخ اليوم حبيت نسقسيكم كيفاه تحافظو على نظافته
عندي مشكل هو اني نضرح على الشغل راني طاقة سلبية الف بالمية
ام ادم معليش كل عطلة فيها خير انا راجلي دار قداه مسابقة حتى ولاو يعرفوه اكل تعب وتعب كل مرة وين وهي كاتبتلو قدام الدار عسى ان تكرهو شيء وهو خير لكم
فسدتلي الماشينة تاع الخياطة حليتها زعم نخدمه عوجتلها لبياسات وراني منهارة

[فراشات العمر]

السلام علكن صبايا كيفكن اشتقت اليكن جميعا موااااااااااااااااااح لكل وحدة
حبيت نقلكم بلي كملت المطبخ اليوم حبيت نسقسيكم كيفاه تحافظو على نظافته
عندي مشكل هو اني نضرح على الشغل راني طاقة سلبية الف بالمية
ام ادم معليش كل عطلة فيها خير انا راجلي دار قداه مسابقة حتى ولاو يعرفوه اكل تعب وتعب كل مرة وين وهي كاتبتلو قدام الدار عسى ان تكرهو شيء وهو خير لكم
فسدتلي الماشينة تاع الخياطة حليتها زعم نخدمه عوجتلها لبياسات وراني منهارة

[ام متين]

ام هزار شكرا على التشجيع والدعاء لوليدي عندو مشكل في الغدة الدرقية ماتخدمش مليح لازم متابعة كل 3اشهر وعمل اشعة عليها كل عام الحمد لله راهي منتفخة شوية حتى يرجع للطبيبة واش تقول.

[ام متين]

اشرقت الانوار يانسمة كيف الاحوال المهم راكي مع الزوج نتاعك والباقي ساهل بالنسبة للاطباق لازم واحد يعرف طبيعة الناس الي رايح يطيبلهم لان هناك ناس اعتادو على الاطباق التقليدية يعني شربة بربوشة عيش شخشوخة بانواعها .......وهناك من يحب الجديد ويتقبل النكهات الجديدة ويتدوقعها بدون تعليقات وزيد يانسمة المنتدى راه مملوء بالقديم والجديد ماعليك غير تطلبي والمنتدى يقولك شبيك لبيك كل شيئ تحب نسمة بين يديك

[ام متين]

فراشات العمر اكبر شيئ يوسخ المطبخ هو القليان لذا حاولي كلما تقلي تمسحي الاماكن القريبة من الفرن ثاني حاجة انك تترك التنظيف يطول يعني لوتعملي برنامج اسبوعي رايحة تحافظي على النظافة وزيد ما تتعبيش بزاف لما تنظفي............وبصحتك المطبخ الجديد تتهناي بيه.
اما ماكنة الخياطة واش داك يا اختي تتفتفي فيها وتخسريها اديها للخدام يسقمها احسن
اما انك تضرحي على الخدمة والله رانا كامل كيف كيف نعملو في الواجب علينا وساعات تجينا شوية شطارة وفحالة وهي ماشية الدنيا الفايدة في الصحة والهنا وراحة البال

[سمراء الدنيا]

السلام عليكم و رحمة الله و بركاته
كيف هي احوالكن يا فراشات .....
شكرا ام متين على الادعية و جزاك الله كل خير
*******
بغيت نسلم على ام صابرين و ام هزار و ام ادم و غزالة و ام لينا و كل الفراشات arwa alaa....صابرة محتسبة....miss hapiness.....hanamohamed........amel...جهينة اليقين.....نتمنى تكونو مزالكم في نشاطكم

نستسمحكم بنات في انزال الصفحة .... و نتمنى اننا نجددو النشاط و نجددو صفحة تطبيقات ....

[غزالة1]

السلام عليكم
اهلا حبيباتي
اهلا نسمة ام متين راه جاوبتك يلا ارينا شطارتك يا الفحلة
فراشات العمر غير ماشينة الخياطة ما تخربيش فيها لانو تقدر تتخسرلك

[غزالة1]

ام ادم هكذاك توكلي على ربي محال يخيبك كل حاجة كاتبة و بما انك راح تعملي لي عليك محال تندمي حتى في عدم النجاح راح تفرحي

[غزالة1]

ام هزار الظهر صعيب لازم تبتعدين على رفع الثقيل و ايضا وضعية الظهر اثناء العمل مهمة ربي يشافيك حنونة

[غزالة1]

ام صابرين بالتوفيق في المراجعة
جهينة مبارك الفرح عند بنتك

[غزالة1]

امولة تروحي و ترجعي بالسلامة

[غزالة1]

هنا راح تولي خياطة راني شفت تطبيقك بالتوفيق حنونة

[غزالة1]

سمراء الدنيا مرحبا بك 😄 عندنا او مرحبا بينا عندك يا ريت تشاركي معنا راح تكون اضافة جميلة لينا
سلامي الحار لك اختاه

[غزالة1]

ام متين شريكتي 😉 ربي يشفي ابنك و تشوفيه راجل و نحضرو عرس(لا تخافي نجيك في الشرق او الغرب او الوسط غير الصحراء لا احتمل الحرارة هههه) راني نعرض روحي بروحي
سلامي

[غزالة1]

ام ابراهيم عساك بخير و الوالدة و كل العائلة
سلامي لكل الفراشات الغائبات ربي يرجعكم بخير
اعتذر اذا نسيت وحدة وليدي راه لاصق
سلام

[ام هزار]

اوسعو . وسعو .. وسعوووووووو .. نسوووووووومة جات ........ اهلا و سهلا و مرحبا :dj_17::dj_17::dj_17: الحمد لله يا عزيزتي كي رجعتي و طمنا عليك . اما بالنسبة لما طلبت فام متين وفت و كفت . بارك الله فيها
غزالة حبيبتي شكرا على السوال و النصائح . و راكي تعرفي المراة الجزائرية قد ما تحاذر و ترفد الثقييل . و ربي الستار
فراشات العمر . وسعي بالك و قاومي الكسل و الملل . صدقيني رانا الكل في الهوا سوا :o:o:o
ام ادم . اعتقد انو الاعلام الالي يدرس دائما بالفرنسية لانو في الاصل يعتمد على المصطلحات . و ما تخافيش التعريب تاعنا راهو معرب بالفرنسية ........ و زيدي سقسي غاليتي و بالتوفييييييق
البقية وين راكم ؟

[ام هزار]

سمراء الدنيا . حبيبتي يسال عليك الخير
صدقيني قبيل برك ز انت في بالي . سبحان الله . تفكرتك كي كنت بالحمل مع الام الظهر . و كنت تستعملي الكرسي باش توجهي اطفالك الى العمل البيتي . هكداك انا عملت و انا نعس في الحليب يفيض هيهيهيه
لكن حاجة قلتيها و ما فهمتهاش . و اش تقصدي بقولك استسمحكن في انزال الصفحة . يعني رايحة تحذف او تحور ؟ راني خلعت ؟:sdf::sdf::sdf:

[ام هزار]

البنات . ممكن وحدة فيكم تذكرني بكيفية استعمال الفازلين ايام دورة ام تغاريد بارك الله فيها و فيكم

[غزالة1]

ام هزار الفازلين تحطيه في الليل على ما اذكر و تلبسي جوارب و اظن انو لمدة ربع ساعة يوميا
انا كنت نوضعها في النهار على حسب الظروف ممكن الصباح او وقت القيلولة و نتركها ساعة او ساعتين نتيجة مليحة لكن بمجرد انو نتوقف يرجع ملمسهم احرش ربما من كثرة الوقوف

[غزالة1]

الصفحة نزلت على حساب ما فهمته انو كان هو الموضوع رقم واحد في المواضيع لكن الان راهو الثاني

[ام هزار]

بارك الله فيك اختي غزالة على الرد و على التوضيح . دائما خدووووووووومة ..........ربي يجازيك خيرا

[hanamohamed]

اهلا وسهلا بالجميع
ضحكتني غزالة الله يسعدك الخياطة نحبها والدتي خياطة ومنذ مدة كنت مرات نخيط ونفصل حوايجنا فقط قبل ميكون عندي الاولاد وعندي فترة مشديتش المقص في يدي وبسيف طبقت الدرس الاول ملقيتش الوقت ولاني فقط احب الخياطة ولما وريت تطبيقي للوالدة ضحكت ونفس الملاحظة قالتهالي كتبتهالي الاخت وفاء
ونزيد نقولك ياغزالة انا من الصحراء وانتظر زيارتك ههههه
الحمد لله تطبيقاتي جارية
ليلة سعيدة لكن

[ام متين]

https://www.fay3.com/assets/uploads/images_thumbs/MPG1k657.jpg?1431576334

[ام متين]

عن أبي العباس عبد الله بن عباس -رضي الله عنهما- قال كنت خلف النبي -صلى الله عليه وسلم- يوما فقال: يا غلام إني أعلمك كلمات: احفظ الله يحفظك، احفظ الله تجده تجاهك، إذا سألت فاسأل الله، وإذا استعنت فاستعن بالله، واعلم أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله لك، وإن اجتمعوا على أن يضروك بشيء لم يضروك إلا بشيء قد كتبه الله عليك، رفعت الأقلام، وجفت الصحف رواه الترمذي، وقال حديث حسن صحيح، وفي رواية غير الترمذي احفظ الله تجده أمامك، تعرّف إلى الله في الرخاء يعرفك في الشدة، واعلم أن ما أخطأك لم يكن ليصيبك، وما أصابك لم يكن ليخطئك، واعلم أن النصر مع الصبر، وأن الفرج مع الكرب، وأن مع العسر يسرا

[ام متين]

]http://new-best.co/images/img_1/ca42eb9845d2aa2f00d290f656454301.jpg

[hanamohamed]

اللهم إنّي أصبحت منك في نعمة وعافية وستر..فأتمم نعمتك عليّ وعافيتك وسترك في الدّنيا والآخرة.

[غزالة1]

السلام عليكم
اصبحنا واصبح الملك لله
اللهم صل وسلم وبارك على سيدنا وحبيبنا محمد وعلى آله وصحبه أجمعين

[غزالة1]

الله الله على قهوتك يا ام متين
ام هزار لا شكر على واجب حنونة
هنا يا هنا ربي يهنيك انت مثلي احب الخياطة و لا اجد الوقت لكن لابد للحب ان ينتصر هههه
صباح الخير للملتحقات

[ام متين]

اهلا بالملتحقات الشاطرات ربي يباركلنا في يومنا ويرزقنا الصحة والامان وراحة البال وسعة الخاطر ويبعد عنا القلق واصحابوا

[ام متين]

غزالة بصحتك القهوة انا راهي قدامي نشرب ونكتب شعور جميل

[hanamohamed]

تسمحلي ام متين نجي نشرب معك القهوة اولادي خرجو مع 6 صباح مع ابوهم عندهم دورة سباحة وبقيت مع بنتي الله يوفقهم امين يارب العالمين

[oum sabrin]

صباح الخير على احلى لمة
اعتذر عن غيابي بالامس
الان راني رايحة لبيت اهلي قلت نخلي رسالة قبل الخروج اتمنى تكونو كامل بخير
راكم مزهيين الصفحات
حبيباتي اظن ان اختنا سمراء الدنيا تقصد انزال الموضوع من التثبيت اي يصبح غير مثبت لانه على حساب ما فهمت كثير الصفحات الى ان يفتح موضوع اخر يكون سهل التصفح
المهم اليوم نضت راجعت كي العادة و طيبت حلى الخرابش او صب الرشراش عند البعض ديت منو شويا لدارنا و الباقي خليتو لقهوة المساء
امس كان مليء بالطواريء زوجي راح يبدلي ليليمون تاع المطبخ لقيت روحي ندير في نتواياج اخر :1:
لي عودة لاحقا دمتن بود
سلامي لكل واحدة باسمها

[ام هزار]

صباح الهنا و الرفق و الطمانينة
غزالة . شعور متبادل فيما يخص الخياطة . المشروع المؤجل
ام متين . بارك الله فيك على الادعية نقرا ونرفع يديا و نقول اللهم اميين
هنا بالتوفيق لاولادك و ربي يحفظهم و يحفظ اولادنا اجمعين . امييييييين
ام صبرين تروحي و تجي بالف خير حبيبتي . ربي يحفظك
البقية لي عودة لاحقا ...ان شاء الله . سلام لكل الملتحقات

[ام هزار]

حبيباتي . شهر رمضان الكريم على الابواب
ما رايكن لو نضع قائمة للمشتريات التي لا تفسد مثل الزيت السكر الفريك الطماطم مع التصبير ايضا ..
قبل قليل وجدت موضوع ام تغاريد بارك الله فيها حول قضيان رمضان . و الله تفكرت باه نتلهاو لاحقا ان شاء الله بالعبادة و نخصولها اكبر وقت . ما رايكن ؟
اللهم بلغنا رمضان لا فاقدين و لا مفقوديييييين . اللهم امين

[arwa alaa]

السلام عليكم واش راكم توحشتكم

[arwa alaa]

فراشات راني تغششت منكم وحدة ما تفكرتني صح يا ربي .........

[ام آدم]

سلام صديقاتي كيف الحال
اروى آلاء والله راكي دايما في بالي واش عاملة مع التوأم والاضراب جاب نتائجه ولا مزال ربي يهنيك اختي وما تتغشيش رانا كل خاوة على وجه ربي
ام هزار يسعد ايامك صح عندك الحق رمضان قرب ولازم برنامج ديني يخلينا نستقبلوه بهمة عالية بما انو الامس اول رجب واش رايكم نختمو القرآن تلاوة مرة في رجب ومرة في شعبان ونحاولو نعودو انفسنا على صلاة الفجر وصلوات النوافل مع صيام الاثنين والخميس وكذلك اكتساب عادات جيدة مثل التحكم في الاعصاب عند الغضب والمداراة والتسامح وغيرها ربي يعينا ويرشدنا لما يحبه ويرضاه
غزالة والله حتى انا عجزت ندير الباترون الاساسي ربي يفرج ونخرج من هذا الكسل والتسويف
ام صابرين تروحي وترجعيلنا باحلى التقارير كما عهدناك
هنا محمد ر بي يوفق وليداتك
ام متين جزاك الله خيرا على ما تقدمينه من ادعية وكلمات تشع في انفسنا أملا و دفئ

[hanamohamed]

السلام عليكم ورحمة الله وبركاته
اروى نورتنا بوجودك معنا جميعنا سعداء لتواجدكـ بيننا ..لاتغضبي منا على هذا التقصير فانت حبيبتنا كما تعلمين كل واحدة منا تدخل على عجلة وبسرعة نطلو وعندما أجد كنا يرتاح قلبي وينشرح صدري ..

ام ادم بارك الله فيك على الفكرة وش رايكن نبدا من اليوم ختم القران مرة في هذا الشهر اي قراءة عدد صفحات القرآن= تقريباً (600)صفحه

يعني 600 صفحه ÷ 30 يوم = 20 صفحه يومياً

20 صفحه يوميا ÷ 5 صلوات = 4 صفحات بعد كل صلاة وكل واحدة كفاش تقسم لساعدها المهم نختموه وكل اليوم نكتب تم

[ام آدم]

هنا محمد فكرتك رائعة وهي نفس الفكرة التي كنت اود طرحها ولكن اختي هل نستطيع قراءة القرآن من المصحف حتى ايام الدورة؟
ان لم يكن بامكاننا ذلك فيمكن قراءة 30 صفحة يوميا بمعدل 6 صفحات بعد كل صلاة وهكذا نختم كل شهران شاء الله
ايضا من بين اهدافي قبل رمضان ان شاء الله تعويد اللسان على الذكر وخاصة الاستغفار
دامت جمعتنا الطيبة على الخير ودام تآزرنا ومحبتنا في الله

[ام آدم]

تقريري لليوم الحقيقة لم افعل الكثير
النهوض كان متأخرا بسبب وجود الزوج في البيت ومرضه عافاه الله
الغداء كان خفيفا قليان وسلاطة
ترتيب المقاضي في الثلاجة
مساءا عملت عوامات شربنا بيهم القهوة وراني حطيت لعشا يطيب ونغسل في الاواني من بعد نغسل طابلية وليدي ومن بعد العشاء نراجع شوية
الصلاة عذر شرعي
ربي يقوينا ويغفرلنا

[ام هزار]

اروى علاه التقلاق رانا الكل خاوة كيما قالت توامي :dj_17:
توامي . الله يبارك فيك على التخمام الزين . و الله فكرة ممتازة . صدقي او لا تصدقي هذا ما كنت ناوية على فعله . خاصة الاستغفار الحمد لله راهو ملازمني . و سبحان الله اول نتائجه التي بدات تظهر . طرد الافكار السلبية و الحمدد لله . لكن القران الكريم دون تخطيط لاني بالعذر
هناء . بوركت حبيبتي على التصميم الرائع لكن رايحين نعدلو فيه على حسب ظروف كل واحدة فينا :19::19::19:
انا ايضا قصدت بالتخطيط ا جانب الميزانية . كل مرة نخطفو حاجة من القضيان ما نمسوهاش حتى تتجمع عندنا قفة . ان شاء الله.
ايضا جانب تصبير الطماطم و الارضي الشوكي الصحي على طريقة زينب 83 ربي يحفظها .راني جربتها العام اللي فات . و حقيقة تنحي تعب و ميزانية . و بري لرايحة نعملها في شهر ماي مع الثوم البودرة و غيرها
تقريري خفيف ظريف لاني نسايس في ظهري
الصباح القيام في 7 ترتيب و تنظيف خفيف .اصلا سيقت البارح بعد المغرب
الغداء روز في الفرن بالدجاج مع سلطة بسباس لكني نسيتها هيهيهيهيه
غسيل جزء من زربية نظيفة سالت عليها القهوة تاع الزوج :o:o:o
الاهتمام ببنتي
التسبيح و الاستغفار كلما نسيت نرجع ليه . الحمد للللللللللللللللللللللللللللللللللله
الصلاة عذر شرعي
وراني مع التحضير للغد اللي راح يكون طويل في العمل الخارجي ربي يعييييييينا
قبلتي لكل وحدة فيكم . و يا درا نسومة واش مدايرة فيها مع المراجعة و الطبيييييييييخ:rolleyes::rolleyes::rolleyes::rolle yes:

[غزالة1]

السلام عليكم
اهلا حبيباتي قبل قليل قرات موضوع ام تغاريد ربي يحفظها علئ قضيان رمضان و عجبني
انا معكن ساحاول التخطيط من الان
فيما يخص القرآن عندي الوقت بعد الفجر طبعا اذا لم ينهض وليدي


اللهم بلغنا رمضان اللهم اعنا على ذكرك و شكرك و حسن عبادتك

[غزالة1]

اروئ حبيبتي لا تغضبي منا لانو في كثير من الاحيان نرد و انسى البعض و نقول المرة الجاية نسال على فلانة لكن للاسف ننسى و دائما اكتب عبارة اعتذر لمن نسيتها

[جهينة اليقين]

مساء الخير حبيباتي كتبت الصباح تقرير طويل عريض لكن انقطع الكهرباء واااااع ام هزاز عجبتني فكرتك انا كل عام نديرها واولهم السكر كي نشري دايما نزيد كيلو راكم عارفين هذي بسبوسة هذا قلب اللوز المشروبات الغازية لييييسلها اي وجود في برنامج رمضان سوى الطبيعية المصنوعة في البيت والي عندها افكار تزيدنا ونقلبوها ...ززتدابيييير منزلية هههههه

[hanamohamed]

ام هزار بارك الله فيك راني معك كل افكارك رائعة وكل متتبداي حاجة اكتبي وان شاء الله نبداو في التخطيط في كل شيء من اجل راحة االعائلة وسعادتها سواء من حيث التنظيف العميق والتخطيط للميزانية و المواد المصبرة والله الموفق

[arwa alaa]

صديقاتي العزيزات راني غير نتمسخر معاكم راني عمبالي بلي راكم مشغولين

[arwa alaa]

ام ادم توكلي على ربي وحفضي ومتخلي حتى حاجة تشوش عليك وربي يفرحك ويفرحنا بيك

[arwa alaa]

ام هزار ربي يكون معاك السطر هذاك نعرفو مليح وانا كي نتعب توجعني البلاصة نتاع لبرة راني درت زوج مرات ولادة قيصرية بمخذر نصفي
وعلى القضيان ان تاني راح نبدى نخبي الرفيطايمة من ضرك لانو نسكن في العالي وراجلي يبدي يتقلق من القضية في رمضان بصح لازم منقولوش لانو يبدى يدبر ويفسدلي لحساب ويقولي خلي نقضي كلش مع بعض ومبعد يولي يخرنن
تعيشي حطيلي رابط التصبير نتاع زينب لكان تقدري

[ام هزار]

حهينة . هناء الله يبارك فيكم على التشجييييييع
اول حاجة نفذتها هي اني غرست الكسبرة و المعدنوس و الحبق . منا لرمضان ان شاء الله يكونو وجدو . غرستهم في بداية هذا الشهر
راني في بحث متواصل عن مصدر الفريك الجيدو المرمز هذا ما تم لحد الان . و باذن الله كل ما نعمل حاجة نقولكم عليها :mh31::mh31:
غزالة ربي يعينا و يعينك على اتمام ختم القران . تبانلي لازم نحطو تقريراتنا فيما يخص هذا الامر يوميا . من اجل التشجييييييييييع . باك وحدة ما تعرف اخها . اذن ما فيش شبهة الرياء باذن الله
موفقات . حبيباتي ...........عندي تحضير طويل شوية
تصبحن غلى خير :):):):)

[arwa alaa]

هنا محمد ربي يسطرك فكرة مليحة باش نتعودو عاى القراءة وفي رمضان يجينا الختم ساهل ولاك نختمو عدة مرات
لكان راكي من الصحراء خيار الناس عندي زوج صحابات لعزاز عليا وحدة من واد سوف ووحدة من تيماسين
وعشرت ناس الصحراء مليحة

[arwa alaa]

هنا محمد ربي يسطرك فكرة مليحة باش نتعودو عاى القراءة وفي رمضان يجينا الختم ساهل ولاك نختمو عدة مرات
لكان راكي من الصحراء خيار الناس عندي زوج صحابات لعزاز عليا وحدة من واد سوف ووحدة من تيماسين
وعشرت ناس الصحراء مليحة

[ام هزار]

حبيبتي اروى . ربي يجعلنا هذا الالم في ميزان حسناتنا يا رب . راهو كاين اللي كثر علينا
ضحكتيني على زوجك . صدقيني الصباح برك كنت نقول لزوجي على هذا الامر . و رد علي الاجابة نفسها . و زاد قالي ما زال الوقت . وهو دايما يخلي للدقيقة اللخرة و يتقلق و يبدا يشكي و يحكم عليه رمضان بزااف ....... هيهيهيه واش نقول و واش نعيد . ربي يحفظهم لينا يا رب
لذلك قررت نعمل هذا الشيء بعيد عليه و بالتدريج . و هكذاك انا ثاني ما نتعبش في الهزاااااان
بالنسبة للرابط . للاسف ما نعرفش نحط روابط . بصصح تقدري ترجعي لقشسم الطبخ . تلقاي اسم زينب هناك مع احد مواضيعها . اضغطي على اسمها تخرجلك جمييييييع مواضيعها من بينهم اللي طلبت
نتمنى اني افدتك . و معذرة اختي

[arwa alaa]

غزالة واش راكي مع لخياطة ان تاني مقدرتش نطبق الدرس لضيق الوقت كون تشرفي بعد الاضراب دارلي راجلي وحد الكذبة نتاع افريل متوخرى واش نقولك خرج علىالوحدة وعيطلي قالي غدوة تجي يماه ونوض لدنيا مخليتش حتى تخ

[ام هزار]

للتذكير . ها قد صدق حدسي
الصفحة جردت من التثبيت . لكن لازم نخليوها هي الاولى دوما في بقية المواضضضضضضضضضضع .:19::19::19:
الهمة الهمة يا فراشات . على راي ام صابرين

[ام هاديل وياسين]

السلام عليكم

راني ديما نتابعكم واليوم قلت نشاركم ايلا قبلتوني

راكم تحكو على التنضيفات وشارايحين تخبو لرمضان ان شاء الله اللهم بلغنا

كاين مواضيع لزينب واسمهان رايحة تساعدكم وكما قالت الاخت ام هزار انو الارضي الشوكي تاع زينب روووعة جربتو العام الي فات وزدت صبرت منو هاد العام ايلا حيانا ربي

[arwa alaa]

المهم مخليت حتى حيط خامج وكي كملت عيط قالي درتك هكى باش تديري القلب وتغسلي الحيط وتبطلي التخرنين

[arwa alaa]

ام متين زهيتينا على الصباح ربي يعينك على الشغل ويشفي وليدك يا رب

[arwa alaa]

جهينة ربي يعينك على الشغل ومبروك ختانت حفيدك كش رفيس كاش شخاشخ ربييفرحكم بيه ولعقوبة لنجاحو وزواجو

[arwa alaa]

ام صابرين واش راكي مع الحفاظة وربي يرجعك من عند اهلك بخير

[arwa alaa]

ام خليل ان شاء الله امك تكون بالف خير وعافية

[arwa alaa]

ام هدول مرحبة بيك معانا راني ديما نشوفك في الكوزينة

[arwa alaa]

اخت سمراء مرحبا بيك لكن ارجو منكم ان تديرولنا دورة كيما نتاع زمان كاملة من كل الجوانب تحضيرا لرمضان
ارجو ان تقبلو طلبي وهذا طلب موجه لكل المشرفات

[ام هاديل وياسين]

وبيك اختي اروى انا صح كنت ندخل للكوزينة ونشارك فيها بصح من الي رفدت الحمل

ثقلت شوية نضن الي تهدري عليها راهي ام هدول الاخرى

[ام هاديل وياسين]

الي طلبت وصفة الارضي الشوكي للاخت زينب تلقايه في هاد الرابط مع وصفات اخرى

http://www.djelfa.info/vb/showthread.php?t=1799175

[arwa alaa]

البنات راح نقولكم واش ندير انا قبل رمضان انا راجلي لازم كل يوم شربة فريك وبوراك سلاطة مشوية وشباح الصفراء في الطاولة والهريسة والدوزيام بلا
امال انا نشري كمية كبيوة من الفلفل حلو 10كيكو
وزوج حار نشويهم ونقيهم ونخليهم يقطرو ونقسمهم في الساشيات والى المجمد وكل ونهار بعد نهار نجبد ساشي ونشوي الطماطم جيدة
الشباح تاني نشري 1.5كيلو لوز ونطيبها ونحطها في الساشيات ونجبد وندير الصوص نهار بعد نهار لانو زوجي ميكلش لعوينة والزبيب
الفريك تخدم عجوزتي وماما ويمدولي قسمتي
الدبشة والمعدنوس والكرافص نشري بزيادة وننغسل ونقص ونعط كا وحدة في ساشي ونخبي في الجمد

[ام هاديل وياسين]

وهدا للاخت اسمهان ربي يشفيها موضوع يخص شهر رمضان

http://www.djelfa.info/vb/showthread.php?t=1805269

[ام هاديل وياسين]

وهدا ثاني للاخت زينب يخص التنضيفات http://www.djelfa.info/vb/showthread.php?t=1800082

[arwa alaa]

المعدنوس نشري 3ربطات نشيحهم اللشربة وربطة نغسلها ونقطرها ونحطها في المجمد لتاي منشربوش القهوة في رمضان
الثوم نشري ربطة
الطماطم نرحيها ونحطها في المجمد وكل سمانة نرحي البصل والثوم باش منتعطلش في النصيب
وراجلي تاني يحب السيقار نديرو بالكاوكاو نشري 2كيلو ونرحيح ونروليه في الديولوفي رضاننجبدنقلي ونعسل
الهريسة تاني نديرها ونحطها في الفريجيدار وكي نديرحوايج اخرين نقولكمونتوماتان حطوواش تديرو بلاك نعاونو بعظانا

[arwa alaa]

شكرا ام هدول على الرابط وربي يسلكك على خير وانا تاني عندي بزاف منيش ندخل للكوزينة لاني منقدرش نحط طيابي ويطيحلي المورالهههههت

[hanamohamed]

ام هدول منورة بتواجدك معانا ويسعدنا تواصلك واشتراكك معنا
أتمنى تفيد وتستفيد بارك الله فيك على وضع الروابط كنت قرتهم بصح منعرفش نحط الرابط
اروى اتمنى ان تكوني بخير معنا سعيدة بطلتك هاته وانا من الجلفة واهلا بك وسهلا ان شاء الله تزورني اذا كتب ربي

[الرجاء الاماني المجد]

مساء الخير لبنات وشراكم صح ام هدول رانا في حاجة لمثل تلك امواضيع

[جهينة اليقين]

الله يبارك فيك اختي اروى والله ابنتي بنها عندو عام ونص وكي مرض لها الطبيب قال لهم لازم تختنوه ما دارتش حاجة كبيرة غير ناس دارها و احنا ماليها وبعض الجيران وهي مسكينة ظهرها يوجعها مثل ام هزاز من اتار العملية القيصرية هذا وليدها الاول ما خلى فيها والو قلتلها ياحصراه انا ربعة بسلامتهم ولدتهم وانا نجري لا ايكو قرافي لا والو حتى لفوق الطابلة نعرفو اذا طفلة ولا طفل كانت الصحة والبركة حكيت لكم حياتي هههه

[جهينة اليقين]

شكرا ام هدول عاى الروابط دخلت دخلة قوية الله يبارك

[جهينة اليقين]

ز يدو يا لبنات فيدونا انا كذلك نشري الزبيب والسميد تاع قلب اللوز مرة على مرة نرمي باطة مرغرين فالثلاجة لما يبقى شهر نبدا نخبي فالجاج واللحم لانه يغلا بزاف في رمضان

[غزالة1]

السلام عليكم
مرحبا ام هدول متشرفين اختي و مشكورة على الروابط و ربي يسلكك على خير

[غزالة1]

يا اروئ يا الفحلة افكارك رائعة
في الحقيقة انا لا تكون هناك تحضيرات لانو زوجي لا يحب المجمد
الحشيش و المعدنوس عندما اضعه في المجمد يفقد نكته
يعني طبخي يكون اول باول
ساحاول شراء المواد التي استطيع تخزينها مثل السكر الزيت......

[غزالة1]

اهلا بك الرجائ الاماني المجد
جهينة ربي يشفي بنتك و حفيدك تربية هاذ الجيل واعرة ربي يقدرنا

[غزالة1]

ليلة سعيدة فراشاتي الجميلات

[ام متين]

اصبحنا واصبح الملك لله والحمد لله
http://www.sqebd.com/vb/img2013/2013_1382756863_661.jpg

[ام متين]

سعدت كثيرا لما كتب يوم امس ربي يقدرنا جميعا على كل عمل نافع مهما كان صغيرا
تمنياتي بيوم موفق للجميع ولي عودة ان شاء الله

[غزالة1]

السلام عليكم
اصبحنا واصبح الملك لله
اللهم صل وسلم وبارك على سيدنا وحبيبنا محمد وعلى آله وصحبه أجمعين

[جهينة اليقين]

السلام عليكم يا الفحلات اللهم بارك لنا في يمنا واعنا على ذكرك وشكرك وحسن عبادتك

[arwa alaa]

السلام عليكم ورحمة الله وبراكاته
صباح الورد والياسمين صباح الخير والبركات لكل الفراشات
ام متين وين راهي القهيوه.........

[arwa alaa]

صباح الخير جهينه وام متين وغزالة
صباح الخير لكل الفراشات الوافدات بعدي

[ام هاديل وياسين]

اصبحنا واصبح الملك لله رب العالمين صباحكم سعيد ومبارك بدكر الرحمان
يعطيكم الصحة لكل وحدة رحبت بيا ربي يخليكم
راكم شاطرين ومنورين كي الفرشات الله يبارك وربي يسمع منكم على الدعوة الزينة والله هداك مانتمنى
كما قالت الاخت جهينة يحصراه على كرش زمان كي جبت اولادي فالاول مكنتش نعرف التعب ولا طبيب
ودروك راني غير المرض وحاكمة الفراش ربي يعطيني القوة من عندو وكل وحدة حامل

[ام متين]

http://up.3dlat.net/uploads/13700426485.jpg

[ام متين]

احلى فنجان قهوة لاحلى اروى الاء واحلى فراشات بصحتكم لي عودة ان شاءالله عندي موعد مع الطبيب الشفاء لكل المرضى

[arwa alaa]

يعيشك ام متين على القهيوة وربي يشفيك ان شاء الله
وين راكم يا فراشات ام صابرين ام هزار ام ادم وينكم ......ههههههههههه راكم خدامين اليوم
صح غداكم جميعا انا درت جلبانة بالفول والقرنون وسلاطة مخلطة روز وبيض وسلاطة خضرة وطماطم وزيتون
اليوم درت تنظيف عميق للارضيات وبدلت الدراوات لغرف النوم وخرجت الفراش يتشمس وبدلت غلافات المطارح نتاع بيت لقعاد ومسحت الغبرة وهذي السمانة راح نرتب كل الخزانات البلاكار والادراج عجبتني فكرة زينب في الترتيب شكرا ام هدول على الرابط وراح نبدى بغرفة الاطفال

[ام هاديل وياسين]

السلام عليكم


صحى فطورك اخت اروى ويصحتك الميناج بلا مزية رانا هنا باش نشطو رواحنا قتلنا الخمول

انا بديت من ايام في الميناج على حسب حالتي راني ثقيلة ومنقدرش نخدم ولا نوقف بزاف

غسلت لماعن تا لزيليمون ومسحته ورجعت لماعن فيه وغسل ابواب تاع البوتاجي الي من تحت

والكوزينة خليتها حتى يقرب شهر رمضان بحول الله

يوم امس صبحت على صالون مسحت الحيوط وسقف ولي طابلو التاقة الباب درتلها تنضيف من تسعة حتى للتناعش

نخدم شوية ونريح شوية حسيت عمري بغات تخرج بصح مستسلمتش البيبوتاك كانت نقية ديما نفوت عليها نمسحها

باش منعياش كي خرجت من صالون زدت السقف تاع الكولوار وحيطانه بقالي لافايونس نتاعو ثمة حبست نديرلو نهار مع شومبرت لولاد

تبقى شومبرتي

كل مرة نخدم حاجة ايلا قدرني ربي

[جهينة اليقين]

بنتي البارح هداها ربي ونظفت الصالون ومسحت الحيوط ومسحت الفايونس تاع الكولواغ والهول يعطيك الصحة يا اروى راكي منشطة الحالة ام متين ربي يشافيك ام هدول الله يعاونك يا اختي على التعب مع الحمل ربي يعطيك وقفة ساهلة شحال راكي من شهر اذا ماكانش ا
احراج تقرعيجة صغيرة

[جهينة اليقين]

هذ ا وين كملت جبة مرة خويا وحطيت الكاسرونة نطيب لاتاي باش نعدل نفوخي وجيت عندكم ما نصيب حتى واحدة اااااااااااااااو راكم راقدين ؟؟؟؟؟

[ام هاديل وياسين]

مساء الخير جهينة ربي يحفظلك بنيتك ويخليكي ليها. انا بنتي مزال مدارتش 12س وراني محنتها معايا ربي يخليهالي
وامين على الدعاء راني في اواخر الشهر السابع وزيادة ان شاء الله عندي في رمضان ايلا كتب ربي
بصحتها مرت خوك الجبة حتى انا نخيط بصح ضرك راني غالقة المشينة ومخليتها

[غزالة1]

السلام عليكم
مساء الفل والياسمين
اروئ بصحتك النشاط و الدار بصحتها النظافة
جهينة ربي يحفظ بنتك و تكون دايما واقفة معاك
ام هدول وحدة وحدة لانو المرأة لازم تحاذر خاصة وقت الحمل لانو الظهر اصبح مشكلة كل النساء و هذا كامل من التنظيف فترة الحمل و حمل المطارح الصوف التقولو لازم التنظيف صح لكن على مراحل لانو حنا لما يسخن فينا الدم لا نتوقف و في الليل تبدأ الالام في اسفل الظهر
الله المعين
ام متين ربي يشفيك اختي

[ام آدم]

مساء الخير خواتاتي واش راكم
اروى يعطيك الصحة يا الفحلة وربي يعينك
جهينة اليقين بالهنا لوليد بنتك ربي يشفيه ويحفظكم لبعضاكم
ام هدول مرحبا بيك معانا وربي يسلك وحالك على خير كيما قالتلك غزالة اخدمي مي سايسي روحك سيرتو الثقل انا في ولدي لول ما نعرفش رحت نهز في مطارح الصوف في التاسع ظرك راه عندي هبوط رحم اولي ربي يبعد عليك الشر وليت وين نلقى وحدة حامل ننصحها ما تهزيش الثقل
ام متين ربي يشفي وليدك واش راه ياخي لاباس
ام هزار توأمي ربي يعينك ويعطيك القوة واش حوالك

[ام آدم]

ام صابرينوامولة ان شاء الله راكم بخير

[ام هزار]

اهلا اهلا بكن جمييييعا
ام هدول مرحبا بك اختا عزيزة بيننا
البقية لي عودة ان شاء الله . خرجت على 4 مساء و هذا وين راني نشرب في الحليب .......تقريري ساضعه لاحقا ان شاء الله
سلااااااااااااام

[oum sabrin]

مساؤكم سعيد حبيباتي واش راكم ؟
ليكم وحشة كبيرة
أعععععتذر عن غيابي بسبب النت ولات ثقيلة بزاف ما تجي تطلعلي صفحة أو يمرلي رد يضيعلي بزاف الوقت حتى المراجعة راني نراجع غير بالدروس لي طبعتهم و لي مازال حتى تتحسن الانترنيت
راجعت الصفحتين الاخيرتين شكرا لكل من سألت عني يسال عليكم الخير
على ما يبدو راكم مع تحضيرات قضيان رمضان اللهم بلنا اياه بصحة و عافية انا مازال ما بديت في شهر ماي باذن الله دوك راني غارقة مع المراجعة و الميناج المطبخ كملتو و الحمد لله
الى اين الوجهة الان ؟ انا حبيت غرفة نومي و كل واحدة تبرمج اي غرفة تشوفها اولى
اليوم سيقت ارضيات النزل عميقا و شمس الاغطية كانت الشميسة طالة تشهي
حبيت ارحب بالاخت ام هدول مرحبا بك معنا نورت الصفحات ربي يكملك حملك و يطلعك على خير امين يا رب مشكورة على الروابط
ام متين ربي يشافيك
اروى الاء سمكة افريل نشطاتك :19:
ا م ادم واش راكي دايرة اتمنى تكوني تقدمت شويا في المراجعة انا في الويكاند ما تقدمتش اليوم عاودت بديت
امال اتمنى تكوني بخير
البقية سلامي لكن واحدة واحةدة ام هزار غزالة نسمة صبح جهينة اليقين صابرة محتسبة ام ابراهيم الخليل فراشات العمر ... و لي نسيتها تسامحني هذا ما يحضرني من اسامي و لكن كلكن في قلبي

[ام هاديل وياسين]

اهلا بيكم غزالة ام ادم وام هزار ترحب بيكم مكة والله راني نسايس على مانقدر

وثقل اصلا منجموش عاونوني لولاد في المطارح وتابي هوما خرجوهم ودخلوهم

والله غير القلب حار قلت كل مرة ندير حاجة

[ام هاديل وياسين]

اهلا ام صابرين النور نوركم حبيبتي وبصحتك تهنيتي من المطبخ

هاد العشية خرجت نشوف كاش ريدوات ملاح لقيت غير هادوك الي راهم كامل ناس بيهم

معجبونيش قلت كي نقي شومبرتي نبدلها الديكور وحتى الريدو شكون عندها مودال شباب تفيدني

[arwa alaa]

واش راكم دايرين فيها
ام ادم ام هزار على سلامتكم .......
ام هدول امشي غير بلعقل متعبيش روحك
امصابرين والله عندك حق دايما السمانة الاولى الي نجي فيها من عند ماما ولا عجوزتي تلقايني قالقة ومتفنينة ويطيح عليا غير الرقاد ومنجي نولي لروتيناتي غير بسيف

[arwa alaa]

وكنت نهار كامل وانا نخرنن عليهم على التخربيش وعسرت نغسلو لانو بالماركور وستيلو ومينحيه غير الجافيل وحدو وانا عندي الحساسية المهم تنحى وتفاهمت مع بباهم ميزيدش يشريلهم الماركور وهذا سبب الاضراب الي درتو لاني كل ما خليتهم معاه يمدلهم يغربشو باش ميقلقوهش ويختي دايما عندو الريزارف قد منطيش يجبد لهم اجديد من جيبو يشي دايما زوج ويخبيهم في الكورتابل حتى نندم الي خليتم معاه

[ام هزار]

[COLOR="DarkOrchid"]مساء الخير حبيباتي
ام صابرين . على سلامتك و ربي يقويك
ام ادم حبيبتي شكرا على الدعاء . اللهم امين . و لك بالمثل . راهو جا في وقتو . ياخي قلتلك راكي توامي :1::1::1:
اروى ربي يقدرك و يعينك
ام هدول . ربي يسلك اوحالك . يا رب وترزقين بمولود سليم معافى . يجعله الله ذخرا لك و لوالده . اللهم امين . من فضلك ممكن توريلنا طرقة وضع الروابط ان كانت سهلو و بسيطة؟
الحقيقة من الخمسة تاع العشية وانا متكسلة على ظهري دار في حالة . خاصة انو اليوم العمل تاعي بدواام كامل وكان متعب نوعا ما مع التحضير للفروض
المهم بعد المغرب قاومت و نضت غسلت لماعن المتراكمين . و شويت شوية جاج للعشا مع بيض . من المشتقات هيهيهيه و ما قدرتش نكمل السلطة .الله غالب الوقوف ضرني . تعشينا و غسلت الماعن و قلت نطل عيكم . ما نصبرش
الصراحة مورالي في الارض لاني ما نفذت والو من اللي خططتو . المهم الصحة . هي راس المال
راني عازمة ان شاء الله على غدوة. وربي يجيب الخير
بالمناسبة . رايحة نراسل سمراء ترجعلنا دورتها الاوووووووووووووولى .لفصل الربيع . راهي خفيفة ظريفة و مجدية خاصة للعاملات . و كل من كان عند[/ها ظرف خاص كالتربية و المرض و غيرو
ام ادم واش راكي يا لحبيبة . و واش تقريرك لنهار اليوم مهما كان بسيييط
ام متين وين راهو تقريرك . يلا نشجعو بعضانا . نعمل دورة في المنتدى و نرجع باذن الله COLOR]

[ام آدم]

ام هزار غاليتي بشوية برك ما تعبيش روحك ما دام ظهرك واجعك غير بشوية المهم صحتك
بالنسبة لتقريري راني نضت درت غدا جلبانة مع البسباس وسلاطة وغسلت الاواني ورتبت الغرف مع الكنس لانهم نظاف من بعد جا الزوج وولدي تغدينا ووجدت بنتي نديها للروضة ورحت خدمت من 13الى 16,30 وصراحة راني ما درت والو لا مراجعة ولا شي حتي ماعن لعشا راهم يستناو مشكلتي حبيبتي لما نكون في ايام الدورة نكون عصبية بزاف ونتقلق ثم ثم راني نعود في روحي على الاستغفار والتسبيح لما نكون نعمل ولا في طريقي للعمل ولا في شغل البيت وان شاء بدعمنا لبعضنا البعض نتغيرو للاحسن

[ام هزار]

هيهيهيهيههيهيهيهيه:confused::confused::confused: ام ادم ثبت بالدليل القاطع انك توامي
انا ايضا هذو ليام بالعذر . يعني الصلاة والو .......... اما عن النرفزة و العصبية فحدث و لا حلاج . راني نولي نتوحم . و وحمي صعيييييب فوق الخياااااال ربي يوفقك حبيبتي و يسدد خطاك . و كثري من الاستغفار . انا راني معاه . و خاصة اني في ايام العذر نعود نحس بتانيب الضمير بشكل قةي خاصة مع بنتي . نعود غير نعيط عليها لاتفه خطا تقوم به و احيانا اصل لحد الضرب . و من بعد نلوووووووم نفسي لوما عظيما و نحس باني لست اما صالحة .............. هذا غيض من فيض
حبيت نقول ايضا اني راسلت سمراء الدنيا و انا بانتظار الرد
سلامي لكل وحدة فيكم و تصبحووووون على خييييييير

[oum sabrin]

http://3.bp.blogspot.com/-l4LKvi0SUVo/VUlSTqkPpCI/AAAAAAAAEnM/NMzFzlIOqOk/s1600/%D8%B5%D8%A8%D8%A7%D8%AD%2B%D8%A7%D9%84%D8%AE%D9%8 A%D8%B1%2B-%2BGood%2Bmorning%2B(42).jpg

[ام متين]

صباح مبارك لكل الفراشات الجميلات والنشيطات ربي يقويكم ويعطيكم الصحة لمواصلة مشوار التنظيفات
اهلا وسهلا وطاب مقامك ام هدول بيننا
ام هزار على سلامتك ياختي وغير بالسياسة على ظهرك ربما السبب ليس الابرة ربما الققرات متباعدة اومتقاربة انا ثاني عملت الابرة3مرات لما يوجعني توجع في المكان الي ندارت فيه

[ام متين]

http://a1.img.mobypicture.com/e1d8cf6e05c5e79f85792b6cd216c175_view.jpg

[ام متين]

http://uploads.sedty.com/imagehosting/375198_1393864207.jpg
دعوة لشرب فنجان قهوة لكل الفراشات لبداية يوم مبارك جميل موفق هانئ تتحقق فيه كل الامنيات وتنزاح منه كل الغيمات وننعم فية بالطمانينة والسكون والراحة النفسية والجسدية هذه امنيات لي ولكن جميعا يارب حققها لنا انك قادر على كل شيئ وانت ارحم الراحمين اميييييين.

[غزالة1]

السلام عليكم
اصبحنا واصبح الملك لله
اللهم صل وسلم وبارك على سيدنا وحبيبنا محمد وعلى آله وصحبه أجمعين

[غزالة1]

صباحكم ورد و فل
راح نشرب قهوتي عند ام متين و نروح للاشغال
ربي يقوينا و يقدرنا على طاعته

[جهينة اليقين]

السلام عليكم اسعد الله صباحكم وزادكن نشاط على النشاط هيا انطلقن يا ملكات اليوم جميل ومشمس غير للتخمال

[جهينة اليقين]

نضت صليت كىىىي العلدة شربت الماء قريت اربع صفحات من القران الكريم طيبت قهيوة وعجنت خبز الكوشة خليتو يرتاح وجيت نطل على حباباتي ونشرب قهوة ام متين ونضرب طلة على النت ونرجع راني شاطرة هيهيهيهيهيهييييييي

[ام هاديل وياسين]

احلى صباح لاحلى فرشات كي صبحتو يعطيك الصحة ام متين على فنجان القهوة راني شربتو معاك هههه

غزالة وجهينة كان الله في عون الجميع ام ام هزار ربي يشفيك يشوية على روحك الظهر واعر

على الروابط ساهلين اكليك في الرابط لفوق الموضوع يرجع لونو ازرق اكليكي في لاسوري من الجيهة اليسار يخرج كاري فيه كوبي اكليكي في ثانية




ورواحي وين نكتبو مشركاتنا ديما وكليكي ثاني من اليسار يخرجلك هداك الكاري ديري كوليي خلاص وديري ودخلي في رد السريع يخرج ثم ثم


صبرينة اروى وكل الاخوات دون استثناء تحياتي ليكم

[ام هاديل وياسين]

لبنات شوفو هاد الرابط باش نتنشطو شوية انا كي نلقى الكسل والخمول حكمني ندخل لمواضيع

قرة عين زوجها ناخد جلرعة من النشاطhttp://www.djelfa.info/vb/showthread.php?t=809708

[ام هاديل وياسين]

وهدا يخص شهر رمضان http://www.djelfa.info/vb/showthread.php?t=1006192

[arwa alaa]

السلام عليكم هذا وين قدرت نرد المنتدى ثقيل بزاف
شكرا ام متين على القهيوة
غزالة ربي يعاونك
ام جهينة راني درت غداء زيراوي رفيس نديروه في الطهارة (الختانة) ظرك نبعثلك شوية لحفيدك سخفت عليه كي قلتي بنتي ختنت وليدها ههههههههه
ام هدول شكرا على الروابط
ام هزار ام ادم صابرين ام خليل وين راكم
نسمة نسومة طلي علينا

[arwa alaa]

انا اليوم راني مع غرفة وليدي نفرز في الالعاب

[جهينة اليقين]

مساء الخير امممممم اروى غيرتيني كيفاش عامل زيراوي اعطيني الوصفة لنتبادل الاكلات الشعبية

[ام متين]

السلام علكيم كيف احوال الشاطرات
انا لاجديد عندي كلما نحاول التخطيط يطلع زيغو لذا الاعمال الي حابة نديرها راهي في راسي وكلما تاتي فرصة نديرها
المهم الشيئ الي نركزعليه هو الفرز كلما تخلصت من الاشياء غير المستعملة كلما نحس روحي احسن وبالتالي يسهللا التنظيف ربي يقدرنا
اروى بصحتك الزراوي انا نحب ناكل مع الجماعة في مناسبة
جهينة راكي ناشطة ما شاء الله تبارك الرحمان ربي يزيدك نشاط على نشاط

[amel...]

مساء الخير عليكم

توحشتكم بزاف و دخلت نلقي عليكم السلام فقط ... لاني مخلطة بزاف هاد الاسبوع

و بعدما انتهى اول سفر زاد بانلي سفر تاني غدوة لكن ساكون في الصفحة يوم الاربعاء باذن الله

بوسة كبيرة لكل وحدة فيكم

[نسمة صبح]

سلام خياتي

قولولي منين راكم تراجعو للمسابقة؟؟

[جهينة اليقين]

شكرا ليك ام متين المورال كل مرة كيفاه انت عليك وعلى القهوة تاع الصباح هي الي راهي منشطتنا احنا شعب نحبو القهوة اكثر من البرازليين نسمة ربي يعاونك في المراجعة بنتي قالت والله ما نراجع الي كاتبها ربي وخلاص ما نكسرش راسي ام هزاز وينك

[arwa alaa]

جهينة يعيشك شوفي الزيراوي نديروه في الختانة وهو نديرو نفس مراحل الرفيس القسنطيني وفي الفورة الثالثة نشخنو العسل والزبدة ومشربوه شوية وهوسخون نعجنوه بالغرس ونزينوه بالدراجي والجوز انا الحق درت غير كاوكاو
وعندنا تان الملتوخة وهو ابن من الزيراوي ونديروه في النجاح وصباح العروسة لازم يكون كي ينجح واحد نديروه ونفرقو على الحباب ولازم يرافقهم اللبن

[arwa alaa]

ام هزار حنونة والله كامل نحبو المة بصح راني بعيدة على اهلي واهل زوجي وكل المناسبات منكونوش حاظرين يعني كي نروح عند اهلي نبارك لناس الي عرضوني وكي نروح لاهل زوجي نبارك وانا من النوع الي ميخالطش راني نسكن في هاذي البلاصة عندي 4سنوات ومنعرفش حتى الجارة الي مقابلتني علاقاتي محدودة في 3صديقات 2من ايام الجامعة وواحدة من ايام الطفولة
يعني كونمانشيخش روحي نبقى ساخفة وانا من النوع الي ميخليش في خاطرو نحب ناكل الجديد ونموت على التقليدي ونحب نوالف ولادي ياكلو كلش وحتى الماكلة نتاع الولايات الاخرى مذبيا يعرفو كلش حدوك النهار درت ليهم المقفول ناع لقبايل وعجبهم

[arwa alaa]

وين راكم يا فراشات واش دايرين فيها
كانش شغل كانش قراية ساعدو نسمة راهي تحوس منين تقراو ................
غزالة ام متين وحجهينة قعدنا غير حنا هيا نتضامنو معاهم ونحفضو

[جهينة اليقين]

شكرا اروى على الزيراوي كاش نهار نتعلمو احنا فالختانة نطيبو عادي ما كانش حاجة مميزة مثلا كيم النفاس لالاكاين الي يدير الطعام وكاين الي يدير الشربة والطواجن والشلايد

[oum sabrin]

السلام عليكم حبيباتي واش راكم
راني اطلعت على موضوع زينب للتنظيفات و بعدما كملت المطبخ قررت نبدا اترتيب كل البلاكارات و الخزائن في المنزل ثم يبقالي غير الغسيل يكون ساهل
و راح ابدا من الغد اذا كتب ربي من حزانتي
نسمة صبح راني ناخذ الدروس من هنا
http://bem-bac-onefd.blogspot.com/
ام هزار لا باس عليك اتمنى يكون زل عليك ظهرك
اروى الاء بصحتكم الزيراوي
امال على سلامتك
االبقية تحية لكل واحدة باسمها
تصبحن على خير

[ام هزار]

سلاااااااااام لكل وحد ة فيكم باسمها
كنت رايحة نكتب تقريري لهذا اليوم . بصح حبيت نقولكم حاااااااااااااااااااااجة مليييييييييحة . انتظرن مفاجاة ساااااااارة هذه الاياااااام باذن اله تعالى
لي عودة غدا باذن الله لوضع التقارير
تصبحن على خييييييييييرو هنااااء

[غزالة1]

ليلة سعيدة الى الغد اذا كان في العمر بقية

[ام متين]

http://1.bp.blogspot.com/-ynDaThczVFE/VResu7L7lrI/AAAAAAAAB6w/RepAhoeX9eg/s1600/%D8%B5%D9%88%D8%B1-%D8%B5%D8%A8%D8%A7%D8%AD-%D8%A7%D9%84%D8%AE%D9%8A%D8%B1%2B%2811%29.jpghttp://www.sqebd.com/vb/img2013/2013_1382756863_252.jpg

[ام متين]

https://c2.staticflickr.com/4/3740/8886840737_d74bbbbce7_z.jpg

[ام متين]

http://up.3dlat.com/uploads/13700426471.jpg

[غزالة1]

السلام عليكم
اصبحنا واصبح الملك لله
اللهم صل وسلم وبارك على سيدنا وحبيبنا محمد وعلى آله وصحبه أجمعين

[جهينة اليقين]

السلام عليكم اللهم بك اصبحنا وبك امسينا واليك انبنا واليك النشور

[جهينة اليقين]

صباح النور ام متين وغزالة صح قهوتكم كل الملتحقات

[جهينة اليقين]

اليوم كي العادة صليت الفجر شربت الماء وقريت اربع صفحات من الورد وطيبت قهيوة وشربت انا وبنتي هي خرجت وانا رجعت لفراشي الزوج كي صلى رجع رقد وراه يشخر خخخخخخ ربي يشافيه ويشافي كل مرضى المسلمين ااااااااااميييين

[hanamohamed]

السلام عليكم ورحمة اله وبكاته

اسعد الله صباحكم بخير والمسرات
صباح النور ام متين جهينة و غزالة
أسعد الله صباحكم، وأضاء لكم قلوبكم، وألبسكم من حلل السّعادة والعافية

ثق بالله، وأحسن به الظّن، وعلّق به قلبك، وتوكّل عليه، وأكثر من ذكره، لكي تسعد نفسك، ويطمئنّ قلبك.

[صابرة محتسبة]

http://www2.0zz0.com/2016/04/12/09/712113123.jpg

[arwa alaa]

صباح الخير عليكم كيفاش صبحتو
ام متين يعطيك الصحة على القهيوة
غزالة واش راكي دايرة فيها كاش ميناج كاش فرزة وين راكي واصلة
جهينة ربي يخليلك بنتك يا رب ويفرحك بيها
هنا وين راكي واصلة في التحضيرات
ام هدول وين رحتي
ام هزار متقوليش سمراء ردت عليك بالايجاب ربي يعينك اليوم واش راهو ظهرك
ام ادم مبنتيش واش راكي مع الخدمة والمراجعة
امولة تروحي وترجعي بسلامة توحشناك
ام صابرين على سلامتك توحشناك انا تاني كي قريت موضوع زينب بدلت رايي وبديت البارح بغرفة وليدي بالالعاب قلت نصفي قد ما نقدر وكي نكمل الدنيا كل نغسل وانا تاني كملت الكوزينة وكذبة افريل خلاتني نغسل ونجوز على الحيوط نتاع الدار بالماء والجافيل مزالت غير غرفتي

[arwa alaa]

صابرة محتسبة واش راكي شاركي معانا رانا حابين تكوني معانا بادعيتك الراىعة وبتقريراتك ايضا

[oum sabrin]

صباح الخير عليكم حبيباتي
ام هزار ما هي المفاجاة ؟
انا نقول ستفتح دورة جديدة حزرت ام لا :1:؟
ام متين يعطيك الصحة القهيوة امممممممممممم
هناء محمد صابرة محتسبة غزالة جهينة اليقين و كل الملتحقات بعدي صباحم ورد
أروى الاء ربي يقدرك و يقدرنا كامل انا عندي بزاف بلاكارات قيس ما نرتبهم كامل و نغسل الدنيا و الزرابي نجي مع رمضان سوا سوا اذا كتب ربي
بغض النظر عن المراجعة بدات تجيني الرهبة شغل رايحة نجوز الباك ما عنديش خبرة في المسابقات و ما نعرفش طبيعة الاسئلة :sdf: الله المستعان
اليوم راجعت شويا و طيبت قهيوة و حطيت فطوري يطيب بلعقل درت طاجين الزيتون بالفولوفون دوك ناضلي ابني نغسلو و نروح نكمل اشغالي
سلام يا فراشات

[ام هزار]

صبااح اليمن و البركات على كل الفراشات
ضرك راني نتغدى . و من بعد نجاوبك يا ام صابرين على تحزيرك :19::19::19::19::19: احم احم احم
صح غداكم كامل . دخلت للدار على 12 .......... و من بعد نحكيييو .. سلااااااااام

[ام آدم]

السلام عليكم حبيباتي واش راكم
اروى آلاء يسقسي عليك الخير حبيبة واش راكي واش راهم لولاد
لوكان غير تتضامني معانا وتحفظي شوية ههههه والله غير تهنينا
ام هزار ولا نقولك ام المفاجآت على كل حتى انا كان تخميني ان المفاجأة هي دورة جديدة وحتى اذا ما حزرتش علابالي بلي اي مفاجأة من عندك راح تكون جميلة ورائعة مثل صاحبتها
ام صابرين غزالة جهينة اليقين نسمة ام متين امولة هنا محمد ام هدول صابرة محتسبة ...........والجميع احبكن في الله وربي يهنيكم كامل ويعطيكم ما تتمنو

[ام آدم]

ام هزار نسيت نقولك بصحتك لغدا

[arwa alaa]

صح غداكم انا درت اليوم دويدة بالجاج
ام صابرين انا تاني راني مع الفريز مع غرفة وليدي خلطولي كامل العب الي في الدار في العطلة وانا نحب نحط كل لعبة مع كل اغراضها في ساشي باش كي يقلي اعطيني هديك اللعبة نجبدها وهذا يخذ وقت كبير وكي نكمل البلاكارات نغسل الزرابا والريداوات ونزيد الحيوط ونكمل مع رمضان ان شاء الله ومشكيتش نغسل الفراش الشتاء بلاك انقص عليا الزايد لانو حتي الجوان نتغطاو بالزاورا عندنا الجو بارد المهم كي يبقاو الزور ساهل الحال المهم تتفرز الحالة
ام صابرين ملزمش تخافي باش متضيعيش تعبك وتوكلي على ربي والي كاتبو ربي يكون ورزق واحد ما يديه اخر

[arwa alaa]

يعيشك ام ادم الولاد راهم الحمد لله شوية السعلة برك عنهم الحساسية كيما يماهم
واش راكي مدايرة مع المراجعة
انا تاني قلت دورة جديدة ومعرف قوليلنا يا ام هزار ومنقولوش هههههههههه

[ام آدم]

ربي يجيب الشفا لوليداتكاروى آلاء الولاد كامل راهم بالكحة الجو مرة بارد مرة سخون على هاذيك راهم مرضى
بانسبة للمراجعة راني نحاول في روحي مع شغل الدار وشغل برى ولولاد وحسهم ربي يجيب الخير خليتها على ربي
ام هزار قتلتيني بالفضول واش ما كملتيش غداك لضرك ههههههه
طلي برك رانا نستناو

[ام آدم]

واقيلا ضربتيها برقدة وخليتينا نستناو :mad: :1:

[نسمة صبح]

أم هزار حامل تخميني

[ام براهيم الخليل]

[مساء الخير اهلا يا فراشات كيف الحال والاحوال ام هزار قولي هل المفاجئة هى دورة خاصة بي رمضان على حساب التخمين ارجو ان يكون صحيح واش راهي الوالدة الله يشفيها يارب

[غزالة1]

السلام عليكم
مساء الخير للجميع
حسب تخليني ام هزار حامل و الله اعلم
ام متين ام صابرين امال اروئ نسمة جهينة صابرة ام ادم
ام هزار ام ابراهيم تقبلو تحياتي

[ام آدم]

هههههههههه
غزالة ونسمة كيفاش تكونام هزار حامل وهي تقولكم ظهري واجعني كي عاد في ايام الدورة والصلاة عذر شرعي:mh92:

[ام آدم]

:19:نستعرف بيك ام هزار درتيلنا محاجية وخليتينا

[سمراء الدنيا]

هههههههههههه............... ضحكتوني يا لبنات .... راكم تفكو في اللغز ؟
خلاص راني فتحت الدورة ان شاء الله الدورة تحقق اهدافها و تساعدكم ....
راح نحاول قدر المستطاع نبسطها و نخليها مليئة بالافكار و التدابير المجربة و الناجحة

شكرا ام هزار حرصتيني و نتمنى منكم تعاونوني بللي تقدرو عليه

[جهينة اليقين]

هييييي ام هزاز المفاجيءة بااااازت .....

[ام آدم]

الف الف شكر سمراء الدنيا
ان شاء الله تكون دورة شاملة لكل الجوانب التنظيفية و التجميلية و الدينية و المطبخية يعني كل شيء وان شاء الله نعاونوك بلي قدرنا

[ام آدم]

ام هزار ياو لمحاجية بانت ادخلي راني توحشتك

[ام هزار]

:dj_17::dj_17::dj_17::dj_17::dj_17::19::19::19::19 ::19::19::19::19::19::19::19::19::19::19::19::19:: mh31::mh31::mh31::mh31::mh31::mh31::mh31::mh31::mh 31::mh31::mh31::mh31:;);););););););):1::1::1::1:: 1::1::1::1::1:
هيهيهيهيه.هاهاهاهاه. خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخ
الحمدووووووووووووووووووالله . الشيء اللي تمنيتو هاهو تحققققققققققق . حبيبتي سمرااااء الدنيااا قدمت بنفسها المفاااااااااااجاة .. يني الافتتاح رسميا على يديها . هكذا ما عندها وييين تروح . تبقى معانا ان شااء الله
و الله سرعة قياسية في الوفاء بالوعد . سيدة راقية و مسؤولة بجميييع المقاييييس
و اللي قالو المفاجاة بازت . العكس راني كنت خايفة شوية تتاخر و الحمد لله ما تاخرتش .
اسمحووولي ياو انا اللي بوزتلكم اعصابكم هذي العشية . و الله كان الجو ثقييييل . ريح شديدة بالغبار . ضربت فيها رقدة يا توامي . بصح و الله ما كنت نقصد بكلمة من بعد اي بعد الغداء . نقصد بيها موعد جزائري :):) سامحوني برك
راتي فرحانة بزااف و متفائلة بهذي الدورة . جدييييييدة و ثرية باذن الله .
و الشكر موصول ايضا لحبيبة ربي يرجعها على خيير
راني العشية قمت بتسياق الحالة بعد الغبار ما خلصتش للمغرب
حبيباتي ضحكتوني على الحمل . و ربي يكون عند نسومة و ام نسيبة . اميين
ام ابراهيم الخليل . والدتي على حالها و ربما في تزايد ايضا و الحمد لله على كل شيء . ربي يحفظك على السؤال و ربي يشفي ميمتك و كل المرضى . واش راهي ضرك
البقية لي عودة لكن دون مفاجدات رايحة نتعشى . سامطة هذي المرة هيهيهيه . ومن بعد نرجع باذن الله تعالى
ام ادم و الله غير توامي . ربي يحفظك و كل الفراشات . امييييييييين . رايحة نطير من الفرحة

[ام آدم]

ربي يزيدك فرح على فرح وتفاؤل على تفاؤل يا حبيبتي
كي قلتي من بعد لعشا حسب المواعيد الجزائرية يعني قبيل الفجر هيهيهي
راني غير نتمسخر والله والفتكم يااااسر وعزيتو عليا ياااااااسر ربي يدوم جمعتنا و يساعدنا للتحسن وفعل الخير
حتى انا مستبشرة خير بالدورة الجديدة ان شاء الله تكون اساس التغيير لي راني مصممة عليه قبل شهر الخير

[oum sabrin]

مساء الخير يا شطورات
ام هزار صدقت حزورتي ههههههههه
هي صح مفاجاة رائعة و جات في وقتها ان شاء نفيد و نستفيد منها قدر المستطاع

[ام آدم]

للافادة هذا عنوان الدورة الجديدة
http://www.djelfa.info/vb/showthread.php?t=1944119

[ام هزار]

ام ادم حبيبتي .ربي يعطيك و يرضيك قد قلبك الحنيين :):):)
ام صبرين ما شاء الله عليك . و راني جاوبتك من قبيل على فزورتك بالرمز :19::19::19: اذا انتهت ليييه . ربي يهنيك و ما تخافي ما والو من المسابقة . راهي كاينة مسابقة حقيقية و خطيرة . وهي المحاسبة امام الله عز و جل يوم القيامة ....... هذيك صح تخوف و ترهب .. لكن تاع الدنيا و الله والو تفوت باذن الله في الخير في جميع الحالات . و ان الله لا يضيع اجر من احسن عملا . اللهم نسالك الثبات . اللهم امين

[hanamohamed]

كيف حالكن جميعا افرحتنا سمراء الدنيا ببداية هاته الدورة أســأل الله ان يجعلها فى ميزان حسناتك وان لا يحرمك الاجر والثواب

[غزالة1]

السلام عليكم
اصبحنا واصبح الملك لله
اللهم صل وسلم وبارك على سيدنا وحبيبنا محمد وعلى آله وصحبه أجمعين

[غزالة1]

فراشات هل سيغلق هذا الملف

[جهينة اليقين]

السلام عليكم على حساب الشوفة يا غزالة راح يغلق لانهم قاع رحلو لهيه والله والفناك يا ....بداية يوم جديد

[oum sabrin]

صباحكم سعيد و مبارك
واش حال الموغال مع بداية دورة جديدة
هي فرصة للعمل الجماعي انا كنت شاركت في دورة من دورات سمراء لي قبل هادي و جازت رووعة صرت اكثر تنظيما و عندما ينتهي يومي اكون راضية بما حققت لازم فقط تفعيل الدورة بالنصائح المختلفة و التقارير اليومية و الجدية في العمل :19:
راني جايبتها شغل انا هي مولات الدورة ههههههه :1:
و بما اننا والفنا بعضنا واش رايكم نحلو موضوع في قسم الدردشة نخلوه لدردشاتنا اليومية الخارجة عن الدورة طبعا
واش قلتو ؟

[ام آدم]

صباحكن سعادة وأمل
عندك الحقجهينة اليقين والفنا بداية يوم جديد ووالفنا لمتنا الزينة
وبالنسبة لموضوع الدردشة يا ام صابرين راني معاك فيه ويا ريت نتفاهمو على وقت دخول موحد باش نلقاو بعضانا كامل حاضرين ويكون التفاعل خير وخير

[ام آدم]

اللهم وفقنا في يومنا لما تحب وترضى
استغفر الله وأتوب اليه

[arwa alaa]

انا تاني كنت نخمم فيكم والفتكم بزاف وكنت نخمم في نفس فكرتك يا ام صابرين
راني معاك في الفكرة
ام ادم المهم نشطو صفحة الدردشة لكي لا يتم حدفها ونديرو كيما موالفين الي تدخل تكتب والي بعدها يجاوبها واذا اتفقتو على وقت واحد للادخول راني معاكم
شوفو من لخر واش تحبو تقترحو راني معاكم المهم منتفرقوش
وسلامي لكل الفراشات

[arwa alaa]

ام صابرين انا اول مرة نشارك كيفه تكون المشاركة نكتبو تقارير يومية.ولا كيفاش
انا راني مزلت في غرفة وليدي فيها خدمة بزاف وزيد تعطلت شوية الصباح خرجت رحت لطبيبة نتاع الحساسية باش تجيبلي الفاكسا كرهت من الحساسية

[غزالة1]

السلام عليكم
اهلا يا فراشات
انا ماوالفتكم انا ادمنت عليكم حتى انو مولانا بيتي قال واشنو هذا كنت الميكرو ما دوريش بيه و الانترنت مايهمكش كي تخلاص الان الميكرو ولا حبيبك هههه قتلو لالا انا المنتدى هو حبيبي حتى انو زعف ههههه
المهم راني معاكم على موضوع الدردشة و تحديد الوقت و يا ريت يكون في الاوقات التي لا يتواجد فيها الازواج حتى لا يغضبو و ما يسلكوش الانترنت و نحصلو
سلام

[ام متين]

االسلام عليكم كيف الاحوال راني سعيدة بافتتاح دورة جديدة لعلى وعسى اني نتخلصمن الخمول والتعب والكسل الي راني فيه وندير القلب ونعمل بجدية اكثر

[ام متين]

بالنسبة لموضوع الدردشة انا راني معاكم حتى نواصل التواصل الذي بيننا ونفرغو قلوبنا ونساندو بعضنا البعض

[ام هزار]

مساء النور عليكم . ان شاء الله تكونو لاباااس
ام ادم توامي .غزالة . ام صبرين . جهينة . ام متين . مبارك علينا افتتاح الدورة الجديدة
بالنسبة للدردشة راني معاكم . فصلو و انا نلبس
اروى مال هناء اسمحولي . كيف حالكم
نسومة طلي . الحاالة راهي حلاااااات
ربي يحلي ايامك يا رب

[ام متين]

نحمدو ربي كثير لان لينا في هذا المنتدى من ياخذ بايدينا الى بر الامان والطمانينة ولوبكلمة طيبة سبحان الله اصبحنا عائلة كبيرة ونتمنى انها تكبر اكثر بوافدات جديدات وعودة لغائبات يارب يا كريم
اكيد الاستفادة رايح تكون اكبر لما نكون تحت نظام واحد رغم اننا كنا نستفيد من قبل من مشاركة كل الفراشات فيارب ادم لمتنا وامنحنا القوة والثبات والصحة والعافية يارب انك قادر على كل شيئ

[ام متين]

ام هزار كيف الاحوال وربي يجازيك ويجازي كل وحدة سعت للخير والتالق والتميز

[oum sabrin]

مساء الانوار عليكم
حبيباتي بما انكن وافقتن على اقتراحي في فتح موضوع دردشة بالاضافة لدورتنا الجديدة المحمسة
ما يكون غير خاطركم جوزو تشربو قهوة ربي يحلي لمتنا و ايامنا و يرجع كل الغائبات و منهم حبيبة
http://www.djelfa.info/vb/showthread.php?t=1944338

[ام هزار]

ام متين يا غالية . انا بخير و الحمد لله . لقد تحسنت من ظهري شوية . اليوم اخر ايام الدورة .سبحان الله مغير الاحوال
اللهم امين يا اختي على دعوتك و لك بالمثل . واش خبارك . واش حوالك . واش قالكم طبيب الاشعة على وليدك . ان شاء الله خيييييييييييييير

[ام آدم]

ام هزار نقولك حاجة والله غير صدفة حيرتني وضحكتني حتى انا اليوم آخر ايام الدورة ههههههههه

[ام هزار]

ام ادم . حقا شيء يدعو للتامل و التفكر .. رانا توام . ما شاء الله . ربي يجمعنا في الجنة و يخلينا خيات مع باقي الاخواااات في هذا الشمل الطيب .... واش راني حابة دايما نسمع عليكم اخبار الخير يا ربي . اولها النجاح في المسابقة . اللهم امين
بالمناسبة . واش هو برنامجك اليوم . بلاك رانا كيكيكف

[ام متين]

ام هزار شكرا على السؤال الحمد لله على كل الاحوال بالنسبة لوليدي الغدة منتفخة وبالتالي ضاعفتلو الدوا من25مغ الى 50مغ اما انا فبقيت محافظة على50مغ الي تعودت نشربها يعني عندنا خمول في نشاط الغدة وهو الي يعمل الفشل وعدم القدرة على العمل

[ام آدم]

الله يجيبلك الشفاء ليك ولوليدك ام متين

[ام هزار]

ربي يشفيك ام متين و يشفي وليدك شفاء لا يغادر سقما و يشفى جميع المؤمنين و المؤمنات .
ما هي اعراض الغدة الدرقبة . حتى انا حابة ندير تحاليل عليها . عاد يحكمني الفشل و الملل بزاف . ربي يجيب الخير
تصبحون على خير و امل

[hanamohamed]

صباحكم رضا من الله وعفو وغفران
صباحكم راحة وأمان

صباحكم تفاؤل وسرور

[ام متين]

اصبحنا واصبح الملك لله والحمد لله
http://b1.img.mobypicture.com/cd1926f02d29e12b9c429c5564ef4d6b_view.jpg

[ام متين]

https://s-media-cache-ak0.pinimg.com/736x/9e/1d/00/9e1d003db23860bf0e3b261a5cb54028.jpg

[ام متين]

http://up.ta7a.com/t7/LUL30017.gif

[hanamohamed]

صباحك سعيد ام متين والعائلة الكريمة ولكل الملتحقات

[ام متين]

http://www.moso3a.net/thakafia/betterphoto/1032+moso3a.net.jpg
وصباحك اسعد هنا محمد طاب يومك ويوم كل الملتحقات وحتى الغائبات

[جهينة اليقين]

السلام عليكم الله يشافي الرضى ويعافي الاصحاء

[جهينة اليقين]

شكرا لك ام متين القهوة راهي تبعث فينا النشاط الله شافيك يا لحبيبة شفاء لا يغادر سقما

[arwa alaa]

صباح الخير عليكم واش راكم
من البارح مقدرتش ندخل للمنتدى ام متينربي يجيبلك الشفاء ليك ولوليدك
جهينة غزالة ام هزار ام ادم هنا ام صابرين وكل الفراشات ان شاء الله تكونو ملاح وبصحة جيدة والمورال طالع .............

[ام آدم]

صباحكن فلاح ونجاح

[غزالة1]

السلام عليكم
حبيباتي صباحكم جميل
انا دخلت صباحا الى الموضوع الجديد في الدردشة ظننت انو خلاص سننتقل هناك

[ام متين]

السلام عليكم كيف الاحوال يافراشات ان شاء الله راكم في احسن الاحوال انا جد متشوقة للدورة الجديدة ربما بسبب الفشل والكسل الي انا فيه

[ام متين]

ام هزار بالنسبة لاعراض فشل الغدة فهي الفشل والتعب بمجهود او دون مجهود كذلك الاحساس بالحرارة واحيانا برودة في الاطراف اضافة ان مع الصباح تحسي جسمك قطعة واحدة وحتى تبداي في العمل باه تحسي بالنشاط يرجعلك اضافة ان تحليل هو الي يبين المرض وهو مرض وراثي

[ام آدم]

ربي يشافيك ويعافيك ام متين

[فرحة العمر]

السلام عليكم واش راكم نتمنى كامل تكونو بخير
واش راكم مع التحضيرات لرمضان
بإذن إذا قدرت نحط تطبيقاتي والنظام اللي ماشية عليه
عندي طلب تدعيولي ربي يفرج همي لأني واالله في هم كبير ومحتاجة دعواتكم

[ام آدم]

يا رب فرج هم فرحةالعمر وأنر دربها وحقق كل أمنياتها و أبدلها همها فرحا وهناءا ياااااااااااااااا رب

[ام آدم]

يا فراشاااااااااااات ويييييييييييينكم
توحشتكوووووووووووم

[amel...]

مساء الخير عليكم يا فراشات .... انا مزلت مستقريتش و لي جاي اكثر

ان شاء الله اموري تتعدل و نولي نشارك كي بكري و زمان

شكرا لكل وحدة سقصات علي

توحشتكم

[ام هزار]

سلاااام ليكم بالكل . ان شاء الله تكونو ملاح . امييين
ام متين . شكرا اختي غلى التوضيح . و ربي يشافيك و يشافي وليدك و كل المرضى يا رب
ام ادم . ليك وحشة يا توامي . كيف الاحوال
امال ... ربي ييسر امورك كلها و ترجعي احسن من الاول . امين
فرحة العمر . ربي يفرج عليك . عاجلا غير اجل . امين يا رب
البقية كل وحدة باسمها . توحشتكم بزاف و لنا عودة باذن الله

[kader001]

شكرا شكرا شكرا ................................

[ام متين]

http://up.3dlat.com/uploads/13839068051.gif

[hanamohamed]

حبيباتي طابتكم جمعتكن..
وتقبل الله طاعتكن

[oum sabrin]

صباح الخير عليكم فراشات
جمعتكن مباركة
ام متين ربي يشفيك و يشفي ابنك شفاءا لا يغادر سقما و كل المرضى امين يا رب

[ام هزار]

صباحكم موفق .ام متين ام صبرين هناء و كل الملتحقات

[ام آدم]

صباح الخير أخواتي
اسعد الله يومكم

[غزالة1]

السلام عليكم
كيف الحال يا فراشاتي الجميلات
سلام لكل واحدة
يا ربي يشفيك يا شريكتي و يعافيك
فرحة العمر ربي يفتح عليك بالفرج القريب
فهموني و جاوبوني هل ننتقل الى الموضوع الجديد في الدردشة ام نبقى هنا و هناك لانو تلفلتلي خاصة مع الدورة الجديدة مع سمراء الي راح نلتزمو بيها من يوم الاحد
ارجو انكم تجاوبوني لاني نطل و ننسى هذا الموضوع خاصة مع مرض وليدي الصغير لاصق و مايحبني نعمل و لا شيء غير نلعب معاه
اسفة على الاطالة
سلام

[ام هزار]

غزالة . ربي يشفي وليدك و يافيه يا رب
اعتقد اننا منطقيا سوف ننتقل يوم الاحد الى دورة الغالية سمراء . لانو ما كانش نشاطات هنا ما عدا التحايا فقط
سلام وو ربي يوفقك و يقدرك . بلعقل على روحك . ولادك اسبق