ديرولي حل بسرعة

[مشكلتي]

السلام عليكم
كيف حالكم جميعا ان شاء الله كلكم لباس انا مارانيش كامل لباس من التخمام في حياتي الزوجية خاصة و كيفاش راح ندير خاصة مع اهل زوجي و المشكلة بصراحة فيا انا
انا نحشـــــــــــــــــــــــم بزاف في دارنا عادي نهدر بالعة كاسيطا يقولولي لكن مع الناس و لا حتى اقاربي كي يجتامعو تروحلي الهدرة و ايلا هدرة كلمة نقولها و كلمة تروحلي النفس و نولي حمراء حتى ولاو كامل يتجنبوني ويلا كنت قاعدة معهم ما يحكوش معايا يتجاهالونني و راني خايفة يحدثلي نفس الشيئ مع اهل زوجي كي جاو خطبوني مانطقت بوالا حرف و نحس في روحي نسبح في بركة تع مياه من شدة العرق لي كان يتصبب عليا و حتى خطيبي حشمة منو هو سيألني و انا نحاول نرجع انفاسي راني خايفة فيما بعد يصرالي تجاهل او طيح قيمتي قدامهم كي يعرفو لي انا حتى القصرة مانعرفش نقصر راني خـــــــــــــايفة

[rose de sable s]

اهت انت قوليلهم هدا طبعي حشامة
و اكيد نع وقت توالفي بيهم و تتاقلم معهم و ديرهم كيم داركم رايح تولي تحكي
متخميش في لحويج لي يقلقوك ول ممكن انت تقولي منحكيش منعرفش نجكي حاولي تحكي مع اهل و اقارب في اي موضوع و تشاركيهم حديث باه تروحلك حشمه

[*سيرين نور عيني *]

نونونو حنونة جامي تسكتيلهم و تخليهم يطلعو فوق راسك يولو يقولو هادي جايحة

للاسق لي عاقل يردوه جايح بالاكي و بالاكي و بالاكي

بصح هادي ماشي مشكلة كبيرة عادي بزاف بنات هكدا

['مــــــــــــرجان نينو']

هذه مشكلة عادية قد تصيب اي احد منا

لا تخممي كثيرا في الأمر . والله كل شيء عادي جدا فقط تفكيرنا السلبي هو الذي يفشلنا وينقص من قدراتنا .

دائما تكلمي مع نفسك داخليا وقولي لها انا قوية . وانا مستعدة لأي موقف من المواقف وسوف اكون ايجابية فيه

ولا تجعلي مناقشة الناس هدف من اهدافك .

واذا ناقشتي حاوالي ان تبدي رأيك بحزم فيما ترينه مناسب . دون ان تتنازلي على اي شيء

ولا تنظري لنفسك فيما تقوليين ولا تقارنيين نفسك بهم .

ولا تحاولي ارضاء اي احد .

بهذا المبدأ ترتاحين

وسوف ترين مع الوقت يختفي خوفك وتجدين نفسك افضل كثير وافضل من بعض الناس من ناحية المناقشةالتفكير .

ربي يكون في العون ان شاء الله

[زنوبيا86]

هدي ليست مشكلة با حبيبتي الصمت راه نعمة صدقيني بهدي العقلية تقدري تعيش وتلقاي روحك

[crystale49]

في هدا الوقت الحشمة يقولو عليها جياحة ,,,,,,,,,, خمي في روحك مليح

[AMINA.Z]

السكوت في البداية يدل على الحشمة
لكن ان تواصل صمتك و تجنبك للنقاش فهذا يعتبر خللال في شخصيتك
ابدئي من الان بالاندماج مع الاقارب اولا اجلسي معهم و استمعي جيدا ثم ابدي رايك و اروي لهم قصصا تتعلق بالموضوع و هكذا حتى يصبح لك في وسط المجموعة وجود.....
و نفس الشيء مع اهل زوجك ..استمعي اكثر لكن لا تبقي كالصنم

[خالد عنابي2]

الحل ليس معنا .

[زبدة ذايبة]

وانت علاه تحشمي

كاشما راكي دايرة ؟؟؟؟؟؟؟؟؟؟؟؟

ماراكي دايرة حتى حاجة

ماراكي تقعدي مع العباقرة والفلاسفة والأطباء والعلماء

بالحارة ناس يهدرو على الزيادة في الأسعار

ناس يهدرو على داعش

ناس يهدرو على فلانة دارت وفلانة ضربها راجلها

وهذيك ماتعرفش الطيب وهاذيك حاسبة روحها عالمة

هذا ماكان

ماتحشمي ماتخافي

هدرة وكلام مافيه حتى معنى


نهار السعد اللي نخرجو فيه من هذ القعدات بلا الغيبة وبلا النميمة

يعني خذي الأمور ببساطة

دربي روحك من الآن على المشاركة تاع الناس

خاصة راكي رايحة تتزوجي

راهم يروحو يهدرو وماصابوش رواحتيهم ياوين تروحي وانت حشمانة

رايحين يشكو فيك بلي راكي ماشي نورمال

كي تحشمي يعني الأشياء اللي راكي تهدريها ولا تديريها تاع تبهديل

واحد مايزيد يحوس عليك. وزيد يخافو كاشما تقولي غالط

عززي من ثقتك بنفسك

عندك الحق في الحياة كيما كل الناس تهدري وتضحكي وتزعفي



ربي يوفقك

[صهيب رائع]

صهيب رائع: عجبا لزمان اصبح فيه حياء المرأة عيبا ومشكلة !!!!

[خالد عنابي2]

صهيب رائع: عجبا لزمان اصبح فيه حياء المرأة عيبا ومشكلة !!!!

الشيئ اذا زاد عن حده انقلب الى ضده
هذه تقول لك انها تتعرق وتحس بضغط كبير حتى مع النسوة امثالها هذا ليس الحياء وانما عقدة وستحسسن جميعهن بضعفها ولن تاخذنها على محمل الجدية

[ايمان4]

انصحك بكتب للتنمية البشرية و لكن الحل الامثل دخلي روحك بالعائلة ياو لكان تشاركي غير بكلمة مش مشل بالوقى توالفس

[لجين امنيتي]

راكي فكرتيني في نفسي لما تزوجت مع العائلة خاصة اول عام بالرغم انني عاملة وفي عملي اتعامل مع زملائي بصفة عادية ولكن كيما نروح للدار ما نهدر والو ونبقي غير ساكتة حتي الاكل ما نقدرش ناكل علي راحتي وبعد مرور سنة تقريبا اصبحت اتكلم بكل حرية ما تخافيش اخبي مع الوقت راح تندمجي معاهم

[أيمن الاوراسي]

ان تكوني صامتة لا تتكلمي خير من ان تكوني ثرثارة الكل يتجنبك

[asmar@]

في هدا الوقت الحشمة يقولو عليها جياحة ,,,,,,,,,, خمي في روحك مليح

للعلم الحشمة من الشيم العليا للأخلاق و إذا كنتي حشامة أمام الناس فهذا دليل على القدر العالي من الاحترام و التربية

[snoopie]

نفس المشكلة نتاعي .. لكن عادي توالفي خطيبك مع الوقت هوا واهلو وراح تروحلك الحشمة وتولي تهدري حتان يقولو بالعا بوست هههههههه

[aymen.dz]

الله يبارك

ربي يرزقنا بزوجة بنفس هاد الحشمة

و الله أفضل و أكثر مايعجبني في الأنثى

[cicilya]

انصحك بكتب للتنمية البشرية و لكن الحل الامثل دخلي روحك بالعائلة ياو لكان تشاركي غير بكلمة مش مشل بالوقى توالفس

أعطينا عناوين هذه الكتب و جزاك الله خيرا

[Vigito]

جميل هو الخجل في الانثى مع الوقت ستعتادين الامر لا داعي للقلق