معاناتي مع عجينة لمحاجب

[ام ايمان16]

السلام عليكم

سؤالي بخصوص عجينة لمحاجب دايما ماتجينيش مليحة كيما نحوس
كل مانسخف عليهم ونديرهم لعجينة تسمطهالي وتجيني تتقطع وماتعطيليش الطوع نحلها كيما نحب

مع اني جربت كل الطرق
جربت عجنتها بالدقيق العادي وخليتها ترتاح لاكثر من 3ساعات واحيانا يوم كامل
جربت عجنتها بالدقيق الرطب وخليتها ترتاح ايضا
جربت عجنتها بالدقيق الرطب والفرينة وخليتها ترتاح ايضا
جربت عجنتها ودرتها في الكيس المبلول وخليتها ترتاح
جربت عجنتها ودرتها في الكوكوطة ترتاح ايضا

وكل الطرق تؤدي الى روما ههههههههه اقصد لفشل صنع محاجب كيما يلزم

فمنيش فاهمة هاذي لعجينة لاه ماحبتش تصلح معايا
واخر محاولة ليا فيها كانت لبارح حتى طيبت 3 برك وكي ماعجبونيش خبيت لعجينة في الثلاجة كاشما ندير بيها حاجة اخرى
دايما تبهدلني عجينة لمحاجب مانعرف لاه ((سورتو قدام زوجي))
حتى قلت بالاك كاش واحد دعى عليا انهم مايصلحوليش خلاص مهما درتها ههههههه

راني حكيتلكم معاناتي مع عجينة لمحاجب وانتضر كاشما حلول لهاذاالمشكلة

[x ام رحاب x]

انا كون تاخدي رايي العجينة راكي ماكيش فاهمتها مليح لازم وحدة تكون تعرف ولازم اتكون قدامك باه اتوريلك مليح الطريقة واتخدميهم قدامها باه اتروحلك هاد الخلعة تاع المحاجب لازم اتشوفي وحدة تتقنهم مليح واتعلمك امبعد راهي رايحة اتروحلك الهيبة تاعهم

[lilii7179]

سلام
ممكن ان نوعية الدقيق هي اللي مفسدة عليك, خيري دقيق يكون ممتاز ( ما عمباليش وين راكي ساكنة بصح حنا في باتنة كاين دقيق ماركة بوصبيع او كنزة هاذو 2 يتحلو وحدهم حتى لوكان كنتي مبتدئة)
كاين عفسة ديرها الوالدة كي تشك بلي الدقيق ما فيهش العلك(يعني العجينة تتقطع) و هي ملعقة خل. الخل رايح يخلي العجينة تمد العلك. الدقيق الرطب مع شوية فرينة يجي مليح عموما
الملح ما تحطيهش في الاول, بلي العجينة خليها ترتاح لساعة على الاقل, ثم ذوبي كمية الملح نتاعك في شوية ماء, و اضيفيه بشوية مع العجن,خليها ترتاح مرة ثانية, لوزيها, ادهنيها بالزيت و غطيها ببلاستيك و خليها ترتاح 15د قبل ما تبداي طيبي. بهاذ الطريقة باذن الله ما تتقطعلكش العجينة.
ان شاء الله الاخوات اللي عندهم اكثر خبرة يفيدوك

[ام ايمان16]

انا كون تاخدي رايي العجينة راكي ماكيش فاهمتها مليح لازم وحدة تكون تعرف ولازم اتكون قدامك باه اتوريلك مليح الطريقة واتخدميهم قدامها باه اتروحلك هاد الخلعة تاع المحاجب لازم اتشوفي وحدة تتقنهم مليح واتعلمك امبعد راهي رايحة اتروحلك الهيبة تاعهم

منخافش اختي شكون قالك نخاف :sdf::sdf::sdf::sdf:

لي يخاف كي ماتصلحلوش الحاجة مايزيدش يعلودها
لكن راني نضل نعاود فيها وماحبتش تصلح مهمها بدلت الطريقة ولعجينة ماطاوعنيش ههههههههه تكرهني خخخخخخخخخ

ماحبتش تحبني وتجي معاياهههههههههههه

وانا نطيب اي حاجة ومانهابش حتى اشياء غريبة ونطيبهم حتى يقولولي كيفاش قدرتي طيبيهم

وجات عند عجينة لمحاجب وحبست حتى مخي حبس وفيه علامة استفهام على ماصلحتليش

وحاليا ماعنديش لي تعرف طيبهم ونقدر نشوفها قدامي طيبهم

[ام ايمان16]

سلام
ممكن ان نوعية الدقيق هي اللي مفسدة عليك, خيري دقيق يكون ممتاز ( ما عمباليش وين راكي ساكنة بصح حنا في باتنة كاين دقيق ماركة بوصبيع او كنزة هاذو 2 يتحلو وحدهم حتى لوكان كنتي مبتدئة)
كاين عفسة ديرها الوالدة كي تشك بلي الدقيق ما فيهش العلك(يعني العجينة تتقطع) و هي ملعقة خل. الخل رايح يخلي العجينة تمد العلك. الدقيق الرطب مع شوية فرينة يجي مليح عموما
الملح ما تحطيهش في الاول, بلي العجينة خليها ترتاح لساعة على الاقل, ثم ذوبي كمية الملح نتاعك في شوية ماء, و اضيفيه بشوية مع العجن,خليها ترتاح مرة ثانية, لوزيها, ادهنيها بالزيت و غطيها ببلاستيك و خليها ترتاح 15د قبل ما تبداي طيبي. بهاذ الطريقة باذن الله ما تتقطعلكش العجينة.
ان شاء الله الاخوات اللي عندهم اكثر خبرة يفيدوك

نورمالمو من كثرة محاولاتي في لعجينة راني استعملت عدة انواع من الدقيق سواء كي كنت في دارنا في برج بوعريريج
او ضرك في داري في دزاير

وكل مرة نفس النتيجة لعجينة تتقطع

وان شاء الله المرة الجاية نجرب طريقتك نتاع الخل والملح منديروش مع الاول

شكرا

[ibtihal18]

ام ايمان انا نقلك الدقيق اللي راكي تطيحي فيه مافيهش العلك يعني ما يتعجنش
شوفي اولا اذا الدقيق مليح و فيه العلك والله كيما تمسي فيهم يتعجنو و يجيو هايلين و اذا مافيهش العلك لو تقعدي النهار كامل تعجني ...................و ثاتي لازم تعجنيهم مليح و كي تعجني ما تقطعيش بالاك راكي تقطعي .................و ثالثا لازم كي تكوريهم يرتاحو مليح يطولو كي تلقايهم طلقو و بداو يلصقو في بعضاهم اخدمي و تاني كي تخليهم يرتاحو ما تحطيهمش مقابلين فالشمس لانتو العجين تاعك رح يروح فالفيد
والله يا اختي نقلك نهار بديت نتعلم فيهم كان الدقيق كي المطاط ماشاء الله ما عدبنيش كامل و درك راني مع وحد الدقيق يا لطيف المرة هذي كل ما نخدمهم يجيو يتقطعو مالقري نعجنهم حتى يتملخو يديا و نقول درك نروح نحطلهم البلاثر ههههه و يعذبوني
ربي يعينك اختي جربي الدقيق حتى تلقاي المليح و زيد هذي العفسة تع الخل رح نجربها ان شاء الله ماكنتش علابالي بيها

وزيد نسيت نقلك حتى تعجنيها مليح باش تبداي تطلقي فيها ديري الما فالكف تع يدك و كملي العجين و مبعد زيدي الما فالكف تع يدك و كملي عجني حتى تشوفيها ولات طرية و تقدري تكوريها و حبسي

[قطوفها دانية]

السلام عليكم


الاكيد ماكيش تعطيلها حقها تع الدليك

شمري على يديك وادلكي وماتكثريش الماء بللي يديك برك ويالله

حتى تولي رطبة بزاف كي تكسليها ماتتقطعش

[zola70]

انا عمري ماصلحولي لمحاجب حتى بطلت نخدمهم دايما نرمي في العجين مانعرفش وش نخدم بيه
انشاءالله نجرب الخل ونشوف

[lilii7179]

انا عمري ماصلحولي لمحاجب حتى بطلت نخدمهم دايما نرمي في العجين مانعرفش وش نخدم بيه
انشاءالله نجرب الخل ونشوف
علاه ترمي العجين؟؟ زيديلو الخميرة و سينوج خليه يطلع مليح و ديريه مطلوع يجي هايل خاطر ديجا راهو معجون مليح.خير ما ترميه

[zola70]

ربي يحفظك lilii179 ان شاءالله نعمل بنصيحتك لم افكر بذلك

[فايزة1207]

الدقيق كي يكون ماشي مليح يمرض خاصة المحاجب والشخشوخة
لازمك تملحيه دقيق عكس الالنوعية لمليحة وياربي يصلحلك

[ام ايمان16]

شكرا اخوات
انا كنت نقول ايضا من نوعية الدقيق لكن كل مرة نستعمل دقيق مغاير نلقى نفس النتيجة حتى دخلني الشك في روحي ان لعجينة ماتصلحليش مهما حاولت فيها او بدلت الدقيق
رغم اني نعجنها وندلكها ونخليها ترتاح ونعاود نرجع ليها ندلها شوية ونخليها ترتاح وهكذاك ماتخرجليش كيما نحوس

[ام هدول]

شفت العنوان دخلت نشوف معانتك مع اعجينة لمحاجب والنصائح لي مدوها الاخوات كلها صحيحة نوعية الدقيق تلعب دور كدلك العجن الجيد قبل ما تبداي تبلي بالما بالشوية حتت تلين العجينة وخليها دائما ترتاح راح تكون في طوعك ان شا الله تاخدي بالنصائح تاع الاخوات وتجربيها وتصلحلك وتردينا الخبر

[raboha]

خسارة الموضوع اللي حطيتو
ياك حطيت طريقتي فالمسمن و قتلكم بالفرينة برك
و الله ديري فرينة برك و رايحة تشوفي محاجبك كيفاه يخرجو
ديري فالبيترا الفرينة و الماء لازم متيبسيها متجريها و مديريش الملح و خليها نص ساعة دور
بصح متزيديش الماء
من بعد نحيها و ديري الملح و بلي بشوية ماء و كي يدخل الملح فالعجين ابداي تخبطي فالعجين
مدة عشر دقايق و خليها ترتاح ربع ساعة و شوفيها إذا ولات طرية ابداي تقرصي و إذا مزالت قاسية زيدي بلي بالماء و خبطي و خليها ترتاح و شوفيها
كي تقرصيهم زيدي خليهم يرتاحو باش يتحلو مليح
ختي ديري كيما قتلك و الله يخرجولك روعة و عجينتهم مطاطية و يجو خفاف و مورقين
جربي و رديلي الخبر

[ام ايمان16]

شفت العنوان دخلت نشوف معانتك مع اعجينة لمحاجب والنصائح لي مدوها الاخوات كلها صحيحة نوعية الدقيق تلعب دور كدلك العجن الجيد قبل ما تبداي تبلي بالما بالشوية حتت تلين العجينة وخليها دائما ترتاح راح تكون في طوعك ان شا الله تاخدي بالنصائح تاع الاخوات وتجربيها وتصلحلك وتردينا الخبر
شكرا على النصيحة اختي
لكن انا نعجن باليبوسة قبل مانديرلو الماء وهكذاك مايصلحليش

خسارة الموضوع اللي حطيتو
ياك حطيت طريقتي فالمسمن و قتلكم بالفرينة برك
و الله ديري فرينة برك و رايحة تشوفي محاجبك كيفاه يخرجو
ديري فالبيترا الفرينة و الماء لازم متيبسيها متجريها و مديريش الملح و خليها نص ساعة دور
بصح متزيديش الماء
من بعد نحيها و ديري الملح و بلي بشوية ماء و كي يدخل الملح فالعجين ابداي تخبطي فالعجين
مدة عشر دقايق و خليها ترتاح ربع ساعة و شوفيها إذا ولات طرية ابداي تقرصي و إذا مزالت قاسية زيدي بلي بالماء و خبطي و خليها ترتاح و شوفيها
كي تقرصيهم زيدي خليهم يرتاحو باش يتحلو مليح
ختي ديري كيما قتلك و الله يخرجولك روعة و عجينتهم مطاطية و يجو خفاف و مورقين
جربي و رديلي الخبر
وعلاش تقولي خسارة لي حطيتي موضوعك؟

ماشفتش موضوعك نتاع الفرينة ممكن تحطيلي الرابط
مع العلم ماعنديش البيترا يعني نعجن بيديا برك

[ام ايمان16]

راني شفت موضوعك اختيraboha

http://www.djelfa.info/vb/showthread.php?t=1881066

وحسب ماشفت فيه انو طريقتك تصلح غير بالبيترا

يعني ماتصلحش معايا للاسف

[raboha]

وعلاش تقولي خسارة لي حطيتي موضوعك؟

ماشفتش موضوعك نتاع الفرينة ممكن تحطيلي الرابط
مع العلم ماعنديش البيترا يعني نعجن بيديا برك[/quote]

فهمتيني غلط و الله ما قلتها بالزعاف تغيضوني كي نحط وصفة مجربة و هايلة و متشوفوهاش و تروح فالصفحات
و لا الأخوات اللي قراو الموضوع ميقولوش
اسمحيلي بلاك زعفتي من هدرتي و الله هدرتها عادي و ميش بالزعاف
و الله جربيه بالفرينة برك و تشوفي
و كي قلتي تعجني بيدك رايحة تعييك شوية بصح خلي العجينة طرية فاللأول باش متعييكش و كي تكوني تعركي مدريش الماء باش متنطلقش بزاف إبقاي تعركي غير بالنشاف و رفدي العجين و خبطيه على الطاولة هذي الطريقة ثان تعاونك
تعيشي ختي منحبش وحدة تزعف مني و الله مقصدت حاجة بكلمة خسارة لي حطيت موضوعي
تحياتي و و تقديري و بوسة على راسك
أختك أم لميس و لجين

[ام ايمان16]

وعلاش تقولي خسارة لي حطيتي موضوعك؟

ماشفتش موضوعك نتاع الفرينة ممكن تحطيلي الرابط
مع العلم ماعنديش البيترا يعني نعجن بيديا برك

فهمتيني غلط و الله ما قلتها بالزعاف تغيضوني كي نحط وصفة مجربة و هايلة و متشوفوهاش و تروح فالصفحات
و لا الأخوات اللي قراو الموضوع ميقولوش
اسمحيلي بلاك زعفتي من هدرتي و الله هدرتها عادي و ميش بالزعاف
و الله جربيه بالفرينة برك و تشوفي
و كي قلتي تعجني بيدك رايحة تعييك شوية بصح خلي العجينة طرية فاللأول باش متعييكش و كي تكوني تعركي مدريش الماء باش متنطلقش بزاف إبقاي تعركي غير بالنشاف و رفدي العجين و خبطيه على الطاولة هذي الطريقة ثان تعاونك
تعيشي ختي منحبش وحدة تزعف مني و الله مقصدت حاجة بكلمة خسارة لي حطيت موضوعي
تحياتي و و تقديري و بوسة على راسك
أختك أم لميس و لجين[/quote]

ربي يحفظك اختي واسمحيلي لي وصلك احساس زعافي انا مازعفتش لكن حبيت نعرف برك علاش قلتيها
لانو كيما قلتي كاين بزااف مواضيع واكيد منقدروش نتابعو هم جميعا الااذا شفنا موضوع صدفة او واحد دلنا عليه
بارك الله فيك وربي يحفظلك ولادك
اما على الفرينة فخممت انو بالاك النوعية تلعب دور ايضا ممكن نوعية لي يديرو بيها الخبز هي لي تصلح في عجائن كيماهاذو احسن من تاع البكيات والله اعلم
نزيد نجربها ونشوف

[jojo dj]

نفس مشكلتي مرة نجحتلي برك وماعاودتهاش درت فرينة سيم لانو فيها العلك وسميد رقيق انتاع الميزان درت نص بتص وزدت ساشي خمارة قاطو لانو ياسر نصحوني بيها مام يخدموهم بالدقيق وحدو يديرو صاشي وحدة خمارة يعظيها خفافة جملتو برك ودرتو بطريقة الساشس انتاع الوهرانية الله يخليها ونرجع نعركها شوية برك وكملي بالطريقة العادية ان شاء الله تنجحلك جربي دقيق عمر بن عمر مليح وادخلي لل youtube. تبعي لي فيديو مام انتاع مراركة تفهمي اكثر

[ام رضوان]

باه تصلحلك عجينة لمحاجب لازم تديريلها تاويلها
1لازم تعجنيها باليبوسة يعني جهدك تحركي يدك
2ماديريش الملح من الاول
3ماتقطععععععععيش لعجين يعني اعجنيه بكف اليد
4اسقيه بالماء تدريجيا وما تخليه يابس ما تجريه .
5لوزيه صغير باه مايتعبكش وادهنيه بالزيت وغطيه بقطعة بلاستيك وخليه يرتاح
يارب تنجحي في صنع المحاجب وتروحلك العقدة تاعهم.
اتمنى ان اكون افدتك.

[sousoubella]

السلام عليكم ختي
شفت معاناتك مع هذا نوعية تاع لعجينة و حابيت نساعدك بحكم الخبرة تاعي :cool: انا اول حاجة تعلمتها هي لمسمن و لي يشوفني نخدم فيه يحير و يقول الله يبارك و يخرجلي كي الورقة تع الماصة :D المهم دوك نعطيك طريقتي الي علمتهالي جدتي الله يحفظها
في جفنة حطي السميد يكون رقيق مليح و رايح لون تاعو الى الاصفر هذاك هو المخير زيديلو قيس كمشة تع يدك فرينة و الملح و شمخيه لازم تتحصلس على عجينة شادة روحها بلاكي تجريها ديريها في ساشي و خليها ليلة كاملة في الثلاجة
في صباح اجبديها خليها برا حتى تخرج منها البرودة تع الثلاجة و تولي تقدري تعجنيها
مبعد بداي تعجينها على الناشف حتى تبدا تتطرطق تم ابداي شمخي يدك و اعجني مليح حتان تملاس و ترطاب و تولي قادرة باه تقرصيها
مبعد قرصيها بزيت و خاليهم حتان يطللقو رواحهم و هذا شي يتعلق بشحال طرتي لعجينة تاعك
اي اذا زودتي الماء راهم مايتولوش و يطلقو و العكس صحيح
بصح بالكي تجري لابات راهي جامي تصلحلك
و انشاء الله نكون افادتك

[rahil malak]

انا تاني متصلحليش كيما نحب ديما تتقطعلي

[ام ايمان16]

نفس مشكلتي مرة نجحتلي برك وماعاودتهاش درت فرينة سيم لانو فيها العلك وسميد رقيق انتاع الميزان درت نص بتص وزدت ساشي خمارة قاطو لانو ياسر نصحوني بيها مام يخدموهم بالدقيق وحدو يديرو صاشي وحدة خمارة يعظيها خفافة جملتو برك ودرتو بطريقة الساشس انتاع الوهرانية الله يخليها ونرجع نعركها شوية برك وكملي بالطريقة العادية ان شاء الله تنجحلك جربي دقيق عمر بن عمر مليح وادخلي لل youtube. تبعي لي فيديو مام انتاع مراركة تفهمي اكثر
شكرا اختي
يعني كي ندير خميرة القاطو في لعجينة ونطيبها ماتتفاعلش وتنتفخ ؟
منيش موالفة نديرها بالصح نجربها ان شاء الله

باه تصلحلك عجينة لمحاجب لازم تديريلها تاويلها
1لازم تعجنيها باليبوسة يعني جهدك تحركي يدك
2ماديريش الملح من الاول
3ماتقطععععععععيش لعجين يعني اعجنيه بكف اليد
4اسقيه بالماء تدريجيا وما تخليه يابس ما تجريه .
5لوزيه صغير باه مايتعبكش وادهنيه بالزيت وغطيه بقطعة بلاستيك وخليه يرتاح
يارب تنجحي في صنع المحاجب وتروحلك العقدة تاعهم.
اتمنى ان اكون افدتك.

شكرا اختي
ان شاء الله نطبق نصايحك وتروحلي العقدة نتاعهم لانهم صح عقدوني :1::1:

السلام عليكم ختي
شفت معاناتك مع هذا نوعية تاع لعجينة و حابيت نساعدك بحكم الخبرة تاعي :cool: انا اول حاجة تعلمتها هي لمسمن و لي يشوفني نخدم فيه يحير و يقول الله يبارك و يخرجلي كي الورقة تع الماصة :D المهم دوك نعطيك طريقتي الي علمتهالي جدتي الله يحفظها
في جفنة حطي السميد يكون رقيق مليح و رايح لون تاعو الى الاصفر هذاك هو المخير زيديلو قيس كمشة تع يدك فرينة و الملح و شمخيه لازم تتحصلس على عجينة شادة روحها بلاكي تجريها ديريها في ساشي و خليها ليلة كاملة في الثلاجة
في صباح اجبديها خليها برا حتى تخرج منها البرودة تع الثلاجة و تولي تقدري تعجنيها
مبعد بداي تعجينها على الناشف حتى تبدا تتطرطق تم ابداي شمخي يدك و اعجني مليح حتان تملاس و ترطاب و تولي قادرة باه تقرصيها
مبعد قرصيها بزيت و خاليهم حتان يطللقو رواحهم و هذا شي يتعلق بشحال طرتي لعجينة تاعك
اي اذا زودتي الماء راهم مايتولوش و يطلقو و العكس صحيح
بصح بالكي تجري لابات راهي جامي تصلحلك
و انشاء الله نكون افادتك

شكرا اختي على النصائح وان شاء الله نحطهم في بالي كي نخدمها المرة الجاية :19:
وربي يحفضلك جداك

انا تاني متصلحليش كيما نحب ديما تتقطعلي

اهلا اختي
راهم الاخوات حطولنا نصائح جربي منهم وان شاء الله تصلحنا المرة الجاية وماتعودش تتقطع لعجينة :sdf::sdf:

حقى عجبتني مدونتك :19:

ممكن تعطيلي قالب مدونتك اذا استطعتي؟

[ام ايمان16]

salem aleikoum
choufi oukhti la pate a msemmen fiha khedma kima ygoulou lazem l'huile de coude hhhh
yaani lezem taajniha mlih w hiya yebssa hatta twli tria w rotba
apres tbdey tzidi l'eau bechwi bechwi blama tkathri el ma khatar tefsed al ajina tweli tetkataa
kima ngoulou tweli meldougha
w hadi khlas matdiri biha welou meme khobz

w theni kheliha trayeh
ana oummi bekri tdirha kima jidda men bekri nechfa aliha ki tdir msemen w mhajeb tdir smid rtob kima farina semoule extra fine
w une quantité d'eau metdirech kemel melh w tkheliha chwi tourem
oumbaad tedlek tedlek hata tweli souple w rotba
w tatertag
apres tzid el ma wmelh w tlemha w tkheliha trayeh
ki trayeh tchedi tdiri des boules w tchemekhi bel zit w tkhelihoum yartahou khatar louken tdir des boules w tbedey thali fihoum impossible yenfathou rahoum yatagtaao
ki tchoufi beli talkou chwi twejdi tajine w tjibi la farce tkoun barda khatar ki tkoun skhouna rahi tetkataa la pate
w tekhedmi bechwi w saafi la pate
w kima gatlek el oukht lzem tkoun maak wahda twerilek la consistance wektech tdiri l'eau wektech thabsi
bon courage


nsit ngoulek ana marrat ndir mhajeb express hhhh taa kesra rahi khfifa w mliha lel regime
يعطيك الصحة اختي
ماذابيك توريلي محاجب اكبرس لانو حنا في عصر السرعة نحبو نوجدو حاجة بسرعة وتكون مليحة هههههههه

[oum souhaib]

اختى ادا عندكم سميد ماما هاااايل للمحاجب .راهو المشكل فسميد .جربي سميد ماما ولا ولاد الكرمى برك متشربيهاش بزاف هايل يتكسل قاع على طابلة وميتقطعش

[ام ايمان16]

بارك الله فيكم نجرب واش قلتولي ونشوف

[ام مريم الجزائرية]

شوفي اختي استعملي دقيق مولا راه يجي شباب مش كيما كان يشرب بزاف الى عندكم وتبعي النصائح
بقات حاجة انه ممكن راكي ديريه مسوس خاص ملح ديري وضوقي العجين امي ربي يرحمها كانت تقولنا كي يولي يتقطع خاصه الملح وانا صراتلي مرة زدت الملح جاو هايلين
ربي يسرلك

[ام ايمان16]

شوفي اختي استعملي دقيق مولا راه يجي شباب مش كيما كان يشرب بزاف الى عندكم وتبعي النصائح
بقات حاجة انه ممكن راكي ديريه مسوس خاص ملح ديري وضوقي العجين امي ربي يرحمها كانت تقولنا كي يولي يتقطع خاصه الملح وانا صراتلي مرة زدت الملح جاو هايلين
ربي يسرلك

شكرا اختي
بالصح راهم الاخوات قالو بللي مانديروش الملح مع الاول باش ماتتقطعش لاني انا نديرو مع الاول
وضرك راكي تقولي بللي كي درتي الملح مع الاول جاتك لعجينة مليحة

يعني من هنا نستنتج انو الملح ماعندوش دخل بنجاح لعجينة من تجاربكم

واش رايكم

[ام مريم الجزائرية]

الملح تديريه من الاول او الاخير ماعندو حتى دخل احنا عايلتنا نديرو الملح من الاول ويجو المحاجب والخبيز او المسمن هاااايلين

[بشـرى]

أنا ندير الملح مع الأول وتجيني العجينة مليحة ، مشكيتش الملح عندو علاقة
بصح كي نعجن منقطعش ونزيد الماء غير بالشوي وكي نخلص ندير كويرات ندهنهم بالزيت ونغطيهم بساشي نيلون ونخليهم يرتاحو ..... يخرجولي ملاح
السميد بصح منعرفش وينا المليح ، أمي لي تشوفو وتقولي اذا فيه علك ولالا ..... بالتوفييييق المرة الجاية ، وشكرا للحراير على النصائح استفدت منهم بزاف يعطيكم الصحة

[ام ايمان16]

شكرا ليكم اخوات هكذا نستفادو من تجارب بعضانا

[naiissou89]

اختي السر انك تعجني باليبوسية يعني ماترخفيهاش في ساع انا تصلحلي حتى ونوعية الدقيق ماشي مليحة وديري الما دافي شوية

[حورية عربية]

جميلةصنور رمزية

[حرة المسيلة]

اختى بالاك الماء سخون بزاف لانو الماء لازمو يكون دافئ برك صراتلي مرة وين كان الماء سخون بزاف فتقطعلي العجين وماصلحش بالتوفيق

[ام ايمان16]

انا نعجن لمحاجب بالماء البارد دايما من الحنفية؟
علاش تعجنوها بالماء الدافي؟يخي مافيهاش لخميرة؟

[chiraz16]

انا في ميزي راكي تشمخيها بزاف بالماء وتجيك مطلوقة كيما كان صاريلي انا هههههههههههههههههههههههههه لكن الان الحمد لله مع الاعادة افادة راني نخلي العجين شاد روحو ويجي يتفتح مليح اوثاني كي تجي تطبقي خفي الطبقات ماشي كي المسمن

[Maria dadi]

اختي ام ايمان مكانش لي ذاق محاجبي وماهبلش عليهم
إليك الطريقة جربي ورديلي خبر
دقيق استعملي بن حمادي رائع
فرينة استعملي ولاد الكرمي تهبل
خلطي زوج كيلات دقيق بكيلة فرينة شمخيهم في الليل بلا ملح
غطيه بكيس وخليه يبات
لغدوة اعجني شوية ومن بعد حطي الملح وعجني حتى يدخل الملح في العجين مليح وبداي تزيدي الماء بشوية حتى تتعجن
خليها ترتاح ومن بعد طيبي
ملاحظة كي تعود كمية الملح قليلة يعني مسوس العجين يتقطع ومايصلحش انتبهي

[Maria dadi]

ماء عادي بارد علاش دافيء مايزيد
ماينقص المهم في العجين

[خوخة40]

ضوف يا اختي انا نديرها بالسميد الارطب او المتوسط لكن ندفي الما في البداية و نلمها و ندخلها في بعضها و ما تطونش طرية بزاف

و من بعد نغلفها بالفيلم الغدائي و ربع ساعة من بعد نرجع ليها و نعاود ندخلها في بعضها و نرش الما غير بالشوية و هذا المرة تطرى العجينة اكثر و نعاود نغلفها بالفيلم

و بعر ساعة من بعد نعاود نفس العمل لكن المرة هذه نحط الملح في الماء

و من بعد العجن -- بلا تقطيع العجينة من بعضها - تلوزيها و تدهني وجهها بالزيت و تغطيها بنايلون و من بعد تكملي عادي