الإعتراف المرير .....

[مشكلتي]

السلام عليكم
أنا صاحبة مشكلة العروس المصدومة
http://www.djelfa.info/vb/showthread.php?t=1887151
راني في حالة و ما عرفت كيفاش ننصح أختي و خاصة بعد الحدث الأخير ....
طبعا بعد ما زوج أختي وعدها باش يبطل فعايلو و بدا يصلي زعمة في الجامع مي على حساب الشوفة كان يسكت فيها برك و كانت مجرد تمثيلية و البارح أختي اكتشفت أن ريمة عادت لعادتها القديمة و رجع يتواصل مع الفتاة فانهارت و خبراتو بلي علابالها بكلشي واش راهو صاير بيناتهم و ماراهيش راقدة على وذنيها و هو تشوكا و رجع غير يرجف و اعترفلها بالأعتراف المرير و قاللها انه كان على علاقة مع بنت خالتو و هي راحت خلاتو و تعرفت على شخص آخر و هو في هذيك الفترة شاف أختي و عجباتو و خطبها و تم الأمر بسرعة و عقدو عقد شرعي و مدني و أثناء فترة الخطوبة بنت خالتو رجعت ليه و رجعت العلاقة بيناتهم .....
و اختي قالتلو أنها رايحة تطلق منو و مارايحاش تبقى معاه .....و طبعا هو قعد يحلل فيها و يعتذر كي العادة ....
انا و الله عجزت ننصح أختي بنصيحة مناسبة مي في قلبي راني حابتها تتطلق منو مي ماشي ضركا حتى للعام الجاي باش الناس ما تخرجش فيها العيب و تزيد تكمل قرايتها على خاطر أختي راهي في عامها الجامعي الأخير .........
ادعيولها لأختي راهي في حالة انهيار تام و راهي شحال من مرة تطيح تدوخ في دارها وحدها ...و لي زاد الطين بلة عجوزتها لي دخلت البارح ليها و حطتلها سعدها في يدها و قالتلها كيفاش ما تجيش تزوريني بعد ما جيتي من داركم مباشرة على خاطر هوما يسكنو باب لباب و قعدت تعيط و تقوللها ماديتيش وليدي مزنقة وليدي عندو يماه و كلام آخر بزاااااف .....

[هالة اسماء]

السلام عليكم اختي صراحه قريت مشكلتك من الاول للاخير واش نقلك لاحول ولاقوه الا بالله
الله يهديه و اختك الله يصبرها و من رايي انو اختك ما تتقلقش في اتخاذ القرار عليها بالدعاء واللجوء الى الله يخرجها من المحنه الي راهي فيها فهذا ابتلاء ربما يتغير
عليها ان تصبر واعلم ان الصبر في هذه الحاله مر
ادعو لها من قلبي ان يفرج الله همها و يتغير زوجها الى الاحسن
اما الطلاق يا اختي في هذا الزمن ما يرحمش و اذا كان محتمل تخليه كأخر حل
الله هو الموفق
الله يهدينا و يهدي ازواجنا

[thorpe]

يا ختي للاسف ما نقدروش ننفعوك هنا بالكلام
لانو كل الخطوات لي ممكن تسمعيها من الاعضاء دارتهم ختك
الحل الوحيد الي ممكن يكون في صالح كامل الاطراف هو شوفو كيفاه تبعدو بنت خالتو عليه
لانو المشكل فيها قبل ما يكون فيه
قوليلها تجرب التهديد والرقابة
كي يكون بعيد على بنت خالتو الفاسدة هاذي (( لي كيفها راهم بزاف بزاف )) ممكن يتغير
هي فنفس الوقت تراقب وتشوف
هاكضا ما تتطلق ما تخرب بيتها ما والو
ربي يعين
حمد لله لي ما غلطتش غلطة عمري وتزوجت الحمد لله حقا
هههه وليت نخاف
سلام

[AMINA.Z]

احسن قرار ....و الاحسن تخرج من دارو و تتفاهم معاه يطلقها بتراضي
و امو ربي يسهل عليها ..بقالها غير همها ...دير روحها ما سمعت والو منها.
و اذا حبو يفهمو سبب الطلاق خليها تجمع الادلة و ترميهم في وجوهم باه
تسكتهم و يعرفو الزريعة اللي رباو كيفاه دايرة.
لا حول و لا قوة الا بالله
و حسبنا الله و نعم الوكيل فيه و في القمامة اللي معاه

[نورالهدى بيولوجيست]

يا اختي المرأة خاصة من نوع بنت الخالة لي كما وصفتي انها تخلط على الاق في 2 رجال :( الله يسترنا صعب يتنحو من الراس

يعني مادامو دارها في راسو و قبل انها ترجع ليه بعد ماراحت لوحداخر باينة انو انسان ماعندوش النيف (عذرا على القول) و هذا النوع صعب التعايش معاه

مع ذلك والله ماعرفت وش نقول اللي عليا ندعيلها ربي ييسر امورها و يهديها للقرار الصائب

لا حول ولا قوة الا بالله

[houda_jijel]

ربي يجيب الخير.ربي يصلح مابينهم يا رب

[ام رضوان]

السلام عليكم
اختي ماتحسبيش لهدرة الناس عاى حساب صحة اختك
والله قادرة تصاب بانهيار عصبي حاد وتطفر غير في صحتها
هذا الشخص مالازمش تتم معاه والحمد لله اللي اختك قارية يعني تم قرايتها وتخرج تخدم وما تدريش قادر ربي يعوضعا بخير من هذا الشخص
وعلاه تعيش معاه وتمرض روحها .

[أم سلوى]

انا قلتلك في الرد الاول تطلق....
لكن هناك مبادرة او محاولة منه يعني قابل للتغيير..فقط لم يستطع......
انا مريت من هكذا موقف....لكن حلف على المصحف ومن ذلك الوقت...شفي....نعم هو مرض..
فقط قولي الدعاء التالي..
بسم الله على زوجي وباسم الله على بيتي وباسم الله على كل شيئ اعطانيه ربي..وغيره هذا الدعاء يحفظه ويستره...جربيه..وتصالحي مع زوجك.....

[GOFRANEKRABI]

السلام عليكم اختي ربي يعينها ختك ، ماشي ساهلة عليها، عندها حل من زوج ، يا تطلق وطبعا ماشي هكاك ، ﻻ زم تعلم والديه ووالديها ومع وضع الادلة ، طبعا ، باه تكون حجتها واضحة ومقنعة وترد اعتبارها ، ، او تحارب على جال متخربش دارها ، وتقاوم ، باه ترد راجلها ، وفهد الحالة ﻻزمها تشوف كيفاه تهدد هد المخلوقة ، بفضح امرها امام عايلتها ، مع انو راني شاكة هد العبدة تخاف من حد اصلا ، ربي وخافتش منو ، والله الموفق

[souadamina]

قولي لأختك ماتخليش راجلها يروح من بين يديها تعرف كيفاه تكسبو وتروح لبنت خالتو تحطلها النقاط على الحروف وتسمعها الكلام ليليق بيها وتهددها.. ضرك الفاس طاحت فالراس ماعندها مادير راح تفسد حياتها على جال وحدة وتصبح مطلقة قولها كوني ذكية وماتعطيهاش فرصة باه تلعبلك بحياتك نتي لراكي حلالو ماشي هي .كوني نتي خير منو واصلحي بيتك وماتخليهاش تديلك راجلك من بين يديك علبالي بلي راكي مجروحة بصح كوني قدها ولعبي لعبك مليح نتي ثاني مرا ماشي غير هي ماتكونيش ضعيفة وتسلميلها راجلك على طبق من ذهب وتكوني نتي الخاسرة وهي الرابحة روحي عند عجوزتك وطلبي منها السماح وكسبيها في صفك .اعدلي راجلك ورجعيه الى الطريق المستقيم غير بالسياسة ماشي بالعياط ...ككككككككككككككككككككككككككككككككككككككووووووووو ووووووووني ذذذذذذذذذذذذذذذذذذكككككككككككككككككككككككككككككييي يييييييييييييييييييييييييييييييييييييييييييةةةةةةة ةة.

[ManouraHilwa]

انا ارى ان تحاول ملا عين زوجها بها هي صعيبة الحالة لكن هذا هو التحدي واظن ان معظم الازواج يمرون بهذه المرحلة وعليها الا تراقبه مادامت عرفت بل تعامله باحسن معاملة وهذا راهو مازال مراهق عليها ان تجعله يتجاوز هذه المرحلة بسلام والطلاق استبعده والله اعلم

[sarl02]

مدام هذا الرجل اعترف يعني راه حاس بالذنب لكن لا يستطيع في الوقت الحالي ان يتغير والامر ليس بالامر السهل خاصة عندما تكون امراة لعوب تحوم حوله ...لكن بداية الاعتراف دليل على ان هناك بذرة خير في نفسية هذا الانسان وقادر يهديه ربي ويتغير في اي وقت ....لا انصحك بالطلاق في هذا الوقت واسعي جاهدة وباستعمال كافة الوسائل المشروعة لابعاد زوجك عن هاته الفتاة ووفقك الله.

[القائدة]

و ما ادراك انت بشؤون الحياة حتى تنصحي اختك بالبقاء معه عام اخر من اجل كلام الناااس !
رح تقتلي اختك نتي وشبيك هذا
يا منا حابتها تطلق يا منا خلي نزيدو عام اخر علاجال الناس ! تلعب في الشطرنج ولا وش ؟ ثبتي روحك
و هاذي عجوزتها داخلة عليها بالقباحة كون جيت في بلاصتها كنت عصرت ولدها قدامها نخرج منو العفن تاعو كاااامل تحت رجلين امه ياخي هم ياخي الطفل يخون و يظلم و يهين و تزيد امه تحل في فمها و الطفلة ولات تدوخ خلاص ! رح تقتلوها حسبنا الله و نعم الوكيل
قلها تطلق منو اليوم قبل غدوة لاباس عليها مازالها صغيرة و اللي خلق ما يضيع راهي مضلومة و ربي معاها مايخليهلش و رح يعوضها سيد سيدو و نفكرك . الخوف انها تحمل منو و تتورط معاه من الاحسن لها تروح الان و تتخلص من حياة الهم و الغم و تكمل قرايتها ، بنات الناس مش لعبة
ربي منزل سورة كاملة على الطلاق و نتوما لصقتوها بالباطيكس لا حول ولا قوة الا بالله
الطفلة ولات تدوخ وحدها في الدار ! مانيش مصورة ! و لوكان تدوخ على طابونة وش يصرا ؟؟؟!! رح يقتلوها علاجال الناس ! طيب لماذا اذن حلل الله الطلاق مش. لأجل هكذا حالات ! ام انكم تفضلون موتها على ان تتطلق !

[القائدة]

السلام عليكم
اختي ماتحسبيش لهدرة الناس عاى حساب صحة اختك
والله قادرة تصاب بانهيار عصبي حاد وتطفر غير في صحتها
هذا الشخص مالازمش تتم معاه والحمد لله اللي اختك قارية يعني تم قرايتها وتخرج تخدم وما تدريش قادر ربي يعوضعا بخير من هذا الشخص
وعلاه تعيش معاه وتمرض روحها .

نعم الرأي بارك الله فيك

[القائدة]

و اللي يتكلم في الوسع و يقول معليش خليها تصبر و تكسب حماتها و تجذب زوجها وووووو .......... الراكب يقولهم صوقو

[الزوجة البارة]

لوكان جيت انا الصراحة نروح لام هدي الفتاة و نحكيلها اكيد بعد مندي عجوزتي معايا و نحكي لاهل زوجي لانو سعات الكبار الي يفريو المشاكل و هي عليها ان تتصرف بعقلانية الله غالب زوجها حب بنت خالتو و صعب باش ينساها بصح الزوجة المحبة تنسي الزوج في امو مش حبيبتو القديمة و شكون فينا الي تزوجت راجل عمرو محب من قبل بصح هنا يكمن كيد المراة الحلال في انها تجبد زوجها ليها و هي صغيرة ربي يبارك تعاملو بحب و تخرجو من الجو المكهرب الي يخليه يضن بلي عند بنت خالتو برك الي يلقى الهناء

[sarl02]

و اللي يتكلم في الوسع و يقول معليش خليها تصبر و تكسب حماتها و تجذب زوجها وووووو .......... الراكب يقولهم صوقو

انت التي تتكلمين في الوسع واقسم بالله لو كنتي مكانها لما كان هذا موقفك...اذا كان كل وحدة تطلب الطلاق من اجل نزوة عابرة في حياة زوجها لما بقيت اسرة واحدة ملتم شملها في هذا البلد...هناك مشاكل اكبر من هاته بكثير وتم احتواؤها بالعقل وتدخل الناس المصلحين وليس المفسدين وتم التوفيق من عند الله واستمرة حياة الاسرة ...تفكيرك وكل من تبنى موقفك تفكير ساذج ومامك كلامكم كلام منتديات وفقط وكانكم غائبون تماما عن مايجري في الواقع....لا حول ولا قوة الا بالله.

[sarl02]

هذا الرجل لن يتوقف عن عادته ومن اعترافه نعرف كل القصة

هو على علاقة غرامية مع بنت خالته ولكن الاخيرة قافزة وفايقة وذيبة تلعب على عدة حبال فحب هو ينتقم منها ويوجعها شاف اختك خبزة ساهلة

ولكن بنت خالتو قررت انها لن تقبل بتلك النتيجة ولازم هي لي تعمل الحركة الاخيرة فقررت اغوائه من جديد وهكذا لما تتركه تذله وليس له حركة اخرى يعملها لانه تزوج اصلا

يعني هي لي تفضها معاه ولا يجد شيئا يرد به عليها

المهم اختك راهي معمولة كورة فالماتش لي بيناتهم

والحل هو الطلاق والانتقام منه واذلاله عبر تركه وايضا تخريب علاقته ببنت خالته

......................

وهكذا يبقى ذليلا وحيدا لا الزواج ولا علاقة الغرام وتكون الضربة القاضية له على افعاله الدنيئة ولعبه ببنت الناس وسمعة عائلتها







يا العنابي موالف ماكش هاك ...وموالف تكون منطقي في تدخلاتك وموافقك ...واليوم راك تتكلم في كلام دردشة نساء ...حلل المشكلة بتفكير رجل واعي ورزين ومنطقي وردلي الخبر.

[ابراهيم داود]

بنات اليوم امرهم عجيب امام اول مشكلة تقوللك نطلق ونروح عند ماما... انصحيها ان تدافع عن زوجها فلو وجد منها الاهتمام لما لعب بذيله... صحيح انه اقترف اثما لا يغتفر وابان عن قلة المروءة.... لكن صبرك على هذا الابتلاء سيجنبك تدمير عائلتك... انصحك ان تخرجي اختك من المسلسل التركي التي هي فيه... وبالنسبة الاعضاء اللي راهم يتكلموا في الهوا وينصحوها بالطلاق نقولهم خافوا ربي...
ونقطة اخيرة اتعجب من هؤلاء الازواج المراهقين وطيشهم الصبياني... وطبعا بعضهم تجده اسدا في المنتديات يحلل ويحرم ويحدد الرجل من الذكر ويفتي ويكفر

[أم ريتاج زهرة]

يا أختي ربي يفرج همها يا رب و يبدل زوجها إلى الأحسن لكن الطلاق تخليه الحل الأخير و الله ها الزمن ىو الطلاق ما يرحمهاش أنا من رايي تزيد تهدده و تفهمه بلي بنت خالته خداعة و كن عينها فيه كن ما بدلاتاهش و تهدده بالطلاق و في هه الكومة من المشاكل عليها أن تأجل الحمل و الإنجاب و الله ما ساهلو عليها و إا ما فهمش روحو هو و بنت خالته تجيبها قباحة و تروح تكشفها عند بوها و خوها بالتوفيق أختي

[bello angel]

هذا الرجل لن يتوقف عن عادته ومن اعترافه نعرف كل القصة

هو على علاقة غرامية مع بنت خالته ولكن الاخيرة قافزة وفايقة وذيبة تلعب على عدة حبال فحب هو ينتقم منها ويوجعها شاف اختك خبزة ساهلة

ولكن بنت خالتو قررت انها لن تقبل بتلك النتيجة ولازم هي لي تعمل الحركة الاخيرة فقررت اغوائه من جديد وهكذا لما تتركه تذله وليس له حركة اخرى يعملها لانه تزوج اصلا

يعني هي لي تفضها معاه ولا يجد شيئا يرد به عليها

المهم اختك راهي معمولة كورة فالماتش لي بيناتهم

والحل هو الطلاق والانتقام منه واذلاله عبر تركه وايضا تخريب علاقته ببنت خالته

....................

وهكذا يبقى ذليلا وحيدا لا الزواج ولا علاقة الغرام وتكون الضربة القاضية له على افعاله الدنيئة ولعبه ببنت الناس وسمعة عائلتها



والله عجبت لردك ؟؟؟؟ تصور روحها معاه و تبعث لبنت خالو؟؟ كي الزوجة تدير هكا واش خلات لممثلات الاباحية ؟ ربي يهديك

اختي فهمي اختك بلي مهما تحس الدنيا تغلقت في وجهها يجي يوم و يتحل كلشي و بما انها حاطة الطلاق في راسها لبعد عام قلها تترك الامر لرب العباد و تكتفي بالدعاء رحمة ربي واسعة خليها ع ربي

تحط روحها كانها تطلقت تهتم بصحتها و صلاتها تتجاهلو تماما و الحل في الدعاااااااااااء

[*جزائرية مسلمة*]

السلام عليكم
نصيحة مني انها تخبر اهله بالامر كله باش ينصحوه. ويهدروا معاه ومع عائلة تلك الفتاة اكيد لن يرضوا لابنهم بهذا الامر الشنيع ...وربي يجيب الخير ويصلح حالو ويهديه للطريق المستقيم ويتوب توبة نصوحة