دورة الاستعداد لفصل الشّتاء بيتي مشرق كفصل الرّبيع [الأرشيف] - الصفحة 2

أم تغاريد

2015-10-11, 12:52

صباح الخير فراشات
كتبت تقرير كبير عن يومياتي تبلوكا الميكرو راح كلش
ان شاءالله نعاود نكتب كي نقعد درك عندي اشغال اسمحولي
مختصر القول راني نطبق معاكم بادن الله وخايفة ما نلتزمش بسبب النت تروح وطول باش تجي وثاني الوقت ما كانش خلاص
تطبيق الحوض راني ملتزمة بيه من زمان والحمد لله
تطبيق الجمال مرة على مرة نحاول نلتزم
تطبيق الخزانة تم
تطبيق السرير لم يتم راني حابة نشري ماطلة طبية هادوك لي يتنفخو لي تعرف نوعية مليحةتلحقني بيها في اسرع وقت جزاها الله كل خير

صباح الخير أختي البحر الصافي
يعطيك الصحة معليش اختي كي تلقاي وقت ديريه
وماشي مشكل في حالة ماقدرتيش تدخلي مثلا ليومين اكتبي تقرير اليومين لي فاتو
راكي مواظبة كملي ثبتي تطبيق تجهزي باش تفوتيهم كامل
بالنسبة للماطلة ماعنديش فكرة ان شاء الله يفيدوك الاخوات

صباحكم ورد و ياسمين يا احلى فراشات
تطبيق التجهز كان 8/10
اليوم نبدا لي تابل دونوي أن شاء الله

أحسنت أم وسيم
ربي يعاونك

موضوع روعة وجاء في وقتو و شكرا الاخت على هذاالمجهود القيم والاكيد الذي نستفيد منو جعله الله في ميزان حسناتك

آمين بارك الله فيك أختي
ومرحبا بك

سلاااام لبنات بارك الله فيكم اليوم شفت القسم نتاعكم ماشاء الله الله يعطيكم الصحة درتولي جرعة زائدة من النشاط راني بديت معاكم والان رحت سقمت التسريحة ونظمتها وديجا كنت منظمة الملابس نتاع الشتا
عندي سؤال الله يخليكم الي عندها تجربة مع هدا المشكل تعوني مشكورة
انا في الماريو نتاعي دايما حوايجي كي نخبيهم ونجبدهم نلقاهم صفرين والله مليت اعطوني حلولكم الله يجازيكم خير

وعليكم السلام ورحمة الله وبركاته
مرحبا بك أختي أم حبوبة
الاصفرار يأتي من قلة التهوية حاولي تهوي حوايجك باستمرار
كل يوم كي تنوضي افتحي التواقي ووايضا بيبان تاع الخزاين ادا تقيسهم الشمس روعة
وماتحطيش الصابون مباشرة فوق الملابس
اعتمدي الفكرة لي حطيناها
أهلا بك بيننا

اسعد الله صباحكم و طابت اوقاتكم

مرحبا بمن التحقن بسرب الفراشات بداية موفقة ان شاء الله

اولا سارجع قليلا للخلف لمراجعة مافاتني و لي رجعة بقريري ان شاء الله

أهلا وسهلا بك أم مؤمن افتقدناك في اليومين الماضيين
مرحبا بك ننتظر جديــــــدك

صباح الخير يا فراشات نتمنى راكم كامل بخير حقيقة يعطيكم الصحة بعثتو فيا الحيوية و النشاط و ما بقيتش نحس بالتعب كيما في الأول بالعكس أصبحت نحس بالمتعة عندما نعمل الأشغال اليومية بارك الله فيكن جميعا.
تطبيقاتي في عطلة الأسبوع الماضي:
يوم الجمعة استيقظت على الساعة 07h00 صباحا تجهزت 10/10 مكياج جميل +شعر مرتب+لباس أنيق+اكسسوارات ناعمة+عطر تم التطبيق
جهزت الفطور لي و لزوجي ثم جهزت الغذاء و تركته يطهى ( عملت طعام للغذاء) و مباشرة غسلت أواني الفطور و قمت بمسح الأرضيات للغرف و الصالون و المطبخ ,نظفت الحمام و المرحاض (أكرمكم الله) ثم قمت بتفوير الكسكس و جهزت مائدة الغذاء و بعد أن تناولناه غسلت أواني الغذاء , ارتحت قليلا ثم قمت للخزانة هههه
أخرجت كامل الثياب من الجهة المخصصة لي , مسحت الأرفف بعطر جميل تركتها للتهوية مدة 15 دقيقة ( على فكرة أنا عروس جديدة يعني خزانتي جديدة و لا توجد بها روائح كريهة) و رتبتها كالتالي:
الرف العلوي لأغطية السرير و المناشف و وضعت فيه مخدتين كانت موضوعتين خلف باب الغرفة ( تعرفون حالة البيت الجديد لا أملك بعد بلاكارات جاهزة لأخصصها للفراش) أما الرف الثاني فرتبت فيه ملابس الأعراس و المناسبات و الرف الثالث قسمته بين ملابس المنزل و ملابس الخروج العادية ( تنورات و بوديهات و ليكاتات) و الرف الأرضي وضعت فيه فراش سرير في علبة كبيرة أحضرته معي في الشورة و بعض الأغطية الشتوية.
ثم أفرغت النصف الثاني من الخزانة و هو جزء مشترك بيني و بين زوجي فيه رف واحد قمت بمسحه و الجهة السفلية مخصصة للتعليق في الرف وضعت حقائبي و ماليت الذهب و من تحت علقت أطقمي للخروج + أطقم زوجي و معاطفه و في الأسفل وضعت سلة تحتوي على شباشب خاصة بالمنزل.
أفرغت الجزء الثالث من الخزانة و هو الجزء المخصص لزوجي مسحت الأرفف و هويتها ثم خصصت الرف العلوي لقمصان و عبايات زوجي ( خاصة بالصلاة) و الرف الثاني لملابسه الداخلية و بيجاماته الرف الثالث قسمته بين قمصانه الصيفية و ملابسه الشتوية ( ملابس الخروج) طبعا السراويل علقتها في الجزء الثاني من الخزانة, أما في الرف الأرضي فوضعت سلة تحتوي على أحذية و بوشاتات الأعراس الخاصة بي + سلة حنتي).
في الحقيقة ترتيب الخزانة أخذ مني وقتا طويلا لكني أحسست بسعادة غامرة عندما رأيت النتيجة فالخزانة تبدو في غاية الترتيب و الجمال كما أنني استغللت المساحات التي كانت فارغة لأبتكر مكانا لمفرش السرير و المخدات التي كانت موضوعة خلف باب الغرفة قبلا و بالتالي كل الغرفة أصبحت تبدو أكثر تنظيما قمت بالتصوير و سأقوم بشراء كابل الكمبيوتر لتحميلها لكم في أقرب فرصة بإذن الله.
بعد الإنتهاء من الخزانة و تلميعها جهزت عشاءا خفيفا (شربة خضار+ لحم مقلي) ثم غسلت المواعين و لمعت الحوض (تم التطبيق) ثم أخذت دوشا سريعا و خلدت للنوم.
البارحة السبت نهظت على 07:00 صباحا تجهزت 10/10 تم التطبيق و كالعادة جهزت الفطور و قمت بمسح اللأرضيات و غسل الملابس ( لا أملك بعد غسالة ملابس) عند 10:00 حضرت الغذاء و اتجهت إلى غرفة نومي فأفرغت التسريحة و مسحت أدراجها جيدا ثم رتبت مكياجي حيث وضعت المكياج الجديد غير المستعمل في بوشات و المستعمل يوميا في بوشات أخرى (ساكة كانت مخصصة للحمام أفرغتها و خصصتها لمكياجي اليومي)ليسهل علي اقتناء ما يلزمني في الأيام العادية و خصصت علبة كانت لأعواد القطن وضعت فيها مساسيك و اكسسوارات الشعر) علبة خاتم زوجي فارغة فوضعت فيها مساسيك الخمارات و بالمقابل نزعت الجزء المخصص للخاتم لأضع فيه خاتمي بعد نزعه من يدي عند رجوعي للمنزل حتى لا يضيع كالعادة ههههه و وضعت أيضا قطع الصابون و قارورات العطور و deodorant و كريماتي و علبة مخصصة للمشط هذا الدرج الأول أما الثاني فرتبت فيه مناماتي (les nuisettes) و خماراتي و خصصت علبة كانت لطقم داخلي وضعت فيها ملابسي الداخلية الحميمة التي كنت أعاني لإيجادها عند تداخلها مع المنامات أما اليوم فانتهت معاناتي هههه
الدرج الأخير خصصته لأمور متفرقة ( سيشوار + ليسوغ+إكسسوارات التلفاز الذي اشتراه زوجي+ بعض الساكات الأنيقة لعلي أحتاجها في تقديم الهدايا للضيوف )
يعني الخزانة + التسريحة (تم التطبيق)
كنت أنوي إكمال طاولات النوم لكني لم أجد الوقت لذلك فقد قمت في المساء بطهو نوعين من الأكل ( واحد للعشاء و الآخر لغذاء و عشاء اليوم)و أعددت المطلوع كما تفرغت قليلا للمطبخ ( غسل السرافيط و بعض المقالي الصعبة الغسل) المهم بعد العشاء غسلت الأواني + تلميع الحوض (تم التطبيق)
آسفة على الإطالة للأسف ليس لدي انترنت في المنزل لذا لم أقدم تقريري في عطلة الأسبوع إن شاء الله اليوم سأكمل ترتيب طاولات النوم أما السرير فيوم الجمعة المقبل بإذن الله.
بارك الله فيكن يا أخواتي أم تغاريد و أم مؤمن على المبادرة الطيبة و تحية طيبة لكل الفراشات أتمنى لكن يوما موفقا سلام.

فراشتي آسيا 25
أهلا وسهلا ومرحبا
ممتازة على هاد التقرير المفصل تشكريــــــــــن عليه
تقريرك ممتع حقا!
أهنئــــــكِ وأشكرك على حرصك رغم عدم امتلاكك توصيل النت !
تنعمي ببيتك الجديــــــد وبأيامك الأولى فهي مهمة جدا
حاولي أن تحافظي على النظام دوما لأن الزوج يأخذ صورة عن زوجته من خلال ترتيبها لبيتها
ملأ الله بيتك بالبنين والبنات
ان شاء الله تحطيلنا الصور ونعلقو عليها رغم اني تخيلت ترتيبك من خلال الوصف يبدو كل شيء في مكانه المخصص له
أحســــــــنتِ
ربي يحفظك

يعطيك الصحة

الله يسلمك أختي مرحبا بك

om yousra

2015-10-11, 13:05

السلام عليكم حبيباتي الفراشات انا جيييييييييييييييت والله توحشتكم وتوحشت نهدر معاكم والله ماغبت عليكم كل يوم نطل عليكم ونعرف احوالكم اولا باول وراني معاكم ومع االتطبيقات وشنهي تطبيق تجهزي راني نص نص مزلت متعودتش ننوض طول للشغل ولي اسبابي الخاصة (بلا مانكسرلكم روسكم) ,كما اتقدم بتحياتي الى اختي ام تغاريد وام مؤمن ونشكركم على مجهوداتكم واختي ام صابرين بارك الله فيك توحشت حبيبتي بعيدة المنال نشالله تكون بخير وكل الفراشات الحبوبات الشاطرات نتمنالكم الهناء والصحة(

أم تغاريد

2015-10-11, 13:15

السلام راني جبتلكم مستحضراتي تاع التجميل اليومية ،http://www.djelfa.info/vb/showthread.php?t=1870582 كي كنت نخمل في التسريحة صورتهم و كاين الي مزال مصورتهمش

وعليكم السلام ورحمة الله وبركاته
يعطيك الصحة أختي أم عبد الله
الله يبارك عندك مجموعة متكاملة
ما شاء الله
ماذا عن الطبيعي ؟
السلام عليكم و رحمة الله
واش راكم يا فراشات

تطبيق تلميع الحوض لليلة امس تم التطبيق
تطبيق تجهزي 10/10تم و لكن بنسبة ضئيلة 5/10 لأانني صبحت بالام في البطن و اسهال اكرمكم الله فلم استطع التجهز كالعادة اكتفيت بالغسل و تغيير الملابس لم ارطب او اتزين ...
طاولات السرسر
قمت بترتيبها يوم الجمعة و لكن لم اتمكنمن ادراج الصور
رتبت الدرج الاول لطاولة زوجي

وهاذا فيه شاحن الهواتف+ كيتمان

و هذا درت فيه علبة شموع + باستي و الالة

و هذا درج طاولتي الاول فيه عطر و علكة و اجندا صغيرة

و الثاني درت كتيبات صغيرة نستعملهم بصفة مستمر

و هاذو رفقائي دائما أجنداتي الخاصة بالتخطيط ..الخ

هذا سطح طاولة زوجي

و هذا سطح طاولتي

و هذه التسريحة وضعت فوقها عدد قليل من العطور

و هذا حامل الشمعة و شمعة عطرية كانت هدية من صديقة و انا زينتها بالورود

اما هذه فعزيزة على قلبي كثيرا هدية سلمت لنا في الفندق ليلة زفافنا هي بسيطة و لكنها بالنسبة لي غالية جد

تطبيق السرير و تحضير الروتينات لم اقم به بعد راني مريضة شويا اذا زل عليا في المساء نحاول ندير حاجة و غدا ان شاء الله نكمل السرير

نراجع ما فاتني و لي عودة

وعليكم السلام ورحمة الله وبركاته
اهلا بك أم صابرين النشيطة
الحمد لله نحن بخير
لاباس عليك طهور إن شاء الله اختي
ربي يشافيك

ممتآآآزة ادراج طاولة السرير مررررررررتبة
فكرة وضع الاجندة في الدرج هايلة ( عاندوها يا الفراشات )

سطح طاولتي لسرير فاااارغ عليه اباجورة ناعمة فقط
أحســــنت هذا هو المطلوب
ملاحظة: الفيوزات شابين غاليتي لكن بانولي شوية صغار مقارنة بالطاولة لي هي كبيرة نوعا ما
لذا تقدري تعليهمش شوية بوضع شيء جميع اسفلهما
أبدعـــــــــــي

سطح التسريحة فااااااااااارغ أيضا وهذا هو المطلوب ماكاش التكداس
راهي هايلة الله يبارك
خصاتك شوية ورود برك كيما قلنا وتولي تحفة

ربي يحفظك أهنـــــــــئكِ
واصلي
شوفو الشطارة يا فراشات وديرو القلب

أم تغاريد

2015-10-11, 13:18

أم عبد الله ياسين2

2015-10-11, 13:49

أم عبد الله ياسين2

2015-10-11, 14:13

حبيبتي ام صبرين ، بالنسبة للعطور ، كاين قواعد لكان شتاء. او صيف اذا كان صيف اميل للخفيف و الشتاء العكس

انا نستعمل love in paris de nina ricci روعة هايل ، و نستعمل كذلكange ou dėmon , la haute couture , la petite robe noire هاذو هايلين و ماركة و ايضا سعرهم شوية غالي هادو تاع مناسبات او سهرات خاصة ههههه
اما العطور الأخرى التي أقضلها فكلها جزائرية و لكن من النوع الرفيع جدامثلا diplomate fabriquė ejn algėrie و المؤسسة جزائرية sopalux 2000 ايضا verona من نفس اامؤسسة ، le millionaire pour femme نفس المؤسسة ، و عندي ايضا وحدة اسمها همس الغرام جابهالي الزوج روععععة عندها ذكرى عزيزة بزاف ، عندي تاني mon fils de monti

Rati Ne

2015-10-11, 14:26

السلام عليكم جميعا اعجبني الموضوع كثيرا حبيت نشارك معاكم في الموضوع صورت داري قبل التطبيق و عند الانتهاء من التطبيق نصورلكم ادعيولي ربي يوفقني في ادراج الصور

ام مؤمن

2015-10-11, 15:40

اسلام عليكم طاب مسائكم احيتي

اولا اعتذر عن تقصيري الخارج عن نطاقي

و ثانيا ارحب بكل الفراشات الجديدات نتمنى لكم اقامة طيبة معنا في بستان الهمة و النشاط

استمتعت جدا بركن الطاولات الجانبية للسرين و كيفية تنظيف و ترتيب السرير و جاري التطبيق ان شاء الله

انتهيت من الخزانة و درجين من التسريحة و هذا المساء ان شاء الله نكمل الطاولات الجانبية للسرير و ادراج التسريحة المتبقية اما السرير فسياخد حظه غذا صباحا باذن الله و لازمني نقلب الماطلا على الوجه الخاص بالشتاء و احتمال ندير تنظيف عميق لغرفة نومي غذا ان شاء الله لانني قريبا عندي مناسبة عائلية في البيت و هو الشيئء اللي يخليني نعمل بسرعة و نحاول نكمل المنزل كله في وقت قياسي
اليوم الصالون اخد نصيبو و راهو 10 على 10 لكن انا 0 على 10 هههه لانني عندما انهمك في الاشغال اهمل نفسي

تطبيق الحوض الحمد لله عادة يومية لا اتنازل عنها من سنوات و الحمد لله

التجهز 5 على 10 الصراحة معنوياتي هابطة و اعاني من الارهاق كل تركيزي ينصب نحو انهاء ترتيب البيت

جداول الروتينات نحطهالكم في الرد الجاي ان شاء الله

رقية الناجحة حبيبتي توحشتك بزاف ربي ييسر امورك نحن بانتظارك انت و منال و ام نسيبة و الكثيرات

ام وسيم الله يباك راكي ناشطة شكرا على صور مستحضرات التنظيف

زهرة اللوتس تنورينا في كل وقت مراحب

حفيظة ربي يحفظك و ربي يطرح البركة راني كليت من البتي فور تاعك

ام ياسر الله يبارك شكرا على الصور راكي بالفعل افدتينا و امتعتينا

امال ام تغاريد جاوبتك على موضوع الروتينات حاولي تديري جداول تعمري فيها اعمالك الثابثة و الاوقات لمتغيرة امشي معاها حسب ظروف عملك ربي يوفقك

الاخوات رقة زمان شقية و لكن و البحر الصافي و كلكم بدون ذكر الاسماء شكرا على جو الحماس اللي تقدمو فيه

حبيبتي ام صابرين راكي قدوة ماشاء الله ربي يخليك فراشة مرفرفة في سماء الفراشات

اسيا ربي يوفقك راكي فراشة محلقة الله يبارك

ام ياسين فكرة المستحضرات رائعة هكذا نستفادو من بعض

حبيبتي ام تغاريد بارك الله فيكي راكي قايمة بالواجب مع الفراشات انا مازالني مع الطوارئ و نحتاج يوم او يومين ان شاء الله و نرتب اموري و نلتزم معكم اكثر ان شاء الله

في وسط الفوضى اللي راني فيها مانسيتش فكرتك خطوة نحو الهدف انا عندي بزاف حوايج حابة نتعلمهم و بزاف هوايات و من هواياتي المفضلة الطبخ و تخصيص وقت لتجريب وصفات جديدة و لانني اهملت هذه الهواية كي قريت كلماتك المشجعة صممت نمارس هوايتي و فتحت موضوع خاص بالكوزينة باش نتفرغ اكثر للوصفات الجديدة و لانني اهملت الطياب في الفترة الاخيرة اصبحت ندير حوايج خفاف برك مع اني عاجزة تقريبا عن تحميل الصور بسبب الانترنت لكن فتحت الموضوع بصور من الارشيف و اتابع الاخوات كتابيا

http://www.djelfa.info/vb/showthread.php?t=1874076
و ايضا موضوعك مع الاسف حاليا لااستطيع ادراج الصور

و لكنني لا اريد ان استسلم للطوارئ و استغني عن كل شيء

لي رجعة بالتطبيقات الجديدة للدورة ان شاء الله

ام مؤمن

2015-10-11, 15:47

ان لله و ان اليه راجعون

عظم الله اجركم اختي زهرة اللوتس و تغمد فقيدكم بالرحمة و الهمكم الصبر و السلوان

ربي يرحمو و ربي يصبر الوالدة و الوالد و الزوجة و يصبركم كلكم و الله من حسرتي مالقيتش واش نكتب ربي يجعلها اخر الاحزان ان شاء الله

اللهم تغمد روحه الطيبة بالرحمة و المغفرة و اسكنه فسيح جنانك و الهم ذويه و اهله الصبر و السلوان و الله يونس غربتك و يشرح صدرك اكثري من قراءة القران و الاستغفار و الدعاء اخيتي نحن معك و لن ننساك من خالص دعواتنا ان شاء الله

منال100

2015-10-11, 17:23

مساء الخير عزيزاتي
توحشتكم بزاف بصح الله غالب الوقت ما يكفيش وليت نتعب بزاف
المهم راني حاطة معاكم بلي نقدر عليها ام صابرين ام مؤمن ام تغاريد يعطيكم الصحة راكم قايمين بها
ام ياسين عطورك رائعة وقيلة خرجت عليك البقاء بالبيت راك وليت اكثر حيوية الحمد لله

يا زهرة اللوتيس عظم الله أجركم في فقيدكم وتغمده الله برحمته الواسعة والهم امك واباك وزوجة المرحوم وانتم جميعا الصبر والسلوان وجعل قبره روضا من رياض الجنة
هذه هي الدنيا سنة الله في خلقه ولا راد لقضاء الله استغفري ربك واكثري من قراءة القرآن وتذكري ما يحدث في فلسطين وما حدث مؤخرا في مكة بيت الله والحجيج الذين ماتوا
جعلها الله آخر الأحزان وان شاء الله تمر هذه الايام العصيبة بسرعة لتأتي اياما حلوة تفرحون فيها بأخيكم الثاني
انا اختي فقدت ابنها عمره 35 سنة ولم يكن متزوجا كانت تهم بزواجه فحزنت عليه وظننت انها لن تنسى هذه الفاجعة وبقدرة الله بعد عام زوجت ابنها الثاني وجعلت له حفلا كبيرا
هذه هي الحياة فلا اعتراض لمشيئة الله
فالحمد لله على كل حال والعمر طويل لأبنائه يدعون له ويتصدقون عليه
انا لله وانا اليه راجعون

خوخة02

2015-10-11, 17:29

خوخة02
نشكرك بزاف على مشاركتك معنا رغم متاعب الحمل
هذا هو تصرف المرأة القافزة لانو رايحة تغيبي على بيتك وبعدها تكوني نافسة
شحال من واحد يدخل دارك لازم تكون منقية ومرتبة
ربي يجعل بيتك منور بقدوم طفلك/طفلتك
ويسعدك به عمرا طويـــلا في طاعته

شكرا ليك حبيبتي ام تغاريد
صح والله غير نخمم من بعد الولادة اللي يجي عندي على هادا نحوس نظف داري باه من بعد تبقالي غير حاجة خفيفة ان شاء الله
اليوم غسلت الكسوة ونضفت الحمام عميق
راني مازال مادرتش الروتين اليومي ان شاء الله نضم روحي ونحطلكم البرنامج اليومي

هنو ام ياسر

2015-10-11, 17:34

صباح الخيرات
فاشيــتك أختي أم ياسر علابيها مارديتش عليك

اعذريني غاليتي مع كثرة الردود سوطيت المشاركة تاعك بلا ما نفيق
pouf ديالك شباب تسلم الايادي
تعجبني المراة لي تبدع في دارها ادير لمساتها
تقدري تزيدي عليه لمسة باللون الاخضر
واشرحي للفراشات من فضلك الطريقة لي خدميته بها بالاك تعاندك كاش واحدة
موفقة دائما اعذريني مرة أخرى
أنا أحرص على أن أرد عليكن جميـــــعا فإن نسيتُ إحداكنّ فمن غير قصد

يا خلعتيني اختي ام تغاريد يا لوكان انت تفاشيني انا ما نفاشيكش رب يخليك لينا والله غير راني حاسنة عونك رب يجازيك
لي عودة من بعد ان شاء الله و بالنسبة للبوف اذا صنعت واحد آخر نحط الطريقة بالصور طلباتك اوامر حبيبتي تكرم عينك

خوخة02

2015-10-11, 17:49

اختي زهرة اللوتس ربي يكون معاكم ان لله وان اليه راجعون وقدر الله ماشاء فعل

oum sabrin

2015-10-11, 19:07

مساء الخير حبيباتي
ما شاء الله على النشاط و رائحة النظافة
[/اهلا بكل الفراشات الجديدات في بستاننا الجميل:dj_17:
[COLOR="Magenta"][SIZE="6"][CENTER]غاليتنا ام تغاريد [COLOR="RoyalBlue"][SIZE="6"][CENTER]
[/عجبتني بنود القانون الجديد هي فكرة جميلة و تبعث الحماس
شكرا على الافكار المدرجة في ردك على تقرير طاولات السرير ساحاول تطبيقها كي نخرج نشري ازهار و نزين التسريحة و الاباجولرات مازال ما بانتلي حتى فكرة اذا عندك فكرة اكون لك ممتنة
على سلامتك حبيبتي رقية الناجحة ربي ييسر لك امورك نحن بانتظالرك حبيبة
ام وسيم
يعطيك الصحة على النشاط و بصحتك ما شريتي
اهلا بزهرة اللوتوس
[ حبيبتي عظم الله أجركم في مصابكم ربي يرحمو و يوسع عليه ربي يرزق الوالدة و الوالد و الزوجة و الاخوة و كل العائلة جميل الصبر و السلوان
لله ما أخذ و لله ما أعطى و لكل أجل مسمى انا لله و انا اليه راجعون
خليك معانا حبيبتي نوسوك و نخففو عليك في غربتك و مصابك راكي بين أخواتك قلبي معك.........
اختي حفيظة
أهلا بك واش راكي
يعطيك الصحة على النشاط لا داعي للشكر هاذا هو غرض الدورة تبادل الافكار و بصحتك العطر
اممممممممممم البتي فور راه يشهي شكرا على الدعوة
[COLOR="Magenta"][SIZE="6"]اختي هنو ام ياسر
بصحتك ما شريتي كل شيء شباب و شكرا لمشاركتنا مشترياتك يعطيك الصحة على ما صنعت ننتظر طريقة البوف
اهلا اختي البحر الصافي
لا شكر على واجب بصحتك
شقية لكن وفية
بالشفا عليك
فكرة الديكور و التكيت مليحة في الدورة ان شاء الله يكونو افكار من طرف الاخوات
شكرا على رابط الموضوع عجبني مازال ما كملتوش شكرا لك
رقة زمان
شكرا على الافكار
امولة الفراشات
راكي ناشطة ما شاء الله يعطيك الصحة
اهلا بالغالية ام مؤمن
شكرا على كلماتك الجميلة ربي يقدرك حبيبتي على اشغالك اشتقنا لردودك و مداخلاتك المفيدة مبارك عليك الكوزينة الجديدة و لي زيارة لك ان شاء الله موفقة
اختي اسيا
ما شاء الله تقريرك رائع و منظم جعلتيني اعيش معك نتائج الترتيب ربي يباركلك في صحتك و عائلتك و بيتك
حبيبتيأم عبد الله ياسين
يعطيك الصحة على ردك و على العطور ربي يخليك ريحة حبيبتي راني سجلتهم عندي باش نشري و نجرب مشكورة و ربي يقدرك على اشغالك حبيبتي
اهلا حبيبتي ام يسرى واش راكي و العائلة الكريمة هادي غيبة توحشناك فرحت بطلتك خليك معنا و شاركينا يومياتك

[CENTER]حبيبتي منال
على سلامك و الله افرح عندما اقرا اسمك اتنى تكوني بالف خير بلعقل على روحك ديري برنامج العمل كتابيا مع الروتينات راح يساعدك على تنظيم وقتك و ما تتعبيش كثيرا
في انتظارك و انتظار بقية الفراشات القديمات و الجديدات

بسمة امل الجزائر

2015-10-11, 20:44

امووووووووووووووووووووووووولة شكرا لكي حبيبتي على الوصفة ان شاءا لله نجربها

اختنا اللوتس عظم الله اجرك الله يعطيكم الصبر والله يجعل مثواه الجنة ان شاء الله

باقي الفراشات وعلى راسهم ام مومن وام تغاريد ان شاء الله تكونو في تمام الصحة والعافية

طيب بالنسبة لتقرير اليوم

بما اني ريحت شويا عملت تنظيف عميق للثلاجة وسيقت المطبخ هدا طبعا بعد ما وجدت الفطور الصباح لعائلتي وطيبت لغداء سباقيتي

ومن الناحية الجمالية عملت خلطة السدر لاخت كلزديا راني متبعتها والحمد لله بدات تجيبلي نتيجة لسقوط شعري

ومن بعد ما فرنا عملت دوش على الكيف وقمت باعتناء بنفسي من ناحية المشط وعملت كحل فقط لعينيا

وقريت وردي وغفيت شويا ومن بعد كالعادىة شربنا قهوة العشية ودرنا شربة للعشاء وخبز كوشة يمي يمي وسلاطة

تعشينا وغسلت المواعن ولمعت الحوض

خص فقط قبل النوم نعمل فازلين + بيتاميتازون شضكرتها الطبيبة لامي لتقق القدمين وبالفعل روووووووووووووووووووووعة

واني جيت تفقدتكم ثم نخلد للنوم

وغدوا ان شاءا لله رايحة نعمل كامل واش فاتني باه نصير معاكم قد قد

ليلتكم سعيدة واحلام هادئة سلاااااااااااااامو

البحر الصافي

2015-10-11, 21:12

السلام عليكم فراشات
ربي يحفظك اختي ام تغاريد على هذا الفضاء الرائع و كان الله في عونك
و سلامي كذلك لحبيبتي ام مؤمن و ام صابرين
و كل الفراشات جزاكن الله خيرا و ربي يدوم السعادة و ريحة النقاء في بيوتنا
يا رب
انا كنت نزلت للجزائر في العطلة السنوية لزوجي لمدة شهر
لكن شاء القدر ان يحصل لاخي الكبير حادث مرور خطير عمره 35 سنة و توفي،......انا لله و انا اليه راجعون......
ترك ولدين بنت3 سنوات وولد سنة واحدة ....
ارجو ان تدعوا بالرحمة و المغفرة و الصبر لامي .....
انا عندي اسبوع ماللي سافرت .....
قلبي مجروح على اولادوا و امي اللي ما قدرت تصبر
راني نكتب و الدموع ..........
نزلت باش نفرح بعرس اخي التاني تفجعت بعدها بوفاة اخي الاكبر...
ما قدرت نصدق و حاسة انو منام ...
الغربة اصبحت اكثر مرارة ...

لا تنسونا من دعواتكن اخواتي
و دعوة رحمة عليه و دعوة الصبر لوالدتي ...والدي

اعتذر ان اكثرت عليكم او افسدت فرحتكم و سعادتكم ...اعذروني ...
و لكن ...

اختكم في الله
ربي يرحمو اختي ويوسع عليه ادعولو بالرحمة وربي يتولى اولادو ويرعاهم برحمته

ان لله وان اليه راجعون

أم تغاريد

2015-10-12, 07:00

اختي ام تغاريد الطبيعي نستعمل صابون مغربي للجسم و زيوت للشعر زيت اركانالمغربي و زيت اللوز و طبعا زيت الزيتون و نستعمل ملح الحليب نخلط كمية من ادملح الرقيق مع نفس كمية حليب بودرة تخلطيهم و تستعمليهم كتقشير للجسم بحركات دائرية .

ما شاء الله الصابون المغربي وملح الحليب برك يكفو يعطو نعوووومة خيالية ننصح بهم كامل الفراشات خير من المستحضرات الاخرى
مرة على مرة اعطيلنا نصيحة في العناية الشخصية أختي أم عبد الله جزاك الله خيرا

السلام عليكم جميعا اعجبني الموضوع كثيرا حبيت نشارك معاكم في الموضوع صورت داري قبل التطبيق و عند الانتهاء من التطبيق نصورلكم ادعيولي ربي يوفقني في ادراج الصور
وعليكم السلام ورحمة الله وبركاته
مرحبا بكِ بين أخواتك
ننتظر بشغف رؤية تطبيـــــــــــقاتك
أهلا وسهلا بك

السلام عليكم فراشات
ربي يحفظك اختي ام تغاريد على هذا الفضاء الرائع و كان الله في عونك
و سلامي كذلك لحبيبتي ام مؤمن و ام صابرين
و كل الفراشات جزاكن الله خيرا و ربي يدوم السعادة و ريحة النقاء في بيوتنا
يا رب
انا كنت نزلت للجزائر في العطلة السنوية لزوجي لمدة شهر
لكن شاء القدر ان يحصل لاخي الكبير حادث مرور خطير عمره 35 سنة و توفي،......انا لله و انا اليه راجعون......
ترك ولدين بنت3 سنوات وولد سنة واحدة ....
ارجو ان تدعوا بالرحمة و المغفرة و الصبر لامي .....
انا عندي اسبوع ماللي سافرت .....
قلبي مجروح على اولادوا و امي اللي ما قدرت تصبر
راني نكتب و الدموع ..........
نزلت باش نفرح بعرس اخي التاني تفجعت بعدها بوفاة اخي الاكبر...
ما قدرت نصدق و حاسة انو منام ...
الغربة اصبحت اكثر مرارة ...

لا تنسونا من دعواتكن اخواتي
و دعوة رحمة عليه و دعوة الصبر لوالدتي ...والدي

اعتذر ان اكثرت عليكم او افسدت فرحتكم و سعادتكم ...اعذروني ...
و لكن ...

اختكم في الله
إنّا لله وإنّا إليه راجعون
لله ما أخذ وله ما أعطى وكلّ شيء عنده بأجل مسمى اصبري واحتسبي أختي زهرة اللوتس
هذا هو حال الدّنيا يوم فرح ويوم ترح
ولو كان النّهاية في الدّنيا لربما فقدنا عقولنا عند موت القريب والحبيب ولكن عزاؤنا أنّ هناك دارا أخرى سنلتقي فيها بأحبائنا إن شاء الله
رحم الله أخاك ورزقكم الصّبر والسّلوان أكثروا من الدّعاء له
أمّك تتألّم فكوني دائمة التّواصل معها كي تنسى كربتها
زوجته أوصيـــك بها خيرا ، فقد الزّوج مصيــــــــــــــــــــبة عظيمة أما رأيت أنّها تبقى في حداد أربعة أشهر وعشرا:
ربي يبدل محبتو بالصبر حبيبتي
وما مُلأ بيت ترحا إلّا مُلأ فرحا
الأيام الجميلة قادمة فتفاءلوا ~
وإن شاء الله تلقاي في لمتنا هذه ما ينسيك بعض ألمك
رانا كامل معاكْ
اسلام عليكم طاب مسائكم احيتي

اولا اعتذر عن تقصيري الخارج عن نطاقي

و ثانيا ارحب بكل الفراشات الجديدات نتمنى لكم اقامة طيبة معنا في بستان الهمة و النشاط

استمتعت جدا بركن الطاولات الجانبية للسرين و كيفية تنظيف و ترتيب السرير و جاري التطبيق ان شاء الله

انتهيت من الخزانة و درجين من التسريحة و هذا المساء ان شاء الله نكمل الطاولات الجانبية للسرير و ادراج التسريحة المتبقية اما السرير فسياخد حظه غذا صباحا باذن الله و لازمني نقلب الماطلا على الوجه الخاص بالشتاء و احتمال ندير تنظيف عميق لغرفة نومي غذا ان شاء الله لانني قريبا عندي مناسبة عائلية في البيت و هو الشيئء اللي يخليني نعمل بسرعة و نحاول نكمل المنزل كله في وقت قياسي
اليوم الصالون اخد نصيبو و راهو 10 على 10 لكن انا 0 على 10 هههه لانني عندما انهمك في الاشغال اهمل نفسي

تطبيق الحوض الحمد لله عادة يومية لا اتنازل عنها من سنوات و الحمد لله

التجهز 5 على 10 الصراحة معنوياتي هابطة و اعاني من الارهاق كل تركيزي ينصب نحو انهاء ترتيب البيت

جداول الروتينات نحطهالكم في الرد الجاي ان شاء الله
-----
حبيبتي ام تغاريد بارك الله فيكي راكي قايمة بالواجب مع الفراشات انا مازالني مع الطوارئ و نحتاج يوم او يومين ان شاء الله و نرتب اموري و نلتزم معكم اكثر ان شاء الله
في وسط الفوضى اللي راني فيها مانسيتش فكرتك خطوة نحو الهدف انا عندي بزاف حوايج حابة نتعلمهم و بزاف هوايات و من هواياتي المفضلة الطبخ و تخصيص وقت لتجريب وصفات جديدة و لانني اهملت هذه الهواية كي قريت كلماتك المشجعة صممت نمارس هوايتي و فتحت موضوع خاص بالكوزينة باش نتفرغ اكثر للوصفات الجديدة و لانني اهملت الطياب في الفترة الاخيرة اصبحت ندير حوايج خفاف برك مع اني عاجزة تقريبا عن تحميل الصور بسبب الانترنت لكن فتحت الموضوع بصور من الارشيف و اتابع الاخوات كتابيا

http://www.djelfa.info/vb/showthread.php?t=1874076
و ايضا موضوعك مع الاسف حاليا لااستطيع ادراج الصور

و لكنني لا اريد ان استسلم للطوارئ و استغني عن كل شيء

لي رجعة بالتطبيقات الجديدة للدورة ان شاء الله

أهلا أهلا بالغالية
راني حاسة بلي راكي في ضغط كبير
اجري واجري المناسبات هادو يخلونوا ندخلو في مارطون الشغل
بصح الله يبارك راكي محافظة على التطبيقات ما عدا تطبيق تجهزي علالبالي دوك غير تتفرغي شوية تلقايلو مكان في برنامجك
أهنئك وأهنئك وأهنئك كي حكمتي هواية تحبيها ودرتي فيها خطوة هايلة
شفت موضوعك على عجل الله يبارك على هاديك الاطباق تشهي ما شاء الله
الطبخ فن
لا تتوقفي طوري هاد الهواية ابحثي في المواقع جربي من راسك
شفتي شحال تفرحي كي يخرجلك طبق ويشكرو فيه
هاديك المشاعر رايحة تخلي عندك ايجابية كبيرة وتساعدك باش تحققي مشاريع اخرى
أحسنت موفقة إن شاء الله
ننتظر التطبيـــــقات الجديدة حتّى ندرجها في روتيننا اليومي

مساء الخير عزيزاتي
توحشتكم بزاف بصح الله غالب الوقت ما يكفيش وليت نتعب بزاف
المهم راني حاطة معاكم بلي نقدر عليها ام صابرين ام مؤمن ام تغاريد يعطيكم الصحة راكم قايمين بها
ام ياسين عطورك رائعة وقيلة خرجت عليك البقاء بالبيت راك وليت اكثر حيوية الحمد لله

يا زهرة اللوتيس عظم الله أجركم في فقيدكم وتغمده الله برحمته الواسعة والهم امك واباك وزوجة المرحوم وانتم جميعا الصبر والسلوان وجعل قبره روضا من رياض الجنة
هذه هي الدنيا سنة الله في خلقه ولا راد لقضاء الله استغفري ربك واكثري من قراءة القرآن وتذكري ما يحدث في فلسطين وما حدث مؤخرا في مكة بيت الله والحجيج الذين ماتوا
جعلها الله آخر الأحزان وان شاء الله تمر هذه الايام العصيبة بسرعة لتأتي اياما حلوة تفرحون فيها بأخيكم الثاني
انا اختي فقدت ابنها عمره 35 سنة ولم يكن متزوجا كانت تهم بزواجه فحزنت عليه وظننت انها لن تنسى هذه الفاجعة وبقدرة الله بعد عام زوجت ابنها الثاني وجعلت له حفلا كبيرا
هذه هي الحياة فلا اعتراض لمشيئة الله
فالحمد لله على كل حال والعمر طويل لأبنائه يدعون له ويتصدقون عليه
انا لله وانا اليه راجعون

مساء الخيرات فراشتي
صح الاعمال المنزلية كثيرة والاشغال الاخرى متراكمة
لكن حاولي اديري وقت ادا راكي تبعي معنا التطبيقات
كل فراشة رايحة يتقيم العمل تاعها
كيما قلنا باش نديرو جو من التنافس
أعطي كل ذي حقّه حقه بااش ما تتعبيش بزاف
ربي يبارك لك في يومك

طيب بالنسبة لتقرير اليوم

بما اني ريحت شويا عملت تنظيف عميق للثلاجة وسيقت المطبخ هدا طبعا بعد ما وجدت الفطور الصباح لعائلتي وطيبت لغداء سباقيتي

ومن الناحية الجمالية عملت خلطة السدر لاخت كلزديا راني متبعتها والحمد لله بدات تجيبلي نتيجة لسقوط شعري

ومن بعد ما فرنا عملت دوش على الكيف وقمت باعتناء بنفسي من ناحية المشط وعملت كحل فقط لعينيا

وقريت وردي وغفيت شويا ومن بعد كالعادىة شربنا قهوة العشية ودرنا شربة للعشاء وخبز كوشة يمي يمي وسلاطة

تعشينا وغسلت المواعن ولمعت الحوض

خص فقط قبل النوم نعمل فازلين + بيتاميتازون شضكرتها الطبيبة لامي لتقق القدمين وبالفعل روووووووووووووووووووووعة

واني جيت تفقدتكم ثم نخلد للنوم

وغدوا ان شاءا لله رايحة نعمل كامل واش فاتني باه نصير معاكم قد قد

ليلتكم سعيدة واحلام هادئة سلاااااااااااااامو

مرحبا بك أختي الوفيـــة
الله يبارك على الشطارة
راكي قايمة بالكوزينة من ناحية الطبخ
يبدو أنك تحبي اطيبي طوري هذه الهواية وأبدعي فيها
وواصلي اهتمامك بالجانب الجمالي حتى يصبح عادة من عادات يومك
ننتظر أن تلتحقي بنا في باقي التطبيقات
واصلي بهذا النشاط~

أم تغاريد

2015-10-12, 08:03

همسة جمالية :

تهمل كثير من النّساء منطقة القدمين في حين أنّهما يدخلان في تكويـــن مظاهر الأنثى النّاعمة بشكل أساسيّ :

رايحين نبداو إن شاء الله برنامج للعناية بهما مع الماء البارد سيبدأ التشقق في الظهور ونحن نريد محاربته لأنّه قاتل للأنوثة

مقشّر طبيعي للرّجلين : ( روتين الإثنين والجمعة)

المكونات:

معلقتين سكر خشن كبيرة
معلقة زيت لافندر - مضاد للجراثيم و الالتهابات و معطر للقدم-.
معلقة زيت إكليل الجبل

كيفية استعماله :
1-اغسلي رجليك بالمياه الدّافئة
2-اخلطي المقادير وافركي بها قدميك بحركة دائرية مدّة 3 دقائق وافركي الكعبين باستعمال الحجر المخصص للرجلين
3-اغسلي رجليك بمياه دافئة ثم بمياه باردة
4-جففيهما
5-رطبيهما بالكريم المتوفر لديك أو بالفازلين مضاف إليه قطرات من الليمون(للتبيض)

العناية اليومية بالقدمين (روتين قبل النّوم)
1-غسلهما بالماء الدافئ والمح
2-تجفيفهما جيّدا خاصة بين الأصابع
3-ترطيبهما بالفازلين ( البسي جوارب قطنية خليهم نصف ساعة أو ساعة ونحيهم)

حتى نبدأ في ترسيخ العادات الجمالية في يومنا ماكترتش عليكم الوصفات والخلطات
فحاولن الالتزام بها سيصبح تطبيق العناية بالقدمين قبل النوم مقيّما ابتداء من اليوم

فأقبلن لندلّل أنفسنا الّتي ننهكها طيلة اليوم بالأشغال~

مسلمة81

2015-10-12, 09:32

فراشات العمر

2015-10-12, 09:47

السلام عليكم
توحشتكم بزاف بزاف والله راني صفر تهت مع الدراسة تاع اولادي والتحميلات وووووووو
فاتني الكثير اف واش ندير
نحاول نرجع للصفحات لي مرو بلاك نلحق بيهم اذا قدرت مع التربية تاع رائد والرضاعة الجانب الجمالي صفر
الاخت لي توفى اخوها نقلها عذم الله اجركم ربي يصبر لميمة والوالد كل نفس ذائقة الموت ان لله وان اليه راجعون

sara8387

2015-10-12, 09:49

بسمة امل الجزائر

2015-10-12, 11:28

صباح الخير فراشات الغاليات واش كاش نشاط كاش حيوية ههههههههههههههههههه لازم تكون مثابرات

بانسبة لعمل اليوم غرفة الوالدة تمام التمام
من ناحية الجانب الجمالي قمت بواجبي على احسن وجه

كدلك نظفت البيت بالمنكسة فقط لانو نظيف والحمام سيقته مليح

حظرنا فطور والخبز اليوم شريت حتى للمساء ان شاء الله نعجن

ام تغاريد شكرا على النصائح للقديمين الحمد لله اني مواضبة عليهمو راهم هايلييييييييييييييييييييين

صحا فطوركم ونتلاقاو في الليل

بسمة امل الجزائر

2015-10-12, 11:32

أم عبد الله ياسين2

2015-10-12, 11:34

سلام عليكم صباح الخير ، اختي زعرة اللوتس عظم الله اجركم اختي و رزقكم الصبر ماوعدنا ربي بحياة اختي ، الموت صعيب خاصة اذا كان مقرب ما عليكم الا الدعاء له

تطبيقي للحوض تم و الحمد لله ، تطبيقي للناحية الجمالية كان عندي روتين ماشية عليه هايل لبارح مطبقتوش تعبت و كان الروبيني تاع الماء السخون فاسد و مزال مسقموش ليوم نفشش روحي مليح

بالنسبة للسرير معملتوش الماتلة ثقيلة و الزوج قالي في المساء يعوني الطبيبة مانعتني نرفد الثقيل ، اعمالي اليومية نضت الصباح صليت و خملت على السريع عطيت للزوج القهوة عاودت وليت رقدت شوية ، عاودت نضت على 9. سيقت و درت فطور وليدي ،. و راني قاعدة دوكا ، ايا سلااام.

يوم موفق للجميع

بسمة امل الجزائر

2015-10-12, 11:35

صباح الخير فراشتتي متابعةوفية لكل ماتقومون به يعطيكم الف صحة علي ماتقومون به ..بالنسبة للبس الجوارب بالليل فهذه طريقة غير صحية للأنها لا تسمح بتنفس الجلد جيدا ..لما لا يكون لبس الجوارب خلال القيام بعملية التنظيف الصباحي ..تسياق...لمدة ساعة او ساعتين ..وننزع ..لمن شاف ولا من دري....هاهاها ..ونكتفي بالكريم الليلي للرجلين سلاااااااام

شكرا لكي حبيبتي على الملاحظة بالصح الاخت قالت نصف ساعة ونحيهم يعني ماناش رايحين نباتو بيهم

وانا مرات نعمل بفكرتك اول ما نفطر ونبدا شغل البيت نعمل الفازلين مع بيتاميتازون ونلبس جوارب ونقضي حوايجي ومع الاخير نحكهم بالحجر الخاص بالقديمين ونشفهم مليح

بورك فيك غاليتي

بسمة امل الجزائر

2015-10-12, 11:36

أم عبد الله ياسين2

2015-10-12, 12:18

اي تذكرت يا ام عبد الله صح الصابون المغربي روووووووووووووووووعة وانا نستخدم كالاتي

نجيب شويا من الصابون المغربي + ملعقة حناء+ملعقة سدر ونعملها كامل لجشمي مدة ربع ساعة او نصف ساعة ومن بعدنكيس تشوفي كامل الخلايا الميتة من الجسم طارت وصار جسمك ناااااااااااااااااعم مثل البيبي

اختي انا كذالك استعمل الصابون المغربي الحر جارتي مغربية اجيبلي بكميات هائلة يسمى الصابون البلدي هو حقا روعة امي كي شافتو قاتلي بكري نقولولو صابون دزاير انصح كل وحدة تستعملو

samira135

2015-10-12, 12:20

السلااااااااااام علييييكم

يعطيييييييكم الصحة ام مؤمن و ام تغاريد

ممكن ننظم معاكم ولا فات التسجيل

لبارح برك شفت هذي الدورة لبارح رتبت التسريحة و اليوم هبطت كااااااااامل الملابس لي في الخزانة و فرزت ملابس الشتاء وحدهم و الصيف و حدهم ورتبتهم رجعت خزانتي منظمة وهذا بفضل تحفيزكم

وبلا ما ننسى حوض المطبخ لبارح رجعتو ييييبرق

وغدوة باذن الله ندير تنظيف عميييييييق للمطبخ

الصراحة هذي الفترة اهملت بيتي بسبب تعب الحمل مي من اليوم بااااااااذن الله راح يرجع بيتي نظييييف ومرتب

Om-Mehdi

2015-10-12, 12:32

السلام عليكم فراشات
ربي يحفظك اختي ام تغاريد على هذا الفضاء الرائع و كان الله في عونك
و سلامي كذلك لحبيبتي ام مؤمن و ام صابرين
و كل الفراشات جزاكن الله خيرا و ربي يدوم السعادة و ريحة النقاء في بيوتنا
يا رب
انا كنت نزلت للجزائر في العطلة السنوية لزوجي لمدة شهر
لكن شاء القدر ان يحصل لاخي الكبير حادث مرور خطير عمره 35 سنة و توفي،......انا لله و انا اليه راجعون......
ترك ولدين بنت3 سنوات وولد سنة واحدة ....
ارجو ان تدعوا بالرحمة و المغفرة و الصبر لامي .....
انا عندي اسبوع ماللي سافرت .....
قلبي مجروح على اولادوا و امي اللي ما قدرت تصبر
راني نكتب و الدموع ..........
نزلت باش نفرح بعرس اخي التاني تفجعت بعدها بوفاة اخي الاكبر...
ما قدرت نصدق و حاسة انو منام ...
الغربة اصبحت اكثر مرارة ...

لا تنسونا من دعواتكن اخواتي
و دعوة رحمة عليه و دعوة الصبر لوالدتي ...والدي

اعتذر ان اكثرت عليكم او افسدت فرحتكم و سعادتكم ...اعذروني ...
و لكن ...

اختكم في الله

انا لله و انا اليه راجعون
ربي يرحمو و يغفرلو و يجعل مثواه الجنة ربي يصبركم إنشاء الله

Om-Mehdi

2015-10-12, 12:42

سلام
ليوم شفت الدورة ربي يجعلها في ميزان حسناتكم
إنشاء الله نلحقكم"

أم تغاريد

2015-10-12, 12:53

السلام عليكم انا جديدة معاكم وراني نحاول نطبق البرنامج بحذافيره من صلاة الفجر الى الاذكار و الورد و طبعا تلميع الحوض اما بالنسبة للخزانة كملتها و راني مع العناية الشخصية و طبعا حبيت نشكر الاخوات اللي راهم يساهمو في بعث روح النشاط و ربي يخليكم سلام

وعليكم السلام ورحمة الله وبركاته
مرحبا بك أختي مسلمة بين أخواتك
اللهم بارك كملي هكدا حاولي اديري برنامج روتيناتك اليومية
وتبعينا ان شاء الله نستافدو كلنا
اهلا بك

السلام عليكم
توحشتكم بزاف بزاف والله راني صفر تهت مع الدراسة تاع اولادي والتحميلات وووووووو
فاتني الكثير اف واش ندير
نحاول نرجع للصفحات لي مرو بلاك نلحق بيهم اذا قدرت مع التربية تاع رائد والرضاعة الجانب الجمالي صفر

وعليكم السلام ورحمة الله وبركاته
اهلا بك اختي فراشات العمر
ان شاء الله تقدري تلتحق شوفي حنا رانا نستعدو للشتاء:
بدينا بغرفة النوم :
-ترتيب الخزانة
-ترتيب التسريحة
-ترتيب طاولتي السرير
-تنظيف السرير

التطبيقات عندنا يوميا:
-تطبيق تلميع الحوض
-تطبيق العناية الشخصية صباحا
-تطبيق العناية بالقدمين (اليوم بديناه)
أنتظر نشاطك أخيتي

صباح الخير فراشتتي متابعةوفية لكل ماتقومون به يعطيكم الف صحة علي ماتقومون به ..بالنسبة للبس الجوارب بالليل فهذه طريقة غير صحية للأنها لا تسمح بتنفس الجلد جيدا ..لما لا يكون لبس الجوارب خلال القيام بعملية التنظيف الصباحي ..تسياق...لمدة ساعة او ساعتين ..وننزع ..لمن شاف ولا من دري....هاهاها ..ونكتفي بالكريم الليلي للرجلين سلاااااااام

صباح الخيرات سارة
اهلا وسهلا بك نعم بارك الله فيك عدّلت المعلومة وخليتها ساعة قبل النّوم
لكن أؤكد انو تكون كي تجي ترقدي وتدخلي فرااشك ولو نصف ساعة ومبعد نحو الجوارب ونخلو الرجلين ترتاح طيلة الليلة
كوني معنا وأفيدينا دوما مرحبا بك

صباح الخير فراشات الغاليات واش كاش نشاط كاش حيوية ههههههههههههههههههه لازم تكون مثابرات
بانسبة لعمل اليوم غرفة الوالدة تمام التمام
من ناحية الجانب الجمالي قمت بواجبي على احسن وجه
كدلك نظفت البيت بالمنكسة فقط لانو نظيف والحمام سيقته مليح
حظرنا فطور والخبز اليوم شريت حتى للمساء ان شاء الله نعجن
ام تغاريد شكرا على النصائح للقديمين الحمد لله اني مواضبة عليهمو راهم هايلييييييييييييييييييييين
صحا فطوركم ونتلاقاو في الليل

صباح النشاط فراشتي الوفية
وليتي بقوة الله يبارك
أحســــــــنت أشجعك على المواصلة يا الشاطرة
بالنسبة لغرفة الوالدة كملتي الخزانة التسريحة طاولتي النوم؟
كملي لتطبيق الحوض وتدي النقطة كاااااملة

سلام عليكم صباح الخير ، اختي زعرة اللوتس عظم الله اجركم اختي و رزقكم الصبر ماوعدنا ربي بحياة اختي ، الموت صعيب خاصة اذا كان مقرب ما عليكم الا الدعاء له

تطبيقي للحوض تم و الحمد لله ، تطبيقي للناحية الجمالية كان عندي روتين ماشية عليه هايل لبارح مطبقتوش تعبت و كان الروبيني تاع الماء السخون فاسد و مزال مسقموش ليوم نفشش روحي مليح

بالنسبة للسرير معملتوش الماتلة ثقيلة و الزوج قالي في المساء يعوني الطبيبة مانعتني نرفد الثقيل ، اعمالي اليومية نضت الصباح صليت و خملت على السريع عطيت للزوج القهوة عاودت وليت رقدت شوية ، عاودت نضت على 9. سيقت و درت فطور وليدي ،. و راني قاعدة دوكا ، ايا سلااام.

يوم موفق للجميع

وعليكم السلام ورحمة الله وبركاته
فكريني أختي أم عبد الله الغرفة كملتي كل شي بقالي السرير فقط؟
بالنسبة لتطبيق تجهزي حاولي تعوضي واش فاتك
ربي يعينك فراشتي

السلااااااااااام علييييكم

يعطيييييييكم الصحة ام مؤمن و ام تغاريد

ممكن ننظم معاكم ولا فات التسجيل

لبارح برك شفت هذي الدورة لبارح رتبت التسريحة و اليوم هبطت كااااااااامل الملابس لي في الخزانة و فرزت ملابس الشتاء وحدهم و الصيف و حدهم ورتبتهم رجعت خزانتي منظمة وهذا بفضل تحفيزكم

وبلا ما ننسى حوض المطبخ لبارح رجعتو ييييبرق

وغدوة باذن الله ندير تنظيف عميييييييق للمطبخ

الصراحة هذي الفترة اهملت بيتي بسبب تعب الحمل مي من اليوم بااااااااذن الله راح يرجع بيتي نظييييف ومرتب

وعليكم السلام ورحمة الله وبركاته أختي سميرة
الله يسلمك أهلا بك بيننا مافاتش الوقت مرحبا بك
راكي دخلتي معولة الله يبارك
كملي بهاد الحماس
شوفي حبيبتي :
بدينا بغرفة النوم :
-ترتيب الخزانة
-ترتيب التسريحة
-ترتيب طاولتي السرير
-تنظيف السرير

التطبيقات عندنا يوميا:
-تطبيق تلميع الحوض
-تطبيق العناية الشخصية صباحا
-تطبيق العناية بالقدمين (اليوم بديناه)

وكاين تنافس بين الفراشات فكوني من السباقات

-----------------

om-mehdi

وعليكم السلام ورحمة الله وبركاته

مرحبا مرحبا بكِ

ننتظر أن تلتحقي بنا شوفي واش فاتك وحاولي اديري واش قدرتي

اهلا وسهلا

أم عبد الله ياسين2

2015-10-12, 13:25

أم تغاريد

2015-10-12, 13:45

السّلام عليكم
فراشاتي
أنا أيضا راني نطبق معاكم الغرفة كملتها الحمد لله بقالي غير تنظيف الأرضية

هذه بعض الصور لرحلة الترتيب :

الخمارات لي مانلبسهمش بزاف درتلهم هكدا وخبيتهم في الرف السفلي مع ملابس الصيف:

http://gulf-up.com/do.php?img=13814 (http://gulf-up.com/)

هنا ستفت لي بينواغ :
http://gulf-up.com/do.php?img=13815 (http://gulf-up.com/)

السرابت بدلتهم بلاصة :
http://gulf-up.com/do.php?img=13819 (http://gulf-up.com/)

هادو البيجامات خبيت السراويل القصيرة واحتفظت بالباقي لانو داري دافية:
http://gulf-up.com/do.php?img=13813 (http://gulf-up.com/)

iهاد الخمارات لي نلبسهم بزاف
http://gulf-up.com/do.php?img=13820 (http://gulf-up.com/)

خيرت منهم الخمارات لي يزلقو وحطيتهم في علبة :
http://gulf-up.com/do.php?img=13821 (http://gulf-up.com/)

هنا بعض حجاباتي وجلابيبي حطيتهم مع السراويل والتنانير في مكان السرابت سابقا :

http://gulf-up.com/do.php?img=13824 (http://gulf-up.com/)

هادو الدراوات والستائر درتهم في الرف السفي

http://gulf-up.com/do.php?img=13825 (http://gulf-up.com/)

http://gulf-up.com/do.php?img=13826 (http://gulf-up.com/)

هادو الجوارب :
http://gulf-up.com/do.php?img=13827 (http://gulf-up.com/)

بعض جوارب زوجي
http://gulf-up.com/do.php?img=13828 (http://gulf-up.com/)

حطيتهم مع الصيكان في هاد الرف :

http://gulf-up.com/do.php?img=13834 (http://gulf-up.com/)

la garde robe

http://gulf-up.com/do.php?img=13830 (http://gulf-up.com/)

باقي الرفوف ماصورتهاش فيها ملابس زوجي والملابس الداخلية وقمصان النوم رتبتهم بطريقة هاااايلة الحمد لله

غير نفتح خزانتي نفسي تنشرح رائحة الصابون تعبق وكل شي في مكانو

كي نفرغ نزيد نحطلكم رحلة ترتيب التسريحة

راني سرقت شوية من وقتي وحطيتلكم الصور باش تتشجعو

ربي يوفقكم كااااامل

رقة زمان

2015-10-12, 14:02

بارك الله فيك ام تغاريد قمه في الروعه والنظافه والترتيب شكرا شكرا لهاد الموضوع الاكثر من رائع والي يبث الحماس لربات البيوت

oum sabrin

2015-10-12, 14:17

السلام عليكم فراشات واش راكم
تلميع الحوض لليلة البارحة تم التطبيق
التجهز 08/10 تم التطبيق
اليوم الصباح نضت مع الفجر صليت الحمد لله صبحت مليحة خير من البارح و ما رجعتش نمت غسلت غيرت ملابسي اليلية مشطت ماكياج ناعععععععععععم و عطر خفيف
حضرت فطور الصباح شربت قهيوتي و انطلقت
درت صوص البيتزا تطيب و العجينة درتها و خليتها تخمر
رحت نوضت بنتي حضرتها للذهاب للمدرسة و بعد ذهابها انطلقت في تطبيق السرير و استغليت فرصة عدم ذهاب زوجي باكرا لكي يساعدني في اخراج المدربة تتشمس لانها ثقيلة
في المساء اوافيكم بالتقرير المصور لانني الان مازال ما فرشت الغرفة حتى يجي زوجي يساعدني
شكر ا حبيبتي ام تغاريد على الهمسة الجمالية سابرمجها مع روتيناتي جاري التطبيق ان شاء االله
تحياتي للكل الفراشات و اهلا بالوافدات الجديدات

selma 1993

2015-10-12, 14:33

السلام عليكم حبيباتي كيف الهمة ان شاء الله عالية انا عندي مشكل بالنسبة للخزانة فيها رف واحد برك من فوق و الباقي كله للتعليق و حنا معظم البستنا تطبق وليت كي نطبقها لعلو مرتفع تسقط بسرعة لمجرد لمسها او حتى لمجرد غلق باب الخزانة أرجو المساعدة بافكاركن و شكرا لكن
:mh31:
نفس المشكلة كنا نعانيو منها .ولجانا لاضافة ارفف لجهة باه تكفينا و نطبقو فيها لبستنا وخلينا الجهة الأخرى للتعليق

بسمة امل الجزائر

2015-10-12, 14:33

ام مؤمن

2015-10-12, 14:49

طاب مسائكم احبتي

كما وعدتكم هذا نموذج عن روتيناتي للدورة السابقة مازلت اتقيد به و ان شاء الله ساحاول جدولة روتيناتي الثلاثة على اجندتي مع تعديلات بسيطة فقط و ايضا ساقوم بانشاء جدول التنظيفات الاسبوعية الخاص بي

http://cdn.top4top.co/i_c9ee115db71.jpg (http://up.top4top.net/)

و انتم يا فراشات اين هي جداول روتيناتكم و هل حاولتم كتبتها على اجنداتكم

amel...

2015-10-12, 14:53

مساء الخير عليكم و ان شاء الله راكم ملاح يا اجمل فراشات ....

اختي زهرة اللوتس عظم الله اجركم

البارح مقدرتش ندخل كنت عيانة بزااااف خدمت من 8 حتى 4 و الله روحت ميتة بالعيا

المهم بالنسبة لتطبيق تجهزي اكيد تم التطبيق و الحمد لله

كي روحت في المساء درت ترتيب بسيط جدا لاجزاء البيت و بعدما تعشينا درت الكوراج و تفكرت الحماس لي فالدورة و غسلت الماعن

و نظفت الحوض والمطبخ و الحمد لله تم التطبيق

بقيت سهرانة شوية كملت خدمتي و قبل النوم درت عناية شخصية و درت ترطيب للقدمين بالفازلين ... و اليوم راني لقيتها بلي ولات من

التطبيقات اليومية ....

اما بالنسبة لليوم نضت و جهزت نفسي و الحمد لله تم التطبيق و رحت نحدة , مروحتش حتا للوحدة ... كي

روحت ريحت شوية و رتبت الملابس لي غسلت بالسبت في مكانها الله غالب مقدرتش البارح, وكملت رتبت الاسرة لكن مش 10/10 خليتهم

ليوم الاربعاء نع التنظيف العميق للبيت

حبيت نمدلكم اقتراح للعاملات كيما انا و هي طريقة ديما نعمل بيها ... مداية سانتر كي نروح من الخدمة نعلق فيه ملابس العمل باه نلقاهم

جاهزين غدوة ... و في الغد كي نروح نخدم نعلق فيهم ملابس البيت باه كي نروح نلقاهم واجدين و متنفسين مليح .... ضرك جيت نطل

عليكم و لي تكمله لتقريري في المساء

amel...

2015-10-12, 15:02

ام تغاريد بالنسب للصور انا ممكن منقدرش لانو الهاتف لي نمشي بيه منقدرش نرسل منو الصور ... رايحة نقدر نصور فقط في الويكاند

بهاتف اختي فهل فهل ممكن و ان تعدر علي دلك فهل هطا مقبول

راني مزلت مع برنامج الروتينات في المساء نكنبو راني نزيد نشوف تع ام مؤمن قبل و اذا قدرت نصورو في نهاية الاسبوع و هو في الاجندة

سلام يا فراشات

ام مؤمن

2015-10-12, 15:06

اليوم باذن الله سنضيف تطبيقين جديدين الى تطبيقاتنا السابقة

و الكل ملتزم بالتطبيق ان شاء الله مع مراعاة الالتزام بالتطبيقات السابقة طبعا

تطبيق 15د الاماكن الساخنة:
تطبيق اليوم:

في ورقة جانبية اكتبي كل الاماكن الساخنة في بيتك

ما معنى الاماكن الساخنة؟؟!!
الاماكن الساخنة هي التي تعج بالفوضا..
خزانة، درج، بيت كاملة، حمام، بلاكار، بيبليوتيك..
اي نقطة في بيتك فيها الفوضى ولازملها الترتيب
اكتبيها في تلك الورقة

ثم امسكي كل نقطة ساخنة و خصصي لها 15 د في اليوم فقط
قلت 15د فقط
نعرف هناكفراشات موسوسات تحب ان تقضي على المهمة كلها ضربة وحدة
و تاخذ فيها ساعتين و هي تعمل و من بعد اطيح فالفراش كي الدودة
و تعجز تقوم بباقي المهم اليومية نتاعها
و اول ماراح تتنازل عنه هو حقها اليومي في العناية و الاهتمام

اذا قلت تخصص 15 د يوميا للعمل على تلك النقطة الساخنة
اذا كملتها في 15د الله يبارك
اذا لا يمكنلها تكملها في الايام الموالية بمعدل 15د كل يوم

ما ستقوم به في تلك 15د:

نفرز ، نرمي، و نرتب

تقوم بالفرز: رايحة تفرز كل الاشياء التي في تلك النقطة الساخنة
ما تحتاجه، ما لا تحتاجه و يمكن التصدق به، مالا تحتاجه و يجب رميه

ثم نرتب ما نحتاجه و نخصص لكل شيء مكانه المخصص له
و الاشياء الموجهة للصدقة نرتبها في صناديق و نقدمها للجمعيات الخيرية في المساجد مثلا

من لديها اي استفسار تتفضل

تطبيق تجهيز ما يلزم لليوم المولي كل ليلة قبل النوم:

اليوم باذن الله رايحين نبداوا تجهيزاتنا ليوم الغد
معنا ذلك
رايح نتعلموا اننا نجهزوا كل ما نحتاجه ليوم الغد و يمكن تجهيزه هته الليلة
مثلا:
لباسك البهي الزاهي يا فراشة اللي راح تلبسيه غدا صباحا و ترفرفي بيه بين اجاء بيتك
اختاريه الليلة و جهزيه

فراشتي التي تعمل خارج البيت
جهزي لباسك الذي سترتدينه للخروج لعملك
جهزيه الليلة
جهزي الحذاء و محفظة اليد
جهزي اوراقك الخاصة بالعمل

ملابس ابنائك للي راح يلبسوهم غدا للذهاب للمدرسة
مآزرهم
محفظاتهم
أحذيتهم
جواربهم
الكتب اللي راح يرجعوها للمكتبة
بحوثهم وواجباتهم

جهزيها معهم الليلة و ضعوها امام الباب عند المدخل
حطي كرسي عند باب المدخل يكون خاص فقط لتعليق اشيائهم ووضعها عليه
لتكون جاهزة غدا صبحا
ابناؤك ماعليهم الا الاغتسال الافطار و كل شيء جاهز عند الباب
و في لحظات يكووا جاهزين للانطلاق
بدون فوضى ولا صريخ ولا بحث عن اشيائهم وووو

جهزي ملابس عمل زوجك ليوم الغد
اشياءه الخاصة
محفظته، ساعته، حذائه، جواربه، أوراقه
نفس الشيء
حددي لها مكان مخصص و ضعيها فيه
و يكون ذلك هو مكانها المخصص ليعلم به و يجد اغراضه بسهولة و بسرعة
ولا يتاخر عن عمله

غذاء الغد
جهزيه من الليلة
جهزي الصلصات مثلا
جهزي المرق
اخرجي اللحم من البراد و ضعيه في الثلاجة
ليذوب منه الثلج بطريقة صحية و يكون جاهز للطبخ غدا ي الصباح الباكر

اذا كانت هناك فواتير او اوراق عليك معالجة امرها
جهزيها الليلة

اذا كان لديك موعد مراجعة مع الطبيب مثلا لاحد اطفالك لا سامح الله
جهزي اوراقه الطبية الليلة

اي شيء عليك قضاؤه غدا جهزي له من الليلة

و هكذا كل ليلة جهزي امورك لليوم الموالي

ارجو ان يكون التطبيق واضح و سهل

و انا كلي ثقة انكن مدبرات منزل راائعات في القمة
و لم تفتكن هته التجهيزات المسائية
لكن ما اوده هو ان تترسخ هته العادة فينا
و في حياتنا لتصبح حياتنا اسهل و امتع باذن الله

التطبيقين نقلتهم لكم على لسان الغالية حبيبة

نتمنى يكون كل شيئء واضح و اي استفسار نحن بالخدمة

و بالتوفيق حبيباتي

ام مؤمن

2015-10-12, 15:43

ملخص التطبيقات بالترتيب ( متجدد )

مقدمة لشرح فحوى الدورة و محتواياتها ( عجلة الحياة و رحلة التغيير و البداية الجديدة)

رقم المشاركة : 61

رقم المشاركة : 69

رقم المشاركة : 70

http://www.djelfa.info/vb/showthread.php?t=1870927&page=5

التطبيق الأول: تلميع حوض المطبخ

التطبيق الثاني: تجهزي 10/10

رقم المشاركة : 111
http://www.djelfa.info/vb/showthread.php?t=1870927&page=8

جداول الروتينات اليومية و جدول التنظيفات الاسبوعية

رقم المشاركة : 168

رقم والمشاركة : 169

http://www.djelfa.info/vb/showthread.php?t=1870927&page=12

نموذج عن تطبيق الروتينات الثلاثة ( الفراشة ام مؤمن )

رقم المشاركة : 294

http://www.djelfa.info/vb/showthread.php?t=1870927&page=20

نموذج عن جداول الروتينات و جدول التنظيفات (للفراشة المبدعة ام صابرين)

رقم المشاركة : 652

http://www.djelfa.info/vb/showthread.php?p=3994602999#post3994602999
التطبيق الثالث

للغالية ام تغاريد

في كلّ مشروع خطوة

رقم المشاركة : 162

http://www.djelfa.info/vb/showthread.php?t=1870927&page=11

التطبيق الرابع

تطبيق 15د الاماكن الساخنة:

و التطبيق الخامس

تطبيق تجهيز ما يلزم لليوم المولي كل ليلة قبل النوم:

رقم المشاركة : 297

http://www.djelfa.info/vb/showthread.php?t=1870927&page=20

التطبيقات الموالية

"فكري بايجابية و راقبي رسائلك التي تقولينها لنفسك و للآخرين"

كيف نحدد اهدافنا الأسبوعية

رقم المشاركة : 654

http://www.djelfa.info/vb/showthread.php?
p=3994602999#post3994602999 (http://www.djelfa.info/vb/showthread.php?p=3994602999#post3994602999)

كيف نخطط لشهرنا؟

رقم المشاركة : 669

شحن الطاقة

رقم المشاركة : 670

http://www.djelfa.info/vb/showthread.php?p=3994608080&posted=1#post3994608080

أم عبد الله ياسين2

2015-10-12, 16:07

بارك الله فيكم ام مومن تطبيق 15 دقيقة رجع من الروتين اليومي من الدورة السابقة برك لازملي ندير برنامج

ام تغاريد خزانتك ما شاء الله انا عندي مشكل حوايج زوجي بزااااف عندو اكثر من 60 قميص و سراويل و الملابس الداخلية. بزااااف معرفتش كيفاش نرتبهم اما بالنسبة للجوارب افدتيني بالفكرة نطبقها هع زوجي

sara8387

2015-10-12, 18:16

ما شا الله ياام تغاريد كانك مازلت عروسة ..وهذا هو الاصل ف الدورة انو المراة تحس روحها في عين نفسها و زوجها و الناس انها مازالها عروسة بجمالها ونظامها و الجنة الي تصنعها في بيتها ..معا للافضل

زهرة الريف*

2015-10-12, 18:17

السلام عليكم فراشات
ربي يحفظك اختي ام تغاريد على هذا الفضاء الرائع و كان الله في عونك
و سلامي كذلك لحبيبتي ام مؤمن و ام صابرين
و كل الفراشات جزاكن الله خيرا و ربي يدوم السعادة و ريحة النقاء في بيوتنا
يا رب
انا كنت نزلت للجزائر في العطلة السنوية لزوجي لمدة شهر
لكن شاء القدر ان يحصل لاخي الكبير حادث مرور خطير عمره 35 سنة و توفي،......انا لله و انا اليه راجعون......
ترك ولدين بنت3 سنوات وولد سنة واحدة ....
ارجو ان تدعوا بالرحمة و المغفرة و الصبر لامي .....
انا عندي اسبوع ماللي سافرت .....
قلبي مجروح على اولادوا و امي اللي ما قدرت تصبر
راني نكتب و الدموع ..........
نزلت باش نفرح بعرس اخي التاني تفجعت بعدها بوفاة اخي الاكبر...
ما قدرت نصدق و حاسة انو منام ...
الغربة اصبحت اكثر مرارة ...

لا تنسونا من دعواتكن اخواتي
و دعوة رحمة عليه و دعوة الصبر لوالدتي ...والدي

اعتذر ان اكثرت عليكم او افسدت فرحتكم و سعادتكم ...اعذروني ...
و لكن ...

اختكم في الله

ربي يعطيكم الصبر ويجعل قبره روضة من رياض الجنة
معليش أختي كلنا لها خلي إيمانك بربي قوي اكثري من الإستغفار وادعي لاخيك بالرحمة وتصدقي عليه
متنسايش ولادوا وربي يكون معاكم إن شاءالله أختي راني حاسة بيك. ...ربي يرحمه. .إن لله وإن إليه راجعون.

oummalak

2015-10-12, 20:50

السلام عليكن ورحمة الله وبركاته
دخلت بسم الرحمان الرحيم
واتمنى ان اجد بينكن مكان
الشكر الخالص للاخت ام مؤمن وام تغاريد
على احياء هده الدورة لبعث النشاط في نفوس الفراشات
والشكر لكل الفراشات المشاركات ومن بينهم الاخت ام صابرين
حبيت نقولكم انني درت دورة مع الاخوات وكانت من اروع اللحظات كي كنا نتنافسو ونتعاونو
تطبيق تلميع الحوض10على 10
غرفتي بالصدفة بديتها الاسبوع الي فات ولما دخلت لقيت الدورة بدات منها فرحت وزدت فالمنافسة
خزانتي كملتها
التسريحة كملتها والكوميدينات كدلك
السرير كدلك غسلت اللحاف والوسائد
الستائر غير نفضتهم تقال وما نغسلهم غير مرة كل ثلاث شهور
الفراش الجديد انزلته ومسحت الخزانات التي تحته وارجعته لمكانه
غسلت البلكونة ومسحت الزجاج
باقي الثريا والباب غدا نبردهم كاماكن ساخنة
هدا تقريري الجانب الجمالي من غدوة نفاسكم ونولي 10على 10لانني في الاصل0
طولت من اول مداخلة هههههههههه

om wassim

2015-10-12, 21:15

اختي لوتس ربي يرحم اخوك و يصبركم عليه أن لله و ان اليه راجعون
أم ملاك مرحبا بيك و الله يبارك دخلة قوية ههههه
تطبيقاتي لليوم
التجهز كان 8/10
الحوض لبارح لمعتو تم التطبيق و اليوم أيضا تم التطبيق
اليوم خرجت يعني ماطبقت والو فتيات الغرفة غدوة ندير السرير أن شاء الله و نوافيكم بجميع الصور
زدت في نظامي فكرة المطالعة و قررت كل مرة نحمل رواية نقراها أو كتاب و اليوم حملت رواية اسمها( قيد القمر )و بديت نقرا فيها باش نكسرو الروتين
تطبيق القدمين راني درتو يعني تم التطبيق
شكرا اختي تغاريد و أم مؤمن ربي يدوم لمتنا يا رب

بسمة امل الجزائر

2015-10-12, 21:31

حياكن الله فراشات وصحا عشاكم

اهلا بيك ام ملك ما شاء الله عليك دخلتي وبقووووووووووووووووووووة واصلي حبيبتي وربي يعيتك

ام وسيم الهلين اخيتي ونحن بانتظار صورك

بالنسبة لي اني لمعت الحوض وان شاء الله كي نجي رايحا نرقد نعمل الفازلين

انتهى يوم وغدا مع يوم احلى واسعد
ليلتكم سعيدة واحلام هادئة

om wassim

2015-10-12, 22:07

ليلة سعيدة اختي شقية

هنو ام ياسر

2015-10-12, 23:58

السلام عليكم حبيباتي اليوم ما قدرتش ندخل و البارح كتبت تقرير قددددددد هاك و النت كانت ثقيلة درك نقل لكم باختصار و غدا ان شاء الله نحط لكم جريدة ههه
المهم البارح و اليوم تطبيق الحوض تم و الحمد لله الحقيقة ماشي غير الحوض الكوزينة ككل راه تشعل و بالنسبة للتجهز اليوم تجهزت على سنقة عشرة فقط لم اتعطر و ذلك لان كنت مستعدة للذهاب الى العمل
اما عن تطبيق الارجل شفته الان فقط انا الحمد لله عندي عادة كي نكمل مع المطبخ نغسل رجلي و نحط ليهم مرطب يعني التطبيق تم بلا ما نشوفه .....
نخليكم حبيباتي غداً ان شاء الله راني خدامة على 8
تصبحن على خير غداً ان شاء الله.

أم عبد الله ياسين2

2015-10-13, 07:05

السلام عليكم صباح الخير و النور و السرور ، يومكم سعيد

أم تغاريد

2015-10-13, 07:13

بارك الله فيك ام تغاريد قمه في الروعه والنظافه والترتيب شكرا شكرا لهاد الموضوع الاكثر من رائع والي يبث الحماس لربات البيوت

وفيك بارك أختي ومرحبا بك مرة أخرى

السلام عليكم فراشات واش راكم
تلميع الحوض لليلة البارحة تم التطبيق
التجهز 08/10 تم التطبيق
اليوم الصباح نضت مع الفجر صليت الحمد لله صبحت مليحة خير من البارح و ما رجعتش نمت غسلت غيرت ملابسي اليلية مشطت ماكياج ناعععععععععععم و عطر خفيف
حضرت فطور الصباح شربت قهيوتي و انطلقت
درت صوص البيتزا تطيب و العجينة درتها و خليتها تخمر
رحت نوضت بنتي حضرتها للذهاب للمدرسة و بعد ذهابها انطلقت في تطبيق السرير و استغليت فرصة عدم ذهاب زوجي باكرا لكي يساعدني في اخراج المدربة تتشمس لانها ثقيلة
في المساء اوافيكم بالتقرير المصور لانني الان مازال ما فرشت الغرفة حتى يجي زوجي يساعدني
شكر ا حبيبتي ام تغاريد على الهمسة الجمالية سابرمجها مع روتيناتي جاري التطبيق ان شاء االله
تحياتي للكل الفراشات و اهلا بالوافدات الجديدات

وعليكم السلام ورحمة الله وبركاته فراشتي
أحسنت فيما طبّقّتِ
عجبني بزاف الحال كي حضرت غداءك باكرا
موفقة

ما شاء الله تبارك الرحمان ترتيب راااااااااااائع بورك فيك اخيتي

بالنسبة لسؤلك اسكو كملت كلشي في يوم واحد

شوفي انا قبل العيد بايامات كنت رتبت غرفت الوالدة وقمت بعض الاعمال من ترتيب التسريحة وتابل دو نوي

يعني اليوم جاتني ساهلة فرزت فقط وكملت ترتيب الخزانة وانتهت الغرفة ههههه

الله يبارك فيك أختي الوفية
حبيت نعرف ادا كملتها كلها يعطيك الصحة يا الشاطرة
كملي هكدا
تشجيعاتي
طاب مسائكم احبتي

كما وعدتكم هذا نموذج عن روتيناتي للدورة السابقة مازلت اتقيد به و ان شاء الله ساحاول جدولة روتيناتي الثلاثة على اجندتي مع تعديلات بسيطة فقط و ايضا ساقوم بانشاء جدول التنظيفات الاسبوعية الخاص بي

http://cdn.top4top.co/i_c9ee115db71.jpg (http://up.top4top.net/)

و انتم يا فراشات اين هي جداول روتيناتكم و هل حاولتم كتبتها على اجنداتكم

أهلا بكِ غاليتي
الله يبارك جدول هايل ومفصل
انا لي حطيتو تلقايه في الصفحات السابقة مافيهش تفاصيل
ان شاء الله اتبع نموذجك وكذلك باقي الفراشات لي رانا نسناو فيهم يحطو جداولهم
ربي يوفقك ويعطيك الصحة

مساء الخير عليكم و ان شاء الله راكم ملاح يا اجمل فراشات ....

اختي زهرة اللوتس عظم الله اجركم

البارح مقدرتش ندخل كنت عيانة بزااااف خدمت من 8 حتى 4 و الله روحت ميتة بالعيا

المهم بالنسبة لتطبيق تجهزي اكيد تم التطبيق و الحمد لله

كي روحت في المساء درت ترتيب بسيط جدا لاجزاء البيت و بعدما تعشينا درت الكوراج و تفكرت الحماس لي فالدورة و غسلت الماعن

و نظفت الحوض والمطبخ و الحمد لله تم التطبيق

بقيت سهرانة شوية كملت خدمتي و قبل النوم درت عناية شخصية و درت ترطيب للقدمين بالفازلين ... و اليوم راني لقيتها بلي ولات من

التطبيقات اليومية ....

اما بالنسبة لليوم نضت و جهزت نفسي و الحمد لله تم التطبيق و رحت نحدة , مروحتش حتا للوحدة ... كي

روحت ريحت شوية و رتبت الملابس لي غسلت بالسبت في مكانها الله غالب مقدرتش البارح, وكملت رتبت الاسرة لكن مش 10/10 خليتهم

ليوم الاربعاء نع التنظيف العميق للبيت

حبيت نمدلكم اقتراح للعاملات كيما انا و هي طريقة ديما نعمل بيها ... مداية سانتر كي نروح من الخدمة نعلق فيه ملابس العمل باه نلقاهم

جاهزين غدوة ... و في الغد كي نروح نخدم نعلق فيهم ملابس البيت باه كي نروح نلقاهم واجدين و متنفسين مليح .... ضرك جيت نطل

عليكم و لي تكمله لتقريري في المساء

فراشتي آمال المثابرة
راكي ما شاءالله ملتزمة بالتطبيقات أحسنت
وأشكرك على الاقتراح لي عطيتي للعاملات
ربي يبارك لك في وقتك

بارك الله فيكم ام مومن تطبيق 15 دقيقة رجع من الروتين اليومي من الدورة السابقة برك لازملي ندير برنامج

ام تغاريد خزانتك ما شاء الله انا عندي مشكل حوايج زوجي بزااااف عندو اكثر من 60 قميص و سراويل و الملابس الداخلية. بزااااف معرفتش كيفاش نرتبهم اما بالنسبة للجوارب افدتيني بالفكرة نطبقها هع زوجي

الله يسلمك أختي أم عبد الله
60 الله يبااارك شوفي لي ما يلبسهمش تصدقي بهم او خبيهملو
الرف تاع الزوج خصوصا لازم يكون منظم وماشي مدكس لانو الرجال بطبعم فوضويين يجي يجبد قميص يخرب قاع الحوايج
حاولي تخليلو رفوف اكثر باش تفرزي ملابسو
ربي يعيينك

ما شا الله ياام تغاريد كانك مازلت عروسة ..وهذا هو الاصل ف الدورة انو المراة تحس روحها في عين نفسها و زوجها و الناس انها مازالها عروسة بجمالها ونظامها و الجنة الي تصنعها في بيتها ..معا للافضل

الله يسلمك أختي سارة
يعطيك الصحة على الكلمات التشجيعية

السلام عليكن ورحمة الله وبركاته
دخلت بسم الرحمان الرحيم
واتمنى ان اجد بينكن مكان
الشكر الخالص للاخت ام مؤمن وام تغاريد
على احياء هده الدورة لبعث النشاط في نفوس الفراشات
والشكر لكل الفراشات المشاركات ومن بينهم الاخت ام صابرين
حبيت نقولكم انني درت دورة مع الاخوات وكانت من اروع اللحظات كي كنا نتنافسو ونتعاونو
تطبيق تلميع الحوض10على 10
غرفتي بالصدفة بديتها الاسبوع الي فات ولما دخلت لقيت الدورة بدات منها فرحت وزدت فالمنافسة
خزانتي كملتها
التسريحة كملتها والكوميدينات كدلك
السرير كدلك غسلت اللحاف والوسائد
الستائر غير نفضتهم تقال وما نغسلهم غير مرة كل ثلاث شهور
الفراش الجديد انزلته ومسحت الخزانات التي تحته وارجعته لمكانه
غسلت البلكونة ومسحت الزجاج
باقي الثريا والباب غدا نبردهم كاماكن ساخنة
هدا تقريري الجانب الجمالي من غدوة نفاسكم ونولي 10على 10لانني في الاصل0
طولت من اول مداخلة هههههههههه

وعليكم السلام ورحمة الله وبركاته
مرحبا بك بك أم مالك
يعطيك الصحة يا الشاطرة يعني راكي لاحقتنا ما شاء الله
علابالي دوك تسبقينا
ردو بالكم يا فراشات ام مالك جات مع الاخرين بصح رايحة تسبقكم كامل
التنافس التنااااااافس
أهلا وسهلا بك نوّرتينا غاليتي

اختي لوتس ربي يرحم اخوك و يصبركم عليه أن لله و ان اليه راجعون
أم ملاك مرحبا بيك و الله يبارك دخلة قوية ههههه
تطبيقاتي لليوم
التجهز كان 8/10
الحوض لبارح لمعتو تم التطبيق و اليوم أيضا تم التطبيق
اليوم خرجت يعني ماطبقت والو فتيات الغرفة غدوة ندير السرير أن شاء الله و نوافيكم بجميع الصور
زدت في نظامي فكرة المطالعة و قررت كل مرة نحمل رواية نقراها أو كتاب و اليوم حملت رواية اسمها( قيد القمر )و بديت نقرا فيها باش نكسرو الروتين
تطبيق القدمين راني درتو يعني تم التطبيق
شكرا اختي تغاريد و أم مؤمن ربي يدوم لمتنا يا رب

الله يبارك التنافس راهو على أشده
راكي محافظة على التطبيقين وهده خطوة كبيرة رايحة تستفادي منها طول حياتك ان شاء الله
فكرة لمطالعة رآآآآآئعة أنصحك ب : في قلبي أنثى عبرية لخولة حمدي رواية طويلة نوعا ما بصح واش نقولك تحففففة

السلام عليكم حبيباتي اليوم ما قدرتش ندخل و البارح كتبت تقرير قددددددد هاك و النت كانت ثقيلة درك نقل لكم باختصار و غدا ان شاء الله نحط لكم جريدة ههه
المهم البارح و اليوم تطبيق الحوض تم و الحمد لله الحقيقة ماشي غير الحوض الكوزينة ككل راه تشعل و بالنسبة للتجهز اليوم تجهزت على سنقة عشرة فقط لم اتعطر و ذلك لان كنت مستعدة للذهاب الى العمل
اما عن تطبيق الارجل شفته الان فقط انا الحمد لله عندي عادة كي نكمل مع المطبخ نغسل رجلي و نحط ليهم مرطب يعني التطبيق تم بلا ما نشوفه .....
نخليكم حبيباتي غداً ان شاء الله راني خدامة على 8
تصبحن على خير غداً ان شاء الله.

وعليكم السلام ورحمة الله وبركاته
حياك الله فراشتي
أحسنت ممتازة
ماكنتش عارفة انك عاملة الله يبارك راكي نشيطة معنا في الدورة ظننتك ماكثة في البيت
ربي يحفظك ويعينك

أم تغاريد

2015-10-13, 08:12

طاب صباحكنّ فراشاتي الحبيبات المفروض رانا كملنا ترتيب غرفة النوم بفضل الله
بقالنا لمسات نضيفوها :

-اغسلي البقع لي ممكن تكون في الجدران

-امسحي قاطع الكهرباء

- النافذة لازم تنقيها مليح وتخلي الزجاج يبرق باش يدخلك الضوء

-امسحي الثريا ادا كانت مغبرة بعد قطع الكهرباء

-ابتعدي عن الستائر الداكنة ادا كان لون الغرفة ديالك داكن وادا حطيتيها خلي تحتها دوما ريدو بلون فاتح

-تفقدي الهواء ادا يدخلك بزاف من النافذة اغلقي المنفذ من الان قبل مايشتد البرد تولي دارك ماتدفاش قاع

- شرائط الساتان او الحاشية تقدري اديكوري بها غرفتك فخلي عندك شرائط من كل الألوان

-ادا عندك لي كادغ بزاف غير نحيهم واحتفظي بواحد

-باب الغرفة لازم يكون مميز لصقي فيه عبارة شابة مثلا مملكة الحب أو قصر السّعادة ....

-خصصي لغرفتك معطر ترشيه فيها فقط

-بحلول الليل خلي اضاءة تاع الغرفة تاعك عن طريق الاباجورة

-الشموع مرة على مرة اشعليها لاسيما المعطرة منها خاصة في الليالي الباردة

- احرصي على تهوية غرفتك صباحا افتحي أبواب الخزانة والتسريحة وطاولتي النوم ولو لمدة 10 دقائق

-يمكنك تزيين سريرك بهذاciel de lit
تقدري تخدميه ساهل وتلقايه يتباع في بعض محلات linge de maison
http://gulf-up.com/do.php?img=14358 (http://gulf-up.com/)

http://gulf-up.com/do.php?img=14359 (http://gulf-up.com/)

http://gulf-up.com/do.php?img=14360 (http://gulf-up.com/)

نخليكم مع صور لقيتهم في واحد المنتدى حطتهم واحدة شوفو كيفاش شبحت غرفتها هي واختها:
http://gulf-up.com/do.php?img=14362 (http://gulf-up.com/)

http://gulf-up.com/do.php?img=14363 (http://gulf-up.com/)

http://gulf-up.com/do.php?img=14364 (http://gulf-up.com/)

http://gulf-up.com/do.php?img=14365 (http://gulf-up.com/)

http://gulf-up.com/do.php?img=14366 (http://gulf-up.com/)

http://gulf-up.com/do.php?img=14367 (http://gulf-up.com/)

أبدعن فراشاتي

أمة الله 84

2015-10-13, 10:45

السلام عليكم جميعن
أنا اليوم واين قدرت نرجعلكم دار فيا الزكام حالة و عديت كل أفراد العائلة تاعي و الحمد لله إضطريت نروح للطبيبة و نتعافى
راح نشوف واش فاتني و لي عدوة بإذن الله قوية ومنها راح نحاول من اليوم الإلتزام بروتيناتي اليومية الى راح أدرجهم و الله الموفق
داري شويى مكركب المرض و كنت نخدم غير الفوق الفوق
راجعتلكم بإذن الله.

آسيا 25

2015-10-13, 11:27

السلام عليكم يا فراشات
ما شاء الله على الهمة و النشاط بارك الله فيكن جميعا
أختي زهرة اللوتس أعظم الله أجركم في مصابكم و ألهمكم الصبر و السلوان إنا لله و إنا إليه راجعون.
اليوم ليس لدي الكثير لأضيفه بحكم أني عاملة لكنني و لله الحمد ملتزمة بتطبيقي تلميع الحوض 10/10 و العناية الصباحية 10/10 و الجديد أني البارحة ذهبت للحلاقة و جددت لون شعري و عملت بروشينغ و زوجي فرح بذلك كثيرا:19:
تطبيق السرير و les désentes lit و باقي ترتيبات غرفة النوم ستكون يوم الجمعة المقبل بإذن الله.
غاليتنا أم تغاريد شكرا على الهمسة الجمالية سأبدأ تطبيقها منذ اليوم إن شاء الله.
حبيبتنا أم مؤمن تطبيقاتك اليومية الجديدة (المناطق الساخنة و ترتيب ما نحتاجه ليلا) جاري التطبيق بإذن الله.
عزيزتي أم صابرين شكرا على لطفك أتمنى أن أتعلم منكن كل جميل فأنتن قدوتي أختي الكريمة حفظك الله و رعاك.
كهمسة جمالية أردت أن أضيف يا فراشاتي الغاليات و أنت في المطبخ بعد أن تستخدمي حبة ليمون في طبختك ضعي في جزء منها القليل من السكر و افركي يديك الجميلتين ثم أشطفيهما و جففيهما و ستلاحظين البياض الناصع الفوري و النعومة و البريق الذي سيظهر جليا عليهما :19:
غدا إن شاء الله سأوافيكم بتقريري الجديد.
سلام حبيباتي و يومكن موفق.

أم تغاريد

2015-10-13, 11:46

طاب يومكنّ فراشاتي أنا اليوم راني مع التنظيف العميق للغرفة
كي جيت نسيق خطرت ببالي فكرة تغيير الديكور
عيطلت لمرة لوسي عاونتني في الخزانة
وبدلت لكل حاجة مكانها
كما فعلت قبل حلول الصيف باش يكون لكل فصل ذكرياته في غرفتي
جربن تغيير الديكور !
نروح نكمل سلامي لكن جميعا

om yousra

2015-10-13, 12:04

اسعد الله صباحكن فكرة المطالعة راااااااااااااااااااااااااااااااائعة دمتن متالقات

oum sabrin

2015-10-13, 12:54

السلام عليكم فراشات واش راكم
تلميع الحوض لليلة البارحة تم التطبيق
التجهز10/10 تم التطبيق
العناية بالقدمين قبل النوم تم التطبيق اما العناية بهما يومي الاثنين و الخميس لم يتم بعد لعدم توفر الزيوت عندي هل يمكن استعمال زيوت اخرى ريثما اشتري زيت اكليل و زيت الافند
تطبيق السرير درتو امس نزعت ليزور و درتهم ينغسلو المضربة درتلها بيكاربونات و حكيت بعض البقع عليها و بمساعدة زوجي ما راحش بكري خرجنا المدربة و وقفتها مقابلة الشميسةفي غرفة ابنائي كانت مشمسة
http://www10.0zz0.com/2015/10/13/14/726958929.jpg

المسند و المخايد كذلك خرجتهم للشمس
http://www10.0zz0.com/2015/10/13/14/922731844.jpg

ورحت كملت اشغالي في الغرفة مسحت السرير جيدا

http://www10.0zz0.com/2015/10/13/14/764915033.jpg
نظفت لي ديسوند ولي بشيتة و خليط من سائل الاواني قليل من الخل و ماء دافيء بلا ما غسلتهم لانهم كانوا نظاف
و حطيتهم يتشمسو مليح
http://www10.0zz0.com/2015/10/13/14/773080121.jpg

ثم سيقت الأرضية عميقا و جوزت نشاف سريع على كل المنزل لانو كان قريب وقت احضار ابنتي
و في المساء رجعنا المضربة و عطرتها بالحقنة اممممممممممممممممم فكرة رائعة الغرفة كلها بقات معطرة

http://www10.0zz0.com/2015/10/13/14/657229838.jpg
و فرشت
http://www10.0zz0.com/2015/10/13/14/176673695.jpg

ما زالي فقط مسح الزجاج و القواطع وتكون جاهزة

أم عبد الله ياسين2

2015-10-13, 12:57

السلام عليكم هادا وين كملت كلش درت السرير الزجاج الغبار فرشت البيت و عطرتها ، و طيبت الفطور و سيقت الدار و خمات دوزان وليدي ، جا الزوج فطر فطرت وليدي ، غسلت الماعن رتبت الكوزينة ، و دوكا راني رايحة عند عجوزتي

حبيت برك نقولكم لبارح درت تجهيزات فور دوشت حمام مغربي. روعة ، خرجت وجدت روحي تجهزت 1000/100 ، تطبيق الحوق تم و الحد لله ، الأماكن الساخنة كي نجي نعاود نبداها ، راح نسيي اليوم نخرج مع الزوج اذا صبت سلات صغار نديرهم للأدراج تاع الزوج باش يتنظم شوية
راني رايحة نغيب بلاك 3 ايام عجوزتي رايحة نديرلها عش البلبل 250 حبة ، نديروهم كادو لدار عم زوجي ،

سأشتاق إليكم ، ايا سلام سلامي لكل وحدة ، توحشنا طلات ام نسببة ان شاء الله تكون بخييير

آسيا 25

2015-10-13, 13:20

على فكرة ربما يكون غدا يوم عطلة ( 1 محرم) و بالتالي سأتمكن من تنفيذ المخطط الأسبوعي للتحضير لفصل الشتاء ( التنظيف العميق للسرير و الغرفة) غدا إن شاء الله أشكركن مرة أخرى حبيباتي في أمان الله.

mirikholyo

2015-10-13, 13:48

انني سعيييييسدة جدا اتممت الغرفة و زوجي سعيد بي و هي تلمعو احسست اني اول مرة ادخل غرفتي و كاني عروسة بعثت في الروح و الشجاعة للاهتمام بنفسي و اولادي وزوجي اكيد و ما هو التالي اني متشوقة بعد ما كنت اكره التنضيم صرت ابحث عن الجديد و النضيف

بسمة امل الجزائر

2015-10-13, 13:50

اسعد الله مسائكن حبيباتي كيف حالكم اليوم

هاني جيت وجبت معايا واش قدرت عملت اليوم

بعد فطور الصباح غسلت المواعن توع الفطور ونيشان وجدت الغذاء درت كسكسي بالرايب واللبن ثم نزلت محتوى احد بلاكارات المطبخ قمت بتنظيفها جيدا وغسلتها بيبانها وخليتها تنشف وسيقت المطبخ لقيت بلاكار نشف ملييييييييييييييح رجعت واش كنت ونظمت كل حاجة في بلاصتها وكنت عمل قبل ما نفطر حمام زيت لشعري رحت عملت دوش خفيف وغسلت رجليا من الفازلين مشطت شعري وكحلت عيوني ثم فطرنا وغسلت المواعن ونقيت الحالة صليت الظهر وقريت وردي وراجعت وين راني واصلة في سورة البقرة وجيت ليكم عسولات

ام آدم

2015-10-13, 14:10

السلام عليكنن حبيباتي
ما شاء الله عليكن همة ونشاط
كنت لاتية مع بنتي و بعض الانشغالات لي خلتني نغيب عن الدورة لي كنت متحمسة ليها جدا جدا ولكن ما علاباليش علاه كل ما نقول نسقم حياتي تصرا امور تحول دون ذلك
ادعولي ربي يعدل اموري و يهديني
باذن الله راح نحاول نلتحق بالركب ابتداءا من هذا المساء
ام مؤمن وام تغاريد ربي يحفظكم و يجازيكم خير على تعبكم

ام آدم

2015-10-13, 15:40

اختي زهرة اللوتس عظم الله اجرك و رحم اخاك و اسكنه فسيح جنانه و الهم ذويه الصبر والسلوان

om wassim

2015-10-13, 15:59

الله الله عليكم ربي يدوم النشاط و الحيوية علينا كامل

ام مؤمن

2015-10-13, 16:06

اليوم انتهيت من موضوع الكوزينة اللي كنت فتحتو في قسم الطبخ و كان مديلي وقت كبير في متابعة الردود و الموضوع بشكل عام

و ان شاء الله اتفرغ اكثر للمشاركة هنا بنشاط اكثر من الاول

و مع ابداعات اختنا ام تغاريد رايحين نصنعوا دورة مميزة باذن الله

و بما انه تم البرنامج المقرر لغرفة النوم و على الارجح الغالية ام تغاريد ستنتقل الى ركن اخر من اركان البيت ساذهب فورا لاتمام بعض الامور العالقة في غرفة نومي حتى انتهي من ترتيبها نهائيا اليوم باذن الله

و غذا ساكون جاهزة لتطبيق البرنامج الجديد و ايضا الالتزام بتطبيقات الدورة ان شاء اللله

بالنسبة لغرفة نومي انتهيت من الخزانة و التسريحة و ترتيب السرير ايضا الارضية و الجدران و النافذة و الباب مازالي الطاولات الجانبية للسرير فقط و ترتيب خزانة صغيرة خاصة بمجوهراتي و اوراقي الرسمية موجودة بغرقة نومي و انتهي ان شاء الله

و ساقوم بمراجعة مافاتني من الصفحات حتى اكون معكم في الصورة سلام

om yousra

2015-10-13, 16:23

السلامعليكم اليوم الصباح درت تنظيف عميييييييق لتحت عند عجوزي وكي كملت تغدينا وطلعت نكمل المشوار مع الغرفة والحمدلله خلصت التطبيقات مي كي جين نسيق ,,,,,,,,,,,,,,,,,,,,,,قولولي وش صرا؟ هيهييييه فزدت البومبا تاع الماء واكتشفت بليي شيخي وعجوزي خرجو مممممممممم المهم الشمبرة راهي نظيفة مي حبيت نكمل الواجب برك معليش مخلوفة غدوة المهم راني حملت عدة روايات قلت في وقت الفراغ(طبعا كي يكون)نقرا وراني قلت نبدا برواية قيد القمر اللي ذكرتها الاخت وتحمست باش نقراوها كيف كيف وراني نستنا في التطبيقات القادمة بكل شوق
تحياتي لكن وصح قهيوتكن هههههههههههههه

أم ريتاج زهرة

2015-10-13, 16:27

السلام عليكن حبيبات قلبي أولا وة قبل كل شيء نحب نعزي الأخت زهرة لوتس عظم الله أجركم حبيبتي و أسكن الله الفقيد جنات الفردوس الأعلى و بلهمكم الصبر و السلوان إن لله و إن إليه راجعون و بعد هذا راني حشمانة منكم لأني ما درت و لا تطبيق كنت مريضة و درك الحمد لله راني حيرانة منين نبدى و مين نكمل المهم رايحة ندير برنامج يساعدني بالتوفيق أخواتي راكم جايبينها فور

خوخة02

2015-10-13, 17:44

السلام عليكم واش راكم حباباتي
انا والله هادو يومين راني مريضة من ضهري منقدرش نتحرك والطبيبة قاتلي البيبي راه راسو التحت قبل الوقت قاتلي لازمك الراحة
المهم راني متبعتكم كل يوم بكل التفاصيل وان شاء الله لما نريح نكمل معاكم

amel...

2015-10-13, 17:58

مساء الخير عليكم يا الشاطرات ... لن شاء الله راكم ملاح و الصحة بخير يا اجمل فراشات

بالنسبة لتكملة الامس ... تطبيق الحوضتم التطبيقو الحمد لله

تطبيق تجهيز مستلزمات الغد تم التطبيق و الحمد لله

تطبيق الترطيب بالفازلين تم التطبيق و الحمد لله

اما بالنسبة لنهار اليوم ... كي نظت جهزت نفسي تم التطبيق و الحمد لله و توجهت للعمل

و كي روحت كانت عندي مراجعة لغاية الرابعة مساءا ... من بعد ريحت شوية و قلت نجي نطل عليكم

بالنسبة لتحديد الاماكن الساخنة تم التطبيق و كانت كالتالي : المكتب لي يقرا عليه خويا , الدرج الخاص بي و لي حاطة فيه ادوات العمل

المطبخ و الحمام و كدلك الرف الخاص بملابس خويا في الخزانة ... و رايحة نخصصلهم كل يوم وقتهم الخاص بيهم

بقالي البرنامج الخاص بالروتينات رايح ندرجو في المشاركة القادمة و ياريت لي عندها ملاحظة عليه تفيدني

بالنسبة للغرفة غدوة باذن الله رايحة نكمل الغرف الثلاثة و نكون كملت اول مرحلة

hafidha20010

2015-10-13, 18:02

السلام عليكم
خوخة 2 روحي تريحي ماديري والو شغل الدار ساهل يعيا ويتخدم بصح الصحة ما تتعوضش
رب معاك ان شاء الله
انا راني معاكم كملت غرفة النوم كامل اليوم زدت اخدمت البلاكار عندي موجود في الغرفة خرجت منو كامل القش فيه الفراش والحقائب والكابات وحوايج بزاف ماجيت نكملو حتى ظهري حسيتو انقسم بصح ولى كل شيء فيه باين ويتجبد بكل سهولة يعني الهدف المرجو تحقق ودعيتلك يا ام تغاريد انت وام مؤمن وام صابرين والغالية حبيبة يعطيكم الصحة
راجلي جاب التمر قالي ديرينا رفسة بصح انا خلاص مانيش قادرة خليتها ان شاء الله ليوم الغد وبالناسبة راكم كامل معروضات

لاهنت يادمعي

2015-10-13, 18:05

بارك الله فيك

amel...

2015-10-13, 18:11

وكما قالت ام مؤمن

روتين صباح السعادة

صلاة + اذكار + عناية شخصية + ترتيب الفراش+ ترتيب و كنس البيت + تطبيق العمل المخصص لكال يوم من خلال البرنامج الاسبوعي

روتين ظهيرة الفلاح

صلاه + ممارسة الهواية ( يوم السبت خياطة و بقية الايام كروشي و تطبيق وصفات جديدة من الطبخ ماعدا يوم الجمعة ) + تحظير اعمال خاصة بالوظيفة + تبريد الاماكن الساخنة

روتين مساء الطاقة و العطاء

صلاة + اذكار + تلميع الحوض + غسل الاواني + ترتيب المطبخ + تبريد الاماكن الساخنة + عناية شخصية + قراءة قران

البرنامج الاسبوعي

السبت: غسل الملابسو تنظيف عميق للمطبخ

الاحد: طي الملابس و وضعها في اماكنها الخاصة

الاثنين: صيام

الثلاثاء :

الاربعاء: مسح الغبار + تنظيف عميق لارضيات البيت

الخميس: صيام

الجمعة : عناية شخصية + قراءة سورة الكهف

amel...

2015-10-13, 18:15

ام تغريد و حبيبتي ام مؤمن بالنسبة للروتينات اليومية ... ناوية كي نخدم نهار كامل نتخلى على روتين ظهيرة الفلاح و نطبق جزء من روتين

صباح السعادة و روتين المساء

اما في الايام لي نخدة نص نهار رايحة نطبق روتين المساء و الصباح و جزء من روتين الظهيرة

اما في الايام لي منخدمش فيهم رايحة نطبق كل الروتينات ... يا ريت ملاحظاتكم

برنامج الروتينات اليومية تم التطبيق و الحمد لله

om yousra

2015-10-13, 22:08

http://up.1sw1r.com/upfiles2/udc70253.jpg هاذا السرير نتاعي بعد التطبيق

أمة الله 84

2015-10-13, 22:35

بالنسبة لليوم :
التجهيز صباحا تم التطبيق
غرفة النوم تم تجهيزها بنسبة 60بالمئة راني روطار عليكم بسبب المرض وإن شاء الله نكملها غدا لأنو راح نخصصلها يوم بأكمله
الأماكن الساخنة 15د درتو لدرج في غرفت النوم تم التطبيق
الروتينات راني كاتبتهم في الأجندة ما كنتش مداومة عليهم من الدورة السابقة لكن من اليوم الإلتزام راح نشارككم بيهم و كذلك جدول الأعمال الأسبوعية خدمتو
راني نسطر هذه الأيام لأهداف السنة الجديدة راني مقبلين عليها و إن شاء الله تكون عام خير على أمة الحبيب المصطفى و أتمنى من كل وحدى منا تكون بداية هذه السنة بداية إنطلاقة جديدة و روح و عزيمة
الورد القرآني قريت ما يقارب حزب
الحفظ حفظت ما يقارب 4 آيات من الحزب الرابع من البقرة
الرواتب صليت 2 ركعات بعد المغرب فقط
غدا إن شاء الله راح نحط روتيناتي و كذا جدول أعمالي الأسبوعية و أهذافي لهذه السنة.

أمة الله 84

2015-10-13, 22:45

http://www.m5zn.com/newuploads/2015/10/13/jpg//46f53844b6adf03.jpg (http://www.m5zn.com/out.php?code=16027102)

هذا مع بعض التعديلات فقط في مواعيد الصلاة و إن شاء الله راح ندام و نلتزم به.
مثل النهوض صباحا يكون على 05.00 صباحا بدلا من 04.00 صباحا
و كذلك موعد صلاة المغرب.
هذه اروتينات درتهم للدورة السابقة للأخت حبيبية ربي يحفظها و يسرلها في أمورها يارب.

آسيا 25

2015-10-14, 08:14

صباح الخير يا الفحلات.
الحمد لله راني مداومة على تطبيقي تلميع الحوض و التجهيز اليومي 10/10.
فقط البارحة كنت شوية مريضة ارتفعت درجة حرارتي فما تمكنتش من إنجاز تطبيق الأماكن الساخنة لكن ابتداءا من اليوم إذا حب ربي رايحة نبدا معاكم.
الغرفة بقي لي تطبيق السرير و غسل les désentes lit و ينتهي غدا بإذن الله سأنجز المهمة و أضع جدول روتيناتي اليومية و الأسبوعية و أوافيكم به يوم الأحد المقبل بإذن الله.
السلام عليكم و في رعاية الله حبيباتي.

أم تغاريد

2015-10-14, 08:25

السلام عليكم ورحمة الله وبركاته
فراشاتي الحبيبات ارجو انكن بخير
اسمحولي مانقدرش نرد عليكم بالواحدة
راني متعبة عندي بداية رشح بت بالحمى البارح الله يبارك عليكم راكم ناشطات ما شاء الله انا كملت ترتيب غرفة نومي الحمد لله
ينتظرني سفر غدا ان شاء الله مانطولش بالجمعة نرجع باذن الله
كن على ثقة راني متبعة كامل واش راكم اديرو
احضر لكن موضوع تنظيف الحمام لي هو الخطوة الثانية لي رايحين نديروها ان شاء الله
ساحاول ان انشره اليوم باذن الله
كملو واش بقالكم في غرفة النوم
يومكن مبارك سعيد

oum sabrin

2015-10-14, 09:45

صباح الخير على أحلى فراشات واش راكم ما شاء الله على نشاطكم
حبيبتي ام تغاريد طهور ان شاء الله لا باس عليك و طريق السلامة نحن بانتظارك و انتظار مفاجاتك مع الخطوة الثانية
ام مؤمن حبوبتي يعطيك الصحة نحن بانتظارك التطبيقات جارية التنفيذ باذن الله
تطبيق تلميع الحوض و العناية بالرجلين الخاصة بليلة امس تم التطبيق
تطبيق تجهزي 10/10 تم التطبيق
راني مع اخر روتوشات غرفة نومي و انتهي ان شاء الله لننطلق مع الحمام ان شاء الله
تحياتي لكل الفراشات
يومكن موفق

أم تغاريد

2015-10-14, 09:48

الخطوة الثانية في الاستعداد لفصل الشّتاء
تنظيف الحمام

http://gulf-up.com/do.php?img=15099 (http://gulf-up.com/)

فراشاتي الحبيبات بعدما كملنا غرفة النوم حان الآن وقت تحضير حمامنا لفصل الشّتاء

كي لا يصبح الاغتسال في ذلك الجوّ البارد عذابا يوميّا

أقبلن نجدّد حمّاماتنا

لن أطلب منكنّ تجديد السيراميك أو توسيع الحمام

أفكار بسيطة تصنع الفرق

فتابعن :

1-أخرجي كلّ محتويات الحمام

2-سنبدأ بتنظيف السيراميك :

سيراميك معمر بالبقع البيضاء والتكلسات: ادا ماكاش عندك منظف خاص بالسيراميك واش اديري؟

املئي طاسة بالخل الأبيض واحكمي لافات تاع الماعن ووامسحي بها لافايونس وخليه مدة نصف ساعة او ساعة
بعدها ولي و حكّي رايحة تلقاي البقع اختفت

-شلي بالماء ثم خذي ماء دافئ به جافيل +سائل الاواني وعاودي امسحي به

-شلي بالماء به معطّر باش تبقى الريحة شابة
-امسحي كل السيراميك بمنشفة جافة

http://gulf-up.com/do.php?img=15100 (http://gulf-up.com/)

تنظيف المرحاض أكرمكنّ الله :
-استعملي القفازات
-ادا كان مليئا بالتكلسات التي تسرق بريقه عليك بالخل الأبيض صدقوني عندو مفعول سوائل التنظيف الغالية
خليه يخدم ومبعد حكي بالفرشاة المخصصة له وارمي الماء

-لتنظيف الأماكن غيرر الظاهرة في مرحاض المقعد استعملي فرشاة أسنان هاداك هو المكان لي تجمع فيه الجراثيم

-ادا عندك مطهر جراثيم مثل ديتول رشيه واشطفي بالماء
-ادا ماعندكش نستعمل المطهر المعروف الذي تذكرنا رائحته بالنظااااااافة الجافيل امسحي كل أجزاء المرحاض به

-ماتنسياش زر دافع الماء نظفيه مليح لانه مليئ بالجراثيم

-حطي معطر المرحاض بهذه الطريقة يعطر ويقتل الجراثيم

http://gulf-up.com/do.php?img=15102 (http://gulf-up.com/)

http://gulf-up.com/do.php?img=15101 (http://gulf-up.com/)

-امسحي قاعدة المرحاض بمنشفة جافة او بورق الحمام

http://gulf-up.com/do.php?img=15103 (http://gulf-up.com/)

الحمام :
Le lavabo
-استعملي أي منظف عندك
-عقميه بالجافيل او بالديتول لاسيما من جهة الحنفية فهو مكان تجمع الجراثيم
-معجون الاسنان مفيد لتلميعه

-خليه دايما معطر كي يجي واحد يغسل وجهو ينتعش

http://gulf-up.com/do.php?img=15106 (http://gulf-up.com/)

حوض الاستحمام
-استعمال الخل الأبيض او الليمون مفيـــــــــــــــــــــد جدا للقضاء على الترسبات والاصفرار
-يمكنك استعمال ماء فاتر به بيكاربونات للقضاء على الجراثيم

-عقمي ونظفي وجففي
http://gulf-up.com/do.php?img=15107 (http://gulf-up.com/)

http://gulf-up.com/do.php?img=15108 (http://gulf-up.com/)

الحنفيات :
-شربي اسفنجة بالليمون او الخل الابيض وامسحي به كل الحنفيات الموجودة عندك وخليها وقت ثم شلي بالماء ستجدينه قد استرجعت بريقها

http://gulf-up.com/do.php?img=15109 (http://gulf-up.com/)

لتنظيف مجاري المياه في الحمام اسكبي الخل الأبيض او ماء بيكاربونات في فتحة جريان الماء وخليها مدة باش ترمي الماء
-نظفي نافذة وباب الحمام :
دوشيلهم مليح بالماء والصابون والجافيل

-لا تنسي قواطع الكهرباء ومقبض الباب امسحيها بقطنة بها جافيل او ديتول
-الأرضية باستعمال مكنسة حكي الأرضية بالماء والصابون والجافيل

-بعض المنظفات تهرد الأرضية لذا نعطيك فكرة شفتها وهي الصابون المغربي او صابون الدزاير تصوري انه منظف يصلح لجميع الأرضية دون ان يؤذيها
حطيي ملعقة منه في ماء دافئ ديري النشافة في البيدون وامسحي بها ستلاحظين ان ارضيتك استرجعت بريقها
الآن نجو لمشكلة الحمام المشهورة في البيوت الجزائرية
التزرزيـــــــــــــــــــــــــــــــــــق دايما الحمام فيه الماء على الأرض
كيفاش نحلو هاد المشكلة التي تؤرق ربات البيوت؟

1-نافذة الحمام تكون دايما مفتوحة الا أوقات الاستحمام

2-ضعي مناشف للقدمين في الحمام باش مايخرجوش حتى ينشفو رجليهم
3-ماعليك سوى أن تضعي قانون للحمام وتعلقيه يكون فيه مثلا:
ارسمي frottoir واكتبي لا تنس تجفيف أرضية الحمام لتفادي الانزلاق

**عزيزتي الفراشة النشااافة لا توضع في الحمام مع كل احتراماتي لقواعد التنظيف الجزائرية لماذا ؟

-لانهم رايحين يمسحو بها ويخلوها مشمخة في لادوش مما يسبب رائحة كارهة ومنظر بشع

-les tapis تاع الحمام يتحطو كي تكون القاعة ناشفة
-بعد كل حمام جوزي هادي la raclette على لافايونس لانو قطرات الماء ستصبح لاحقا بقعا ( تقدري اديريها أيضا في قانون الحمام)

http://gulf-up.com/do.php?img=15112 (http://gulf-up.com/)

------------
الآن حمامنا راه نظيف ادا عندك رف في الحمام حطي عليه أدوات الاستحمام لي تحتاجيها دايما فقط ماتكتريش بزاف" أؤكد على ضرورة إبقاء السطوح فارغة"
http://gulf-up.com/do.php?img=15114 (http://gulf-up.com/)

-----------------

والآن تعالي لنضيف لمسات أنثوية على حمامنا:
-اصنعي ستارة لنافذة حمامك تناسب لون زينيها بشرائط الساتان مثلا شوفي هادي كيفاش خدمتها:
http://gulf-up.com/do.php?img=15115 (http://gulf-up.com/)
http://gulf-up.com/do.php?img=15116 (http://gulf-up.com/)

-ادا تحبي اديري ريدو تاع حوض الاستحمام اختاري لون موحد يتناسب مع لون حمامك او اللون الأبيض ابتعدي عن المزركش
http://gulf-up.com/do.php?img=15117 (http://gulf-up.com/)

-منشفة الوجه خليه بلون يتكاسا مع الحمام ديالك ادا لونو ازرق ديري منشفة لصقي فيها حاشية زرقاء مثلا

-الحمام لازم يكون ضاوي في ليالي الشتاء الباردة لاخذ حمام مريح ودافئ اشعلي شموعا من هاد النوع: " يمكنك صنعها تسمى بالشموع الزيتية"
http://gulf-up.com/do.php?img=15120 (http://gulf-up.com/)
او اي نوع اخر من الشموع
http://gulf-up.com/do.php?img=15121 (http://gulf-up.com/)
http://gulf-up.com/do.php?img=15122 (http://gulf-up.com/)

-اصنعي بنفسك طقما لحمامك او اشتريها جاهزة ( رانا نسناو فيك اختي أم نسيبة العامرية تجي تعلمينا شوية خياطة)

http://gulf-up.com/do.php?img=15123 (http://gulf-up.com/)
http://gulf-up.com/do.php?img=15124 (http://gulf-up.com/)
http://gulf-up.com/do.php?img=15125 (http://gulf-up.com/)
ومثل هذا تقدري اديري كي يكونو جايينك ضياف اناااقة
http://gulf-up.com/do.php?img=15126 (http://gulf-up.com/)
http://gulf-up.com/do.php?img=15127 (http://gulf-up.com/)
رجعي الحمام كانه غرفة روووووعة

-أدوات التنظيف لابد ان تكون مخفية
http://gulf-up.com/do.php?img=15131 (http://gulf-up.com/)

-الورود ضرورية في الحمام باش يبان مكان للاسترخاء ونحن نريد في هاد الدورة ان نصنع الربيع في بيوتنا لذا اختاري ورودا صناعية تناسب حمامك وضعيها في رف او فوق la chasse d’eau
http://gulf-up.com/do.php?img=15132 (http://gulf-up.com/)
http://gulf-up.com/do.php?img=15134 (http://gulf-up.com/)

http://gulf-up.com/do.php?img=15137 (http://gulf-up.com/)

http://gulf-up.com/do.php?img=15138 (http://gulf-up.com/)

http://gulf-up.com/do.php?img=15139 (http://gulf-up.com/)

-يمكنك تزيين حمامك بالصابون المبشور بهذا الشكل :
http://gulf-up.com/do.php?img=15141 (http://gulf-up.com/)
http://gulf-up.com/do.php?img=15142 (http://gulf-up.com/)

-ضعي في حمامك معطرا اتوماتكيا للجو كل نص تقريبا يرش العطر حتى يبقى حمامك عطرا او استعملي معطر جو لي يطول يكون خاص بالحمام برك اياك تستعمليه في الغرف لانو يشمو في غرفة النوم يتفكر رائحة الحمام فلا تخلطي في المعطرات
http://gulf-up.com/do.php?img=15140 (http://gulf-up.com/)

هاد النوع في الصورة يتباع تقريبا 1200 دج بالمعطر( يشدلك شهرين تقريبا) كي تخلاص القرعة تقدري تبدليها تاع الجزائر تدير 250 دج وair wick تقريبا 500 دج
هادو الأفكار لي نعرفهم اادا تفكرت كاش حاجة نقولكم
شاركن بافكاركن فراشاتي الحبيبات وابدأن في التطبيــــــق

فراشات العمر

2015-10-14, 10:49

http://www.djelfa.info/vb/showthread.php?t=1875567
شكون تشاركني بموضوعي
بركات من هذي الصور رانب بديت نكره دار اين انا من هذه الحياة هههههههه العصر ماقبل التاريخ
مانقدرش نشارك معاكم في الدورة الله غالب داري ماهيش مخدومةالحالة المادية فرنك ماكاش في الجيب علبة فازلين ماعنديش كيفاه نشارك وكيفاه نكتب التقرير وكيفاه تقيموني ان شاه الله يمدولنا السكنة وثم ندخل ونشارك راني متابعة مشجعة للنساء الفحلات نحبكم وربي يباركلكم في حياتكم المادية النفسية والعملية
انا مرضت نفسيا اصبحت عصبية بزاف ساعت نبكي سيطر عليا الوسواس ادعيولي معاكم يتنح عليا هذا الهم
الحمد لله عاى كل حال ربي يفرج عليا وعلى امة محمد كافة

hafidha20010

2015-10-14, 11:27

ماذا تقولين يا فراشات العمر
استهدي بالله هو الرزاق الرحيم
اصبري وصابري حتى تفرج اكثري من الدعاء واحمدي الله على نعمة الصحة
مجرد انك تقرئين وتكتبين فهذه نعمة احمدي الله عليها مش بالضرورة يكون عندك بيت وحمام مثل هذه الحمامات ولكن نحن نرى ونشلل عينينا ونتعلم ونعلم ابناءنا وبناتنا على النظافة فقط وام تغاريد مشكورة على هذا كله
اكثري من الدعاء وستفرج سيرزقك الله سكنا ان شاء الله
تابعي معنا الدورة ولا تضعي الفازلين ضعي الزيت فقط كما كانت تفعل جداتنا
عليك بقراءة القرآن أحس بداخلي بأن ربك سيفرج عليك قريبا فلا تقلقي
هل عندك ابناء فان كان كذلك فأنت أغنى الأغنياء ولكن لا تشعرين

om yousra

2015-10-14, 12:01

السلام عليكم فراشات العمر رانا كامل كيف كيف شوفي كل واحد ينظر للحياة بايجابية مثلا انا معنديش دوش مطنطن ولا برودوي ومنقدرش نخرج لكن ابدعي بخيالك لاه تاع بكري كيقاش عاشو مي تدخلي لديارهم تحفة ونزيد نقلك منتجات العناية بالشعر اكيما هاذ الزيوت والله غير ندير زيت عرب المهم نعاند اللي نقدر وبالمتوفر ,الحاصول النظافة والترتيب لشتات باقل الامكانيات خطراش كون نتبعو الجديد يالطيف كل يوم تخرج ماركة جديدة هيهيهيه اذن خلي حياتك بسيطة متواضعة بصح الهنا هو الغناء تحياتييييييييييييي للفراشات الامورات

أم تغاريد

2015-10-14, 12:25

أختي فراشات العمر
احمدي الله على نعمه وماتشوفيش واش راه خاصك لانو كون نشوفو واش راه خاصنا نحسو روحنا كيما قلتي في عصر ما قبل التاريخ
حنا الدورة ديالنا لا تتطلب نقود باش تنجح رانا نهدرو على تنظيم يومنا وتنظيف بيوتنا بالوسائل لي عندنا
--------
شكون لي زعما عندها غرفة نوم او حمام كيما تاع الصور لي حطيتهم؟؟؟؟؟
لكن حنا رانا ندو في الافكار
نعطيك مثال الصابون ماكاش دار مافيهاش نقدرو نخدمو به تحفة نشبحو بها حمامنا كيما قلت نبشروه ونحطوه في علبة شفافة
اختي الغالية انت عندك دار كاين ناس راهم برة
شوفي حياتك بنظرة ايجابية واحمدي ربي
ابتسمي اختي وارمي عليك والله هاد الدنيا ماتستهلش نهبلو روحنا علاجالها
عيشي بواش عندك سعيدة السعادة راهي في القلب والنظرة الجميلة للحياة ماشي في الديور والاثاث
حنا رانا هنا باش نطلعو المعنويات لبعضانا رانا كامل كيف كيف خواتات نتقاسمو الحلوة والمرة
خليك معنا دايما بصح اوعديني ترمي عليك هاد التفكير السليي ربي يفتح عليك ويفرحك

sara1982

2015-10-14, 14:54

سلام
إن شاء الله نبدأ اليوم
بارك الله فيكن راكم اديرو النشاط ربي يعطيكم ماتتمنوا
إلى فراشات العمر،أنا ماعنديش دار كيما هكا لكن الحمد لله المهم الإنسان تكون دارو نظيفة وفقط
وربي يكون في العون

الوردة الندى

2015-10-14, 15:11

السلام عليكم ورحمة الله وبركاته نبدا على بركة الله اليوم نضت على الساعة5:00صليت وادت اذزكار الصباح ثم اتجهت للمطبخ حضرت القهوة لزوجي واطفالي الذكور2 تيادلنا اطراف الحديث حتى الساعة السابعة ثم حضروا انفسهم للخروج طبعا زوجي للعمل واطفالي للدراسة تفصيل ممل المهم اعذروني برك ودعتهم في امان الله ثم اتجهت لابنتاي3,5والاخرى عامين حصرت الكبيرة واخذتها للروصة وعدت بالضغيرة الى البيت بدات عمل البيت على الساعة9:30درت الغداء لوبيا وبديت الشغل تنظيف عميق للمطبخ بالصابون والجافيل وكذا الصالون ثم غرفة نومي وغرفة الاولاد لان البنات مازالو صغار يرقدو معاياثم عملت تنظيف عميق للحمام والمرحاض اكرمكم الله كملت على الساعة 1غديت ولادي وراحو يقراو في المتوسطة في زوج والان رانييييييييييييييييييييي معاكم نكتب في التقرير نروح نريح شوية في امان الله

خوخة02

2015-10-14, 17:26

السلام عليكم واش راكم
ام تغاريد افكار رائعة للحمام انا حمامي مش هكا بصح المهم يكون نضيف ان شاء الله
لبنات راكم ماشاء الله ربي يدوم هناكم

بسمة امل الجزائر

2015-10-14, 17:44

اهلييييييييييييين حبوبات قلبي كيف الحال اليوم

انا اليوم نضت صليت الفجر وقريت الورد تاعي وزدت راجعت وحفظت شويا في سورة البقرة ومن تما رجعت لبلاصتي تكسلت شويا ومن بعد فطرت وغسلت المواعن
رحت تفرجت شويا برنامج سيدتي ايا ووجدت الغداء درت روز كبسة وكنست البيوت وبالخف فات الوقت والله ما درت حتى شيء اضافي فطرنا وغسلنا المواعين صليت الظهر وقريت القران راني نحاول اليوم نكملنختم باه نبدا سنة هجرية جديدة بختمة جديدة ادا قدرني ربي
تم جيت طليت شويا في النت وبعدين عجنت الكسرة وشربنا قهوة المساء وفلي الحال نحضلر العشاءونطيب الكسرة ويكون انتهى اليوم هاديك هي نكمل قراة القران ونصلي المغرب تم العشاء نتعشاو نغسل المواعن ونلمع الحوض نفرشي اساناني وندير فازلين ونرجع ممكن نطل عليكم طلة خفيفة والى النوم

وانتم حبيباتي كيف كان يومكن

قرايت حبيبتي ردك فراشات العمر والله انا نقولك حاجة ادي الصحة والهناء والرزق والبيوت كلشي من عند الخالق سبحانو انا بين تكون عندي بيت فخمة وووووو كماليلاتنطلب ربي للصحة والعافية وان شاءالله بالشويا بالشويا تفرج

تاني نقترح عليك اقتراح
ادا كان زوجك بالطبع لا يمانع يمكن تتعلمي حرفة مثل خياطة او كروشي او حلوة اووو............... الي حاسة روحك متمكنة منها وابداي تخدمي للناس بالشويا بالشويا رايحا يصير عندك دخل لاباسس بيه وفري واشري ما ااردتي

فرج الله همك غاليتي وان شاءا لله السنة الهجرية الجديدة تجيك احسن ملي فاتت

ونقوللك اخواتي كل عام وانتم بالف خييييييييييييييييييير

بسمة امل الجزائر

2015-10-14, 17:47

ام تغاريد شكرا لكي ان شاء الله ربي يقدرنا ونفوتو للحمام بعد ما نكملو باقي واش قلتي من غسل النافذة ومسح الجدران رغم اني فعلتم قبل ايام غسل كل ما طلبتي لاكن يوم الخميس ان شاءا لله رايحا نعمل تنظيف عميق للبيت وبالتالي نغسل النوافذ وكل الامور التي ذكرتيها ومن ثم نروح للحمام

جزاك الله خير وطهور ان شاءا لله وربي يرجعك لينا بالسلامة يارب

zara08

2015-10-14, 17:56

السلام عليكم اخواتي أنا عندي مدة نتبع فيكم و نطبق كل التطبيقات راني كملت غرفة نومي و الخزانة مازالي غير السرير و كتبت روتيناتي اليومية و راني مواظبة على تلميع الحوض و التجهيز 10/10 بقالي تطبيق تجهيز مستلزمات الغد سأحاول الإلتزام به وأشكر الأخت أم تغاريد و أم مؤمن غلى مجهوداتهما و ارجو ان تقبلوني في بستانكن المليء بالحماس دون ان انسى معلمتنا حبيبة الله ارجعهلنا بألف خير و سلام

♥سهام♥

2015-10-14, 18:33

يعطيك الصحة

أم ريتاج زهرة

2015-10-14, 18:54

السلام عليكن حبيباتي ردي راح يكون لأخت فراشات العمر إسمك غالي و باينك متفائلة هذا قضاء الله و لازم نرضو بواش عندنا كل حاجة في الدنيا تروح و تجي إلا الصحة لا راحت ماتوليش و المهم الهناء و راحت البال و بالنسبة للمرأة الماكثة في البيت حرفة اليد مليحة بزاف و تساعك أنا من الناس اللي ما عندهاش الدوش و الحمد لله يجي نهار اللي يفرجها ربي و يرزقني بالسكن فرج اللهة همك بالتوفيق أختي

منال100

2015-10-14, 19:00

بمناسبة السنة الهجرية الجديدة 1437 ه اتقدم اليكن أخواتي الفراشات بأغلى التهاني متمنية من العلي القدير ان تكون سنة خير وحب وهناء واخلاص وسلام لكن جميعا ولعائلاتكن وأهأليكن ولجزائرنا الحبيبة
كل عام والامة الاسلامية بألف خير وبلادنا في أحسن حال
سلام

amel...

2015-10-14, 19:09

مساء الخير ... ان شاء الله كامل تكونو بخير و الصحة لاباس

بالنسبة للامس تطبيق تنظيف الحوض تم التطبيق و الحمد لله

اما بالنسبة لتطبيق الفازلين تم التطبيق و الحمد لله

بالنسبة لتقرير اليوم لي عودة بعد قليل ان شاء الله

أم ريتاج زهرة

2015-10-14, 20:42

من فضلكن أخواتي واش هو تطبيق الفازلين ؟؟

أم ريتاج زهرة

2015-10-14, 20:44

من فضلكن واش هو تطبيق الفازلين ؟؟

om yousra

2015-10-14, 20:55

اختي ام ريتاج تطبيق الفازلين هو انك تدللي رجليك هاذ المنتوج قبل ما ترقدي ولا وانتي تخدمي في الدار والافضل تلفيهم بكشما صاشي ولا البابي سيلوفان خخخخخخخخخخخ لاعرفت نسمية والبسي التقاشرررررر للحصول على نتيجة افضل وهي قدمان حريريتان دون تشقققات:19:

ام محمدْ ومريمْ

2015-10-14, 20:57

سلام لبنات واش احوالكم يعطيكم الصحة راني نتبع فيكم
اختي الفازلين لليدين والقدمين به تحفظي عليهم
والخزانة راني كملتها الحمد الله والتسريحة بديت ومزال السرير
بالنسبة للحوض راني الحمد الله عندي وقت كبير مدومة عليه
الفازلين سا عات نتفكر س

om wassim

2015-10-14, 22:24

سلام لبنات كل عام و انتم بالف خير يارب يكون هد العام عام خير علينا جميعا

دخلت على جال فراشات العمر حبيت نقولك يا حبيبتي راكي تتحسري على دارك و لوكان تشوفي داري بالاك تاعك تكون قدامها قصر و راني مشاركة فالدورة و نخدم و نصور باش ننسى العيوب لي فيها و نرجع نحبها
انا اصلا كي تولي لصح ماعنديش دار ساكنة مع دار شيخي فالفوضوي هاني صارحتك بلا خجل و دار بابا فيلا
و كي تصب الشتا نبات قاعدة نخاف يحبط علينا التراب لي فوقنا و يطيح الحيط لي مافيه لاساس لا والو و مشقوق و يموتو ولادي صغار تخيلي شتا كامل و انا هكا بصح راني راضية و ندعي ل ربي يفرج علينا و راجلي مايخلصش مليح بصح الحمد على كل شيء بالعكس كي تشارك في مواضيع كيما هادي ترجعي تحبي دارك كيما كانت بكل عيوبها كي تشوفيها نضيفة هداك هو الصح
و أدا على الحمام انا عندي بيت و كوزينة الكارلاج مافيهاش هههههه علابالي كي تقراي ردي تقولي الحمد لله راني عايشة في نعمة تحسدني عليها بزاف نسا
ربي يرزقنا فهاد العام الجديد بسكن مستقل يفرح قلوبنا يارب و يرزق جميع المحرومين

الوردة الندى

2015-10-14, 23:02

:dj_17::dj_17::dj_17::dj_17::dj_17::dj_17::dj_17:: dj_17::dj_17::dj_17:السلام عليكم ورحمة الله تعالى وبركاته وكل عام والامة الاسلامية بالف خير
om wassim السلام عليك اذا كنت قد وجهت هتة الكلمات لفراشات العمر فها انا اقف لاوجه لك تحية اكبار واجلال صراحتك وطرحك الموضوعي بث في القشعريرة وانزل دمعة حااااااااااااااااارة من عيني تقول بكل اللغات ان بوركت وبورك مسعاك انت وكل النساء الجزائريات ممن قبلن التحدي وشمرن على سواعدهن للعمل وتربية النشى الصالح وتقديم الافضل

hafidha20010

2015-10-14, 23:31

عام سعيد
يارب في هذه الليلة المباركة اهدنا الى ماتحب وترضى
املأ قلوبنا بالرحمة
اشف مرضانا ومتعنا بالصحة وارزق كل واحد منا ما يتمناه !

om wassim

2015-10-14, 23:31

مساء الخير اختي الوردة الندى ربي يحفظك اختي
هذي هي الحقيقة لازم على كل وحدة فقيرة ولا بيتها قديم ماتقعدش حاطة يدها على خدها حتى تحكمها الكآبة
لازم هي تخلي الدار لي عيانة بشغلها و نشاطها و نظافتها يكون قصر حتى ماتكرهش حياتها و تزيد تكره حياة زوجها
صح في الأول الأمر صعب و لازم تتحداي نفسك باش تتاقلمي لكن غير تحبي دارك كيما كانت خلاص تحسيها جنتك

♥سهام♥

2015-10-15, 07:45

عام يعيد وكل عام وانتم بالف خير

هنو ام ياسر

2015-10-15, 08:53

السلام عليكم حبيباتي عام سعيد لكافة الفراشات ننصحكم اليوم بما انو الاولاد و الزوج في عطلة ما تكتروش الميناج و التخمال ووونحاولو نطيبو و اطباق مميزة و الخروج معا للاكل في الطبيعة مثلا او او او .
اطلقن العنان لافكاركن لاسعاد عائلاتكن ارجو ان تكونو بخير و اختي ام تغاريد لاباس عليكك و ترجعي لينا بالسلامة و عجبتني طريقة طرح موضوع تنظيف الحمام ان شاء الله غدا نكمل مع الرتشات الأخيرة في الغرفة و السبت باذمن الله نبدا مع الحمام سلامي الى كل الفراشات........

البحر الصافي

2015-10-15, 09:01

صباح الخير على احلى فراشات
http://www.djelfa.info/vb/images/icons/icon24.gifhttp://www.djelfa.info/vb/images/icons/icon24.gifhttp://www.djelfa.info/vb/images/icons/icon24.gifhttp://www.djelfa.info/vb/images/icons/icon24.gifhttp://www.djelfa.info/vb/images/icons/icon24.gifhttp://www.djelfa.info/vb/images/icons/icon24.gif
http://www.djelfa.info/vb/images/icons/icon24.gifhttp://www.djelfa.info/vb/images/icons/icon24.gifhttp://www.djelfa.info/vb/images/icons/icon24.gifhttp://www.djelfa.info/vb/images/icons/icon24.gifhttp://www.djelfa.info/vb/images/icons/icon24.gifhttp://www.djelfa.info/vb/images/icons/icon24.gifhttp://www.djelfa.info/vb/images/icons/icon24.gif
http://up.1sw1r.com/upfiles2/sdz96515.jpg

amel...

2015-10-15, 11:49

صباح الخير عليكم يا عسولات ... ان شاء الله راكم لاباس و ان شاء الله كل وحدة باسمها تكون مليحة

فراشات العمر الاخوات كفاو ووفاو ... شدي في ربي و ديما ادعيلو و تاكدي كل حاجة رايحة تكون مليحة

ام تغاريد طهورا ان شاء الله ....

اول حاجة رايحة نحط تقريري لنهار الامس مقدرتش ندخل و نكتب نهاري كيفاه جاز

بديت بتطبيق تجهزي و الحمد لله تم التطبيق

بديت نتقيد ببرنامج الروتينات و الحمد لله درت التطبيق الخاص ببرنامج يوم الاربعاء و درت تنظيف عميق عميق للغرف و الحمام ... مسحت الغبرة . نفضت المطارح .. مسحت

الاسرة من الاعلى و من الاسفل و مسحت القواطع بصح الحيوط ممسيتهمش الحال راهو بارد و علابالي ميشيحوش مليح و تبقي ريحت الجبس خليتهم حتا نشعلو الفورنو و

سيقت و كي نشفت الحالة رجعت الحوايج لمكانهم... الحمام سيقت الارضية و حكيت لافابو و مكان الاستحمام ... و في المساء طيبت مع ماما الفطير درناه عشا بمناسبة محرم

... كل عام و الامة الاسلامية بخير

في المساء و بعدما تعشينا نظفت الحوض و الاواني و رتبت المطبخ

يعني ترتيب تلميع الحوض تم التطبيق و تطبيق تبريد الاماكن الساخنة تم التطبيق

و الحمد لله

قبل مانرقد درت نظافة شخصية و رطبت الارجل بالفازلين تم التطبيق و رحت نرقد

الحاجة لي فرحتني كي روحت اختي من الجامعة و قالت راني نحس بلي كاينة حاجة تبدلت في الدار في هذاك الوقت التعب كامل راح و حسيت بالرضا على روحي

الحمد لله و ربي يقدرني على الالتزام

om wassim

2015-10-15, 13:54

مساء النور على كل الفراشات
تطبيقاتي ليوم أمس كانت كالآتي:
-طبقت الحوايج لي كانو منورين
-رتبت الخزانة من الجهة لي فيها الوثائق و تحت وين حاطة لي درت
-عملت مثل أم تغاريد غيرت ديكور الغرفة هههه
-سيقتها و مسحت الغبرة و الحيوط و الزجاج و مسحت الخزانة مالداخل بوحد المناديل العطرية
-عندي زوج كوموند تاع بلاستيك تاع حوايج بنتي و وليدي رتبتهم و مسحتهم
-كملت الغرفة 10/10 كي جا زوجي الصبح مالعمل عجب التغيير و فرح بريحة النظافة
-تطبيق التجهز البارح و اليوم كان 6/10
-الحوض البارح التطبيق 10/10
-مسحت الدوح تاع بنتي و خرجت فراشها يتشمس
-رميت جميع الألعاب لي مكسرة و الباقي لميتو في كيس كبير و درتلو مكان فالخزانة مالتحت
-الرواية راني كل يوم نقرا و عجبتني و رجعت نستنى الوقت لي نقرا فيه

-اليوم كان ترتيب بسيط
و المرحاض أكرمكم الله غدا نديرلو تنظيف عميق

-أم تغاريد يا ريت الكوزينة تكون دالتها بعد الحمام لأنها تحتاج تنظيف عميق و راني نستنى باش نديرها معاكم

سلامي ليكم جميعا و ربي يدوم صحتنا يا رب

zara08

2015-10-15, 14:00

السلام عليكم اخواتي الفراشات ان شاء الله تكونو بالف خير راح نحطلكم تقريري لليوم
البارح لمعت الحوض مليح ولا يبرق يعني تم التطبيق و قبل مانرقد درت فازلين لرجلي تم التطبيق و جهزت مستلزمات الغد تم التطبيق
و اليوم نضت على 5:30 صليت الصبح و قريت الاذكار و رجعت رقت حتى 7:30 و جهزت نفسي ( غسلت وجهي بغاسولي وأسناني ثم مسحت وجهي بماء ورد ثم وضعت كريم مرطب مشط شعري و غيرت ملابسي و درت ستيك و مكياج خفيف) و تم التطبيق, ثم روحت تقهويت مع زوجي وراح للخدمة وانا كملت التنظيفات و طيبت غذاء وتغديت وحدي لان زوجي يتغذى في الخدمة غسلت الأواني و صليت الظهر و قريت الأذكار و جيت عندكم يا فراشات نشوف وين لحقتو في تطبيقاتكم

على فكرة راني كتبت الروتينات الثلاثة و بديت نتبع فيهم و بقالي تنظيف الحمام في الأسبوع القادم ان شاء الله سأتبع كل تعليماتك يا معلمة أم تغاريد

أم ريتاج زهرة

2015-10-15, 16:00

أم وسيم فعلا أإنت عنوان و مثال المرأة الجزائرية الفحلة فعلا و بدون مجانملت و أنا نقرى في الرد نتاعك و الله صدقيني لحمي تشوك فعلا ربي يوفقك على حساب صبرك يعطيك الصحة مام أنا ساكنة في دار الوراثة في مكان شيخي و الحمد لله خير من الكرى أو بدون مسكن و يجي النهار اللي يفرجها ربي و بالنسبة للتطبيقات شوية شوية راني لاحقتكم

om wassim

2015-10-15, 18:53

إقرأ يعطيك الصحة راكي شاطرة الله يبارك ربي يكملك و يخليلك صحتك
أم ريتاج شكرا حبيبتي و ربي يرزقك بسكن مستقل يفرح بيه قلبك امييين يا رب

أم ريتاج زهرة

2015-10-15, 19:11

اللهم أمين

امونة الشاوية

2015-10-15, 23:40

جزاك الله كل الخير

غزالة1

2015-10-16, 04:36

السلام عليكم
عام سعيد لكل الامة الاسلامية
قبلاتي لكل فراشة في البستان القديمات و الجديدات و حتى المتتبعات بصمت
اعتذر مرة اخرى عن المشاركة بسبب ظروفي الصحية لكني متتبعة دائما فهذا يبعث في نفسي القوة ربي يجعل هذا في ميزان حسناتكم
سلام:mh31::mh31::mh31::mh31:

أم تغاريد

2015-10-16, 11:07

السّلام عليكم ورحمة الله وبركاته
طاب صباااااحكن فراشاتي الحبيبات
الحمد لله عدت سالمة من السفر لحقت قبل قليل
ماصبرتش جيت نطل عليــــــــــــكم
غبت نهار توحششششششتكم
ساعود ان شاء الله لارد عليكن
نروح ندير الغداء ونفرز شوية الدار
الى الملتقى كنّ متفائلات

رقة زمان

2015-10-16, 12:52

الحمد لله على سلامتك أم تغاريد توحشناك
واصلي واصلي .:19:....أنا من المتتبعات بصمت:1:
جمعه مباركه على الجميع

sarab.sarab

2015-10-16, 13:54

لا تنسو المراءة العاملة راني ما نلقاش الوقت كانش وحدة عاملة تعطينا نصائح

بسمة امل الجزائر

2015-10-16, 17:36

اهلاااااااااااااااااااااااا حبيبات قلبي كيف حالكن اليوم

جمعة مباركة للجميع ما تنسو اكثرو من الدعاء والاستغفار والصلاة على النبي وقراة سورة الكهف

بالنسبة لتقرير البارح واليوم

البارح كان يوم عادي تنظيف عادي جدا وقمت من الناحية الجمالية لنفسي مسحت الثلاجة على الخفيف وسيقت المطبخ وانتهى اليوم مع قراتي للقراة وحفظ بعض الايات

اليوم درت ماسك لشعري قريت القران وسيقت بيتي ومسحت قاطعة الكهرباء وفرشتها وفطرنا

دروك نديرو عشاء ونتعشو نلمع الحوض صايي اكتسبتها عادة من عادتي هي والفازلين قبل النوم

حبيت نقوللكم لوكان نضيفو قبل النوم قراءة سورة الملك من تشاطرني الراي في هذا

يومكمو مبارك

والحمد لله على سلامتك يا ام تغاريد

بالنسبة لجدول الوتين اليومي راني نعدل فيه

عندي لازم نكمل كفرولي تاع كروشي كنت بديت قبل وبحكم ظهري وجعني حبست كل شيء
ممكن ادا قدرني ربي نحاول نقرا اكثر اللغ-ة الفرنسية

ولي اهداف كثيرة كل ما نجسد حاجة رايحة نخبركم عليها
سلاااااااااااااااااام

ام آدم

2015-10-16, 17:58

السلام عليكن حبيبات قلبي
اليوم راني فرحانة لاني كملت تطبيق الخزانة والغرفة ككل مازالت حاجة خفيفة نمسح الغبار وفقط
الحمد لله بنتي والفت الفطام ورجعت تشرب الحليب الصناعي و تاكل فرماج بعد ما كانت رافتضهم تماما
والله كانت متعبتني و مخليتني متاخرة في التطبيقات و لكن باذن الله راح نلتحق باغلى تجمع تجمع الخير و الفلاح مع احلى الفراشات بنات بلادي الفحلات
رغم اننا كامل عندنا ظروف مادية واجتماعية وغيرها ولكنا باذن المولى راح نصنعو من الليمونة الحامضة عصيرا حلوا
ربي يفرج على كل مكروب ويعطي كل فراشة في هاذ الدورة ما تتمنى

amel...

2015-10-16, 18:42

مساء الخير عليكم و ان شاء الله راكم كامل ملاح و الصحة بخير ... ان شاء الله كل وحدة تكون هانية و مرتاحة

ام تغاريد علا سلامتك حنونة .... اخت شقية لاباس عليك و رايحة نعاود نقولك جربي الزنجبيل و زيت الزينون بركاك من التفنيين ههههه

بالنسبة للامس بديت يومي ببرنامج تجهزي و الحمد لله تم التطبيق

من بعد كملت نظفت الصالة و المطبخ تنظيف عميق و الحمد لله ... مع العشوة قريت وحدة تقربلنا قريتها شوية الفرونسي .... في المساء جاو عندنا ضياف و راكم تعرفو حالة

الضياف ..... بصح بالرغم من هذيك الزحمة بصح حافضت على تطبيق تلميع الحوض و الترطيب بالفازلين و الحمد لله تم التطبيق

ام بالنسبة لليوم حقيقة مطبقتش برنامج تجهزي ... اديت النهار كلمل وانا مع الدورة و في المساء خدمت شوية بالمشينة و ظرك راني قاعدة نجهز في العمل نتاعي

و قلت نطل عليكم ..........

أم ريتاج زهرة

2015-10-16, 18:45

أهلا أخواتي جمعة مباركة لي عودة بإذن الله المولى عز و جل

بسمة امل الجزائر

2015-10-16, 21:18

اهلييييييييييييييييييييييييين امولة شكرا على النصيحة ههههههههههههه فقتيلي بلي فنيانة هههههههههههه

شوفي نقولك حاليا درت الدواء والحمد لله راني بخيييييييييييير وكون يعاود يضرني اكيد نرجع لوصفة السحرية

بورك فيك حبيبتي وجعلها في ميزان حسناتك وربي يعينك على العمل في البيت وفي الخارج بالصح اني حكمتك ههههههههههههه انتي استاذة فرنسية ادا هاك ديريلنا دروس وتربحي الاجر اجريين ههههههه لاني نموت ونتقن الفرنسية ولا اعطينا برك خطوات كيفاه نطورو روحنا في اللغات

اهلا ام ريتاج وجمعتك مباركة حبيبتي

تبارك الله عليك ام ادم راك وليت وبقوة الخوف تفوتينا ههههههههه الله يعطيك الصحة والعافية وواصلي صيري كالنحلة وين تدور تغدينا بعسلها الحلووووو

amel...

2015-10-16, 21:46

مساء الخير عليكم ... ان شاء الله بخيييييييييييييير

حنونتي الشقية ان شاء الله ميزيدش يعاود الصطر و تبقاي ديما مليحة ... و مكيش فنيانة و الله باينة شاطرة ربي يبارك فيك .... اما عن اللغة الفرنسية مهوش تخصصي اللغ

غالب بصح الحمد لله نسلك روحي كي قريت في الجامعة باللغة الفرنسية ... انا ننصحك جربيي كل مرة هزي مجموعة من الكلمات و اعرفي معانيها و كذلك استعمليها يوميا ...

احكي مع روحك في المرايا بالفرونسي و كذلك جربي اشري جرائد بالغة الفرنسية و اقرايهم و كي تلقاي كلمة صعيبة استعملي القاموس و اكيد رايحة تستفادي

موفقة حبيبتي و اليوم انا لي راني فنيانة راني حاصلة مع المذكرات ... نروح نزيد نكابر معاهم شوية .... تصبحو بخير

ام تغاريد ليوم راني مقدرتش نطبق تلميع الحوض الله غالب مقدرتش مع الخدمة لي عندي بصح طليت عليه راهو نظيف هههه فيه غير زوج طباسا برك

سلاااااااااام

ام آدم

2015-10-16, 22:16

السلام عليكم
اختي شقية لكن وفية شكرا على كلماتك الاحلى من العسل
انا الآن في بالصتي قلت نطل عليكم قبل ما نرقد
بالنسبة للحوض تم التطبيق راهو يلمع والكوزينة كاملة مرتبة من الفرحة كل دقيقة نطل عليها هي وغرفة النوم رجعت هايلة وعندك الحق ام تغاريد كي قلتيلنا كل ما كانت السطوح فارغة كانت اجمل اعتبرها نصيحة ومبدا سيرافقني مدى الحياة هو وتلميع الحوض و البقية تاتي ان شاء الله
على فكرة بالنسبة للعناية بالقدمين تم التطبيق وحتى حمامي المتواضع سيقتو ومسحتو لعشية
اتمنى لكن اخواتي ليلة هانئة الى الغد ان شاء الله

هنو ام ياسر

2015-10-16, 23:42

الحمد لله على سلامتك حبيبتي ام تغاريد توحشناك

الوردة الندى

2015-10-17, 07:35

:mh31::mh31::mh31::mh31::mh31::mh31::mh31::mh31::m h31::mh31::mh31::mh31:السلام عليكم
ام تغاريد عودة ميمونة وحفظك الله وكل جمع الفراشاااااات الطيبات النشيطات اللي يدخلو البهجة والنشاط
بالنسبة لي رامي محافظة على تنظيف الحوض وكذا الاهتمام بالنفس بمجرد النهوض من النوم وايضا برنامج التنظيف الاسبوعي لكن ما زال ما كملتش عرفة النوم ساوافيكم بالجديد ان شاااااااااااااااااااء الله يوم مبارك على جميييييع الفراشات

أم تغاريد

2015-10-17, 09:22

السلام عليكم حبيباتي صباحكن نشاط وأمل وفرح
شكرا لترحيبكنّ أخواتي
رايحة ان شاء الله نحطلكم نقاط تاع هاد الاسبوع لكل واحدة مشاركة معنا
اادا قدرت ان شاء الله لعشية ندحل او غدا صباحا باذن الله
هيا المنافسة اشتدت تقدرو تستدركو واش فاتكم اليوم
طاب يومكن

Farida_dz

2015-10-17, 11:39

السلام عليكم
يارك اببه فيكم على الدورة رايحة نغرض روحي بروحي جيت متاخرة الله غالب
رايحة نعرفكم لنفيب انا عاملة ماشي مزوجة قعدت غير انا يعني الشغل كامل عليا منداك نكره الشغل هههه نخدم وانا كارها مي انتو ما شاء الله عليكن تخدمو شغل انت زاهيين
عحبتني فكرة الروتينات ان شاء الله نلتزم معكم
الحمد لله تلميع الحوض عندي عادة لان ماما مانعة منعا باتا اللماعن يباتو وصلاة الفجر ايضا حمد لله مزال الادكار وقراءة ورد من القران ان شاء الله نلتزم بهم
ايضا العناية بنفسي ننساه كامل نمشط شعري قيس ما يخرجش من الخمار فقط ان شاء الله ندي عاذة الالتزام العناية بالنفس
الدار غسلناها كالمة لان عدنا عرس خويا عن قريب راهي تشعل الحمد لله تحسي بالنقا مي رايحة نكتب راش حطيتو نلقا ملاحظاتكم plus tard
دوك نقرا واش فاتني
ربي يعاونكم

خوخة02

2015-10-17, 12:37

السلام عليكم ورحمة الله تعالى وبركاته
راني حاسة روحي مليحة شوية المهم البارح صليت الفجر وقريت القران
تطبيق تجهزي [COLOR="Red"]تم التطبيق
وجدت الفطور شربت القهوة مع زوجي ومن بعد غسلت الملابس ونضفت الحمام تم التطبيق
وسيقت الصالون والمطبخ ودرت الغذا تغذينا ومن بعد توضيت وصليت الظهر وحفطت قران علما راني مسجلة مع الفوج الجديد فالمنتدى لحفظ القران
ومن بعد ريحت شوية ووجدت قهوة العشية شربنا خرج زوجي قعدت راجعت واش حفظت
ودرت العشا ولمعت الحوض تم التطبيق
وجهزت نفسي كالعادة للنوم رقدت والوم نضت صليت الفجر وجهزت الفطور لزوجي راح للعمل اليوم ماجهزتش نفسي لظروف
وكنست المنزل ومزال مادرت والو العشية نعاود ندخل ان شاء الله

أم عبد الله ياسين2

2015-10-17, 13:09

السلام عليكم ، صبلحكم ورد و ياسمين ، توحشتكم الله غالب لاكونيكسيو بطييييئة ، على سلامتك ام تغاريد

تطبيقاتي الحمد لله ، الحوض ولا عادة ، الإستعداد للغد تاني وليت ما شاء الله ، الجانب الجمالي الحمد لله 10/ 10 و بما فيهم الرجلين اعزكم الله حبيت برك نقولكم بلي كاين فازلين مخصصة للرجلين جاية زرقاء و جاية كريمة في قرعة طويلة ، ننصحكم تجربوها انا خلاصتلي كي يجيبلي الزوج نصورهالكم ،

اختي شقية لكن وفية انا استاذة فرنسية و حياتي كاملة فرنيسي بابا. استاذ و ماما تان و انا تان انا ننصحك بداي بقصص اطفال و لازم تكون دايما معاك قلم رصاص و قاموس فرنسي فرنسي و سطري علي الكلمة و حوسي راح اجيك مع الأول مملة و لكن بعد ذلك تكون نتيجة اكيد ، تاني انا ننصحك تروحي لليوتيب و تسمعي اغاني مع كلماتهم تاني تحسن من مستوى التطق ،شوفي حصص افلام فرنسية ، و اي حاجة انا في الخدمة و متكثريش من سماع الأغاني راهي حرام ديريها للتعلم برك
سلاااام

amel...

2015-10-17, 15:01

مساء الخير عليكم يا اخواتي الفراشات ... نتمنى تكونو بخير و الصحة لاباس و سيرتو المورال يكون طالع

المهم البارح ختمت نهاري و انا عيااااااتة بصح تكبيق الفازلين منسيتوش و الحمد لله تم التطبيق

اما اليوم بديت يومي بتطبيق تجهزي لكن 6/10 المهم جربت و تم التطبيق

من جهة اخرى عادت الطوارئ و صبحت مع البقلاوة تع وحدة قريبتنا حبيت نعاونها ... حطيتها تطيب و قلت نطل عليكم ... ربي يقدرنا على كل حاجة فيها الخير ان شاء الله

سلام و لي عودة ان شاء الله

حبيبتي ام تغاريد ياريت تعطيني ملاحظتك حول برنامج الروتينات ... جزاك الله كل خير

ام آدم

2015-10-17, 15:13

السلام عليكم حبيباتي
بالنسبة لتطبيق تجهزي تم التطبيق اليوم ما درتش اعمال بزاف لان داري الحمد لله بقات نظيفة و مرتبة من يوم امس
غسلت ماعن الفطور وعملت كسكس للغغداء من بعد غسلت ماعن الغداء و عملت دوش و سشورت شعري وصليت الظهر وقلت نطل على خياتي
ام تغاريد ربي يحفظك من كل مكروه حبيبة
ام مؤمن توحشناك
ربي يوفق الجميع

الوردة الندى

2015-10-17, 15:34

مرحبا بك اختي الفاضلة farida-dz في هذا الجمع الطيب ورحلة موفقة تحو التغيير

حبيبة امها

2015-10-17, 15:45

السلام عليكن ورحمة الله وبركاته قرات فوق انكن انتقلتن الى هنا فقررت الانتقال معكن اتمنى ان تقبلنني لكن ما هو البرنامج لو سمحتم وسوف اوافيكم ان شاء الله

amel...

2015-10-17, 19:01

مساء الخير غليكم .... راني جبتلكم بعض الكواليس تع ايامي بعدما انظميت اليكم في الدورة و صور لبعض التطبيقات

اولا ترتيب الخزانة

http://cdn.top4top.co/i_b9fd24215c4.jpg (http://up.top4top.net/)

http://cdn.top4top.co/i_b9fd24215c5.jpg (http://up.top4top.net/)

amel...

2015-10-17, 19:02

ثانيا تطبيق تلميع الحوض

http://cdn.top4top.co/i_b9fd24215c6.jpg (http://up.top4top.net/)

http://cdn.top4top.co/i_b9fd24215c3.jpg (http://up.top4top.net/)

amel...

2015-10-17, 19:04

هادي الفازلين لي نستعملها

http://cdn.top4top.co/i_b9fd24215c2.jpg (http://up.top4top.net/)

و هادا مزيل الغبار لي نمسح بيه ... احسن مزيل الغبار استعملتو ريحتو زاكية و يحافظ صح على النظافة و كلشي يولي يلمع و ميبقاوش اليدين يريحو بيه

http://cdn.top4top.co/i_b9fd24215c1.jpg (http://up.top4top.net/)

amel...

2015-10-17, 19:09

وهادي البقلاوة لي درت اليوم ... جبتلكم تحليو بيها ..... بسم الله و متحشموش

http://cdn.top4top.co/i_4d77dac7261.jpg (http://up.top4top.net/)

ساعود بعد فليل ..... سلام لكل وحدة باسمها

حبيبة امها

2015-10-17, 19:30

ماشاء الله اختي امل راكي شاطرة خمسة وخموس والبقلاوة روعة ما شاء الله

أم عبد الله ياسين2

2015-10-17, 19:47

السلام عليكم ، امل راكي ما شاء الله نفس مزبل الغبار تاعي راؤع خاصة الربحة و ماهوش مزيت ربي يباركاك في صحتك ان شاء الله

سلامي لكل وحدة فيكم

خوخة02

2015-10-17, 20:12

امولة ماشاء الله راكي شاطرة حبيبتي
علاه راكي ديري هاكا هاديك البقلاوة تحطي فيها وانا راني بالحمل ابعثيلي حقي اوكي

amel...

2015-10-17, 20:51

شكرا لكل وحدة شجعتني .... خوخة راني دخلت علاجالك ... اسمحيلي حنونة و الله متولهت ... اسمحيلي و الله كن جيتي قريبة ليا و الله ندزلك حقك و الله حشمت من روحي

اسفة حبيبتي ....

خوخة02

2015-10-17, 21:23

هههههههههههههه والله والو حبيبتي ماديري والو فبالك على بالي كون جيت حداك تبعثيلي اهل الكرم باينين ربي يخليك ويرزق الزوج الصالح والذرية الصالحة امين يارب

ام آدم

2015-10-17, 21:45

السلام عليكم
امل الله يبارك عليك وهنيئا لخطيبك راهو دا مرا ونص ما شاء الله
بالنسبة لتطبيقات اليوم
تلميع الحوض تم التطبيق
العناية بالقدمين تم التطبيق
تجهيز ملابس ابني وزوجي وكل ما يخص طبخة الغد تم التطبيق
تصبحن على الف خير يا احلى فراشات

amel...

2015-10-17, 22:11

يا خوخة و يا ام ادم ربي يحفضكم علا هاذوك الدعاوي الزينين .... ربي يبقي عليكم الستر

تطبيق تلميع الحوض اليوم تهلات فيه ماما .... تطبيق تجهيز مستلزمات الغد تم التطبيق . العناية الاسبوعية للرجلين درتها اليوم بصح

استعملت القهوة تم التطبيق تبريد الاماكن الساخنة تم التطبيق و الحمد لله

بقلي نفرشي اسناني و نرطب رجلي بالفازلين و نروح نرقد ... تصبحو بخير يا اجمل فراشات نروح نريح شوية غدوة يستناي نهار طويل

ربي يقدرني و يقدركم

بالمناسبة تطبيق تمظيف الحمام بقاتلي التاقة و الرفوف و بعض الرتوشات الصغيرة و نكمل ..... في امان الله

himoprence

2015-10-17, 23:01

السلام عليكم و رحمة الله تعالى و بركاته
حابا نسقسيكم على البورت مونطو لي نعلقو فيه لي مونطو و لي فاست ,,,,,,,,,,اين المكان الصحيح لي تحط فيه في الصالون ولا الشامبرا و لا الكوروار
والله ماعرفت وين نحطو قبل كان في الصالون لمبصح ماعجبتنيش بلاصتو و قلت بلاك في الشامبرا ولا لا ؟
ومشكككككككككوووووورات حبيباتي

himoprence

2015-10-17, 23:04

أم عبد الله ياسين2

2015-10-17, 23:35

وثاني شيئ اخر هو اني بديت في تطبيق الخزانة و ما بقاليش بزلف ,لمبصح حرت في الصبابط نتاع لعراس وين نخبيهم و خزانتي نتاع 4 بيبان يعني شوية صغيرة وماعلرفتش وين يتخبو و و لي ناب هدوك لي ينفرشو على رفوف الخزانة خيطتوهم ولا مشريين ,انا ملنعرفش نخيط و هل متوفرين في الاسواق و اسمحولي على كثرة الاسئلة

السلام عليكم اختي هادوك تاع الخزانة حنا نقولولهم التلايق راهم يتشراو كاين على كل السومات ،. كاين تاع الشبيكة ، و تاع الكروشي و كاين تاع لاقيبوغ
بالنسبة للسبابط تاع لعراس انا دايرتهم في لخزانة ملتحت انا تان معنديش وين نخبيهم

أم عبد الله ياسين2

2015-10-17, 23:38

السلام عليكم ، تطبيقاتي الحمد لله ، غسلت الماعن لمعت الحوض ، نقيت الحوت صيدو زوجي تبلتو و وجدتو لغدوة سيقت الكوزينة دوشت نضفت الحمام ، اتعطرت لبست لباس النوم و راني جيت نحط التقرير ، ام تغاريد و ام مومن توحشناكم ، ام صبرين الأخريات اين انتم،

تصبحون على خير لا تنسو اذكار النوم و قراءة سورة الملك ، تصبحون على الف خير

himoprence

2015-10-18, 00:35

السلام عليكم اختي هادوك تاع الخزانة حنا نقولولهم التلايق راهم يتشراو كاين على كل السومات ،. كاين تاع الشبيكة ، و تاع الكروشي و كاين تاع لاقيبوغ
بالنسبة للسبابط تاع لعراس انا دايرتهم في لخزانة ملتحت انا تان معنديش وين نخبيهم

بارك الله فيك اختي و شكرا على التوضيح

أم تغاريد

2015-10-18, 07:32

طاب صباحكنّ فراشاتي الغاليات المرة لي فاتت قلتكم بلي رايحة نحط تقييم لكل واحدة لكن أثناء عد النقاط واجهت مشكلة بعض الفراشات لم تكن تسجل يوميا مثلا هل تم تلميع الحوض ام لا خفت نظلم كاش واحدة لذا رايحة نشرحلكم مليح الطريقة ونبداو من اليوم 18 أكتوبر حتى نهاية هاد الأسبوع

شوفو حبيباتي بالنسبة :

لتطبيقات الاستعداد لفصل الشتاء :

ترتيب الغرفة : 10ن

تنظيف الحمام 5ن

تنظيفات قادمة 5ن(ان شاء الله نديرو المطبخ)

يعني قبل نهاية الأسبوع تدخل كل فراشة وتقولي ادا كملت الغرفة والحمام و واش رايحين نزيدو هاد الأسبوع ان شاء الله

*******

هذه التطبيقات يوميّة مع التنقيط ديالها

كل يوم تدخلي وتكتبي ادا تمت ام لا

ادا ماقدرتيش تدخلي كل يوم في اليوم لي تكونكتي فيه اكتبي تقرير الأيام الماضية يعني مثلا

قبل أمس : تم تطبيق الحوض –لم يتم تطبيق التجهز للغد....الخ

البارح : تم تطبيق تجهزي 7/10 – تم تطبيق 15 د للاماكن الساخنة....الخ

1-تطبيق تلميع الحوض 3.5ن

2-تطبيق تجهزي 10/10 كم تعطين لنفسك من عشرة؟3.5ن

3-في كلّ مشروع خطوة 3.5ن

4-تطبيق 15 دقيقة للأماكن الساخنة3.5ن

5-تطبيق تجهيز ما يلزمك ليوم الغد 3.5ن

نقاط إضافية لمن تأتي بأفكار جديدة : 2.5ن

المجموع 40 نقطة
شكون الشاطرة لي رايحة تجيب 39 /40 ؟؟؟؟

ملاحظة في الصفحة الأولى كاين رابط فيه شرح جميع التطبيقات

أرجو أنّ الشرح كان واضحا

لي مافهمتش تسأل

ولننطلق !

أم تغاريد

2015-10-18, 07:44

فاتوني بزاف صفحات ولضيق الوقت مانقدرش نرد عليكم كامل
والا مانلحقش ندير التطبيقات اليومية معاكم
لكن نقولكم الله يبارك ما شاء الله عليكم
راكم همة نشاااااط ملحوظ
والفراشات الجديدة مرحباااااا بكن جميـــــعا
لي عندها كاش استفسار تطرحو
وان شاء الله نتعاونو كامل باش نحافظو على بيوتنا نظيييفة

تنظيف الحمام وين راه لاحق يا فراشاتي؟

ام اكرم31

2015-10-18, 08:35

sara1982

2015-10-18, 09:35

السلام عليكم كيف الأحوال
أختي أم إكرام 31 مبروك عليك المزيود يتربى في عزك
أختي غير بالشوية باش تحكمي الريتم راهي مسؤولية كبيرة ربي يعينك ويقدرك عليها
أما بالنسبة لدورة الإستعداد لفصل ا لشتاء وكوني عاملة وماعنديش الوقت غير الويكاند .راكم بثيتوا فيا النشاط والقوة وكون زوجي غائب هذه المدة ربي يرجعهولي على خير وعافية ،راني عملت ميناج كامل للدار ماعدا الصالون مازال المرة الجاية ونكملوا .اسفة لأنني لم أتقيد بالبرنامج بصح غرفة النوم والمطبخ وغرفة الأولاد والحمام والمرحاض راهم في قمة النظافة. يعطيكم الصحة .

حبيبة امها

2015-10-18, 09:50

السلام عليكم ورحمة الله وبركاته اختي أم تغاريد ممكن تضحكي لكن ما فهمت والو يا ريت تفهمبني نظام الدورة حتى نقدر نتواصل معكن أعجبت كثيرا بنشاطكن الله يبارك
وبارك الله فيك

محبة رسول الله

2015-10-18, 10:16

موضوع مميز اختي ربي يحفظك
والله زدت استفدت منو ما شاء الله
ربي يجعلو في موازين حسناتك اختي
نتمنى الكل يستفيد

ام مؤمن

2015-10-18, 11:17

السلام عليكم كيف حالكم حبيباتي اشتقت لكم

كنت غائبة عن المنزل جوزت فرح في بيت سلفتي و رجعت مريضة عندي لاقريب قاوية عافاكم الله راني حاكمة السرير ماقدرتش ننوض خلاص عندما اشفى ان شاء الله سالتحق بكم يوم موفق لا تنسوني بدعواتكم الطيبة لي بالشفاء العاجل ربي يشفي جميع مرضى المسلمين

أم تغاريد

2015-10-18, 12:30

السلام عليكم حبيباتي انا كنت معكم في دورة اختنا حبيبة توحشتكم بزاف وتوحشت هاد اللمة المملوءة بالهمة والنشاط والان عندي 18 يوم ملي ولدت لدلك تاخرت على الدورة كما انو المسؤولية زادت ابني الكبير 6سنوات دخل المدسة لازم نراجعلو وابني 3سنوات لازم نهتم بيه خاصتا انو حاس بالغيرة من ااخوه الصغير والمولود الجديد لازملو اهتمام كدلك راني حاسة روحي مبحرة معرتش كيفاش نضم وقتي تلميع الحوض راني مواضبة عليه و درت تطبيق الخزانة لانهو غرفة النوم كانت نضيفة كنت نضفت قبل الولادة
عونوني اخواتي باش ندير برنامج نمشي عليه

وعليكم السّلام ورحمة الله وبركاته
مرحبا بك بين الفراشات أختي ام أكرم
مبارك عليك أختي يتبرى في عزكم
جعله الله من الصالحين
الحمد لله على سلامتك
بالنسبة للبرنامج حاولي تولفي وليدك النوم بالليل باش تكوني نشيطة في النهار
نوضي بكري حضري الطعام لانو الزوج ماراحش يعذرك كي ما يلقاش الماكلة
ابنك الكبير خصصي له ولو نصف ساعة يوميا بعد العصر مثلا

وابنك الوسطاني حاولي تعطيلو الحنان قبليه كثيرا عانقيه هكدا مايحسش بلي نسيته

بالنسبة لأشغال البيت ديري لائحة تاع الاشغال اليومية لي لازم اديريها كل يوم مهما كانت الظروف

اعتمدي نظام المناطق الساخنة : كل يوم 15 دقيقة من وقتك افرزي فيها حاجة ماراهيش في مكانها
حاولي اديري برنامج ليومك وحنا ان شاء الله نعطوك رأينا
مرحبا بك بيننا مرة اخرى
ربي يبارك لك في وقتك واهلك

السلام عليكم كيف الأحوال
أختي أم إكرام 31 مبروك عليك المزيود يتربى في عزك
أختي غير بالشوية باش تحكمي الريتم راهي مسؤولية كبيرة ربي يعينك ويقدرك عليها
أما بالنسبة لدورة الإستعداد لفصل ا لشتاء وكوني عاملة وماعنديش الوقت غير الويكاند .راكم بثيتوا فيا النشاط والقوة وكون زوجي غائب هذه المدة ربي يرجعهولي على خير وعافية ،راني عملت ميناج كامل للدار ماعدا الصالون مازال المرة الجاية ونكملوا .اسفة لأنني لم أتقيد بالبرنامج بصح غرفة النوم والمطبخ وغرفة الأولاد والحمام والمرحاض راهم في قمة النظافة. يعطيكم الصحة .

وعليكم السلام ورحمة الله وبركاته
اختي سارة اهلا وسهلا بك متابعة وفية
يعطيك الصحة يا الشاطرة
مادام دارك راهي تشعل حاولي تحضري مثلا مفاجآت لزوجك
تفرحيه بها كي يرجع ان شاء الله سالما غانما

السلام عليكم ورحمة الله وبركاته اختي أم تغاريد ممكن تضحكي لكن ما فهمت والو يا ريت تفهمبني نظام الدورة حتى نقدر نتواصل معكن أعجبت كثيرا بنشاطكن الله يبارك
وبارك الله فيك

وعليكم السّلام ورحمة الله وبركات أهلا بك أختي حبيبة أمها
أضخك الله سنّك أخيتي
ساحاول ان اشرح لك بطريقة ميسرة :
رانا نحضرو ديورنا لفصل الشتاء ان شاء الله وبالتالي رانا نديرو تنظيفات عميقة لحد الان الحمد لله كملنا غرفة النوم
ورانا مع الحمام

بالنسبة للتطبيقات اليومية هادي عادات حسنة رانا حابين نثبتوها في يومياتنا
1-تلميع الحوض " مغسلة الأواني " كل ليلة قبل ما نرقدو لازم الماعن يكونو مغسولين والحوض يكون يلمع كي نجو نشربو قهوة الصياح النفس تنشرح

2-تجهزي 10/10 هذا التطبيق خاص بالعناية الشخصية كل ما تنوضي الصباح لازم تتهلاي في الجانب الجمالي قدر المستطاع وتكوني في ابهى حلة

3-في كل مشروع خطوة : انت عندك حاجات حابة تتعلميه او انجاز حابة اديره خصصي له كل يوم ولو ربع ساعة المهم تحققي منو حاجة مثلا المطالعة حبيت تكملي كاش كتاب كل يوم اقراي منو ولو بضعة صفحات

4-تنظيف الأماكن الساخنة : كل يوم خصصي 15 دقيقة باش تفرزي كاش حاجة او ترتبي رف تاع حوايج او تغسلي زربية المهم حاجة راهي غير مرتبة غير تخلاص 15 د حبسي ماتزيديش عليها لانها رايحة تاخذ وقت امور اخرى

5-تجهزي للغد: ادا كنت طالبة مثلا جهزي ملابسك ادواتك ادا كنت متزوجة جهزي ملابس الزوج ادا كنت ماكثة بالبيت جهزي مقادير الطبخة لي رايحة اديريها عدوة ان شاء الله وهكا....

كل يوم لازم تكتبي ادا قمت بهذه التطبيقات ام لا او على الاقل كي تدخلي تكتبي تقرير عن الايام لي مادخلتيش فيها

هل الامور واضحة الان يا اخيتي ؟
ادا مافهمتيش قوليلي عادي نزيد نفهمك

موضوع مميز اختي ربي يحفظك
والله زدت استفدت منو ما شاء الله
ربي يجعلو في موازين حسناتك اختي
نتمنى الكل يستفيد

ربي يحفظك اختي
مرحبا بك مفيدة ومستفيدة

السلام عليكم كيف حالكم حبيباتي اشتقت لكم

كنت غائبة عن المنزل جوزت فرح في بيت سلفتي و رجعت مريضة عندي لاقريب قاوية عافاكم الله راني حاكمة السرير ماقدرتش ننوض خلاص عندما اشفى ان شاء الله سالتحق بكم يوم موفق لا تنسوني بدعواتكم الطيبة لي بالشفاء العاجل ربي يشفي جميع مرضى المسلمين

وعليكم السلام ورحمة الله وبركاته
اهلا بك ام مؤمن ونحن ايضا اشتقنا إليك
أسأل الله العظيم رب العرش العظيم أن يشفيك
طهور إن شاء الله
ارتاحي واشربي فيتامين c
ننتظر عودتك

أم ريتاج زهرة

2015-10-18, 13:41

أنا راني مودرة و كارهة ما درت و لا تطبيق داري راهي منظمة و لكن خاصني نزيد شوية تنظيم لازم نوض بنفسي من جديدي و يا رب نلحق بيكم يعني تنقيكي رايح يكون صفر 0

ام آدم

2015-10-18, 13:49

ربي يشفيك اختي ام مؤمن
طهور ان شاءاالله

آسيا 25

2015-10-18, 13:51

السلام عليكن يا فراشات
أختي أم تغاريد التطبيقات اليومية أنا مواظبة عليها يوميا و الحمد لله:
يوم الخميس أكملت ترتيب و تنظيف الغرفة تم التطبيق
إضافة إلى روتين التجهز الصباحي اليومي 8/10 و تطبيق العناية بالقدمين إلا أنني لا أستخدم الفازلين بل كريم خاص بالأقدام.
التحضير الليلي لما يلزم اليوم الموالي تم التطبيق
و فيما يخص تطبيق الأماكن الساخنة فلم أقم به يوم الخميس ( أعذرينا أم تغاريد عشاء محرم ووووو)
الجمعة نظفت الحمام و المرحاض (أكرمكن الله) كما قلت أختي أم تغاريد و بالمناسبة أردت أن أشكرك على معلومة الخل الأبيض يزيل التكلسات فلطالما اجتهدت في تنظيف المرحاض مستخدمة الكثير من المنتجات لكنني لم أكن راضية على نظافته و بعد استخدامي للخل الأبيض أصبح حوض المرحاض يلمع بارك الله فيك حبيبتي.
طبعا تجهزت صباحا 10/10 و قمت بتطبيق ترطيب القدمين قبل النوم مع دعكهما أثناء الإستحمام لكنني لا أستخدم زيتي اللافندر و الإكليل.
تجهيز الأغراض ليوم السبت تم التطبيق
الأماكن الساخنة قمت بغسل طباخة المطبخ جيدا كل قطعة لوحدها.أي تم التطبيق
السبت التجهيز الصباحي 8/10 ثم خرجت مع زوجي اشتريت أكياس معطرة للخزانة برائحة الخزامى و الفانيليا حقيقة لم أكن أتوقع أنها ستعطر الخزانة بتلك القوة فكلما فتحت الخزانة غمرتني الرائحة العبقة فشكرا على النصيحة و اشتريت سلة بلون سيراميك الحمام وضعت فيها قارورات الشامبو و كريم الإستحمام كما اشتريت حاملة جميلة وضعت فيها فراشي الأسنان و معجون الأسنان صدقوني هته اللمسات الصغيرة جعلت حمامي يتغير و يبدو فخما يعطيكم الصحة.
أما الأماكن الساخنة فقمت بتنظيف مجمد الثلاجة و ترتيبه.
تطبيق ترطيب القدمين تم و الحمد لله.
تطبيق تجهيز مستلزمات الغد تم و الحمد لله.
أتمنى أن أكون وفقت شكرا لكن جميعا و أنا في انتظار تطبيق المطبخ يومكن موفق صديقاتي و في أمان الله.

ام آدم

2015-10-18, 13:52

اختي ام ريتاج غير بالشوية ما تقلقيش روحك المهم نحرزو كل يوم تقدم خير من ماكانش ربي يعينا على دنيانا ودينا يا رب

oum sabrin

2015-10-18, 13:54

السلام عليكم حبيباتي الفراشات واش راكم توحشتكككككككككككم بززززززاف
كانت عندنا جنازة توفيت واحدة من عائلة عجوزتي ربي يرحمها و هي جارة لينا كذلك يعني بقينا معاهم نساعدوهم و نونسوهم ما كنتش مستقرة نروح لداري و نولي لعندهم حتى اليوم باش راني في الدار تطبيق تلميع الحوض دائما مواضبة عليه تم التطبيق و تجهزي 5/10 هاد اليومين
اليوم عدت معاكم من جديد غرفة نومي كملتها من بعد نزيد نكملنحط باقي الصور أما الحمام نديرو غدا ان شاء الله اليوم رتبت كامل المنزل كان مكركب غسلت الملالبس و رتبت المطبخ كذلك غسلت الطراشن الخ و سيقت الدنيا كامل
لي عودة بعد قراءة ما فاتني

louiza_nad

2015-10-18, 13:58

السلام عليكم
الله يعطيكم الصحة و يثبتكم اخواتي و بغيت نوضحلكم بل هذه البرنامج الي راكم تبعوا فيه عنده مرجعية و هي طريقة امريكية اسمها "السيدة الحرة" fly lady و هذ البرنامج هو المرحلة الاولي فقط و الهدف منه هو تغيير جذري للعادات السيؤة و تغيير نفسي ايجابي و ان شاء الله يثبتكم خاصة الشهر الاول تبداو تلاحظوا التغيير في حياتكم, ان شاء الله تقبلوني بيناتكم باش نتونس بيكم لاخطرش كنت بديتها وحدي بصح مع الجماعة تبانلي خير, ملاحظة: حاجة روعة كي تنوضي صباح و تدخلي كوزينتك و تصبيها نقية
الي اللقاء

ام اكرم31

2015-10-18, 13:58

السلام عليكم شكرا اخواتي ربي يبارك فيكم ويحفضكم
اختي ام تغاريد اليوم الحمد الله بعد ما دهب زوجي للشغل وابني للمدرسة رحت درت فطوﻻي على النار يطيب درت رشتة ودرت قيس فطور وعشى ورحت رضعت وليدي ونضفتو وقمطتو وخليتو يرقد وتوجهت نضفت الحمام تنضيف عميق وكملتو الحمد الله وكملت خملت الغرف ومسحت الارض ناض وليدي شرب الحليب وقعد يلعب
راني فرحانة راني معاكم فالتنضيفات برك مزال الجانب الجمالي مزال مشريت والو لاني قبل منولد عفت الروائح مكنتش نستعمل الكريمات حتى نعاود نشري ان شاء الله

حبيبة امها

2015-10-18, 15:02

بارك الله فيك اختي ام تغاريد راني فهمت وباذن الله نبدا التطبيقات من اليوم مساء ان شاء الله

himoprence

2015-10-18, 15:59

خولة الحملاوية

2015-10-18, 16:08

أحسن الله اليك أخيتي أم تغاريد .

om wassim

2015-10-18, 16:14

مساء الخير حبيباتي الله يبارك عليكم الكل ناشطات ربي يدومها
تطبيق تلميع الحوض تم راني محافظة عليه
تطبيق التجهز هادو يومين ولادي مراض يعني 6/10
تطبيق الغرفة 10/10
تطبيق الحمام10/10
المطالعة راني كملت رواية و بديت فالثانية يعني تطبيق في كل يوم خطوة تم و الحمد لله
ربي يعينا جميعا

خوخة02

2015-10-18, 17:14

هنو ام ياسر

2015-10-18, 17:31

السلام عليكم ها قد عدت
رب يشافيك اختي ام مؤمن و كل مرضى المسلمين ان شاء الله ترجعيلنا في اقرب فرصة كما ارحب بالملتحقات الجدد ما احلى لمتنا الحلوة و انتن زدتنها حلاوة .
اختي ام تغاريد راك عارفة راني خدامة و زيد راني استاذة يعني تحضير في البيت و عمل في الخارج لهذا ارجو ان تعذريني اذا ما دخلتش يوميا .
بالنسبة للغرفة كملت تطبيق السرير و الخزانة راني قلتلك حكايتها و اليوم برك خدملي زوجي رفوف عند النجار و مازال ما ركبهمليش .
راني صورت الخطوات و لكن التحميل صعب بل صار مستحيل عندي ساعة و انا نحاول المهم نوعدكم عندما تتاح لي الفرصة نحط الصور ان شاء الله

ام آدم

2015-10-18, 18:07

[QUOTE=himoprence;3994511289]السلام عليكم و رحمة الله تعالى و بركاته
حابا نسقسيكم على البورت مونطو لي نعلقو فيه لي مونطو و لي فاست ,,,,,,,,,,اين المكان الصحيح لي تحط فيه في الصالون ولا الشامبرا و لا الكوروار
والله ماعرفت وين نحطو قبل كان في الصالون لمبصح ماعجبتنيش بلاصتو و قلت بلاك في الشامبرا ولا لا ؟
ومشكككككككككوووووورات حبيباتي

اختي انا حاطاتو في لاشومبر و يظهرلي هاذاك هو المكان المناسب ليه
او في الكولوار احسن من الصلون يبشعها

أم تغاريد

2015-10-18, 18:15

أنا راني مودرة و كارهة ما درت و لا تطبيق داري راهي منظمة و لكن خاصني نزيد شوية تنظيم لازم نوض بنفسي من جديدي و يا رب نلحق بيكم يعني تنقيكي رايح يكون صفر 0

مازال عندك اسبوع باكمله اختي
شوفي ام ريتاج اليوم احكمي ورقة وقلم وسجلي واش راكي حابة اديري غدوة ان شاء الله
ابداي يومك باكرا ورايحة تشوفي كيفاش تبداي في تحقيق الانجازات
ربي يعيينك

السلام عليكن يا فراشات
أختي أم تغاريد التطبيقات اليومية أنا مواظبة عليها يوميا و الحمد لله:
يوم الخميس أكملت ترتيب و تنظيف الغرفة تم التطبيق
إضافة إلى روتين التجهز الصباحي اليومي 8/10 و تطبيق العناية بالقدمين إلا أنني لا أستخدم الفازلين بل كريم خاص بالأقدام.
التحضير الليلي لما يلزم اليوم الموالي تم التطبيق
و فيما يخص تطبيق الأماكن الساخنة فلم أقم به يوم الخميس ( أعذرينا أم تغاريد عشاء محرم ووووو)
الجمعة نظفت الحمام و المرحاض (أكرمكن الله) كما قلت أختي أم تغاريد و بالمناسبة أردت أن أشكرك على معلومة الخل الأبيض يزيل التكلسات فلطالما اجتهدت في تنظيف المرحاض مستخدمة الكثير من المنتجات لكنني لم أكن راضية على نظافته و بعد استخدامي للخل الأبيض أصبح حوض المرحاض يلمع بارك الله فيك حبيبتي.
طبعا تجهزت صباحا 10/10 و قمت بتطبيق ترطيب القدمين قبل النوم مع دعكهما أثناء الإستحمام لكنني لا أستخدم زيتي اللافندر و الإكليل.
تجهيز الأغراض ليوم السبت تم التطبيق
الأماكن الساخنة قمت بغسل طباخة المطبخ جيدا كل قطعة لوحدها.أي تم التطبيق
السبت التجهيز الصباحي 8/10 ثم خرجت مع زوجي اشتريت أكياس معطرة للخزانة برائحة الخزامى و الفانيليا حقيقة لم أكن أتوقع أنها ستعطر الخزانة بتلك القوة فكلما فتحت الخزانة غمرتني الرائحة العبقة فشكرا على النصيحة و اشتريت سلة بلون سيراميك الحمام وضعت فيها قارورات الشامبو و كريم الإستحمام كما اشتريت حاملة جميلة وضعت فيها فراشي الأسنان و معجون الأسنان صدقوني هته اللمسات الصغيرة جعلت حمامي يتغير و يبدو فخما يعطيكم الصحة.
أما الأماكن الساخنة فقمت بتنظيف مجمد الثلاجة و ترتيبه.
تطبيق ترطيب القدمين تم و الحمد لله.
تطبيق تجهيز مستلزمات الغد تم و الحمد لله.
أتمنى أن أكون وفقت شكرا لكن جميعا و أنا في انتظار تطبيق المطبخ يومكن موفق صديقاتي و في أمان الله.

وعليكم السلام ورحمة الله وبركاته
اللهم بارك اختي آسيا
زادك الله من فضله
ان شاء الله باقي الفراشات يجتهدو كيما انت
حبيبتي رايحين نبداو احتساب النقاط من اليوم ان شاء الله يعني تاع الايام الماضية ماهيش داخلة في الحساب
لكن تشكرين على ما تبذلين
أعانك الله
السلام عليكم حبيباتي الفراشات واش راكم توحشتكككككككككككم بززززززاف
كانت عندنا جنازة توفيت واحدة من عائلة عجوزتي ربي يرحمها و هي جارة لينا كذلك يعني بقينا معاهم نساعدوهم و نونسوهم ما كنتش مستقرة نروح لداري و نولي لعندهم حتى اليوم باش راني في الدار تطبيق تلميع الحوض دائما مواضبة عليه تم التطبيق و تجهزي 5/10 هاد اليومين
اليوم عدت معاكم من جديد غرفة نومي كملتها من بعد نزيد نكملنحط باقي الصور أما الحمام نديرو غدا ان شاء الله اليوم رتبت كامل المنزل كان مكركب غسلت الملالبس و رتبت المطبخ كذلك غسلت الطراشن الخ و سيقت الدنيا كامل
لي عودة بعد قراءة ما فاتني

وعليكم السلام ورحمة الله وبركاته الفراشة النشيطة أم صابرين
افتقدنا نشاطك
رحم الله الميتة وأسكنها فسيح جنانه ورزق أهلها الصبر
التحقي واسبقي
موفقة

السلام عليكم
الله يعطيكم الصحة و يثبتكم اخواتي و بغيت نوضحلكم بل هذه البرنامج الي راكم تبعوا فيه عنده مرجعية و هي طريقة امريكية اسمها "السيدة الحرة" fly lady و هذ البرنامج هو المرحلة الاولي فقط و الهدف منه هو تغيير جذري للعادات السيؤة و تغيير نفسي ايجابي و ان شاء الله يثبتكم خاصة الشهر الاول تبداو تلاحظوا التغيير في حياتكم, ان شاء الله تقبلوني بيناتكم باش نتونس بيكم لاخطرش كنت بديتها وحدي بصح مع الجماعة تبانلي خير, ملاحظة: حاجة روعة كي تنوضي صباح و تدخلي كوزينتك و تصبيها نقية
الي اللقاء

وعليكم السلام ورحمة الله وبركاته مرحبا بك أختي لويزة
مرحبا بك بيننا اختي
سبحان الله فاجأتني المعلومة التي ذكرتها!
أفيدينا بما لديكِ أختي
وان شاء الله نتعاونو باش نحو ضغوط الحياة اليومية من حياتنا
أهلا وسهلا بك

السلام عليكم شكرا اخواتي ربي يبارك فيكم ويحفضكم
اختي ام تغاريد اليوم الحمد الله بعد ما دهب زوجي للشغل وابني للمدرسة رحت درت فطوﻻي على النار يطيب درت رشتة ودرت قيس فطور وعشى ورحت رضعت وليدي ونضفتو وقمطتو وخليتو يرقد وتوجهت نضفت الحمام تنضيف عميق وكملتو الحمد الله وكملت خملت الغرف ومسحت الارض ناض وليدي شرب الحليب وقعد يلعب
راني فرحانة راني معاكم فالتنضيفات برك مزال الجانب الجمالي مزال مشريت والو لاني قبل منولد عفت الروائح مكنتش نستعمل الكريمات حتى نعاود نشري ان شاء الله

وعليكم السلام ورحمة الله وبركاته
يعطيك الصحة يا الشاطرة
فرحني ردك راكي دخلت بقوة حاولي اتبعي برنامج التطبيقات لي هدرنا عليه لكي تدخلي في منافسة الفراشات
موفقة

بارك الله فيك اختي ام تغاريد راني فهمت وباذن الله نبدا التطبيقات من اليوم مساء ان شاء الله

وفيك بارك اختي صاحبة الاسم الجميل " حبيبة أمها"
موفقة

السلام عليكم و رحمة الله تعالى و بركاته
حابا نسقسيكم على البورت مونطو لي نعلقو فيه لي مونطو و لي فاست ,,,,,,,,,,اين المكان الصحيح لي تحط فيه في الصالون ولا الشامبرا و لا الكوروار
والله ماعرفت وين نحطو قبل كان في الصالون لمبصح ماعجبتنيش بلاصتو و قلت بلاك في الشامبرا ولا لا ؟
ومشكككككككككوووووورات حبيباتي

وعليكم السلام ورحمة الله وبركاته أختي himoprence
حطيها في الشامبرا في جهة مخفية مثلا في احد الجوانب الخزانة غير الظاهرة

أحسن الله اليك أخيتي أم تغاريد .

وإليك أختي خولة مرحبا بك

مساء الخير حبيباتي الله يبارك عليكم الكل ناشطات ربي يدومها
تطبيق تلميع الحوض تم راني محافظة عليه
تطبيق التجهز هادو يومين ولادي مراض يعني 6/10
تطبيق الغرفة 10/10
تطبيق الحمام10/10
المطالعة راني كملت رواية و بديت فالثانية يعني تطبيق في كل يوم خطوة تم و الحمد لله
ربي يعينا جميعا

مساء الفرح أختي أم وسيم
أحسنت فهمت الطريقة كملي باقي التطبيقات هكدا
ربي يوفقك سعيدة لوجودك بيننا
السلام عليكم ها قد عدت
رب يشافيك اختي ام مؤمن و كل مرضى المسلمين ان شاء الله ترجعيلنا في اقرب فرصة كما ارحب بالملتحقات الجدد ما احلى لمتنا الحلوة و انتن زدتنها حلاوة .
اختي ام تغاريد راك عارفة راني خدامة و زيد راني استاذة يعني تحضير في البيت و عمل في الخارج لهذا ارجو ان تعذريني اذا ما دخلتش يوميا .
بالنسبة للغرفة كملت تطبيق السرير و الخزانة راني قلتلك حكايتها و اليوم برك خدملي زوجي رفوف عند النجار و مازال ما ركبهمليش .

وعليكم السلام ورحمة الله وبركاته
مرحبا بأم ياسر الغالية
لا عليك اختي قلتلك سجلي كل يوم عندك في ورقة مثلا ادا درتي التطبيقات
ونهار لي تدخلي اكتبي في اليوم الفلاني درت التطبيق كذا ومادرتش التطبيق كذا
ادا ممكن
وربي يبارك لك في وقتك يا الشاطرة

zara08

2015-10-18, 19:15

هنو ام ياسر

2015-10-18, 19:34

oum sabrin

2015-10-18, 20:44

مساء الانوار و صح عشاكم
في البداية اشكر حبيبتي ام تغاريد على المواساة و كذا التشجيع
حبيباتي ام عبد الله و هنو ام ياسر شكرا على السؤال يتوحشكم الخير ها قد عدت و العود أحمد ههههههه
حبيبتيي ام مؤمن لا باس عليك توحشنا طلتك المنورة
تحياتي لكل الفراشات ما شاء الله عليكم همة و نشاط
تقرير غرفة النوم
اعيد ملخص
ترتيب الخزانة 10/10 تم التطبيق و كان مرفقا بالصور
ترتيب التسريحة 10/10 تم التطبيق و كان مرفقا بالصور
ترتيب طاولات السرير 10/10 تم التطبيق و كان مرفقا بالصور
ترتيب السرير 10/10 تم التطبيق و كان مرفقا بالصور
غيرت ستائر الغرفة بعد تنظيف النوافذ

http://www9.0zz0.com/2015/10/18/22/827654804.jpg

اخترت هاذ المفيتحات لخزانتي كنت صنعتهم و خبيتهم و علقتهم كلمسة ديكورية تضفي نوعا من التجديد
http://www9.0zz0.com/2015/10/18/22/977131666.jpg

http://www9.0zz0.com/2015/10/18/22/910769813.jpg

تمت الغرفة 10/10 و الحمد لله
تطبيق تجهزي كان 5/10 اليوم تم التطبيق راح نحسنو في الايام المقبلة باذن الله
تطبيفق تلميع الحوض ليوم الأحد 180/10 تم التطبييييق
تطبيق 15د ليوم الاحد طويت كومة من الملابس كنت غسلتهااليوم و رتبتها في اماكنها المخصصة تم التطبيق
تجهيز مستلزمات الغد لزوجي و ابنتي تم التطبيق
تطبيق الفازلين و الجوارب تم التطبيق الان
تطبيق الحمام لم يتم بعد

حبيبتي ام تغاريد عجبتني فكرة سلم التنقيط محفزة للفراشات عندي اقتراح اذا ممكن تنقطي كذلك التقارير المصورة ليكون حافزا للفراشات لوضع صور تطبيقاتهن
تحياتي للجميع

ام آدم

2015-10-18, 21:08

السلام عليكم اخواتي
تلميع الحوض تم التطبيق
التجهز 6/10
تجهيز لوازم الغد تم التطبيق
العناية بالقدمين تم التطبيق
الاماكن الساخنة بالامس نظفت الغازواليوم طبقت الملابس لي جفت
تصبحن على تطبيق اقصد على خير:19:
على فكرة بالنسبة للغرفة والحمام تم التنظيف و التنظيم مازال كي نخرج نشري تلايق للخزانة راني سخفت عليهم منظرهم يبهي الرفوف

حبيبة امها

2015-10-18, 22:40

السلام عليكن ورحمة الله وبركاتهر
اليوم غسلت لماعين ولمعت الحوض جيدا
الحمام نظيف الحمد لله
بقالي الملابس من الغد إن شاء الله نبدأ معاهم
وتحضرات الغذ لم أطبق اسفة غدا إن شاء الله نعمل برنامجي اليومي من جديد
رابحة نعمل فازلين لرجلي ونفرشي اسناني ونعطر نفسي
تصبحون على خير

محــــــ النقاب بــــة

2015-10-19, 00:43

ااسلام عليكم

مااااشاااااء الله غرت ههههه بااذن الله ننظم ليكم

حبيبة امها

2015-10-19, 06:58

السلام عليكن ورحمة الله وبركاته
صباح الخير على الفرايات الجميلة
الحمد لله اليوم نظت بكري دوزنت الغذا وبليت المطلوع ورايحة نقي الحمام مليح نخصصلو 15دقيقة والمرحاض اعزكم الله حتى يخرجو كامل ونرجع ليه
يوم موفق لكل الفراشات

أم تغاريد

2015-10-19, 07:47

السلام عليكم يا فراشات النشيطات راني رجعت باش نحط تقريري
بالنسبة ليومي للجمعة و السبت لم اكن في البيت,ننتقل الان الى التطبيقات
تلميع الحوض مواظبة عليه و الحمد لله
تجهيز نفسي في الصباح 10/10
تجهيز مستلزامات الغد 6/10
الغرفة و الخزانة انتهيت منهما بقى لي الحمام يوم الأربعاء بإذن الله لانه اليوم الأسبوعي للتنظيف العميق للحمام
اما تطبيق خطوة نحو مشروع و هو مراجعة لحفظ جزء عم اليوم لم اقم به لاني قد ذهبت لزيارة مريض
اما الروتينات اليومية فأحاول ان اتقيد بها حتي تصبح عادة

لكنني عندي مشكلة في النوم لا أستطيع مقاومة النوم في الصباح مما يجعل نظامي يختل فمن منكن تستطيع مساعدتي

وعليكم السلام ورحمة الله وبركاته
مرحبا بك أختي
يعطيك الصحة راكي بديتي تدخلي التطبيقات ليومية الى حياتك
مع الوقت ستصبح عادة ثابتة
بالنسبة للنوم كنت مثلك وقلت مستحيل نقدر نوالف انوض بكري
لكن الحمد لله في دورة الاخت حبيبة ربي يجازيها خير السابقة 15 يوم وانا نجاهد باش مانوليش نرقد بعد الفجر والحمد لله الان والفت
حاولي ستجدين ان يومك اصبح أجمل صدقيني

تقرير غرفة النوم
اعيد ملخص
ترتيب الخزانة 10/10 تم التطبيق و كان مرفقا بالصور
ترتيب التسريحة 10/10 تم التطبيق و كان مرفقا بالصور
ترتيب طاولات السرير 10/10 تم التطبيق و كان مرفقا بالصور
ترتيب السرير 10/10 تم التطبيق و كان مرفقا بالصور
غيرت ستائر الغرفة بعد تنظيف النوافذ

http://www9.0zz0.com/2015/10/18/22/827654804.jpg

اخترت هاذ المفيتحات لخزانتي كنت صنعتهم و خبيتهم و علقتهم كلمسة ديكورية تضفي نوعا من التجديد
http://www9.0zz0.com/2015/10/18/22/977131666.jpg

http://www9.0zz0.com/2015/10/18/22/910769813.jpg

تمت الغرفة 10/10 و الحمد لله
تطبيق تجهزي كان 5/10 اليوم تم التطبيق راح نحسنو في الايام المقبلة باذن الله
تطبيفق تلميع الحوض ليوم الأحد 180/10 تم التطبييييق
تطبيق 15د ليوم الاحد طويت كومة من الملابس كنت غسلتهااليوم و رتبتها في اماكنها المخصصة تم التطبيق
تجهيز مستلزمات الغد لزوجي و ابنتي تم التطبيق
تطبيق الفازلين و الجوارب تم التطبيق الان
تطبيق الحمام لم يتم بعد

حبيبتي ام تغاريد عجبتني فكرة سلم التنقيط محفزة للفراشات عندي اقتراح اذا ممكن تنقطي كذلك التقارير المصورة ليكون حافزا للفراشات لوضع صور تطبيقاتهن
تحياتي للجميع

الله يبارك ما شاء الله عليك يا أم صابرين
ممتازة!
ستائر غرفتك بزااااف شابين اللهم بارك
عطاو نعومة للغرفة ديالك
غرفة كيما هادي لي يدخللها نفسو تنشرح
ويحس بحضور امرأة مرتبة
طبعا أختي أم صابرين التي تدرج الصور ستسبق غيرها
خصونا مشاركات مصورة في هاد الدورة
نشفى انا تشجعت باش نتبع هاد النوع من الدورات كي شفت صور حطتهم الاخت أم عبودة
واصلي بهذا الاجتهاد
ربي يحفظك
السلام عليكم اخواتي
تلميع الحوض تم التطبيق
التجهز 6/10
تجهيز لوازم الغد تم التطبيق
العناية بالقدمين تم التطبيق
الاماكن الساخنة بالامس نظفت الغازواليوم طبقت الملابس لي جفت
تصبحن على تطبيق اقصد على خير:19:
على فكرة بالنسبة للغرفة والحمام تم التنظيف و التنظيم مازال كي نخرج نشري تلايق للخزانة راني سخفت عليهم منظرهم يبهي الرفوف

وعليكم السلام ورحمة الله وبركاته
يعطيك الصحة أم آدم راكي محافظة على التطبيقات قدر المستطاع
واصلي
تشجيعآتي

السلام عليكن ورحمة الله وبركاتهر
اليوم غسلت لماعين ولمعت الحوض جيدا
الحمام نظيف الحمد لله
بقالي الملابس من الغد إن شاء الله نبدأ معاهم
وتحضرات الغذ لم أطبق اسفة غدا إن شاء الله نعمل برنامجي اليومي من جديد
رابحة نعمل فازلين لرجلي ونفرشي اسناني ونعطر نفسي
تصبحون على خير

وعليكم السلام ورحمة الله وبركاته
أحسنت أختي حبيبة أمها
راكي بديت اول الخطوات ورايحة توالفي ان شاء الله معنا
واصلي
ااسلام عليكم

مااااشاااااء الله غرت ههههه بااذن الله ننظم ليكم

وعليكم السلام ورحمة الله وبركاته
أهلا وسهلا بك في كل وقت أختي محبة النقاب
ننتظرك

السلام عليكن ورحمة الله وبركاته
صباح الخير على الفرايات الجميلة
الحمد لله اليوم نظت بكري دوزنت الغذا وبليت المطلوع ورايحة نقي الحمام مليح نخصصلو 15دقيقة والمرحاض اعزكم الله حتى يخرجو كامل ونرجع ليه
يوم موفق لكل الفراشات

وعليكم السلام ورحمة الله وبركاته
صباح النشاط والهمة
امراة ونص الله يبارك
شوفي قائمة التطبيقات اليومية وحاولي اديريها كلها اليوم
باش تسبقي كامل الفراشات
أحسنت

أم تغاريد

2015-10-19, 08:24

ام محمدْ ومريمْ

2015-10-19, 08:39

صباح الخير على احلى فرشات راني نتابع فيكم من بعيد راني كملت تطبيق الزانة والحمام التجهيز06وتلميع الحوض عندي مدة طويلة مداومة عليه
العناية القدمين راني نحاول نلتزم ومزلي التسريحة

sara1982

2015-10-19, 10:11

السلام عليكم ورحة الله وبركاته
يعطيكم الصحة يالفحلات راكم ربي يبارك في قمة النشاط ربي يعطيكم صحتكم

أم تغاريد

2015-10-19, 11:24

صباح الخير على احلى فرشات راني نتابع فيكم من بعيد راني كملت تطبيق الزانة والحمام التجهيز06وتلميع الحوض عندي مدة طويلة مداومة عليه
العناية القدمين راني نحاول نلتزم ومزلي التسريحة

صباح الورد أختي وداد
الله يبارك متابعة شاطرة
ربي يبارك لك في يومك

السلام عليكم ورحة الله وبركاته
يعطيكم الصحة يالفحلات راكم ربي يبارك في قمة النشاط ربي يعطيكم صحتكما
وعليكم السلام ورحمة الله وبركاته
اهلا اختي سارة
الله يسلمك بارك الله فيك

أم تغاريد

2015-10-19, 11:25

فراشاتي الغاليات انا اليوم كملت 70 بالمائة من الحمام الحمد لله
بقالي غدوة ان شاء الله نحط اللمسات الاخيرة
وراني ندير في الفطور لزوجي صائم
هيا الهمة الهمة

آسيا 25

2015-10-19, 11:29

حبيبة امها

2015-10-19, 11:44

السلام عليكن ورحمة الله وبركاته
ام تغاريد كلامك جميل
الكوزينة 9من 10 الحمد لله نقية والغداء جاهز والكسرة كذلك
الحمام5من 10
المرحاض5من 10
غسلت غطاوات لمطارح وموكاثات تاع لبيوت والكوزينة والان راجعة للحمام باذن الله

حبيبة امها

2015-10-19, 12:38

الان الحمد لله الحمام والمرحاض10على 10

حبيييبة

2015-10-19, 13:46

الله الله الله على الفحلات
ماشاء الله لا قوة الا بالله
ربي يستركم مالعين و يحميكم ياا رب، بارك الله فيك حبيبتي أم تغاريد
الله يعطيك الصحة و الهنا
راكي فتحتي موضوع هاااايل في القمة
ربي يجازيك خيرا عنا كلنا حبيبتي
الموضوع و الهمة و الحماس و المشاركات
كلو كلو كلو يرفع الراس حبيباتي
بداية من أم تغاريد الى كل الفراشات المشاركات
والله سعادتي بكم لا تقدر ولا توصف
ربي يخليكم ليا ياا رب

شكرا لكل من باركتلي
تمنيتكم تكونوا معايا كلكم حاضرين
لكن ربي يشهد ان العرس تم في وقت ضيق جدا
و ظروف لا تسمح لي بأن أشارككم فرحتي و سعادتي حبيبات قلبي

اليوم اتممت تسعة أيام في بيت الزوجية
احوالي رااائعة الف حمد و شكر لله
نتمنى لكل البنات السعد و الهناء ان شاء الله
اليوم راني في بيت أهلي
بديت نتأقلم مع ريتم الحياة الخاص بعائلتي الثانية

و لأجل عيونكم حبيبات قلبي
و لانني احبكم و اشتقت اليكم كثيرا لدرجة لا تووصف
لكم مني هته الهدية

لقطة من يوم الحنة
لما خرجوني من عند النقافة (المرأة اللي تلبس الشدة التلمسانية التقليدية العريقة)

http://www5.0zz0.com/2015/10/19/15/495011388.jpg

و هاذي لقطة من يوم العرس

http://www6.0zz0.com/2015/10/19/15/321242419.jpg

♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥

http://www6.0zz0.com/2015/10/19/15/972773032.jpg

♥ ♥ ♥ ♥ ♥ ♥ ♥ ♥

حبيييبة

2015-10-19, 13:48

حبيبات قلبي
تجرأت و شاركتكم صوري
حتى تحسوا انكم كنتم معي في ايام فرحي و سعادتي
لانكم في قلبي و بالي كنتم ديما حاضرين
و عمركم ما غبتوا عني حبيباتي
احبكم جميعا ♥

om wassim

2015-10-19, 13:57

اووووو الف الف مبروك حبيبتي حبيبة و الله يبارك ربي يدوم هناك و يزين سعدك و يفرح قلبك و قلب زوجك بيك كيما فرحتي قلوبنا
و الصور الله يبارك باين خرجتي روعة ربي يبقي عليك الستر و يحفظك مالعين يارب
فرحتلك من قلبي و رانا مازالنا نستناو فيك ترجعي تشاركينا و الآن كربة بيت هههه

حبيييبة

2015-10-19, 14:05

اهلا اهلا حبيبتي ام وسيم
ربي يخليك ليا ياا رب
اللهم آآميييييييييييييييييين ليا و ليك و لكل الفراشات ياا رب
هي فالاول كنت مازالني عروسة زعما، نحشم نكونيكتي قدامهم :d
لكن الآن لما الدار فرغت و بقيت غير انا و امي الثانية
راه عندي المجال اني ندخل مرة على مرة
لكن بروجرامي مازاله ملخبط
مع الزيارات و الدخلات و الخرجات ووو
و زيد رايحة نبدا نخدم الايام المقبلة باذن الله
يعني ما نقدرش نوعدكم بالدخول اليومي هاذ الايام
رغم انو هاذ الدورة عجبتني بزاااف و برنامجها و نظامها لفت انتباهي جدا
حبيبتنا ام تغاريد راهي دايرة مجهود راائع و ملفت
الله يبارك عليها
رايحة اولا نحاول نقرا كل الصفحات السابقين
و مبعد نرجع نشارك معاكم تحت اشراف ام تغاريد باذن الله

oum sabrin

2015-10-19, 14:24

حبيبات قلبي
تجرأت و شاركتكم صوري
حتى تحسوا انكم كنتم معي في ايام فرحي و سعادتي
لانكم في قلبي و بالي كنتم ديما حاضرين
و عمركم ما غبتوا عني حبيباتي
احبكم جميعا ♥

ما شاء الله لا قوة الا بالله
الله يبارك عليك حبوبتي و ربي يباركلك في في زواجك و يسعد أيامك يا رب
ليك وحشة كبييييييييييرة غاليتي اقشعر بدني و أنا أقرأ ردك سعدت كثيرا بطلتك
صحيح هذه الدورة مميزة و حمستنا جميعا بفضل حبيبتنا ام تغاريد و كذا حبيبتنا أم مؤمن التي كانت تضع اقتباسات لنصائحك الذهبية حتى نحس انك معنا
ربي يخليك لينا و تشاركي معنا و نقرا ردودك ا و نصائحك الرائعة كما كنت سابقا

أم فاطيمة

2015-10-19, 14:25

السلام عليكم و رحمة الله و بركاته
ام تغاريد يعطيك الصحة راني نتبعد فيكم من بعيد ربي يسرلكم اموركم
الفراشات توحشتكم بزاف
حبيبة الف الف مبروك ربي يسخر لك و يهنيك
زروني هنا
http://www.djelfa.info/vb/showthread.php?t=1878558

أم عبد الله ياسين2

2015-10-19, 14:27

الساام عليكم ، الف الف الف مبروك حبيبة ، بارك الله لكما و عليكما و جمع بينكما في الخير ، كنتي ما شاء الله شكرا على الثقة تاعك باش حطيتينا الصور ، ربييهنيك و ميحرمناش من طلتك

تطبيقاتي الحمد لله درتها البارح على اكمل وجه شوية ناقة في 15 دقيقة

اليوم رانا صايمين ندير فطور و نرجعلكم في المساء بتقريري اليومي

سلاام

هنو ام ياسر

2015-10-19, 14:51

oum sabrin

2015-10-19, 14:55

السلام عليكم و رحمة الله
شكرا لك حبيبتي أم تغاريد على تشجيعاتك و كلماتك الجميلة هذا من روعة ذوقك
تطبيقات اليوم
تجهزي 8/10 تم التطبيق
الحمام درتو اليوم و في المساء نحط الصور مع التقرير تم التطبيق
صح قهيوتكم حبيباتي

حبيبة امها

2015-10-19, 15:01

السلام عليكن ورحمة الله وبركاته الف مبروك على العروس وما شاء الله ما شاء الله على الجمال

ام مؤمن

2015-10-19, 15:21

السّلام عليكم ورحمة الله وبركاته
صباح الخير فراشاتي الحبيبات
كيف حالكنّ؟
http://cdn.top4top.co/i_c5ea75c8cf1.jpg (http://up.top4top.net/)

مهما كانت همومكنّ متراكمة ، حاولن اليوم أن تبتسمن...
انسي ذلك الأمر الّذي يزعجك فوّضيه لله واثقة أنّه سيكفيك!
ما ذنب غيرك ، لتعبسي في وجوههم؟
ليس هناك من يعيش حياة مثاليّة لكن المرأة المثاليّة هي الّتي تصنع من أيّام حياتها باقة فرحْ!

http://cdn.top4top.co/i_4dadd1a0091.jpg (http://up.top4top.net/)

المرأة المثالية هي الّتي تشعرين في بيتها أنّها أسعد من يمشي على قدمْ!

المرأة المثاليّة هي الّتي تؤمن بقوله تعالى ( هل جزاء الإحسان إلّا الإحسان)
فتسعى لإدخال السّرور على قلوب الآخرين على يقين بأنّ الله سيسعدها كما أسعدت غيرها!
صباحكنّ عطآء جميلاتي
http://cdn.top4top.co/i_e47ae93ff61.jpg (http://up.top4top.net/)

التّطبيق المهمّ لهذا اليوم هو : إسعاد غيرك
ولو بكلمة طيّبة
بطبق تعدّينه لأهلك
برسالة قصيرة تبهجين بها قلب أحدهم
بحلوى تشترينها لطفل من عائلتك
لكن
احتسبي ذلك لله!
http://cdn.top4top.co/i_2f230372271.png (http://up.top4top.net/)

و عليكم السلام و رحمة الله
اسعد الله صباحك حبيبتي ام تغاريد انت و كل الفراشات الطيوبات و شكرا جزيلا على دعواتكم الطيبة لي بالشفاء
بالرغم من انني مازلت مريضة و معنوياتي هابطة اكتفي بطلة صغيرة من الهاتف لاتفقد احوالكم و اخباركم و اسرق منكم بعض الحماس و الهمة
و انا اقرا كلماتك الرائعه حسيت بسعادة كبيرة الله يسعد ايامك و ربي يجازيك خير على كل ماتقدمينه
مازلت مريضة لكن و الحمد للله اليوم غصبت على نفسي و تركت الفراش و قمت بترتيب بسيط لبيتي و احاول قدر الامكان العمل حسب مقدرتي
و بسبب الارهاق الكبير الذي مر عليا اعطتني الطبيبة فترة راحة و نقاهة و الابتعاد عن الاعمال الشاقة لفترة من الوقت
الحمد لله انتهيت من ترتيب و تنظيف بيتي في وقت قياسي و ساكمل معكم رحلة التنظيفات فقط بروتوشات صغيرة و بتطبيق بعض افكار التزيين و الترتيب فقط
بالنسبة لغرفة النوم تم التطبيق على اكمل وجه
الحمام تم التطبيق
المرحاض اعزكم الله تم التطبيق
تلميع الحوض تم التطبيق حتى في حالات المرض القصوى لا اتنازل ابدا عن هذه العادة
التجهز 0على 10 بسبب المرض
تجهيز مستلزمات الغد 8على 10
جداول الروتينات جاري تعديلها
ترطيب القدمين قيد التطبيق
الاماكن الساخنة اقوم بتبريدها حسب مقدرتي طي الملابس تو تنظيف لثلاجة

و ان شاء الله اول ماتتحسن احوالي و اشفى ساسترجع حيوتي و نشاطي معكم من جديد لانو الصراحة المرض فشلني خلاص

و ان شاء الله اول ماتسمح الفرصة ساضيف لكم قائمة جديدة من التطبيقات

سلام لكل فراشات البستان

ام مؤمن

2015-10-19, 15:32

حبيبة مبارك عليك حبيبتي اكيد كنتي احلى عروس و رايحة تكوني احلى ربة بيت ربي يهنيك و رانا في انتظار مشاركاتك القيمة راني اقتبست عدد من تطبيقات الدورة السابقة و حطيتهم للفراشات و هكذا راكي كنت بيننا بالرغم من الغياب اتمنى لك عودة قوية ان شاء ألله

أم عبد الله ياسين2

2015-10-19, 15:47

ام مومن طهور ان شاء الله ربي يشافيك اختي توحشناك

محبة رسول الله

2015-10-19, 17:03

ماشاء الله
حمستوني باه نزيد نفرز ونصورلكم
مشكورين والله انتن اخواتي احبكن في الله
استفدت منكن كثيراااااااااااااااااااا

هنو ام ياسر

2015-10-19, 17:39

السلام عليكم ها قد عدت بتقريري عن التطبيقات و الذي ابتدا من الامس 18/10/2015 في هذا اليوم اي البارحة عندما استيقظت تجهزت 10/10 اي تم التطبيييق و بالنسبة لتطبيق الاماكن الساخنة انا غير ملتزمة به :D لاني لا احس ان 15د تكفيني كما لا استطيع ان ابدا عملا ما و اتركه غير مكتمل و اذهب ......:confused:
بالنسبة لتطبيق خطوة لتحقيق مشروع اعتبرها تحضير الدروس ليوم الغد اي تم التطبيق.
بالنسبة لتلميع الحوض فانا اعتبره من الاولويات ليس فقط الحوض بل كل المطبخ
اذن تم التطبيق 10/10 و تطبيق الفازلين كذلك تم التطبيق.
و قبل الخلود الى النوم جهزت كل مستلزمات الغد تم التطبيق.
بالنسبة لليوم تجهزت في الصباح10/10 تم التطبيق اما التطبيقات اللاحقة ساوافيكم بها هته الليلة ان شاء الله.
لي عودة باذن الله.

حسيبة2010

2015-10-19, 17:51

وعليكم السّلام ورحمة الله وبركات أهلا بك أختي حبيبة أمها
أضخك الله سنّك أخيتي
ساحاول ان اشرح لك بطريقة ميسرة :
رانا نحضرو ديورنا لفصل الشتاء ان شاء الله وبالتالي رانا نديرو تنظيفات عميقة لحد الان الحمد لله كملنا غرفة النوم
ورانا مع الحمام

بالنسبة للتطبيقات اليومية هادي عادات حسنة رانا حابين نثبتوها في يومياتنا
1-تلميع الحوض " مغسلة الأواني " كل ليلة قبل ما نرقدو لازم الماعن يكونو مغسولين والحوض يكون يلمع كي نجو نشربو قهوة الصياح النفس تنشرح

2-تجهزي 10/10 هذا التطبيق خاص بالعناية الشخصية كل ما تنوضي الصباح لازم تتهلاي في الجانب الجمالي قدر المستطاع وتكوني في ابهى حلة

3-في كل مشروع خطوة : انت عندك حاجات حابة تتعلميه او انجاز حابة اديره خصصي له كل يوم ولو ربع ساعة المهم تحققي منو حاجة مثلا المطالعة حبيت تكملي كاش كتاب كل يوم اقراي منو ولو بضعة صفحات

4-تنظيف الأماكن الساخنة : كل يوم خصصي 15 دقيقة باش تفرزي كاش حاجة او ترتبي رف تاع حوايج او تغسلي زربية المهم حاجة راهي غير مرتبة غير تخلاص 15 د حبسي ماتزيديش عليها لانها رايحة تاخذ وقت امور اخرى

5-تجهزي للغد: ادا كنت طالبة مثلا جهزي ملابسك ادواتك ادا كنت متزوجة جهزي ملابس الزوج ادا كنت ماكثة بالبيت جهزي مقادير الطبخة لي رايحة اديريها عدوة ان شاء الله وهكا....

كل يوم لازم تكتبي ادا قمت بهذه التطبيقات ام لا او على الاقل كي تدخلي تكتبي تقرير عن الايام لي مادخلتيش فيها

هل الامور واضحة الان يا اخيتي ؟
ادا مافهمتيش قوليلي عادي نزيد نفهمك

السلام عليكم و رحمة الله
ماشاء الله هادي المواضيع ولا خلييييي ههههه ....صراحة شفت الموضوع من يومين مافهمتش مليح علابيها درت الإقتباس كنت ساسأل نفس السؤال....لككككنننننن فهمت بلي حملة نظافة ...بارك الله فيك أختي أم تغاريد وجعلها في ميزان حسناتك
وراني بديت اليوم
الخزانة نظمتها 10/10 رفدت كل ملابس الصيف و مسحتها وحطيتلها تلايق خدمتهم بيدي إن شاء الله كي نتعلم وضع الصور نشارككم
و الكوافوز 10/10 والسرير 0/10 ههههه مازال ماعرفتش واش نديرلو ماعدا تغيير الإزار ههههه
بعدها نظفت الكولوار مسحت من فوق لتحت ثم رحت لرف الاحذية أكرمكم الله كاااارثة ....بصح حطيتهم في الغسالة لأول مرة داخل أكياس من قماش خرجولي رووووعة ثم غسلت باب الدار من داخل ومن برة.
وقبلها نظفت الحمام 10/10 تم التطبيق
والأن رايحة للمطبخ وليدي طلب بيتزا رايحة نعجنها ونحضر الصوص وبإذن الله نبدأتنظيف الحوض اليوم
باقيلي النواقذ + لي ريدو ...
التجهيز وجداول الروتينات 0/10 فهموني فيهم من فضلكم
علابالي صدعتكم بصح راني فرحانة كي بديت معاكم
شككككرراااااا على النصائح

ام هزار

2015-10-19, 18:06

الف الف مبروك حبووووووبة و ربي يهنييييييييييك ......اللهم اميييييييين

بسمة امل الجزائر

2015-10-19, 18:21

السلام عليكم ورحمةالله

كيف حالكن غاليتي عدرا على التغيب جهازي حبس هههههههه ماخبش النقا

الف الف مبرووووووووووك لغاليتنا وحبيبتنا حبة ربي يهنيك وحبيبتي وما شاء الله عليك عروسة وست العرايس ربي يبارك عليك وياسعد ال داك مراة بمعنى الكلمة

بالنسبة ليكم فراشاتتي الغاليت ربي يبارك وفيكم وفي نشاطم واصلن لقد صرتن قدها وقدود الى الامام

غاليتي ام مومن ربي يشافيك وتلتحق بالركب

حبيبتي ام ياسين شكرا لك على النصائح القيمة ساعملو بها ان شاء الله
بالنسبة لتقريي انا كلشي الحمد لله راني ماشية نعاكم قدقد
الحمام غسلتو اليوم وكملتو ماشاء الله خرج رووووعة خاصة كي ضربت الشمس فيه وشفت يبرق احساس ولا مثيل له ههههههههه
بالتسبة لتنظيف الحوض والعناية بالقمين صايي صارت عادة فيا ومحالذنسمح فيها

بالنسة للاعتناء بنفسي انا صباح نفرشي اسناني ونغسلذوجهي بالصابون ونفطر ونطيب كلشي ايا ومن بعد يااماىندوش يااما نغسل ونحك رجليا بالحجر الخاص بالقمين باش نا تتكدسليش الفازلين على رجليا ايا ومن بعد نمشط شعري ونكحل عيوني وهدا قبل العاشرة
بالسبة للةرد اليومي الحمد للله ثبت فيه وصار ما اهميتي
وللخفظ راني ماشيا دوقا دوقا راني في الصفحة الربعة عشر كنتىداير بمعدل صفحتين في اليوم لكن تاخرت نوعا ما جاني الخفظ شويا صعب ونحس انا نحفظ مليح
كفرولي رتني معولا نن غدوا انش اء الله نرجع للعمل ونكملو بادن الله

اما حاليلا راني نطيب في الملخسة وشربة فارنيسال لانو كاين اخوتي ما يحبوش الملوخية

را على الاطالة حبيباتي ربي يقدرنا على اعمالنا ويجعلهاىفي ميزان حستنا يارب

حت ب;ك نطلب لو نظيف الدعاء ف برامجنا يعني كلىوحدة تعدي لاخواتتها في الدورة

وحياك

أمة الله 84

2015-10-19, 18:30

السلام عليكم
مبارك عليكي حبيبتي حبيبة و ربي يهنيك إن شاء الله.

الرجاء الاماني المجد

2015-10-19, 18:59

اختي حبيبة مبروك عليك الزواج لعقوبة للاولاد

om yousra

2015-10-19, 20:50

حبوووووووووووووووووووووووبة الف مبروك والله بكيت من الفرحة كي شفت تصاورك والله حسيتك كيما حبيبتي وصديقةعمري بدرة,والله ليك وحشة كبيرة وماتخافيش راكي خليتي وراك نسوان ادها وادود هههههههههههه ربي يحفهم الوصيفات ام تغاريد وام مؤمن ربي يبقي عليهم الستر ,ملاحظة راني ماشية مع التطبيقات بقالي 5_10 الحمام ونخلص
قبلاتي لجميع الفراشات الحبوبات

حبيبة امها

2015-10-19, 23:04

السلام عليكن ورحمة الله وبركاته
اليوم كان حافل لكن النتيجة مرضية بإذن الله
المطبخ 9/10
الحمام والمرحاض هذا غرور 10/10
الغرف الحمد لله 8/10لانو الاولاد رجعو فسدو الدنيا لكن بقات نقية
الصالون 8/10مازال خاصو شوبة مسح النافدة و النجف فقط
الهول الحمد لله نظيف 8/10علاه مرايا الزجاج ما لحقتش نمسحها
تحضيرات الغد عملتها
رايحة نعمل فازلين للرجلين ونروح نرقد

حبيبة امها

2015-10-19, 23:05

تصبحون على خير يا احلى فراشات
لا إله إلا الله وحده لا شريك له

أم عبد الله ياسين2

2015-10-19, 23:18

السلام عليكم ، ، راني جيت جبت تقريري ليوم صمت ، طيبت فطور و وجدت رحنا انا و الزوج درنا زيارة للمستشفى ، و رجعنا فطرنا ، غسلت الماعن نظفت الحوض خملت سيقت وكلت وليدي رقدتو فرشت اسناني ، درت مرطب ليديا و فازلين لرجليا ، تعطرت ، ليوم مكاش لادوش زوجي راهو خدام فليل ، و راني ندور فلمنتدى

تطبيق الحوض 10/10
تطبيق التجهز 8/10. مدوشتش

تطبيق العشر دقائق 5/10 ليوم مدرت والو
تطبيق ليوم غد 4/10 راجلي خدام فليل و حتى غدوة باش يقضيلي
سلام عليكم تصبحون على طاعة الرحمان و رؤية النبي في المنام

أم تغاريد

2015-10-20, 07:05

السلام عليكم
تطبيقات البارحة:
التجهز صباحا 10/10 تم التطبيق
تلميع الحوض 10/10 تم التطبيق
ترطيب القدمين تم التطبيق
تجهيز مستلزمات الغد تم التطبيق
الأماكن الساخنة رتبت جزء من خزائن المطبخ+ إكمال تنظيف الثلاجة الذي بدأته أول أمس تم التطبيق
أما فيما يخص غرفة النوم فقد أنهيتها الجمعة الماضية و الحمد لله:
ترتيب الخزانة 10/10 تم التطبيق
ترتيب التسريحة 10/10 تم التطبيق
طاولات السرير 10/10 تم التطبيق
السرير 10/10 تم التطبيق
غسل les désentes lit تم التطبيق
الجدران نظيفة فمنزلي جديد و لا أحتاج تنظيف الجدران
مسح الأرضية و الغبار و النافذة 10/10 تم التطبيق
ستر الغرفة نظيف غسلته قبل العيد فقط و من هنا:
ترتيب غرفة النوم تم التطبيق و الحمد لله.
الحمام تم التطبيق 10/10.و أقولها دون مبالغة هههه
المرحاض أكرمكم الله تم التطبيق 8/10 فقط بقي لي إشكال صغير و هو بقايا الإسمنت على السيراميك و التي حاولت إزالتها تكرارا دون جدوى تلك الآثار تشوه لمعان السيراميك يا ريت تفيدونني بحيلة للتخلص منها.
أما عن جدول الروتينات فلم أحضره بعد سأحاول إعداده الأسبوع المقبل بحول الله.
دمتن في رعاية الله و حفظه و يومكن موفق حبيباتي.
سلام.

وعليكم السّلام ورحمة الله وبركاته
فراشتي الغالية آسيا أحسنت أختي راكي ملتزمة بالتطبيقات رغم انّك عاملة
أهنئك على هذه العزيمة
واصلي
بالنسبة للاسمنت حاولتي تحكي بحبل السلك ؟ الاسمنت الابيض ام الاسود؟

الله الله الله على الفحلات
ماشاء الله لا قوة الا بالله
ربي يستركم مالعين و يحميكم ياا رب، بارك الله فيك حبيبتي أم تغاريد
الله يعطيك الصحة و الهنا
راكي فتحتي موضوع هاااايل في القمة
ربي يجازيك خيرا عنا كلنا حبيبتي
الموضوع و الهمة و الحماس و المشاركات
كلو كلو كلو يرفع الراس حبيباتي
بداية من أم تغاريد الى كل الفراشات المشاركات
والله سعادتي بكم لا تقدر ولا توصف
ربي يخليكم ليا ياا رب

شكرا لكل من باركتلي
تمنيتكم تكونوا معايا كلكم حاضرين
لكن ربي يشهد ان العرس تم في وقت ضيق جدا
و ظروف لا تسمح لي بأن أشارككم فرحتي و سعادتي حبيبات قلبي

اليوم اتممت تسعة أيام في بيت الزوجية
احوالي رااائعة الف حمد و شكر لله
نتمنى لكل البنات السعد و الهناء ان شاء الله
اليوم راني في بيت أهلي
بديت نتأقلم مع ريتم الحياة الخاص بعائلتي الثانية

و لأجل عيونكم حبيبات قلبي
و لانني احبكم و اشتقت اليكم كثيرا لدرجة لا تووصف
لكم مني هته الهدية

لقطة من يوم الحنة
لما خرجوني من عند النقافة (المرأة اللي تلبس الشدة التلمسانية التقليدية العريقة)

♥ ♥ ♥ ♥ ♥ ♥ ♥ ♥ ♥ ♥ ♥ ♥ ♥

♥ ♥ ♥ ♥ ♥ ♥ ♥ ♥

أهلا وسهلا بالعروسة
أهلا بمعلمتنا الغالية كم أسعدتني طلّتك!
بارك الله لك وبارك عليك وجمع بينكما في خير غاليتي حبيبة
فرحت بزاف كي سمعت بلي راكي بخير
ابشري عندك ما راكي تدي دعاوي الخير
ربي يجعل حياتك مليئة بالافراح
والعاقبة للذرية الصالحة
جزاك الله خيرا على التشجيع الحمد لله انا وأم مؤمن ربي يجازيها خير تلميذاتك نحاولو نسيرو على خطاك
والفراشات اللهم بارك نشاط وشطارة وحيوية ربي يحفظكم كامل
ننتظر عودتك الينا على أحر من الجمر
الآن راكي من الميدان التطبيقي لكل الافكار لي كنت تعطيهالنا ولا اشك انك ستوفقين باذن الله
برك البداية تجي شوية صعيبة ماتقدريش تنظمي مليح وقتك بسبب الطوارئ
لكن مع الوقت سيصبح لديك روتينات يومية واخرى اسبوعية كيما علمتينا
طلي علينا دايما توحشناااااااك بزاف
أسعدك الرحمن

السلام عليكم و رحمة الله
شكرا لك حبيبتي أم تغاريد على تشجيعاتك و كلماتك الجميلة هذا من روعة ذوقك
تطبيقات اليوم
تجهزي 8/10 تم التطبيق
الحمام درتو اليوم و في المساء نحط الصور مع التقرير تم التطبيق
صح قهيوتكم حبيباتي

وعليكم السلام ورحمة الله وبركاته
الله يبارك عليك أختي أم صابرين
واصلي بهذا الحماس

و عليكم السلام و رحمة الله
اسعد الله صباحك حبيبتي ام تغاريد انت و كل الفراشات الطيوبات و شكرا جزيلا على دعواتكم الطيبة لي بالشفاء
بالرغم من انني مازلت مريضة و معنوياتي هابطة اكتفي بطلة صغيرة من الهاتف لاتفقد احوالكم و اخباركم و اسرق منكم بعض الحماس و الهمة
و انا اقرا كلماتك الرائعه حسيت بسعادة كبيرة الله يسعد ايامك و ربي يجازيك خير على كل ماتقدمينه
مازلت مريضة لكن و الحمد للله اليوم غصبت على نفسي و تركت الفراش و قمت بترتيب بسيط لبيتي و احاول قدر الامكان العمل حسب مقدرتي
و بسبب الارهاق الكبير الذي مر عليا اعطتني الطبيبة فترة راحة و نقاهة و الابتعاد عن الاعمال الشاقة لفترة من الوقت
الحمد لله انتهيت من ترتيب و تنظيف بيتي في وقت قياسي و ساكمل معكم رحلة التنظيفات فقط بروتوشات صغيرة و بتطبيق بعض افكار التزيين و الترتيب فقط
بالنسبة لغرفة النوم تم التطبيق على اكمل وجه
الحمام تم التطبيق
المرحاض اعزكم الله تم التطبيق
تلميع الحوض تم التطبيق حتى في حالات المرض القصوى لا اتنازل ابدا عن هذه العادة
التجهز 0على 10 بسبب المرض
تجهيز مستلزمات الغد 8على 10
جداول الروتينات جاري تعديلها
ترطيب القدمين قيد التطبيق
الاماكن الساخنة اقوم بتبريدها حسب مقدرتي طي الملابس تو تنظيف لثلاجة
و ان شاء الله اول ماتتحسن احوالي و اشفى ساسترجع حيوتي و نشاطي معكم من جديد لانو الصراحة المرض فشلني خلاص
و ان شاء الله اول ماتسمح الفرصة ساضيف لكم قائمة جديدة من التطبيقات

سلام لكل فراشات البستان

رغم اننا توحشناك نقولولك راكي معذورة غاليتي ريحي
حتى تسترجعي عافيتك ونشاطك
ماتضغطيش على روحك تعبت بزاف في الايام الماضية
حاولي تعطي لنفسك حقها من الراحة
ننتظرك عودتك في كامل حيويتك
ربي يشافيك ويعافيك
وماتقلقيش روحك حتى حاجة ماتستهل
وكل شي يجوز
ربي يهنيك

ماشاء الله
حمستوني باه نزيد نفرز ونصورلكم
مشكورين والله انتن اخواتي احبكن في الله
استفدت منكن كثيراااااااااااااااااااا
اللهم بارك دخلت بقوة
ننتظرك فراشتي

السلام عليكم ها قد عدت بتقريري عن التطبيقات و الذي ابتدا من الامس 18/10/2015 في هذا اليوم اي البارحة عندما استيقظت تجهزت 10/10 اي تم التطبيييق و بالنسبة لتطبيق الاماكن الساخنة انا غير ملتزمة به :D لاني لا احس ان 15د تكفيني كما لا استطيع ان ابدا عملا ما و اتركه غير مكتمل و اذهب ......:confused:
بالنسبة لتطبيق خطوة لتحقيق مشروع اعتبرها تحضير الدروس ليوم الغد اي تم 0التطبيق.
بالنسبة لتلميع الحوض فانا اعتبره من الاولويات ليس فقط الحوض بل كل المطبخ
اذن تم التطبيق 10/10 و تطبيق الفازلين كذلك تم التطبيق.
و قبل الخلود الى النوم جهزت كل مستلزمات الغد تم التطبيق.
بالنسبة لليوم تجهزت في الصباح10/10 تم التطبيق اما التطبيقات اللاحقة ساوافيكم بها هته الليلة ان شاء الله.
لي عودة باذن الله.

وعليكم السلام ورحمة الله وبركاته
مرحبا بالفراشة النشيطة
أحسنت راكي محافظة على اغلب التطبيقات
بالنسبة لتطبيق الاماكن الساخنة صدقيني هايل حاولي تخليه في يومك لاسيما انك عاملة
15 د يعني 15 والا رايحة تسرقي وقت امور اخرى في يومك
وخصصي وقتا اخر للفرز العميق في نهاية الاسبوع مثلا
موفقة

السلام عليكم و رحمة الله
ماشاء الله هادي المواضيع ولا خلييييي ههههه ....صراحة شفت الموضوع من يومين مافهمتش مليح علابيها درت الإقتباس كنت ساسأل نفس السؤال....لككككنننننن فهمت بلي حملة نظافة ...بارك الله فيك أختي أم تغاريد وجعلها في ميزان حسناتك
وراني بديت اليوم
الخزانة نظمتها 10/10 رفدت كل ملابس الصيف و مسحتها وحطيتلها تلايق خدمتهم بيدي إن شاء الله كي نتعلم وضع الصور نشارككم
و الكوافوز 10/10 والسرير 0/10 ههههه مازال ماعرفتش واش نديرلو ماعدا تغيير الإزار ههههه
بعدها نظفت الكولوار مسحت من فوق لتحت ثم رحت لرف الاحذية أكرمكم الله كاااارثة ....بصح حطيتهم في الغسالة لأول مرة داخل أكياس من قماش خرجولي رووووعة ثم غسلت باب الدار من داخل ومن برة.
وقبلها نظفت الحمام 10/10 تم التطبيق
والأن رايحة للمطبخ وليدي طلب بيتزا رايحة نعجنها ونحضر الصوص وبإذن الله نبدأتنظيف الحوض اليوم
باقيلي النواقذ + لي ريدو ...
التجهيز وجداول الروتينات 0/10 فهموني فيهم من فضلكم
علابالي صدعتكم بصح راني فرحانة كي بديت معاكم
شككككرراااااا على النصائح

وعليكم السلام ورحمة الله وبركاته
راكي معولة تسبقي قاااااع الفراشات واقيل اختي حسيبة
ما شاء الله الله يبارك
أهلا وسهلا ومرحبا بك بيننا
راكي فهمت عموما اساس الدورة وبالعقل تندمجي معنا ان شاء الله
التجهيز ان كنت تقصدين التجهز الصباحي فنقصد به الغناية الشخصية : ترطيب البشرة مشط الشعر تفريش الاسنان التزين للماكثة في البيت اللباس الجميل.....
وان كنت تقصدين التجهز للغد ففي كل يوم تجهزي حاجة راكي محتاجتها غدوة كيما قلنا تحدي ملابس او ترتبي ادوات ابنك او تحضري صوص تاع كاش اكلة رايحة تطيبيها في الغد....الخ

بالنسبة لجدول الروتينات اليومية اليك مثلا جدول الاخت ام مؤمن:
http://cdn.top4top.co/i_132ed067d31.jpg (http://up.top4top.net/)

واليك مثال عن جدول الروتينات الاسبوعي:
http://cdn.top4top.co/i_132ed067d32.jpg (http://up.top4top.net/)

ننتظر منك نشاطاااااااااااا كبيرا
نورتنا

أم تغاريد

2015-10-20, 07:17

السلام عليكم ورحمةالله
بالنسبة لتقريي انا كلشي الحمد لله راني ماشية نعاكم قدقد
الحمام غسلتو اليوم وكملتو ماشاء الله خرج رووووعة خاصة كي ضربت الشمس فيه وشفت يبرق احساس ولا مثيل له ههههههههه
بالتسبة لتنظيف الحوض والعناية بالقمين صايي صارت عادة فيا ومحالذنسمح فيها

بالنسة للاعتناء بنفسي انا صباح نفرشي اسناني ونغسلذوجهي بالصابون ونفطر ونطيب كلشي ايا ومن بعد يااماىندوش يااما نغسل ونحك رجليا بالحجر الخاص بالقمين باش نا تتكدسليش الفازلين على رجليا ايا ومن بعد نمشط شعري ونكحل عيوني وهدا قبل العاشرة
بالسبة للةرد اليومي الحمد للله ثبت فيه وصار ما اهميتي
وللخفظ راني ماشيا دوقا دوقا راني في الصفحة الربعة عشر كنتىداير بمعدل صفحتين في اليوم لكن تاخرت نوعا ما جاني الخفظ شويا صعب ونحس انا نحفظ مليح
كفرولي رتني معولا نن غدوا انش اء الله نرجع للعمل ونكملو بادن الله

اما حاليلا راني نطيب في الملخسة وشربة فارنيسال لانو كاين اخوتي ما يحبوش الملوخية

را على الاطالة حبيباتي ربي يقدرنا على اعمالنا ويجعلهاىفي ميزان حستنا يارب

حت ب;ك نطلب لو نظيف الدعاء ف برامجنا يعني كلىوحدة تعدي لاخواتتها في الدورة

وحياك

وعليكم السلام ورحمة الله وبركاته
مرحبا بالنشيطة الوفية
يعطيك الصحة اختي شاطرة للهم بارك
ماقلتيلناش على باقي التطبيقات : الاماكن الساخنة التجهز للغد ؟
شوفي غاليتي كيما قلنا رايحين نقيمو كل واحدة
وبدينا يوم الاحد يعني حاولي تتفكري من يوم الاحد ادا كملت التطبيقات التالية
1-تجهزي
2-تلميع الحوض
3-في كل مشروع خطوة
4-الاماكن الساخنة 15 د
5-تجهزي للغد
هكدا قدام كل تطبيق اكتبي تم او لم يتم
وااااااصلي يالفحلة

حبوووووووووووووووووووووووبة الف مبروك والله بكيت من الفرحة كي شفت تصاورك والله حسيتك كيما حبيبتي وصديقةعمري بدرة,والله ليك وحشة كبيرة وماتخافيش راكي خليتي وراك نسوان ادها وادود هههههههههههه ربي يحفهم الوصيفات ام تغاريد وام مؤمن ربي يبقي عليهم الستر ,ملاحظة راني ماشية مع التطبيقات بقالي 5_10 الحمام ونخلص
قبلاتي لجميع الفراشات الحبوبات

الله يسلمك اختي أم يسرى
كما كنت نقول للاخت شقية لكن وفية
ادا راكي حابة تدخلي في المنافسة ديري امام كل تطبيق هل تم أم لا
دمت نشيطة

السلام عليكن ورحمة الله وبركاته
اليوم كان حافل لكن النتيجة مرضية بإذن الله
المطبخ 9/10
الحمام والمرحاض هذا غرور 10/10
الغرف الحمد لله 8/10لانو الاولاد رجعو فسدو الدنيا لكن بقات نقية
الصالون 8/10مازال خاصو شوبة مسح النافدة و النجف فقط
الهول الحمد لله نظيف 8/10علاه مرايا الزجاج ما لحقتش نمسحها
تحضيرات الغد عملتها
رايحة نعمل فازلين للرجلين ونروح نرقد

وعليكم السلام ورحمة الله وبركاته
الله يبارك عليك دخلت بكل حماس للدورة
واصلي غاليتي

السلام عليكم ، ، راني جيت جبت تقريري ليوم صمت ، طيبت فطور و وجدت رحنا انا و الزوج درنا زيارة للمستشفى ، و رجعنا فطرنا ، غسلت الماعن نظفت الحوض خملت سيقت وكلت وليدي رقدتو فرشت اسناني ، درت مرطب ليديا و فازلين لرجليا ، تعطرت ، ليوم مكاش لادوش زوجي راهو خدام فليل ، و راني ندور فلمنتدى

تطبيق الحوض 10/10
تطبيق التجهز 8/10. مدوشتش
تطبيق العشر دقائق 5/10 ليوم مدرت والو
تطبيق ليوم غد 4/10 راجلي خدام فليل و حتى غدوة باش يقضيلي
سلام عليكم تصبحون على طاعة الرحمان و رؤية النبي في المنام

وعليكم السلام ورحمة الله وبركاته يعطيك الصحة أختي أم عبد الله ياسين
أحسنت هكدا نحب باش نظمو مليح الدورة ديالنا
مع الوقت ان شاء الله رايحين نولو نكتبو قدام كل التطبيقات تمّ
من فضلك فراشتي رايحة نطلب منك طلب ادا قدرت حطيلنا برنامج للعناية اليومية مايكونش معمر بزاف باش يقدرو الفراشات يلتزمو به
ربي يحفظك ويبارك لك في حياتك
--------
أفتقد الفراشة النشيطة Amel
عسى أن يكون سبب غيابك خير أخيتي

---------
ملاحظة : أغلب الصور تاع هاد الدورة حملتهم من هاد الموقع
http://gulf-up.com/
واليوم شفت الصور راحت دخلت للموقع لقيت انو مغلق لنقل الملفات الى السيرفيرات الجديدة
لذا ماراهيش رايحة تظهر الصور حتى يرجعوه قريبا ان شاء الله

أم تغاريد

2015-10-20, 07:47

السّلام عليكم ورحمة الله وبركاته

http://cdn.top4top.co/i_faf124fc3c1.jpg (http://up.top4top.net/)

الشّرطة افتحي الباب!

http://cdn.top4top.co/i_faf124fc3c2.jpg (http://up.top4top.net/)

الفراشات لي كملو غرفة النوم جات الشرطة ليوم تراقب حال الغرفة بعد انتقالكن لتنظيف االحمام هل أهملتنها؟

هل السرير مرتب؟

كل شيء في مكانه المحدد في التسريحة؟

سافتح الخزانة هل لازالت كل الرفوف مرتبة ؟

طاولتي النوم هل سطحها فارغ ؟ ماكاش قارورة ماء ماكاش شاحن مرمي؟

----------------
العقوبة المفروضة على كل من خالفت نظام غرفة النوم هي :
حرمانها من القيلولة اليوم لإعادة كلّ شيء إلى مكانها في غرفتها

http://cdn.top4top.co/i_1343a40dd41.jpg (http://up.top4top.net/)
-------------

الروتين اليومي لغرفة النوم: ( حاولي دايما تطبقيه باش تبقى غرفتك نظيفة ومرتبة وماتعاودش تتخرب)

1-فتح النوافذ وابواب الخزانة
2-نفض الفراش تشميسه ان امكن وترتيبه
3-لمي قاع الحوايج المرمية حطيها في سلة ( كي تكملي تخملي كل الغرفة رجعيها كل حاجة لمكانها)
كيما قلنا الحوايج المستعملة ديرهم في علب الترتيب او سلة جميلة ماترجعيهمش للخزانة حتى ولو كانو نقايا
4-اضربي طلة على الخزانة والتسريحة وطاولتي النوم ادا لقيتي كاش حاجة ماشي في مكانها سقميها
5- امسحي بمنشفة جافة غبار الاثاث بسرعة
6-الزجاج امسحيه على الاقل مرة في الاسبوع
7-خرجي les descentes de lit انفضيهم
8-جوزي نشافة معطرة على الارضية وخلي بيتك تتهوى مليح
9-اغلقيها عطريها وتمتعي بغرفة نظيفة يوميا

تسياق الغرفة بالماء مرة واحدة في الاسبوع وكذلك مسح الغبار عن الثريا

http://cdn.top4top.co/i_18f2dbfe591.jpg (http://up.top4top.net/)

آسيا 25

2015-10-20, 08:18

صباح الخير على كامل الفراشات الشاطرات
للأسف البارحة ما درت حتى تطبيق و الله كنت مريضة بعد ما حطيت أكل اليوم فوق النار يطهى رحت نتكسل شوي على السرير على أساس أني بعد ربع ساعة نقوم نكمل الوظائف لكن غلبتني نفسي و رقدت الحمد لله أن زوجي انتبه و نزع الأكل من النار و إلا كان احترق هههه و الله حتى مواعين الأمس لازالت تنتظر في الحوض سأنظفها عندما أرجع اليوم بإذن الله.
أخت حبيبة مبروك عليك حبيبتي ربي يهنيك و يزين سعدك يا غالية رانا منتظرينك تشاركينا بأفكارك و نصائحك حنونة استمتعي بأيامك الأولى حبيبتي.
حبيبتي أم تغاريد الإسمنت أسود عندما أغسل الحائط بالصابون و الماء يزول لكن عندما يجف تعود الآثار المزعجة سأجرب السلك و أرجو أن لا يسبب خدوشا على السيراميك شكرا لك على النصيحة.
يوم موفق لكامل الفراشات.

ام آدم

2015-10-20, 08:25

السلام عليكم
نطبيقاتي ليوم امس
غسل الاواني و تلميع الحوض تم النطبيق
تجهيز مستلزمات الغد 5/10
تطبيق الفازلين للااسف لم يتم
حهزي نفسك 5/10
تطبيق 15د لم يتم
راني شوية فشلانة راح تزورني ان شاء الله نقدر نحسن روحي اليوم
موفقات جميعا حبيباتي

ام آدم

2015-10-20, 08:31

حبيبة مبارك زواجك لعقوبة للبنين و البنات و ربي يطيب عشرتك انت و ناس دارك
ام مؤمن الغالية طهور ان شاء الله ربي يرجعك لينا بخير و عافية
ام تغارد راني خفت من الشرطة راح نروح نجري نوضب غرفتي قبل ما يجيو
بقية الفراشات يومكن موفق وسعيد ان شاء الله

حبيييبة

2015-10-20, 09:13

صباحووو صباااحوووووووو
صباح الخير حبيبات قلبي
يا فراشاتي الغاليات
شكرا لكل من باركتلي من جديد
شكرا لكم جميعا حبيباتي ربي يخليكم ليا ياا رب
و لعقوبة لكل البنات ان شاء الله

مازالني نقرا في صفحات الدورة لكن حبيت نصبح عليكم فالاول قبل ما نرجع نكمل التصفح
حبيت ايضا اشكر حبيبتنا ام مؤمن على مشاركتها الفعالة في هذه الدورة
(كتبت الرد و مبعد رجعت ندير تعديل حتى اخبرك حبيبتي ام مؤمن انك قمت بمبادرة راائعة لا تقل روعة عن مبادرة حبيبتنا ام تغاريد
الكلمات لا توفي شكري و امتناني لكما
ما قمتما به في نظري لا يعتبر انابة ولا عمل مؤقت الى حين رجوع حبيبة
بل يعتبر مواصلة المسير نحو الامام
انا اراها مثل جيش في ساحة الحرب
و ان كنا في حرب رقيقة مع انفسنا الانوثية الجميلة و مع ظروفنا المتغيرة التي لا تاتينا الا بالخير باذن الله
لكن رؤيتي للامر هي تماما كما اصف لك.. اراها و كأننا جيش في ساحة حرب يمشي قدما في غزوه الى الامام
تعلوه راية (او لواء كما تسمى) في المقدمة
و الراية هي نقطة التوجيه لكل الجيش
هي مَعلَمه و بوصلته التي تدله على الوجهة في مسيرته دااائما الى الامام
و الراية يمكن ان يحملها اي فرد من افراد ذلك الجيش
يكفي ان يكون له همة قوية و رؤية مبينة لمسار الرحلة و يعرف جيدا الهدف من هذا المسير
و أن يتطوع لذلك و يحمل الراية و يتحمل مسؤولية التوجيه و رفع الهمة
و كان ذلك ما فعلته حبيبتنا أم تغاريد
ربي يجازيها عنا كل خير ياا رب
اما عن طريقة المسير و التوجيهات التي تعين الفريق على مشقة الرحلة
و هو ما يسمى بالنظام المتبع فهو ما تقومين بنقله حبيبتي ام مؤمن
و عملكما معا جدير بالتقدير
فهو عمل متكامل و سيصل بالفريق الى ابعد الآفاق باذن الله
فحسن القيادة + نظام = رحلة ميسرة و ناجحة باذن الله
و هذا ما وفرتماه في هته الدورة الجديدة
و باذن الله ستكون رحلتنا هذه اجمل رحلة و انجحها و سنستمتع برفقة بعضنا البعض
بقيادة ام تغاريد و يتوجيهات ام مؤمن
و بتناصح الفراشات لبعضهم البعض
بحول الله و فضله
اكثرت الكلام لكن حبيت ارد على كلامك في هذا الرابط حبيبتي
http://www.djelfa.info/vb/showthread.php?t=1860409&page=16
و فكرة الانتقال الى هذا الموضوع طانت اجمل فكرة
فالاهم جمع شمل كل الفراشات في موضوع واحد
لان ذلك احسن و انفع لهم
خصوصا و ان هذا الموضوع او الاحسن القول هذه الدورة
لها طابع و رونق خاص
و بصمة خاصة اسمها Made in ام تغاريد هههههه
و تقسيم الفراشات بين موضوعين او اكثر لم يكن ليجعل هذه الدورة الراائعة ناجحة الى هذا القدر
اريد ايضا ان اضيف ان حبيبتنا ام تغاريد ابهرتني فعلا
اولا لفكرة الدورة المبدعة
ثانيا لايجادها الوقت و تفرغها للدورة و الرد على المشاركات اول باول و نحن اعلم بانشغالها مع اسرتها
و ثالثا بطريقة سردها للفقرات و التطبيقات
و رابعا لحكمتها و طريقتها في القيادة التي تدل فعلا على انها قائدة عن جدارة
و لازلت اكتشف شيئا فشيئا صفاتها التي كانت تخفيها عنا و تظهرها مرة على مرة من خلال طلاتها التي كانت تشعرنا و كأنها والدتنا التي تحبنا و تخاف علينا
و تتابعنا من بعيد ولا تتدخل الا اذا رات ان احدى بناتها بحاجة للنصح و المساعدة ولا تتردد اطلاقا في ذلك

اعلم اني اكثرت الكلام لكن اود ان استطرد بان افصح لكم
اني منذ اكثر من عامين كتبت في قائمة اهدافي
هذا الهدف:
"هدفي ان اصنع نساءا مسلمات عابدات ربات بيوت مكتفيات ماديا و معنويا قائدات لانفسهن و اسرهن و للمجتمع من حولهن قادرات على ان تضعن بصمتهن الخاصة
التي ستكون شاهدا عليهن يوم القيامة"

و ها انا ذا اكتشفكن حبيباتي شيئا فشيئا و اكتشف مزاياكن و امكاناتكن الرائعة
فانا هنا ادعوكن.. ادعو كل من تريد ان تكون ضمن الفئة التي ذكرتها في "هدفي" ان تعلمني بذلك
لاساعدها على تنمية مهاراتها و اكتشاف مزايا اخرى كانت تخفى عنها
و نصل معا لتحقق ذاتها في القيادة و ترك بصمتها الخاصة فيمن حولها باذن الله

نروح نكمل قراءة و نرجعلكم باذن الله
قبلاااااااااااااتييييييييييييييي

https://pbs.twimg.com/profile_images/531578416202792960/A8ZMzjUS.jpeg

om wassim

2015-10-20, 11:34

صباح النور عليكم
اه أم تغاريد جبتيلنا الشرطة هههه هداك واش يليق
تطبيقاتي راهي ماشية امبعد نحط التنقيط أن شاء الله
الله أكبر الله اكبر الله اكبر

om yousra

2015-10-20, 14:08

اختي ام تغاريد ههههههههه ووالله خوفتيني كي قلتي الشرطة نتي تسقسي ونا نضحك من الحشمة خطراش انا كي ننوض طول نجهز روحي ونحدر نجري لعجوزي نقضيلها شغالها غد وتسياق ولاكشما قضا شيخي نفرز القضيان ونوجد للمواكل اللي رايحة نطبخهم فيالايام الجاية وكي نخلص نتغداو ونغسل لماعن ونلمع الحوض ومبعد نطلع لفوق نصلي الظهر ونجي نطل عليكم وبعدى نبدا في الفريز وووووالفوق يعني نهاري دايما معمممممممممر المهم علابالي راني نبرر بصح والله نعمل وش نقدر باش نكون من الفراشات الاوائل :19:
دمتن متالقات عزيزاتي الفراشات ,,,,,,My beauty room tour | Partie 1,حبيباتي ممكن تدخلو لليوتوب وتكتبو هزو افكار هايلة

oum sabrin

2015-10-20, 15:56

السلام عليكم

هذه بعض الصور لتطبيق الحمامذ

أفرغت خزانة الحمام من كل شيء ونظفتهاو نظفت الأكسسوارات و خليت كل شيء يجف
http://www5.0zz0.com/2015/10/20/15/177389909.jpg

نزعت الريدو تاع البينوار و غسلتو و نشرتو الى حين نكمل التنظيف يكون جف
http://www5.0zz0.com/2015/10/20/15/741424208.jpg

غسلت البينوار بخليط ازيس جافيل و خل ابيض
http://www5.0zz0.com/2015/10/20/15/296266581.jpg
و كذلك لافابو
http://www5.0zz0.com/2015/10/20/15/242313176.jpg
نظفت الحائط و لافايونس كامل و سيقت الارضية
بعدما جفت رديت كل شيء لمكانو في الخزانة
http://www5.0zz0.com/2015/10/20/15/770176945.jpg
بعدما جف الريدو علقتو
http://www5.0zz0.com/2015/10/20/15/124828057.jpg
و هذه لمستي في تزيين فايونس الحمام
http://www5.0zz0.com/2015/10/20/15/691660488.jpg

تطبيق تلميع الحوض ليوم 19/10 تم التطبيق
تطبيق الفازلين ليوم 19/10 تم التطبيق بعد الاستحمام
تطبيق تجهزي 08/10 ليوم 20/10 تم التطبيق

تطبيق الحفاظ على ما أنجزناه في غرفة النوم بالمراقبة المستمرة تم التطبيق و خاصة مع حضور الشرطة هههه و اله غير ضحكت كانت قارورة دواء تاع ابني فوق طاولة السرير لما اعطيت لابني الدواء في الليل حطيتها و لما قريت بان الشرطة جات رفدتها بسرعة عرفت بلي فاقتلي ام تغاريد :1:

تحياتي لكل الفراشات في انتظار عودتك حبيبتي ام مؤمن طهور ان شاء الله
تحية خاصة لك حبوبتنا سررت بقراءة ردودك

amel...

2015-10-20, 18:00

مساء الخير يا اجمل فراشات .... و الله توحشتكم بصح راني كنت ديما نطل بصح منقدرش نحط مشاركات

ام تغاريد شكرا ليك حسيتي ببلاصتي و تشطنتي علي

اختي حبيبة بزيان السعد ان شاء الله و ربي يهنيك ان شاء الله و يا ريت تكوني استاذتي و تنوريلي طريق حتى اكون امراة فحلة

من جهة اخرى و بالنسبة للتطبيقات

يوم الاحد

تطبيق تجهزي تم التطبيق

تبريد الاماكن الساخنة تم التطبيق

تلميع الحوض تم التطبيق

تطبيق الفازلين تم التطبيق

تجهيزات اليوم الجديد تم التطبيق و الحمد لله

يوم الاثنين

تطبيق تجهزي تم التطبيق

تبريد الاماكن الساخنة تم التطبيق

تلميع الحوض تم التطبيق

تطبيق الفازلين تم التطبيق

تطبيق المهم و هو اسعاد الاخرين تم التطبيق و مع كل التعب لحسيتو بصح فرحت كي حسيت بفرحت هاذ الانسان

تجهيزات اليوم الجديد تم التطبيق و الحمد لله

من جهة اخرى راهم شدوني لابوليس اجريو لي .... و لازم غدوة نسلك البروسي ههههه

ام تغاريد انا نقدر نحط الصور غير في الويكاند و راني حطيت اول الصور في المشاركات السابقة و للاسف منقدرش نحط كل الصور لاسباب خاصة ... يا ريت تاخذي هاد الشيئ بعين الاعتبار ... المهم الشيء لي نقدر عليه نحطو

تنظيف الحمام راهو 80 بالمئة و الخزانة رايحة نعاودها اليوم في الليل لاخاطر قش خويا نحيناه و لازم نعاود نرتب

تقبلو احلى سلام .... لي عودة باذن الله

amel...

2015-10-20, 18:04

في ما يخص الاقتراحات حابة نمد اقتراح و يا ريت توافقوني .... الاغلبية منا ميقعدوش بوضعية صحية للعمود الفقري ... شوفو مع رواحكم

كيفاه قاعدين .... وش لقيتو .... حابة نوليو ديما نجربو نجلسو جلسة صحية حتى نتعودو و تولي عادة ... وش تقولو

كذلك مناش نشربو الماء بكميات كافية ... علا هذيك ياريت نلتزمو و نوليو نشربو الكمية اللازمة و باه نعاونو رواحنا نقدرو نستعملو

القارورات الصغار و نديوهم معانا في الاماكن لي نكونو فيهم و كل ما تفرغ نعاودو نعبيوها باه نشربو اكبر كمية ممكنة

تساعفوني و نبداو هاد الالتزام ......؟

أم ريتاج زهرة

2015-10-20, 19:04

حبيبات قلبي
تجرأت و شاركتكم صوري
حتى تحسوا انكم كنتم معي في ايام فرحي و سعادتي
لانكم في قلبي و بالي كنتم ديما حاضرين
و عمركم ما غبتوا عني حبيباتي
احبكم جميعا ♥

ألف ألف ألف مبروك و راكي منورة ما شاء الله و تبارك الرمحان بالتوفيق يا الغالية و يا الجوهرة القيمة على قلوبنا ربي يرزقك الذرية الصالحة ربي ينور دربك بالتوفيق أختي و رفيقة دربي

ام اكرم31

2015-10-20, 19:27

السلام عليكم حبيباتي الفراشات
مبارك عليك حبيبتي الغالية حبيبة ربي يهنيك ويعطيك الدرية الصالحة
انا راني مع التطبيقات تطبيق تلميع الحوض 10/10
تطبيق نحضير لوازم الغد 10/10
تطبيق الجانب الجمالي 6/10 راني نسهر مع وليدي وبسيف باش نوض يادوب نغسل وجهي ونبدل ملابسي

ام اكرم31

2015-10-20, 19:36

تطبيق الفازلين مداومة عليه اي 10/10
تطبيق تبريد الاماكن الساخنة 10/10

اخواتي من فضلكم ساااعدوني منعرفش نزين غرفة النوم والصور مطلعتش معرفتش كيفاش نزين التسريحة و طابل دونوي والصور مطلعتليتش راني مغمومة الغرفة نظيفة بصح مشي مزينة ساعدوني ورولي كيفاش ندير
ام صبرين حابة نزين الحمام كيمما انتي الله يبارك عجبني

om yousra

2015-10-20, 19:37

اختي (حبيبة امها)
راني شفتك مع جماعة الريجيم ههههههههه قرعجت ,الله يسترك انا وقت فات نقصت من وزني وبعد3سنوات راني بديت نزيد ربي يستر ,بصح حاباتك تكوني منقذتي مادامني في2 كلغ خيرمن نولي في عشرة كلغ ماهي اسرع طريقة باش نلحق بروحي وكيفاش هاذ الريجيم اللي راكي متبعاتو مفهمتوش؟ ولك مني الف تحية وشكر:sdf:

ام اكرم31

2015-10-20, 19:40

اختي امال انا راني معاك خاصة اني نرضع لازم نجلس مستقيمة ونشرب الما بزاااااف
الماء راني نشرب بصح الجلوس مرات نكون محنية خاصتا فالليل

محــــــ النقاب بــــة

2015-10-20, 20:05

السلام عليكم

نضت على الستة و نص
عنايتي بنظافتي الشخصية
حطيت القش يتغسل
ظمت خزانتي
خرجت لفراش مع التنظيف اليومي

الغدا و العشى على امي
كملت خيطت
دخلت القش المغسول
حضور دورات في النت

تعيشو فحلات المنتدىىى يا ريت تمدولي برنامج تاع هذ الاسبوع ربي ينوركممم

ام آدم

2015-10-20, 21:02

السلام عليكم
ام صابرين ما شاء الله حمامك قمة في الجمال والنظافة ربي يهنيك و يحفظك من العين
بالنسبة للتطبيقات
تطبيق جهزي نفسك تم التطبيق8/10
تلميع الحوضتم التطبيق 10/10
العناية بالقدمينتم التطبيق
تجهيز مستلزمات الغدتم التطبيق
تطبيق الاماكن الساخنة خصصتو للمرايا تم التطبيق
الحمام والمرحاض اكرمكم الله راهم يشعلوتم التطبيق
تصبحن على خير و عافية اخواتي

حسيبة2010

2015-10-20, 21:27

السلام عليكم
شككككراااا أختي أم تغاريد على التشجيع
اليوم نظفت الصالون تم التطبيق 10/10
السرير 10/10 تم التطبيق
المطبخ 5/10 نظفت الثلاجة و النوافذ وغسلت لي ريدو وسيقتها فقط
تنضيف الحوض تم التطبيق 10/10
التجهيز0/10
نظفت غرفة ولدي 9/10 باقي أشياء صغيرة نكماها غدا
وتعببببت هذا كل ماقدرت ندير نظن انني بطيئة في العمل
الفازلين لليدين و كريم رااااائع للارجل حبيت نكلمكم عليه صراحة عجبني بزاف أفضل من الفازلين نتمنى تجربوه scholl cracked heel.
تصبحن على 1000 خير وعلى بيوت ونفسيات مشرقة بإذن الله

om wassim

2015-10-20, 23:25

مساء النور عليكم كامل
حبيبتي حبيبة رانا كامل نحوسو تكونينا و ترجعينا احسن و على ثقة بأنفسنا ياريت ماتغيبيش علينا و تنظمي لام تغاريد وام مؤمن
أم صابرين حمام روعة الله يبارك و يعطيك الصحة راكي مرا و نص ماشاء الله
الباقي راكم الله يبارك ماشيين للإمام ربي ينور درت كم
انا اليوم كنت تعبانة
تطبيق الاهتمام بالنفس كان 5/10
الحوض9/10
الأماكن الساخنة0/10
في كل يوم خطوة 5/10
الغرفة9/10
ادعولي لبنات يرزقني ربي بالسكن المستقل عاجلا و كل المحرومين يا رب

غزالة1

2015-10-21, 06:09

السلام عليكم
صباح الورد لكل الفراشات
تحية لكل الشطورات خاصة امال و ام صابرين:1::1:
تحية لام تغاريد و ربي يبارك فيك :19:
طهورا ان شاء الله يا ام مؤمن و بالعقل على روحك الصحة غالية:):)
نهاركن سعيد
سلام:mh31::mh31::mh31:

crono

2015-10-21, 06:44

السّلام عليكم ورحمة الله وبركاته
بارك الله فيك اختي أم تغاريد
موضوع هاااايل في القمة
ربي يجازيك خيرا شكرا شكرا على كل ما قدمته من تعليمات و فوئد
راني نشوف في الحماس و النشاط ماشاء الله
ماشاء لله عليكم ياالفحلات ربي يدومها ان شاء الله
يوم موفق لكل الفراشات
لتثببببببببببببببت

بعيدة المنال

2015-10-21, 08:14

صباح الخير على كل المحلقات في سماء بستان الفراشات ما شاء الله عليكم وربي يحفظكم توحشتكم كاااااااامل وزادت سعادتي بأخبار حبيبتي وتوأم روحي حبيبة ضاعف الله سعادتها وأقر عينها بزوجها وببيتها الجديد فهي نعم المرأة الصالحة - أحسبها كذلك -
حبيبتي أم تغاريد جزاك الله خيرا على الموضوع فقد جمعت شمل الفراشات من جديد وبثثت فيهن النشاط والهمة

أم تغاريد

2015-10-21, 09:18

السّلام عليكم ورحمة الله وبركاته
صباحكن رحمات تتنزل مع زخات المطر فراشاتي الحبيبات
سأرد عليكن إن شاء الله لاحقا انشغلت بإعادة تحميل الصور الخاصة بغرفة النوم لانها حذفت بعد العطل الّذي أصاب موقع التحميل (تمت اعادة تحميل صور الخزانة والتسريحة وساكمل الباقي في واقت اخرى ان شاء الله)

المطبخ :
موعدنا اليوم مع المطبخ المكان الّذي نقضي فيه كثيرا من وقتنا يوميّا
نريد أن نحدث فيه تغييرا واضحا استعدادا للشّتاء إن شاء الله

ترى فراشتي ما شعورك وأنت تدخلين مطبخا كهذا؟
http://cdn.top4top.co/i_39e30db6fe1.jpg (http://up.top4top.net/)
http://cdn.top4top.co/i_39e30db6fe2.jpg (http://up.top4top.net/)

وماذا عن هذا ؟
http://cdn.top4top.co/i_39e30db6fe3.jpg (http://up.top4top.net/)

http://cdn.top4top.co/i_39e30db6fe4.jpg (http://up.top4top.net/)

http://cdn.top4top.co/i_39e30db6fe5.jpg (http://up.top4top.net/)

رغم بساطتها!

وجدوا هذه ولننطلق :
http://cdn.top4top.co/i_d6b18584151.jpg (http://up.top4top.net/)

البوتاجاز:
انظروا إلى هذا :
http://cdn.top4top.co/i_d6b18584153.jpg (http://up.top4top.net/)
لن نجده ان شاء الله مجددا في مطابخنا

1-نحي الحدايد هادو " لاادري ماذا تسمى" ديريهم في باسينة بها ماء ساخن جدا وخليهم مدة ثم رشيهم بمزيل الدهون او سائل الاواني وحكي بالسلك ادا كانو مسبكين بزاف او بلافات وحاذري تكرطيهم خليهم ينشفو :
http://cdn.top4top.co/i_d6b18584152.jpeg (http://up.top4top.net/)
http://cdn.top4top.co/i_969b95620c2.jpg (http://up.top4top.net/)

2-نحي عيون البوتاجاز ديريها في ماء ساخن جدا به خل او ليمون + سائل الاواني + بيكاربونات وخليهم بعد مدة حكيهم قطريهم ونشفيهم

http://cdn.top4top.co/i_5cc91bee1a1.jpg (http://up.top4top.net/)

3-رشي مزيل الدهون على سطح البوتاجاز او سائل الاواني وحكي بليفة متوسطة الخشونة باش ماتجرحيهش
http://cdn.top4top.co/i_5cc91bee1a2.jpg (http://up.top4top.net/)

4-مفاتيح عيون البوتاجاز نظفيها بليفة بها مزيل الدهون او سائل الاواني + فرشاة اسنان
http://cdn.top4top.co/i_791700c7ed1.jpg (http://up.top4top.net/)

5-رشي مزيل الدهون او سائل الاواني على الزجاجة او الحديدة لي تجي فوقو تلقايهم معمرة بالسبك حكيها بليفة متوسطة الخشونة ادا كانت زجاجة لمعيها بمنظف الزجاج
http://cdn.top4top.co/i_969b95620c1.jpg (http://up.top4top.net/)

6-لتنظيف باب الفرن استعملي مزيل الدهون او الوصفة السحرية ماء ساخن +شوية خل + سائل الاواني رشيهم على الباب خاصة من الداخل ثم ذرذري البيكاربونات وخليهم مدة ثم امسحي بليفة رايحة تندهشي من النظافة
http://cdn.top4top.co/i_0c045a33f51.jpg (http://up.top4top.net/)
http://cdn.top4top.co/i_e1d1b49eff1.jpg (http://up.top4top.net/)

7-لتنظيف داخل الفرن خففي الجافيل بالماء + سائل الاواني ورشيه او استعملي مزيل الدهون ماتكتريش بزاف وخليهم مدة قصيرة وحكي بليفة ماشي خشينة بزاف
http://cdn.top4top.co/i_446d6b812f1.jpg (http://up.top4top.net/)
http://cdn.top4top.co/i_446d6b812f2.jpg (http://up.top4top.net/)
http://cdn.top4top.co/i_446d6b812f3.jpg (http://up.top4top.net/)

8-la grille تاع الكوشة نحيها ورشي عليها مزيل الدهون وحكي او سائل الاواني وحكي بالسلك وين كاين السبك

او استعملي بيكاربونات الصودا وحكي بالفرشاة
http://cdn.top4top.co/i_213b1f46951.jpg (http://up.top4top.net/)
http://cdn.top4top.co/i_213b1f46952.jpg (http://up.top4top.net/)
لازم تولي هكدا تلمع
http://cdn.top4top.co/i_213b1f46953.jpg (http://up.top4top.net/)

9-رجعي كل حاجة لمكانها للمحافظة على نظافة السطح يمكنك استعمال الالومنيوم الخاص بالبوتاجاز لكن ديريهم مليح ماشي مكرفص :
http://cdn.top4top.co/i_eb8f7c41bd1.jpg (http://up.top4top.net/)

10- نأتي لتزيين حبيبنا البوتاجاز :
http://cdn.top4top.co/i_ba6fee67d71.jpg (http://up.top4top.net/)
http://cdn.top4top.co/i_ba6fee67d72.jpg (http://up.top4top.net/)
http://cdn.top4top.co/i_ba6fee67d73.jpg (http://up.top4top.net/)
http://cdn.top4top.co/i_ba6fee67d74.jpg (http://up.top4top.net/)
http://cdn.top4top.co/i_ba6fee67d75.jpg (http://up.top4top.net/)
http://cdn.top4top.co/i_ba6fee67d76.jpg (http://up.top4top.net/)

أنتظر ابداعاتكنّ صور أفرانكنّ وتمتّعن بها نظيفة جميلة!
كـــــــــــــنّ مثآبرآت فالنظافة تستحقّ!