دورة الاستعداد لفصل الشّتاء بيتي مشرق كفصل الرّبيع [الأرشيف] - الصفحة 6

ام شمسو محمد

2016-10-03, 15:00

وين راكي ام البنين اليوم ثاني جاوني ضياف و طيبتلهم شخشوخة.انا ثاني نحب الضياف هوما بركتنا.كيما تقول صحبة اختي ناكلو في جرتهم .المشكل في زوار كل وقت هذوك اللي يتعبو .جاراتي بزاف ويدخلو لبعضاهم في كل وقت .انا نحشم ما نقدرش مانقولش مرحبا تفضلي وهوما مايحشموش حتى ويشوفوك تقضي يقعدو بالساعتين .ومايقولوش حليلها كي يشوفو نقص يهدرو انا نهدر.
انا ثاني صليت الضحى وما طبقت والو كنت مشغولة بضيافي

جهينة اليقين

2016-10-03, 15:28

راني بردت منطقة ساخنة الفايونس تاع التوالات حاشاكم لهيت عليه شوي درت ازيس وخل وكربونات وشوي جافيل دايما عندي بخاخ معمر واحد فالدوش وواحد فالكوزينة رجعتو يشعل وسيقت الدروج والفناء

جهينة اليقين

2016-10-03, 15:34

اختي ام شمسو الله يكون فالعون الضياف مرحبا بيهم يقعدو نهار ويروحو بصح هاذوك فارغين شغل الي يجيو يلهوك على خدمتك وخلطو لك قاع البرنامج شوفي انا هذا السامطين كي يدخلو بلا سبة ندخلهم للصالون وما تخليهمش يقربو للكوزينة ومن بعد يهدرو فيك ونبين لهم بلي راني مقلقة ونروح ونخليهم ونقول لهم اسمحو لي عندي شغل ومرة على مرة اقعجدي معاهم زوج دقايق وقولي لهم دوك نرجع يفهمو رواحهم ويروحو

ام شمسو محمد

2016-10-03, 15:41

والله غير نحشم يا جهينة وهوما استغلو هذي النقطة

fatima zohraa

2016-10-03, 15:56

السلام عليكم يا فراشات.كنت متاكدة بلي راح تصليوها لاني عرفتكم عندكم عزيمة واصرار.احسنتن يافحلات.

fatima zohraa

2016-10-03, 15:59

بانسبة للمناطق الساخنة درت البلاكار نتاع الكوزينة.
ونظفت الثلاجة ودرتلها كسوة جديدة ههههه ( بدلت الفراشات لي نفرشوهملها)وخلاص

omelbanin

2016-10-03, 19:47

السلام عليكم، يا ام شمسو والله غير حليلك، كاين ناس ما يفهموش، ولا يديرو روحهم ما يفهموش، هاذو لازم انت تعودي تجبدي روحك عليهم، ما تروحيش ليهم، واقيل ينقصو.
انا لعشية بردت منطقة ساخنة، نظفت لقجور تاع الأحذية حاشاكم، وعاودت سرجتهم ولي يترماو رميتهم.
نحيت لحوايج لي نشفو، طويتهم، وحددت المآزر تع لولاد، طيبت لعشا، شكشوكة، راجعت شوية للاولاد.
بعدما تعشينا غسلت الاواني ولمعت الحوض، وجدت سنيوة تاع القهوة. لغدوة انشالله.
.
.
. شفتينا فاطمة الزهراء، صلينا الضحى، هاذا راهو في ميزان حسناتك. :)

فراشات العمر

2016-10-03, 21:58

عندي ليكم خبر وفاء والياسمين زادت عندها أميمة
انا راني رتار ليوم وين قريت الدورة توحشتكم بزاف بزاف

ome sadji

2016-10-03, 22:14

السلام عليكم يا الحباب،اليوم اعييت من تنقال القش قش شمبرتي اديتو للصالة وقش الصالة اديته للشمبرة خاطر شمبرتي فالشتاء باردة بزاف ،الاماكن الساخنه اغسلت كاجو تاع الخضرة (البصلة،البطاطا،الثوم )درت العشاء لوبيا خضرة في الفور امع الشليطة والسلاطة والمطلوع اغسلت اللماعن لمعت الحوض وجدت قشي وقش اولادي تاع غدوة ان شاء الله ،الجانب الديني الحمد الله اما الجانب الجمالي لا شيء ،انا لا علاقة بالجانب الجمالي منفهم فيه والو 000000000.البنات حبيت نطلب منكم اديرولي جدول للاعمال لتنظيف وتنضيم البيت حسب توقيت عملي من 8الى 12 من فظلكم.الف شكر ليكم.

ام اكرم31

2016-10-03, 22:31

السلام عليكم اخواتي كيف حالكم اشتقت لكم
مبروك على اختي وفاء الياسمين تتربى في عزها
اخواتي انا مشكلتي التخمال منعرفش نخمل مقلقة بلخف نعاود نخسر كلش قجار لكوفاز والخزانة وكذلك نخلي لحوايج يتراكم انا كل يوم نغسل دروك راهي مقابلتني سلة تع حوايج وعجزت عليها باش نطبقها ونشد لنترنات خاصتا عندما ولادي يكونو راقدين و راكم عارفين الوقت كفاش يروح
عاونوني حابة ننشط شوية كيفكم انا البرنامج نقول كل مرة نكتب ومنكتبش

ام براء عبيدة

2016-10-03, 23:33

انا راني مع حوايج الصيف وحويج الشتاء عجزت باه نطبقوهم ونتوما كيفاه كملتو ولا مازال

omelbanin

2016-10-04, 05:57

اللهم بك اصبحنا وبك امسينا وبك نحيا وبك نموت واليك النشور.

omelbanin

2016-10-04, 06:18

السلام عليكم، فراشة العمر توحشناك حبيبتي، واش راكي وواش راه رائد.
شكرا على الخبر، مبروك عليهاوتتربى في عزهم ان شاءالله.
ام براء انا كملت طبقتهم وشنو راني مخلية. شوية حوايج تاع الصيف في رف وحدهم.
اختي ام اكرم، لازم تكون عندنا عزيمة، ندير جدول ونطبقو، يالوكان نكون عيانة ولاكارهة، انطبقو.
وكي تشوفي نتائج النتنظيف ولا التخمال انتاعك تتشجعي وتبقاي طبقي في هاذاك الجدول وويولي روتين.
انا مثلا كنت، ما نغسلش ماعن تاع لعشا نعجز مع الأولاد كل واحد يعيط وحدو.... بصح ملي تبعت دورة سمراء الدنيا. وليت مستحيل مانغسلهمش يا لوكان راني عيانة.... بصح علاش.
لاني لقيت نتيجة. انوض الصباح نلقا الدنيا نقية، وما نلقاش النمل يدور، خلااااص استحليتها.
انت ايضا ،كلما تغسلي حوايج،... انطبقهم درك ،اولا باش مايتراكموش وتعجزي عليهم، وتانيا ماتشوفي حتى منظر يقلقك..
والنت لازم ديريلها وقت تدخلي، في الجدول تاعك. لازم الإنسان يعرف قيمة الوقت وقيمة اليوم لي رانا نعيشو، يعني هاذاك اليوم ما نخليهش يروح هكذاك.
وهاذا هدف كامل الدورات لي ندارو هنا. كثرت الهدرة ،درك يزيدو يدخلو ويفيدوكم أكثر مني.

حياتي كلها امل

2016-10-04, 07:27

صبحكم الله بكل خير اهلا ام لينا توحشناك اهلا بالجميع الف مبروك لاخت وفاء الياسمين وتتربى في عز والديها وتكون طاءعة لهما

أم هلولة

2016-10-04, 07:33

السلام عليكم اخواتي الكريمات اناعضوة جديدة والله ماني فاهما فيها والو من كلمت تبريد المنطقة الساخنة ماذا تقصدون بها

أم هلولة

2016-10-04, 07:35

منفضلكم اريد ان تتبناني واحدة من منكم وتفهمني سياسة هذا المنتدى لاعرف كيف ادخل مواضيع جديدة لديا الكثير من المواضيع ولااعرف كيف ادخل تطبيقاتي او تجاربي في المنتدى مثلا الصور ان كان بالمكان توجيهي من فضلكم

جهينة اليقين

2016-10-04, 08:25

السلامعليكم ما شاء الله الدورة راهي يوم بعد يوم تستهوي عدد من النساء وهذا يدل على حرص بناتنا على بيوتهن ونظافتها وترتيبها وهذا الوعي لا يكون الا من فحلات الله يبارك

جهينة اليقين

2016-10-04, 09:16

ام لينا توحشناك وين كنتي غاطسة الف مبروك على اختنا وفاء الياسمين وتتربى في عزها

فراشات العمر

2016-10-04, 10:07

السلام عليكم
راني نشوف بلي كثرو الفراشات الله يبارك كاش خبر على حبيبة
أن اللبان نبدلها بعطر البنان هههههه راني في صراع مع لفطام تاع رائد زعما نفطمو وليت قلت نكملو العامين نتاعو
شكون لي يعاشركم وينساكم يا وجوه المحبة بصح لاه تحشرتو في هذي الدورة بالسيف باه لقيتكم
تبريد منطقة ساخنة مدتها ربع ساعة تحكمي مثلا خزانة القش اتاج تاعك تهبطيه وتعاودي تستيكيه مليح وتنظميه حسب الحاجيات وهكذا كل يوم حاجة تتحصلي على عمل متقن ووقت اقل
انا راني نحارب في فكرة السيئة سيطرت عليا بزاف كوزينتي مش مخدومة نكرها كل وقت نلقى روحي نقولها بلى ما نحس شكون تبدلهالي نفليكسيلها خمس الاف هههههه

omelbanin

2016-10-04, 10:43

ام لينا، ايا البنان خير من اللبان هههه، و تحشرنا في هاذي الدورة ما لقيناش مأوى، ولينا دخلنا هنا، وحدة تشجع ختها، ولي تعرف حاجة، تويريهالنا، قيسما يديرولنا حل رانا راسلنا كرونو، وقالتلنا، سمراء راهي قريب تدخل.
ام هلولة مرحبا، راهي جاوباتك بشأن المنطقة الساخنة.
والمواضيع حتان تولي عندك 30 مشاركة، باش تقدري ديري موضوع. وبشأن الصور حاولي تدخلي لقوقل. وديري كيفية وضع الصور في منتدى، واذا مافهمتش كاش نقطة نفهموهالك.

ام لينا ،بشأن المطبخ، نقولك حاجة، انا داري قع ماشي مخدومة، المطبخ دايرة الفايونس، بصح ماشي دايرة بيبان للبوتاجي، دايرة غي ليزور، وما رانيش سابغة. الشنابر مليح، الدوش ولي توالات ماشي مفينيين، زعما كنا ناويين هدا الصيف، ما كتبش ربي،.
بصح تلقايني نرقع ،نحي الخردة قدر المستطاع، حاجة تتوسخ تم تم نغسلها.... باش يولي المنظر. مقبول والحمدلله. ربي يفرج.

جهينة اليقين

2016-10-04, 10:47

الاخت ام هلولة منطقة ساخنة معناها اي ركن في البيت يعج بالفوضى تقومي انت بتبريده وتخمليه خزانة ثلاجة لمدة خمسة عشر دقيقة لا غير حتى ما تمليش واذا ما كملتيش كملي مرة اخرى وفالليل ما ترقديش حتى تغسلي الماعن وتلمعي الحوض باه الصباح توجدي كل شيء نظيف الجانب الديني تنوضي الصباح تشربي الماء على الريق وتصلي الفجر وتقراي الورد اليومي والا ذكار وتصلي كل صلاة في وقتها مهما تكن الظروف ورانا زدنا ركعتي الضحى قيد التطبيق واي حاجة نسيتها تزيدها لك احدى الفراشات

omelbanin

2016-10-04, 10:56

انا اليوم نضت مع الأذان شربت الما، توضيت وصليت، قلت الاذكار. وجدت فطور الصباح.
رحت غسلت الدوش وتولات اعزكم الله. وحطيت الملابس في الغسالة،... نهار ما نغسلش تفي عليا الدنيا.
خملت كامل الغرف، وبردت منطقة ساخنة، عاندت ختي فاطمة الزهراء، ههه، سرجت فوقوالثلاجةونظفتها. وغسلت الاواني لي كانو فوقها.
راحو الأولاد باش سيقت، كي يكونو في الدار، ما نقدرش نسيق.
جابلي البارح زوجي كمية من الطماطم طايبة شوية، خفت تخسر طيبتها رحيتها، وخليتها تبرد،
باش نديرها في المجمد.
راح ندير كا رانطيطا للغدا وجدتها، جوايه ل 11:30نديرها طيب باش يلقاوها سخونة.

omelbanin

2016-10-04, 10:59

قريت الرد تاع حبيبتي جهينة تفكرت صلاة الضحى. نروح نصليها:1:

حياتي كلها امل

2016-10-04, 12:07

ام ياجي هذا جدول القيتو في دورة حبيبة للموضفات وانت زبدي ونقصي على حسب الظروف تاعكhttp://www.up.djelfa.info/uploads/147557914898861.jpg

حياتي كلها امل

2016-10-04, 12:15

ام اكرام يااختي ساعات كلنا دجينا فترات نكرهو الخدمة لكن لازم الواحد ينوض ويخدمها مرة وثنين ومنبعد يصبح متعود عليها وهدف الدورات هذا الامر اننا نحو الكسل ونخلو بيوتنا مشرقة وزاهية وتاكدي انو الشغل اذا معملتيهش انت مكانش الي يجي ويعملهولك واحسن نعملو كل شيء في وقتو وحتى منلقاوش كل شىء فوق راسنا مع شويا حيل وخطط ونظام مثلا الملابس كي تنزعيها من الحبل طبقيها وحطيها في السلة مباشرة ثم دجيك ساهلة توضعيها في الخزانة
وكيما قالت حبيبة عمل 30دارتاحي 5د وعمل ساعة ارتاحي 10د اعمليه وراح تلقاي نتيجة وحاولي تمشي على نظام راح تلقاي نتاءج باذن الله

ام صفصف

2016-10-04, 12:25

صباح النور لكل الفراشات ،ويوم موفق ان شاء الله
مرحبا بالملتحقات الجديدات
ام لينة طل القمر
ربي يعين الجميع

fatima zohraa

2016-10-04, 12:43

جهينة اليقين

2016-10-04, 12:45

ام البنان انت كارية ولا ملكك

omelbanin

2016-10-04, 13:01

ام البنان هههه، ضحكتيني ام راضية،
لالا الحمد لله ملكي، ورثت من عن الوالد رحمه الله، ساكنة في تراب واحد انت وزوج خاوتي، بصح كي الجيران، كل واحد والدخلة تاعو .

جهينة اليقين

2016-10-04, 13:43

شفتي يا ام هارون كي تدخل ام لينا تضفي علينا واحد المرح وخفة الروح المهم كي راه ملكك الحمد لله يا لوكان عندك غير غرفة وصالون واذا حب ربي تخدمي كل شي بالعقل ك انا عندي سكن وظيفي باعو هو لنا بكري ومرة على مرة نعاود حاجة والحمد لله درنا التحت والفوق ماشي ساهلة بصح ما بقالناش غير حوايج خفاف لعقوبة ليك

ام اكرم31

2016-10-04, 13:55

بارك الله فيكم اخواتي راح اتبع نظام الاخنت ام البنين لاني نوض بكري ونطبق جدول التنضيف الاسبوعي كنت كاتبتو من الدورة الاولى لما كنت مع الاخت حبيبة
انا عجبتني دورة ام تغاريد انها لا تعتمد على التنظيف فقط بل تنظيف وتزين ديت منها بزاف افكار
ونحوس كل مرة نججد فالديكور باش منكرهش

الماسة النادرة

2016-10-04, 14:49

سلام راني نضميت ليكم راني بردت الصالون وخملت الفرجيدار

omelbanin

2016-10-04, 16:54

وين راكم، الماسة النادرة انت راكي حالة خاصة اخدمي غير بلعقل، ربي يعطيك وقفة ساهلة ان شاءالله.
ا

omelbanin

2016-10-05, 06:34

الحمد لله الذي احيانا بعدما اماتنا واليه النشور.
اللهم ما أصبح بي من نعمة او باحد من خلقك، فمنك وحدك لاشريك لك.

حياتي كلها امل

2016-10-05, 07:38

اصبحنا واصبح الملك لله والحمد لله ولا اله الا الله اللهم اني اسالك خير هذا اليوم وخير مابعده واعوذ بك من شر هذا اليوم وشر مابعده

حياتي كلها امل

2016-10-05, 07:42

نضت شربة الماء صليت واذكار وجدت الفطور راحو اولادي يقراو اليوم ان شاء الله عندي الاشغال اليومية مع تنضيف عميق للصالون هذا العمل الاسبوعي والامس برد منطقة ساخنة هي جيهة في ليزيليمو واليوم ممكن مكتبة الاولاد راهي فوضى

جهينة اليقين

2016-10-05, 08:59

السلام عليكم اليوم نضت شربت الماء صليت الفجر الورد اليومي ما كانش المصحف كان بعيد غلي عجزت بان نروح نجيبو قريت اذكار الصباح واتكيت حتى للسادسة والنصف بدات لاباتاي

جهينة اليقين

2016-10-05, 09:05

نضت طيبت القهوة شربنا شربو افراد العايلة وكل واحد راح لقرايتو خملت الشومبرة ودرت منطقة ساخنة فرزت كرطون تاع الدواء اللي بريمي رميتو وعاودت خملت رف تا لخزانة كاين الي فيهم ريحة خرجتهم باش نغسلهم والي نمدهم درتهم بجيهة راني دايرة كل مرة رف تاع الاولاد وتاع الزوج وتاعي وتاع بنتي تدبر راسها

جهينة اليقين

2016-10-05, 09:15

ورجعت غسلت الماعن تاع القهوة ودرت الملابس فالمشينة وشمخت كوفيرتة كبيرة وواحدة صغيرة الماشينة تدور وانا نغسل الكوفيرتة الصغيرة بيديا والكبيرة برجليا ههههههه هاذي استوس معتمدتها ندير الرغوة في بسينة كبيرة تاع حديد طبعا ونبقى نغفس برجليا خاطر تكون عندك القوة ومن بعد ندير التويو تاع الماء وانا دايما نعفس حتى تصفى تخرج هايلة ونديرها فوق كرسي تقطر مليح حتى للعشية تخفاف ننشرها خذيت استراحة محارب وجيت نطل عليكم ومع فنجال قهوة ثم نروح ننشر الملابس وندير فطور سباقيتي

omelbanin

2016-10-05, 09:55

الله يبارك على الشطارة، غيرتيني، غدوة نحط باسينة ونغسل كوفيرتة هههههه، قالك عاند ولا تحسد ههه.
انا اليوم نضت شربت كاس ما، توضيت، صليت، والأذكار.
طيبت لقهيوة ،استقهويت انا وزوجي. قبل ما ينوضو الأولاد غسلت الدوش وتوالات.
ناضو الأولاد وشربوا، وراحو، درت الملابس يتغسلو وغسلت les draps.
رحت درت الغدا يطيب، انا نهار الأربعاء ندير لوبيا.
غسلت الاواني ونضفت الفرن.
رحت نشرت لحوايج ودراوات.
سيقت لبيوت والمطبخ.
بردت منطقة ساخنة، سرجت المكتبة، لازم كل يومين ولا ثلاثة أيام نعاود نسرجها.
طفيت على الغدا وجيت نضرب طلة. :)

جهينة اليقين

2016-10-05, 10:10

حتى انت ما عندي ما نقول فيك مرا ونص الله يبارك راني كملت بقاتلي غير لاصوص نديرها ونوجدالسلطة ونبقى مع النت حتى للثاعش

ام اكرم31

2016-10-05, 10:35

صباح الخير عليكم انا اليوم راني نشوف راني متاخرة نضت صليت الفجر في وقتو مقريت والو كنت نعسانة مرقدتش بكري ووليدي ناضلي فالليل يرضع نضت على السبعة قريت الادكار غسلت وجهي مليح مليح وضعت كريم درت قهوة قهويت ولادي واخدت ابني للروضو وجيت نقيت سردين ودرت البطاطة تغلي نديرها سلطة وراني نطيب العشاء باش لحشية نخرج عندي موعد وضك جيت نطل وراني رايحة نسيق البيوت كنت خملت كلش فالليل واش راكم اخواتي قولولي واش لازم ندير راني حاسة روحي بطيئة

حياتي كلها امل

2016-10-05, 10:54

الله يبارك راكو هايلين
انا خملت البيت و غسلت الاواني ورحت كتست الدروح والساحات وجيت فرغت الصالون وسيقتو مليح وكملت الكولوار والمطبخ ودرت الفطور عدس وحكمت المكتبة تاع اولادي سرجتها ورميت واش يترمى

omelbanin

2016-10-05, 11:23

ههههه جهينة يادرا اذا طليتي على الدردشة ولاولالا.
انا نفحتلي على خبز الدار، درتو وراهو يطيب في الكوشة، جاو لولاد جيعانين، حطيتلهم ياكلو يولو يقراو علثناش ونص.
ام اكرم ختي كي راكي تربي وتباتي قاعدة مع bébé، راكي هايلة تصلي لفجر في وقتو، وماشاءالله. الوقت لي يرقد وليدك في النهار ديري التنظيف العميق.

ام صفصف

2016-10-05, 13:20

صباح النور حبيباتي
ماشاء الله على بنات بلادي لحراير
راكم الي قلبها مات تحييوهولها هههه

فراشات العمر

2016-10-05, 13:32

السلام عليكم
كتبت رد طويل عريض ماعلاباليش واش صرى للتابلات راح كلش المهم صح غداكم كل واحدة باسمها من الشرنقة للفراشة

ام صفصف

2016-10-05, 13:32

انا راني مع الروتين الصباحي ،بعد ما يخرج بناتي للمدرسة ربي يحفظهم وجميع ابناؤنا، وبعد ما نكون استنزفت قدر كبير من الطاقة ههه
وذرك راني مع بنتي الصغيرة ربي يحفظها ،انا نكتب وهي تجبدلي في وجهي وشعري
بانسبة للمناطق الساخنة، اليوم انشاء الله نغسل الثلاجة، ونشوف حسب الوقت ،وربي يعين الجميع

ام صفصف

2016-10-05, 13:36

اهلا ام لينا ،يسلمك وصح غداك حبيبتي
ام لينا هنا كامل فراشات ماعندناش الشرانق ههه

fatima zohraa

2016-10-05, 14:36

السلام عليكم
انا عندي زوج ايام مريضة في حالة.التنظيف ماكان ماكان.الفوق الفوق.
الجانب الديني6/10
الجانب الجمالي00/10 ههههههههههه
الله المستعان

omelbanin

2016-10-05, 14:56

لا بأس عليك ختي فاطمة، وطهور ان شاءالله.
اهلا ام صفصف، ام لينا.
انا ضربتها برقدة ونضت، ضك يجو الأولاد من المدرسة.

ام صفصف

2016-10-05, 22:21

ربي يشفيك اختي فطيمة
البقية ليلة سعيدة

omelbanin

2016-10-06, 10:55

السلام عليكم وصباحكم سعيييييد، واش راكم. اختي فاطمة الزهراء ان شاءالله تكوني صبحتي مليحة.
ام شمسو ما بنتيش، واقيل الضياف ما خلاوك ديري والو، ربي يعينك حبيبتي.
ام راضية، واش درتي اليوم، رانا نشحنو طاقتنا من النشاط ديالك.
انا اليوم نضت قبيل الفجر، شربت الما، توضيت، اذن الفجر صليت، وقلت الاذكار..
رحت درت فطير باش نشربو بيه القهوة ، شربنا. والحمدلله. نعمة من عند ربي الواحد راهو آمن في بيتو وعندو قوت يومه.
راحو الأولاد والزوج. رحت شمخت كوات، وزوج كوفيرتات خفاف وغسلتهم وشوية حوايج.
غسلت الاواني ونضفت الفرن.
سيقت المرحاض والدوش، والمطبخ، ومسحت البيوت.
راني الان في فترة راحة، نروح نصلي الضحى وندير لفطور، مقارون.

أم تغاريد

2016-10-06, 15:15

السلام عليكم ورحمة الله وبركاته أخواتي الغاليات افتقدكن ارجو ان الجميع بخير وعافية
فرحت بزاف كي لقيتكم وليتو للدورة دخلت نشوف كاش ماراهي دايرة معلمتنا حبيبة اعطوني الاخبار كاش دورة راهي جاية؟
راني محتاااجة لبداية قوية
لانو كانت ايام الدورة اجمل ايامي كنت منظمة وقتي ومريحة

karimdoc

2016-10-06, 15:16

[size="5"]السلام عليكن يا اخياتي اولا انا داخلة بغضوية زوجي عندي سؤال سريع و هو في نفس الوقت شكوى هذا الروتين ما تقدرش طبقه لي تكون ساكنة مع اهل الزوج ؟؟؟؟؟؟؟؟؟؟
5 كناين و 2 اولاد بلا زواج و عجوز و الاحفاد 9 احفاد الله يبارك.... انا مثلا عندي توام بنات عمرهم عام و 9 اشهر............. و لكن ان تتخيلن الوضع لاني لا اريد الاذطالة عليكن[/size
نسيت باه نقوللكم اناو 2 من سلافاتي ؤانا بالحمل انا ي الشهر السادس و نقضي عادي بصح كي ندخل لغرفتي نلقى روحي عيانة ما ندير والو

omelbanin

2016-10-06, 15:23

ياااااأم تغاريد، واش راكي، رانا نحوسو غير شكون يديرلنا دورة، تعيشي، رانا قع معاك ونبداو معك بداية قوية ان شاءالله.

ام شمسو محمد

2016-10-06, 16:31

يسقسي عليك الخير ام البنين راني متابعة عن بعد.ماشاء الله نشاطك في المنزل وفي المطبخ روعة وتطبيقاتك الله يبارك فورية ومواكبة وهايلة.انا مازلت نعاني من مشكل الوقت مش كافي .مش غير الضياف ام البنين .احيانا التعب او الخروج او التلاهي ..انترنت وغيره..اضطرابات مواعيد النوم.تعدد الاهتمامات انا نحب دائما يكون عندي هدف نلاحقو .بالاضافة لعوامل الملل والاحباط وغيرها من الظروف النفسية
كيفاش راكي دايرة مع الاعتبارات الاخرى في الحياة تربية اولادك .تدليل زوجك..هل تجلسو مع بعضكم كفاية.جمالك واناقتك و حياتك الاجتماعية وعلاقاتك هذي الامور تستنزف وقتي
و السلام عليكم

حياتي كلها امل

2016-10-06, 16:38

ام تغاريد اشرقت الانوار شحال فرحت كي شفت اسمك حبيبة عملتلنا دورة في اوت لكن مكناش ملتزمين بيها بزاف لانها جات في شهر كان كل واحد باشغالو وقالت انها مشغولة متقدرش تكون مرتبطة معانا وحنا كلنا حبينا نجدو نشاطنا ونظامنا فلجانا للدورة تاعك للتوالم هذا الوقت لكن اذا ممكن تفتحينا دورة راح انكونو ممنونين ليك وتدي دعوة الخير
اختي زوجت كريم الواحد الي يكون ساكن مع العاءلة الكبيرة ماشي سهل يلتزم بكل شيء لكن يعمل قدر المستطاع ومع التربية ماشي سهل ربي معاك

ام شمسو محمد

2016-10-06, 16:41

كريم دوك انا تجيني العايلة تفحل والوقت فيها واضح خصوصا كي تكون الناس متراحمة وكاينة النية كاين منافسة و مراقبة وحتى مساعدة مش كي تكوني وحدك.انعتبرها ضرورية في بداية الحياة الزوجية باش تفهمي العقلية بصح ملازمش طول واحد مايقدرلها

ام شمسو محمد

2016-10-06, 17:00

حياتي كلها امل شفت كاين مشكلة في الالتزام .نتوما راكم ماشاء الله لكن مش كل الناس كيفكم لازم نلقاو افكار جديدة لركن ادارة المنزل تكون اكثر اثارة وتحفيز مانيش لاقية حتى سبب يخليني نكتب على روتيني الممل اصلا وعندي قناعة بضرورة احياء الركن من اجل تحسين حياتنا

omelbanin

2016-10-06, 21:33

ام شمسو واش نقولك، ربي دارلنا نظام في حياتنا، كون نتبعوه برك.
لازم النوم بعد العشاء، باش الإنسان كي يسمع الفجر، يقدر ينوض، ما يكونش عندو ساعتين. ولا ثلاثة ملي رقد.
البكور ،اللهم بارك لأمتي في بكورها.
وانا ملي نوض من الفجر مانوليش نرقد، الروتين الصباحي نكملو على 10 صباحاً، والحمدلله. وهذه بركة البكور.
وما تخليش الحاجة تتراكم في كلش، الملابس نغسل كل يوم، الاواني ما نخليهمش.
الأرضية أيضا. هذا نظام كي توالفيه تعودي ما تقدري تخلي لحوايج موسخين، ما تقدري تشوفي كوزينة ماشي مخملة.... وهكذا.
وبالنسبة للطبخ، كي تخدمي روتينك الصباحي بكري، يبقالك الوقت للتفنن في الطبخ،
وبعد الظهيرة ندير قيلولة يالوكان 10د. باش نجدد نشاطي، ونوض ندير حاجة للقهوة، يكون كلش مفروز، لاني ما خليتش الماعن تاع لغدا فوق البوتاجي تقلقني، نشوف المطبخ نقي نحب نطيب.
والجانب الجمالي ديري في بالك بلي زوجك راهو يشوف لعجب في الزنقا، وانت لي دارك ربي باش تحصنيه يعني احتسبي الاجر عند الله.
كي يكون هدفك إرضاء الله سبحانه، تقدري ديري كلش، تتزيني وتنوضي بكري وتنقي دارك.
طولت الهدرتوسهرت شوية، لانو مارانيش في داري، ولي راني عندهم ما يرقدوش، صليت العشاء، وراني قاعدة.
سبحانك اللهم وبحمدك اشهد ان لا اله الا انت استغفرك واتوب اليك.

guzel7

2016-10-06, 22:30

بارك الله فيك اختي

omelbanin

2016-10-07, 06:57

أصبحنا وأصبح الملك لله والحمدلله ولاوإله إلا الله.
جمعة مباركة على الجميع.

ام شمسو محمد

2016-10-07, 07:14

اللهم انت ربي لا اله الا انت خلقتني وانا عبدك وانا على عهدك ووعدك ما استطعت ابوء بنعمتك علي وابوء بذنبي فاغفر لي فنه لا يغفر الذنوب الا انت
اصبحنا واصبح الملك لله رب العالمين .رب اسالك خير هذا اليوم فتحه و نصره و نوره و بركته وهداه و اعوذ بك من شر مافيه وشر مابعده

ام شمسو محمد

2016-10-07, 07:14

ام شمسو محمد

2016-10-07, 07:24

صباح الخير ام البنين كلامك حق و انا دايرة هاذ الاعتبارات في راسي ومتبعة جداول ومحققة بالتاكيد نتائج لكن مانيش راضية عليها.في كل عمل من الاعمال ضروري نترقاو وننتقلو للمستوى التالي .الوضعية اللي راكي تهدري عليها ام البنين نسميها حالة الصفر.وكاين مافوق الصفر وما تحت الصفر
ارواحي نتناقشو على هذا الصعيد

ام متين

2016-10-07, 07:26

اصبحنا واصبح الملك لله والحمد لله جمعة مباركة للجميع
اشرقت الانوار يا ام تغاريد والله سعدت كثيرا لتواجدك في هذه الصفحة ان شاء الله راك بالف صحة وعافية شوفي اختي عمري ما كنت منظمة في حياتي ومهتمة بنفسي كيما في الدورة نتاعك ودائما نقولها ربي يجعلها في ميزان حسناتك فيا ريت تتكرمي اختي وتفتحيلنا دورة جديدة لتجديد النشاط والحمد لله ان ام البنين (وان شاء الله تعود ام البنين والبنات)وام هاجر راهم قايمين بمجهودات كبيرة ربي يحفظهم لينا جميعا

ام متين

2016-10-07, 07:32

اختي ام شمسو لو ان كل النساء راهم في وضعية الصفر كيما سميتيها اكيد راهي كل البيوت عايشة ف سلام وانا نظن ان اي وحدةقادرة توصل لوضعية الصفر ففبامكانها الارتقاء الى اي وضعية في الاتجاه الموجب طبعا

حياتي كلها امل

2016-10-07, 08:06

اصبحنا واصبح الملك لله اهلا ام متين و اختي ام البنين وام شمسو
صدقيني ياام شمسو ما فهمتش واش تقصدي من كلامك اذا كان الي قالت ام البنين تحوسي اكثر منو وفي نفس الوقت تقولي اننك مش ملتزما مثلنا حرت واش تحوسي
انا نتكلم على نفسي شخصيا دخلت لهذي الدورات باه يكون عندي نظام نمشي بيه في حياتي دون الاخلال باي جانب ونطبق قدر المستطاع ثم يصبح مع الوقت عادة والحمد لله وصلت لنتاءج مليحة وكي الواحدة تكتب روتينها اليومي تقوم بتحفيز البقية والتشجيعهم

omelbanin

2016-10-07, 08:12

ختي ام شمسو، كاين نساء، هاذي نقطة الصفر لي راكي تهدري عليها، وما لحقوش ليها وراهم يسعاو باش يلحقو، وكيما قالت حبيبتي أم متين، لي تلحق لهذا المستوى، أكيد ترتقي للوضعية الإيجابية.

جهينة اليقين

2016-10-07, 09:23

السلام عليكم اسمحو لي ما دخلتش البارح كنت مريضة بالقراجم ومفاصلي وجعوني راني غير نددش ام تغاريد متشرفين

omelbanin

2016-10-07, 10:03

اهلا، ام راضية لابأس عليك، طهور ان شاءالله.

حياتي كلها امل

2016-10-07, 10:18

يشفاء عليك ام راضية طهور ان شاء الله

oumouil

2016-10-07, 12:32

السلام عليكم ورحمة الله أخواتي أنا عضوة جديدة أعجبتني كثيرا كتاباتكن فهي تبعث الحيوية والنشاط أعانكن الله أنا عاملة وأم أحاول أن أوفق بين العمل خارج وداخل المنزل*من تتفضل منكن وتساعدني في عمل جدول يومي لقائمة الوجبات حتى لا أضيع الوقت في التفكير فيما أطبخ و سأكون شاكرة لكن

فراشات العمر

2016-10-07, 13:59

جمعة مباركة الجميع
خليت ماعني وجيت تكسلت ترقد رائد وقيل نكمل نرقد راني حركت اعصابي هذا صباح
مع معتصم ماحبش يكتب النص واذا كتب يحرث الورقة مع منتصر يلعب بالبالو زاد جا ولد خويا مع القضبان تاع السوق وجابلي سردين نديرو غدى وتعمرت علي
طلبي شكون قرات كتاب على للاولاد وفادها بزاف تسميهلي

فراشات العمر

2016-10-07, 14:04

عندي وصفة فعالة وسحرية ومباركة للابتعد عن النت يعني لي ماتقدرش تحبسها واكم شفتوني بالكاد ندخل
انا كنت مدمنة انترنات وعانيت منها بزاف سيرتو الفيسبوك اه في الفيسبوك لقيت صفحة اسمها اسلوب وتكلم على الحل لي هو انك لما تسكري النت روحي اتوضاي وصلي ركعتين والله جربتها لمرة واحدة فقط ماعدت ندخل للفيس بوك واذا دخلت مانطولش لاني الشيطان يخاف لكان نطول نصلي ركعتين هههههه يعني مايسمحش هههههه

فراشات العمر

2016-10-07, 14:05

اهلا ام تغاريد نورتي الباج

omelbanin

2016-10-07, 14:21

ام لينا، انا شريت وحد لكتاب عن تربية الأبناء، اسمو كيف تكون احسن مربي في العالم، ما شفيتش اسم. المؤلف لاني عتدي بزااااف ملي قريتو والأن راني مسلفاتو.

omelbanin

2016-10-07, 14:25

ام لينا، في نهاية العام الدراسي لي فات، كنت مديتيلنا وحد الرابط، قلتيلنا هذا ساعدني باش نقري وليدي. اذا شفيتي عليه حطيهولي تعيشي راني محتاجاتو.

ام صفصف

2016-10-07, 14:29

صباح النور وجمعة مباركةلجميع الفراشات
اهلا ام تغاريد، فرحنا بطلتك
ابالنسبة لي نتمنى لو عملنا دورة جديدة،وبما انو الروتين اليومي اصبح واضحا لنا، والنهوض باكرا، والجانب الديني، وووو
نركز هاذ المرة على الجانب الاسري،الوقت الي نمدو للاطفال، الوظائف، والبيبي و و و،لان واش ران نعملوه لاجلهم
ايضا نحاول نقتارح طرق تنظيف سهلة، وعمل اكلات الي ماتخليناش نسكن فالمطبخ

omelbanin

2016-10-07, 14:39

ام صفصف والله الجانب التربوي ولا يعييني، فكرتك مليحة، لانو كامل عندنا اولاد، و لازم تدربو كيما دربنا على روتين التنظيف، ندربو على قواعد التربية الصحيحة.
رانا نمدو اقتراحات وان شاءالله، تلقى اذان صاغية.

فراشات العمر

2016-10-07, 15:28

عطر البنان والله غير نسيت كلش يخي تحرق الميكرو نتاعي وراحلي كنزي الثمين لي بقيت نتفكر فيديو تاع مؤلف كتاب الاسرار السابعة يوتيب سمعتو وفادني ثاني كتب تاع للتنمية البشرية بصح ضرك للتابلات عندي يومين وانا نحاول نحمل كتاب تاع الاطفال المزعجون لكن دون جدوى سمعت يمد حلول لازعاجات الاولاد

جهينة اليقين

2016-10-08, 06:20

بسم الله الرحمن الرحيم الحمدلله الذي احيانا بعد ما اماتنا واليه النشور

جهينة اليقين

2016-10-08, 06:24

كيف حالكم فراشات اليم نضت شربت الماء وصليت الفجر وقريت اربع صفحات من الورد وطيبت القهوة وراني نشرب كي جا وليدي مع باباه مالجامع قال لي واش بيك اصبحتي فالكوزينة ما زال الحال قلت لو راهي الستة واش نزيد نرقد

جهينة اليقين

2016-10-08, 06:27

اليوم راني دايرة بركوكس بالعصبان شكون تجي تفطر عندي ضوك نوض نوجد المرقة لاني عندي خرجة وكي نرجع ان شاء الله نكمل

جهينة اليقين

2016-10-08, 06:29

وين راكي ام هارون ؟]

ام اكرم31

2016-10-08, 07:25

صباح الخير عليكم اخواتي
ام تغاريد عودا حميدا حبيبتي توحشنتك وكنا نسال عليك بزاف
كيما قالو الاخوات ياريت تديرينا دورة نكونو معاك ان شاء الله ويعجبوني افكارك واساوبك
يا ريت لا تتاخري علينا لانني متحمسة كثير واريد ان نبدا من جديد
انا الحمد الله ملتزمة بصلاة الفجر وقرات القران وراني نايضة ندير روتين الاعتناء بالنفس نحط ماسك حليب بودرة وماء الورد ساهل حتى ينشف نغسل ونحط كريم يومي
رايحة ان شااء الله نكمل فرز الخزانة و لقجار تع لكوافاز لانو زوجي في العمل وندير لحوايج ينغسلو اليوم راح يكون ترتيب غرفة النوم
وندير المشينة تدور ونشوف واش ندير فطور موضعتش قائمة الغداء
لي عودة ان شاء الله

ورود عربية

2016-10-08, 08:37

السلام عليكم و رحمة الله و بركاته.

أعجبني كثيرا تجمعكم ...جميل بمعنى الكلمة ...يا ريت يكون لي بينكن مكان....فأنا اعشق النظام و النظافة

استيقظت اليوم عل 6 صباحا

غسل وجهي صابون دوف و مشطت شعري

صليت الفجر ...

أعددت الفطور...

عادة عندي أوصل زوجي دائما للباب و أدعو له بتسيير أموره و يومه

ذهب زوجي للعمل في أمان الله

قرأت الأذكار و صفحات من القرآن

فتحت جميع شبابيك البيت

و ارتشفت قهوتي و انا أتصفح الانترنيت و اراجع مهام اليومية
غسل اسناني
وضعت مرطب شفاه
و مرطب للرجل ولست جواربي

و الآن إلى تنظيف البيت
لي عودة لإكمال يومي

دعواتكم لي بتسيير أمر في بالي عسى أن تكون بينكن مستجابة دعوة لا تبخل علي أخواتي في الله

ورود عربية

2016-10-08, 09:01

شغلت سورة البقرة

رشيت المغسلة و المرحاض أعزكم الله بخليط منظف

شغلت الغسالة

وإلى العمل سر

omelbanin

2016-10-08, 11:24

صباح الخير عليكم، واش راكم يا الفراشات، النشيطات، . الجميلات.
اهلا ورود عربية متشرفين بأنظمامك لينا، راكي قاعد ة معانا حتان يديرو دورة جديدة :1:
أم راضية، بصحتكم البركوكس بالععصبان، حقيقة انا جامي ذقتو بالعصبان، بصح نجي نفطر عندك ونشوف، ههههه.
أنا اليوم خدمت شغلي بالgرام، بعد ما نضت الصباح شربت الماوكليت شوية تمر :D لأني نضت جيعاااانة، وصليت، قلت الاذكار .
طيبت لحليب ،ناضو الأولاد والزوج وشربوا،درت الملابس في الغسالة.
أنا بديت نخمل هي راحت التريسيتي، حبست الغسالة.
جابلي زوجي الجاج. حنا لهنا يبيعو جويجات صغيورين غير ب200دج للجاجة تاع تحمار.
قعدت النقي فيه، فتحت العين لقيت ماكاش الماء:mad:
عندي عين في الساحة هابطة لقيتها تقطر، درت بسينة تحتها وبديت نغسل بلعقل.
طيبت لفطور. وغسلت الاواني ،كي جات تريسيتي كملت لحوايج، نشرتهم.
غسلت حشاكم الصبابط.
ما سيقتش كنست برك، كي يجي الما ان شاءالله.

ورود عربية

2016-10-08, 11:47

شكرا اختي أم البنين على الترحيب....في انتظار الدورة الجديدة أن شاء الله

اليوم قبل ما نبدأ الشغل....درة ماسك الطفل لوجه

شغلت المنبه على 10 دقائق لكل غرفة

المهم.....رتبة الأسرة .....مسحة المرايا.....مسحة الغبار.....كنت الارضيه.....و مسحها

الحمام و التواليت غسل المغسل و مسحة الأرضيات

غسل الملابس

مسحة الثلاجة و وضعت فيها القضية

مسحة الفرن و سالبة بالالمنيوم و نفت الرخامة

زوجي يأتي وقت العشاء لذلك سوف اطبخ له رأس الخروف فهو يحبه مع بعض السلطة و البطاطا المقلية

الآن انا ذاهبة لنشر الغسيل....غلق الشبابيك تعطير البيت....كم هي جميلة رائحة النظافة

و بعدين أخذ دوش

اشتريح و أتىغذى و إلى الدراسه ....ياااااااا رب وفق ياااااااا رب

و

omelbanin

2016-10-08, 12:05

ماشاءالله عليك حبيبتي ورود عربية، على فكرة اسمك جمييييل.
شاااطرة الله يبارك، ربي يخليلك صحيحتك، بصح.... حبيت نسقسيك ،انت متزوجة وتدرسي؟

ورود عربية

2016-10-08, 12:17

الله يسلمك اختي أم البنين😄😄😄اسمك أيضا جميل أم البنين أن شاء الله يولي أم البنين و البنات

نعم متزوجة و اريد ان اكمل دراسات ما بعد التخرج و عندي طفل عمره 21 شهرا

ورود عربية

2016-10-08, 12:20

انا ادرس في البيت عندي امتحان الاسبوع القادم مسابقة لإكمال دراسة ما بعد التخرج

مع اني لم ادرس لها جيدا لكن املي في الله كبير

دعواتكم أخواتي في الله

جهينة اليقين

2016-10-08, 12:35

ارواحي عندي برك يا ام هارون والله ندير لك واش تحبي واي اكلة حبيتي تذوقيها نذوقها لك

جهينة اليقين

2016-10-08, 12:37

اهلا بك يا ورود اتلقينا عليك انا وام البنين قرعاجين من الدرجة الاولى هههههههه ما فهمتش وشنو ما بعد التخرج تقصدي الماستر ؟

omelbanin

2016-10-08, 12:49

ههههه ام راضية ضحكتيني كي قلتيلي قرعجيات. والله جبتيها ،اروى مسكينة كنت مهبلتها بالأسئلة، شحال توحشتها.
وعلى لمجي نجي نجي، انا ناكل كلش، وأكيد كلش من يديك يجي بنين،..... وين راكي أم هاجر تجي معايا.. . انا وختي معدتنا اجتماعية تقبل كلش ههههههه.
ورود عربية ،ختي ربي يوفقك ان شاءالله، ويعينك على التربية ولقراية.

حياتي كلها امل

2016-10-08, 14:12

السلام عليكم انا اليوم الصلاة والاذكار الاعمال اليومية ومازلت مع ملابس الشتاء نسرج ونجبد الصغيرة نمدها والراشية تترمى
اهلا بك ورود عربية بيننا وماشاء الله راكي ناشطة
جهينة وشراكي كيف احوال العاءلة

ام صفصف

2016-10-08, 15:41

السلام عليكم يا فراشات المنتدى
ربي يعين الجميع

فراشات العمر

2016-10-08, 15:56

السلام عليكم
توحشتكم بزاف واهلا بالورود العطرة وجدي روحك رايحين نطيبو عليك هههههه
دورة جديدة دورة جديدة دورة جديدة من معي هيا أم تغاريد غردي علينا
حملت البارح كتاب للاطفال المزعجون وراني بحول الله نقراه وننتفع بيه لأني بعيدة كل البعد عنى معنى التربية
راني رايحة لبيت اهلي اليوم رايحة نتوحشكم نسيت ماقلتلكمش زارتني اختي ولاتلي بيتك ولا خفيف فرحت بزاف نوض نغسل لماعن وننفض البيت قبل مانروح والعشا وجدتو مع لغدى تهنيت بالسلامة

ام شمسو محمد

2016-10-08, 20:14

ام البنين وحياتي كلها امل كانكم انزعجتم من كلامي ماكانش قصدي نهائيا نسفه مجهودكم او نقلل من قيمة دوركم في المنتدى بالعكس نتوما االاثنين بالذات نعتبركم تقومو بعمل جبار لاحياء هذي الدورة
انا كنت نشكي من قلة الاقبال رغم الاهمية ونحاول نحلل اسباب العزوف ونناقش فيكم للرقي بالدورة بطرح افكار جديدة للدفع بالمشاركات اكثر
ودرجة الصفر عندي هي كيما قالت ام متين مستوى متقدم يتطلب التطور الطبيعي ولاريب بدليل مطالبتكم بدورات جديدة وانا نقيس فيه للحالة السلبية.بمعنى انو الحوض النظيف مثلا هو درجة صفر بالنسبة للحوض المتسخ اللي هو درجة سلبية .والحوض المزين هو درجة ايجابية بالنسبة للحوض النظيف .وهذا هو الهدف اللي نحاولو الوصول اليه جميعا بمطالبتنا بدورة جديدة
ووصفي لكتابة الروتين بالعمل الممل هو وصف للروتين وليس للكتابة .وكان هدفي الاشارة لاضافة الصور مثلا لزيادة استقطاب المشاركات
ومازلت نعتبر الدورة من اهم مايمكن ينفع المراة على الاطلاق .ومن اجمل ما يرفع النظام العام للمجتمع
ومازلت اظن بانو ام البنين و حياتي كلها امل مساهمات مبدعات في تنشيط المزاج العام لترتيب الحياة اليومية للمتابعات
اعتذر.....و اسفة على الازعاج.

ام صفصف

2016-10-08, 20:35

اختي ام شمسو لاداعي للاعتذار
وعلى معرفتي لام البنين وحياتي كلها امل ، فانما لم تنزعجا من رايك لكنهما حاولتا الاستفسار فحسب، لاني انا ايضا لم افهم ما كنت ترمين اليه الا لما قرات ردك الان
ونحن هنا جميعا لتبادل الاراء والنصائح والخبرات رغبة منا للوصول الى الافضل

omelbanin

2016-10-09, 06:52

http://www7.0zz0.com/2016/10/09/08/607593299.jpg

حياتي كلها امل

2016-10-09, 07:39

السلام عليكم وصبحكم الله بكل خير
ام شمسو حبيبتي لا داعي لتعتذري لانك لم تقومي بازعاجنا اصلا ومثل ما قالت ان صفصف حبي نفهم قصدك هذا كل شيء وفيما يخص الدورة لازم تكون لها مشرفة عليها لذا نحن نطالب بدورة جديدة

جهينة اليقين

2016-10-09, 08:24

السلام عليكم واش احوالكم فيما يخص الدورة اذا لقينا مشرفة ماذا بنا واذا ما لقيناش ما نفشلوش ام هارون راهي ناءب المدير هههههه وام هاجر اختو رانا نحفزو بعضنا خير من والو وراهم ينضموا لينا عضوات جديدات

omelbanin

2016-10-09, 09:35

السلام عليكم، واش راكم.
راني نبدل في الديكور تاع الشومبرا، انا كي نشوف روحي مقلقة ومديقوتيا، نجيب هاذي من وهاذي من، نحس بالتغيير شوية.

omelbanin

2016-10-09, 13:32

السلام عليكم، انا اليوم ما فطنتش للفجر :mad:نضت قريب 7 نضت نجري، ولقيت مفاجأة راجلي طيب القهوة:D. ولقيتو يشرب. قالي كي لقيتك ملمدة في الكوات وراقدة ما حبيتش نوضك وعمبالو صليت كي راح للجامع، بصح ولات تحلى وحد الرقدة صباح.
المهم، اليوم قمت بالشومبرا، نضفتها تنظيف عميق، خرجت لفراش للشمس والزربية. مسحت الأثاث ،والمرآة. نظفت الأرضية بعملاق. بدلت شوية في الديكور.
كملت سيقت الباقي، وطبعا المرحاض والدوش.
اليوم ماغسلتش لحوايج،
درت لغدا لوبيا ماشطو بابطاطا مقلية. جاو الأولاد والزوج على ال12فطروا وغسلت الاواني.
صليت الظهر، وراني نسنا في سي وائل يرقد، باش نريح شوية، نرقد كاش ربع ساعة.

ام براهيم الخليل

2016-10-09, 15:11

:dj_17:كيف حال كل الفراشات اهلا بي ام تغاريد لم استطيع ان اكون معكم لي ان امي راهي مريضة ودارت العملية لم انتبه لي الدورة لي هذا وصلت متاخرة لكني سوف اراجع كل الصفحات الله يوفقنا جميعا الخاتمة1

جهينة اليقين

2016-10-09, 15:40

اهلا وسهلا ام ابراهيم واش راهي الوالدة طهورا ان شاء الله

أم تغاريد

2016-10-09, 16:26

السلام عليكم ورحمة الله وبركاته
فراشاتي الغاليات ان شاء الله راكم كامل بخير
طلبكن ان افتح دورة جديدة يشرفني ويسعدني وانا احوج ما اكون اليها
واش نقولكم ؟ نحاااول باذن الله ندير المستطاع باش نديرو دورة كيف كيف لازم نتعاونو كامل لانو انا وحدي ما نقدرش
تعيشو اكتبولي اقتراحتكم

حياتي كلها امل

2016-10-09, 16:46

اهلا ام تغاريد رانا كلنا محتاجين لدورة جديدة تهتم بكل شؤون الاسرة والبيت يعني المنزل ومتطلباته
تنضيفات ونكونو مشتاركين كلنا فيها وجانب الديني وكل فراشة تستمد الطاقة من اختها
جانب الجمالي والنفسي والاهم التربوي وكيف نتعاملو مع اولادنا في مراحل مختلفة مع اكيد صحة العاءلة وباذن الله نكونو معاك اليد في اليد هذي اقتراحاتي ويارب يدخلو اخرين ويقدمو شيء

omelbanin

2016-10-09, 16:48

السلام عليكم، اهلا حبيبتي أم تغاريد، حنا لينا الشرف انك تفتحيلنا دورة، شفنا الدورات نتاوعك لي فاتو وكانو ماشاءالله.
انا واش نقولك رانا حابين نكون ربات بيوت راقيات، في كامل الجوانب، وخاصة في الجانب التربوي والاسري، رانا حابين نترقاو في علاقاتنا الاجتماعية.
بالإضافة أكيد إلى الجانب الديني والجمالي والعناية بنظافة البيت وترتيبه طبعا.

جهينة اليقين

2016-10-09, 17:13

ام تغاريد يسعدنا نديرو دورة وطبعا نتعاونووكلنا ونحفزو بعضانا ومن خلال دورة الاخت حبيبة تحسننا كثيرا في حياتنا اليومية والتزامنا الديني والله هذي الدورات نافعة جدا

ام صفصف

2016-10-09, 17:40

اختي ام تغاريد بارك الله فيك على اهتمامك
نظم صوتي لام البنين وام هاجر،ونتمنى نركز في هذه الدورة على الجانب الاسري، يعني الوقت الي نمدوه للاولاد ،المراجعة،...،ايضا العلاقة الزوجية، ايضا الجانب الاجتماعي، يعني العلاقات خارج الاسرة
شئ اخر نتمنى ان تكون لكل وحدة فينا هدف خاص بيها تحاول تحقق
هذا بالاضافة للروتينات اليومية،التنظيف،الطبخ ،الجانب الديني، والجانب الجمالي

ام متين

2016-10-09, 17:41

مساءكم طيب يا فراشات حتى وان كانت تدخلاتي قليلة الا اني نحاول مرة على مرة نتفقدكم المهم انا الشيئ المواضبة عليه الاماكن الساخنة وراني غير نبرد فيهم لكن لا الاماكن الساخنة بردت ولا الجو برد شوية سبحان الله الناس مازالو يعومو ربي يجيب الخير ان شاء الله

ام متين

2016-10-09, 17:46

ام تغاريد ان شاء الله نكون كامل مع بعض للرقي بحياتنا وكسر الروتين والملل واضفاء السعادة على حياتنا علينا ان نسعى الى الرقي بافكارنا حتى ترقى حياتنا ويرقى سلوكنا
وانا مع ام البنين وام هاجر وجهينةوام صفصوفة فيما قلن

ام متين

2016-10-09, 17:53

ام ابراهيم الخليل على سلامتك يا اختي ان شاء الله الوالدة راهي تحسنت شوية ربي يحفظها ويحفظ جميع الامهات

omelbanin

2016-10-09, 19:16

يا ناس قولولي ويقتاش عاشوراء، كل واحد واش يقول، سما، تصوموا غدوة ان شاءالله، ولا حتى نهار الثلاثاء؟

جهينة اليقين

2016-10-09, 19:20

الثلاثاء والاربعاء ان شاء الله الله يتقبل منا

فراشات العمر

2016-10-09, 21:27

السلام عليكم
كيف. الحال والاحوال وحال الدار انا داري راهي راسا على عقب الشيء لي درتو تعكس ماعليش فيها خير ان شاء الله
تصبحون على الف خير رقدت وليدي ودوشت نحيت الملل والكلل
ام تغاريد الدورة تاع فراشات تزهو بالالوان مذا بيك لما تديري دورة تخلي الرد الثاني محجوز للأشياء المهمة لي نتطرق لها ونحاولو كل مرة نفتحو موضوع النقاش

ام اكرم31

2016-10-09, 23:04

السلام عليكم اخواتي
ام تغاريد كلنا معك والفكرة الاولى ان كل وحدة تكتب رو تينها وتحطو ممنوع دخول الدورة بدون روتين حتى ننظبط من البداية
ولا كسل كلنا نعطي افكار ونتناقش بنظام ونحط اقتراحات كلنا يد واحدة
وبالنسبة للبيت لا ننظف فقط بل نزين نحط افكار للترتيب والتزيين
ونظع روتين للاطفال للمراجعة واول نصيحة وقت المراجعة يجب ان يحدده الطفل قبل اللعب او بعد اللعب وعليه ان يلتزم والا يحرم من اللعب
وكذلك لا تراجعي لابنك وبطنه مملوءة لان العقل لا يستوعب هظم الاكل والتفكير

فراشات العمر

2016-10-10, 08:26

السلام عليكم
صليت فجر وقريت ماتيسر من القران وجدت لفطور وغسلت الاواني جا زوجي فطرنا ونوضت لولادد وراحو للمدرسة الان ندير لغدى ننصب غدى وعشى مع بعض باه نتهنى وغسل لماعن تاعلاتحير أن شاء الله لي عودة أن شاء الله يومكم موفق

فراشات العمر

2016-10-10, 08:29

نصيحة فقط للاخوان لي ولادهم يدرسو الابتدائي مايبعدوش على همزة وصل بين المعلم والولي فادتني بزاف

سمراء الدنيا

2016-10-10, 09:15

السلام عليكم و رحمة الله و بركاته
بارك الله فيك ام تغاريد على مجهوداتك و جزاك الله كل خير
عرفت اني راح نلقى هنا كل الفراشات النشيطات .... جيت نسلم عليكم و نقوليكم توحشتكم و كانت عندي ظروف شدتني عليكم بصح دايما نتفكركم طوال اليوم و طول ماراني نخدم في شغلي و انا نتخيل روحي معاكم و هاكا نتشجع و نكمل اشغالي .....
سلامي الحار لكل وحدة باسمها و شكرا للاخت كرونو بلغتني سلامكم و سؤالكم عليا ربي ما يحرمني منكم ..... ان شاء الله تتحسن ظروفي و نقدر نتواصل معاكم من جديد