تعالوا نكشف اسرارنا

[sonia32]

السلام عليكم ورحمة الله
لكل امراة اسرار في مطبخ وكل واحدة فينا من كثرة الطبخ احيانا تغامر في اعداد اكل او اضافة مكون معين
تعالوا معي نكتشف اسرار مطبخنا وكل واحدة تقول لنا ما هي الامور التي اكتشفتها في مطبخها
اول واحدة تكشف سر وهي انا عندما كنت اعد مرقة بيضاء بالدجاج اضفت نصف ملعقة حبة حلاوة للمرقة جت روعة فضلا على الرائحة الجميلة
هيا من لديها الشجاعة وصحة رمضانكم

[حورية38]

مشكورة فكرة رائعة ممكن بعض الاسرار متداولة لكن الكتير منا لا تعرفها

لاضافة نكهة مميزة لشربة الفريك او المرمز او حتى الشربة العادية اصيفي قرن فلفل اخضر حار قبل ما تطفي ببضع دقائق يطلق بنة روعة
وباش يعقد طاجين الزيتون او اي طاجين اخر اضيفي ملعقة من غبرة الفريك للمرق راح تعقد وتمد بنة بدل الفرينة والمايزينة

[حورية38]

لاضافة نكهة لخبز الدار اي المطلوع وهو يطيب قبل ما تحطي الخبزة في الطاجين او الفرن خدي اوراق القصب الاخضر وفتيها كخيوط او السمار او الحلفاءوحطي خبزة الكسرة وخليها تطيب عادي ولاحظي الفرق في البنة

[sonia32]

مشكورة فكرة رائعة ممكن بعض الاسرار متداولة لكن الكتير منا لا تعرفها

لاضافة نكهة مميزة لشربة الفريك او المرمز او حتى الشربة العادية اصيفي قرن فلفل اخضر حار قبل ما تطفي ببضع دقائق يطلق بنة روعة
وباش يعقد طاجين الزيتون او اي طاجين اخر اضيفي ملعقة من غبرة الفريك للمرق راح تعقد وتمد بنة بدل الفرينة والمايزينة
السر الثاني روعة بارك الله فيك

[sonia32]

لاضافة نكهة لخبز الدار اي المطلوع وهو يطيب قبل ما تحطي الخبزة في الطاجين او الفرن خدي اوراق القصب الاخضر وفتيها كخيوط او السمار او الحلفاءوحطي خبزة الكسرة وخليها تطيب عادي ولاحظي الفرق في البنة
شكرا لك اختي ان شاء الله نجربها

[أم محمدين]

السلام عليكم
انا شخصيا معجناتي كلها نزيدلها مغرفة كبيرة نشاء مهما كانت الوصفة و في الحلويات نزيد مغرفة رز مطحون تزيد قرمشة للحل يات
هذا سر تاع راجلي في الكفتة و لا في الدولمة وين كاين اللحم المفروم يزيد شوية صوص صويا و موتارد و الله بنة لا تقاوم

[sonia32]

السلام عليكم
انا شخصيا معجناتي كلها نزيدلها مغرفة كبيرة نشاء مهما كانت الوصفة و في الحلويات نزيد مغرفة رز مطحون تزيد قرمشة للحل يات
هذا سر تاع راجلي في الكفتة و لا في الدولمة وين كاين اللحم المفروم يزيد شوية صوص صويا و موتارد و الله بنة لا تقاوم
شكرا لك فكرة روعة

[samia28]

أنا نشرشم حبة بطاطا دائما لعجينة البيتزامع حبة البيض و ملعقتين زيت و الباقي عادي

[شمس بريكة]

بارك الله فيكم انا ما عنظي حتى سر نطيب عادي وراح نسرق اسراركم ههههه

[afnene2014]

كي ديري بطاطا سفيرية حمري نصف حبة بصل حتى تولي كراميل وضيفها لل بطاطا ولا معقودة تعطي بنة روعة.

[sigoise]

كيطيبي طاجين زيتون ضيفيفي الاخير 2 فرماج فاشكيري وخليه يعقر رائع

[sonia32]

بارك الله فيكم انا ما عنظي حتى سر نطيب عادي وراح نسرق اسراركم ههههه
مرحبا بيك لازم يجي يوم وتخترعي

[sonia32]

اذا حبيتي الحمص تاع الدبارة يجيك طايب مليح ودايب زيديلو نصف ملعقة تاع خميرة القاطو

[sonia32]

شكرا لكن جميعا

[عروبة2003]

السلام عليكم ورحمة الله تعالى و بركاته
اذا كان الاكل او المرقة مالحة قشري حبة بطاطا وضعيها داخل المرقة حتى تنضج و تشرب الملح
اذا جاتك صلصة الطماطم حامضة نضيف السكر حتى نعدل من الحموضة

[melissa lola]

باه يجي الدجاج المحمر بنين تبليه وخليه وديريه في اليلاطو وخليه في الثلاجة حتى 4 ساعات باه تحمريه يجي هايل وبالنسبة للشربة راهو قريب شهر رمضان وجدي كلش وخليه في القدة ( بصل حمص لحم قصبر كرافس كورجات نعناع ملح فلفل اكحل عكري زيت وشوية ماء قيس ملعقة انتاع عشاء ) وجديها الصباح وطيبي العشية تجي بنينة بزاف

[فريدة مريم]

انا نوريكم سر طياب البوزلوف راه يجي حكاية تحطي البوزلوف في الكيكوت وتقسمي حبة طماطم وحبة بصل على ربعة ورقة رند واربع سنات ثوم وشوية كمون وملح وبدون تمراق غريبة شوية وتسكري عليهم وعلى نار قليلة جدا صدقونيي يجي اكثر من روعة جربوه واعطوني دعوة الخير والي مفهمتنيش نعاود الشرح سلام

[sara ab]

انا سري في التاي كي نكمل نطيب التاي نزيدلو شمة صغيرة نتاع ملح علابالي غريب شوي مي جربوها وادعيولي <3

[اسمهان79]

بارك الله فيكي على الموضوع الرائع
سر القوة والصحة في الزنجبيل يا ريت تستعملوه في أكلكم راه مفيد بزاف

[Algam]

كاين سر راني بديت نستعمل فيه وهو اضافة الملح للأكل تاعي كي يكون نصف طياب ما نديروش من الأول لأنو الملح يمتص البنة تع المكونات كي تحطوه من الأول خاصة الخضر ومع المعجنات ايضا حتى نلم العجينة تاعي عاد نديره باش ما يقتلش طلوع الخمارة

الكفتة مقلية باش تجي طرية ندير فيها شوية خبز مشمخ مليح بالحليب ومفتت زيدي غير الملح وقليها تجي روعة

لما أتذكر البقية أضعها لكم ان شاء الله

[MAMISSA]

salam ana natilkom wahd el 3afssa sghuira djarabtha w khardjetli raw3a ki teteybou t3am ya3ni le couscous ki tkemlou tfowrouh w tdjou rayhine tiydmouh zidoulou moghrfa aw ithnine kbar creme fraiche el 3akda wiydmou normal djarbouha w rodoul el khbar ydji hayel tahiyati el hara kech ma netfakar nzidelkom

[رجائي فيك]

اولا نبدو بالبطاطا المقلية:
كي تقطعيها و تغسليها ضيفي الماء حار عليها و علبة خميرة فورية خلي حتى الماء يبرد و قليها تمتص زيت قليل بسرعة تنضج و تتقرمش
02/الدجاج:
كي تجيبيه نقيه و دهنيه يشوي ثوم مرحي و زنجبيل مرحي و من بعد استعمليه و لا جنديه
03/تتبيلة الدجاج:
مع كل توابل الدجاج دايم اضيفي الهيل و جوزة الطيب
04/الزيتون :قبل الطبخ نتاعو رقديه في الماء على الاقل30د من بعد طليه بملعقة زيت الزيتون ما تغليهش
05/الجلبان قبل حفظه فورية او غطسيه في الماء سخون 05دقائق
06القرنون باش مايكحالش غطسيه في عصير القارص
تتبل اللحم المفروم و اللحم العادي يتم بعد القلي ماشي قبل و لا اثناء
هذا واش تفكرت كي نزيد نتفكر نرجع ههههههه

[sonia32]

شكرا الله يبارك عليكم شكرا لكن جميعا ان شاء الله تكون في ميزان حسناتكم

[اسما38]

شكرآ لكم جميعاً على اسراركم المطبخية
عندي سر صغير قبل ما ندخل الكيك أو أي كيكة نذري فوقها شوية سكر راح يخليها طيب على مستوى واحد و ماجيش جيهة طلعة على جيهة
ياريت كل وحدة تطبقها و تنجحلها تدعيلي ربي يفرج على زوجي و يرزقه من اوسعه
لي عودة إن شاء الله كي نتفكر حاجة

[دار الفل]

راح نعطيكم سر كي تمرقي طاجين الزيتون، أضيفي ملعقة صغيرة بسباس مرحي، يمدلوا ذوق رهيب

[sonia32]

شكرآ لكم جميعاً على اسراركم المطبخية
عندي سر صغير قبل ما ندخل الكيك أو أي كيكة نذري فوقها شوية سكر راح يخليها طيب على مستوى واحد و ماجيش جيهة طلعة على جيهة
ياريت كل وحدة تطبقها و تنجحلها تدعيلي ربي يفرج على زوجي و يرزقه من اوسعه
لي عودة إن شاء الله كي نتفكر حاجة
شكرا لكي على النصيحة وان شاء الله يفرج عليكم

[أم محمدين]

السلام عليكم
الشوفلور كي تكوني طيبي فيم، زيديلو شوية بيكاربونات باش تقتلي هاديك الريحة الي تخرج، حذاري ما تغفليش عليه راهو يطيب تم تم

[isma08]

يعطيكم الصحة راني نتعلم

[*أم جابر*]

السلام عليكم ورحمة الله وبركاته
بارك الله فيك اختي صاحبة الموضوع أحسنت الاختيار بإذن الله يثبتوه المشرفات
انا سر تع ماني ربي يرحمها كي تفور الجلبانة تزيدلها مغرفة سكر باش تولى بنينة
والسر الثاني تع عجوزتي كي تغلي الشفلور تزيدلي العقاقر مثل الرند حبة حلاوة زريعة البسباس باش تروح الريحة
والقرعة باش اديري دولمة كي تنقيها وتحفريها ديريلها شوية ملح باش ماتجيش سامطة قبل ماتعمريها

[*أم جابر*]

والبادنجال كي تكون راح اديريه غراتان ماتقليهش راه يرفد بزاف الزيت قطعيه وادهنيه بالبانسو بالزيت وديريه في الفور
البطاطا المقلية انا ما نملحهاش حتى أطيب باش تحافظي على الزيت لأطول مدة
كي اطيبي الشربة وتكوني مزروبة فوري الفريك باش تمتم يطيب
كي نتذكر حاجة نحطها

[jojo dj]

انا سر انتاعي في حلويات الصابلي و الطورنو وخبز مطلوع الجلفة الخارجية انتاع البرتقال نغسلها مليح ونخليها تيبس وندقها غبرة ونستعملها وفالطياب دايما نستعمل البصل والثوم بع بعض

[jojo dj]

وفالدولمة ندير طرف صغير دجاج او مرق دجاج يزيدلها بنة مليحة وشوفلور choux fleur كي نطيبو طاجين ابيض نزيدلو مغرف صغيرة سكر

[jojo dj]

وفي طاجين لوبيا موشطو ندير حبة طماطم نرابيها وحبة بصل كبيرررة تزيدها بنة وحدة صديقتي قاتلي نزيدلها زيتون اخصر فالاخير يعطيها بنة هايلة مي ماجربتها ش والصلاد دو فروي انا نطيب سيرو ونزيدلو جلوف البرتقال يطيبو معاه وهو سخون نزيدو للفاكهة باش تطلق العصارة انتاعها

[mariana1]

باش ما يشربش الزيت عند القليان فوريه أ ولا
باش تج ي اللوبية البيضاء بنينة زيديلها ورقة رند قبل ما تطفي عليها

[bouchra tlemçania]

شكرااااااااااااااااااااااااااااااااااااااااااااااا ااااااااااااا

[sonia32]

باش ما يشربش الزيت عند القليان فوريه أ ولا
باش تج ي اللوبية البيضاء بنينة زيديلها ورقة رند قبل ما تطفي عليها

قصدك اختي البذنجان ولا حاجة اخرى

[sonia32]

السلام عليكم ورحمة الله وبركاته
بارك الله فيك اختي صاحبة الموضوع أحسنت الاختيار بإذن الله يثبتوه المشرفات
انا سر تع ماني ربي يرحمها كي تفور الجلبانة تزيدلها مغرفة سكر باش تولى بنينة
والسر الثاني تع عجوزتي كي تغلي الشفلور تزيدلي العقاقر مثل الرند حبة حلاوة زريعة البسباس باش تروح الريحة
والقرعة باش اديري دولمة كي تنقيها وتحفريها ديريلها شوية ملح باش ماتجيش سامطة قبل ماتعمريها

ان شاءالله اختي ويجعل كل واحدة شاركت معنا في ميزان حسناتها لانها تساعد الكثيرات وتسعد الكثيرات

[*أم جابر*]

البادنجال باش ما يشربش الزيت في القليان رمديه في الفرينة راح يجي بنين و مقرمش و مافيهش بزاف الزيت

[حورية38]

شكرا لكل البنات على الاسرار القيمة

باش اللحم مرحي يجيك طري اي الكفتة صيفيله القليل من معجون الطماطم

لي تحب خبز الدار //كسرة بطريقة تقليدية وبنة كما تاع فرن الطين التقليدي //تستعمل طاجين عادي تاع حديد لي نطيبو فيه الماكلةوما تحتاجيهش وتحطيلو شباك من الاسلاك اخدميه بنفسك وطيبي فيه عادي بشرط ان لا يلامس السلك او الشباك ارضية الطاجين وتحطيلو الغطاء تاعو مع اضافة اوراق القصب اممممممممممممممممممممممممم روعة نتمنى تجربوها
لعمل شربة المرمز او الفريك نمرق بماء دافيء ونلاحظ الفرق في البنة ونحاول اضافة الماء قيس ما نحتاج باش ما نضيفش من بعد

[حورية38]

ادا حبيتي توجدي بهاراتك في البيت حمصيها قليلا في مقلة ومن بعد ارحيها ولاحظي الفرق في البنة
كي تحبي تديري بطاطا بيري او تحتاجي بطاطا مطهوة لاي وصفة ضفي للماء لي تغلي فيه علبة ماجي او جومبو
عند عمل الفطائر اضيفى على عجينتك المعتادة ملعقتين من الياوورت الطبيعي ستلاحضين هشاشة مدهشة
لتحمير الدجاج اضيفي ملعقة موطارد للتوابل لي ترقديه فيها
كي تكون عندك وصفة تحتاجي ترمدي فيها بالفرينة او الشابلير او حتى السكر مسحوق ضعيها في كيس وضفي المكون لي حابة ترمديه واغلقي الكيس تم رجي راح تحافظي على نظافة المكان وتخدمي عدة حبات بدل اضاعة الوقت

[حورية38]

لهرس التوم في المهراس اضيفي قرصة ملح ودقي عادي يساعد على التنعيم وما تتطايرش التوم
لتنقية التوم بسرعةحطيه في ماء سخون مدة ربع ساعة وقشريه

[حورية38]

لا يضاف الملح في طهو البقوليات لانه يجعل منها قاسية وتاخد وقت اطول بالخصوص ادا كانت نوعية غير جيدة

[sonia32]

شكرا جزيلا للجميع

[ام ياسينو]

يا اختي ام محمدين لم افهم طريقة صوص الصويا وشكرا

[ام فراس اصيل]

أذا حبيتي البيتزا تجيك من فوق طرية وماشي ناشفة حطي فوق الطماطم 3 مغارف زيت تجي كي البيتزا انتاع برا ومبعد زينيها كيما تحبي من فوق

[omoussamawarazane]

بارك الله فيكم جميعا

[أم ياسمينdz]

افكار رائهة استفدت منها كثيرا

وكي تجي بته تقلي قبل ماتشعلي النار حطي نصف ملعقة خل مع الزيت

وافتحي عليها النار

من مباعد اقلي البطاطا او اي

راح تحافظ على اللون الاصفر وكان عدتي درتي حاجة بالشابلير او الفرينة ميتحرقلكش الزت + ميشدش بزاف الزيت

[hamidanad]

باه الدنجال ما يشربش الزيت رشيه بالملح و اظغطي عليه بااناء مدة 20 دقيقة بدون ماء وعند القلي شليه بالماء و قليه

[zina13]

ana les sauces blanches fi elakhir ki ntafi 3liha nar nzidlha safar byda m3a ma3adnouss w felfel khal w chwiya sauce w zidha 3la baki sauce w nkhalat bach elbyde ma ytibch tji bnina w 3agda kima jelbana w la soupe blanche marka ta3 djedj byda ,,,,ex w bach tkachri kamiya kbira men thoum hatih fi rafiya w diri 3lih ma mrli 5 mn ytnahaw elkchour bla mou3anat facilemen "

[طبيبة سمية]

يعطيكم الصحة الحرااير و منكم نستفيد

[bellissimo18]

merciiiiiiiiiiiiiiiiiiiiii

[ام و ابنة]

الياغورت الطبيعي او اللبن يعطيو هشاشة لأي عجين بما في ذلك الحلويات و الموسكوتشو و الجنواز
ذرة ملح في الحلويات تظهر كل النكهات و المكونات
علبة خاصة بتوابل المرق الأبيض و علبة خاصة بتوابل المرق الاحمر تريحي الوقت و الجهد
افضل و اسهل و اسرع طريقة باش ترحي البطاطا بيري و تحافظ على قوامها كي تنحيها و تكون سخونة ارحيها بالباتور اللي نخلطو بيه الموسكوتشو و كي تترحى مليح زيديلها باقي الإضافات و عاودي خلطي و نصيحة دايما البطاطا بيري تاعك اعمليها بالبطاطا و زيدي معاها شوية جزر مقطع صغير فوريهم مع بعض احسن من انك تغليهم في الماء ثم ارحي كلش

[Nadiamanal]

هكذا نتعلموا شكرًا

[aichoucha dima]

السلام عليكم سر انتعي في البيتزا باه اجي طرية لازم اتخلي العجينة جارية اجي بزاف فور

[maiar]

العجينة تع البيتزا بالنسبة ليا باه تجي طرية نديرها بزيت الزيتون

[koko perla]

salam, bon,ya3tikom essaha toutes pour les astuces, ana 3endi 2 astuces: bech tjik chorba frik bnina, heti l frik ytib au meme temps m3a la viande (frik khdar) ,rayha tjik bnina bezaf w l frik mayelsa9ch, w lelbena te3 ga3 twadjen, la quantité li diriha te3 le sel ,diri la meme te3 le sucre, juste m3a début te3 tyab, tjikom el bena WOOOOOW, bon courage

[imane@alger]

يعطيك الصحة

[sonia32]

الارز كي تحبيه يكون طايب مليح وكل حبة واحدها حطي في كوكوط كيلة ارز وكيلتين ماء وشوي خاصة اذا كان ارز المفور وملح حسب الرغبة اغلقي عليه وخليه على نار هادية نصف ساعة افتحي الكوكوط طلقيه شرب الماء الكل وطايب روعة

[om kamilia]

شكرا على الموضوع , كنت رايحة ندير موضوع مشابه ,, نصيحتي كي ننشوي الفلفل و لآاي خضر ( طماطم, باذنجال ) كي نديرها داخل الساشي نرشها بالملح , كي نقشرها تجي بنينة ماشي سامطة , كي نتفكر وحد اخري نفيدكم بيهم

[sabine 1988]

احسن بيتزا جربتها وعجبتني لحد الان هي بيتزا الايطالية لنينافرات ربي يحققلها امانيها يا رب جربوها و شوفو