المساعد الشخصي الرقمي

مشاهدة النسخة كاملة : ʚïɞ تطبيقات الفراشات ʚïɞ


الصفحات : 1 [2]

حبيييبة
2015-06-04, 09:23
صباح الخير و الورد و الياسمين
على حبيبات قلبي
كيف حالكم و كيف حال الهمة و النشاط معكم
كيف حال الأناقة و البهاء
مازالت موجودة و لا ضاعت مع التحضيرات لرمضان و امتحانات الاطفال؟؟؟

http://montada.ilbanat.com/uploads/dhsjclhsmtljnjmkhrdqfmwbs.jpg

http://img.khleeg.com/imgcache/2013/09/177415.jpg

http://www.jamaluk.com/image.php?width=525&image=/uploads/image/460f715af20f3ebcb85c83548fa2fa84.jpg

رقية الناجحة
2015-06-04, 12:28
السم عليكم كيف الحال عساكم بخير

رقية الناجحة
2015-06-04, 12:29
انا اسفة السلام عليكم حبيباتي واش هي تحضيراتكم للشهر الكريم راني نشوف الحالة راهي راقدة

omselma
2015-06-04, 14:32
مساء الانوار اختي رقية و حبيبتنا حبيبة التحضيرات لرمضان راهي موقفة مؤقتا عندي بسبب المرض واصلا بقاتلي حاجة خفيفة اما بالنسبة للاناقة راهي ماشية .كي كنت في قسنطينة شريت شوية حوايج البسة عطور وشريت لوليدي ثاني .

أمة الله 84
2015-06-04, 15:01
مساء الخير على الحبيبات إن شاء الله تكونو بخير يارب

بعيدة المنال
2015-06-04, 18:54
بحث في فائدة دورة الحبيبات الناشطات : راني كنت غايبة بسبب تعطل الميكرو رجعت ما فهمت وااااااالو وين راحت الدورة وهل أدمجت في صفحة التطبيقات ؟؟؟؟ والله توحشتكم بزااااااااااااااااااااف أول ما اتخدم الميكرو فتحت بسرعة وما لقيتش متنفسي الذي اشتقت إليه ؟؟؟

oum sabrin
2015-06-04, 19:30
على سلامتك بعيدة المنال واش راكي واش راهي بنتك مع تحضيراتها ربي يوفقها ان شاء الله توحشناااااااااااااااك بزاف
حنا رانا ندردشو هنا ارواحي كامل راهم متوحشينك و يسالو عليك

http://www.djelfa.info/vb/showthread.php?t=1811749

حبيييبة
2015-06-05, 11:34
صباح الخير و البركة
على فراشات الحبيبات
واش راكم حبيباتي ان شاء الله بخير
الله يعين كل وحدة راهي وقفة على قدم و ساق لاتمام التحضيرات لاستقبال الشهر الكريم
و الله يوفق اولاد كل وحدة راهم يمتاحنوا و يفرحها بيهم ان شاء الله
و الله يشفي كل وحدة ابتلاها الله بسقم شفاءا تاما لا يغادر سقما و يعافيها و يزينها بالصحة و العافية ياا رب
والله يقضي حوائج كل وحدة راهي ناوية اي حاجة في حياتها و يتمم لها بكل خير
و الله يفرج على كل وحدة راهي مهمومة او باقي خاطرها من اي شيء او من اي احد
ربي يريح قلبها و يهني بالها و يسعدها ياا رب و اوصيها بالدعاء
"اللهم اني امتك بنت عبدك بنت امتك
ناصيتي بيدك، ماض فيا حكمك، عدل فيا قضاؤك،
اللهم اني اسألك بكل اسم هو لك، سميت به نفسك
او انزلته في كتابك، او علمته احدا من خلقك او استأثرت به في علم الغيب عندك
ان تجعل القرآن ربيع قلبي و نور صدري و ذهاب همي و جلاء حزني"
اللهم آآميييييييييييييييين

جمعة مباركة حبيبات قلبي

حبيييبة
2015-06-05, 11:52
البارحة حبيباتي كان يوم التقييم
ان شاء الله تكونوا درتوا تقييم لادائكم خلال الاسبوع الماضي

و هو ايضا بالنسبة لبعض الفراشات يوم الاعتناء بانفسنا
عن نفسي اخذت فترة المساء و اعطيت لنفسي حقها لانني اتعبتها خلال الايام الماضية

عن التنظيفات انتهيت من 90% منها استعدادا لشهر رمضان الف حمد و شكر لله
البارحة قضيت على كابوس كان منرفزني كما نشوفه يطلعلي الغاز للراس
بلاكار كبير فالمطبخ كلما انظمه يرجع يتبعثر و ترجع فيه الفوضى
لان الايدي تتوالى عليه بزاااااف
فكرت و قمت باخراج كلما يحتاجوه افراد اسرتي و حطيته في مكان قريب منهم
و حطيت فيه فقط اواني الضيافة و بعض الاواني اللي احتاجها انا احيانا للطبخ
ان شاء الله يبقى الحال على ما هو عليه لانه رجع يفتح النفس الحمد و الفضل لله

اليوم حبيبات قلبي هو يوم التخطيط
خذوا اجنداتكم و اكتبوا اهدافكم لهذا الاسبوع
و حددوا لها يوما خاصا و وقتا خاصا و توكلوا على الله للقيام بها
خططوا لاعمالكم الاسبوعية و لقائمة اكلكم و مشترياتكم
حلمكم الكبير يبدؤ بتحقيق اهداف صغيرة تأخذكم لتحقيقه
لان مشوار الألف ميل يبدأ بخطوات صغيرة واحدة تلو الاخرى
رغم كثرة العثرات و عتاب النفس على السهوات و التقصيرات
الا اننا مواصلون الى الأمام سر ولا رجوع للوراء مهما كان و مهما حدث باذن الله و توفيقه
و "عمل قليل دائم خير من كثير منقطع"
اللهم صلي و سلم على سيدنا محمد و على آله و صحبه اجمعين

حبيييبة
2015-06-05, 12:06
حبيباتي اليوم باذن الله
سانزل موضوع جديد
هو عبارة عن استفتاء او استقصاء
ساطرح فيه عليكم بعض الاسئلة و انتم تجيبون عليها باذن الله
كل وحدة حسب تجربتها و خبرتها في بيتها و بين افراد اسرتها
و ارجو ان تكون المشاركة كبيرة و قوية
حتى تعم فيه الفائدة للجميع

أمة الله 84
2015-06-05, 13:43
مساء الخير على الجميع
إن شاء الله تكونو بخير
حبيبة القلوب حبيبة شكرا لك على كل ما تقديميه و إن شاء الله يكون في ميزلن حسناتك يارب نحن في الإنتضار.

ام رقية74
2015-06-05, 16:09
السلام عليكم و رحمة الله

بارك الله فيك حبيبة و جزاك خيرا على كل ما تقدميه

اسعد الله اوقاتكم و اراح بالكم ووفق ابناءكم و شفى مرضاكم ...و جمعنا على الخير ان شاء الله

omselma
2015-06-05, 16:52
كي نشوف اللون الوردي و نقرا كلماتك نحس بالحماس انا نستنى نرتاح و نستانف اعمالي المتبقية . وانا نقولك راني واجدة باه نجاوب على الاسئلة اللي تطرحيهالنا

حبيييبة
2015-06-05, 21:45
مساء الخيرات حبيبات قلبي
ربي يتقبل منا و منكم صالح الأعمال

تفضلن رابط الموضوع الجديد حبيباتي
اهلا و سهلا بكن للمشاركة فيه

http://www.djelfa.info/vb/showthread.php?t=1813615

منال100
2015-06-05, 21:48
حبيبتنا الغالية كلنا آذان صاغية نحن في الانتظار
شكرا لك على الدعاء والله وانا ابدأ قراءته اذن المؤذن فقلت اللهم تقبل واستجب يا أرحم الراحمين

منال100
2015-06-05, 22:09
الاخت حبيبة الرابط لا يعمل
ماذا افعل ؟

بعيدة المنال
2015-06-06, 13:44
حبيبة قلبي وشقيقة روحي حبوبة اخياتها لكم اشتقت الى مجالسة هذه الأرواح الطاهرة التي طلما ألهمتنا الخير والتعلق بالله لم يؤثر انقطاعي عن النت على حماستي وإن كنت أجاهد الزمن كي أصل في الوقت المناسب روحانياتي هذه الأيام عالية والحمد لله وقد صبغها شعبان بصبغته فغدت نفوسنا شفافة ترنو الى رضا ربها وبلوغ الشهر الكريم اللهم بلغنا رمضان وارزقنا هديك ...
جزاك الله عنا كل خير بحق هذه الأيام الفضيلة لكني لم أفهم بالضبط ما دا يطلب منا خاصة والرابط لا يعمل

ام مؤمن
2015-06-06, 14:31
حبيباتي تواحشتكم بزاف بزاف

الانترنت انقطعت عني من يوم الثلاثاء مع اننا دفعنا الاشتراك مسبقا و غير اليوم وين رجعت و مع الاسف انا اليوم ذاهبة الى بيت اهلي زيارة لمدة اسبوع و ماعندهمش انترنت و انا اتحسر على فراقكم و الله قريب رايحة نبكي

و لكن ان شاء الله عندما ارجع ساراجع كل الصفحات و لن يفوتني شيىء

استودعكم الله ساشتاق اليكم كثيرا اتمنى ان يكون مكاني محفوظ بينكم و لا تنسوني

وفقكم الله

oum sabrin
2015-06-07, 09:52
صباح الخير على وجوه الخير اتمنى تكونو بألف خير
اليوم راني مع غرفة نومي و غرفة نوم ابنائي نظفهم تنظيف عميق و لكن سريع لأنهما نظيفتين
اتمنى التوفيق للجميع شدوا الهمة الى الأمام سر

oum sabrin
2015-06-07, 10:07
حبيباتي تفضلو رابط موضوع الاخت حبيبة راني شاركت في الأستفتاء شاركونا اراءكم ليستفيد الجميع
http://www.djelfa.info/vb/showthread.php?t=1813615

mosta*limoges
2015-06-08, 13:30
سلم عليك نتمنى تكونوا كامل بخير و ربي ينجح طلاب الباك و نفرحوا بيهم
أنا تحضيرات رمضان كانت موقفة لظروف هذا السمانة إن شاء الله نكمل ماباقيش بزاف.
ليوم صبحت على الفراش اللي بقا درتو في الماشينة ينغسل و خويت مخايد من الصوف و غسلتهم
و درت تنظيف عميق للصالون و الشومبرا.

omselma
2015-06-10, 22:30
حبيبة اين انت .وين راهم الاخوات الاخريات .شي بيبا . جيادا ام ريتاج ام منال والكثيرات راني نسيت برك الاسم بصح راهم في البال

ام اكرم31
2015-06-11, 23:38
السلام عليكم حبيباتي راني مع التنضيفات راني قريب نكمل ان شاء الله بصح مشكيلتي غرفة الاولاد محبتش تتنضم بلغف يقلبوها راسا على عقب والله راني نزعف عليهم بزاف
حتى اني نحس روحي كلي مدرت والو ونفسيتي تتعب لا ادري ما العمل

أم فاطيمة
2015-06-12, 20:10
السلام عليكم و رحمة الله و بركاته واش راكم شيرات توحشتكم و ربي يعاونكم الشقة ما يكملش
راني خملت كلش و كوزينة هلكتني 4 ايام و انا معاها
بصح رديتها جديدة و بقالي غير الكولوار و الهول
اللهم بلغنا رمضان

رقية الناجحة
2015-06-14, 12:45
السلام عليكم ورحمته تعالى وبركاته

ربما ان تصدقونني لو قلت لكم لقد توفي خالي يوم امس انا لله وانا اليه راجعون والله يااخوتي الخبر صحيح نفسيتي راضية بقضاء الله وقدره وانا وبناتي نحضر لرمضان لكن بنفسية متعبة واجسام وعقول مرهقه يجعلها آخر الاحزان ان شاء الله لا ادري ما اقول لكن ادعوا لنا بالصبر والسلوان سبحان الله مدبر كل شيء

omselma
2015-06-14, 13:05
انا لله وانا اليه راجعون ربي يصبركم ويصبر اهلو واولادو ويغفرلو يا رب

منال100
2015-06-14, 15:31
رقية الناجحة عظم الله أجركم وأسكن الفقيد فسيح جنانه يارب العالمين
والهمكم الصبر و السلوان

ام مؤمن
2015-06-14, 18:16
السلام عليكم
كيف حالكم حبيباتي و الله توحشتكم بزاف راني كنت غايبة زيارة لبيت اهلي تقريبا 10 ايام و رجعت و انا متشوقة لمعرفة اخباركم و جديدكم
راني قريت واش فاتني بسرعة باش نكون في الصورة و نكمل معاكم باذن الله

حبيبتي رقية عظم الله اجركم و جعلها اخر الاحزان وأسكن الفقيد فسيح الجنان يارب العالمين
والهمكم الصبر و السلوان ربي يكون معاك حبيبتي

لي عودة ان شاء الله

أم فاطيمة
2015-06-14, 18:28
السلام عليكم
حبيبتي رقية عظم الله اجركم
و اسكنه فسيح جنانه

رقية الناجحة
2015-06-14, 21:46
شكرا لكل من واستني وصبرتني ياالله عجوزتي وعمتي وعمي وخالي في عام واحد اللهم لا اعتراض على حكمك وقضائك الله يصبرنا البارح مرقدتش كامل وان نفكر رمضان هدا لن يكون معنا اربعة من الاحباب سبحان الله والحمد لله

حبيييبة
2015-06-15, 09:42
السلام عليكم و رحمة الله و بركاته
كيف حالكم حبيبات قلبي اشتقت لكم كثييييرا
غبت عنكم لبعض الوقت علما مني انكن مشغولات باولادكن و امتحاناتهم
ان شاء الله يكونوا فوتوهم مليح و تكون النتائج مرضية باذن الله
ربي يفرحكم كاااااااااااامل بوليداتكم و بنجاحهم و تشوفوهم ديما كيما تمنيتوهم

حبيبتي رقية عظم الله اجركم حبيبة قلبي و رزقكم الصبر و السلوان
و رحم فقيدكم و اسكنه فسيح جنانه
لله ما اعطى و لله ما أخذ، انا لله و انا اليه راجعون
ربي يكون معاكم حبيبتي والله ما اصابكم ليس بقليل
لكن قدر الله و ماشاء فعل
الحمد لله على كل حال

*ام بثينة*
2015-06-15, 09:58
السلام عليكم

حبيت برك نقول للاخت حبيبة بارك الله فيك مدام حكمت اونلاين

انا منشاركش بزاف ساعة على ساعة نطل لانكم طلعولي المورال مع الخدمة و التربية يامات نضيع و حالتي تولي في الخضيض
بصح كندخل للمنتدى و نشوفكم يطلعلي المورال

عندي ملاحظة اختي حبيبة
بما اني عاملة البرنامج لي ديريه منقدرش نطبقو 100 ب 1000
يعني اوقات التنظيف عندي محدودو عدا الجمعة و السبت

عندي ليك طلب ديري موضوع خاص بالامهات العاملات
انا حممت نديرو بصح معنديش وقت
راني دايراتو مشروع في راسي بصح مادا بيا تسبقيني و ديريه لتعم الفائدة

و سلام

omselma
2015-06-15, 11:25
يويويويويويويويي جات حبيبة وولاو الحبابات روعة

رقية الناجحة
2015-06-15, 19:58
السلام عليكم حبيباتي

مشكورة حبيبتي حبيبة كلامك بلسم راني في التحضيرات للشهر الكريم رحيت التوابل والدشيشة مرمز وفريك ورحيت البصل والثوم والفلفل الحار والى المجمد كملت غسيل الفراش
وتهنيت من النيطوياج للبيت وشريت بعض الاواني من بعد نصورهم لحبيباتي ام عن الجانب الديني هاذ الايام راني في عذر شرعي لكن راني نشحن في طاقتي الروحية من برنامج مفاتيح وضحى القناة برامج رائعة ومستوحاة من القرآن والسنة وكذالك من واقعنا الجزائري وانتم كيف الحال

أم ريتاج زهرة
2015-06-15, 22:40
السلام عليكن عظم الله أجركم أختي رقية و ربي يرزقكم الصبر و السلوان راني مع الميناج و حبيت نسالكم أذا كاين برنامج نمشو عليه في رمضان و اللا غير الجانب الديني

omselma
2015-06-15, 22:43
مرحبا بيك ام ريتاج على سلامتك ارواحي منهيه للدردشة الجماعة اكل راهي ثم

حبيييبة
2015-06-15, 23:21
مساء الخيرات حبيبات قلبي
كي عشيتوا
راني متوحشتكم بزاااااااااااااااااف بزااااااااااااااف

راني فتحت الدورة الجديدة للفراشات الخاصة بشهر رمضان المبارك
ها هو رابطها

http://www.djelfa.info/vb/showthread.php?t=1818090

و رايحة نحط فيه البرنامج اليومي للعبادة و التنظيف

حبيبات قلبي لاصدقكن القول
فالبرنامج اللي عطيتهولكم الخاص بالتسبيح المكثف بعد كل صلاة
بصراحة تامة لم استطع الالتزام به
كان برنامجا مكثفا جدا لدرجة كنت احس بالتقصير دائما عندما لا استطيع الالتزام به
فأدركت انه لابد من التمسك ببرنامج مبسط و مسهل على ان يكون دائما
ولا ننقطع عنه ابدا بسبب استصعابه
لذا سأنزل في موضوع الدورة برنامجا جديدا للفراشات
ان شاء الله يكون مبسطا و ميسرا على كل ربة منزل و خاصة الامهات و العاملات بصفة خاصة جدا

رقية الناجحة
2015-06-16, 19:20
مساءا لخير يا فراشات كنت وعدتكم نصور لكم الاواني لي شريتهم شوفو


http://www.up.djelfa.info/uploads/143447848906451.jpg (http://www.up.djelfa.info/)



http://www.up.djelfa.info/uploads/143447854488461.jpg (http://www.up.djelfa.info/)


http://www.up.djelfa.info/uploads/143447858960191.jpg (http://www.up.djelfa.info/)


http://www.up.djelfa.info/uploads/143447864305591.jpg (http://www.up.djelfa.info/)


ياهذي تهبل هناتني من البصل والفلفل ترحي بكمية كبيرة

حسناء القمر
2015-06-16, 20:21
مساء الخير عليكن كيف الحال

منال100
2015-06-16, 20:23
مساء الخير على الجميع شكرا الاخت حبيبة ان شاء الله نلتزم بالبرنامج
الاخت رقية مبارك عليك ما شتريت بصح كان غ طلي علينا في دردشة الفراشات الجمع راه كامل هناك
صح رمضانك اللهم اجعلنا من صيامه وقيامه يا رب العالمين

منال100
2015-06-16, 20:26
الاخت رقية هذيك الآلة شحال ادير
قوليلي تعيشي ترحي مليح يعني رقيق بزاف ولا تخليه شوية خشين وتصلح للكاوكاو ولا لالا

ام مؤمن
2015-06-16, 22:02
مساء الخير عليكم

رقية بصحتك المشتريات تاكلوا فيهم بالصحة انا شريت اواني بزاف السنة الماضية لرمضان و هذه السنة ماكثرتش بزاف و صورتهم غدوة نحطهم ان شاء الله

الرحاية اليدوية عندي مثلها رقية نتاعك واش حال فيها سكين 3 او 4

انا اشتريتها ب 700دج منال و جربت بليها الحميص شوطت الفلفل و الطماطم و البدجان و رحيتهم بيها جاني حميص هايل اما الكاوكاو فيوم اشتريتها كان البائع يجرب فيها قدامنا في السوق فوق طابلة و ارحى بيها الكاوكاو و البصل و الطماطم و الفلفل

رقية انتقلي معنا الى الدردشة و ايضا خلينا ندردشوا في الدورة الجديدة و نرجعوا ايامات الزينة

ام مؤمن
2015-06-16, 22:05
مساء الخير عليكم

رقية بصحتك المشتريات تاكلوا فيهم بالصحة انا شريت اواني بزاف السنة الماضية لرمضان و هذه السنة ماكثرتش بزاف و صورتهم غدوة نحطهم ان شاء الله

الرحاية اليدوية عندي مثلها رقية نتاعك واش حال فيها سكين 3 او 4

انا اشتريتها ب 700دج منال و جربت بليها الحميص شوطت الفلفل و الطماطم و البدجان و رحيتهم بيها جاني حميص هايل اما الكاوكاو فيوم اشتريتها كان البائع يجرب فيها قدامنا في السوق فوق طابلة و ارحى بيها الكاوكاو و البصل و الطماطم و الفلفل

رقية انتقلي معنا الى الدردشة و ايضا خلينا ندردشوا في الدورة الجديدة و نرجعوا ايامات الزينة

oum sabrin
2015-06-16, 23:07
مساء الخير حبيبباتي واش راكم
انا سعيدة بعودة حبيبة و التئام شمل الفراشات من جديد
احزنني كثيرا خبر وفاة الخال اختي رقية الناجحة عظم الله اجركم في مصابكم رحمه الله الله و اسكنه فسيح الجنان انا لله و انا اليه راجعون شيء حقا مؤثر ....

dilta
2015-06-23, 02:29
بارك الله فيك مشكوووور اختي

oum marouane
2015-07-14, 03:12
فكرة رائعة مشكورة اخت حبيبة لكن انا عندي طفل رضيع يحبني ديما قداو ماقدرتش ندير كيما قلتي

ام محمدْ ومريمْ
2015-07-22, 18:33
شكرا على الموضوع راني بديت نطبق اهم حاجة عجبتني هي المراة

cherif1991
2015-07-23, 10:00
السلام عليكم ورحمة الله وبركاته

salsabilaa002
2015-07-28, 14:14
رااااااااااااااااااااااااااااااااااااااااااااائع

قمرْ~
2015-07-28, 18:12
السلام عليكم موضوع رائع ومحفز أتمنى ان تقبلوني فراشة في حديقتكم

بنت_الجزائر
2015-08-04, 17:03
شكراااااااااا

rahil malak
2015-09-19, 15:53
السلام عليكم ...اتمنى تكونو كلكلم بخير

تطبيقاتي مستمرة و مداومة رغم وجود الاعمال و كركبتها.......

غسل الفراش تقريبا انتهيت منه الا القليل الذي لازلنا نستعمله...

الالبسة الشتوية خبأتها ...

حليت كل المخايد و نفضت الصوف و غسلت الاغطية و رجعتهم ..بقي تاع الللواط لما يجي الماء نغسلهم

الجانب الديني راني مخربطة شوية لان العادة عندي غير منتظمة ان شاء الله في القريب اروح للطبيبة..

الجانب الجمالى احاول عدم التفريط و اقل شيء ارش وجهي بماء الورد في الصباح و المساء....

اهم شيء اني بدات باكتساب عادة جيدة و هي المداومة و تقسيم العمل الى اجزاء ...و هذا يساعدني خاصة

مع كثرة الاعمال و تراكمها...كذلك اصبحت ادون و اخططما اريد او انوي فعلة في ورقة في الصباح ..و هذا يساعدني

و يوجهني ...لاني كنت فوضوية في عملي ...بحيث اقوم بعدة اشغال في وقت واحد او ابدا في عمل ثم نروح و نبدا في عمل اخر

قبل ما نكمل الاول ...و هكذا نبقى حاصلة وتعبة نفسيل و جسديا ....


احاول جاهدة ان اصنع روتيناتي بالتدريج و خطوة خطوة حتى تدوم معي للابد ان شا الله


بارك الله فيك حبيبة على كل ما تقديمه و جعله الله في ميزان حسناتك يارب

سلامي للجميع دون استثناء



انا تاني كيفك ندير نص ونبداء في الاخر ممكن نكونو اصدقاء

الوردة الندى
2015-09-20, 10:43
ارجو ان تقبلوني في الانضمام لركبكم

rahil malak
2015-09-21, 18:19
يعطيك الصحة اختي بارك الله فيك

lafleur eglantine
2015-09-21, 20:09
barakalah fik okhtiiii

maloo
2015-09-30, 05:55
http://www13.0zz0.com/2015/04/29/18/191541375.jpg