من دخل المنتدى فهو صــائــم و من دخل هذا الموضوع فهو فــاطــر

[zawch]

http://www12.0zz0.com/2009/09/02/16/117742450.gif


و اسمحولي يا خاواتي بلاك الصيام راه يخرفلي درت هذا الموضوع
و اسمحولي نهدر
المهم .. انا راني لاحظت ظاهرة
... نتاع الرد السريع
رد نتاع ليه ليه
رد نتاع الطلقيني يا ذي الحية نطلقك
ناس ترد باش تزيدلها في النقاط و في المشاركات ... اصلا تلقاه ما قراش الموضوع
تلقاه يمشي لاخر مشاركة و يدير ردو و موافق و اقلب
نعطيكم مثال واحد يكتب : مشكوووووووووور و الاخر : يا سلاااااااااااااااااااااام ...
واش اخاوتي خلاصت عليكم الهدرة او كاش واحد طاير عقابكم ( يجري موراكم)
ياخي راك مريح في كرسي و الكلافي قدامك و ما تخسر والو كي تكتب فقرة
او حتى جملتين .. يا خويا بين روحك في الساحة
او على الاقل صلي على النبي عليه افضل الصلاة و السلام
انا راني خايف من سنة 2050 كيفاش نولو .. اربي استرنا
انا حبيت الناس تمد رايها . حبيت ناس تكون اكثر صدق بين بعضها . انا حبيت الوقت يرجع كيما بكري
غير قالونا رانا في عصر السرعة خلاص رحنا معاها طووووووول
رانا ولينا من قوم الكوبي كولي

اهداني نفرغ غشي و راني عارفوا راه غير الصيام يديرلي هاك

شفت تاني ظاهرة ( أنا خوك عاوني برد ) كي واحد يخدم موضوع من الاخير يكتب :
اكتب رد حتى يكتمل التحميل
او الردووود يا جماعة

علاش يا خويا راه ولات الطلبة ( المساسية - التسول ) في الردود
خصك غير تكتب لله يا محسنين كاش رد لوجه الله

العنوا ابليس .. الواحد كي يخدم موضوع لازم تكون نيتو صافية
يخدموا لله في سبيل الله
يخدمو من اجل ان يفيد الاخرين
يخدمو و ما يستناش الردود نتاع الشكر

و هذه و هذا هو يا خاوتي
على بالي نفختلكم ريسانكم مع العشية
و اسمحولي .... راني مرمضن
و صحة الشريبة و صيام مقبول ان شاء الله

http://www7.0zz0.com/2009/09/02/16/940198295.gif

[zawch]

يا الزاوش راك غير انت الي ملاحظ هذا الشيئ
راك وليت لانسبيكتور مرقو
راك صح صح مرمضن و نعطيك نصيحة غير جيبها رقاد خيرلك
يا الزاوش تحب نأذنلك باش تفطر ؟
و صحة الشريبة

[gatboulerbah]

مشكوووووووووور ....
يا سلاااااااااااااااااااااام ...
iههههههههههههه....

[بورمله]

تقبل الله صيامكم وقيامكم
وكل عام وانتم بخير

[_Angel]

و الله يا الزاوش غير عندك الحق الكل يكتب كلمة ويروح وأنا وحدة منهم أعترف يا خويا مي و الله غير كاين بزاااااف مواضيييييييييييييع وبزاف أعضاء يستناو الردود و تاني بززززااااااااااااااااااااااف منتديات وأحسب كون تكتب لكل واحد فقرة واش يطلعلك الحروف يتفاصاو من لكلافي سلام

[أبو الحروف]

يا الزاوج السلام عليكم

يا أخي كل ما قلته صحيح لكن أخي هذا الموجود ما علينا إلا التأقلم معه

على كل أعجبني الموضوع كثيرا شكرا لك وبارك الله فيك

كما ان ردك على موضوعك كان ضريفا جدا ها ها ها ها ها ودمت لنا يا الزاوش ولك مني تقييم لموضوعك

رمضان مبارك

[AMARAGROPA]

السلام عليكم ورحمة الله وبركاته .

يا سي الزاوش ... أنا درت حسابي ودخلت بعد ما فطرت ... ههه ... قلت ما نيش طايق نعاود النهار نخلي الموضوع بعد ما نفطر .

وعلى الملاحظات ... نستعرف بيك ... بصح ديمة ديمة واش كي فطرت لقيت نفس الأفكار ولا قلت واش كنت ندير ؟؟ هههه.

بالتوفيق وصح رمضانكم ...

[عبدالغني34]

شوف ا خويا الزاوش قالك انا او انت ... انا خلاص . هدي هي و هذا هوهاذو هوما اكل
الكاس طاح تكسر ولا دزك عثمان و لا زلقت هاذاك الشيئ يخصك

[yas2189]

راني فطرت ومبعد دخلت

[yas2189]

موضوع جريء شكرا

[zawch]

السلام عليكم و رحمة الله و بركاته
يعطيكم الصحة خاوتي على التفهم
انا هاذو الظواهر كانو في قلبي و خرجتهم
و عنوان الموضوع .. درتو هاك لعلى و عسى يجذب الغاشي
و مشكورين على المرور
و ديما ديما رانا هنا باش نفيدوا و نستفيدوا

و السلام عليكم

[almajd]

انا اضم صوتي لك اخي الكريم

اللي ماهوش حاب يرد مايكتب والو بالصح يخلي روحو شوية متزن

و ايلا عندو كاش فكرة حب يهدرها يقولها والا مايردش

صحا رمضانكم و غفر الله لنا و لكم ان شاء الله

[أسمومة]

موضوع جريئ مشككككككككككككككككككككككككور

[الحمامة البيضاء]

أخي حرام عليك فطرتلي عينيا خاطر هما لي قراو الموضوع ماشي فمي أنا درك منقدرش نرد راني فشلانة و لكن بعد لفطور تع صح راني نرد على موضوعك

شكرا لك على الموضوع

[أمـ جيجل ــال]

السلام عليكم ورحمة الله وبركاته ك

للأسف هذا هو الوضع عند فئة من الأعضاء الموضوع للنقاش والعضو يقول لك شكرا شكرا على ماذا وأنا أريد رأيك في الموضوع على كل شكرا خير من لا شيء تقبل الله صيامك وقيامك

[سراج الدين9040]

بارك الله فيك على الصراحة الكبيرة والجرأة
ياخي مشكووووووووووووووور
اللهم اغفر لنا ذنوبنا يارب
امين

[** مريم **]

baraka allah fyk , ly 3awda in chaa allah , rani fy azma ta3 internet !!!

[tiout]

المهم ان يبدي كل واحد رأيه
و ليس المرور مرور الكرام

[حويشي2008]

بارك الله فيك