سؤال عن بقلاوة أم أنس رجاء

[نقاء قلب]

السلام عليكم ..
قبل امس درت بقلاوة ام انس بالتفصيل كيما في موضوعها مي مادرتش سمن الدار ما يبغوهش يضرنا ، ما درتش زبدة التوريق .. برك صول او مرغارين خدمت بيها و ما دهنتش بين الطبقات كيما في الموضوع يعني تشاء يبن الطبقات و فرغت في الاخير تاني صول ذائبة
طابت شابة شكلا .. و درتها في علبة و غلقتها باش تطرى مي ذقتها في سحور ليوم جات يابسة بزاااف العجينة و شوية معجنة .. مي راني خايفة تقعد هاكا يابسة و تعبت فيها ؟؟؟ :confused::confused::confused:

واش رايك ام انس ؟ او الاخوات اللي نجحوا فيها ..
ملاحظة درت في العجينة مغرف خل اسود ماكانش عندي ابيض ..

هل المشكل في اني ما استعملتش زبدة التوريق ؟؟؟ و الا راح تزيد تطرى شوية مع الايام ... جاوبوني ...


..

[شمس 15]

نا جربتها خطرة وحدة جاتني هااايلة و إعتمدتها...
غلفيها مليح درك تطرالك أما على التعجان بين الطبقات ممكن مدرتيش نشاء كما يلزم على حسب تجريبتي لازم النشاء ينشف لعجينة باش متتعجنش.
أنا ثان درت كما نتي خل مش أبيض مكانش عندي و مدرتش زبدة التوريق درت زبدة مفيهاش ملح.

[نقاء قلب]

صحيتي طلعتيلي شوية لمورال
دوك نغلفها و لمرة الجاية نعاودها احسن .. كيما قلتي في الطبقات السفلى ما درتش بزاف النشاء
شكرا على التنبيه و صحة عيدك أختي : )

[**وحدها غريبة **]

اختي كما قالت شمشومة راكي مكثرتيش النشا برك
المهم راكي جربتيها المرة الجاية تجيك احسن
كثري النشا بزاااف ورققي العجينة تجيك روعة

[نقاء قلب]

يعطيك الصحة .. ربي يحفظك
شكراً على "تطليعة المورال" : )