ساعدوني

[مشكلتي]

والله ماعلابالي منين نبدى بصح راني حابة تعاونوني لأني مالقيت حتى حل لروحي و مارانيش فاهمة وش بيا و علاه راني هكدا
نبدالكم حكايتي م الاول بالاك تفهموني و تعاونوني
أنا بنت كيما لبنات كامل الحدمد لله طول عمري كنت متفوقة في دراستي و الناس كامل يشهدولي بحسن التربية و الأخلاق لكن حياتي انقلبت بعد ما دخلت الجامعة بمعدل مليح و بديت مشواري في دراسة الطب ,, بدات الحياة تجبدني و اغتريت بجمالي و دراستي ,, السنوات الأولى فاتو عادي لكنني في السنة الرابعة تعرفت على زميل من ولاية أخرى كان أتى لجامعتنا بغرض التحويل "لكنه لم يتم" المهم بقينا على اتصال و بدات علاقتنا تتوطد يوم بعد يوم و خطبني بعد فترة وجيزة جدا لأنه حسينا فهداك الوقت انو كاينة حاجة قوية تجمعنا و درنا عقد شرعي
طبعا بقينا على اتصال دائم و ماتتصوروش شحال حبيت هاداك الانسان من كل قلبي و هو تاني كان يقول نفس الشيء ,, استمرت الخطبة أربع سنوات كانو أسعد أيام حياتي رغم طول المدة أنا ماتقلقتش و راعيت ضروفو لكن للأسف الشديد العائلات ماتفاهموش و ظهرت مشاكل كبيرة أجبرتنا نتفارقو ,,,,,
بكيت بزاف هداك الوقت و كنت حاسة أنو تقطعلي الهواء , كان يحاول يتصل بيا لكن مالقيناش حل و كل واحد راح في حالو ... بصح أنا بقيت نحبو و ندعي على لي فرقونا خاصة يماه حرام عليها
مرت سنة و جرحي ما اندملش و في كل لحظة نفكر فيه و مانسيتوش لا نهار لا ليل .. حتى جا ليوم لي قالي فيه راني تزوجت غير شوفي حياتك .. بصراحة ما احتملتش الموقف و قبلت بأول خاطب جاني بدو ن أدنى تفكير و تمت مراسم الزواج بسرعة البرق و لقيت روحي الان في بيت انسان مانحبوش و ماعندي حتى مشاعر نحوه
عندي أربع أشهر زواج و زوجي حاطني فوق راسو و يحبني بزاف لكن أنا العكس تماما ... كي نشوف معاه يغيضني نقول وش ذنبو يبقى معايا ماراح نقدر نمدلو والو .. تحولت لانسانة عايشة لأنها لازم تعيش و خلاص ماعندي حتى مشاعر نقدمهم ...
في رايكم الطلاق هو الحل ؟؟ و لا نبقى عايشة بقناع و نكتم كلش في قلبي ؟؟ و لا كاين حل خلاف قولولي عليه راني على حافة الجنون

[feuilleblanche17]

يا اختي نصيحة لوجه الله مادام ربي رزقك بالزوج الصالح لماذا الطلاق
حاولي تتاقلمي معاه ....حاولي تحبيه و الحب الحقيقي يجي بعد الزواج
و بالتوفيق

[بلسم غرام2018]

يا اختي نصيحة لوجه الله مادام ربي رزقك بالزوج الصالح لماذا الطلاق
حاولي تتاقلمي معاه ....حاولي تحبيه و الحب الحقيقي يجي بعد الزواج
و بالتوفيق
ونزيدك الي باعك بيعيه وزعلاهالنساء دائما تترك منيجعلها ملكة زتلهث وراءمن يديرها شلاكه حشاك
يابنتي انسيه وخممي في راجلك هذا وعيشي حياتك نورمال وادعي ربي يفرج عليك اما الطلاق مهوش حل خممي مليح تقوليلهم طلقت لاني نحب واحد اخر زش هداااااااااااااا

[nasser26]

عيب عليك مع راجلك حاطك فوق راسو وانتي تقابليه هكذا ؟؟؟؟

من كان في نعمة و لم يشكر خرج منها ولم يشعر

[دعاء المحبوبة]

سهليها تسهال
هذا زوجك والآخر لا شيء
كل واحد ذهب في طريق
اذا تطلقتي.....ماذا ستجنين
في المقابل
الآخر عايش حياته بشكل عادي
ربي يصلح الأحوال

[salem1985]

حمدي ربي انو لقيتي راجل الي يسترك ويحبك ربي يوفق بيناتكم الان الصح عرفت علاش كي واحد يروح يشوف وحدة يقولوا له غير خليها راهي كانت مع فلان والي تخطبت وماتزوجتش ما كانش الي يولي يخطبها هاك صاري القلب يديه الاول بعيد الشر حتى ولو كان مايستاهل والله ربي يقدر الخير الله يحفظنا وانت اختي ربي يعافيك ويبعد عليك هذا الاوهام والسلام عليكم وصح سحورك

[ام خليل §]

حاولي تحبيه و الحب الحقيقي يجي بعد الزواج

[انغام المنى]

الحب الحقيقي بعد الزواج ادي الي يحبك ماشي الي تحبيه

[hodahodahoda]

حاولي ان تنسي و ان تفرغي قلبك
و اقنعي نفسك و قولي لعل حبيبك الاول لا يصلح للعشرة الزوجية
انك في نعمة حذاري تخسريها فتخسري كل حياتك

[ibissam]

اخي انت الان في حياة جديد لازم عليك تتأقلمي معها وتنساي الماضي الحب لي راه يزيلك فيه الشيطان لي مزالك تحبيه راه عيش حيتوا وانت مزالك تخمي فيه الطلاق ليس حلا احمدي ربي رزقك رزوج يحبك نصحي لكي فكري في انجاب والله كي تشوفي اولادك ريح تنسي قع هداك الحب وتهلاي في زوجك هو لي ينفعك

[أناييس الربيع]

والله نبقى حائرة فيكم يالبنات وعلاه تتعلقو برجل لهذه الدرجة

الي خلقو خلق غيرو مكانش قد الحلال

كيفاه الحلال صبتوه ومازال عندكم عين في الحرام هذا راه

مجرد وساوس شيطان لعين ومن تعلق بغير الله أذاه مر

تعلقه بغيره ،توبي إلى الله وأكثري من الصلاة والدعاء

وقراءة القران وسيطمأن قلبك وألتفت إلى شريك حياتك

ماذنبه خسر دراهمو وحياتو عجال وحدة معندهاش أدنى

استعداد لتقبله رغم مدة هذا الزواج

ربي يفتح عليك

[روح مراد]

الله يهديك يا أختي
أختي واش تربحي إذا طلقتي؟
رايحة تعيشي مطلقة مرتين (الأول خطبك و خلاك و الثاني تزوج بيك و طلقك) هاذا يعني العيب راهو فيك أنت
الراجل الأول راهو تزوج و عندو أولاد و راهو متعلق بزوجته و عايش حياته عادي
ضنك انهار تطلقي رايح يطلق مرتو و يجي يجري يتزوج بيك؟ حتما لا
يعني الخسرانة الوحيدة هي أنت ربي عوضك بزوج مليح يحبك و حطك فوق راسو و انتي تبعي في ظل رجل فات زمانه و وقته
عودي غلأى وعيك و استغفري مولاك و اخزي الشيطان و حاولي تتقبلي وضعك و تحبي راجلك و انساي الطلاق لأنه مارايح يفيدك بحتى شيء فقط رايحة تندمي مع الوقت كي تلقاي روحك وحدك

[لحن الحياة.]

انساي وجيبي وليدات يعمرو عليك الدار هاذا ما هوش ذنبو مسكين

[إيمان احمد]

اختي ربي يفرجها عليك

و حااااااااااااااااااااااااااولي تتاقلمي مع زوجك و امسحي الاخر من حياتك نهائيا حاااولي و رانا في رمضان ادعي ربي و الطلاق وعلاش تتطلقي على واش من سبة

انك ما قدرتي تنساي الاول لا اسمحيلي ماشي سبب مقنع كامل

و خاصة انه زوحك انسان محترم كيما راكي تقولي في هد الزمان قليلي باش تلقاي انسان يحترمك حاافظي على النعمة الي اعطاهالك ربي


ارحو من الاعضاء عدم التجريج الاخت حبت تشاركنا همها ما انزيدو احنا اعليها

[Hillin]

أختي فلان راه تزوج
وانت راك تزوجت
الفرق انك انت مازلت متعلقة بماضي مستحيل يتحقق
تفكري حاجة هو تزوج قبلك معناها حتى وكان حبك يوما ما راه أحب أخرى معناه قدر ينساك و أمن بالمكتوب و الله يهنيه
شوفي روحك خاصك تأمن بلي مش كل ما نتمناوه يتحقق
و الحمد لله راجلك على حساب ما تقولي يستاهلك
شوفي حياتك واستغفري
ابني حياتك
اسمحيلي اذا كان كلامي قاسي مي هذا الواقع
تحياتي

[mira mira02]

تقريبا نفس قصتي الا انا ام اتزوج بعد
والله عداب
نحن افترقنا لمدة 6 سنين ثم التقينا بالصدفة
حينها قالي انو تزوج و عندو ولدين والله والله بكيت بكاء لا يعلمه الا الله
مازلت نحبو ماعرفتش واش ندير

[prettyangel]

يا أختي ربي يهديك خمي مليح مع نفسك هذا ما كتبلك الله مراحش يكون خير ملي تحبيه انت لنفسك، راهم يحوسوا على الزوج الصالح بالمجهر اذن حافظي عليه و تأقلمي مع حياتك الجديدة و نزيد نقولك 50 بالمئة من القصص كيما ديالك ولاو يحبوا أزواجهم الى درجة مكانوش يتصوروها لزم تحاولي برك
يا أختي فيقي مع روحك كون صح يحبك يدير على جالك المستحيل حتى اذا كانت يماه ماشي راضية كون قعد بلا زواج بصح نتوم حبستوا من راح تزوج من و تقولي يحبني عن أي حب تتكلمين

[أحمد دواجي]

السلام عليكم
حاولي تفهميني مليح
وما تزعفيش كي نقول إيمانك بربي ضعيف وناقص

علاه ما رجعتيش لربي
انا نقول ما تخميش علاه صرا وكيفاش صرا وعلاه دار وكيفاش دار

ارجعي لربي سبحانو صلي صلواتك في وقتها اقراي قرآن خلي ربي ديما على لسانك في قرآن في أذكار
ابقاي هكدا لمدة معينة ثم صلي صلاة استخارة صليها أكثر من مرة
صلاة الاستخارة علاه تصليها تصليها تنوي يا ربي هادا لي تزوج وخلاني يستاهل نحزن وندمر حياتي علاجالو ولا لالا
تصليها أكثر من مرة وتشوفي ربي واش يبينلك

ثم بعد ما تصليها أكثر من مرة تصلي استخارة مرة أخرة لكن هذه المرة تتعلق بزوجك يا ربي هادا زوجي يستاهل نعيش معاه ونحبو ونربي معاه ولادي ولا لالا

تصليها كذلك أكثر من مرة وتشوفي كذلك ربي واش يبينلك


لكن نأكد مرة أخرى ما تبدايش تصلي الاستخارة حتى تقوي إيمانك أكثر وتتقربي من ربي أكثر

ولي ما يعرفش صلاة الاستخارة يسقسي ماهيش عيب حتى وتعرفيها شقسي في المنتدى باش تزيدي تتأكدي منها وتديريها مليح

وربي يهديك لطريق الخير إن شاء الله

أتمنى أن أكون أفدتك وما طولتش عليك لكن أرجوك جربي واش راني قتلك بالتفصيل وطمنينا

[إيمان احمد]

السلام عليكم
حاولي تفهميني مليح
وما تزعفيش كي نقول إيمانك بربي ضعيف وناقص

علاه ما رجعتيش لربي
انا نقول ما تخميش علاه صرا وكيفاش صرا وعلاه دار وكيفاش دار

ارجعي لربي سبحانو صلي صلواتك في وقتها اقراي قرآن خلي ربي ديما على لسانك في قرآن في أذكار
ابقاي هكدا لمدة معينة ثم صلي صلاة استخارة صليها أكثر من مرة
صلاة الاستخارة علاه تصليها تصليها تنوي يا ربي هادا لي تزوج وخلاني يستاهل نحزن وندمر حياتي علاجالو ولا لالا
تصليها أكثر من مرة وتشوفي ربي واش يبينلك

ثم بعد ما تصليها أكثر من مرة تصلي استخارة مرة أخرة لكن هذه المرة تتعلق بزوجك يا ربي هادا زوجي يستاهل نعيش معاه ونحبو ونربي معاه ولادي ولا لالا

تصليها كذلك أكثر من مرة وتشوفي كذلك ربي واش يبينلك


لكن نأكد مرة أخرى ما تبدايش تصلي الاستخارة حتى تقوي إيمانك أكثر وتتقربي من ربي أكثر

ولي ما يعرفش صلاة الاستخارة يسقسي ماهيش عيب حتى وتعرفيها شقسي في المنتدى باش تزيدي تتأكدي منها وتديريها مليح

وربي يهديك لطريق الخير إن شاء الله

أتمنى أن أكون أفدتك وما طولتش عليك لكن أرجوك جربي واش راني قتلك بالتفصيل وطمنينا

و نعمة الراي ربي يبارك فيك

[loufa]

ﻻ حول ولا قوة الا بالله
اختي ما شاء الله عليك قارية وفاهمة ومثقفة كيفاش فاتاتك انو حرام هاذ الشئ
ربي رزقك زوج يحبك ويقدرك انتهلاي فيه وفي روحك استغفري ربي يفرج
هو دار حياتو وانتي ايضا اشغلي وقتك بالعمل او اشياء مفيدة وكل ما تذكرته بدلي الموضوع في راسك وخممي فواش تطيبي العشا او برنامج ثقافي او اشياء كثيرة
الطيبون للطيبات لا تنسي هذا وكما تدين تدان اترضين ان يفكر زوجك باخرى او يحبها بصمت
الطلاق ليس بحل فلن ترجع حياتك كما كانت افهميها هو دار حياتو وقبلك ولوكان عينو فيك ميتخلاش عليك حتى ويبغيك
الحب الحقيقي ياتي بعد الزواج والعشرة الطيبة
ادعي ربي يفرج عليك فهذه ايام مباركة

[----------]

أختي نذكري دوما أن الله سبحانه و تعالى ما أبعد عنك ذاك الرجل إلا لأجلك .....
أول ما يجب عليك فعله هو التصميم و العزم على نسيان الآخر ...امحيه من ذاكرته ...إن كانت لك ذكريات جميله معه فابني ذكريات أجمل مع زوجك....زوجك الذي وهبك الله اياه...كوني له نعم الزوجة ....
ثانيا امحي من رأسك فكرة الطلاق فهو أبغض الحلال و لو تطلقتي يا أختي ماذا ستستفيدين ؟؟؟؟؟ لا شيء فقط ستخسرين زوجك و ندمرين عائلتك بلا سبب
ثالثا الزمي الإستغفار و تقربي أكثر من المولى عز و جل فالقرب من الرحمن أكثر شيء يجلب السعاااادة و الله
..........................
http://i1.ytimg.com/vi/FEri16EHzkc/hqdefault.jpg