مجلس التشاور ..جوهرة رمضان.. للاعمال الفنية

[fifiarch]

مممم نهال لي تقولوها تقلكم لي تدييروها نورمال

المخلوقة قابلة كلش

دزولها الخياطة هاذ المرة
هههههه

[fifiarch]

مممم نهال لي تقولوها تقلكم لي تدييروها نورمال

المخلوقة قابلة كلش

دزولها الخياطة هاذ المرة
هههههه

[ام كوكو]

راني نستنا في الرد نهولة خليني نديرها كامل وحدي و انت عاونيني بالافكار و الدرس يخي قريتهولك قبيل و لا نخدمو كيف كيف و الملاح نحطوهم راهم ساهلين
الخياطة راني بعثت 2 موديلات لام حمزة و اذا يقبل عمر الخياطة لبنتي حتا انا ندير وحدة

[ام كوكو]

سقسيوه في بلاستي ههههههههههههههههههههههههه

[ام كوكو]

فيفي سنيوة السهرة نقدر ندير كل شي يعني تاي و عصير و فواكه و مكسرات و......

[نهال13]

فيفى لاه يعنى الخياطة هداك هى حاجة لنافصة فيها بصح نورمال نروح يومين لدارنا انا ندير لمرت خوية لفطور وهى تعلمنى العباية هههههههههههههه

[فريولة ابتسام]

سلام لبنات

[سمراء الدنيا]

السلام عليكم و نهاركم مبروك
راني نشوفيكم ماشاء الله ناشطين و استوعبتو التحدي الثاني
ربي يوفقكم و تمتعونا بابداعاتكم
اختي ام كوكو السؤال حطيه في مجلس التدابير المنزلية و انا نجاوبك عليه

[ام حمزة22]

شكرا سمراء الدنيا على التشجيع
بارك الله فيك

[ام حمزة22]

يومكم مبارك للجميع
حبيباتي. وزميلاتي في المسابقة
راني بعت مع غاليتنا الاقتراحات ديالي وان شاء الله يعجبوكم
بخصوص رسم العباية ان شاء الله توصللكم الفكرة ما نعرفش نرسم مليح
انا اليوم مارانيش رايحة نبدا حتى تعطوني رايكم
ولا ما عجبتكمش فكرتي اليكم الخط
كي تدخلو لبنات نبدا التشاور وطرح الاراء

[ام كوكو]

صباح الخير ام حمزة

[ام كوكو]

مازال ما بعثتش فيفي التصاميم و لي ديريه مليح انا كلي ثقة فيك

[ام حمزة22]

صباح الانوار ام كوكو
شكرا ليك على التقة
راني بعت لفيفي تصميمي ولا عجبكم نطبقوه وزيد اعطوني افكاركم
اما السينية ناتع السرفيس ديالي راني بعتو كيما قالت فيفي نشوفو السرفيس لي مليح نديروه ديالك ام ديال نهال ام ديالي

[fifiarch]

جيادا فرغي بريدك الخاص

كما قلت التحلية ماشي شرط تكون من نوع واحد

ممكن في كأس واحد نضع عدة طبقات من تحليات مختلفة ونزينها بابداع يعطيها فخامة في التقديم

البنات انا حصرت نوع التحلية في كريم

يعني لازم كريم والا تكونوا خرجتوا على المطلوب

صباحكم خير وبركة


التحلية باردة طبعا تكون فيها ابداع في التقديم والتحضير

أنتن واذواقكن

المهم أنا قلت كريم ديسير حتى نحصر فقط التحلية لانه قادر واحدة نقول لها تحلية باردة دير لي تارتولات

لا ادري ان مازال الغموض ام لا ؟


اي نوع تحلية لما قلت فخمة يعني حاولي قدر الامكان تعطي لها فخامة في التزيين والتقديم :19:

درتلكم اقتباس حتى تتوضح الامور في الطبخ

[fifiarch]

وهنا النقل من قسم التجارب

اهلا بيك ام كوكو ......
التحلية راهي موضوع تحدي الطبخ نستثنوها ..... و السينية قد ما كانت شابة و متحوفة اكيد رايحة تزيد في الرصيد ...... ممكن تكون افكار جديدة و مبتكرة لاطباق السهرة و ممكن تكون تقليدية فقط يبتاعد الواحد على المبالغة
و ممكن تزوري هاد الرابط تقدري تستافيدي من بعض الافكار
http://www.djelfa.info/vb/showthread.php?t=1600036

هادي بعض الافكار ممكن تساعدكم
http://im34.gulfup.com/rllu4.jpg

http://www.qassimy.com/up/users/amina/photo-traiteur-deco-14.jpg

[نهال13]

صباح الخير لبنات وشراكم

[crono]

السلام عليكم و يومكم موفق و سعيد
اتمنى لكن التوفيق في التحدي الثاني .....

[ام كوكو]

مساء الخير نهال
كرونو رمضان كريم
نهال المودال نتاع ام حمزة شوي بعيد راني بعثتلها 2 موديلات ضك نوريهملك

[بنت الطيب]

السلام عليكم
ربي يعاونكم لبنات ممكن تقولولي واش المقصود بالعباية فهموني معاكم بارك الله فيكم

[ام حمزة22]

سلام لبنات
شكرا كرونو على التشجيع بارك الله فيك
بنت الطيب العباية هي العباءة ادخلي في قوقل يجوك انواع العبات

[ام حمزة22]

للبنات ام آية اعلنت انسحابها لازم نوقفو. معاها بكل روح رياضية ونرجعوها للمنافسة بكلمة من كل وحدة فينا واش رايكم انا سبقتكم

[fifiarch]

مساااء الخير وكيف الحال

ان شاء الله ام اية ترجع وسبب انسحابها يكون خير

[بنت الطيب]

ان شاء الله ترجع أم آية والله خسارة رايحين نفتقدو روحها الطيبة راني قريت كلامها قالت بلي رايحة تغيب مدة ما تدخلش للمنتدى ان شاء الله المانع خير

[بنت الطيب]

ام آية لوكان السبب انك حاسة روحك تقيلة على المجموعة تاعك لأنك ما شاركتيش والله ماهي مشكلة لأنها مسابقة ترفيهية والعكس راني نشوف أننا نتعرفو على بعضانا ونكتسب صداقات وأخوات جدد هذا هو الهدف

[بنت الطيب]

أين أنت يا أم آآآآآآآآآآآآآآآآآآآآآآآآآآآآآآآآية نريييييييييييييييييييييييييييد أم آيييييييييييييييييييييية وكون ما ترجعيش رايحين نديرو إضراب على الفطور اليوم يرضيك نموتو بالجوع

[نهال13]

صح فطوركم لبنات خسارة ام اية يارب يكون مانع خير

[ام كوكو]

صح فطوركم ام اية كاينة ما عندها وين تهرب

[ام حمزة22]

سلام لبنات صح فطوركم

[fifiarch]

مسااااء الخير وكيفكم وكيف التحضيرات

[ام حمزة22]

مساء الانوار فيفي رانا نحمدو ربي ونشكروه
التحضيرات رانا معاها ان شاء الله نكونو في المستوى

[ام حمزة22]

نهال سنيوتك هايلة بصح ما علاباليش نحطو غير نتاع لاتاي وعلاه في رمضان ناس ما تشربش القهوةههههههههههههه

[fifiarch]

يعطيييكم الصحة

هيا ازربو كملو التشاور باه تبداو الخدمة وتكونو مرتاحين ميش مضغوطين بالوقت

[ام حمزة22]

الله يسلمك حبيبتي
لبنات وين راكم عيطتولي وخليتوني ندور وحدي

[fifiarch]

ضك نجيبهم ام حمزة

[نهال13]

صح فطورك ام حمزة يغيشك انا نشرب قهوة

[ام حمزة22]

صح فطورك نهال
كاين بزاف لي يشربو القهوة بصح راني نشوف التركيز غير في سنيوت لاتاي

[نهال13]

لا لا نجطو فناحن القهوة وكيسان التاى

[ام حمزة22]

نهال بالنسبة للون العباية ما دخلتش في راسي ندير عباية بالوان مزركشا كي الكيمونو نتاع اليبان

[نهال13]

هيه ام جمزى بصح دهلى ولو لون واجذ

[نهال13]

هيه ام حمزة ديرى ولو لون واحذ

[fifiarch]

بالنسبة للصينية تبانلي كل واحد بوااه يسهر

كاين بالقهوة

كاين بالتاي

كاين بالفواكه والفلون

المكسرات

المشروبات

[ام حمزة22]

نهال على حساب كلامك نبدا في العباية وان شاء الله نكون في المستوى
نزيد نستنا ام كوكو
علابابي لبنات راكو حابين الالوان في العباية بصح الله غالب هاداك هو الواجد
والاكمام رايحة نبدل القصة ديالهم

[نهال13]

الموجود في الدار حتى تقدر تكون زلابية و تاى متولة في سنية

[نهال13]

هيه ابداى وعلابلى بلى راح تخرج من ايديك هايلىة انا على يقين

[ام حمزة22]

سهلتيهالي نهال الله يسهلها عليك

[ام كوكو]

صح فطورك ام حمزة
الاكمام ديري كيما المودال الاول الي بعثتهولك ضك نفهمك في رسالة

[ام حمزة22]

ام كوكو والامام نديرو كيما تصميم لبعتهلكم ولا عندكم راي اخر

[ام كوكو]

ام حمزة انا واثقة من انو الله وهبك انامل من ذهب ما شاء الله و تبارك الرحمن

[ام كوكو]

ام حمزة وينك

[ام حمزة22]

شكرا ام كوكو على التقة
تعيشي ختيتي عاودي بعتيلي الصورة فرغت الصندوق راحلي كلش

[ام كوكو]

ام حمزة البوشات تكمليها

[ام حمزة22]

ايه ام كوكو نكملها برك بعتيلي صورت المودال نتاع اللباس

[ام حمزة22]

سامحوني لبنات نعست تصبحو بالف خير
ام كوكو بعتيلي الصورة ان شاء الله غدوة نصيبها في الرسالة الخاصة ما قدرتش نزيد نسهر

[fifiarch]

وانت من اهل الخير ام حمزة وصح سحورك

[بنت الطيب]

صباح الخير بنات
أم كوكو يعطيك الصحة أختي ما قدرتش نبعتلك رسالة نشكرك ونسيت وين نلقاك حوست البارح عليك في المجالس كاملة ههههههههههههههههههه

[fifiarch]

دعاء اليوم التاسع

اَللّهُمَّ اجْعَل لي فيهِ نَصيباً مِن رَحمَتِكَ الواسِعَةِ ، وَ اهْدِني فيهِ لِبَراهينِكَ السّاطِعَةِ ، وَ خُذْ بِناصِيَتي إلى مَرْضاتِكَ الجامِعَةِ بِمَحَبَّتِكَ يا اَمَلَ المُشتاقينَ .

[ام حمزة22]

سلام فيفي واش حوالك
مشكورة على الدعاء بارك الله فيك

[stayfiya]

واش لبنات كاش خبر وين وصلتو حنا مزالنا في المشاورات و المناضرات هههه راني موجدتلكم السهره عندي اليوم كل ما لذ و طاب صح فطوركم

[ام حمزة22]

صح فطوركم
يعطيك الصحة سطايفية نصلو التراويح من بعد نجو نسهرو معاك
اما الاعمال رانا معاها تطبيقات ومشاورات
ربي يحفضك سطايفية با رك الله فيك

[fifiarch]

صح فطوووركم

والف شكر سطوف على الدعوة رانا جايين

طبعا انا لي نجي الاولى لاني في اقصى الشرق واوقاتنا كلها قبلكم

[ام حمزة22]

نهال وين راكي علابالك ما نقدرش نبعتلك رسالة الخاصة بصح التقديم ديالك رائع انت بعتيلي 3 مودالات شوفي حبيبتي المودال 1 والاخير يليقو بصح الوسطاني جابلي ربي مايليقش لسحور هو هايل ويشهي بصح هادوك المزوقين لي درتيهم في الطبق ما يليقوش بالصحور

[ام حمزة22]

فيفي نهال بعتتلي السحور و ماعطاتنيش رايها. فالعباية يخي بعتيهالهل

[stayfiya]

هههه ام حمزه خلاصو التراويح واقيل قصدك قيام الليل
هياو حركو رواحكم

[ام حمزة22]

وينكم لبنات راني ندور غير وحدي
يله اعطوني رايكم في لي بعتلكم

[ام حمزة22]

خلاصو سطايفية انا جيت لداركم لقيتها فارغة حتى هنا راهي فارغة ههههههههههه

[fifiarch]

انا بعثتلهم ام حمزة

نهال ممكن الانترنت ثقيلة

اما ام كوكو مابانتش خلاص

[ام حمزة22]

لبنات انا اليوم نت على 6 راني طافية درت قيلولة صغيرة باس نقدر نسهر بصح راني قريب نرقد على لاتابلات
ايا ادخلو اطوني رايكم وخلوني نروح نرقد هههههههههه

[ام حمزة22]

شكرا فيفي سامحيني تعبتك معايا في ميزان حسناتك ان شاء الله

[fifiarch]

العفووو ام حمزة هاذا واجبي

ان شاء الله البنات يدخلو ويفيدوك برايهم

[ام حمزة22]

تصبحو بالف خير وصح سحوركم

[fifiarch]

وانت من اهل الخير ام حمزة وصح سحورك

[نهال13]

صباح الحير لبنات سامحونى البارح النت هيبلنى ام حمزو رانى ر انى بعثتلك كرام ديسار تشوفيها

[ام حمزة22]

صباح الخير للجميع
نهال تقديم رائع في القمة
الكرام ديسار راه يشهي يعطيك الصحة
انا عجبوني بزاف زيدي شوفي مع ام كوكو

[ام حمزة22]

نهال نبعت العمل ديالي مع الغالية فيفي راني فينيت كلش نبعتهم على بكري ولا كاش تعديل قوليلي راهي ام كوكو قالتلي مااح وعجبتها الخدمة زيدي شوفي نتي وخبريني

[fifiarch]

دعاء اليوم العاشر

اَللّهُمَّ اجْعَلني فيهِ مِنَ المُتَوَكِلينَ عَلَيْكَ ، وَ اجْعَلني فيهِ مِنَ الفائِزينَ لَدَيْكَ ، وَ اجعَلني فيه مِنَ المُقَرَّبينَ اِليكَ بِاِحْسانِكَ يا غايَةَ الطّالبينَ .

[ام حمزة22]

مساء الخرات للجميع
فيفي مشكورة على الدعاء بارك الله فيك

[نهال13]

يعطيك الصحة ام حمزة عمل هايل فيفى نقدرو نجطو مثلا العمل في صورتين يعنى هو نفس العمل باه نبينو الجوانب

[fifiarch]

نعم نهولة اذا كانت ضرورية والعمل مايبانش من صورة وحدة

[ام حمزة22]

يعطيك الصحة ام حمزة عمل هايل فيفى نقدرو نجطو مثلا العمل في صورتين يعنى هو نفس العمل باه نبينو الجوانب

شكرا نهال يعني على حساب كلامك يقعد العمل هاكداك ما نزيد ما نقص فيه
نهال راني حاسة حاجة ناقصة في العمل ديالي بصح ما عرفتش واش هي وقيلة مالصيام ههههههههه

صح فطوركم

[نهال13]

صح فطوركم لبنتت زشراكم ام حمزة العمل تعك هايل المهم جات قد بنتك؟

[ام حمزة22]

صح فطوركم
نهال هاديك ماشي بنتي بدلت المانكان بنتي قالتلي مانلبسش الستيل الياباني هههههههههههه

[fifiarch]

صح فطووووركم

[ام حمزة22]

صح فطورك فيفي

[ام كوكو]

صح فطوركم البنات سامحوني راني مع الضياف غدوة ان شاء الله نبعثلكم كل شي
ام حمزة و نهال اعمالكم444444444 يعطيكم الصحة

[ام حمزة22]

صح فطورك ام كوكو راكي مسامحة

[ام حمزة22]

فيفي نصبحي بخير نهال راحت وام كوكو تان طلت وراحت
انا تان نروح عندك راحة اليوم من عندي مجلس النشاور راه مغلق مؤقتا ههههههههه

[fifiarch]

معليش بنات ارتاحو

تصبحو بخير انا مازالني ندور

[fifiarch]

دعاء اليوم الحادي عشر

اَللّهُمَّ حَبِّبْ اِلَيَّ فيهِ الْإحسانَ ، وَ كَرِّهْ فيهِ الْفُسُوقَ وَ العِصيانَ وَ حَرِّمْ عَلَيَّ فيهِ السَخَطَ وَ النّيرانَ بعَوْنِكَ ياغياثَ المُستَغيثينَ .

[ام حمزة22]

سلااااااااااام
صباح الخرات والانوار للجميع
شكرا فيفي على الدعاء بارك الله فيك
نهال ام كوكو وين وصلتو

[fatma1977]

صباح الخير البنات بالتوفيق إن شاء الله

[ام حمزة22]

صباح الخرات فاطمة
مشكورة على التشجيع

[نهال13]

صباح الخير لبنات بارك الله فيفى غلى ادعاء فاطمة وشراكى وشكرا على االتشجيع ام حمزة رانى بعثتلك زوج رسائل تشوفى سنيىة وتعطنى رايك

[ام كوكو]

مساء الخير البنات ضك نبعتلكم كل شئ و انتم اختارو انا شوي مشغولة غير ابعثولي رسالة فيها اختياركم و انا نعدلهم و نبعثهم لفيفي

فاطمة الحمد لله كي ظهرت و شكرا على التشجيع صح فطوركم

[ام كوكو]

مساء الخير ام حمزة واش راكي
استناي شوي ضك نبعثلك كل الاعمال

[ام حمزة22]

سلام
نهال عاودي راجعي قوانين التحدي تنا راني نقرة ونعاود فيها
القنون يقول
لا بد ارسال صورة واحدة فقط استتناء الخياطة
اما عن رسالتك الصور وقبل ما نشوف نتاع ام كوكو
عجبتني الصورة 3 لفي الرسالة الاولى
ام كوكو الا قدرتي من الاحسن نبعتو اليوم اعمالنا كلها الفيفي
يله حبيبتي بعتيلنا اعمالك باش تلحقي ديري تنسيق
ام كوكو على قول فيفي حداري وحداري تنساي سر المهنة للبوشات ههههههههه
صح فطوركم ليكيب و شاف ديكي

[ام حمزة22]

مساء الخير ام حمزة واش راكي
استناي شوي ضك نبعثلك كل الاعمال

مساء الانوار حبيبتي
راني نستنا ام كوكو عندي وقت حتى ادان العصر باه ندخل الكوزينة انا طيبت الصبح بصح بعد العصر عندي تنسيق الاكل ندخل الكوزينة بعد العصر ما نخرجش حتى قبل المغرب بشوية وقت ههههههه

[نهال13]

مساء الخير لبنات انى جيت نطل لبنات متنسوش التدبيرة تع التدبيرة لتخ نتناقشو فيها

[نهال13]

ام كوكو على قداه راكم تفطرو في واد سوف

[ام حمزة22]

صح نهال التدبيرة في السنية وسر المهنة في البوشات
نهال اقراي الصفحة لي فاتت راني خليتلك رسالة ليك وام كوكو

[ام كوكو]

ام حمزة جاوك

[ام كوكو]

مساء الخير نهال راني بعثت الاعمال
التدبيرة هي................................................ .
سر المهنة راه عندي معدول تمام التمام

[ام كوكو]

نهلل نفطرو على 19:49

[ام حمزة22]

ام كوكو انا احترت واش نخير في السنية والسحور كامل روعة هنا نخليلك حرية التصرف طبعا بعد ما تاخدي راي نهال
اما العباية هاديك الصورة الاولى لي بعتها بصح الصورتين لي بعتهم من بعد بدلت المانكان وبعتلكم 2صور ما دابيا تحطي ال2 صور ولا شفتي غير هاديك لى تصلح لك حرية التصرف وما تنسايش سر مهنة البوشات حطيها كامل باش تبان المراحل كلها للبوشات

[ام حمزة22]

مساء الخير نهال راني بعثت الاعمال
التدبيرة هي................................................ .
سر المهنة راه عندي معدول تمام التمام

صحيتي يا الفحلة

انت تان فحلة نهال

[ام حمزة22]

صحيتي ام كوكو راهي لحقتني رسالتك

[نهال13]

ام كوكو رانا عيناك شاف تع لكيب وخلينالك حرية الاختيار لتشوفيها تليق حطيها

[ام كوكو]

البنات خيرو نتوما و نقولكم من اعماق قلبي سامحوني
و كيما خيرتو يعجبني
ام حمزة الصور كامل عندي راني غير وريتلكم مبدئيا برك من بعد نعدل كلشي

[ام حمزة22]

ايا ام كوكو كيما قالت نهال لي تشوفيه يليق حطيه على بركة الله
يعطيكم الصحة ليكيب بارك الله فيكن

[ام كوكو]

ربي يخليكم حبيباتي عل الثقة نموت عليكم
في الليل ان شاء الله ورا صلاة العشاء نتلاقاو و تعطوني رايكم و نبعثوهم ثم لفيفي

[ام كوكو]

ضك الكوزينة راه تعيط انا كلشي واجد غير بعض التعديلات برك باي حبيباتي

[ام حمزة22]

ام كوكو حصلناك هههههههههههه دبرييييييييييييييييييي رااااااااااااااااااسك ديري تنسيق وبعتي العمل لمشرفتنا الغالية
ام كزكو ما كان حتى سماح بيناتنا *****ام كوكو + نهال + ام حمزة = 1 *****
هههههههههههههه

[ام كوكو]

صح فطوركم البنات
ربي يتقبل منا و منكم اجمعين صيامنا و قيامنا و صالح اعمالنا و يغفر لنا ذنوبنا فنحن في ايام المغفرة

[ام حمزة22]

سلام
صح فطوركم

[ام حمزة22]

صح فطوركم البنات
ربي يتقبل منا و منكم اجمعين صيامنا و قيامنا و صالح اعمالنا و يغفر لنا ذنوبنا فنحن في ايام المغفرة

آميييييييين

[ام كوكو]

ام حمزة فيفي اليوم ما ظهرتش

[ام حمزة22]

فيفي ما بانتش خير ما عطلها ان شاء الله
ام كوكو كملتي التعديلات

[ام كوكو]

كلشي معدول ما تخميش يوصلو في وقتهم ان شاء الله

[ام حمزة22]

ام كوكو ولا راه كلش معدول ابعتيه جابلي ربي النت راح تقولها هههههههههههه

[ام كوكو]

عندك الحق النت راهي تلعب ربي يستر حتى تحميل الصور راه مرض باذن الله يوصلو قبل وقتهم
ام حمزة النت راهي تروح و تجي

[ام حمزة22]

ايه ام كزكو النت راهي تروح وجي ربي يستر وتخدمها فينا
ام كوكز سامحيني نخليك تهلاي
تصبحي بخير وصح سحورك

[نهال13]

صح فطوركم لبنات وشراكم

[ام كوكو]

و انت زادة نهولة
راني نستناك لهيه

[نهال13]

لبنات فيفى راهى غايبة

[ام حمزة22]

سلام
صباح الخير للجميع
فييييييفيييي اين انت ماشي منعوايدك تغيبي ان شاء الله المانع خير

[fatma1977]

عن أبي هريرة رضي الله عنه قال: كان النبي صلى الله عليه وسلم: (يتعوذ من سوء القضاء، ومن درك الشقاء، ومن شماتة الأعداء، ومن جَهْد البلاء) رواه مسلم.

عن عائشة رضي الله عنها قالت: سمعت رسول الله صلى الله عليه وسلم وهو يقول: (اللهم أعوذ برضاك من سخطك، وبمعافاتك من عقوبتك، وأعوذ بك منك، لا أحصي ثناء عليك أنت كما أثنيت على نفسك) رواه البخاري.

[fatma1977]

دعاء صلاة القيام

عن ابن عباس رضي الله عنهما قال: كان النبي صلى الله عليه وسلم إذا تهجَّد من الليل، قال: (اللهم ربنا لك الحمد أنت قيّم السماوات والأرض، ولك الحمد أنت رب السماوات والأرض ومن فيهن، ولك الحمد أنت نور السماوات والأرض ومن فيهن، أنت الحق، وقولك الحق، ووعدك الحق، ولقاؤك الحق، والجنة حق، والنار حق، والساعة حق، اللهم: لك أسلمت، وبك آمنت، وعليك توكلت، وإليك خاصمت، وبك حاكمت، فاغفر لي: ما قدمت، وما أخرت، وأسررت، وأعلنت، وما أنت أعلم به مني، لا إله إلا أنت) رواه البخاري.

[ام كوكو]

صدق رسول الله صلى الله عليه و سلم خاتم الانبياء و الرسل شرف و عزة المؤمنين
صباح الفل فاطمة بارك الله فيك على العطر الرائع الي صبحتينا عليه
واش راكي ان شاء الله بخير

[بنت الطيب]

صباح الخير بنات بالتوفيق ان شاء الله

[ام حمزة22]

سلام لبنات
فاطمة بارك الله فيك
بنت الطيب شكرا على التشجيع بالتوفيق لكن
ام كوكو النت راهي مهبلتني ملي شفتك حاضرة في القسم وانا نحاول نبعتلك الرد ما يروحش يادرى واش درتي فيها

[fatma1977]

المنتدى بدا يلعب إزربو إبعثو أعمالكن
أختى أم كوكو صباح الخير رانى قريب نرد على رسائلك الخاصة رانى وصلت نسبة 1.08 مشاركة نتمنى لك رمضان مبارك وبالصحة والهناء واش أحوالك مع رمضان والسخانة ربى يقدرنا على صيامو وقيامو إن شاء الله
بنت الطيب بالتوفيق فى المسابقة صح رمضانك تصومى بالصحة والهناء

[ام كوكو]

ان شاء الله اختي فاطمة
رمضان مع السخانة بلا ما نقلك راه يهبل خصنا غير شوي بحر هنا في واد سوف و تكمل سوا سوا
ام حمزة راه تلاقا عليا ثقل المنتدى و النت راه تلعب لكن نقولك متخميش خلاص كلشي تمام باذن الله

[ام حمزة22]

يعطيك الصحة ام كوكو علابالي قدها وقدود ربي يحفضك ويسترك

[crono]

صباح الخير بنات بالتوفيق ان شاء الله

[ام كوكو]

صباح الانوار كرونو رمضان كريم كل عام و انت بالف خير ان شاء الله
شكرا عل التشجيع و زيارتك تسعدنا

[ام كوكو]

يعطيك الصحة ام كوكو علابالي قدها وقدود ربي يحفضك ويسترك

تعيشي حنونتي

[ام حمزة22]

شكرا كرو نو على التشجيع بارك الله فيك

[stayfiya]

صباحكم بالخير يا لحراير وين عدتو ؟؟؟ لاه ما جيتوش سهرتو البارح سهره فووور هيا بالتوفييق سلااام

[ام حمزة22]

مساء الخير سطايفية راكي مزهية كل الاقسام الله يبارك عليك ربي يحفضك ويخليك ديما منورة البارح في السهرة كانت النت مهبلتنا المهم شكرا عى التشجيع وبالتوفيق ليكم تاني
صح فطوركم

[fifiarch]

دعاء اليوم الثاني عشر

اَللّهُمَّ زَيِّنِّي فيهِ بالسِّترِ وَ الْعَفافِ ، وَاسْتُرني فيهِ بِلِِِباسِ الْقُنُوعِ و َالكَفافِ ، وَ احْمِلني فيهِ عَلَىالْعَدْلِ وَ الْإنصافِ ، وَ آمنِّي فيهِ مِنْ كُلِّ ما اَخافُ بِعِصْمَتِكَ ياعصمَةَ الْخائفينَ .

مساااء الخير وكيف الحال

الف شكر السطايفية على العرضة

السهرة الليلة ان شاء الله عندنا

نورمالمو الديفيلي الليلة

[صاحب الامل]

الليلة قبل 21.00

ينتهي الوقت المخصص للتحدي الثاني

واي عمل يرسل بعد الوقت يعتبر ملغى تلقائيا

[سمراء الدنيا]

بالتوفيق يا الشاطرات في انتظار ابداعاتكم

[fatma1977]

صح فطوركم البنات رانا فطرنا فى واد سوف بالتوفيق فى المسابقة

[ام حمزة22]

سلام
صح فطوركم
شكرا سمراء على التشجيع بارك الله فيك
شكرا فيفي على الدعاء بارك الله فيك

[amoulayasmin]

صح فطوركم بالتوفيق

[OM AYA]

احنا ما حطيتيلناش الدعاااء ولا انا ما شفتوش

[fifiarch]

مساااء الخير وصح فطوركم

ام اية درتلكم الدعاء انت برك ماشفتيهش

[أم ضياء عبد الرحيم]

صح فطوركم بنات ام حمزة ربي يفرحك كي تفكرتني و سقسيتي عليا
و ربي يوفقكم في التحدي

بنات عندي طلب منكم حبيت تدعيولي ربي يشفيني و يصلح شاني و يرضا عليا
اتفكروني و ادعيولي معاكم و الله محتاجت بزاف لدعواتكم

[souheila dz]

صح فطوركم بالتوفيق في التحدي

[oum 3abdou]

صح فطوركم اخواتي بالتوفيق ان شاء الله

[ام حمزة22]

صح فطوركم بنات ام حمزة ربي يفرحك كي تفكرتني و سقسيتي عليا
و ربي يوفقكم في التحدي

بنات عندي طلب منكم حبيت تدعيولي ربي يشفيني و يصلح شاني و يرضا عليا
اتفكروني و ادعيولي معاكم و الله محتاجت بزاف لدعواتكم

حبيبتي جيادا رانا عائلة وحدة ربي يشفيك ويعطيك ما تتمناي
وربي يوفقكم انتم ثاني

[ام حمزة22]

امولة. سهيلة وام عبدو شكرااا على التشجيع ربي يخليكم بارك الله فيكم

[ام حمزة22]

ليكيب وين راكم انا رحت نسهر في دارنا عمبالي راطيت جيت نجري لقيت الحالة فارغة غير الخير
المهم صح سحوركم وتصبحو بالف خير

[fatma1977]

وين راكم البنات رحتو صح سحوركم وصح سهرتكم

[أم ضياء عبد الرحيم]

صباحكم فل و ياسمين
ان شاء الله تكونوا بخير
ام كوكو واش فرحت برسالتك على الصباح ربي خليك لعالتك و يسعدك دنيا و آخرة انا ثاني راني حاسبتكم خواتاتي
ربي يحفظكم كامل يارب

[أم ضياء عبد الرحيم]

اختي فيفي صباح الخير كون غير قدمتوا شوية وقت وضع الاعمال

[fatma1977]

دعـاء الـعـشـرة الـثـانـيـة

(اللهم إني أسألك برحمتك التي وسعت كل شيء أن تـغـفـر لـي)


سيدنا يونس قال تعالى: ﴿ فَنَادَى فِي الظُّلُمَاتِ أَنْ لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ ﴾
دعاء سيدنا يونس قال الرسول صل الله عليه وسلم عنه (والله ثم والله ما دعا به مؤمن إلا أستجيب له) )

[ام حمزة22]

شكرا فاطمة على الدعاء بارك الله فيك وجعله في ميزان حسناتك

[سمراء الدنيا]

http://img823.imageshack.us/img823/4198/phuppimagegmj.jpg

[ام حمزة22]

شكرا سمراء على التشجيع بارك الله فيك

[fifiarch]

دعاء اليوم الثالث عشر
اَللّهُمَّ طَهِّرْني فيهِ مِنَ الدَّنسِ وَ الْأقْذارِ ، وَ صَبِّرْني فيهِ عَلى كائِناتِ الْأَقدارِ ، وَ وَفِّقْني فيهِ لِلتُّقى وَ صُحْبَةِ الْأبرارِ بِعَوْنِكَ ياقُرَّةَ عَيْن الْمَساكينِ .

[ام حمزة22]

شكرا غاليتنا على الدعاء
بارك الله فيك

[OM AYA]

سلااااام. وش لحوالي هل من جديد

[ام حمزة22]

سلام
صح فطوركم
ام آية ليس من جديد يدكر رانا نقارعو في النتائج

[عطرالذهب]

لبنات صح فطوركم
حبيت نسالكم وين راحين يحطو التحدي الثاني ونتائج التحدي الاول

[ام كوكو]

صح فطوركم البنات
ام حمزة واش راكي
ما راه ظاهر والو على المسابقة

[أم ضياء عبد الرحيم]

حبيبتي جيادا رانا عائلة وحدة ربي يشفيك ويعطيك ما تتمناي
وربي يوفقكم انتم ثاني

و الله راكم خواتاتي ربي يخليكم و يعطيكم ما تتمناو شكرا ليك ام حمزة

[أم ضياء عبد الرحيم]

صح فطوركم بنات
عطور الصور تاع التحدي الثاني و نتائج الاول في الموضوع تاع التحدي الثاني

[ام حمزة22]

شكرا ختيتي جيادا
ام كوكو واش راكي رانا كامل نستناو في النتائج
نهال وينك ما بنتيش ادخلي تقارعي معانا

[fifiarch]

مساااء الخير وصح فطوركم

والسهرة اليوم عندي في قسم الاعمال الفنية

الاعمال توضع في موضوع التحدي الثاني غير انو يبقى مغلوق لاعتبارات تنظيمية

والسهرة والحديث وتعليق المشترككات على اعمال بعض يكون هنا

افتحوا الموضوعين وانا كل مانحط جديد نقلكم تروحو تشوفوه واكيد كيما قلت سهرتنا في موضوع التشاور الخاص بالاعمال الفنية

ياللا بنات سجلو حضور نبداو قعدتنا باذن الله

[ام حمزة22]

صح فطورك فيفي على بركة الله

[ام كوكو]

صح فطورك فيفي واش راكي

[fifiarch]

صح فطوركم بنات في انتظار التحاق البقية

[أم ضياء عبد الرحيم]

صح فطوركم انا راني هنا اختي فيفي

[fifiarch]

يا مرحبا بيكم

ام حمزة

جيادا

ام كوكو

وين البقية باه نبداو
نسناوهم شوي

[OM AYA]

نحن هنا و راني نقارع بصح بديت ننعس صايي الباترباااات طاحو هههه

[أم ضياء عبد الرحيم]

كون اديروا فيا مزية تزربوا شوية هنا عندنا 12 و زوجي قريب يروح مانقدرش نطول

[fifiarch]

طيب بين ماجاو البقية نبداو نحضرو سهرتنا

اكيد نفرح بيكم في قسمكم قسم الاعمال الفنية

اتفضلوا

رغم انها صينيتنا متواضعة

اكيد صينيات تشهي شفناها في التحدي وراح نستعرضوها بعد قليل

اناقة وديكور وما لذ وطاب ماشاء الله عليكم

فعلا مبدعات وربات بيوت لا يعلى عليكم

[fifiarch]

http://4roro4.net/up/uploads/13424726432.jpg

http://www.eshababonline.com/ar/upload_images/20130709211720.jpg

https://encrypted-tbn1.gstatic.com/images?q=tbn:ANd9GcRp13waeI2WeJIx-IpMlWpM0FODYaxN95PXNmvzZA_njFtZpfCj

http://vb.almastba.com/imgcache/almastba.com_1393290863_647.jpg

http://www.3roos.com/files/ups/2010/179352/21276440970.jpg

بنات ماتتقلقوش نص ساعة ونكملو كلش

[OM AYA]

شكراااا فيفي عالسهرية وقولينا يا سيدي كاش مقدمات كاس تلميحات زعما الخدمة جات تشبه شوي ولا. والو. ههه

[أم ضياء عبد الرحيم]

شكرا ليك فيفي على الضيافة روعة

[ام كوكو]

ممم يشهيو انا ما نقنعش بالشوفان ابعثيهملي للدار

[fifiarch]

يعني ام اية انتم باه تحكمو الليلة وتعطونا اراءكم في اعمال بعض

لانو راي المشرفين راح يكون جرنال طويييل عريض وتقراوه

هههه

مي فرحت بيكم وضيفتكم

لانو تعبتو وخدمتو وجبتوها

[oum 3abdou]

شكرا اختي فيفي على الضيافة
راني التحقت بيكم

[ام كوكو]

لبنات هذي ليكم خص نص من داري
اhttp://im89.gulfup.com/TXIA92.jpg

[fifiarch]

يا اهلا ومرحبا بكل من معانا

على بركة الله راح نبداو

[ام حمزة22]

شكرا فيفي
انا ملي دخل رمضان ما كليت فاكية ولا قلباللوز يدوب هداك الفطور
بصح نموت على الشاي نرفد كاسي ونحكم بلاستي

[ام حمزة22]

شكرا ام كوكو بارك الله فيك

[أم ضياء عبد الرحيم]

يعطيك الصحة ام كوكو تشهي

[ام كوكو]

فيفي يا الله فاتت نصف ساعة

[جوري لؤلؤة]

راني جيت نحري ساع ما لقيت والو هههههههه لمزية ما فاتني شيء

[جوري لؤلؤة]

اين البقية

[ام كوكو]

صح فطورك جوري مرحبا بيك
لالا فاتتك الضيافة

[جوري لؤلؤة]

هيا اختي فيفي هيا راني متشوقة خلاص

[أم ضياء عبد الرحيم]

صح فطورك جوري رانا نستناو

[fifiarch]

يا سلام عليك ام كوكو ماشاء الله على الصينية والضيافة

اولا نبداو بنتائج التحدي السابق اطلعو عليها في اول رد هنا


http://www.djelfa.info/vb/showthread.php?p=3991202562#post3991202562

[عطرالذهب]

استنوني راني جيت هاه كانش ماحطيتولنا

[أم ضياء عبد الرحيم]

مبروووووووووووووووك لقسم الاعمال الفنية المرتبة الاولى

[Maria dadi]

صح فطوركم لبنات بالتوفيق الى الجميع وسهرة. ممتعة راني متابعة

[جوري لؤلؤة]

انا لحلاوة خاطيتني مي التاي راني نقتل عليه هههههههه

[oum 3abdou]

الف مبروووووووووووووووووووووووووك لقسم الاعمال الفنية

[fifiarch]

واش بنات شفتوا النتائج

واكيد كيما قلت سابقا الفارق بينكم كان جد ضئيل وممكن تقلبوا الموازين في التحديات المقبلة ان شاء الله

وضك نبداو في عرض الاعمال نتاع التحدي الثاني

تشوفوها تتناقشو فيها وتمدولنا اراءكم

[جوري لؤلؤة]

الف مبروك لقسم الاعمال الفنية
حنا لخرين خلاص اااااااااااااا هلكنا تحدي لخياطة

[ام حمزة22]

نهال ام كوكو
ما رانيش مصدقة رانا في المرتبة الاولى

[fifiarch]

اكيد لان سهرتنا رمضانية

ولانها جزائرية بامتياز

لازملنا البوقالات

ولانو القسم المضيف اليوم والفائز في التحدي السابق هو قسم الاعمال الفنية راح نبداو على بركة الله بعرض الاعمال نتاع فريقهم

على بركة الله نبداو اولا ببوقالة القسم

مالا انويو واعقدوا بنات قسم الاعمال الفنية وهاذ البوقالة ليكم

http://im70.gulfup.com/riGci2.jpg (http://www.gulfup.com/?aqT3ag)

[بنت الطيب]

ألف مبروك نهال وأم كوكو وأم حمزة جبتوها المرتبة الأولى تستاهلو خواتاتي يا ترى شكون في التحدي الثاني

[fifiarch]

تم عرض عمل قسم الاعمال الفنية في الرد الثاني

روحو شوفوه وارجعوا مدولنا اراءكم

[بنت الطيب]

هيا روحي فيفي ابداي نشوفو خدمتهم

[أم ضياء عبد الرحيم]

الف الف مبروك ام كوكو ام حمزة و نهال
http://smiles.majidsr.net/images/mabrk/mabrooknew03.gif (http://smiles.majidsr.net/)

[بنت الطيب]

يا سلام وبدون مجاملة والله يا لبنات أعمالكم روعة يسلموووووووووووووووووووووووو

[oum 3abdou]

اعمال تحفة ماشاء الله

[عطرالذهب]

الف مبروك لقسم الاعمال الفنية تستاهلو كل خير
اعمال التحدي الثاني نتاع قسم الاعمال الفنية كلها رائعة موفقات

[أم ضياء عبد الرحيم]

أعمال روووووووووعة تسلموا بنات

[جوري لؤلؤة]

فلات جزائريات ونعم الانامل

[ام حمزة22]

شكرا جيادا ولجميع من باركنا لعقوبة ليكم
فيفيي راني نويت

[fifiarch]

طيب بنات نشوف عجبتكم الاعمال نتاع قسم الاعمال الفنية

هيا كاش اقتراحات

كاش ملاحظات

غير قولو

[fifiarch]

ايه ام حمزة مالا عجبتكم بوقالتكم

[ام كوكو]

الف شكر و تقدير ليكم حبيباتي هذا فوزنا كامل فيف لمتنا و صداقتنا

[أم ضياء عبد الرحيم]

ختي فيفي مازال اطولوا انا كون يدخل زوجي لازم نطفي الميكرو حبيت نشوف البقية

[ام كوكو]

البوقالة4444444444444444444 يحفظك فيفيربي

[fifiarch]

الان ننتقل للقسم الثاني لي راح نعرضو اعمالو

قسم التدابير

وهاذي بوقالتكم

http://im70.gulfup.com/LRbQcE.jpg (http://www.gulfup.com/?T1PNo6)

واكيد الاعمال تلقاوها في الموضوع السابق

[بنت الطيب]

عندي ملاحظات فيفي
بالنسبة للتحلية لون السرفيات غطى على التحلية لون كان لون موحد وأفتح قليلا
السينية تاع السهرة ناقصة فناجل وقهوة

[fifiarch]

اختي جيادا نحط اعمال كل الاقسام قبل نتاع الطبخ باه تحضري وتشوفيهم

[fifiarch]

يعطيك الصحة بنت الطيب على الملاحظات هكا يستفادو الكل وناخذ افكار من بعض

[عطرالذهب]

فيفي البوقالة الثانية نتاعي وربي يخليلي اللي بغاني وتزوجني

[جوري لؤلؤة]

اختي رانا هههههههههههه
اعمالي لم تعرض

[ام كوكو]

جيادا ماعليش رضا زوجك اولى غدوة ان شاء الله و شوفي براحتك ما ديري حتى مشكل لعمرك

[أم ضياء عبد الرحيم]

ان شاء الله ام كوكو ختي فيفي حبيت نسقسيك كنتوا طلبتوا صورة فقط لكل عمل و حنا كيما التحلية كان لازم نديروا صورتان باه نظهر الصورة لكن على ما اظن لبنات بعثوا وحدة
لكن في مشاركات البنات نشوف عدة صور يعني كون بعثنا راكم قبلتوا

[OM AYA]

يعطيك الصحة ام كوكو

[بنت الطيب]

يعطيكم الصحة قسم التدابير المنزلية عمل متقن وجميييييييييييييييييل
ملاحظاتي العباية عجبتني بزاف لكن العقدة من الخلف كبيرة بزاف الصراحة جاتني زايدة

[عطرالذهب]

نفس التساؤل نتاع جيادا المفروض كل تطبيق يتحطلو صورة واحدة
مشاركة قسم التدابير الصور كبيرة ياليت تصغرها باش تظهر بسرعة

[fifiarch]

اختي عطر

البوقالة الثانية نتاع قسم التدابير
ههههه

نتاعكم مازالت اما اذا عجباتك ماكان حتى مشكل ربي يخليلك حبابك ان شاء الله

جوري اعمالكم عرضت ماشفتيهاش

[Maria dadi]

الف مبروك لبنات نهال وأم حمزة وأم كوكو اعمال رائع فعلا

[جوري لؤلؤة]

اوك مبروك علينا هاذي اعمال الاخت نبض ربي يخليهالنا

[fifiarch]

بنات

احنا نحطو الصور كيما وصلتنا

لكن مبعد في التنقيط اصبروا علينا

ههههه

لما نقول صورة معناتها صورة

استثنينا تحدي الخياطة معليش عدة صور باه يبان اللباس

والصينيات مثل قسم التدابير حطو 03 في سهرة وحدة كان لابد عليهم يقسموها

[ام كوكو]

يعطيكم الصحة البنات يبق المشكل دايما في التصوير

[ام حمزة22]

صحيتو قسم الاعمال الفنية عمل رائع والعبايية والعقدة هي لي تميز اليبان موفقين ان شاء الله

[عطرالذهب]

اختي فيفي الصينية لو على بالنا بللي كي نحطو 3 تحطوهملنا كامل رانا خدمناهم نحنا حاولنا صورة وحدة تحتوي على كل الصحون والاواني والحلويات
يعني بصراحة كي نكونو نخدمو تشددو على صورة وحدة ومن بعد تحطولنا اكثر من صورة
رانا بعثنا للاخت مياسم عدة صور للخياطة ياليت تحطلنا منهم حتى 3 هكاك يكون العدل في العرض

[fifiarch]

والان واش رايكم بنات ننتقل للقسم التالي

[Maria dadi]

روحي فيفي رانا متابعين معاك

[fifiarch]

غاليتي عطر ماتتقلقيش

ياك قتلكم على حساب المطلوب تقيم الاعمال

يعني نحن لما نطلبوا صورة ويوضع اكثر من صورة

اكيد على بالنا كيفاه يكون التقييم ميش كيما اللي التزم بالقانون كيما غيرو

وان شاء الله لن يظلم احد

فقط احنا نعرضو الصور كما تصلنا لاننا نعتمد المصداقية في عملنا

فلو مثلا حذفنا وحطينا كيما نحبو

تسمى غيرنا المشاركة وتدخلنا فيها

وهاذا منافي للقانون

واش رايك في كلامي

[عطرالذهب]

يعطيكم الاصحة قسم التدابير العباءة هايلة والبوشات ايضا -تشبه لنتاعناههههههه- والتحلية هايلة اما السحور ماتقبلتش الكيش سحور وهذا راي شخصي ماتزعفوش مني والصينية باينة مليحة خاصتها الاضاءة الجيدة فقط

[عطرالذهب]

فيفي حطي نتاعنا تعيشي قلبي راح يخرج

[fifiarch]

لالا عطر نتاعكم يبقى الاخير

نتسحرو بيه

مبدعات الطبخ صينياتكم تشهي لاغنى عليها في السحور

راني نتمسخر

مي نخلوه الاخير لانو جيادا نخافو تخرج وتحب تشوف البقية

[بنت الطيب]

لالا عطر من المفروض ما نزعفوش كامل من ملاحظات بعضانا لأنو من الأخطاء نتعلم وسامحوني لبنات راهو طبعي الصراحة وما نحبش نجامل وبالمقابل نحب اللي ينقدني

[fifiarch]

الان مع قسم الخياطة

اكيد ام اية مضويتنا

مي سطوف وفريولة مابانوش خسارة

تعرفو سطوف كيفاه تدير الجو

المهم هاذي بوقالة قسم الخياطة

وروحو للموضوع تلقاو مشاركتهم

http://im70.gulfup.com/tdL7a6.jpg (http://www.gulfup.com/?3aAEUa)

[عطرالذهب]

شكرا بنت الطيب هكا نحبك اختي حتى انا راني صريحة ونتقبل صراحة غيري نتحملكم واتحملوني ههههههه

[بنت الطيب]

أكيد حبيبتي عطر وراهو جاي التحدي تاعنا ونستنى رأيك

[fifiarch]

هاه بنات قسم الخياطة شفتو بوقالتكم


مممم والبقية شفتو اعمال قسم الخياطة

[ام كوكو]

البنات هذي مسابقة خلاتنا نتلمو و نتعرفو على بعضانا خير من الدنيا و ما فيها و لا واش رايكم

[أم ضياء عبد الرحيم]

بنات قسم التدابير كلش مليح غير الصينية الاضاءة قليلة
قسم الخياطة لا كلاس و الله يا العباية
بنات راهو جا زوجي و خلاني نزيد نقعد شوية