مجلس التشاور ..جوهرة رمضان.. للاعمال الفنية

[ام كوكو]

امين بارك الله فيك مشرفتنا الغالية
الله يجعلو في ميزان حسناتك
البنات راني حطيت اطباقنا في قسم المسابقات

[ام حمزة22]

سلام
مشكورة فيفي على الدعاء بارك الله فيك
يعطيك الصحة ام كوكو درك نروح ندرب طلة

[نهال13]

zصح فطوركم لبنات وشراكم لبنات رانى درت لفطور والعصير شوفو وعنى رايكم

[ام كوكو]

صح فطوركم البنات

[ام كوكو]

صح فطورك نهال مازال ما جاتش الرسالة

[نهال13]

صح فطورك ام كوكو وشراكى رانى بعثت لاعمال روى شوفيهم وعطنى رايك

[نهال13]

روحى شوفى في الفايس والله يا شاطرة ديرنا التدبيرة

[souheila dz]

السلام عليكم صح رمضانكم وصح فطوركم لبنات

[ام حمزة22]

سلام
صح فطوركم لبنات
اهلا سهيلة صح فطورك
نهال ابعتي العصير راني فرغت رصيد الرسال راني حطيتلك رايي في الاطباف

[ام حمزة22]

لبنات وينكم
نهال وطبق الفاكهة واش خبارو

[ام حمزة22]

لبنات حاولت نعاود صور الشموع بصح ما خرجوش مليح نشاركوبلي بعتلكم تشوفوهم وخلاص
ام كوكو نهال عجبوها 2 صور هادوك لي نشاركو بيهم بادن الله

[ام حمزة22]

لبنااااااااااااااات رحتو وخليييييييتووووووووووووووونيييييييييييييييي
راه تغلب علية نعاس كي صابني وحدي ندور
نصبحو بخير وصح سحوركم

[نهال13]

خسارة ام حمزة والله المنتدا ما حب يتحلى هدوين حف شوى سخيلة صح فطورك يسهيلة وشراكى بالتوفيق ان شاؤ الله

[fatma1977]

صح فطوركم البنات رانى هاذا وين قدرت ندخل راهى الانترنات ثقيلة عندى إسمحيلى نهال هاى التصاور بدون تعليق http://www.up.djelfa.info/uploads/140555319706181.jpghttp://www.up.djelfa.info/uploads/140555319707492.jpghttp://www.up.djelfa.info/uploads/140555319708583.jpghttp://www.up.djelfa.info/uploads/140555352951231.jpghttp://www.up.djelfa.info/uploads/14055535295252.jpghttp://www.up.djelfa.info/uploads/140555352953533.jpgنتمنى ينال رضاك وبالتوفيق فى المسابقة والتحدى الثالث صح سحوركم

[صاحب الامل]

صح فطوركم

وان شاء الله تكونوا بالف خير

فاكيد بدا العد العكسي للمسابقة


وعيشوا معنا الاسبوع الاخير
في جو تملؤه

الاخوة..........التحدي.............والمنافسة

بالتوفيق جميعا

[ام كوكو]

و انت زادة فاطمة
يعطيك الصحة باين لذيذ

[ام كوكو]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[نهال13]

شكرا احتى فاطيمة على التوضيح راح نجربها ونحطلك تطبيقى

[fatma1977]

صح سحوركم البنات لا شكر على واجب أختى نهال نتمنى تجربيه وتتلذذى بطعمو راهو الى يذوقو ما يصدقش بالى راهو نتاع سنارية

[ام حمزة22]

صح فطوركم

وان شاء الله تكونوا بالف خير

فاكيد بدا العد العكسي للمسابقة


وعيشوا معنا الاسبوع الاخير
في جو تملؤه

الاخوة..........التحدي.............والمنافسة

بالتوفيق جميعا


شكرا على التشجيع بارك الله فيك

[ام حمزة22]

صباح الخير لبنات واش راكم ان شاء الله تكونو بالف خير شكرا فاطمة على العصير يبان يشهي

[بنت الطيب]

صباح الخير لبنات بالتوفيق للجميع

[ام حمزة22]

صباح الانوار اختي بنت الطيب وفقكم الله

[نهال13]

صباح الخير لبنات صباح الخير ام الطيب وشراكى ربى يوفقك ام حمزة نورمال للديرها هديك هى لحابة دير طاولة خرة نورمال انا مفدرتش تدير فطور رومانسى لانى مع ولادى وبنت ختى عندى ضيفة بصح باه نشكر زوجى درتلو كل الاطباق لكان سخف عليهم يحبهم خرجت قضيتااباه نديرهملو مفاجاءةلانى كنت شوى نتكاسل كى قلى ديرلى حاجة وهو بزاف سخاف الحمد لله شبع فرح

[ام حمزة22]

بصحتو نهال
حتى انا ما نعرفش ندير الطاولة الرومنسية قلتلكم في اول التحدي رانا في رمضان ومحلاها لمت رمضان مع الاولاد كي ينطمو كامل ونفطرو سواسوا

[نهال13]

والله عندك الخق انا راجلى ميشوفش ولادو بزاف بحكم خدمتو ما يصدق يتلمو عليه حتى حسهم مايقلقش بيه

[ام حمزة22]

نهال بالنسبة لناس كيما حنا عندها دراري مابقاتش الرمنسية هههههههههه
حنا نبعتو اعمالنا ولي فيها الخير ربي يقدمها

[ام حمزة22]

نهال ما بعتليش طبق الفاكهة نشوفو

[نهال13]

يعنى كى تشوفى هما مقالوش فطور رومانسى قالو فطور باتشكرى راجلك وكل وحدة نورمالمو تعرف الطريقة لتشكر بيها راجلها مش شرط فطور روامنسى

[نهال13]

ضك نبعثولك

[ام حمزة22]

صح هما ما قالوش رمنسي بصح كي نشوف الردود نلقاهم يهدرو غير على الرمنسية

[نهال13]

نورمالمو ميتقيدوش بالومانسية لانهم مشرطهاش

[نهال13]

ام حمزة رنى بعثتلك الفواكه وش رايك

[ام حمزة22]

نهال طبق الفواكه رائع يعطيك الصحة تسلم الايادي

[نهال13]

يعيشك ام حمزة حتى اعمالك ماشاء الله عليك تحفة يعطيك الصحة

[نهال13]

هكدا يسمى كملنا ضك خدمت شاف دكيب ينسق ويعدل ويحط

[ام حمزة22]

هاكدا رانا كملنا الاعمال ديالنا مازال تدخل ام كوكو تعطيلنا اقتراحها وتنسق الاعمال وتبعتها لمشرفتنا الغالية

[ام حمزة22]

صبحان الله نهال نفس الكلام في نفس الوقت
والله شيء مدهش

[نهال13]

لقلوب عند بعضها ام حمزة

[نهال13]

قوليلى دخلت اليوم ام كوكو والا مدخلتش

[ام حمزة22]

وهادا تان كنت رايحة نكتبهولك بنتي لهتني بالهدرة

[ام حمزة22]

اليوم ما دخلتش ام كوكو ان شاء الله تدخل وتبعت الاعمال ونتهناو

[نهال13]

وش رايا بنتك في الاعمال ام حمزة

[ام حمزة22]

الاعمال عجبتها بزاف لي ما عجبهاش الرمنسية ههههههههههه

[نهال13]

ههههههههههههههوانا قريت فطور هدية لزوج منعرف منين جات الرومانسية هكداك ودرت الشموع للعصير

[ام حمزة22]

يعطيك الصحة على العصير جا رووووووووووووووووووعة الله يبارك على افكارك

[ام حمزة22]

سامحيني نهال انا نروح
ان شاء الله في المساء
صح فطورك

[نهال13]

صح فطورك ام حمزة وساليلى على بنتك

[ام حمزة22]

يسال عليك الخير حبيبتي
سلااااااااااام

[fifiarch]

دعاء اليوم التاسع عشر
أللّهُمَّ وَفِّر فيهِ حَظّي مِن بَرَكاتِهِ ، وَ سَهِّلْ سَبيلي إلى خيْراتِهِ ، وَ لا تَحْرِمْني قَبُولَ حَسَناتِهِ يا هادِياً إلى الحَقِّ المُبينِ .
مساااء الخير كيف الحال نتمنى تكونو ماشيين تمام مع الاعمال

تم اضافة تعليق الاخ عمر على التحدي الثاني

تجدونه في موضوع التحدي

[نهال13]

بارك الله فيك فيفى على دعاء

[ام حمزة22]

سلام
بارك الله فيك فيفي على الدعاء
فيفيي رانيي شفت التعليق يعطيه ويعطيك الصحة

[ام حمزة22]

يله ام كوكو ادخلي وردي على رسائلي الخاصة
لازم نفروها اليوم ونبعتو الاعمال با لاكي النت تسبقنا وديرها بينا
بليييييييييييييييييز ام كوكو الا كملتي تنسيق وتركيب الصور بعتيهملي نشوفهم

[عطرالذهب]

صح فطوركم لبنات

[سمراء الدنيا]

السلام عليكم وصح فطوركم
إن شاء الله تكونو في الموعد .... و تبعثو أعمالكم قبل الوقت المحدد
بالتوفيق للجميع

[ام حمزة22]

سلام
صح فطوركم
شكرا ليك عطور
بارك الله فيك سمراء ان شاء الله ترسل اعمالنا قبل الموعد

[ام حمزة22]

ام كوكو بعتلك رسالة مالحقتش رصيد رساءلك مملوء فرغيه باش تلحقك رسالتي
برك باش نقلك يعطيك الصحة على التنسيق ونقلك الفستان بانلي غير صورة وحدة انت ما درتيهاش ولا هي ما بانتش ولا ما عجباتكش مايهمش ماعليش حطي لي يصلح للفريق
يعطيك الصحة شاف

[نهال13]

صح فطوركم لبنات وشراكم

[ام حمزة22]

صح فطورك نهال واش راكي

[نهال13]

لباس ام حمزة شفتى وش حطت ام كوكو ربى خليها لنا وش رايك

[ام حمزة22]

يعطيها الصحة ربي يحفضها
واش رايك في الفستلن ام كوكوحطت صورة وحدة في رايك تكفي وتبان

[نهال13]

الفستان جى روعة انا عجبنى سامبل ومليح انا جاتنى تبان خير ما خطيتها في الارض مشفتش الصورة الثانية ام حمزة لبعثتيها لام كوكو

[ام حمزة22]

خلا ص ملا نهال كي قلت تبان نخلوها

[نهال13]

كما تحبى ام حمزة لحبتى تبدلها نورمال

[ام حمزة22]

نهال سامحيني نرزح نرقد الا دخلت ام كوكو قوليلها تبعت لفيفي 2 صور انا بعتلها في الخاص لقيت الرصيد ديالها مملوؤ

[ام حمزة22]

فيفي ما بنتيش اليوم ان شاء الله المانع خير

[ام حمزة22]

تصبحو بخير صح سحوركم

[نهال13]

صح سحورك ام حمزة غدوة ان شاء الله

[أم ضياء عبد الرحيم]

جمعة مباركة بنات ان شاء الله تكونوا بخير
بالتوفيق في التحديات المقبلة

[fifiarch]

دعاء اليوم العشرين

أللّهُمَّ افْتَحْ لي فيهِ أبوابَ الجِنان ، وَ أغلِقْ عَنَّي فيهِ أبوابَ النِّيرانِ ، وَ وَفِّقْني فيهِ لِتِلاوَةِالقُرانِ يامُنْزِلَ السَّكينَةِ في قُلُوبِ المؤمنين .


جمعة مباركة للجميع

[ام حمزة22]

سلام
مشكورة جيادا بارك الله فيك
شكرا فيفي على الدعاء بارك الله فيك

[ام حمزة22]

ام كوكو يادرا بعتي الاعمال ديالنا
راني بعتلك في السحور الصورة الثانية طمنيني لحقاتك ولا لالا

[ام حمزة22]

يعطيكم الصحة ليكيب قمتم بعمل رائع
موفقين ان شاء الله

[souheila dz]

جمعة مباركة ورمضان كريم بالتوفيق في التحدي لبنات

[ام حمزة22]

شكرا سهيلة بارك الله فيك

[ام حمزة22]

ام كوكو صحيتي يا الفحلة قمت بتنسيق رائع بارك الله فيك
نهال ما بنتيش اليوم انت تان يعطيك الصحة قمت باعمال رائعة بصحتو زوجك الاطباق لي درتيهالو كانت روعة
بالتوفيق ان شاء الله في التحدي الجاي

[عطرالذهب]

صح فطوركم ويعطيكم الصحة موفقات حبيباتي

[نهال13]

صح فطوركم لبنات صح فطرك عطور وشراكى موفقة ان شاء الله في هد التحدى

[عطرالذهب]

شكرا نهال ربي يخليك واكثر حاجة توفقنا فيها هي هاذ الصحبة الطيبة اللي كونتها معاكم

[fifiarch]

مساء الخير وصح فطوركم

تم اضافة تقييم الاخت المشرفة اكرام ملاك بالموضوع المخصص للتحدي الثاني

في انتظار طرح اعمالكن بالتحدي الثالث بعد قليل وذلك بالموضوع المثبت بقسم التدابير

نتمنى التوفيق للجميع

واكيد الفائز بالتحدي الثاني تعرفوه مع الاعلان عن اعمالكن بقسم التدابير

[عطرالذهب]

الف مبروك المركز الاول

[سمراء الدنيا]

السلام عليكم و صح فطوركم يا الشاطرات
تم وضع الاعمال و كلكم معزومين للسهرة في قسم التدابير المنزلية
مرحبا بالجميع

[ام حمزة22]

سلام
صح فطوركم
شكرا ليك عطور والله والفنا بعضنا بعض ربي يدوم صحبتنا و محبتنا
شكرا سمراء على الترحيب بارك الله فيك

[ام حمزة22]

وينكم بنات انا اليوم كي سهرت لقيت روحي وحدي ندور
صح سحوركم
تصبحو بالف خير

[fatma1977]

يعطيكم الصحة البنات وبالتوفيق فى التحدى القادم والله يعطيكم الصحة 1000مرة مع رمضان والسخانة وانتم تقومو بهذ الاعمال بصحتكم المرتبة الاولى
صح فطوركم وصح سحوركم

[ام كوكو]

يعيشك فاطمة

[ام حمزة22]

سلام
صباح الخير عليكم
شكرا فاطمة بارك الله فيك

[ام حمزة22]

غاليتنا فيفي كنت شوية قاسية على تلاميدك بصح ماعليش رانا نتعلمو كيما قالت الاخت نبض لي يبكيك خير ملي يضحكك هههههههههه
فيفي انا نهنيك على الوفاء ديالك كمشرفة بارك الله فيك انا كنت وريتلك الفستان كنت قادرة تقوليلي نحي الوردة لي ما عجبتكش في الفستان خليتي يوم التعليق وقلتيلي ما عجبتكش صدقيني فيفي اعجبت بوفائك ربي يحفضك ويخليلك صحتك

[fifiarch]

مساء الخير

نتمنى تكونو كامل بخير

اكيد والفنا بعض طيلة هاذ الايام الرمضانية المباركة

لكن كيما يقولو كل حلو له نهاية

ونحن على مشارف نهاية مسابقتنا الرمضانية

تم طرح التحدي الاخير بقسم الطبخ هاذ المرة

اطلعن عليه وبالتوفيق للجميع

جوهرة رمضان**التحدي الرابع والاخير** (http://www.djelfa.info/vb/showthread.php?p=3991266251#post3991266251)

ام حمزة والله وحدك

عجبتني نتاع القساوة...المهم نتيجة العمل ...والصراحة هاذيك الوردة نكرهها انا

نهار درت تعليق على البوشات قلت بللي مانحبهاش...وزاد لقيتها في الفستان ههههه

[ام حمزة22]

شكرا فيفي على مجهوداتك الجبارة مالصبح الباكر وانا نروح ونولي نشوف التحدي الاخير واخيرا تحط بصراحة عجبني
راني نستنا لبنات ان شاء الله يدخلو ونتقاسم الاعمال
نهال ام كوكو ادخلو نتشاور على تقاسم الاعمال

[fifiarch]

بالتوفيق ان شاء الله ام حمزة

هاذ المرة ننتظر منكم ابداع على غير العادة

وكيما ديما اتشاورو اتشاورو اتشاورو وبعدين قسمو الاعمال

وحذاري انو تضيعو الوقت والمصروف بانو تعملو كثير من الاعمال وبعدين تختارو

لانو دايما لما تعملو هكذا تضيعو افكاركم

[ام حمزة22]

شكرا غاليتنا ان شاء الله نكونو في المستوى ونشرفو قسم الاعمال الفنية

[نهال13]

صباح الخير لبنات وشراكم انى شفت التحدى ام حمزة ام كوكو وش رايكم وش قررتو تخدمو

[ام حمزة22]

سلام
مساء الخير نهال واش راكي

[ام حمزة22]

سلام
مساء الخير نهال واش راكي

[نهال13]

لباسوشراكى انتى ام حمزا

[ام حمزة22]

نهال النت راهي مهبلتني والرد ما حبش يفوت

[نهال13]

وش ديرى النت هد ليمات يقلق

[ام حمزة22]

نحمد ربي ونشكروه
التحدي مليح يوالم العيد
شوفي حبيبتي الحلوة ساهلة البارح شرالي زوجي دزانها وكملتلي اليوم بنتي الباقي
تنسيق الديكور هدداك تان ساهل
تبقة الجبة وحامل المناديل وحامل الالملاعق لازم نتشاورو عليهم

[ام حمزة22]

ان شاء الله تدخل ام كوكو وتسارك معانا في التشاور

[نهال13]

حبيبتى ام حمزة حسب ما فهمت قلولك صتع وتزين ضك نبعثلك افكار ولعجبوك نخدمهم لانى عندى حامل معالق وخامل مناديل شريتهم هما اصلا مزينين معندى وش نزيدهم اما الجبةمشكل لانى انا منعرفش نخيط اما الدكور رانى نصور الصالون تاعى ونبعثلكم بصح مفهمتش مليح وش يفصد بديكور جانب وش رايك

[ام حمزة22]

نهال حامل المناديل والملاعق قالولنا نخدموهم ونزينوهم

[نهال13]

ضك نبعثلك بعض الافكار تع حاملة معالق وحاملة مناديل وفوليلى رايك

[ام حمزة22]

نهال في الدكور على حساب ما فهمت قلولنا نورولهم ركن من اركان غرفة الضيوف وفي سر المهنة شرح تنسيق ديكور غرفة الضيوف

[نهال13]

هدا ثانى ساهل

[souheila dz]

سلام لبنات يعطيكم الصحة يالفحلات
وبالتوفيق في التحدي الاخير

[ام حمزة22]

سلام سهيلة بارك الله فيك نتمنالكم التوفيق ليكم ثاني

[نهال13]

ةشرلكى سهيلة حظ موفق ا شاء الله في التحدى الرابع ام حمزة فرغى صندوق الرساءل به نبعثلك

[ام حمزة22]

نهال الصندوق فارغ كليا

[نهال13]

وش رايك ام حمزة انى بعثتلك

[نهال13]

ام حمزا يعنى موافقة نديرهم هكدا؟

[نهال13]

ام حمزة شفتى تع الرسالة الثانية؟

[نهال13]

ضك تدخل ام كوكو نزيد نقلها

[ام حمزة22]

راني شفتهم نهال شابين خيري برك الالوان لي تبان في الصورة راهم يفولو وياكدو صورة وحدة برك للعمل
ربي يوفقك نهال
تقعد الجبة ان شاء الله تدخل ام كوكو الا حبت ديرها انا لخزانة راهي معمرة جبب غير الا سمحولي ندير جبة لبنتي صغيرة عندها 8سنين

[نهال13]

ام حمزة خيرو الالوان وقولولي لانى عندى الااوان

[ام حمزة22]

نهال ديري الالوان لي عندك ما كله تزيدي تكلفي روحك

[نهال13]

ام حمزة والقاطو ؟

[ام حمزة22]

نهال القاطو ساهل انا نهار تنين بادن الله نبدء حلوت العيد والمطلوب في التحدي انا نديرو في كل رمضان

[ام حمزة22]

نهال سامحيني ندخل الكوزينة راني عارضة اختي
صح فطورك وربي يوفقك حبيبتي

[ام حمزة22]

غاليتي فيفي نقدر ندير جبة لبنتي عندها 8 سنين

[نهال13]

وانا ثانى صح فطورك ولمبعد ان شاء الله

[fifiarch]

دعاء اليوم الحادي والعشرين

أللّهُمَّ اجْعَلْ لي فيهِ إلى مَرضاتكَ دَليلاً ، و لاتَجعَلْ لِلشَّيْطانِ فيهِ عَلَيَّ سَبيلاً ، وَ اجْعَلِ الجَنَّةَ لي مَنْزِلاً وَمَقيلاً ، يا قاضِيَ حَوائج الطالبينَ .

[ام حمزة22]

آمين يارب العالمين
شكرا فيفي على الدعاء بارك الله فيك

[ام حمزة22]

فيفي سالت سوال ما جوبتينيش عليه
هو
الجبة اي القندورة نقدر نخيط وحدة البنتي عندها 8س الن الخزانة راهي معمرة بالقنادر ديالي

[fifiarch]

مساء الخير وصح فطوركم

والله ام حمزة مانعرف

اسالي في قسم الخياطة يفيدك الاخ عمر

[ام حمزة22]

مساء الخير وصح فطوركم
شكرا فيفي درك نروح نسال
لبنات وين راكم

[صاحب الامل]

برنامج سهـــــــــرات رمضـــــــــــــــان


http://www.djelfa.info/vb/images/statusicon/wol_error.gifإضغط هنا لمشاهدة الصورة كاملةhttp://xm.tl/a1000824

[صاحب الامل]

http://xm.tl/a1000825

الليلة تنطلق سهرات رمضان في اسبوعه الاخير عبر منتدى الاسرة والمجتمع

والبداية ستكون من قسم الخياطة والتفصيل

الليلة

ان شاء الله تستمتعوا معنا

وخلال السهرة هناك العاب في انتظاركم

ومن بينها

***********
البوقالات ( تختار رقم من الارقام الموجودة وتشوف حظك)

http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://xm.tl/a1000877

*********
02 * لعبة الالوان ( تختار لون من الالوان ونحطولك جزء من الصورة ويجب عليكم التعرف عليها)

http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://xm.tl/a1000875

************
03* مع لعبة الالغاز ( كذلك نختار رقم من الارقام الموجودة في الدائرة ويطلعلك لغز)

http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://xm.tl/a1000874

***********
واخيرا
لعبة الفليكسي
اربح 100 دج فليكسي من خلال الاجابة على 10 اسئلة
كل سؤال قيمته 10 دج...وعليك تجميع 100 دج لربح الفليكسي

http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://xm.tl/a1000876
**********
واكيد ينتظركم خلال السهرة جوائز منوعة

كونوا في الموعد

وعيشوا معنا

احلــــــــــــــــى ليالـــــــــــــــي رمـــــــــضان







**********

الدعوة للجميع

[fifiarch]

دعاء اليوم الثاني و العشرين

أللّهُمَّ افْتَحْ لي فيهِ أبوابَ فَضْلِكَ ، وَ أنزِل عَلَيَّ فيهِ بَرَكاتِكَ ، وَ وَفِّقْني فيهِ لِمُوجِباتِ مَرضاتِكَ ، وَ أسْكِنِّي فيهِ بُحْبُوحاتِ جَنّاتَكَ ، يا مَجيبَ دَعوَةِ المُضْطَرِّينَ .

[ام كوكو]

امين
بارك الله فيك حبوبة

[fatma1977]

صح فطوركم وبالتوفيق فى التحدى الاخير سهرة ممتعة

[ام حمزة22]

سلام لبنات واش راكم ان شاء الله تكونو بالف خير
هدا وين كتبت جرنان ما عرفتش وين راح
المهم حببت نقللكم انا البارح ما دخلتش لان كان زوجي مريض شوية حتى صلات التراويح ما قدرش يصليها قعد في البيت
اليوم كي دخلت نلقى حتى وحدة فيكم ما لبات الدعوة حتى مشرفتنا الغالية ما بانتش ان شاء الله المانع خير
شكرا ليك فاطمة على التشجيع بارك الله فيك
ام كوكو يوم اعلان التحدي ما بنتيش انا ونهالتقاسمنا الاعمال
نهال راهي مع حامل المناديل والملاعق وانا شديت الخياطة والحلوة
سلام لبنات ان شاء الله ليوم تدخلو نتشاورو انا محتاجتكم قبل الضهر

[fifiarch]

دعاءاليوم الثالث و العشرين

أللّهُمَّ اغْسِلني فيهِ مِنَ الذُّنُوبِ ، وَطَهِّرْني فيهِ مِنَ العُيُوبِ ، وَ امْتَحِنْ قَلبي فيهِ بِتَقْوى القُلُوبِ ،يامُقيلَ عَثَراتِ المُذنبين .

اتاسف لغيابي البارحة

نتمنى تكونو سهرتو مليح
ماشاء الله مع الاخ عمر زهالكم الجو

ان شاء الله نحاول جهدي نكون معاكم الليلة

[ام حمزة22]

سلتم
شكرا فيفي على الدعاء بارك الله فيك
فيفي ان شاء الله تكوني حاضرة في السهرة انا ما شكيتش راح نكون لبنات ما بانوش راح يكون المجلس فارغ وما كاش شكون يستقبل الضيوف

[ام كوكو]

امين
شكرا فيفي على الدعاء بارك الله فيك
ام حمزة واش راكي راني هنا

[صاحب الامل]

هذا المساء
تستمر سهرات ليالي رضمان عبر منتدى الاسرة والمجتمع
من خلال قسم الاعمال الفنية

كونوا في الموعد

23.30

[ام حمزة22]

سلام
نهال ام كوكو اعطاتني رايها في الجبة مزال انتي تعطيني رايك راني خليتلك رسالة ان شاء الله تدخلي وتقرايها ركي البارح واليوم ما طليتيش ان شاء الله المانع خير
صح فطوركم جميعا

[صاحب الامل]

مساء النور للجميع

وصح فطوركم

وربي يتقبل صيامنا جميعا

*******
وش بيها السهرة فارغة في قسم الاعمال الفنية
وفيما يخص الالعاب دقائق ونبدا باول لعبة

وهي

لعبة البووووقالات

[فريولة ابتسام]

ماتخافش راني هنا ايا سطوف تبعيني

[ام حمزة22]

سلام ضيوفنا الكرام صح فطوركم اعتدر على التاخير هادا بسبب انقطاع الكهرباء
مرحبة بيكم شرفتونا

[stayfiya]

هههه صح سهريتنا وينهم مالين الدار بغينا نديرو القاطوعه و ماندخلوش ايا قلنا عييييب رمضان. و صلة الرحم ههههههه ايا دخلنا
بصح هكذا تخليو ضيافكم?؟؟؟ قطره ما ماكانش ؟؟!
وينو الكرم و الجود ؟؟ و لا رانا ضياف ثقال عليكم ?

[stayfiya]

اهلا ام حمزه كيراكي ؟؟ هاني جبتلك طمينه خدمتها بيديا
http://imagizer.imageshack.com/img536/4310/80fb44.jpg

[ام حمزة22]

http://www8.0zz0.com/2014/07/21/14/615282617.jpeg

http://www7.0zz0.com/2014/07/21/14/524869616.jpeg

http://www8.0zz0.com/2014/07/21/14/755021732.jpeg
ما نخليكمش بدون ضياغة تفضلوا ان ساء الله تعجبكم

[صاحب الامل]

اذا

نبدا اول لعبة معنا

وهي البوووووووووووووقالات

كل وحدة تختار رقم من الجدول المبين
اماكم
http://xm.tl/a1000918

[ام حمزة22]

حاشة سطايفية ضيافنا على العين والراس
مرحبة مرحبة
يعطيك الصحة على الطمنة تسلم الايادي

[فريولة ابتسام]

رقم2...........

[ام حمزة22]

اختار رقم 6

[fifiarch]

انا جيييييت

اهلا بيكم لبنات وبالاخ عمر

معليش ام حمزة اتهلات وضيفتكم

سطوف اهلا بالحامل والمحمووول

انا نختار البوقالة رقم 11 تاريخ ميلادي ههههه

[صاحب الامل]

اذا البوقالة التي تحمل رقم 02

تقول


""
الشاب طالع يفطر والزينة طالعة تنشر تلاقات العين فالعين والقلب تكسر
"""

[fifiarch]

انا جيييييت

اهلا بيكم لبنات وبالاخ عمر

معليش ام حمزة اتهلات وضيفتكم

سطوف اهلا بالحامل والمحمووول

انا نختار البوقالة رقم 11 تاريخ ميلادي ههههه

[ام حمزة22]

اهلا غاليتي

[صاحب الامل]

البوقالة التي تحمل رقم 06 تقول

"""""""""""""
الشمعة يا للشمعة انتي الضواية لو كان نعرف وشبيك نمسح هذيك الدمعة من خديك و نرد وجهك مرايا يا ربي يا معبود اقبل دعايا يرجع لي زهو الزمان ويعيا الحبيب قاعد معايا

[stayfiya]

يعطيك الصحه على الضيافه ام حمزه لعزيزه و مالين داركم ويراهم ،؟؟؟ كاامل رانا نخدمو و نروحو نخدمو و نباتو نصليو و نذكرو بصح عدنا غير سويعه نتلاقاو فيها مادخلوش ؟؟ ؟؟؟

[fifiarch]

اهلين سطوف واش ماكفيناكش انا وام حمزة
هههههه

[stayfiya]

انا تدي 9 مرحبا فيفي اهلين وصح فطورك

[fifiarch]

اهلين سطوف واش ماكفيناكش انا وام حمزة
هههههه

[صاحب الامل]

البوقالة التي تحمل الرقم 11 تقول





""""""""""""""
قعدتنا زينة فيها لحباب والنساب
والبراني يقعد زاهي قدام الباب
""""

[ام حمزة22]

والله يا سطوفة كل واحد وضروفه ان شاء الله يكون المانع خير

[stayfiya]

هذوين شفت اللومبه تاعك فيفي العتب على النظر ههههه

[صاحب الامل]

البوقالة التي تحمل رقم 09 تقول




"""
وردة فالكاس يتخاطفو عليها الناس
""""

[fifiarch]

سلامة عيونك سطوف

مشكووور اخ عمر على البوقالة

يعني زهري في الضيافى ضياف عندنا الليلة

معليش اغلى ضياف عندنا الليلة

[فريولة ابتسام]

ايهييييييييييييييه ياسطوف بوقالتك الله يبارك

[ام حمزة22]

الله الله على بوقالتك سطايفية هايلة

[fifiarch]

اهلين فريولة ان شاء الله راكي لاباس

[صاحب الامل]

اذا ننهي اول لعبة معنا وهي لعبة البوقالات

http://xm.tl/a1001005

الان مع ثاني لعبة وهي

لعبة الالوان

http://xm.tl/a1000875

[stayfiya]

بووووه عليا. و على الورده هههههههه

[Maria dadi]

سلا م
لبنات صح فطوركم واش راكم ام حمزة رانا جينا ضياف سطوف راكي هنا حنونة
انا نختار 4

[فريولة ابتسام]

اهلين فريولة ان شاء الله راكي لاباس
الحمد لله راني لاباس..............صح فطوركم

[صاحب الامل]

مرحبا بيك الاخت فيفي
وصح فطوركم كامل

[صاحب الامل]

لعبة الالوان
هي عارة عن اختيار لون من الالوان المتواجدة في الصورة
وبعدها نحطلكم صورة فيها اللون المختار ويجب عليكم معرفتها

http://xm.tl/a1000875

[ام حمزة22]

اختار اللون الاخضر

[Maria dadi]

انا اختار الأسود فريولة مرحبا

[ام حمزة22]

عسلامتك مرية مرحبة بيك تفضلي تفضلي

[stayfiya]

الاحمر. اهلا بنت الكارطي ما عندكش الزهر في البوقالات من بعد نبعثلك وحيده كيما يحب الخاطر

[Maria dadi]

سطوف بوقالتي عندك اخت راني كالخفاش كي العادة راني كنت ندير في القاطو
هاذوين خلصت

[صاحب الامل]

تم اختيار اول لون وهو الاخضر
وبالتالي الصورة التي سيتم وضعها ستكون باللون الاخضر
واكيد يجب على الجميع معرفتها

علما ان فريولة فازت في اول لعة خاصة بالالوان
وهي مرشحة للفوز باحدى الجوائز


والان الصورة

[stayfiya]

فريوله غششيني لا كشما عرفتي باش نترشح هههه

[Maria dadi]

حتى انا راني نستنى فيها من عند جارتي لعزيزة ام حمزة ربي يخليك ويهنيك
أختي ويزيد فضلك

[فريولة ابتسام]

اختار الاحمر

[Maria dadi]

اخ عمر صح فطورك

[صاحب الامل]

http://xm.tl/a1001006

[Maria dadi]

سطوف مابيناش التغشاش ممنوع ههههههههه

[fifiarch]

اهلين بيك اخ عمر وباللي جبت معاك

اخت ماريا

سطوف

فريولة

ام حمزة والكل الدار داركم

هيا نكملو وي مع الالوان ونختار اللون الموف شعاري اكيد

[صاحب الامل]

اخ عمر صح فطورك


وانتي زادة اختي
وربي يتقبل منا جميعا

[ام حمزة22]

اين الصورة خرجلي مربع اخضر

[Maria dadi]

صورة علم الجزائر

[fifiarch]

هههه هاذي صعيبة مربع اخضر اخ عمر غير زيد حللنا شوي مايكفيش

[فريولة ابتسام]

ههههههه علم الجزائر

[صاحب الامل]

اهلين بيك اخ عمر وباللي جبت معاك

اخت ماريا

سطوف

فريولة

ام حمزة والكل الدار داركم

هيا نكملو وي مع الالوان ونختار اللون الموف شعاري اكيد


:1::1::1::1::1:

[stayfiya]

اخضر يا لخضر اظهر و باان ما حاني والو في الخشخاش

[Maria dadi]

اخ عمر زيد عاونا شوية

[صاحب الامل]

لالا ماشي علم الجزائر

http://xm.tl/a1001007

[ام كوكو]

صح فطوركم يا مرحبا و اهلا و سهلا بيكم في دارنا شرفتونا
http://im47.gulfup.com/7wfuQW.jpg
http://im47.gulfup.com/hw4GBa.jpg
http://im47.gulfup.com/xwbJ80.jpg
http://im47.gulfup.com/wsfMaw.jpg
http://im47.gulfup.com/3n1Asn.jpg

[ام حمزة22]

ملا كي عادت خضرة نقول الجنة

[stayfiya]

علم الجزاير ؟؟؟

[Maria dadi]

فريولة راكي تضحكي عليا هيا مالا علم فلسطين

[ام حمزة22]

اهلا ام كوكو مرحبة بيك

[stayfiya]

اهلا ام كوكو كنتي في الكوزينه ؟؟ و جبتيلنا الخير و لخميير يعطيك الصحه

[Maria dadi]

صح فطورك ام كوكو واش لبنات عرفتوه

[صاحب الامل]

ماشي علم فلسطين
وعلى سيرة فلسطين
اللهم انصر اخواننا في غزة يارب

[صاحب الامل]

هيا نزيد نسهللكم شوي

http://xm.tl/a1001010

[Maria dadi]

اخ عمر زيد ساعدنا شوية أعطينا اقتراحات

[stayfiya]

ياخوتي طبه صغير ما قدرتش نكتشف ما تكوليش كارت دو روشارج جيزي ههههه

[Maria dadi]

سطوف وين غرقولك لبابر

[نبض الفؤاد]

السلاااااااااااااااااام عليكم....الله يتقبل من الجميع....

[stayfiya]

معاك يا الخضراا ديري حاله

[fifiarch]

اااااامين اخ عمر


اهلين ام كوكو

والله ماقدرت نعرف كيما قالت سطوف بلوكيت خلاص

هههههه وقيل موبيليس يا مخلوقة

[صاحب الامل]

ماشي جيزي

http://xm.tl/a1001011

[stayfiya]

و تنضم نبضووو اهلا بالسوكر قلاصي و الميرانغ تاع القعده

[Maria dadi]

اخ عمر قولنا واش هي الصورة

[stayfiya]

اتصالات الجزائر

[صاحب الامل]

http://xm.tl/a1001012

[فريولة ابتسام]

لباس تاع الفريق الوطني

[ام حمزة22]

اهلا نبض مرحبة بيك

[stayfiya]

مريا من نيتك ؟؟؟ يقولك. ؟؟ اصبري يخلاص الوقت

[Maria dadi]

صح فطورك فوفا هذوين شفت ردود نتاعك

[fifiarch]

اهلين اختنا نبض


اواااه اخ عمر مع هاذ القطعات الصغار وانا مانشوفش مليح عام ومنخرجهاش

[ام كوكو]

لاعود سيارة

[صاحب الامل]

اخر مساعدة لنهار اليوم


http://xm.tl/a1001013

[Maria dadi]

والله ماعرفتها ام ايوش وفطوم وين رآهم لكسولات

[نبض الفؤاد]

قبعة...............
الله يسلمكم

[stayfiya]

صافي هاذ التصويره فيها غير لخضر. ؟؟؟ ماكانش لون اخر معنااها خلات علينا

[صاحب الامل]

اذا مبرووووووووووووووووك

ام كوكو


انها سيارة

http://xm.tl/a1001016

[stayfiya]

لالا نبضو هذا شعار معروف بصح ارواحي و افرزيلي مخي راه تبلوكا ما عرفتش نميز ؟؟

[Maria dadi]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[نبض الفؤاد]

سيارة...........؟؟؟

[صاحب الامل]

المرشحين للفوز عن لعبة الالوان
01 فريولة
02 ام كوكو

[fifiarch]

هههههه مبروووك ام كوكو

كيفاه برك جبدتيها

وقيل مخاوية يا مخلوقة

[stayfiya]

مكانش منها ام كوكو مبروك هاذ السياره راح تديها كون تربحي المسابقه ياخي قالولنا جوائز قيمه في انتضاركم ههههه

[نبض الفؤاد]

مبرووووك ام كوكو

[ام حمزة22]

برافو ام كوكو

[Maria dadi]

راهي جابتها ام كوكو مبروك عليك هذه سيارة روحي تحوسي بيه

[صاحب الامل]

http://xm.tl/a1001017

[ام كوكو]

الله يبارك فيكم و الله انتوما الي تركبوها الاولين

[stayfiya]

ام كوكو ماروتي هاااايله و خضراا اووووووو

[Maria dadi]

عاندو ام كوكو يا كسولات من نهار بدأت مسابقة ماربحت حتى حاجة

[صاحب الامل]

الان لعبة

الالغاز

http://xm.tl/a1000927
*********
اختر رقم من الارقام الموجودة
وحاول ان تجيب عن اللغز
الذي مدته 20 ثانية

[Maria dadi]

اهلًا وسهلا اخت نبض فؤاد

[نبض الفؤاد]

يا ماريا كلها وزهرو.......

[فريولة ابتسام]

11....................

[ام كوكو]

نعيد بيها :d

[stayfiya]

تستاهل ام كوكو. ام كوكو تعطيني كو بالطوموبيل كي نجي لعندك ؟

[ام حمزة22]

اختار رقم 5

[نبض الفؤاد]

ايا انا نختار 10

[stayfiya]

9............

[Maria dadi]

اختار رقم 4 جبتها ام كوكو

[ام كوكو]

انا نجاوب و نربح في بلاستكم

[صاحب الامل]

اذا عندنا الارقام

11
05
10
09
04

[ام كوكو]

سطايفية نعطيهالك السماح قراتوي

[Maria dadi]

ام كوكو دينا نحوسو بيها