ياَ مَطْبَخًا فَاحَتْ مِنْهُ رَوَائِحُ طَبْخَاتِي -متجدد باذن الله-

[مليحة العرب]

السلام1
الزلابية :
250غ فرينة -قرصة ملح-ملعقة صغيرة خميرة الخبز-ماء دافي
طريقة التحضير :
نخلطو المكونات الجافة مع بعض و منبعد نزيدو الماء تدريجيا حتى نتحصلو على عجينة تشبه البغرير نخلّوها ترتاح ليلة كاملة مع الخلط مرة او مرتين يعني نهبطو الخميرة
لغدوة من داك نزيدو للعجينة اللون البرتقالي و نحطوها في قرعة ما يونيز او ايّا كان
نسخنو الزيت مشي حتى ينحرق و نبدو نشكلو في العجينة تاعنا و غير نخرجو منا الحبة ديراكت في العسل . نخليكم مع الصورة
http://im89.gulfup.com/T9lgKe.jpg (http://www.gulfup.com/?3F5qQl)

شهية طيبة
:mh92:

[hloukaman]

barak el lahe fik hayla

[mari mimia asma]

رائعة ولكن كم كمية الماء

[مليحة العرب]

رائعة ولكن كم كمية الماء
ما قستش كمية الماء على حساب خبرتي المتواضعة ممكن يكونو 125 حتى ل 150 ملل شفتي عجينة البوراك هاكا

[ام امجد و انفال]

44444444444444444

[مليحة العرب]

السلام1

الرفيسة المغربية :
http://im79.gulfup.com/UKWkva.jpg (http://www.gulfup.com/?sm4UxF)

العجينة :
عجينة المسمن اللي هي عبارة عن كمية من السميد و ملح و ماء
نعجنوها مليح و نخلوها ترتاح من بعد نقرصوها و نخلوهم حتى هما يرتاحو وحد الشوية شي 5 10 دقايق من بعد نشكلوهم على شكل حرابيش و نحلوهم في الماكينة تع القريوش ندهنوهم بالزبدة و نفوتوهم في القطعة الخاصة بالرشتة الرقيقة نلوها على نفسها كيما الحلزون نخلوها ترتاح و ندهنوها بالزبدة و الزيت بيلاما نزيدو نديرو زوج وحداخرين نعاودو نولو للاولى نحلوها بيدينا و نطيبوها و هكذا حتى نكملو باقي العجينة .نحتفظو بيها في قطعة قماش حتى حين التقديم .
المرق :
قطع دجاج او دجاجة على حسب افراد العايلة
بصل مفروم حبة او اثنين للي يحب يكتر
معدنوس و قصبر
شوية زيت و سمن
التوابل:سنجبير-كركم-شوية قرفة قرصة لا اكتر ما راناش باغيين طعمها يبان -ملح -فلفل اسود-مربع مرق دجاج و الماء قيس ما تغطي قطع الدجاج نغلقو الكوكوط و نخلوها وحد النص ساعة
كي تطيب المرقة نفتتو الدجاج
طريقة التقديم:
نفورو قطع العجين اللي كنا طيبناهم وحد الشوية قد ما يتفككو الشعيرات و نحطوها في طبق التقديم كي نكملو كامل الكمية اللي نحتاجوها نغرفو الدجاج مع المرق اللي غادي يكون شوية خاثر
نزوقو بقطع البيض او اللوز محمص اللي وجدلنا .
بصحتكم.

[مليحة العرب]

السلام1

FOUGASSE
نحتاج الى :
300 ملل ماء دافي -500غ فرينة-50 ملل زيت زيتون-10غ ملح ما يعادل 2 م/ص -نصف م/ص خميرة الخبز

طريقة التحضير:
نحطو كل المكونات مع بعض نعجنوهم مليح حتى نتحصلو على هذا القوام
http://im64.gulfup.com/AU6HLr.jpg (http://www.gulfup.com/?CPhUUl)
نخلوها تخمر حتى توليلنا هاكا
http://im64.gulfup.com/5nLyhH.jpg (http://www.gulfup.com/?8xhkmd)
نهبطو العجينة تاعنا من الخميرة و نخلوها تخمر مرة وحداخرى وحد 40 د حتى توليلنا هاكا
http://im64.gulfup.com/fK6btq.jpg (http://www.gulfup.com/?XSvWWu)
نرفدوها من جاط الخلاط غير بالعقل نطويوها وحد المرتين و نحطوها ف وعاء عميق كنا من قبل حاطين فيه شوية زيت
http://im64.gulfup.com/fK6btq.jpg (http://www.gulfup.com/?XSvWWu)
نخلوها تخمر 40 د ثانية على بالي راها تدي الوقت بالصح خفيفة و ما تنبشعش صدقوني
http://im64.gulfup.com/mlCbCC.jpg (http://www.gulfup.com/?7pcHiO)
هنا بعد ما خمرت ,نوجدو صينية مدهونة بالزبدة انا ما كانش عندي وحدة كبيرة لذلك كبرو احسن شوية من هادي و نحلوها
http://im64.gulfup.com/mFF4MC.jpg (http://www.gulfup.com/?9ePaZa)
من بعد ما نحلوها نطلوها بزيت الزيتون و نرشقو الزيتون الاخضر او الاسود و رشة زعتر او اعشاب عطرية
http://im64.gulfup.com/LkFiKq.jpg (http://www.gulfup.com/?djTqf7)
ندخلوها للفرن على درجة حرارة عالية في الرف الوسطاني و نراقبو انا خدات مني نص ساعة لانو الصينية تقيلة شوية ممكن تدي منا اقل او اكتر حسب الفرن و الصينية
http://im64.gulfup.com/5NUkM6.jpg (http://www.gulfup.com/?vYpJTd)
هنا بعد ما طابت ..يميييييي
http://im64.gulfup.com/mP2TWA.jpg (http://www.gulfup.com/?cVwGOx)
و هنا بروفايليا هههههههه


شهية طيبة

[مليحة العرب]

البسملة1


كرات القرفة بالشوكولا
العجينة :
اي عجينة فطايرمعتمدة لديك عجينة العشر دقائق مثلا
الحشو:
قطع شوكولا
وللتغليف:
سكر و قرفة و شوية كاكاو

الفاصلة4

http://im77.gulfup.com/QpCHhg.jpg (http://www.gulfup.com/?txiK54)
نعجنو العجينة تاعنا مليح و نخلوها تخمر مدة ساعة

http://im77.gulfup.com/zFTrty.jpg (http://www.gulfup.com/?icXlo7)
هنا بعد ما خمرت نزلوها شوية ما نعجنوهاش نقطعوها كريات متوسطة بأي حجم حبيتي

http://im77.gulfup.com/btHz12.jpg (http://www.gulfup.com/?j6VV34)
الطريقة كالاتي :بعد ما نكملو العجينة من التقراص نبدو نحشو الكريات بالشوكولا و ندحرجوها في خليط التغليف و نرصوها ف قالب مدهون زبدة و فرينة لانو فيها سكر مع الخبز غادي يولّي كراميل بعد ما نكملو الكمية تاعنا مباشرة للفرن على درجة 180 أنا تحمرتلي من الفوق و من التحت و لكن حطيتها تحت الشواية شوية

http://im77.gulfup.com/BF1eYC.jpg (http://www.gulfup.com/?fdmKnv)
هادا شكلها بعدما تخرج من الفرن تبغو تخلوها هاكا تبغو تزينوها كيما درت انا

http://im77.gulfup.com/6iN1ab.jpg (http://www.gulfup.com/?Xdhimz)
ألف عافية

[hayette82]

44444444444444444444444444444444444444444444444444 444444444

[hano.jimi]

http://im83.gulfup.com/c2oUoz.jpg

[kati83]

رائع444444444444444

[انتصار فاطنة]

44444444444444444

[~ 하난]

السلام عليكم

ماشاء الله رائعة

في انتظار المزيد

سلمت يمناك

[hayat-48]

yaatik essaha