موضوع مميز طبخ الأعراس [الأرشيف] - الصفحة 2 - منتديات الجلفة لكل الجزائريين و العرب

oum imane83

2015-10-04, 15:11

بارك الله فيك ................... افادتينا بززززززززاف يا شاف ... انا الشربة موالفة نديرها افي الاخر بعدما نزيد الماء في القدرة ويكون كل شيء فيها طاب ونحي بعدها الكووجات والزرودية وحبة بطاطا صغيرة ونرحيهم ونخلي الشبة هاديك لبضع دقايق .............

روح مراد

2015-10-05, 09:49

إنشاء الله الإفادة تكون عامة و ماذابيا كل وحدة تدخل تحط فكرة أو طريقة جديدة باش نتعلمو
شكرا على مرورك أم مان ربي يخليك

miroumirou

2015-10-07, 15:37

اهلا اخواتي وتحية خاصة للاخت روح مراد
حبيت نسالكم عن طريقة طياب القهوة في المناسبات الكبيرة ماشي شرط عرس حتى ختان او نجاح او عقيقة
مستحيل نعتامد على البراس في كل دقيقة ولكن كاين الي يرمي القهوة على الماء سخون يعني يلقم القهوة
هنا ياريت تعطيونا المقادير تاع البن وتاع الماء
وسمعت انو يشريو جورب نسائي جديد يعني (ابا ) ويحطو فيه البن ومن بعد غير يخرجو الجورب وما يحتاجوش يصفيو القهوة خلاص
ممكن الي عندها فكرة تفيدنا

أنا ما نعرفش كيفاه بصح الأسبوع لي فات كان عرس أختي وكي وصل وقت القهوة أنا تقلقت على الطباخة قلتلها راح الحال والقهوة ماهيش واجدة قاتلي ما تخمميش دورك نطيبها فالكوكوط وفعلا ماكانش 10 دقايق جابتلنا القهوةطايبة عمرت لي ترموس كامل !!!!!

روح مراد

2015-10-10, 08:47

أختي ميرو ما قدرتش نخمم كيفاش و لكن ربما حطت الماء يغلى في الكوكوط بعدها قمت القهوة كيما يطيبوها في القدرة

sarah sirrata

2015-10-10, 21:13

يعطيك الف صحة وعافية

ام ندى 87

2015-10-11, 08:17

الف شكر ليك احت روح مراد على متابعتك لاسئلة العضوات
الموضوع جد مفيد نتمنى يشاركو باقي العضوات المتخصصات في طبخ الاعراس لاثراء الموضوع

روح مراد

2015-10-11, 09:21

شرف كبير ليا أم ندى
إنشاء الله يشاركونا المتخصصات و الخبيرات باش يزيدو يقدمولنا نصائح و أفكار و المبتدءات ثاني يشاركونا بافكارهم كيما يقول المثل يوجد في النهر ما لا يوجد في البحر لكل وحدة مهما كانت أفكار تستعين بها في مطبخها و وسائل عملية تربح بيها الوقت و تسهل بيها عملها في المطبخ
نقول و نعاود الموضوع مستمر بوجودكن جميعا

عائشة نور الايمان

2015-10-11, 10:31

يعطيك الصجة اختي

روح مراد

2015-10-11, 11:07

الله يسلمك اختي عائشة

ام رضوان

2015-10-12, 15:22

السلام عليكم
اخواتي مرة رحت لعرس ولقيت واحد السيدة تطيب في القهوة في الكوكوطة جات هايلةسالتها كيفاش. دارت قاتلي. خذى لبراس تاعك وعمري الطاس الاسفل بالماء وصبيه في الكوكوطة وعمري السيار تاعها بالقهوة المرحية.
اعملي مقدار العرس كامل
مثلا عمرت 7 طياس ماء +عليهم 7عبار قهوة وحطتها فوق النار هادئة ولما تسمعي الصفارة بدات تخرج في الصوت نطفي عليها وننزع الصفارة ونصب في الترموز.
اتمنى نكون افدتكم.
وشكرا على كل ما تقدمونه.

Malekinfo

2015-10-12, 19:01

khti momkin wassfat tajin kafta
wmerci 3la les recettes

روح مراد

2015-10-13, 08:58

أم رضوان شكرا لك عزيزتي و الله غير نجربها كاش مرة و نشوف
هاذ الفكرة نتاع الكوكوط و نزيدو عليها فكرة ليبا تخرج قهوة طايبة و مصفية من عند ربي
أنا نعطيلكم مثال نحطو العبر نتاع الماء و العبر نتاع القهوة نحطوه داخل ليبا جديدة و نغلقو عليه و نرموه داخل الماء و نخليها الطيب
أختي ملك طاجين الكفتة ما فهمتش واش هو قاصدة مثوم؟ أو كاين عندكم طبق آخر

noodee

2015-10-13, 15:41

رااااااااااااااااااااااااااائع

miroumirou

2015-10-13, 16:11

أختي ميرو ما قدرتش نخمم كيفاش و لكن ربما حطت الماء يغلى في الكوكوط بعدها قمت القهوة كيما يطيبوها في القدرة

لا أنا من هدرتها فهمت بلي تدير كلش مع بعض و تغلق الكوكوط وتدير الصفارة عادي كيما نطيبو الأكل هكاتسرع العملية لخاطر الطريقة القديمة تطول بزاف يمكن نفس الطريقة لي مدتها أم رضوان ربي يحفظها

روح مراد

2015-10-14, 08:47

صباح الخير و الفل أخواتي ربي يحفظكم و ينور دربكم

آنثى آلمطر

2015-10-14, 16:10

سلام عليكم وشراكم لبنات صفا

مرسي عل موضوع حبيبتي روح مراد عجبني بزاف

ممكن تعطوني كيفاش نخدم لتاي

ونكثر

تعيشو منعرفش نخدمو

nélia anita

2015-10-16, 02:46

السلام عليكم
الأخت لي كانت تسأل على السلاطة حنا نغسلوها ونقوها مليح ونحضرو الدراوات نقيين نحطوهم في السلات لكي نضع فيها السلاطة الى وقت التقديم تبقى شيدى روحها او باه ماتكحالش الأخت لازم نقطعوها باليد أو منستعملش السكين
بعد منغسلوه ونقطعوها نكونوا حاطينها في كسكاس ولما نكملوا من التقطاع نحطوها في السلك او الكسكاس لي فيه الدرى ونغطوها
وبهذه الطريقة تشد من الصبح حت الليل وقت العشاء ونزينوها في الصحون أومنحطولهاش la vinaigrette نحطوها على الطاولة كل واحد يدير كيما يحب
حنا نستعملوا في التزيين الزيتون كيما تحبي أسود أو أخضر .الطن الماييس الجزر مرابي البيتراف مرابي الطماطم الخيار البيض مغلي ومقطع لشرائح ومرات نزيدو les cornichon
أما فيما يخص المايوناز نضع فى الوسط أو نزين بخيوط رفيعة لأنو كاين لي ما يحبوش المايوناز ونضع في صحون صغيرة لي يحبها يزيد يدير في صحنوا
la vinaigrette في كل طاولة نحطوا قرورة
انشاء الله نكون فدتكم ولو بالقليل لأنو ما شاء الله أنا ديت من عندكم الكثير باراك الله فيكم

lina18258

2015-10-16, 14:14

الله يعطيكم الصحة ممكن لي موالفة منكم تطيب الحلو في الاعراس تعطينا الطريقة والمقادير لو سمحتم

روح مراد

2015-10-17, 08:35

صباحكم سعيد شكرا لكل الأخوات العزيزات
طاجين الحلو نتبع نفس الطريقة اللي نخدمو بيها كمية صغيرة و نضاعفو الكميات
المهم الفكرة في الأعراس نطيبو كل شيء وحده و بما ان طاجين الحلو ما يفسدش نطيبوه نهار قبل العرس و نحطوه في الثلاجة و العينة الطيب وحدها و التفاح وحده و الزبيب وحده رايحين تقولو علاش نكثرو هاكا في الكسارن
أولا باش المرقة ما تكحالش
و ثانية باش التقديم يجي ساهل
ثالثا التفاح ما يفسدش شكله

lina18258

2015-10-17, 18:02

يعطيك الصحة على الرد وعلى الافاددة

روح مراد

2015-10-18, 08:55

الأخت اللي سقسات على الشاي أنا نطيب عادي كيما موالفة كمية صغيرة و نضاعف إذا لازم كمية كبيرة
و لكن ما علاباليش إذا مليح أم لا طيبتو مرة وحدة في عرس
كاين اللي يدير حبات قرنفل في الشاي و كاين اللي يزيد شوية قرفة و كاين اللي يضيف نجمة الأرض كل واحد و طريقته ناس شرسال عندهم وحد الأعشاب يزيدوهم يمدو وق رائع شوية حار للشاي

أمنية غفران

2015-10-26, 23:10

مرحبا أختي روح مراد ان شاء الله تكوني بخير

شوفي هاد الموضوع و أي سؤال تفضلي

http://store2.up-00.com/2015-10/1445896222711.jpg

http://www.djelfa.info/vb/showthread.php?t=1881051

تحياتي

روح مراد

2015-10-29, 13:17

شكرا ليك أمنية ربي يعيشك و يطول في عمرك فرحت بزاف كي شاركتك عرس أختك ربي يهنيها

أمنية غفران

2015-10-29, 14:00

أختي حبيت نقول لك على عفسة بالاك تفيدك مستقبلا و الأخوات

العفسة الاولى

عن كيل الكسكس نتاع المناسبات شوفي كيفاه نديرو شفتي طبسي او زلافة الي فيه الكسكس في موضوع العشاء هو قيس 5 عباد و ادا كان عندك ضيوف حوالي 250 شخص يعني لازملك 50 زلافة اوكي
و باش يكون عندك حساب و ما تفسدوش الكسكس و لا تنقصو شوفي كيفاه عمتي كانت تكيل

عادة الكسكس يكون مفتول من مدة يعني جاف ياك امالا الحساب هو حكمي بول نتاع الشربة الي معروف عندنا نتاع الحريرة و عمريها بالكسكس اليابس هادي تخرجلك زلافة كسكس من بعد ما يفور
ويكون جاهز للأكل

امالا تحتاجي 50 بول من الكسكس اليابس و طيحي قد قد

نتمنى تكوني فهتنيي

اي سؤال تفضلي أختي

العفسة التانية

شفتي هاد الصورة الي فيها طراشن
http://store1.up-00.com/2015-10/1445889460625.jpg

هادوك طرشونات مشمخين بالماء علاجال الضيوف كي ياكلو اللحم اكيد بيديهم امالا من بعد يمسحو برك بهاد طرشونات المشمخيين و ما يبقاش بقايا اللحم في يديهم هي صراحة ناس بكري كانو يديرو ليقامة نتاع الغسيل مكونة من صابون حجرة و لا سائل و فوطة يكلفو شخص معين الضيوف غي يخلصو و يكملو الأكل يجوز عليهم هاد الشخص يغسلو يديهم بالصابون و ينشفو بالفوطة بصح تقدري تقولي هاد العفسة اندثرت و عوضناها بهاد الفكرة نتاع الطراشن المبللة

نطرح عليك سؤال ليك و للأخوات في هاديك الصورة تقدري تعرفي شحال كانو عندنا ضيوف في العشاء الي تجاوب نهديها بوقالة ههههههههه
أيا راني نتسنى

تحياتي

روح مراد

2015-11-02, 09:04

أمنية كان عندكم 85 عبد
شكرا على الإفادة أمنية أفكاركم رائعة و لكن بما العادات مختلفة ما نقدروش نطبقوهم عندنا
أنتوما 5 عبد ياكلو مع بعض و تحطو قطعة لحم كبيرة في الوسط و يتقاسموها
عندنا العكس
نحطو طاولات و نحطو طباسة كبار كسكس و المرقة في سوبيير و كل واحد يعمر في طبسي خاص بيه قيس ما ياكل و اللحم لكل شخص قطعة خاصة بيه تتحط قدامو في طبسي صغير و المناديل نستعملو الورقية على خاطر ما يتوسخزوش يديهم بزاف اللحم يكون ناشف
و الماكلة ماشي كامل على دفعة وحدة اللي يجي ياكل

أمنية غفران

2015-11-02, 10:44

أمنية كان عندكم 85 عبد
شكرا على الإفادة أمنية أفكاركم رائعة و لكن بما العادات مختلفة ما نقدروش نطبقوهم عندنا
أنتوما 5 عبد ياكلو مع بعض و تحطو قطعة لحم كبيرة في الوسط و يتقاسموها
عندنا العكس
نحطو طاولات و نحطو طباسة كبار كسكس و المرقة في سوبيير و كل واحد يعمر في طبسي خاص بيه قيس ما ياكل و اللحم لكل شخص قطعة خاصة بيه تتحط قدامو في طبسي صغير و المناديل نستعملو الورقية على خاطر ما يتوسخزوش يديهم بزاف اللحم يكون ناشف
و الماكلة ماشي كامل على دفعة وحدة اللي يجي ياكل

مرحبا أختي الكريمة
كي مديت لك الكيل نتاع الكسكس صالحة في جميع الحالات ماشي شرط ياكلو في طبسي واحد يعني كل طابلة فيها 5 عباد يعني باش يكون عندك حساب قدقد المهم راني جربتها في عرس من أهل زوجي هنايا في alger وخرجت لينا حساب مليح و درنا كيما قلتي يعني كل ضيف يسقي لنفسه في صحنه......... نتمنى تكوني فهمتيني

ملاحظة : بما أنه منطقتنا معروفة بالمال إلي هي الغنم ...حنايا في عشا المشيخة مايديروش قطعة وحدة نتاع لحم و يتقاسموها الضيوف ... لالا كل ضيف و القطعة دياله و نحطوها فوق الكسكس كديكور.... واللحم الأغلب إلي ديروه يكون لحم بقر علابيها يجي ناشف عكس لحم الخروف يكون فيه شحم

تحياتي

روح مراد

2015-11-02, 10:51

شكرا أمنية
الكيل راني معاك صالح و احنا ثاني نكيلو و لكن فقط في المناسبات الصغيرة أما في المناسبات الكبيرة نكيلو بالكلغ
الجواب صحيح أم لا

أمنية غفران

2015-11-02, 10:57

شكرا أمنية
الكيل راني معاك صالح و احنا ثاني نكيلو و لكن فقط في المناسبات الصغيرة أما في المناسبات الكبيرة نكيلو بالكلغ
الجواب صحيح أم لا

مام تصلح حتى في المناسبات الكبيرة عن تجربة
.....................................

إيه يا لالة الجواب صحيح ... إنوي و عقدي باسم الله بديت و على النبي صليت

...إن شاء الله أيامنا ديما زينة و الفرحة ساكنة فينا و الخير يعم علينا و ماينقص حد منا و فينا و ربي و والدينا راضيين علينا....

روح مراد

2015-11-02, 12:21

الله الله عليك ربي يحفظك و يهني أختك و يرزقها الذرية الصالحة

أم أنفال 80

2015-11-05, 10:09

أفدتينا أختي الله يجعلها في ميزان حسناتك
شكرا

روح مراد

2015-11-05, 12:20

الله يسلمك أم انفال ربي يعيشك

روح مراد

2015-11-22, 12:25

وين هربتو البنات

روح مراد

2015-12-03, 15:07

راني نشوف الموضع خلاص رقد ولا وحدة مهتمة بيه

cicilya

2015-12-11, 20:01

بارك الله فيك

روح مراد

2015-12-12, 09:02

و فيك بركة سيليا نحن في الخدمة

ام مريم الجزائرية

2015-12-13, 13:06

السلام عليكم ورحمة الله
موضوع رائع اختي روح مراد بارك الله فيك
حبيتك تعاونني عندي عرضة ل25واحد رجال غدوة ان شاءالله بغيت ندير شربة وطعام وسلاطة قوليلي شعال نسحق من خضرة وجاج فيهم في زوج
ربي يرزقك الذرية الصالحة

روح مراد

2015-12-13, 13:27

شوفي اختي ربي معاك و إنشاء الله تفوتلك العرضة هايلة
25 شخص ماشي بزاف تقدري بالخف تكمليها
للشربة انا نفضل اللحم و إذا ما تقدريش ماعليش نعطيك طريقة اقتصادية تعاوني بيها روحك
الجاجة تقريبا تخرجلك 7 أطراف ملاح بدون جناح و إذا رايحة دخلي الجناح في الحساب يعني 9 إلى 10 مورسوات
يعني غذا راكي قادرة تشري 4 جاجات احسن و إلا ماعليش 3 تنقيهم و تقطعيهم و حطي المورصوات الملاح الرجلين و الصدر ديري قيس 25 و إذا بقالك زيدي حتى 30 ممكن يكون عندك الزايد
و كي يبقالك الرقبة الجناح و الظهر ديري بيهم الشربة و غذا عندك زيدي شوية لحم مرحي ديريهم كويرات ضيفيهم للشربة في الأخير باش يمد نكهة اللحم للشربة و جي بنينة
الخضرة حسب واش رايحة الديري غذا مثلا قرعة و لفت أو لفت وحده أو قرعة وحدها أو قرعة و جزر هاذو على حسب واش تحطي المهم المجموع ما يتعداش 3 كلغ من كل شيء
غذا الديري قرعة وحدها تقدري الديري 2كلعذغ إلى 2 كلغ و نصف
غذا قرعة و لفت ديري 1 كلغ و رطل قرعة و كلغ لفت غذا مثلا قرعة و جزر نفس الشيء كلغ جزر و كلع و رطل قرعة عينك ميزانك
كاين اللي حيب جي فيه الخضرة بزاف ديري كمية كبيرة
الفريك 3 كيسان كبار معمرين يكونو كافيين غذا شفتي بلي قليل ديري 3 و نصف
إنشاء الله نكون قدرت نعاونك و صدقة مقبولة بغذن الله تعالى

ام مريم الجزائرية

2015-12-13, 14:45

ربي يجازيك اختي راكي افدتيني
بارك الله فيك
احنا فالشربة نديرو المرمز ماشي الفريك قوليلي شعال ندير الخضرة والماء
واسمحيلي على الازعاج علابالي فحلة

روح مراد

2015-12-14, 09:03

واقيل راني روطار بالنسبة للماء ما نقدرش نقولك بالتدقيق شحال و لكن عينك ميزانك شوفي القدرة اللي تقدر توكل 25 عبد كيلي و شوفي و الخضرة ديري كيما موالفة ضاعفي برك الكمية شوفي في اليام العادية شحال موالفة الديري و ضاعفي في الكميات

ام مريم الجزائرية

2015-12-14, 11:34

بارك الله فيك وربي يفرحك بالذرية راني كملت تقريبا ان شاء الله تفوت بخير
تعرفي هذي اول مرة نطيب وحدي كمية كبيرة موالفة اختي طيبلي وهذا الموضوع صراحة دارلي القلب باه نخدم وحدي
بارك الله فيك مرة اخرى

روح مراد

2015-12-14, 12:29

بما أنك كملتي يعني راكي قادرة على روحك الله يبارك
و غنشاء الله تفوت العرضة نتاعك هايلة و تفرحي و تكون كبداية ليك و تعودي ما تخافيش

imanebedd

2016-01-13, 13:52

موضوع حقا قيم بارك الله فيك و حفضك ...... اتمني ان تفيديني بكيفية عمل طاجين حلو مع تحديد الكمية بالتقريب ..... تذكريني بدعااك حتي اتوفق في طبخي فالمسوولية كبيرة جدا.... لك جزيل الشكر و التقدير[/color]

روح مراد

2016-01-16, 12:55

اختي ربي يوفقك كي تبداي قولي باسم الله و رايحة تتسهل من عند ربي العالمين
فيما يخص الحلو ما عنديش الكميات المحدودة و لكن كنت قدم طريقة الطهي كل شيء طيبيه وحدو باه الشكل يجيك شباب و نقي و يسهل عليك التقديم

طليانية

2016-01-17, 09:03

بارك الله فيكم

d.mina

2016-01-17, 14:01

Merci bien

القبايلية

2016-01-20, 08:50

الموضع مهجور

فايزة

2016-07-16, 22:28

شكرا على الموضوع اريد تعلم الطبخ في الملمات

القبايلية

2016-07-17, 12:00

لا شكر على واجب باش تتعلمي الطبخ لازم أولا تبداي تبداي تدخلي للكوزينة مع اي وحدة و تعاوني و تتعلمي و تكتسبي الخبرة
راهي شيء جد ممتع كي طيبي و تنجحي في طيابك و راهو شيء ساهل ثاني شوية فقط شجاعة

اولادي حياتي

2016-07-20, 11:54

موضوع رائع بارك الله فيك اختي .😘

ام نور الهدى 2014

2016-07-20, 14:23

السﻻم عليكم
اختي روح مراد ممكن المساعدة عندي عرس اختي و راح نديرو رشتة بالدجاج مرقة بيضا و العدد حوابي 300
ممكن تقوليلي شحال نديرو و تان شحال يلزم قرعة
و راح نحرج الدجاج في ليلة العرس باش الصباح نطيبوه.نورمالمو ماعليهش؟؟؟

tatasabrina

2016-07-22, 21:47

بارك الله فيك

القبايلية

2016-07-23, 13:48

اختي أولا مبروك على اختك ربي يهنيها و يسعدها نحاول نمدلك بعض الأفكار الل تقدر تساعدك
الجاج تقدري توجديه في الليل بالصح تحطيها في الثلاجة باردة مليح عود يفسد
ثانيا نمدلك الطريقة اللي تحسبي بيها
تشري جاجة تقطعيها و تشوفي اشحال من قطعة تخرجلك هي تخرج 8 قطع و تحسبي العدد الإجمالي نتاع الجاج اللي يكفي 300 شخص
تشري 1 كلغ رشتة تشوفيها اشحال من طبسي تسقيلك و طيبي عادي 1 كلغ رشتة مع دجاجة و شوفي اشحال يرفدلك حميصة و قرعة أو لفت و طلعي الحساب من بعدعلى حسب المرقة اللي رايحة طيبيها و بهذه الطريقة رايحة تعرفي الكمية نتاع البصل ثاني و الماء
الخطوة نتاع التجربة مهمة خاصة للمبتدئات باش يعرفو الكميات اللازمة

amalelrouh

2016-07-23, 17:35

شكرااااااااااااااااااااااا

القبايلية

2016-07-25, 09:15

بلا مزية اختي ربي يهنيكم

القبايلية

2016-07-25, 09:16

نذكر الأخوات أني أنا صاحبة الموضوع برك كان عندي مشكلة في عضويتي السابقة راني غيرتها فقط

ضرغام الجزائر

2016-07-27, 13:45

شكرا جزيلا لك

hadjo fifi

2016-07-28, 15:33

شكرا اختي على الافكار الجيدة في طبخ الولائم

annasarra

2016-08-15, 11:28

جزاك الله كل خير

ام صفصف

2016-08-16, 16:49

شكرا موضوع رائع

ليلى العربية

2016-08-21, 14:49

السلام عليكم ورحمة الله وبركاته .
أخواتي الفضليات انا عضوة جديدة وليس لدي الحق في طرح مواضيع جديدة لذلك لجأت اليكن طالبة المساعدة
عندي عرس أحد الأقارب وحضرت شباح الصفرة 400 حبة واستعملت فيها 5كيلو لوز
سؤالي هو :هل تكفي الشباح مع العلم أن عدد المدعوين تقريبا 500 شخص وان الموني المقترح هو حميص وسلطة ماسيدوان وجاري فريك وكسكس ابيض محور و شباح السفرة وتعيشو قولولي كم يكفيني من الدجاج ومن اللحم بنوعيه الغنمي والبقري جزاكم الله كل خير

islam0524

2016-09-03, 13:22

شكراااااااااااااا

sali kanouza

2016-12-14, 15:07

شكرا موضوع رائع بارك الله فيك

edelweiss_dz

2016-12-15, 14:02

وبارك الله فيك

kheira djanet

2016-12-18, 11:47

شكرا لك اختي على مجهودك

القبايلية

2016-12-28, 08:53

ربي يحفظكم و ينور دربكم

غزالة الصّحراء

2017-01-05, 20:29

ربي يحفظكم و ينور دربكم

أهلا ومرحبا بروح مراد. ماشاء اللّه عليك. راكي كالوردة الورديّة نورتي الصّفحة سواء باسمك القديم أو الجديد.. المهم ( أنت روح مراد ) وشكرا على كلّ ماتقدمينه للغير من مساعدات. لك سلامي الحّار في انتظار جديدك الّذي عودتينا عليه . :19::19::19:

القبايلية

2017-01-18, 12:06

شكرا غزالتي عاش من شافك نتمنى تكوني بألف خير و كل العايلة تاني ربي يحفظك

القبايلية

2017-02-02, 08:35

غزالتي ماعنديش العدد الكافي نتاع النقط باش نراسلك
تحياتي الحارة لك

سحابة باردة

2017-02-04, 19:34

شكرااااا لككككككككككك

القبايلية

2017-02-05, 09:01

ربي يعيشك سحابة

edelweiss_dz

2017-02-06, 10:29

بارك الله فيك

القبايلية

2017-02-06, 13:40

ربي يعيشك أختي نورتي الموضوع

#قطوفها دانية#

2017-02-08, 10:37

بارك الله فيكم

القبايلية

2017-02-08, 12:22

و فيك بركة ميرا نورتي الموضوع

sousou 16

2017-02-26, 14:03

بارك الله فيك على النصائح

lilia88

2017-03-10, 22:04

يعطيك الصحة شكرا

سلوى سلوى

2017-03-11, 11:01

44444444444444444 بارك الله فيك

القبايلية

2017-03-13, 14:46

فيكم بركة أخواتي العزيزات الموضوع مستمر بوجودكن و آرائكن و أسئلتكن

wala

2017-05-24, 22:03

ربي يحفظك موضوع يستهل دعاو الخير كما الشتاء الله ينورك

أم فاطمه

2017-05-31, 14:35

السلام عليكم فكرتني بللايام لي كنا ندرو الكسكس في اعراسنا ولنا اليوم احنا في الغرب الوطن راه المحمربلبرقوق او الزيتون و افراحنا رجعت مكلفة صح فطوركم

حاملة الشهادة

2017-07-22, 14:32

شكررررررررررررررررررررررررررررررررررررررررررررررا

missahani

2021-09-20, 11:02

عجبني الموضوع مشكورة