تسجيل الدخول

مشاهدة النسخة كاملة : شكون تعرف السفنج لي يديروه للنافس

oum rahma19
2014-02-20, 14:13
السلام عليكن لبنات
محتاجة تعاونوني ربي يستركم و يرزقكم من حيث لا تحتسبون
شكون لي تعرف وصفة تاع وحد السفنج يديروه وقيلة في الشرق سطيف يجي خفيف و باسكر قلاصي و يديروه للنافس
لي تعرفوا ما تبخلنيش ربي ينورها انشاء الله
:sdf::sdf:
oum rahma19
2014-02-20, 16:20
وينكم يا لحراير
الله يستركم كاش فكرة٠ !!!!!!!!!!!!؟
أم محمد تاج
2014-02-20, 17:27
نشالله نساعدك حنونتي
حنا نديروه للنافس نديرو بيضة نخبطوها مع رشة ملح ومغرف كبيرة سكر وونص كاس حليب ونضيفو الدقيق لخشين وبكي خميرة ونص مغرف خميرة الكسرة كبيرة وتجي شايحة شوي على البسبوسة ونسخنو الزيت ونهزو بالمغرف لكبيرة ونحطوه يتقلى ونهزو الزيت بالمغرف ونطيشوه على الحبة حتان تتنفخ ونحمروه كي يتحمر نحيوه ونمرغوه غي السكر قلاصي ولا السكر خشين
dalila setif
2014-02-20, 19:31
احنا في سطيف نديروه للنافس 2 بيضات 2مغارف زيت 2مغارف سكر احرش رشة ملح فنجان حليب خلطي بالفوي بعدها ضف باكي خميرة القاطو مع الدقيق عينك ميزانك ميجيش جاري بزاف و ما يجيش ناشف حطي المقلة فيها الزيت تسخن سخني المغرفة في الزيت و هزي السفنج تاعك و طيبي نشفيهم مليح من الزيت وذري السكرقلاصي من فوق او العسل و مدي للنافس توكل
انوسه
2014-02-20, 21:42
السلام عليكم ان يا اختي شفت بلي يديرو سفنج البيض و لا لمشوشة و هما يتحضرو بنفس الطريقة تقريبا و طريقتي في لمشوشة هي
4 بيضات +1م ك زيت +1 م ك حليب +1 م ك سكر +شوية ملح +4 م ك فرينة معمرين +1/2 كيس خميرة م = ملعقة
تفصلي الصفار عن البياض اتديري شوي ملح في البياض و اتطلعيه مليح لازم كي تقلبي الي تخلطي فيها ميتحركش و بعدها تحكمي الصفار تخلطيه و تزيديلو السكر و الزيت و لحليب و زيديلو لخميرة و الفرينة و بعدها ضيفيلو البياض بالشوي و تكوني سخنتي المقلة و درتي فيها شوي زيت و طيبيها على نار هادئة و لازم اتكون مغطية من الأفضل ايكون مغط زجاج باه تقدري اتبعي طيابها و كي اتشوفيها نشفت من فوق و بدات تحمار من تحت قلبيها و رجعيها تحمار من فوق و نفس الطريقة تقريبا في السفنج بصح هذاك ايكون الزيت بزاف اتسمى تاع قليان و اتفرغي بالمغرفة في المقلة و اتطيبيه و كي يطيبو اتحبي اتعسليهم و لا اتديريلهم السكر
oum rahma19
2014-02-22, 22:37
نشالله نساعدك حنونتي
حنا نديروه للنافس نديرو بيضة نخبطوها مع رشة ملح ومغرف كبيرة سكر وونص كاس حليب ونضيفو الدقيق لخشين وبكي خميرة ونص مغرف خميرة الكسرة كبيرة وتجي شايحة شوي على البسبوسة ونسخنو الزيت ونهزو بالمغرف لكبيرة ونحطوه يتقلى ونهزو الزيت بالمغرف ونطيشوه على الحبة حتان تتنفخ ونحمروه كي يتحمر نحيوه ونمرغوه غي السكر قلاصي ولا السكر خشين

بارك الله فيكي اختي راني نجربها انشاء الله
oum rahma19
2014-02-22, 22:38
احنا في سطيف نديروه للنافس 2 بيضات 2مغارف زيت 2مغارف سكر احرش رشة ملح فنجان حليب خلطي بالفوي بعدها ضف باكي خميرة القاطو مع الدقيق عينك ميزانك ميجيش جاري بزاف و ما يجيش ناشف حطي المقلة فيها الزيت تسخن سخني المغرفة في الزيت و هزي السفنج تاعك و طيبي نشفيهم مليح من الزيت وذري السكرقلاصي من فوق او العسل و مدي للنافس توكل

الله يسترك يا لعزيزة ' شكرا على الوصفة نجربها انشاء الله
oum rahma19
2014-02-22, 22:41
السلام عليكم ان يا اختي شفت بلي يديرو سفنج البيض و لا لمشوشة و هما يتحضرو بنفس الطريقة تقريبا و طريقتي في لمشوشة هي
4 بيضات +1م ك زيت +1 م ك حليب +1 م ك سكر +شوية ملح +4 م ك فرينة معمرين +1/2 كيس خميرة م = ملعقة
تفصلي الصفار عن البياض اتديري شوي ملح في البياض و اتطلعيه مليح لازم كي تقلبي الي تخلطي فيها ميتحركش و بعدها تحكمي الصفار تخلطيه و تزيديلو السكر و الزيت و لحليب و زيديلو لخميرة و الفرينة و بعدها ضيفيلو البياض بالشوي و تكوني سخنتي المقلة و درتي فيها شوي زيت و طيبيها على نار هادئة و لازم اتكون مغطية من الأفضل ايكون مغط زجاج باه تقدري اتبعي طيابها و كي اتشوفيها نشفت من فوق و بدات تحمار من تحت قلبيها و رجعيها تحمار من فوق و نفس الطريقة تقريبا في السفنج بصح هذاك ايكون الزيت بزاف اتسمى تاع قليان و اتفرغي بالمغرفة في المقلة و اتطيبيه و كي يطيبو اتحبي اتعسليهم و لا اتديريلهم السكر

ايه هذه نعرفها و نديروها حنا تاني مي هذ السفنج يجي بالبيض و خفيف و يقليوه و يديرولو سكر قلاصي
بارك الله فيك على الفكرة