مشاهدة النسخة كاملة : يوميات عضوة
مساء الخير
شكرا حبيبتي ام عبودة على السؤال
الله يحفظك
والله غير رانا مع الشغل تاع الدار و المرض
راني في حالة من لا سينوزيت و انتم ؟
راني عند ماما و غدوة باذن الله ناوية ندير لها ميناج عميق
imane-droit
2014-03-27, 18:13
السلام عليكم لبنات كي راكم انشاء الله لباس راني دايرة عملية تشجير في الدار مارانيش قاع نقعد غير مع الغرس و التراب
imane-droit
2014-03-27, 18:14
ايييييه غرست شوية حبق بين قوسين ريحان نحبو بزاف في الطياب راه الوقت لي حبت تغرسوا
lamis.imen
2014-03-27, 18:38
حبيت نسقسيك كفاه يتغرس حبيت نغرسو
المستغفرة
2014-03-27, 18:53
صباح النوووووووور وليت كل 10 دقايق نجي نطب بالاك نلقى ام عبوده ربي يشفيها ويرجعهالنا سالمة غانمة
انا الصباح فطنت الاذكار الوضوء الاصلاة الى فطور الصباح انا وزوجي و بنتي الولاد طولو ما ناضو الزوج الى العمل
طلعت ننقيت الشومبرا تاعي وبست حوايج الميناج وبنتي شافتني درت خمار لخاطر نحل التواقي لبست ثاني هي بوني هههههههه
الولاد فطنو فطرو عاونوني في الشومبرا تعهم خرجو يلعبو عند الباب
نقيت الطابيات وشمستهم النوافذ كامله نحلوله الشمس تهبل ونسمه خفيفه دور فالدار صلحا بمعنى بالييت وما سيقتش ان نسيق مره فالشهررررررررررر
الكوزينه راهي نقيه والدوش والتواليت خليتهم لغدوا مع لحواش ان شالله
المستغفره السبع حكيتلو على البك تع الحويطه قالي جيبيلي اكثر تفاصيا
سقسي خوك وش يسموها البلاصه ولا وريلي كيفاش نروحولها؟؟؟
وشراكي نخلة
ربي يطمنا على ام عبودة
من بعد نسقسيه مليح
oum anouar
2014-03-27, 20:54
سلااام حبيت ننضم ليكم ونبدا نحكيلكم على يومي نضت على الخامسة غير عشرين سحرت وقريت سورة الملك وشوية من سورة البقرة حتى الاذان الثاني حبست ونوضت زوجي للصلاة هو راح يصلي وانا صليت وحضرتلو الفطور وكي جا فطر مع ولدي هو يقرا في الجامع كي عادت السادسة رحت لغرفتي وجيت في السرير وقاعدة نحفظفي سورة ياسين حتى عادت ونصف قلت لوليدي روح تقرا انا كملت حفظت جزء ونعست كملت رقدت حتى لثامنة وبقيت في السرير حتى ونص كان جاء وليدي نضت فرزت غرفتي والهوول وكي ناض وليدي لكبير كملت غرفتهم وقعدت نشوف شوية في المنتدى حتى جا وليدي قالي راني مريض المهم نضت اهتميت بيه ودرت الغداء بطاطا ودجاج في اكياس الشواء ونوضت بناتي واحدة راحت تدوش والاخرى عاونتني في التسياق اه نسيت. مقلتلكمش الزوج كي عادت الثامنة راح يعمل وفي الغداء جا تغدى وراح فترة المساء غسلت القش بيديا تعطلتلي المشينة ولادي ميحبوش يشربوالحليب كنت درت البارح غريبيةعطورة كل واحد واش دار البنات لغريبة ولدي الكبير قوفريط والصغير شويتلو اللحم هو مريض للعشاء درت مطلوع وسلاد مسيدوان وجبن كيري وانا فطرت كنت صايمة هذا نهار ي وضرك راني مع المنتدى وساعات نكرهو يديرلي الضيقة منحبش ندخل
imane-droit
2014-03-27, 21:26
حبيت نسقسيك كفاه يتغرس حبيت نغرسو
راه كاين الزريعة تاعو تشريها و انا من معسكر يبيعوه عندنا بالجذرة تاعو يعني ماعليك غير تغرسيها برك و هو يكبر أنا راني غارسة بالجذرة و بالبذرة
ام عبودة
2014-03-28, 21:25
السلاااام عليكم خياتي واش راكم
راني الحمد لله غدوة نراجع ونرد عليكم باذن الله
على بالي بللي قلقتكم عليا واكيد سالتو عليا شكراااااااااااا من صميم القلب وربي يحفظكم
lamis.imen
2014-03-28, 22:50
ربي يجيبلك الشفا ويحفضك المنتدى بلا بيك صامت
راكي دقولي منين تعرفيني
منين درت اليوميات وانا متبعتهم صفحة صفحة تعجبني طريقة تنظيمك ليومك ماشاء الله
ربي يشفيك ورجعك لينا
lamis.imen
2014-03-28, 22:52
ربي يجيبلك الشفا ويحفضك المنتدى بلا بيك صامت
راكي دقولي منين تعرفيني
منين درت اليوميات وانا متبعتهم صفحة صفحة تعجبني طريقة تنظيمك ليومك ماشاء الله
ربي يشفيك ورجعك لينا
ام عبودة
2014-03-29, 09:59
صباااح الخير عليكم
ان شاء الله راكم لا باس
نروح نفرز لي فاليز ونوليكم
وكاش ما نمسح راهو الغبار داير حالة
صباح النووووووووووووور ام عبوده على سلامتك
المستغفره شووووووووكرا على الرساله
انا صراحة اليوم نضت 9 ستقهوينا و خرج الزوج الولاد هذا ويتن ناضو الغدا سوب وفول تقريبا واجدين ملبارح
راني هاذ الايام كسوووووووووووله مانيش نقرا فالبقره ومش نحفظ حاسه روحي ثقيييييييييله بلا بيهم
ام عبودة
2014-03-30, 13:43
نخولة كي صبحتي حنونة
رانا كيفكيف الكسل قاتلنا انا الغبار يمرضني على خاطر عندي الحساسية ونشرب الدواء في الليل النهار من نوض وانا فشلانة ههههههه
والربيع قاع يفشل الناس نحبو غير نرقدو راني نخمم نهار ااحد الجاي كيف نوض لولادي بكري واااااااع
اليوم نظت كسولة على الثامنة تقوينا وجدت حوايج الزوج مسافر لورقلة مع هذا الغبار واااع
الشومبرا صبحت نظيفة البارح درتلها حملة مازال الحوايج راهم يعيطولي قلتلهم شدوا بلاصتكم نتطلع الشمس هههههه
غير رتبت السرير ولميت الحوايج المسخين ولبست وخرجت لطبيب كملت ودرت شوي شريت الصابون للغسيل دي برودوي للتنضيف وفطرت بيتزا انا وراوية
رجعت اووووب حكمت بلاصتي نريح. ونرقد ههههههه
ان كسولة بلاك تعاندوني
ام عبودة
2014-03-30, 16:20
لميس تسلميلي خيتي كلامك اثر فيا بزاف ومرحبا بيك نوتينا
المستغفرة شكرااا على السؤال ونخولة تاني ؤدربي يحفظك
كابريسة توحشناك الحمد لله على سلامكتك
ام عبودة
2014-03-30, 16:30
ياسمين 1990 والسراب وايمان دروا واش راكم ومرحبا بالجدد
ام عبودة
2014-03-30, 16:33
ام ياسمين توحشناك وينك
نهى سطاوالي وينك ما كيش تباني
كنوز المعرفة وزهور الفل مرحبا بيكم
عندك لا نسيت اسمحولي المنتطى ثقيل بصح توحشتكم بزااااف
وينكم ما بنتوش رجعت هربتو ههههههههههههه
ام عبودة
2014-03-30, 16:35
الله الله عليكم يا الفحلات ربي يعاونكم ان شاء الله ويشافي كل مريض ان شاء الله ......انا عضوة جديدة ان شاء الله تقبلوني معاكم ونكون خفيفة الظل عليكم وكيما نستفاد منكم اكيد رايحة نفيدكم بالشي لي نعرفو ربي يقدرنا جميعا ان شاء الله.............
انا عندي بنت وولد في زوج صغار الولد 4 سنين والبنت تقريبا عامين......راهم مهبليني بسلامتهم خصوصا ابني راه مزال بالرضاعة يا ريت تنصحوني كيفاش ندير معاه باه نحيهالو......حاولت نحيتهالو قطعلي لحليب وهو مريض عندو فقر الدم وليت رجعتهالو......دبرو عليا كيفاه ندير معاه.....وربي يحفظكم كامل ويسرلكم اموركم ياااا رب
مرحباااااااا بيك وحنا ان شاء الله نكون خفاف الظل عليك
وربي يقدرنا على تبادل الخبرات
اول حاجة ربي يشافيلك ولدك ويحفظ لك اولادك ويكبرو في عزكم
نرتب افكاري ونوليلك خيتي ونجاوبك استنايني برك
السراب الحالم
2014-03-30, 17:58
هاني رجعت كي رجعتي ام عبودة ذرك نشط الموضوع شوية كانت غير نخلة منشطاتو ربي يحفظها
انا اليوم نضت على 8 راني نستغل في العطلة قبل ما تلحق الخدمة
بدلت لابني وشربتوحليبو وخليتو يلعب بالعابو
فطرت وحليت النوافذ كان البارح الغبار اليوم صبت لمطر راه الجو هايل
غسلت مواعن الفطور هزيت لفراش فرزت الحالة ابني راه يحبي في كل بلاصة خلي حاجة
درت لغداء مرقة نتاع خضرة وشفلور هي تطيب وانا سيقت الحالة ومسحت الغبار
وجد الغداء تغديت انا وابني وغسلت لمواعن
زعما نجرب قلب الوز تناع وحد الاخت مقدرتش
رقدت ابني وانا قعدت نكونكتي
لعشية مانحبش نشرب قهوة كليت حبة تفاح ولعشا بقالي من الغداء
هذا الكل والزوج خارج البيت عند ماماه
السراب الحالم
2014-03-30, 17:59
ماقلتلكمش ابني انيس راه مشارك في مسابقة احلى ابتسامة فهمتو قصدي
ام عبودة
2014-03-30, 19:24
السراب يعطيك الصحة اعمالك مشوقة بصح البرج فيها الغباااااار؟؟؟؟؟؟؟؟؟؟؟؟؟
احلى ابتسااااااامة احلى ابتسااامة ما يكون غير خاطرك يا لالة ههههههه
ويا رب يحفظهولك من كل شر
وردي بالك عليه وهو يحبي
ام عبودة
2014-03-30, 19:27
السراب يعطيك الصحة اعمالك مشوقة بصح البرج فيها الغباااااار؟؟؟؟؟؟؟؟؟؟؟؟؟
احلى ابتسااااااامة احلى ابتسااامة ما يكون غير خاطرك يا لالة ههههههه
ويا رب يحفظهولك من كل شر
وردي بالك عليه وهو يحبي
ام عبودة
2014-03-30, 19:29
راني رايحة ندير العشاء ومن بعد نوليلكم
ام عبودة
2014-03-30, 20:57
راني رايحة ندير العشاء ومن بعد نوليلكم
السراب الحالم
2014-03-30, 21:06
بصحتك العشاء واش درتي؟
ياسمين1990
2014-03-30, 22:24
ياسمين 1990 والسراب وايمان دروا واش راكم ومرحبا بالجدد
اختي ام عبودة الحمد لله انك رجعت بخير
يسال عليك الخير حبيبتي الحمدلله
والله ماعندي ما نكتب على هذيك مندخلش
ولكن كل يوم ندخل نطمن عليك وندعيلك ونخرج ربي يحفظك ويشفيك اختي وبشوية عليك
الشقا ميخلصش وكل ميسر لما خلق له
oum hiba2012
2014-03-30, 22:49
مرحباااااااا بيك وحنا ان شاء الله نكون خفاف الظل عليك
وربي يقدرنا على تبادل الخبرات
اول حاجة ربي يشافيلك ولدك ويحفظ لك اولادك ويكبرو في عزكم
نرتب افكاري ونوليلك خيتي ونجاوبك استنايني برك
على سلامتك حبيبتي ام عبودة الحمد لله لي رجعتي بخير ربي يشافيك ويعافيك و يعطيك قد قلبك البيض يا رب.......راني في انتظارك وانا متيقنة بلي تقدري تعاونيني ثقتي بيك كبيرة......وربي يحفظلك ويخليلك الأولاد يااا رب:)
صباح النوووووووووووور انا اليوم نضت على 8 ونص لخاطر فطنت من 2 تع الليل بروفبتبت حفظت شويا وقريت البقره وستنين حتى اذن صليت ورقدت
الصباح مكاش بزاف الاشغاااال هي كاينه بصح انا عميت عينيا عليها فرزت خفيف ودرت غدا و تغدينا وغسلت الماعن وراني معاكم في انتظار الظهر
ام عبودة
2014-03-31, 16:24
السلااام عليكم حبيبات قلبي واش راكم
ياسمين وينها يومياتك اكتبي ولو القليل ههههه
ام هبة راني بعثتلك الصباح. والظاهر. م راحوش المهم قوليلي اكثر التفاصيل على ولدك وفقر الدم زاد بيه ولا جاه من بعد
نخلة يعطيك الصحة مع الحفظ وبصحتك الرقدة ههههه رانا الكل كسولين ههههههه
والبقية وينكم
ام عبودة
2014-03-31, 16:31
انا الصباااح الحمد لله درت حملة
بختة راهي زعفانة عليا من التسعة حتى 12. وعاونت بيديا كملت ودرت على الغرف والمكتب رفدت الزرابيى وشمست الحالة نهااار اليوم يقطع ههههههه
مسحت لي تاش من الحيوط ومسحت المرايات والتلفزيون ولي موبل في غرفة الاولاد شمست لي ماطلا تاع الاولاد وبدلت الفراشات وغسلتهم
عطرت الخزاين وسيقت وكملت درت على الكلوار والهول كبااااااااار بزاف وزدت معاهم بيت القعاد كبيرة هي تاني كي طفلتي عادت مريضة ما نظفتهاش نظفتها انا عليها
المهم كملت قريب الواحدة بدلت حوايجي ومطت شعري توضيت ورحت فطرت اذن الظهر وصليت
ومن بعد اوووووووب للفراش هذا وين نظت توضيت ونروح نصلي العصر
ومن الصباح وانا دايرة الرقية في مكتب الزوج والله غير روووعة
المستغفرة
2014-03-31, 22:00
السلام عليكم وشراكي غاليتي الحمدلله كي ريحتي
ليوم نظت روطار لعشرة عندي خياتي بايتين عندنا
درت لغدا و خرجت عندي صوالح نشري فيهم
وكي جيت تغدينا منبعد شريت ياسمينة و بدلتلها البوكي
و غرست لي غوز في جنينة تاعناكملت عاى 15:00
درت ميناج لكوزينة غسلت لماعن و لحيوط كملت على ستة يخي دارت الوالدة لعشا
طعام يهبل سبحان الله تاع الوالدة يهبل
و غسلت لماعن و جيت
انا كنت طامعه كاش ما نخرجو نحوسوووووووووووو بعد الظهر
الزوج قعد يخخدم فالدار كملع لى 3 قال راسي تنفخ انيلات الخرجه وقعدت عشيه كاااااااااامله مع الميكرو حتى المغرب صليت ورحت للكوزينه جبدت بواقي وسخنتهم وتعشينا غسلت الماعن ودخلت للدووووووووووووش طولت كي العاده حتى ولو يطبطبو عليا ههههه ننسى روحي
صليت العشا ولادي راهم يتفرجو حذايا والزوج راهو يخدم بصح فالدار بالميكرو
و هذي امسيتي
المستغفره العطله خلاصت و ما صحتلناش خرجه كل مره يخرجلنا ظرف
المستغفرة
2014-03-31, 22:50
المستغفره العطله خلاصت و ما صحتلناش خرجه كل مره يخرجلنا ظرف
شفتي مكتبش ربي
والله انا ثاني دايرة بروقرام:o يخرجلك وحد اخر سبحان الله
ان شا الله تكتبلك:rolleyes:
almazalina22
2014-04-01, 07:49
بالصحة عليكم يومياتكم راني منين ذاك ونطل عليكم سلالالالالالالالالالامي
ام عبودة
2014-04-01, 11:59
صباااااااح الخير
واش راااكم ؟؟؟؟؟؟؟؟
المازة نورتينا
نخولة والمستغفرة وقيلا الفاكونس غير مع مخلفات الغبار
الحمد لله البارح واليوم نهار يهبل
انا اليوم نظت رووووطار كي العادة البارح طار عليا النوم قريب ال 3 باش رقدت وصبحت طفلتي في الفراش يعني درت اشغالها انا
الحمد لله البارح هنيت روحي من الغسيل والتسياق
سيقت البرا ورحت للكوزينة نظفتها وعزوجتي طيبت الفطور
درت على الكلوار وحليت بختة حويجات خفاااف ومن بعد نكمل معها الدوش
دوشت وراني نسمع في الرقية ونرتب في حوايج الاولاد وننظم في الغرفة تاعهم راهي فارغة كي عادت العطلة راهم يرقدو عند جداهم
نروح نكمل ما تبقى لي من عمل ونرجع
لبنات راني نسمع فيكم تغرسو واش الانواع اللي تصلح في هذا الفصل
خلوني نعمر البلايص الفارغين ههههههه في الجنان
madoucha
2014-04-01, 12:13
سلام لبنات الفحلات
وسلام خاص ليك يا ام عبودة و اللع غير شفت موضوعك بالصدفة وعجبني بزاف راكي فحلة بزاف ربي يقدرك و يوفقك ويجازيك
حتى انا حبيت ننظم ليكم انا متزوجة من 7 اشهر وحامل في 6 اشهر داري وحدي وقبل ما نتزوج ما نكذبش عليكم فنيانة وندير الشغل بالسيف و الكوزينة ساعات ندخلها وكي انخطبت بديت نتعلم وصفات من قسم الطبخ الله يبارك العضوات ماشاء الله تعملت بزاف
وضرك مع الزواج بديت نحي التفنيين خاصة اني اعمل استاذة و صعيب عليا نوفق بين العمل وشغل البيت والله غير تعبت وراجلي يحب الكسرة جديدة ومبسة كل ما نروح من خدمتي نصلي ونشرب قهوة وديراكت نخبز وديفوا نخبز في الويكاند 4 قرصات ونكونجليهم ونجبد ونسخنها برك تولي جديدة ونطيب العشاء
بالنسبة للغدا ء مزية راجلي ما يشرطش يتغدى كشما فضل من العشا وديفوا يخدم في النهار يتغدى في خدمتو
هذا باختصار اما اليوم وكي قريت موضع ام عبودة قلت نوض بكري على 4ونص تسحرت باش نصوم وصليت الفجر ونوضت راجلي يصلي هو عاد رقد وانا بقيت فاطنة حليت الجهاز وقعت نقرا في ارشيف موضوعك يا الفحلة وعجبوني ردود الاخوات نخلة نهى عيدة ...الله يبارك
وعلى 7 رحت للكوزينة غسلت ماعن الفطور وكي ناض راجلي وجدتلو قهوتو وخرج ثم حطيت القش في الماشينة يتغسل وفرزت شمبرتي حليت باب الشرفة تتهوى الغرفة ومسحت الغرفة اما التسياق ماسيقتش خاطر لبارح لي درت ميناج كومبلي للصالون و غرفتي والغرفة الاخرى
ثم توجهت للكوزينة نظفت الفريجيدار والماشينة مازالت تغسل ثم خرجت القش وعاودت شللتو ما نستقنعش بالتشلال تاع المشينة و نشرت الملابس على فكرة انا نغسل كل اسبوع حتى يتلم القش وراجلي ما يبدلش بزاف وانا ايضا وكي خلصت جيت طول للجهاز وفتحت الصفحة هذي باش نقرعج هههههههههه
هههه مدوووشه رانا كامل نحبو نقرهجو
انا اليوم فطمنت 7 و نص الاذكار الصلاة و وجدت القهوه و قريت البقرة وزدت اصليت الضحيه طولوووووووو باه ناضو درت الفوج اللول تع الحوايج فالماشينه
ناضو فطرو وخرجو قعدت انا وبنتي درت على الدار ودرت غدا خفيف و نشرت الحوايج ودرت الفوج الثاني تع الولاد بخته مسكينه اذا ريحت نهار تتخلف منها للي بعدو
و كنت طالقه رقيهه نفسيتي تعبانه والسيد كثر التقربيع وااااع راهو كونجي
وجدت حبيبات قاطو لقهوة العشيه الزوج جاب الولاد وعاود خرج ؟؟؟ حنا تغدينا وغسلت الماعن وراني نسمع في سورة يس و راني نعسانه بصح نسنى حتى يجي نغديه
نسيت ماقلتلكمش بصح ما تضحكووووووووووووش صونى التيليفون الفيكس طلعت نجري باه نريبوندي وطحت اهئ اهئ اهئ لوكان يفيق بيا راجلي يزيد يدير فيا حاله ما نسحاش حازلت دايره روحي صغيره نظل نجري هههههههههه
و الدروج عمري ما نطلعهم كي الناس نطلعهم نجري ما نعرف علاه؟؟؟
madoucha
2014-04-01, 12:51
اهلا اخت نخلة تشرفت بمعرفتك و ربي يقدرك على واجباتك الزوجية و العائلية انا راني صايمة ومادرتش الغداء البارح درت لوبيا خضرا وبطاطا وجزر بالجاج وفضلت للغداء وراجلي مزال ما جاhttp://www.djelfa.info/vb/showthread.php?t=979803ش منعرف نغديه ونصلي الظهر ونرقد شوية باش نوض نطيب لفطور سورتو كي راني صايمة راه جاني على خبز الدار تاع الاخت ninafret هاهو الرابط لي حبت تجربو انا جربتو من قبل عدة مرات وصلحلي 100 في 100
http://www.djelfa.info/vb/showthread.php?t=979803
وشربة فريك و حميص لي نموت عليه
نخليكم على خير ولعشيا نرجع للتقرعيج و الاستفادة
ام عبودة
2014-04-01, 14:23
مرحبا بالوافدة. مدوشة نورتيني وكلامك فرحني بزاااااف
الله يقبل منك الصياااااام. وصحيح العاملة تتبع بزااف الله يحسن العون بصح علاش معظم رجال الشرق يحبو الرخساس والكسرة كل يووووم ؟؟؟؟؟؟؟؟
ومن زهرك كي عاد زوجك ما يتشرطش فانت لازم عليك تستغلي وقت فراغك دايما باش تقضي فيه صوالح وتنحي حوايج من الطريق
في الطياب مثلا وجدي اكلات وخبيهم في الثلاجة وغير سخني على خاطر العشية ترجعي تعبانة والوقت الجاي باذن الله رايحة تزيد المسؤولية مع الولد يتربى في عزكم ان شاء الله
وكي طيبي حاجة زودي شوي وخبي في الكونجيلاتور وغير سخني انا نعرف بزاف حتى الثوم يقشروهة ويرحوه ويخبوه على خاطر يقلك ما تفوحش فينا الريحة وحنا خدامات والدبشة تاني
ام عبودة
2014-04-01, 14:26
نخولة يا حليلي ما حشمتيش من الطيحة اللي فاتت ههههههه ربي يصونك راكي كيفي الدروج من صغري نطلعهم نجري حتى وانا بكرشي براوية راجلي يظل يعيط عليا خايف علينا زعمااااا بصح راهي دونجي راكي بكرشك
وبصحتكم حبيبات القاطو والقهيوة مسبقااااا
ام عبودة
2014-04-01, 14:27
نخولة يا حليلي ما حشمتيش من الطيحة اللي فاتت ههههههه ربي يصونك راكي كيفي الدروج من صغري نطلعهم نجري حتى وانا بكرشي براوية راجلي يظل يعيط عليا خايف علينا زعمااااا بصح راهي دونجي راكي بكرشك
وبصحتكم حبيبات القاطو والقهيوة مسبقااااا
السراب الحالم
2014-04-01, 15:10
سلام عليكم يا الفحلات ومرحبا بيك مدوشة وان شاء الله ربي يتملك بالحمل
نخلة بالشوي على روحك
ام عبودة والمستغفرة كيف حالكم
انا اليوم نضت على 9 فرحت موالف ابني ينوضلي على 7
لقيت روحي تعبانة وراسي يوجع مع الم الدورة لبست لابني حوايجو وجدتلو الكابة نتاعو وبعثتو لدارنا
كل يوم يعيتولي توحشوه بويسك كي نكون نخدم نخليه عند ماما
فطرت وغسلت لمواعن الزوج قالي مانيش جاي للغدا فرحت باه منديرش مانيش قادرة
من ذيك وان قاعدة على الميكرو كل ما نجي نرقد نتفكر ابني نسقصي عليه اختي في الفايس هبلتها مسكينة
madoucha
2014-04-01, 17:46
مرحبا بالوافدة. مدوشة نورتيني وكلامك فرحني بزاااااف
الله يقبل منك الصياااااام. وصحيح العاملة تتبع بزااف الله يحسن العون بصح علاش معظم رجال الشرق يحبو الرخساس والكسرة كل يووووم ؟؟؟؟؟؟؟؟
ومن زهرك كي عاد زوجك ما يتشرطش فانت لازم عليك تستغلي وقت فراغك دايما باش تقضي فيه صوالح وتنحي حوايج من الطريق
في الطياب مثلا وجدي اكلات وخبيهم في الثلاجة وغير سخني على خاطر العشية ترجعي تعبانة والوقت الجاي باذن الله رايحة تزيد المسؤولية مع الولد يتربى في عزكم ان شاء الله
وكي طيبي حاجة زودي شوي وخبي في الكونجيلاتور وغير سخني انا نعرف بزاف حتى الثوم يقشروهة ويرحوه ويخبوه على خاطر يقلك ما تفوحش فينا الريحة وحنا خدامات والدبشة تاني
مرحبا اختي ام عبودة فرحت بردك كثيرا كنت في الكوزينة نوجد درت شربة فريك وراجلي سخف على العدس درتولو تاني وحضرت سلاطة وحميس حار بصح راجلي ميخلينيش ناكل الحار على جال البيبي هههه
صح عندك الحق رجال الشرق يموتو على الكسرة بصح لي جون تاع ضرك عادو ياكلو الخبز لانو كاين لي ميعرفوش يخبزو و زيد تاني الخبز اقتصادي ماشي كي الكسرة تحب الزيت بزاف باش تجي مبسة
وانا راجلي غير الخبز ما ياكلوش وكيما قلتي وقتي من ذهب نستغل كل دقيقة ووقت فراغ وكي درت داري وحدي تعلمت حوايج بزاف وصح كيما قلتي والله غير اول حاجة درتها رحيت الثوم في الروبو و نخبي ديما الدبشة و الكرفس والمعدنوس في كونجيلاتور و ديما نرطب اللوبيا والحمص يعني نشمخهم ونديرهم في اكياس بلاستيكية صغار وكذلك بالنسبة للفلفل المشوي يجيبلي راجلي كمية كبيرة ونشويه في الويكاند و نقشرو ونخبيه على اجزاء في اكياس
بالنسبة للاكل ممكن تعطيني امثلة عن اكلات نقدر نوجدها ونخبيها وماتفقدش الذوق تاعها
نروح نطل على الشربة في انتظار ردك :19:
ام عبودة
2014-04-01, 20:18
السراب. بصحتك التصباحة رانا كااامل نحبو غير نرقدو ههههههه
الحمد لله عندك وين تخلي ولدك كي تروحي تخدمي ربي يحفظ لك العائلة
مدوشة يا عمري على الفحلة راكي منظمة روحك مليح
الاكلات كامل. تخبيهم في الكونجلاتور دايما الفاضل ولا كي تزودي يعني سيمانة برك مش اكثر مثلا الحريرة والله غير تسخنيها بحال طايبة جديدة
المحاشي و الحبوب تاني الدجاج اللي تحبي تحمريه تبليه من قبل وخليه في الثلاجة البوراك وجديه وخبيه في الكونجيلاتور كي تحكملك اقلي برك الفريت تاني اغسليها وخبيها في الكونجلاتور في الوقت اجبدي واقلي بزاااف حوايج والا تحبي تاني دوزني المرقة تاعك من الليل والصباح غير شعلي عليها النار
خصوصا مرق الكسكس والشربة فريك وووووو
اااه قبل ما ننسى صح فطوووووووورك والله يقبل صيامك
ام عبودة
2014-04-01, 20:20
تاني مدوشة التليتلي تفوريه وتخبيه في الكونجيلاتور
العصائر تاع البرتقال والقارس خبي في الكونجيلاتور وراهم الفحلات تاوعنا حاطين بزاف الوصفات
والشخشوخة تصبر بزاف في الكونجلاتور والمطاوي يعني المسمن ......
ام عبودة
2014-04-01, 20:21
تاني مدوشة التليتلي تفوريه وتخبيه في الكونجيلاتور
العصائر تاع البرتقال والقارس خبي في الكونجيلاتور وراهم الفحلات تاوعنا حاطين بزاف الوصفات
والشخشوخة تصبر بزاف في الكونجلاتور والمطاوي يعني المسمن ......
madoucha
2014-04-01, 20:51
يعطيك الصحة ام عبودة والله استفدت من افكارك وراكي طلعتيلي المورال باش نزيد نجتهد اكثر خاصة العطلة قريب تخلاص ونرجع لخدمتي بروح نشيطة ان شاء الله
ضرك نروح نصلي العشاء ونرقد باش نوض بكري نسحر
ليلة سعيدة للجميع
oum hiba2012
2014-04-01, 21:55
السلااام عليكم حبيبات قلبي واش راكم
ياسمين وينها يومياتك اكتبي ولو القليل ههههه
ام هبة راني بعثتلك الصباح. والظاهر. م راحوش المهم قوليلي اكثر التفاصيل على ولدك وفقر الدم زاد بيه ولا جاه من بعد
نخلة يعطيك الصحة مع الحفظ وبصحتك الرقدة ههههه رانا الكل كسولين ههههههه
والبقية وينكم
وعليكم السلام ورحمة الله وبركاته......كيفك حبيبتي ان شاء الله تكوني بخير انتي و الأولاد والعائلة الكريمة.......والله ما جاتني حتى رسالة.......
انا ابني عمرو 4 سنوات ونصف تقريبا من كان عندو عامين جاه فقر الدم وديما يشرب الدواء لحد الساعة والمشكل انو معندوش الشهية في اكل ما ياكل لاخضر ولا فواكه ولا حتى حاجة اخرى يشرب غير لحليب بصح ماشي فالكاس فالرضاعة وهدا هو المشكل تاعي حاولت نحيهالو قطعلي لحليب خفت عليه وليت رجعتهالو.......درك راه هو واختو في زوج بالرضاعة ههههههه.......والله تعبني بزاااف نقعد معاه بالسوايع باه ياكلي بيضة ولا حبيبات بطاطا .....وهادو نهارات والله راه خالعني بزاااف وجهو اصفر اكثر من العادة .......واش تنصحيني بما انك عندك خبرة الله يبارك .........ولي عودة ان شاء الله باه نحكيلكم على يومياتي........وفقكم الله جميعا :)
المستغفرة
2014-04-01, 22:25
مساء الخير وشراكم ريحتي ام عبودة
نخلة يخي سلامات راكم كيما انا نطلع ونهبط نجري
شكرا السراب
ليوم درت لغدا ارز بالخضر
ولعشا شربة فيرميسيل مع سلطة فول مدمس
وغسلت لماعن
ونباتات شريت ياسمينة وشريت وحدة تهبل وقالي نجيبلك مسك ليل
وشريت لورد هذاك لغوزhttp://img856.imageshack.us/img856/9698/oepb.jpgوهذي دوار شمس تهبل
ام عبودة اغرسي لكسبر
واغرسي. مسك ليل تهبل
ياسمينة ثاني هايلة
وام عبودة و نخلة خياتي نحوس على كريم فازلينhttp://img829.imageshack.us/img829/6609/6suz.jpg
هذي و ملقيتهاش حوست في لمعمورة لبلاد لمقطع لوئام
كاشما شفتوها تتباع عند كاش كوسمتيك قولولي
ربي يجازيكم خيرا
ام عبودة
2014-04-02, 09:21
صبااااحكم سعيييييد
ام هبة البارح جاوبتك والنت دارتها بيا ما راحوش اسمحيلي من بعد نجاوبك بصح برك نصقسيك اذا عرضتيه على اخصائي ام لا واش قالك
المستغفرة شوفي بوشعالة انا كنت شفت تاع القرعة عندو العام اللي فات ههههههه ولا وصيه يجيبلك من الدزاير والا ما كذبنيش ربي شفتها في الدزاير تتباع
وبصحتك الغريس انا عندي الحساسية ولا كنت غرست الزهور الفواحة دجا اليوم نيفي راهو يحرق واااااااااااع يا ربي ما يجيش الغبار برك
اليوم نظت على الستة راجلي رايح للخدمة وجدتلو القهيوة ولبستو وصليت واووووب وايت رقدت نظت غير على التسعة عاودت فنجان قهوة وراني دايرة الرقية ونقضي في صوالحي البروغرام اليوم خفيف ههههههه
هيا نهاااركم مبروووووووووووووووك ومربوووووووووووح تهلاااو في ارواحكم
ام عبودة
2014-04-02, 12:06
واش رااااكم. ؟؟؟؟؟؟؟؟
من بعد ماخليتكم كملت صوالحي في غرفتي وغرفة الاولاد مرتبة يا سلاااااام يا ريتها كل يوم هكا
رحت للكوزينة غسلت مواعن العشاء والقهوة البارح جاونا ضياف غفلة خال زوجي واولادو صغار برك
وراهم يلعبوا مع اولادي البرا
الفطور درنا مقارونة. حنا هذه الاكلة بالذات مقدسة عندنا ههههههه زوجي يموت عليها ويحبها بارك بلاصوص برك
اه حقا سولتوني على الملوخية راني نسيتكم مع كنت مريضة هذا وين تفكرت
انا الملوخية كنت شفوها بكري غير في المسلسلات المصرية.ومرة في شهري الاول تاع الزواج. طيبتها عزوجتي قلتلها واااع تاكلو في الحنة ههههههه
كانت هي برك وبنتها ياكلوها وحنا نطيبو حاجة اخرى قعدت قريب ستة شهور معاهم ونشوف فيهم ياكلوها مرة باتت شوي قلت والله نذوقها كيفاش دايرة وصدقوني من ذاك النهار وانا نموت عليها لو كان ما جاتش ديريلي الحريق في المعدة راني كل يوم نطيبها هههههه وعلى بالكم ظقتها في بلادها والله العظيم مافيها البنة كيما تاعنا هي في الاصل تاع التوانسة وانتشرت عندنا هنا
السر في طيابها انها لازم تاخذ وقتها في الطياب على الاقل اربعة ساعات على نار هائة
ومكوناتها عادية
لحم قطع كبيرة شوي باش ما يذوبش في المرقة والثوم اوراق رند طماطم حب مرابية فلفل عكري واسود والملح وشوي برك طماطم العلب راهي ما تحبش الحماضة بزاف والكروية اساسها
بصح في الاول تحطي مقدار كاس زيت زيتون من الافضل وديري وحد خمس مغارف تاع الملوخية وشغل راكي تقلي فيها على نار هادئة وتبدا الروايح الطيبة تفوح في الدار راهم ريوقي سالو عليها ههههههه ومن بعد تبدي تزيدي في اللحم والصوالح تاوعك وتغلي مليح ومن بعد تمرقي والملح دايما نقصي على خاطر تجي مالحة
ومرقي بالماء حنا نديرور في كوكوت متوسطة معمرة غير ربع
ونقصو عليها النار وما تغلقوش عليها غطوها برك ومرة على مرة حركوها وتبدا تخثار مع وقتها وكل ما تبات في الفريجيدار تزيد بنتها ناكلوها دافية او باردة مش سخونة ما توليش فيها البنة وظرك نبعثلكم صورتها اذا صبتها عندي
ام عبودة
2014-04-02, 13:33
http://img46.imageshack.us/img46/8053/k7e8.jpg
سلام عليكم دخلت غيرنقرعج راسي منفخ وكي لقيت الملخيه لازملي نكتب ههههههههههه
ام عبوده انا شفتها تتباع خضرا كي حبات الفلف ونتي على حسابك تحكي عليها مطحونه؟؟؟؟
و زدتي ضحكتيني كي قلتي لبست راجلي انا ديت كونجي مع وليدي وراني نخلي السبع يلبس وحدو كي يرجع على 12 نلقاه ملبز و مجقبل كي الطفل الصغير هههههههههههه
ام عبودة
2014-04-02, 17:02
هههههههههه نخلة انا انا نعرف غصتو تاع راجلي مالا نلبسو هههههههه
هذيك اللي كي حبة الفلفل وصغيرة مش ملوخية هذيك قناوية هههههههه وين لقيتيها تتباع وعلى بالك اللي حبتها صغيرة ابن من اللي حبتها كبيرة
تخرطيها بالموس شوي راه فيها الشوك ومن بعد تغسليها وثمثم حمصيها شوي في زيت قد مغرف ولا زوج زيت عادي
ومن بعد وجدي صوص حمراء وزودي فيها البصل وتجي بلحم الغنمي روووعة وديريها الثوم ولي زبيس طماطم الحب والباطة ولوحي القناوية ومن بعد مرقي غير شوي على خاطر ثمثم طيب والاخير ديريلها الكمون الابيض مرحي والحشاوش مممممممممممم تجننن تجي بحال معسلة وطالقة خيوطها
ام عبودة
2014-04-02, 17:29
هذه القناوية
http://img822.imageshack.us/img822/4237/8w96.jpg
وهذه الملوخية
http://img850.imageshack.us/img850/6761/f3qz.jpg
المستغفرة
2014-04-02, 17:43
ام عبودة يعطيك الف صحة
على الملوخية صافي تتباع عند العشاب
ومفيهاش (لابصل لا ثوم )حشاك
هههههههههههه ام عبوده صح كنت نحكي على القناويه كان يجبهالنا الوالد وما نعرفولهاش نرموها بالحبه فالمرق كي الفلفل ههههههههههه
و الملوخيه اللي ذقتها حاااااااااااااااااره تع بساكره باه يحررووها ما نعرف؟؟؟
ام عبودة
2014-04-02, 21:31
ام عبودة يعطيك الف صحة
على الملوخية صافي تتباع عند العشاب
ومفيهاش (لابصل لا ثوم )حشاك
الله يسلمك
هيييه راهي عند العشاب
ام عبودة
2014-04-02, 21:36
نخلة ههههههه ضحكتيني درتوها فلفل هههههه
جربيها بالطريقة اللي قتلك عليها وشوفي
والملوخية الحارة يزودولها فلفل صيفي تاع تونس يجي احمر ورقيق ومتوسط روحي للعشاب تاع المعمورة قوليلو فلفل صيفي تاع تونس
وكيما التوانسا يديروها حااارة تشلفط بصح مواكلهم تهبل ما تشبعيش منها قااااع
ام عبودة
2014-04-02, 21:40
العشية من بعد ما نظت وجدت التاي للزوج مع لحم محمر وعصير الفراولة
دوش وخرج وقعدت مع الاولاد العشية طويلة تبعت مسلسل تاعي ومن بعد نظت درت العشاء شربة وسلاطة خيار وعصير القارس
تعشينا والزوج راهو سهران مع والديه الكريمين واولادي راهم مع عمهم شرالهم خيمة وراهو يركب فيها وانا راني معاكم
oum hiba2012
2014-04-02, 21:49
مساء النوووووور عليكم وشراكم ان شاء الله كاااامل بخير......انا النت راهي مهبلتني ثقيييييلة بزااااف ...ام عبودة راني عرضت ابني عند الأطباء كثرولي غير التحاليل.....ويعطوني تراتمو تاع 6 اشهر دواء.....
ام عبودة
2014-04-03, 07:01
صبااااحكم سعيد
اليوم راني مبكرة نوضني زوجي قالي جيبي قهيوتي وجدتهالو لقيتو رقد هههههه عييت نوض فيه وااالووووو
كي نظت صليت وذكرت ربي تقهويت وراني حاكمة بلاصتي الغاشي مازال عامل دوووووودوووووو
وعلى حسابها غبار ولا مطر
ام عبودة
2014-04-03, 09:51
واااااااااش الكسولات مازال ماناضوش هههههههههه
انا راني نوجد في روحي للاسبوع القادم تاع. الدراسة هههههههه
مسحت المرايات والتلفزيون وبالييت برك ما سيقتش الدار نظيفة
وكويت حوايج الزوج وجدلو الفاليزة راح رايح للدزاير معروض في عرس
وانا نكمل ما تبقى لي من غسيل وبلاك العشية نروح لدار بابا توحشتهم
ام ياسمين10
2014-04-03, 10:06
صباح الخير هانى جيت واخيرا رانى توحشتكم ياسر رانى كنت عند دارنا قعدت سمانة جيت غير البارح رانى صبت الدنيا مقلوبة وكلش معمر غبار ووووواع .ام عبودة يا حنونتى راكى سقسيتى عليا وتفكرتينى يتفكرك الخير ان شاء الله راه ربى عالم شحال غضتينى كى كنتى مريضة قلت ان شاء الله نروح ونرجع نصيبك رجعتيلنا والحمد لله راكى مزهية الصفحة مدزيديش تغيبى علينا .رانى من البارح وانا نكتب ويروحلى كلش منعرف علاه
ام ياسمين10
2014-04-03, 10:10
اهلا بكل الوافدات الجدد .نخولة واشراكى دايرة سلامتك من الطيحة حافظى على روحك حتى تزيدى .راكى مسقسيتيش عليا رانى زعفانة منك متقوليليش زهايمر .............ههههههه
madoucha
2014-04-03, 10:11
مرحبا ام عبودة و لبنات كيفكم انا اليوم راني صايمة تسحرت وصليت الفجر ومن بعد ما رقدتش كونكتيت شوية في المنتدى و منتديات اخرى بغية الاستفادة وعلى ال7 نوضت راجلي وطيبتلو قهوتو خرج راح يقضي اليوم سوق الخميس و الخضرة رخيصة مقارنة بالمحلات بعد ما كتبتلو قائمة الاغذية و الخضر ثم توجهت للمطبخ غسلت اواني القهوة ثم غسلت بعض الملابس لكي لا تتراكم علي خلي المشينة تريح شوية وغسلت زوج دراوات و اغلفة الوسادات و زورة (كوفيرطة ) ونستنى في راجلي يروح باش يعصرها خاطر انا حامل منقدرش خليهتها في la baignoire
رجعت للغرفة رتبتها بدلت الدرا و الاغلفة تاع المخاد وحطيت زورة اخرى نظيفة ومسحت الغبرا وماسيقتش انا منسيقش كل يوم
ثم جيت فتحت الحاسوب نحكيلكم واش درت في الصباحية المباركة هذي وكاشما نلقى وصفة على اللوبيا راجلي يموت عليها طبعا نعرف نطيبها لكن بغيت كاش وصفة جديدة وندير مقبلة السلق لي نحبو وطريقتو سهلة كيما الحميس سلق مفور طماطم حب قرن حار ملح زيت واذا حبيتي فيونداشي وبطاطا مقلية ومقطعة صغيرة بطريقة الغراتان وكي نخلص نستنى راجلي يجيب القضيان نفرزو و نحط كل حاجة في
بلاصتها
حبيت نسقسي على الكراث البارح جابلي منو بزاف راجلي اسكو نقدر نكونجليه واسكو يصلح في مرق اللوبيا البيضا
سلام لبنات ربي يعاونكم
ام عبودة
2014-04-03, 10:35
صباااااحكم سعيد ام ياسمين ومدوشة نهااااركم مبروك وسعيد
ام ياسمين شكرااا من صميم القلب وبصحتك التحويسة المهم بدلت الجو هههههه والغبار راهو دار حالة فينا
مدوشة الله يتقبل منك الصيام والقيام ودخول موفق الى العمل مالا راكي تبروفيت في هاذو اليومين هههههه بصحتك
البوارو والله ما علابالي الا تكونجولا ولا لا حنا عندنا مرات نلقاه مرات لا لا ونحب حريرة ولا مع خضرة سوتييه
madoucha
2014-04-03, 10:44
منا ومنكم صالح الاعمال وشكرا اخت ام عبودة
ايه عندك الحق نبروفيتي نغسل باش كي نرجع للخدمة نلتى غير بيها وبالمطبخ وعلابالك الغسيل و الميناج ياخذ وقت و انا عندي غير لويكاند الجمعة ندوش فيه و نلتهى بعمري ماسكات حمام زيت للشعر و امور تجميلية اخرى و يوم السبت نروح لعجوزتي كاشما نعاونها ونتعلم منها عفسات في الطياب
نروح نمرق اللوبيا و نجي
oum hiba2012
2014-04-03, 16:48
مساء النور عليكم يا لحراير ربي يعاونكم..... حبيبتي ام عبودة والله فرحت بزاااف بزاااف برسالتك ربي يفرحك دنيا وآخرة ان شاء الله......والله راني دايرة مجهودي باه نفتحلو الشهية وكيما قلتي ديما نوعدو كي يكمل الصحن تاعو نعطيه حاجة ساعات ياكل شوية وساعات لالا....درتلو ايضا مرة مسحوق الحلبة قاتلي عجوزي عليه نحكم غير بين صباعي ونديرلو مع الحليب .....والله غير يفيقلو وميحبش يشربو ويقولي ماهوش مليح...هههههه.....هدا الجيل وحدووو يفيق لكلش......والله راح ناخذ بنصايحك حبيبتي....يعطيك الصحة وربي يحفظك والله ماني عارفة كيفاه نردلك جميلك واهتمامك ربي يعطيك قد قلبك......والله نقلك الصح الصح راني اسستفدت بزاااااف من يومياتك ونشاطك ربي يقدرك اكثر واكثر يااا رب راني حاولت نبعثلك رسالة محبتش تفوت..... سلالالالامي الحار لك وللاولاد و بارك الله فيك.
سلام عليكم
حنونتي ام ياسمين علا سلامتك وعندك الحق تزعفي مني .........بصح صدقيني ماشي غير الزهايمر كي نكون بالحمل راسي يثقل مرات حتى نولي غبيه ههههههههههه
اليوم فطنت ال7 الاذكار الصلاة درت اللوبيا طيب ا بلون الخميس اليوم العالمي لللوبيا ههههههه وخرجت للحواش بالييتهم نحيت منهم 2 بادت تراب وحتى عمال النظافه ما ولوش يدهم راهو السبع كل يوم يقولي تزيدي تعمريهم ندفقهملك فالحواش هههههههههه
و دخلت طيبت الفطور وناضو فطرووو الزوج خرج و ولادي قامو ابلغرفه تاعهم ونا سيقت لحواش ودخلت دوزنت اللبوبا تاعي وغلقت عليها
و فتحت النوافذ و رفدت الطابيات بعد ما نقيتهم نفظتهم والى الشمس سيقت الشنابرللي لفوق وزدت الكوزينه وكملت مع الدوش والتواليت نقيتهم مليح
الصالون ما مسيتوش الزوج حاط حوايجو يخدم فيه واااااااااااااااااع لوكان يجوني ضياف ؟؟؟؟؟؟؟؟؟؟؟؟؟
كملت مع ال1 تغداو انا ما ناكلش اللوبيا غسلت لماعن خليت ولادي يفرشو الطابيات و دخلت دوشت خرجت مع الظهر صليتو وتغاشييييييييت من النعب حتى للعصر
نضت مع الاذان توضيت وصليتو وجدتلهم القهوة والحليب ودرت عشليل مقرون سلطه وطلعت للميكروووووو والنت
توتة2008
2014-04-03, 18:49
مرحبا :dj_17: انا توتة2008 من الجلفة اعجبني تجمعكم واريد الانضمام اليكم هل من مرحب:confused:
اهليييييييييييييييييييييين توته خيار الناس
توتة2008
2014-04-03, 20:41
اهلا بيك اختي نخلة شكرا ....
oum hiba2012
2014-04-03, 20:45
اهليييييييييييييييين توتة مرحبا بيك
توتة2008
2014-04-03, 20:46
في الحق انا ثاني استغليت ايامات العطلة غسلت الحيوط و الزرابا و حكيت الماعن بالمكشط بقاو شهب شوية و لكن تنقاو
وباقي وقتي مع اولادي .......عندي ولد5 سنوات و بنت 3 سنوات كل يوم مدوسين ربي يحفظهم
توتة2008
2014-04-03, 20:49
اهلين ام هبة شكرا
ام ياسمين10
2014-04-03, 21:09
اهلين توتة ربى يحفظلك وليداتك رانا قع نعانو مع دواس وليداتنا انا عندى ولد 4 سنوات وبنت سنة ونصف نهار كامل لاباقار نايضة ربى يعينا.ام عبودة لا شكر على واجب ونخولة راكى ناشطة الله يبارك بصح حافظى على روحك والغباء عندك الحق انا كى نكون بالحمل نحس روحى منقوليان هههههههههه ربى يسلك على خير
ام ياسمين10
2014-04-03, 21:12
نخلة ليوم انا تانى درت لوبيا مالا راه اليوم العالمى نتاع اللوبيا ........بصحتكم
ام عبودة
2014-04-03, 21:52
اهين بالوافدة الجديدة تووووووووتة مرحباااااا بيك والله نورتي صفحتنا ولمتنا
ام هبة راكي ما تقدريش تراسلي على الخاص لازم مشاركاتك تفوق الالف ههههههه بصح تقدري ديري تحويل
ولا شكر على واجب برك حبيت نقلك انو الحلبة المطحونة تكون مرة بصح.اغسلي مقدار ملعقة قهوة حلبة حب ونعناع يابس او ورقات نعناع اخضر وخلي مقطار كاس ماء ارمي الحلبة وطفي النار خمس دقائق وصفي وحلي بالسكر او العسل وكهذا ما فيقش بالمرارة انا تاني لما كنت ناكل فيها مطحونة نخلط مقار مغرف قهوة في علبة ياغورت فرويتي والله ما تفيقي بالبنة او تقدري تحطيها غي قرعة ياغوت صغيرة تاني ما تبانش
ام ياسمين ونخولةومدوشة يعطيكم الصحة
ونخلة فكرتيني قالي راجلي راهي الدار تردمت بالترااااب في الوئام حنا دارنا هنا واااسعة ومفتوحة والله ما بان فيها التراب الظاهر جيهتكم تمرض وااااااااع
راني ظل نزوخ عليهم بالمعمورة ههههههههه
اليوم رحت لدارنا القيلولة حطولي القطو والجي
قعدو يتحاكو يظاحكو انا حكمت كوفيرتا ورقدت للعصر قاتلي ماما يا ويلي وقيلا دايرتيها قلتها ما تخافيش راهو غير الدواء يرقد فيا ههههههه عند بالها نتوحم هههههه
كي نظت حطولي القهوة والقاطو وجاتنا مرت عمي وقعدت تحكينا على نساء بكري
حكمتني ختي قشري معيا الجلبانة ودارولي العشاء تعشينا وخملت روحي ورجعت لداري
كلمت الزوج نطمن عليه وراني معاكم توحشتكم ههههههه
oum hiba2012
2014-04-03, 23:03
اهليييييين بيك ام عبودة نورتي ........يتوحشك الخيييير.....بصحتك القيلولة والقاطو هههههه.....ان شالله تكوني نحيتي وحشة من داركم ....
في الحقيقة النعناع والحلبة حب مجربتهمش نجربهم في افرب فرصة ان شاء الله ونشوف......
واش راكم دايرين مع الغبار حنا راه داير حااااالة عندنا ....اليوم دؤت ميناج عميق وسيقت بصح العشوة رجعت الغبرة والتراب تقول عندها شهر متمسحتش......
ام عبودة
2014-04-04, 09:00
صباااااحكم سعيد وجمعة مبااااركة عليكم
الله يتقبل منكم صالح الاعمال في هذا اليوم
ولا تنسو سورة الكهف
ام عبودة
2014-04-04, 09:06
البوم نظت روووطار الحقيقة فطنت على عدة مرات وزدت رقدت كي عادت الجمعة والغبااار بايت يسفف راهي الحالة مقلوبة البرا
نظت على منامات حلوة زهيت بيها توضيت وصليت وذكرت ربي وحمدتو على الصحة والعافية تفقدت اولادي الزوج غائب
لقيت الغاشي غير كيما بدا ينوض طيبت انا القهوة وتقهويت بحبيبات قاطو خملتهملي خيتي البارح
وحكمت الايباد نفسر لروحي في المنامات بصح ما لقيتش
المهم نوض نفض الحالة الزوج يرجع اليوم الغسيل ما عنديش
بديت بالاولاد لبستهم البرد داير حالة نروح نغلق عليهم شومبرا من لهيه ونخليهم يدرسوا وانا نسيق هذه الغبرة عندنا الحساسية انا ولدي ميمي ما نقدرولهاش في الدار
ام عبودة
2014-04-04, 11:53
ويييينكم ؟؟؟؟؟؟؟؟؟؟؟؟
راني ندور غير وحدي ههههههههه
من خليتكم بدلت الفراش ورفدت التابيات وبالييت ومن بعد مسحت الغرف برك والبرا التراب داير حالة في الكلوار الباب كان محلول في الليل صبيت الماء وجبدت بالنشاف ما قدرتش نباليي نشفت والجنان راهو ملبز ان تصحى الحالة ونكملو واااااااع
كملت رجعت للغرفة هبطت لي ريدو وفرشت التابيات وعطرت الغرفة ورحت لغرفة الاولاد طبقت الحوايج تاع البارح برك كي راهم يرقدو من لهيه راهي منظمة بصح غدوة نرجعهم ههههههه. ما بقاش التصباح لازم التبكار مع الدراسة هههههههه
وراني حاكمة شومبرتي ندور في قوقل ونسمع في سورة البقرة بصوت العفاسي رووووعة
الفطور كي العادة عزوجتي دايرة طعام مرقة حمراء
بااااااي الى الملتقى
madoucha
2014-04-04, 14:31
صباح الخير ام عبودة و جمعة مباركة انا نضت من الفجر ماوليتش رقدت قعدت م قوقل ثم نوضت سي السيد وطيبت القهوة فطرنا كيف كيف وبقينا نتجاذب اطراف الحديث حتى ال8 توجهت للمطبخ وهو قعد يستمع للقران في احدى القنوات
وانا قعدت نشوي في الفلفل و قشرتو وخبيتو في الكونجيلاتور ثم قشرت الخرشف لغدوا ندير بيها بربوشة باللحم
بالنسبة للميناج ما درتش الحالة نظيفة والغدا درت حميس وكسرة قليت سكالوب وسلطة
والان راني نخمم واش ندير لعشا واش تقترحو عليا
oum hiba2012
2014-04-04, 16:10
مساء النوووووور عليكم وجمعة مباركة ........اليوم راكي ناشطة الله يبارك ام عبودة....مدوشة ربي يعاونك لوكان تدي برايي ديري حاجة سخونة للعشا مدامو الحال بارد شوربة او حريرة......مع مطلووووع.......انا اليوم ما نضتش بكري طيبت لفطور وطيبت كسرة مبسة فطرنا بيها كنست الدار وخملت وهزيت لفراش .......غسلت لولادي وبدلتلهم حوايجهم كنست لي بالكون لقيتهم معمريين تراب من الغبار ومحبيتش نسيق لخاطر مزاااال الغبار داير حالة .......مسحت الغبرة........طيبت لغدا عدس وشلاطة وفلفل مرقد بوسعادي فالمهراس الله الله......تغدينا راح راجلي للجامع وانا جاوني سلافي صغار عندهم السيزيام هاد العام قريتهم شوي ومن بعد صليت الظهر وقريت سورة لكهف....رجعت قريتهم ومديتلهم تمارين ......وجيت للميكرو وراني نخمم واش ندير لعشا بقالي شوي عدس نزيد معاه حبات بطاطا مقلية هريسة وشلاطة ونعجن كسرة.......درك نروح نطيب القهوة ومن بعد نعجن المطلوع ...........سلالالالالالام.
madoucha
2014-04-04, 16:23
مساء النوووووور عليكم وجمعة مباركة ........اليوم راكي ناشطة الله يبارك ام عبودة....مدوشة ربي يعاونك لوكان تدي برايي ديري حاجة سخونة للعشا مدامو الحال بارد شوربة او حريرة......مع مطلووووع.......انا اليوم ما نضتش بكري طيبت لفطور وطيبت كسرة مبسة فطرنا بيها كنست الدار وخملت وهزيت لفراش .......غسلت لولادي وبدلتلهم حوايجهم كنست لي بالكون لقيتهم معمريين تراب من الغبار ومحبيتش نسيق لخاطر مزاااال الغبار داير حالة .......مسحت الغبرة........طيبت لغدا عدس وشلاطة وفلفل مرقد بوسعادي فالمهراس الله الله......تغدينا راح راجلي للجامع وانا جاوني سلافي صغار عندهم السيزيام هاد العام قريتهم شوي ومن بعد صليت الظهر وقريت سورة لكهف....رجعت قريتهم ومديتلهم تمارين ......وجيت للميكرو وراني نخمم واش ندير لعشا بقالي شوي عدس نزيد معاه حبات بطاطا مقلية هريسة وشلاطة ونعجن كسرة.......درك نروح نطيب القهوة ومن بعد نعجن المطلوع ...........سلالالالالالام.
اهلا ام هبة تشرفت بيك وصح غداك
والله غير عندك الحق خممت ندير مرق جلبانة بالقرنون صوص بلونش ونزيد سلطة ماسيدوان ونقلي قرون فلفل والمطلوع يا اختي راني مزلت ماتفرسنتش فيه كما نديرو يجيني معجن وزيد معنديش الطاجين تاعو وراجلي ميحبوش بصح سخفتيني بيه و بالفلفل المرقد شحال نحبو راهي السخفة دارت فيا حالة مع الحمل وليت اكولة بزاف لي نسمع بيها كون نصيب ناكلها مع اني اجتزت مرحلة الوحم لكن السخفة ماحبتش تروح
وبعد هذي الطلة نصلي العصر ومباشرة الى المطبخ
ربي يعاون الجميع
ام ياسمين10
2014-04-04, 17:58
سلام وشراكم .انا ليوم نضت روطار الغبار داير حالة طيبت القهوة وسقهوينا ومنبعد درت ماسك لوجهى واخر لشعرى وغسلت ماعن القهوة وبدلت حوايج اولادى ورحت دوشت وطيبت غدايا تغدى الكل وغسلت المواعن وصليت الظهر جاء راجلى من الصلاة حكمو ولدى من رجليه وبدا يبكى وقالو متخرجش حتى نروحو للحديقة نلعب قالى راجلى راه بارد الحال والغبار لبسيهم مليح ونديكم ساعة ونرجعكم باش نروح نسقهوا مع اصحابى ايا روحنا للحديقة وكى وصلنا كلمو خوه قالو ارواح مع مرتك تشمو هوا مساكن جاو ماتو بالبرد وشبعو غبار قالولنا مزين هاد الهوا لى عرضتونا عليه ههههه بنتى الصغيرة رقدت وجينا للدار مزية سلفتى مدخلت معايا للدار الدنيا معمرة تراب لوكان تبهدلت .طبقت حوايج ناشفين وسقهويت ورانى نخمم واش ندير للعشاء رانى حاسة روحى رايحة نمرض كى خرجت كان شعرى مش ناشف مع انى لبست خيمار خشين ربى يستر.........
oum hiba2012
2014-04-04, 18:32
اهلا ام هبة تشرفت بيك وصح غداك
والله غير عندك الحق خممت ندير مرق جلبانة بالقرنون صوص بلونش ونزيد سلطة ماسيدوان ونقلي قرون فلفل والمطلوع يا اختي راني مزلت ماتفرسنتش فيه كما نديرو يجيني معجن وزيد معنديش الطاجين تاعو وراجلي ميحبوش بصح سخفتيني بيه و بالفلفل المرقد شحال نحبو راهي السخفة دارت فيا حالة مع الحمل وليت اكولة بزاف لي نسمع بيها كون نصيب ناكلها مع اني اجتزت مرحلة الوحم لكن السخفة ماحبتش تروح
وبعد هذي الطلة نصلي العصر ومباشرة الى المطبخ
ربي يعاون الجميع
الله يسلمك حنونة وربي يعاونك والله غير لوكان جيت مساميك نعجنلك المطلوع ونجيبلك فلفل مرقد يهببببل تنحي بيه السخفة والله راني حاسة بيك انا تاني مريت بهادي المرحلة حتى وتخلاص فترة الوحم تبقى هذيك السخفة.......هههههههه......شوفي المطلوع ديما تكون لعجينة تاعو مطلوقة مش يابسو ....وجربي طريقة الكيس المبلل للوهرانية ربي يحفظها انا كنت ديما ندلك وملي شفت الكيس المبلل وليت نستعملو.......وزيد انا المطلوع كي نكون نقرص فيه نقرصو بالسميد علابالك كي تطيبيه يجي احمممممر يهببببل و غير نحي الخبزة من الطاجين مباشرة ندهنها ساعات بشوية زبدة واذا مكانش شوووووية ماء ......جربي ديري قرصات صغار باه تساعدك كي تهزيها.......وشهية طيبة :mh31:
ام ياسميييين بصحتك التحويسة ان شاء الله متمرضيش برك كولي حبة دوليبران وعصبي راسك....هههههه.....وربي معاك ان شاء الله..........انا نروح نطيب كسرتي ومن بعد نولي ان شاء الله.......
ام عبودة وين راكي واقيلا فالكوزينة مع العشا ربي يعاونك ......لبنات مابانوش اليوم؟.....و نخلة موالفة نشيطة ان شالله تكون بخير مبانتش اليوم..........سلالالالالالالالالالالالالالام حبوبات
ام عبودة
2014-04-04, 20:07
رااااني هنا هههههه مازال ما دخلتش للكوزينة تصدقو بربي تقول مظروبة عليها ههههههه
من بعد الفطور حكمت بلاصتي ورقدت الاولاد بعثتهم للتدريبات وماهر رقدتو تحتي وجيبتها للعصر لقيت ميمي ناضوراح لجداه دارتلو البيبرون
انا كي نظت توضيت للعصر وصليت وشربت تاي وقاطو وحكمت المصحف وقريت سورة الكهف
بدلت لميمي حوايجو رتبت سريري ودري قوماج لرجليا ويديا ومن بعد العشاء ندوش
الغبااار مرضناااااااااااا ومعه البرد
ام ياسمين بلاك تعاودي تخرج وراسك مبلول راكي تمرضي احكمي ديريلو السشوار ظرك حتى ولو نشف باش كاش ما ظربك برد يرووووح هههه ولا سخني خماار ملييييييح وتعصبي
ام هبة نخولة حساب الشوفة هي والمستغفرة هربوا يحوسووووو ههههههه
ولبنات الاخرين وااالو ما بانوش ههههه راهم فاااكونسي ههههههه
المهم يكونو بخير والله غير توحشتهم بزاااااف
عشايا وقيلا مقارونة ههههههه راجلي كي يسافر ولو نهار يجي متوحشها ههههههههه
انا ثاني نجي متوحشة ماكلة الدار كي نسافر نكرهو غير من الشواء والحوت ماكلة لوووتيل
وعلى سيرة الوحم انا يضحكو عليا كي نكون بالحمل نبقى نتشهى حتى للنفاس ههههههه وسائر الايام مانيش سخافة على الماكلة
وعلى بالك راهي غير حالات نفسية برك قالك الطب ماكانش منو قاع الوحم هنههههه
سلام عليكم
ام هبه شكرا على سوالك اليوم بعد ما نضت الاذكار الوضوء الصلاة تقليم الاظافر للي يطولو بسررررررررررررعه مع الحمل درت مسيمينات و طبسي محلبي وكي ناض الغاشي رحت لدارنا تغديت معاهم و جات اختي بعد الصلاه وقعدت حتى المغرب باه عيطتلو جا رجعنا للدار و الوالده عطاتلي عشايا جبتو معايا غير دخلنا تعشينا و صبيت المغرب وبسيررررررررررررعه الى النت جيت متوحشه الميكرووووووووو ههههههههه
ههه انا على العام نتشهى اللي نشوفها نطمع فيها ولازم نذوقها كي الولاد الصغااااااااااااااااااااار
اليوم كي رحت لدارنا قاتلي بنت اختي بللي راهم فاقولي بالحمل بصح وحده ما صارحتني تع الصح خلعواااااااااااااا ههههههههههههه
ونا ثاني مقيبت و سكتت
المستغفرة
2014-04-04, 22:08
راني جييييييت
وشراكم خياتي ام عبودة و نخلة وش راه داير فيكم لقبار ربي يستر
سبحان الله ربي مسخر رياح لتلقيح الازهار و سقوط بعض الازهار سبحان الله و الحمدلله
انا ليوم نظت روطار نقيت شومبرا تاعي بدلت ديكور
هههههه قصدي لكناپي و البايو و لخزانة هههه
وسيقتها ومسحت لقبرة من بعد دوشت و غسلت لماعن
وبخرت دار وصليت وقرأة سورة الكهف
ورقدت كي نظت صليت لعصر
ودرت لعشا قراتان قرعة و حميس
والله والو ام عبودة خصنا تحواس مع الغبار ولبرد
oum hiba2012
2014-04-04, 22:40
سلالالالالالالالالالام حبوبات صح عشاكم....ام عبودة بصحتك القيلولة انا والله ما تصحلي بنتي ساعات ترقد 10دقايق وتنوض هههههه هدا هو نومها.....وابني جامي يرقد في القيلولة .......ميحبش......نخولة ربي يتمملك الحمل وتسلكي على خير ان شاء الله......علاه داركم مقلتيلهمش على الحمل؟.......المستغفرة على سلامتك اختي الغبار راه بارتو داير حاااالة....ان شاء الله غدوة تصحا الحالة وتطلع الشميسة .............تصبحون عل الف خير وللة سعييييدة ....في امان الله.........
ام عبودة
2014-04-05, 08:29
صبااااحكم سعييييييد
نخلة والمستفرة الحمد لله على سلامتكم
انا اليوم ما عنديش اشغاال بزااااف
لكن برنامجي اليوم مع الاولاد ندوشهم وتبعهم باش يرقدو بكري
نوجدلهم حوايجهم تاع الدراسة وكاش ماناقصهم نشري لهم
بلاااك نخرج نشري في هذه الصبيحة
تهلااااو في ارواحكم والى الملتقى
صباح النوووووووووووووووووووووووووور
اليوم فطنت 7 و نص وبقيت في فراشي حتى ال9 ولادي كي فطنو جاو لشومبرتي وقعدنا نصبحو و نلعبو باطمطوووومه بنتي
فطرنا والزوج خرج ونا نبدا ب بخته مسكينه ومنبعد درت غدا ودرت على الدار الداخل تشعل شعيل نقيه والبرا واااااالع الغبار رميت الما وخرجت ا التراب اللي دخل و طلعت الى الكي جبل من الملابس مع كملت جا الزوج بكري تغدينا وغسل الماعن وراني مع الميكرو في انتظار بخته تكمل ننشر الحوايج
نسيت ما قلتلكمش انا ايام الغبار ندير كتانات ونشمخهم مليح ومانعصرهمش بزاف عند البيبان والتواقي ما يدخل بزاف غير حاجه قليله مرات ما نحسوش وكي نخرجو برا الصباح نخلعو من الردم هههههههه
راني طامعه كي يبنيلي يديرلي تواقي الومنيوم قالو ما يدخلوش الغبره؟؟؟؟ يا درا؟؟ صح؟؟؟
ام عبودة
2014-04-05, 13:12
السلااااااااااااااام عليكم واااش راكم ؟؟؟؟؟؟؟؟. وصح فطوووووركم
هاذا وين دخلت كنت براء نشري في صوالح
الصباح شربت قهيوتي انا والزوج هو خرج وانا شمست الحالة ورتبت الفراشات وبالييت البرا
بعثت الاولاد للتدريبات سجلت قائمة الخضر للسائق باش يتسوقنا وحكمت الدوش انا وميمي كملت نشفت شعري خفافي ولبست حوايجي انا وميمي وخرجنا ندورو
تغدينا بيتزا البرا وراني نعساااااااااانة مووووووت نصلي ونستنى الزوج نفطرو ونعمل دووووووودووووووو
الى المسااااء باذن الله
حقا نخلة حنا في دارنا حذاكم دايرين الالمنيوم والله ما دخلت الغبرة بصح البرا راهي مردومة بالتراب قلت اللي في حوش الكوزينة نبلييه واللي برا نسيقو يخرج برا ههههههه
وزيدي مايدخل لا صوت ولا حس
وداري عندي تقريب شهرين من درتلها الميناج العميق ومش باين فيها الغبرة بزاااف
نريح مليح ويهفت الغبار ونديرلها حملة اخرى هههههههه
oum hiba2012
2014-04-05, 14:32
مساء النور ..............وشراكم .........يومكم سعيد.......انا اليوم نضت درت عجينة كبيرة تاع محاجب وخليتها تريح.........وخملت ومسحت فطرنا ومن بعد درت لاصوص وبديت نطيب فيها.....امممممممممممممم......جات تهببببل....ومن كثرة ما كليت دخت وهاذاوين كملت لماعن توضيت صليت وجييييييييييييت.
بعد ما خليتكم سمعت شوي رقيه ورقدت عليها نضت العصر توضيت وصليتو ستقهوينا خليت الماعه هه وجيت لميكرو راهو راسي منفووووخ ومازالو يسطر يا لطيف و ذرك نروح ندير عشا و منبعد ندوش لولادي ونوجد المحفظه مع ولدي
ام عبودة
2014-04-05, 17:49
ام هبة الله يمسيك بالخير وبصحتكم المختووومة يا درا حااارة؟؟؟؟؟؟؟؟؟؟
انا نظت على 4 توضيت للعصر وجدت سنيوة الشاي وشربنا انا والزوج ناض ماهر درتلو حليبو
وصليت العصر وقعدت مع زوجي نتحاكو شوي هو خرج وانا قعدت نتفرج
ذرك نروح نقشر الجلبانة وندير العشاء ونلهى مع الاولاد
من بعد نتلاقووووووووو
ام ياسمين10
2014-04-05, 17:56
مساء الخير الخير يا صحباتى لعزاز رانى توحشتكم .ليوم راها الحساسية دايرة فيا حالة من الغبار مدرتش اليوم الميناج غير الطياب والحوايج اكيد ربى يخليلى بختة مسكينة قع متريحش ههههه .ام عبودة انا تانى كى رحت لماما حكمتنى لقيا لى تمدهالى نقلها وووواع منكلش واجعنى قلبى قالتلى يا ويلى متقوليليش راكى دايرتيها هههه ىاخى وصيتك كبرى ولادك مزلتى صغيرها قلتها متخافيش رانى برك بدلت لابيليل وهو لى راه دايرلى هكا.بصح رانى كليت قع انواع لابيليل وكلهم زفت قتلونى رانى حابة نستعمل وسيلة اخرى لمنع الحمل بصح خايفة من الغلطة
ام ياسمين10
2014-04-05, 17:57
مساء الخير ام عبودة ونخلة راكم هنا
oum hiba2012
2014-04-05, 18:20
اهليييييييييييين حبايبي .....نخووووولة راسك منفوخ وقيلا كي جات لقراية.....غدوة ان شاء الله الحد تبكرووووووو......هههههههه.....ربي يشافيك ان شاء الله......انا هاذي الساعة راني متهنية ولادي صغاااار نبروفيتي قد ما نقدر....ههههههه......ابني كان في الجمعية يقرا مي كي مرض وتعب حبسنالو وهاذا العام ان شاء الله يدخل لتحضيري........
ام عبودة حبيبتي المختومة جات حاااارة تهبل تهبل تنحي وجع القلب......اصلا انا نديرها هااايلة بشهادة كل من ذاقها عندي هي والشخشوخة البوسعادية والصفيطي الله الله.....احم احم حوحو يشكر روحو هههههههه.......بصحتكم الجلبانة حبيبتي ام عبودة وربي يعينكم كااااامل
oum hiba2012
2014-04-05, 18:24
:mh92::mh92::mh92::mh92::mh92::mh92::mh92::mh92::m h92::mh92::mh92::mh92::mh92::mh92::mh92::mh92:
ام ياسمين10
2014-04-05, 18:36
شكرررررررررررررررررررا
ام ياسمين10
2014-04-05, 18:38
ام هبة انا تانى ولادى صغار لا قراية لاوالو .والله راكى حسيتى بيا دارتلى قع الامراض بصح ممكن تقوليلى الطريقة لى راكى تستعملى فيها وامنة ولا لالا رانى حابة نكورج ونبدل بصح يا ويلى لوكان نغلط .ربى يجازيك خير حبيبتى ويحفظلك وليداتك
ام عبودة
2014-04-05, 19:00
سلااامات نخولة ربي يجيب الشفاااء
ام هبة وام ياسمين على السلامة
وتهنيتو من التبكار بصحتكم وااااااااااع
ام عبودة
2014-04-05, 19:04
ام ياسمين يتوحشك الخير يا خيتي
وام هبة اممممممم بصحتكم المختومة
ام ياسمين10
2014-04-05, 19:12
نخولة سلامتك .ام عبودة راكى تحسدى فينا ههههههه.انا طفلتى تموت على التصباح تنوظ تلبسهم وتقويهم وتعاود ترقد حتى 11 وتنوظ تطيب حاجة خفبفة للغداء نظل نضحك عليها.ممكن تفيدينى بخصوص منع الحمل
ام ياسمين10
2014-04-05, 19:24
شكرررررررررررررررررررررررررررررررررررررا
ام عبودة
2014-04-05, 21:36
اهلييين وصح عشاااكم
اوف الحمد لله كمل هذج الاولاد دوشتهم ودرتلهم الفازلين قبل النوم على خاطر سمارو بزاااف نهار كامل وهما بلي بسيكليت تاوعهم واش من تظربو في رجلهم بصح تعلمو يسوقو مليح ملييح عشيتهم وغسل اسنانهم ورقدوا بكري
وراني نستنى في الزوج باش نتعشى معاه
oum hiba2012
2014-04-05, 22:18
:dj_17::dj_17::dj_17:
oum hiba2012
2014-04-05, 22:20
ام عبودة يعطيك الصحة ربي يقويك ويقدرك ان شاء الله
ام ياسمين10
2014-04-06, 08:28
شكرررررررررررررررررررررررررررررررررررررررررررررررر رررا
ام ياسمين10
2014-04-06, 08:37
صباحكم سعييييييييييييييد .رانى انا الاولا لى نضت بكرى ههههههه نضت درت بيبرو حليب لبنتى وطليت من تاقة نتاع المطبخ على الجو عجبنى لاغبار لاريح يهبل قلت نستغلو ومنعاودش نرقد طيبت قهوة وسقهويت بحبيبات كروكى خدمتهم البارح بعد العشاء ودوشت وصليت ونروح نشف شعرى ونوجد روحى رانى حابة نروح لطفلتى اخت راجلى عندى مدة مزرتهاش بالاك راها زعفانة منى ههههههههههه .قلت نطيبلها قهيوة خضرة تحب قهوتى ونديلها الكروكى ونروح نسقهوة معاها على 11 راها تنوض هاد الوقت ههههه ياخى شكارة نتاع نوم .
صباح النووووووووووووووور امحو وش كتيتو هه كاين رجال يدخلو هنا وكاش نهار نتلاقو فالدردشه نحكيلكم بالتفصيل
ما تقتبسوش من بعد نمحيها
صباح النوووووووووووووووور
امس من بعد ما خليتكم حزمت الطبليه والى المطبخ وجدت لعشا وكي كملت جابلي الدجاج نقيتها انا ما نريشش نزلع الجلده وهني راسي هههههههههه
درت ميناج خفيف للكوزينه كملت مع المغرب صليت و تعشينا غسلت الماعن و حكمت الولاد دوشتلهم وبنتي ثاني قعدت تبكي عند باب الدوش تحب دوش دوشتلها
لبسو وفرشو مضاربهم و وجدنا المحفظه والى النوم انا تبع في مسلسل صراع الملوك عندي قريب 3 سنين ما تبعتش مسلسلات هههههههههه
الصباح نضت 7 ونص كنت صليت الفجر في وقتو ورجعت غمضت
وجدت القهوه والحليب فطرت انا و ولدي هو راح يقرا ونا طلعت نراجع حفاظتي بعد نص ساعه رجع ولدي ما قراش وقعدنا نتفرجو حتى فطن الزوج فطر و راح وانا درت شوي على الدار حليت النوافذ و شمست الي كوييت ونظمت وش يلزم وراني مع النت الغدا عندي شربه من غدا امس كاش ما نزيد معاها سلطه وراني نخكمم وش ندير عشا؟؟؟؟
راني طالقه البقره نسمع فيها
oum hiba2012
2014-04-06, 14:39
مساء النوووووووووووور .......يومكن طيب ام ياسمين ونخووووولة.......ام عبودة ما بانتش اليوووم........نخولة راكي ناشطة الله يبارك.........انا اليوم صبحت مع المينااااااج كي شفت الشميسة سيقت ومسحت الغبرة وغسلت لحوايج.....حتان لحقت ال 12 درت فريت وشلاطة تغدينا صليت وتكيت شوية وجيت للميكرو.....
نخلة اذا قدرتي امحيهم.......وكاش نهار نحكو في الدردشة ان شاء الله
ام هبه لازم كل وحده تمحي وش كتبت انا نقدر نمحي كتيبتي برك
بعد ما خليتكم لقيت بنتي رقدت غلقت الميكرو باه نريح عينيا داتني غمضه حتى 3 ونص توضيت وصليت الظهر ودرت عجنه للمسمن قد 8 حبات برك ولقيت وليدي ما قراش مزيا خوه فتحلو الباب معلماتو باه ما يفتحش حتى يطل ملتحت ويشوف خوه اللي يطبطب
جا الزوج على 4 كملت المسيمينات تعشوينا يهم رفدت لماعن وماغسلتهمش وراني نخمم وش ندير للعشا شكون ندبر عليا حاجه بلي كويس تع دجاج
هاكم شوي مسمن
http://im74.gulfup.com/NChPuZ.jpg
جارتي لوكان غير جيتي سكنتي راني مانلقاش لمن نبعث ولادي وزعوه برا حتى 2 حوانت اللي مقابليني قالو وين راه المسمن؟؟؟للي نديرها يشموها راهم قاعدين تحت الحيط
ام عبووووووووووووووووده فكريني غير نلحق 1000 مشاركه نبعثلك رساااااااااااله
oum hiba2012
2014-04-06, 17:41
اممممممممم.....نخولة المسمن تاعك يشهي الله يبارك بصحتكم.....ولوكان غير جيت جارتك تبعثيلي شوية ههههههه......علابالي بلي متقدريش تمحي واش كتبنا مي راني محيت شوية وكاين اقتباس دايراتو الخت ام ياسمين لازم هي تمحيييييه ان شاء الله كي تدخل راها تمحيه اووكي؟
السراب الحالم
2014-04-06, 17:52
السلام عليكم حباباتي
انا اليوم رجعنا نخدمو ماريحت ما والو في هذي العطلة مرض ابني وزاد صايمة
المهم نضت الصباح وجدت روحي ونوضت الزوج راح جاب الطوموبيل لانو يبيتها في القاراج عند دارنا قراب لي
في هذا الوقت رضعت ابني وبدلتلو حوايجو وهو راقد مسكين والف في العطلة يصبح راقد
خرجنا اديتو لماما نخليه عندها ورحنا نخدمو اليوم نخدم من 8 الى 4
روحت جبت ابني من دارنا ولقيت ماما دارت المبرجة دارتلي طبسي ومرت عمي تسكن قدامنا جابتلي طبسي كركي
وانا جيعانة دارونا في المطعم عدس ماعجبنيش كليت بيضة وباط ياغورت هذا غداياهههه
روحت طيبت الحليب وكليتطبسي الكروكي كامل ههه وما فقتش بلي ماخليتش لراجلي الله غالب كنت جيعانة
خرجت الفراش للشمس اليوم الجو ربيعي
باليت الحالة وفرزت وقعدت نتفرج في المسلسل نتاع نساء حائرات يعجبني وفي نفس الوقت نلعب مع ابني ونكونكتي
وذرك نضوض نغسل لمواعن وندير العشا
ربي يعينا كون جا الواحد مش محتوم والله ما نخدم
السراب الحالم
2014-04-06, 17:54
نخلة المسن يهبل سلمت يديك
بعد ما خليتكم هبطت للكوزينه درت عشا تعشينا وغسلت الماعن الزوج خرج وفرحت بروفيتييت ديركت للدوش راهو رجع يعيب عليا كثرة التدواش وليت ندوش خفيه
لقيت ولدي الصغير رقد والبقيه يتفرجووووووووو
صليت المغرب مع العشا وجيت نقصر فالنت في انتظار رجوع الزوج
ام عبودة
2014-04-06, 21:38
اهلييييييين وسهلين بالاحبة توحشتكم موووووووت اليوم من نظت وانا في الميناج راني عياااانة اليوم بمعنى الكلمة
نظت على 6:30 صليت وذكرت ربي واستغفرت
وجدت القهوة وفيقت الاولاد لبستهم ورااااحو
الزوج دوش وخرج للعمل وانا فتحت بختة منا والتسياق منا حليت النوافذ الله الله على نهار اليوم ينشط
كملت غرفتي مع تاع الاولاد وكملت الكلوار وغرف للعائلة وخرجت برا للجنان كوطتني الشمس
دخلت للغرفة فرشتها وغلقت الطواقي وعطرتها
كملت زيتت شعري وفطرت توضيت وصليت الظهر رقدت ميمي ورحت ندوش من العي ما قدرتش
ظهرت صالحة اخرى كملت وقعدت نتفرج للمغرب صليت
ودرست الاولاد شوي طبقت الحوايج ورجعتهم لبلايصهم العشاء فضلت السباقيتي من الفطور وزدت حريرة تاع خضر
تعشيت انا والاولاد بيها وراني نستنى في الزوج
ام عبودة
2014-04-06, 21:45
مرحبااااااا بنخولة وام ياسمين وام هبة والسراب صح صيامك والله يتقبل منك
نخولة لحقتني ريحة المسمن هههههههه وبصحتكم
وصح عشواتكم
الى الغد راني عيااااانة ونعسانة
المستغفرة
2014-04-06, 21:50
السلام عليكم وشراكم
نخلة لخميس لي فات كان عرس هذاكم راكي عارفة نتاعمن ههههه
ليوم نظت روطار دوشت و خدمت شعري
و خدمت لاختي و رحنا للعرس جاز حطة
وشراكي ام عبودة
يعطيك صحة نهار شارجي
ربي يعطيك صحة الابدان
المستغفرة
2014-04-06, 21:53
نخلة الله يباركلك في صحتك
مسمن روعة
منفخة كنت جيعانة
حنا كي تتنفخ لمسمنة نقولو مولاها جيعان هههه
المستغفرة
2014-04-06, 23:48
رقدتو تصبحو على خير
احلام سعيدة
ام عبودة
2014-04-07, 07:59
صبااااحكم سعيد ونشيييييييط
المستغفرة هههههه كي رقدنا دخلتي هههههه
بصحتكم العرس وربي يهنيهم والعقوبة ليكم
انا نظت على 7 صليت ومع الاذكار
وجدت القهوة نوظت الاولاد الزوج
لبست للاولاد وراحو للمدرسة وانا مازالني مع الزوج وماهر نلعبو هههههه
ام ياسمين10
2014-04-07, 09:34
صباح الخير.البارح كى جيت من عند طفلتى جيت فى حالة من الحساسية درت عشايا فريت وقليت صكالوب هاذا وش قدرت نطيب وفى اليل بايتة فى حالة نيفى يحرق وعينيا يسيلو بالدموع وراسى منفوخ ليوم نضت بكرى طيبت قهوة وصليت ونوضت راجلى بالاك يدينى لطبيب الحساسية محبش ينوض ليوم ميخدمش .ربى يهديه كى يكون هو مريض يروح يجرى لطبيب وكى نكون انا تجيه صعيبة .الربيع كامل يعقب عليا هكا .سامحونى جيت نفرغ قلبى عندكم .
صباح النووووووووووووور
المستغفره يعطيك الربح على جيعانه هههههههههه بصح صح ماكيش غالطه
العرس سمعت لغنا بصح ما عرفتش وين ؟؟؟؟ الدار الرنجي؟؟؟ ما تقوليليش جيتي المره الجايه نعتلك داري وارواحي اصبري يكون عندي 1000 مشاركه ونعطيك رقم الدار
لبارح قبل ما نرقد خمرت الفرينه وخليتها للصباح طيبتها كسره حلوة فطرو بيها
اليوم نضت 7 نوضت وليدي و درت كسرتي فالكوشه
الوضوء الصلاة وجدت فطور الصباح البقيه فطنو وشمو ريحه الكسره مممم تلمو عند الطابله قبل ما يغسلو وجوههم فطرنا وكل على شغلو اللي الى المدرسه وللي الى العمل الصغير الى الرسوم بنتي الى التمشيط والتبدال والفت التحفه
انا وجدت عجينه للديول طلعت صشورت شعري فتحت الدار تتشمس وتتهوى و درت على الدار دوره خفيفه وراني مع الميكرو مازالتلي الكوزينه والغدا نهبطلهم على ال10 هههههههههه
ام ياسمين10
2014-04-07, 09:36
نخلة رانى محيت واش كتبت معلاباليش يدخلو رجال .كى تروحو للدردشة اعلمينى باش كاشما نستفيد منعدكم.
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ام ياسمين10
2014-04-07, 10:10
نخلة رانى نستنا فيك فى الدردشة
iiiiiiiiiiii ياسمين كي رحت انت جيتي رحت نطيب فالديول المقلى تاعي ما صلحش طيبتهم في طنجره بصح صغار والولاد درنا صندويشلت ما دام السبع غايب
نشرت لحوايج و زدت درت وحدوخرين وتوضيت وراني مع النت نستنى الظهر من بعد نشوف وش ندير؟؟؟ بالاك نوجد العشا بكري علابالي ما تصحليش لا سياست مع ولادي
ام عبودة
2014-04-07, 13:48
صح غداواتكم واش راكم
البوم ماكانش عنطي بزاف شغل
شمست الغرف وبالييت وخملت الكراكيب في الادراج وعملت حمام زيت لشعري
دوشت وميمي تاني للستو وخرجت نلعب فيه في الجنان رجعوا الاولاد فطرنا بعثتهم للمدرسة وانا توضيت رقدت ميمي
الدار رايح لتقرت رفداتو عزوجتي راقد وداتو معاهم صليت وراني رايحة نرقد بثح لازم نستنى الشلة حتى يخرج من ليكول
ام عبودة
2014-04-07, 19:30
وييييينكم؟؟؟؟؟؟؟؟!!!!!!!!
ام عبودة
2014-04-07, 19:37
من بعد ما خليتكم ستنيت الاولاد رجعوا ورتبوا صوالحهم. قعدوا يتفرجوا بجنبي وانا رقدت للعصر نظت توضيت وصليت وقعدت نتفرج رجع الزوج شربنا الشاي
هو رقد وانا رحت للكوزينة درت العشاء وجدت السلاطة والفريت
درت للزوج سندويش ونوضتو دوش وخرج وانا قعدت ندرس في الاولاد صليت المغرب وراني قاعدة ندور في النت
هذو الايامات الشعر والبشرة يتضرو بزاااف راني نستعمل كل يوم في حمامات الزيت وكريمات الترطيب في الليل والنهار
والحمد لله جابو نتيجة
والاولاد تاني تاثرو بزاف بالنسمة راني غير مع الفازلين
وانتما وااااش درتوووووووووا ؟؟؟؟؟؟؟؟؟
المستغفرة
2014-04-07, 21:19
مساء. الخير وشراكم
ليوم خرجت رحت نبعث في كولي لاختي
قعد يضحك عليا مولا لابوست قلي وعلاش معندهمش ليمول
ههه
وكي جيت تغدينا و رحنا عندنا واجبات في العسافية
جينا على لخمسة رقدت راني غير كيما نظت
نخلة كي تدخلي نقلك تاعمن لعرس
ام عبودة
2014-04-08, 08:35
صبااااحكم سعيييييد
انا اليوم نظت مع ال5 زوجي عندو عمل وجدت القهوة وصليت وعقد نستغفر
وجدتلو لبستوا ورجعت رقدت لل 7:15
فيقت الاولاد وشربتهم حليبهم لبستهم وبعثتهم للمدرسة
واليوم راني مولات الدار نروح ندير الفطور وكاش ما نغسل
النهااااار جديد وزوييييييين راهو ظيف عندكم اكرمووووووووه
ام عبودة
2014-04-08, 08:36
المستغرة عندك اخت في الماريكان وااااش داها لثمة هههههههه
وعندو الحق يظحك عليك هههههه راه استغرب !!!!!!!!
ام ياسمين10
2014-04-08, 09:47
صباحكم سعييييييييييييييييييد جيت نصبح عليكم ونروح لصوالحى راه النهار يهبل البارح كنت مريضة مدرت والو غير الطياب لازم .وكى نكمل نجى نحكيلكم
صباح النوووووووووووووووور
يامس كي خليتكم ............... نفس العباره دايمن ..................يخي لازم التسلسل
المهم دخلت للكوزينه قبل العصر وجدت لعشا وقهويت ولادي وظفت كوزينتي ونظمتها كملت 5 تعبت رجليا ما رفدونيش مسطر لقيتهم نفخوووووووووووو
رجع الزوج للي خرج مصباح رجع برونزي فقت بيه كان برا يحوس هههههههههه ر
ستقهوى وطلعت نريح والولاد يتفرجوووووووو ماحسيتش ختى اذن المغرب صلينا وتعشينا و زدت خمرت كسره وحدوخرى تع البارح ما لحقش عليها الزوج ولدي جاب صحابو وزعها عليهم
اليوم فطنت 7 لقيت ولدي ناض ولبس هبطت سخنت الفور توضيت وصليت وجدت بيبرون بنتي
طيبت الكسره فطرو و راح بني للمدرسه والزوج الى العمل ونا الى الاعمال تشماس و غسيل و.................
جيت نريح شوي قبل ما نبدا نكوي الحوايج
الغدا بعثتلي اختي طعام داتو معرووووووووووف
ام عبودة
2014-04-08, 12:43
ام ياسمين على سلامتك والله يشافيك
راهي حتى انا كي تحكمني الحساسية نطيح فراش الهواء ما نقدرش نشمو بصح كي يكون الدواء تخف شوي وماتشدش بزااااف
نخووولة بصحتكم المعروف
والغاشي كامل سمااارو من هذه الشمس والله يا ولادي في العطلة من لعب هم في الجنان ولالو زيتونات هههههه وهما من بكري سمورا هههههه
من بعد ماخليتكم الصبح
كنست الدار كاااملة ولميت الغسيل وحليت بختة ما همش بزاااااف
ودخلت للكوزينة غسلت مواعن القهوة. ودرت الفطور بطاطا كوكوت تاع ام رامي وسلاطة
كملت الحوايج نشرتهم ودوشت وراني نستنى في الزوج نفطرو نصلي واوووووب دووووودوووووو
ام ايمان1
2014-04-08, 15:44
السلام عليكم حبيباتي وماروع لمتكم ربي يدومها ومشكورة اختي ام عبودة على موضوعك الرائع حتى انا نشارك معاكم بومياتي ونتبادلو الافكار والتدابير ارجو منكم تعطيوني تساعدوني راني نبني في دار جديدة وحابة افكار لانه منزل واسع وحابة ندير مطبخ مفتوح اللي مجربة تفيدني ومشكورة مرة ثانية اختي ام عبودة
ام ايمان اهلا بيك
المطبخ المفتوح يا المطبخ المفتوح نصيحتي ليك خليك منو
نون سولمون ديمودي ارواحي نحكيلك على عيوبو عندي 2 خالاتي وخال وخويا واختي غير كيما بناو وداروووووووووووه وصراحه كاملين ندمو وبعد 3سنوات ولا 4 راهم ترونسفورماو
قالك الماكله تفوح فالدااااااااااااار والدار تسخن سيرتو في رمضان ولا فابور تع الطياب تمشي للدار و........... نسيت بصح عيوبو كثيره
راهم ولاو يديروه نص مفتوح يعني ديري كي شغل تاقه بلا ما تغلقش طل على الهول وديري فيها رخام او يجي تحتها بوتاجي تسربي منها
وللي صح عجبتني وراح نديرها انشالله في كوزينتي
ماذامها كوزينتك كبيره قسميها على 2 ب بوتاجي نص فيه وين تغسلي وتطيبي والنص الثاني صال امونجي وبلاكا ر شف خوالي داروها صراحة كلاص و براتيك ذرك نحطلك صور باه تفهميني اكثر
http://im85.gulfup.com/q7VnGL.jpg
راجلي قالي تزيدي تجيبيلي تصاور الكوزينات نحيلت النت ههههههههههه هبلتو وحنا مازال ما بدبناش اصلا رانا غير مع البلون
ام ايمان1
2014-04-08, 19:58
راجلي قالي تزيدي تجيبيلي تصاور الكوزينات نحيلت النت ههههههههههه هبلتو وحنا مازال ما بدبناش اصلا رانا غير مع البلون
ربي يفرحك ويعطيك ماتتمناي اختي نخلة ومشكورة على النصيحة ورايحة نعمل بيها انشاء الله وراني نتبع في مشاركاتك ماشاء الله مرا ونص
ام عبودة
2014-04-08, 20:33
اهليييييييين واش راكم
ام ايمان مرحبا بيك معنا
وربي يباااارك لك في السكنة الجديدة
وراي من راي نخلة غير يتعبك انا عندي ابن عمي دايرو وعاود رجعو مغلوق
الريحة والحرارة ......
ولاتقدري ديري كيما فكرة نخلة ديري شغل كوزينة كبيرة الدخلة بباب واحد وافصلي بيناتهم باش تبردي قلبي من المطبخ المفتوح ههههه
يعني نص للطبخ ونص للاكل
ام عبودة
2014-04-08, 20:36
من خليتكم ستنيت الزوج حتى رجع وراحت عليا والله ما رقدت
تغدى وتكى وانا قعدت نوجدلو في حوايجو تاع السفر
صليت العصر وقعدت نتفرج
ناض الزوج وجدتلو سينية الشاي دوش وتوكل على ربي ربي يلحق على خير
وانا دخلت حوايجي وطبقتهم رحت للمطبخ غسلت المواعن وبقى من الغداء
الاولاد حبو بيتزا بلاك نجيبلهم من برا
المستغفرة
2014-04-08, 21:28
بصحتكم ام عبودة
ام ايمان و نخلة
عندي وحدة فاميلتي
داير لمطبخ مفتوح و معمراتو بحوايج الديكور يهبل
بصح مهيش طيب فيه فيها باب صغير بانية بوتاجي صغير وفور وكانون طيب فيها
يتسمى كوزينة صغيرة طيب فيها والاخرى مخليتها هاك
بصح معجبتنيش ونتوما قولولي رايكم
ام ايمان1
2014-04-08, 21:45
عندك الحق اختي المستغفرة احنا مايصلحوناش المطابخ المفتوحة راكي تعرفي هدي محاجب وهدي روايح راهي تاع الاوربييين تصلحلهم لانهم خفيف في لخفيف زيدو اعطيوني رايكم المطبخ نبنيه ولا نشريه جاهز
ام ياسمين10
2014-04-08, 22:30
مرحبا بيك ام ايمان صراحتا انا ميعجبونيش المطابخ المفتوحة راهم قالولك العيوب نتاعهم ونزيدك عيب اذا كان المطبخ يطل على صالة وجاوك ضياف نتى طيبى والغاشى يتفرج وخاصة فى العائلات المحافظة حتى لوكان هول ويكونو قاعدين فيه غير فاميلتك ولا فاميلت راجلتتتفرج فيا ك راكى تحشمى انا رانى نحب نطيب وحدى لوكان تجينى اختى وتتفرج فيا منعرفش نطيب ........ام عبودة ربى يخليك ليا رانى ريحت صح الحساسية تغبنى بصح نهار ولا زوج ونريح
ام ياسمين10
2014-04-08, 22:32
ام ايمان المطابخ الجاهزة راهم قالو ميحبوش الماء راهم يتنفخو وانا مجربتهمش
ام ياسمين10
2014-04-08, 22:39
منبعد مخلتكم ليوم .........كيما تقول نخلة هههه رحت سيقت الدار كاملة وشمستها وبدلت مكان الكنابيات والتلفزيون والميكرو حاطتهم فى الهول ومسحت المابل وطيبت غدا بطاطا كوكوت رانا متفاهمين انا وام عبودة عليها ورقدت بنتى وقلت نرقد معاها مخلانيش ابنى راه مصبح حتى 10 باه ناض .ايا صليت العصر وطيبت قهوتى وسقهويت وحدى راجلى ميجيش حتى المغرب وطيبت عشايا بكرى درت طعام وجاء السبع قالى حطيلى عشايا رانى ميت من الجوع مزية كان طايب وغسلت مواعينى وتفرجت حريم السلطان هههه لازم ورانى رايحة ندير دودو نعسانة موت مقدرتش حتى ندوش
ام عبودة
2014-04-09, 07:58
صباااااحكم سعيييييييييييييد
ام عبودة
2014-04-09, 08:00
اليوم نظت على 6:30
صليت واستغفرت ربي
رحت للكوزينة طيبت القهوة وجدت حليب الاولاد
لحقت السبعة وحاجة فيقتهم وشربو الحليب
وجدتهم للمدرسة راهم راحو وانا قعدت في غرفتي
البرنامج اليوم مازال ما خططتش
ام عبودة
2014-04-09, 08:14
ام ياسمين والمستغفرة على السلامة
ام ايمان المطابخ الجاهزة ما يشدوش ولو تكون محافظة عليهم راهم غير ديكور واصلا اللي يلحقو للدزاير خشب mdf حنا قالهانا واحد من الشراقة والسعر نااااااار مالا تاخذي من راي حوسي على الموديل اللي يعجبك وعلى راحتك من النت ورحي للنجار يخدمهولك حبيت خشب ولا بلاستيك ولا الومنيوم
انا العام اللى فات كومونديت على واحدة سقمتلي تقريب 120 مليون وكي بطلنا السكنة بطلتها وهذه من الشراقة
وعاودت كومونديت على واحدة سامبل مافيهاش ليكتروميناجي سقامتلي60 مليون
دبرو عليا بزاف المبلغ هذا يبنيلي كوزينة خيااال ونعمرها من a. Z
والجاهزين كون غير يصلحو ههههه مش خسارة انا شريت من الخشب هذا شومبرا ولله غير مع المحافظة عليها وحدها وحدها البيبان وساعو على بعظاهم ولا كاين فراغ كي نغلقهم ومرة باب خزانة الاولاد وحدو طاح
قالك مايحملش الحرارة ؟؟؟؟؟؟؟!!!!!!!!!!!!!
من ناحية الديكووور ههههههههه غير هما بصح ما يدوموش
اللي عندو الوقت يخدم عند النجار وخلاص
ام ايمان1
2014-04-09, 09:03
مشكورين اخواتي ام عبودة وياسمين على نصائحكم وفعلا عندكم الحق كامل قالولي نفس الكلام ربي يحفظكم انشاء الله
ام ايمان1
2014-04-09, 09:17
:mh31:صباحكم منور وسعيد نعرفكم بنفسي انا ام ايمان من قسنطينة وام لخمسة اطفال عندي زوج في الابتدائى وثلاثة في الثانوي ربي يحفظهم امالا لازم نكون منظمة وقتي بين الدار وبين قرايتهم اللي تشيب وما ننساش الزوج لعزيز لازملو هو تاني التاويل:cool:في الصباح نوض على 6.30 نصلي وندخل للكوزينة نبدا نوجد في لفطور ونوض لولاد مايجيو ينوضو بالسيف نبقى وراهم حتى ل7 باه ينوضو يفطرو ويروحو لمدارسهم ونزيد نفيق زوجي نحكيو شوية في برنامج اليوم من بعد يشرب قهوته ويروح للعمل ونبقى انا نحارب مع شغل الدار:30::30:نحل نوافد ونحط لعصفور تاعي في الطاقة باش نسمعو وهو فرحان بجو الربيع نكنس الزرابي برسبيراتور نمسح الغبرة اليوم ماعندش قش لغسيل غسلتو البارح وللغداء عندي التليتلي تاع البارح ومن بعد لغداء نصلي ونغيس شوية ولو 2 دقائق باش نقدر نكمل الفترة المسائية
amina nourhanne
2014-04-09, 10:13
Sbah enour habibati
سلام عليكم
من قبيل ونا نقرا في حكاياتكم ونا كنت طامعه في كوزينه سكولتي كيما يقولو راكم حشيتولي فيها واصلا ما نلحقش على سومتها 120 تبنيلي اطاج و 60 ديرلي فينيسيون هههههههه
اليوووووووووم اليوووووووم اليوووووووووووم
نضت 7 ونعساااااانه توضيت وصليت وجدت القهوة ونوضت ولدي فطر وراح راني فرحانه من العطله راني نوض فيه فلليل 3 مرات يصبح فراشو ناشف
ناض الزوج وبنتي ستقهوسنا هو خرج ونا بنتي درنا فولارات والى العمل
عجنت للمحاجب و وجدتلها الصوص ورحت لحوش بالييت وسيقتو دخلت للدار فتحتها وشمستها وخرجت الفراشات
الى المطبخ سجيت محجوباتي ومسيمينات للعشيه جا ولدي على 11 وربع تغدينا لانو السبع رح يطول
الى الحماو والتواليت نقيتهم لاني بدلت الميناج تع الجمعه وليت نديرو بالخميس ومنه فالدوش والتواليت النهار للي قبل
كملت 12 دوشت وطلعت غلقت التواقي وفرشت وحليت الميكرو في انتظار الظهر
ام عبودة
2014-04-09, 14:12
السلااام عليكم
نخلة تخلعتي هههههههه البني ساااهل حنا دارنا اللي بحذاكم عودناه بالحساب 400 مليون واااع تبني دار
واسعار المطابخ هذوك راهم ناااار والله كاين اللي يخدموهم عند النجار ما تسقامش حتى 20 مليون
من بعد ما خليتكم
حلبت التواقي للشمس ورحت سيقت غرف العايلة راهم ماهمش هنا
وغسلت حويجات كملت دخلت للكوزينة غسلت المواعن وسيقتها ومن بعد درت الفطور شكشوكة اشتهيتها كي عدت وحدي الغاشي ما يحبهاش
فطرت انا واولادي لحقت وقتهم بعثتهم للمدرسة صليت الظهر وراني نستنى يرجعو باش نرقد شوي
هيا الى الملتقى
اه بلا ما ننسى نورهاااااااان مرحبا بيك حتى حنا توحشناك
ام ياسمين10
2014-04-09, 17:58
مساء الخير حبيباتى وشراكم
ام ايمان1
2014-04-09, 19:27
مساء الانوار حبيباتي من فضلكم اللي تعرف اطيب لاتاي كيما تاع الصحاروا تعطيلي المقادير
ام عبودة
2014-04-09, 22:00
لاتاي راه حساب الورقة يعني ماركة اللي تشريها تكون من النوع الغالي ويلحق الى120 الف
ولازم تمصمصيه يعني تشليه او تغسليه بالماء المغلي والسخون ثلاث مرات ومن بعد على نار هااااادئة تخليه يطيب في حين تحطي نعناع يابس من الافضل
في ابريق اخر وتغسلي بالماء السخون مرة واحدة
وكي يطيب التاي تصفي في البراد ومن بعد تلقمي يعني ديري السكر في كاس وابقي تسربي وترجعي الى الابريق باش تجيك الرغوة
والتاي اهله يشربو الطبخة الاولى بصح تجي قاطعة حنا نديرو الطبخة الثانية والى يحبو خفيف شوي يزيدلو الطبخة الثالثة
يعني كل مرة تصفي عاودي عمري ابريق اللي طبختي فيه التاي بالماء السخون ورجعؤه الى النار
ام عبودة
2014-04-09, 22:05
من بعد ما رجعو الاولاد رقدت شوي
نظت صليت العصر ودرت العشاء
وقعدت مع الاولاد نتفرجو
رجع الزوج من السفر وخرج مزروب معروض للعشاء شخشوخة بسكرية
كي رجع من العرضة خرجنا درنا شو وشرينا صوالح
تعشينا ورقدو الاولاد وانا نقولكم تصبحووون على الف خير
ام ياسمين10
2014-04-09, 22:27
ام ايمان سامحينى منيش معلمة فى التاى .راها ام عبودة كفت ووفت .تصبحون على الف خير الى الغد ان شاء الله
anais lily
2014-04-10, 06:25
صباح الخير والنشاط
يوم جديد من يوميات عضوة الي تعطينا النشاط و الحيوية
أنا من المتتبعات
عندي طلب صغير من المتميزة أم عبودة طريقتك في تعطير المنزل و الملابس و الخزانة وشكرا مسبقا
ام عبودة
2014-04-10, 07:49
صبااااحكم سعيد
اليوم نظت على 5:45 الزوج عندو عمل توضيت وصليت واستغفرت ربي
رحت للمطبخ وجدت القهوة راوية ناظت بكري شربت معنا حليبها
وجدت ملابس الزوج ورجعت تكيت شوي لحقت ال 7:20
نوظتني راوية رحت وجدت حليب عبودة ولبستهم حوايجهم
وذرك يروحو للمدرسة
الصوالح ما عنديش بزاااف غير مواعن القهوة والعشاء نغسلهم الفطور عندي بزاف البواقي
ممكن ندير للزوج حاجة خفيفة ما يحبش البواقي
هيا بااااي الى الملتقى
ام عبودة
2014-04-10, 07:55
صباح الخير والنشاط
يوم جديد من يوميات عضوة الي تعطينا النشاط و الحيوية
أنا من المتتبعات
عندي طلب صغير من المتميزة أم عبودة طريقتك في تعطير المنزل و الملابس و الخزانة وشكرا مسبقا
صبااااح النور
واش راكي خيتي ومرحبا بيك معنا نورتينا
على تعطير الخزانة راني درت موضوع في هذا القسم ظرك نحطك الرابط
تعطير النزل انا نستعمل البخور والملابس نستعمل soupline غالي شوي بصح رووووووعة
وهذه الفوتو تاعو
http://img855.imageshack.us/img855/9610/wms5.jpg
ام عبودة
2014-04-10, 08:08
انيس ليلي راهو الرابط
http://www.djelfa.info/vb/showthread.php?t=1494332
ام عبودة
2014-04-10, 11:03
من بعد ماخليتكم
درت شوي رياضة لشد العضلات ههههههه الحمد لله ماعنديش مشكلة السمنة
فتحت التواقي نظمت غرفتي وغرفة الاولاد. وطبقت خزانة الاولاد
كملت رحت للمطبخ غسلت المواعن ودرت البطاطا في الكوكوت باش نديرها بوري
وتبلت الدجاج كي يرجع الزوج نحمرو
درت التواليت والدوش وسيقت معاهم المطبخ
وراني في غرفتي نستنى في الاولاد يرجعو
ام ياسمين10
2014-04-10, 12:37
صباحكم سعيد .ليوم نضت روطار البرح فى الليل مجانيش النوم .سقهويت مع اولادى ولبستهم وخليتهم يلعبو فى الحوش وشمست الفراش وباليت الدار كاملة وطيبت عدس للغداء وكلت بنتى والزوج جاء وراح مع ابنى للحفاف وكى يجو نتغداو وندوش ولادى ورانى مشمخة كوفيرطة نروح نكملها ومازااااااااااال الخدمة نحوس نكمل خدمة نتاع غدوة باش اذا ماجانى حتى ظيف نخرجو باذن الله ...
ام عبودة
2014-04-10, 17:40
راه المنتد ثقيل معيا ما قدرتش ندخل
سلام عليكم
اليووووووووووووووم
فطنت الصباح 7 الاذكار الوضوء الصلاة الى المطبخ وجدت القهوة والحليب و الحمص فالكوكوت ولدي البكر فطر و لبس وراح يقرا انا مافطرتتش طلعت تكسلت شويا في انتظار الزوج يفطن ونفطر معاه
بعد ما ناضو البقيه فطرنا معوله على تع ام كوثر والطماطم مع الفلفل والثوم فالفور لبست حوايج الميناج الفولارات انا وبنتي والى العمل
بديت بالكوزينه سيقتها. وطلعت شمست الحاله ونقيت الطابيات و درتهم فالتواقي بالييت الفوق والدروج و لتحت سيقت وراني نخمم مانرجعش الطابيات سخن الحال ممكن نبدا نغسل فيهم ونخبيهم لسبتمبر ولا اكتوبر ان شالله
كملت الجزء الثاني من غدايا وسجيتو .جا ولدي من ليكول مرييييييييييييييض من لي زونجين ديركت رقد في فراشو وحنا تغدينا على 11 ونص الزوج كونجي غير يدخل يطلب على الغدا
غسلت الماعن و نفحتلي فلاحلوي درت جينواز بالفلون و البنان ممممم للي بقا من الفلون درتو بالبيسكوي وزدت تيراميسو
كملت مع الظهر كااااااااااااااو تيكنيك توضيت وصليت وتغاشيت
فطنت على 3 رحت ديركت للكوزينه غسلت ماعن الحلوى وقطعتها وذقتها ما صبرتش حتى ينوضو
ناضو 4 وستقهوينا التراميسو خبيتو عليهم لغدوا هههه وطلعنا نتفرجو مع بعض حتى خرج الزوج باه انا حليت الميكرووووووووو من قبيل ونا نراجع
ايييييييه ام عبوده الغسله الثالثه تع لاتاي تكون بالما البارجد احسن جربيها
اما عن اختيار التاي فكل ما كانت الورقه ملفوفه في بعضاها يعني مكعبره كان احسن هاك تعرفي النوعيه الجيده
راني هاذ الايام مع النعناع نغسل ونيبس ونخبي للنفاس تاعي راهو غالي 50 للربطه هبلوووووووووووو التجار
و سوبلين راهي كاينه وحدة دري 11 الف تع الصاشيات الصغيره انا نيرها حتى في بيدون التسياق هههههههه
ام عبووووووووووووووووده علاه تغيري فيا بالرياضه
موالفه بالبيسيكلات والطوران وراهم كلاتهم الغبره في شومبره تع الخرده غاضوني و انا ما صبرتش عليهم
ام عبودة
2014-04-10, 20:53
السلاام عليكم
نخلة حتى الحامل عندها سبور ادخلي في النت وحوسي بصح لازم تسولي قبل الطبيبة تاعك
انا الزرابى نفرشهم حتى الصيف برك الشتاء نفرش الخشان والصيف الخفاف ما نقدرش بلا بيهم هههه
وبصحتكم الحلويااااااات راكي شهيتيني في التيراميسو بصح تقول مظروبة على الطيااااب عييت نفح في روح واااالو
وعلى سوبلين نشري تاع 3 ل ب85الف وتشدلي شهر ونص الى شهرين
وانا ساعات نديرها في الماء ونمسح بيها الموبل في غرفة الاولاد اممممممم على الريحة روووعة
ام عبودة
2014-04-10, 21:02
من بعد ماخليتكم الصبح
كلمت ميمي واطمنت عليه قالي توحشتك ماما هههههه
وتفكرت ميمتي في ذيك الساعة كلمتها وصقصيت عليها
رجعو الاولاد فطرت معاهم وقعدنا نتفرجو في غرفتي لحقت وقتهم بعثتهم للمدرسة وانا صليت وقعدت نتفرج نستنى في الزوج راحت عليا الرقدة وانا نستنى فيه كي عادت ال4 رحت للكوزينة وجدتلو فطورو رجع دوش وتغدى وراح رقد انا قعدت نتفرج صليت العصر ونظت للكوزينة غسلت المواعن. وطيبت العشاء
خلطت لهم مرقة بيضاء بالقرنون والبسباس ودرت حميص
كميت ناض الزوج وجدتلو الشاي وقاطو من برا هههههه
لبس وخرج وقعدت مع الاولاد يتفرجو عندي رانا نستنو في الزوج باش نتعشو م بعض
ام عبوووووووووووده تمسحي بيه المووووووووبل؟؟؟ هذي فكره
بيناتنا فو تيراميسو بيسكوي وكريمة القارص درتها باه تقصرو عليها هههههههه
http://im78.gulfup.com/DqkFQo.jpg
بصح ساهله وخفيفه ممممممممممممم
و السبووووووووور انا كي نكون بالحمل ما نديرش لخاطر اصلا نبوجي ياسر و الجنين يكون هابط راني نمشي غير بالمحزمه تع الحمل
anais lily
2014-04-11, 05:51
صباح الخير
جمعة مباركة
شكرا أم عبودة على النصائح ربي يهنيك
ام عبودة
2014-04-11, 08:17
صبااااح الخير وجمعة مبااااااااااركة
ام عبودة
2014-04-11, 08:18
http://img713.imageshack.us/img713/6828/u6ze.jpg
ام عبودة
2014-04-11, 08:25
ام انيس لا شكر على واااجب
نخولة حتى انا جوفي هابط ويعقب كل شئ على خير ونتحرك بزاااااف
بصح السبور ادخلي للنت وشوفي كاين حتى اللي يطلعو بيه الجنيني للفوق
وكاين اللي في الشهور التالية يساعد على الولادة
اليوم كي فطنت 7:30
وجدت القهوة ولقيت الزوج والاولاد فطنوا شربنا قهويتنا ومازالنا في الغرفة
ظرك نوظ نشمس الحالة وبلاك نغسل وندير الفطور ومن بعد نوليلكم
تهلاوووو في ارواحكم
اليوم نهار جديد ومربوح علينا اكرمووووووه
بالعبادات والصدقات
ام عبودة
2014-04-11, 15:28
صح غدااااااااكم
من رعد ماخليتكم
فتحت التواقي ونظمت غرفتي ورحت للمطبخ درت الفطور طعاام وحليت بختة
كملت حطيت الفطور للزوج والاولاد وفطرنا وخليت الطابلة للسلوفيتي
رحت سيقت غرفت وغرفة الاولاد الزوج رقد وانا نقرقب بحذاه مزية نا فطنليش هههههه
كملت الصلاة ران في عذر حكمتها برقدة ورقد عبودة بحذايا
راوية قعدت تروح عليا وتجي تنوض فيا باش نلبسها ياخي لبست وحدت وصات باباها كي تنوض ماما قلها راهي راوية راحت للسبور هههههه
نظت على ال 3 وجدت للزوج حوايجو خارج
وانا رحت للبيت القعاد رفدت الطابلة وغسلت المواعن وبالييت البيت والكلوار
وجدت حليب عبودة ونوضتو وانا راني معاكم وندور في النت نحوس هههههه
تحويسة بااااطل
ام ياسمين10
2014-04-11, 17:25
وووواع كتبت رد طويل وعريض ههووووووب راح منيش قادرة نعاود نكتب
ام ياسمين10
2014-04-11, 17:26
سلام حنوناتى .راه المنتدى ثقيييييل وووووووووووواع كرهنى .ليوم نضنا على التسعة شربنا قهوتنا وانا الى المطبخ غسلت مواعن البارح درت تليتلى ومقدرتش نغسل المواعن الام الدورة دارت فيا حالة كيما كنت صغيرة منعرف قع واش بيا .وطيبت غدايا وغسلت حوايج الدرارى ونشرتهم ودرت على الدار خفيف وتغدينا الزوج راح للصلاة وكى جاء قالى رانى نعسان لاخرجة لاوالو روحو ترقدو هههههه مالا رقدت بنتى الصغيرة بحداه وانا وابنى قعدنا ندوسو على الميكرو والتلفزيون قالى روحى تغسلى ماعينك ههه حتى النوم مخلانيش يركب فوق ظهرى ويدردس فيا حتى نحس عظامى تكسرو .ناض زوجى وشرب قهوتو وقعدت نشكيلو من ابنو قالى معندكش عجوزتك هاهو فى بلاصتها ههه قوتلو اديه معاك ريحنى منو زوج سوايع هرب وخلاه يا مخادع..... ودرك رانى نغسل فى حوايجى وحوايج زوجى ونطبق نتاع الولاد وندير عشايا مسلسل ميخلاصش ...
ام ياسمين10
2014-04-11, 17:36
نخلة الله يبارك راكى جايبتيها مع الكوزينة انا راهم ظربونى بعين كنت مع التطبيقات ويجونى هايلين ونروح نزوخ على سلفتى وطفلتى ويعودو يتنهتو حتى كرهت الكوزينة وحتى دارى كرهتها هذا الخير تدخليهم دارك وتوكليهم احسن ماعندك ومن بعد يعطوك صاروخ ويخلوك فى حالة .ام عبودة قلتى ولادك سمارو انا ولادى راهم بيض ياسر نحوسهم يتكسرو شويا وانا وجهى ويديا منحكيلكش عليهم راهم فى حالة سمار وجفاف رانى مع الفزلين وزيت الزيتون .وشكون لى تقولى على واقى شمس للبشرة الجافة وربى يحفظكم جميعا
ام عبودة
2014-04-11, 22:08
حتى انا النت عندي ثقيلة البارح واليوم واااااااع
العشية دخلت الحوايج وطبقتهم ونظفت مكتب الزوج
رحت للمطبخ والحمد لله حكمت اليوم درت جينواز وزينتها غير بالشاربات واللوز من الفوق
ودرت العشاء وغسلت المواعن
كلمت اخواتاي نجوز في الوقت ههههه
رجع الزوج حطيت العشاء وغسلت المواعن وراني نستني في الدار راجعين من السفر
المستغفرة
2014-04-11, 22:11
بصحتكم ام عبودة ربي يرجعلك العائلة وميمي بالسلامة
ام عبودة
2014-04-11, 22:15
ام ياسمين
في هذه الوقت بالذااات تتاثر البشرة وخصوصا الساقين واليدين والخدود
لازم الفازلين قبل النوم وكاين نيفيا الزرقاء رووووووعة انا راني نستعمل فيها والحمد لله
واذا ما كانوش مجرحين ومشقين بزاااف ايتعملي الليمون مع الفزلين باش يبياضو
اما عن الواقي انا عندي تقريب 14 سنة نستعمل في فينوس40 رووووعة
http://img9.imageshack.us/img9/9827/2tep.jpg
ام عبودة
2014-04-11, 22:16
المستغفرة واش راكي واش درتي اليوم هههههه
المستغفرة
2014-04-11, 23:27
وشراكي غاليتي ام عبودة نخلة ياسمين
وكل لبنات
ليوم نضت صليت وقريت سورة الكهف
راهو ياذن 04:50طفيت المنبه وزدت رقدت شوي نظت 05:30
ومن بعر كي كملت رقدت ونظت على لعشرة ههههه
غسلت لحوايج ودوشت
صليت ظهر غسلت لماعن
اموعبودة غدوة نصورلك الاكخنتوتال تاعي 2600,00دج
ام عبودة
2014-04-12, 07:28
صبااااااااحكم سعيد
ام عبودة
2014-04-12, 07:29
المستغفرة راني لاباااااااااس وشكرا على السؤال
صباح النوووووووووووووووور
امس
اول شيئ بعد الصلاة والفطووووووووووووور
الحوايج لبخته ودرت الطعام والمرق وضربت دوره خفيفه على الدار لاني الخميس درت ميناج
و دوشت وصشورت جا الغاشي وتغدينا نسيت بلي الجمعه ونفحتلي في مادليت حتى 2 باه كملتو وغسلت الماعن و صليت وتكيت نتفرج بعد العصر ستقهوينا ورحت زيارع لعجوزتي عندي قريب شهرين ما رحتلهاش و ديتلها طبسي ما دلين
ورجعنا مع المغرب تعيشا بكري الولان نعسو واصلا العدا تع الي زونجين فشلتهم ورقدو ونا قعدت مع النت حتى 10 و رقدت
اليوووووووووووووووووووم
نضت 7 وجدت القهوة ولقيت روحي نسيت ماعن العشا ههههههههههه غسلتهم لقيت الغاشي مزال ما ناضوش درت شكشوكه توحشتها من الصيف ما زدش درتها
ناضو فطنو الزوج خرج و الولاد قامو بالغرفه تاعهم وراحو يلعبو برا
انا بالييت الدار و رشنت لحوش يعني رميت فيهم الما باه ما تدخلش الغبره وفتحت التواقي وراني مع النت
على ذكر الكيمات انا الدسه او الكلف شوهتني سيرتو انا بيضه بورتون ما نخرجش بزاف
كاش عفسه؟؟ ولا كريم تنصحوني بيها؟؟؟؟
ام ياسمين10
2014-04-12, 11:29
صباحكم سعيد.وين راكم ولا صبحتو راقدين .ام عبودة نيفبا صح هايلة بصح فينوس راكى تقصدى نتاع دزاير انا شريت فينوس 60 معجبتنيش مزيتة مع انو وجهى ناشف بصح يبان مزيت .وشحال راكى تشرى فيها ونوع بشرتك واش .
شفتو السخااانه للي طلقت عليا سيرتو لبارح ليل لوكان مش ولادي مرضى نشعل الكليماتيزور
ام ياسمين10
2014-04-12, 11:35
صباح الخير نخلة وشراكى .اه ثم اه ثم اه راكى فكرتينى فى مشاكل وجهى والله رانى نعانى من الدسة والكلف وحبوب صغيرة تحت الجلد بدلت لابيليل والو درت خلطات والو نظل نخلط فى وجهى بصح كريمات مدرت حتى كريم رانى قلت لراجلى ادينى عند طبيب الجلد ضحك عليا وقالى عندنا طبيب واحد وميعرفش يزيد يكملك على وجهك كشما يفيدونا المجربات
نيفيا مليحه للترطيب بصح لليل برك الصباح يولي الوجه رمادي منها
و فينوس كنت نديرها ملي جات جديده بصح مع الوقت تنشف الوجه
وجربت ايرياج ريحتها وااااااااااااااااع عجبتني درمافور بصح تبتن مزيته
وراعه الغاشي يشكر في فيشي بصح مالقيتهاش بيضه لقيت غير التينتي بيج
ام ياسمين10
2014-04-12, 11:37
صح السخانة البرح انا طفيت البوال بصح الصباح شعلتو بردت
ام ياسمين10
2014-04-12, 11:39
نحوس على فيشى بالاك نصيبها واشنو الفرق بين البيضة والباج
ام ياسمين
انا ثاني هاذ الوحم خرجولي حبوووووب واااااااااااع اول مره يخرجولي حبوب شيوخ ماشي تع شباب تعقدت
و لقيت صدفه عند للي يبيع العسل ومشتقاته صابونه طبيعيه بشمع النحل تتباع ب200دج شريتها و جربتها ثمثم راحو الحبوب هي صحيح غاليه مع انها مصنوعه تقليديا بصح تستاهل تنقي الوجه رووووووعه
والكلف نتمنى كاش ما يفيدونا انا ثاني هاذ الحمل بان فيا
فكرتيني فلبوالات نروح نطفيهم
البيج زايدينلها ملون باه تجي على السمرات
تلقايها عند الفارماسي سومتها العام للي فات 1200 دج
ام ياسمين10
2014-04-12, 11:48
نخلة اذا كانت تفيد مهيش غالية واش نقولو كى نرو ح نشريها صابونة مخدومة بشمع النحل هكدا.شريت صابونة الجزر ب380 دج مادارت والو حتى راها سمرتنى .ولا صوريهالى والكلف انا راه من الحمل الاول وماراحش
ام ياسمين10
2014-04-12, 11:51
انا رانى بيضة مش بزاف يعنى بشرتى مايلة لصفورية لازلملى نشرى البيضة
هههههههههه ياسمين صورتلك ما تبقى منها
http://im54.gulfup.com/dZs4kk.jpg
شريتها كيما رامي تشوفي في علبة تع طمينه والصابونه تجي على شكل ورده ولونها ابيض فيع نقطات
وكاتبين مصنوعه من شمع النحل وريحتها خفيفه
ام ياسمين10
2014-04-12, 11:58
نخلة راكى حامل متخلطيش فى الكريمات وكى تزيدى روحى عند طبيبة ولا طبيب جلد عندكم مليح ولا راجلك تانى عندو عقدة من الروحة للطبيب
ام ياسمين10
2014-04-12, 12:01
هههه معليهش حنونتى عييتك لعشية نقول لراجلى طيح بيها ولا نروح عند الطبيب هههه يتخلع
راجلي ............ وانا ثاني ما نحبش الاطباء يعني تلاقينا هههههههههه
واصلا الطبيب يمد ايرياج ريحتها تراب وكالكير تصرع وزيد تبان فالوجه ولازم ديري طبقه ثخينه تبهدللللللللل
ههههههههههه ام ياسمين وش راهو الجو عندكم الصباح قتلو توحشنا الجلفه قالي مش قادر نسوق اذا تسوقي انت
اذا كان الجو مليح نجي؟؟؟ نخاف مريح وولادي ديجا ديبو دونجين
ام ياسمين10
2014-04-12, 12:15
ههه علابالك نخلة انا راجلى طبيب اسنان وميحبش يدينى للطبيب قلتلو انتا تانى صكر ماكانش منكم قع ياخى راكم قع طبا .الجو راه سخون بصح الشمش مغيمة والريح ماكانش نستعرف بيك راكى كوراج وتسوقى انا محبيتش نتعلم .ارواحى اهلا وسهلا بيك ومتنسايش تدهمينى رانى فى طريق لغواط
ام ياسمين10
2014-04-12, 12:38
المستغفرة شكرا على السؤال ربى يحفظك وان شاء الله تجيبى الباك
ام ياسمين راني جايه بصح ماشي عندك عند راجلك ضروسي سطرو كاملين مره وحده وااااااااااااااااااع والباراسيتامول ما دارلي والووووووووو
انا صحيح ما نروحش للطبيب غير كي نكون بالحمل بصح الدونتيست كل عام نسكن عندو شهوووووووووووور
ام ياسمين10
2014-04-12, 15:00
ياوخدى عليك يا نخلة ربى يشافيك راها مولات الحمل قع يصرالها هاك من نقص الكالسيوم ليديهلك البيبى علابيها فمك كامل يصطر كاين وحد المسكن ديريه فى قطنة وتحطيه فى الظرس لى ليصطر ميظرش الحامل كى يجى راجلى نسقسيه على اسمو
ام عبودة
2014-04-12, 16:00
السلاااااام عليكم
ام ياسمين ونخلة راكم غير مع الكريمات والطبيب بديتو بالبشرة وليتو في الظرسة ههههههه
اولا حبيت نقول انو فينوس صحيح مزيتة بصح انا واش ندير كي تغيل وجهي ويبقى رطب نديرها ومن بعد نشف غير شوي بسرفييت
بصح تحمي وغير هي موالمتني لوحدة الوقت استعملتزكريمات االنهار تاع نيفيا وتاع بوندس هما يحمو مليح بصح بقى لون وجهي ضااااوي بزاف على الجسم تاعي حبستهم بصح يصفو لابو مليح
وعلى الكلف. اذا كان غير خلال فترة الحمل ما تخلطيش فيه كي تولدي نحي من ذيك الحاجة البيضة اللي تكون على جسم البيبي قبل ما دوشيه وديريها والله عن تجربة غير يروح الكلف
واللي عندها وماراحش راهم كاين منتجات زين الاتات روووووعة بصح لازم يكون اصلي
ام عبودة
2014-04-12, 16:52
شوفتو سخانة اليوم؟؟؟؟؟؟؟؟؟؟؟؟!!!!!!!!!
الصباح نظت على 7:30
راني في عذر رحت للكوزينة لقيت عزوجتي تطيب في القهوة كملت معها ووجدت سنيوتي وتقهويت انا وزوجي وناظو الاولاد بكري على غير العادة فرحانين بميمي كي رجع البارح
لبستهم وخرجت سيقت البرا قبل ما تسخن الحالة ودخلت للغرفة درت شوي رياضة وبدلت الفراش درت درا تاع صيف راهي السخانة تقتل
وبالييت برك ودرت لغرفة الاولاد نظفت الادراج تاعهم من الكراكيب وصوالح الشتااءالخشان
ودرست راوية شوي لحقت الفطور فطرنا ورقدت ماهر غمضت ربع ساعة رجع الزوج وجدتلو غداه وقعدت نغسل في المواعن كملت وراني مع النت والتلفاز ههههه
شوي ونوض نطير العشاء عدس وسلاطة
ام عبوده زينالاتاث للي فاتحه فالمعمورة مازالت تما؟؟؟ ويادرى؟؟؟جربتي لي برودوي تاعها؟؟؟ دوريجين؟؟؟
السراب الحالم
2014-04-12, 19:18
مساء الخير عليكم كيف حالكم ام عبودة نخلة ام ياسمين المسغفرة ,,,,,والبقية
اختي نخلة الدسة كاين واحد الصابون والبوماد نتاع الزرودية يتباع عند العشاب شراتو سلفتي كان وجهها مليان بالدسة مع انو مش مزوجة وكي استعملاتو راحتلها شوية انا شخصيا لاحظت هذا الشيء كي نروح ليها نجيبلك الماركة ولا قدرت نصورولك بصح اصبري شوية راني مقاطعتهم هاذو ليمات
بالنسبة اللي سقسات على كريم سولار انا بشرتي جافة نستعمل في avéne راهي غالية199 الف بصح مليحة ماتزيتش في الوجه وماتكحاليش من الشمس بالاخص انا خدامة ودائما راني معرضة للشمس
شكرا اختي سراب وبالنسبه ل افين انا جربت من سنوات تع 50الف تع الدزاير ماتصلحش بصح نظن الي تحكي عليها انت تع لامبورتاسيون
وش لونها ابيض؟؟؟ ولا كاين زوج الوان
بالاك نجربها
ام ياسمين وينك يرحم والديك سقسي السبع على كانش دونتيفريس مليحه للي نجربها تنشفلي فمي ونبات عطشااااااااانه
اليوم قلبناها دردشه علىمواد التجميل غدوا راني نمحي وش كتبت باه يبقى الموضوع نظيف وش قلتو؟؟؟؟؟؟؟؟؟؟؟؟؟؟
المستغفرة
2014-04-12, 21:39
وشراكم
نخلة هذي البوماد عطاهالي دكتور حساني
مليحة لدسة تصفي لوجه
انا جاتني وحد مارة بنية مش عارفة منين عطالي
هذي البوماد 1430.00دجhttp://img854.imageshack.us/img854/8623/dziq.jpg
ام عبودة
2014-04-12, 21:59
السلااام عليكم
من بعد ماخليتكم
وجدت للزوج سنية الشاي خرج وانا رحت للكوزينة
ومن بد دوشت الاولاد تعشينا ورقدو الاولاد وانا رايحة نرقد بااااااي
السراب مرحبا بيك واش راكي
نخلة هيه مازال في المعمورة. انا كاين تاع سواد الركب جاب معايا نتيجة بصح انا جاوني لفترة صافي ما كانش عندي هذا المشكل من الاساس والحمد لله تخلصت منو وكاين تاع منع انبات الشعر صراحة ما حافظت ما قدرتش نصبر
وكاين صابونة الحبة السوداء شراها راجلي من مركز تاع العاصمة والله غير فعالة في نهارها الاول تضوي الوجه مع راجلي كل يوم في الشانتيي وجه دبق هههه
ومنتحات الشعر انا ماجابوش معيا نتيجة !!!!!
المستغفرة واش راكي
iaman.fr
2014-04-12, 22:09
يعطيك الصحة
المستغفرة
2014-04-12, 22:12
الحمدلله يسقسي عليك الخير
وشراكي ام عبودة وش راه ميمي جا لباس عليه
بصحتكم
ام ياسمين10
2014-04-12, 22:23
سلام يا لبنات المستغفرة ام عبودة السراب الحالم .....نخلة قالى راجلى العطش ماشى من الدونتيفريس كى تغسلى بالمعجون اغسلى بعدو بمطهر الفم hextril .تصبحون على الف خير
السراب الحالم
2014-04-12, 23:45
نخلة افين كاينا البيضاء والبيج انا نشري في البيضاء
تصبحو على خير غدوة نخدم نهار كامل واعععععععع ومازال ماجانيش نوم
السراب الحالم
2014-04-12, 23:47
نخلة افين كاينا البيضاء والبيج انا نشري في البيضاء
تصبحو على خير غدوة نخدم نهار كامل واعععععععع ومازال ماجانيش نوم
ام عبودة
2014-04-13, 08:08
يعطيك الصحة
مرحبااا بيك خيتي
ام عبودة
2014-04-13, 08:11
صبااااح الخير وااااش رااااكم
اليوم نظت على 6:15
وجدت القهوة ونوضت الزوج تقهوينا
لحق الوقت نوظت الاولاد وشربتهم حليبهم
الزوج لبس وخرج
وقعدت مع الاولاد لعبنا شوي
لبستهم وبعثتهم للمدرسة
وانا راني مع ماهر مازلنا في الغرفة
ظرك نوض للاعمال اليومية. الحال تقول بارد شوي
ام ياسمين10
2014-04-13, 08:24
صباح الخير عليكم .ام عبودة رانى نضت على 7 حسبت روحى بكرت وراكى سبقتينى .طيبت القهوة وسقهويت مع زوجى وراح لخدمتو وانا رانى مع النت صبح الحال بارد كنت حابة نسيق قبل ماينوضو ولادى كى صبت البرد قلت نطلع النهار شويا
ياسمين1990
2014-04-13, 08:32
صباح الخير ام عبودة ونهارك طيب وزين
انا نوضت على السادسة صليت مع اذكار ثم نوضت لولاد وابوهم للصلات
روحت الى المطبخ طيبت الفطور وفطرت الغاشي وراح كل واحد لشغله ومدراسته
فطرت وتقهويت وفتحت النت واني معاك
مزال مقررتش باه نبداء الماعن او الغداء او الغسيل او الفريز كل حاج حابة نبداء بيها
في رأيك ام عبودة لوكان جيت في مكاني باه تبداي هههههههههه
ياسمين1990
2014-04-13, 08:59
اختي ام عبودة روحت وجاوبتنيش هههههههه
ام ياسمين10
2014-04-13, 09:11
صباح الخير ياسمين 1990 انا راى ميهمش باش تبداى المهم تكملى اشغالك وفطورك قبل مايجى زوجك واولادك باش تلهاى بيهم .ربى يعاونك
صباح النووووووووووووور
نضت على 7 الوضوء والصلاة اللى الفطووووووووووووور ولدي الكبير فطر وراح وطلعت تكسلت شوي حتى ناضو البقيه هبطو وفطرنا والى المطبخ درت لغدا وبالييت لتحت طلعلت فوق طبقت لحوايج جبلللللللل درت ميناج خفيف وحليت الميكروووووووووو
وعيطولي خبروني على وفاة راجل خالتي ماقدرتش نروح الزوج عندو التزامات ونا ما نخرجش لا بيه على الاقل لازم يشد الاولاد
ام عبودة
2014-04-13, 12:16
صباح الخير عليكم .ام عبودة رانى نضت على 7 حسبت روحى بكرت وراكى سبقتينى .طيبت القهوة وسقهويت مع زوجى وراح لخدمتو وانا رانى مع النت صبح الحال بارد كنت حابة نسيق قبل ماينوضو ولادى كى صبت البرد قلت نطلع النهار شويا
الله يصبحك بالربح والخير واش راكي
حتى حنا صبحت الحالة باردة شوي
الحمد لله
ام عبودة
2014-04-13, 12:29
صباح الخير ام عبودة ونهارك طيب وزين
انا نوضت على السادسة صليت مع اذكار ثم نوضت لولاد وابوهم للصلات
روحت الى المطبخ طيبت الفطور وفطرت الغاشي وراح كل واحد لشغله ومدراسته
فطرت وتقهويت وفتحت النت واني معاك
مزال مقررتش باه نبداء الماعن او الغداء او الغسيل او الفريز كل حاج حابة نبداء بيها
في رأيك ام عبودة لوكان جيت في مكاني باه تبداي هههههههههه
اهليييييين بالغالية على قلبي ياسمين والله توحشناك بزاااف
اسمحيلي ما دخلت غير هذا وين كملت اشغالي
راكي تنوضي بكري الله يبارك
انا راني ساكنة مع العائلة يعني الغداء خاطيني نقضي على راحتي
بصح مرات يسافرو نولي انا مولات البيت
هههههه
القاعدة الاولى الغداء اولا على خاطر الزوج يولي والاولاد
لازم كي يرجعو نسربي ما يستناو بصح الغسيل والميناج يستنى
الغسيل مع الماشينة ما يتعبش راهي بختة دور وانا نقض في اشغالي
مواعن القهوة او العشاء نغسلهم مع تحظير الغداء
واكيد يبقى الوقت للفريز تاع الدار وماكانش قاعدة عندي على خاطر الايام تختلف والصوالح تختلف
مرات نسيق ومرات غير نبليي مرات نغسل ومرات لا لا
مرات نمسح الموبل ومرات لا مرات نخرج لازم نقضي صوالحي بكري ومرات نتكاسل
امي دايما تقولي بنت راكي في نعمة مع العائلة ههههههه والله غير نكون نقضي على راحتي ههههههه
راه عندي دار واجدة من كل شئي باقي غير الكوزينة كون نعولي نسكن نركبها في يومن هههه ومانيش حابة نخرج ههههههههههه
الونس والراحة راحو الدار نهارين ظاقت روحي ههههههه
في الاخير ما كانش قاعدة باش تبداي المهم نبدا بعمل ونكمل بسرعة باش نبدا بالاخر
برك كاين ملاحظة النهار اللي تحبي اديري ميناج كبير للدار الغداء خمي فيه من العشاء تاع البارح باش ما تتعبيش راه الطبخ يدي نص الوقت خصوصا اذا كان الغاشي شراااط كي حالتنا وااااااااع
ياسمين1990
2014-04-13, 14:05
يسلمك حبيبتي هذا كلام كبير القلوب عند بعضها والله راني دايما معاك ونتبع فيك من بعيد
واليوم حسيت بروحي مخنوقة قلت ماتفكها غير ام عبودة ههههههه
مرات نكون ناشطة ونخدم ونفرح كي نخلص الخدمة
واغلب الاحيان نتخلط ومانلقاش راسي من رجليا هههههه
شكرا اختي وبارك الله فيك
بالفعل اختي ماكانش كما العائلة الصالحة
متحسيش بالغربة كيما كيتعود وحدك
ومبروك الدار الجديدة ان شاء الله تدخلي ليها بالصحة والربح والبراكة امين
ام عبودة
2014-04-13, 16:27
نخلة الله يرحم موتانا يا رب
ام ياسمين10
2014-04-13, 16:44
مساء الخير .نخلة انا لله وان اليه راجعون
توتة2008
2014-04-13, 18:07
عظم الله اجرك يا اختي
السراب الحالم
2014-04-13, 18:40
نخلة عظم الله اجرك
كيف حالكم البنات وربي يعاونكم
انا اليوم نضت لقيت قرلو يدورلي في الكوزينة كان يفطرهههههه فسخ قلبي و انا خوافة منو رجعت لبلاستي وانا نتخلع حتى ناض الزوج قتلولي
درت لحليب لابني وبدلتلو حوايجو وهوراقد مسكين ووجدتلو الكابة
جاء الزوج وجاب الطوموبيل ديتو لعند ماما نلقا بابا قدام الباب يستنا ربي يخليهملي
وانطلقنا للعمل روحت على 4 ونص جبت انيس دارتلي امي طبسي قاطو داروه لاخي راه يعقب في العسكر
جبتو بدلت حوايجي وغسلت روحي صليت وطيبت الحليب شربت غسلت لمواعن ودرت على الحالة خفافي
اليوم نهار نتاع صيف السخانةبزاف
وقعدت نتفرج ونلعب مع ابني
وذرك راني نخمم في العشا كاين كلش بصح ماعندي حتى فكرة
ياسمين1990
2014-04-13, 20:24
السلام عليكم
اختي نخلة عظم الله اجركم
ربي يصبر اهله ويرحمه ويسكنه فسيح جنانه
انا لله وانا إليه راجعون
المستغفرة
2014-04-13, 22:01
نخلة عظم الله أجركم
ربي يصبركم
شكرا ليكم حبيباتي
اللي توفى زوج خالتي وربي عالم بمعزتو في قلوبنا
اعذروني هذ الايام راني الصباح نوجدلهم الغدا والعشا وكاش ما ندير مسممن و مادلين و.......... نديه معايا بعد الظهر لدار الموت
لبارح دخلت كاو فلليل مع اني مادرتش حاجه كبيره
سلام تهلاو في بعضاكم
السراب الحالم
2014-04-14, 09:31
ربي يعاونك نخلة واتهلاي في روحك وربي يرحمو
صباح الخير عليكم نهاركم سعيد
انا اليوم مانخدمش بكري صبحت راقدة نضت على 8 لقيت الزوج خرج فطرت غسلت المواعن حليت الحالة وخرجت الفراش للشمس اليوم صيف
وجدت غدايا نديه معايا
وغسلت شوي حوايج نتاع ابني وراني نستنا فيه ينوض نفطرو ونبدلو قشو ونديه لدارناونروح نخدم
ام عبودة
2014-04-14, 14:07
صبااااحكم سعيد واش راكم
نخلة الله يكون في العون
السراب ربي يخليلك الوالدين الكريمين
توتة والمستغفرة وياسمين اهلين والبقية وين راهم مش يبانو توحشناااااااااااااكم طلو علينا هههههه
انا اليوم نظت على 5:20. وجدت القهيوة للزوج صلى وخرج وانا وليت رقدت نظت على 7:15 فيقت الاولاد شربو حليبهم لبستهم وراحو للمدرسة
وانا درت شوي رياضة ومن بعد سيقت غرفتي النمل دار فينا حالة مش عارفة منين يدخل كملت م طفلتي الكلوار
غسلت مواعن قهوة ودرت للاولاد لاندومي وانا سخنت الملوخية وفطرنا ورجع الزوج تغدى ودوش وخرج
وانا رقدت ماهر وراني رايحة نرقد قبل ما نروح حبيت نطل عليكم ونشوف اخباركم
vBulletin® v3.8.10 Release Candidate 2, Copyright ©2000-2025, TranZ by Almuhajir