يوميات عضوة

[ام عبودة]

السلام عليكم
كيف احوالكم ... اليوم نظت روطار شوي مع 7.30 مريضة شوي مع تغير الجو البارح كان عندنا الغبارررر حالة يارب الطف بينا ...صليت ووجدت القهوة ليا والزوج الاولاد راقدين والاثنين الصغار عند جدتهم راقدين تقهويت ومن بعد نظت لميت مخلفات الغبار ومن جهة فتحت بختة تعاوني في الغسيل سيقت وكملت ناضوا الاولاد تقهواوو غسلت المواعن ومعاهم نقيت الفريجيدير اليوم السبت دايما نشري الخضرا... وجدت الفطور درت مقارونة حاااااارة وسلاطة لحقت الخضرا غسلتها وخبيتها فطرت انا والأولاد صليت وحكمت بلاصتي نغمض شوي والله مع المرض رافدة روحي... نوض نغسل المواعن ونكمل الحوايج مازاااااااااال بزاف ...إلى الملتقى .. تهلوا في رواحكم وعيشوا اوقاتكم بزينها بشينها

[ام عبودة]

السلام عليكم كيف احوالكم يارب تكون بالف خير

[ام عبودة]

اليوم كان جد شاااقة , عيد ميلاد ملك نور و عبودة هدا وين حكمت بلاصتي تصبحون على واقع اجمل

[ام عبودة]

السلام عليكم

هذ الايام حالي كحال اغلب الامهات
التحضيرات بدات للامتحانات الضغط والقلق ومع الصيام ربي ينجح اولادنا عليكم بقراة اية النور على الماء واعطوهم يشربوا قبل المراجعة وعند الامتحان

[ام عبودة]

:) صباحكم حب و تفاؤل :)

[ام عبودة]

صباح الخير عليكم جميعا كيف احوالكم مع الاختبارات

كنت مضغوطة شوي هذا الاسبوع الاختبارات والصيام وانتم وش درتوا؟

[ام عبودة]

السلام عليكم

[ام عبودة]

الايام هذه الغبار دااااااااااااااااااااير فينا حااااااااااااااالة الله المستعان

[ام عبودة]

لم يبقى الا القليل وتنتهي الامتحانات اولادي بالثانوية كملوا باقي ملك نور و ماهر الاسبوع هذا بربي ,,,,,,,,,,,,,,,,,,,,,,
خف ضغط الامتحان والصيام سيعود النشاط باذن الله شاركوني يومياتكم

[ام عبودة]

السلام عليكم كيف هي احوالكم مع ه البرد الحمد لله انتهى موسم دراسي كان ملئ بالنجاحات وخيبات الامل

الحمد لله على كل حال

[ام عبودة]

السلام عليكم كيف احوالكم

اليوم كي العادة نضت مع ال5 صليت وقريت الورد تاعي

رحت للكوزينة وجدت القهوة ليا وللزوج
بعدين بدات المطر شوي شوي خرجت برا دخلت الزرابى كنت غسلتهم البارح والكوفيرطات وفراشات

فرشت الحالة عولت نوجد الغذا عندي صوالح من بعد ايا لقيت لقضيان ناقص لازم نخرج نصرف وقبل ما نكمل صوالحي درت كاس قهوة ودخلت نسول عليكم عندي مدة غايبة
المهم نروح نكمل شغلي وانتم احكولي وش راكم ديرو

[ام عبودة]

تصبحووووووووووووووووووووووون على واقع اجمل

[ام عبودة]

السلام عليكم وأسعد الله صباحكم بكل حب

[ام عبودة]

اليوم جمعة اللهم اجعلها مباركة علينا وعليكم اليوم نظت قبل الفجر قريت وردي اليومي ومن ثمة صليت وقريت أذكاري من بعد رحت للكورينةًوجدت القهوة ليا وللزوج الكريم راه مريض بالغريب الله يشفي جميع المرضى تقهوينا ومن بعد الزوج خرج للقضيان وأنا فتحت بختة بنتي الرابعة ههههه وحليت الشبابيك والبيبان تتهوى الحالة سيقت ومسحت وفرشت الحالة ودرت عود بخور في المنزل ريحتو يا سلام وعلي صوت القاريء محمد الفقيه يا سلام صوت ملائكي غلقت الحالة باردة شوي ونشرت حويجات لي كملو ونرجع الزوج دوزنت الفطور درناطعام بطراف ناظو الكتاكيت دوشتهم راوية وسشورتلهم لعبوا ومن بعد راحو لجدهم وجداهمً فطرت الأولاد والزوج راح للجمعة ودايما يتاخر في الفطور نوض نصلي ونقراً وردي ليوم الجمعة من بعد نتلاقو

[ام عبودة]

السلام عليكم

وش راكم مع التحضيرات لرمضان ووش راكم مع الامتحانات

[ام عبودة]

انا وجدت عل البكري باش نتفرغ للامتحانات ودرت الميناج بصح الغبااااااااااااااااااااااااار داير فينا حالة كل يوم ربي يقوينا بالصحة والصبر

[ام عبودة]

كل يوم الصباح نوض بكري نوجد القهوة ونوجد الاولاد يروحو للمدرسة وانا نبدا التسياق و الغسيل والغداء للظهر نصلوا ونفطروا ونتكا شوي العشية نراجع لماهر وملكنور ومن بعد ندير العشاا

[ام عبودة]

السلام عليكم وصح فطوركم

[ام عبودة]

رمضان كريم يا أهل الخير في كل مرة ندخل وكلي أمل ان اجد حبيبات القلب رفيقات الدرب ولكن لازلت انتظر لا علينا. اليوم نظت شوي بكري كان عندنا استقبال أولياء الأمور في مدرسة ملك نوور لاستلام كشوف النقاط الحمد لله معدل جيد جدا ولو أنها تراجعت في الفاصلة
من بعد توجهت للصيدلية رحت نجيب دوا حساسية دارت فيا حالة الغبار والميناج لي برودوي قتلوني

[ام عبودة]

بعدين توجهت للكوسمتيك وقضيت شوي صالح ومن بعد وليت للدار العطش دار فيا حااااااااااااالة دخلت للكوزينة غسلت المواعن ومسحت الحالة سيقت الدار نشرت الحوايج ولحق الظهر صليت وقريت شوي قران حاولت نرقد شوي جاو الاكراد الصغار مومن وليان دارو فينا حالة الدنيا قلبوها ياخي قلتلكم قاعدين عند عمتهم وجدودهم المهم تقلبت من ومن ومن بعد دخلت للكوزينة عجنت ميني برغر ووجدت الفلان بديت ندوزن ناضت راوية

[ام عبودة]

ماشا الله بنتي كبرت وعادت تعاون فيا المهم درت شوربة فريك وبرياني هندي راوية كملت البرغر ودارت كريم ديسير البوراك وجدنا الطابلة كيف كيف فطرنا وغسلنا المواعن وكل قعد يدير في حاجة

[ام عبودة]

وككل وااحد قعد يدير في حاجة لي رقد ولي يتفرج ولي يلعب وانتم وش درتو راه ياذن نوض نصلي الي الملتقى

[ام عبودة]

اليوم نظت مع 10 درت عل الكوزينة نضفتها و دخلت الحوايج من برا طبقتهم ودرت عل الدار مسيح ورفدت الحوايج للماشينة سيقت برا وصليت الظهر قريت شوي قران وتكيت نزيد شوي ونوض ندير الفطور

[ام عبودة]

رايحة ندير شربة وحميص و معجنات وشطيطحة دجاج والسفة للسحور نوجدها مع الفطور احسن نحب نكمل الصلاة نرقد حتان السحور نخليكم ظك الي الملتقي

[المستغفرة]

بعدين توجهت للكوسمتيك وقضيت شوي صالح ومن بعد وليت للدار العطش دار فيا حااااااااااااالة دخلت للكوزينة غسلت المواعن ومسحت الحالة سيقت الدار نشرت الحوايج ولحق الظهر صليت وقريت شوي قران حاولت نرقد شوي جاو الاكراد الصغار مومن وليان دارو فينا حالة الدنيا قلبوها ياخي قلتلكم قاعدين عند عمتهم وجدودهم المهم تقلبت من ومن ومن بعد دخلت للكوزينة عجنت ميني برغر ووجدت الفلان بديت ندوزن ناضت راوية

ماشاءالله حبيبتي ربي يحفظلك اولادك ويوفقهم نعرفوهم من صغر يا حسراه
كانت احسن لمة في المنتدى
واحلى اخوات رمضان مبارك كل عام وانتم بخير

[ام عبودة]

ماشاءالله حبيبتي ربي يحفظلك اولادك ويوفقهم نعرفوهم من صغر يا حسراه
كانت احسن لمة في المنتدى
واحلى اخوات رمضان مبارك كل عام وانتم بخير
يا مرحبااااااااا نورتيني

ايه راوية عبودة ماااهر

كبروا

[ام عبودة]

السلام عليكم

وش راكم حبابي طولت عليكم اسمحولي رمضان رحت عمرة طحت عل ركبتي قعدت مريضة منها وضك لازمنا همة ونشاط للامتحانات كان الحاسوب معطل واليوم خدموهلي اول حاجة دخلت للمنتدى

[ام عبودة]

اسعد الله مساءكم بكل حب كيف احوالكن ان شا الله تكن بالف خير انا الحمد لله رانا مع الاختبارات ربي يوفقهم

[ام عبودة]

صبااااااااااااااااااااااااااااااااااحكم فل


يا صباح الزنبق والفل…
أسأل الله أن يصبحك صباح الآمنين…
وأن يجعل يومك هذا يوما مباركا…
أوله صلاح…وأوسطه فلاح...آخره نجاح وعفو وعتق ونجاة من النار…
اللهم اجعل ام عبود وكل احبتها مبتسمين وابعد عنهم الهم والغم…
واحفظهم من كل شر ومكروه…وفرش طريقهم بالفل والياسمين…
تحياتي