طريقتي في عمل السويكة

[ام انس الجزائري]

بسم الله الرحمان الرحيم
السلام عليكم و رحمة الله تعالى و بركاته


اخواتي العزيزات اليوم جبتلكم وصفة تقليدية من منطقة مسقط راسي و هي السويكة
و هي عبارة عن طبق حلو يقدم للضيوف الي يجيو ايباركو للوحدك منا اذا زيدت وانا حبيت نفيدكم بطريقة توجادو و تحضيرو من الاول وان شاء الله تعم الفائدة لانه طبق صحي و مغذي
نبدا على بركة الله

المقادير
قمح منقي و نظيف الكمية تكون كبيرة على حساب المعارف و الاحباب
حمص مقلي
و للتحضير و التقديم زبدة و عسل
التحضير
ننظف القمح من كل الشوائب الي فيه و اذا كنا في زمان الصيف نسوموه بالماء كيما الفريك و نخلوه يشيح مليح واذا كنا في زمان الشتاء نمسحوه عدة مرات بمنديل نظيف


http://im37.gulfup.com/6lDik.jpg



http://im38.gulfup.com/1CBiy.jpg



نقليه في طجين مسرح و على نار هادية حتى يصبح لونه ذهبي نخليوه يبرد



http://im38.gulfup.com/q1CY9.jpg


http://im38.gulfup.com/Z5IiX.jpg


http://im38.gulfup.com/1CBiy.jpg


و من ثم نرحيوه بالرحى انتاع الحجر او عند الي عندهم مطاحن تقليدية

http://im38.gulfup.com/zPe4i.jpg


http://im38.gulfup.com/6NxF5.jpg


وبالنسبة للي تحب تزيد تنكهو بالحمص ثاني تنقيه و تقليه ثم ترحيه و تخلطو مع السويكة لكن دائما كمية السويكة اكبر 3 مرات من كمية الحمص
ونقدموها في النفاس .نقوم بوضع الزبدة و العسل على النار حتى يتجانسو



http://im38.gulfup.com/BfA7a.jpg


http://im38.gulfup.com/83R8v.jpg


ثم ننزع الخليط من على النار و نظيف غبرة السويكة بالتدريج لازم تكون شوي جارية باه كي تشرب تجي سوى سوى


http://im38.gulfup.com/ETE9M.jpg


http://im38.gulfup.com/qorT2.jpg

ثم نزينها حسب الرغبة

http://im37.gulfup.com/CDZgk.jpg


http://im37.gulfup.com/lMIsU.jpg


http://im37.gulfup.com/Q6IPU.jpg


http://im37.gulfup.com/0tNem.jpg


http://im37.gulfup.com/ZMuD9.jpg


http://im37.gulfup.com/hAq9P.jpg


و شهية طيبة للجميع
و نتمنى انو استفدتو بهذه الوصفة و حظ موفق للجميع

[بشرى2008]

hna nsamouha rwina
papa ymout 3liha mais ana manhebehaaaaaaaaaaaaaaaaache

[ام اريام]

حنا نسميوها البسيسةانا نموت عليها مع الحليب و القهوة. يعطيك الصحة.

[بوعنينبة]

يعطيك الصحة

[Kaito]

حنافى قسنطينة نسميوها البسيسة اما فى عين البيضاء يسميوها الروينة

[souma.sousou]

يعطيك الصحة ،شهيتينا ،حنا في بشار نقولولها الروينة ونزيدو مع القمح حبة حلاوة وزريعة البسباس،تجي روعة منحكيلكش على الذوق

[شوق الليالي]

يشهيييي 44444444

[أم محمد تاج]

راني لحقتك هنا هههههههههههههههههههههههه يعطيك الصحة ممممممم على الزرير

[ام سهام 02]

شكرا جزيلا اول مرة نسمع بها وعجبتني بزاف وانا نعمل الطمينة بنفس الطريقة لكن بالسميد مفور ومحمص

[دلوعة أبيها]

احنا ثاني نعملوها للنافس وكيجيو اباركولها نحضروها كيما قلتي ونزيدو معاها الحلويات والقهوة والحليب البسيسة لازم

[fadilasor]

كاين فرق بين الطمينة لي يعملوها بالسميد وبين الروينة لي تسموها السويكة يعطيك الصحة ام انس احنا ثاني نعملوها لكن مش هذي لي يديروها للنافس حبيباتي

[جوهر دعوة]

شكرًا اختي وووو تشهي اسلتي لعابي
كما نديروها إحنا فقط نزيدو كمية من العدس في خليط القمح والحمص

وهي جد مغذية للنافس

[صابرة2013]

شكرا أختي أحنا في غرب نسموها روينة يعطيك الصحة

[لبنى 16]

بارك الله فيك حنا فسطيف نسموها البسيسة و تقدم للنافس نفس الشيء

[ام الاء وسدن]

بوركت اختي تشبه الى حد ما الروينة في منطقتي

[ام نوردين]

شكراااااااا تسلمى احنا نقولولها البسيسة ونزيدولها حمص مقلي ومرحي ولاعدس وايضا الخروب مرحى يعطى حلاوة ولا التمر اليابسة مرحية ودوكة ولينا نزيدولها الكاوكاو محمص ومرحي ىعطي دوق يهبل

[oum khadidja]

شكرا اختي احنا في قسنطينة نقولولو الزرير يقدم للمر اة النافسة ونخلطوا معاه الحمص و العدس و الحلبة و المكسرات مرحيين لانه يزيد كمية ادرار الحليب عند النافس و مفيد جدا

[لميس حواء]

حنا نديروها بالمكسرات و ما نديروش الحمص شكرا على الفكرة

[lamia zina]

رائعة و مغذية و بنينة نموت عليها

[ميرة31]

http://sedty.com/up_ar/files/otimuxlmjmi0nmbzmt3w.gif

[لجين الحبيبة]

احنا في افلو نسموها الروينة بصح ما نديروش الحمص القمح برك ونضيفولو التمر ممروس والدهان هي مفيدة جدا خاصة لادرار الحليب

[asma1977]

تحضير رائع حنا نسموها في بسكرة الزرير نديروه للنافس باش يعطيها الطاقة وينزل فيها الحليب

[nounoudjs]

Merciiiiiiiiiiiiiiiiiiiiiiiiiiiiiii