طريقة تحضير الرُبْ من مطبخي

[ام نسمة]

السلام عليكم انا كل فصل شتاء اقوم بتحضير الرُبْ لنتناوله مع القهوة تاع الصباح وتاع العشية وانا قمت بتحضيره امس واليوم فصورت الطريقة للمبتدئات حتى يتعرفن على طريقة صنعه في البيت
انا استعملت مقدار 3كغ تمر يابس او مايعرف في منطقتي بتمر الحميرة


http://im41.gulfup.com/wDPSw.jpg

نغسلها مليح ونقطرها ثم نضعها في قدر كبيرة ونملؤها بالماء ونضعها على نار قوية حتى تغلي ثم نقصو النار ونخلوها تطيب مدة 6 الى 7 ساعات كي نحبو نشوفو اذا جهز او لا نحكمو علفة تاع التمرة وعظيها بسنانك كان تفتت بسهولة تامة راها جاهزة كان لقيتيها قاسحة معنتها زيدي مدة الطهو هكا


http://im36.gulfup.com/hjwXG.jpg


لازم ترجع هكا العلفة


http://im36.gulfup.com/rsi0H.jpg

ثم نجيبو قطعة قماش شاش نظيفة او فينة لعملية العصر وهي اصعب مرحلة لانو لازم تعصري التمر سخون مش بارد قاع يعني خلي غير حرارة القدر تنخفض شوية وابدي تعصري


http://im31.gulfup.com/0mjcE.jpg


ملاحظة كان ماعندكش الجهد قولي لزوجك او ولدك او خوك يغسل يديه مليح ويجي هو يقوم بعملية العصر كان مكانش حطي الرزمة في كسكاس واضغطي عليها بحاجة ثقيلة باش تنزل السوائل اللي فيها


http://im42.gulfup.com/5Cv0z.jpg
http://im36.gulfup.com/yUVWX.jpg

http://im36.gulfup.com/SJkhd.jpg

انا عصرت بكمية قليلة مع هذا تحرقت من يدي وتورمت من شدة العصر او بالاحرى ههههههه لانو يدي طرية بزاف مافيهاش قوة كبيرة فتورمت بعد اللي كملت

http://im39.gulfup.com/RP4yb.jpg

بعد العصر تحصلين على عصير تمر خفيف اي غير مركز



http://im42.gulfup.com/pJKHb.jpg

فما عليكي الا ان تضعي الخليط اللي تحصلتي عليه فوق النار يغلي دون غطاء حتى يتقلص السائل ويعقد ويرجع ثقيل وباش تعرفي انو رجع ثقيل وجهز اغطسي مغرف وخرجيها كان لقيتيه لصق فيها كما طبقة تاع عسل يعني جهز كان لا معنتها زيدي طبخيه هكا راه جهز


http://im42.gulfup.com/aBNp2.jpg
http://im40.gulfup.com/W6ih0.jpg

http://im32.gulfup.com/LpGYf.jpg

بعدها خليه يبرد وعمريه في اناء وحطي فيه قطع زبدة وغلقي وحطيه في الثلاجة كل يوم سخني غير الكمية اللي راح تحتاجيها انا عادة نحطو غير فوق المدفأة يسخن بينما نحضر القهوة وبنته هايلة وزيد فايدته كبيرة بزاف للصحة


http://im41.gulfup.com/2P4oc.jpg

و3كغ هذا واش قطعتلي منو


http://im35.gulfup.com/4Q4W3.jpg


اتمنى ان تجربوه فهو فعلا رائع بذوقه وفوائده الصحية
وهادي اخر صورة كي جهز بدا الثلج يطيح فقالي زوجي اووووووووو جا في وقتو ههههههههههه



تحيات زهور الفل

[الحلم الجميل]

يعطيك الصحة اختي
حنا نديروه بزاف و وناخذ النصف نخلطوه بالدهان الحر و وقت الشتاء نخلوه غير برا ما يصراله والوا
و نداو بيه الي فيه الكحة (السعال) كل يوم في الليل تحكمي شي نصف كاس رب و تفقسي فيه بيضة
و تشربيه

[ام نسمة]

يعطيك الصحة اختي
حنا نديروه بزاف و وناخذ النصف نخلطوه بالدهان الحر و وقت الشتاء نخلوه غير برا ما يصراله والوا
و نداو بيه الي فيه الكحة (السعال) كل يوم في الليل تحكمي شي نصف كاس رب و تفقسي فيه بيضة
و تشربيه

مرحبا شكرا لاضافتك المعلومة القيمة صح مع الدهان الحر روعة لكن لم يكن يحضرني اليوم فستخدمت فقط مارغارين صول

[alchimi]

يعطيك الصحة زهور الفل .

فكرت الوالدة فيه قالتلي هذه النساء ولا خلي .

فكرتيني في التمر لازم حنا ثاني نصنعوه راهو دواء

تكلوه بالصحة والهنا .

[alchimi]

يعطيك الصحة اختي
حنا نديروه بزاف و وناخذ النصف نخلطوه بالدهان الحر و وقت الشتاء نخلوه غير برا ما يصراله والوا
و نداو بيه الي فيه الكحة (السعال) كل يوم في الليل تحكمي شي نصف كاس رب و تفقسي فيه بيضة
و تشربيه

يعطيك الصحة أختي الحلم الجميل

ماكانش أحسن من الرب بالدهان .

حبيت نسألك البيضة كاملة وإلا الصفار فقط

اختي هذه الأيام تشكو من البلعوم والحنجرة آلام فيها مع الكحة ، قلت ربما ينفعها .

[ام نسمة]

يعطيك الصحة زهور الفل .

فكرت الوالدة فيه قالتلي هذه النساء ولا خلي .

فكرتيني في التمر لازم حنا ثاني نصنعوه راهو دواء

تكلوه بالصحة والهنا .

مرحبا الله يسلمك ختي سلميلي على الوالدة الكريمة وغير ديريه راه وقتو تاع الصح

[alchimi]

بلغت السلام ووصل وقالتلك الله يحفظك لأهلك .

أنا لما نتفكر الوقت الي يديه وتعبوا نقول خطيك بصح لما نتفكر حلاوته وفائدته ...ماعليهش يستاهل .

إن شاء الله نلقى الوقت باه نخدمو اااا ...والقوة باه نعصر .

[~اسيل ريحانتي~]

يعطيك الصحة اختي هذي اول مرة نسمع بيها
بارك الله فيك

[الأمنيات]

يعطيك الصحة حتى انا نديره تبارك الله
صغري الصور اختي باش طلعوا حتى كرهوني هههههههههههه

[ام نسمة]

بلغت السلام ووصل وقالتلك الله يحفظك لأهلك .

أنا لما نتفكر الوقت الي يديه وتعبوا نقول خطيك بصح لما نتفكر حلاوته وفائدته ...ماعليهش يستاهل .

إن شاء الله نلقى الوقت باه نخدمو اااا ...والقوة باه نعصر .

امين شكرا لدعوتها الجميلة ان شاء الله تلقي وقت وتعمليه

[pomaria_aindefla]

تبارك الله على نساء الجلفة و على جزائرنا أنا أول مرة أسمع بهدا الطبق أو الأكلى الله يعطيك الصحة

[ام نسمة]

يعطيك الصحة حتى انا نديره تبارك الله
صغري الصور اختي باش طلعوا حتى كرهوني هههههههههههه

اهلا الامنيات اكي راح حاول نصغرهم مع اني مانعرفش هههههههههههه لكن راح جرب

[ام نسمة]

تبارك الله على نساء الجلفة و على جزائرنا أنا أول مرة أسمع بهدا الطبق أو الأكلى الله يعطيك الصحة


الله يسلمك عزيزتي واتمنى ان تجربيه في اقرب وقت

[ام نسمة]

يعطيك الصحة اختي هذي اول مرة نسمع بيها
بارك الله فيك

مرحبا اختي اتمنى ان تجربيه فهو فعلا رائع

[ماريا205]

شكرا اختي زهور على الوصفة انا سمعت بيها من قبل جربتها وكي حفضتها في الثلاجة بعد اسبوع فتحت القارورة طار البوشون وكان معبية غازات وقراصتلي ما عرفتش علاه ؟ ارميتها

[NeSsrino]

mmmmmmmmmmm kont nchofah ki kona fi bechar mais man7abooooooooooooooch hhhhhhhhh nbghi m3akera

[ام نسمة]

شكرا اختي زهور على الوصفة انا سمعت بيها من قبل جربتها وكي حفضتها في الثلاجة بعد اسبوع فتحت القارورة طار البوشون وكان معبية غازات وقراصتلي ما عرفتش علاه ؟ ارميتها

مرحبا هل طبقتي الوصفة كما يجب ؟؟؟؟؟؟؟؟؟؟؟؟؟؟ انا هدا العام 4 نعملها وعادي ممكن الدهان اللي عملتيه فيه هو اللي فسدو ؟

[ام نسمة]

mmmmmmmmmmm kont nchofah ki kona fi bechar mais man7abooooooooooooooch hhhhhhhhh nbghi m3akera

مرحبا ههههههههههه حتى نعملك معكرة ونجيبهالك حتى انا نموت فيها ام الرب كي يعطوهلي من برا ما يعجبنيش خلاص وكي نعملو بيديا يم يمي هايل هههههههه

[oum radja]

امممممممممممم ياسلام انا الرب ما يخطينيش
فقط عندي اضافة انو بعدما تعصري التمر وترجعيه فوق النار ديري 7حبات تمر حميرة بالنواة وخليهم يعقدوه وناس بكري كانو يديرو 7 قرصات يخلطوهم بالسميد و الماء قرصات صغار و يرموهم في الرب يعقدوه و من بعد يعطوهم للاطفال ياكلوهم هوما وهاذوك التمرات
يعطيك الصحة زهور وهو تاني مليح للكحة و الامراض الصدرية

[ام يوسف 2737]

يعطيك الصحة على الوصفة كليت منه كثيرا كي كنت في تندوف بصح بغيت نسالك وين نلقلى الحميرةو هل يمكن تحضيره بتمر عادي

[ام نسمة]

يعطيك الصحة على الوصفة كليت منه كثيرا كي كنت في تندوف بصح بغيت نسالك وين نلقلى الحميرةو هل يمكن تحضيره بتمر عادي

يسلمك اختي التمر تلقيه عند العشاب ولا يصلح الرب الا بهذا النوع من التمر

[ام نسمة]

امممممممممممم ياسلام انا الرب ما يخطينيش
فقط عندي اضافة انو بعدما تعصري التمر وترجعيه فوق النار ديري 7حبات تمر حميرة بالنواة وخليهم يعقدوه وناس بكري كانو يديرو 7 قرصات يخلطوهم بالسميد و الماء قرصات صغار و يرموهم في الرب يعقدوه و من بعد يعطوهم للاطفال ياكلوهم هوما وهاذوك التمرات
يعطيك الصحة زهور وهو تاني مليح للكحة و الامراض الصدرية


يسلمك اختي قولي لي خلاص الان راه جاهز مانقدرش ندير هاد العفس اللي حكيتي عليها
مارانيش سامعتها من قبل

[شهرزاد أم التوأم]

شكرا زهور يبان مليح اول مرة نسمع بهده الوصفة قوليلي وش هي لحميرة تمر يابس
وكيفاش تكلوه مع القهوة مفهمتش

[هدى ام ريماس]

شكرا يا زهرة المنتدى انا الحق منعرفهاش وانشاء الله نجربها ونردلك لخبر

[أم أسماء 2]

اول مرة اسمع به الله يعطيك الصحة اختي

[x ام رحاب x]

يعطيك الصحة الله يسلملك دوك اليدين

[*أم كوثر*]

بارك الله فيك زهور
الصراحة حاجة جديدة عليا
عمري لاجربته والا ذقته

[bibicha]

تبارك الله أنا أول مرة أسمع بهدا الطبق أو الأكلى الله يعطيك الصحة نسيبتي

[SarSouRa28]

تبارك الله على حنونتي مرا ونص تعرف كلشي وديرو بالطبع والشان ياحنان راكي خصارة في وحد لعباد ههههه

[ام نسمة]

شكرا زهور يبان مليح اول مرة نسمع بهده الوصفة قوليلي وش هي لحميرة تمر يابس
وكيفاش تكلوه مع القهوة مفهمتش


مرحبا
ايه الحميرة هي التمر اليابس تلقيه عند العشاب او محل مواد غذائية الاغلبية تلقيه عند اللي يبيعو التوابل والكسكس الجاهز
اما كيفاش نشربوه مع القهوة
عادي حضريه وكي تجي تتقهوي سخني كمية قليلة منو وغمسي فيها الخبز او اي شي با تتقهوي بيه وبصحتك لذيذ ومفيد
نتمنى تجربيه

[الحلم الجميل]

يعطيك الصحة أختي الحلم الجميل

ماكانش أحسن من الرب بالدهان .

حبيت نسألك البيضة كاملة وإلا الصفار فقط

اختي هذه الأيام تشكو من البلعوم والحنجرة آلام فيها مع الكحة ، قلت ربما ينفعها .
ربي يسلمك و يخليك
البيضة ديريها كامل و يا ريت لو كان يكون بيض العرب يعني ماشي تاع الحانوت يكون احسن و مفعوله اسرع
و تفقسها في الرب و تشربه راح يكون تقيل بصح لازم تحتمه ..
و تاني الا حبت دير 10 حبات قرنفل في ماء دافئ و تخليهم يباتو و تبدا تشرب منه كل يوم شوي لمدة 10 ايام
فقط و راح يفيدها بصح ما تكترش منه
و تاني مغلى اكليل الجبل مع حبة ليم و تشرب منه باذن الله راح يفيدها و ربي يشافيها

[ام نسمة]

بارك الله فيك زهور
الصراحة حاجة جديدة عليا
عمري لاجربته والا ذقته

اهلا اختي ام كوثر قولي لي وين تسكني نخدملك ونبعثلك مكان حتى مشكل ابدا تستاهلي
وصدقيني فعلا يستحق ان نعمله فهو مفيد ولذيذ اتمنى ان تجربيه غير بكمية 1كغ وتعطيني رايك هو 1كغ مايقطعش بزاف ممكن قد علبة مايوناز حجم صغير فقط لكن انتي جربيه اولا ومن بعد كان عجبك عاودي اعملي كمية كبيرة وتناولوها هاد الشتا

[ام نسمة]

شكرا يا زهرة المنتدى انا الحق منعرفهاش وانشاء الله نجربها ونردلك لخبر

اهلا هدى نتمنى تجربيه فهو فعلا لذيذ

[ام نسمة]

تبارك الله على حنونتي مرا ونص تعرف كلشي وديرو بالطبع والشان ياحنان راكي خصارة في وحد لعباد ههههه

اهلا اهلا شريكتي هههههههههههههه ياحوجي على لسانك غير قوليهم شكون هاد لعباد ههههههههههههه يظهرلي نص المنتدى فهم شا تقصدي هههههههه
الله يسلمك حنونتي الغالية ويفرحك

[ام نسمة]

تبارك الله أنا أول مرة أسمع بهدا الطبق أو الأكلى الله يعطيك الصحة نسيبتي

اهلا نسيبتي ههههههههههه ارواحي هنا حكمتك لازم كنتي تعلميها تخدمو لازم القوم اللي راني عندهم لازم المرا تعرف تعمل كل شي والا ماراهيش مرا هههههههههههههه نضحك معاك انا كنتي نسكنها من اول ليلة في فيلا وحدها احم احم لانو وليدي يكون اطار كبير ولا باسس بيه ونزيد نقلشها تلبس غير الريش وترقد غير في القطن كما القطة الروسية الجميلة

[ام نسمة]

يعطيك الصحة الله يسلملك دوك اليدين

الله يسلمك اختي

[ام نسمة]

اول مرة اسمع به الله يعطيك الصحة اختي

اهلا ام اسماء حتى انا قبل مانتزوج ابد ماكنتش نعرفه بصح اللي تزوجت عندم لازم يحضروه كل شتاء فتعلمتو من وحد
العجوزة ربي يطول في عمرها

[العصفورة السعيدة]

السلام عليكم ورحمة الله تعالى وبركاته

في الحقيقة كنت نشريه لاني لا اعرف كيفية تحضيره

لكن الان بفضلك اختي ساحضره رغم تعبه لان فائدته عظيمة

الا يمكن صنعه باي نوع من التمر ؟

سلمت يداك اختي

[ام نسمة]

السلام عليكم ورحمة الله تعالى وبركاته

في الحقيقة كنت نشريه لاني لا اعرف كيفية تحضيره

لكن الان بفضلك اختي ساحضره رغم تعبه لان فائدته عظيمة

الا يمكن صنعه باي نوع من التمر ؟

سلمت يداك اختي

مرحبا
اختي يجب ان يحضر بهذا النوع من التمر فقط شرط يكون التمر يابس

[oum radja]

يسلمك اختي قولي لي خلاص الان راه جاهز مانقدرش ندير هاد العفس اللي حكيتي عليها
مارانيش سامعتها من قبل
شوفي زهور هاذ المرة خلاص كي راه واجد
المرة الجاية بعد ما تعصري التمر تاعك ديري 7تمرات واذا بغيتي جيبي نص كاس سميد وفيه قرصة ملح وخلطي بالماء و قسميه على 7 قرصات صغار و كي يبدا الرب يغلي ارميهم فيه نقصي النار و خليه يعقد في خاطره وكي يعقد مليح خليه يبرد و نحي هاذوك التمرات و القرصات يجو بنان اممممممممممم تفكرت كي كنت صغيرة كانت ماما ديرهم ههههههههه:19:

[شموخ امرأة]

يعطيك الصحة زهور....

[فيفي سكيكدية]

ماشاء الله عليك أختي زهور يعطيك الصحة خرجلك هايل و يبان يشهي بالرغم من أني أول مرة نشوفو
بصحتكم

[لمسة حنية]

صح جاء في وقتو يعطيك متتمني اختى شكرا لكي على الافادة

[ام نسمة]

ماشاء الله عليك أختي زهور يعطيك الصحة خرجلك هايل و يبان يشهي بالرغم من أني أول مرة نشوفو
بصحتكم

اهلا فيفي الله يسلمك ونتمنى تجربيه

[ام نسمة]

صح جاء في وقتو يعطيك متتمني اختى شكرا لكي على الافادة


مرحبا لمسة حنية الله يسلمك عزيزتي نتمنى تجربيه في اقرب وقت

[ساندي 28]

يعطيك الصحه اخت نفس طريقتى لكن باش يعقد ندير خبزة صغيره ناس عجين ونحطها معاه باش يعقد والخبزة تاني تطيب معاه شكرا على الوصفه تليق في هدا البرد

[أم إناس]

ماشاء الله يعطيك الصحه اختي

[صابرة2013]

يعطيك الصحة

[أم محمد تاج]

روووووووووووووعة الله يعطيك ما تتمناي نشالله والرب مفيد جدا ومغذي ماكانش كيفووووو
حنونتي نزيد نتعبك لوكان غير صورتيلي نوع التمر كيفاش يجي؟؟؟؟

[<نَجْمَاتْ>]

ما شاء الله انا اول مرة نسمع بيه قوليلي اختي كيفاش نستهلكوه وواش يليق معاه وزيدي صوريلي نوع التمر وجزاك الله الجنة

[ام نسمة]

مرحبا شكرا لمن ردو على الموضوع وبخصوص الاختين اللتي طلبتا صور التمر حاضر من عينيا راح اصور واحطلكم الصور عن قريب ولا تنسوني من دعائكم

[ام ملاك.]

حبيت نسقسيك اختي هذا تاكلوه بالمغرف ولا تديروه كي الكونفيتور في الخبز؟
عجبني يعطيك الصحة

والتمر اللي تنحيه منو بعد العصر واش تديريلو ترميه ولا تاكلوه؟

[النايلية]

شكرا جزيلا على هذا الشرح الكافي والوافي يعطيك ربي ماتتمناي ان شاء الله

[جلالي بلخير]

مربي بالتمر مشكورة

[ام نسمة]

حبيت نسقسيك اختي هذا تاكلوه بالمغرف ولا تديروه كي الكونفيتور في الخبز؟
عجبني يعطيك الصحة

والتمر اللي تنحيه منو بعد العصر واش تديريلو ترميه ولا تاكلوه؟

مرحبا لا ماشي ناكلوه بالمغرف بل نغمسو فيه المطلوع وناكلو بيه القهوة اما التمر المعصور للرمي لا يصلح للاكل اساسا انا ذقته ولقيته فقد كل ذوقه بعد العصر والطبخ الطويل

[بريق الامل&]

مممممممممممممممممممممممم يعطيك الصحة

[لمسة حنية]

اختى زهور لما جيت نديره جات امي ضحكت عليا قاتلي وعلاش انتي اول مره تسمعي بيه صح حنا جامي درناه بصح قاتلي من بكري كانت جدتي الله يرحمها ديره
وكما قالت ام نجم تحط شوي من العجين ومبعد ياكلوها وراني درته وعجبهم مشكوووووووووورة

[ام نسمة]

اختى زهور لما جيت نديره جات امي ضحكت عليا قاتلي وعلاش انتي اول مره تسمعي بيه صح حنا جامي درناه بصح قاتلي من بكري كانت جدتي الله يرحمها ديره
وكما قالت ام نجم تحط شوي من العجين ومبعد ياكلوها وراني درته وعجبهم مشكوووووووووورة


هههههههههه صرالك كما انا
انا حتى تزوجت باش سمعت بيه كي قلتو لماما شبعت عليا ضحك قالتلي نعرفو بصح مانحبوش على هدا جامي درتهلكم هههههههههههه
ايا مزية جربتيه وعجبكم بصحتكم اختي العزيزة

[عطرالذهب]

ماشاءالله اختي
انا تبعثهلي عجوزتي بالصح ما ناكلوش الحق ما تضحكيش علييا التمر كي ما يتنقاش كيفاش نعرف بلي ما فيهش لمدود (الله غالب متوسوسة)

[نبض الفؤاد]

بارك الله فيك.....انا نعمله....بصح بالغرس......وقالي زوجي لالا يديروه بالقرباعي يعني اليابس......هل هذا صحيح؟؟؟؟

[نسائم الصباح]

تعطيك الصحة زهور .صراحتا في منطقتنا مايعرفوهش بصح شريت منه مرة كي قالولي ممتاز لي عندوا فقر الدم
بصح بعد مدة حماض .وش هو السبب .وجاني وحدوا حلوى بزاف نقدر نديروا في الماء ونشربوا

http://files2.fatakat.com/2010/9/1283798536.gif (http://www.google.com.sa/url?sa=i&rct=j&q=&esrc=s&frm=1&source=images&cd=&cad=rja&docid=EddmcVNcoJyFZM&tbnid=qKaD3D3zk7aEPM:&ved=0CAUQjRw&url=http%3A%2F%2Fforums.fatakat.com%2Fthread861494&ei=PSqoUvqZAobO0QWO1YDABg&psig=AFQjCNETPDTECFrDqvzngFVzq0aXLJfqxA&ust=1386835311920510)

[ام نسمة]

ماشاءالله اختي
انا تبعثهلي عجوزتي بالصح ما ناكلوش الحق ما تضحكيش علييا التمر كي ما يتنقاش كيفاش نعرف بلي ما فيهش لمدود (الله غالب متوسوسة)

هههههههههه مرحبا كيفاش قلتلك يطيب سوايع تخافي منو يكون مسوس ؟؟؟؟؟؟؟ واش من سوسة تبقى بعد هد المدة تاع الطهو وزيد يتعصر في قماش رقيق ما يفوت غير السائل

[ام نسمة]

بارك الله فيك.....انا نعمله....بصح بالغرس......وقالي زوجي لالا يديروه بالقرباعي يعني اليابس......هل هذا صحيح؟؟؟؟

مرحبا ............نعم اختي يتعمل بالتمر اليابس مش بالغرس

[ام نسمة]

تعطيك الصحة زهور .صراحتا في منطقتنا مايعرفوهش بصح شريت منه مرة كي قالولي ممتاز لي عندوا فقر الدم
بصح بعد مدة حماض .وش هو السبب .وجاني وحدوا حلوى بزاف نقدر نديروا في الماء ونشربوا

http://files2.fatakat.com/2010/9/1283798536.gif (http://www.google.com.sa/url?sa=i&rct=j&q=&esrc=s&frm=1&source=images&cd=&cad=rja&docid=eddmcvncojyfzm&tbnid=qkad3d3zk7aepm:&ved=0cauqjrw&url=http%3a%2f%2fforums.fatakat.com%2fthread861494&ei=psqouvqzaobo0qwo1ydabg&psig=afqjcnetpdtecfrdqvzngfvzq0axljfqxa&ust=1386835311920510)


مرحبا حنا مانشربوش منو نغمسو بيه وانا اصلا مايطولش عندي نستهلكوه بسرعة ههههههه ونخليه في الثلاجة ونسخن مانخليهش على برا اما الشرب فهو مفيد للحوامل ايضا اذا جاك ثقيل خففيه بالما واشربي عادي

[جوهرة نفيسة]

شكرا جزيلا على الوصفة و هل يصنع روب أو دبس الخروب بنفس الطريقة ؟

[ام نسمة]

شكرا جزيلا على الوصفة و هل يصنع روب أو دبس الخروب بنفس الطريقة ؟

مرحبا ...............والله ليس لدي اي فكرة

[جوهرة نفيسة]

مرحبا ...............والله ليس لدي اي فكرة

معليش عزيزتي زهور الفل المهم أنّ وصفتك رائعة و لن أخسر شيئا إن طبقتها على الخروب الذي له فوائد صحية أيضا

بورك فيك

[ام نسمة]

معليش عزيزتي زهور الفل المهم أنّ وصفتك رائعة و لن أخسر شيئا إن طبقتها على الخروب الذي له فوائد صحية أيضا

بورك فيك

مرحبا ماعليه اختي جربي وماتنسيش تقلينا النتيجة رجاء

[badr alg]

بارك فيك على الموضوع المفيذ للمجتمع من فضلك الصور لتمر ولتتعرف علىه
تكتب اسمه في المنطقة التى هى فيها ام بدر

[حسيبة2010]

بارك الله فيك

[casanova45]

شكرا على الاضافة

[المتيمة باولادها]

الله يبارك

[زهرة213]

ماشاء الله يعطيك الصحة

[napster94]

الله يعطيك الصحة

[ccptrading]

الله يعطيك العافية

[ام عبد الواحد 2016]

شكرا على الطريقة

[Jenan]

شكرا جزيلا على الموضوع

[حبيبة امها]

بارك الله فيك اختاه ساري التطبيق ان شاء الله

[جنة الفردوسْ]

يعطيك الصحة اختي

[ttoutta]

راك فحلة يا الحنونة