بيتك جنتك و رضاء ربك مبتغاك 4 [الأرشيف] - الصفحة 2 - منتديات الجلفة لكل الجزائريين و العرب

ام عبودة

2013-12-15, 21:57

يوم السبت خصصتو لزيارة الوالدين نضت الصباااح كي العادة صليت الفجر والاستغفااار
ومن بعد تقهوينا بالرخساس تاع ليدي لدوشت لولادي ولبستهم حوايجهم دخلت الى المطبخ درت كيك تاع ياراياسمين يطيب وقعدت نغسل في المواعن كملت درت الى غرفتي كنت هويتها قبل ما نروح الى المطبخ صبحت نظيقة لميت برك الحوايج ونفضت الفراش والزربية وجدت روحي باش نروح ايا تعطل زوجي عليا صليت الظهر ورحت قيلت عندهم غير مع الضحك العشاء قاتلي ما ما واش راكي حابة
قلتلها ما ما في خاطري مختومة الفطير قاتلي هذا ما كان
راه عندي سبع سنين ما كليتهاش
قالتلي اختي الصغرى والله ما طيبهالك واحد غيري تعشينا وخكيتلهم قصة عطر وامها الغالية والله غير موقف يطيح الدمعة وهذا كان سبب زيارةي

http://img96.imageshack.us/img96/2883/yboc.jpg

جاني راجلي باش نروحو الى الدار في طريقتا شرينا للاولاد لمجة الاسبوع وبعض الاشياء
راجعت للاولاد قراتلهم قصة تاع سيدنا ابراهيم وهاجر واسماعيل عليهم السلام راوية قعت تبكي الحقيقة انا تاني تاثرت
رقدنا
الجانب التجميلي
ترطيب وفرش للاسنان وسيشوار للشعر ومايكاب عند الزيارة
وعند الرجوع فرش ونزع للمايكاب

ام عبودة

2013-12-15, 22:16

للاظافة الحمد لله وبعد جهد اولادي حفظو
ايات الكرسي وسورة الناس والاخلاص والفلق والكوثر والنصر
راوية الحمد لله حفظت السور والاحاديث في مقررهم للتربية الاسلامية فقط الدروس اللي عملوهم
وراني نويت باذن الله ندخلهم الى كتاب قريب منا
والحمد لله تعلمو الطريقة الصحيحة لتنظيف الاسنان بعد جهد سنوات
وضرورة نشر فكرة غسل الايدي في المدرسة
والحمد لله هذا من فضل ربي

ام عبودة

2013-12-16, 09:00

صبااااح الهمة والنشااااط
ليوم الاحد
الصلاة في وقتها والاستغفار والاذكار الحمد لله تحدي صلاة الفجر راني ناجحة فيهم وهذا من فضل ربي
شربت القهوت وبعثت اولادي الى المدرسة لبست ماهر حوايجو وخملت شوي غرفتي وغرفة الاولاد
ولبست حوايجي ومباشرة الى طبيب الاسنان نخدم في ظرستي مهبلتني والحمد لله
ونزيدكم حاجة نخاف ونموت من الطبيبت تاع الاسنان والله من رحت وانا حاكمتني الرعشة
المهم خدمتها وقالي وليلي الاحد المقبل
رحت الى الدار ومفعول التخدير ما زال فيا صليت ورقدت ولدي ورقدنا
حتى رجعو اولاديالمساء قعدت العشية كاملة دايخة وراسي ثقيل شربتهم حليبهم ودرستهم شوي روحت الى المطبخ طيبت كيكة تاع الاناناس رووووعة و

http://img22.imageshack.us/img22/9068/4n6x.jpg

من بعد صليت المغرب رجع زوجي حطيتلو الشاي ورحت العشاء درت حريرة برك وبقات لوبيا من الغذاء
رقدت الاولاد ورقدت مع الاستغفار كنت في حالة والحمد لله صبحت لاباس
الجانب التجميلي
نظفت وجهي مليح ودرت كريم مضادة للشمس فقط مع فرش للاسنان وترطيب للارجل واليدين

عطرالذهب

2013-12-16, 17:21

السلام عليكم حبيباتي ويعطيكم الصحة راكم غيرتوني
الله غالب بدايتي لهدا الاسبوع بطييييييئة لان ماجاتنيش العين راني حاصلة في الماء ماتتصوروش القلق اللي راني فيه
ممكن تجي العين صباح الاربعاء ونحاول باذن الله نكمل كلش بين الاربعاء والخميس وفي هذا الوقت راني قاعدة نفرز في خزانتي وننظم في الملابس
لبنات قلتلكم قبل على الحلوى الجديدة اللي خدمتها زوروني في قسم الحلويات وشرفوني بردودكم العطرة
http://www.djelfa.info/vb/showthread.php?t=1488311

الجانب الديني راني غير مع الاذكار والدعاء و الاستغفار والصلاة عندي عذر شرعي وهاذاك واش زاد علييا السطر والقلقة
التربوي راني مع بناتي امس عاونتهم خدمو لغريبية هههه والله جابوها
http://im31.gulfup.com/R73yh.jpg
التجميلي كثرت الترطيب للقدمين وفقط
الصحي راني نشرب في الماء الدافيء فيه عصير 2/1ليمونة يوميا على الريق لانقاص الوزن راهو اكثر حاجة نكرهها في نفسي والحمد لله وربي يسهل

ماريا205

2013-12-16, 22:19

السلام عليكم
تطبيقي ليوم الاحد
نظرا لظروفي الخاصة برنامج الاسبوع عملتو في يوم
استيقضت مع الصباح استغفرت وسبحت وحضرت لفطور راحو اولادي للمدرسة لميت الدار على السريع غسلت لماعن فرغت الشمبرة والسرير خرجت الفراش يتشمس مسحت البلافو مسحت الخزانة من فوق ونظفتها من برا غسلت الحيوط والقواطع غسلت الطاقة وجففتها مسحت الباب لمعت لي تابل دو نوي مسحت الميكرو والطابلة سيقت الغرفة وسيقت كامل الدار فرغت الخزانة وعاودت رتبتها وصل موعد رجوع اطفالي من المدرسة حطيتلهم تغداو سجيتو من قبل كي كملو غسلت لماعن طبقت سرافط المطبخ بعد ما شاحو
الجانب الديني استغفار وتسبيح
الجانب التربوي دايما نعلم اولادي يشاركوني بعض اعمال الترتيب
الجانب التجميلي عادي + ترطيب

سمراء الدنيا

2013-12-17, 14:55

السلام عليكم و رحمة الله و بركاته
جبتليكم حاجة فيها فايدة عظيمة و اجر كبير ان شاء الله تستافيدو منها خصوصا انت يا ماريا
http://www.djelfa.info/vb/showthread.php?t=1490233

سمراء الدنيا

2013-12-17, 14:57

السلام عليكم حبيباتي ويعطيكم الصحة راكم غيرتوني
الله غالب بدايتي لهدا الاسبوع بطييييييئة لان ماجاتنيش العين راني حاصلة في الماء ماتتصوروش القلق اللي راني فيه
ممكن تجي العين صباح الاربعاء ونحاول باذن الله نكمل كلش بين الاربعاء والخميس وفي هذا الوقت راني قاعدة نفرز في خزانتي وننظم في الملابس
لبنات قلتلكم قبل على الحلوى الجديدة اللي خدمتها زوروني في قسم الحلويات وشرفوني بردودكم العطرة
http://www.djelfa.info/vb/showthread.php?t=1488311

الجانب الديني راني غير مع الاذكار والدعاء و الاستغفار والصلاة عندي عذر شرعي وهاذاك واش زاد علييا السطر والقلقة
التربوي راني مع بناتي امس عاونتهم خدمو لغريبية هههه والله جابوها
http://im31.gulfup.com/r73yh.jpg
التجميلي كثرت الترطيب للقدمين وفقط
الصحي راني نشرب في الماء الدافيء فيه عصير 2/1ليمونة يوميا على الريق لانقاص الوزن راهو اكثر حاجة نكرهها في نفسي والحمد لله وربي يسهل

باسم الله ما شاء الله و لا قوة الا بالله يا عمري على فحلات المستقبل (هذا الشبل من ذاك الاسد)
ربي يحفظهملك اختي عطر ........و يعطيك الصحة على مواصلة المشوار رغم الظروف

سمراء الدنيا

2013-12-17, 15:00

سمراء الدنيا

2013-12-17, 15:30

تطبيقاتي
الجانب الديني تمام و الحمد لله الصلاة في وقتها و الاذكار + القيام و التلاوة لحقت ل 37 حزب و مازالني مع التحدي حتى نختم اخر الشهر ان شاء الله
يوم السبت

عملت نفس الشي للي عملتو الاسبوع الماضي ......طلعت كل فراش الدار للشمس لكن هاذ المرة وحدي كنوع من الرياضة هههه...سيقت كامل الدار و غسلت لحصاير
http://im35.gulfup.com/x45DY.jpg
و نزلت لتحت غسلت الباب الخارجي للمنزل
http://im35.gulfup.com/2ZBDe.jpg
و التوالات الخاص بالضيوف
http://im35.gulfup.com/HaSpt.jpg
و غسلت جدران المدخل مع تنظيف قواطع الكهرباء و سياج الدرج
http://im35.gulfup.com/KteXA.jpg
الاولاد نظفو الشارع كعادتهم كل اخر اسبوع
و كمكافاة لهم عملتليهم همبورغر للعشاء
http://im35.gulfup.com/fgN7Y.jpg
يوم الاحد ااااااااااااااااه يا يوم الاحد
صبحت صايمة ........عملت غير التنظيف اليومي
بعد الظهر كلمتني اختي بنت الجزاير الغاليا و اخبرتني عن المصيبة التي حلت بها و هي وفاة زوجها فجأة ................................................و من لحظتها لم استطع ان اقوم باي شيء حتى الفطور لم احضره ..........كان وقع الخبر كالصاعقة عليا (اتمنى منكم كلكم تدعو لها بالصبر)
العشا خفيف بطاطا بيري بلاصوص و المرقاز ....هذا صحني
http://im35.gulfup.com/plmTI.jpg
و هذا الخبز خارج من الفرن
http://im35.gulfup.com/mczZ0.jpg
يوم الاثنين
بدات في الصباح بترتيب خزانة الملابس ......اكملت الجهة الخاصة بالزوج
http://im35.gulfup.com/pjyMf.jpg
http://im35.gulfup.com/JI0mY.jpg
http://im34.gulfup.com/Lirn7.jpg
لكني لم اكمل البقبة فقد زارتني ضيفة لم تذهب حتى المساء
بعد خروجها حضرت فطوري انا و زوجي
حريرة

طاجين دجاج
http://im34.gulfup.com/wjmzI.jpg
بطاطا سوتي نتاع الاخت ام راجا و مطلوع
http://im35.gulfup.com/ALNyr.jpg

ام عبودة

2013-12-17, 23:07

اهلين بالاحبة والوجوه السعيدة*
اعمالي ليوم الاثنين والثلاثاء
كل يوم الصلاة في وقتها مع كثرة الاستغفار والاذكار*
يوم الاثنين شربنا قهوتنا و من بعد وجدت الاولاد للمدرسة لبست ماهر حوايجو
خرج راجلي وكي راني متهنية من الفطور درت يوم غير لغرفتي ومكتب زوجي وغرفة اولادي لكن غرفتي نالت حصة الاسد شمس الحالة وخرجت الكوفرطات تاع الاولاد برا والماطلا تاعهم*
لميت الغسيل العادي مع الريدوات تاعي وتاع الاولاد
خرجت الزرابي وجبدت السرير ولي تابل دو نوي وبديت بالابواب والنوافذ خرجو يلمعو
ودرت لابواب المكتب ولي فوتاي نفضتهم ومن بعد نشفت الارضية تاعو *رجعت لغرفتي ومسحتها
ومن بعد الدوش تاعي*
وخرجت نشرت الحوايج ومن زهري فسدت العصارة تاع الماشينة حصلت معهم*
ومن الصباح وماهر يقولي ايا ماما اغثلي تيتاتي هههه معناه طوموبيلاتي*
وهو حاكم الماء والبونجة ومن بعد واش قالي ايا ثوري معناها صوريهم
والله ما تهنا حتى صورتهم ومن بعد واش قالي ديري ام عبودة *معناها المنتدى وصاحبات في المنتدى*
والله غير قعدت غير نضحك
المهم فطرت وصليت الظهر ويا الله حكمني البرد تفكرت عطر المهم العشية كامل وانا في الكوفيرطة
لحق العشاء طلبو فيا سوفلي في الطاجين وزدت معاه بيتزا
تعشينا ورقدنا
الجانب التجميلي تزيت للشعر وتركيب للايدي والارجل خصوصا الارجل والله جاب معي نتيجة هااايلة*
التربوي البارح صدمت بنتائج ابنتي*
تقولي المعلمة تليذة مجتهدة جداااا وتحب العمل يمكنها تحقيق نتائج افضل
وانا اللي كنت حاسبة انها تاخد جيد وجيد جدا وممتازة قليل من جيد والمعظم حسن*
هي تفهم بسرعة وتحفظ بسرعة لكن تقع في اخطاء فادحة عند حل التمارين
ارجوووكم عاونوني*

ام عبودة

2013-12-17, 23:09

ليوم الثلاثاء
كي العادة تقهوينا وبعثت الاولاد الى المدرسة وميمي لبستو حوايجو
شمست الغرف*
وبديت فرغت الخزانة ومسحتها ورتبت الملابس
فرغت الكوافوز ولي تابل دو نوي ومسحتهم مليح
مسحت التلفاز والحيط اللي وراه وباب الدوش والدنيا تلمع يا سلااام
رتبت الغرفة وفرشتها وبخرتها
فطرنا وصليت وتكيت شوي*
المساؤ رجع الزوج شربنا الشاي وفرحنا بنتائج عبودة
صليت المغرب زوجي حاكمو لا غريب طلب مني مطلوع محشي حاااااار درت تاع ام ماجد رووووووعة*
وجربت كيكة البيمو تاع ام كوثر روووووووووووعة
كملت غسلت المواعن وسيقت الكوزينة ههههه على غير العادة
دوشت ماهرورقدتو وقعدت معاكم على خاطر النت راهي كااارثة نقعد نكتب ونحمل في الصور اوووب حاجة ما تتبعث قلبي خرج*
الجانب التجميلي*
تقشير رااائع للجسم مع الترطيب وااااو روووعة*
بارفان هااااايلة وسيروم للشعر
الصحي
لاول مرة في حياتي اتحدى نفسي في شرب الماء والله العظيم كان تمر عليا ايام وما نشرب وما نعطش
ومن البارح راني نكمل القارورة الكبيرة في يوم بصح خلق لي مشكلة الذهاب المستمر الى الحمام
والله العظيم غير تغير لون بشرتي من الشحوب الى النظارة واحس بالدم يمشي في عروقي
اظافة الى انه منذ دخولي معكم بديت نقص من المشروبات الغازية وعندى مدة مقاطعة اكل برا
اظافة الى الرياضة من سنين وانا نعمل فيها قبل الزواج غير باش نقص من وزني وبعد الزواج ما عنديش مشكل السمنة لكن نعمل شد للبطن والرهلات والحمد لله نتائج جد مرضية
التربوي نتائج راوية صدمتني البارح واليوم نتائج عبودة فرحتني هو ما عندوش الرغبة كيما راوية في الدراسة لكن يفهم *والحمد لله ويحفظ*

ام عبودة

2013-12-17, 23:11

الصور راهم بزاف نحملهم ومن بعد نحطهم

ام عبودة

2013-12-17, 23:14

اااه قبل ما ننسى
خبر وفاة زوج اختنا بنت الجزاير طاحت عليا كالصاعقة
ارجو من الله ان يتغمد روحه وان يلهم اختنا الصبر

ام عبودة

2013-12-18, 00:12

لي تابل دو نوي

http://img138.imageshack.us/img138/3698/cdmn.jpg

الادراج تاع الخزانة ولي تابل دو نوي والكوافوز

http://img14.imageshack.us/img14/2077/zr67.jpg

الكوفوز من الداخل والخزانة بعد تفريغهم

http://img585.imageshack.us/img585/4623/7cam.jpg

http://img23.imageshack.us/img23/684/lcvq.jpg

الملابس بعد تنظيمها

http://img843.imageshack.us/img843/3100/7sby.jpg

http://img534.imageshack.us/img534/9155/pafu.jpg

http://img560.imageshack.us/img560/5682/4wor.jpg

التفاز والحائط الي وراه موبل وباب الدوش خرجو يلمعوووووو

http://img855.imageshack.us/img855/2769/kx79.jpg

http://img822.imageshack.us/img822/4068/9921.jpg

http://img191.imageshack.us/img191/1573/k9xt.jpg

رتبت لوازمي
http://img577.imageshack.us/img577/7264/bq03.jpg

الغرفة جاهزة

http://img811.imageshack.us/img811/8943/88q1.jpg

http://img41.imageshack.us/img41/7601/onc5.jpg

http://img571.imageshack.us/img571/3778/i482.jpg

ام عبودة

2013-12-18, 00:43

الغسيل

http://img11.imageshack.us/img11/1508/a6xg.jpg

http://img10.imageshack.us/img10/2332/ceex.jpg

النوافذ

http://img849.imageshack.us/img849/3413/6pzq.jpg

http://img42.imageshack.us/img42/9536/q1yc.jpgط

http://img132.imageshack.us/img132/7958/bkkw.jpg

غسل الارضية
http://img23.imageshack.us/img23/4334/piuw.jpg

http://img5.imageshack.us/img5/1678/1feh.jpg

المكتب

http://img191.imageshack.us/img191/606/zlt7.jpg

http://img812.imageshack.us/img812/1331/hl1q.jpg

الغسيل في الشمس

http://img440.imageshack.us/img440/9759/hxhk.jpg

تيتات ميمي اي سياراتو

http://img196.imageshack.us/img196/107/7nsi.jpg

الدوش

http://img199.imageshack.us/img199/7370/gxbd.jpg

ام عبودة

2013-12-18, 00:49

الفورنوات مسحتهم

http://img163.imageshack.us/img163/6495/e877.jpg

http://img39.imageshack.us/img39/1824/qnfj.jpg

كيكة البيمو حلو بيها
تعبتكم مع الصور ههههه
http://img689.imageshack.us/img689/3733/wuzw.jpg

ام عبودة

2013-12-18, 07:09

صبااااح الهمة والنشاط

fani09

2013-12-18, 07:09

ام ندى 87

2013-12-18, 08:11

صباح الهمة والنشاط
ماريا الله يبارك يا الشاطرة والله غيرتين على التلاوة
سمرا يا سمرا يعطيك الصحة وربي يباركلك في صحتك
ام عبودة واش هاد النشاط تبارك الرحمان تمنيت مايخلاصوش الصور ههههههه
وعلى رواية اكيد تخاف وتتفرفش المرة القادمة حاولي تهدئيها في فترة الامتحانات ومتحسسيهاش بضغطهم وكانهم تمارين عادية
فاني ربي يقدرك حنونة همة ونشاط ونتي كملتي

ام منيب

2013-12-18, 08:22

صباحكم بالخير والربح الوفير
اولا نرحب بالضيفة الجديدة ام عبودة راهي تبدل جهد كبير ربي يجازيها .....شاطرة ما شاء الله ومهتمة بكل الجوانب ....برك اصبري معانا يا ام عبودة رانا في فترة حزن مع اختنا بنت الجزائر الغالية وراح نفرحوك
وحتى دارك رائعة ومازادها روعة لمسة ايديك ......سلمينا على ماهر وتيتاتو

ابداع جزائرية

2013-12-18, 08:38

ماشاء الله عليكم يا بنات
وجزاكم الله خيرا على الموضوع الراااائع بالفعل
يسعدني الانضمام اليكن
نتمنى نكونو احسن صحبة في الدنيا والاخرة
شكرا أختي سمراء على الدعوة
وشكرااا للبنات اللي انضمت

حبيت فقط نعزّي اختي بنت الجزائر الغالية
عظّم الله أجرك حبيبتي
صبرا أخية ربي يجمعك بيه في أعلى الجنان

ام عبودة

2013-12-18, 09:42

يعطيكم الصحة البنات
كامل غيرتوني راني تبع فيكم كيما قلت التحدي ديني بديت فيه اليوم
الاستغفار متواصل
قراءة القران في الحزب 47
يا رب ثبتني
والحفظ ان شاء الله ملتحقة بمجموعة حفظ سورة الحجرات

انا نروح نخدم تبقاو علي خير
احبكم

خيتي فاني حنا قاعدين غير الدار وانت الله يحسن عونك
يعطيك الف صحة وعافية. مع الحفظ والتلاوة والله غير غيرتوني
والله يثبت على التلاوة
نهارك موفق

fani09

2013-12-18, 22:09

تعليمات لكي عن نظافة المنزل

1 – الاستيقاظ المبكر: واحد من الشروط الاساسية, حتى تستطيعي استغلال يومك كاملا دون ان يضيع منه اي وقت.
2 – عند بدءك العمل, قومي بتشغيل ما تودين سماعه من موسيقى او تلاوة قرآنية, ولكن بصوت مسموع وهادئ لك انت, وقيامك بهذا يطرد الملل من داخلك ويجعلك تستمتعين بما تفعلين.
3 – رتبي المهام المطلوبة حسب الاولوية, وقومي بعمل الاهم, فالمهم ثم الاقل اهمية.

الترتيب اساس نظافة المنزل

4– رتبي اشياء منزلك بنظام شبة ثابت, ولا تتركي شيئا عشوائياً, بمعني ان تعتاد يدك ان تضع كل شيئ في مكانة دون حيرة او بذل مجهود.
5 – قومي بوضع كل ما يسبب فوضى في المنزل على الارض, حتى الاشياء الموجودة على الارائك او تحت السرير.
6 – قومي بتقسيم ما جمعتيه في الخطوة السابقة الي مجموعات, بعضها ملابس واخري لعب الاطفال وغيرها متفرقات واخيرا مجموعة يمكن التخلص منها كقمامة.
7 – قومي بالتخلص من مجموعة القمامة, واعيدي مجموعة الملابس ولعب الاطفال الى اماكنها, ثم قرري ماذا ستفعلين بمجموعة المتفرقات, هل ستتخلصي منها ام ستقومي بالتبرع بها ام ستقومي بتخزينها لوقت الحاجة.
8 – قومي بخلع ستائر المنزل, ثم نظفي مكانها, واخيرا استبدليها بستائر نظيفة او اتركي مكانها لحين الغسيل.
9 – قومي بترتيب السرير ومن ثم الاماكن الاخري من حوله, واعيدي الملابس الى الدولاب او الي الغسيل حسب حالتها ونظافتها.
10 – قومي بتنظيف الارضية وحركي الاثاث حتى تنتهي من كل الارضيات.
11– قومي بتنظيف الاثاث من الاتربة وتلميعه بقطعة من القماش.
12 – قومي بتنظيف النوافذ والابواب, ثم لمعيها بملمع من نوع جيد.
13 – ضعي سلة صغيرة بكل غرفة تخصص للمهملات.
14 – لا تنامي حتى تكون كل اواني المطبخ قد تم تنظيفها وترتيبها بصورة جيدة, حتى لا تعاني في الصباح, خاصة ووقت الصباح عادة ما يكون ضيق ومحدود بالنسبة لكي.
15 – جهزي من الليلة كل ما يلزم اطفالك فيما يخص مدارسهم ومستلزماتهم.
16 – استغلي جزءا من يوم الاجازة في تنظيف كامل المطابخ والحمامات وانهاء اعمال الغسيل والكي اللازمة لاسرتك

واخيرا, تعلمي ادارة الوقت, بحيث تجربي عدة طرق في ترتيب اولويات النظافة بالمنزل, حتى تستقري على اليوم والوقت والترتيب المناسب لك. وعندها لن تجدي الامر صعبا, فترتيبك له جعله امرا اعتياديا بل وربما ممتعا لك.

11– قومي بتنظيف الاثاث من الاتربة وتلميعه بقطعة من القماش.

fani09

2013-12-18, 22:13

شكرا ليكم البنات رانا نشجعو بعضاتنا

هاذي بعض النصائح لاستفدة منها نقلتهالكم

تعليمات لكي عن نظافة المنزل

1 – الاستيقاظ المبكر: واحد من الشروط الاساسية, حتى تستطيعي استغلال يومك كاملا دون ان يضيع منه اي وقت.
2 – عند بدءك العمل, قومي بتشغيل ما تودين سماعه من موسيقى او تلاوة قرآنية, ولكن بصوت مسموع وهادئ لك انت, وقيامك بهذا يطرد الملل من داخلك ويجعلك تستمتعين بما تفعلين.
3 – رتبي المهام المطلوبة حسب الاولوية, وقومي بعمل الاهم, فالمهم ثم الاقل اهمية.

الترتيب اساس نظافة المنزل

4– رتبي اشياء منزلك بنظام شبة ثابت, ولا تتركي شيئا عشوائياً, بمعني ان تعتاد يدك ان تضع كل شيئ في مكانة دون حيرة او بذل مجهود.
5 – قومي بوضع كل ما يسبب فوضى في المنزل على الارض, حتى الاشياء الموجودة على الارائك او تحت السرير.
6 – قومي بتقسيم ما جمعتيه في الخطوة السابقة الي مجموعات, بعضها ملابس واخري لعب الاطفال وغيرها متفرقات واخيرا مجموعة يمكن التخلص منها كقمامة.
7 – قومي بالتخلص من مجموعة القمامة, واعيدي مجموعة الملابس ولعب الاطفال الى اماكنها, ثم قرري ماذا ستفعلين بمجموعة المتفرقات, هل ستتخلصي منها ام ستقومي بالتبرع بها ام ستقومي بتخزينها لوقت الحاجة.
8 – قومي بخلع ستائر المنزل, ثم نظفي مكانها, واخيرا استبدليها بستائر نظيفة او اتركي مكانها لحين الغسيل.
9 – قومي بترتيب السرير ومن ثم الاماكن الاخري من حوله, واعيدي الملابس الى الدولاب او الي الغسيل حسب حالتها ونظافتها.
10 – قومي بتنظيف الارضية وحركي الاثاث حتى تنتهي من كل الارضيات.
11– قومي بتنظيف الاثاث من الاتربة وتلميعه بقطعة من القماش.
12 – قومي بتنظيف النوافذ والابواب, ثم لمعيها بملمع من نوع جيد.
13 – ضعي سلة صغيرة بكل غرفة تخصص للمهملات.
14 – لا تنامي حتى تكون كل اواني المطبخ قد تم تنظيفها وترتيبها بصورة جيدة, حتى لا تعاني في الصباح, خاصة ووقت الصباح عادة ما يكون ضيق ومحدود بالنسبة لكي.
15 – جهزي من الليلة كل ما يلزم اطفالك فيما يخص مدارسهم ومستلزماتهم.
16 – استغلي جزءا من يوم الاجازة في تنظيف كامل المطابخ والحمامات وانهاء اعمال الغسيل والكي اللازمة لاسرتك

واخيرا, تعلمي ادارة الوقت, بحيث تجربي عدة طرق في ترتيب اولويات النظافة بالمنزل, حتى تستقري على اليوم والوقت والترتيب المناسب لك. وعندها لن تجدي الامر صعبا, فترتيبك له جعله امرا اعتياديا بل وربما ممتعا لك.

ام عبودة

2013-12-19, 06:42

صبااااح الهمة والنشاااااااط كيف احوالكن
فاني شكراااااا على هذه النصائح القيمة

ام عبودة

2013-12-19, 06:43

ام منيب والمبتدئة وسمراء ولبداع
شكرااااااااااا. سعدت بكم

ابداع جزائرية

2013-12-19, 08:06

السلام عليكم ورحمة الله وبركاته
صباحكم سعيييييييد يا بنات
يارب تكونو بافضل حال
تقريري لليوم
خفت مانقدرش ندخل منبعد:

جانب التنظيف وشغل البيت:
اليوم ان شاء الله كسكسي للغدا وتنظيف خفيف لكل الغرف
مسح فقط
عندي كوموند قاطو نتاع عرس ياربي نبدا فيها
الجانب الديني :
صليت الصبح وان شاء الله رايحة نصلي الضحى
مع الاستغفار وحمّلت سورة الحجرات على الجهاز راح نبدا نسمعها ان شاء الله وانا نخدم
مازال مابديتش ورد تلاوة شجعووووووووووني
الجانب الجمالي :
مع الصباح دش خفيف وسيشوار خفيف
كريم للقدمين
كحل وسواك

الجانب التربوي :
الصباح هاذي برك درت لأنيس عقوبة
ساعات يخرجوك من الملّة
جبتلكم موضوعين عن الطفل عجبوني
كنت محتافظة بيهم في المفضلة
نحطهملكم في المشاركة الجاية ان شاء الله

ابداع جزائرية

2013-12-19, 08:11

مهارات خاصة .. للتعامل مع الطفل

يعتقد بعض الأمهات ان التعامل مع الأطفال (http://forums.fatakat.com/thread6322) شئ ميسور وسهل وتتأكد الأم من ذلك الإعتقاد غذا كانت تلك الأم ناجحة فى تعاملاتها مع الكبار وموفقة للغاية وهو إعتقاد خاطئ لأن التعامل مع طفلك يحتاج إلى مهارات خاصة مثل الذكاء والصبر والقدرة على التحمل كما يحتاج إلى أسس تختلف تماما عن تلك الأسس التى تتعامل بها مع الكبار ويمكن بإجاز تلخيص تلك الأسس التى يمكن أن تتعامل الأم (http://forums.fatakat.com/thread6322)مع طفلها فى عدة نقاط منها :
** لا للإجبار أو القهر :
ثبت أن أسلوب الإجبار والضغط على الطفل لطاعة الأم لم يجد إطلاقآ بل كان له آثار سلبية وعكسية ولذلك ننصح كل أم بألا تلجأ مطلقآ إلى إستخدام أسلوب اتلإجبار أو القهر لتلبية مطالبها لأن الطفل الذى يتعامل بهذا الأسلوب فى طفولته ينشأ خائفآ من الإخفاق والفشل .. وهذا الخوف إذا ما تملكه يكون دافعآ له على الفشل بصفة مستمرة.
** الإحترام والإستقلالية :
الطفل السوى المطيع ينشأ المطيع ينشأ دائمآ فى جو عائلى مملوء بالحب والدفء والحنان على المستوى الأسرى ويصبح الطفل مطيعآ إذا إستطاعت الأم أن تجعله راضى النفس بإهتمامها المستمر به وتقديرها له والتعامل معه بإحترام منذ الصغر وبث روح الحرية والإستقلاليه فى الحدود الآمنه والمقبولة ولا داعى للوصاية على الطفل وإحاطته بسياح من الأوامر والنواهى التى تجعله يضيق ذرعآ ويفقد شخصيته وذاته ويتعلم العناد والمكابرة أو يلجأ إلى الكذب كأسلوب لينجو من نتائج فعل خاطئ قام به .

ابداع جزائرية

2013-12-19, 08:15

اقرأ لطفلك .. يصبح قارئاً (http://forums.fatakat.com/thread806)

تبدأ حياة الإنسان في عالم المعرفة بسماع من يقرأ عليه ويعلمه، وقد تنتهي بأن يتلو أحدهم عليه ويقرأ عليه الأدعية. فحياة الإنسان تبدأ وتنتهي بسماع تلك الكلمات ذات المغزى الديني والأثر الاجتماعي النفسي؛ فالسمع المرتبط بالقراءة لا يُعدّ فقط بداية الطريق لدروب العلم، ولكنه كذلك بداية اكتشاف الحياة وسبر أغوارها، والقراءة للطفل ليست للتعليم وحل الواجبات المدرسية فقط؛ بل لها أصول وقواعد لو اتّبعت لغيّرت اهتمام الأطفال ونظرتهم إلى الحياة، هذا بالإضافة إلى التقدم العلمي في المدرسة.

فمن فوائد القراءة للطفل (http://forums.fatakat.com/thread806):

- تعليمه السلوك المحبب: من خلال اختيار كتب معينة يستطيع القارئ بواسطتها غرس القيم الأخلاقية، والأداب الشرعية, والتعريف بقدوات وأبطال أمتنا.

- تزيد من الحصيلة اللغوية: عندما يقرأ القارئ للطفل موجّهاً اصبعه إلى الكلمات المقروءة فإن الطفل يتعلم كلمات كثيرة، وكيفية استخدامها في الحياة اليومية.

- تنمّي مدارك الطفل وخياله: من خلال الاستماع ومتابعة القارئ يتعرف الطفل على عالم لم تكن له دراية كافية به، فبوسع الأم أو القارئ أن تحدّث الصغير عن الأشكال الهندسية ووجودها في الطبيعة، في الحديقة والمنزل (مثلا الدائرة تشبه الصحن وتشبه مقود السيارة وهكذا)،
ومن خلال القراءة يتعرف الطفل على تجارب الآخرين في حلّ المشكلات مما يعطي الطفل مجالاً للتفكير بصورة أوسع، كما أن القراءة للطفل تدربه على مهارة الانتباه؛ فالأطفال الذين يقرؤون أو يُقرأ لهم تكون فترة الانتباه والتركيز لديهم أطول من أقرانهم.

- تزيد من تحصيله الدراسي: أثبتت الدراسات أن الطفل الذي يقرأ قبل دخوله المدرسة يكون معدل ذكائه أعلى من أقرانه الذين لم يُقرأ لهم، كما أثبتت الدراسات أن أطفال الحضانة الذين يُقرأ لهم أكثر إبداعاً وهدوءاً وأكثر قدرة على المشاركة والتعلم من أقرانهم الذين لم يُقرأ لهم، كما تقرّ الدراسات أن الحصيلة اللغوية والمفردات لهؤلاء الأطفال عالية، ومستواهم في القراءة والكتابة والتعبير أفضل، وقدرتهم على حل المشكلات أعلى من أقرانهم ممن لم يحظوا بنفس الفرصة.

- تساعده على اكتشاف متعة العلم والقراءة عندما يجد الطفل كتباً تناسب ميوله وتشبع هواياته، يبدأ تدريجياً التحوّل إلى القراءة لملء وقته، فالقراءة متعة للطفل إذا وجد الكتاب المناسب, يتعلم الطفل من خلال الاستماع أن مشكلاته جميعها لها حل، وأن أبطال الوقائع والسير التي يسمعها أو يقرؤها مثله يمرون بنفس مشاكله، ولكنهم يستطيعون التغلب عليها، كما أن القراءة الممتعة تدفع إلى المزيد من المطالعة والاستكشاف .

- تساعد على نمو المهارات القرائية الكتابية، فالنمو في القراءة والكتابة مرتبطان ارتباطاً وثيقاً ببعضهما، فتعلّم المفردات الجديدة وكيفية استخدامها ينعكس على موضوعات الكتابة والتعبير. كما أن الطفل القارئ أو الذي يُقرأ له تكون له خبرات واسعة وطرائق متعددة في حل المشكلات، وكل تلك المهارات تنعكس على تناول موضوع الكتابة.

- تعزز من ثقة الطفل بنفسه وقدراته، وحب الآخرين له، فبكثرة الاستماع تزداد الحصيلة العلمية واللغوية للطفل، ويعزز شعوره بالحب والأمان من قبل الأم القارئة، ويتعلم بعض المهارات السلوكية والأدائية، وكل ذلك يعمل متضافراً على تعزيز ثقة الطفل بنفسه وقدراته، حيث اكتشفت دراسة مطولة أن الطلاب ذوي المهارات القرائية غير المقبولة يفتقدون الثقة بالنفس والهمة لتعديل المستوى الدراسي، ولكن بعد القراءة الجهرية لهم لفترة امتدت إلى ثلاثة الأشهر بدأ التحسن في مستوى القراءة واضحاً منعكساً على مهارات التعبير الكتابي.

- تعلم الطفل مهارات الإلقاء والتمثيل عندما يقرأ القارئ للطفل، أو حتى القارئ بصوت مسموع فإنه يتعلم أن صوت البطل الشرير يختلف عن صوت العصفور المسكين في القصة، ويتعلم بالاستماع أن اختلاف نبرات الصوت معبرة عن الحالات النفسية المختلفة، ويكتسب الطفل من خلال ذلك الكم من التنويعات مهارات تمثيلية تساعده في الإلقاء.

- تنمي العلاقة بين القارئ والطفل: قد يكون هذا العامل من أهم العوامل الأسرية؛ فالقراءة ليست سرداً لبعض المعلومات المكتوبة في النص، بل إنها نقل الكلمات إلى الحياة بطريقة شائقة, فعندما تضع الأم الطفل في حضنها وتبدأ القراءة يحس الطفل بمتعة القراءة ومتعة الحنان والاقتراب من الأم، وكل ذلك يساهم في تقوية العلاقة بين القارئ (الأم) والطفل، وتأكيد شعور الأخير بالحب والأمان، مرتبطاً بحب العلم والقراءة، وهذا ينطبق في الصفوف الدراسية أيضاً. فقد أثبتت الدراسات أن تخصيص خمس دقائق فقط من وقت الحصة لقراءة شيء ممتع للطلاب قادرة على دفع المهارات التحصيلية للطلاب في القراءة والكتابة والتعبير، كما أنها تقوي علاقة الطالب بالمدرس وتجعله أكثر قبولاً من ذي قبل.

- توجه الطفل نحو القراءة بدلاً من التلفاز (من العادات الحسنة التي يتعلمها الطفل منذ الصغر،) فإذا تعلم الطفل منذ صغره أن يتوجه إلى التلفاز لشغل وقته أو لانشغال الوالدين عنه، سيستمر في قتل وقته بالتلفاز طوال حياته، ولا مجال هنا لذكر أخطار التلفاز وآثاره السلبية على التنشئة. كذلك توجيه الطفل نحو عالم القراءة والاكتشاف منذ الصغر، وتعليمه شغل وقته بكل ما هو مفيد ونافع عادة تبقى معه، ويستفيد منها طوال حياته.

- تعلّم الطفل احترام الكتاب والعلم: إذا شعر الطفل أن الكتاب له قيمة علمية، وفائدة، ومتعة، ورأى طريقة معاملة القارئ (الأم أو المعلم) واحترامهم للكتاب، فإنه سيتعلم تلقائياً أن الكتاب ليس مجرد أوراق مرصوصة لتوضع على الرف؛ بل يحتوى كنوزاً تريد مَنْ يتعامل معها باحترام وتقدير.

ابداع جزائرية

2013-12-19, 08:19

وش رايكم يابنات نضيفو للواجبات شراء قصة في الاسبوع
او اللي ماتخرجش تجتهد تجيب وحدة من النت
وقرائتها للاولاد؟
وكل واحدة تصوّر قصتها اللي حكاتها أو تكتبها
هكذا كل واحدة تشري قصة واحدة
لكن في خلال الاسبوع يكونو عندنا قصص بعددنا نبادلوهم لأطفالنا

وقولولي اذا تفاهمتو على واجب معين لهاذ اللسبوع الاول من العطلة
ياللّا يا بنات حابّين افكاااااااااااااااار

**افنان**

2013-12-19, 09:17

بارك الله فيك اخت ابداع انت مبدعةحقا موضوع اقرا لطفلك رائع حبذ ا لو تحطيه في قسم تربية الابناء وما يخص الطفل المسلم وجزاك الله خيرا

ام منيب

2013-12-19, 09:33

باسم الله والصلاة والسلام على رسول الله
كانت سمورة من قبل وعدتنا بتحدي ديني وهو صيام يوم الخميس والاكثار من الاستغفار والصلاة على النبي طيلة اليوم وفي الليل قبل الوتر صلاة ركعتي قيام باجمل ما جاء به كتاب الله اي بسورة الملك وسورة يس والله غالب النت نقطعت من عندها
المهم راهي مسلمة ليكم وتشجع فينا عن بعد وتقولنا وااااصلووووو وااااصلوووو
نتمنى عودتها لينا في اقرب وقت

عطرالذهب

2013-12-19, 12:57

السلام عليكم
راني من الصباح الباكر وانا نكتب في التقارير وكل ما نبعثواحد يتمحى قريب حلفت على هاذ المنتدى بالصح الله غالب والفتكم
اذا فات هاذا نكتب التقرير خفت نتعب هكاك

عطرالذهب

2013-12-19, 13:27

رجعتلكم بالتقرير وقبل هاذا نحب نتقدم بالتعازي القلبية الحاااااارة الى العزيزة بنت الجزائر الغالية في مصابها الجلل واسال الله ان يسكن زوجها جنات النعيم وان يلهمها الصبر والسلوان
انا لله وانا اليه راجعون
بالنسبة للتطبيقات كما اسلفت الذكر كانت عندي ازمة ماء فاستغليت الوقت الضائع في تنظيم الخزانة نتاع شومبرتي وخزانة الاولاد وبقية الايام كان شوي خمول وملل وكلي انتضار للقدوم السعيد نتاع الماااااااااااااء
يوم الاربعاء جات العين مع الفجر حليت على الخزان يتعمر وفي ذلك الوقت نوضت البنات غسلوا وصلوا ومشطتلهم ولبسوا راحو للمدرسة مع الزوج
حطيت لغدا يطيب عدس ساهل والخبز من برا باش ما نريحش الوقت في الطبخ والنفخ
حليت الشنابر وخرجت الفراش للهواء الشمس ماكانش ونظمت وليدي الصغير وخليتو يلعب رحت لشومبرتي نفضت الغبرة ومسحت لحيوط بنشافة جديدة مخليتها للحيوط مسحتهم بالماء والصابون طوب وعاودت بالماء ونشفتهم بمنشفة قديمة ونظيفة التاقة والباب غسلتهم الاسبوع الماضي وليت مسحتهم فقط وسيقت الارضية وبردت قلبي في الماء لقيت الوقت مازال ال9 ونص رحت لغرفة البنات عملتلها نفس الشيء وعاودت غسلت الباب لقيتو ملبز وسيقتها وكملت معاهم تسياق الصالون والكولوار والكوزينة وخرجت للحوش كملتوا رجعت للقش حطيتوا في الماشينة غسلتوا ودخلت لحوايج من برا ركبت الريدو الكوفرلي في شمبرتي وزينت الكوافيز وليتابل دونوي بدي ناب جدد وفرشت التابيات وغلقتها ونظمت غرفة بناتي درتلهم ريدو وكوات وتابي كامل غوز فرحتهم بيهم على خاطر نتائجهم ممتازة والحمد لله راني صورت جدول الكشف نتاع كل وحدة باش تشوفوهم
رحت غسلت ماعن فطور الصباح ووجدت سلاطة ودخلت تدوشت جاو على ال11 لقاوني نستنى غديتهم وغسلو لبنات لماعن مش بزاف ورحت صليت الصبح والظهر وذكرت شوي رحت سشورت شعراتي ومكيجت على الخفيف ودهنت رجليي ويديي وحبيت ندخل نكتب ما حبش يتفتح ستنيت العصر اذن صليت والى النوم انا وولدي نوم عمييييق حتى المغرب جا زوجي لقاني ميتة بالعياء طيبلي قهيوة شربناها ونضت توضيت وصليت المغرب ورحت خبزت 2 رخسيس مع لعدس وحمرت سكالوب تعشينا وصليت لعشا ورجعت للنت نفس المشكل وليت طبقت القش اللي شاح والباقي بيتتو فوق الفورنو ورقدت
الخميس الديني نضت قبل الفجر صليت 6 ركعات وقرات ما تيسر ونوضت زوجي تسحرنا وراح للمسجد وانا صليت وحدي وبقيت نستغفر حتى نمت
لان الاولاد ما يقروش وزيد بايتة الدار 10/10 قلتلهم ما تنوضونيش حتى نفيق وحدي ياخي يكثر خيرهم اول ما نعست فيقوني ههه يحوسو يفطروا (المجاعة ) لميت الدار على خفيف وبقيت قاعدة وليت دوشتهم وغسلت حوايجهم وغديتهم اومليت بيض وجبن وكاشير لحق الظهر صليت وجيتكم والان راني رايحة ننظم شوي للفطور

ام عبودة

2013-12-19, 14:08

السلام عليكم
ابداع ماشااااء الله عليك والله يعينك
وشكرااااااا على مجهودك اللله يجعلو في ميزان حسناتك
عطر يعطيك الصحة وما شاااء الله على بناتك وربي يحفظهم من العين
سمورة اشتقنالك وباقي شلة ما تزعفوش عليا

عندي رجاااء منكن اخواتي وانتن صائمات
ادعولي الله يحفظلك اولادي على خاطر اليوم ربحوني فجعة

ام ندى 87

2013-12-19, 14:19

مساء الخير
ابداع راني معاك فالتحدي مع انو بنتي عمرها عامين ونص نحاول معاها
ام منيب ترحبي غير بام عبودة وانا وعطورة ماشفتيناش روحي راكي مسامحة متزيديش تعاودي ههههههه
ام عبودة بلا مانصوم ندعيلك ربي يسترهم

عطورة نحب نقرا تقريرك نستمتع ربي يحفضك و ااااه منك يا مدلع يطيبلك القهوة قولتلك قاوريه هههههه

ام عبودة

2013-12-19, 14:40

ليوم الاربعاء
الصلاة والحمد لله في وقتها وراني نكثر من الاستغفار والاذكار والصلاة على النبي
من بعد القهوة. وجدت الاولاد الى المدرسة قعدت شوي مع ميمي لعبنا وتفرج في بارني وتيليتابيز يموت عليهم كملنا لبست حوايجو وراح عند جداه يلعب
حليت الشبابيك دخل الشمس يا سلااااااااام نموت عليها في الشتاء
خرجت الاغطية اللي في الخزانة برا للشمس واللي بقاو شمستهم في الغرفة
مسحت بالصتهم في الخزانة ومن بعد درت لغرفة الاولاد اختي عطوة رانا كامل نعانو والله تحسي بنقاوتها غير الدقايق الاولى قبل ما ترجع الشلة
وانا راهم لاحقيني في غرفتى هذا قلم يبروه وهذه اوراق ويحبو يتفرجو وياكلو هذا قاطو وشب او خبز المهم التبهديل ولقداااام
خدمت معطر للخزانة ومن بعد نحطهم في موضوع وسيقت الغرفة خفافي والمكتب ومن بعد درت الى نص الكولوار وخرجت برا
الدار كبيرة. وغرفها بزاف انا نحكم النص وطفلتي النص والبراء بالكثرة نسيقو انا في وقتها تغسل هي مواعن القهوة. وعزوجتي توجد الفطور
المهم خرجت برا وتبعني ميمي وتيتاتو المسكين يرجع يرجف من البرد
حكمت الشبابيك من برا غسلتهم وننقيت تحت الخزان. تاع الماء تاعي ونقيت الاوساخ في الزرع وغسلت باب الدخلة نشفت والحمد لله الدنيا تشعل
كملت مع الفطو ر دوشت ميمي وبدلتلو وفطرنا وصليت الظهر بغيت نتكا شوي رجع زوجي وجدتلو فطور حكمتلي على رخساس تاع ليدي زودتلو السكر ودرتو مذكر تاعنا كملت قعدت نتفرج. اذن العصر صليت و دخلت الفراشات ورجعتهم لبلاصتهم رجع زوجي وجدتلو الشاي وقعدنا شوي خرج هو درت للعشاء درت غير عدس وسلاطة وديسير
قعدت مع اولادي وعشيتهم. ورقدتهم جاء زوجي عشيتو ورقدنا
الجانب التجميلي ما زالني في تحدي شرب الماء والحمد لله اظافة الى الاعتناء بكامل جسمي. وشعري راني حابة نبدء في اكل او شرب الحلبة من اجل الفجعة
وزيد مفيدة للصحة وجمال البشرة والشعر
الجانب التربوي اعطاء واجبات للاولاد راوي الخط وعبد الحق. التلوين وكتابة بعض الحروف والارقام
والناجح عندو جائزة
الحقيقة هذه الفترة راهي عطلة وقلت نسيف على باباهم يدينا الى العاصمة يلعبو شوي ويحوسو لانه وبكل اسف في ولايتنا. ما كانش وين تروحي
يا رب يسهل على خاطر زوجي عندو التزامات في الشغل وبالشك يوافق
الصور من بعد نحطها

ام عبودة

2013-12-19, 14:54

يا الله على الشمس كل ما نفتحها نشكر ربي على النعمة وانه يوم جديد في حياتي وكلي امل وصحة وعافية احبائ بخير

http://img36.imageshack.us/img36/6899/iz3l.jpg

االمخايد والماطلا في الشمس

http://img27.imageshack.us/img27/185/enmr.jpg

الاغطية في الشمس

http://img46.imageshack.us/img46/9156/3d28.jpg

ومسحت بلاصتهم

http://img577.imageshack.us/img577/4799/heet.jpg
الفراشات في الشمس

http://img7.imageshack.us/img7/9561/iph7.jpg

http://img837.imageshack.us/img837/8480/z8gn.jpg

http://img823.imageshack.us/img823/8504/sakg.jpg

سيقت تحت الخزان

http://img706.imageshack.us/img706/568/rhht.jpg

ومدخل البيت من وراء هذا الباب توجد مخاوفي كل ما نشوفو مفتوح قوايمي تفشل

http://img571.imageshack.us/img571/2340/hqdi.jpg

http://img34.imageshack.us/img34/4060/uc2b.jpg

طبقت الاغطية وعطرتهم

http://img703.imageshack.us/img703/1062/t5yb.jpg

وهاهي بلاصتهم مرتبة والحمد لله

http://img35.imageshack.us/img35/6870/29lx.jpg

دائمة الحمد

2013-12-19, 20:26

مساء الخير عليكن اول مرة ندخل هدا الركن اعجبني كثيرا انشاء الله نحاول نكون معاكم على الاقل في العطلة لاني عاملة ولهدا برنامج اعمالي اليومية
مختلف عليكم انا من المهووسات باعمال البيت لاجل دلك نبروفيتي قدرالامكان في العطلة
غدا الجمعة انا نحاول انا وبنتي نخدمو الاشياء الضرورية لانو زوجي يروح بكري للدار ويحب الغدا يكون واجد قبل الجمعة
ونعمل غدا مميز ووندوشو الكل والكثير من الدكر و الاستغفار
عطر سقسيت عليك الهيه في الكوزينة

عطرالذهب

2013-12-19, 20:36

مرحبا بيك اختي دائمة الحمد بيناتنا واش حتى هنا شميتي الريحة ههههه
نضحك معاك راني غير هنا مع هذه الدورة الرائعة نتمنى تتحفينا وتنشطينا بطاعاتك واعمالك اليومية
وقسم الطبخ كلما نفتح صفحة تتغلق ما فهمتش السبب

دائمة الحمد

2013-12-19, 22:19

اثار انتباهي العنوان لما فتحت لقيتك
ان شاء الله راني متواصلة معاكم

fati21

2013-12-19, 22:56

السلام عليكم يا لحراير
والله تطبيقاتكم تزيد الحماس وليت مانبانش معاكم الله يبارك
الجانب الديني
الصلا والاستغفار والاستماع لسورة البقرة صباحا
الجانب التنظيفي
طول الاسبوع نشف لبيوت برك
والبارح خملت غرفتي هاهي الصور توضح اكثر

خرجت كلشي للشمس

مسحت المابل

سيقت الارض

الثاقة كانت نظيفو وغسلت ليديصوندلي

وهدو وش لحقت نصورو

الشريك القسنطيني

الجانب الجمالي
عمت دش

ام عبودة

2013-12-20, 07:36

http://img826.imageshack.us/img826/756/0wmv.jpg

ام عبودة

2013-12-20, 07:37

http://img713.imageshack.us/img713/6828/u6ze.jpg

ام عبودة

2013-12-20, 07:38

http://img51.imageshack.us/img51/9495/ji6i.jpg

http://img189.imageshack.us/img189/7718/jkr1.jpg

حنان فادى

2013-12-20, 08:02

السلام عليكم ورحمة الله تعالى وبركاته
الموضوع مفيد جداااا وكنت متابعة ليك كزائرة قبل تسجيلي بالمنتدى وهذى أول مشاركة لى
جزاكى الله خيرا كثيرا اختى على الموضوع المفيد وكل الاخوات لى شاركوا بأفكارهن
باذن الله رح اشارك،
ربي يقدر جميع الاخوات

دائمة الحمد

2013-12-20, 08:12

جمعة مباركة للجميع
والله يبارك لينا في صحتنا وفي قوتنا ووقتنا
ويقوي ايما نا
امين يا رب

ام عبودة

2013-12-20, 08:13

صباااااح الهم والنشاااااط
واش راكم نحن اليوم صبحنا مع الامطار روووووووووعة يعني ما فيش غسيل ما فيش تسياق والحمد لله جات بعد مت كملت اعمال اسبوعي ههههه
ليوم الخميس
دائما الصلاة في وقتها والحمد لله مع الاستغفار الذي جعلته دواااء لكل همومي ومعين لي في كل اشغالي
شربنا القهوة وبدا الماراطون مع الاولاد باش يروحو الى المدرسة عبودة قالي ما ما نقراش قلتلو لا لا تكذب عليا غير روح راحو الاولاد خرج من بهدهم باباهم. ناضت ماهر كي العادة نستنى تطلع الشمس على خاطر الغاشي عندنا يطول شوي باش ينوض ونحشم نبدا في اشغالي او نديرو الحس مع اولادى
من بعد عزمت نكمل الخزانة تاعي ما رتبتهاش شوي ورجع عبودة قالي هاه يا ما ما راني ما قريتش. وجابني صاحب بابا في طوموبيلو. قتلو برك من الكذب قالي والله والله والله يا ما ما ما ديت فيها ما جبت قلت راه طفل صغير ويتخيل بزاف
المهم نظفت غرفة الاولاد خفافي ونظمت غرفتي خفافي والدوش سيقتو ومن بعد حليت الماشينة تقول حسيت بالمطر ليوم الجمعة
ومن بعد ما كملت درت على الخزانة فرغت جيهتي كامل ومسحتها

http://img850.imageshack.us/img850/1498/p8jl.jpg

وراكم تشوفو في جدول التوقيت تاع راوية ههههه باش ما ننساش وما يتودرش

وكيما قتلكم انا نحب نصنع معطر لخزانتي بطريقتي في حوايجي نحب ريحة البخور والعطر الممميز تاعي وما زالني واعتكم نحطو في موضوع راهي النت تعبتني والصور بزاف اصبرو عليا

http://img13.imageshack.us/img13/5509/2alb.jpg

ونديرو ما بين او بجنب البيجامات

http://img826.imageshack.us/img826/1604/9f3h.jpg

وملابس الخرجة

http://img29.imageshack.us/img29/7756/ps73.jpg

الملابس...........

http://img200.imageshack.us/img200/5280/dcia.jpg

والخمارات

http://img11.imageshack.us/img11/760/fi6c.jpg

وصدقوني رووووووووووووعة خصوصا اليي ما عنهاش الوقت للتبخار كل وقت واللي ما تحبش عطرها يفوح بقوة وهي خرجة يعني حاجة خفيفة وكل ما نحل الخزانة وااااااااو نزهى

وهاهي خزانتي كملتها

http://img69.imageshack.us/img69/3681/bu80.jpg

http://img196.imageshack.us/img196/3889/7r9t.jpg

ومن بعد فطرنا ورقدنا شوي وتفرجنا كي العادة
دخلت الغسيل ومن بعد صليت المغرب ورحت الى المطبخ
طيبت كيكة تاع النيسكافي تاع ام ضياء الدين

http://img5.imageshack.us/img5/19/78u7.jpg
http://img5.imageshack.us/img5/19/78u7.jpg

تعشينا دوشت ماهر ورقدت الاولاد وسهرنا شوي واوووب الى النوم
الجانب التربوي راهم راحة حابين غير الرسم وراوية فرحتني البارح على بالكم بللي تكتب بقلم الرصاص احسن من قلم الحبر وخطها مفهوم وجميل
الان عرفت مشكلة بنتي في النتائج
وعبودة راه مع الاثنين وااالو ما بغاتش تدخل راسو
الجانب التجميلي
العناية بالشعر
http://img822.imageshack.us/img822/8559/t5vq.jpg

العناية بالجسم

http://img40.imageshack.us/img40/6512/gp4l.jpg

والتعطير اليومي

http://img29.imageshack.us/img29/5991/d3t2.jpg

وتحدي الماء لان شرب الماء هو جمال البشرة والشعر وصحة الجسم كله هكذا قنعت نفسي وليت نموت على الماء تصدقو

http://img19.imageshack.us/img19/7474/v0y4.jpg

ام ندى 87

2013-12-20, 10:49

صباح الخير وجمعة مباركة
وين راهي سمرا عسى المانع خير

السلام عليكم ورحمة الله تعالى وبركاته
الموضوع مفيد جداااا وكنت متابعة ليك كزائرة قبل تسجيلي بالمنتدى وهذى أول مشاركة لى
جزاكى الله خيرا كثيرا اختى على الموضوع المفيد وكل الاخوات لى شاركوا بأفكارهن
باذن الله رح اشارك،
ربي يقدر جميع الاخوات

حنان مرحبا بيك معانا اتفضلي الدار دارك وربي يقدرك ويقدرنا

دائمة الحمد

2013-12-20, 15:02

امسية طيبة للجميع انااليوم الصباح اضافة للاعمال اليومية
نظفت الثلاجة وفرزت الخضر
عملت الغدا عملت غسلتين في غسالة الملابس
بنتي سيقت الغرف
واناالمطبخ والسشوار
مازال عندي اعمال بعد العصر نكملهم
ركن العبادة اكتفبت بالاستماع الى سورة الكهف مع الاستغفار والصلاة على النبي
عندي مانع شرعي

شوشو 11

2013-12-20, 15:23

ماشاء الله تبارك الرحمن عليكم بنات
راكم شعلات ربي يبارك في صحتكم
ام عبودة وين راكي مع وصفة التعطير

http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://img13.imageshack.us/img13/5509/2alb.jpg

شكرا لكمسبقا
سمرا الحبوبة واقيلا انقطعت عليها النت ان شاء الله تشرفنا في اقرب الاجال راها القلب النابض

ياسمين1990

2013-12-20, 16:08

:1:السلام1
مساء الخير عليكم جميعا جمعة مبا ركة ان شاء الله تقبل الله منا جميعا
واش هذ الغيبة سمراء ان شاء الله خير .
كيفكم أخواتي النشطات بارك الله فيكم
دخلت امسي عليكم وأخد شوية جرعة نشاط منكم لعلى وعسى شكرًا

fani09

2013-12-21, 07:58

صباح الخير البنات
اهلا وسهلا حنان دائمة الحمد ..............
ام عبودة راكي44444444444444444

دائمة الحمد

2013-12-21, 08:39

صباح النور والبركات صباح الهمة والنشاط ماهو البرنامج اليوم

ام منيب

2013-12-21, 08:44

باسم الله والصلاة والسلام على حبيب الله
لبنات ما شاء الله عليكم عيني عليكم باردة تبارك الله راكم ناشطات
ام عبودة راكي في القمة وين كنت من زمان

دائمة الحمد

2013-12-21, 08:48

فاني وام منيب صباحكم خير وود وطاعة وعبادة

شوشو 11

2013-12-21, 09:22

صباح الربح والورد مفتح على النحلات
كما قالت الاخت ناخد منكم جرعة نشاط وهمة

عطرالذهب

2013-12-21, 11:54

السلام عليكم
اختي سمراء اظهري برك رانا مفتقدينك وتوحشنا الصور نتاع تطبيقاتك
ام عبودة ماشاءالله عليك وربي يزيدك من نعيمه راني كي شفت اثاثك وبيتك حشمت نحط حوايجي اللهم لا حسد ربي يحفظك وراني دعيتلك لاولادك وجميع اولاد المسلمين وما عليك الا الاكثار من الصدقات راهي تذهب البلاء
ام منيب يااختي كل مرة نقول ضرك تسميني ياخي شايفة غير ام عبودة رانا هنا الطول والعرض والزين والشطارة ههههههههههه نضحك معاك اختي ما تزعفيش
المبتدئة وين هاذي القاورية اللي تتكلمي عليها راهو اكبر حاجة يخدمهالى يطيبلي قهوة باش ننوض ونزهيلو الدار يقوللي كي تمرضي نحب غير نهج (يعني نحب نخرج من الدار وما نرجعش)

saranor

2013-12-21, 13:29

ماشاء الله عليكم تبارك الرحمان

ام عبودة

2013-12-21, 17:36

مساااء الهمة والنشااااااط
كل واحدة باسمها توحشتكم بزاف كنت مريضة شوي من البرد طاح مرة واحدة علينا
المهم ليوم الجمعة

نضت الصباح مع الصلاة والحمد لله قريت سورة الكهف ومن بعد شربنا القهوة
صبحت الامطار دايرة حالة فينا حلفت ما نسيقش وما نغسلش

http://img811.imageshack.us/img811/6087/sl0j.jpg

قعدت غير نشف في الماء تاع برا باش ما يلحقش الى الداخل على خاطر من كثرة المطر فاظت. الجينية وحتى نولى التراب والطين يخرج برا
و دارها بيا ماهر ولدي عجباتو يروح يدخل في الغرس وحاويجو وسبطاو وانا في الكوزينة لاتية بالكيكة ما خلالي وااالو
ايا نبدلو و يزيد يغافلنا ويعاوها مرضني والله غير باسينة حوايج
المهم غسلت وسيقت كااااااااتبة ما عندي وين نهرب
بدلت الفراش برك ككل اسبوع

http://img7.imageshack.us/img7/950/edy8.jpg

صلينا وفطرنا كسكس بعثت اولادي الى تدريباتهم وراجلي عيطولو راح وانا وماهر رقدنا شوي صليت العصر وقطعت الكيكة تاعي
رجعو الاولاد وباباهم شربتهم الحليب وحنا الشاي وفرحو بالكيكة

http://img844.imageshack.us/img844/73/58gm.jpg

والعشاء كان راجلي معروض برا درت غير عدس تعشينا وحكمت بلاصتي
رجع راجلي قعدنا ساهرين مع التيليفزيون نريقلو فيه هيا فقدنا منه الامل رقدنا

الجانب التجميلي
شرب الماء والترطيب ووضع القليل من اماكياج
التربوي
الاولاد الصباح رسمتلهم وعطيتهم يلونو وميمي حكمني سشوريلي للعبة تاعي
قتلو علاش قالي ام عبودة ههههه معناه صوريها وابعثيها للمنتدى

http://img706.imageshack.us/img706/3871/bl6s.jpg

oum radja

2013-12-21, 19:04

الاسبوع الخامس
غرفة الاطفال
http://im33.gulfup.com/miJz0.jpg
http://im33.gulfup.com/Ijs8p.jpg

الاحد...مسح السقف و غسل الحيطان و غسل الباب و النافذة
الاثنين...اخراج الاسرة و تنظيفها و تغيير الاغطية و الفراش و الستائر او غسلهم و ارجاعهم ...و غسل الارضية
http://im33.gulfup.com/jgnui.jpg
http://im33.gulfup.com/gTeWc.jpg
الثلاثاء...تفريخ خزانة الاولاد و تنظيمها .... غسل ملابس الشتاء و تعطيرها و نضعها في المكان المخصص لها ..... ووضع ملابس الصيف في الخزانة مع مراعات اذا تحتاج الى غسل او كي او ترقيع
الاربعاء....تفريغ خزانة البنات و نعملو معاها نفس اللي عملناه مع خزانة الاولاد
الخميس ....ترتيب خزانة الكنب و الادراج و خزانة الالعاب
http://im33.gulfup.com/9CaCF.jpg
http://im33.gulfup.com/rvIWR.jpg
على بالي بلي تقلقتو على سمراء الدنيا راها متغيبة على جال انقطاع النت و رايحة ترجع معانا قريب

ام عبودة

2013-12-21, 19:45

ههههههه مالا راني فايتتكم باسبوع
هاذو كامل درتهم
الماطلا تقريبا يوميا نشمسهم
تسياقها مع تسياق غرفتي على خاطر لاصقة معانا بيناتنا الباب
الستائر والافرشة والحيوط غسلتهم
بقالي الخزانة. وااااااااع. كوشمااار نطبقها منا ترجع كي بكري منا
ماعليش نصورها كاملة ونحطها

ياسمين1990

2013-12-21, 20:28

شوشو 11

2013-12-21, 20:41

ماشاء الله
اليوم حكمت روحي بالسيف من الزكام ....غسلت ادراج البلاستيك اللي في المطبخ وفرزت البلاكار
وتاني غسلت ماشينا لافي وحطيتلها الخل مليح للكالكار
عسلت الحمام اي الدوش غسلة مليحة ونقيت صوالحو من الارفف ووالعلاقات كلش يبرق ولكن عارفة غير يدخلو الاكراد من برا يقلبوه هههه
خلطتي السحرية عاونتني تع الصح ....خل وصابون سائل وبيكابونات في علبة بخاخة وين نروح معليا
جربوها روعة
(http://www.djelfa.info/vb/showthread.php?t=1491592)
مسحت الارضية ووجدت العشا سردين ومطلوع روعة من المنتدى فكرتو دون عجن
خسارة صور الهاتف تخرج ظلمة والكاميرا فسدت كنت حابة نشارككم النشاط
الديني ...الادكار والاستغفار والصلوات حابة نصوم وما قدرت ممكن الايام الجاية ان شاء الله
الجمالي ...راني مع الفازلين للترطيب وفرارة الحليب للوجه قالو مليحة

ام عبودة ماااااااااااااااااا زلت انتظر عطر الملابس

ام منيب

2013-12-22, 14:49

الاختrfumdorانا اسفة برك ام عبودة الهمتنا وسخفتنا بتصاورها هدا ماكان وراكي عارفة التصاور عندهم تاثير اكثر من الكتابة مع هدا حتى انت شاااااااااااااااااااااااااااااااااااااااااااطرة
شوشو راكي444444ومشكورة على الخلطة السحرية على الاقل بسيطة ونريحو شوية من هم المنتوجات الدخيلة
ام عبودة انا راني كيف شوشو وين راهي وصفة عطر الملابس

ام عبودة

2013-12-22, 15:51

اوووووووو. اسفة الصبااح حطيتهم وعند بالي راحو روحتا الى طبيب الاسنان ورجعت مع الظهر فطرت
والله غير دخلت وما كان والو والصبااح دارو فيا حالة غير نعاود راه عندي مشكل كل ما نفتح الصفحة تجيني الصفحة القديمة نخرج ونولي ندخل ونبقى في القديمة
صرالكم كيفي؟؟؟؟؟؟؟؟؟
نروح نعاود نجطهم ونوليلكم

oum radja

2013-12-22, 22:34

السلام عليكم
ام عبودة كامل راه يصرالنا هاذ المشكل
اضغطي على f5 او اضغطي على الزر الايمن من لاسوري و ديري اكتياليزي رايحا تطلعلك الصفحة الجديدة

ام عبودة

2013-12-22, 23:37

السلام1
مساء الخير عليكم جميعا
مشاء الله الله يبارك اختي ام عبودة
كي ما عندك مادري هذا الاسبوع أرواحي عاونيني الآني راحة نرحل وهكذا تكوني ضربتي عصفورين بحجرة واحدة
غيرتي المكان يعني سياحة وعندك حسنة وأجر عند الله .
هـهـهههههههه واش رايك .
شكرًا الخاتمة1

من عيوني نجيك ونعاونك
والله عير فرحتلك ان شاء الله عيتبة الربح والصحة والخير وتشوفي فيها ايام حلوة وتطبيقات في المطبخ الجديد ههههه قلبي على التطبيقات

ام عبودة

2013-12-22, 23:43

السلام1
مساء الخير عليكم جميعا
مشاء الله الله يبارك اختي ام عبودة
كي ما عندك مادري هذا الاسبوع أرواحي عاونيني الآني راحة نرحل وهكذا تكوني ضربتي عصفورين بحجرة واحدة
غيرتي المكان يعني سياحة وعندك حسنة وأجر عند الله .
هـهـهههههههه واش رايك .
شكرًا الخاتمة1

من عيوني
وان شاااء الله عتبة الربح والخير

ام عبودة

2013-12-22, 23:46

السلام عليكم
ام عبودة كامل راه يصرالنا هاذ المشكل
اضغطي على f5 او اضغطي على الزر الايمن من لاسوري و ديري اكتياليزي رايحا تطلعلك الصفحة الجديدة

بصح خيتي ا نا نخدم بالايباد مش ميكرو
:o:o:o:o:o:o:o:o

ام عبودة

2013-12-22, 23:47

ام عبودة

2013-12-23, 00:08

الصور من بعدنحطهم ما زال ما حملتهمش

ليوم السبت نضت الصبااح صليت مع الاستغفار وخرج الزوج الاولاد في عطلة اول حاجة بديت بيها نريقل في البرابول باش نديرلهم رسوم متحركة ونروح نشوف اشغالي ايا داتلي نهري كامل عملت ماسك لشعري وسيقت المكتب او الصالون تاعنا هههههه

http://img23.imageshack.us/img23/183/4f2n.jpg

وغرفتي ونظمت غرفة الاولاد
كملنا عملت دوش وفطرنا وصلبت الظهر وتكيت شوي
العشية حكمتلي على حاجة حلوة درت بسبوسة تاع نينا فرات رووووعة وخفيفة

http://img202.imageshack.us/img202/7228/u2xi.jpg

http://www.djelfa.info/vb/showthread.php?t=1119208&highlight=%C8%D3%C8%E6%D3%C9
العشاء درت شربة فريك وسلاطة وسباقيتى مع الدسير
تعشينا ورقدنا
الجانب التجميلي اظافة الى الاعتناء بجسمي من مرطبات وزيوت الى شعري بديت ناكل في العسل اااااااااااا ا. الحمد لله خدمت اسناني اللي كانو متعبني وراني ناكل في الحلاوة وما نخافش
اظافة الى رياضة شد الترهلات راني ندير في شد للارداف والمؤخرة بويسك تعبت بعد ما رجعت من العمرة في رمضان كان وزني ما شاء الله واليوم نقص فاثر عليا
والحمد لله التمرين جاب نتيجة
عملت دوش وسشوار
الجانب التربوي
اولادي الصباح اذهلوني عبدالحق عيطلي من كنت نسوي في التلفاز ايا ما ما ازربي قتلو واش كاين قالي ما ما مسكينة هاذ الفراشة طاحت من البرد هو خاف منها حكمتها ودخلناها الى الغرفة دافية كانت شوي مجروحة وسبحان الله تسكر الجرح وعادت قادرة على الطيران ويا سلام لو تشوف الفرحة تاع اولادي كي فتحنالها الشباك وخرجت
اللى اذهلني فيهم هو حبهم لفعل الخير كي قالو ماما كي نعاونها هذه الفراشة حتى ربي رايح يعاونا كي نطيحو

ممكن الصور هذه ما تعني وااالو للبعض لكن بالنسبة لي تعني الكثير
الفراشة مصابة

http://img560.imageshack.us/img560/6875/12zh.jpg

الفراشة بعد ما تسكر الجرح وراهي مستعدة للطيران

http://img268.imageshack.us/img268/329/v0xx.jpg

والشي الثاني اللي بكاني صراحة
اولادي ككل سبت يروحو الى تدريباتهم رجعو بعد شوي على خاطر المدرب ما كانش
السائق مدللهم شرالهم لكل واحد علبة تاع شكولا حتى من ماهر وتفكر المهم مديتلهم شوي وخبيت الاخرى عليهم و هاتي الاولاد وتوريلهم الحلوى
قعدو غير ما ما زيدي زيدي ايا عيطت عليهم وقعدت
تجني بنتي راوية وتقولي مام شوفي لوحتي وقوليلي تكفيك هاذي باش تعطيني الشكولا

http://img819.imageshack.us/img819/484/mtdx.jpg

والله غير عطيتهالهم كاملة

ام عبودة

2013-12-23, 06:20

ليوم الاحد
صبحت مع العذر بصح الاستغفار لا يفارقني
كان عندى موعد مع طبيب الاسنان لازمني نكمل شغالي بكري
بعد ما تقهوينا بالبسبوسة تاع نينا فرات اممممممم روعة
نظمت غرفتي وغرفة الاولاد كانت منظمة على خاطر راحو رقدو عند جداتهم
سيقت الكلوار وما زال المطر معولة تصب واااااه الدنيا راهي تنادي فيا قلتها حبسي اليوم ما تعرفيني ما نعرفك

http://img51.imageshack.us/img51/830/4l9f.jpg

http://img513.imageshack.us/img513/8646/scq2.jpg

المهم رحت الى الطبيب والغاشي بزاف كملت قريب من الظهر خرجت حكمتني راوية من يدي والى المكتبة مباشرة وقعدت تهزي في هذه وفي هذه واحدة ليها والاخرى لاخوها تقولي عبودة مسكين ما عندو والو المهم اغتنمت الفرصة بالرغم من اثر التخدير في فمي باس نشريلهم شوي قصص او كتب
الحق ما لقيت غير قصة والباقي كتب لتعليم الخط والحساب والباقي للتلوين
وشريت شوي صوالح تاع قاطو ولوازم لبيتي
رجعنا الى الدار الحق ا نا طلبش عليا الفطور حكمت بلاصتي علني اجد بعظا من الراحة قعدو الاولاد. يلعبو ويرسمو دارو فينا حالة ما رقدت ما والو
رجع الزوج شربنا الشاي والاولاد الحليب
قعدت معهم شوي جاني عبودة نوضي ماما ديريلي ثوفلي معناها سوفلي درتلهم بيتزا وسوفلي في الطاجين
راجلي كي شافني في الفراش قالي ما طيبيش العشاء وراح جابلي زوج دجاجات طايبين
كي شافني في الكوزينة قالي واش بيك لاباس
قتلو الله غالب ولدي حاب حاجة ما نقولو لا لا قالي يااااااه منكم انتو النساء

http://img571.imageshack.us/img571/6294/ibu2.jpg

http://img12.imageshack.us/img12/4871/7k9o.jpg

http://img20.imageshack.us/img20/5930/f9i7.jpg
الهم كملنا رقدو الاولاد وسهرت شوي مع النت
الجانب التجميلي شرب الماء واكل العسل كنت خاجة غسلت وجهي ودرت مرطب وكي رجعت تاي غسلت وجهي مع فرش للاسنان والترطيب اليومي

http://img823.imageshack.us/img823/158/rzhu.jpg
الجانب التربوي
قراءة قصص للاولاد و اعطائهم واجبات والناجح عندو جائزة
الجائزة هي انهم يطلبو مني واش يحبو
راوية حبت ترقد عند جداتها
عبد الحق طلب سوفلي للعشاء
والحمد لله بالرغم من عيائ والمي الا انني قضيت وقت رااائع مع اولادي

عطرالذهب

2013-12-23, 07:02

السلام عليكم
ام عبودة صباح الانوار وربي يجيب الشفاء
تطبيقاتي بعد شوي نحطهم ضرك نروح لبنتي نوجدها رايحة تقرى
من بعد ان شاءالله

ام امجد14

2013-12-23, 07:58

مااااااااااااااااااااااااااااااااشاء الله عليكم يا بنات راكم تفرحووكااااااااااااامل
انا اعطيت نفسى اجازة تعبت من الحفظ مع الاولاد النتائج كانت غير مرضية رغم انى تعبت معاهم كثير صدقونى غسرت من وزنى 5 كلغ وااااااااو واش يرجعهم ه
المهم هذو اليمات الى فاتو ما نضت بكرى قلت نتصبح شوى لكن وليت نتاخر فى الشغل و راسى اصبح يوجعنى و قررت نولى توض بكرى عادى
هذى عطلة ماشى تعطل
المهم لازم فى هذى العطلة نعاود نراجع مع ابنى الكبير راهو هاردها جاب 10معدل يعنى لازملو الاجتهاد اكثر و ابنى الصغير و هو فى السنة الثالثة رانى نركز على الفرنسية
البارح حفضتو اعضاء جسمو كااااااامل و الالوان و كل يوم حاجة و راه فرحان بيهم امنيتى نديرلو قاعدة متينة فى اللغة الفرنسية و نصحح الخطا الذى ارتكبته فى حق اخواتو الكبار
والجانب التنضيف البارح خرجت الفراج تاع الصالو التحت ورايح نغسلو وااااااااااااااااااااااو الموشتى يكرررررررررررررره
و غسلت غرفت البنات راهى تشعل
و نقيت حيطان المطبخ و بقاتلى الكوزينيار و الثلاجة
رانى عارفة رانى ملخبط لكن غير بشوي نكون معاكم النهار قصييييييييييييييير وربى يكون فى العون

نبض الفؤاد

2013-12-23, 08:08

اصبحنا واصبح الملك لله والحمد لله...لا اله الا الله...وحده لا شريك له ....له الحمد وله الشكر وهو على كل شيء قدير.............

يعطيكم الصحة .....انا راني لاتية مع الاعراس ...توجاذ الحلوى...والخروج للشراء ....الخميس تروح العروسة.....بنت لوستي.....الله يبارك لكل عروس.....

مع ذلك راني طليت عليكم....ربي يعاونكم.............

دائمة الحمد

2013-12-23, 08:45

اسعدالله صباح الجميع صباحكم همة ونشاط يا نحلات
ربي يبارك في صحتكم انا غير راني نرتب في الخزائن الله غالب
الجدول الي حضرتو للعطلة ماتوفقتش في اتباعه لظروف صحية
المهم انتهزت الفرصة وراني نعمل في مراجعة عامة لولديbemهده السنة
وراني ندرب فيه على طريقة الاجابة وندرب فيه على ا لخط لانو خطو كارثة
ان شاءالله اداكان تحسنت الظروف الاسبوع الثاني نبدا حملة النظافة

دائمة الحمد

2013-12-23, 13:43

الاخت ام امجد مع الاسف مانقدرش نراسلك على الخاص مازال ماوصلتش 1000 مشاركة
شوفي وين تحبي نجاوبك هنا اوفي غرفة دردشة عضوات واش طيبتي اليوم

oum radja

2013-12-23, 14:38

السلام عليكم
ااااااااااااااااااااااااااااااااااااااااسفة جدا على التأخير
الاسبوع الماضي ماقدرتش نقوم ببرنامج التنظيف لعدة اسباب
اولها خبر وفاة زوج صديقتنا بنت الجزائر الغالية
والله الدنيا ظلامت قدامي ووليت غير نبكي ونخمم في الموت بطريقة لا تصدق نخمم في وليداتي لي مازالهم صغار......نخمم في هاذ الدنيا الفانية وواش رايحين ندو معانا عندما نلقى الله
والله حسيت روحي تبدلت وعشت ايام الله لايوريها لحتى وحدة فيكم
ومن بعد استغفرت ربي وهديت شوية
الغرفة تاعي نظفتها تنظيف سطحي يعني مسحت الخزانة غي من برا
الملابس ماعنديش بالزاف من لي طويتهم ونظمتهم
نظمت الادراج لي فيهم ملابس ولدي الصغير
وفرزت الادوية ورميت لي مانحتاجهمش
والاوراق و السيديات تاع زوجي لي يخدم بيهم
نفضت فراشي و فراش الاولاد كل هاذا في غرفة وحدة على خاطر مازالني نسكن مع العايلة
سيقت و نقيت التاقة و غسلت الريدو
الجانب الديني الاستغفار فقط و التسبيح
الحفظ راني متمنيا بالصح الوقت مايساعدنيش
نتمنى ربي يقدرني على حفظ ولو جزء صغير من المصحف
الجانب التربوي
راني نساعد بنتي لي راها في القسم التحضيري على كتابة تاريخ كل يوم باش كي تروح للقسم هي لي تكتب التاريخ وراها تجي فرحانة على خاطر المعلمة تاعها تقول للتلاميذ صفقو عليها
وراي نقرا لها قصص من النت على الصدق و الكذب
الامانة
وبعض قصص الانبياء
التطبيقات في المطبخ
درت الخبز العربي تاع سمراء الدنيا الحمد لله دايما ناجح
درته مع الشاورما
درت الخبز التركي تاع ام اماني
الرفيس
من بعد نحط الصور
اضافة الى زيارة الاهل و صلة الرحم ولو بالتليفون
الجانب الجمالي حمام مغربي مرة في الاسبوع
ترطيب لليدين و الارجل
عطر ومشط للشعر
المكياج مانديرش كي نبغي نخرج

سمراء الدنيا

2013-12-23, 16:22

السلام عليكم و رحمة الله و بركاته .............اعتذر عن غيابي المفاجيء بسبب انقطاع النت و الحمد لله رجعت ليكم..............ان شاء الله تكونو شرفتونا و ما خيبتونيش ........لاحقا نرجع و نقرا تطبيقاتكم انا على احر من الجمر لمعرفة واش عملتو في غيابي
سلام لكل وحدة باسمها

ام امجد14

2013-12-23, 17:44

الاخت ام امجد مع الاسف مانقدرش نراسلك على الخاص مازال ماوصلتش 1000 مشاركة
شوفي وين تحبي نجاوبك هنا اوفي غرفة دردشة عضوات واش طيبتي اليوم

مشكورة على ردك اماعليش جاوبينى فى غرفة الدردشة ومشكووووووووورة مسبقا

عطرالذهب

2013-12-23, 20:20

السلام عليكم
اهلا بالاخت سمراء وعودة ميمونة وان شاءالله ما تزيديش تغيبي
تطبيقاتي
الجانب الديني الحمد لله ومتمنية ننتظم اكثر وبالاخص في قراءة القران راني مقصرة ولكن نسمع باستمرار وهدا مند الصغر منين كنت في دارنا واصلا عائلتي متدينة وليس لنا في المسلسلات والاغاني وكل ما نسمعه هو القران والاناشيد والف حمد وشكر ليك يارب
التجميلي راني دائما مع الترطيب وخصوصا في الشتاء تكون بشرتي حساسة ولازمني اهتمام كبير اضافة الى الكحل اليومي والعطر اللي اسمو مثل اسمي والسيشوار لاااااااااااازم
الصحي راني مع الماء والقارص وحتى الصوم مدايراتو عبادة وعلاج لان الصوم احسن حمية لانقاص الوزن وربي يوصلني للرشاقة عاجلا راني نحلم بيها ليل ونهار هههههه
التنظيفي
يوم الجمعة
تنظيف عادي ورحت لدارنا انا واختي وطيبت لماما لعشا وتعشينا وروحت لان ماما راحت مع اختي
السبت
جات العين وانا نموت على هذا الخبر حليت الشنابر رغم البرد ونفضت لفراشات وسيقتهم ونضمتهم مليييح وحطيت الملابس للغسيل وطيبت غدايا حساء الجبن ولعشية خرجت مع زوجي والاولاد رحنا في السيارة حوسنا شوي ورجعنا وللعشاء بقاتلي لاسوب زدت غير سلاطة ورخسيس
الاحد
الدار اصبحت تلمع بالصح بماان البرنامج مخصص لغرفة الاطفال قلت نزيد نضرب عليها دورة
عاودت نحيت الطابي وسيقتها ومسحت التلفزة نتاعها وحليت الخزانة لقيتها فيلم رعب كاني ما فرزتها ما حاربتها
حبيت نحمس البنات قلتلهم نضموها باش نصورها ويشوفوها الامهات في المنتدى تحمسوا وبداو بادواتهم ثم الملابس عاونتهم فيهم ومسحت بنتي الصغيرة المراة والكبرى نضمت الالعاب
للغدا طيبت مطلوع وقليت مرقاز وبطاطا
لعشية نظمت كتب زوجي وجبدت الملابس اللي ما نحتاجهمش بعثتهم لجارتي ارملة وعندها اطفال
في السهرة طبقت القش وخبيتو
الاثنين
نضت انا وزوجي سحرنا وزوجي راح للمسجد وانا نوضت بنتي الكبيرة صلينا مع بعض ثم فطرتها ومشطتلها وراحت تقرئ
ناضت بنتي الصغيرة وابني فطرتهم وحليت الدار للهواء نحيت زربية الصالون ونفضتها في الحوش ومسحت الغبرة وسيقتها من اعماقها وحتى بعض الاماكن في الحيطان والباب غسلتهم وخليتها تشيح وكملت سيقت غرفة البنات وغرفتي والكولوار والكوزينة و منها الى الحوش البااااارد
رجعت للكوزينة طيبت كسرة واحدة لغداء الاولاد ومعاها دوبارة من برا وسخفت عليها رايحة نهبل هههالاولاد ياكلو وانا نتامل
رجعت الزربية للصالون وتوضيت صليت الظهرورجع علييا البرد قريب متت الفشلة وقلبي يوجع رحت رقدت لل3 نضت حطيت لفطور خفيف شربة فارميسال ومقلوبة بالمرقاز وزوجي جابلي الخبز
فطرنا وخليت لماعن وقفلت باب الكوزينة وقلتلها باي باي هزيت معايا لقهيوة ورحت للصالون انا وزجي شربناها
زوجي راح للمسجد وانا بقيت متكية حتى صليت لعشاء وجيت عندكم
وشكون اللي تحب الاجر تجي تغسللي لماعن ههههه

سمراء الدنيا

2013-12-24, 09:09

السلام عليكم و رحمة الله و بركاته
تطبيقاتي
الجانب الديني ....الحمد لله الصلوات في وقتها و التلاوة راني في الحزب 55 قريب نختم ان شاء الله و الحفظ راني مع مجموعة الاخت ابداع جزائرية و حفظت 6 ايات من سورة الحجرات و خلال هاذ الاسبوع صمت يومين و طبقت تحدي القيام (اللهم اجعل اعمالنا خالصة لوجهك)

الجانب التنظيفي ....كنت رايحة نكتب نفس لكلام للي قالتو ام راجا من يوم خبر وفاة زوج اختنا بنت الجزاير و انا ما قادرا نخدم والو في الدار ......طول الوقت نخمم فيها و في ولادها و اصبحت كثيرة الشرود .....
يوم الخميس رحت للمدرسة نتاع بنتي جبت كشف النقاط و قابلت كل الاساتذة و الحمد لله كانت نتائج مرضية
الجمعة و السبت عملت التنظيف الاسبوعي من تنفيظ و غسل الارضيات و غسل ملابس
http://im40.gulfup.com/uMPIT.jpg
و كي و طي
كنت من قبل خملت خزانة الملابس (جهة الزوج) كملت هاذ المرة الجهة الخاصة بيا
http://im40.gulfup.com/mj3Qa.jpg
مسحت الخزانة من لفوق و الابواب و المقابض
الجو هاذ الاسبوع ما ساعدنيش نغسل الجدران ...مطر و برد اكتفيت بغسل الستائر و التنظيم و كملت لخياطة للي عندي
http://im40.gulfup.com/WuNkU.jpg
و فصلت هاذو بيجامات ...مازال ما كملتهم
http://im40.gulfup.com/ulPFu.jpg
http://im40.gulfup.com/baV2m.jpg
الجانب التربوي ...ما زالني مع الاولاد و حثهم على الصلاة لاني اذا غفلت يغفلو عليها و هوما ما زالهم مع التمارين و المراجعة لانو عندهم واجبات كثيرة
خصصتليهم الفترة الصباحية للدراسة و في المساء للعب في الميكرو للصغار و مشاهدة التلفاز للكبار
في المساء جاو اولاد جارتي 4 بنفس سن اولادي لعبو معاهم حتى للمغرب و لما كان ابوهم مسافر طلبت منهم يتعشو معانا ...عملتليهم سوندويشات
http://im40.gulfup.com/j0Lk4.jpg
و كنت عملت ياوورت ام راجا (هايل) و طلعلي كمية كبيرة
http://im40.gulfup.com/Ha665.jpg
و انا تعشيت سلق بالبيض
http://im40.gulfup.com/INKs6.jpg
لبنات نظفو المطبخ و الصغار جمعتهم و حكيتليهم و رسمتليهم و كانو في منتهى السعادة
http://im40.gulfup.com/alFwh.jpg

سمراء الدنيا

2013-12-24, 09:10

يوم الاحد كان ابني عارض اصدقاءو في الثانوية قسم كامل (كل يوم يديرو امسية عند واحد)
بديت من الليل .... خدمت كرام ديسار و درتو في الثلاجة
http://im39.gulfup.com/PBkTQ.jpg
http://im39.gulfup.com/sgBca.jpg
و حضرت 2 جينواز لعمل بياس مونتي
http://im39.gulfup.com/HiI5U.jpg
هاهي في الثلاجة (كل ما تبات تجي احسن)
http://im39.gulfup.com/EICH7.jpg
و بسست قلب اللوز
و جبدت الاواني للي نحتاجهم
http://im39.gulfup.com/maMDS.jpg
الصباح درت قلب اللوز طيب ...عجنت المطلوع و درتو في الكوكوط يخمر في غرضو
http://im39.gulfup.com/UQooZ.jpg
كملت تجهيز الاواني و عجنت البغرير (و تلهيت مع لغدا)
بعد ما تغدينا كملت تزيين الكيكة
http://im32.gulfup.com/1jPOw.jpg
http://im39.gulfup.com/n3sGO.jpg
و تزيين لكرام ديسار
http://im39.gulfup.com/8EKWH.jpg
http://im32.gulfup.com/CZJTX.jpg
و بديت نطيب في الخبز و لبغرير
http://im32.gulfup.com/nko65.jpg
قطعت قلب اللوز و درتها في الصحون
http://im39.gulfup.com/gGEk5.jpg
و عسلت البغرير
http://im32.gulfup.com/j91c2.jpg
و في الاخير الزبدة مع المطلوع
http://im32.gulfup.com/p85zi.jpg

http://im39.gulfup.com/3T95u.jpg

سمراء الدنيا

2013-12-24, 09:37

خلصت غرفة الاولاد و اليوم نبدا ان شاء الله في غرفة البنات
يتبع

ام منيب

2013-12-24, 09:44

سمورة بارك الله فيك راكي ديتي اجر كبير كل مرة تفرحي جماعة باجر اكرام الضيف واطعامو ان شالها تعاوديها في نجاح لولاد في نهاية العام الدراسي

أم فاطيمة

2013-12-24, 13:06

سمورة يعطيك الصحة و ربي يخليلك ولادك و الظلي تفرحي فيهم و في اصدقائهم انشاء الله

دائمة الحمد

2013-12-24, 13:19

مشاء الله اخت سمراء الله يعطيك صحتك يا فرحة زوجك واولادك بيك
نحب المرا الفحلة

دائمة الحمد

2013-12-24, 13:24

اخت ام امجد راني كتبتلك رد مفصل الصباح في غرفة الدردشة لكن ما فاتش في الليل ينقص الضغط على المنتدى ونعاود رد اخر

ريماس وصهيب

2013-12-24, 16:17

يعطيك الصحة سمورة مرا فحلة ونص ربي يعطيلك صحتك يارب.

ام عبودة

2013-12-24, 16:39

السلااااااام عليكم
الظاهر ان كل مشاركاتي باااااح
لا علينا.
سمورة ليك وحشة واعمالك تنح وجع القلب
والله يتقبل صيامك وقيامك
عطر يعطيك الصحة والله غالب لحقت متاخرة ولا عاونتك في المواعن
ام امجد ان شاااء الله يحقو نتائج افضل في المرات القادمة
خياتي اللي سولو عليا الحمد لله راني لاباس. من بعد نحط تطبيقاتي واعمالي
هههه راني نغتنم في فرصة غياب حماااتي باش ندير راي في الكوزينة ما نوصيكمش بلاك تخبرو عليا

عطرالذهب

2013-12-24, 17:01

ههههههههههه
نداء الى حماة ام عبودة ارجعي للدار راهي ام عبودة مدايرة رايها في الكوزينة هههههههه

ام امجد14

2013-12-24, 17:07

ام عبود من فمك ربى
ان شاء الله تقعد عجوزتك شهر ايا الشاطرة صورينا المطبخ نحن فى الانتضار

ام امجد14

2013-12-24, 17:15

اخت ام امجد راني كتبتلك رد مفصل الصباح في غرفة الدردشة لكن ما فاتش في الليل ينقص الضغط على المنتدى ونعاود رد اخر
اسمحيلى على الازعاج والله مشكوووووووووووورة

oum radja

2013-12-24, 21:30

سمورة الله الله عليك يا الشاطرة
لوكان حسبت بلي فيها بياس مونتي و قلب اللوز لوكان جيت نعشوي هههههههه
يعطيك الصحة و ربي يقويك و يجازيك على فعل الخير
ام عبودة ديي رايك في الكوزينة راني حاسة بيك هههههههه

دائمة الحمد

2013-12-24, 22:45

ام امجد حطيتلك الرد في الدردشة
تصبحن بالف خير

ام عبودة

2013-12-25, 08:14

صبااااااحكم كله نشاااط وهمة
واش راكم. كنت حابة نحط اعمالي للثنين والثلاثاء بصح الصور ما بغاوش يطلعو راكم تسالوني الصور هههههه
الاثنين نظت كي العادة مع الفجر الصلاة ما كانش بصح الاستغفار لا يفارقني
تقهوينا وطلعت الشمس يا سلاااااااااااام. بعد ايام من الغياب توحشتك
شمرت على ذرعيا غسيل وتسياق برا والداخل كملت مع الفطور حطينا وفطرنا ودعتنا عزوجتي وراحت وهي تعاود تهلاي ورودي بالك على ولدي يعني زوجي ههههه
حكمت بلاصتي من بعد هذاك البرد ما قدرتش نتحرك العشاء ما درت والو بقات لوبيا ودرت اومليت بالطن والبطاطا للاولاد تعشينا ورقدنا
الجانب التجميلي
اعمالي تاعةالصبح كلها رياضة ارفد وحط اجري واقفز هههههه
مازالني مع شرب الماء واكل العسل
مع الترطيب وفرش الاسنان
التربوي
راني مع اولادي نرسم لهم وهم يلونو ومكافاتهم كي عاونوني الصباح درتلهم العشية مادلين المقدسية وعاونوني في التزين وفرحو بيه وزدت درتلهم تحلية تاع ام كوثر اممم تهبل وخملتهم غرفتهم وبدلنا الديكور على ذوقهم

الثلاثاء نهار التطبيقات راني انا مولات الكوزينة احم احم
بعد القهوة شمست الغرف وسيقت غرفتي كملتها رحت الى المطبخ. نظفت الثلاجة قبل ما تلحق الخضراء من السوق
غسلت علب التوابل ومسحت الحيوط السفلى وتاع البوتاجي ونقيت الكوشة من فوق برك ونقين حوض الغسيل راهو يبرق والسر كل في خلطة الصابون والخل
وااااو والله. يدي صبحو يبرقو وملوساء شكراااا لصاحبة الفكرة
لحقت الخضراء غسلتها وخبيتها في الثلاجة والفطور درت حساء البطاطا تاع ام راضية
سمبوسك تاع مونيا وسلاطة الجزر الع اكرام وفلفل تاع ام محمد تاج وخنمتها بعصير البرتقالة فقط تاع ام محمد يحي
التحلية درت مادلين تاع الفراشة للرائعة ام اماني
فطرنا وغسلت المواعن وعجنت التوست تاع ام كوثر وخمرتو وحطيتو في القالب ورحت تكيت نسيتو نصيبو وااااااااو راح الى السماء
طيبتو ودرت العشاء مرقة زيتون ومطلوع ام ماجد وبقالي من الفطور سلاطة وفلفل وسمبوسك وحريرة
تعشينا ولعبنا الاولاد ورقدنا
التجميلي
ترطيب وفرش للاسنان
التربوي
عبد الحق تعلم يكتب الاثنين والحمد لله هذا من فضل ربي
راوية تلون وتقولي صوريني باش يشوفوني صاحباتك غيرتها ببنات عطر ربي يحفظهم
وماهر كي العادة يهبل فيا ويمرض فيا البارح قريب عطيتو قيلة
راح فتحت الثلاجة اللي في بيتي وبدا يفتح في الياغوت ويفرق في الارض

ابداع جزائرية

2013-12-25, 09:37

السلام عليكم ورحمة الله وبركاته
اصبحنا واصبح الملك لله والحمد لله
وش احوالكم حبيباتييييييي
بالعقل عليا يا بنات وش هذا
ماشاء الله عليكم
ام عبوودة ارحمينا اختي شوية الله يبارك عليك
ههههههههه
اختي سمرا ماشاء الله عليك
وعطر والمبتدئة وام رجا وام منيب وياسمين
سامحوني مازال ماتعرفتش عليكم كامل
انا البارح العشية برك روّحت من دار بابا بت يومين
جيت لقيت الدنيا تشفففف
اليوم ان شاء الله الكوزينة اولا مطلوع وعدس
ونحّي الدرسة نتاع القاطو نتاع العرس اللي درت...
وننظف بيتي باذن الله العشية
وليدي الصغير عداوه خاوتو بالزدرة اااااااااااااااااااااااااااااااه
ياربي نلحق
يعطيكم الصحة حبيباتي بالشوية ان شاء الله وننتظم معاكم في الخدمة وفي كتابة التقارير

ام امجد14

2013-12-25, 14:18

مساءالانوار اليوم اغتنمت فرصة غياب زوجى اليوم سافر ربى يرجعو بالسلامة نهضنا على الاذان الاول صلينا و تقهوينا هو راح فى امان الله و انا دخلت لغرفتى نضمتها على السريع
ووجدت سنية القهوة و الخبز و المعجون للاولاد و شمرت على يدى سيقت كاااااامل الطابق الاول بالماء و الازيس و صانبو الامير رووووووووعة
رغم البرررررد لكن يا جبل ما يهزك ريح ههههههههههههه
خرجت الكوشة نتاعى من نوع الكبي تاع 5 فورنوات حجمه كبير تقييييييلة نقيت وراها لقيت الحالة تبكى على روحه رجعت الحيطان رووووووووعة و عطيتلها هى تدويشة بالسينيال و ولات تشعل
شفت الثلاجة غيران و عينيها يرقرقو بالدمعة اعطيتلعا تدويشة شاااااااابة و بدلت ليناب تاع الثلاجة
طلعت للاوت كيما ليسبورتيف حكيتها مليح و خرجتها تشعل و غسلت الحيطان الى امامها
نضرت للساعة لقيتها 10 فرحححححححححححت هودت غملت دار الشوابين بالخف و مسحت الطابق الاول
وطلعت الفوق درت فريت و شوي مرقاز و السلام ختام فطرت و مباشرة الى النوووووووووووووووووووووووووووووووووووم ريحت شوى و كى سمعت الاذان نضت صليت و جيتكم

سمراء الدنيا

2013-12-26, 09:11

السلام عليكم و رحمة الله و بركاته ....اعذروني على التقصير ووضع التطبيقات لظروف اقوى مني
ان شاء الله نقدر نرد عليكم كامل

بالنسبة لتحدي هاذ الاسبوع انا عن نفسي عندي ختمة الشهر راحة باذن الله نختم اليوم و ندعبلكم كامل (لكن الصيام ما قدرتش لظروف)
و انتم كل وحدة و ظروفها للي تقدر دير استغفار او صلاة على النبي او قيام المهم ليلة الجمعة نحيوها بالعبادة و ربي يوفق الجميع

قاربت دورة بيتك جنتك على نهايتها و الحمد لله كانت دورة ناجحة و موفقة بفضل نشاطكم و مشاركتكم .... نتمنى في الاخير كل وحدة تكتب ماذا استفادت من هذه الدورة و ماذا غيرت في حياتها ....و نقيمو انفسنا بانفسنا

دائمة الحمد

2013-12-26, 10:06

صباح الانوار على الجميع فحلات الله يبارك
يحق لكن الافتخار بهمتكن ونشاطكن
كنت معاولة نكون معاكم في الدورة على الاقل في العطلة لكن الله غالب الظروف
تكون حائل دون ما نشاء المهم اني معاك ولو بالمتابعة
ام امجد ادا كان اطلعتي على الرد تاعي نتمنى انك استفدتي ولو بالجزء اليسير كانش ما سحقيتي اني هنا
تقريرك حلو فيه سيسبانس ههه
بقية الاخوات ربي يبارك ليكم في صحتكم

شوشو 11

2013-12-26, 12:08

الله يبارك عليكم بنات
راني متابعة ومعجبة وانشاءالله يستمر النشاط ولو بدورة اخرى المهم يبقى العنوان اللييجمع الاخوات ونشاطهم
ما شاء الله راكم تبثوا فينا الحيوية
مختصر اعمالي
حكيت المواعن ولاو يبرقو روعة----- غسلت حيطان الكوزينة ونقيت بلاكارها وخزين المواد الغدائية طبعا مع الفرز
المواعن اللي فالبيبليوتاك نقيتهم ومسحتها مليح بالبونيش ومسحت كل الخشبيات دراعي طاااااااااااح ههه
مازال نغسل زربية والبرد منعني
الالبسة نعملها فرز غير نشرو بلا ما نستعملو الكثير منها اصبحت مصدر قلق ----نصدقو بيها خير
الجانب الديني
دائما الاستغفار والادكار والصلوات وراني صايمة اللي فاتو تاني
لوتعملونا تحدي تع استغفار ونشجعوا بعضانا عليه مثلا حتى 1000
وراني مع مجموعة صحبة القرآن لحفظ سورة الحجرات---ربي يوفقنا جميعا والله مباد رائعةمن الاخت
الجمالي
زيوت للشعر زعمة هدوك الزغبات خلطت زيت الزيتون+جوز الهند+الخروع +حبات حلبة كلهم في قارورة وحدة
ترطيب لليدين ونقلكم حاجة ملي بديت في الخليط السحري يديا ارطابو وحدهم خير من كنت مع الكيمياويات
اااااااااااه يا سمورة
واش استفدت من الدورة
الحق انا متابعة اكثر مني مشاركة واكبر فائدة هي صحبتكم ما شاء الله عليكم وتاني كنتولي مصدر للنشاط والهمة وغيرتوني باش نهتم بروحي اكثر ونزيد من العبادات ونقوم بداري واولادي ربي يحفظكم كاااااااامل وخاصة انت سمرا القلب النابض فيالمجموعة
دوختكم اسمحولي

ياسمين1990

2013-12-26, 15:36

السلام1
اهلا اخواتي تخلطت العبرات(لعين مفتوحة ) .مع العيبارات لا أدري ماذا اكتب بعد ما شفت واش كتبت الأخت سمراء(صليحة). كنت مع حلم جميل وانا معكن استرجعت فيه ذاكرتي التى اخدها الزمن والنسيان الى ماقبل التاريخ وبدءت اشعر بكياني من جديد …
كنت اتمنى ان لا افيق منه ابدا ولكن تجري الرياح بما لا تشتهي السفن …
ماذا عساني ان اقول الا ان ربي يكون معنا ويجمعنا تحت ظل عرشه يوم لا ظل الا ظله امين
ارجو ان تكون هناك لقاءات اخرى ومتنسونيش
طلبي اليك اختي سمراء (اسمحيلي نادلك صليحة ) لاني دخلت الى بيتك جنتك ورضى ربك مبتغاك رقم 2 وكنت وكاني واحدة منكم اتحرك معكم من مكاني افرح لفرحكم واحزن لحزنك ووجدت حوايجي لعرس الأخت منى ولكنها ماستدعاتنيش ماعليهش..بارك لها وبارك عليها وجمع بينهما في خير ورزقها جيش من الذرية الصالحة لتحرير فلسطين ان شاء الله.…:D بلغي سلامي لكل لاخوات في الدورة وخاصتا الأخت
فاطمة البشارية وقولي لها اني احبك في الله :):p
لاتنسوني من دعائكم اتمنى من الله ان أراكم في الدنى قبل الآخرة .
السلام1الخاتمة1

عطرالذهب

2013-12-26, 20:17

السلام عليكم و رحمة الله وبركاته
اخواتي توحشتكم كامل والمنتدى والنت عندي ثقال بالسيف باش يتفتحلي

عطرالذهب

2013-12-26, 20:30

كلام الاخت سمراء احزنني ما حسيتش خلاص بالوقت معاكم وكنت في اسعد ايامي الله غالب هذه هي سنة الحياة

عطرالذهب

2013-12-26, 20:39

استفدت من الدورة الكثير والحمد لله
الجانب الديني
بصراحة كنت مواضبة على الصلاة واقرا في المصحف احيانا ولكن الان بفضل الله راني دائمة الذكر والاستغفار ومواضبة على الصوم التطوعي وزيد راني كنت كثيرة النسيان والان بفضل الاذكار صرت نتذكر كلش وحاجة اخرى كنت كي تكون وحدة تحكي على غيرها قدامي نشد نشد روحي ونقول كلمة كلمتين حتى نلقى روحي غاطسة في النميمة والان بفضل الله صرت كي تحب وحدة تتكلم نقوللها اختي خلينا من القيل والقال راني من الصباح نلم في الحسنات مانيش حابة نريحهم يعني وليت جريئة راني عاجبتني روحي عاللخر
الجانب التنظيفي
الصراحة من قبل داري نقية وبشهادة الجميع احم احم بالصح ضرك داري نقية بنظام في العمل يعني من جهة راني نخدم ومن جهة مرتاحة لان الخدمة بدفعات متواصلة وليست دفعة واحدة نحس روحي خفييييييييييفة كي النملة رغم وزني هههههه وحتى كي نحل غرفة نفرزها بقية البيت جاهز لاستقبال اي ضيف غفلة ومع داري صغيرة وضاوية كلشي فيها مكشوف وكي تجيني ضيفة نديها معايا للكوزينة وانا مرتاحة لان عين الضيف ماضية ولكن ماعنديش واش نحشم بيه
الجانب الصحي لم يتغير فيه شيء لان همي الوحيد انقاص وزني منذ الصغر ولوكان لاحظتو ما نطيبش في لي قاطو كثيرا لانني ما نقاومهمش وادعولي في ليلة الجمعة هذه انو ربي يوفقني في مبتغاي والله خايفة من امراض اللي تسببها السمنة وانا مازلت صغيرة وحابة نبقى بصحيحتي نربي اولادي ونعيش حياتي بلا علل (غايضتني عمري لان اي واحد سمين يتخيلوه الناس غير ياكل ويرقد وما عندوش وعي وانا بالضبط العكس تماما من نهار عرفت صلاحي وانا متوسوسة من الماكلة هاذي تسمن ما ناكلهاش لدرجة اني كي نشوف وحدة رقيقة كي السكيلات نقول والله غير خير مني )
التجميلي
من بكري نسشور شعري دائما بالصح الماكياج الخفيف والترطيب تعلمتو من هنا
التربوي
الهوس بدراسة بناتي اولى اولوياتي لانني ماكملتش قرايتي قلتلهم حققولي امنية الديبلوم والدراسات العليا حابتهم يكونو من اكبر العلماء و كي قلت لباباهم على امنيتي قاللي بالصح راهم لازم يتزوجو ويخلفوا ههه قلتلوا ما عليه يتزوجو ويخلفو وانا نطيبلهم كل يوم وننظفلهم ديارهم ونربي ولادهم بالصح يبقو يقروا الى ما لا نهاية

عطرالذهب

2013-12-26, 21:10

حبيت نزيد اضافة انو حتى عقلي كبر وليت نهتم غير بالاشياء المهمة وعلاقتي مع زوجي صارت احسن لانه لاحظ علييا تبدلت وطريقة تفكيري اخذت منحى اخر نهاري بروقرامي مش عشوائي بحيث حتى اعصابي استرخت
واجمل فائدة هي صحبتكن التي لاتقدر بثمن والله كي نتفكر بللي رايحين نغلقوا الدورة نحزن
وفقنا الله الى ما فيه خيرناو خير ازواجنا وابائنا واولادنا وادعوا الله ان لا نحيد عن كتابه وسنة رسوله (ص) وتصبحن على خير

نايليةوافتخر

2013-12-26, 21:16

ماشاء الله عليكم ري يباركلكم في وقتكم
انا للاسف
كنت غايبة النت مقطوعة بصح كنت متبعة الدورة انا كملت لاني ماعنديش غرف اولاد
ماشاء الله الدورة كانت هايلة وخلاصت فيسع

fati21

2013-12-26, 23:54

السلام عليكم
اسمحولي لاني غبت فجاة عن الدورة وهدا لسبب خارج عن نطاقي
ان شاء الله نشارك في دورات اخري
شكرا لكم كامل سمرا ام عبودة المبتدئة نائلية وافتخر عطر ام رجا ام امجد ياسمين واللي نسيتها تسمحلي
راني تعلمت بزاف
اولا بالنسبة للجانب التنظيفي ماجانيش صعيب علي العكس
لخاطر كنت نخدم بزاف ومعاكم تعلمت التنظيم يعني مش ميناج في يوم واحد
تعلمت تنظيم وقتي ووليت نلقي وقت للراحة اكثر واصبحت نوض بكري وهكا نخدم خدمتي الصباح
جانب الديني وجزاكم الله خيرا وجعله في ميزان حسناتك رجعت اكثر من الادكار واحرص علي اداء واجباتي في اوقاتها
االجانب الجمالي اصبحت اهتم بنفسي بانتظام ولا اه
الجانب التربوي اخدت نظرة علي مسلاعدة الاولاد في دراستهم وتنظيم اوقاتهم لان ابني لايزال صغيرا
شكرا لكم يا احلي صحبة

ام اكرم31

2013-12-27, 00:44

لله يبارك خواتاتي راكم ساجيات اله يبار مشي كيما انا منعرفش قاع نضم وقتي راني حاسة بالخمول انوض على 07:30 ندير القالفطور ونخمل الغرف ونمسح الارض حشام ولاكن نحس روحي عجزانة باش ندير مناج تقيل والاكل ندير حاجة وحدة فقط لاني نضيع وقتي بزاف يا اما مع التلفاز او في النت عاونوني وعلموني كيفاش نكون ناجحة المورال راه فالصفر راني نحس روحي تقيلة بزاف حتى ساعدوني باش نقفاز

سمراء الدنيا

2013-12-27, 09:13

السلام عليكم و رحمة الله و بركاته
واش بيكم يا لبنات قلبتوها دراما .........هاذي ماشي النهاية ........ياك راني فاتحالكم صفحة دردشة باش نتواصلو و كي نحبو نبدو دورة اخرى يكون الجميع عندو علم .......لكني نطل في الصفحة ما نلقاكمش ........و الاخت ياسمين راكي وحدة منا الان و رايحة نبلغ سلامك للاخت فاطمة بشار ......و بخصوص منى راهي رجت تدخل للمنتدى و ما كناش متعرفين بيك قبل لو كان عرضناك في الحفلة للي درناهالها قبل العرس نحطلك الرابط في صفحة الدردشة
و الاخت عطر كلامك فرحني بزاف ......كلنا تغيرنا للاحسن بعد دخولنا للدورات و حتى لما تغيب وحدة تبقى تمشي على البرنامج في بيتها واكبر مكسب ليا في هاذ الدورات اني كسبت صديقات رائعات كيما انتم

ياسمين1990

2013-12-27, 10:27

السلام1
صباح الخير والبركة في يوم مبارك ان شاء الله على كل الاخوات .:dj_17:
راني كيما شفتك دخلت الأخت سمراء خليت كلشي في يدي ودخلت نجري ،كيفك ان شاء الله تكوني بخير :19:
واش درت فينا رانا غير كما بدينا نوجدوا في روحنا باش ننطلقوا وانتي خلصتي .:confused:
انا محتاجين ليعاونا على الشيطان و على النفس الامارة بالسوء :mad: رانا محتاجين ليعلمنا ويعلمنا كيف نعلموا اولادنا الصح من الخطء
كيما تعرفي في بلدنا مكانش التعليم الخاص بهذه الامور ،لهذا في هتهي الدورات تكون فرصة لكل أخت انها تتعلم واش يخصها
مثلا : كل وحدة راهي عارفة بلي هذا الشغل لازم يتخدم ولكن كيف يكون الترتيب او البداية ماتعرفهاش مع الكسل والمرض والأطفال وتربيتهم ومشاكل الحياة كلها تترتب على بعضها لهذا تصبح المرأة في دوامة وتتخلط كل الامور
ماعليهش اسمحلي راني زدت عليك همومي كما يقولوا عجوزة حكمت خائن
وفي الاخير لكل بداية نهاية هكذا الحياة بارك الله فيكم وجعلها في ميزان حسناتكم وبالتوفيق للكل
ادعلي في كل صلاتك محتاجة لدعوتكم والسلام
السلام1

ام عبودة

2013-12-27, 11:15

صباااااح الهمة والنشااااااااااط
منبعد نولي ونحط تطبيقاتي

ام عبودة

2013-12-27, 11:16

http://http://img826.imageshack.us/img826/756/0wmv.jpg

http://img189.imageshack.us/img189/7718/jkr1.jpg

ام اكرم31

2013-12-27, 13:37

وين راهي غرفة الدردشة حابة نكون معاكم ام عبود عاونيني

ام عبودة

2013-12-27, 21:15

دخلت متاخرة الى الدورة بصح استفدت الكثير والكثير
اول حاجة زدت تقربا من الله واحتسبت عملي الى الله وحده
اكتسبت رفقاء واحلى لمة وانا التي لاتخرج *الا لضرورة ولاتزورها رفيقة او قريبة *بحيث احس نفسي معكم في صالة وقعدة جزائرية الله الله علينا
واش تعلمت ؟؟؟؟؟؟؟؟
تعلمت انه لا يجب تاجيل الاعمال خصوصا المتعلقة بالنظافة لازم البيت يكون يبرق
تعلمت تنظيم وقتي حتى لا اسقط في نهاية اليوم من الاجهاد والتعب وتصبح اعمالي ممتعة لا مملة
لا انتظر ان اكون مستقلة بيت لحالي حتى اكون ربة بيت في القمة صحيح عندي غرفتي وغرفة الاولاد ومكتب الزوج والباقي لا استطيع حتى تغيير ديكور او وضع لمستي والحمد لله احس نفسي في مملكة وااااسعة
*ان السر في تحمل المشاق هو ذكر الله دوما والصلاة على النبي*
فكلما كان لساني رطبا بالذكر كنت كالنحلة في بيتي*
الجانب التجميلي من قبل وانا مهتمة بنظافتي الشخصية وباستعمال كل ما هو صحي*
اللي تعلمتو منكم هو شرب الماء اللي كنت من صغري نقعد بالايام وما نذوقوش بصح عرفت دور الماء في الجسم
الجانب التربوي
اكبر حاجة استفدت منها انه لازم نصبرو على اولادنا *راهم صغار يفسدو ويكسرو ويديرو حوايج تحبس الراس بصح رايحين يكبرو في عوض نقعد نضرب فيهم لازم نصلي وندعي ربي يجعلهم من الصالحين*
وكي وليت قادرة على القيام باعمالي راحت عصبيتي تجاه اولادي وتعلمت نخليهم يساعدوني من نفوسهم من دون قوة ونكافيهم بكيكة او قاطو او اكلة ويساعدوني *في التحضير لها

في الاخير اتمنى انه تكون فيه دورات ويكون فيها اقبال اكثر
مرت بسرعة ولم احس بالوقت*

ام عبودة

2013-12-27, 21:18

ليومي الاربعاء والخميس كان عندنا الغبار ما سيقت ما غسلت درتها للكوزينة تطبيقات وخلاص
على بيها *راني غايبة حاظرة معاكم
الصباح كي العادة نطيب القهوة ومع الاستغفار*
نطبق الفراشات ونكنس برك نغيل مواعن القهوة ونبدا في الكوزينة شغل عندي وليمة مصغرة اوب منا واوب منا
تلحق ساعة الفطور نفطر نغسل المواعن ونخمم واش ندير لقهوة العشية نحب نريح يهبلوني الشلة وزاد لحقهم ماهر والله ما عاد يرقد في النهار*
المهم ندور في المنتطى على وصفات *والنت ثقيلة تجنن
المهم يجي وقت العشاء ومعاه ندير حلوى او كيك للصباح نتعشو ونرقدو
التجميلي الحمد لله ما زالني مع شرب الماء والترطيب اليومي والخميس القايلة دوشت وسشورت شعري
التربوي راني مع الاولاد والحمد لله راهم عاجبيني بصح مهبليني والله غير تصرفاتهم تبدلت في العطة
زادو في القباحة والحركة راني غير سكت فيهم بحويجات تفرحهم وساعات تجيهم يعاونوني وساعات يمرضوني

ام عبودة

2013-12-27, 21:31

ليوم الاثنين بعد ما طلعت الشمس يا سلام دوام الحال من المحااااااااال

http://img4.imageshack.us/img4/8500/uhgo.jpg

الغسيل

http://img547.imageshack.us/img547/6326/v7gr.jpg

http://img855.imageshack.us/img855/9610/wms5.jpg

وراهو البراء في الشمس

http://img51.imageshack.us/img51/1900/chw6.jpg

وشمست الماطلا

http://img827.imageshack.us/img827/3673/hjfi.jpg

تنظيف مدخل البيت بعد الاطار

هاهو يوم الاحد

http://img51.imageshack.us/img51/830/4l9f.jpg

وهاهو يوم الاثنين

http://img9.imageshack.us/img9/3851/pw5p.jpg

ام عبودة

2013-12-27, 21:39

الاولاد بما انهم في عطلة. شريت لهم هاذو وراهم جايبين ارواحهم معاهم

http://img855.imageshack.us/img855/4861/1pt5.jpg

http://img854.imageshack.us/img854/2582/fcjk.jpg

http://img716.imageshack.us/img716/2402/7ma2.jpg

http://img843.imageshack.us/img843/7721/xpmt.jpg

وهاذو تاني ليهم كهدية

http://img30.imageshack.us/img30/5695/69ht.jpg
http://img838.imageshack.us/img838/3515/bksy.jpg
http://img844.imageshack.us/img844/9581/uizb.jpg
http://img17.imageshack.us/img17/5463/1v0a.jpg

ام عبودة

2013-12-27, 21:56

ليوم الجمعة.
غاظتني عمري فاتني الفجر شفت الساعة نصيبها الخامسة قريب قلت نزيد شوي ونوض
ما فوقت حتى الى السابعة المهم صليت واستغفرت ربي. وصليت على النبي وحبيت نقرا سورة الكهف ناض ماهر رحت طيبتلو الحليب
وجدت القهوة مع الكيكة المخططة تاعك يا سمورة اممممممم تهبل تقهوينا وشمرت على ذرعيا
سيقت المكتب ومسحت مليح من بعد الغبار الليل كامل وهو يسفف ومن بعد الصبااح توفو ما كان وااالو في السماء بصح الارض كااااااارثة
كملت المكتب درت الى غرفتي ومن بعد غرفة الاولادء وختمتها بالكلوار والبراء تقطعت
والغرفة جاهزة

http://img716.imageshack.us/img716/3104/sd9a.jpg
الفطور ما كانش الغاشي درت سباغيتي وسلاطة وعصير ليمون
ونظفت الثلاجة اللي في غرفتي وشمست ماطلا وكوفيرطا الاولاد
اذن الظهر صليت وفطرنا الاولاد راحو الى تدريباتهم والزوج راح عندو خدمة وانا وماهر حكمنا بلاصتنا ماهر رقد بقيت انا نتفرج ومن بعد قريت سورة الكهف اذن العصر صليت وجدت تاي ورجعو الاولاد شربو الحليب صليت المغرب ودرت العشاء عدس ولحم كوكوت تاع ام انس رووووعة. وعصير
وطيبت بسبوسة بلا بيض تاع فايزة باش نتقهواو بيها الصباح باذن الله
وراني معاكم قبل ما تنتهي الدورة والاولاد يتفرجو
اوتطبيقاتي في الرابطين
http://www.djelfa.info/vb/showthread.php?t=1497528
http://www.djelfa.info/vb/showthread.php?t=1496745

ومازالني مع اترطيب الشمس اليوم دارت فيا حالة ويديا تشقو من التراب
لازم ترطيب قوي فااازلين
والاولاد اليوم. خرجهم باباهم شراو. لعب تركيبية وكرة وماهر كرسي تواليت اكرمكم الله باش نعلموه وباباه اعطاني مهلة ثلاثة ايام باش نعلمو
ههههه. سوبير ماما ههههه

سمراء الدنيا

2013-12-28, 09:25

السلام عليكم و رحمة الله و بركاته
ماشاء الله عليك يا ام عبودة كل ما ندخل نلقاك معمرة الدار و مزهيتها الله يزهي ايامك و ربي يحفظلك عائلتك و يا رب تكوني معانا في الدورات الجايين
هذاك الخير للي عطيتيه طار عقلي معاه و يا ريت وصفة هاذوك المثلجات ....عيد ميلاد ابني مهدي مع راس العام و باغية نفرحو بحاجة جديدة .....

سمراء الدنيا

2013-12-28, 09:26

تطبيقاتي......................
الجانب الديني ....الحمد لله ختمت ختمة الشهر و راني قريب نكمل سورة الحجرات حفظا (بارك الله في اختنا ابداع جزائرية شجعتنا و اسبوع فات ربحنا فيه حفظ بعض الايات من كتاب الله يا رب يجعلو في ميزان حسناتها)

الجانب التنظيفي ........ بعد ما خلصت غرفة النوم و كملت ترتيب الخزانة
http://im31.gulfup.com/26Azq.jpg
http://im31.gulfup.com/T8i5z.jpg

توجهت لعرفة الاولاد ...مع البرد ما غسلتش الجدران غير سيقت و غيرت اغطية السرير و رتبت خزانة الملابس و المكتب
http://im31.gulfup.com/R9ooG.jpg
http://im31.gulfup.com/LFDyO.jpg
بعدها توجهت لغرفة البنات للي هي نفسها غرفة استقبال النساء
هزيت فراشها و سيقتها مع مسح خفيف للجدران و قواطع الكهرباء و النافذة و الباب
http://im31.gulfup.com/7Zd1G.jpg
و لعشية عاودت فرشتها و خملت خزانة منال
http://im31.gulfup.com/woLxz.jpg
و قجورة ملاك
http://im31.gulfup.com/7ihlS.jpg
و باقي الايام تلهيت مع لخياطة
خيطت بيجامات و ما زال باقيالي وحدة
http://im31.gulfup.com/6mw47.jpg
http://im31.gulfup.com/lvW4w.jpg
لخميس كانو عندي ضياف درت طعام
http://im31.gulfup.com/d6Ytn.jpg
و متمنية ندير شوي حلويات و بسكوي غولي و خفت نهرس الريجيم راني شادا روحي بسيف
قلت راهو قريب عيد ميلاد مهدي و ندير رايي هههههههه

الجانب التربوي ......ما زالني واقفا مع لولاد على الصلاة غير نغفل يغفلوا هوما تاني
و راهم بداو كلهم في مراجعة الدروس و بديت نحس في الهدوء يعم البيت و الحمد لله كل واحد حاكم غرفة و يحل التمارين
و اليوم وعدتهم نخرج و نشريلهم قصص
الجانب الصحي ما زالني مداومة على زيت الزيتون في فطور الصباح و انقاص من العجائن و السكريات
التجميلي مع الحمام كل اسبوع و ترطيب الجسم و تفريش الاسنان

ابداع جزائرية

2013-12-28, 09:34

للاسف والله ونتمنى دورة جديدة في القريب العااااااااااااجل
مع اني وصلت مع الاخير وماكانتش ليا مشاركة فعالة
الا اني تأثرت بيكم والله ...
ونتمنى الدورة الجاية تكون قريبة باه نتفاعل معاكم اكثر
شكرا اختي سمرا
وشكرا يا بنات
نتلاقاو في الدورة الجاية ان شاء الله
ربي يبارك فيكم وفي جمعتكم

sarra5

2013-12-28, 10:39

allah ybarek 3likom ya lfahlat

دائمة الحمد

2013-12-29, 09:24

سمراء الدنيا

2013-12-29, 09:26

صباح الخير للجميع راني نحس بالدفء العائلي عندما ادق ابواب هدا الركن
الله يعاونكم ويتقبل منكم عباداتكم وطاعاتكم لان التفاني في خدمة الزوج والاولاد من اقدس الطاعات
اضم صوتي لصوت اخت ابداع ونتمنى تكون هناك دورات اخرى

اهلا و سهلا بيك اختي معانا ..........ان شاء الله تكون دورات اخرى.........يمكنك التواصل معنا في غرفة الدردشة

ام عبودة

2013-12-30, 12:20

يا الله. وينها الهمة تاع كل يوم

نافلة

2013-12-31, 09:18

الله اكبر.... الله اكبر.... ماشاء الله....
مرحبا بالملتحقات الجديدات و تحية لصديقاتي الباقيات
من شدة فرحتي بعودتي لاعز و احلى عالم تداخلت الكلمات
بدون اطاة نحييكم على المجهودات الكبيرة و المميزة و النتائج لي تحصلتو عليها من خلال هذه الدورة باذن الله ساكون معكم في الدورة المقبلة
كما اعدكم بمفاجاة ان شاء الله ما تخوننيش الظروف فقط ونكون عند وعدي
تحياتي الخاصة لسمراء

ياسمين1990

2013-12-31, 09:50

وعليكم السلام
صباح الخير على كل الاخوات كيف راكم
اهلا اختي فاطمة بشار والله كي شفتك استبشرت خيرا
كنت متابعة معكم من الدورة رقم 3 ومن شدت إعجاب شاركت في هذه الدورة رغم اني لم أضع اي تطبيق الآني مزال منعرفش كيف نحط الصور لكني استفدت وأخذت من الاخوات نقاط إجابية كثيرة منها تنظيم الوقت ترتيب الاعمال حسب الأولويات العبادات
واهم حاجة إجابية هي التعرف على بنات وطني العزيز من مختلف المناطق مع عاداتهم المختلفة ارجو ان يستمر هذا التواصل وتكون هناك أفكار إيجابية أخرة .
عذرا اختي سمراء على الكتابة في هذه الصفحة لاني كلما أحاول الدخول الى غرفة الدردشة يقولولي انت غير مسجل لم افهم كيف اعمل
شكرًا

سمراء الدنيا

2013-12-31, 11:33

عطرالذهب

2013-12-31, 17:06

السلام عليكم
انا هذه الايام راني مع دارنا عندنا ضرف شوي صعيب ربي يجيب الخير ونتمنى نرجع قبل الدورة المقبلة ونحيي الاخت سمراء وكل البنات ونطلب منك يا اختي سمراء انك تلقايلي حل في مشكلة الذكر والانثى لاني حابة ندخل معاكم في الدردشة والسلام عليكم

ام اكرم31

2013-12-31, 18:46

السلام عليكم طلبت منكن كيفية الدخول الى غرفة الدلردشة لكن لم احضى بالاجابة ساعدنني من فضلكن راني مودرة

دائمة الحمد

2013-12-31, 20:24

ان شاء الله خير يا عطورة وربي يفرج يا اختي على داركم

سمراء الدنيا

2014-01-01, 09:21

يا الله. وينها الهمة تاع كل يوم
اهلا يا لغزالة نتاعنا ..... بما انو الدورة خلاصت البنات خذاو عطلة هههههههه
وعليكم السلام
صباح الخير على كل الاخوات كيف راكم
عذرا اختي سمراء على الكتابة في هذه الصفحة لاني كلما أحاول الدخول الى غرفة الدردشة يقولولي انت غير مسجل لم افهم كيف اعمل
شكرًا
تستطعين الدخول الى غرفة الدردشة بدون مشاكل .....جربي ديري اكتوياليزي و ادخلي
السلام عليكم
انا هذه الايام راني مع دارنا عندنا ضرف شوي صعيب ربي يجيب الخير ونتمنى نرجع قبل الدورة المقبلة ونحيي الاخت سمراء وكل البنات ونطلب منك يا اختي سمراء انك تلقايلي حل في مشكلة الذكر والانثى لاني حابة ندخل معاكم في الدردشة والسلام عليكم
و عليك السلام و الرحمة اختي عطر .....اسفة على التاخير الادارة كانت مشغولة في موضوع مميزين السنة (لا شفتيه راه في الاعلان لفوق) حتى خلاص الموضوع و راني راسلتها ان شاء الله خير
السلام عليكم طلبت منكن كيفية الدخول الى غرفة الدلردشة لكن لم احضى بالاجابة ساعدنني من فضلكن راني مودرة
راسلتك اختي على الخاص .....مرحبا بك معنا
ان شاء الله خير يا عطورة وربي يفرج يا اختي على داركم

اهلا وسهلا بيك اختي معانا
http://www.djelfa.info/vb/showthread.php?t=1481196