عرض المساعدة [الأرشيف] - منتديات الجلفة لكل الجزائريين و العرب

ام الاء وسدن

2013-11-22, 13:17

السلام عليكم
اخواتي ادا حبيتو انا نصنع الحلويات اللتقليدية والباتيسري
اعرض عليكم المساعدة
ان استطعت في اي حلويات حبيتو انا هنا

cuisineshowdalatifa

2013-11-22, 13:21

شكرا على الموضوع وعلى المساعدة
دائما مشكلتي مع كريمة الشانتي البودرة , تطلع و لكن منقدرش نشكل بها فوق القاتو
وإذا عندك كريمة أخرى أحسن
هذا وين قريت رانا من منطقة وحدة

ام الاء وسدن

2013-11-22, 13:28

بلاك يديك يسخنو كي تكوني تشكلي فيها بلابوش
حطي طاسة فيها ما بارد بزاف وساعة ساعة دخليهم فيها
جربي هاد الطريقة ورديلي بالخبر

ام الاء وسدن

2013-11-22, 13:36

شكرا على الموضوع وعلى المساعدة
دائما مشكلتي مع كريمة الشانتي البودرة , تطلع و لكن منقدرش نشكل بها فوق القاتو
وإذا عندك كريمة أخرى أحسن
هذا وين قريت رانا من منطقة وحدة

شوفي اختي كاين كريمة الزبدة فيها انواع لاتحصى نمدلك ابسط واحدة

بيضة واحدة خلطيها مليح بالباتور مع 1 م لفاني
ثم ديري عليها 200غ سكر g لاسي
ثم ضيفي الزبدة 200غ الطرية بالتدريج حتى تصبح بيضاء
وفي هذه المرحلة تقدري تضيفيلها اي مطيبات

المدير2012

2013-11-22, 13:55

بارك الله فيك
ووفقك لكل خير

cuisineshowdalatifa

2013-11-22, 14:02

شكرا أختى , مزال نزيد ،سالك
الزبدة تخدمي بزبدة التوريق و لا fleurial
بالنسبة للشانتي أعطيني طريقتك بالتفصيل
شكرا

تغرينية

2013-11-22, 15:08

يعطيك الصحة اختي

ام الاء وسدن

2013-11-22, 15:13

شكرا أختى , مزال نزيد ،سالك
الزبدة تخدمي بزبدة التوريق و لا fleurial
بالنسبة للشانتي أعطيني طريقتك بالتفصيل
شكرا

انا نحب الكريمة نخدمها بلابال لخاطر بنينة كيما الزبدة
الشونتيي انا نشري تاع الميزان
نعمر 4م كبار بودرة الشونتيي يكونو ا مقبين قرصة لفاني وكاين اللي جي صامطة نزيدلها
سكر gلا سي هادو نفرغهم في كاس حليب باااااارد بزاف ونخلط بالباتور حتى تطلع
اختي الحوانت يخدموا الكريمة بزبدة التوريق 500غ تعمرلك بيدون
ونسيت باش نقولك الكريمة اللي مديتهالك زيديلها في الاخير مك ماء ومك زيت
ومص ملون ابيض

ام الاء وسدن

2013-11-22, 15:14

يعطيك الصحة اختي

يسلمك اختي

ام الاء وسدن

2013-11-22, 15:15

بارك الله فيك
ووفقك لكل خير
وفيك بركة ووفقنا جميعا الى فعل الخير

lamia zina

2013-11-22, 15:47

شكرا اخت على تعاونك و اهتمامك راني حابة الوصفة الاصلية للكيك اغلبها لي في المنتدي جي مثل الموسكوتشو و لي يتباع في المحلات يجي شوية يابس فهل عندك الوصفة

مليكة01

2013-11-22, 16:00

بارك الله فيك على العرض ربي يكثر من أمثالك في هذا المنتدى ويجعل كل معلومة في ميزان حسناتك .

إذا كان ممكن تقوليلي على إستعمال زبدة التوريق في أي الحلويات تستعمل

كاين لما يستعملوها يذوبوها كيفاش للتوريق spéCIAL FEUILLETAGE

يعني بالنسبة لي تستعمل لفتح العجينة مثل العجينة المورقة

ام الاء وسدن

2013-11-22, 16:15

شكرا اخت على تعاونك و اهتمامك راني حابة الوصفة الاصلية للكيك اغلبها لي في المنتدي جي مثل الموسكوتشو و لي يتباع في المحلات يجي شوية يابس فهل عندك الوصفة

العفو زكاة العلم تبليغه
هادي الوصفة جي هايلة جربيها ما تندميش
كاس وربع سكر gلاسي
2 كيسان فرينة ساشي خمارة
200غ زبدة طرية
م ك مبشور برتقالة
2م ك لوز مطحون
5بيضات كبار
خلطي الزبدة الطرية مليح بالباتور مع السكر ولفاني وقرصة ملح وضيفي البيض بحيث ما تضيفيش البيضة التالية حتى تختفي اللي
قبلها هدا السر باش ما يجيش يشبه للموسكوتشو ومبعد ضيفي الفرينة واللوز هو اختياري ومبشور البرتقال
ومبعد حطيه في مول الكيك وذرذري عليه اللوز افيلي واذا عندك les serises تاني
طيبيه في فور مسخن مسبقا على 180 درجة ل 55دقيقة
وكي يطيب ادهنيه بالناباج

ام الاء وسدن

2013-11-22, 16:24

بارك الله فيك على العرض ربي يكثر من أمثالك في هذا المنتدى ويجعل كل معلومة في ميزان حسناتك .

إذا كان ممكن تقوليلي على إستعمال زبدة التوريق في أي الحلويات تستعمل

كاين لما يستعملوها يذوبوها كيفاش للتوريق spécial feuilletage

يعني بالنسبة لي تستعمل لفتح العجينة مثل العجينة المورقة

وفيك بركة يا اختي انا غاضتني اللي نعرف حوايج بزاف وما نقدرش في داري نعلم البنات باطلل انا ساكنة في سكن وضيفي ومانقدرش نخرج نعلم في الجمعيات لاخاطر نربي قلت نخير المنتدى
فيما يخص عجينة التوريق في المحلات يستعملوها لانها ارخص وتستعمل في لابات فيلو واالقريوش والصامصة باش تحافظ على القرمشة صراحة انا نستعمل لابال او الزبدة تاع الكيلو حلوتها جي بنينة خير

mayaaa71

2013-11-22, 16:50

شكرا على ردك السريع .

ربي يحفظك ويبارك فيك .

صح تغيض لما الظروف لا تسمح للإنسان بمشاركة الآخرين وخاصة لما تكون هناك حاجة مطلوبة بكثرة ...

لكن لابأس المهم أنكم موجودين مثلك وأم أيوب وقبلكم كثيرات ,إن شاء الله يزيدوا أكثر ...

ربي يخيلكم لينا دائما

ام الاء وسدن

2013-11-22, 22:06

شكرا على ردك السريع .

ربي يحفظك ويبارك فيك .

صح تغيض لما الظروف لا تسمح للإنسان بمشاركة الآخرين وخاصة لما تكون هناك حاجة مطلوبة بكثرة ...

لكن لابأس المهم أنكم موجودين مثلك وأم أيوب وقبلكم كثيرات ,إن شاء الله يزيدوا أكثر ...

ربي يخيلكم لينا دائما

شكرا اختي ويباركلك والله انا كل ما ندخل للمنتدى نروح مباشرة لطلبات المساعدة
نحاول قدر المستطاع
وام ايوب جزاها الله الف خير هي صاحبة الفكرة

imane khaled

2013-11-22, 23:50

سلام عليكم
يعطيك الصحة اختي ربي يباركلكفي ولادك و جعلها الله في ميران حسناتك
حبيا نسقسيك برك على الميلفاي يجيني يتفتت بزاف و اوراقو تتطاير شغل مورق بزاف سمعت او عندو طريقة خاصة على المورقات لخرين اقصد في تشكيل العجينة انا عادة نعمل 3 مرات دوبل تور اجيني ناجحة في كلش الا الميلفاي ما يجينيش كيما تاع الحوانيت
و شكرا مسبقا اختي

aya la belle

2013-11-23, 09:37

بارك الله فيك ووفقك لما يحب ويرضى انا فقط لاشكرك على الاهتمام ببنات بلادك

ام اريام

2013-11-23, 11:09

بارك الله فيك وفي أولادك ويعطيك ربي صحتك,والله هذا المنتدى كل ما ندخل ما نخرج لأنك أختي أمثالك كثيرات تونست بيكم في غربتي و كل نهار تعلموني حاجة جديدة ,ربي يخليكم وكل واحدة يعطيها ربي واش تتمنا إنشاءالله.

ام الاء وسدن

2013-11-23, 14:48

يسلمك اختي ويباركلك انت في صحتك وانشا الله يقدرني على ايصال الفائدة ليكم
شوفي اختي الميلفاي من اصعب الحلويات في la finition انا ناطيلك طريقتي وانت شوفي وين راكي غالطة
1كغ فرينة سيم والا لابال 700غ حتى 800غ
قرصة ملح
2 مك خل
2مك زيت
1م ك سكر
هادوا لميهم بالما ومبعد ديري feulltage تاعك انا نلف العجينة على 3 ماشي على 4
هنا السر ومبعد
وكي تحطيها في الفور ثقبيها بزاف بالفرشيطة
بحيث ما تنتفخش
وكي جي تحطي الطبقات خالفيهم
ومبعد بسنيوة طبعي مليح بال ما تخافي هنا يروح كامل الزائد تاع الكريمة و الفتات تاع الاوراق
وننصحك عمرك ما تقطعيه تمتم خليه يريح على الاقل 4 ساعات
في مكان دافئ في الدار ماشي سخون وملشي بارد
ونشا الله جربي طريقتي وتصلحلك

ام الاء وسدن

2013-11-23, 14:50

بارك الله فيك ووفقك لما يحب ويرضى انا فقط لاشكرك على الاهتمام ببنات بلادك

ان شاء الله اختي ما
دا بيا الكل يستفيد

ام الاء وسدن

2013-11-23, 14:53

بارك الله فيك وفي أولادك ويعطيك ربي صحتك,والله هذا المنتدى كل ما ندخل ما نخرج لأنك أختي أمثالك كثيرات تونست بيكم في غربتي و كل نهار تعلموني حاجة جديدة ,ربي يخليكم وكل واحدة يعطيها ربي واش تتمنا إنشاءالله.

وفيك بركة حبيبتي مع التكنولوجيا الحدديثة ما عادش كاينة الغربة وقوليلي اختي واش تعلمتي من عندي

samirano.

2013-11-23, 15:12

بارك الله فيك

souma.sousou

2013-11-23, 15:23

بارك الله فيك وجعله في ميزان حسناتك ....................احتاج وصفة المادلان لي يتباع فالمحلات. واذا امكن طريقة الباتيسري بالتفصيل الممل ومشكورة مسبقا.........

ام الاء وسدن

2013-11-23, 17:42

بارك الله فيك

وفيك بركة انا نحاول قدر االمستطاع

ام الاء وسدن

2013-11-23, 17:49

بارك الله فيك وجعله في ميزان حسناتك ....................احتاج وصفة المادلان لي يتباع فالمحلات. واذا امكن طريقة الباتيسري بالتفصيل الممل ومشكورة مسبقا.........

[يعطيك الصحة
المادلان تاع الزنقة ماكاش ما اسهل منو
2بيضات كبار
قرصة ملح
7مك سكر
7مك حليب دافي
نص كاس زيت
مبشور 2حبات قارص
10مك فرينة
باكي خمارة نوارة
تخلطي المقادير بهذا التريتيب
وحطيه في فور مسخن مسبقا 170درجة ل 10دقايق
وفيما بخص الباتيسري راكي حابة خبزة والا تاع المورسوات

om mita

2013-11-23, 17:57

اختي الله يبارك في عمرك علا هذ الطرح الجميل حبيت نسقسيك
كاين قاطو مخدوم بالنواد كوكو من فوق لابات داموند في النص لاجولي وسوريز
ممكن تقوليلي اسمو وتعطيني طريقتو

لميس اميرة

2013-11-23, 18:52

[quote=imane khaled;1054982890]سلام عليكم
يعطيك الصحة اختي ربي يباركلكفي ولادك و جعلها الله في ميران حسناتك
حبيا نسقسيك برك على الميلفاي يجيني يتفتت بزاف و اوراقو تتطاير شغل مورق بزاف سمعت او عندو طريقة خاصة على المورقات لخرين اقصد في تشكيل العجينة انا عادة نعمل 3 مرات دوبل تور اجيني ناجحة في كلش الا الميلفاي ما يجينيش كيما تاع الحوانيت
و شكرا مسبقا اخ
يسلمك اختي ويباركلك انت في صحتك وانشا الله يقدرني على ايصال الفائدة ليكم
شوفي اختي الميلفاي من اصعب الحلويات في la finition انا ناطيلك طريقتي وانت شوفي وين راكي غالطة
1كغ فرينة سيم والا لابال 700غ حتى 800غ
قرصة ملح
2 مك خل
2مك زيت
1م ك سكر
هادوا لميهم بالما ومبعد ديري feulltage تاعك انا نلف العجينة على 3 ماشي على 4
هنا السر ومبعد
وكي تحطيها في الفور ثقبيها بزاف بالفرشيطة
بحيث ما تنتفخش
وكي جي تحطي الطبقات خالفيهم
ومبعد بسنيوة طبعي مليح بال ما تخافي هنا يروح كامل الزائد تاع الكريمة و الفتات تاع الاوراق
وننصحك عمرك ما تقطعيه تمتم خليه يريح على الاقل 4 ساعات
في مكان دافئ في الدار ماشي سخون وملشي بارد
ونشا الله جربي طريقتي وتصلحلك

بارك الله فيك يا اختي و ربي يعطيك ما تتمناي

انا عندي نفس المشكل تاع الميلفاي
الصراحة يجيني مورق يهبل و خفيف يهبل لكن لما نقصو الطبقة التحتانية تولي زوج و القشرة تاع الفوندون تنفصل

و هل لازم نحط فوقو صينية اخرى

و حاجة اخرى اختى قداش لازم السمك نتاعو لما نحل الطبقات علما اني ما نحبوش يكون بثلاث طبقات زوج فقط و نعمرو فالوسط بالكريمة

و حاجة اخرى اختي فهميني فالحلويات لي نصنعوها و تبات
هل نبيتوها عريانة
هل نخبوها فالخزانة
هل نخلوها فالثلاجة
يقولو لازم تبات حتى ما يفسدش شكلها فهميني في هاد النقطة

و الحاجة الاخيرة الغريبية كانت بكري تصلحلي دركا كيما ندير ما تصلحش

اعطيني من فضلك وصفة للغريبية تذوب فالفم و في نفس الوقت تكون حلوة لاني جربت الغريبية بنصف كاس سكر رطب جاتني صامطة و غالب ذوق الفرينة على الحلاوة

و بارك الله فيك بارك الله فيك انت و ام ايوب و كاشما تفكرت راني نرجع

و حاجة اخيرة اذا ممكن تحطيلنا وصفات بالخطوات المصورة مع الشرح و اسرار الوصفة مادامك حابة تعلمي و ربي يجازيك و يعطيك بلا حساب

ام الاء وسدن

2013-11-24, 13:07

اختي الله يبارك في عمرك علا هذ الطرح الجميل حبيت نسقسيك
كاين قاطو مخدوم بالنواد كوكو من فوق لابات داموند في النص لاجولي وسوريز
ممكن تقوليلي اسمو وتعطيني طريقتو

وفيك بركة اختي اذا عنك صورة حطيهالي افضل
ممكن يكون مشوك نوات كوكو يجي من فوقو سوريز كونفي

ام الاء وسدن

2013-11-24, 13:14

[quote=ام الاء وسدن;1054986901]

بارك الله فيك يا اختي و ربي يعطيك ما تتمناي

انا عندي نفس المشكل تاع الميلفاي
الصراحة يجيني مورق يهبل و خفيف يهبل لكن لما نقصو الطبقة التحتانية تولي زوج و القشرة تاع الفوندون تنفصل

و هل لازم نحط فوقو صينية اخرى

و حاجة اخرى اختى قداش لازم السمك نتاعو لما نحل الطبقات علما اني ما نحبوش يكون بثلاث طبقات زوج فقط و نعمرو فالوسط بالكريمة

و حاجة اخرى اختي فهميني فالحلويات لي نصنعوها و تبات
هل نبيتوها عريانة
هل نخبوها فالخزانة
هل نخلوها فالثلاجة
يقولو لازم تبات حتى ما يفسدش شكلها فهميني في هاد النقطة

و الحاجة الاخيرة الغريبية كانت بكري تصلحلي دركا كيما ندير ما تصلحش

اعطيني من فضلك وصفة للغريبية تذوب فالفم و في نفس الوقت تكون حلوة لاني جربت الغريبية بنصف كاس سكر رطب جاتني صامطة و غالب ذوق الفرينة على الحلاوة

و بارك الله فيك بارك الله فيك انت و ام ايوب و كاشما تفكرت راني نرجع

و حاجة اخيرة اذا ممكن تحطيلنا وصفات بالخطوات المصورة مع الشرح و اسرار الوصفة مادامك حابة تعلمي و ربي يجازيك و يعطيك بلا حساب
وفيك بركة جربي المراحل اللي شرحتهم ونشا الله يصلحلك
السمك 3ملم
اختي طبعا الحلوى لازم تتغطى بالبلاستيك هاداك تاع الاعراس
وتتحط في بيت ما فيهاش الدوران بزاف
شوفي عندي 2 وصفات تاع غريبية
1 غربية الشرق او اللمبوط
كاس سمن دايب وبارد
كاس الا ربع سكر قلاسي
مغرف لفاني
تتخلط المقادير مليح بالباتور حتى تولي كريمة ومبعد ضيفي 2 عبارات
فرينة وادلكيها مليح حتى تبياض ومبعد جربي حبة ادا هبطت زيدي ربع كاس
وهنا على حساب الفرينة

تاج النور@

2013-11-24, 13:19

الله يحفظك يوفقك في مساعد الأخريات
يستأهل التثبيت

ام الاء وسدن

2013-11-24, 13:23

وكاين غريبية الوسط او غريبية الزيت
كاس زيت
كاس سكر قلاسي
2مك سمن بارد خلطيهم مليح بالباتور وابداي ضيفي السكر والزيت بالتناوب مع الخلط المتواصل بالباتور
هنا ماتكمليش عبر الزيت اذا كترتي السمن ومبعد ديري كاس شاي جلجلان محمص ومطحون او بندق مطحون
وشيحي بالفرينة عينك ميزينك شكليها كرات صغيرةوحطيلها قرصة قرفة من الفوق
هادي ما تدلكيهاش طيبيها تعرفيها بلي صلحتلك ادا تشقت من الفوق
نتمنى نكون افدتك
انا اختي عندي مشكل في وضع الصور على ذاك ما قدرتش ندير مواضيع مستقلة

souma.sousou

2013-11-26, 11:20

[يعطيك الصحة
المادلان تاع الزنقة ماكاش ما اسهل منو
2بيضات كبار
قرصة ملح
7مك سكر
7مك حليب دافي
نص كاس زيت
مبشور 2حبات قارص
10مك فرينة
باكي خمارة نوارة
تخلطي المقادير بهذا التريتيب
وحطيه في فور مسخن مسبقا 170درجة ل 10دقايق
وفيما بخص الباتيسري راكي حابة خبزة والا تاع المورسوات

ربي يجازيك خير على الرد..........مشكورة اختي .انا كرشي كبيرة عطيهملي في زوج لامكاش تعب
حبيت نسالك نقدر نطيب المدلان فالاكياس الورقية بلا لي مول معنديش لي مول نتاع المدلان والكاس لي نعبر بيه الزيت كبير او صغير .
الله يجعله في ميزان حسناتك

kika85

2013-11-26, 11:56

يعطيك انشا الله ما تتمناي....لحد الان ما عندي حتى سؤال غير حبيت نقولك يعطيك الصحة وحبيت نقولك تطلبي من المشرفات على القسم انهم يثبتولك موضوعك لانو يستاهل...بالتوفيق

aboayoub

2013-11-26, 12:32

يعطيك الصحة وربي يجعلها في ميزان حسناتك مكاش احسن من فعل الخير .....حتى ولو الكثير من الاخوات يعرفو يصنعوا الحلويات كيما انا زعمة لكن نوريو لبعضنا متقولوش تروحنا الصنعة ولا كاين الي يدخلو باه يديو المودالات ......كلنا نتعلمو على بعضنا وكل وحدى ورزقها من عند ربي

ربي يكملك ويفرحك ويهنيك في دارك ومع وليداتك ويحفظهملك قولي امييييييييييييييييييييين

djaouida dd

2013-11-26, 12:36

اختي حبيت نسقيك على جيلاتين. غبرة كيفاش تعرفيه جديد او قديم لاني مرة جرة وصفة فيها جيلاتين غبرة والله مرضت منها لاني شكيتو قديم

meriem beldjoudi

2013-11-26, 13:15

salam 3alaikoum walah mawdo3 ajbni bazaf o rayha tsa3di ktir man nas ya3tik saha o ya3tik rabi matatmanay

soual ta3i awal: ana nahawas 3la la reccette ta3 l mchakla kima hadi o ji la pate ta3ha bayda
http://www.up.djelfa.info/uploads/13854679408931.jpg
o soual tani nahawas 3la la creme o beure
svp merciiiiii

ام الاء وسدن

2013-11-27, 09:10

سامحوني اخواتي هادا وين دخلت والله جوزت ايامات ربي علم بيها مرضولي الولادي بالدالة وزيد كنت صايمة ودركة الحمد لله
http://im31.gulfup.com/n7iin.jpg (http://www.gulfup.com/?ven1OT)
ادا عجبكم ها القاطو نحطولكم

ام الاء وسدن

2013-11-27, 09:13

يعطيك انشا الله ما تتمناي....لحد الان ما عندي حتى سؤال غير حبيت نقولك يعطيك الصحة وحبيت نقولك تطلبي من المشرفات على القسم انهم يثبتولك موضوعك لانو يستاهل...بالتوفيق
يسلمك اختي ويعطيك الف صحة وعافية وفيما يخص التثبيت لازم الاخوات يرفدو بلايك تقول
الشعب يريد تثبيت الموضوع ههههههههههه

ام الاء وسدن

2013-11-27, 09:17

يعطيك الصحة وربي يجعلها في ميزان حسناتك مكاش احسن من فعل الخير .....حتى ولو الكثير من الاخوات يعرفو يصنعوا الحلويات كيما انا زعمة لكن نوريو لبعضنا متقولوش تروحنا الصنعة ولا كاين الي يدخلو باه يديو المودالات ......كلنا نتعلمو على بعضنا وكل وحدى ورزقها من عند ربي

ربي يكملك ويفرحك ويهنيك في دارك ومع وليداتك ويحفظهملك قولي امييييييييييييييييييييين

عمري مانقول استكفيت من الحلويات كل يوم راني نزيد نتعلم وانا درت الكوراج بيك انت
ونشا الله ربي يحفظ كامل اولاد المسلمين يارب

kika85

2013-11-27, 09:18

يسلمك اختي راني انا اول واحدة ترفد البلاكة :mh92: وتقول الشعب ....يريد..التثبيت...:1:
هههههههه ربي يعاونك اختي وبالشفا على وليداتك انشا الله وصيامك في الجنة....
انتي منين من المدية بالضبط؟على خاطر انا تان مدانية

ام الاء وسدن

2013-11-27, 09:58

[QUOTE=djaouida dd;1055009351]اختي حبيت نسقيك على جيلاتين. غبرة كيفاش تعرفيه جديد او قديم لاني مرة جرة وصفة فيها جيلاتين غبرة والله مرضت منها لاني شكيتو قديم[/QUO
هو صعيب باش تعرفي جديد والا قديم انا حقيقة مانحبوش ونحب
نستعمل تاع الاوراق اضمن

ام الاء وسدن

2013-11-27, 10:09

يسلمك اختي راني انا اول واحدة ترفد البلاكة :mh92: وتقول الشعب ....يريد..التثبيت...:1:
هههههههه ربي يعاونك اختي وبالشفا على وليداتك انشا الله وصيامك في الجنة....
انتي منين من المدية بالضبط؟على خاطر انا تان مدانية
انا ولايتي المدية بصح دارنا يسكنو في البرواقية
وعندي سنييييييييييييييييييييييييييييييييين من اللي رانا جهة الشرق ما خليت حتى بلاد ما سكنتش فيها
ابدايها من تيزي وزو الاغواط المسيلة البرج عنابة وتخيلي الولايات الي لاصقين فيهم كامل رحتلهم
وتعلمت كاامل في الولايات واولادي 2 زايدين في البليدة و سدن زادت في العاصمة
كيما قال درياسة
انا جزايري

راني حكمت غير التالية
اختي يكتر خيرك على الثقة واولادي اليوم وين نقول الحمد لله راهم ملاح

mayaaa71

2013-11-27, 10:31

السلام عليكم

أتمنى أن تكوني بخير
الحمد لله على سلامة الأولاد ربي يحفظهم ليك و يخليك ليهم ويطول في عمرك وتفرحي بيهم .

ام الاء وسدن

2013-11-27, 11:17

ربي يجازيك خير على الرد..........مشكورة اختي .انا كرشي كبيرة عطيهملي في زوج لامكاش تعب
حبيت نسالك نقدر نطيب المدلان فالاكياس الورقية بلا لي مول معنديش لي مول نتاع المدلان والكاس لي نعبر بيه الزيت كبير او صغير .
الله يجعله في ميزان حسناتك

انا حقيقة ما جربتوش بصح تقدري ديريه في تاع الدزيريات ادا عندك او تحطيه مباشرة في البلا تاعك
الجينواز
4بيضات وم ص ملح ومك فاني ضربيهم مليح بالباتور ومبعد ضيفي عليهم
150غ سكر عادي وخلطي لمدة 10 د على الاقل حتى يتضاعف الحجم ومبعد سيري
الفرينة واقسميها على 3 وكل مرة عاودي سيريها فوق الخليط وابداي دوري برك ما تخلطيش باش
ما يخرجش الهواء اللي دخلتيه وفي الاخير زيدي 1 مك خمارة القاطو للحصول على نتيحة هايلة ادهني مول الجينواز بالزبدة والفرينة ا و مياشرة حطي بابي سيلفيريزي وحطيها في الفور 180درجة ل 15 او20د

البسكوي جينواز نفس المقادير والطريقة وتحطيه في بلا مربع او مستطيل
وتقدري الجينواز تزيديلها م ك زبدة ذايبة
لكن تزيديها قبل الفرينة نحي مقدار من الخليط وزيدي له الزبدة وخلطيه مليح باش تحطيه
الكاس الي تعبري بيه الزيت يكون صغير ممكن بول تاع حليب الصباح ادا ما كيش مكراشة راو صغير على تاع القازوز
هههههههه

meriem beldjoudi

2013-11-27, 11:27

salam 3alaikoum walah mawdo3 ajbni bazaf o rayha tsa3di ktir man nas ya3tik saha o ya3tik rabi matatmanay

soual ta3i awal: ana nahawas 3la la reccette ta3 l mchakla kima hadi o ji la pate ta3ha bayda
http://www.up.djelfa.info/uploads/13854679408931.jpg
o soual tani nahawas 3la la creme o beure
svp merciiiiii

ya rit jawbini merci

mayaaa71

2013-11-27, 11:29

أختي أم آلاء وسدن حبيت نسألك على إستعمالالمكسرات لوز فستق جوز و على البقلاوة

بالنسبة للوز حتى يستعمل في الحلويات مثل البقلاوة لازم نحطو في الماء وننزع منه القشور ونتركو يومين ييبس ثم نرحيه أو ندخلوا في الفرن شوية ثم نرحيه بقشوره
والجوز لازم يدخل للفرن أو لا تجي فيه ريحة وهو نيىء
الفستق يستعمل مباشرة أو لا

بالنسبة للبقلاوة أعطاوني الأخوات الكثير من الوصفات يكثر خيرهم ما بخلونيش

لكن أردت أن تعطيني وصفتك

لأاني أبحث على سر البقلاوة نتاع برا تكون مقرمشة وصفراء وطايبة مليح ومورقة وحشوتها معلكة وناشفة من العسل
كل واحدة واش مدتلي
كاين الي تقول العجينة كل 5 بعبار يدام سمن وزبدة
وكاين 6عبار بواحد سمن
وكاين حتى 7 بواحد سمن

كل ما يزيد عبار الفرينة مش لازم نسقوها بزاف بالسمن لأنه ترجع بات فيلو

طولت بزاف مهما شكرتك ما نوفيكش حقك
نقول ربي يباركلكم في كل شيء

ام الاء وسدن

2013-11-27, 12:43

ya rit jawbini merci

pardent ختي والله غير صبحة كاملة وانا دايرة الماراطون مع الشغل درك رانا لتهيتلك
المشكلة
العجينة
4كيلات فرينة
1كيلة ليدام ذايبة وباردة
1م كسكر كريستاليزي حليها في الماء والمزهر
صفار بيضة
ملون ابيض
قرصة ملح
الحشو
1كيلة لوز وجوز وبيستاش
ربع كيلة سكر كريستاليزي
تبلل بعضمة مع م ك ماء زهر تخلطي وتضيفيها بالتدريج اذا خصك عاودي خلطي بيضة مع مغرف ماء زهر
تكون يابسة شوية باش تقدري تعملي بيها
وباش تسهلي العمل عليك وجديهم في زوج وخليهم يرتاحو

kika85

2013-11-27, 13:52

انا ولايتي المدية بصح دارنا يسكنو في البرواقية
وعندي سنييييييييييييييييييييييييييييييييين من اللي رانا جهة الشرق ما خليت حتى بلاد ما سكنتش فيها
ابدايها من تيزي وزو الاغواط المسيلة البرج عنابة وتخيلي الولايات الي لاصقين فيهم كامل رحتلهم
وتعلمت كاامل في الولايات واولادي 2 زايدين في البليدة و سدن زادت في العاصمة
كيما قال درياسة
انا جزايري

راني حكمت غير التالية
اختي يكتر خيرك على الثقة واولادي اليوم وين نقول الحمد لله راهم ملاح

معليش ربي يهنيك برك كي تكوني بصحتك ومهنية ما يهمش وين راكي ......انا من المدية سونتر ومتزوجة في البليدة.....مشكورة حبيبتي على المجهود انشا الله ربي يكتبهالك في ميزان حسناتك

ام الاء وسدن

2013-11-27, 14:30

عجينة البقلاوة
4كيلات فرينة 3معمرين وواحدة ثلثهانشا
كيلة ليدام وفي كل 1كغ فرينة بيضة واحدة
الحشو
3كيلات لوز وحوز احسن يكون الجوز اكثر ويكون مدشش برك
كيلة سكر كريستاليزي
قرفة وقرنفل وكبابة
تبلل بكاء الزهر كيما الطعام
في سنيوة تاع1م
4كغ فرينة
4كغ حشو دون ذكر الترشاق
اذا درتيها لوز برك النص قشريه والنص لالا
من الافضل الجوز يدخل غيييييييرشوية للفور لخاطر كي يبطا ريحتو تولي ماشي شابة
البيستاش ما دخليهش
وختي ربي يطول في عمر احباءك

meriem beldjoudi

2013-11-27, 14:44

pardent ختي والله غير صبحة كاملة وانا دايرة الماراطون مع الشغل درك رانا لتهيتلك
المشكلة
العجينة
4كيلات فرينة
1كيلة ليدام ذايبة وباردة
1م كسكر كريستاليزي حليها في الماء والمزهر
صفار بيضة
ملون ابيض
قرصة ملح
الحشو
1كيلة لوز وجوز وبيستاش
ربع كيلة سكر كريستاليزي
تبلل بعضمة مع م ك ماء زهر تخلطي وتضيفيها بالتدريج اذا خصك عاودي خلطي بيضة مع مغرف ماء زهر
تكون يابسة شوية باش تقدري تعملي بيها
وباش تسهلي العمل عليك وجديهم في زوج وخليهم يرتاحو
merci ya3tik saha o rabi ya3tik wach tatmanay rani njarabha o naglablek belkhber merci

ام الاء وسدن

2013-11-27, 14:51

salam 3alaikoum walah mawdo3 ajbni bazaf o rayha tsa3di ktir man nas ya3tik saha o ya3tik rabi matatmanay

soual ta3i awal: Ana nahawas 3la la reccette ta3 l mchakla kima hadi o ji la pate ta3ha bayda
http://www.up.djelfa.info/uploads/13854679408931.jpg
o soual tani nahawas 3la la creme o beure
svp merciiiiii

كريمة الزبدة نوع 2
2 بيضات كبار طلعيهم مليح مع 500غ سكر قلاسي
ومبعد ضيفي 500غ زبدة التوريقبالطرف ومبعد زيدي كاس ما وكاس زيت مع مواصلة الخلط بالباتور او البيترا هاد العبار يعطيك كمية كبييييرة من الكريمةمن الافضل انك تخبيها في الكونجيلاتور تقعدلك مدة طولة وهذه هي المعتمدة في المحلات
وكاينة تاع السيرو
نسيت المشكلة لازم تعسليها بعسيلة مخففة بماء الزهر

ام الاء وسدن

2013-11-27, 15:01

النوع 3 كريمة الزبدة
نص كاس ما مع 150غ سكر كريستاليزي فوق النار حتى يولي ثقيل بلا ما يسكر
بيضة كاملة طلعيها بالباتور ومبعد ابداي ضيفي السيرو كي الخيط قبالة من فوق النار
وكي يبرد ديري عليه 250غ زبدة طرية بالمغرف حتى تولي بيضة وما تنسايش الفانيلا
او اي مطيبات اخرى تحبي
جربي ورديلي الخبر
ونشا الله موفقة

alchimi

2013-11-27, 15:56

عجينة البقلاوة
4كيلات فرينة 3معمرين وواحدة ثلثهانشا
كيلة ليدام وفي كل 1كغ فرينة بيضة واحدة
الحشو
3كيلات لوز وحوز احسن يكون الجوز اكثر ويكون مدشش برك
كيلة سكر كريستاليزي
قرفة وقرنفل وكبابة
تبلل بكاء الزهر كيما الطعام
في سنيوة تاع1م
4كغ فرينة
4كغ حشو دون ذكر الترشاق
اذا درتيها لوز برك النص قشريه والنص لالا
من الافضل الجوز يدخل غيييييييرشوية للفور لخاطر كي يبطا ريحتو تولي ماشي شابة
البيستاش ما دخليهش
وختي ربي يطول في عمر احباءك

شكرا على المجهودات المبذولة .يعطيك الصحة

سؤالي هو

إذا حبيت نخفف العسيلة نتاع نونوغس شحال نزيد ماء زهر باش نعسل البقلاوة

omchifa

2013-11-27, 16:22

ما الفرق بين كريمة زبدة بسكر قلاسي و لي بالسيرو

shajane

2013-11-27, 16:35

السلام عليكم اختي انا عندي ليك سؤال عن وحد القاطو اذا تعرفيه اسمو او وصفتو ... يكون على شكل دوائر من الداخل كما الجينواز باللون الاسود و من بره مطلي بكريمة الزبده طبقة رقيقه و مرمد في فتات تاع قاطو شوكولا
جزاك الله خيرا

shajane

2013-11-27, 16:38

السلام عليكم اختي انا عندي ليك سؤال عن وحد القاطو اذا تعرفيه اسمو او وصفتو ... يكون على شكل دوائر من الداخل كما الجينواز باللون الاسود و من بره مطلي بكريمة الزبده طبقة رقيقه و مرمد في فتات تاع قاطو شوكولا
جزاك الله خيرا

تسنيم مسلمة

2013-11-27, 18:31

بارك الله فيك أختي
جعله في ميزان حسناتك يا رب

ام الاء وسدن

2013-11-28, 08:14

شكرا على المجهودات المبذولة .يعطيك الصحة

سؤالي هو

إذا حبيت نخفف العسيلة نتاع نونوغس شحال نزيد ماء زهر باش نعسل البقلاوة

العفو ادعولي برك ربي يسهلهالي في الدار
عسيلة نونورس راهي ثقيلة بزاف حوالي كاس حجم كبير ماء والكترة ماء الزهر

ام الاء وسدن

2013-11-28, 08:16

السلام عليكم اختي انا عندي ليك سؤال عن وحد القاطو اذا تعرفيه اسمو او وصفتو ... يكون على شكل دوائر من الداخل كما الجينواز باللون الاسود و من بره مطلي بكريمة الزبده طبقة رقيقه و مرمد في فتات تاع قاطو شوكولا
جزاك الله خيرا

وعليكم السلام هاداك واسمو les poufes
وانا نقسم الحبة في الوسط ونديرلها كريمة الزبدة ومن برة نرمدو في الفتات تاعو

المقادير
5بيضات كبار
كاس سكر
كاس عسل
وكاس زيت
2خمارة نوارة
2 م ك كاكاو نوع اسود جيد
4كيسان فرينة لابال على حساب النوع اللي استعملتيه
تخلط المقادير بهذا الترتيب وتدخل للفرن
وبعد النضج قطعيها دوائر بطابع مدور واقسمي كل واحدة على 2 وديري لها كريمة الزبدة تكوني ذوبتي شكولا الgلاساج بالما من العين
رممدي الحبة فيها ومبعد في الفتات اللي بقى منو تكوني جوزتيه في سيار الزرع او في الروبو

ام الاء وسدن

2013-11-28, 08:26

ما الفرق بين كريمة زبدة بسكر قلاسي و لي بالسيرو

الفرق ان ال ي بسكر قلاسي جي بيضة بزاف بلا الملون وبيضها ماشي طايب
واللي بالسيرو بيضها يطيب بالسيرو وما تكونش بيضة حتى تزيديها الملون

كريمة حجاج

2013-11-28, 08:57

[quote=imane khaled;1054982890]سلام عليكم
يعطيك الصحة اختي ربي يباركلكفي ولادك و جعلها الله في ميران حسناتك
حبيا نسقسيك برك على الميلفاي يجيني يتفتت بزاف و اوراقو تتطاير شغل مورق بزاف سمعت او عندو طريقة خاصة على المورقات لخرين اقصد في تشكيل العجينة انا عادة نعمل 3 مرات دوبل تور اجيني ناجحة في كلش الا الميلفاي ما يجينيش كيما تاع الحوانيت
و شكرا مسبقا اخ
يسلمك اختي ويباركلك انت في صحتك وانشا الله يقدرني على ايصال الفائدة ليكم
شوفي اختي الميلفاي من اصعب الحلويات في la finition انا ناطيلك طريقتي وانت شوفي وين راكي غالطة
1كغ فرينة سيم والا لابال 700غ حتى 800غ
قرصة ملح
2 مك خل
2مك زيت
1م ك سكر
هادوا لميهم بالما ومبعد ديري feulltage تاعك انا نلف العجينة على 3 ماشي على 4
هنا السر ومبعد
وكي تحطيها في الفور ثقبيها بزاف بالفرشيطة
بحيث ما تنتفخش
وكي جي تحطي الطبقات خالفيهم
ومبعد بسنيوة طبعي مليح بال ما تخافي هنا يروح كامل الزائد تاع الكريمة و الفتات تاع الاوراق
وننصحك عمرك ما تقطعيه تمتم خليه يريح على الاقل 4 ساعات
في مكان دافئ في الدار ماشي سخون وملشي بارد
ونشا الله جربي طريقتي وتصلحلك
السلام عليكم اختي حبيت نعرف شحال المقدار تاع المارغرين تاع الفلتاج لكيلو تاع الفارينة

kika85

2013-11-28, 10:32

اختي حبيت نسقسيك...انا تعلمت صناعة الحلويات والي تعلمت عندها دارتلنا لابات فيلو وقالتلنا انه لازم تعمري نصف السنيوة بليدام باش تطيب من بعد تنحي الزائد من ليدام حبيت نسقسيك انتي كيفاش تطيبيها واعطيني غير مقادير العجينة الطريقة نعرف كيفاش نديرها....مشكورة حبيبتي

ام الاء وسدن

2013-11-28, 14:31

[quote=ام الاء وسدن;1054986901]
السلام عليكم اختي حبيت نعرف شحال المقدار تاع المارغرين تاع الفلتاج لكيلو تاع الفارينة

وعليكم السلام 1كغ فرينة ب 800غ زبدة

مليكة01

2013-11-28, 14:44

يعطيك الصحة أختي على كل شيىء

إذا عندك وصفات قاطو ساك يكون بحشوة من الداخل يعني مش قاطو معسل

بارك الله فيك ربي يفرحك مثل ما راكي مفرحتنا

ام الاء وسدن

2013-11-30, 13:32

اختي حبيت نسقسيك...انا تعلمت صناعة الحلويات والي تعلمت عندها دارتلنا لابات فيلو وقالتلنا انه لازم تعمري نصف السنيوة بليدام باش تطيب من بعد تنحي الزائد من ليدام حبيت نسقسيك انتي كيفاش تطيبيها واعطيني غير مقادير العجينة الطريقة نعرف كيفاش نديرها....مشكورة حبيبتي

شوفي اختي
5عبارات فرينة
نصف العبار زبدة التوريق دايبة وباردة
عضمة كاملة
والما باش تلميها
والعفو وانا في الخدمة متى استطعت

ام الاء وسدن

2013-11-30, 13:50

يعطيك الصحة أختي على كل شيىء

إذا عندك وصفات قاطو ساك يكون بحشوة من الداخل يعني مش قاطو معسل

بارك الله فيك ربي يفرحك مثل ما راكي مفرحتنا

يسلمك اختي
وصفة معمول بالفرينة
2 وربع كيسان فرينة
م ص خمارة نوارة
نصف كاس سكر gلاسي
نص كاس زبدة طرية
ربع كاس سمن
1 حبة بيض
1 مك ما زهر
نخلطة السمن والزبدة مليح بالباتور ونكونو خلطنا
الفرينة وبقية المقادير
نحطوهم مع بعض
ومبعد نلموها بحبة البيض والم ك زهر
تديها وجيبيها شوية بيدك
بال ما تدلكي
ومبعدوجدي الحشو اللي هو كاس جوز او لوز او بيستاش مع 2 م كبار سكر
اعملي كرية بالعجينة وديري داخلها كرية بالحشو ومبعد ديريها في طابع المعمول وطيبيها بعدما تخرجيها من الفور دردري عليهاسكر gلاسي
انا نديرو بالطابع الكاري تاع الكفتة يجي روعة
وما يلحقش للفم
ربي يقدرني على افادتكم

kika85

2013-12-01, 13:03

شوفي اختي
5عبارات فرينة
نصف العبار زبدة التوريق دايبة وباردة
عضمة كاملة
والما باش تلميها
والعفو وانا في الخدمة متى استطعت

يعطيك الصحة حبيبتي بصح نزيد نهبلك ونسقسيك السنيوة ديالك تدهنيها برك بالسمن ولا تعمريها بيه للنصف.....

تسنيم مسلمة

2013-12-01, 17:41

سامحوني اخواتي هادا وين دخلت والله جوزت ايامات ربي علم بيها مرضولي الولادي بالدالة وزيد كنت صايمة ودركة الحمد لله
http://im31.gulfup.com/n7iin.jpg (http://www.gulfup.com/?ven1ot)
ادا عجبكم ها القاطو نحطولكم

السلام عليكم
ربي يقدرك و يعطيك واش تتمناي إن شاء الله
بالنسبة للقاطو باين مليح ياريت تعطينا الوصفة

ام الاء وسدن

2013-12-01, 22:08

يعطيك الصحة حبيبتي بصح نزيد نهبلك ونسقسيك السنيوة ديالك تدهنيها برك بالسمن ولا تعمريها بيه للنصف.....

يسلمك قبل ما تحطي العجينة ادهني برك بصح كي تكملي اختي مثلا الشامية انا قريب نغطيها وكي طيب
نحي هاداك الزايد وهي سخونة
يالحنونة ما هبلتيني ما والو نشالله ربي يقدرني ونفيدك

ام الاء وسدن

2013-12-01, 22:12

السلام عليكم
ربي يقدرك و يعطيك واش تتمناي إن شاء الله
بالنسبة للقاطو باين مليح ياريت تعطينا الوصفة

يا تسنيم راكي مخطية
راني حطيتو موضوع مستقل هادا الرابط
وهاد القاطو صدقيني سبيسيال ذوقو روعة جربيه وماتندميش
http://www.djelfa.info/vb/showthread.php?t=1476316
هادا الرابط تاعو

zouzou42

2013-12-01, 23:02

اختي انا عندي مشكلة مع المورانق جربت شحال مل وصفة تخرج عادي بصح السكر يقعد يقرمش ما يذوبش علاش

ام الاء وسدن

2013-12-01, 23:08

اختي انا عندي مشكلة مع المورانق جربت شحال مل وصفة تخرج عادي بصح السكر يقعد يقرمش ما يذوبش علاش

انت ديريها بسكر gلاسي والا كريستاليزي

zouzou42

2013-12-02, 11:14

لالا نديرها بالسكر كريستاليزي .علاش نقدر نديرها بالسكر قلاسي واذا ايه قوليلي الطريقة تاعك و ربي يجازيك

ام الاء وسدن

2013-12-02, 18:47

لالا نديرها بالسكر كريستاليزي .علاش نقدر نديرها بالسكر قلاسي واذا ايه قوليلي الطريقة تاعك و ربي يجازيك

السلام عليكم راني بطيت عايكم درت لبنتي التلقيح اليوم وهبلتني
المورانغ
لكل بياض بيضةديري 100حتى 150غ سكر gلاسي ومغرف صغيرة نشا
هادا ما فيه

zouzou42

2013-12-02, 21:30

يعطيك العافية اختي شكرااااااااااااااااااااااااااااااااااااااااااااااا ااااااااااااااااااا جزيلا اااااااااا بالشفاء علئ بنتك:)

ام الاء وسدن

2013-12-03, 09:40

يعطيك العافية اختي شكرااااااااااااااااااااااااااااااااااااااااااااااا ااااااااااااااااااا جزيلا اااااااااا بالشفاء علئ بنتك:)

يسلمك اختي ويبارك فيك بصح راني غير نمدلكم في الوصفات وملكاش اللي
قاتلي راني جربت
هيا طلعيلي المورال وجربيه

ورد و شوك

2013-12-03, 16:16

سلام اختي من فضلك وصفة الطلية لانني جربت جميع الطرق دايمن جيني يابسة و شكراااااااااا

ام الاء وسدن

2013-12-03, 17:40

سلام اختي من فضلك وصفة الطلية لانني جربت جميع الطرق دايمن جيني يابسة و شكراااااااااا

وعليكم السلام قوليلي منين جبتي هاد الاسم
كي كنت صغيرة نشفى كان يجوز فيلم في الدزاير
الطلية باش جيك طرية ما ديريش بياض البيض
500غ سكر gلاسي نوعية مليحة مرجان والا نونورس
نص فنجان حليب
نص فنجان قارص
مغرف صغيرة ماء زهر
2مغارف كبار زيت
اذا حات ثقيلة زيديلها القارص وادا حات عاقدة زيدي السكر وبالتوفيق
هاد الطليةماتليقش جي بيضة لازم تزيديلها ملون باش جي ناصعة
وبالتوفيق

آملة

2013-12-04, 11:30

انا نحب الحلويات الجافة بزاف و حلويات النواد كوكو و الليمون اذا عندك وصفات مجربتها ماذابيك تفيديني و شكرا مسبقا

ام الاء وسدن

2013-12-04, 14:23

انا نحب الحلويات الجافة بزاف و حلويات النواد كوكو و الليمون اذا عندك وصفات مجربتها ماذابيك تفيديني و شكرا مسبقا

http://www.djelfa.info/vb/showthread.php?t=1476316
جربي هادي وعندي وصفة مشوك النوات كوكو
500غ نوات كوكو مرحي مليح
300غ سكر Gلاسي
عصير وزاست حبة قرص كبيرة
يبلل ب 2بيضلت وصفار واحدةوذا جاك ناشف زيدي خلطي 2 بيضات وصفار وضيفيهم بالتدريج
اعجنيه بيدك حتى يولي عجينة شكليه دوائر بحجم حبة الجوز رمديه في بياض البيض ثم في نوات كوكو خشين
ضعي ممن الفوق حبة سوريز طيبيه على نار هادية
وكي تخرجي الحبات مباشرة سقيهم بمغرف عسيلة
راني نستنى ترديلي الخبر واذا جربتيه نمدلك وصفات اخرين روعة

xana

2013-12-04, 17:20

السلام عليكم ممكن اختي وصفة كريمة الباتيسري الي جي خفيفة و مافيهاش بنة الزبدة

ام الاء وسدن

2013-12-04, 17:30

السلام عليكم ممكن اختي وصفة كريمة الباتيسري الي جي خفيفة و مافيهاش بنة الزبدة

وعليكم السلام
كرام باتسيير
كاس كبير حليب
100او 150غ سكر حسب الدوق
70غ نشا
2صفار البيض
لفاني
نخلط البيض مع السكر والنشا
والحليب فوق النار يسخن
ومبعد نحط الحليب فوق الخليط ونرجع الكل فوق النار ونخلط بالفوي حتى يتقل ونحيها ومبعد ضيفي لها الفاني ومبشور الليمون او البرتقال

xana

2013-12-04, 18:39

وعليكم السلام
كرام باتسيير
كاس كبير حليب
100او 150غ سكر حسب الدوق
70غ نشا
2صفار البيض
لفاني
نخلط البيض مع السكر والنشا
والحليب فوق النار يسخن
ومبعد نحط الحليب فوق الخليط ونرجع الكل فوق النار ونخلط بالفوي حتى يتقل ونحيها ومبعد ضيفي لها الفاني ومبشور الليمون او البرتقال

شكرا كثيرا

cuisineshowdalatifa

2013-12-05, 09:53

صباح الخيرات ,. مشوك النواة كوكو كنت نبحث على الوصفة نتاعوا , وكي وجدتها فرحت
الله يجازيك

ام الاء وسدن

2013-12-05, 12:42

صباح الخيرات ,. مشوك النواة كوكو كنت نبحث على الوصفة نتاعوا , وكي وجدتها فرحت
الله يجازيك

صباح الانوار ايه الحمد لله اللي دخلتي عندي بزاف ماشفتكش ههههههههههههه

ام الاء وسدن

2013-12-05, 12:43

شكرا كثيرا

العفو بصح الشكر بعد التجريب

بشرى18

2013-12-05, 12:54

بارك الله فيك أختي ربي يحفظك ويجازيك الفردوس الأعلى
نحتاج وصفة الكعك خفيفة وبنينة
ربي يخليك

ام الاء وسدن

2013-12-05, 15:35

بارك الله فيك أختي ربي يحفظك ويجازيك الفردوس الأعلى
نحتاج وصفة الكعك خفيفة وبنينة
ربي يخليك

وفيك بركة ما فهمتش واش تقصدي
الكعك والا الكيك

cuisineshowdalatifa

2013-12-05, 16:16

مرانيش نكتب , بصح ندخل مرة على مرة , وراني نجمع في وصفاتك عندي
إذا حبيت أدخلي للمدونة نتاعي وقوللي واش رايك

ام الاء وسدن

2013-12-05, 16:57

مرانيش نكتب , بصح ندخل مرة على مرة , وراني نجمع في وصفاتك عندي
إذا حبيت أدخلي للمدونة نتاعي وقوللي واش رايك

دي عايزة كلام daja دخلت وشحال من مرة

ام الاء وسدن

2013-12-05, 17:21

مرانيش نكتب , بصح ندخل مرة على مرة , وراني نجمع في وصفاتك عندي
إذا حبيت أدخلي للمدونة نتاعي وقوللي واش رايك

دي عايزة كلام d eja دخلت وشحال من مرة
هبلوني هادوك المعارك والرقبة تاع الخروف
ياطيك الصحة

بشرى18

2013-12-05, 19:09

وفيك بركة ما فهمتش واش تقصدي
الكعك والا الكيك

الكعك حنونة مش الكيك

ام الاء وسدن

2013-12-05, 22:41

الكعك حنونة مش الكيك

نطيلك وصفة اساسية في المعجنات تصلح بريوش لامونة وكرواسون وبنيي ........
رطل فرينة
2 بيضات
مغرف كبيرة لحظة تقدري تستغناي عليها
3م ك سكر 3م ك زيت اوزبدة دايبة
م ك خمارة الخبز حليها في شوية حليب
حوالي ربع لتر حليب دافى
ومغرف ملح ولفاني وزاست القارص
هادو خلطيهم كامل مع بعض وفي الخير لميهم بالحليب خليها شوية طرية ماشي يابسة
ادا كانت يابسة ما جيكش هشيشة ومبعد حطيها تخمر في مكان دافى ومبعد شكليها بلا ما تكسريلها الخمير
هادا هو سر حاولي ما تزيديش تخدميها بيدك بزاف مجرد تشكيل فقط
وعاودي حطيها تخمر كي تطلع مليح طيبيها في فور مسخن مسبقا على 190 ااو 200 حسب الفور تاعك
وسيت باش نقولك من الفوق خلطي صفار بيضة مع قرصة لفاي وادهني بيه

ملاحظة

انا نعجنها بمغرف تاع الحطب برك ما نستعملش البيتران ولاحتى يدي

cuisineshowdalatifa

2013-12-06, 13:06

طلعتلي الموغال , ربي يفرحك ,
الحق وصفاتك رائعة و يبان بلي عندك إطلاع :كبير في الميدان , ربي يوفقك

رانيا لوك

2013-12-06, 13:19

جزاكي الله الجنة اختي
انا نحوس علا كريم با تسري

رانيا لوك

2013-12-06, 13:30

من فضلك وصفة نتاع تارت تكون مليحة وساهلة

kozate

2013-12-06, 13:38

السلام عليكم اختي اليوم وين فقت بيك نهبلك
ممكن تنعتي لينا انواع الكريمات

ام الاء وسدن

2013-12-06, 15:40

طلعتلي الموغال , ربي يفرحك ,
الحق وصفاتك رائعة و يبان بلي عندك إطلاع :كبير في الميدان , ربي يوفقك

كيما طلعتلك المورال وفرحتك ايميلي نت تان جربي حاجة منهم ورديلي الخبر
ونشا الله ربي يوفقنا جميعا الى ما يحبه ويرضاه
وشكرا على الثقة

ام الاء وسدن

2013-12-06, 15:43

جزاكي الله الجنة اختي
انا نحوس علا كريم با تسري

ربي يارك فيك على الدعوة
ولاكرام باتسيير راني حطيتها في الصفحات السابقة
حوسي تصيبيها

ام الاء وسدن

2013-12-06, 15:47

من فضلك وصفة نتاع تارت تكون مليحة وساهلة

ممكن اختي حديلي اكثر واش راكي حابة مثلا واش من دوق
شوكولا ليمون فراز ..........

ام الاء وسدن

2013-12-06, 15:53

السلام عليكم اختي اليوم وين فقت بيك نهبلك
ممكن تنعتي لينا انواع الكريمات

راني حطيت في الصفحات السابقة 3 انواع من كريمة الزبدة كرام باتسيير كرام شونتيي
اختي انا نحط حسب طلبكم

قوليلي علاش سميتي روحك كوزات باينة بلي يغلبوك في الدار ههههههههه

رانيا لوك

2013-12-06, 18:15

ممكن اختي حديلي اكثر واش راكي حابة مثلا واش من دوق
شوكولا ليمون فراز ..........
يارب يعطيك ما تتمني
نتاع فراز وليمون

kozate

2013-12-06, 19:19

ام دارنا هم لي عيتولي كوزات ما ندري وعلاه
اخت لابت فييتي واحد المرة شروها تع الدار شروروها عجينة زي القرصة تع الكسرة و كي تفردها تولي مورقة

ام الاء وسدن

2013-12-06, 19:21

يارب يعطيك ما تتمني
نتاع فراز وليمون

الجينواز
4عضمات كبار
150غ سكر كريستاليزي
150غ فرينة
باكي خمارة قرصة ملح
مغرف فاني

كريمة الليمون
عصير ومبشور 2 ليمونات
100غ سكر كريستاليزي
50غ زبدة 2بيضات كاملة
توضع المقادير في حمام مائي وتخلط حتى تثقل
تنزع لتصفى في صفاية وتترك لتبرد

كريمة الزبدة
بيضة تخلط جيدا
نضع 150غ سكر مع نصف كاس ماء فوق النار حتي يثقل تماما ثم يضاف للبيضة بالتدريج مع الخلط المستمر بالباتور
ثم بعد ما يبرد تضاف 250غ زبدة طرية بالتدريج حتى تصبح كريمة ونضيف لها معطر الليمون لزيادة النكهة

نقسم الجينواز في الوسط تشرب بسيرو خفيف وتوضع كمية من كريمة الزبدة وفوقها كمية قليلة من كريمة الليمون
يوضع القسم 2من الجينواز يشرب ثم تغطى كل التارتة بكريمة الزبدةوتوضع كريمة الليمون في الوسط
نتمنى نكون فهمتك مليح
وانتظر التطبيق

http://im37.gulfup.com/74tSN.jpg (http://www.gulfup.com/?6YY9yU)

ام الاء وسدن

2013-12-06, 19:26

ام دارنا هم لي عيتولي كوزات ما ندري وعلاه
اخت لابت فييتي واحد المرة شروها تع الدار شروروها عجينة زي القرصة تع الكسرة و كي تفردها تولي مورقة

ايه اختي واش خدمتو بيها

kozate

2013-12-06, 20:23

كوكا , حوست على الوصفة حتان كرهت مالقيتهاش

ام الاء وسدن

2013-12-06, 21:26

كوكا , حوست على الوصفة حتان كرهت مالقيتهاش

تحبي نمدلك وصفة العجينة والا la farce

kozate

2013-12-07, 10:00

العجينة كان قدرتي
واختي من فضلك كريقة عمل الكراميل

ام الاء وسدن

2013-12-07, 10:40

العجينة كان قدرتي
واختي من فضلك كريقة عمل الكراميل

صباح الخيرات
شوفيهاد الرابط هي طريقة تشبه بزاااااف لطريقتي والاخوات الي جربوها كامل نجحتلهم
http://www.djelfa.info/vb/showthread.php?t=930833
الطريقة تاعي راني حطيتها في الصفحة 2 اعتقذ

الكرامال
150غ سكر كريستاليزي
ربع كاس ما
حطيهم فوق النار ودوري بلا ما تخلطي بالمغرف
يعني ارفدي الكاسرونة تاعك ودوري الخليط حتى تبدا تتلون بنية
نحيها من النار واستعمليها
ولازم تكون النار هادية بزاف
واقعدي قدامها ما ديريهاش وتسهاي عليها لخاطر بلخف طيب

عائشة62

2013-12-07, 10:50

تحبي نمدلك وصفة العجينة والا la farce
صباح الأنوار أختي ربي يجازيك خير على مساعداتك لنا ..

الله يخليك عندي العجينة المورقة وحبيت نصنع الكوكا بصح عمري ما صنعتها إشرحي لي بالتفصيل الحشوة والطريقة

ربي يبارك فيك ونهارك سعيد .

kozate

2013-12-07, 11:17

بارك الله فيك حبيبتي

idron0

2013-12-07, 11:27

بارك الله فيك وفي أولادك ويعطيك ربي صحتك

ام الاء وسدن

2013-12-07, 13:15

صباح الأنوار أختي ربي يجازيك خير على مساعداتك لنا ..

الله يخليك عندي العجينة المورقة وحبيت نصنع الكوكا بصح عمري ما صنعتها إشرحي لي بالتفصيل الحشوة والطريقة

ربي يبارك فيك ونهارك سعيد .

صباحك سعيد ويومك اسعد نشا الله
كاين 2 farce
الولى هي تشكتشوكة بالبصل والطماطم واللحم المرحي تقليه وحدو وومبعد ديري طبقة لحم مرحي وفوقها التشكتشوكة
الثانية هي
صلصة بيشاميل ثقيلة 100غ فرينة 100غ زبدة مع كاس حليب وكي طيب زيدي لها كمية من الجبن الابيض والمرابي وتكون كمية تعادل كمية البيشاميل
ربي يقدرني على نفعكم

ام الاء وسدن

2013-12-07, 13:16

بارك الله فيك حبيبتي

وفيك 1000000000000بركة

ام الاء وسدن

2013-12-07, 13:17

بارك الله فيك وفي أولادك ويعطيك ربي صحتك

وفيك 1000000000000بركة ادعولي والله راني محتاجاتو بزاااااااااف

رانيا لوك

2013-12-07, 18:59

بارك الله فيك اختي ربي يفرج همك

ام الاء وسدن

2013-12-07, 21:17

بارك الله فيك اختي ربي يفرج همك

نشالله لينا ولجميييييييييييييييييع المومنييييييييييييين

بشرى18

2013-12-08, 09:10

نطيلك وصفة اساسية في المعجنات تصلح بريوش لامونة وكرواسون وبنيي ........
رطل فرينة
2 بيضات
مغرف كبيرة لحظة تقدري تستغناي عليها
3م ك سكر 3م ك زيت اوزبدة دايبة
م ك خمارة الخبز حليها في شوية حليب
حوالي ربع لتر حليب دافى
ومغرف ملح ولفاني وزاست القارص
هادو خلطيهم كامل مع بعض وفي الخير لميهم بالحليب خليها شوية طرية ماشي يابسة
ادا كانت يابسة ما جيكش هشيشة ومبعد حطيها تخمر في مكان دافى ومبعد شكليها بلا ما تكسريلها الخمير
هادا هو سر حاولي ما تزيديش تخدميها بيدك بزاف مجرد تشكيل فقط
وعاودي حطيها تخمر كي تطلع مليح طيبيها في فور مسخن مسبقا على 190 ااو 200 حسب الفور تاعك
وسيت باش نقولك من الفوق خلطي صفار بيضة مع قرصة لفاي وادهني بيه

ملاحظة

انا نعجنها بمغرف تاع الحطب برك ما نستعملش البيتران ولاحتى يدي
ربي يحفظك ويجعلها في ميزان حسناتك نسييها دي سيمانا ورجعلك خبر علابالي فوووووووور بارك الله فيك
بغيت نسقسيك ما ندلكش العجينة ؟؟؟

ام الاء وسدن

2013-12-08, 10:21

ربي يحفظك ويجعلها في ميزان حسناتك نسييها دي سيمانا ورجعلك خبر علابالي فوووووووور بارك الله فيك
بغيت نسقسيك ما ندلكش العجينة ؟؟؟

يسلمك وربي يقدرني على مساعدتكم لالا ما تدلكيشس برك خلطي مليح

فاطمةع

2013-12-08, 16:20

مساء الخير اختي اريد وصفة البريوش الناجحة من فضلك شحال من مرة جربتو ومانجحليش راني حابة نجربو لاخر مرة عاونيني ومديلي وصفتك الخاصة الن
ومديلي وصفتك الناجحة راني في الانتظار وغدوا انشاء الله نجربو ونردلك الخبر

ام الاء وسدن

2013-12-08, 16:33

مساء الخير اختي اريد وصفة البريوش الناجحة من فضلك شحال من مرة جربتو ومانجحليش راني حابة نجربو لاخر مرة عاونيني ومديلي وصفتك الخاصة الن
ومديلي وصفتك الناجحة راني في الانتظار وغدوا انشاء الله نجربو ونردلك الخبر

مساء الانوار راني حطيتها في الصفحة 8 بصح ما عليش خلينا نعاودو

نطيلك وصفة اساسية في المعجنات تصلح بريوش لامونة وكرواسون وبنيي ........
رطل فرينة
2 بيضات
مغرف كبيرة لحظة تقدري تستغناي عليها
3م ك سكر 3م ك زيت اوزبدة دايبة
م ك خمارة الخبز حليها في شوية حليب
حوالي ربع لتر حليب دافى
ومغرف ملح ولفاني وزاست القارص
هادو خلطيهم كامل مع بعض وفي الخير لميهم بالحليب خليها شوية طرية ماشي يابسة
ادا كانت يابسة ما جيكش هشيشة ومبعد حطيها تخمر في مكان دافى ومبعد شكليها بلا ما تكسريلها الخمير
هادا هو سر حاولي ما تزيديش تخدميها بيدك بزاف مجرد تشكيل فقط
وعاودي حطيها تخمر كي تطلع مليح طيبيها في فور مسخن مسبقا على 190 ااو 200 حسب الفور تاعك
وسيت باش نقولك من الفوق خلطي صفار بيضة مع قرصة لفاي وادهني بيه

ملاحظة

انا نعجنها بمغرف تاع الحطب برك ما نستعملش البيتران ولاحتى يدي
هادا وين شفت نت من الاغواط خيار الناس عشت فيها مدة طويييلة واش راهي هي وناسها الزينين

فاطمةع

2013-12-08, 20:26

والله يااختي رانا لاباس ونتمنى نكون على اتصال دايما وشحال فرحت كي لقيت موضوعك وبالاخص الرد السريع على سؤالي وحبيت نسقسيك على
وحبيت نسقسيك على قاطو الطبقات لي طيب كل طبقة وحدها ومنبعد نلسقو الطبقات ومن الفوق تجي الشيكولا انا دقت في وحد العرس
العرس ولي عجبتني فيه البنة نتاعو فيها بنة الكراميل مفهمتش كيفاش مخدوم ادا تعرفيلو اعطيني لاغوسات والطريقة

ام الاء وسدن

2013-12-08, 21:23

والله يااختي رانا لاباس ونتمنى نكون على اتصال دايما وشحال فرحت كي لقيت موضوعك وبالاخص الرد السريع على سؤالي وحبيت نسقسيك على
وحبيت نسقسيك على قاطو الطبقات لي طيب كل طبقة وحدها ومنبعد نلسقو الطبقات ومن الفوق تجي الشيكولا انا دقت في وحد العرس
العرس ولي عجبتني فيه البنة نتاعو فيها بنة الكراميل مفهمتش كيفاش مخدوم ادا تعرفيلو اعطيني لاغوسات والطريقة

ربي يدوم عليكم الصحةوالعفية
كاس عسل
كاس سكر كاس زبدة دايبة الكل في حمام مائي ثم زيدي 4 صفار بيض وخلطي مليح ثم زيدي مغرف صغيرة بيكربوناتوخلطي حتى تطلع ثم طفي النار وحركي حتى تبرد ثم ضيفي الفرينةحت تتحصلي على عجينة طريو اقسميها على 4 ومبعد حلي كل واحدة على ظهر السينية وكل ما طيبي واحدة نحيها وديري عليها المعجون ومبعد ديري فوقها الطبقة اللي بعدها ادا حبيتي ديري الكاوكاو او اللوز من الفوق او الطبقة 4 اطحنيها وديريها من الفوق
وبالنسبة للشيكولا كاين اللي يضيف 2 م ك كاكاو للعجينة وتاني تقدري ديري la creme mousline مكان المعجون
بالكاكاو وكريمة موسلين يسميوه قاطو اسبانيول
وبالمعجون يسميوه قاطو روسي
جربيه بكلى الطريقتين يجي شباب

kika85

2013-12-09, 11:17

صباح النور اختي
اولا نشكرك على المساعدات ديالك والرد السريع ماشاء الله عليه
تانيا حبيت نسقسيك على وصفة ناجحة لعجينة الشو
وتاني حبت نسقسيك على السيرو الي يشربو بيه الكيكات شحال ديري سكر وما وشحال نخليه فوق النار
مشكورة مسبقا حبيبتي

مليكة01

2013-12-09, 12:16

صباح النور أختي

ربي يحفظك ويخليك ويرزقك الجنة على التعب والمعلومات القيمة .

أريد منك عجينة البيتزا ؟ ما هو السر في أنها تكون مثل الخبز .

وسؤالي الثاني إذا إستعملت البيستاش حشوة للبقلاوة نأخذ بنفس الطريقة للكوكاو ، البيستاش مالح فهل هناك إضافات لهذه الحشوة .

ام الاء وسدن

2013-12-09, 13:41

صباح النور اختي
اولا نشكرك على المساعدات ديالك والرد السريع ماشاء الله عليه
تانيا حبيت نسقسيك على وصفة ناجحة لعجينة الشو
وتاني حبت نسقسيك على السيرو الي يشربو بيه الكيكات شحال ديري سكر وما وشحال نخليه فوق النار
مشكورة مسبقا حبيبتي

الله ينور عليك
العفو انا اللي عرضت عليكم المساعدة لازم نكون قد كلمتي والا كيفاش
عجينة الشو
كاس ماء وقرصة ملح
ربع الكاس زبدة حوالي 50غ
كاس فرينة
3بيضات
نحط الماء والزبدة فوق النار كي يذوب نحط عليها الفرينةونخلط فوق النار حت تنتزع من الكاسرونة
نحيها من النار وخليها تهفت شوية ومبعد ابداي ضيفي البيض الواحدة تلو الاخرى مع الخلط الجيد
حطيها في جيب حلواني وابداي التشكيل
السيرو اللي نشربو بيه الكيكات
كاس سكر مع كاس ماء فوق النار غير يبدا يغلي ويختفي السكر طفي عليه ما تخليهش يعقد

ام الاء وسدن

2013-12-09, 13:52

صباح النور أختي

ربي يحفظك ويخليك ويرزقك الجنة على التعب والمعلومات القيمة .

أريد منك عجينة البيتزا ؟ ما هو السر في أنها تكون مثل الخبز .

وسؤالي الثاني إذا إستعملت البيستاش حشوة للبقلاوة نأخذ بنفس الطريقة للكوكاو ، البيستاش مالح فهل هناك إضافات لهذه الحشوة .

صباح الانوار
الله ينورك على الدعاء
عجينة البيتزا
رطل فرينة دير ي معاه مغرف ملح و2 مغارف كبار زيت زيتون 1 مغرف سكر ومغرف كبيرة خمارة وتحبي تزيدي 1م ك لحظة وفوقهم الماء الدافى يعني تخلطي كلش مع بعض في مرة واحدة اعجني بيدك حتى تتداخل المكونات ما تيبسيهاش لازم تكون طرية تخلطيها بيدك حتى تحبس ما تعودش تلسق هنا تحطيها تخمر للمرة الاولىوكي تطلع مليح اقسميها خبزات بلا ما تعجنيها وقرصيهم بالحلال في وسط الفرينة والبلا لازم تدهنيه بزيت الزيتون وتدردري عليه كمية مليحة من الفرينة
تحطي الخبزات في السنيوات وتخليهم يخمروا داخل الكوشة وهي دافية لازم يطلعو مليح باش تجيك كي الرغوة من الفوق ومن التحت تجي شوية مقرمشة
في الطياب سخني الفورتاعك مليييييييح من قبل ومبعد تولي دخليها فيه ل5 دايق برك
كاين البيستاش ماشي مالح ينباع عند المحلات الكبيرة اللي تبيع دوزان القاطو

فاطمةع

2013-12-09, 14:18

مساء الخير ام الاء عونيني كشما وصفة قاطو مليحة وشابة راجلي قالي اخدميلي القاطو لصحابو ونحوس على نوعية قاطو سامبل وبنينة يعني كشما قاطو عندك
يعني كشما نوعية قاطو جديدة وبنينة وموالفة دريها وتنجحلك

ام الاء وسدن

2013-12-09, 14:28

مساء الخير ام الاء عونيني كشما وصفة قاطو مليحة وشابة راجلي قالي اخدميلي القاطو لصحابو ونحوس على نوعية قاطو سامبل وبنينة يعني كشما قاطو عندك
يعني كشما نوعية قاطو جديدة وبنينة وموالفة دريها وتنجحلك

مساء الانوار ديري الاطو اللي سقسيتيني عليه تاع الطبقات راهو ناجح ويقطع

أم سيرين3

2013-12-09, 14:47

السلام عليكم
أختي ربي يجازيك كل خير ويحفظلك أبنائك ويجعلهم من الذرية الصالحة الطيبة
إذا ممكن تعطيني طريقتك في طهي المورانغ لخاطر رانني جربت شحال من وصفة بصح تبقالي نية من داخل وتتعلك.

rosalina2

2013-12-09, 14:48

مساء الخير اختي حبيت نسقسيك واش هو السيرو الي يسقو بيه الباتيسري نتاع برا جي مشمخة بزاف وبنينة بصح كي نخدمها في الدار جي شوي ناشفة ولا شمختها بزاف تفسدلي

ام الاء وسدن

2013-12-10, 09:32

السلام عليكم
أختي ربي يجازيك كل خير ويحفظلك أبنائك ويجعلهم من الذرية الصالحة الطيبة
إذا ممكن تعطيني طريقتك في طهي المورانغ لخاطر رانني جربت شحال من وصفة بصح تبقالي نية من داخل وتتعلك.

شكرا على الدعاء وربي يتقبل منك
السر في طهو الميرانغ انك تسخني الفور مسبقا على 100درجة لمدة طويلة ومبعد تحطي الميرانغ داخلو ل10 دقايق
او حتى تشوفيه طاب ومبعد طفي الفور وخليه داخلو ل ساعات حتى يبرد تماما هكدا ينشف من الداخل

kozate

2013-12-10, 10:20

صباح الخير
اختي من فظلك طريقتك في عمل الفوندون

kika85

2013-12-10, 11:57

الله ينور عليك
العفو انا اللي عرضت عليكم المساعدة لازم نكون قد كلمتي والا كيفاش
عجينة الشو
كاس ماء وقرصة ملح
ربع الكاس زبدة حوالي 50غ
كاس فرينة
3بيضات
نحط الماء والزبدة فوق النار كي يذوب نحط عليها الفرينةونخلط فوق النار حت تنتزع من الكاسرونة
نحيها من النار وخليها تهفت شوية ومبعد ابداي ضيفي البيض الواحدة تلو الاخرى مع الخلط الجيد
حطيها في جيب حلواني وابداي التشكيل
السيرو اللي نشربو بيه الكيكات
كاس سكر مع كاس ماء فوق النار غير يبدا يغلي ويختفي السكر طفي عليه ما تخليهش يعقد

واش نقولك وواش نخلي انشا الله ربي يعطيك ما تتمناي و يفرج عليك كل هم ويبعد عليك ولاد الحرام....شكرا جزيلا ليك نجربها انشا الله ونردلك الخبر

رانيا لوك

2013-12-10, 13:31

تعيشي انا عندي صينية
1 32
2 28
واخرى 36
وشحال من بيض يرفدو كي نحب ندير تارت

ام الاء وسدن

2013-12-10, 16:18

تعيشي انا عندي صينية
1 32
2 28
واخرى 36
وشحال من بيض يرفدو كي نحب ندير تارت

من الافظل وكان تحطي صورة باش نشوفها

ام الاء وسدن

2013-12-10, 16:21

مساء الخير اختي حبيت نسقسيك واش هو السيرو الي يسقو بيه الباتيسري نتاع برا جي مشمخة بزاف وبنينة بصح كي نخدمها في الدار جي شوي ناشفة ولا شمختها بزاف تفسدلي

كاس سكر مع كاس ماء غير يغلي شوية طفي عليه

ام الاء وسدن

2013-12-10, 16:24

صباح الخير
اختي من فظلك طريقتك في عمل الفوندون

حددي واش من فوندو بالشوكولا او الابيض تاع الميل فاي

kozate

2013-12-10, 16:48

ابيض تاع الميلفاي

ام الاء وسدن

2013-12-11, 07:54

ابيض تاع الميلفاي

فوندو االميلفاي
كمية من السكر gلاسي بليها بمغرف حليب
مغرف زيت وخلطي ثم زيدي مغرف عصير القارص
ومبعد ذوبي كمية من لاجولاي وزيديها عليه باش يمدلو اللمعان
ادا جاك عاقد زيديلو الحليب وادا جاك خفيف زيدي له السكر gلاسي

الصمت حكمة

2013-12-11, 09:10

الله يبارك عليك، ماشاء الله، الله يدير لك واش في قلبك وزيدك خيري الدنيا و الآخرة و في ميزان الحسنات و ربي يحسبها لك صدقة جارية غن شاء الله، ما عنديش سؤال بالصح حبيت نشكرك خاطر ما تعرفيش قد واش نحب نكون هاك بالصح الله غالب
راني مع اللي يرفدوا البلاكة :mh92: ونقول الشعب ....يريد..التثبيت...:1:

فايزة1207

2013-12-11, 09:25

موضوع قيم ربي يجعلو في ميزان حسناتك اذا عندي سؤال راني نجيك نجري ههههه

رانيا لوك

2013-12-11, 11:27

من الافظل وكان تحطي صورة باش نشوفها
انا منعرفش نحط الصور

kozate

2013-12-11, 11:38

بارك الله فيك و جزاك الله الف خير

rajaa mstafa

2013-12-11, 11:43

شكرا لك أختي على مجهودك وكرمك أنا بغيت نسقسيك على العجينة المورقة شت هنا في المنتدى يخدموها بصح لقيت فيها المراحل بزاف بصح عجبتني باش ندير بيها الميلفاي فالدار وباغية نشريها واجدة
ادا تنباع وتعرفي سماها لأني قلت لمول الحانوت العجينة المورقة ومعرفهاش
الله ييخليك خبريني ولا ما تنباعش تانيك خبريني باش نقطع لياس ونسيي نخدمها فالدار ومشكوووووورة أختي عل مجهوداتك......

ام الاء وسدن

2013-12-11, 17:19

الله يبارك عليك، ماشاء الله، الله يدير لك واش في قلبك وزيدك خيري الدنيا و الآخرة و في ميزان الحسنات و ربي يحسبها لك صدقة جارية غن شاء الله، ما عنديش سؤال بالصح حبيت نشكرك خاطر ما تعرفيش قد واش نحب نكون هاك بالصح الله غالب
راني مع اللي يرفدوا البلاكة :mh92: ونقول الشعب ....يريد..التثبيت...:1:

يباركلي نشا الله في دعواتك ويحفظك لاهلك واحبائك دعوة كيما هادي تسوى الدنيا وما فيها انا قاعدة في داري وندي في الدعوات ربي يقدرني ونفيدكم
راني نستنى في تطبيقك تاع البسكوي رولي

ام الاء وسدن

2013-12-11, 17:21

موضوع قيم ربي يجعلو في ميزان حسناتك اذا عندي سؤال راني نجيك نجري ههههه

امين يارب العالمين برك ما تسالينيش في الرياضيات والفيزيا

cuisineshowdalatifa

2013-12-11, 17:24

مساء الخير دخلت اليوم لصفحتك , وشفتك غايبة إن شاء الله غير الخير

ام الاء وسدن

2013-12-11, 17:25

انا منعرفش نحط الصور

روحي ادخلي في الملف الشخصي تاع ام رامي ومبعد ادخلي في الاحصاءات ومبعد اكليكي على مواضيع ام رامي تماك حوسي على موضوع كيفية وضع الصور راهي شارحاتو بالتفصيل الممل

ام الاء وسدن

2013-12-11, 17:29

شكرا لك أختي على مجهودك وكرمك أنا بغيت نسقسيك على العجينة المورقة شت هنا في المنتدى يخدموها بصح لقيت فيها المراحل بزاف بصح عجبتني باش ندير بيها الميلفاي فالدار وباغية نشريها واجدة
ادا تنباع وتعرفي سماها لأني قلت لمول الحانوت العجينة المورقة ومعرفهاش
الله ييخليك خبريني ولا ما تنباعش تانيك خبريني باش نقطع لياس ونسيي نخدمها فالدار ومشكوووووورة أختي عل مجهوداتك......

العفو .....
كاينة تنباع عند السيبيرات والا عند اللي يبيع الباتيسري قوليلو la pate feuillte
والا عجينة الميلفاي
وادا عندك الوقت حاولي جربي كمية صغيرة راهم الاخوات شارحينها بالتفصيل
وما تخلعكش بمجرد ما تتعودي عليها جيك ساهلة وما تحبيش تشريها

ام الاء وسدن

2013-12-11, 17:31

مساء الخير دخلت اليوم لصفحتك , وشفتك غايبة إن شاء الله غير الخير

مساء الانوار راني هنا بصح راني عيانة وكرهانة الما ماراهوش يجي كل يوم
وزيد راني نخدم في الكروشي

ام الاء وسدن

2013-12-11, 17:41

وصفة قلب اللوز الحقيقية
اولا حضري المقادير التالية
3عبارات سميد خشين خاص بقلب اللوز
2عبارات سكر احرش
عبار نصفه ماء ونصف ماء زهر
قرصة ملح وفاني
هادوخلطيهم في الليل وغطيهم بصاشي للصباح
مقادير الشاربات
4ماء
1 عبار سكر
عود قرفة
وعصرة قارص هادي مهمة بزاف
طيبيهم حتى يروح نص عبار ما
ومبعد زيدي عليه نص عبار ماء زهر وخليه يبرد
من الافضل طيبيه في الليل كي تخلطي العجينة
نجو للطياب هو تاني مهم
ادهني المول تاعك بالسمن او الزبدة وفرغي الخليط وما تهابيهش
سويه مليح بالمغرف من الفوق وادهنيه بشوية سمن او زبدة
تكوني سخنتي الفور على اعلى درجة وودخليه حتى تبداي تشمي ريحة الكرمال
ومبعد اشعلى الالفور من الفوق وخليه حتى يحمار هادا من بين اسرارو وكي تخرجيه وهو سخون شربيه بالشاربات
الباردة وغطيه بسنيوة اخرى وماتقطعيهش حتى لغدوة هادي مهمة
جربوه راهو يصلح من اول مرة
ادا تبعتو كامل الخطوات
http://im34.gulfup.com/wz5Dq.jpg (http://www.gulfup.com/?S4ayU2)
يجي كيما هادا

رانيا لوك

2013-12-11, 18:03

يارب يفرحك ويفرج همومك كيما راكي تفرحي فينا مشكورة
نريد تثبيت للموضوع من فضلكم

Tayr E'chamal

2013-12-11, 21:12

السلام عليكم أختي ، بارك الله فيك و يحفظك لزوجك و لولادك، فقط حبيت نشكرك على عرضك و جهدك ،ان شاء الله نبقاو على اتصال من خلال منتدانا الرائع ، سلام

ام الاء وسدن

2013-12-12, 17:34

السلام عليكم أختي ، بارك الله فيك و يحفظك لزوجك و لولادك، فقط حبيت نشكرك على عرضك و جهدك ،ان شاء الله نبقاو على اتصال من خلال منتدانا الرائع ، سلام

وعليكم السلام وربي يحفظك على الدعوة الشابة نشا الله ربي يقدرني على خدمتكم

rajaa mstafa

2013-12-12, 17:47

العفو .....
كاينة تنباع عند السيبيرات والا عند اللي يبيع الباتيسري قوليلو la pate feuillte
والا عجينة الميلفاي
وادا عندك الوقت حاولي جربي كمية صغيرة راهم الاخوات شارحينها بالتفصيل
وما تخلعكش بمجرد ما تتعودي عليها جيك ساهلة وما تحبيش تشريها

مشكووووورة اختي وان شاء الله يجازيك ربي كل خير

meriem beldjoudi

2013-12-12, 20:31

pardent ختي والله غير صبحة كاملة وانا دايرة الماراطون مع الشغل درك رانا لتهيتلك
المشكلة
العجينة
4كيلات فرينة
1كيلة ليدام ذايبة وباردة
1م كسكر كريستاليزي حليها في الماء والمزهر
صفار بيضة
ملون ابيض
قرصة ملح
الحشو
1كيلة لوز وجوز وبيستاش
ربع كيلة سكر كريستاليزي
تبلل بعضمة مع م ك ماء زهر تخلطي وتضيفيها بالتدريج اذا خصك عاودي خلطي بيضة مع مغرف ماء زهر
تكون يابسة شوية باش تقدري تعملي بيها
وباش تسهلي العمل عليك وجديهم في زوج وخليهم يرتاحو
merci walah kharjatli la3jina hayla merci bcp basah kayna haja l hachaw majach matlasek yatfartet rabi ya3tik matatmanay

ام الاء وسدن

2013-12-12, 20:51

يارب يفرحك ويفرج همومك كيما راكي تفرحي فينا مشكورة
نريد تثبيت للموضوع من فضلكم

شكرااااااااااااااااااااااااااااااااااااا

ام الاء وسدن

2013-12-12, 20:56

merci walah kharjatli la3jina hayla merci bcp basah kayna haja l hachaw majach matlasek yatfartet rabi ya3tik matatmanay

كنت رايحة نضرب طلة ونروح نرقد بصح كي قريت la repanse تاعك قلت والله نرد عليها وما نخليهاش للصباح
ياك قتلك ادا جاك يابس بزاف زيدي له البيض جابلي ربي نت خليتيه بطى وشرب كامل البيض
احنا كي نديرو كميات كبيرة للاعراس دايما في الاخير نزيدو البيض للحشو لخاطر ينشف
والا بلاك خشنتي المكسرات

مليكة01

2013-12-14, 14:04

السلام عليكم

كيف حالك أختي
إن شاء الله تكوني بخير .

بارك الله فيك وربي يبارك في رزقك ...ما حبيتش الصفحة تروح للأرشيف

أنا متابعة لوصفاتك وكيما قلت للأخت أم أيوب من الخدمة مانلقاش الوقت للتجريب
غير كوبي كولي عمرت كراس بالوصفات ..... في العطلة نجرب البعض

ربي يخليكم ويعطيكم الصحة والعافية وما تحرموناش من نصائحكم و و صفاتكم

كل إحترامي لك

رانيا لوك

2013-12-14, 19:04

انا كل ما ندير تارت او مسكوتة تجيني هابطة مع العلم ما نحلش خلاص كي نعود نطيب
اليوم درت مسكوتة طابت منبرة من داخل قعدت نية ما عرفتش علاه واش نديرلها

رانيا لوك

2013-12-14, 19:06

هذا واش نديرو بيه انا عندي كيفو بصح مكتوبة كرام ديسارhttp://im35.gulfup.com/8njuZ.jpg

kozate

2013-12-14, 19:12

انا عندي كريم طازجة واش ممكن نخدم بها و جزاك الله الف خير

ام الاء وسدن

2013-12-14, 20:07

انا كل ما ندير تارت او مسكوتة تجيني هابطة مع العلم ما نحلش خلاص كي نعود نطيب
اليوم درت مسكوتة طابت منبرة من داخل قعدت نية ما عرفتش علاه واش نديرلها

بالاك ما كترتيش الفرينة وتاني الفور تاعك باين بلي سخون بزاف لازم يكون متوسط الحرارة
التارت والموسكوتشو يطيبو على 180دزجة وتكوني سخنتيه من قبل 10دقايق على الاقل
شوفي كي تبداي توجدس باش ديري القاطو اشعليه ونقصيلو وخليه هاكا يسخن مع الوقت قدقد

ام الاء وسدن

2013-12-14, 20:12

السلام عليكم

كيف حالك أختي
إن شاء الله تكوني بخير .

بارك الله فيك وربي يبارك في رزقك ...ما حبيتش الصفحة تروح للأرشيف

أنا متابعة لوصفاتك وكيما قلت للأخت أم أيوب من الخدمة مانلقاش الوقت للتجريب
غير كوبي كولي عمرت كراس بالوصفات ..... في العطلة نجرب البعض

ربي يخليكم ويعطيكم الصحة والعافية وما تحرموناش من نصائحكم و و صفاتكم

كل إحترامي لك

نقول الحمد لله اليوم خديت مرضة صحيحة ما قدرتش ندخل وزيد المنتدى راني ندخلو بالعجب وانت يا الحنونة
ربي يكتر من امثالك وما تحرمينيش من الدعاء
ما عليش المهم استحفظي بالوصفات راهو يجي نهارهم وتصيبيهم

ام الاء وسدن

2013-12-14, 20:21

هذا واش نديرو بيه انا عندي كيفو بصح مكتوبة كرام ديسارhttp://im35.gulfup.com/8njuz.jpg

هادي كرام باتسيير انا جربتها مرة ما عجبتنيش الي نخدمها في الدا رخير 1000000000000مرة منها
واختي شراتها في رمضان قاتلي علة

ام الاء وسدن

2013-12-14, 20:25

انا عندي كريم طازجة واش ممكن نخدم بها و جزاك الله الف خير

ممكن تخدمي بيها la ganache وتزيني بيه التارت او la buche راهو وقتها
كاين وشحال من روسات بيها
او ببساطة زيديها للبيون الي تخدميه او ديري بيها gratin في مكان البيشامال جي بنيييييييينة

مليكة01

2013-12-14, 20:44

وش ريحتي أختي شوي إن شاء الله حاجة خفيفة

الصحة ما هي مخليتها في قلب حتى واحد اللي تتكلمي معاه يشتكي منها ولكن دائما الإنسان يحمد ربي على كل حال
ربي يشافيك ويحفظك لآلاء وسدن

malek1608

2013-12-14, 23:29

شكرا والله معلومات رائعة جعلها الله في ميزان حسناتك
أختي بغيت نسقسيك لشونتي و إدا نقدر نطلعها غير بيدي ما عنديش باتور
و قوليلي ماركة شابة تاع باتور و تاع بيتران وشكرا حبيبتي

nor bella

2013-12-15, 12:08

السلام عليكم اختي حبيت نشكرك بزاف انت و الاخوات راكم علمتونا و خليتونا نحبو نطبخو غير الجديد
انا حبيت نسقسيك على قاطو المشكلة طريق تشكيله نحطو العجينة باي سمك و تكون من الاول العجينة و لافرس و مبعد العجينة و نقطعو و لا كل حاجة تقطع و حدها و مبعد نلصقوهم
و سؤال 2 البقلاوة تجي بلابات فيلو و لا بالعجينة الي مديتيها لاخت احسن............
شكرااااااااااااااااااااااااااااااااا

ام الاء وسدن

2013-12-15, 16:48

وش ريحتي أختي شوي إن شاء الله حاجة خفيفة

الصحة ما هي مخليتها في قلب حتى واحد اللي تتكلمي معاه يشتكي منها ولكن دائما الإنسان يحمد ربي على كل حال
ربي يشافيك ويحفظك لآلاء وسدن

راني مليحة ربي يعافيك
ضربني برد وانا عندي حساسية على داك يجيني واعر وصاااااااامط
ونشا الله ربي يحفظلك احبائك

ام الاء وسدن

2013-12-15, 16:54

شكرا والله معلومات رائعة جعلها الله في ميزان حسناتك
أختي بغيت نسقسيك لشونتي و إدا نقدر نطلعها غير بيدي ما عنديش باتور
و قوليلي ماركة شابة تاع باتور و تاع بيتران وشكرا حبيبتي

العفو
تقدري تطلعيها بيدك بصح كتفك يتنحى من بلاستو
لخاطر لازم تضربيها بزاف
الباتور كاين احسنها seb ماركة فرنسية انا راهو عندي جامي قال اي راسي
وكاين kenwood الي نعرفهم عندهم منو وصلحلهم
البيتران تاني كانوود تاني هايل وكاين artisan بصح كانوود هو اللي صدق

ام الاء وسدن

2013-12-15, 17:01

السلام عليكم اختي حبيت نشكرك بزاف انت و الاخوات راكم علمتونا و خليتونا نحبو نطبخو غير الجديد
انا حبيت نسقسيك على قاطو المشكلة طريق تشكيله نحطو العجينة باي سمك و تكون من الاول العجينة و لافرس و مبعد العجينة و نقطعو و لا كل حاجة تقطع و حدها و مبعد نلصقوهم
و سؤال 2 البقلاوة تجي بلابات فيلو و لا بالعجينة الي مديتيها لاخت احسن............
شكرااااااااااااااااااااااااااااااااا

وعليكم السلام ورحمة الله وبركاته شفتي التكنولوجيا مليحة كي نحسنو استغلالها
المشكلة جي متحوفة كي تقطعي كل حاجة وحدها ومبعد نلصقوهم ببياض البيض
وتحليها في 7 ادا كانت ماشينتك رقيقة بزاف
انا جابلي ربي لكل مقام مقال علاش مانديروش بقلاوتنا بعجينتنا بلا مانكدب عليك اختي انا عمري مادرت البقلاوة بلابات فيلو انا ندير بيها الشامية
والعجينة لمديتهالكم جي مبسة وتتقرمش جي هايلة

malek1608

2013-12-16, 15:32

مساء الخير إن شاء الله تكوني بخير راكي طولتي الغيبة
بغيت نسقسيك قلب اللوز ماحطيتيش فيه الزيت مايجيش يابس
من فضلك حطينا طريقة عمل la buche

kozate

2013-12-16, 19:48

ربي اجبلك الشفاء

ام الاء وسدن

2013-12-17, 14:05

مساء الخير إن شاء الله تكوني بخير راكي طولتي الغيبة
بغيت نسقسيك قلب اللوز ماحطيتيش فيه الزيت مايجيش يابس
من فضلك حطينا طريقة عمل la buche

مساء الانوار هادا وين رفدت راسي قلت نخدم للاولاد شوية بريوش
خديت مرضة هي
وقلب اللوز مافيه لازيت لا زبدة
برك كي جي دخليه للفور ادهنيه بشوية زبدو رالا سمن ونت تميزي تاع برة وكان جاو يحطولو الزبدو وشحال يحسبوه للحبة
la buche اصبروا شوية لازملها حوايج بزاف وخدمة ادا حبيتو نحطلكم المواد اللي لازم تشروها وهاكا كي يجي نهارها جيكم ساهلة على طريقة ورشة الكروشي

ام الاء وسدن

2013-12-17, 14:06

ربي اجبلك الشفاء

انشا الله يالحبيبة ما يقيسك مرض

aboayoub

2013-12-17, 15:41

http://n4hr.com/up/uploads/2af91dce56.jpg (http://n4hr.com/up/)

http://n4hr.com/up/uploads/ea54e05ff2.jpg (http://n4hr.com/up/)

souma.sousou

2013-12-17, 15:53

السلام عليكم......اختنا الجبيبة ام الاء وسدن طهور ان شاء الله
http://www3.0zz0.com/2013/12/17/14/645769475.jpg (http://www.0zz0.com)

http://www3.0zz0.com/2013/12/17/14/759942934.jpg (http://www.0zz0.com)

قطيطوشة

2013-12-17, 16:38

سؤالي عن المورانق
دائما نطيبها على قسمين
الاولى تنجح
والكمية الثانية تهبط
مالحل؟

malek1608

2013-12-17, 21:25

مساء الخير والله حيرتينا عليك إن شاء تكون أمورك كلها تمام

ام الاء وسدن

2013-12-17, 22:28

http://n4hr.com/up/uploads/2af91dce56.jpg (http://n4hr.com/up/)

http://n4hr.com/up/uploads/ea54e05ff2.jpg (http://n4hr.com/up/)

ربي يخليك لينا وما يمسك ضر

ام الاء وسدن

2013-12-17, 22:36

السلام عليكم......اختنا الجبيبة ام الاء وسدن طهور ان شاء الله
http://www3.0zz0.com/2013/12/17/14/645769475.jpg (http://www.0zz0.com)

http://www3.0zz0.com/2013/12/17/14/759942934.jpg (http://www.0zz0.com)

وعليك السلام سومة نورتي صفحتي
عفاكي الله

ام الاء وسدن

2013-12-17, 22:38

سؤالي عن المورانق
دائما نطيبها على قسمين
الاولى تنجح
والكمية الثانية تهبط
مالحل؟

اختي المورانgراهو غير هوا وكي طيبيه يبطى في الفور اليا ......السنيوة 2 تهبط
لازم طيبي كامل واش خدمتي مرة واحدة او كبري حجم الحبات باش جيك سنيوة وحدة

ام الاء وسدن

2013-12-17, 22:40

مساء الخير والله حيرتينا عليك إن شاء تكون أمورك كلها تمام

مساء الانوار يكتر خيرك راني مليحة دركة بريت ونضت على رجليا
والحمد لله على كل حال

قطيطوشة

2013-12-18, 08:52

اختي المورانgراهو غير هوا وكي طيبيه يبطى في الفور اليا ......السنيوة 2 تهبط
لازم طيبي كامل واش خدمتي مرة واحدة او كبري حجم الحبات باش جيك سنيوة وحدة

شكرا اختي على الرد

رانيا لوك

2013-12-18, 08:56

الحمد الله علا سلامتك ما تشوفين شر

ام الاء وسدن

2013-12-18, 09:55

شكرا اختي على الرد

العفو وانا في الخدمة ونشا الله استفدتي

ام الاء وسدن

2013-12-18, 09:56

الحمد الله علا سلامتك ما تشوفين شر

الله يسلمك ويحفظك ويعافيك من كل سقم

aboayoub

2013-12-18, 10:23

صباح النور حبيبتي كيفاه صبحتي نورتي برجوعك

ام الاء وسدن

2013-12-18, 13:11

صباح النور حبيبتي كيفاه صبحتي نورتي برجوعك

صباحو عسل .....يااختي الحبيبة والله غير نحمد ربي ونشكرو
..........بلاماننسى اليوم راهم جايين يخطبو في بنت اختي من المدية
ادعيلها نشا الله ربي يثبتلها

aboayoub

2013-12-18, 13:17

صباحو عسل .....يااختي الحبيبة والله غير نحمد ربي ونشكرو
..........بلاماننسى اليوم راهم جايين يخطبو في بنت اختي من المدية
ادعيلها نشا الله ربي يثبتلها

ان شاء الله الي فيه الخير الله يقربو والي فيه الشر الله يبعدو ....ربي يسهللها ويفرحها يا رب

ام الاء وسدن

2013-12-18, 13:36

ان شاء الله الي فيه الخير الله يقربو والي فيه الشر الله يبعدو ....ربي يسهللها ويفرحها يا رب

اميييييييييييييييييينيارب
ويفرح لجميع بنات المسلمين

souma.sousou

2013-12-18, 23:00

سلام اختي ام الاء وسدن .......واش راكي واش راهم وليداتك.............عندي ليك مفاجأة.انشاء الله تعجبك وتعطيني رايك
http://www6.0zz0.com/2013/12/18/21/809026385.jpg (http://www.0zz0.com)

http://www6.0zz0.com/2013/12/18/21/930902698.jpg (http://www.0zz0.com)
http://www6.0zz0.com/2013/12/18/21/930902698.jpg (http://www.0zz0.com).....هادو بعض من وصفاتك......يعطيك الصحة والله يبارك فيك وفي وليداتك.....هاد الكيكة هي وصفة لي بوف مديتيها لاخت..........قلتي تقطعيها وديريلها الكريمة وتغمسيها فالشكولا وترمديها فالنوادوكوكو........انا مكانش عندي الشكولا والنوادكوكو والكريما بزاف درتها على شكل كيكة وذوقها جا مثل البان ديبيس.خبز التوابل...عجبتني .مشكورة

ام الاء وسدن

2013-12-19, 08:26

سلام اختي ام الاء وسدن .......واش راكي واش راهم وليداتك.............عندي ليك مفاجأة.انشاء الله تعجبك وتعطيني رايك
http://www6.0zz0.com/2013/12/18/21/809026385.jpg (http://www.0zz0.com)

http://www6.0zz0.com/2013/12/18/21/930902698.jpg (http://www.0zz0.com)
http://www6.0zz0.com/2013/12/18/21/930902698.jpg (http://www.0zz0.com).....هادو بعض من وصفاتك......يعطيك الصحة والله يبارك فيك وفي وليداتك.....هاد الكيكة هي وصفة لي بوف مديتيها لاخت..........قلتي تقطعيها وديريلها الكريمة وتغمسيها فالشكولا وترمديها فالنوادوكوكو........انا مكانش عندي الشكولا والنوادكوكو والكريما بزاف درتها على شكل كيكة وذوقها جا مثل البان ديبيس.خبز التوابل...عجبتني .مشكورة

وعليك السلام راني الحمد لله انا والاولاد
والله مفاجاتك فرحتني بزاف بزااااااااااااااااااااف بارك الله فيك :19::19::19::19::19:
والكيكة غير شفتها شكيت جاتك تهبل فكرة هايلة على بالي بلي مراة ونص يطيك 1000000000000عافية
وهادوك البراسليات ما تقوليليش تاع الجلجلان والنوات كوكو المحمص
والله طلعتيلي المورال
واش من وصفة راكي رايحة تعتمديها في المستقبل

besbes

2013-12-19, 10:03

الله يباركلك في صحتك و اولادك وكل عضوات المنتدى جعله الله في ميزان حسناتكم

souma.sousou

2013-12-19, 10:42

وعليك السلام راني الحمد لله انا والاولاد
والله مفاجاتك فرحتني بزاف بزااااااااااااااااااااف بارك الله فيك :19::19::19::19::19:
والكيكة غير شفتها شكيت جاتك تهبل فكرة هايلة على بالي بلي مراة ونص يطيك 1000000000000عافية
وهادوك البراسليات ما تقوليليش تاع الجلجلان والنوات كوكو المحمص
والله طلعتيلي المورال
واش من وصفة راكي رايحة تعتمديها في المستقبل

الله يبارك فيك........البراسليات هوما بالذات نتاع النوادكوكو.....وعجبوني واكيد راح نعتمد الوصفة لانها ساهلة وتقدري تغيري فيها.مثلا نديرو كاوكاو في مكان الجلجلان....ونقطعوهم مقروطات صغار ونغمسوهم فالشكولا ونزينوهم بشكولا بيضاء او نوادكوكو او حبات جلجلان من فوق..........كيما نقدرو نخلو نفس المفادير ونغمسوهم في ماء الزهر ورمدوهم فالسكر رطب وتولي عندنا بوسو ولا تمسو...........................+نقدرو نزيدو حلوة الترك ونغمسوهم فالشكولا تجي هايلة.....راني جربت لاجنواز نتاعك وخرجتلي هايلة .مصورتهاش للاسف

ام الاء وسدن

2013-12-19, 11:20

الله يباركلك في صحتك و اولادك وكل عضوات المنتدى جعله الله في ميزان حسناتكم

يبارك فيك بصح هادي ليا والا لسومة

ام الاء وسدن

2013-12-19, 11:22

الله يبارك فيك........البراسليات هوما بالذات نتاع النوادكوكو.....وعجبوني واكيد راح نعتمد الوصفة لانها ساهلة وتقدري تغيري فيها.مثلا نديرو كاوكاو في مكان الجلجلان....ونقطعوهم مقروطات صغار ونغمسوهم فالشكولا ونزينوهم بشكولا بيضاء او نوادكوكو او حبات جلجلان من فوق..........كيما نقدرو نخلو نفس المفادير ونغمسوهم في ماء الزهر ورمدوهم فالسكر رطب وتولي عندنا بوسو ولا تمسو...........................+نقدرو نزيدو حلوة الترك ونغمسوهم فالشكولا تجي هايلة.....راني جربت لاجنواز نتاعك وخرجتلي هايلة .مصورتهاش للاسف

البراسليات وكان حمصتيلهم النوات كوكو يجوك ذوق مخااااااااااااالف
ما تفهمي والو يجو مقرمشين وطرايا وبنة الجلجلان المحمص ما نقلكش
تاكلوهم بالصحة يالفحلة

souma.sousou

2013-12-19, 12:02

البراسليات وكان حمصتيلهم النوات كوكو يجوك ذوق مخااااااااااااالف
ما تفهمي والو يجو مقرمشين وطرايا وبنة الجلجلان المحمص ما نقلكش
تاكلوهم بالصحة يالفحلة

صراحة نسيت محمصتهش بصح جاو بنان ......المرا الجايا نحمصه..................ربي يحقق امنياتك

ام الاء وسدن

2013-12-19, 16:11

صراحة نسيت محمصتهش بصح جاو بنان ......المرا الجايا نحمصه..................ربي يحقق امنياتك

ربي يقدرك
قوليلي سومة البيري الي في قسم الكروشي خدمتي واحد والال لالا
رديلي لخاطر حبيت نخدم لبناتي 2
وما حبوش يخرجولي التصاور

souma.sousou

2013-12-19, 16:26

ربي يقدرك
قوليلي سومة البيري الي في قسم الكروشي خدمتي واحد والال لالا
رديلي لخاطر حبيت نخدم لبناتي 2
وما حبوش يخرجولي التصاور

ايه خدمت واحد.........وهاهي بنتي تسنيم لابساته.......راني حابة نزيد نخدم واحد اخر.......لاني الاول مديته لوحدة معندهاش....الوقت دارها بينا النهار يدير هاك يفوت ..http://www11.0zz0.com/2013/12/19/15/891399250.jpg (http://www.0zz0.com)

http://www11.0zz0.com/2013/12/19/15/724663453.jpg (http://www.0zz0.com)

ام الاء وسدن

2013-12-19, 17:00

ايه خدمت واحد.........وهاهي بنتي تسنيم لابساته.......راني حابة نزيد نخدم واحد اخر.......لاني الاول مديته لوحدة معندهاش....الوقت دارها بينا النهار يدير هاك يفوت ..http://www11.0zz0.com/2013/12/19/15/891399250.jpg (http://www.0zz0.com)

http://www11.0zz0.com/2013/12/19/15/724663453.jpg (http://www.0zz0.com)

يا عمري على الزين ...ماعلاباليش بلي عندك عروسة شابة
خليهالي ..لوحد العازب عندي
شابة وتزيد تخرج فحلة كي ماماها .......عروسة ....لقطة
راني حبة نخدم للبنات بصح القيس تاعهم مختلف تماما
واحدة 7 سنوات والثانية 5 اشهر زعمة يصلح للصغيرة

souma.sousou

2013-12-19, 17:41

يا عمري على الزين ...ماعلاباليش بلي عندك عروسة شابة
خليهالي ..لوحد العازب عندي
شابة وتزيد تخرج فحلة كي ماماها .......عروسة ....لقطة
راني حبة نخدم للبنات بصح القيس تاعهم مختلف تماما
واحدة 7 سنوات والثانية 5 اشهر زعمة يصلح للصغيرة

لعندك الكبير رواحي مرحبا بيك عندي بنت 18 سنة.....لا حبيتي تهنيني منها رواحي ديها.................... متعرفيش المكتوب.ممكن نولو نساب منزيدش نخدم القاطو خلاص .هههههههههههه...5اشهر تبانلي صغيرة ديريلها حاجا طرية كاين انواع بزاف تاع لبيبيات.....

ام الاء وسدن

2013-12-20, 09:21

لعندك الكبير رواحي مرحبا بيك عندي بنت 18 سنة.....لا حبيتي تهنيني منها رواحي ديها.................... متعرفيش المكتوب.ممكن نولو نساب منزيدش نخدم القاطو خلاص .هههههههههههه...5اشهر تبانلي صغيرة ديريلها حاجا طرية كاين انواع بزاف تاع لبيبيات.....

الكبي تاعي عمرو 12سنةتليقلو تسنيم ....غير وجديهالي ...علميها الفحولية تاعك والسان الحلو .....وكيما قلتي ما تدري المكتوب بلاك تولي صح وكان جيتيني قريبة والله غير كل يوم نفرحك بصحن قاطو
وبالنسبة لسدن دبريلي كاش حاجة بالباترون نخدمهالها مدامني كونجي من الحلاوي

رانيا لوك

2013-12-20, 15:26

انا اليوم عملت مورانق درت حبة بيض مع كاس سكر ودخلتها للفرن حوالي 10 د من فوق طابت بصح من داخل لالا وماجاتش شادة روحها ما نعرف وعلاه
راني كل مرة نتعلم حاجة وراني ديما ندعليك علا المساعدات

رانيا لوك

2013-12-20, 15:30

انا اليوم عملت مورانق من برا طابت بصح من داخل لالا وجات ماهيش شادة روحها انا درت بياض بيضة وع كاس سكر انا اول مرة نديرها

ام الاء وسدن

2013-12-20, 16:09

انا اليوم عملت مورانق درت حبة بيض مع كاس سكر ودخلتها للفرن حوالي 10 د من فوق طابت بصح من داخل لالا وماجاتش شادة روحها ما نعرف وعلاه
راني كل مرة نتعلم حاجة وراني ديما ندعليك علا المساعدات

لاشكر على واجب ....وواصلي بالدعوات هاداك واش ينفعني
المورنغ لازم يبطى في الفور ويكون الفور فى ادنى درجة ليه 100
وما شي 10د فقط لازم اكتر على ديك طابت من برة برك ومن الداخل لالا
اتمنى نكون افدتك اختي رانيا

هجيرة1

2013-12-21, 15:18

اهلا اختي ام الاء وسدان الله يباركلك في صحتك و اولادك على مجهودداات لتقدمها و ربي يحسبها لك صدقة جارية ان شاء الله،
ياريت تعطيني نصيحة اادخلى هنا
تفصيل ممل

http://www.djelfa.info/vb/showthread.php?t=1456567

قوليلي كيفاش نحسب إذا كان كل شي من عندي بقددش نحسب حبة قاطو
و ادا كانت سلعة من عند شخص لحاب يخدم عندي مع علم انه الاغلبية هما ليشرو سلعة قاطو ايضا كيفاش نحسب

aboayoub

2013-12-21, 17:34

مساء النور حبيبتي وين راكي وقيلا عولتي تهبلي بالخدمة كيما انا وسومة

رانيا لوك

2013-12-21, 18:30

سلام ام الاء وسدن
البارح درت مورانق درت بياض بيضة زيد كاس سكر احرش كي درتها طيب طابت من فرق والداخل لالا وما جاتش واقفة جات ذابلة

oum khadidja

2013-12-21, 23:04

يعطيك الصحة اختي راكي فرحتينا ااختي العزيزة راني حابة وصفة تاع ال pain d épices تاع المحلات من فضلك ادا امكن

رانيا لوك

2013-12-23, 11:59

البارح درت مورانق درت بياض بيضة زيد كاس سكر احرش كي درتها طيب طابت من فرق والداخل لالا وما جاتش واقفة جات ذابلة

aboayoub

2013-12-23, 14:56

مساء النور ام الاء وسدن واشراكي ان شاء الله تكوني بخير

fayza81

2013-12-23, 16:13

سلام اختي:mh31: merci على هدا الموضوع و راكي حببتيني في خدمة القاطو :19::19::19:و حبا نسالك بات فيلو واش نخدم بيها في القاطو و في الطياب تاني
راني مع اللي يرفدوا البلاكة ونقول الشعب ....يريد..التثبيت...
:mh92::mh92::mh92::mh92::mh92:

رانيا لوك

2013-12-25, 07:48

البارح درت مورانق درت بياض بيضة زيد كاس سكر احرش كي درتها طيب طابت من فرق والداخل لالا وما جاتش واقفة جات ذابلة

ام الاء وسدن

2013-12-25, 11:19

مساء النور حبيبتي وين راكي وقيلا عولتي تهبلي بالخدمة كيما انا وسومة

صباح الانوار
وصلوني اخبار ماش مليحة من دارنا على داك ما قدرت ندير والو
والشغل والتربية راكي تعرفي بلا ما نقولك وشكرا على السؤال

ام الاء وسدن

2013-12-25, 11:22

مساء النور ام الاء وسدن واشراكي ان شاء الله تكوني بخير

صباحك عسل
كيما قتلك وليد خويا في عمرو 17 سنة راهو مريض مرض ما يداواش
وكل يوم راهو يزيد ماشي ينقص
ادعيلو ربي يشافيه ويخفف من الامو

aboayoub

2013-12-25, 11:28

صباحك عسل
كيما قتلك وليد خويا في عمرو 17 سنة راهو مريض مرض ما يداواش
وكل يوم راهو يزيد ماشي ينقص
ادعيلو ربي يشافيه ويخفف من الامو

صباح النور ...ان شاء الله ربي يشفيه ..نقدر نعرف واش عندو

ام الاء وسدن

2013-12-25, 11:34

صباح النور ...ان شاء الله ربي يشفيه ..نقدر نعرف واش عندو

كل واحد واش قالو اخر مرة قالولو الحمى المالطية
بصح احنا ما عندناش الحيوانات في الدار
راهو من نهار العيد الكبير

ام الاء وسدن

2013-12-25, 11:37

البارح درت مورانق درت بياض بيضة زيد كاس سكر احرش كي درتها طيب طابت من فرق والداخل لالا وما جاتش واقفة جات ذابلة

طيبيه في فور دافي برك 100 درجة وخليه داخلو حتى يبرد الفور 4ساعات
هاكا ينشف من الداخل

ام الاء وسدن

2013-12-25, 11:44

سلام اختي:mh31: Merci على هدا الموضوع و راكي حببتيني في خدمة القاطو :19::19::19:و حبا نسالك بات فيلو واش نخدم بيها في القاطو و في الطياب تاني
راني مع اللي يرفدوا البلاكة ونقول الشعب ....يريد..التثبيت...
:mh92::mh92::mh92::mh92::mh92:

وعليكم السلام
اشكرك على الثقة
ولابات فيلو عندك تاع الدار ولا تاع الزنقة

ام الاء وسدن

2013-12-25, 11:58

يعطيك الصحة اختي راكي فرحتينا ااختي العزيزة راني حابة وصفة تاع ال pain d épices تاع المحلات من فضلك ادا امكن

يسلمك اختي اصبري عليا شوية نحطهالك

fayza81

2013-12-25, 14:58

ربي يشافيه ويخفف من الامو انشاءالله
لابات فيلو تاع الدار
واش الفرق بينهم في الطياب

ام الاء وسدن

2013-12-25, 15:02

اهلا اختي ام الاء وسدان الله يباركلك في صحتك و اولادك على مجهودداات لتقدمها و ربي يحسبها لك صدقة جارية ان شاء الله،
ياريت تعطيني نصيحة اادخلى هنا
تفصيل ممل

http://www.djelfa.info/vb/showthread.php?t=1456567

قوليلي كيفاش نحسب إذا كان كل شي من عندي بقددش نحسب حبة قاطو
و ادا كانت سلعة من عند شخص لحاب يخدم عندي مع علم انه الاغلبية هما ليشرو سلعة قاطو ايضا كيفاش نحسب

اولا شكرا على الدعاء ونشا الله ربي يتقبل
ثانيا اسمحيلي اختي على التاخير في الاجابة لانو كانت عندي ظروف وزيد هادا وين شفت السؤال

fayza81

2013-12-25, 15:04

وعليكم السلام
اشكرك على الثقة
ولابات فيلو عندك تاع الدار ولا تاع الزنقة
ربي يشافيه و يخفف من وجعو انشاءالله و ربي يعاون ميمتو و يعطيها الصبر و القوة

نتاع الدار
واش الفرق بينهم في الطياب

oum khadidja

2013-12-25, 15:06

اختي العزيزة ربي يشافي انشاء الله وليد خوك و يرجع كي بكري انشاء الله و المؤمن مصاب ربي معاكم انشاء الله

ام الاء وسدن

2013-12-25, 15:56

ربي يشافيه و يخفف من وجعو انشاءالله و ربي يعاون ميمتو و يعطيها الصبر و القوة

نتاع الدار
واش الفرق بينهم في الطياب[/font][/size][/center]

شكرا عزيزتي ادعولو ادعولو
الفرق انو تاع الزنقة ديريله نت الزبدة بين الورقات بلخف يطيب
وتاع الدار جي معمرة نشا ونت تسقيها يعني تاخد وقتها في الطياب
تقدري دير بيا شاميات
والا اعشاش وفي الوسط دردري البيستاش
وتقدري تحطي شوية عقدة على جيه وديري اعود تاع الشواء وتبداي تلفي ومبعد تكمشيها وتستفيهم
وتسقيهم بالزبدة

ام الاء وسدن

2013-12-25, 15:57

اختي العزيزة ربي يشافي انشاء الله وليد خوك و يرجع كي بكري انشاء الله و المؤمن مصاب ربي معاكم انشاء الله

شكرا اختي ام خديجة ما تحرمونيش من هاد الادعية
بصح وليد خويا راهي حالتو تزيد ما هيش تنقص وراكي تعرفي الطبة تاعنا

fayza81

2013-12-25, 16:10

merciiiiiiiiiiiiiiiiiiiiiiiiiiiiiiiiiiiiiiii ام الاء وسدن

oum khadidja

2013-12-25, 16:21

و الله راني حاسة بيك اختي العزيزة لاني عشت اوقات صعبة مثل هدي لكن ماتضيعوش الوقت و جريو بيه حتى يشفى و الله سبيطارات تاعنا يزيدوا على المريض و الطبة مايقوموش بواجبهم الكامل لكن لي يشد في الله مايخيبوا و ربي يشفيه انشاء الله و تكون هدي غير سحابة عابرة و بعد العسر ياتي اليسر

ام الاء وسدن

2013-12-25, 16:37

و الله راني حاسة بيك اختي العزيزة لاني عشت اوقات صعبة مثل هدي لكن ماتضيعوش الوقت و جريو بيه حتى يشفى و الله سبيطارات تاعنا يزيدوا على المريض و الطبة مايقوموش بواجبهم الكامل لكن لي يشد في الله مايخيبوا و ربي يشفيه انشاء الله و تكون هدي غير سحابة عابرة و بعد العسر ياتي اليسر

من فمك لربي نشا الله هو مسكين صابر صابر صااصاااااصبر ما تتصوريش قد ماه
وفي السبيطارات ما حبوش يشدوه يبات يضبح مسكين وكل يوم يديرلو باباه راديو رتعيار
يا رب شافيه وعافي كامل اولاد المومنين

oum khadidja

2013-12-25, 16:41

انشاء الله نسمع عليه الاخبار الجيدة انشاء الله و ما عندو شر اختي

tatadamizour

2013-12-25, 21:16

اختي ام الاء و سدن اولا ربي يشفي وليد خوك و يبعد عليه المضرة ويعافيه يا رب
ثانيا نحب نشكرك انت و ام ايوب على كل هذا الكرم والله العبد في هاد اليمات مايلقاش ناس توري واش تعرف للاخرين يديرو احتكار المعرفة
و في الاخير عندي ليك طلب صغير بصح حتى نفهمك ههههههههه
انا معا القاطو بعيد بعيد غير الساهل برك في العيد لكبير الي فات عرس سلفي و عجوزتي حارت في القاطو غادتني وقلت نكلوفي و نعاونها مسكينة درت لها الجلجلانية و les cornets قاطو معسل شفتو في. Net والصابلي عادي
بلا ما نزوخ جا تحفة والله حتى انا مصدقتش المهم دار حالة دوك سلفي راه موجد يختن لوليدو كي نهبطو للبلاد وقالهالي بالحرف القاطو دبري راسك انت
والله راني مرعوبة من درك واش تنصحيني اختي العزيزة

ام الاء وسدن

2013-12-26, 09:00

اختي ام الاء و سدن اولا ربي يشفي وليد خوك و يبعد عليه المضرة ويعافيه يا رب
ثانيا نحب نشكرك انت و ام ايوب على كل هذا الكرم والله العبد في هاد اليمات مايلقاش ناس توري واش تعرف للاخرين يديرو احتكار المعرفة
و في الاخير عندي ليك طلب صغير بصح حتى نفهمك ههههههههه
انا معا القاطو بعيد بعيد غير الساهل برك في العيد لكبير الي فات عرس سلفي و عجوزتي حارت في القاطو غادتني وقلت نكلوفي و نعاونها مسكينة درت لها الجلجلانية و les cornets قاطو معسل شفتو في. Net والصابلي عادي
بلا ما نزوخ جا تحفة والله حتى انا مصدقتش المهم دار حالة دوك سلفي راه موجد يختن لوليدو كي نهبطو للبلاد وقالهالي بالحرف القاطو دبري راسك انت
والله راني مرعوبة من درك واش تنصحيني اختي العزيزة

اشكرا اختي وما يصيبكم شر نشا الله
والله انا حبيت نشارك الاخوات معلوماتي وخبرتي في الحلويات في خاطر الناس اللي قلتي .....
يحسبو رواحهم راهم يطلعو في الصوارخ ههههههه
شوفي نصيحتي ليك
ما تكتريش الانواع بزاف باش ما تحصليش
ومن درك ابداي جربي انواع ماتديش الوقت في التشكيل
كل مرة جربي قيس 10حبات وشوفي ادا عندك القدرة
خممي واش كون اللي يعاونوك وتعرفي بلي صح يتقنو الخدمة باش ما يحصلش كامل في راسك
ادا كنت راحا ديري مقروط اسبقي فيه لخاطر كل ما يقعد يولي شباب
كاين قاطوات تقدري تخدمي عجينتهم وتخبيها في الكونجيلاتور
وكاين شي قاطوات اخدميلهم الالورود مثلا يومان من قبل ما عندو ما يصرالهم
اخر حاجة تخدميها هي الكفتة وسهلي على روحك ما ديريلهاش الورد من الفوق اخدمي قبالة بالطوابع المنقوشين
راهم يتراماو في الجزاير
ادا درتي البقلاوة ديريها بعد المقروط بيوم وحطيها تشرب ليدام يوم كامل باش طيبيها وهي من لسهل الحلويات المعسلة
وتخدميها مرة واحدة ماشي بالحبة
نورمالمو هاد واش كاين وادا تفكرت راني نزيد نحطلك
قبل ما ننسى نت تشري السلعة والا دار شيخك

oum khadidja

2013-12-26, 11:42

صباح الخير اختي ام الاء سدن كيف حالك اتمنى ان اتفيدينني بوصفة ال pain d epices حبيبتي و اشكركي مسبقا على سخائكي و كرمكي

ام الاء وسدن

2013-12-26, 17:56

انشاء الله نسمع عليه الاخبار الجيدة انشاء الله و ما عندو شر اختي

من فمك لربي ..........

tatadamizour

2013-12-26, 18:33

اشكرا اختي وما يصيبكم شر نشا الله
والله انا حبيت نشارك الاخوات معلوماتي وخبرتي في الحلويات في خاطر الناس اللي قلتي .....
يحسبو رواحهم راهم يطلعو في الصوارخ ههههههه
شوفي نصيحتي ليك
ما تكتريش الانواع بزاف باش ما تحصليش
ومن درك ابداي جربي انواع ماتديش الوقت في التشكيل
كل مرة جربي قيس 10حبات وشوفي ادا عندك القدرة
خممي واش كون اللي يعاونوك وتعرفي بلي صح يتقنو الخدمة باش ما يحصلش كامل في راسك
ادا كنت راحا ديري مقروط اسبقي فيه لخاطر كل ما يقعد يولي شباب
كاين قاطوات تقدري تخدمي عجينتهم وتخبيها في الكونجيلاتور
وكاين شي قاطوات اخدميلهم الالورود مثلا يومان من قبل ما عندو ما يصرالهم
اخر حاجة تخدميها هي الكفتة وسهلي على روحك ما ديريلهاش الورد من الفوق اخدمي قبالة بالطوابع المنقوشين
راهم يتراما و في الجزاير
ادا درتي البقلاوة ديريها بعد المقروط بيوم وحطيها تشرب ليدام يوم كامل باش طيبيها وهي من لسهل الحلويات المعسلة
وتخدميها مرة واحدة ماشي بالحبة
نورمالمو هاد واش كاين وادا تفكرت راني نزيد نحطلك
قبل ما ننسى نت تشري السلعة والا دار شيخك

اختي ام الاء و سدن نشكرك بزاف على الردالسريع والله راكي ريحتي قلبي ربي يريحك ويعطيك ما تتمناي
انا هاداك واش قلت نجرب و نشوف بصح لجئت لك قلت كيما راكي professionnelle تعرفي مودالات مايخدوش الوقت و خاصة ماتطلبوش حرفة على مستوى الجميع. باش نزيد نصمت عليك اكثر اما مودالات تقترحي عليا
هاجة اخرى لفتت انتباهي قلت كاين des pates نوجدهوم و نحطهوم في الكونجيلاتور تقدري تقوليلي واش من pates و كيفاش نحتفظ بها
السلعة نسيبي ليشري كلش انا نقولو واش نسحق و هو يشري ""اذا عرفت واش رايحا نسحق هههههههه""
نشكرك ثانيا اختي العزيزة على كل شيى

ام الاء وسدن

2013-12-26, 18:56

اختي ام الاء و سدن نشكرك بزاف على الردالسريع والله راكي ريحتي قلبي ربي يريحك ويعطيك ما تتمناي
انا هاداك واش قلت نجرب و نشوف بصح لجئت لك قلت كيما راكي professionnelle تعرفي مودالات مايخدوش الوقت و خاصة ماتطلبوش حرفة على مستوى الجميع. باش نزيد نصمت عليك اكثر اما مودالات تقترحي عليا
هاجة اخرى لفتت انتباهي قلت كاين des pates نوجدهوم و نحطهوم في الكونجيلاتور تقدري تقوليلي واش من pates و كيفاش نحتفظ بها
السلعة نسيبي ليشري كلش انا نقولو واش نسحق و هو يشري ""اذا عرفت واش رايحا نسحق هههههههه""
نشكرك ثانيا اختي العزيزة على كل شيى

اسهل قاطو هو الكفتة بصح لازملك الطوابع تاع السيليكون يسهلو عليك التشكيل خير من اليد ويتخدم مع الاخير باش يبقى محافظ على البنة
العجينة تاع الدزيريات وتاع البقلاوة تاني تقدري تخدميها وتخبيها في اكياس التجميد تقعد كيما راهي
القاطو الي مايطلبش مهارة هو مقروط اللوز ويحمر الوجه
البقلاوة تتخدم مرة وحدة

رانيا لوك

2013-12-26, 18:56

ربي يجازيك كل خير
تعيشي اعطيني وصفة مضمونة للقريوش انا راني نتعلم اعطيني بمقادر شوية وشكراااااا

ام الاء وسدن

2013-12-26, 19:30

ربي يجازيك كل خير
تعيشي اعطيني وصفة مضمونة للقريوش انا راني نتعلم اعطيني بمقادر شوية وشكراااااا

ربي يبارك فيك
هادي وصفة يجي ذوق القريوش يشبه لذوق الزلابية يممممممممممي
رطل فرينة
125غ زبدة ذايبة وباردة
بيضة وحدة
1 م ك سكر
1مك خل احمر
باكي خمارة الحلوى
قرصة خميرة الخبز هادا سرو
قرصة ملح شوية زعفران يبلل بالم ويريح 10د

ام مهدي2010

2013-12-26, 20:21

اختي ام الاء من فضلك ساعديني عندي كمية كبيرة من جوز الهندلكن للاسف ما عنديش وصفات حلويات بجوز الهند كنت حطيت موضوع و طلبت مساعدة من الاخوات لكن وحدة ما جاوبتني نتمنى تجاوبيني نتي و ربي يعطيك ما تتمناي و يحفضلك الاء و سندس

M!sŝ

2013-12-26, 20:54

يعطيكي الصحة
حنونتي انا ماحبتش تصلح لي عجينة البتاشووو
دايما تبقى مفشوشة ماتتطلعش وتبقى نية من داخل وش الحل

ام سراج وملاك

2013-12-26, 21:39

اختي يعطيك الصحة اذا امكن ممكن تمديلي قلاصاج مايببسش يكون طري لطلية العرايش

ام الاء وسدن

2013-12-27, 13:31

اختي ام الاء من فضلك ساعديني عندي كمية كبيرة من جوز الهندلكن للاسف ما عنديش وصفات حلويات بجوز الهند كنت حطيت موضوع و طلبت مساعدة من الاخوات لكن وحدة ما جاوبتني نتمنى تجاوبيني نتي و ربي يعطيك ما تتمناي و يحفضلك الاء و سندس

اختي راني حطيت في احدى الصفحات مشوك نوات كوكو حوسي تصيبيه
وتاني حطيت حلوى بالنوات كوكو المحمص هاهو الرابط
http://www.djelfa.info/vb/showthread.php?t=1476316

ام الاء وسدن

2013-12-27, 13:35

يعطيكي الصحة
حنونتي انا ماحبتش تصلح لي عجينة البتاشووو
دايما تبقى مفشوشة ماتتطلعش وتبقى نية من داخل وش الحل

يسلمك اختي
سخني الفور قبل ب10د على 180
ومبعد باش دخليها تطيب حتى تحمار
وممكن تكون جارية بزاف على داك تهبط
شوفي حطيلي الوصفة تاعك ونقولك اين الخلل

راني حطيت المقادير في احدى الصفحات وهي نفسها المعتمدة في المحلات

ام الاء وسدن

2013-12-27, 13:37

اختي يعطيك الصحة اذا امكن ممكن تمديلي قلاصاج مايببسش يكون طري لطلية العرايش

يسلمك اختي وبارك فيك
كمية من سكر قلاسي ضيفي عليها كمية من الليمون وم ك زيت وم ص ماء زهر وبللي بالحليب
ادا جاك جاري زيدي السكر وادا جاك يابس ضيفي القارص او الحليب
هادا القلاساج مضمون لانو مافيهش البيض

ام سراج وملاك

2013-12-27, 14:10

اهلا اختي راني سيت بسكوي رولي وصلحلي حبيت نزينو بطريقة مليحة كيما نتاع لابيش ممكن توريلي الكريمة لي يديروها كيفاش هي ذو ق شكولاطة

ام الاء وسدن

2013-12-27, 17:44

اهلا اختي راني سيت بسكوي رولي وصلحلي حبيت نزينو بطريقة مليحة كيما نتاع لابيش ممكن توريلي الكريمة لي يديروها كيفاش هي ذو ق شكولاطة

الحمد لله الي صلحلك
la buche تتزين ب2 كريمات الاولى كريمة الزبدة توضع الداخل
la ganache يتفرغ عليها من الفوق ويكون يلمع
كريمة الزبدة راني حطيتها في الصفحات السابقة
la ganache
ا200غ شوكولا سوداء
3 م ك كاكاو اسود
1 م ك زيت
3 م ك لحظة
نصف فنجان ماء
نصف م ك زبدة
باطة كرام فراش
يطيب فوق البخار فقط
نحط الشوكولا كي تدوب نزيد الكاكاو وخلط مليح حتى يتحلل
ثم الزيت
ثم الحليب ويكون ثقيل
ثم الزبدة اختي في هده المرحلة تقدري تستحفظي بيه في المجمد يقعدلك مدة طويلة وادا كنت رايحة تستعمليه ضيفي عليه الكرام فراش هنا يصبح عندك ganache وصبيه فوق القاطو

كريمة الزبدة ضيفيلها م ك من القاناش ok