عرض المساعدة [الأرشيف] - الصفحة 2 - منتديات الجلفة لكل الجزائريين و العرب

ام الاء وسدن

2013-12-28, 09:09

صباح الخير اختي ام الاء سدن كيف حالك اتمنى ان اتفيدينني بوصفة ال pain d epices حبيبتي و اشكركي مسبقا على سخائكي و كرمكي

صباح الانوار حبيبتي
ما نسيتكش بصح الكيفية الناجحة والاصلية راني غير نحوسلك عليها انا الرحلات ما خلاولي والو والله غير نسيت واش
من كراس راهي فيه ووالله غير نصيبها نحطهالك
صبتلك كيفيات بصح مانيش مجربتهم على داك ما حبيتش نحطهملك
اصبري عليا

oum khadidja

2013-12-28, 13:42

شكرا حبيبتي و الله انت طيبة

فاطمةع

2013-12-29, 10:53

مساء الخير حبيبتي ام الاء كيف حلك انشاء الله بخير
حبيت تعطيني الوصفة لي تعتمدي عليها في مقروط الكوشة
وتاني اعطيني وصفة الباتيسري والجنواز راني حابة نجربهم وانشاء الله ينجحولي

aboayoub

2013-12-29, 23:21

مساء النور حبيبتي واشراكي مارحتش لدارنا ايوب راهو مريض

ام الاء وسدن

2014-01-01, 20:27

مساء الخير حبيبتي ام الاء كيف حلك انشاء الله بخير
حبيت تعطيني الوصفة لي تعتمدي عليها في مقروط الكوشة
وتاني اعطيني وصفة الباتيسري والجنواز راني حابة نجربهم وانشاء الله ينجحولي

مساء الانوار
3كيلات سميد متوسط
كيلة زبدة دايبة وباردة
ربع كيلة فرينة
ربع كيلة زيت
السميد ضيفي عليه الزبدة وحكيه بين يديك حتى يولي بيض ومبعد زيدي الزيت وحكي ومبعد الفرينة ومبعد لميه بالما والمزهر وخليه يبات للصباح باش تشكليه وكي جي طيبيه لصقي الحبات في بعضاهم باش ما يفسدش الشكل وما تنحيهش حتى يبرد تماما من السنيوة
الجينواز والبسكوي اسهل وصفة هي
4بيضات
150غ سكر كريستاليزي خلطيهم حتى يولي ابيض
ومبعد زيدي عليه 150غ فرينة مسيرة 2 مرات وقلبي فقط وطيبيه على 180د
وبالتوفيق

aboayoub

2014-01-01, 20:40

مساء النور حبيبتي كل عام وانتي بخير ان شاء الله العام هذا يكون خير عليك وعلى وليداتك ومولا بيتك وداركم كامل ان شاء الله ربي يحققلك واش تتمناي

ام الاء وسدن

2014-01-01, 20:47

مساء النور حبيبتي واشراكي مارحتش لدارنا ايوب راهو مريض

مساء الانوار عزيزتي ربي يشافيه ويعافيكم كامل

ام الاء وسدن

2014-01-01, 21:31

مساء النور حبيبتي كل عام وانتي بخير ان شاء الله العام هذا يكون خير عليك وعلى وليداتك ومولا بيتك وداركم كامل ان شاء الله ربي يحققلك واش تتمناي

مساء الاسلام والسلام ربي يبارك فيك ويطول في عمرك وعمر احبائك ويحفظهملك من كل شر ويحقق كل امانيكم
يا رب

فاطمةع

2014-01-02, 10:09

مساء الانوار
3كيلات سميد متوسط
كيلة زبدة دايبة وباردة
ربع كيلة فرينة
ربع كيلة زيت
السميد ضيفي عليه الزبدة وحكيه بين يديك حتى يولي بيض ومبعد زيدي الزيت وحكي ومبعد الفرينة ومبعد لميه بالما والمزهر وخليه يبات للصباح باش تشكليه وكي جي طيبيه لصقي الحبات في بعضاهم باش ما يفسدش الشكل وما تنحيهش حتى يبرد تماما من السنيوة
الجينواز والبسكوي اسهل وصفة هي
4بيضات
150غ سكر كريستاليزي خلطيهم حتى يولي ابيض
ومبعد زيدي عليه 150غ فرينة مسيرة 2 مرات وقلبي فقط وطيبيه على 180د
وبالتوفيق
شكرا لكي اختي عام سعيد وكل عام وانت بخير بالنسبة للجنواز مافيهش الخمارة والمايزينة يعني نستغنى عنهم ولا نسيتيهم
ولا نسيتيهم

ام الاء وسدن

2014-01-03, 16:37

عام سعيد ليكم جميعا
للحصول على نتيجة مضمونة ضيفي شكارة خمارة مع انو تقدري تستغناي عليها كي يضربي البيض مليح

malek1608

2014-01-03, 17:03

السلام عليكم عام سعيد و كل عام و أنت و عائلتك بألف خير
حبيت نسقسيك أنا اليوم خدمت تارت و صنعت بزاف سانتي يعني بقالي أكثر من الي إستخدمتها كيفاه نحتفظ بيها و لا نرميها

ام الاء وسدن

2014-01-03, 17:17

السلام عليكم عام سعيد و كل عام و أنت و عائلتك بألف خير
حبيت نسقسيك أنا اليوم خدمت تارت و صنعت بزاف سانتي يعني بقالي أكثر من الي إستخدمتها كيفاه نحتفظ بيها و لا نرميها

وعليكم السلام وعامك اسعد ربي يحفظ نشا الله
الشونتيي كي تبقالك زيدي عليها مكسرات او فواكه الموسم او حبيبات الشوكولا وحطيها في المجمد بصح ما تخليهاش تبطى بزااف لانو راه البرد وكولوها glacee

aboayoub

2014-01-03, 18:44

مقروط بطريقة جديدة

http://im40.gulfup.com/FSrjH.bmp (http://www.gulfup.com/?1sQrhw)

http://im40.gulfup.com/pMmOZ.bmp (http://www.gulfup.com/?QlRFGt)

http://im40.gulfup.com/LnqcP.gif (http://www.gulfup.com/?Cd6qtz)

3عبارات دقيق متوسط+1 عبر فرينة +قرصة ملح +ملعقة فنيلا
1عبر زيت
ماء الزهر
الطريقة
في كسرونة حطي الزيت فوق النار كي تبدا تغلي حطي فيها الديق والفرينة دفعة واحدة وخلطي ونكي تتخلط نحيها من النار وخليها تبات
في الغد شمخيها بالماء الزهر حتى تولي عجينة
حليها في نيلون ديريه من فوق ومن تحت
حليها رقيقة
وحطي الغرس الي حليتيه من قبل رقيق فوق العجينة ورولي وقطعي واقليه ثم عسليه

ام الاء وسدن

2014-01-04, 15:54

مساء الانوار ام ايوب نشا الله ايوب راه مليح اليوم
شكرا على الوصفة بصح المقروط اللي قتلك ماشي مقلي و العقدة فيه زايدلها توابل بزاف
والحانوت جاي كيما لاكاديمي اليوم بنت اختي راحت باش تشري منو وتبعتلي التصاور صابتو خلاصلو
بلاك غدوة والا غير غدوة

aboayoub

2014-01-04, 16:24

مساء الانوار ام ايوب نشا الله ايوب راه مليح اليوم
شكرا على الوصفة بصح المقروط اللي قتلك ماشي مقلي و العقدة فيه زايدلها توابل بزاف
والحانوت جاي كيما لاكاديمي اليوم بنت اختي راحت باش تشري منو وتبعتلي التصاور صابتو خلاصلو
بلاك غدوة والا غير غدوة

مساء الخير حنونة راه خير من البارح رني نطيلو دوا الطبيب وكي يجي راح يرقد نطيلو العسل والزيت زيتون
نعرفو هذيك البلاصة نسميوها ليزيكاسيا (lizicasia )
هاذو اليامات منقدرش نخرج كي يزل على ايوب نضرب دارة ونذوقو ونقولك

ام الاء وسدن

2014-01-04, 16:31

يعطيك الصحة يا الساهلة كيما تقولهالنا ماما

فاطمةع

2014-01-05, 10:38

صباح الخير حبيبتي ممكن تعطيني وصفة لامونة راني البارح جربت وصفة نتاع وحدة من الاخوات لكن للاسف منجحتليش ممكن تعطينا وصفة مجربة

ام الاء وسدن

2014-01-05, 11:46

صباح الخير حبيبتي ممكن تعطيني وصفة لامونة راني البارح جربت وصفة نتاع وحدة من الاخوات لكن للاسف منجحتليش ممكن تعطينا وصفة مجربة

صباحو عسل
لامونة ديري نفس عجينة البريوش اخدميها خبزات كبار واحشيهم ب كرام باتسيير

tatadamizour

2014-01-05, 13:50

ام الاء و سدن ربي يعطيك الصحة و يخليك لنا ان شاء الله

فاطمةع

2014-01-05, 16:55

شكرا لكي كثرت عليك الاسئلة اسمحيلي حبيت نسقسيك على petit pain كدلك نفس عجينة البريوش ام لا

ام الاء وسدن

2014-01-06, 09:39

ام الاء و سدن ربي يعطيك الصحة و يخليك لنا ان شاء الله

صباحكم بالخير والنعايم نشا الله
ربي ينور ك ويقدرك ويسعدك يا تاتا :):):):):):)

ام الاء وسدن

2014-01-06, 09:42

شكرا لكي كثرت عليك الاسئلة اسمحيلي حبيت نسقسيك على petit pain كدلك نفس عجينة البريوش ام لا

العفو ...ما كترتي عليا ما والو وكيما قلتي نعم نفس العجينة تخدمي بيها حتى البينيي
وكاش ما وين راحتلك راني هنا في الخدمة :d:d:d:d:d

فاطمةع

2014-01-06, 15:28

شكرا لكي اختي على كرمك ولطفك

ام الاء وسدن

2014-01-07, 09:55

شكرا لكي اختي على كرمك ولطفك

العفو وربي يقدرني على الخدمة

فاطمةع

2014-01-07, 13:26

مساء الخير حبيت نسقسيك على الباتيسري البيض يعني لازم نخلطو بالباتور ولا نقدر نديرو بلا باتور
الباتور نتاعي خسر ومعنديش من غيرو وشفت نفس الوصفة نتاع الجنواز علاه كاين لي يخدمها ب6حبات بيض
واخر سؤال قوليلي كيفاش نخدم لي كلار

halomaa

2014-01-07, 13:41

اختي العزيزة يبدو انو عندك خبرة في الحلويات وانا جديدة في هدا الدومان كيما راكي عارفا راهو قريب المولد النبوي الشريف وحاباتك تعطيلي وصفة الميلفاي بكل تفاصيلها ربي يحفضلك ولادك راني حابا نخدمها ونديها معايا لدار شيخي حمريلي وجهي ر بي يحمر وجهك وما تنسايش راني مبتدئة تقدر تقولي راني في التحضيري في هادا الدومان

ام الاء وسدن

2014-01-07, 15:15

مساء الخير حبيت نسقسيك على الباتيسري البيض يعني لازم نخلطو بالباتور ولا نقدر نديرو بلا باتور
الباتور نتاعي خسر ومعنديش من غيرو وشفت نفس الوصفة نتاع الجنواز علاه كاين لي يخدمها ب6حبات بيض
واخر سؤال قوليلي كيفاش نخدم لي كلار

مساء الانوار راهي كاينة وشحال من وصفة راني مديتلك اسهل 00وابسط واحدة
ما تقدريش ديريه بيدك راهو لازم تخلطي بالباتور 10 دقيق باش يصلحلك
والاكلير راني حطيتو في احدى الصفحات ادا حبيتي نعاودولك

ام الاء وسدن

2014-01-07, 15:18

اختي العزيزة يبدو انو عندك خبرة في الحلويات وانا جديدة في هدا الدومان كيما راكي عارفا راهو قريب المولد النبوي الشريف وحاباتك تعطيلي وصفة الميلفاي بكل تفاصيلها ربي يحفضلك ولادك راني حابا نخدمها ونديها معايا لدار شيخي حمريلي وجهي ر بي يحمر وجهك وما تنسايش راني مبتدئة تقدر تقولي راني في التحضيري في هادا الدومان

السلام عليكم اختي ومرحبا بك بيننا
تاخدي رايي دير يقاطو اخر والا ديري الطمينة بالطبقات جي رائعة وتصلح للمناسبة
والميلفاي راني حطيت الوصفة في الصفحة 2بالتفصيل الممل
وكيما قتلك ديري طمينة احسن راهي تعجبها لانها حاجة جديدو ومبتكرة

فاطمةع

2014-01-07, 15:35

ادا كان بامكانك عاوديهلي ولا قوليلي رقم الصفحة بلا منتعبك راني كترت عليك

فاطمةع

2014-01-07, 15:37

الطمينة بالطبقات جديدة انا هاد وين سمعت بيه كيفاش تجي

ام الاء وسدن

2014-01-08, 12:06

ادا كان بامكانك عاوديهلي ولا قوليلي رقم الصفحة بلا منتعبك راني كترت عليك

صباح الخير
كاس ماء مع قرصة ملح و50غ زبدة توضع فوق النار حتى تدوب الزبدة ويبدا الما يغلي ثم ضيفي كلس فرينة وخلطي حتى تبدا تتنح من الكاسرونة نحيها من النار وخلطيها حتى تبرد وابداي ضيفي البيض 3 بيضات كل ما تحطي وحدة خلطي حتى تختفي ومبعد ضيفي التالية وهكدا ومبعد حطيها في لابوش وشكليها كيما تحبي
سخني الفور مسبقا على 180 ومبعد حطيها وما تحليش عليها حتى تحمار واحشيها بكرام باتسيير او الشونتيي

ام الاء وسدن

2014-01-08, 12:10

الطمينة بالطبقات جديدة انا هاد وين سمعت بيه كيفاش تجي

تفوري السميد المتوسط ومبعد حمصيه في كوكوت اصفر فقط ومبعد زيدي عليها كمية من الزبدة وما يعادلها من العسيلة المخففة بماء الزهر وحطيها حتى تتشرب لمدة ومبعد دير طبقة من الطمينة وفوقها شوكولا نوار مكرفجة من النوع المر ومبعد طبقة من الطمينة وفوقها حلوة الترك مفتفتة واخيرا طبقة من الطمينة ومن الفوق شبحيها كيما تحبي

فاطمةع

2014-01-08, 13:46

ربي يعطيك ماتتمناي ياام الاء وسدن كل منسقسيك تردي عليا باينة عليك بنت اصل

ام الاء وسدن

2014-01-08, 16:18

ربي يعطيك ماتتمناي ياام الاء وسدن كل منسقسيك تردي عليا باينة عليك بنت اصل

اللهم امين اختي لازم نكون قد كلمتي وعدتكم بالخدمة وراني فيها
المهم كي جربي الوصفات اللي مديتلك وتنجحلك

ام الاء وسدن

2014-01-10, 20:17

ام اريام هاكي الوصفة
رطل فرينة 3 م ك سكر م ك لفاني زاست ليمونة وعصرة نصف حبة
بيضة في كاس حليب و3 م ك زيت تخلطيهم بالفرشيطة
مغرف كبيرة خميرة في شوية حليب حتى تطلع
ومبعد خلطي كلش مع بعض وخليه شوية جاري وحطيه يخمر

ام اريام

2014-01-10, 20:39

اني لحقت هنا يا اختي لحال بعيد في الصفحة الجديدة يعطيك الصحة اختي جزاك الله خيرا .

ام الاء وسدن

2014-01-11, 16:07

اني لحقت هنا يا اختي لحال بعيد في الصفحة الجديدة يعطيك الصحة اختي جزاك الله خيرا .

ام اريام ماشي الحال الي بعيد حنا مازال ما والفناش الدار الجديدة وطريقها

فاطمةع

2014-01-11, 18:12

ام الاء انا نحوس نعرف كيفاش نطيبوه ونشكلوه انا اصلا منعرفوش متضحكيش عليا راني نقصد في البنيون

ام الاء وسدن

2014-01-11, 18:30

ام الاء انا نحوس نعرف كيفاش نطيبوه ونشكلوه انا اصلا منعرفوش متضحكيش عليا راني نقصد في البنيون

راكي على البيني والا النيون لخاطر البنيون ما يطيبش والبينيي يتخدم بنفس الطريقة تاع البريوش برك يتقطع خبيزات وينقلى

ام نينة 07

2014-01-11, 21:19

يعطيك الصحة على الموضوع القيم و المفيد جعله الله في ميزان حسناتك :19::19::19:

ام الاء وسدن

2014-01-12, 10:35

يعطيك الصحة على الموضوع القيم و المفيد جعله الله في ميزان حسناتك :19::19::19:

يسلمك اختي ربي يقدرني على الخدمة

ام الاء وسدن

2014-01-14, 12:50

كمية من السميد المتوسط فوريها كي تبرد حمصيها بيضا برك
حذي كمة من العسيلة المخففةبشاربات خفيفة وكمية اكبر منها زبدة خلطيها وخليها تتشرب
كي تتشرب ديري طبقة من الطمينة فوقها شوكولا سوداء مكرفجة
ثم طبقة من الطمينة فوقها الشامية مفتتة
ثم طبقة من الطمينة التزيين كيما تحبي كنت حابة نحطلها سوريز بصح ما جابليش حطيت الشامية واللوز و البندق مع الشو كولا
الطمينة ديريلها مغرف كبيرة قرفة وقرصة زنجبيل وقرصة قرنفل وقرصة حبة حلاوة جي بنييييييييييية وتاني تقدري دريها في قوالب السلسكون الفردية
راني حطيتها في موضوع منفصل
هنا

http://www.djelfa.info/vb/showthread.php?t=1510216

kozate

2014-01-14, 20:41

السلام عليكم
اختي من فظلك مساعدت في تقديم وصفة ناجحة و مجربة لمقروط المقلي

ام الاء وسدن

2014-01-14, 20:56

السلام عليكم
اختي من فظلك مساعدت في تقديم وصفة ناجحة و مجربة لمقروط المقلي

وعليكم السلام
3كيلات سميد متوسط كمشة فرينة كيلة سمن اوزبدة دايبة وباردة مغرف كبيررة لفاني مغرف صغيرة ملح
ورونيه بالما والما زهر وخليه يريح
الحشو ادا حبيتي تمر او لوز او كاوكاو

aboayoub

2014-01-14, 22:04

مساء النور واشراكي واشراهم وليداتي ......اليوم نهار كامل مادخلتش الميكرو نتاعي خاسر

real dream

2014-01-14, 22:20

ya3tik essaha khti 3la l ihtimam .rani nhaws 3la wahd la pate ta3 les tartes bsah machi gènoise. tji mcharba mli. malf yjibhali rajli wtji raliya chwiya 3la l gènoise. saha wlmoskotcho wla l cake kimandirolhomch lkhamara yjou mlah. . wahda takhdem m3aya gati rani ndir lbaklawa b 3jinat etawrik wtdir tabka wahda mntaht w wahda men fok wtjiha chaba . ana machefthach. esque tji mliha wmahich m3ajna.. smhili tawalt 3lik w baraka allaho fiki

ام الاء وسدن

2014-01-14, 22:27

مساء النور واشراكي واشراهم وليداتي ......اليوم نهار كامل مادخلتش الميكرو نتاعي خاسر

مساء الانوار ............واللهراكي في بالي راني كنتنخممالاخدمتيه والا لالا ........راهم لباس وسدن راهي مصهرتني

ام الاء وسدن

2014-01-14, 22:41

ya3tik essaha khti 3la l ihtimam .rani nhaws 3la wahd la pate ta3 les tartes bsah machi gènoise. tji mcharba mli. malf yjibhali rajli wtji raliya chwiya 3la l gènoise. saha wlmoskotcho wla l cake kimandirolhomch lkhamara yjou mlah. . wahda takhdem m3aya gati rani ndir lbaklawa b 3jinat etawrik wtdir tabka wahda mntaht w wahda men fok wtjiha chaba . ana machefthach. esque tji mliha wmahich m3ajna.. smhili tawalt 3lik w baraka allaho fiki

يسلمك اختي
هاد العجينة اللي تقصدي جي بالوز هاديك اسمها la pate de sucsé
من المفروض الخمارة راهي نوع من المحسنات والمواد الرافعة كي تنحيها جيك الموسكوتشو معجن وبلوكة وحدة
البقلاوة كاين اللي يديرها بعجينة التوريق انا صراحة ما جربتهاش بصح ادا كانت عجينتك مخدومة صح راحا جيك مورقة وجي شابة ما كترتي عليا ما والو انا في الخدمة متى استطعت
نشا الله نكون افدتك

oum khadidja

2014-01-14, 23:25

كيف حالكي اختي ام الاء و سدن و صح مولودك شكرا على وصفة الطمينة فكرة جديدة

ام الاء وسدن

2014-01-15, 10:23

كيف حالكي اختي ام الاء و سدن و صح مولودك شكرا على وصفة الطمينة فكرة جديدة

صباحك عسل حنونة الله يسلمك والعقوبة للاعوام الجاية

ام الاء وسدن

2014-01-15, 10:50

ام خديجة انا مانسيتكش في وصفة خبز التوابل تفضلي
250غ فرينة
125غ سكركريستاليزي
مغرف صغيرة بيكربونات
مغرف صغيرة خمارة الخبز
نص م ص قرفة .....نص م ص قرنفل مرحي ....نص مغرف حبة حلاوة مطحونة .....نص مغرف جوزة الطيب مطحونة .....نص م ص نجمة الرض مطحون
5 م ك عسل عاقد او 120غ

50غ زبدة طرية
والحليب ضيفي حتى يولي كي الموسكوتشو حوالي 20سل
كي يطيب ديري كمية من الكرام فراش زيديلها شوية سكر فرغيها عل الخبز ورديها للفور
جي روووووووووووعة

تقدري تستغناي على البيكربونات وتحطي قبالة ساشي خمارة

real dream

2014-01-15, 23:10

ya3tik essamedihali wjazaki allaho khayr.chokrannti ta3arfi lkayfiya wlmakadir ta3 hadik la pate ta3 hadik la pate tmedihali wjazaki allah kol khayr

فاطمةع

2014-01-16, 10:32

صباح الخير ام الاء حبيت نسقسيك على عجينة البقلاوة اسرارها والفرق بين لي تتخدم بالبيض كيما نتاع ام ايوب ولي بلا بيض انا
مش مالفة نخدمها بالبض وشنو الفرق وين هي الافضل

ام الاء وسدن

2014-01-16, 10:46

صباح الخير ام الاء حبيت نسقسيك على عجينة البقلاوة اسرارها والفرق بين لي تتخدم بالبيض كيما نتاع ام ايوب ولي بلا بيض انا
مش مالفة نخدمها بالبض وشنو الفرق وين هي الافضل

صباح الانوار فاطمة راني جاوبتك هاداك النهار وما خرجتش
المهم الوصفة تاعي راهي في الصفحات الاولى
البيض كس نزيدوه تربي العجينة العلك والا الخيط كيما نقولو حيك ساهلة في الحلان وتولي مقرشة بلا ما تيبس وكيما تعرفي الببيض يبنن العجينة
بما انك موالفة تخدميها بلا بيض جربي بلابيض وشوفي الفرق ماهوش كبير بصح تحسي بيه

ام الاء وسدن

2014-01-16, 10:48

ya3tik essamedihali wjazaki allaho khayr.chokrannti ta3arfi lkayfiya wlmakadir ta3 hadik la pate ta3 hadik la pate tmedihali wjazaki allah kol khayr

الله يسلمك العجينة الي قلتي عليها فيها اللوز او الكاوكاو والا لالا
لخاطر الي قتلك راهي جي بالوز برك وهي نفسها الي نخدمو بيها اوبيرا
مانيش عارفة ادا فهمتك

real dream

2014-01-16, 15:02

massa l anwar. l opèra ana mana3rafhach. bsaha hadika la pate mandonch ila fiha lkawkaw.w yakhadmoha tabakat bsah matjich kima l gènoisa w mcharba mlih lmor rof wla lfarchita tfot tjri fiha. w kima ta3arfi ashab lmahalat mayhbouch ymedou etarika. bsah ila ma3raftihach wkan 3andek tarika okhra tji fiha la pate mtbdla 3la genoise ya rit ta3tini . 3id milad hmati rah krib wbrit nsna3lha haja chaba wmtbdla. ya3tik essaha makich tbakhli 3lina blmossa3ada . rabi ya3tik matetmanay.

ام الاء وسدن

2014-01-16, 15:40

massa l anwar. l opèra ana mana3rafhach. bsaha hadika la pate mandonch ila fiha lkawkaw.w yakhadmoha tabakat bsah matjich kima l gènoisa w mcharba mlih lmor rof wla lfarchita tfot tjri fiha. w kima ta3arfi ashab lmahalat mayhbouch ymedou etarika. bsah ila ma3raftihach wkan 3andek tarika okhra tji fiha la pate mtbdla 3la genoise ya rit ta3tini . 3id milad hmati rah krib wbrit nsna3lha haja chaba wmtbdla. ya3tik essaha makich tbakhli 3lina blmossa3ada . rabi ya3tik matetmanay.

مساء الانوار
هادا وين فهمتك اسمه biscuit genois
نحطو فيها
150غ سكر كريستاليزي مع 4 بيضات كبار تخلطيهم بلاباتور 10 دقايق حتى تولي بيضة ومبعد غربلي 150غ فرينة 2 مرات واقسميها على 2 وابداي ضيفيها للخليط الاول ودوري برك النص ال2 زيديلو باكي خمارة ودوري برك حتى تختفي الفرينة وتقعد بيضة ومنتفخة هنا تكوني وجدتي الفور من قبل على 180درجة حطيها في سنيوة كاري ودخليها تطيب ل 10دقايق برك اخدمي منها 3 طبقات والسيرو يكون خفيف كاس سكر بكاس ماء وعصرة قارص والا اي دوق حبيتي يغلي احسبي 3 دقايق وطفي
كي يطيب البسكوي ويبرد زيديشربيه بالفرشاة قيس الي حبيتي ومبعد ركبي الطبقات وحطي كريمة الزبدة مخلطة مع كريمة شونتي ومن الخارج ماسكيها بنوع واحد كريمة خليها تبات باش جيك كيما حبيتي والسر في السيرو ما يكونش عاقد لخاطر لبات راهي خفيفة بزااااااااااف
كل عام وهي بخير وربي يقدرني على الخدمة
ديري واش قتلك وارجوكي المرة الجاية اكتبيلي بالعربية راني نسوفري باش نفهم لغة الفيس بوك انا نحكي بيها غير في الفيس بوك هنا جاتني تقييييييييييلة

real dream

2014-01-17, 14:33

hhh dahketni ljomla etaliya. sahiiti bzaf wsmhili ketbtlk haka w3ayiiitek bsah wlahi lokan nkteb bl3arbiya nedi wakt twiiiiiiiiiiil wana nhawes 3la lhorof.bsah ma3lich fikhatrek lmaraljaya nktblk bl3arbiya. sahiti bzaaaf wnjarebha wngolk . ya3tik essaha

ام الاء وسدن

2014-01-17, 16:52

hhh dahketni ljomla etaliya. sahiiti bzaf wsmhili ketbtlk haka w3ayiiitek bsah wlahi lokan nkteb bl3arbiya nedi wakt twiiiiiiiiiiil wana nhawes 3la lhorof.bsah ma3lich fikhatrek lmaraljaya nktblk bl3arbiya. sahiti bzaaaf wnjarebha wngolk . ya3tik essaha

المهم نت تفهميني والالالا
والصح كي جربيها وتصدقلك
انا في البداية كنت مانقدرش نكتب عربية لخاطر كنت نحكي بزاف في fcb وضركة الححمدولله
المهم فهميتيني وفهمتك

real dream

2014-01-17, 18:22

صح المهم فهمنا بعض. ئشكرا علي المساعدة. zahranewhope هدا هو عنوان الفسبوك تاعي. شكرا

ام الاء وسدن

2014-01-17, 21:11

صح المهم فهمنا بعض. ئشكرا علي المساعدة. zahranewhope هدا هو عنوان الفسبوك تاعي. شكرا
راني حوست عليك في fcb بصح ما صبت والو روحي حوسي على samaracitron

oum khadidja

2014-01-18, 22:59

شكراااااالكي اختي العزيزة على الوصفة الان وين شفتها انا حابة نديرو بالطبقات كيف تاع برا و تجي كريمة سائلة بين الطبقات هاديك ما فهمتهاش واشي هي ربي يعيشك زيدي فهميني فيه كي يعود بالطبقات و الله يجازيكي و يرضيكي

ام الاء وسدن

2014-01-19, 19:44

شكراااااالكي اختي العزيزة على الوصفة الان وين شفتها انا حابة نديرو بالطبقات كيف تاع برا و تجي كريمة سائلة بين الطبقات هاديك ما فهمتهاش واشي هي ربي يعيشك زيدي فهميني فيه كي يعود بالطبقات و الله يجازيكي و يرضيكي

يا ام خديجة انا نحسيبلي تحوسي على هاداك بصح راكي تحوسي على تاع الكريمة وكان غير قلتيلي من قبل ما هوش نفسو من بعد نمدهالك
هاداك ساهل ماهل

lamia30

2014-01-20, 11:51

ربي يعيشك حابة وصفة خبز الباي بنواد كوكو في اقرب وقت بلييييييييييز

فاطمةع

2014-01-20, 13:12

حبيبتي ام الاء مديلي كشما عندك وصفة قاطو يتقلى في الزيت وتكون مجربة وناجحة راني محتاجتها في اقرب وقت

ام الاء وسدن

2014-01-20, 16:04

ربي يعيشك حابة وصفة خبز الباي بنواد كوكو في اقرب وقت بلييييييييييز

خبز الباي
كاس بيض ...كل 3بيض بكيس خمارة
كاس زبدة طرية كاس سكر
كاس نوات كوكو
نص كاس فرينة
كاس شابلير
باكي خمارة وشاربات خفيفة مخلطة بعسيلة تاع الزنقة
وحبات كرز مجفف للتزيين

ام الاء وسدن

2014-01-20, 16:12

حبيبتي ام الاء مديلي كشما عندك وصفة قاطو يتقلى في الزيت وتكون مجربة وناجحة راني محتاجتها في اقرب وقت

مقرقشات الجلجلان
رطل فرينة
250غ جلجلان ابيض محمص
100غ زبدة طرية
قرصة ملح
نص باكي خمارة تبللل بالما والمازهر
خلطي المكونات حتى الحصول على عجينة تتحل في الماشينة وخليها ترتاح 30دقيقة
مبعد حليها في الماشينة في 1 برك
من بعد قطعيها مربع متوسط الحجم من بعد لفيه وهو على شكل معين وارشقي حبة قرنفل باش ما ينحلش
واقليه في زيت غزير ومبعد عسليه
للاسف ما عنديش الصورة نشا الله تكوني فهمتي الشكل
راهو يجي بنين وشكلو تحفة

ام اريام

2014-01-20, 18:45

يعطيك الصحة على هذ لرسات قتلتونا بالصخفة أنتي منا و لينا من جهة أخرى .

فاطمةع

2014-01-20, 19:03

مقرقشات الجلجلان
رطل فرينة
250غ جلجلان ابيض محمص
100غ زبدة طرية
قرصة ملح
نص باكي خمارة تبللل بالما والمازهر
خلطي المكونات حتى الحصول على عجينة تتحل في الماشينة وخليها ترتاح 30دقيقة
مبعد حليها في الماشينة في 1 برك
من بعد قطعيها مربع متوسط الحجم من بعد لفيه وهو على شكل معين وارشقي حبة قرنفل باش ما ينحلش
واقليه في زيت غزير ومبعد عسليه
للاسف ما عنديش الصورة نشا الله تكوني فهمتي الشكل
راهو يجي بنين وشكلو تحفة

شكرا ام الاء

oum khadidja

2014-01-20, 22:19

مساء الخير اختي او الاء و سدن او الله انا نعرف غير هاداك لي بالطبقات و مانعرفش هدا لي فالمول تاع الكيك سامحيني اختي العزيزة و الله انت معزتك في قلبي كبيرة اختي و شكرا على صبرك ز طيبتك انشاء الله ربي يصلحلك وليداتك و يباركلك فيهم ااميييييييييييييين ياربي

oum khadidja

2014-01-20, 22:51

اختي ام الاء و سدن كيفاش نحتفظ بالوصفات لي يعجبوني راني ماعرفتش لاني كنت نحتفظ بيهم في الفلاش ديسك لكن مع الوقت يروحو و كي تروح la connexion ما نلقاهمش و احدى الاخوات قالتلي ديري كوبي كولي للرابط الوصفة في الوورد لكني جربتها و ماصلحتش انا حابة طريقة للحفظ دائمة لروابط الوصفات و نلقاهم حتى بدون connexion ;و ربي يجازيك ياحبيبتي

acharifa

2014-01-20, 23:36

اسعدك الله في الدارين اختي ..انا من محبات الحلويات الجزائرية .

manal20

2014-01-20, 23:45

انا من عشاق الحلويات كي كنت في دارنا نحب نطيب بصح كي جيت لدار راجلي ما نيش نطيب مايحبوش صوالحة الي فيها البيض
ممكن تساعدوني انا عيد ميلاد ولدي قريب وحبيت نسقسيكم واش تنصحوني ندير قاطو وكيفاش ندير حفلة هايلة قصدي ديكورات نتاع الدار

ام الاء وسدن

2014-01-21, 09:25

يعطيك الصحة على هذ لرسات قتلتونا بالصخفة أنتي منا و لينا من جهة أخرى .

الله يسلمك ام اريام ....ياعمري وكانجيتيني قريبة ندير لحنونتي واش تحب

ام الاء وسدن

2014-01-21, 09:34

مساء الخير اختي او الاء و سدن او الله انا نعرف غير هاداك لي بالطبقات و مانعرفش هدا لي فالمول تاع الكيك سامحيني اختي العزيزة و الله انت معزتك في قلبي كبيرة اختي و شكرا على صبرك ز طيبتك انشاء الله ربي يصلحلك وليداتك و يباركلك فيهم ااميييييييييييييين ياربي

صباح الخير ام خديجة راني حابة نجييييييييفك ...ههههههههههههههههههههههه
راني نتمسخر معاك ....العفوووووووو
شكرا على الدعاء الشباب

ام الاء وسدن

2014-01-21, 09:42

افتحي الوورد ومبعد كوبي الوصفة ثم افتحي الوورد وديري كولي بصح هذه العملية طول شوية
ومبعد ديري enregestrer .

ام الاء وسدن

2014-01-21, 09:52

اسعدك الله في الدارين اختي ..انا من محبات الحلويات الجزائرية .

الله يسلمك... شكرااااا ...ماكاش خير من الحلويات تاعنا ...لا يعلى عليها ى

ام الاء وسدن

2014-01-21, 09:58

انا من عشاق الحلويات كي كنت في دارنا نحب نطيب بصح كي جيت لدار راجلي ما نيش نطيب مايحبوش صوالحة الي فيها البيض
ممكن تساعدوني انا عيد ميلاد ولدي قريب وحبيت نسقسيكم واش تنصحوني ندير قاطو وكيفاش ندير حفلة هايلة قصدي ديكورات نتاع الدار

للاسف اختي الباتيسري كااامل لازملو البيض ...الحلويات التقليدية فيها انواع بلابيض تقدري تخدميها ..وبعض انواه الصابلي
عندي وصفة قاطو بلا بيض بصح شوية تقيلة ..تقدري ديريها وتبرديها مليح باش جي بنينة والتزيين بكرام شونتيي راهي بلا بيض
الديكور روحي للحوانت الي يبيعو دوزان القاطو تصيبي عندهم العجب من التباسا ..للاكواب للزمارات للقبعات الخاصة بعيد الميلاد ..نت ودوقك

oum khadidja

2014-01-21, 13:07

شكرا حبوبتي و الله انت طيبة ياريت كنت جارتي في قسنطينة

iman dadou

2014-01-21, 13:28

ممكن تفيديني بوصفة عجينة اللوز كيفية صنعها يعيشك

ام الاء وسدن

2014-01-21, 16:04

شكرا حبوبتي و الله انت طيبة ياريت كنت جارتي في قسنطينة

العفو ..وشكرا ..على بالك راني غير كي رحلت من عنابة كنت نجوز على مدينة الجسور المكعلقة بصح عمري ما دخلتها
كي نجي المرة الجاية نجوز عندك

ام الاء وسدن

2014-01-21, 16:08

ممكن تفيديني بوصفة عجينة اللوز كيفية صنعها يعيشك

عجينة اللوز

كيلة لوز مرحي رقيق كي الفرينة مع كيلة سكر قلاسي وعاودي جوزيهم في الروبو ومبعد لميها بالماء زهر حتى تولي عجينة غير بلعقل

mereyoucef

2014-01-21, 18:05

شكرا حبيبتي على مساعدتك و جهدك معانا يا ريت تعطينا وصفة القريوش انتاع المحلات الي نشوفوه مورق و خفيف و طريقتك في معالجة الكوكاو حتى يولي كي اللوز شكرا مرة تانية على صدرك الرحب

ام الاء وسدن

2014-01-21, 18:25

شكرا حبيبتي على مساعدتك و جهدك معانا يا ريت تعطينا وصفة القريوش انتاع المحلات الي نشوفوه مورق و خفيف و طريقتك في معالجة الكوكاو حتى يولي كي اللوز شكرا مرة تانية على صدرك الرحب

العفووووووو
القريوش باش يجيك مورق حليه بالنشا وجوزيه في الماشينة وكل مرة كتري النشا وكرري العملي ة وشحال من مرة 3 على الاقل واطويه كيما نعملو البات فويتي
الكاوكاو احسن طريقة هي كي جبيه بقشورو وتملطيه كي اللوز بصح لازملو وقت طويييل باش ينشف
والا جيبي المقشر وفوريه على القارص والقرفة والقرنفل وكي يكون يفور كرفجي عليه القارص
وخليه ينشف بعقلومع اضافة عطر اللوز كل مرة
لازم ما تحتفظيش بيه في ساشي تاع النيلو باش ما يتلقش الزيت

real dream

2014-01-21, 18:46

rabi b3atlk invitation ma chère

ام الاء وسدن

2014-01-21, 19:49

rabi b3atlk invitation ma chère
je t'axapter

oum khadidja

2014-01-21, 21:36

مرحبا بيك جوزي و قربي حبيبتي ارواحي و نعرفك عليها زنقة بزنقة و بلادنا كامل مليحة

iman dadou

2014-01-22, 14:35

شكرا حبيبتي ام الاء ربي يجازيك كل خير على جهدك (http://www.djelfa.info/vb/member.php?u=506693)
ان حاب نعرف عجينة اللوز لي نديرها في الدار نفسها الاصطناعية نزينو بها المخبز والملفوف تاع ام اماني
سامحني كثرت عليك راني اول مرة راح نخدم بها

kikimnarim2

2014-01-22, 18:39

بارك الله فيك وربي يجازيكي
انا حبيت نتعلم المقرقشات منين نحطهوم ما يصلحوليش كيفاش الكيلة تاعهم يتعجنو ولا ما يتعجنوش وكيفاش ندورهم في المقلة

هجيرة1

2014-01-23, 16:26

وصفة بنينة بجينواز مرحية (http://www.djelfa.info/vb/showthread.php?t=1196802)

عندي سؤال هذا الحلوة كون نديرها لعرس تصلح تطول على الاقل 8او 15يوم ارجوك الرد ان امكن

فاطمةع

2014-02-02, 16:44

مساء الخير ام الاء نشاءالله لباس حبيت تعطيني الوصفة نتاع السفنج كيما لي يتباع

شباب امراة

2014-02-02, 17:55

مساء الخير منفضلك اعطيني وصفة لكورني تاع الاعراس ضروري

ام نينة 07

2014-02-02, 21:01

بارك الله فيك على العرض القيم و يجعله في ميزان حسناتك

عندي سؤال و هو في واحد كغ لوز شحال حبة مقروط لعسل يخرج و شكرا مسبقا

ام اريام

2014-02-02, 21:48

السلام عليكم ورحمة الله وبركاته .اين انت ام الاء انشاء الله تكوني بخير

aphroditedz

2014-02-02, 23:06

تعيشي اختي وصفة الماكارون ربي يجازيك

فاطمةع

2014-02-19, 19:01

غبتي بزاف ياام الاء وسدن وين راكي انشاءالله تكوني لاباس

ام الاء وسدن

2014-02-20, 13:03

غبتي بزاف ياام الاء وسدن وين راكي انشاءالله تكوني لاباس

شكرا فاطمة على الاهتمام ...والله بنتي سدن كانت ومازالت مريضة بالحمى العشية نشا الله نجاوب على اسئلة الاخوات

ام الاء وسدن

2014-02-20, 13:08

شكرا حبيبتي ام الاء ربي يجازيك كل خير على جهدك (http://www.djelfa.info/vb/member.php?u=506693)
ان حاب نعرف عجينة اللوز لي نديرها في الدار نفسها الاصطناعية نزينو بها المخبز والملفوف تاع ام اماني
سامحني كثرت عليك راني اول مرة راح نخدم بها

والله عندي الدنيا وما فيها كي نفيدكم
العجينة الاصطناعية اللي نشريوها هاديك اللي التزيين فقط هي عبارة عن سكر ونشا فقط
واللي نخدموها في الدار فيها اللوز
و ام ايوب راهي حطت طريقة صنع عجينة التزيين وجي كيما اللي تنباع

ام الاء وسدن

2014-02-20, 13:11

بارك الله فيك وربي يجازيكي
انا حبيت نتعلم المقرقشات منين نحطهوم ما يصلحوليش كيفاش الكيلة تاعهم يتعجنو ولا ما يتعجنوش وكيفاش ندورهم في المقلة

شكرا على الدعاء
اختي واش تقصدي بالمرقشات ....القريوش

ام الاء وسدن

2014-02-20, 15:52

وصفة بنينة بجينواز مرحية (http://www.djelfa.info/vb/showthread.php?t=1196802)

عندي سؤال هذا الحلوة كون نديرها لعرس تصلح تطول على الاقل 8او 15يوم ارجوك الرد ان امكن

الحلويات اللي ما طيبش من الاحسن تستهلك في اقريب وقت لخاطر بلخف تفقد طعمها وكيما هاد الحلوة بالشانتيي اراح تتفكك كل ما طال الحال

ام الاء وسدن

2014-02-20, 15:58

مساء الخير ام الاء نشاءالله لباس حبيت تعطيني الوصفة نتاع السفنج كيما لي يتباع

مساء الانوار ..الحمد لله على كل حال
1كغ فرينة 2 م ك خمارة وملح و مك سكر خلطي الكل ومبعد ضيفي حوالي 2 كاس ماء دافى وابداي اعجني بيدك حتى تتلم العجينة وتولي ملساء وجي شوية متلوقة ماشي ناشفة وخليها تخمر حتى تطلع ملييييح هبطيها بيك بلاما تعجنيها وكرري العملية مرتين وفي الاخير ابداي قرصي وطيبي مباشرة في مقلة ماشي معمر زيت

ام الاء وسدن

2014-02-20, 16:06

مساء الخير منفضلك اعطيني وصفة لكورني تاع الاعراس ضروري

مساء الانوار
4 كيلات فرينة مع كيلة زبدة دايبة وباردة وقرصة ملح لميها بالما وماء الزهر حطيها ترتاح ثم ابداي ادلكيها في الماشينة 3 و5 و7 حسب ال ماشينة اللي عندك ما تكونش رقيقة بزاف وما تخشنيهاش لخاطر راكي رايحة تلفيها على الكورني
قطعيها مستطيلات 1سم وابداي لفيها حتى تكملي طيبيهم وعسليهم
الحشو انت ومقدورك لوز وحلوة الترك ولمي بالمعجون او كاوكاو وجينواز مرحية ولميها بالعسل وفي الاخير اغطسي راس الكورني في البيستاش او الشوكولا

ام الاء وسدن

2014-02-20, 16:09

بارك الله فيك على العرض القيم و يجعله في ميزان حسناتك

عندي سؤال و هو في واحد كغ لوز شحال حبة مقروط لعسل يخرج و شكرا مسبقا

وفيك بركة ...شكرا
هنا حسب حجم الحبة وكمية الحشو اللي ديريها ادا كان رطل يديرلنا 100والزيادة يعني 1كغ يغرقك

فاطمةع

2014-02-20, 16:11

شكرا امالاء وسدن ربي يشافيلك بنتك

فاطمةع

2014-02-20, 16:14

ام الاء اعطيني كشما وصفة نتاع بسبوسة موالفة دريها نجربها راني ندير في مقارنة بين البسبوسات اليوم جربت وحدة خرجت مليحة
حابة نزيد نجرب ونشوف وينهي الافضل باه نعتمده دايما

ام الاء وسدن

2014-02-20, 16:20

ام الاء اعطيني كشما وصفة نتاع بسبوسة موالفة دريها نجربها راني ندير في مقارنة بين البسبوسات اليوم جربت وحدة خرجت مليحة
حابة نزيد نجرب ونشوف وينهي الافضل باه نعتمده دايما

في دارنا نديرو البسبوسة كيما الموسكوتشو برك نبدلو الفرينة بالسميد الخشين
انا جربت وحدة من المنتدى جات رايعة اسمها بسبوسة بجوز الهند بعتتها لدارنا ماتو عليها
حوسي عليها تصيبيها

ام الاء وسدن

2014-02-20, 16:21

شكرا امالاء وسدن ربي يشافيلك بنتك

العفو اختي ...ربي يشافي كل المرضى نشا الله

ام الاء وسدن

2014-02-20, 16:23

الى الاخت المستغفرة ..اسمحيلي هادا وين شفت رسالتك
هاداك القاطو راهو كفتة برك حلوها بحلال مزركش ومبعد قطعوها هادا ماكان

ام الاء وسدن

2014-02-20, 16:26

الى الاخت المستغفرة ..اسمحيلي هادا وين شفت رسالتك
هاداك القاطو راهو كفتة برك حلوها بحلال مزركش ومبعد قطعوها هادا ماكان
نشا الله ماماك جات بخير

فاطمةع

2014-02-20, 16:30

http://www.djelfa.info/vb/showthread.php?t=1465050&highlight=%C8%D3%C8%E6%D3%C9+%C8%CC%E6%D2+%C7%E1%E 5%E4%CF
تقصدي في هادي ولا لالا

ام الاء وسدن

2014-02-20, 16:32

http://www.djelfa.info/vb/showthread.php?t=1465050&highlight=%c8%d3%c8%e6%d3%c9+%c8%cc%e6%d2+%c7%e1%e 5%e4%cf
تقصدي في هادي ولا لالا

هي بالدااااااااااااات

فاطمةع

2014-02-20, 16:44

http://im48.gulfup.com/Shxtv.jpg
هاد البسبوسة خدمتها اليوم تفضلي تعشواي ومرحبا بك من جديد

ام كوكو

2014-02-20, 22:23

بارك الله فيك يا ام الاء و سدن الله يجعل عملك هدا في ميزان حسناتك انا راني نتبع فيك و الحاجة لي ناقستني نزيد نديها من عندك راني باغية نكون عقل مدبر في كل الحلويات انشاء الله و الكمال يبقى لله الله يوفقك

ام الاء وسدن

2014-02-21, 09:15

http://im48.gulfup.com/shxtv.jpg
هاد البسبوسة خدمتها اليوم تفضلي تعشواي ومرحبا بك من جديد

جاتك هايلة ...بارك الله فيك

ام الاء وسدن

2014-02-21, 09:20

بارك الله فيك يا ام الاء و سدن الله يجعل عملك هدا في ميزان حسناتك انا راني نتبع فيك و الحاجة لي ناقستني نزيد نديها من عندك راني باغية نكون عقل مدبر في كل الحلويات انشاء الله و الكمال يبقى لله الله يوفقك

وفيك بركة ...
ربي يوفقنا وايكم الى اافادة الاخوات
اي مشكل انا في الخدمة

ام كوكو

2014-02-22, 03:01

شكرا سيدتي يا ريت كنت نعرفك كنتي تكوني اعز صديقة شكرا على هذا المجهود الله يوفقك لما يحب و يرضى والله ولي التوفيق

ام الاء وسدن

2014-02-27, 11:33

شكرا سيدتي يا ريت كنت نعرفك كنتي تكوني اعز صديقة شكرا على هذا المجهود الله يوفقك لما يحب و يرضى والله ولي التوفيق

العفو وانا ارحب بك اخت ماشي صديقة.ادخلي هنا
http://www.djelfa.info/vb/showthread.php?t=1507110&page=73