الوصفه لي طلبتوها تارتلات بالفواكه من عندي بالتفصيل

[ريمه]

السلام عليكم
نزولا عند رغبة بعض العضوات حبيت نحطلكم الوصفه لي نتبعها لتحضير التارتلات بالفواكه و كريم باتسيار
اولا العجينه
انا نستعمل لابال 75 غرام وتكون بارده هذا السر الاول
الفرينه نستعمل 150 غرام وتكون مغربله مع 50 غرام سكر رطب وقرصه ملح ونخلط الكل
ومن بعد نزيد صفار بيضه و نجمعها مليح بدون عجن و نشكل كريات و نخليها بصاشي ونحطهم في الكونجيلاتور
http://up.arabseyes.com/uploads2013/19_07_13137426861845141.jpg
http://up.arabseyes.com/uploads2013/19_07_13137426861849992.jpg
http://up.arabseyes.com/uploads2013/19_07_1313742686185583.jpg
http://up.arabseyes.com/uploads2013/19_07_13137426861860564.jpg
http://up.arabseyes.com/uploads2013/19_07_13137426861866465.jpg
http://up.arabseyes.com/uploads2013/19_07_13137426861872476.jpg

نجيبو مول تاوعنا والا مول كبير ندهنوهم مليح
بالنسبه للمول انا نستعمل مول لي فيه القعر من تحت كيما الصور حتى يسهل عليه المهمه
http://up.arabseyes.com/uploads2013/19_07_13137426861881728.jpg
نجيبو العجينه ونفرشوها فوق من الصاشي و نورقوها ونحطوها في المول ونثقب بالفرشيطه
وحتى نضمن العجينه ماتنتفخش هذا سر ثالث وقت الطياب نخلي صاشيات صغار من فوك المول و نحطو باقوليات عليها تخلوها بشكل خاص لهذا الاستعمال ونخلي المول في الكونجيلاتر شوي ونشغل الفرن
من بعد نحطو المولات في الفرن غير شوي ونخرجوهم نوخرو الصاشيات ونرجعهم نخليهم يطيبو مليح في درجة 200
http://up.arabseyes.com/uploads2013/19_07_13137426861887519.jpg
http://up.arabseyes.com/uploads2013/19_07_131374268618915910.jpg
http://up.arabseyes.com/uploads2013/19_07_131374268618974111.jpg
http://up.arabseyes.com/uploads2013/19_07_131374268619021912.jpg
http://up.arabseyes.com/uploads2013/20_07_13137427220390731.jpg
نوجدولاكرام باتسيار في هذاك الوقت ونخليها تبرد
الكيفيه
نغلي نصف لتر حليب
نضرب بيضتين و نزيدلها 150 غرام سكر ثم 70 غرام فرينه ونضيف شويه من حليب مغلي ثم نرجع الكل مع الحليب الباقي على النار ونخليها تثقال ونضيف الزاست لي حبيت ليمون او برتقال انا ضفتهم الاثنين
خرجوهم و عمروهم وزوقوهم كيما تحبو وتقدرو ديرو جلي من فوك باش يلمع انا ماكانش عندي
والصور هنا بالموضوع
http://www.djelfa.info/vb/showthread.php?t=1365336
وشهيه طيبه

[نور الهدى06]

من فضلك قوليلي علاه تتكسر راهي مبسة ياسر قهرتني

[om kheiyrour]

بارك الله فيك
رائع ربي يعطيك ما تتمناي على هاد الوصفات
يسلمو يديك يا شاطرة

[ريمه]

من فضلك قوليلي علاه تتكسر راهي مبسة ياسر قهرتني

وعلاش جربتيها
شوفي حنونه هي مبسه مي لازم تخليها في الكونجيلاتور اول حاجه
واقعدي تخرجي بلكريه وديريها في وسط الصاشي وتورقي
كي تحبي ديريها في المول رفديها بالصاشي قلبي وحطيها في المول
ونصيحه كل ما تجي مبسسه كل ما تجي بنينه عن تجربه ما تكثريش الفرينه
منورين

[ريمه]

نسيت حاجه ماتورقيهاش بزاف يعني خليلها شويه ايبيسور ولا تتكسر

[نور الهدى06]

شكرا حنونة مي راهي تتكسر بعد منحيها من المول مع اني نخليها تبرد خاصة تاع القارص من لفوق مورانغ حتى وليت ندير لا بات تاع السكر
نصائحك رائعة ربي يعطيك متتمناي

[ريمه]

شكرا حنونة مي راهي تتكسر بعد منحيها من المول مع اني نخليها تبرد خاصة تاع القارص من لفوق مورانغ حتى وليت ندير لا بات تاع السكر
نصائحك رائعة ربي يعطيك متتمناي

حبيبتي كي تستعملي الزبده بارده ماشي كيما تستعمليها وهي رامولي ما تعطيش نفس النتيجه حتى في الميزان
استعملي زبده بارده واتبعي نفس الوصفه وبالنسبه لصفار البيض مرات يكون بزاف ما تحطيهش كاع ديري غير قيس ما تلتم لعجينه
واذا راح تتكسر من تنحيها لازم الايبيسور في المول يكون كبير تاع العجينه واذا استمر نفس الشي انا عليه نقولك نقصي لوكان مغرفه زيده كي تديريها بالقارص و بالمورانغ

[الأمنيات]

http://www.g-rman.com/vb/uploaded/10_11290567019.gif

[ريمه]

شكرا امنيات

[tina19]

يعطيك الصحة يا اختي

[ريمه]

منوره حنونتي

[المنديل الابيض]

ان شاء الله نجربها و يارب تخرجلي كيما نتاعك
ربي يهنيك
شكرا

[نور الهدى06]

شكرا الله يخليك

[طهراوي ياسين]

روعة... بارك الله فيك

[biks]

السلام عليكم

بارك الله فيك على الوصفة

[ريمه]

شكرا لمروركم الكريم

[amlamdja]

Merci :19:
شكـــــــــرا ً
و بارك الله فيك على المجهود وعلى الموضوع القيم
كل سنة وأنتم بخير..
.جزاك الله خيرا
و رمضان كريم

[ريمه]

شكرا جزيلا وكل عام وانتو بخير

[*قلبي ملك ربي*]

شكرا اختي الفالبة
يعطيك الصحة و بارك الله فيك
نجربها ان شاء الله و نقولك

[soumiaagro]

merci ma soeur ala la recette mé ana un jaune d oeuf malafanich nlem la pate aya zedtleha lhlib hatan tlamet

[ريمه]

زيدي الماء المره الجايه قد ملعقه
منورين