ورشة لمة لحباب لصدر كروشي من مجلة شهيناز

[kakpop]

السلام عليكم حبيباتي نبداو الدرس على بركة الله بالنسبة لهاذا الصدر

http://im32.gulfup.com/LvzQA.jpg


اللوازم

نحتاجو ثلاثة لون و ثلاثة لون مغاير انتم اختارو الالوان لي تحبو
انا خيرت هذا اللون الاصفر و اللون ابيض

http://up.top4top.net/uploads/2013/04/28/top4top_23a51ef1292.jpg
امابالنسبة للسمسم مبعد نشري ونقلكم الكمية
اولا نخدم سبعة سلسلة ونغلق

http://up.top4top.net/uploads/2013/04/28/top4top_857bcf22576.jpg

ومبعد نطلعو بي عمود و نديرو 12 عمود كما الصورة

http://up.top4top.net/uploads/2013/04/28/top4top_857bcf22574.jpg

و مبعد نطلعو ب ثلاثة اعمدة في سلسلة و مبعد نكملو نديرو كل عمود في سلسلة حتى نوصلو لاخر سلسلة في السطر و نديرو ثلاثة اعمدة في سلسلة


http://up.top4top.net/uploads/2013/04/28/top4top_857bcf22577.jpg

ونكملو الاسطر الباقية بنفس الطريقة وكل مرة نديرو في بداية السطر و في نهايتو ثلاثة اعمدة في سلسلة

http://up.top4top.net/uploads/2013/04/28/top4top_23a51ef1293.jpg

http://up.top4top.net/uploads/2013/04/28/top4top_857bcf22578.jpg

وعندما نوصلو للسطر السادس نقصو منديروش ثلاثة اعمدة في نفس السلسلة نديرو زوج اعمدة في سلسلة ونكملو باقي السطر ب كل عمود في سلسلة حتى نوصلو لنهاية السطر و نديرو في السلسلة الاخيرة كي بداية السطر زوج اعمدة في سلسلة

http://up.top4top.net/uploads/2013/04/28/top4top_cc5b4a7e9a9.jpg

وفي السطر الاخير نغيرو لون الخيط تحبو ديرو اعمدة كيما السطر لي قبلو و لا كيما درت انا عبارة عن تموجات كل وحدة و ذوقها

http://up.top4top.net/uploads/2013/04/28/top4top_857bcf22575.jpg

وكي تكملو ديرو 16 بياسة لدائرة الصدر زائد ثلاثة لي لاصقين في الصدر زائد ستة مرشوشين في لقندورة في الاسفل


http://up.top4top.net/uploads/2013/04/28/top4top_23a51ef1291.jpg

http://im34.gulfup.com/dzfz1.jpg

السطر الاول نديرو 19 سلسلة بين كل بياسة و بياسة
السطر الثاني نديرو 3 اعمدة ثم غرزة حشو ثم 3 اعمدة ثم 3 سلسلة ثم 3 اعمدة ثم غرزة حشو ثم 3 اعمدة و هكذا حتى ينتهي السطر الثاني
السطر الثالث نفس الثاني لكن منديروش 3 سلسلة 2 فقط
السطر للون المغاير و الاخير نديرو 5 اعمدة مع بعض بيض الصدفتين

http://im34.gulfup.com/mr3TS.jpg

http://im34.gulfup.com/tvrUM.jpg

http://im34.gulfup.com/4Y5Qd.jpg

مزال تزيين فقط مبعد كي نزين الصدر نحطولكم
وكل وحدة وطريقة تزينها للصدر
انتظر تطبيقاتكم

[soha1987]

اناااااااااااااااااااا تفيليني ولالا راني مبتدئة فالكروشي راح تتعبي معايا بالشوية عليا راني سلحفاة ههههههههه

[لحن الحياة.]

salaaaaaaaaaaaaaaam bitawfiiiiiiiiiik ya bnat machkora koko

[kiya]

راني معاك بربي ان شاء الله
بصح راكم رايحين تهبلونا مام راهي تضل تعيط عليا قاتلي رايحة تخدمي كلش لي تشوفيها تقولي نخدمها

[abir chemss]

على بركة الله .......انا معاكم و لو باللمة الحلوة ..........موفقة

[inasso R]

راني معاكم وربي يعطيك ما تتمناي

[zeyyan]

http://www.saudishares.net/vb/attachment.php?attachmentid=15460&d=1357241490

بداية موفقة و مبارك عليكم العرس مسبقا
(http://best4all.eu5.org/)

[وليد مولودية]

انا معاك باذن الله قولي برك وش يلزم و يلا على ربي

[كرااميلا85]

انااااااااااااا معاااك حنونة
حطيلنا اللوازم تاعو برك باش نوجدوهم
ان شاء الله نفرحوك بالتطبيقات

[nadoouuch]

merci w rani m3akom golina berk wach lazem w rbi m3ana kamel

[kamilia88]

على بركة الله

[أم أسامة 07]

روعة يعطيك الصحة

[ام ريانو]

هذا هو الصدر الي صوت عليه هههههههههههههههه راني معاك معليش ختي راني مبتدا برك اصبري معنا شوية وقولينا اللوازم والمهم رقم الكروشي للانو عندي أزمة بالنسة للكروشي معرفتش نخدم الرقيق وجزاك الله خيرا على قلبك الكبير وربي يعطيك ما تتمنى ويجعلها في ميزان حسناتك

[زهرة الهضاب 19]

جميل جدا مشكورة أخت كابكوب المعطاءة .....

[أم هجورة]

بالتوفيق يا البنات والشكر الخاص لكاكبوب جزاك الله خيرا
نكمل واش في يدي وراني معاكم انشاء الله

[نهال13]

جزاكى الله كل خير اختى ويعطيك ما تتمناى

[ام محمد و ملاك]

انا ثاني راني مشاركا معاك و راني موجدة الخيط و مستعدة

[hiba71dz]

االه يبارك في السرعة
راني معاك حتى نبدو الورشات الأخرى لكن حتى يوم الأحد باش نشري الخيط

[وردة المنتديات]

الضاهره انا الوحيده الي ما عجبنيش هذا الصدر :mad:هههههه
المهم بالتوفيق ونستنى بلاك يخرج في التصويت الي بغيتو

[abir chemss]

الضاهره انا الوحيده الي عجبنيش هذا الصدر :mad:هههههه
المهم بالتوفيق ونستنى بلاك يخرج في التصويت الي بغيتو

انا الحق رايح نبدى اللي حبيتو حتى توصلنا الدالة .............رانا نسيبورتيو برك ههههههههههههه

[نايليةوافتخر]

انشاء الله نكمل الصدر الي فيدي ونبد معاكم بصح راحنكون بطيئة لاني عندي خدمة

[kakpop]

يعطيكم صحة على التشجيع
ونقول للبنات لي معجبهمش الصدر انا اسفة انا اصلا كنت دايراتو دايراتو قلت نديرو ورشة للاستفادة
بصح راني مزلت عند وعدي ليكم الصدر لي تختاروه نديرلكم ورشة

[abir chemss]

يعطيكم صحة على التشجيع
ونقول للبنات لي معجبهمش الصدر انا اسفة انا اصلا كنت دايراتو دايراتو قلت نديرو ورشة للاستفادة
بصح راني مزلت عند وعدي ليكم الصدر لي تختاروه نديرلكم ورشة

لا لا يعطيك الصحة المودال مليح و يعطيك الصحة على التطوع ...........انا برك حبيت واحد يشجعني في المودال اللي خيرتو الخدمة مع اللمة تحلى

[titi119]

راني معاك نشاء الله

[ام امجد و انفال]

انا نحبك وانت كنت حابة تبداي بلا بيا ياك قتلك خبريني يا الهاربة

على بركة الله .......انا معاكم و لو باللمة الحلوة ..........موفقة

[لمسة من الماضي]

و انا مع اللمة الحلوة


نبدا معكم و في نفس الوقت نستنى الفستان الاحلى الاعلى تصويت

الله يعطيك ما تتمنين اختى كبكوب

[darinedarona]

salam hata ana haba ncharak m3akoum

[ANNA LEULMI]

و الله يا اخت كرونو ديري مزية انا تاني نخدم عليك واحد كيفو وقتاه تبدي باه نخرجنشري اللوازم نتاعو ونشري ثلاث الوان كل لون منو كبة برك

[sakura be]

بالتوفيق بنات وان شاء الله نكون معاكم في ورشة اخرى .....شكرا جزيلا لك اختي kakpop

[kakpop]

و الله يا اخت كرونو ديري مزية انا تاني نخدم عليك واحد كيفو وقتاه تبدي باه نخرجنشري اللوازم نتاعو ونشري ثلاث الوان كل لون منو كبة برك

اهلين بيك اختي
اولا انا مش كرونو انا كاك بوب
ثانيا نتحاجو سته كبات ثلاثة لون و ثلاثة لون و انتي خيري اللونين لي يعجبوك

مش ثلاثة لخاطر ميكفوش

[مرام 1987]

Bitawfik okhti kakpop w rabi yorzkak b doriya in chaa allah ana mazalni mana3rafch nakhdam b khit rkik

[أم هجورة]

وقتاش تبدى الورشة اختي كاكبوب والخيط نشرو المسلك ............في الجبة واشمن نوع خيط راهم خادمين

[staifia]

يعطيك الصحة كبكوب
نحبببببببببببك نمووووووووووووت عليك ههههههههههههههههههه
هدا هو لي كنت نحوس عليه باش ديروه ورشة
بارك الله فيك
فرحت بزاف ههههههههههه

[نادية28]

انا معك اختي لكن معرفتش اسم الخيط المستعمل ممكن تقوليلي لاني مبتدئة ومنعرفش كي نروح نشري واش نقوله اعطيني ومشكووووورة على الورشة

[أم أولادي*]

ان شاء الله نخم معاكم بصح ماشي هذا اللي صوت عليه كنت حابة الاحمر

[dr.omahmed]

وفقكم الله وبصحتكم

[وليد مولودية]

المهم نخدمو هدا الموديل و ممبعد الي تخدم اي موديل تديرنا في بالها تصور لنا الخطوات او تعمل ورشة و هكدا نخدموهم كامل بادن الله و نرضيو كل الاذواق

[scorpionoir]

اولا شكرا لكي على المبادرة
الحرير لازم المسلك ولا يصلح السامبل وزيد الكتان ادا ممكن يجيني في بيزو بيزو ملون كحل وابيض
راني ننخمم نخدم بحرير احمر اللون ؟

[وليد مولودية]

اولا شكرا لكي على المبادرة
الحرير لازم المسلك ولا يصلح السامبل وزيد الكتان ادا ممكن يجيني في بيزو بيزو ملون كحل وابيض
راني ننخمم نخدم بحرير احمر اللون ؟

انا نخدم بالحرير كيما نتاعها وفي البيزو بيزو يخرج حطة سكوربيون اتكلي على ربي واخدميه


وكي تخلصيه حني علينا بكاش ورشة من نفس المجلة رانا عولنا نخدمو الموديلات الكل ههههههههههه

[kakpop]

يعطيكم الصحة كامل
غدا نحط الدرس الاول ان شاءلله وجدور روحكم انا راني حابة نخدمهم كامل نشالله منين نخدم واحد نديرو ورشة ان شاءلله اذا ربي حب

اما بالنسبة للخيط تقدرو تخدمو بالخيط لي تحبو انا خيرت لخيط لمسلك

[ام ريانو]

ربي يحفظك ويعطيك ما تتمني معك إن شاء الله

[ANNA LEULMI]

مساء الاخير الخت كاكبوب انا راني اسفة على الخربطة انتوما في زوج نتاع خير و مشهورين في المنتدى على هاديك نخربط فيكم اعتذر مرة اخرى و شكرا على الرد

[bghal]

السلام عليكم ورحمةالله انا ام لجين نشكرك بزاف الاخت المشرفة على لمة لحباب لانني استفدت منها بزاف ربي يجعل هذا في ميزان حسناتك ولكن انا قروند تاي لذالك نتمنى منك تشرحلي كيف نضاعف القيس نتاع صدر الفاراشا

[kakpop]

راني حطيت الدرس الاول انتظر تطبيقاتكم

[ANNA LEULMI]

شكرا ليك انا فهمت تبانلي ساهلة كي شرحتاها نشالله نطبق و نحطلك التطبيق نتاعي

[janino]

http://im40.gulfup.com/3rlto.gifhttp://im40.gulfup.com/4fK7e.gif

[ام محمد و ملاك]

روعة يعطيك الصحة انا رايحة نبدا نطبق

[nadoouuch]

rani m3akoum khadwa nachri l khit w nabeda
raw3aaaaaaaaaaaaaaaaaaa

[sellamine69]

سلام يعطيك صحة ممكن اختي توريلنا قندورة زرقاء وردة كيفاه نخدموها ربي وفقك ان شاء الله

[staifia]

راني طبـــــــــقت اانا الاولى ههههههههههههههههههههههههه
شفتو وش راني فحلة الله الله هههههههههههه
http://im40.gulfup.com/eA9QP.jpg (http://www.gulfup.com/?fUZ1TS)

[scorpionoir]

انا نخدم بالحرير كيما نتاعها وفي البيزو بيزو يخرج حطة سكوربيون اتكلي على ربي واخدميه


وكي تخلصيه حني علينا بكاش ورشة من نفس المجلة رانا عولنا نخدمو الموديلات الكل ههههههههههه
ان شاء الله بصح لازمني نشري المجلة سع وكي نخدم نديرلكم ورشة مكانش مشكل

[souhaalgérie]

مشكورة اختي

[أم وفاتي]

أنا ثاني راني معاكم لعشية نشري الخيط و نبدا
شكرا جزيلا أختي ربي يبارك فيك

[djamilad66]

oui howa el tatbik machoftouche

[كرااميلا85]

راني طبـــــــــقت اانا الاولى ههههههههههههههههههههههههه
شفتو وش راني فحلة الله الله هههههههههههه
http://im40.gulfup.com/ea9qp.jpg (http://www.gulfup.com/?fuz1ts)

يعطيك الصحة خرجتلك هايلة
لعقوبة لينا
جااااااااااااااااااااااااااااااااري التطبيق

[ام محمد و ملاك]

انا راني طبقت في الابيض و الاحمر لكن اختكم مسكينة زوالية بورتابلها ما يصورش طبعا كسرهولي ولادي هههههههههههه

[المسلمة21]

السلام عليكم
بارك الله فيك اختي كاكبوب جاري التطبيق راني كنت غايبة هادا وين دخلت
حنديرو في البرتقالي و الابيض نكمل و نوريلكم الخدمة انشاء الله
بالتوفيق للجميع

[ام ريانو]

هذه الوحدة اي خدمتها ما خرجتليش كما أنت أختي كالبوب رغم اني تقيدت بامراحل جاتني شوية مفتوحة يا ريت اتقويلي رايكhttp://im38.gulfup.com/gx3h1.jpg

[jackin]

الله يبارك

[كرااميلا85]

صباح الانوار يا بنات واستاذة kakpop
شوفو كيفاش خرجتلي
http://www10.0zz0.com/2013/04/29/07/346610113.jpg (http://www.0zz0.com)
قولولي رايكم

[الجزائرية المحبوبة]

روووعة يعطيكم الصحة

[janino]

yatike el saha ela el ouarcha hayline rabi yarzekeke

[ANNA LEULMI]

يعطيك الف صحة

[وليد مولودية]

راني طبـــــــــقت اانا الاولى ههههههههههههههههههههههههه
شفتو وش راني فحلة الله الله هههههههههههه
http://im40.gulfup.com/ea9qp.jpg (http://www.gulfup.com/?fuz1ts)

ما شاء الله شاطرة بسلامتك ما نخافش عليك

الى الامام الى الامام هههههههههههه

[وليد مولودية]

ان شاء الله بصح لازمني نشري المجلة سع وكي نخدم نديرلكم ورشة مكانش مشكل

ربي يعيشك حنونة نعرفك قد القول ما شاء الله عليك

[amiramirna]

بارك الله فيك
16 للصدر+3
6 مرشوشين في الاسفل ؟؟

[كرااميلا85]

بارك الله فيك
16 للصدر+3
6 مرشوشين في الاسفل ؟؟
مانعرف اختي
ولكن حنا رانا نتبعو في الاستاذة
نظن كبداية للدرس حطتلنا 16
باسكو قاتلنا يتبع في الدرس القادم
اكيد كي تدخل رايحة تفهمنا

[كرااميلا85]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اين انتن يا بنات
استاذة وين رحتو؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟|
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[المسلمة21]

رانا هنا انا بقاولي 4 و نكمل ال16

[كرااميلا85]

ربي يعاونك حنونة انا بقاولي 3

[kakpop]

اسفة على عدم الدخول الله غالب النت تقطعت وهذا وين صلحوها
واش راكم توحشتكم بزاف بزاف
فرحت بزاف بتطبيقاتكم الرائعة يعطيكم الصحة غدا صباحا نحطلكم بقية الدرس

[كرااميلا85]

مرحبا وسهلا بيك
ونحن في انتظار بقية الدرس

[kakpop]

مرحبا وسهلا بيك
ونحن في انتظار بقية الدرس

اهلا بيك اختي والله توحشتكم بزاف اليوم في الليل نحطلكم بقية الدرس ان شاءلله

[المسلمة21]

انشاء الله انا درت 14 وحدة ما نحبهاش بزاف مفتوحة الرقبة في المساء انشاء الله نوريهالكم سايرة دايرة
بالتوفيييييييييييييييييييق

[المسلمة21]

انشاء الله انا درت 14 وحدة ما نحبهاش بزاف مفتوحة الرقبة في المساء انشاء الله نوريهالكم سايرة دايرة
بالتوفيييييييييييييييييييق

[ام امجد و انفال]

اسفة اختي كاكوب بصح مرانيش عرفة علاه مين راني نخدم يجوني دايرين يعني ماشي واقفين كيما جاوك ارجو الافادة

[kakpop]

حطيلي نشوف و نقلك وين الغلط

[ام امجد و انفال]

http://www10.0zz0.com/2013/04/30/20/886248546.jpg
http://www10.0zz0.com/2013/04/30/20/114903828.jpg

[المسلمة21]

هاهو تطبيقي لحد الان
http://im38.gulfup.com/iNJvn.jpg (http://www.gulfup.com/?B8yhfK)

http://im38.gulfup.com/X2zzf.jpg (http://www.gulfup.com/?Tu0eRn)

http://im38.gulfup.com/0eGev.jpg (http://www.gulfup.com/?Lae8NU)

[ام ريانو]

أختي كالكبوب ردي على تطبيقي الله ايخليك للاني محبسة حتى تردي عليا

[kakpop]

اختي ام امجد و انفال اختي الغلط عندك في الجوانب لازم تبداي تزيدي في الجوانب ثلاث اعمدة في حتى توصلي للسطر السادس ديري زوج اعمدة فقط

[kakpop]

هاهو تطبيقي لحد الان
http://im38.gulfup.com/injvn.jpg (http://www.gulfup.com/?b8yhfk)

http://im38.gulfup.com/x2zzf.jpg (http://www.gulfup.com/?tu0ern)

http://im38.gulfup.com/0egev.jpg (http://www.gulfup.com/?lae8nu)

تطبيق رائع يعطيك صحة هكا تفرحوني

[كرااميلا85]

هاهو تطبيقي لحد الان
http://im38.gulfup.com/injvn.jpg (http://www.gulfup.com/?b8yhfk)

http://im38.gulfup.com/x2zzf.jpg (http://www.gulfup.com/?tu0ern)

http://im38.gulfup.com/0egev.jpg (http://www.gulfup.com/?lae8nu)

يعطيك الصحة خرجلك راائع
لعقوبة كي نكمل تطبيقي ونحطو
الله غالب مع بنتي صغيرة راني نخدم بالتقسيط ههههههههههههههههههههههههههههه

[المسلمة21]

شكرا شكرا شكرا فرحتوني نتوما تاني

[kakpop]

هذه الوحدة اي خدمتها ما خرجتليش كما أنت أختي كالبوب رغم اني تقيدت بامراحل جاتني شوية مفتوحة يا ريت اتقويلي رايكhttp://im38.gulfup.com/gx3h1.jpg

اهلين اختي اسفة على التاخير في الرد انت ضعيفة
المهم اختي راكي دايرة عمود وغرزة حشو و عمود و غرزة حشو راكي غالطة
ديري كل غرزة حشو عمود و في الجوانب ديري ثلاث اعمدة في غرزة حشو حتر توصلي للسطر السادس ديري عمودين في الجوانب فقط
نشالله تكوني فهمتي شرحي عاودي من البداية وصوريلي الخطوات و نقلك و ين الغلط نتاعك بالظبط راهي ساهلة

[ام ريانو]

اهلين اختي اسفة على التاخير في الرد انت ضعيفة
المهم اختي راكي دايرة عمود وغرزة حشو و عمود و غرزة حشو راكي غالطة
ديري كل غرزة حشو عمود و في الجوانب ديري ثلاث اعمدة في غرزة حشو حتر توصلي للسطر السادس ديري عمودين في الجوانب فقط
نشالله تكوني فهمتي شرحي عاودي من البداية وصوريلي الخطوات و نقلك و ين الغلط نتاعك بالظبط راهي ساهلة
مشكورة أختي على الرد وربي ايعونك مشكلة النت مشكلة ايضيع كامل الوقت في والو بالنسبة لتطبيق أختي مرانيش دايرة حشو راني خادمة عمود برك بالك صغير ممكن اندير عمود بلفتين باش يكبر شوية واش رايك وفي الجوانب أختي راني دايرة ثلاثة أعمدة

[kakpop]

حاولي ديري بلفتين
و ياريت توريلي تطبيقك بالصور باش نعرف وين الغلط اختي
وارخي خدمتك شوية راكي مزيرة بزاف

[كرااميلا85]

استاذة من فضلك حبيت نسقسيك
كيفاش نلصق البياسات ؟؟
بالابرة والخيط ولا الكروشي؟

[kakpop]

استاذة من فضلك حبيت نسقسيك
كيفاش نلصق البياسات ؟؟
بالابرة والخيط ولا الكروشي؟

اختي انا لبياسات كي نعود رايحا نكمالثانية نلصقها في الاولى و الثالثة في الثانية و هكذا
يعني نخدم و في نفس الوقت نلصق تحبي تلصقي بالخيط و الابرة

[darinedarona]

rmachkouraaaaaaaaa rani bdit f les pieces dert ahmar w
noir

[kakpop]

حطيت تكملة الدرس
انشاءلله نكون وفقت في شرح للورشة

انتظر تطبيقاتكم

[كرااميلا85]

استاذة شكرا ليك والصور واضحة
لكن مافهمتش مليح ياريت تكتبيلنا الشرح خاصة الحساب
فيما يخص الاعمدة شحال والسلسلة اللي بيناتهم شحال
اسمحيلنا على تعبك
وشكككررررررررررررررررررا

[المسلمة21]

نفس السؤال اللي طرحاتو الاخت كراميلا
بارك الله فيك

[برايجية 34]

بارك الله فيك أختي ان شاء الله يستفادوا الأخوات

[kakpop]

استاذة شكرا ليك والصور واضحة
لكن مافهمتش مليح ياريت تكتبيلنا الشرح خاصة الحساب
فيما يخص الاعمدة شحال والسلسلة اللي بيناتهم شحال
اسمحيلنا على تعبك
وشكككررررررررررررررررررا

الاجابة راها في الصورة
لخاطر كتبت في وسط الصورة

[المسلمة21]

استادة اسمحيلي لكن كاين مكتوب غير 19س الباقي ماكاش و حنا علابالك حابسيييييييييين لازم بالتفصيل

[Oum danIne]

ما شاء الله روعة

[kakpop]

استادة اسمحيلي لكن كاين مكتوب غير 19س الباقي ماكاش و حنا علابالك حابسيييييييييين لازم بالتفصيل

ميكون غير خاطرك

[ام امجد و انفال]

خرجلك يهبل واووووووووووووووووووووووو

[kakpop]

خرجلك يهبل واووووووووووووووووووووووو

تسلمي يا لغالية
ادعولي بالشفاء العاجل

[djamilad66]

merci bcp c est tres gentil de votre part

[وليد مولودية]

ربي يحفظك و يعطيك ما تتمناي و يسترك يا احلى كاكبوب بالدنيا

[كرااميلا85]

تسلمي يا لغالية
ادعولي بالشفاء العاجل

ربي يشافيك ويحققلك كل امانيك
قولوووو آآآآآآآآآآآآآآآآآآآآآآآآآآآآآآآآآآآآآمين

[المسلمة21]

ااااااااااااااااااااااااميييييييييييييين
طهورا انشاء الله

[ام ريانو]

ماشاء الله خرجلك هايل وعمل متقن
بالنسبة للخيط مثني ولا على واحد
ممكن الاخوات الي طبقو يجاوبوني بارك الله فيكم

[badra1]

الله يعينكم جميعا في تطبيقاتكم
و كل الشكر لصاحبة الورشة على مجهودها

[kakpop]

ماشاء الله خرجلك هايل وعمل متقن
بالنسبة للخيط مثني ولا على واحد
ممكن الاخوات الي طبقو يجاوبوني بارك الله فيكم

تسلمي حنونة هذا من ذوقك انا مثنيتش الخيط
لكن من الاحسن تثنوه يجيكم احلى

[كرااميلا85]

ماشاء الله خرجلك هايل وعمل متقن
بالنسبة للخيط مثني ولا على واحد
ممكن الاخوات الي طبقو يجاوبوني بارك الله فيكم

انا درت الخيط على واحد مش مثني
الاستاذة قالت من الاحسن مثني لكن عرفت بعد ماكملت

[nadoouuch]

الله يبارك غبت يومين لقيتك كملتي و جاك هايل ماشاء الله سخفتيني لازم نديرو

[ام امجد و انفال]

والله ما خرجلي يا استادة عيت معاه ومخرجليش سرتو مين لصقته جاني مكمش وتعبت

[ام امجد و انفال]

والله انت الغلية
الله بشافيك امين يارب العلمين

[المسلمة21]

للاسف ما درتوش مثني لكن نكمل الحاشية و نعتهالكم

[أم محمد22]

بارك الله في صاحبة الورشة وجعله في ميزان حسناتها

[كرااميلا85]

السلام عليكم
هاهو تطبيقي مازال موش محدد وموش مزين
الصور مش واضحة هذا واش قدرت
http://www5.0zz0.com/2013/05/05/12/704445020.jpg (http://www.0zz0.com)
http://www5.0zz0.com/2013/05/05/12/400932257.jpg (http://www.0zz0.com)
ارجوو التقييم

[كرااميلا85]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟
؟؟؟؟؟؟؟؟؟؟؟

[كرااميلا85]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[كرااميلا85]

:mad::mad::mad::mad::mad::mad::mad::mad::mad::mad: :mad::mad::mad:
وين راااااااااااااااااااااااااااااااكم لبنات؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[أم أنوس]

وعليكم السلام

الصدر روعة
يعطيك الصحة

[نهال13]

جا الصدر هايل ان شاء الله نخرج ونشرى لحواج وندم واحد اكم درتولى القلب

[ميرة البويرية]

السلام عليكم اختي ... هاذا وين بديت الصدر معاكم ... حبيت نسقسيك في هاذوك المثلثات ... طلعتي دوبل بريد ولا واحد عادي ... لاخاطر جاتني صغيرة ... وتاعك ما بانتليش اذا كبيرة ولا صغيرة .... بارك الله فيك .

[كرااميلا85]

حتى انا جاتني صغيرة طلعت بريد سانبل
بصح درت الخيط على واحد جارتي دارت على زوج خرجتلها البياسة كبيرة

[@صفاء الروح @]

والله جميل وشكرا لمجهودك
سأعمل واحد كيفو وحاول نصور الخطوات
لكن للأسف منعرفش كيفاش ننزل الصور

[كرااميلا85]

والله جميل وشكرا لمجهودك
سأعمل واحد كيفو وحاول نصور الخطوات
لكن للأسف منعرفش كيفاش ننزل الصور

اختي باش تقدري تنزلي الصور لازم مشاركاتك تكون 30 فما فوق

[ام محمد معاد]

يعطيك الصحة.راني بادية فيه والخيط درت الروز و الابيض

[كرااميلا85]

يعطيك الصحة.راني بادية فيه والخيط درت الروز و الابيض

الله يبارك اختي
الروز مع الابيض يخرجلك هايل
ربي يعاونك ويوفقك

[staifia]

انا درتو في الازرق والابيض
ضرك نصورو ونحطولكم ههههههه

[رتاج علي]

انا مافهمتش الاخير كيما نديرو السلسة 19 واشاندير ما فهمتش مليح ممكن تعاوديلي الشرح الاخير من فضلك وجزاكي الله كل خير